رواية مهرة النعمان الفصل الحادي والثلاثون 31 بقلم فريده الحلواني (حصريه وجديده على مدونة قصر الروايات)

رواية مهرة النعمان الفصل الحادي والثلاثون  31 بقلم فريده الحلواني (حصريه وجديده على مدونة قصر الروايات)

رواية مهرة النعمان الفصل الحادي والثلاثون  31 بقلم فريده الحلواني (حصريه وجديده على مدونة قصر الروايات)

الفصل 31

اهتم بدر بحبيبته في تلك الايام و دللها كثيرا 

كان ياتي بالطعام الي فراشها و حينما تتزمر او تمل كان يحضره علي طاوله الطعام بالخارج و يحملها اليها يجلسها علي ساقيه يطعمها بيده و يعود بها الي الفراش حاملا اياها حتي المرحاض كان يحملها اليه

وحينما تشتاق اليه برغم استخدامه لاقصي درجات التحكم حتي لا يلتهمها ولكنه بطرقه الخاصه كان يستطيع ان يروى عطشها له

كان في معظم الليالي يقضوها في صلاه قيام الليل ولكنه كان يجعلها تصلي وهي جالسه علي كرسي

وبعدما مر شهر علي غيابه ابتدت العاءله تتصل به ليعود ولكنه تحجج انه لم يشبع منها بعد

وحينما كان سليم و مصطفي يحادثونه ليعود.اليهم لاحتياجهم له في امور تخص العمل كان رده عليهم اما السباب اما التهديد ولكنه في الاخير اضطر ان يتابع معهم العمل من خلال الهاتف فلاباس مادام يفعل هذا وهو بجانب حبيبته او تكون في غفوه لبعض الوقت

كانت مهره تعجز عن وصف ما تشعر به بسبب ما يقدمه لها من حب و رعايه واصبحت تناجي ربها ان يكرمها ليس لانها تريد ان تصبح ام ولكن ليكون حملها مكافأه له بعد كل  ما فعله معها

وها قد حان وقت تكليل مجهودهم و تعب بدر خاصه

ذهبا معا الي الطبيب في الميعاد المحدد لهم لاجراء اختبار الحمل 

وها هم بعد ان سحبت الممرضه عينه دم صغيره من زراع مهره لتجري عليها التحليل 

بعد اكثر من ساعه دلفت الممرضه الي الطبيب وبيدها ظرف ابيض بداخله ورقه مطبوع عليها نتيجه الاختبار ابتسم وطلب منها ان تاتي بهم اليه 

وما هي الا لحظات و كانا يجلسان امامه و ينظران الي ابتسامته البشوشه في صمت 

ولكن قطعه الطبيب وقال : مالكم يا شباب مخضوضين كده ليه

بدر حينما مسكت مهره يده وضغطت عليها من شده توترها قال : طمنا يا دكتور بالله عليك

رحمهما الطبيب حين قال : مبروك يا مدام الحمد لله ربنا كرمك وبقيتي حامل

بكت مهره ولم يكن لديها القدره علي النطق بحرف 

اخذها بدر تحت زراعه وهو يجاهد الا يبكي معها واخذ يقول : بس حبيبي بلاش دموع ربنا كرمنا يبقي نحمده ونشكر فضله 

لم تنطق بغير الف حمد وشكر ليك يارب

الطبيب : الي يشوفكم كده يقول بقالكم عشر سنين متجوزين

بدر : لا الموضوع ملوش دعوه بالوقت يا دكتور بس الفكره ان لو معملناش العمليه بدري كانت نفسيتها هتتعب وهي مفكره انها مش بتخلف فانا اختصرت الطريق علي نفسي لاني مش هستحمل اشوفها حزينه

الطبيب : ربنا يباركلك يابني المهم اتفضلي يا مدام عشان نكشف بالسونار ونطمن علي وضع الجنين

اخذها بدر مع الممرضه لمكان السونار و ساعدها في التمدد عالفراش الخاص 

وجهزتها الممرضه ثم حضر الطبيب و بدء عمله وهو يمرر جهاز صغير فوق بطنها ويركز بعينه علي شاشه صغيره امامه

ظهر عليه معالم الاندهاش قليلا بعدها ابتسم باتساع و نظر لهم وقال : انا قولتلك انك حامل قعتي تعيطي مش عارف لو قولتلك انك حامل في ثلاثه هتعملي ايه

ظهرت معالم الصدمه عليهم ولم يستوعبو ما يعنيه الطبيب والاخير ينظر لهم بتسليه وينتظر حتي يستوعبو الصدمه

بدر بعدم استيعاب : معلش يا دكتور مش فاهم ممكن توضح

الطبيب : ايه الي مش مفهوم فالي قولتو مبروك يا بشمهندس ربنا اكرمكم بثلات تواءم

لم يرد بدر بكلمه ولكنه خر ساجدا لله وهو يبكي 

اما مهره فقد شهقت بقوه ووضعت يدها علي فمها لتمنع صرخه فرح كادت ان تخرج منها مع اذدياد انهمار دموعها

سبقهم الطبيب الي الخارج حتي يتيح لهم الفرصه لتخطي تلك المفاجأه الساره

قام بدر من سجوده واحتضنها بقوه وهو يقول : شوفتي كرم ربنا علينا يا فرستي مش قولتلك اصبري و قولي يارب

تشبست به مهره وهي تقول من بين دموعها : اقسم بالله يابدر انا بعد الي انت عملته معايه الايام الي فاتت انا بقيت بدعي ربنا اني اطلع حامل عشان تعبك معايه ميروحش هدر و يكافأك بالذريه مش عشان ابقي ام

اخذ يحمد ربه كثيرا و بعد فتره كانو يجلسون مجددا امام الطبيب ليستمعو لتعليماته

الطبيب : انا هكتبلك علي شويه فيتامينات و حقن تثبيت للاحتياط مش اكتر انتي حالتك فوق الممتازه بس زياده امان اهم حاجه تهتمي باكلك كويس وتقدري تمارسي حياتك عادي بس تقللي المجهود وبالنسبه للعلاقه ياريت اول شهر بس نمنعها برده للاحتياط او مفيش مانع لو مارستوها مرتين خلال الشهر بس علي خفيف ثم غمز لبدر بمزاح

استعلم منه بدر علي اشياء كثيرا وبعدها قال : دكتور من فضلك ليا طلب صغير عندك

الطبيب : اتفضل قول الي انت عايزه

بدر : طبعا في المتابعه اكيد هاييجي معانه امي او امها او حتي حد من اخواتها البنات 

فانا مش حابب يعرفه حاجه عن العمليه يعني انا هقول قدمهم انه حمل طبيعي 

الطبيب : علي فكره هي متفرقش حاجه عن الحامل بطريقه طبيعيه كل الحكايه اننا اختصرنا وقت مش اكتر وفي العموم اكيد انا مش هطلع اسرار المرضي بتوعي لحد متقلقش

شكره بدر بشده وغادر هو و مهرته وكانهم لا يلامسان الارض من فرحتهم

قضي يومان اخران في شقتهم واليوم ميعاد عودتهم الي العاءله التي احتجت كثيرا علي غيابهم وقد رفض بدر طلب مهره ان يبلغهم بخبر حملها في الهاتف حتي يري وقع الخبر عليهم امام عينيه

وقد غادر شقتهم مساءا حتي يضمن وحودهم جميعا

في تمام الحاديه عشر مساءا كانت عاءله النعمان جميعا يجلسون في انتظار تحضير طعام العشاء

علي صياحهم حينما دلف عليهم بدر و هو حاملا مهرته 

وقبل ان يقترب ايا منهم له قال : ثواني بس اقعدها ترتاح و نسلم بعدها براحتنا 

اجلسها علي اقرب كرسي تحت استغراب الجميع ولكنهم لم يعلقو و تهافتو عليه بالسلام والاحضان من كثره اشتياقهم له

كما هجمت الفتيات والنساء علي مهره يمطروها بالكثير من القبلات فهي لاول مره في حياتها تغيب عنهم

بعد فتره جلس الجميع يطمانون علي احوالهم حتي وقف بدر وقال : اهدو بقي شويه و ركزو معايه عشان عندي خبر ليكم هيفرحكم

تساءل الجميع 

فأسكتهم وقال : مهره حامل

سكت الجميع لاستيعاب الخبر واول من فاق من صدمته هو الجد الذي انتفض من مجلسه محتضنا حفيده بقوه وهو يبارك له

قبل بدر يد جده و راسه والقي بقنبلته : هاتريك يا جدي

الجد : مش فاهم يابني يعني ايه

ضحك بدر عاليا وقال : يعني تلاته مهره حامل في تلات تواءم

كبر الجميع و هللو مع مزاح الشباب وحسدهم عليه و سؤالهم كيف فعلها

وحينما اطلقت عمته زغروطه و كان سيصاحبها الكثير اوقفهم سريعا وقال : باااااس بلاش تسييح بالله عليكم انا مش عايز حد غيرنا يعرف بالحمل ده غير بعد فتره عشان ربنا يكرمنا ويكمل علي خير والنبي

الجده : صح يا ضنايه عندك حق دي العين فلقت الحجر 

نوال : وهي تضم مهره اليها وتقول بدموع الفرح : مبروك يا قلب امك الف بركه يا بنتي انتي تستاهلي الخير كله يابنت قلبي 

قبلت مهره يدها وقالت : ربنا يخليكي ليا يا مامتي بلاش عياط عشان خاطري

ريهام بفرحه : انا من هنا ورايح كل يوم هعملك اكل بالسمنه البلدي عشان تتأوتي يابنتي انتي والي في بطنك

بدر : اه ياما زغطيها الدكتور موصي علي الاكل

ياسر باستغراب : دكتور دكتور راجل يعني يابدر طب ازاي دي عمرها ما حصلت

بدر وقد فهم علي عمه لانه طول عمره حينما تمرض يذهب بها الي طبيبه وايضا يغار عليها منهم فكيف بطبيب نساءي تكشف عليه

ولكنه كان قد حضر الرد مسبقا وقال : اه يا عمي دكتور مانا مش هخاطر بيها عشان غيرتي عليها احنا كنا بنتمشي في شرم و فجأه وقعت من طولها اغمي عليها خدتها وجريت علي اقرب مستشفي وطلبت دكتوره تكشف عليها واجارك الله ياعمي وشها يقطع الخميره مالبيت طبعا قالتلنا انها حامل و الحمل خطر عليها عشان صغيره 

سمع شهقات الجميع ولكنه اكمل : انا اترعبت طبعا و مهره انهارت روحنا الفندق وانا مش عارف اعمل ايه افتكرت واحد صاحبي كان متجوز بقاله خمس سنين ومخلفش وربنا كرمه و مراته حملت وكان حملها صعب داخ بيها علي الدكاتره لحد ما عتر في دكتور اسمه يحي عثمان هو كان السبب بعد ربنا ان حملها يكمل علي خير

وليد انا فعلا اسمع عنه شاطر جدا و مشهور في مجاله

بدر : المهم كلمت صاحبي واخدت الرقم تواصلت معاه واخدت معاد ونزلت من شرم عليه هو بقي كشف وعملها تحليل وطمنا الحمد لله هو سنه كبير بس شاطر وتحسه كده وشه بشوش و بتاع ربنا 

فابأذن الله هنكمل متابعه عنده وربنا يعيني واستحمل بقي

عادل : ربنا يابني يحميهملك ويكمل فرحتك علي خير 

امن الجميع علي دعاءه ثم قال الجد : انا هدبح عجلين واخرجهم لله

بدر : من غير ما تقول ياجدي انا هدبح خمسه بأذن الله بس مش هفرقهم هنا

احمد : امال هتوديهم فين وليه مش هنا

بدر : هوديهم بنك الطعام هما يفرقوهم للي يستاهلهم وهنا في العطارين احنا نعرف كام عيله علي قد حالهم هروح بنفسي من غير ما حد يحس و هدي لكل واحد مبلغ كده 

وليه مش هوزع هنا لانهم اكيد هيسألو عن السبب ولو مقولناش خد عندك بقي قر و حسد وقرف و هيقولو عيله النعمان من كتر فلوسها مش عارفه توديها فين وانت عارف بقي فخليها كده في الخفي احسن بس ندعي ربنا يتقبلها مننا

امن الجميع و دعو لهم بصلاح الحال واكمال فرحتهم علي خير

بعد تناول الطعام و توزيع الهدايا التي احضرتها مهره للفتيات والنساء من شرم تحت تزمر الشباب لعدم احضارهم هدايا لهم ايضا واعتبروها تفرقه عنصريه برعايه الليدي مهره

انتهت السهره و ذهب كلا الي بيته وقد حزنت الجده كثيرا لان البيت اصبح فارغ بعد انتقال بدر ومهره الي مسكنهم الخاص وحينما افصحت بذلك وعدها بدر ومهره انهما كل فتره سيبيتون عندها

مر  شهران علي هذه الاحداث كان بدر يدلل فيها مهرته بشكل مبالغ فيه و حينما كان يذهب الي عمله صباحا كان يحملها الي الاسفل حتي تتلقي الرعايه من نساء المنزل حتي يعود لها و في خلال اليوم كان يهاتفها كل ساعه تحت تزمر عمته و مشاكسه الفتيات لها بانه لا يطيق بعده عنها ساعه واحده

مها : يالهوي علي بدر و الي جراله ده مبيلحقش يقفل و يرجع يتصل  هو موراهوش شغل ده و لا ايه

لوجي : ده سليم و مصطفي هيتشلو منه بسبب التليفون الي مبقاش ينزل من علي ودنه ده

مهره : الله اكبر ما تتلمي يا كلبه البحر انتي وهي عينيكم هتجيبنا الارض 

وبعدين ياختي انتي وهي مانتو برده طول النهار لوكلوك في الفون ده غير الزنقه والبوس الي تحت بير السلم من ساعه ما كتبو عليكم متخلونيش اسيح بقي

لميس : باااااااس الله يحرقك يا شيخه انتي كل ده و مسيحتيش

مهره : ااااه لسه فيه فوق الس.....

كتمت زينه سريعا فم مهره حتي لا تفضحهم اكثر و هي تقول : اااااسفين و حيات ربنا اسفين البيه باشا بدر يعمل الي هو عايزه ولا هننطق 

ازاحت مهره يدها ثم رفعت حاجبها الايمن و قالت بتجبر : ايوه كده ناس تخاف متختشيش 

لوجي : ربنا عالمفتري انتي يابت الجواز قوي قلبك و خلاكي مفتريه اكتر ما كنتي 

مهره : المهم سليم واحمد عايزين يعملو فرحكم قبل دخول الجامعه و كلمو بدر عشان يكلم جدي بس انا قولتله يستني لما اخد رايكم الاول عشان متعملوش زي لميس و زينه الي العلم خلاص واخد حقه اوووي معاهم و عايوين يستنو سنتين تلاته و بعدين يتجوزو

مها بفرحه : لا انا فاشله اصلا و ماليش غير بيتي و جوزي يعني خدنا ايه مالتعليم غير الهم والصحيان بدري

ضحكت الفتيات علي حديثها ثم قالت لوجي : انا عن نفسي معنديش مانع 

زينه : انتو فشله اصلا 

مهره : انا مش عارفه يا زينه انتي و لميس مكبرين الموضوع ليه طب مانا اهو دخلت هندسه بعد ما كنت هقدم في حقوق ولا اداب مش فارقه لولا ان بدر رفض و صمم عالهندسه و اديني متجوزه وحامل كمان فين المشكله ولا هو دلع مرق وخلاص

لميس : مش دلع والله يا ميمو بس الفكره اني سواء طب او هندسه الاتنين اصعب من بعض وافرض طلعنا حوامل اول متجوزنا هنعمل ايه وقبل ما تقولي انك بردو في هندسه هقولك يعتي باسم الله ما شاء الله الله اكبر يعني الي بيعملو معاكي بدر محدش غيره هيعمله ده بعلاقاته خلاكي تدرسي اون لاين عشان متتعبيش من مرواحك الجامعه ده غير انه برده قدملك علي كورسات ايطالي والماني بردو اون لاين و اهو قبل الدراسه ما تبدأ جابلك كل الكتب و الملازم بتاعت سنه اولي و بيرجع من شغله يذاكرلك احنا بقي نعمل ايه يعني وليد معندوش وقت نابين المستشفي والمصنع و مصطفي من بعد افتتاح شركه المقاولات من شهر و بدر سلمه ادارتها هو وسليم و مبقاش بيقعد في البيت يادوب بييجي عالاكل او النوم و دايما هلكان يبقي هيساعدونا ازاي

لوجي : علي فكره بقي الصراحه سليم و مصطفي بيستهبلو و مكبرينها عالاخر يعني هما الاتنين ماسكين اداره شركه ومعاهم ايمن بيساعدهم و سابو حمل المصنع كله علي بدر لوحده و برغم كده بيروحلهم من وقت للتاني يساعدهم في شغل الشركه يبقي العيب فيهم مش في الشغل علي فكره

زينه : و ده الي انا بقوله مصطفي خلقه في مناخيرو يبقي هجيب صبر منين يقعد يذاكرلي ولا هايستحملني مثلا لو قصرت معاه في حاجه بسبب الدراسه لا طبعا يبقي نريح نفسنا و نعدي سنتين ولا تلاته من الدراسه ونبقي نتجوز عالاقل الي فاضل مش هيبقي كتير نستحملهم وخلاص

مهره : والله انتم معاكم حق بس الفكره في المده كتير اوي تلت سنين بس عالعموم كل واحد ادري بالي يقدر عليه

دلفت عليهن ريهام تسأل مهره : بقولك يا ميمو مش معاد المتابعه بتاعتك انهارده ولا انا حسبت غلط

مهره : لا يا ماما انتي صح انهارده ان شاء الله هاروح انا كده في نص التالت وانا بروح في اول الشهر و نصه و اخره

زينه : نفسي بقي تبدأي في الرابع عشان نعرف نوعهم ايه نفسي تجيبي بنت شبهك يا ميمو ملونه كده زيك

مها : متقلقيش خير ربنا كتير جوه اكيد هيطلعو ولاد وبنات ماهو مفيش جنس تالت

الكل ههههههههههههههه

مرت شهران اخران وقد اصبحت مهره في نصف شهرها الخامس و بشرهم الطبيب انها حامل في ثلاث ذكور و لم تسع الفرحه الجميع خاصا الجد بهذا الخبر وايضا قد تحدد موعد زفاف سليم ولوجي واحمد و مها بعد شهر من الان 

في احدي الايام كان يجلس بدر  و مهرته سويا بعد ما قضيا معا وقتا حميميا يحاول كلا منهما ان يروي عطشه من الاخر بعد الانتهاء اخذها بدر في احضانه وهم... تماما كما اعتادا و قد كبرت بطن مهره كثيرا نظرا لحملها في ثلاث تواءم فمن يراها يعتقد انها في الشهر الثامن

وقد كانت تعتقد ان شكلها اصبح قبيحا بسبب ملء جسدها ولكن بدرها كان حرفيا ياكل بطنها من كثره اعجابه بمظهرها 

بدر : حبيبي انتي كويسه ولا تعبتك انهارده معلش اتعافيت عليكي شويه كنتي وحشاااااني اوووي

مهره وهي تنظر في عينيه وتقول : لا حبيبي انا كويسه اطمن بس عنفك ده مكنش بسبب اني وحشاك

توتر بدر قليلا و سألها : امال هيكون ليه يعني يا فرستي

مهره : لحاجه من اتنين يا اما مخبي عليا حاجه او عايز تقولي حاجه عرف انها هتزعلني ها بقي انهي فيهم

بدر بعد ان قبلها سريعا قال : يابت انتي علي طول فقساني كده مبعرفش اخبي حاجه عنك ابدا

مهره : طب مانا كمان زيك و يمكن اكتر ساعات لو حصل حاجه مش بصبر لما ترجع و بتصل احكيلك المهم متهربش وقول بقي

بدر بزعل : في مشاكل في الشغل الي بنصدره ولازم اسافر بنفسي عشان احلها

مهره وقد اصفر لون بشرتها من وقع خبر سفره ولكنها تمالكت نفسها حتي لا تحزنه فعمله الذي كافح فيه كثيرا ليوصله لما هو عليه له عليه حق فلا يجب ان تكون انانيه او طفله مدلله لا ترغب في ترك ابيها لها يجب عليها ان تتحمل غيابه مهما كلفها الامر لكي تقف بجانبه و تؤازره في شتي مجالات حياته

هكذا فكرت مهره بداخلها وهو يضمها بين زراعيه 

نطقت اخيرا و قالت : حبيبي ولا يهمك ان شاء الله انت قدها و هتقدر تحلها بأذن الله و لو عليا متشلش همي انا هاخد بالي من نفسي لحد ما ترجعلي بالف سلامه 

ثم اكملت و حروفها تنطق بالرجاء : انت مش هتطول صح

بدر بلهفه : لالالا مش كتير والله هما يومين بس يعني حجزت هسافر هنزل عالشركه اخلص معاهم وارجع علي الفندق هبات ليله واحده لحد معاد الطياره

بس انا شايل هم بعدي عنك يا مهره ده انا ببقي جنبك و كل شويه اتصل بيكي و ساعات بسيب شغلي في نص اليوم عشان اجي اشوفك و ارجع تاني يبقي ازاي هستحمل

مهره : معلش حبيبي احنا الاتنين لازم نستحمل عشان خاطر شغلك و بعدين كل شويه هكلمك فيديو عشان ابقي معاك علي طول 

قبلته.. عميقه وهي تتحسس بيدها علي رقبته و بعد فتره فصلتها و قالت : انت هتسافر امتي يا قمري

بدر : .........

متي سيسافر  والي متي سيغيب يا تري

سنري

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا