رواية مأساة حورية البارت الثالث وعشرون 23بقلم فريدة احمد (حصريه وجديده في مدونة قصر الروايات)

رواية مأساة حورية البارت الثالث وعشرون 23بقلم فريدة احمد (حصريه وجديده في مدونة قصر الروايات)

رواية مأساة حورية البارت الثالث وعشرون 23بقلم فريدة احمد (حصريه وجديده في مدونة قصر الروايات)

بصت حورية ل يوسف اللي قاعد جمبها في العربية بيدخن بشرود وقالت.....  الطلاق ده دا تحت تهديد

يعني مش هيقع يايوسف 

: عارف

قالها يوسف وهو بينفض دخان سيجارته من شباك العربية 

بصلها وكمل....انا بس كنت حابب اشوفه وهو بيستسلم قدامي...متقلقيش كده كده هيطلقك ياحورية وبرضاه كمان 

حورية....مش هيطلق يايوسف..محمد هيعاند معايا. انت متعرفوش

يوسف وهو بيطمنها ....متقلقيش. هو مش هيقدر يستحمل الحبسة دي. هيطلقك انا متاكد 

حورية... سيبو يايوسف. محمد مش هيعدي اللي عملته فيه ده بالساهل. اكيد هيحاول يإذيك. انا خايفة عليك. علشان خاطري سيبو.. وبعدين انا قولتلك القضية انا متاكدة اني هكسبها وهخلص منو 

يوسف بغل .... ميكفيش. اللي عملو فيكي لازم يتأدب عليه اضعاف ما عمل فيكي.. مش هسيب حقك كده ياحورية. لازم اندمه

حورية.... بس انا خايفة عليك هيإذيك يايوسف. و انا مليش غيرك 

باس راسها وقال... متخافيش. ولا هيقدر يعمل اي حاجة

وشغل العربية ولسه هيطلع 

مسكت ايده وقالت ... انت هتروح فين 

يوسف... هنرجع البيت

حورية بعفوية... نعمم. وهو انت مش هتعالجه. هنمشي ونسيبه كده 

يوسف بصلها شوية يستوعب وبعدين قال.... هو انتي خايفة عليه. ولا انا فهمت غلك

حورية بلعت ريقها بتوتر وقالت.... لا طبعا خايفة عليه ايه. بس اكيد مش هنسيبه يمو، ت يعني

يوسف... لا متخافيش هو مش هيمو، ت. دي طلـ قة في رجله يعني مش هتعمله حاجة

حورية....ما لما نسيبه كده من غير مانخرجهاله هيمو، ت 

كملت بحزم.. يوسف اطلبله دكتور حالا يلا  

يوسف... اكيد هجبله دكتور يخرجهاله

كمل بغل... بس خليه شوية يتألم.. اول ما يبتدي يكلع في الروح ساعتها هجبلو دكتور

حورية بعصبية... مش هنتحرك من هنا غير لما نجيبله دكتور يايوسف

لسه هيتكلم قاطعته بحده... اطلبلو دكتور 

يوسف ... طب هروحك وهشوف

حورية لسه هتعترض 

زعق وقال... قولتلك هشووف. افصلي بقاا

سكتت بخوف وهو شغل العربية وطلع بيها 

بعد وقت بصلها لاقاها باصة من الشباك وزعلانة

لف وشها ليه وقال .. خلاص بقا. متزعليش.. انا عارف اني اتعصبت عليكي.. حقك عليا

مردتش عليه

يوسف .. هتفضلي زعلانه 

حورية بدون ماتبصله قالت... اه. واوي كمان 

يوسف باس راسها وقال... الدنيا كلها تهون الا انتي. مقدرش علي زعلك  

حورية بصتله ولسه هتتكلم 

قاطعها وقال بسرعة .. هعالج ميـ *تين امه عشانك. مرضية كده

ابتسمت غصب عنها 

وهو بصلها بغيظ ومسك تليفونه وكلم دكتور يعرفه كويس وواثق فيه واتفق معاه يجي يخرج لـ محمد الرصا،، صة 

.................... 

عند قدرية 

اول مالقت كريم نزل من فوق قربت عليه وقالت بغضب.. ماتصرفتش ليه وشوفت اخوك.. ااسمع لو محمد مارجعش النهاردة هروح ابلغ البوليس

كريم بهدوء... هتقوليهم ايه 

قدرية... هقول ان يوسف خاطفه

كريم... و لما تعملي كده. تفتكري هيسكتو. ولا هيقلبو الترابيزة عليه. هتضمني منين انهم ميعملوش فيه محضر انه فاتحلها دماغها وكان هيمو. تها.. لو جابو كشف طبي باللي عمله ابنك هيتحبس 

قدرية بتفكير.... لو عملو كده ساعتها نبقي نشهد انها كانت بتخو،، نه 

وطبيعي لما يشوفها في حضن واحد يعمل كده 

كريم بصلها بيأس وقال...انا مش عارف اقولك ايه والله ياما

وسابها وراح يخرج 

وقفته وقالت... طب هنتصرف ازاي يعني دلوقتي 

كريم قبل مايفتح الباب قال بدون مايبصلها.... هحاول اتكلم مع يوسف بهدوء 

و فتح الباب وخرج 

............. 

عند حورية ويوسف كانو وقفو قدام البيت حورية نزلت ويوسف لف ورجع تاني 

وبعد وقت كبير عند محمد كان الدكتور اللي جابه يوسف خرجله الرصا،، صة وعالجه

.......... 

مساءا 

: امتا بقا نخلص من الدروس والقرف ده..يارب الثانوية العامة تمو، ت  

قالتها بنت وهي ماشية مع صاحبتها راجعين من الستنر 

لترد صاحبتها هي كمان وتأمن وراها... امين يارب. ونتجوز بقا ياااااه 

كانت لسه هترد عليها لكن اول مابصت قدامها وشافت يوسف اللي كان راجع البيت قالت مرة واحدة... يوووسف 

وبسرعة ادت الكتب لصاحبتها وقالت... خدي ياختي دخليهم لامي 

وجريت بلهفة علي يوسف وحضنته في وسط الشارع 

يوسف وهو بيبعدها وبيبص حواليه قال... الله يخربيييت امك. بتعملي ايه يابت

اتكسفت بعد مااستوعبت اللي عملته وقالت... وحشتني اعمل ايه يعني..من لهفتي عليك مفكرتش لما شوفتك 

بصتله بحب وقالت وهي بترفع ايدها وبتحركها علي وشه برومانسية... وحشتني اووي. اووي يايوسف 

صاحبتها كانت واقفة بعيد بتبص عليها وتقول بيأس.. يخربيت جنانك. المنطقة كلها اتفرجت علي الحضن 

اما يوسف خدها من ايدها وقال للناس اللي كانو مركزين

لا مؤاخدة ياجماعة.. لمواخذة ياعم عربي 

عم عربي ودا بيكون صاحب محل فاكهة ضحك و قال... يابخت من لقي حد بيحبه.. الله يسهلك ياوحش 

يوسف... ربنا يرزقك ياعم عربي.

وبصوت واطي... الله يخربيت عينك 

ودخل بيها بيتهم، وقف في مدخل البيت وهو بيقولها.. اتجننتي يابت. فرجتي الحارة علينا

قربت ليه وقالت وهي بتهز كتفها بلامبالاة ... محدش ليه عندنا حاجه . وبعدين احنا مكتوب كتابنا وكلهم عارفين. معملتش حاجة حرام يعني. 

يوسف... بس مش علي الملأ كده وتفرجي علينا امة لا اله الا الله. نتحسد حتي

كمل وقال بعد ما رفع ايده علي شفا،، يفها وقال بر، غبة... عاوزة حاجة. تعالي نعملها في المداري..

ضعط علي شفته السفلية بوقاحة وقال... وحشتيني يابت 

وفي لحظة كان شدها من وسطها ومال علش شفا،، يفها وخدها في بو،، سة كلها اشتياق 

لفت ايدها علي رقبته، كانت بتبادله مشاعره بحب واشتياق اكبر 

بعد فترة اخيرا بعدو 

يوسف... يخربيت طعامة امك

بصتله وقالت....  زعلانة منك علي فكرة

بصلها بتعجب من تغيرها المفاجئ ف قالت.. يعني بقالك يومين راجع ومفكرتش حتي تسأل عليا 

يوسف... حقك عليا 

وباس راسها وبعدها باس خدها ولسه هيبو،، س شفا، يفها

زقته وقالت... لا ابعد زعلانة منك بجد 

رفع حاجبه وقال... بتتحولي يابت ولا ايه. دانتي كنتي هتاكليني دلوقتي 

بصلها بوقاحة وهو بيكمل... بس ايه ده. دانتي بقيتي... 

قالت بسرعة وربنا ما انت مكمل. انا اصلا بتكسف 

يوسف... لا واضح 

: ياحوور مين معاكي

حور... احم. دا دا يوسف ياماما

مامتها من جوه. ماتدخل يايوسف واقف بره ليه. ماتيجي تسلم عليا ياواد.. دانت حتي واحشني

دخل يوسف وهو بيقول..... مش اكتر مني يازوزو والله 

قرب عليها باس راسها وايدها وقالها بمزاح....اووعاا علي الجمال. طب تصدقي بإيه 

زينب وهي بتبصله باهتمام.. ونعم بالله 

يوسف.. وربنا لولا اني متربي معاكم وعارف ان البت دي بنتك ماكنت هصدق انك تخلفيها... دانتي بقيتي اصغر منها. الناس كلها تكبر وانتي تصغري وتحلوي

ضحكت وقالت... وربنا انت بكاش 

يوسف... طب وربنا بتكلم بجد. 

: وايه تاني ياحبيبي 

قالتها حور بغيظ ليوسف 

كملت وقالت... عاكس في ماما كمان قدامي 

يوسف... لا معلش انا واحد بقدر الجمال 

حور بغيظ... اه ما انا عارفة

زينب بضحك... روحي اعمليلو عصير المانجا اللي بيحبو  ياحور يلا

حور... حاضرر

يوسف.... لا انا همشي. اصلي راجع فاصل وماهصدق ادخل البيت وانام 

وباس ايد زينب و راس حور وهو خارج قال تصبحو علي خير

حور ومامتها.. وانت من اهله

( عارفة ان اسم حور هيلغبطكم علشان البطلة حورية بس انا سميتها حور علي اسم صاحبتي اللي طلبت مني اجوزها يوسف في الرواية وانا مقدرش ازعلها ♥  ) 

........... 

تاني يوم 

تاني يوم 

حورية صحيت لبست ودخلت اوضة يوسف براحة وقربت علي بنطلونه اللي علي الكرسي وبدون ماتعمل اي صوت اخدت المفاتيح من جيب البنطلون وخرجت من غير مايحس بيها 

.. 

بعد وقت وقفت قدام المخزن وهي بتاخد نفسها 

فتحت الباب ودخلت بهدوء قربت علي محمد اللي اتفاجأ بوجودها وقال بسخرية.... خير يامدام

حورية لسه هتتكلم 

قال ببرود.... اوعي تفكري انك كده خلاص اتطلقتي. لا ياحلوة. دا انتي حتي محامية وعارفة 

حورية.... عارفة. علشان كده جيتلك 

اتنهدت وقالت... طلقني يامحمد برضاك. احسن انت مش عارف يوسف هيخرجك من هنا امتا او هيعمل فيك ايه 

اشتري نفسك وطلقني. كمان هيبقي ليك احسن من الخلع.. لان صدقني لو مطلقتنيش دلوقتي هطلع علي المكتب وهمشي في اجراءات القضية.. وانت اكيد عارف يعني ايه خلع..شكلك هيبقي وحش اوووي قدام الناس. 

محمد مكانش عنده ادني شك انها هتكسب القضية لانه عارف هي شغالة مع مين. دا اكبر محامي في مصر يعني متاكد انه لو ساعدها هتخلعه وبسهولة جدا 

وهو مش ضامن هيخرج امتا من الحبسة اللي فيها دي. كان بيتوعد ليوسف في داخله 

ف فعلا اشتري نفسه بصلها وقال بهدوء ..... انتي طالق ياحورية

لكن كمل بنبرة مميتة كلها توعد وقال .... بس صدقيني مش هسمحلك تتجوزي بعدي. علي جثتي تتكشفي علي راجل غيري..حققتلك امنيتك وحررتك.بس تكملي لوحدك علشان اقسم بالله لوفكرتي تدخلي في حياتك راجل تاني صدقيني هكون كبوسك. اي واحد تفكري تدخليه حياتك هقـ تله.. اما اخوكي اللي بتتحامي فيه. هلبسك عليه اسود وقريب اوي

يتبع........ 

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا