رواية أأستحق هذا العڈاب الفصل الحادي والثلاثون 31بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل الحادي والثلاثون 31بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل الحادي والثلاثون 31بقلم ميفو السلطان( حصريه وجديده في مدونة قصر الروايات)

#أأستحق_هذا_العڈاب 

#حكايات_mevo 

البارت الواحد والثلاثون ...ما ان قالت قمر انها لا تنجب حتي تجمد جبل ونظر اليها بذهول احس بقلبه سيخرج من مكانه .

نظرت اليه وابتسمت ....شفت يا جبل حتي اللي كت هتبلعني عشانه مش موجود يابن الناس جمر خلاص خلصت دنيتها وهعيش بس عشان الواد اليتيم ده .. بتبصلي ليه اكده ماتنجهرش انت ماكتش عايز عيال مني بالجوي يعني انت جولتهالي الف مره عايز جتتك مارايدش عيال ....اقتربت منه كان يبتلع ريقه بصعوبه يستجمع نفسه وما مرت به ...اكملت ..جولتلك السبوع ده اخرتنا يا جبل انت خدت اللي حلمت بيه واني ماهكدبش خدت برضك وباكده تبقي خلصت الجصه..رجعت احلم تاني بس مش عشان انسعد حلمت بعتمه ..ده جدري من ربنا واني راضيه ..هكمل ضلمه ... يابن الناس روح افرح خلف وهات عزوه وانسي جمر بهمها وعيبها اني هاخد ابوي وباسم ونمشي وانت تطلجني وتبعتلي ورجتي ..استدارت .

فهجم عليها وصرخ.....بس بس ماعايزكيش تنطجي واصل فاهمه ..سيبيني ابلع الجهر اللي اتجال سيبيني استوعب المرار اللي عشتيه سيبيني اعرف اتنفس .

قالت بوجع.....،جبل ...

فصرخ ....جولتلك اكتمي اني هموت شدها اليه يعتصرها .،كل ده مخبياه كاتمه كل ده جواكي.. دانت حجك تكرهيني حجك تجرفي مني ...اني دعيت بس والله ماتخيلت يجرالك اكده يا ريت كان لساني انجطع جبل ماتطلع من خاشمي .،كان يتحسسها اني اني ..... حجك عليا يا جلبي ماكتش معاكي وانت بتتعذبي حجك عليا علي كل دمعه نزلت منك بسببي حجك عليا يا واخده روحي .

سالت دموعها فهمست .،جبل اني تعبانه .

هنا حملها وذهب بها للفراش .،همست عايزه امشي .

وضعها واندس بجوارها ..اسكتي يا جمر اسكتي ونامي عشان كتير عليا لسه فيه جهر تاني والا خلاص اكده مخبيه حاجه تانيه .تنهدت وصمتت....اجول ايه نامي يا جلبي .لله الامر شدد عليها فنامت من تعبها ...كانت ليله حارقه ويوم شاق والهموم تثقل القلب ..اما هو فوصل من الجنون مداه ..احس ان هذا كثير ان يتحمله بشر كان يتالم من اجل حبيبته عاد العشق وفوقه حط وجعا فوق وجع ..عاد الحنين والحب كطوفان جارف ...

علم ان حبيبته عادت اليه عادت لتكون له ولكن سبق السيف وغادر لو كان بقي لكانت له ولكن لله حكمه رحل وتركها موجوعه تركها تتلاطمها الحياه وتتوالي الضربات وتنهال عليها ليعود ويكمل غرز سهام الدنيا فيها لتصبح اشلاء كيف هناك من يتحمل كل هذا العذاب كيف وهيا لا تستحق كل ذلك ..كان مصدوما فهو يعشقها ولا يهتم بما حدث لها كل ما يهمه ان يسعدها وفقط يعيدها تلك الورده العطره. القمر الذي يشع نورا ..

تنهد وهمس ..بتجوليلي انسعد من غيرك يا جلبي والله ماجدر ولا اعرف اصلا ابعد عنك ..خلف ايه انت الخلف انت بنتي وروحي وجلبي اني مابعدتش وشي جرف او حاجه عفشه اني بعدتها وجع ..ولاجلك ماعايزش عزوه ماعايزش حاجه واصل الا انت وبس وعهد عليا لاغرجك من العشج واسجيكي حبي بالكفه انحني وقبلها وشدها اليه وتلمس ندوبها وابتسم ..دول عندي احلي من اي ملس من اي حرير يمين الله اني عشجت جمر وجلب الجمر وروحه واللي يعشج الروح مايعرفش يعشج غيره قبلها قبلات خفيفه ...

عارف اني هشوف حزن عايزه تمشي وتهملني ماني ليا ياما بجولها عايز جتتك جتك هم ينط عليك ..تنهد ..ماهو نط روبه بالكوم وهتسود عيشتي اني عارف وشفجه وجطران علي ايامي .. ..يا رب اهديهالي يا رب جويني عارف هتعب بس هجدر وبروحي اهملها .

قامت هيا في الصباح لتحس بيديه علي جلدها لتبتعد بهدوء وتقوم تعد نفسها فتحت الدولاب وقررت ان تاخذ اشياؤها فقط لينتفض هو ويبحث عنها وجدها تقف امام الدولاب وتعد حقيبتها تنهد ..هو الغلب ابتدي بدري اكده طب تستن شويه مالحجتش نطيت في روبه امبارح مكمله سخماط ليه تصبر ابلع شويه اهضم الجهر واجف في زوري .. ..دا مرار ....تنهد ،،وجلس يفرك في عينيه رفع وجهه وقال ..بتعملي ايه يا جلبي .

تنهدت وهمست ..هكون بعمل ايه يا جبل بلم حاجتي خلاص بقه.

ابتسم .. ..هو ايه اللي خلاص طيب عالصبح .

قالت وهيا تتجلد ....اظن احنا امبارح اتفجنا خلاص ما منوش عازه بقه الكلام .

نظر اليها وقام مقتربا ..اتفجنا ..مين دول ...اني ماتفجتش علي حاجه .

نظرت اليه وهمست ....جبل ...

اندفع ووقف ملاصقا لها ينظر اليها بهيام همس بلوعه ..جلبه اللي والع من جوا شوفي اهوه بينط ومجهور عايز حلبه . ..

ابتلعت ريقها وقالت وهيا تحاول ان تتجلد .....من فضلك بقه بلاش اكده .

ضحك وشدها ورمي مافي يدها..... بلاش ايه اني جعان وعايز افطر .

حاولت دفعه .،انت عبيط اوعي بلا تفطر عايزه امشي . 

دغدغها فصرخت ..تمشي فين يا جمري عالصبح اكده استني بس نفطر ونمشي سوا .

قالت غاضبه ..جبل بطل .

ضحك واقترب ومد يده يداعب ملابسها ......،ابطل ايه اني لسه ماعملتش ..ماتيجي نعمل شويه حبيبي وحشني جوي .

صرخت وابتعدت .....بجولك ايه اني مش ناجصه وبطل اني بتكلم جد..

شدها اليه ..يا جمالو جمر عالصبح وجد ورط وهبل من العالي مش تصبح يا مز والا ايه ...لاه اني راجل فرفوش نكد هنبطله يلا عايز بوسه تنسيني الدنيا من الجمر اللي جدامي ده .

نظرت لليه بغضب .،ماتحترم حالك بقه ...

ضحك وشدها ..بعد اما ابوس هحترم اصل الاحترام ماينفعش مع البوس ...تململت منه فضحك... ..ابدا ..لو فطستي ليا بوسه نار من الجمر داني عريس والعريس بيبوس .

صرخت ..هو مين اللي عريس وكلامك وجله حيا ايه ده .

ضحك .،،اني عريس ليا سبوع ومابوستش ليا يوم ينفع اكده لاه الناس تاكل وشي لازمن ابوس وتكون نار .

دفعته ..انت واحد خلاص عجلك بقت في جله الحيا روح هاتلك واحده تجل ادبك اني ماشيه .

اندفع اليها فجرت من امامه ..فضحك .،هتجيبيها بالزوج وتكون مشبك والا ماهتخرجيش من المجعد انهارده الا وانت فطسانه مني والا تنزلي من سكات تحضريلي فطار .

.

صرخت .،والله هموتك انت بطل ويلا خلصني وطلجني .

هنا خلع بيجامته وبدا يفك ازرار البيجاما وينظر اليها بعشق ورغبه وبدا يقترب برويه وعيونه تلتهمها ... ..بصي هو طالما مش هنفطر يبقي خلاص انت حره بلاش بوس اني مش بتاع بوس .ايه ده هو اني لسه هبوس داني هاخد حبيبي ونطير واندفع اليها .

فصرخت هاربه ..بطل جله ادب اوعي ونزلت مسرعه خائفه منه. 

فانطلق ضاحكا .،يا جلبي والله ماني عاتجكك ال تمشي ال دا باينها هبله ال اطلجك هو اني اتجوزت لسه ..دا لسه هتجوز وهتهني وههيص ..دخل ولبس ملابسه ونزل يبحث عنها .

كانت تقف تعد الفطور فدخل واشار للخادمه ان تخرج كانت ساهمه ..انخبل ايه جله ادبه دي عايز ايه ما خلاص بقه كفايه عيب بقه الله ماخلصنا والله ماهسكتله واصل ..صعبت عليه جوي يعني .وعايز يبوس وجليل الحيا ايه لسه ماشبعش ..دا حاجه تجرف .،والله لاوريه هو مفكرني ايه هسكتله اياك ماعايزاش شفجه اني من حد . ونازل رط عالصبح ويحرحلي دمي وبوس وزفت ...تنهدت وسهمت في ليلتها معه ..وضعت يدها علي شفتيها وابتسمت بحالميه .

ابتسم وهمس ..جمري يا ناس عبيط واهبل وشفجه وجطران ويده علي بقه وبيتبسم .... اقترب واحتضنها اه بتفكري في بوستي عارف انها نار ...شهقت بقوه وهمت ان تبتعد فحملها ووضعها عالرخامه وضحك وقال....،،حبيي عملي وكل هو انا نهاري هيبقي جمر اكده .

تنهدت بغلب .....،وبعدين معاك بقه بطل .

نظر اليها بعشق ..ابطل ايه .،ابطل اعشج حبيبي ابطل احبه ابطل جلبي يرفرف وهو معاه .

دمعت عيناها وهمست ..حرام عليك بتعمل فيا اكده ليه وانت عارف اننا هنسيب بعض .

رفع جبينه .،مين جال يا جلبي اننا هنسيب انت جعدتي ترطي كيف الهبله واني مافتحتش بقي .جمر انت مراتي لو بيكي ايه انت جلبي روحي ماعايزش الا جلب حبيبه اني لا عويل ولا واطي ولا بتاع جته اني عاشج جمر ..

قطبت جبينها .....،انت هتعيش مع واحده مابتخلفش وكمان كمان ......بطل كدب ال مش بتاع جته دانت كت ناجص تمسك صاجات وتجول .

ضحك وداعبها ..اني اه عايز جته الجمر..نظرت اليه بغضب ..فضحك .....اه والله عايز .. يا لهوي يا بت انت خدتي عجلي من ليله.

دفعته .....اوعي بلا خدت بلا هببت اوعي مش جولت شكلي صعب جوي ومنظرك صعب  عبيطه اياك  مفكرني ايه ..انت تطلجني من سكات ..

ضحك وبدا يخبط علي المنضده ...وهيا تنظر اليه بغلب ..بتعمل ايه انت مخبول واجف تطبل ربنا يشفيك .

ضحك ...اطبل ايه وقفز عليها يقعد ويهزها .

فصرخت ...بتعمل ايه ...

قال ..حلوه وجامده ما هتاخدناش وتجع ..كانت تنظر اليه ببلاهه فغمز لها وقال ...ماتيجي اما نجرب المطبخ ..بيجولك العشج بره المجعد له طعم تاني .

شهقت من وقاحته نزل واقترب منها وبدا ينظر اليها بوقاحه ..

فارتعبت وجريت ..اوعي بلا جله حيا انت مخبول يا مري ماله ده دا انهبل وهربت وهو يضحك .

خرجت فوجدت عرفان وابيها وباسم يلعب امامهم جلست غاضبه .

قال ابيها ....مالك يا بومه جايه مكشره .

اتي جبل وجلس بجوارها ملتصقا بها وقال ..جولولها تعجل عشان يا عم حمدان والله هضربها .

نظرت اليه بغضب ..تضرب مين ...طب جوم جاعد جاري ليه .

ضحك وعض كتفها .....عشان عاشجك يا هبله .

نظرت لهم .،اني عايزه أطلج طلجوني منه .

تنهد ابيها .،ليه يا جلبي ماهو بيجول عاشجك اهه .

قال جبل .،جولها يا عم حمدان انهبلت عالاخر ونازله رط كيف العبط .

دفعته .....،طب والله  ماجعدالك تجل ادبك اني متفجه معاك اني هطلج يه اده اوعي وقامت وتركتهم غاضبه .

جلس هو يشعر بالغلب ضحك عرفان ..معلهش يا ولدي اصبر .

قال ..اهوه شايل طين وساكت .

عادت هيا وصرخت .،كت جولتلك تشيل طيني انت .ماتطلجني يا اخويا وتروح تجيب واحده من غير طين ..

اقتربت وخبطته بقوه .....جوم طلجني واحترم حالك بقه اني ماعتش ساكته من اهنه ورايح انت مفكرني ايه جوم ونغزته بقوه .

رفع وجهه فابتلعت ريقها قام فتراجعت .،ايه بتبصلي ليه اكده والله لو مديت يدك اموتك .

اندفع وحملها فصرخت رفعها فسقطت راسها للاسفل .،نزلني يا زفت عم عرفان جوم موت الزفت ده .

ضربها علي مؤخرتها ....اتلمي هاه .

قال ابيها..... اعجلي يا بتي .

صرخت ..انتو معاه نزلني هموتك يا طين انت .. كانت تضربه .

فخبطها لتصرخ ..طب ماشي يا جمر اني هبلعك لسانك دلوك صعد بها وابيها وعرفان يضحكان ..تنهد حمدان ربنا يهديها الواد بيحبها .

قال عرفان ..جبل عاشج يا حمدان مش بيحب وبس واني متوكد انه هيخليها تجول انها ماعايزاش تمشي .

صعد جبل بها ودخل  ووضعها عالفراش وقفل الباب فصرخت .،انت بتجفل ليه انت .

استدار وخلع قميصه فارتعبت ..ايه هعمل عريس بلاش مش عريس ولازمن اتهني .

قالت برهبه.....جبل بطل جله ادب ......

اندفع فارتعبت وقامت تجري ..ضحك ..تعالي بالذوج بدل ماجيبك عافيه .

صرخت ..انت مخبول هتجرب مني ليه بطل .

قال بسعاده... .،اجرب ليه مش راجل ومرته اني عريس حجي اتهني واندفع يمسكها .

فصرخت .....،اوعي والله ماهسكتلك .

قال.... ..لاه هتسكتي وتجطمي ومن اهنه ورايح تبطلي راسك اللي مليانه تبن دي تفكر ...انت تعيشي اهنه تاكلي وتشربي وتصرفي وتتهني اي افكار اني هفكر .

صرخت .،ليه عبده اوعي اني مش عايزاك اوعي يا زفت بقه .. .

مسكها ..وقبض علي ذراعيها ووضعهم خلفها ولواهم ببعض العنف ..فصرخت ...قال ..اولا اني مش زفت ثانيا هتجلي ادبك ههبدك روسيه تجيب تجلك ماشي مرتي ماتكلمنيش اكده فاهمه .

نظرت اليه بغضب طفولي ..اوعي يدي بتوجعني .

شدد عليها فصرخت ودمعت عيونها ...بطل بقه خلاص والله خلاص .

لان قليلا وقال ..هتبطلي تشتمي ..هزت راسها ..فهمس امامها ..مش سامح .

همست بدموع ،،ايوه هبطل اوعي بقه .مش عايزه اكده ماتقربش مني واصل اوعي .

هنا الصقها بالحائط فارتعبت مسك يدها ووضعهم علي صدره العاري لتتشنج قليلا ...همس بهيام ....،جولي تاني اكده مش ايه .كانت ترتجف بقوه ..رفع وجهها مش عايزاني صوح امال عيون الجمر العشج فيهم طافح خد جلبي والله خده وهراه. رايدك وبعشجك وماهملكيش الا واني جته مالهاش روح...انت حبيبي وروحي وجلبي رايدك كلك بجلبك بجتتك بروحك اللي هتجنني . جبل عاشج الجمر بكل حلاته رايده بكل حلاتك سنينه وجعته وعايز حبيبه يريحه ينام بحضنه يريحه .

سالت دموعها وهمست .،جبل بطل مش متحمله .

ضغط عليها وبدا يقبلها قبلات حانيه بريئه .....مامتحملاش قربي مامتحملاش عشجي اني بقه  مامتحملش اكتمه رايد اصبه عليكي صب ... بصيلي جولي شايفه ناري والله ناري بتولع فيا يا جلبي عايزه تهمليني .

نظرت اليه بعشق وانسابت مشاعرها قبل عيونها وهمس دانت جلبي وماليش غيرك اني يتيم وغلبان والله ماليا غيرك انت كل حاجه والله كل حاجه.،،،كانت قد انسابت تماما فهمس جمر اني عاشجك وهموت عليكي .،كانت عيونه تاثر عيونها ويتلمسها بحنان وهيا تنظر اليه بعشق .جمري عايزك .

همست بتوهان ..بطل انت مش عايز ..ابتسم ..طب اروح فين هو مين يا جلبي اللي مش عايز داني خلاص وجمري ساح جمري الاهبل والله اهبل ..نظرت اليه وتاهت في نظراته فهمس ،،لا اني حجي اتهني الا انصرعت كتير .

لينزل عليها ولا يترك لها المجال ان تعود لنفسها ليتوه معها وبها الي وصله من العشق الحارق يجعلها تحس انها لجبل ولجبل فقط يجعلها تنسي الدنيا وان الاروح عندما تتلاقي لا يفرقها اي شيء صب عليها عشقا انساها همها ووجعها ولا سبيل اليها الا ان يصبر ويرويها بحنانه .

تاهت قمر ولم تعي مساوئ جسدها فالحب يزيل عيوب النفس وعدم الثقه كان يعلم انه بصبره وتحمله ستعود اليه كان يفعل الاعاجيب لتلين له وتتوه معه عاشقه لروح الجبل كما هو عاشق لروحها ..لتنام اخيرا بين يديه تشعر انها في حلم نامت مسرعه حتي لا تخرج من ذلك الحلم الجميل الذي عاشت فيه لم ترد ان تفكر في اي شيء سوي ما كانت فيه هربت من واقع يؤلمها هربت من احساسها بالدونيه والنقص وتركت نفسها تشعر ببعض السعاده ..

اما هو ظل يداعبها ويمسد عليها ويتلمس ندوبها تنهد يفكر بها وبسعادتها ابتسم بحب  وظل يفكر ويفكر ..تنهد قام وقبلها وبدا رحله اخري الي قرب تلك الجميله واسعادها ...

..

مر الوقت عاد جبل و اقترب  منها واستيقظت هيا فتحت عيونها علي قبلاته .همس بعشق ....وحشتيني الشويه دول .

قطبت جبينها وشعرت بالخجل من استسلامها له فابتعدت ولفت الغطا حولها ونظرت اليه غاضبه .،تنهد .،طب ليه اكده بس مش كان حبيبي نايم رايج .

انفعلت ودفعته .....،انت عملت جله ادب ليه واحنا هنطلج .

انفجر ضاحكا .....،اصلي عملتها لوحدي يلا يا هبله وطلاج ايه يا مخبوله.

صرخت ،،،بجولك ايه اني ماهجعدلكش تجل ادبك وجولنا خلاص بقه .

اندفع عليها فصرخت ...اوعي والله لو قربت اموتك .

ضحك ..يا بت اني لو قربت هتتوهي وتبقي عسليه ماتخلنيش ارجدك في السرير واعرفك مين هو جبل .

صرخت ..عشان جليل الحيا وبتعرف تعمل جله ادب بالجامد .

ضحك ومسك غطاءها يشده فصرخت وكلبشت فيه فقال ....،بعرف صوح ...يا فرحي دي شهاده تتحط علي صدري ...شد الغطا.... لاه نشوف تاني بعرف والا لاه .

صرخت وشدت الغطا ......احترم حالك بقه .

ضحك .،لاه ما هحترمش حالي واصل ماعاد فيه ريحه الاحترام بعد اكده ..وكل اما تجولي هطلج ههجم عليكي ... اجل ادبي للصبح  انت حره .

نظرت اليه بغضب فشد الغطا فصرخت ضحك بقوه ..ها هتعجلي .

قالت ..وانت فاكر انك لما تجبرني اكده دي تبقي عيشه يا جبل هتفرحني مثلا ايه هتعيش شفجه والا لساتك ماشبعتش مني جول اني يابن الناس تعبت والله تعبت ايه عايز تكمل شهر والا اتنين وتيجي علي روحك تشبع وتنبسط هتاخد نص جته ..هتجفل النور وتاخد ..ارحمني بقه يا اخي وقامت مسرعه الي الحمام .

جلس يشعر بقله الحيله ...شفجه ايه وطين ايه .اعمل ايه في ايامي الطين اجوم اضربها اكسر دماغها الطين دي ..اعمل ايه مافيش راحه هتهني امتي ...  اتخلجت عشان بت حمدان تسود عيشتي . 

فتحت الباب وصرخت ..طلج بت حمدان عشان ماتسودش عيشتك يا اخويا ويلا والله ماسكتالك ورزعت الباب .

جلس يشعر بالغلب ..مرتي انهبلت من قبل ما اخش دنيا اعمل ايه طيب .

ركن هو يفكر في حالهم  واغمض عيونه ...خرجت بعد مده فوجدته نائما عالكرسي اقتربت منه وظلت تنظر اليه بلين ،،جلبي بيوجعني جوي ماتعجل بقه وهملني لحالي .اعمل ايه دلوك .ظلت واقفه تفرك ...اعمل ايه ..هو حد بيجعد مع حد شفجه عمره كله نظرت اليه بحنان ..عشان هو طيب وحلو جوي ماجادرش يهملني ...

سهمت فيه ،،....حلو اه والله حلو وواخد جلبي ..بس ماهينفعش جالي شكلك صعب و زاح وشه بيكدب ليه..... غلب عليا وعلي ايامي الطين ...،اعمل ايه ...ظت تفكر ...... اه اني امرر عيشته يجوم يزهج ويطلجني .بس اه ....وافهمه اني اني بتاعه فلوس اه واجوله يشوف نسوان تانيه مايهمنيش اني وو..تنهدت .،وايه ماعرفاش اكرهه فيا ازاي ده .اقتربت اكثر ونزلت بجواره تتامله بعشق ..رفعت يدها ولمست يده وانحنت وقبلت خده وخرجت .

فتح عيونه وابتسم ،،..اروح فين احجزلها في انهي خانكه بيتعالجو فين يا حزنك يابن العزايزه ...بقي اكده يا جلبي عايزه تكرهيني فيكي ..طب وماله اني اشوف هتجدري والا ايه ولو كرهتك هتتحملي وربنا هبله ماتتحمل يوم بعاد .....قام واخذ حماما ولبس وتأنق ونزل اليهم .،وقفت تنظر اليه كانت طلته تاخذ العقل سهمت فيه لفتره ...

تنهد بغلب ..اروح فين بتبصلي ازاي دي وطلجني و هببني .

انتفضت واندفعت هيا اليه ..انت فاكر اني هجعدلك اكده بلوشي تاخد وتشبع واني هبله .

ضحك.... .هبله لاه لا سمح الله .

قالت ....خلاص طالما انت هتستفاد اني كمان هستفاد ...عايزه دهبات كتير انت مش بتجول مالي وحالي اهه اني هعيش معاك عشان مالك .وانت خد بقه حزن انت حر .

رفع حاجبيه .....،لا والله ليه اكده توجعيني عشان مالي بس .

قالت .،ايوه هعيش معاك ليه...اني طول عمري عايزه فلوس وانت خابر ويعني اهو رط وجولته واني اصلا عامله ده كله عشان اصعب عليك وتجعدني بس الحجيجه طالما هتاخد مني يبقي اخد .. اني عايزه فلوس ودهبات ماهعوزش منك حاجه تاني .روح يلا بقه خد من جتتي اللي تجرف واني هنحل منك فلوس بالكوم اما نشوف .

اقترب وقبلها ......خالص ماهتخافيش اتاخد منك حتي .

تجلدت وقالت ...،،تتاخد... روح اتاخد اني مالي اني عايشه معاك عشان الفلوس روح شالله تعط مع نسوان البلد .

رفع حاجبيه .... .،كنه اكده عمونا ماشي هريحك و هجبلك كل حاجه واستدار. 

شعرت بالغيظ اندفعت ......استني اهنه رايح فين ..

قال..... .هعط مع نسوان البلد ،،يوه جصدي رايح الشغل عايزه حاجه .

قالت مشتعله  .......،عايزه اه عايزه ..اني هاجي اشتغل معاك .

ابتسم ،،لاه خلاص الجمر يجعد اهنه .

قالت بغضب ......اااه جول بقه تجعدني وتتحكم فيا لا يا شاطر اني جمر ماحد يتحكم فيها زيي زيك واجول واعمل ومالكش تجول بعمل ايه ..

نظر حوله وتنهد .....طب هما فين .

قالت ،،هما ايه .

قال..... .،الجرون جبتيهم والا لسه موصيه عليهم دليفري .

صرخت .،انت بتهزر .

تنهد.... اه بهزر ،،انت اهنه للبيت وبس وسيبي اللي في الشغل للشغل وغمز لها ورفع سماعته لتتجمد وتشعر بالقهر عندما هتف ..ايوه يا نادين هعدي عليكي يا جلبي اخدك عيوني .واستدار وهمس ..ماتستننيش عالغدا وتركها ورحل وهو يدندن لعلها تحس وتعود لعقلها ولكن العقل يشعر بالنقص كيف ستعود .

لتقف هيا محصوره ..نادين ...نادين بت خاله بيكلمها ليه ده ..جلبي بيوجعني منك لله راحه تجوليله عط مع النسوان ..تنهدت وظلت تاكل حالها ....هبت .،بطلي ايوه سيبيه مالك بيه هو اصلا مجعدك شفجه هو جبل كويس وبيعمل باصله لاه كملي خليه يطفش اه هيجرف ويدفع الاتنين ويجوم يعرف بقه ان الشفجه مابتعييش ...يروح بقه يشوف نسوان حلوه ....(ربنا يشفيكي ياختي )

وقفت حزينه ،،هتتحملي يعط مع النسوان .،اه هيعط انت شكلك يجرف ومابتخلفيش .،استدارت دامعه 

وقف عرفان وقال مستنكرا... .،انت هبله يا جمر .،حد يجول لراجله روح عط مع نسوان البلد .

تنهدت وقالت .،يابا عرفان اني عايزه اطلج عشان يعيش حياته .

تنهد.... وهتتحملي يا بتي يبقي لمره تانيه هتتحملي انت عيشتي جهر الدنيا هتتحملي ....الراجل كتر الصد بيخليه يزهج وانت راحه تجوليله روح عط اجول ايه ربنا يهديكي ..

صعدت هيا وجلست مع باسم كانت ساهمه لا تفعل شيء كان يكلمها وهيا في عالم تاني اقترب منها وقال.... .،عمتي هو احنا هنعيش اهنه علي طول .

تنهدت وقالت .،ماخبراش يا باسم .

قال ..طب خلينا اهنه بالله عمي جبل طيب جوي واني حاسس اننا بقينا في عيله ولينا حد ياخد باله مننا ماتسيبهوش يا عمتي دا بيحبك جوي .

نظرت اليه ....وانت عرفت كيف انه بيحبني .

قال ،،اني بحس يا عمتي والله وشايف عيونه بيحبك جوي جوي والنبي ماتمشي من اهنه .

تنهدت وجلست تفكر ..ماهمشيش ازاي وده بيكلم بت خاله تاني عايز ايه اكيد عايز عيال ماني مابتهببش جلبي بيوجعني ..ظلت جالسه تشعر بوجع .

مر الوقت وعاد جبل متعبا دخل واخذ حماما واسترخي عالفراش كانت مشتعله اقتربت منه ..اجبلك وكل .

قال .،لاه كلت مع نادين في المكتب .

احست بغضب شديد ..ظلت واقفه فاستدار ونام جانبا فاقتربت وقالت بغضب..... .،فوجلي اكده عايزه اتكلم معاك .

استدار ونظر اليها مبتسما ببرود.....،ايه يا جلبي عايزه ايه .

قالت ....بطل تجولي يا جلبي دي مش صغيره اني وكمان عايزه اغير حاجات في الجصر واعمل ديكورات مش عجباني اللي اتعمل  وعايز اشتري حاجات كتير ليا ،

ظل ينظر اليها مبتسما فقال .،ليه تغيري ماهو حلو .

قالت ..لاه بجولك ايه اني جولتلك اني جاعده عشان اصرف ماتجفليش زي مانت جاعد عشان جتتي ..

ضحك.....،والله جاعده عشان تصرفي واني جاعد عشان اكده .. ..طب حلو ده كل واحد بقي عارف جاعد ليه ..عموما الصبح هكلملك المهندس ..وسيبيني هلكاااان انا ونادين تعبنا جوي انهارده واستدار وشد الغطاء 

وقفت تغلي ....اقتربت وجلست علي قدميها بجواره وشدت الغطاء ... .،انت جاعد طول النهار مع الهانم وجاي تجولي سيبييني ليه كت بجري وراك جوم كلمني .

استدار ونظر اليها مبتسما جلس ..وشدها ..تعالي يا ستي ها عايزه ايه اني سامع .

تنهدت بغلب فهيا لا تعلم ماذا تريد ..قالت ..انت عارف اني جاعده معاك عشان الفلوس .

ضحك وقال..... .،اه مانت جولتي الصبح .

ابتلعت ريقها .....عادي اكده ومازعلانش انت .

قال.... .،وازعل ليه انت صريحه اهه وخلاص هنكمل علي اكده .

قطبت جبينها .....هتكمل معايا واني مابخلفش وبمنظري ده وماعايزاكش الا عشان الفلوس انت ايه .

ضحك ..ماعنديش كرامه اعمل ايه رايدك وبس .

ابتلعت ريقها .،ولما تزهج ايه الوضع .

استدار وشدها لاحضانه ....اما ازهج بقه ساعتها هنشوف .شدها وهمس..... فيه تاني حاجه عشان تهمدي ....تنهدت ..بدا يداعب جسدها فتشنجت ..ضحك لاه ماهتبعديش انت خلاص انت هتجعدي واني راضي اهه يبقي تسيبيني حتي اقرب عشان مانجهرش .

قالت..... .،وتنجهر ليه ماتطلجني وتروح لحد تاني .

انحني عليها .....بس اني دلوك ماعايزش حد تاني عايزك انت .

.لانت ونظرت اليه ...عايزني ....لحد ميته .

اقترب منها ولفحت انفاسه وجهها ونظر اليها بهيام .،ماخبرش كل اللي بفكر فيه دلوك وانت بين يدي جمر بالله عليكي ماتحوشي حالك عني اني هعيش معاكي كيف ماتريدي .دمعت عيناها فانحني عليها وبدا يداعبها كان يتعمد ان يتلمس ندوبها ويجعلها تعتاد لمساته الي ان انسابت بين يديه فهيا تعشق الجبل ولكن العقل يقف حائلا فهيا عانت الكثير والكثير ..

اما هو اخذها في احضانه وظل طوال الليل يحنو عليها ويتلمسها بحنان ..اعمل ايه في عجلك الاهبل فلوس ايه يا مري دا عبيطه عبط وفي ثانيه بتبقي عسليه وجمر بين يدي ..ماتهمدي الله يهديكي اني عاشجك .،ظل يفكر ماذا يفعل كي يجعلها تدرك انه لا يهمه اي شيء سوي روحها .

في الصباح قامت فلم تجده جلست تفكر به وتبتسم ..بحبه جوي اعمل ايه مابتحملش يجرب بنساب ما بحسش واصل هو عبيط جاعد يجول عايز هو ماجرفانش مني والا ايه والا صعبانه عليه اني ماعتش خابره حاجه يكونش لسه مازهجش مني اه احتمال برضك جلست حزينه طب لما يزهج هيهملني صوح ويروح يتجوز بت خاله ويجيب عيال .

احست بوجع ماجادراش اني اتحمل ..تنهدت ..طب ينفع اجعد معاه ويتجوزها ايوه ايه المشكله يتجوزها ويجيب عيال واني هجعد بس جاره اكده ..تنهدت...طب لما يزهج ماهيعوزش يسيبني ..اجوله اني هجعد وهو هيتكسف ايوه اجوله هجعد وماهطلبش فلوس اني ..ايوه هو طيب وهيجعدني هموت واجعد ...جولت له امشي ما متخيلاش ابعد عنه لمسته ليا بالدنيا وحضنه بالدنيا ..ارضي يا جمر باي حاجه ولما ياجي يتجوز امشي ...

طب هيا لما تيجي هتاخد الجصر وتبقي ست البيت نزلت دموعها انت ايه ماعندكيش كرامه ليه اكده هتجعدي شفجه .سالت دموعها مامتحملاش ابعد طيب هو اني ماليش نفس افرح زي الخلج .احست بالوجع ....تفرحي شفجه يا هبابه منك لله يا عديمه الكرامه ..لاه اني ارجع اسود عيشته ايوه هيزهج ويرميني .....مسحت دموعها خلاص بقه نصيبك .

قامت ونزلت الي الاسفل مع عرفان وابيها كانت سارحه في ملكوت تفاجأت بجبل يدخل ومعه ابنه خاله شعرت بقلبها ينشق ..يا مري دا جابها اني لحجت ..ظلت تنظر اليهم اقتربت نادين ازيك يا قمر .

قالت قمر..... اهلا يا حبيبتي منوره .

قالت نادين ..مرسي ليكي واستدارت جبل والله فاجانا والله ماكتش اعرف انه يعرف حد .

ابتسمت قمر وهيا تشعر بالغيره واقتربت من جبل واحتضنته ..لاه دا من زمان مش اكده يا جبلي .

ابتسم لها بحب .،ايوه يا جمري ..من سنين والجمر في حياتي .

قالت نادين  ..اممم طيب هناكل بقه والا هنفضل واقفين والا مش هتضايفيني يا قمر .

قالت قمر .،وما اضايفكيش ليه .

اقتربت من جبل بدلال عشان كت خطيبته وكده .

اشتعلت قمر وقالت ،،لاه عادي اني دلوك مرته مابفكرش في حاجه تاني .،واستدارت وندهت علي الخادمه تعد السفره وجلسو جميعا ونادين تثرثر وتحكي زكرياتها مع جبل طول السنين ..وقمر تحترق.

..... ..اجوم اهرسها هيا جايه تتمايع ليه دي يا مري اني ماطيجاش امال هسيبه ليها كيف ..كانت تاكل حالها .

قال جبل ..مالك يا جمر فيه حاجه .

نظرت اليه بغضب ..حاجه ايه مافيش عادي اهوه .

ضحك فهتفت نادين ..سيبها براحتها انا مش غريبه والا ايه ووضعت يدها علي يده لتغمض قمر عيونها وتكز علي اسنانها ظلت صابره الي ان انتهو من الطعام ونادين تزيد دلالها .

اقترب عرفان ..بت يا جمر ..مين البت دي هيا بتحب الواد والا ايه هتخطفه يا حزينه هو سمع كلامك وهيجيب نسوان يعط معاهم  .

نظرت اليه بحرقه ..واني مالي ماينخطف اني اصلا ماعايزاش اجعد ..

قال،.، ،،كنه اكده طب ماشغلش بالي بقه .. خلاص بشوجك البت فرسه برضك والواد ماشافش فرح طالما مش مضايجه ربنا يسعده اما اجوم اجوله ان البت ماتتسابش .

لتشتعل وتمسكه ،،ماتجعد يابا عرفان هو ايه انت ماصدجت .

قال بخبث... .،يا بت انت هتسيبيه مالك ماتسيبيه يتهني مش جولتي اكده بتحربي ليه تاني .

هنا رزعت الاكل وقامت من سكات مشتعله ..اني تعبانه معلهش وتركتهم وصعدت وعرفان يبتسم بخبث .

فقالت نادين... ايه هيا حد زعلها .

قال ابيها .،لاه يا بتي هيا بس تعبانه تعالي نشربو الشاي .

قام جبل لعرفان..... انت جولتلها ايه ولعت فيها  .

ضحك عرفان ..جولتلها اللي جولته انت ليلتك روبه يا حبيبي انهارده.

وقف جبل بغلب.....ليه بس اكده اني ناجص اني شارب روبه من علي ابوه دا مرار .

قال عرفان.... اعذرها يا ولدي هيا اللي بيها مش جليل ماعتش عندها توازن عايزام والله بس مافيش عجل البت انهلت هتموت عليك بس عندها نجص يا ولدي ..اهو عدم الخلفه عن الست يوجع وتشوهاتها مامخليهاش مصدجه انك رايدها معلهش . ..

كانت نادين  قد سمعتهم وتظاهرت انها لا تاخذ بالها وقررت ان تستفيد من ذلك .

مر الوقت ونادين لا تقوم وتفتعل مواضيع وقمر بالاعلي تشعر بالنار وتدور وتدور حتي لو ارادت ان يتركها فبداخلها عاشقه تشعر بالغيره وحبها له يكويها لا تحتمل حبيبها ان يكون مع اخري ...

......هو مابيطلعش ليه هاه لازج تحت للبت ليه ...منها لله خرابه البيوت جايه ليه دي ...تاخده صوح عم عرفان جال يا مري 

سمعت ضحكهم فاندفعت للخارج كان يوصلها للخارج فوجدتها تحتضنه وتودعه شعرت بنار .،لاه ماجدراش ماجدراش اعمل ايه اموته اه اموته .،اعمل ايه اني لا انفع له مره ولا اجدر ابعد عنه واسيبه ليها يا مري هموت ..باسها عفريت بتبوس ايه منك لله ده بتاعي ..ظلت تدور وتدور..... اعمل ايه جولتله عط مع الحزن مني لله الواد ماصدج ماني طين والعه ومحروجه ومابجبش حزن اعمل ايه هموت احبسه اضربه بحاجه واجعد احب فيه وخلاص .،اني انهبلت ايوه عيشتي بقت طين .

دخل جبل عليها فوجدها تاكل روحها ،،فهمس ربنا يهديكي يا جلبي دخل وغير ملابسه وذهب واحتضنها ..وحشتيني .

نظرت اليه بغضب فضحك.... طب غضبانه ليه اني ماعملتش .

ابتعدت .....،اه ماعملتش ومابتعملش .

قال.... طب غضبانه ليه طيب ..

لم تجد ماتقوله كانت تحترق فصرخت .....عايزه انزل اشتري حاجات هاتلي فلوس .

قطب جبينه وتنهد ،،واتجه اليها واخرج الفيزا وقال ..خدي يا جلبي اهيه اعملي بيها مابدالك وضعها في يدها.

احست بالقهر فقالت .،فيها كتير عشان هشتري كتير .

قال بابتسامه .... فيها كتير اشتري من الف لمليون اللي نفسك فيه .

نظرت اليه ودمعت ..انت انت هتسيبني عادي اكده اشتري بفلوس كتير .

احتضنها ..مش حبيبي عايز خلاص ..

قالت غاضبه .حبيبك ..ماتجولش زفت تاني هاه ..

ابتسم ..اه صوح ..انت جاعده عشان الفلوس .

اندفعت بتهور....والبت الزرقه دي كت جايه ليه .

قطب جبينه ..بت مين اللي زرقه .

اقتربت ومسحت خده بعنف وصرخت .،خطيبتك الاولانيه جايبها تعيد الامجاد ماهو خلاص انا جولتلك تعط جومت روحت جبتها تعط براحتك طبعا ما هيا حلوه وجمر مش اكده .

تنهد وقال.... .،هيا حلوه والا زرقه ركزي عشان دماغي بتتوه .

صرخت ....انت بتهزر جايبها ليه انت خلاص قررت ترجعلها وتسيبني صوح .

هز راسه بغلب وابتسم .

اهتاجت ،،يعني هترجعلها جول جول هترجعلها يا خاين  .

نظر اليها وتنهد ..خاين ..ليه مش جولتي روح عط ..

فصرخت ..تجوم تروح ايه جله ادبك دي .

قال .... .،يابنتي انت مش عارفه انت عايزه ايه بتخانقيني ليه مش جولتي الصبح انك قاعده معايا عشان الفلوس ورضيت وما نطجتش ... وجولتيلي روح عط مايهمنيش  ومانطجتش وماشي ورا كلامك زي البهيمه ...بصي انا داخل اغير ركزي وجولي عايزه ايه وتركها ودخل .

وقفت هيا دامعه ......،عايزاك هموت مش جادره اسيبك اعمل ايه انت يا زفته ماتسيبيه يفرح انت جافشه فيه ليه ..هو انت صعبانه عليه وخلاص هيحب فيكي ايه ....نزلت دموعها كشفت رجلها ايه الجرف ده اني هموت .

فتح الباب فغطت نفسها سريعا واستدارت حتي لا يرى دموعها شعر بالوجع عليها فهيا تريده ولكن احساس عدم الامان والثقه والنقص ياكل قلبها اقترب واحتضنها وهمس.... وحشتيني من الصبح وانا بفكر فيكي .

تنهدت بغلب .،ماتكدبش بتكدب ليه بتفكر فيا اني .

قبل شفتيها ..يمين الله بفكر فيكي كل دقيقه .

همست.... ونادين.. ..

ضحك ..الزرجه مالها .

قالت بوجع .... هترجعلها صوح .

تنهد .،انت عايزاني ارجعلها .

نظرت اليه ......يعني عادي امال هتجعد معايا بمنظري ده .

قال ...انت شايفه اكده اني هرجعلها عشان منظرك ..وعشان بطلتي تحبيني مثلا وجاعد معايا عشان الفلوس .

دمعت عيونها قهرا ....دا حجك انك تجيب عيال وتجعد مع ..مع ...لم تكمل وهمت ان تبتعد .

فشدها لاحضانه فهمس ..انت شاغله نفسك بيا ليه هو اني كت طلبت حاجه اني ساكت اهوه انت اللي دماغك شغاله هري ممكن تسيبي الدنيا تمشي .

ابتعدت ..اه اسيبها تمشي لما الاجيك داخل عليا بعروستك وتجولي اتفضلي بره مش كده ..

تنهد بغلب ..يا رب تعبت اعمل ايه ..اقترب واحتضنها وقال بحب ..اني عمري ماهوجعك .

قالت بغضب ..عشان اكده جايبها وجاعد طول الليل تتمسخر معاها ..

رفع حاجبيه ... اني اتمسخرت ..

تذكرت قبلتها فصرخت ......مش بوستها  .

اقترب وهتف ...اني بوستها فين ده انت بتجولي ايه .

قفزت علي قدميها ومسكت خده ..ايوه اهنه اهنه وبدات تمسح خده بعنف وهو ينظر اليها بغلب من هيجانها ..فصرخت .

وجاي تجولي مش هتوجعني بتكدب ليه هاه ،،جايبها واني عارفه جايبها ليه روح بطل تكدب اني عارفه كل حاجه . احترم نفسك مش جدامي ماتغورني بقه من سكات .

قال بغلب ..والله ماتهببت .

نظرت اليه بغضب ..انا شفتك ماتكدبش مش باستك علي خدك الهانم صح وجاعده تحسس علي يد البيه مش اكده ومبسوط وفرحان فرحه الاهبل اي محروم .

ابتسم بحب اقترب وشدها .،اه محروم عالاخر والله محروم ونفسي في حبيبي ابوسه واهريه بوس .

صرخت ..ماتكدبش هتبوسني انا يا كداب وانت الهانم لحست عجلك .

دفعها للحائط ونظر اليها برغبه ..ابوسك انت يا لهوي دانا هموت واهريكي بوس سيبيني يمين الله محروم وماعت جادر .

رن هاتفه فوجدها نادين ..تنهد بغلب وفتح تليفونه وابتعد ..شعرت بالنار في جوفها ...جلبي هموت ... منك لله عايزه تاخده هتنهل عليه ماهو جمر ويشرح الجلب وانت عفشه ...لاه اني هجعد والله لاجعد بقه ويبقي يوريني هيمشيني ازاي اني هكسفه هو طيب وهيتكسف ..ظلت تنظر اليه دمعت عيونها .،هموت عليك يمين الله .استدارت بوجع .،وسهمت لتجده يداعب جسدها مالك يا جط انت يا واخد عجلي .واجف مسهم اكده .

بعدت يده ..وسع اكده .ولكنه كان يزيد من لمسها

كانت قاطبه وهو يداعبها فهمست ...بطل مش لعبه هيا اوعي بقه .

قال ..طب هاتي بوسه طيب واحده بس .

نظرت اليه قاطبه ..ماببوسش اني خلاص . وبطل يدك دي جولت مش لعبه .

ضحك وحملها ودار بها..... احلي لعبه يمين الله اني اطول شفايف الجمر اتوه فيهم اراحها عالفراش وهمس اني مابشوفش غيرك .

قالت بلين وقلبها يدق من قربه ..كداب انت عايزني بس جله ادب انما هيا عايزها حلوه وبتخلف .

ضحك ......لاه زرجه مش عجباني .

نظرت اليه بغضب .....،كداب هتعوزني ليه الا للمسخره واني اني ...حد يتحمل حد اكده وجاعد عشان فلوسه انت ايه ده بطل كدب .

ضحك...طب مانا عادي وبديكي اهه .ابتسم وذهب اليها وادارها .انت عايزه ايه مش خلصناها الصبح .. مش كتي بتجولي انك جاعده معايا عشان كده . 

احنت راسها وقالت بغلب .،لا كنت بكدب . والله ماعايزه فلوس خالص .

ابتسم .،يعني انت هتجعدي عشان حاجه تانيه .

قالت ..يعني انت هتجعدني لو انا جعدت .

رفع وجهها ......عايزه تجعدي طيب .

نظرت اليه وتشجعت وقررت ان لا تتركه فهيا لن تتحمل بعده .كانت تفرك فمسك يدها ...جولي رايده ايه .

تنهدت ...يعني اصل ..اصل باسم جال مش عايز يمشي واننا يعني مالناش حد وانه بيحبك جوي .

قال بعشق .،بس اكده عشان اكده.

ابتلعت ريقها  ..يعني انت جولت لسه عايزني واني وجعتك زمان كتير ومش عايزه اوجعك وهفضل جنبك يعني لو لسه عايزني اجعد ويوم ماهتحب امشي خلاص همشي ..

نظر اليها بعشق واحس انه تقدم خطوه فهيا لم تتحمل فكره فراقه ...فهمس ...اني عايزك تجعدي ولا اجدر امشيكي واصل .

قالت ....هتيجي علي نفسك يعني عشان تجعدني صوح .

همس بحب ..جمر اعمل ايه في عجلك الاهبل .

نظرت اليه بغضب ..ضحك .....لاه هنغضب دا الليله لسه في اولها واني عريس .

قالت بغضب .،ايوه جول اكده بقه بعد ماسبسبت للهانم جاي عليا اني الاخر .

شدها ..لاه الاخر دا التحليه وانهال عليها حتي تاهت معه وقد احس انه في طريقه لتعود لنفسها وتعلم انها روحه وانه لن يتركها .

في الصباح استيقظت هيا علي مداعباته فابتسمت ..فهمس جمري هنهبل اكده يمين الله .

همست بخجل.....صباح الخير.

.

قبل وجهها ...صباح الهنا والفرح كله يا روح جبل وجلبه . ويلا جومي عندنا مشوار مهم  جومي يلا هنسافر .

قطبت جبينها ،، فين انت .

قال .،جومي بس يلا مفاجاه .

تنهدت وجلست بغلب .....فين جول اني ماهروحش في حته . مش جاعدالك تودي وتجيب اني .

قطب جبينه ،،ايه والنبي ..طب حلو اني برضك ماعايزش وخلع ملابسه .

فصرخت.... بتعمل ايه .

قال ،،،هنام الا حبيبي وحشني .

قامت مرعوبه ..ايه اتلم بقه هو جصه بجله ادبك وقامت هاربه للحمام وهو يضحك ..يا جلبي داني هوريكي ماتنطجي بعد اكده  ...

تنهدت هيا بالداخل .،هو مخبول بيعمل ليه اكده عجله اهبل وكل شويه عايز جله ادب ..هو ازاي بحالتي دي مخبول عبيط مابيفهمش في النسوان ..اني تعبت ..وهنروح فين تاني اني تعبت مابتحمل يجرب مني مابحسش ..تنهدت وخرجت....فاعطاها كوبا من العصير ..اشربي ده هيفوجك ...شربت وقامت تلبس اقترب وهو ينظر اليها بعشق فهمس جمر يا ناس ....نظرت اليه وبدات تشعر بدوار فهمست ..ماحساش براسي لتسقط بين يديه ...

.....

فيه ايه يا عياااال يكونش البت حامل ..حقه ..يا تري فيه ايه  ...

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا