رواية مأساة حورية البارت السادس وعشرون 26بقلم فريدة احمد (حصريه وجديده في مدونة قصر الروايات)

رواية مأساة حورية البارت السادس وعشرون 26بقلم فريدة احمد (حصريه وجديده في مدونة قصر الروايات)

رواية مأساة حورية البارت السادس وعشرون 26بقلم فريدة احمد (حصريه وجديده في مدونة قصر الروايات)

: حورية هو انتي زعلانة انك اتطلقتي 

قالتها عاليا بتعجب لحورية اللي كانت قاعدة قصادها ساكتة وواضح جدا عليها الحزن 

بصتلها حورية وقالت... اكيد لا. دانا مصدقت اخلص من الكابوس ده. 

عاليا... طب ايه بقا. زعلانة ليه دلوقتي. انتي مش لازم تزعلي ابدا ياحورية 

حورية بدموع محبوسة قالت... انا بس زعلانة علي السنين اللي ضاعت من عمري في القرف اللي كنت عايشة فيه.

حطت عاليا ايدها علي ايديها وقالت  ... انا عارفة ان اللي حصلك مش قليل. بس انتي لازم تتخطي كل ده. لازم تحاولي تنسي وتبتدي حياتك من جديد انتي لسه صغيرة. بصي لمستقبلك اللي جاي وارمي ورا ضهرك كل اللي فات

اتنهدت حورية وقالت ...عندك حق.. انا فعلا لازم انسي 

قامت وهي بتقول بمرح مصطنع ... بقالي فترة مروحتش المكتب. كفاية كده. لازم اشوف شغلي بقا 

عاليا قامت وقالت بتشجيع... هو دا الكلام.. هي دي حورية القوية اللي دايما اعرفها بقوتها وعنادها. اللي مفيش حاجة تكسرها ابدا 

حورية بدموع بصتلها وقالت ..بس انا اتكسرت ياعاليا

عاليا.... ماعاش ولا كان اللي يكسرك.. يابت دانتي علمتي عليه هو وامه 

ابتسمت حورية غصب عنها من بين دموعها

وعاليا قالت.... ايوا كده.. بقالي كتير مشوفتش ابتسامتك 

اتنهدت وقالتلها .... انتي لازم تحاولي تتخطي الماضي ياحورية. اوعي اوعي تحزني ولاتستسلمي للحزن ابدا. شوفي حياتك وعشيها. لازم تنسي الماضي بكل قرفه

.....................

مساءا حوالي الساعة 12 منتصف الليل 

فاقت سمر من نومها وبمجرد مابصت جمبها قامت اتعدلت بسرعة وهي بتاخد فونها من علي الكومود وبتبص في  الساعة واللي اول ما شافتها بقت تلطم علي وشها وهي بتقول..... يالهوي يالهوي

وخصوصا لما لقت مكالمات كتير علي الموبايل من قدرية وكريم 

سمر.... يلهوي روحت في داهية اعمل ايه. اعمل ايه دلوقتي. 

علي قام مخضوض وهو بيقول بنعاس... في ايه 

سمر بعصبية وغضب .... انت ازاي تسيبني انام كده 

مسح علي وشه وهو بيقول.... اهدي بس 

سمر كانت بتلطم علي وشها وبتقول... اهدي ايه . الساعة بقت 12 هروح ازاي دلوقتي وهقولهم ايه. دول مكلميني فوق الخمسين مرة

قامت وهي بتلف حوالين نفسها وبتقول... ينهاار اسود. هتصرف ازاي دلوقتي. هعمل ايه ولا هقولهم ايه. 

علي قام وهو بيهدي فيها وبيقولها.... اهدي وانا هتصرف 

بصتله باستنجاد 

قالها وهو بيطمنها... هقولك تعملي ايه بس اهدي 

سمر بصت لاقيتهم بيتصلو تاني قالت برعب... دول بيتصلو تاني

علي... مترديش. واسمعي اللي هقولك عليه

...........................

حور دخلت البيت اتفاجأت بـ نورا في وشها واللي اول ماشافتها قالتلها بسخرية وضيق... حبيب القلب مش هنا.. لسه مرجعش

حور ابتسمت بصتناع وقالت.... عارفة انا جاية لحورية 

و سابتها ودخلت لـ حورية علطول اللي كانت سامعاهم

حور....حورية..  متعرفيش فين يوسف

حورية ضحكت وقالت.... مش انتي جاية ليا بتسالي علي يوسف ليه بقا 

حور بتوعد لـ يوسف.. اخوكي بتصل بيه مبيردش 

حورية... ممكن يكون مسمعش التليفون 

حور بشك..... وممكن يكون بيلعب بديلو من ورايا ومش فاضي يرد 

مستحملتش الفكرة قالت بسرعة... يلهوي. دانا كنت اقـ تله

حورية ابتسمت وقالتلها ... بتحبيه

حور.... اوووي

حورية..... متخافيش يوسف عمره ما فكر يلعب بديلو.. برغم بلطجيته وهمجيته دي  بس ميزته انه مش بتاع بنات. دا يمو. ت فيكي 

في اللحظة دي حور بصت لقت يوسف بيتصل 

ردت عليه بسرعة لاقته بيقولها...بقولك ايه افتحي الباب. جبتلك البيتزا بالسجق اللي بتحبيها. اطلعي خديها يلا

يوسف كان واقف بالعربية قدام البيت 

حور.... ما هو انا مش في البيت اصلا وقبل ماتكمل 

يوسف قالها.... نعم يارووووح امك. امال انتي فين يابت 

حور خافت لكن قالت بسرعة.... ا انا مع حورية عندكم والله. هروح فين انا  

يوسف اخد من العربية ال 3 بيتزا اللي كان جايبهم ودخل البيت 

.......................

كانت قدرية رايحة جاية بقلق

وكريم كان واقف بغضب وهنا ورشا بيحاولو يتصلو علي سمر لكن مفيش رد 

كريم بغضب قال لـ امه وهو بيتوعد لـ سمر .. اقسم بالله لاربيهالك من جديد. 

قدرية بقلق...مش لما نتطمن عليها.. البت اكيد حصلها حاجة. ياتري حصلك ايه ياحبيبتي 

كريم... لا هي اكيد دايرة علي حل شعرها وكله من دلعك فيها. بس وعد لاحبسهالك في البيت من النهاردة

فجاة بصو لقو سمر داخلة 

كريم اتقدم عليها بغضب وهو بيقولها... كنتييي فين يارروح امكك 

قدرية جريت عليها وهي بتطمن عليها و بتقولها... انتي كويسة ياحبيبتي 

ووقفت قدامها تحميها من كريم وهي بتقوله... اهدي ياكريم. نشوف كانت فين الاول ونفهم منها سبب تاخيرها

لكن كريم مكانش قادر يسيطر علي غضبه قالها  .. كنتي فين يابت انتطقي

سمر برعب....اا انا.. 

بلعت ريقها بخوف وقالت... غصب عني صدقني ياكريم. انا اسفة

و اترمت في حضن قدرية وهي بتبكي وبتقول بتعب مصتنع ...ياماما فجأة تعبت ياماما واغمي عليا 

قدرية رفعت وش سمر من حضنها وهي بتطمن عليها  وقالتلها بقلق... ازاي ياحبيبتي. اغمي عليكي ازاي يروحي 

سمر بتصتنع التعب .... مش عارفة. كنت مع صحابي بنذاكر عادي  وفجاة تعبت محسيتش بنفسي غير وانا في المستشفى. 

قدرية بقلق..ليه ايه اللي حصلك ياقلب امك. 

سمر بدموع... مش عارفه ياماما فجأة تعبت مش عارفة من ايه

قدرية..... طب والدكتور قال ان اللي حصلك ده سببه ايه يعني

سمر... هو قال ان ضغطي واطي شوية جالي هبوط علشان كده اغمي عليا.

قدرية حضنتها وهي بتطبطب عليها وبتقول... يا قلب امك..

وبعدين قالتلها..... علشان تبقي تفطري قبل متنزلي. شوفتي حصلك ايه. 

كملت بتساؤل... بس ليه محدش بلغنا من صحابك دول 

سمر.... مش عارفة ياماما هما تلاقيهم نسيو من قلقهم عليا

قدرية.... طب وجيتي ازاي ياحبيبتي لوحدك وانتي تعبانة 

سمر... لـ لا ما صاحبتي جات معايا لحد هنا. بس مشيت من بره

 ‏

كريم وهو مش داخل عليه كل اللي حكته قال....وتليفونك اللي كنا لسه بنكلمك عليه من دقايق مكنتيش بتردي علي امه ليه يابت 

سمر.... تـ تلفوني وقع ومش عارفة هو فين.. تـ تقريبا في الشقة اللي كنا بنذاكر فيها وصحابي نيسيو يجببوه... انا اسفة كل اللي حصل كان غصب عني 

قدرية... ولا يهمك ياقلب امك الحمدلله انك بخير. تعالي استريحي ياروحي 

ولسه هتاخدها وتتحرك علي الاوضة كريم قرب مسك سمر من فكها وهو بيبصلها بشك  وقال... اقسم بالله لو كل اللي حكتيه ده طلع فيلم ماهرحمك 

قدرية بغضب...كريييم. ملكش دعوة ب اختك سامع.. 

وبعدت سمر عنه وقالت... وبعدين ما واضح انها تعبانة. انت مش شايف شكلها وشها اصفر ازاي... هو انت مابتصدقش. وهي هتكدب ليه يعني 

كريم....والنبي بطلي دلعك فيها بقا. 

كمل بغضب...  علشان دلعك فيها ده متعرفيش هيوديها لـ فين. البت دي لازم تتعاد تربيتها وانا هفضالها وهربيها بمعرفتي

قدرية... انا بنتي متربية احسن تربية. ملكش دعوة بيها قولتلك. تعالي ياحبيبتي استريحي 

وخدتها علي الاوضة 

...................   

عند حورية ويوسف وحور 

بعد ما اكلو البيتزا وشربو ببيسي وهما بيهزرو ويضحكو في جو جميل

حورية قامت وقالت... هعملك شاي يايوسف عارفة انك بتحب الشاي 

حور بسرعة قالت... لا ياختي محدش يعمل الشاي لجوزي غيري 

وراحت تعمله

حورية رفعت حاجبها وقالت... طب روحي ياختي. وفرتي عليا التعب 

........ 

تاني يوم  

في الغردقة

امجد كان واقف قصاد البحر بيدخن بشرود،، فجأة منار جات من وراه وحضنته 

لف وبصلها وقبل مايتكلم اتحركت ووقفت قدامه وقالت ببساطة... دا حضن عادي برئ

امجد... احنا قولنا ايه

ردت بسرعة وقالت... مش انت اخويا وعادي لما احضن اخويا.. انت بقا اللي تفكيرك بيروح لبعيد 

امجد.... ياشيخة 

منار وهي بتعبث في زراير قميصه قالت.... امم.. انا محترمة خالص اهو

امجد ابتسم عليها بيأس وقال.. يابت مش عاوز ازعلك 

و مرة واحدة قالت ... ماتتجوزني يا امجد. اقسم بالله هسعدك وهدلعك.

مسكت حرف قميصه وقالت بغمزة... جربني ومش هتندم

امجد مسح علي وشه بيأس وقالها...طب انا مش عاوز امد ايدي عليكي.. قدامك خمس ثواني تخفي فيهم 

منا..... طب هتفكر

وقبل ما يتكلم قالت بسرعة... ما انت كده كده مش مبسوط مع مراتك.. فكر بالله 

امجد.... يابت انتي اختي الصغيرة. افهمي ده

كمل بتحذير... واتعدلي علشان مزعلكيش.. انا مش حابب ازعلك. بس بحركاتك دي هتضطريني لكده

منار بزعل... هتزعلني علشان بحبك.. اخص عليك 

اتنهد امجد وقال .... افهمي يا منار  انك امانة في رقبتي وانا عمري ماهخون الامانة. عمري ماهنسي وصية ابوكي 

منار بتعجب... وانت لما تتجوزني هتبقي كده خونت الامانة يعني. 

امجد... انا متجوز ومعايا عيال. وانتي صغيرة ومن حقك تتجوزي واحد من سنك. واحد مايكونش متجوز قبل كده

منار.... بس انا عايزاك انت. مش عاوزة غيرك ومش بشوف غيرك. وبعدين فين فارق السن ده . انت عندك 31 سنة يعني كلهم 9 سنين فرق بيني وبينك مش عقبة يعني.  انا مش صغيرة ولا انت كبير كل الحكاية انك اتجوزت بدري وبعدين انا راضية بيك في كل الاحوال. 

بصتله بحب وقالت... مش عاوزة حد في حياتي غيرك 

 بعشقك..ليه مش حاسس بيا 

 ‏

امجد بنبرة حادة .... علشان مينفعش.فاهمة مينفعش.. كل دي اوهام ولازم تشليها من دماغك

منار.... مش اوهام انا بحبك بجد.. صدقني بحبك بجنون

امجد بزعيق... مينفعش.. واخر تحذير يامنار.. لانه مستحيل اللي في دماغك يحصل 

منار اتجمعت الدموع في عيونها وقالت..  ليه مستحيل ليه مينفعش. ما انت كده كده مش مبسوط مع مراتك 

امجد... ومين قالك اني مش مبسوط 

منار... بحس بيك.  انت عمرك ماحبيت مراتك. وهي كمان مش بتحاول تسعدك.. فيها ايه لما تديني فرصة واسعدك انا.. فكر يا امجد 

امجد.... افكر فيه ايه... اسمعي انتي تشيلي الموضوع ده من دماغك. سامعة لان استحالة الاوهام اللي في دماغك دي تتحقق. انتي اختي وهتفضلي اختي الصغيرة مفيش اي حاجة هتتغير. فاهمة يامنار. علشان مش هعيد كلامي تاني

كانت بتبصله بدموع وبعدين مشيت بدون ولا كلمة 

وهو فضل مكانه يبص عليها بحزن

.................... 

تاني يوم 

يوسف خارج من البيت شاف حور خارجة 

يوسف.... علي فين 

حور..... رايحة الستنر عندي درس 

يوسف وهو بيفتح عربيته قال.... تعالي اوصلك 

حور قربت بسرعة فتحت العربية وركبت وهي بتقول.... خايفة اعطلك 

يوسف ابتسم عليها وقال... لا متخافيش

وبعد وقت وقف بالعربية قدام السنتر وقبل ما حور تنزل 

قال.. استني يابت 

حور... ايه

يوسف... معاكي فلوس 

حور... اه معايا 

وراحت تنزل بس يوسف كان طلع فلوس وقالها خدي  دول 

حور.... بس دول كتير 

يوسف... ما انتي ماتروحيش تصرفيهم كلهم النهاردة يعني 

حور ضحكت 

ويوسف قال... يلا هاتي بوسة بقا 

حور... لو عليا معنديش مانع بس احنا في الشارع والناس بقا انت عارف

يوسف... اه عندك حق 

و في لحظة كان نزل ازاز العربية وقال... يلا محدش 

شايفنا الازاز متفيم مالكيش حجة 

حور ابتسمت بيأس لكن مفكرتش قربت ليه وابتدت تبو. سه وهو كمان 

بعد دقايق بعدو بصتله وقالت... بتحبني يايوسف 

يوسف... بعشق امك. يابت دانتي هتجنيني بشقاوتك 

يلا انزلي . ومتبقيش تتأخري 

حور... حاضر 

وباسته علي خده ونزلت بسرعة

............. 

وبعد ايام كان يوسف رجع الجيش  وحورية قررت انها تروح تعيش بعيد عن اخواتها في الشقة اللي اخدتها من محمد كانت بتحاول تتخطي الماضي وقررت تعيش حياتها وتهتم بشغلها ومستقبلها وبس 

..... 

رشا كانت نازلة من علي السلم وبالصدفة كان محمد داخل اتفاجات بيه لانه كان بقالو كتير مرجعش البيت 

رشا كانت مشتاقة ليه جدا علشان كده بدون وعي منها قربت عليه بلهفة وهي بتقول.... وحشتني. وحشتني اوي 

محمد... ابعدي عن طريقي يارشا

رشا...اتطمن مفيش حد هنا. كلهم خرجو 

محمد... ابعدي بردو لاني مش فايقلك

رشا... ابعد دا ايه دانا ماصدقت اشوفك 

رفعت ايدها وابتدت تحركها علي وشه بحب وقالت... متعرفش انت واحشني ازاي.. هو انا مش وحشاك زي ما انت واحشني 

محمد نزل ايدها وقال بتعجب.... هو انتي يارشا  مندمتيش بعد اللي حصل..مراجعتيش نفسك. يعني ممكن تكملي عادي في اللي كان بينا.  

رشا.... انا بحبك ومعنديش استعداد ابعد عنك ابدا. انت حب عمري من قبل ما اتجوز اخوك..مقدرش ابعد عنك ولا اقدر علي بعدك..انت لو بعدت عني اموت.. وبعدين خايف من ايه محدش عرف حاجة اساسا وبالنسبة للست حورية لو اتكلمت محدش هيصدقها بعد ما اخدت منها الفيدوهات. يعني لو راحت ل امجد بذات نفسة مش هيصدقها.. لو معاها اثبات تثبت بقا 

... 

عند هنا في الجامعة كانت واقفة مع صحابها ،، فجاة قاطعتها صاحبتها اللي قربت عليها وقالتلها... هنا اديني موبايلك بسرعة 

هنا باستغراب...... ليه 

صاحبتها..... اصل موبايلي قاطع شحن كنت هعمل مكالمة من عندك لو مش هتضايقي يعني 

هنا وهي مأمنالها ادتها الموبايل وقالتلها.... تليفوني تحت امرك اتكلمي براحتك 

صاحبتها.... شكرا يروحي 

واخدت منها الفون بعدها قالت... الباسوورد ياهنا. نسيتي تفتحيه

هنا ضحكت وقالت... سوري. نسيت 

وفتحته وادتهولها تاني 

اخدته وراحت بعيد وبمجرد ما بعدت بقت تقلب في الفون ودخلت علي الصور،، حددت اكتر من صورة لـ هنا بملابس بيتي مكشوفة وبعتتهم لـ  رقم حسام  علي الوتساب بتاع وبعدها حذفتهم من عند هنا بحيث هنا متعرفش ايه اللي اتبعت من عندها 

................. 

عند حورية فتحت الباب اتفاجأت ب بيري 

بيري... مش هتقوليلي اتفضلي

يتبع.......... 

تكملة الرواية من هناااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا