رواية النصيب الفصل العشرون 20بقلم رحاب القاضي جديده وحصريه وكامله مدونة قصر الروايات

رواية النصيب الفصل العشرون 20بقلم رحاب القاضي جديده وحصريه وكامله مدونة قصر الروايات 

رواية النصيب الفصل العشرون 20بقلم رحاب القاضي جديده وحصريه وكامله مدونة قصر الروايات 

#النصيب

_الحلقه الـ 20

ــــــــــــــــــــــــــــــــــ

خَليلَيَّ لا تَستَنكِرا لَوعةَ الهَوى 

ـ قَيّس بِن المُلوح❤

ــــــــــــــــــــــــــــــــــ

_بعد مرور شهر علي ابطالنا... 

رحمه 

بس فقام بابا بقي مسكه وادااه كام بوكس الواد خدهم من هنا وصعبت عليه نفسه ومشي ومن يومها لحد النهارده ما شوفتش وشه تاني داخلين في شهر اهوو.. 

_كانت قاعده وبتحكي لشهد وشيري اللي قاعدين قدامها علي الترابيزه في الكافيتريا بتاعت المعهد.. 

شيري بحزن

يا حرااام طيب ما تيجي نروحله نصالحه.. 

شهد 

نروح لمين ما ينفعش.. 

شيري

وفيها ايه ناخد معانا شريف.. 

رحمه 

يعني هو شريف ده اللي هيخليه ينفع معلش هو اخوكي ااه بس كده احنا مش هنروح تلات بنات احنا هنروح اربعه.. 

قعد معاهم شريف في الوقت ده وقال

انا نفسي افهم البلاعه دي بتعمل ايه هنا ما تروحي الجامعه بتاعتك.. 

رحمه 

يا ابن الناس هو انا كنت قاعده فوق راسك ما كل واحد حمولته علي الارض.. 

شهد 

صحبتي بتحب تيجي تقعد معايا عادي.. 

شريف 

مش قصدي والله يا شهد انا بس بتكلم عشان ما تقصرش في مذاكرتها في الجامعه بتاعتها..  

 رحمه 

لا ما انا كده كده هطلع بمقبول اتعب ليه نفسي وهي كليه تعباانه هتظرفني ام المقبول لو كنت احمد زويل حتي.. 

شيري

هتزرفني دي شتيمه ولا كلمه روشه عادي... 

بصتلها رحمه بغيظ وقالت

بس يا عسل عشان ما اقفلش منك واللي ما تفهميهوش من كلامي ما تعلقيش عليه.. 

شريف 

انتي بتتكلمي بلهجه جديده علينا اصلا، وهي بنت نااس.. 

رحمه بحده 

واحنا اللي ولاد كلاب ما تشوفي صحاابك يا شهد.. 

قامت شهد وقالت

ما يقصدش الله يفضحك تعالي نروح انا خلصت محاضرات احنا مستنين ايه يلا بينا.. 

شريف

يا شهد في محاضره لدكتور شربيني.. 

شهد 

مش مهمه اووي وهبقي اخدها منك بس اوعي تنسي تسجلي.. 

شريف بهدوء

اوكي مش هنسي خلي بالك من نفسك.. 

ابتسمت شهد بهدوء ومشبت مع رحمه اللي قالتلها

بت هو انتي مش ملاحظه ان شريف عينه منك.. 

شهد بجمود

وانا اعمله ايه، بس انا شايفه انه عادي هو بيساعدنا.. 

رحمه 

هما يعرفو انك متجوزه صح؟.. 

شهد 

لا ما حدش سأل اصلا، المهم تيجي بجد. نروح لاكرم، الولد صعبان عليه وو.. 

رحمه 

سيبك من اكرم كده انتي لازم تعرفيهم انك متجوزه وخصوصا الواد ده.. 

شهد 

حاضر المهم هنروح لاكرم ولا اا.. 

رحمه

لا طبعا انا روحت قبل كده ااه بس كنت مؤتره عشانك انتي، انما دلوقتي وبعد اللي عملو بابا ده انا اخااف ارووح ده انا ما صدقت ان بابا اقتنع انه كان بيعاكسني وبس والا كان زماني متكومه في المستشفي.. 

شهد 

والله ما شوفت في رخامتك انا هخلي أسر يوديني هناك اطمن عليه.. 

رحمه بتوتر

وابقي طمنيني عليه برضو.. 

شهد بخبث

اممم طيب مدام الموضوع كده ما تيجي معانا؟ 

رحمه 

ماليش وش ده بابا طحنه يا شهد الواد اتهان اووي بسببي.. 

ــــــــــ #بقلم_الكاتبه_رحاب_القاضي ــــــــ

_وفي شقة محمد فتحت نعمه الباب اللي كانت بتخبط عليه ام محمد بشكل عنيف وقالت.. 

نعمه 

في ايه يا حماتي بترزعي في الباب كده ليه فزعتي العيال؟.. 

ذقتها ام محمد ودخلت وقالت 

بقولك ايه يا بت انتي اوعي من وشي انا لا طيقاكي ولا طايقه اختك ولا طايقه اي حد من يمكم.. 

نعمه بغيظ

والله ولا انا كمان طيقاكي يا حماتي بعد اللي عملتيه في اختي.. 

ام محمد

انا برضو اللي عملت ولا اختك هي اللي جايبه راجل غريب البيت ونكدت علي ابني وخلته سابنا وطفش وما حدش عارف هو فين.. 

جات نعمه ترد عليها بس طلع محمد من اوضته وقال

خشي جوه يا نعمه انتي وعيالك وطول ما امي هنا ما تتكلميش معاها خالص.. 

ام محمد

لا يا اخويا راجل ده بدل ما تكرشها من هنا بعد اللي عملته اختها.. 

نعمه 

انا داخله جوه يا محمد لو عوزت حاجه يا حبيبي اندهلي.. 

دخلت نعمه مع ولادها اوضتهم ومحمد قال لامه بضيق

نعم يا اما عايزه ايه؟.. 

ام محمد

اخوك فين بقاله شهر غايب واكيد انت عارف هو فين؟.. 

محمد ببرود

لا ما اعرفش.. 

مسكته امه من هدومه وقالت بحده

انت هتعملهم عليا ولا ايه، انت اكيد اللي مخليه يطفش من البيت.. 

محمد

وحياة عيالي انا ما خليته يطفش هو اللي من نفسه طفش منك ومن اللي بتعمليه فيه.. 

ام محمد بحزن

طيب دور علي اخوك واطمن عليه، منها لله بنت ناديه هي السبب.. 

محمد 

هو انتي بتكدبي وتصدقي يا امااا ما انتي اللي منكده علي البت ووقعتي بينها وبين سعيد ، وبعدين ابنك شكله كده ناوي يستقر بعيد 

ام محمد 

يعني ايه ناوي يستقر بعيد يا واد انت انطق اتكلم ؟

محمد بخبث 

يعني يمكن دلوقتي بيدور علي مكاان ينقل المحل بتاعه فيه وبعدين يجيب شقه بعيده وياخد مراته ويمشي وبصراحه يبقي حقه وانا هقلده وامشي بمراتي وعيالي 

عيطت ام محمد وقالت 

اخص عليك واهون عليكم بعد العمر ده كله تسيبوني لوحدي ، والاسم مخلفه رجاله وو 

محمد 

استني اكملك انا الاسطوانه دي اللي هتروحي في اخرها تجبيلي شيخ الجامع يديني كلمتين في جنابي خلاص ياما اسكتي انا مش هسيبك متنيل جنبك اهو وامري لله

ام محمد 

وتدور علي اخوك وترجعه ولو كان في نيته يسيب البيت تمنعه وانا مستعده ادورله علي عروسه صغيره وحلوه وبنت نااس واجوزه تاني 

محمد 

لاا انا ممكن ادور عليه وارجعه بس بشرط تروحي لمراته وتعتذري عن اللي حصل وتقوليلهم  كمان ان سعيد هيروح هو كمان ويطيب خاطر مراته 

ام محمد بعصبيه 

نعممم نعممم يا دلدول مراتك يا عرة الرجاله يا واطي ده كلامها هي مش كلامك انت ، ومش رايحه ومش هعتذر لحد هي حصلت يا ابن الجزمه عايز تزل امك اوعي كده من وشي يا خلفة الندااامه

ــــــــــ #بقلم_الكاتبه_رحاب_القاضي ــــــــ

ـ وفي بيت الفيومي بالليل رجع أسر من شغله واول ما دخل البيت لقي شهد قاعده هي وتيااام في الصاله وكل واحد ماسك كتاابه وبيذاكر ، قعد أسر جنب شهد وقال بهدوء 

أسر 

انتي عديتي الواد منك يا دحيحه هانم 

شهد بضيق 

هششش مش فيقالك يا اسمك ايه انت 

أسر بغيظ

اسمي ايه نسيتي أسمي يا شهد  

تياام بحده 

يا خالو مش عارف اركز منك يا ماماااا انا هجيبلك ماما 

أسر بغيظ 

ما تجيبلي ماما يا حبيبي هو انا هخاف من امك ولا ايه 

نزلت هاله من فوق وقالت 

في ايه مليون مره اقولك ما تجعرش كده زي خالك وانت بتنده عليا عيب الصوت العالي 

أسر 

في ايه يا بت انتي وماله لما ينادي عليكي بصوت عالي 

شهد بغيظ 

انت ارتحت كده انا مش عارفه اذاكر بسببك لا فوق ولا هنا.. 

أسر

هو في ايه ما حدش طايقلي كلمه، وبعدين بلاش انتي تتكلمي ده انتي بتخليني انام غصب عني من الساعه 9 عشان تعرفي تذاكري.. 

هاله 

ما طبيعي حالك بتغير شويه مش اتجوزت.. 

أسر بسخريه

اتجوزت اااه هو ده اسمه جواز ده انا الكنبه كسرت ضهري، قال يا فاكر الجواز هشك بشك بكره تتجوز وتلطم علي وشك.. 

شهد 

احنا فيها طلقني وكل واحد يروح لحاله شوفت بسيطه ازاي اهي.. 

بصلها بجمود وقال

هانت ما تقلقيش عدي امتر من شهر اهو فاضل القليل.. 

قال كلامه وقام من جنبيها فقالتله هاله بهدوء

مش هتتعشي معانا العشا بيجهز جوه اهو.. 

أسر

لا ماليش نفس، هو فؤاد فين؟.. 

هاله 

عنده ميتنج النهارده ومش جاي دلوقتي.. 

أسر بخبث

ميتنج ايه.. ما فيش حاجه زي كده والا كنت عرفت روحي دوري شوفي جوزك فين يا حلوه.. 

هاله ببرود

بيخوني وطالع مع عاشيقته وانا عارفه وساكته في حاجه تاني يا أسر.. 

أسر

يعني انتي مبسوطه ان جوزك بيخونك؟.. 

هاله 

اه المهم انه يبقي مبسوط مالكش دعوه بقي.. 

أسر بشماته 

حلو اووي انا بقي سجلتلك الكلام الحلو ده وهبعته علي جروب حقوق المرأه وكرامة المرأه اللي انتي عضوه مهمه فيه.. 

هاله بخوف

لا لا اوعي يا أسر تعمل كده امسح الكلام ده بسرعه ده انا بقول كده عشان استفزك والله.. 

أسر بخبث

انا مش هبعته دلوقتي بس هتعملي حاجه تعصبني والله لابعته تمام يا لولو.. 

وسابها وطلع اوضته وهي قالت لشهد بغيظ

شايفه جوزك الرخم.. 

شهد بضيق

امم شوفت.. 

هاله قعدت جنبيها وقالت بخبث

هو انتي زعلتي لما قالك انه هيطلقك قريب؟.. 

شهد بتوتر

لا طبعا ده انا اللي عايزه ده يحصل في أسرع وقت اصلا.. 

هاله 

اممم ممكن يا شهد.. 

تيام 

ماما انا خلصت  homework بتاعي شوفيه كده صح ولا لا.. 

_ قعدت هاله مع ابنها وبعد شويه اتعشو مع بعض وطلعت شهد فووق لقيت أسر قاعد بيتفرج علي التلفزيون فأتنهدت بضيق وقالت.. 

شهد 

انا عايزه انااام.. 

أسر بجمود

هو انا عملت حاجه تزعلك بقالك فتره كبيره كده لا بتتكلمي معايا ولما اكلمك تردي علي قد السؤال وخلاص.. 

شهد 

لا عادي بتعامل عادي.. 

أسر

طيب نامي جوه يا شهد انا هنام هنا.. 

ردت عليه بتوتر وقالت 

انت اللي قولت اهو انك هتنام هنا يعني مش هصحي الاقيك نايم جنبي الصبح؟.. 

أسر 

بلاش اوفر يا شهد يعني فيها أيه لو نمت جنبك هو انا غريب.. 

شهد بغيظ

لو سمحت قووم انا هنااام هنا... 

ضحك أسر بهدوء وقال

خلاص والله هنام هنا مش هاجي عندك، علي فكره فؤاد النهارده قالي اننا هندخل مناقصه مهمه وهيديني فيها كل الصلحيات يعني وقتها هقدر اسحب الفلوس اللي انا عايزها والموضوع هيخلص.. 

شهد بضيق

هو معني كده ان فؤاد بقي خلاص يثق فيك.. 

أسر

اكيد والا ما كانش عمل كده.. 

شهد بجمود

انت اناني وبتاع مصلحتك.. 

بصلها أسر بحده وهي تابعت كلامه بضيق قائله

واحد زي فؤاد ده مالوش مصلحه انه يساعدك تبقي كويس وتحافظ علي ورث ابوك، بس انت خاين هتكسر الثقه اللي بينكم دي عشان انانيتك ومصالحك الشخصيه.. 

أسر بغضب

لو كان اداني الفلوس دي من الاول ما كنتش ضحكت عليه، ودي فلوسي وحقي اصلا هو مالوش حاجه فيها.. 

شهد 

كان هيديهالك لو انت مش هتعمل بيها حاجه وحشه، ودي وصية ابوك وهو لازم ينفذ الوصيه زي ما اتوصي بيها والا هيبقي عليه ذنب كبير عند ربنا.. 

قام أسر وقال بحده

انا ظالم ومفتري علي الكل وعليكي انتي كمان واستغليت وضعك لمصالحي الشخصيه وكل اللي عايزه تقوليه قوليه براحتك، بس دماغك توزك يا شهد وتروحي تقولي لفؤاد علي حاجه من الاتفاق اللي بينا هيبقي اللي عدي كوم واللي جاي بينا كوم تاني، وابقي بعد ما اخد الفلوس اللي عايزها قوليلو اللي انتي عايزااه.. 

شهد بدموع

كل ما اجي اخد عنك صوره كويسه بتخليني اغيرها.. 

_قالت كلامها وسابته ودخلت الاوضه جوه وهو اخد مفاتيح عربيته ومشي من البيت كله.. 

ــــــــــ #بقلم_الكاتبه_رحاب_القاضي ــــــــ

_وفي بيت فتحي ابو نسمه كانت قااعده ام محمد ومحمد مع نسمه وقالت بضيق.. 

ام محمد

انا اسفه يا نسمه حقك عليا يا بنتي.. 

محمد 

خلاص بقي يا نسمه ده احنا بنعمل معجزه يلا تعالي معانا عشان ترجعي شقتك... 

نسمه بغيظ

وهو المحروس اخوك فين يا محمد ولا مش فالح غير انه يمد ايده.. 

ام محمد بغيظ

شوف كهن البنات قال انها مش عارفه هو فين ده تلاقيها هي اللي مطفشاااه من عندي.. 

محمد

كمليها للأخر يا اما كويس.. 

وبص لنسمه وقال

احنا ما نعرفش سعيد فين يا نسمه هو من لما انتي كمان سيبتي البيت وهو سايب البيت ولا حتي بيفتح المحل.. 

نسمه بضيق

حاجه ما تخصنيش وانا مش همشي من هنا غير لما هو يجي ويعتذرلي.. 

ام محمد بغيظ

هو انتي شايفه نفسك علينا كده ليه يا بت اا.. 

حط محمد ايده علي بوز امه وقال

صلي علي النبي كده واهدي يا ست الكل، هي ما تقصدش بتدلع علي جوزها احنا مالنا احنا عملنا اللي علينا.. 

دخلت عندهم ناديه وحطت الشاي قدامهم وقالت

ونفترض انها رجعت هي امك هتسيبها في حالها.. 

ام محمد

هو انا كنت عملت ايه ده انا بس ما كنتش اعرف انه جوز صاحبتها.. 

نسمه بسخريه

اممم قولها تهدي شويه يا محمد احسن جناحتها هتطرف عيني.. 

ام محمد بغيظ

انت جايبني اتهزأ هنا يا واد وانت ساكت، لا اوعي كده انا مااشيه.. 

ناديه بحده

خطوه عزيزه يا حمات بناتي ابقي كرريها.. 

طلعت ام محمد وناديه قالت بسخريه

امك جايه تاكل بعقلنا حلاوه يا محمد.. 

محمد

يا مرات عمي نهدي الدنيا انا معترف سعيد وامي غلطو ونسمه كمان غلطت.. 

نسمه 

هو انا ايه اللي غلطت فيه بس، ده كنت في نص هدومي قدام صحاابي واخوك ساكت برضو.. 

محمد

ما كنتيش اتكلمتي مع امي، سيبي انتي بس الدنيا تهدي وبعدين حقك هيجي العصبيه والصوت العالي مش بيجيبو حق.. 

نسمه 

طيب وهو مين اللي هيجيبلي حقي.. 

محمد بهدوء

انا لو بعد كده سعيد ما وقفش لامي تيجي تقوليلي انا، وبعدين افهمي امي يا نسمه هي بتعمل كده عشان توقعك انتي في الغلط وترجع تقول انا ماالي، ما تديهاش الفرصه دي.. 

ناديه 

هو احنا في حرب يا ابني ما الناس كلها سرها هادي المشاكل بتيجي في وشنا احنا بس ليه؟ 

محمد

نصيب يا حماتي وامي دماغها كده، لامؤخذه بس ناخدها علي قد عقلها ما انا ونعمه اهو حياتنا زي الفل وما فيش حاجه خلت امي تمسك في سعيد باديها وسنانها وتربيه بالطريقه دي غير لما لقيت انها مش عارفه تسيطر علي بيتي من غير ما تمسك عليا ولا علي مراتي ولا غلطه، فقالت الحق الصغير بقي امشيه علي مزاجي دي مخليه اخويا يكرهني وما يتكلمش معايا عشان ما يبقاش زيي، عندها داااء السيطره يا نسمه فاهمه.. 

نسمه بصت لامها بتوتر وقالت

طيب وهو سعيد فين دلوقتي بيعمل ايه ومع مين؟.. 

محمد بخبث

العلم علمك هو اختفي فجأه لا بيكلم حد ولا حد يعرفله طريق، انا قولت لما انتي ترجعي بيتك هو ممكن بقي يحنلك ويرجع.. 

نسمه 

يا سلام بقي هو كمان يضربني واروح من نفسي يا محمد لا معلش انا كله الا كرامتي.. 

بص محمد لناديه وقال

بقولك ايه يا حماتي ما تروحي تكلمي عمي فتحي يجي بسرعه شويه، بصراحه كده عايز مرات اخويا في كلمتين لوحدنا.. 

ناديه 

وماله يا اخويا ما انت في مقام اخوها الكبير برضو.. 

وقامت ناديه وقعد محمد جنب نسمه وقال بهدوء

سيبك من امك يا نسمه وابوكي وامي خالص، انا دلوقتي هكلم اختي الصغيره اللي هتسمع كلامي وو.. 

نسمه بحده 

مش راجعه يا محمد يعني مش راجعه.. 

لكمها علي كتفها جامد وقال

هو انا لسه قولت حااجه اهدي يااختي، ما تبقيش خايبه وتخلي امي تنتصر عليكي، وزي ما هي في الاول سيطرت علي سعيد تخليكي انتي اشطر منها ومتخليش حد يدخل بينك وبين جوزك.. 

نسمه بسخريه

قول الكلام ده لاخوك والنبي.. 

محمد بخبث

لا انتي اللي هتقوليلو الكلام ده لما ترجعي البيت وتكلميه تقوليلو انك مش قادره علي غيابه ورجعتي وسامحتيه كمان ووحشتني بقي والكلام ده.. 

نسمه اتكسفت وقالت

لل لا انا ما بقولش الكلام الملزق ده انا.... 

بصلها محمد بغيظ وقال بصوت واطي

ده ليه الحق يطفش فعلا الواد.. 

نسمه بغيظ

سمعتك علي فكره بس انا ما بعرفش يا محمد اقول الكلام ده.. 

محمد

لا هتقوليه ده جوزك يا هبله وتعملي زي ما بقولك بالظبط. يا نسمه وانا هخليكي تبقي الكل في الكل عند سعيد وامي سيبهالي انا هتعامل معاها بس ما تتخانقيش معاها انتي عشان علي نياتك وامي دماغها تدوخ بلد.. 

نسمه بتوتر

طيب بصراحه بقي هو سعيد فين؟.. 

محمد 

مش عارف بس هعرف واكلمك اقولك، يلا بقي تكلمي ابوكي وتقوليلو انا راجعه بيت جوزي وترجعي معايا وتعملي اللي اتفقنا عليه..ومع ان الكلام ده علي امك واختك بس اقول شوية نسوان خايبه.. 

ــــــــــ #بقلم_الكاتبه_رحاب_القاضي ــــــــ

_وتاني يوم الصبح صحيت شهد من نومها واتصدمت اول ما لقيت أسر نايم جنبيها زي كل مره بتنام فيها علي سريره لا وكمان المره دي حاضنها جداً، اتكسفت جداً ووشها قلب احمر وشالت ايده بهدوء من عليها وقامت من جنبيه وبصتله بغيظ وقالت وهي بتمسك كوباية المايه اللي جنبيها.. 

شهد 

انا بقي هخليك تندم علي اللحظه اللي نمت فيها جنبي.. 

_وجات تدلق عليه المايه بس ابتسمت بهدوء ورجعت الكوبايه مكانها وسابته ودخلت الحمام وجهزت للمعهد بتاعها وطلعت بسرعه قبل أسر ما يصحي ونزلت تحت.. وكان البيت فاضي تحت معادا صباح الشغاله وتالا.. 

دخلت عندهم شهد المطبخ وقالت 

صباح الخير.. 

بصتلها تالا بقرف وردت صباح بأبتسامه واسعه

صباح الخير يا ست البنات، خمس دقايق والفطار هيكون جاهز.. 

شهد 

لا عادي براحتكم انا بس جايه اعمل عصير. 

صباح

الموز باللبن مش كده، هو عندك في التلاجه انا عملته وحطهولك وكل يوم هتلاقيه في التلاجه عشان ما تتعبيش.. 

شهد 

بس هو انتي عرفتي منين اني عايزه موز باللبن او بشربه اصلا انا بعمله بالليل وانتو بتبقو نايمين.. 

صباح بصت لتالا بخبث وقالت

اصل أسر بيه هو اللي قالي، وقال عشان انتي مشغوله في الدراسه بتاعتك نعملك العصير اللي بتحبيه ونخليه في التلاجه.. 

ابتسمت شهد بهدوء وقالت

بجد هو اللي قالكم كده؟.. 

صباح 

ايوه حتي اسألي تالا هي كانت موجوده لما قال كده.. 

تالا 

انا مش فاكره حااجه.. 

شهد بخبث

بس كده اتأكدت انه قال.. 

اتعصبت تالا وضحكت صباح وقالت

هههههه هي اللي بتجيبه لنفسها والله، اتفضلي انتي يا مدام شهد اقعدي بره واحنا هنخلص الفطار اوام اهو.... 

شهد 

طيب تحبي اساعد حضرتك في حاجه.. 

ابتسمت صباح وقالت بهدوء

ربنا يكرم اصلك يا بنتي كفايه لسانك اللي زي العسل ده وذوقك.. 

تالا بغيظ

ما تكبريش الموضوع يا صباااح، كل الحكايه ان العروسه مش قادره تنسي انها كانت خداامه قبل كده.. 

صباح بحده

ما تبطلي كلامك اللي مالوش لازمه ده يا تالا، وبعدين انتي مش مديرة هنا ما انتي خدامه ياتالاااا.... 

جات هاله في الوقت ده وقالت 

في ايه يا صباح ايه ده انتي صاحيه يا شهد.. 

شهد 

ايوه صحيت بدري شويه وما جاليش نوم وكنا بنتناقش واحنا بنجهز الفطار.. 

هاله 

سبيهم هما يجهزو لوحدهم وتعالي انتي انا عايزااكي في حاجه مهمه.. 

طلعت هاله هي وشهد وصباح قالت لتالا بحده

ما تتلمي بقي يا بنت الخوجات انتي، المدام. شهد بقيت واحده من اصحاب البيت هنا يعني ليها احترامها منك قبل ما يكون مني والا هتترمي في الشارع.. 

تالا بغيظ

حاضر يا صباااح ممكن بقي تكملي الفطار لوحدك لاني هاخد اجازه النهارده.. 

صباح 

ليه هتاخدي اجازه؟ 

تالا

حابه اطلع اغير جو لوحدي فيها حااجه دي؟.. 

_ما ردتش عليها صباااح وفضلت تكمل تجهيز الفطار، وبره كانت قاااعده هاله مع شهد وقالتلها.. 

هاله 

بصي بقي بدون مقدمات، هو ما فيش خبر حلو كده؟. 

شهد بعدم فهم 

خبر حلو... زي ايه يعني؟.. 

هاله 

يعني حامل يا شهد مثلا، هو مش أسر كان مصمم علي كده؟.. 

شهد بضيق

لا ما حصلتش حاجه زي دي، وحتي لو كانت حصلت كانت هيبقي خبر وحش اووي مش حلو خالص.. 

هاله بحزن

ليه كده يا شهد هو أسر وحش للدرجه دي معاكي.. 

شهد 

مش قصدي والله بس احنا مش متجوزين عادي يعني عشان افرح اني هخلف منه، هستفاد ايه لما اجيب طفل ويلاقي ابوه وامه مطلقين وليه اعمل كده اصلا؟.. 

هاله 

لو بينكم مش هتطلقو.. 

شهد 

لا هنطلق عشان اخوكي مش بتاع استقرار وبيت وعيله والجو ده، هو متجوزني لهدف معين انا اللي مش عارفه افهمه انتي ليه ساكته وبتساعديه كمان يرمي نفسه في طريق وحش اووي.. 

هاله بضيق

ما عشان كده كنت بقولك تجيبي ليه طفل وقتها هيخااف علي نفسه عشان هيحس بالمسؤليه بجد، فكري في الموضوع يا شهد.. 

ضحكت شهد بهدوء وهاله قالت بغيظ

انتي بتضحكي يا شهد؟.. 

شهد 

اعملك ايه طيب ما انتي بتقولي حاجات غريبه، هو انا هروح اجيب الطفل ده لوحدي، انا وأسر مش قابلين بعض وبنتخانق اكتر ما بنتكلم عادي فنخلف ازاي؟.. 

هاله بضيق

خلاص يا شهد براحتك انا هقوم اشوف تياام بعد اذنك.. 

مشيت هاله وشهد بصتلها بحزن وفضلت قااعده لوحدها لحد نا نزل أسر من فوق وقال بجمود.. 

أسر

انا مااشي دلوقتي هتيجي اوصلك في طريقي ولا  اخلي السواق يوصلك؟ 

شهد بضيق

مش رايحه اصلا النهارده.. 

أسر

في ايه مااالك؟.. 

شهد

ما فيش ماليش مزاج اروح، بس خلي السواق برضو يستناني رايحه مشوار مهم.. 

أسر

فين؟.. 

شهد 

اكرم تعباان شويه وهروح اسأل عليه.. 

أبتسم أسر بسخريه وقال

اممم هو كان من باقي اهلك يا روح امك عشان تروحيله.. 

شهد بغيظ

اتكلم معايا كويس وهو مش من باقي اهلي بس وقف جنبي اكتر من مره وما فيهاش حاجه لو روحت سألت عليه.. 

أسر بحده

ما تنسيش انك مراااتي وان اي حاجه بتعمليها هتبقي محسوبه عليا، ومراتي ما تروحش تسأل علي راجل غريب.. 

شهد 

والراجل الغريب ده جيبته ليه معاك قداام اهلي وهو وافق عشان يساعدني، انا هروحله يا أسر وانت مالكش كلام عليا.. 

قبل ما يرد عليها نزل فؤاد من فوق وقال بسخريه

احممم معلش يا جماعه سمعت كلامكم بالصدفه، انا شايف ان مافيهاش حاجه يا اسر خليها تروح.. 

أسر بحده

خليك في حالك انت كمان، وانتي اطلعي فووق وما فيش طلوع من البيت اصلاً، ووريني انا ماليش كلام عليكي ازاي يا شهد.. 

جات هاله هي كمان وقالت بقلق

في ايه يا جماعه مالكم؟.. 

زعق أسر في شهد وقال بحده

ايه طرشتي مش بقولك اطلعي فووق.. 

_اتملت عيونها دموع بس سمعت كلامه وطلعت فووق وهاله قالت لأسر بحده 

هاله

انت بتزعقلها كده ليه؟.. 

أسر بضيق

مالكيش دعوه.. 

وسابهم ومشي وفؤاد قالها بهدوء

ما تزعليش يا حبيبتي هو متعصب بس شويه؟. 

هاله 

لا عادي انا واخده علي قلة ذوق اخويا، هما مالهم اصلا؟.. 

فؤاد 

فاكره الولد اللي سافر معاه عشان يجيب شهد من اهلها؟.. 

هاله

ايوه اكرم فاكرااه ده ولد لذيذ اووي.. 

فؤاد

اهو يا ستي تعبااان شويه وشهد عايزه تروحله وهو بقي اتعصب عليها.. 

هاله ابتسمت وقالت

يعني بيغير عليها.. 

فؤاد 

اكيد مش مراااته بس ما كنتش اتخيل ان اخوكي عنده دم اووي كده ولا بيغير بالشكل ده.. 

هاله بخبث

بقولك خد شهد وروح انت معاها عند اكرم.. 

فؤاد 

يا ماما جوزها قالها لا يبقي تسمع كلامه، هاله بلاش تفكير المسلسلات التركي المتخلف ده عشان احنا هنا في الواقع.. 

هاله 

روح يا فؤاد شغلك انت اصلا علي طول قافلني.. 

فؤاد 

اخص عليكي هروح الشغل من غير ما افطر.. 

هاله 

يووه نسيت تعالي نفطر بس شهد مش هتفطر معانا.. 

فؤاد 

تصدقي ليه الخق اخوكي يقول مالكيش دعوه.. 

ضحكت هاله بهدوء وقعدت تفطر هي وجوزها وابنها في هدوء.. 

ــــــــــ #بقلم_الكاتبه_رحاب_القاضي ــــــــ

_وفي شقة نسمه كانت قاعده معاها نعمه اختها اللي قالتلها بحده.. 

نعمه 

ما تخلصي يا بت وتكلمي جوزك.. 

نسمه 

والله انا غلطاانه اني سمعت كلامك انتي ومحمد اصلا، ايه اللي يرجعني انا وكمان اكلمه واصالحه ده انا لو لاقيه كرامتي في الشارع مش هعمل فيها كده.. 

نعمه 

معلش ما انتي جوزك ليه وضع خااص اركني كرامتك علي حنب المره دي وكلميه عشان الحق اروح اجهز الغدا للعيال قبل ما يرجعو من المدرسه..

نسمه بضيق

طيب هكلمه اهوو.. 

_ومسكت نسمه موبيلها وكلمت سعيد اللي مردش عليها وهي اتعصبت اكتر وقالت.. 

نسمه 

شايفه مش بيرد عليا هو كمان اللي عامل نفسه زعلان ما هو عيل اقول ايه، انا هاخد هدومي وماشيه ووو.. 

نعمه 

اهدي يخربيتك الواد بيرن تلاقيه ما خدش باله من الموبيل..يلا ردي عليه... 

نسمه بتوتر

مم ما تردش انتي طيب وقوليلو رنينا بالغلط.. 

نعمه 

هتموتيني ناقصه عمر يا نسمه يا اختي، امسكي اتنيلي ردي.. 

ردت عليه نسمه وقالت بهدوء

الو.. 

سعيد 

نعم بترني عايزه ايه؟.. 

نسمه بحده 

انتي كمان اللي هتعملي فيها زعلان يلااا.. 

نعمه بصوت واطي

يا بت ده اللي اتفقنا عليه، هقلع الشبشب يا نسمه واديكي علقه معتبره.. 

نسمه 

ده قفل في وشي.. 

نعمه 

كلميه تاني معلش وبلاش طولت لساان، الرجاله دي زي العيال الصغيره هو اما كريم بيزعل حتي وهو غلطان انتي بتعملي ايه مش بتاخديه علي قد عقله وبعدين تعرفيه الغلط والله الرجاله دماغهم اصغر من العيال الصغيره، يلا كلميه تاني.. 

نسمه باقتناع

طيب هكلمه اصبري شويه.. 

وكلمته تاني نسمه وهو رد وقال

عايزه ايه ية نسمه.. 

ردت عليه بتوتر وقالت 

كك كنت عايزه اقولك حاجه كده يعني ااا.. 

نعمه بصوت واطي

خشي في الموضوع علي طول يلاا.. 

نسمه كتمت الصوت وقالت

مش عارفه انا اقول الكلام ده؟.. 

نعمه 

يا حزني اخلصييييي يا بت انا مش فضياالك.. 

نسمه 

طيب اطلعي بره طيب كده روحي شقتك. عشان انتي موتراني اصلا.. 

نعمه 

انا غلطااانه اديني ماشيه بس انطقي ابوس ايدك بلاش الطريقه الناشفه دي.. 

قالت نعمه كلامها وطلعت ونسمه اخدت نفس عميق وقالت لسعيد بتوتر.. 

نسمه 

انت لسه معايا؟.. 

سعيد 

كتمتي الصوت ليه؟.. 

نسمه

كانت نعمه عندي يعني وما عرفتش اتكلم.. 

سعيد

هي نعمه عندكم.. 

نسمه 

لا انا في شقتي وهي عندي.. 

سعيد

في شقتك؟ قصدك شقتنا مش كده؟. 

نسمه 

ايوه ما انا قولت مش هخسرك بسهوله كده، وقولت ارجع بيتي ونحل مشكلتنا مع بعض بعيد عن اهلي وامك وكده يعني، بس لقيتك مش موجود ونعمه بتقولي انك من يومها وانت مش بتيجي البيت؟.. 

سعيد

نسمه ايه اللي رجعك؟.. 

نسمه بتوتر

عشان اا عشان وحشتني وما هانش عليا اننا نبعد عن بعض.. 

سعيد 

نسمه معايا ولا انا بكلم حد تاني.. 

نسمه ابتسمت بكسوف وقالت

هستناااك النهارده يا سعيد ترجع بيتك ونعدي اللي حصل ده ونبدأ من جديد ولو ما رجعتش هعتبر انك كده بتقولي امشي ومش عايزك وهرجع بيت ابويا تاني مع السلامه.. 

_قالت كلامها وقفلت معاه علي طول من غير ما تسمع رده وقالت لنفسها بتوتر كبير.. 

نسمه 

يارب بقي حل الموضوع عشان اعرف اخد حقي منه ومن امه.. 

_تفتكرو نسمه ناويه علي ايه؟ 

ــــــــــ #بقلم_الكاتبه_رحاب_القاضي ــــــــ

_وتحت بيت اكرم كانت واقفه شهد ومعاها رحمه اللي قالتلها بغيظ.. 

رحمه 

انا مش عايزه اطلع وبعدين انتي مش قولتي ان جوزك مش موافق.. 

شهد 

ايوه وعشان كده بالذاات انا جيت، فاكر نفسه ايه اصلا عشان يشخط ويتأمر فيا.. 

رحمه 

ممكن يكون فاكر نفسه جوزك.. 

شهد 

مش طالبه هزار علي فكره خالص يلا بينا نطلع.. 

رحمه 

طيب استني اجيب شوية لب السلم طويل وانا باخد بريك تلات اربع مراات كده وانا طالعه.. 

شهد بغيظ

خلصينيي يا رحمه يلا بينا.. 

_وطلعو فوق واول ما وصلو لقيو اكرم ناايم علي الكنبه اللي بره والمكان مكركب جداً.. 

رحمه 

ايه ده هو كان نضيف كده وشكله كويس ايه المزبله دي.. 

شهد 

عيب يا بنتي امسكي لساانك شويه.. 

فتح اكرم عينيه وبصلهم بضيق وقال

انتو بتعملو ايه هنا؟.. 

شهد 

اا احنا جايين نطمن عليك.. 

اكرم 

انتو عرفتو منين؟.. 

رحمه 

انا قولتلها يا اكرم ومعلش يعني علي اللي عملو بابا بس هو بيغير عليا بزياده وانا جيبتلك كلوين برتقان اهو هصالحك بيهم.. 

ابتسم اكرم بهدوء وقال

لا عادي يعني حصل خير، بس انسي اني اجيلك تاني لاي سبب.. 

شهد 

هي فين طنط كوثر انا عايزه اسلم عليها.. 

اكرم بدموع

الله يرحمها توفت من يومين.. 

بصت رحمه وشهد لبعض بحزن ورحمه قالت

الله يرحمها.. 

شهد 

ربنا يرحمها ويغفرلها.. 

اكرم 

ربنا يتقبل منكم، تعالو اتفضلو هعملكم حااجه تشربوها.. 

رحمه

لا متشكرين يا اسطا كتر الف خيرك احنا كنا جايين نطمن عليك وفاكرين ان الست كوثر معاك انما نقعد وانت هنا بطولك عيب في حقنا وحقك فبالسلامه احنا بقي. 

اكرم 

الله يسلمكم وشكراً اووي لاهتمامكم.. 

شهد 

لا ده الواجب برضو.. 

_ونزلت هي ورحمه وركبو مع السواق اللي سأل شهد وقالها باحترام.. 

السواق

هنروح البيت يا شهد هانم.. 

شهد 

مش عارفه انا مش عايزه اروح.. 

رحمه 

طيب ما تيجي نروح بيتكم ده لما روحت اطمن هلي امك واخواتك من كام يوم لقيتهم جددو البيت وجابو فرش جديد ده اهلك بقيو انضف ناس في الحته بتاعتكم.. 

اتنهدت شهد بضيق وقالت

مش عايزه اروح هناااك برضو.. 

رحمه

طيب تعالي عندنا اصلا ماما نفسها تشوفك وتقعد معاكي.. 

شهد 

اشطا يلا هروح معاكي.. 

رحمه

طيب قولي لجوزك احسن يزعل.. 

شهد 

لا مش هقوله حااجه، هو انتي مش ابوكي سافر تاني انا هباات عندك النهارده.. 

رحمه بحمااس

اشطا واقولك كمان كلمي البت شيري تيجي تقعد معانا وتجيبلك اللي فاتك النهارده... 

شهد 

تمام هكلمها اخليها تجيلنا.. 

ــــــــــ #بقلم_الكاتبه_رحاب_القاضي ــــــــ

_وفي الشركه بتاعت أسر كان قاعد. علي مكتبه وهو متعصب جدا من لما قاله السواق انها راحت لأكرم وكمان راحت لبيت رحمه وكل ده. من غير ما تقوله.. 

أسر

ماااشي يا شهد مااشي.. 

_مسك. موبيله وكلمها وهي ما ردتش عليه وده خلااه بتعصب اكتر، وفي الوقت ده دخل عنده فؤاد. وقال.. 

فؤاد 

هسيبك انا النهارده عشان عندي شغل في الشركه بتاعتي مهم ولو حاجه وقفت معاك كلمني.. 

أسر

طيب.. 

فؤاد 

في ايه، في مشكله معاك ولا ايه؟.. 

أسر بصله بهدوء وقال

هو انت لو قولت لهاله علي حاجه ما تعملهاش وهي راحت من وراااك وعملتها هيبقي رد فعلك ازاي؟.. 

قعد فؤاد قدامه وقال

ايه اللي حصل هي راحت للواد زميلها ده ولا ايه؟.. 

أسر

ومالك انشكحت كده ليه فجأه، امشي يا فؤاد روح شوف الحاجه المهمه اللي كانت ورااك.. 

فؤاد 

هو في اهم منك يا ابو نسب، ولا انت مش عابز تبين خيبتك قداامي.. 

أسر بغيظ

هي فعلا خيبه بس انا الغلطان اني اديتها مساحه تعمل كده من غير ما تعملي حساب ولا تخااف مني.. 

فؤاد 

ما فيهاش حاجه علي فكره يعني هي في الاول والاخر قالتلك وعندك علم.. 

أسر

بس انا رفضت تقوم تروح من ورايا.. 

فؤاد 

بص هو لو كانت هاله مكانها كنت هدايق عشان غيرتي عليها بس عشان بحبها مش هزعلها اووي يعني.. 

أسر

هتعمل ايه يعني؟.. 

فؤاد 

بص انا لعاقب هالن ازاي لما تعمل حاجه قولتلها عليها لا، انا كمان بروخ اعمل حاجه هي قالتلي عليها لا.. 

ابتسم أسر بخبث وقال

صح كده صح ويا سلام بقي لو كان اللي قالتلك عليه لا ده حاااجه انت هتموت عليها ونفسك فيها اووي.. 

فؤاد بعدم فهم 

هو انت نفسك في ايه بالظبط؟.. 

أسر ببرود

موز باللبن.. 

فؤاد 

هي ايه حكاية المشروب ده معاك انت وهي هااا؟.. 

أسر

روح شوف اللي وراااك وما تعطلنيش.. 

فؤاد 

اوكي... بكره صح رئيس المناقصه اللي هندخلها عامل عشا عمل عائلي فانا هاخد هاله معايا، وانت هات شهد اهو تغير جو وتشوف النااس اللي في مجتمعنا ويعرفوها وتعرفهم وكده.. 

أسر

اوكي هقولها.. 

فؤاد بسخريه

ده لما ترجع من عند اكرم ولا قبل؟.. 

أسر بحده 

ما بلاش انت معايا في الحته دي اللي مراتك عماله تهزأ في الرجاله في النادي وانت بتقف تسقفلها.. 

بص فؤاد للساعه بتاعته وقال

انا اتأخرت اووي بااي.. 

_طلع فؤاد وأسر فتح اللابتوب بتاعه واول ما افتكر اللي ناوي يعمله مع شهد ابتسم بتسليه وقال.. 

أسر

انا هعرفك ازاي تحترمي كلمتي بعد كده.. 

ــــــــــ #بقلم_الكاتبه_رحاب_القاضي ــــــــ

_وفي بيت رحمه كانت قااعده هي وشيري وشهد جنب بعض علي السرير ومشغلين فيلم كرتون علي اللابتوب وبيتفرجو عليه.. 

رحمه بصت لشري بغيظ وقالت

بطلي هرش ما تحسسناش اننا معفنين يعني.. 

شيري 

مش قصدي والله بس في حاجات بتاكلني.. 

شهد 

لا ده بق.. 

شيري بعدم فهم

ـ What 

رحمه 

اهي وتوتت اهي، بس رشينا خلاص وهيمشي.. 

شيري بخوف

هو ايه ده مرض معدي مش كده.. 

ضحكت شهد ورحمه قالت بغيظ

هغلط فيها اقسم بالله، بت يا شهد انتي ترميها عند ابوكي شهر تتوتك كده وبعدين ترجعلنا عشان اعرف اتعامل معاها.. 

شهد 

بس يا رحمه بصي يا شيري ده نوع حشرات زي النموس كده بيبقي في الخشب فأبو رحمه استرخص وجاابلها سرير مستعمل طلع فيه بق بس مش مضر انتي خدي شاور قبل ما تمشي من هنا ونضفي هدومك وما فيش اي أسر.. 

شيري بصوت واطي 

بلييز يا شهد خليني امشي من هنا.. 

لكمتها رحمه علي كتفها وقالت

سمعتك ما فيش حاجه اسمها هروح اومال حملنا الفيلم علي اللابتوب بتاعتك وخلصنا نص باقة النت وتقوليلي هروح.. 

شيري 

 نو نو انا ما قولتش كده علي فكره شهد اللي قالت.. 

شهد 

خلاص بقي يا رحمه خلينا نكمل الفيلم الله.. 

_وفضلت شهد قااعده مع صحابها ولما لقيت اسر بيكلمها كتير قفلت الفون كله.. 

ــــــــــ #بقلم_الكاتبه_رحاب_القاضي ــــــــ

_وفي بيت ام محمد كان طالع سعيد لشقته بس فتحت امه باب شقتها بسرعه وقالت بحماااس ولهفه.. 

ام محمد 

انت رجعت يا ابني كنت فين وو.. 

ما ردش عليها سعيد وطلع فوق فهي اتعصبت وقالت

هو انا مش بكلمك يا واد انت، مااشي يا سعيد والله لربيك علي الحركه دي وخليها تنفعك البايره دي.. 

_دخل سعيد شقته وقفل الباب وهو مدايق من كلام امه، وفي الوقت ده طلعت نسمه من اوضتهم زهي لابسه قميص نوم حلو جدا ولابسه عليه الروب بتاعه وحاطه ميكأب خفيف وفارده شعرها اللي شبه طويل وكان شكلها حلو وجذااب جداً وهو اول ما شافها ابتسم بهدوء واشتيااق كبير.. 

نسمه 

حمدلله علي سلامتك، هجهزلك العشا.. 

قرب منها وقال بهدوء

تعالي الاول قبل ما نتعشي عايزك في حاجه.. 

نسمه بضيق

والله علي طول كده يا سعيد طيب صالحني الاول.. 

سعيد 

هو انتي فهمتي ايه، تعالي يا نسمه معايا الله يرضي عنك يلا.. 

_وادخدها ودخلو اوضتهم ووقفها قداام المرايا وطله من جيبه سلسله دهب شكلها جميل ولبسهالها وباسها علي خدها اللي ضربها عليه وقال بهدوء.. 

سعيد 

برغم انك غلطتي فيا برضو بس انك تشتريني وترجعي من غير ما اجي اصالحك تخليني اشتريكي طول عمري واقولك انا اسف وعمر ايدي ما هتتمد عليكي تاني، ولو امي فكرت تدايقك بنص كلمه انا هقفلها بجد واللي يحصل يحصل، والحاجه اللي عايز اقولهالك بقي هي اني بحبك يا نسمه وهتحمل اي حاجه في الدنيا الا انك تبعدي عني.. 

ابتسمت بدموع وحضنته وردت عليه وقالت

وانا كمان بحبك يا سعيد وهحاول علي قد ما اقدر اني ما اعملش مشاكل مع امك. عشان ما تدايقش.. 

سعيد بعدها عنه بهدوء وقال

قبل ما اجي روحت لجوز صاحبتك واعتذرتله عن اللي عملته امي واتفقت معاه اننا نخرج كلنا كده يوم مع بعض.. 

نسمه بنبره كلها سعاده

مش مهم عندي كل دول، انا مش مهم عندي دلوقتي غير جوزي حبيبي وبس.. 

سعيد ابتسم بهدوء وقال

طيب يلا بقي نجهز العشا عشان سهرتنا النهارده طويله، وحشتيني اووي يا جزمه وكنت مرعوب من فكرة ان موضوعنا يخلص كده خلاص.. 

نسمه 

لا ما تقلقش انا خلاص قاعده علي قلبك من هنا ورايح.. 

_ضحك سعيد بهدوء وفضل معاها باقي اليوم وهو بيحاول ينسيها كل اللي حصل من امه.. 

_فهل سعيد صادق في كلامه ولا لسه سيطرة امه عليه هي اللي بتحركه؟ 

ــــــــــ #بقلم_الكاتبه_رحاب_القاضي ــــــــ

_وفي بيت رحمه كانو قاعدين بيتعشو مع عفاف ام رحمه اللي قالت لشهد بحده.. 

عفاف

بت با شهد انتي عامله ضيفه ولا ايه مدي ايدك. يا حبيبتي يلاا وادي رحمه وشيري.. 

شهد 

اكلت والله يا طنط مش هقدر اكل تاني خالص.. 

رحمه 

طيب قومي اعمليلنا شااي، وانتي يا شيري هانم بالراحه انتي عمرك ما اكلتي محشي. 

عفاف بحده

يا بت ما تسبيها براحتها، كلي يا حبيبتي وكمان عملتلك طبق كبير جوه تاخديه معاكي وانتي كمان يا شوشو.. 

شيري

تسلم ايدك يا طنط بجد شابوو طعمه حلو اووي؟.. 

عفاف 

تعدميني يا بنتي ده انا مذودااه شربه مش شامبو هما عندكم بيعملو المحشي بالشامبو.. 

ضحكت شيري ورحمه قالت

قصدها برافو عليكي يا ماما، وانتي بطلي ضحك علي امي.. 

شيري

بالعكس دس طيبه اووي وانا حبيتها جدا.. 

باستها عفاف وقالت 

وانا كمان حبيتك اووي وبقيتي بنتي التلاته مع رحمه وشهد.. 

_في الوقت ده الباب خبط وقامت عفاف فتحت وكان أسر قدامها، فقالتله بهدوء.. 

عفاف

خير يا افندي نعم؟.. 

أسر بهدوء

انا أسر الفيومي جوز شهد هنا مش كده؟.. 

عفاف ابتسمت وقالت 

يا الف اهلا وسهلا ايوه هنا تعالي اتفضل يا ابني.. 

أسر بجمود 

لا معلش مره تانيه لاني مستعجل ممكن تندهيلي شهد.. 

عفاف

يا ابني ما ينفعش تستناها علب الباب كده ادخل انت مش غريب... 

أسر

لا معلش انا هستناها في العربيه، قوليلها بس تستعجل وتنزل بسرعه.. 

قال كلامه ونزل وعفاف دخلت وقالت

ده جوز شهد بيقول عايزها.. 

شيري بصدمه

ايييه جوز شهد؟ هي شهد متجوزه؟!.. 

طلعت شهد من المطبخ وقالت بقلق

هو كان هنا بجد؟.. 

عفاف

ايوه وبيقولك انزليلو بسرعه وهو مستنيكي تنزلي، انا مسكت فيه يدخل حتي يشرب حاجه بس هو رفض.. 

رحمه 

سيبك منه يا شهد وخليكي بايته معانا.. 

شيري

انا مش مصدقه انك متجوزه يا شهد.. 

عفاف

بس يا بنت انتي وهي وانتي يا شهد عيب يا حبيبتي اسمعي كلام جوزك شكله عايزك في حااجه مهمه.. 

شهد بهدوء

حاضر يا طنط هدخل اغير هدومي واروحله.. 

_ودخلت شهد اوضة رحمه وبصت من الشباااك قبل ما تقفله عشان تغير هدومها ولقيت فعلا عربية أسر مركونه تحت البيت، فأنتفضت بخوف وقالت بدموع.. 

شهد 

ياارب هو انا امتي هخلص من الكابوس ده، ربنا يستر بقي وما ينكدش عليا.. 

_قالت كلامها وغيرت هدومها ونزلت، واول ما ركبت جنبيه العربيه مشي هو بسرعه من غير ما يقول ولا كلمه.. 

شهد بقلق من سكوته

كنت هقولك بكره علي اللي عملتو النهارده.. 

_ما ردش عليها أسر وكانت ملامحه غاضبه جداً، واول ما وصلو البيت نزل من العربيه وهي كمان وهو قرب منها ومسك ايدها بقوه ودخل جوه.. 

شهد 

سيب ايدي يا أسر ايه اللي انت بتعمله ده؟.. 

أسر بحده 

ولا كلمه ده لو مش عايزااني افرج عليكي اللي موجودين هنا كلهم.. 

_خافت من نبرته الغاضبه وطلعت معاه لاوضتهم، واول ما دخلو ذقها جامد علي السرير وقال بعصبيه.. 

أسر

هو انا قولت ايه؟. 

شهد بدموع

انت مالكش حق تعمل فيا كده، مش حتت ورقه هتخليك تبيع وتشتري فيا علي مزاجك، واحنا بينا اتفااق فما تصدقش نفسك وتعمل فيا جوزي بجد.. 

قرب منها أسر وقال بحده

لا انا جوزك بجد يا شهد ومدام ما بتسمعيش كلامي بحجة ام الاتفااق اللي بينا انا بقي هلغي الاتفاق ده خالص ونبقي زوج وزوجه عاديين جدا  ، مدام ده اللي هيخليكي تسمعي كلامي.. 

رجعت لورا بجسمها وردت عليه وهي خايفه وقالت

انت قصدك ايه؟.. 

_قلع أسر جاكيت بدلته ورماااه علي الارض وقرب منها جدا وقال بخبث.. 

أسر

قصدي هنتجوز بجد وانسي اي اتفااق بينا.. 

شهد بدموع وخوف 

لا لا ما تهزرش ده مستحيل يحصل.. 

أسر بحده

لا هيحصل بمزاجك او غصب عنك هيحصل يا شهد.... 

ـذقته شهد وجات تقوم من قدامه بس هو مسك ايدها جامد وقال بغضب.. 

أسر

اهدي عشان ما اتعصبش عليكي يا شهد وده اصلا حقي.. 

شهد ببكاء

مالكش حقوق عندي ولو ما سبتنيش انا هقول لفؤاد علي كل حاجه.. 

بصلها بغضب وقال

حلو.. انتي قولي لفؤاد وانا اقول لابوكي واطفح اهلك كل قرش خدووه مني وارجعكم لمستوي اوطي من اللي كنتو فيه، انا بهددش يا ماما انا خيري سابق عليكي وعلي اهلك، فأهدي كده عشان ورحمة ابويا وامي ما هبعد عنك النهارده يا شهد غير بمزاجي.. 

_غمضت شهد عيونها بأستسلام،  وغضبه هو خلااه يشكل اول ليله بينهم بشكل قاسي ومؤلم لتلك الصغيره... 

_تفتكرو بقي هيحصل ايه لما يعرف أسر انه اول راجل في حياتها، ولو اعترف بحبه لشهد بعد اللي عملو فيها ده هتقبل بيه ولا هترفضو، نلتقي اليارت القادم يا اصدقائي 👋👋👋

ـــــــــــــــــــــــــــــــــــــــــــ

#بقلم_الكاتبه_رحاب_القاضي

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا،

مجمع الروايات الكامله اضغط هنااااااا