رواية مأساة حورية البارت الحادي وعشرون 21بقلم فريدة احمد (حصريه وجديده في مدونة قصر الروايات)

رواية مأساة حورية البارت الحادي وعشرون 21بقلم فريدة احمد (حصريه وجديده في مدونة قصر الروايات)

رواية مأساة حورية البارت الحادي وعشرون 21بقلم فريدة احمد (حصريه وجديده في مدونة قصر الروايات)

فتحت حورية التليفون وهي كلها لهفة تطمن ان الفيديو لسه  موجود و ميكنش وقع في ايد رشا او محمد..لكن 

للاسف ملقتش الفيديو علي الموبايل 

لأن فعلا محمد مسح الفيديو..واللي هي متعرفوش ان محمد كان حاذفه من علي موبايلها قبلها بيوم اساسا يعني من قبل اللي حصل بينها وبين عاصم 

حورية كانت هتتجنن حرفيا وهي بتقول بغضب وجنون ياولاد الكـ ااالب 

عاليا و هنا مكانوش فاهمين اي حاجة واتفاجأو بيها لما قامت وقالت بإصرار..لازم اخرج من المستشفي حالا   

عاليا... اهدي بس.. ممكن تفهمينا ايه اللي حصل 

حورية...  لازم اخرج يا عاليا كلمي الدكتور ارجوكي خليه يكتبلي علي خروج 

هنا.... بس انتي لسه تعبانة 

حورية وهي بتحاول تتحكم في اعصابها قالت..  لا انا كويسة

وهي كل همها تروح تلحق النسخة اللي عند بيري اللي مبقتش متاكدة انها لسه موجودة هي كمان بعد خيا، نة بيري ليها 

بصت لـ عاليا وقالت بعصبية ... شوفي الدكتور ياعاليا. يا اما هخرج من غير موافقتهه 

عاليا... طيب اهدي ممكن بس فهمينا ايه اللي حصل فجأة خلاكي بالحالة دي 

حورية بهدوء مصتنع.... مفيش. عاوزة بس اخرج في مشوار مهم لازم اعمله 

عاليا... طب استني يوسف لما يرجع 

حورية بعصبية.... مش هستني حد.

وهي بتلف حوالين نفسها و بتدور على شنطتها اللي هنا جابتها ليها هي كمان مع الموبايل و اللي كان فيها مفتاح شقة بيري،، وبرغم ان الشنطة كانت قدامها من عصبيتها مكانتش شايفاها  

بصت لـ هنا وبعصبية... هي فين الشنطة 

هنا...اهدي.الشنطة اهي 

وهي بتشاورلها علي السرير كانت موجودة عليه 

اخدتها وقالت لـ هنا.... اطلبيلي أوبر 

وهي بتمسك دماغها اللي ابتدي يوجعها لكن اتجاهلت الوجع وقالت بعصبية لـ هنا  ... اخلصي ياهنا 

هنا... حاضر حاضر بس اهدي وقوليلنا هتروحي فين. 

حورية غمضت عنيها بعصبية وهي بتحاول تهدي نفسها وقالت... متقلقوش انا رايحة عندي بيري. يلا اطلبي بقا 

هنا... حاضر

........................ 

عند محمد اللي كان لسه يوسف حابسه كان بيحاول يفك نفسه بغضب علشان يشوف اي مكان يقدر يخرج منه

في اللحظة دي دخل يوسف اللي اول ماشافه ابتسم بسخرية وقال... مش هتعرف حتي لو فكيت نفسك. مش هتعرف تخرج من هنا ولا هتقدر  غير بمزاجي انا

محمد بصله بغل وقال بغضب.... صدقني اللي بتعمله ده مش في صالحك ابدا

كمل بتوعد.... لاني اقسم بالله ماهعديهالك يايوسف 

يوسف شد كرسي وقعد عليه بالعكس قصاده، طلع سجايره وسحب سيجارة ولعها وابتدي ينفث دخانها ببرود وقال.... زي بعضه خلينا نشوف. الايام بيننا واديني مستني اشوف هتعمل ايه 

محمد بغل... مش هرحمك اقسم بالله. هندمك يايوسف

يوسف اتجاهل تهديده وبصله وقال..... طلق اختي 

محمد.... مش انت اللي هتخليني اطلقها 

يوسف.... لا هخليك وان مكانش بمزاجك هيبقي غصب عنك 

بصله بسخرية علي منظره وقال.... وانا انصحك تشتري نفسك وتسمع الكلام وتطلق بهدوء. انت مبقاش فيك حتة سليمة.. طلقها واشتري نفسك 

لكن محمد رد عليه وقال ... مش هيحصل. اختك هسيبها كده زي البيت الوقف لا منه مطلقة ولا متجوزة 

يوسف قام وقال.... يبقي شكلك حبيت القعدة هنا...وانا مش هقصر معاك. هجيلك صبح وليل. انت عارف انا في اجازة بقا وفاضي. وبصراحة ايدي بتاكلني كتير.. شكلي هنتسلي معاك الفترة دي ..وبردو هعرف ازاي اخليك تطلقها وحتي بعد مايحصل  اوعدك مش هتخرج من هنا

....... 

في بيت اهل حورية وخصوصا شقة اخوها عماد اللي اول مادخل وشاف مراتو اتخض وقالها.... ايه اللي عمل فيكي كده 

كانت نورا لافة راسها ب شاش بصتله وقالت... اختك يا اخويا 

عماد باستغراب.... اختي مين

نورا بضيق... وانت ليك كام اخت.. مقصوفة الرقبة حورية 

عماد.... وهي شافتك فين ولا شوفتيها فين 

نورا... طبعا ماانت بقالك يومين غايب بره البيت هتعرف منين

عماد... اخلصي ايه اللي حصل 

نورا حكتله علي كل اللي رشا قالتهولها في التليفون علي حورية وانها كانت مع عاصم 

نورا.... بس بقا. و جوزها فتـ حلها دماغها دا كويس انو مقتلها،، ش. 

عماد كان بيسمعها بغضب وهو مصدق في اخته 

ونورا كملت وقالت ..و اخوك المحروس يوسف جابها هنا وقال ايه ناوي يطلقها منه

كملت بطيبة مزيفة وقالت ... وانا يدوب كنت لسه بنصحها 

وبقولها ليه تخرب علي نفسها راحت شتمـ تني وضر،، بتني بالشبشب زي ما انت شايف.. فتحتلي دماغي بكعب الشبشب مقصوفة الرقبة 

وهي حاطة ايدها علي دماغها وبتقول.. منها لله المفترية 

لكن فجأة بصتله وقالت بشك.... الاا انت كنت بايت فين امبارح 

عماد اتوتر لكن رد عليها بخشونة وقال...  اكيد في شغل 

نورا بشك وهي مش متطمنالو قالت.... شغل ايه ده اللي بقيت تبات فيه كتير 

.................... 

عند قدرية كانت قلقانة جدا علي محمد اللي مرجعش البيت من و بتحاول تكلمه بس تليفونه مقفول مش عارفة توصله و لاتعرف هو بايت فين من امبارح

في الوقت ده كانت سمر في اوضتها بتكلم  علي اللي كان بيطلب منها تقابله في شقته اللي متعودين يتقابلو فيها 

لكن سمر كانت بتقوله ان الدنيا مش تمام عندها في البيت ومش هتقدر تخرج. 

علي وهو بيحاول يأثر عليها قال....خلاص هاخرج اسهر في اي بار بقا. وانتي عارفة المزز هناك علي قفا من يشيل. دا غير البت ساندي عمالة بتكلمني من الصبح. بصراحة البت دي وتكاية. نفسي ابو،، سها 

سمر بغضب وعصبية ردت عليه وقالت بغيرة ... طب اعمل كده وانا كنت اقطع بوقك وولع فيه 

علي... ما انتي ياسمورة كارفالي بقالك كام يوم 

سمر بسرعة قالت... لا جيالك علشان تتلم 

وقفلت معاه وقامت بسرعة تلبس 

وبعد دقايق خرجت لقت قدرية اللي لسه بتحاول تكلم محمد 

بصتلها وقالت... علي فين انتي كمان

سمر.... هروح عند واحدة صحبتي اذاكر معاها ياماما 

قدرية.... طب متتأخريش 

سمر.... حاضر ياست الكل 

وباستها وخرجت بسرعة 

وهي خارجة لقت كريم في وشها داخل بس قبل ما يشوفها كانت هي استخبت بسرعة ورا الشجرة علشان ميشوفهاش ويسألها رايحة فين 

وبمجرد ما كريم دخل البيت اتنفست براحة وخرجت هي من البوابة 

كريم بمجرد ما دخل قدرية بلهفة قالتو.. اخوك فين 

كريم باستغراب ... مش عارف. 

قدرية... اخوك مرجعش البيت امبارح و تليفونه مقفول. انا قلقانة عليه 

كريم... هو مش صغير. هتلاقيه بايت في اي مكان وهيرجع. وبعدين ايه القلق ده كلو هو اول مرة يبات بره البيت 

قدرية... طب وهيقفل تليفونه ليه 

كريم... يمكن مش عاوز يكلم حد.. متقلقيش هو متضايق بسبب اللي حصل. شوية وهيرجع 

قدرية وهي مش متطمنة... لا انا حاسة ان اخوك حصله حاجة.. واكيد حد عمل فيه حاجة بسبب اللي ماتتسمي.. 

بصتله وقالت... انا عرفت ان اخوها يوسف اليومين دول راجع اجازة. واكيد عرف اللي حصلها. وانت عارف دا روحه فيها. اكيد عمل في محمد حاجة عشانها 

كريم بصلها بقلق وابتدي فعلا يشك ان يوسف ليه علاقة باختفاء محمد

ف قال...انا هتصرف وهشوفه 

وخرج من البيت وهو بيحاول يتصل علي يوسف لان يوسف وكريم صحاب اساسا. لكن للاسف يوسف مكانش بيرد لانه كان ساب الفون في العربية  

..........  

سمر كانت وصلت الشقة عند علي طلعت المفتاح من شنتطها وفتحت الباب بهدوء ودخلت وهي بتتلفت عليه لاقته نايم علي الكنبة  قربت عليه ووطت بهدوء با، سته 

و في لحظة كان شدها وقعت عليه 

سمر شهقت وقالت.. بحسبك نايم. خضتني. 

علي وهو بيرفع شعرها قال... سلامتك من الخضة. وحشتيني 

سمر.... انت كمان وحشتني 

ولسه بتقوم 

علي شدها عليه تاني وهو بيبصلها بوقاحة وبيقول....ولما واحشين بعض راحة فين. تعالي 

وقلبها بقت تحته وو 

....................... 

عند امجد كان بيكلم عمه اللي حكاله علي كل اللي حصل  وبعد ماقفل معاه كان حاطط ايده علي عينه وهو متضايق جدا من اللي حصل ،

فجأة اتفتح الباب  وكانت منار اللي فضلت واقفة علي الباب شال ايده من علي عينه وقالها تعالي 

قربت ليه بهدوء وهو قام اتحرك ناحية الخزنة فتحها وخرج منها مبلغ،، قرب عليها وهو بيديهولها وقال... دا نصيبك من الفندق الشهر ده 

اخدته منار بهدوء ولسه هتتحرك امجد مسك وشها بإيده لفه ليه

كان ملاحظ عليها الهدوء غير عادتها دا غير كان واضح علي ملامحها انها حزينة 

امجد... مالك.. في حد مزعلك 

هنا منار اتفتحت في العياط وقالت من بين شهاقتها... عمتو كلمتني.. ووبتقولي. ان ان عمامي هييجو ياخدوني اعيش معاهم.. وكمان عمي عاوز يجوزني لابنه اللي انا معرفوش

بصتله وقالت.... مش عاوزة اسيب هنا يا امجد. مش عاوزة اتجوز. 

امجد... طيب اهدي. 

منار بدموع ... انا خايفة. انا معرفهمش. مش هقدر اعيش معاهم 

حاوط وشها بكفوفه وقال بحنيه .... اهدي ممكن. متخافيش. مفيش حاجة هتحصل غصب عنك. انا هتصرف 

منار.... بجد 

امجد... بجد 

وباس راسها وابتسملها وهو بيطمنها

.......... 

يوسف  خرج من المخزن بيفتح عربيته اتفاجأ ب تليفونه 

اللي كان مش مبطل رن 

مسكه وكان اخوه طارق اللي اول مارد عليه قال... يوسف تعالي المعرض عايزك. 

يوسف... في حاجة ولا ايه

طارق... عاوز اتكلم معاك. تعالي يلا

يوسف قفل معاه بص لقي كريم بيتصل 

واللي بمجرد ما رد عليه هو كمان قالو بسرعة .. محمد فين يايوسف 

يوسف.... في الحفظ والصون 

كريم بقلق ... انت عملت فيه ايه 

يوسف... متقلقش عليه. انا بس مضايفه عندي كام يوم   

كريم بتحذير ....مش هسمحلك تأذيه يايوسف سامع

يوسف بغضب ... وهو لما اذاي اختي كان عادي

كريم بسرعة... انا عارف ومقدر موقفك بس.. 

قاطعه يوسف... اسمع ياكريم اخوك انا هاخلص عليه كل القديم والجديد.. اوعدك مش هسيبو غير لما اخد حق اختي منه 

و قفل معاه وبعدها ركب عربيته وطلع بيها 

بعد وقت قليل وقف قدام معرض سيارات وده بيكون خاص بيه هو واخواته 

يوسف دخل قابل في وشه الصبي بتاع القهوة اللي خارج من المعرض واخد الكوبيات الفاضية 

يوسف  ... ازيك يااض ياحمص 

حمص... واحشني ياوحش والله 

يوسف... متشوفش وحش.. ابقي هاتلي واحد قهوة 

حمص... احلي قهوة للوحش حالا هتكون عندك 

وطار علي القهوة ويوسف قرب علي طارق اللي قاعد علي مكتبه وقال.... خير 

طارق.... انت ايه اللي عملته ده 

يوسف.... عملت ايه. 

طارق... اللي عملته مع محمد مش هيعدي علي خير يا يوسف. انت عارف محمد دا نابه ازرق 

يوسف... هخاف منه يعني ولا ايه 

طارق... هو مش هيعديهالك انا متأكد 

في اللحظة دي دخل عماد اللي قال ل طارق وهو بيقعد... احنا مبنخافش يلا 

طارق... يعني انت موافقه علي اللي بيعمله 

عماد بص ليوسف وقال... اه. بس بردو بقول كفاية عليه  كده ونلم الموضوع 

يوسف.... موضوع ايه اللي يتلم.. انا مش هسيبه غير لما يطلق حورية

عماد باعتراض... طلاق ايه. احنا معندناش بنات تطلق 

طارق... انا بردو بقول كده.. 

بص ليوسف وقال... وبعدين الطلاق مش في مصلحتها. اختك مبتخلفش. يعني لو اتطلقت مش هنعرف نجوزها تاني.. ولا انت عاوز تطلقها منو علشان ترجعلنا . احنا مصدقنا جوزناها.. يعني مش هنسمحلك تعمل اللي في دماغك.

عماد... انت ادبته وكفاية عليه كده يبقي خلاص 

يوسف.... طب اسمعو بقا انتو الاتنين..  ابن ****** مش هسيبه غير لما يطلق حورية. ووروني مش هتسمحولي ازاي 

عماد بغضب... يعني ايه يلا. انا مبتكبرش لحد 

يوسف....اه. 

قام وكمل بنبرة قاطعة... حورية هتتطلق وهترجع تعيش معانا في البيت. بيت ابوها 

كمل بتحذير... والراجل فيكم يدوسلها علي طرف. ساعتها انا اللي هقفله 

وسابهم وخرج 

طارق بص ل عماد وقال... هتسيبه يعمل اللي فدماغه 

عماد.... ما انت عارف دماغه محدش بيقدر عليه.. بس هتصرف 

........... 

عند حورية كانت وصلت شقة بيري وبقت تطلع في مفتاح الشقة من وسط المفاتيح وهي زي المجنونة 

فتحت ودخلت في الوقت ده مكانتش بيري موجوده 

اتحركت بسرعة علي المكان اللي كانت شايلة فيه الفيديو ولكن للاسف اتصدمت للمرة التانية لما ملقتوش 

كانت بتقلب في المكان كلو وهي زي المجنونة

جذبت شعرها لورا بعصبية وهي بتلف في الاوضة بجنون  لحد ما سمعت باب الشقة بيتفتح عرفت ان بيري رجعت،، خرجت من الاوضة بغضب وقابلتها 

بيري اتفاجات بيها وعلطول قربت عليها بفرحة وهي بتقول.... حورية خرجتي امتا. كنت لسه هجيلك المستشفى 

وقربت تحضنها وهي بتطمن عليها 

لكن حورية زقتها وقالت بغضب... ابعدي عني 

اتصدمت بيري من طريقتها لكن قبل ما تتكلم حورية قالت بغضب... وديتي الفيديو فين

بيري بصت في الارض وهي مش عارفة تقولها ايه 

حورية لما لاقتها كده شكها اتحول لتأكيد قربت عليها بغضب وقالت..... اديتهولو. صح. 

صرخت بيها وقالت.... ليييه. ليه عملتي كده ليييييه. حرام عليكي

بيري...اهدي ممكن.

لكن حورية كانت زي المجنونة قالتلها....اهدي ايييه وزفت ايييه.  بتديلو الفيديو بعد ما آستأمنتك عليه. منك لله ياشيخة. منك لله. عملتي كده ليه

بيري كانت ساكتة مش عارفه تقول ايه

بصتلها باستحقار وقالت....انتي از،بل واحدة قابلتها في حياتي.. قوليلي عملت معاكي ايه علشان تعملي فيا كل ده 

انطقي... عملتلك ايييه علشان تخدعيني بالشكل ده 

رقت نبرتها وقالت بدموع.... دا انتي اكتر حد كنت بثق فيه.. ليه. 

بصتلها بعتاب... ليييه. عملتي فيا كده.لييه.. دانتي اقرب حد ليا. عمري في حياتي ماشكيت فيكي.... دا انا مكنتش باجي غير ليكي واترمي في حضنك واشتكي.. عملتي فيا كده ليه. ليه يا بيري

بيري....غصب عني صدقيني 

حورية بسخرية ....غصب عنك اه.. ايه فيهم اللي غصب عنك  لما روحتي اديتلو الفيديو ولا لما خو. نتيني معاه 

كملت بزعيق وغضب.... مش كفاية بتخو،، نيني وانا زي الهبلة فكراكي اختي

كانت بتبصلها بقرف وبتقول....انا ازاي كنت مخدوعة فيكي السنين دي كلها 

بيري.... خو، نتك ازاي. انتي بتقولي ياحورية 

حورية.... متحاوليش تنكري. شوفت صورته وهي جايلك هنا شقتك. وشوفتك كمان معاه في العربية.. ايه هتنكري وتقولي ان مش انتي. هتكدبي عنيا اللي شافتك 

اتنهدت بيري وقالت.... لا ياحورية. كل اللي بتقوليه صح. هو فعلا كان معايا.. بس ممكن تهدي وانا هفهمك

يتبع............. 

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا