رواية حب في الصعيد الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم فاطمه الألفي حصريه وجديده في مدونة قصر الروايات
رواية حب في الصعيد الفصل الحادي وعشرون والثانى وعشرون والثالث وعشرون والرابع وعشرون والخامس وعشرون بقلم فاطمه الألفي حصريه وجديده في مدونة قصر الروايات
فى بيت المنشاوى
عوض: عاوزين نتشرفو وناسب جنابك ياحج عبدالرحيم بطلب ايد حفيدتك لولدى المهندز حسين وكل طلابات عروستنا اوامر
عبدالرحيم: حفيدتى تجصد مين بكلامك دوت
عوض : وها ياحج بت ولدك الغايب ميحمد
عبدالله : وحسين شافها وين عاد
حسين : انى إللى موصلها لهنية يوم ماجت من ماصير
عبدالرحيم: ماتاخذناش يا ولدى بس
عامر : جدى يجصد يجلكم ان مقرى فاتحتها على ود عمها
حسين : مين ياعامر
عامر : ماهر ود عمى حدانا كل بت لازمن تجوز ود عمها هو أولى بيها
الجميع فى حالة صدمة من كلام عامر
عوض : وماهر هيهمل بت خالو كيف
عامر : دى مسائل سخصية ونحولها لحالنا
عبدالله ينظر إلى والدة ولا يعلم كيف يتكلم
عوض : بينا ياولدى مالهاش لازمة الجعدة
ماهر : وها مش تشربو الشربات الاول ياحج عوض
حسين: تعيش ياصاحبى نشربوها فى الدخلة انشالله
عوض : بالاذن ياحج
*****
عبدالرحيم : كيف تجول إللى جولتة دلوك الحج عوض هيخبر النجع كلهاتو والحديت يوصل عند زاهية واهلها كيف هنورى وشنا لناس كيف تدبسنة كدية
ماهر : انت فاكر كدية هتجوز حب تبج غلطان انا مش هتجوز غير بت خالى وماليش صالح بكلامك الماسخ اتحدت كيف مابدك بس انى راجل وجد كلمتى وماتغصبش كيف الحريم
عبدالله: انت عاوز اية ياولد اخوى
عبدالرحيم: عاوز يهد إللى عيشت عمرى ابنى فية اتجى الله مافيش جواز غير ماهر على زاهية وهنعمل الفرح من دلوك و3ليالى الدار مش تبطل زمر ووكل النجع كلهاتو ياكل من الدبايح والدخلة بعد 3ليالى عبدالله خبر ابو العروسة ونتعملو كل حاجة من الساعادى فاهمين كيف
عبدالله: امرك يابوى
ماهر : ربنا يخليك ليا ياجدى
عامر : وها يعنى مش عاوز بت ولدك تتجوز منينة لية يا جدى عاوز تسلمها وتهملها تتصرمح عند واد خالها كيف عاوز تسيب شرفك وعرضك لولد كامل
عبدالرحيم بعصبية: اسكت ساكت ورفع يدة ضرب عامر
عامر : بتضربنى ياجدى
عبدالرحيم: كان لازم اضربك من زمان جوى اطلع برة دارى مش عاوز اشوف خلجتك جدام
**********
فى بيت العزازى
فى غرفة جواد ..
جواد بيفكر فى حب وشاغلة كل تفكيرة عايز يصارحها بحبة وخايف يتسرع محتار يعمل اية
****
فى غرفة حب
حب قررت تتصل بوالدها ووالدتها وبعد أن اطمئنت عليهم وطمنتهم على امورها قررت تنام
وفجاة جاءها اتصال
(جواد يتصل )
حب باستغراب: الو جواد فى اية
جواد : ههههه بطمن عليكى مالك لية قلقتى
حب : لا بس استغربت بس انت كويس
جواد : الحمدلله بس مش جالى نوم لو انتى كمان مش جايلك نوم ممكن تنزلى الجنينة نتكلم لو تقدرى
حب : تصدق فكرة انا مافيش نوم خالص
جواد: : خلاص انزلى مستنيكى
حب : ثوانى واكون عندك
جواد : على مهلك اجى اخدك
حب : هههه لية هو انا اتشليت ولا اية ههههه
********
نزلت حب تقابل جواد
جواد : هههههه انتى لابسة جلبية قمر
حب : بطل ضحك مالها يعنى
جواد ..شكلك عسل خالص بس واسعة عليكى
حب : لو فضلت تضحك هسيبك تقعد لوحدك
جواد : خلاص هسكت اهو ههههه
حب : ها والله هطلع انام احسن
جواد : خلاص اقعدى انتى مش جايلك نوم لية
حب : مش عارفة كلمت بابا وماما وكنت هحاول انام بس انت كلمتنى
جواد : عرفو حاجة
حب: لا طبعا هيقلقو علية لو عروفو وممكن ماما تخلى بابا يجبها دلوقتى انا عارفة
جواد : معاكى حق
حب : طب انت لية مش جالك نوم
جواد : بالى مشغول بفكر فى حب :
حب بزعل : بتحب
جواد بابتسامة: اة فعلا الحب دة نعمة من عند ربنا كنت مفتفدها لحد لم شوفتك
حب بصدمة : نعم
جواد بابتسامة: لم شوفتك غيرتى كل مفاهيمى عن الحب وقلبى دق ليكى انتى وبس حب انا بحبك انتى
حب بكسوف : انا
جواد : ايوة بحبك انتى إية بتحبينى
حب بتوتر: انا انا لازم اطلع انام تصبح على خير
جواد : حب استنى مش تهربى
*********
صعدت حب إلى غرفتها فى كسوف وتوتر ..:
حب لنفسها: بيحبنى بيحبنى يعنى انا قلبى دق لشخص الصح يااة معقول اكون حبيت فى المدة دى انا بس هنا من اسبوعين هو الحب بيجى بسرعة كدة هى مشاعرى صح ولا غلط حب دة ولا اعجاب بس انا قلقت علية اوى وكان قلبى هيقف من الخوف علية وهو كمان حبنى دة صارحنى وقلى بحبك بجد ولا انا بحلم ولا اية ..
فى نفس الوقت صعد جواد إلى غرفتة وظل يفكر هل تحبة حقا مثلا مايحبها ام ترفض حبة بصمتها
جواد لنفسة : يعنى هربت منى كسوف ولا رفض ومش عايزة تجرحني لا عنيها بتقول انها اتفاجت بس من كلامى بس هى اكيد بتحبنى يوة اية يخلينى واثق اوى كدة ومتاكد من حبها خلاص ابعت لها ماسج واشوف لو ردت علية هتكون بتحبنى ولو مش ردت يبق بتنفضلى بأسلوب مايجرحش
""بعشق وجودى وانا معاكى ؛؛مجرد التفكير فى ملامحك يجبرنى على الابتسامة..""
***************
فى غرفة حب
جاء ماسج
حب : يوة مش هعرف انام فى ام الليلة دى بقى
حب قراءت الرسالة واتفاجت انها من جواد
حب بابتسامة: طب ارد اقولة اية دة بس اوف بقى
لو مش رديت علية بماسج ممكن يدايق ويفهم انى مابحبوش ولو رديت مش عارفة اقول اية مافيش غير الماسج دة ههههه
********
ظل شارد فى غرفتة ينتظر قدوم ماسج ليطفى لهيب قلبة المطتعش إلى مجرد كلمة من محبوبتة يمسك الهاتف ويتطلع الية وفجأة رنة وصول الماسج
جواد بارتياح : الحمدلله يبق بتحبنى بتحبنى
فتح الماسج وانصدم من الرد
"""تصبح على خير احلام سعيدة """
جواد : احلام سعيدة ياحب بقى دة الرد إللى انا مستنظرة منك ماشى بس كدة فهمت بتتقل ياجميل هفرجك التقل على اصولة دة انا صعيدى وابويا صعيدى ودماغى هتعجبك اوى
ههههه
*************
فى بيت عوض
حسين بغل: عاجبك إللى حوصل يابوى انا لازمن اخلى فرحهم جنازة يابوى بج انى يرفضونى ولد المركوب عاد
عوض : هملى الموضوع دوت اكيد فى حاجة واعرة جوى
حسين : هاخد حجى وحج عمتى وهجلبها ميتم على دمغاتهم كلهاتهم
عوض : هتعمل اية ياولدى
حسين : هوجع العيلتين فى بعض وتجوم حريجة تخلص طارنا وتبرد نارنا هتشوف ولدك هيعمل اية
******
خرج عامر بعد أن طردة عبدالرحيم
راح الأرض يقعد ويفكر زين
عمار : اية إللى حوصل ياخوى عشان جدى يضربك ويطردك من الدار
عامر : جدى بج جاسى من ساعت مابت امنة حطت رجليها فى الدار
عمار : الحجيجة ياعامر بت عمك مش شوفنة منيها حاجة عفشة البت زينة وطيبة وكمان صاحبة عية مريضة ياخوى
عامر : وها كلهاتكم عجشتوها ياولد ابوى
عمار : وها ياخوى هى كيف خيتى وانى متجوز بت عمى
عامر : طب هملنى لحالى دلوك بج انى دلوك الظالم مش رايد مصلحتكم كلهاتكم انا غلطان انى فكرت فيكم
عمار: ياخوى فهمنى كيف رايد مصلحتنا وعاوز تخرب بيوتنا وتجوز حد منينا بت عمك ماتتجوز إللى جلبها رايدو احنا ملناش صالح بيها عاد
عامر : وها وعمك ياجفل مش هيرجع وعاوز يقسمنا فى ارضنا ومالنا والبت حب دى تجوز ولد الغزازى وياخدوة ارضنا كيف ترضى بدية ياجفل كيف
عمار: هم يعنى العزازية مستنين ارضنا ماهمو عنديهم ارض يرمح فيها الخيل وعندهم تل مال هيبصو لارضنا ياخوى
عامر : روح لمراتك يا ولد ابوى انا مش ناجصدك السعادى هملنى
**********
مها منتظرة عمار
عمار : لساكى مانعستيش
مها : كيف انعس وانت برة كيفو عامر دلوك
عمار : عامر شايط ومش طايج نفسة
مها : صوح عامر كان عاوزك تجوز حب بت عمى
عمار : هو دة إللى مطير النوم مش كدية عاد هههههه يابت انا بحبج يابجرة وانتى الغالية إللى فى الجلب
مها : بتتحدت صوح
عمار : اتوحشتك ياصرمة جديمة هههه تعالى اجولك بحبج كيف
مها : لا بعد عنى عشان هجولك خبر زين
عمار : جولى ياجلب عمار
مها : انا حبلة فى الشهر التالت يعنى هجبلك ولد تفرح بية
عمار : بتتحدتى صوح انتى حبلة
مها : ايوة يوم ماضربتنى كنت عرفت ومارضيش اجولك كنت واخدة على خاطرى منيك
عمار : حجك علية ياجلبى ياريت يدى اتجطعت جبل ماتتمد عليكى يا ام عبدالرحيم
مها : بعد الشر عنيك بس نسمو رحيم عشان تكون ابو رحيم
عمار : والله مامكسر كلمتك ياام رحيم
الفصل الثاني والعشرون
فى بيت المنشاوى
الجميع يعمل على قدم وساق لاتمام مراسم زفاف نجل العيلة ماهر
كانت الحريم فى المطبخ تعد العدة لطهى الطعام والشرب وبدات رجالة العيلة فى التواجد والمشاركة والتهنئة للحج عبدالرحيم
ودبح الدبايح وتطهيها وتوزيعها على فقراء النجع والدعاء لكبير العيلة..
والعروس واهلة يفرشو غرفة العرسان
والبنات مهجة ومها مع زاهية يتحدثو فى أمور الجواز ....
*****
فى بيت الحاج صبرى العزازى
صبرى: يكفيك يابتى
حب: الحمد لله ياجدو
صبرى: فرح ولد عمك ماهر بكرة لازمن تروحى وتجفى معهم
جواد بقلق : بس هى لسة تعبانة ياجدى
حب : هو فرح ماهر بكرة ازى دة كان بعد أسبوعين انا بعد اذنك ياجدى هتصل على جدو الاول اعرف اية سبب التغير دة
صبرى: ومالو يابتى
حب : عن اذنكم هطلع اوضتى واكلمة ..:
صعدت حب إلى غرفتها..
حب تتصل على رقم ماهر
بعد فترة جاءها الرد
ماهر : الو كيفك يابت عمى
حب : الحمد لله ياعريس الف مبروك صحيح فرحك بكرة
ماهر : ايوة عبجالك
حب : بجد طب اية خلى جدو يقدم كدة الفرح
ماهر : انتى خابرة جدك خاف ليتعب باين هههه
حب : طيب سلملى على الكل عندك وانا هاجى احضر فرحك ياعريس
ماهر: تشرفى يابت عمك عبجال ليلتك يارب
حب: شكرا مع السلامة
***********
نزلت حب إلى مكان جدها
حب : جدو ينفع اروح انهاردة مش بردو هتكون فى حينة وكدة انا نفسى احضر
صبرى: واجب يابتى انا كمان هاجى معاكى نبارك ونهنى برضك
جمال : وها هتروح برجلك عنديهم ياجدى طب هى بتهم عاد لكن انت تروح لية
صبرى: جمال مالكش صالح ماحدش طلب منيكم تروحو انا هعمل الواجب مع اهل حفيدتى عاد :
جواد بغيظ : يعنى عايزة تروحى هناك مش انتى تعبانة ماتتكلم يادكتور ينفع تروح
وليد بابتسامة: تروح بس ترتاح وماتعملش أى مجهود
جواد : دة إللى ربنا قدرك علية
حب: انا كويسة ومش هتعب نفسى فى حاجة بس هشارك معاهم بس نفسى احضر فرح فى الصعيد
كريمة : ربنا يسعدك يابتى ونفرحو بيجى وتلاجى ولد الحلال اللى يستاهلك
صبرى : عبجال الرجالة الاول ياحجة ادعيلهم
كريمة.. دعيالهم ياحج والله نفسى افرح بيهم ونجوزهم ياحج
وليد : طيب انا رايح المستشفى سلام عليكم
الجميع : وعليكو السلام
******
فى غرفة حب تبدل ملابسها :
طرق الباب بغيظ ودخل
حب : هو انت علطول متسرع كدة افرض بغير هدومى مش عيب تدخل من غير مااقول ادخل
جواد : انا استنيت كتير وقولت اكيد غيرتى ومش حابب افضل على باب عشان مش حد يشوفنى
حب : أة عارفة ويفهم غلط مش كدة بم انك خايف حد يشوفنا يبق وجودك هنا غلط ولا اية
جواد : انا مش خايف على نفسى خايف عليكى انتى مش عايز حد يفكر فيكى غلط
حب : ههههه بجد طب داخل اوضتى لية مش دة عيب ومايصحش ولا اية
جواد بتوتر : ياستى اسف بس عاوز اتكلم معاكى اعمل اية وانتى عايزة تمشى دلوقتى وتروحى هناك وانا خايف عليكى ومش بحبك تروحى هناك
حب : بس هم اهلى زيكم بالظبط
جواد : طب ماتتاخريش تيجى علطول بعد الفرح اوعى تطولى هناك
حب : حاضر حاجة تانى
جواد بحب : هتوحشينى
حب بكسوف : لازم انزل لجدو
جواد بيقرب منها : ماتهربيش منى قولى أى حاجة هو انا مش هوحشك ولا اية ها
حب : ها
جواد : مش رديتى هوحشك ولا اية
حب بكسوف : اية ههه
جواد : حب بصيلى عايز اعرف ردك على كلام امبارح اية
حب بتوتر : كلام اية
جواد بهمس : لو عايزة اقولك مشاعرى تانى ماعنديش مانع انا بحبك
جواد قرب وبص فى عنيها ورفع وشها وتقابلات العيون
حب بتوتر: انا انا
جواد بحب : انتى اية
حب بكسوف: بحبك
جواد بهمس : قولتى اية
حب بتوتر : لازم انزل عشان
جواد قرب من شفايفها وطبع قبلة رقيقة
حب بصدمة وتوتر : انت ازى تعمل كدة
جواد بابتسامة : عملت اية
حب بكسوف: هقول لجدو
جواد : ههههه هتقولى اية بقى لجدو ها ا
حب : انت قليل الادب وخرجت بسرعة من الغرفة ودقات قلبها تتزايد من شدة التوتر والكسوف
*******
جواد بابتسامة: الله يخربيتك ياجواد انا عملت كدة ازى دلوقتى تقول علية اية مش عارف اتحكم فى مشاعرى وقالت علية قليل الادب خبر اسود ممكن تفضل هناك وماتجيش عشان أنا موجود غبى ياجواد لية مش قولتلها ان كلمت جدى وهتجوزها يعنى مش بلعب بيها لازم كنت فهمتها ان اتكلمت مع جدى دلوقتى تفهمنى غلط
********
صبرى : اركبى يابتى ورى فى العربية وانا هركب جار عمك حسن مالك انتى مرضانة
حب بتوتر: لا لا ياجدو كويسة ماتقلقش
صبرى : طيب يابتى
صبرى : حسن ودينا عند الحاج عبدالرحيم المنشاوى
حسن: امرك ياحج
**********
بعد مدة وصل الحاج صبرى إلى بيت المنشاوى ورحب بية الحاج عبدالرحيم وجلس معهم فى غرفة الضيوف وذهبت حب تسلم على جدتها وجلست مع البنات ..
مها : كيفك ياحب اتوحشتك
حب بابتسامة: وانت يامها واحشانى اوى عاملة اية
مها : الكول عرف انى حبلة ومرت عمى فرحت جوى عشان الولد عاد هههه
حب: ههههه المهم تبعد عنك طب عمار
مها : عمار ناجص يشلنى من على الأرض ووافج اسمى الود رحيم
حب بابتسامة: ربنا يقومك بالسلامة ويسعدكم
مها : يارب ياخيتى ويسعدك
حب: هى مهجة لية مش قبلانى انا عملت اية دى حتى ماقالتش الف سلامة حتى
مها : سيبك منيها هى كدية
زينب : كيف صحتك يابتى انشالله تكونى بخير
حب: الحمدلله ياطنط مش هنروح عند العروسة مش انهاردة الحنة بتعتها
زينب : ايوى يابتى عبجال حنتك يابتى
بهية : انتى مش بتستحى على حالك جية هنية لية عاوزة اية ياخرابة البيوت من ساعة لم دخلتى الدار والنحس حاوطنا غورى عاودى مطرح ماجيتى وهملينا وهملى ولادى وهملى حريم الدار
نجية : بهية مالك ومال بت ولدى هى هنية فى دارها ودة مطرحها والكل يتحدت معها زين واللى مش عاجبو مش يتحدت معها واصل همليها لحالها وروحى لحالك
بهية : طيب ياحجة بجى انا غولطانة دلوك
*********
نجية : تعالى يابتى اطلعى ريحى فى قاعتك يانضرى ومش تتقدرى من مرت عمك هى كدية بهية مدب كيف البجرة اوعاكى تاخدى على خاطرك
حب بدموع : انا ماعملتش حاجة ياتيتة ومش عارفة هى لية تقصد كدة من كلامها بس جدو قلى ان عامر هو إللى كان عاوز يتجوزنى عشان الفلوس والأرض وبابا مش عاوز حاجة غير ان عيلتة تقبلة وسطهم لية همهم الاول والأخير الأرض والفلوس وبس مش مهم عندهم اهلهم بابا وماما وانا ياتيتة مش بشر مش فارقين معاهم
نجية : تعالى فى حضن ستك ياجعطة من جلبى وامسحى دمعتك يابت الغالى بشم ريحة ابوكى الغايب فيكى اتوحشتو جوى جوى انا جولت لجدك يتحدت مع ابوكى ويجى يحضر الفرح معانا وهيوافج انا خابرة جدك
حب: بس انا شايفة ان الوضع هنا متلخبط والامور هى هى على وضعها ما زال التار قايم مافيش تصالح لسة
نجية : ربنا يصلح الحال
الفصل الثالث والعشرون
ليلة الحنة فى بيت العروسة
ذهبت نجية والبنات والأطفال وذهبو إلى بيت العروسة..:
كانت زاهية ترتدى عباية من اللون الاحمر عليها تتريز من الدهبى عند الصدر وعليها طرحة من الشيفون الاحمر ..
كانت جميع حريم العيلة يجلسو بجانب العروسة ويعلو صوت الزغاريد والطبل..
حب بابتسامة تبارك للعروسة: الف مبروك يا زوزو زى القمر ماشاء الله
زاهية : الله يبارك فيك يا خيتى عبجالك يارب
حب: تسلمى ياقمر
سلمت نجية والبنات على العروسة
فى نساء تتهامس عن وجود حب
شوقية : مين البنتة اللونة دى إللى جار الحجة نجية
سميرة : دى بجولو بت ميحمد إللى كان هارب مع امنة بت العزازية
شوقية: وها وهو رجعو النجع ولا اية
سميرة : لا ماحدش جال انهم رجعو بس نعرف أن بت ولدة ميحمد هنية
شوقية : ماتجومى يالونة ياحلوة انتى تترقصى مع البنتة
نجية : لا بتى مش هتجوم من جارى عاد وهملوها ياشوقية
شوقية : وها ياحجة بدنا تفرح مع البنتة
حب: شكرا يا خالة انا كدة كويس
نجية : وهى فرحانة جارى بعدو وشوفو حالكم حريم هم
نجية : جومى يابتى كفيانا كدية عاد
مها : لسة بدرى ياستى
نجية : جومى شوفى العيال وين وخبرى مهجة نعود الدار عشان جدك جال مش تعوجو الدار مليانة رجالة عيب نتوخر بينا يابنتة
حب: طيب ياتيتة
أم زاهية : مش لم يتحنو الاول ياحجة
نجية : مااحنا عندينا حنة برضك يا سمرة تعيشى
سمرة ام زاهية : نورتونا ياحجة وعبجال بت ميحمد يارب
نجية : تسلمى وتعيشى يا سمرة ربنا يتمم بخير
*********
فى الطريق إلى البيت لمح حسين حب مع جدتها تمسك يدها وتمشى ببطئ على خطوات جدتها:
اما مها ومهجة كانو سابقين فى خطوتهم..
حسين لنفسة : ياحلاوة يا جدعان معجول تروح حنة ضرتها ولا لية عامر جال لينا كدية
حسين: كيفك ياستى
نجية : مين حسين ازيك ياولدى
حسين ينظر إلى حب : بخير ياستى كنتى فين كدية واخرى
نجية : عبجال عندك ياولدى حنة زاهية كونا هناك عبجالك
حسين : ربنا يخليك يا ستى
عبجال الانسة مش دى بت عمى ميحمد برضك
نجية : أيوة ياولدى
حسين: ازيك يا انسة حب مش كدية
حب بابتسامة: أيوة مش حضرتك وصلتنى بيت جدى اول مرة انزل
حسين : ايوة صوح نورتى بلد ابوكى
حب: شكرا
حسين : هوصلكم لحد الدار ياستى عشان الدنيا ليل
نجية : ومالو ياولدى انت مش غريب
وصل حسين نجية وحب وطول الطريق ينظر إلى حب :
نجية : كتر خيرك يا ولدى تعالى اشرب شربات خيك ماهر
حسين: بكرة بجى ياستى انا لسة سايب الرجالة
حسين : عبجالك
حب: شكرا عن اذنك
حسين : اتفضلى ياجمر
*********
حسين بيخطط على القهوة
بيتحدت مع صديقة سيد
سيد: يعنى ناوى تعمل اية يا صاحبى عاد خبرنى
حسين بمكر: كنت ناوى اجلب الفرح ميتم بس لم اطلعت لحب بت ميحمد غيرت فكرت الجتل وجولت لازم تكون فى دارى عشان كدية عاوز تفكر معاى وتشوف صرفة كيف تكون عندى الدار كيف اتجوزها وعيلتها كلهاتها تطلب منى اتستر عليها وعلى شرفهم واتجوزها كيف ماعامر جلعنى من دارهم جفاى يجمر عيش لازمن يطاطو راساهم والبت كيف لهطة الجشطة ودخلت دماغى ومش هطلع واصل
سيد : هههههه ومالو نخطط زين ..
**************
بعد يوم الحنة الجميع ذهب لينام..
فى غرفة حب ظلت شاردة حزينة تريد أن تجمع شمل عائلتها تريد أن تقرب عيلة والدها إلى عيلة والدتها ومرة وقت ولا تستطيع أن يتغير شئ....
******
فى غرفة الحاج عبدالرحيم المنشاوى
نجية : ربنا يتمم الفرح على خير ياحج جلبى متوغوش
عبدالرحيم: خير ياحجة كلو خير من عند ربنا
نجية : اتحدت مع ميحمد
عبدالرحيم: أيوة وخبرتة يجى يحضر فرح ولد خية وبعد الفرح نعمل جعدة صولح ياحجة بين العيلتين احنا بيناتنا بت ميحمد لحمنا ولحمهم ياحجة
نجية : ربنا يصلح الحال على خير يارب يعنى هشوف ولدى عشية والله مامصدجة ياحج اتوحشتو جوى
عبدالرحيم: ومين سمعك ياحجة ربنا يهدى عامر هو دى إللى متوغوش منية لم يشوف عمة
نجية : وها عامر طيب ياحج بس العجربة امة هى إللى كيف العجرب بتلدغ فية وهو ياحبة عينى ماشى وراها كيف السحر
عبدالرحيم: ربنا يهدية
************
فى شقة مصر الجديدة
محمد : امنة انا مش مصدق ان ابويا كلمنى وعاوزنى ارجع احضر فرح ماهر ولد عبدالله
امنة : انا قلبى مش مطمئن خايفة يامحمد
محمد : ههههه انتى علطول كدة يامنمن بنتك عندها حق
امنة : لية بقى
محمد : كنتى قلقانة تروح عند اهلها ودلوقتى اهلك واهلى مرحبين بيها وحبوها وهى لوحدها تقدر تقرب المسافات عرفتى ان كان معايا حق تنكرى دة
امنة : لا مانكرش بس فى خوف بردو جوايا
محمد : لازم نخاف من المجهول ياامنة بس خلى املك فى ربنا كبير
امنة : ونعم بالله : اتصل نكلم حب ونقولها رايحين بكرة
محمد : لا لازم تفرح بينا وتكون زيارة غير متوقعة انا قولت للحج عبدالرحيم بلاش يقولها عشان تكون مفاجاة حلوة
امنة: اة منك يامحمد علطول كدة مابتسمعش كلامى خالص
محمد : هههههه كيف بدى ايانى اسمع كلام حريم انا راجل صعيدى ياحورمة اتحشمى وانتى بتتحدتى مع راجلك ههههه
امنة : ههههه ماشى ياصعيدى تصبح على خير عشان نسافر بدرى
محمد : براحتنا هنسافر بعربيتى وقت لم نصحى نفطر ونتوكل على الله
امنة : طيب نام كويس عشان تقدر تسوق المسافة كبيرة
محمد: ربك هيسهلها..
**********
فى المنيا فى غرفة جواد
جواد بقلق : ياترى بتعمل اية دلوقتى لازم اكلمها اسمع صوتها قبل ماتنام ..
*******
فى غرفة حب
خلعت عباية مها وارتدت بيجامة النوم وفجاة الموبيل رن
حب: جواد اوبااا لية نبض قلبى زاد اوى كدة انا حاسة انى هنصهر يالهوى اسبت بقى على دقاتك
حب بتنهيد : الو
جواد : حب واحشتينى عاملة اية
حب بتوتر: الحمدلله
جواد : تعرفى مش جايلى نوم عشان انتى بعيد عنى انتى ساكتة لية
حب : ها عادى بسمعك
جواد : طب اية كنتى بتعملى اية
حب : جيت من عند العروسة وكنت هنام دلوقتى بس تعرف كانت الحنة جميلة بس الستات كتير والكل لابس اسود فى اسود تحس انك فى عزاء مش فرح هههه
جواد : هههه هم الستات هنا لازم تلبس اسود طب انتى لبستى اية
حب : اسود طبعا انت عاوز جدى يطخنى عيران هههه
جواد : هههه طب كنتى هتنامى من غير ماتكلمينى
حب : نعم
جواد : نعم الله عليكى ياحبيبة قلبى
حب : طيب تصبح على خير بقى
جواد: لا استنى انا لسة مش خلصت كلامى :
حب : خير فى اية تانى
جواد: مش هقفل غير لم تقولى انا واحشتك ولا لاء
حب....
جواد: ساكتة لية انا عارف ان وشك دلوقتى زى الفراولة يارتيك كنتى قدامى دلوقتى عشان اقطف الفروالية من شايفك
حب بشهقة: وبدون وعى وضعت يدها على شفايفها تحميهم وكان جواد هيلتهم شفايفها فعلا
جواد بابتسامة: هههه مالك فكرتك مش كدة
حب بتوتر : انت قليل الادب وهقول لجدو وابية جمال عليك
جواد : هههههه مش هتقدرى ههههه عشان انا إللى هقول لجدى اول لم الفرح يخلص عندكم هيتنقل عندنا الفرح وهتجوزك ياحب عمرى
حب بابتسامة: نعم دة انت بتحلم هههه
جواد: لية مش عاجبك
حب: لا مش هوافق عليك اصلا
جواد: عيب يا ماما انتى مش عارفة بتكلمى مين دى انا الداخلية بتتهز منى العبى بعيد ياشطورة وكلمى راجلك بحنية عاد مايصوحش كدية
حب: هههههه لا يوصوح ونص كمان
جواد: مش قد الصعيد ماتتكلميش صعيد ياحبى ههههه
حب : هاا
جواد: فى اية مالك
حب بخوف : جواد فى حركة غريبة تفتكر فى اية حرامى
جواد: ههههه حرامى اية يامجنونة انتو عندكم فرح يعنى البيت مقلوب دلوقتى استهدى بالله كدة ونامى تصبحى على خير
حب: صح عندنا فرح سلام
جواد: كدة بتبعي جوزك فى لحظة هتوحشينى وهكلمك بكرة اطمن عليكى وبعد بكرة تكونى هنا هاجى اخدك مع جدى
حب بابتسامة: تصبح على خير
جواد : وانتى من اهلى ياحبى
*************
اغلق جواد الهاتف مع حب بابتسامة وأمل
أن حب سوف تكون من نصيبة عاجلا..
*******
حب بابتسامة: تصعد إلى سريرها وتقف وتنطيط تنطيط كلة يهيص كلة يزيط
ياة بحبة والله العظيم بحبة لازم بكرة بعد الفرح احكى مع بابا وماما لازم اقولهم على مشاعرى مش ممكن بق انا احب بسرعة كدة هو جواد عملى اية خلانى احبة اوى كدة
اهدى ياقلبى اهدى شويا كدة وخليك مكانك بلاش تفضحنى لا انا مش هقدر ابص فى عنية تانى انا هفضل هنا مش هروح دلوقتى انا مكسوفة منة اوى انا احسن حاجة انام
الفصل الرابع والعشرون
استيقظ محمد وامنة وبعد ان فطرو توجهو إلى السيارة ليقودها محمد وبجانبة زوجتة ويتوجهو إلى الصعيد ....
**********
فى بيت المنشاوى
الجميع يعمل على قدم وساق فى المطبخ الحريم بيعملو اكل الفرح..
والرجال فى الخارج يظبطو الفراشة لعمل شادر كبير للعرس..
***********
حب: مها انتى تعبانة ماينفعش تشيلى تقيل هاتى عنك
مها : مش تجيل ولا حاجة دة مفرش العرايس هطلع افرشة على السرير
حب بابتسامة: خلاص هاتى هعملو بدالك مش تتعبى نفسك
مها : تسلمى ياخيتى والله شايلة همى اكتر من خيتى مهجة
بهية تاخذ المفرش من يد حب : هاتى من يدك مش هتطلعى قاعة العرسان يمكن ترشى حاجة كدية ولا كدية ماانتى كيف الحية امك ماكانت ساحرة لبوكى
زينب : عيب كدية يابهية حب كيف البنتة وماهر خيها بلاش تجولى كدية
حب بدموع : انت لية كارة امى اوى كدة عملتلك اية وامى مش حية فاهمة ومش هسمح بأنها تتهان من حد
بهية: ماترفعى يدك وتضربينى يابت امنة احسن هخاف منيكى
زينب : خدى يابتى اطلعى افرشى للعرايس
حب: لا ياطنط بلاش مش عايزة
ماهر : والله ماحد يدخل القاعة غيرك ياخيتى وتفرشى المفرش ولا تبكى ولا تزعلى عاد
حب بابتسامة: مبروك ياعريس
بهية: بكيفكم انا كنت خايفة على ولدك انتى حورة عاد
مها : اطلعى ياحب وانا هشوف ستى اعمل معاها حاجة ..
**********
دخلت حب غرفة العرسان وفرشت المفرش على السرير وفكرت تعمل لهم حاجة تفرحهم ..
نزلت الجنينة وقطفت ورد احمر كتير وطلعت غرفة ماهر تانى ونثرت الورد وقطفتة ورقة ورقة على السرير وعلى الأرض بقى شكل الغرفة رومانسية وابتسمت فى رضا وخرجت
************
فى بيت الحاج صبرى العزازى:
كريمة : والله حب اتوحشتها كانها غايبة من سنة كدية
حكم : وها هى لحجت يااماى يادوب يومين
صبرى : والله حديتك صوح ياحجة البت اتوحشتها جوى جوى
جواد بابتسامة: يهمس: ومين سمعك يا جدى
جمال : بتجول حاجة ياجواد
وليد بغمزة : لا بيكلمنى انا ههههه
جواد: مضايق من قعدة البيت مش ضارى على كدة
حكم : روح الأرض وشم الهوا ياولدى
جواد: اة هروح عند الخيل تيجى معايا ياوليد
وليد : هو انا فاضى زيك انا دكتور قد الدنيا وعندى مستشفى ههههه سلام عليكم
جواد: ماشى ياعم المشغول
صبرى: انا هاجى معاك الأرض ياولدى جوم بينا
جواد: حاضر ياجدى
*************
صبرى : جولى بجى ناوى على اية عاد
جواد: تقصد اية ياجدى
صبرى : انت خابر زين ياولدى رايد بت عمتك ومستعد تجف فى وسط اهلها وتطلب يدها ونسعى للصلح ياولدى
جواد: مستعد ياجدى انا بحبها وعايز اتجوزها واوعدك هتكون فى عنية وربنا يقدرني واسعدها
صبرى : مش توعدنى انا ياولدى ابوها موجود وأهل ابوها لازمن هتطلبها منيهم دى الاصول ياولدى
جواد: وانا عايزك معايا ياجدى وانت عارف انى عايز الصلح من زمان من ساعة ماعرفت باللى مكتوب فى المحضر بتاع قتل ابويا والحج عبدالعزيز
صبرى : لسة محتفظ بالورج
جواد: أيوة ياجدى معايا
صبرى : خلية عشان نثبت براءت ابوك من دم ولد عبدالرحيم وكمان يثبت براءت عبعزبز
جواد: عايز نعمل قعدة فى البيت ياجدى تتكلم مع عمى وجمال وكامل فى موضوع الصلح وكمان جوازى لازم يوافقو ويقتنعو
صبرى : ومالو ياولدى نتحدت معاهم
جواد يقبل يد جدة : ربنا يخليك لينا ياجدى
**************
فى بيت المنشاوى
بعد الغدا الحج عبدالرحيم يجلس مع الرجال والمزمار البلدى
عبدالله : يرحب بالرجالة ويقدم واجب الضيافة
والحريم بالبيت
ذهبت حب ومها ومهجة إلى بيت العروسة
مها : مرت خال فين العروسة :
سمرة : بتستحمة خالتها نرجس بتليفها عشان حمومة الفرح بجى وهتعدلها
حب: هههه
مها : بتضحجى على اية احنا كدية لازم نتبرش وننتقع يوم الفرح ههههه عشان ننور كيف النضة كدية
حب: هههه اة قصدك لمبة
بعد ساعة اتجهزت العروسة ولبست فستان ابيض ستان متفصل طبعا وجلست
البنات ترقص وتصقف ورقص صعيدى وحب تضحك على طريقة الرقص
زاهية تمسك يد حب وترقص معها وحب تقلدها وتتمايل معاها
وصوت ضرب النار شغال يعبر عن فرحتهم وصوت المزمار الصعيدى
*********
بعد مدة جاء ماهر على حصانة عشان يستلم عروستة
سمرة : غطى وشك ياعروسة عريس برة ابوكى هيسلمك لية دلوك
زاهية : مش هتيجى معايا عند عمتى يا اماى
سمرة : وها هاجى يابتى عشان اطمنو عليكى امال اية عاد
حضر والد زاهية وسلمها لماهر وماهر مسك يدها ووضغها على الحصان وجلس خلفها وذهب إلى بيت المنشاوى ..
فى بيت المنشاوى تعالت أصوات الزغاريد واصوت ضرب النار ترحيب بالعروسة..
وحملها ماهر من على ضهر الحصان وتوجة بها إلى داخل البيت وصعد بها إلى غرفتهم ..:
**********
على الطريق كان يوجد حادث موروع سيارة ملاكى انصدمت بعربية نقل محملة الطوب الاحمر على طريق المنيا وجاءت سيارات الاسعاف وتم نقل المصابين إلى المستشفى القريب من مكان الحادث
***********
بعد لحظات من دخول العرسان كان الاهل ينتظرون قدوم البشارة والاطمئنان على العرسان فهذا طبع الصعيد..:
حب مستغربة : مها هو لية كلهم واقفين كدة ومستنين اية مش خلاص الفرح خلص
مها بابتسامة : لسة لم يشوفو المنديل هيضربو نار تانى وبعدين خالى يطمن على بيتة ويروحو بج ويجو الصبح الصباحية بجى عاد عبجالك ياجمر انت
حب: مش فاهمة حاجة بس قلبى مقبوض وخايفةمش عارفة لية
مها : ههههه وها خايفة من اية امال زاهية توعمل اية عاد ربنا معاها هههه
وبعد لحظات خرج ماهر من غرفتة واعطى والدتة المنديل وعلت اصوات الزغاريد وضرب النار والمباركات..:
حب بخوف : اية دة هو فى كدة اية التخلف دة
بهية : وها وانتى مخلوعة لية عاملة عملة اياك هو دة عندينا شرف البنتة لازم الكل يشوفة ويتواكد منية ولا انتم بندر عاد ومش بيهمكو الشرف
حب : انا مش بتكلم معاكى ومن فضلك بلاش توجهى لية كلام وبعدين انا قصدي دى خصوصية مش لازم كل البلد تعرف بيها دى حياتهم ودة اسمة انتهاك لحرمتها مش اطمئنان زى ماانتو بتقولو انت كدة ممكن تتسببو ليه بخوف وفزع وحالة نفسية دة جهل وتخلف
سمرة : دى عوايد يابتى واتربينا عليها طب نتاكد كيف من ان بتنا ساخ سليم
حب: فى ميت طريقة غير كدة انت والدتها وكنتى تتكلمى معاها مش بالطريقة دى وبعدين دى بنتك وانتى إللى مربياها يعنى واثقة فيها وفى اخلاقها وعارفة اكيد انها ماتعملش الغلط يبق لية الناس كلها تشوف حاجة خاصة المفروض انها ماتطلعش برة اوضة النوم
المفروض دى حاجة خاصة بينهم لوحدهم وكل حد واثق فى بنتة مش يعمل كدة فيها كدة يجرحها ويتعب نفسيتها ممكن يسبب لبينتة عقدة بسبب كدة طريقة بشعة ولا ربنا يرضى بيها دة شرع انتو إللى شرعتو لوحدكم بسبب عادات وتقاليد ناس جهلا مافتكرش غير فى الناس كان لازم تفكرو فى بنتكم الاول وإللى هيتسبب من ضرر ليها بعد كدة كان يكفى جوزها عارف هى اية وهيطمنكم عليها مش بالاسلوب الهمجى المتوحش دة
عبدالرحيم: عفارم عليكى يابت ولدى كلامك حكيم وموزون يابتى دى عادات الناس هى إللى جلعتها
حب: المفروض تتكسر العادات دى ياجدو
عبدالرحيم: مين بس يسمع يابتى ولا يفهم
حب: معاك حق ياجدو
************
فى المستشفى إعلان حالة الطوارئ
الحادث ضخم وتسبب فى قتل ارواح ابرياء بسبب أهمال سائق النقل كان يسير فى اتجاة معاكس ومعة حمولة كبيرة فتسبب فى هدر ارواح من كان فى السيارة
بسبب اهمالة خسر روحة ودفع الثمن اناس ابرياء لا يعلمو عنهم شئ حتى الآن..
الدكتور : البقاء لله
الممرضة : لا حول ولا قوة إللى بالله
الدكتور : حالة المدام كانت جاية متوفية اصلا القلب كان وقف خلاص
الممرضة : طب وجوزها : كان في كسور فى الجمجة ونزيف ادى الى وفاتة بردو ربنا يرحمهم
الممرضة بحزن : ربنا رحمهم طب سواق العربية يادكتور
الدكتور : حسبى الله ونعم الوكيل فية وفى اهمالة وتسيبة كل إللى شاف الحادث قال سواق النقل داخل شمال غلط والناس دفعو حياتهم التمن
وهو كمان مات بسبب غباءة الله يرحمة بقى ويسامحة على أرواح الناس إللى راحت
شوفى المتعلقات إللى كانت معاهم عشان نقدر نوصل لحد من اهلهم عشان يستلموهم بدل المشرحة والمشاكل
الممرضة : حاضر يادكتور هنزل الاستقبال واعرف من موبيل ولا حاجة
***********
بعد دقايق كان المنزل فارغ من الناس والكل رح وصعد الجميع لكى ينام بعد انتهاء الفرح
......
فى غرفة عبدالرحيم
عبدالرحيم : سمعتى بت ولدك كيف وجفت واتحدت زين كلام واعر ومتعلم كيف لم ابوها كان يجف جصادى ويتحدت معاى
نجية: ربنا يحرصها من العين هو ولدك ماجاش لية جلبى واكلنى علية
عبدالرحيم: الغايب حجتة معاة الصبح اكلمة فى التلفون اشوف لية مش ايجى
الموبيل رن
نجية : وها مين عيتصل دلوك
عبدالرحيم: وها دة ولدك باين ايجى يانجية
نجية : طب رد علية بسورعة ياحج
عبدالرحيم: أيوة ياولدى
الممرضة : هو حضرتك تعرف صاحب الرقم دة
عبدالرحيم بقلق : رجم ولدى خير يابتى
الممرضة : انا اسفة ياحج بس ابن حضرتك عمل حادثة على اول طريق المنيا وهو عندنا هو والمدام فى مستشفى ......:
عبدالرحيم بخوف : حادثة وهو كيفة يابتى بخير
الممرضة : تعالى دلوقتى ياحج وحضرتك هتعرف
عبدالرحيم بحزن: جاى يابتى طوالى
نجية بلطم : ولدى ولدى فى اية ياحج وحوصل اية
عبدالرحيم بحزن: ربنا يستر ربنا يستر هاخد حب وعبدالله معايا ونشوفو فى اية
الفصل الخامس والعشرون
فى غرفة حب
عبدالرحيم: حب يابتى
حب : اتفضل ياجدو مالك فى حاجة تعبان
عبدالرحيم بحزن : غيرى خلجاتك عشان هنروح مشوار دلوك
حب بقلق : دلوقتى فى اية بس حضرتك تعبان ممكن اكلم وليد يجى يطمن عليك
عبدالرحيم: لا هنروح الميستشفى وعاوزك معاى
حب بقلق : حاضر ياجدو هغير بسرعة
**********
ذهب عبدالرحيم إلى عبدالله وقصى علية ما حدث
عبدالله بحزن : معجول يابوى يوم مانجابلو يكون تعبان بالميستشفى ربنا ينجيك ياخوى
عبدالرحيم: وطى حسك مش خبرت بتة جولت انى تعبان تعرف هناك احسن
عبدالله : طب نخبر الحج صبرى برضك بتهم هناك مع خوى
عبدالرحيم: فكرك كدية اتصل دلوك ولا لم نوصل الميستشفى
عبدالله: دلوك يابوى
************
اتصل عبدالرحيم على الحاج صبرى وابلغة بم علمة من المستشفى ..
توجهت حب مع جدها وعمها فقط لم يخبر أحد غير ولدة وذهب إلى المستشفى ....:
فى نفس الوقت عندما علم صبرى بالخبر ابلغ ولده واحفادة وتوجهو الجميع إلى عنوان المستشفى ..:
*********
داخل المستشفى
عبدالله: أمام الاستقبال
لو سمحتى فى تلفون جالنا من هنية عن اتنين جم فى حادثة ممكن نعرف هم وين دلوك
فتاة الاستقبال: اتفضل حضرتك اطلع الدور تانى واسال على ضاكتور رمزى هو إللى يعرف حالتهم كيف دلوك
حب بعدم فهم : حادثة اية ياعمو فى اية مين عمل حادثة
عبدالرحيم بحزن : بلغونى يابتى ان ابوكى وامك هنية عاملين حادثة ومش خابر كيف دلوك حالتهم
حب بخوف : بابا وماما لا اكيد فى حاجة غلط اكيد مش هما عشان مش هيجو هنا دلوقتى انا عارفة
عبدالله : ضاكتور رمزى
رمزى : تحت امرك
عبدالله: احنا تعب إللى عملو حادثة عاوزين نطمنو عليهم وحالتهم كيف دلوك ارجوك تخبرنا يا ضاكتور
رمزى بحزن : انا اسف بس الحالتين اتوفو البقاء لله
حب: لا لا اكيد حضرتك غلطان طب اساميهم اية اكيد فى حاجة غلط ياجدو مش تصدق طب انا انا عاوزة اشوفهم اكيد مش بابا وماما اكيد
الدكتور بحزن : اسامهم محمد عبدالرحيم ومدام امنة صبرى وكل متعالقلتهم فى الاستقبال تحت البقاء لله شد حيلكم
حب بصراخ: لا كدب كدب عاوزة اشوفهم انت كداب اكيد بتكدب
عبدالله يمسك والدة خوفا من انهيارة والدموع تتجمع فى عيونهم ..
الدكتور : حقك تشوفيهم طبعا عشان تتعرفى عليهم وتستلمو الجثمان
حب تذهب دون إدراك ولا وعى وتدخل الغرفة تجد سريرين عليهم اناس متغطين وجوههم بالملاءة كشفت الغطاء بيد مرتعشة ودقات قلبها تتمزق الم وحصرة وجدت وجة والدها الحبيب مبتسم فتحجرت الدموع فى عينها وعجز اللسان عن النطق ورفعت الغطاء الأخرى وجدت نفس الابتسامة على وجة والدتها الغالية فتصلبت قدمها عن الحركة وظلت واقفة شاردة مثل الجثة لا تتحرك وقاد قلبها يقزف من بين ضلوعها فقد خسرت اليوم اعز ماتملك لديها فقدت الام والاب والأمان والحنان والطيبة والعطف والحب والسند والضهر وفقدت الراحة والسعادة والفرح فقدت الابتسامة فقدت البراءة فقدت طعم الحياة بل فقدت الحياة باكملها وظلت عينها تتأمل فى وجههم وتودعهم الوداع الأخير..:
**********
حضر صبرى توجة إليهم ومعة حكم وجمال وجواد ووليد والكل فى حالة خوف وفزع من سماع الأخبار
تحدث جمال : حوصل اية
جواد : فى اية ياجدى
عبدالله بدموع : البقاء لله
صبرى : بتى كيف
جواد بحزن : ازى وفين حب
عبدالرحيم: عنديهم بتودعهم الوداع الأخير
بكى الجميع فى صمت
وإرادة ان يودعوهم ..
*******
حب مازالت على صدمتها تنظر إليهم بابتسامة شاحبة شاردة حزينة
الدكتور : اتفضلى اخرجى كفايا كدة تعالى معايا لازم تبقى قوية عشان جدك تعالى
سحب الدكتور حب وخرجت معة ف شرود
تفاجاة بها الجميع وانخلع قلبهم من رويتها ساكنة بلا روح
صبرى قرب عليها يحضنها وهى مثل الصنم لا تتحرك
وجاء إليهم جواد وقلبة يعتصر الم على مظهرها وفقدت اغلى واعز الناس إليهم فى ان واحد فقدت الام والاب معا يا لها من خسارة فراق الاحباب ومن اعز الاحباب ..:
وليد : حب حاسة بأية انتى تعبانة
عبدالرحيم: فيكى اية يابتى انطقى
حب : لا استجابة ولا تنظر إلى أحد لا تريد أن ترى وجة احد بعد روئيتها لوجوة اعز ماتملك فى حياتها اعز الناس إلى قلبها
ظل جواد واقف بجابنها خوفا عليها ان تفقد وعيها
وذهب الجميع لينظرو إليهم ويودعوهم الوداع الأخير
............
جواد بحزن : عيطى صرخى اتكلمى قولى أى حاجة بلاش تسكتى كدة
حب: لا حياة لمن تنادى على وضعها..
عمل وليد الاجرات مع دكاترة اصدقاء له بالمستشفى وعمل جمال تصريح الدفن وبعد انتهاء الإجراءات وقف عبدالرحيم وصبرى بجانب حب
عبدالرحيم: عاوزة اية يابتى ابوكى وامك موصين يندفنو فين يابتى
صبرى : امك تطلع من الدار حدانا يابتى عشان ستك تودعها
عبدالله : وابوكى لازمن ستك تشوفو آخر مرة
فى ذلك الوقت نطقت حب
حب : اللى عاوز يودع بابا وماما يودعهم هنا مش هيروحو أى مكان تانى بعد هنا غير المقابر وبالنسبة الدفن بابا اشترى مدافن فى مصر اول لم رجعنا من دبى وهيندفنو فيها جنب بعض دى رغبتهم واختيارهم عاشو مع بعض وماتو كمان مع بعض ومش حد فيهم هيدخل البيت إللى انطردو منة وهم عايشين مش هيدخلو ميتين مش هقبل بكدة ومش هسمح باى حد ينتهك حرم ميت خلى تيتة كريمة وتيتة نجية بس إللى يجوة يودعو اولادهم ..
لا يستطيع أحد أن يغلطها فى كل كلمة قالتها فهى معها حق فى كل شئ ..
ذهب عبدالله واحضر والدتة وبلغها الخبر وجاءت تبكى وتندب حظها تمنت أن تنظر آلية لكن انت تشاء وانا اشاء والله يفعل ما يشاء : فمشية القدر غير اى توقعات..
وذهب وليد واحضر جدتة ووالدتة نجاة لتودع اختها إلى مثواها الأخير ..:
ودعت نجاة وكريمة ابنتهم الغالية بدموع الحصرة والندم والحزن على فراقها الأخير..:
بعد شقاء يوم طويل تم نقل الجثمان فى عربة إسعاف وحب معهم لكى تحظى بآخر وداع وآخر قبلة من والدها الحبيب الصبور العاشق لمحبوبتة وتخلى عن الكثير لاجل راحتها وسعادتها وامها الغالية المحبة المطيعة لزوجها الحبيب الصابرة المتحاملة على نفسها من أجل اسعاد أسرتها الصغيرة فكانت حياتهم مليى بالحب والمودة والعشرة والرحمة والمحبة والصدق والامانة والتضحية والحب الحقيقى الذى دام بينهم
فكانت حياتهم سعيدة بكل معنى الكلمة والدها تحمل من أجل والدتها تحمل تعبها ومرضها وكان نعم المعين والصديق والحبيب والاخ والسند وهى كانت لة نعمة الزوجة الصالحة المحبة لزوجها والصبارة على متابع الحياة وصعوباتها فقد رزقهم الله بابنة اكتملت اسرتهم بها أسموها حب لانة علاقتهم مبنية على حب صادق حقيقى
..................
تم الوصول إلى المدافن الخاصة بهم فى القاهرة وتم فتح المدفنين بجوار بعضهم
كان الشيخ يقراء عليهم ماتيسر من القرآن الكريم ..
ودموع الاحبة تودعهم ظلت حب تنظر إلى المقابر بعد أن دفنو تحت التراب وماذالت شاردة تتزكر حياتهم الجميلة فى دبى تتذكر اسعد اوقات حياتهم معا
ختم الشيخ القرآن
وبدأ فى الدعاء للمتوفى
وخلصت مراسم الدفن
تعليقات
إرسال تعليق
فضلا اترك تعليق من هنا