رواية أأستحق هذا العڈاب الفصل الثاني والثلاثون 32بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل الثاني والثلاثون 32بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل الثاني والثلاثون 32بقلم ميفو السلطان( حصريه وجديده في مدونة قصر الروايات)

#أأستحق_هذا_العڈاب 

البارت الثاني والثلاثون ...كان جبل قد اتفق مع اكبر جراحي التجميل في مصر واحضر اخرا من انجلترا ليجريا عمليه ليزر لمعالجه الحرق ..كانت حاله قمر ليست كبيره فندوبها قابله للعلاج ..كشف عليها الاطباء وقررا انها ستحتاج اربع عمليات كل عمليه مدتها شهرين كانت تقنيات حديثه قام بها مجموعه من الاطباء واستغرقو وقتا طويلا فالحرق في معظم نصفها الاسفل ليمر ساعات وساعات وهيا مخدره  لتخرج اخيرا وتذهب الي حجره خاصه .

اخبر الطبيب جبل ان العمليه زالت نسبه ٨٠ في الميه من الحرق وباقي ثلاثه عمليات اخري وان الحرق سينتهي بنسبه تسعين في الميه ومع الوقت والعلاج سيشفي الجلد تماما ويحفز الليزر انسجه الجلد ان تنمو مجددا ،،شعر جبل بالسعاده كانت ملفوفه بعنايه فجلدها يعتبر متورما واحمرا من الليزر . وابقوها الاطباء لفتره مخدره واعطوها بعض المهدئات لتنام لفتره طويله .

مر الوقت وبدات قمر تفيق فتحت عيونها ..اقترب جبل منها ...

::::حمدالله على السلامه يا جلبي 

...تأوهت...هامسه .... جبل .

اقترب وقبل يدها ......جلب الجبل من جوا .

كانت تشعر بدوار من المهدئات  ...همست... فيه ايه حوصل .

ابتسم وقال... ..مافيش وجعتي شويه واهه في المستشفي بس تفوجي ونروح .

قالت بوجع ... ..حاسه بشعطان في جتتي ليه .

ابتسم وقبل راسها ...اعمل ايه بيجولو العصير عملك حساسيه وورمتي كتي هتروحي مني يا جلبي مش تجولي ان عصير الموز بيعملك حساسيه ..عموما انت دايخه ..من الادويه 

تنهدت ....عملي حساسيه ..غريبه دي ...مارحناش المشوار انت كت موديني فين .

ابتسم ..هجولك يا جلبي بس تبقي زين ونروح في كل حته .

نظرت اليه وهمست... ..عايزه انام ..

اقترب واخذها في احضانه .....نامي يا جلبي .

نامت هيا بسرعه  واقترب وقبلها ..نامي يا حته من جلبي ربنا يتم شفاكي علي خير ....مر اليوم وهيا نائمه ..

حملها وخرج بها من المستشفي وعاد الي البيت والكل ملهوف عليها ولكنها لا تعلم ماذا حدث ..كان معهم ممرضه ...مر الوقت فاستفاقت لتجد نفسها في القصر فهمست.....اني في بيتي اهنه .

ابتسم علي كلمتها فهمس.... ايوه بيتك يا جلبي نورتيه . بصي ريحي انت ليكي كام يوم دايخه وادويتك هتاخديها وتنامي ممكن .

همست ..اني فيا ايه اني وارمه بجد لافيني ليه اكده ..هو اني ناجصه حزن واغمضت ونامت ...

ابتسم وقبلها ..ماعتش فيه حزن واصل دا حبيبي هينور ويبقي جمر ..لاه جمرين ..

ظلت لمده يومين تنام وتفيق ..،الي ان منعت عنها الممرضه المهدئات بدات تقل دورانها .. 

مر الوقت استيقظت قمر ودخل عليا ومعه صينيه الطعام ..تنهدت 

:::..اني مالي موخمه اكده واللسعان في جتتي مابيروح ..حد بيجيله حساسيه علي كبر .

اقترب واحتضنها  ::::معلهش هتبقي زينه يلا ناكل الوكل كله دلوك ..وضع الصينيه وشرعت في الاكل.

رن تليفونه ..فتحه ....سمعته يتكلم ...نادين  كيفك .،هاه لاه معلهش ماعرفاش اجي ...قام مبتعدا يكلمها جلست قمر تشعر بالقهر .

اهو انت ناجصه محروجه وورامه وحساسيه وحزن بزياده ودي -بتلاحجه ماهي اكيد حاسه انه هيرجع خطوبتهم ..

احست بنغزه في قلبها ...حاسه اني هموت دلوك ما متحملاش يجرب من حد تاني .مسحت دموعها .،بطلي انانيه ايه الجرف ده سيبيه ينسعد انت اخرتها ماشيه هيجعدك ليه بجرفك جتك الجرف اكتمي ام ورم منك لله ..جراضه ما صدجتي تلزجي فيه وراحه تجوليله اجعد ..ماكملاناش ساعه طبيتي وحساسيه وحزن وهيفوت بيكي عالمستشفيات  ..سمعته ينهي مسحت دموعها علي الفور وتجلدت يكفي هما لقلبه وعبئا عليه .. .

كان  هو قد انهي المكالمه التفت  وجدها لا تاكل وعينها تلمع .اقترب مسك يدها وهمس .

:::مابتاكليش ليه .

:::: بقهر تنهدت .....مش جعانه عايزه انام .

تنهد :::: لاه  هنسهر تحت.

احنت راسها .::::ماعايزاش .

اقترب من وجهها .::::ليه يا جلبي ايه حوصل كتي كويسه احنت راسها .فتنهد ..طب ليه طيب .

نظرت اليه وقطبت جبينها اندفعت تقول ...اني اني ... اني خلاص رجعت في كلامي يا جبل .

قطب جبينه .رجعتي في كلامك اللي هو ايه يا جلبي .

:::: ...اللي هو اني اجعد وانت تجعدني يعني وتسيبني اهنه .لاه خلاص اني ماهجعدش وانت بقه شوف حياتك ماهتلاجنيش جدامك .

اغمض عيونه  وتنهد بغلب::::..طب هو انت مابتصدجي تلاجيني رايج تحربي تفكري في حاجه تجهريني .

::: .،اجهرك ليه داني بريحك من الحزن .

بانفعال ::::.حد جالك تريحيني اني مبسوط بالحزن انت مالك .

اندفعت غاضبه ..بطل كدب مبسوط لايه انت احنا هنعملهم علي بعض ..كل شويه حزن واخرتها ورمت ورحت المستشفي ايه هتستني لما جتتي كل شويه يجع منها حته واجعدلك متحلله ...بطل خلاص بقه هو ايه كفايه انت شوف حالك ...اني لو كشفتلك حالي هتخاف وتجوم بطل وخلاص مش اتفجت مع بت خالك الله يسههلك .

رفع حاجبيه ....اتفجت مع بت خالي اني اتفجت .

صرخت .،ايوه مش بتتكلمو بتكدب ليه ماني جولت هغور .

رفع يده الي جبهتها .،مش سخنه طب ايه طيب ..يا جلبي انت بتجلبي ليه بس ماكنا رايجين .

نظرت اليه ..جبل بطل اني مامحتجاش شفجه من حد فاهم اني خابره عيونك لما بعدتهم كت كلها جرف وبطل والله اجوم اكشفلك حالي واجعدلك اكده طول النهار .

ضحك هو .،يا لهوي تكشفيلي حالك يا ريت .

نظرت اليه بغضب ..كنه اكده طب والله ماعت جعدالك الا مكشوفه عشان تطفش عن حج .

اقترب وداعب جسدها ...اكشف يا جمر دانا يوم المني ..

صرخت ..انت مخبول ربناةيشفيك يا واد اتلم هكشف حالي والله ماعت سكتالك وهخوفك ..انطلق ضاحكا ..فصرخت ..كنه اكده طب هاتلي فستان ويكون مكشوف بجولك اهه اني هعرفك تضحك علي خيبتك انت لبست نصيبه سوده  .

ضحك وقام واحضر فستانا فاتنا فنتشته منه .:::هات اوعي انت جيت لجضاك انت حر اني هوريك ..بعد وشك .

ابعد وجهه فخلعت فستانها الطويل تحت الفراش ولبست الاخر كان فستانا بحمالات يبدو عليها مفاتنه 

:::: .. شوف بقه اني ماعتش سكتالك فاهم اني هجرفك لحد ماتطلجني .

اقترب منها ونظر اليها بهيام .::::الفستان جمر ياخد العجل يا حته جشطه باللوز .

صرخت ،،بطل والله اكشفلك الغطا اصرعك .اطلق ضحمه عاليه فشعرت بالغضب فقفزت وكشفت الغطاء .،طب اهوه يا جبل بص بقه وهشوف هتتنحنح ازاي دمعت عيناها واشاحت وجهها ..

ابتسم وهمس... جمر والله جمر تاخد العجل لمس قدميها فنظرت اليه بغضب انت مخبول دول جمر .

يا واد انت مابتشوفش اقاربت منه فضحك ..نار يا بت الايه ..

اهتاجت ورفعت فستانها ورفعت قدمها اليه فمسكها ...لتنظر الي قدميها وصرخت ...دول نار دول نا...... لتنشل مره واحده ..نظرت لقدميها فلم تكمل جملتها انحبست في صدرها وبدات تنهج وتشعر برهبه ....كانت قدميها بهم احمرار ولكن اثار الحروق اختفت بنسبه كبيره جدا وزالت الكسرات تماما... دمعت عيناها وظلت تنظر الي رجليها بصمت وذهول وتنظر اليه وتطرف بعينيها لا تفهم شيء ...

:::فيه ايه فين رجلي .

ظلت تتفحص رجليها وتلفهم يمينا ويسارا ودموعها تتساقط ،،فين الحرج فين كانو محروجين خالص  ..لمست قدميها وقلبها سيقف ودموعها تتساقط ...كانو كانو مش اكده ..فين رجلي  راحو فين.. دي مش رجلي... رجلي بتخوف . كان هنا متنين وجلدي مكسر راحو فين دول ..دول حلوين مش بتوعي.. بتوعي فين .

نظرت اليه مسك يديها وهمس .رجلك اهه جمر ولسه هتبقي جمرين والله .

قالت بذهول وبلاهه ...جبل فيه ايه رجلي كت بتخوف فين هيا .

ابتسم بحنان وملس علي رجلها :::تخوف ازاي بس دا حاجه تخبل .

كانت لا تفعل شيء تنظر اليه وتنظر لقدميها ويده التي تملس عليها فهمست برهبه ::::اني مافهماش حاجه .

مسك يدها وقبلها ..::::هجولك اني ليا فتره مكلم دكاتره كبار من بره مصر لحد ماتفجت معاهم وجم عملو عمليه ليكي بالليزر نسبه الحروج في البدايه بتنزل بنسبه ٨٠ في الميه وفاضل تلات عمليات عشان نعالج الباقي... بس كل عمليه بعد شهرين من التانيه وبعدين تاخدي علاج ومراهم رجلك هتبقي احلي واحلي ونجول يا رب .

نظرت اليه ودموعها تتساقط فاندفعت واحتضنته بقوه وظلت تحاوطه وتكلبش فيه ودموعها تنزل ..،ظل يمسد عليها وهيا تبكي ولا تفلته كانه روحها ...الي ان هدات .

همست ::::انت عملت اكده عشاني .كانت تبكي وهو يبتسم بحنان اندفعت مره اخري تحتضنه وتنفجر في البكاء حاوطها وشدها اليه وركن عالفراش وهيا تبكي يمسد عليها ..الي ان هدأت مره اخري رفعت وجهها :::جبل ..

:::: ...حبيبي والله .

:::: ..انت انت اني ماعارفاش اجول حاجه .

قبل يدها :::واني كفايه عليا لمعه عيونك دي .

اعتدلت ونظرت الي قدمها وتلمستهم ..دول بقو حلوين جوي اني بقيت زي اي حد شوف حلوين ازاي .

قبل خدها ..انت عمرك ماكتي زي اي حد انت جمر من غير حاجه 

كانت تتلمس قدميها غير مصدجه ..حلوين صوح شوف ..

ابتسم ::::طول عمرهم جمر يا جلبي .

كانت تلمسهم لا تصدق اندفعت مره اخري تحتضنه ..عايزه اموتك احضان جلبي هينخلع ليه ماجولتش .

ابتسم .،عشان اشوف فرحتك دي .

نظرت اليه بعشق اقتربت وقبلت خده ..مالاجياش كلام اجوله .

شدها اليه ..مبسوطه يا جلبي .

قامت عالفور ووقفت امام المراه ..مبسوطه بس داني جلبي هيجف ظلت تدور وتدور شوف حلوين ازاي شوف ماعادوش يخوفو استدارت وكسكت يده بلهفه ...يعني لسه كمان هيبقو احلي والنبي يا جبل .

::: ..،بنسبه تسعين الميه والباقي هيروح مع الزمن اني ماهخليش عندك ايوتها حاجه يا جلبي.

استدارت بسعاده وظلت تدور وتنظر لنفسها وتتامل قدميها ..حلوين جوي اني مبسوطه جوي جوي ماعارفاش اشكرك ازي .

اقترب وحاوطها .،واني كفايا عليا عيون الجمر .

اندفعت للدولاب ..طب استني اوعي اكده ....وبدات تفتش فيه واحضرت بعض الاحذيه التي اشتراها جبل ولم تلبسهم فلبسها كان احذيه رياضيه وشربات ولبست كعب عالي ووقفت تنظر لنفسها .

:::حلوين جوي مالبستش جزمه من سبع سنين .وبدات تلبس كل الاحذيه .

اندفعت تثرثر بسعاده ...::::اني عايزه اخرج ايه رايك البس دي والا دي ،،لاه دي احلي حلوين حلوين كلهم ماعارفاش اختار كانت تحتضن اكثر من حذاء وتلبس الاخر  .

وهو يقف ينظر اليها كانت من فرحتها تتصرف بعفويه ...وبدات تخرج الدولاب ..

:::جبل هتجبلي جزم كتي بكعب انت طويل عايزاهم كعب طويل تسعه سنتي ..لاه اكبر اه ... اني بحبهم ماشي . وهخرج معاك بيهم اكده ومش هلبس شراب خلاص ..

اندفعت لدرج الشرابات واخذتهم واتجهت للزباله 

:::دول خلاص ماهلبسهمش واصل ..دول خلاص رجلي حلوه كانت جالسه عالارض تثرثر فصرخت ..واجف بعيد ليه تعالي شوف حلوين ازاي ..

ضحك واقترب وهيا في وسط كومه من الاحذيه ..جلس بجوارها واخذ احد الاحذيه يلبسها اياها ..همس ..جمر يا جلبي .

قفزت ..استني فيه تاني ضحك وقامت تجري تاخذ شيئا من الدولاب .واتجهت للحمام وخرجت .. فضحك عليها .

خرجت تتهادي تلبس شورتا قصيرا ..قام ينظر اليها والسعاده تنير قلبه.....وقفت تقفز ..وتصرخ ..اني لابسه شورت لابسه شورت ...واندفعت تحتضنه وهو غير مصدق فرحتها هجمت عليه وشدته تقبل خدته قبلات متفرقه وهو يضحك ...وابتعدت وبدات تفتح الموسيقي وترقص كانت مازالت تشعر بدوار ولكنها اقتربت ومسكت يده وظلت تقفز الي ان ركنت عليه ..

همس ..جلبي تعبتي ريحي طيب .

همست ..مش عايزه فرحانه عايزه ارجص بس دايخه ..

احتضنها ومسكها وذهب وجلس واجلسها علي قدميه ..فردت رجلها عالمنضده ..جبلي .

نظر اليها بحب ..عيون جبلك ..

همست ....اني مابحلمش صوح .

ضحك... ..لا يا جلبي .

ابتعدت وقالت ....اعمل اي حاجه والنبي اجرصني اكده واقتربت بخدها منه .ابتسم وقبل خدها فخبطته ،،بجولك اجرصني .

فقرص خدها ضاحكا ..

::: ..اه اهووه مش بحلم والله مابحلم خلاص ..ولابسه شورت اهه ونظرت للاحذيه ودول هناك لبستهم من شويه ...قامت مسرعه ولبست احدهم واحضرت اثنين اخرين واحتضنتهم ونامت في حضنه فضحك ..انت هتنامي بيهم اكده حضناهم .

كلبشت فيهم ..اه بتوعي هلبسهم كلهم وهتجبلي تاني .

ضحك عن اخره ومسد عليها ...هجبلك يا جلبي ..

قفزت فجاه ..ونظرت اليه وقالت هو فين .

بهت برهبه ...هو ايه يا جلبي.

قالت ..جبلي الخلخال بتاعي فاكره عايزاه والنبي هموت عليه .

ابتسم وتنهد .:::اجول ايه هتوجفيلي جلبي وقام واتجه الي دولابه وااخرجه من علبته .

وقفت تنظر اليه فقالت ..لبسهولي يا جبلي وبدات تتهادي بخيلاء امامه وهو يضحك .،البت انخبلت ..

اقتربت ورفعت قدمها ..فالبسها اياه ..وظلت تهز في قدميها وتصدر صوتا ..حلو جوي ياااه سبع سنين شايلاه عمري مالبسته . حلو يا جبلي .

ابتسم .::يخبل يا جلبي .

اندفعت واحضرت ورقه وقلم ..شوف بقه هنشتري ايه ..عايزه فساتين جصيره كتير هاه البسهم اتغندر بيهم ماشي .

ضحك وقال ..ايوه عيوني فخبطها ...بس جوات البيت حبيبي هيتحجب خلاص بطلنا حبيبي ينخبي .

نظرت اليه بحب ..ايوه انخبي ماني حلوه انخبي خلاص كت عشه هنخبي ليه .

ضحك .:::يا هبله تنخبي حلوه وعفشه ربنا يرضي عننا بس عبطك ده انت عمرك ماكتي عفشه .

ابتسمت ..طيب خلاص ..نشتري برضك فساتين جصيره كتير البسهم لحبيبي استدارت واشارت الي قلبه ..اهوه حبيب دهوه .

فضحك .ركنت عليه ..وايه كمان ..اه .. شورتات كتيير جوي اني ماهلبسش بناطيل تاني في البيت ويبقو جصيرين اكده .

ضحك .:::ايوه موافج هجبلك منهم ياما عشان اهيص املس في الراحه والجايه .

ضحكت فجلست ..حلوين صوح يتملس عليهم وهيبقو ناعمين مش اكده .تنهدت وسهمت ..سبع سنين...سبع سنين بنطلون طويل بيجرجر وشراب وكوتشي بلبس في الضلمه مافاكراش اخر مره لبست في النور ..سبع سنين واني مش ست سبع سنين حزن ..جلبي فرحان جوي جوي جوي اعمل فيك ايه ومسكت وجهه وظلت تقبل خده بقوه وهو يضحك ..هموتك بوس واندفعت تقبله بقوه وهو متقبل عفويتها تركها تخرج مافي قلبها فهذا كثير عليها ..ركنت هيا  ..وهو يمسد عليها ويدغدغها وهيا تضحك ..

تنهدت ،،انت دفعت كتير صوح .

::::وانت بتسالي ليه مش مرتي ادفعلها عيوني .

ابتسمت بحب ::::ايوه دلوك مرتك ..

ضحك .::::يعني جبل سابج ماكتيش مرتي .

تنهدت وتذكرت ابنه خاله .فهمست .،لاه ماخلاص يعني لو رايد اجعد هجعد .

ضحك .،يا بت انت عجلك ده مليان ايه بس ..اني فرحان بالله ماتنكدي علينا .

نظرت اليه وهمست ..جبل .اني نفسي اعملك حاجه بس مابيديش حاجه اعملهالك انت دفعت ومجعدني اهه ومبهدلاك وجليت ادبي كتير  وانت حلو جوي واني ماعملتش حاجه ليك واصل .

اقترب وشدها .،رايده تعملي .

هزت راسها فهمس ..طب مش كنا هنسهر تحت ..ماتسهريني اهنه .

نظرت اليه قاطبه ..ابتعد واحضر علبه وقال ..شوفي اكده هيعجبك .

فتحت العلبه فشهقت فكان قميص حريري قصير من اللون الوردي عليه نقوش حريريه بيضاء احمرت وقفلت العلبه اقترب ..ايه مش رايده تشكريتي .،عايز نسهر سهره تاخد العجل ..

همست .،بطل اني خجلانه .

ضحك ودفعها الي الحمام ..لاه لاه اني مستني الليله دي من بدري دخلت الحمام وقفت سعيده ولبست القميص وظلت تنظر لنفسها عادت قمر تشع جمالا لا ينقصها شيء ..تنهدت ..هو يستحج ينسعد يا جمر اسعديه وعيشيه دنيته واجعدي هتروحي فين علي الاجل ماعتيش تخوفي وهو لما يعوز يخلف يروح يجيب بت خاله انما انت تروحي فين تموتي من غيره لاه ماتسيبهوش بروحه يسيبني هو رايدك اهبليه اكتر خليه يعوزك علي طول مايهملكيش . بقيتي جمر يا بت وتخبلي ياني يا فرحي لاه هجعد احب فيه وبس هعمله شغلتي ليا غيره .

وضعت لمسات خفيفه من المكياج وخرجت تشعر بالخجل اطلق صفيرا 

:::: ..يا لهوي ايه الجمال ده يا جلبي اللي هيجف اندفع واحتضنها ..جمر يا بت الايه ماعارفش امسك حالي اني مش علي بعضي .

ابتسمت بدلال وقررت ان تشعله وتبقي له كما يريد همست بدلال.:::حلوه يا جبلي .

::: ..حلوه بس دا حلوه وجمر وهنهبل يمين الله .

:::: ..طب اني بقه هسهرك سهره حلو ومسكت يده واجلسته ودارت وفتحت موسيقي وبدات ترقص امامه وهو ينظر اليها برغبه شديده كانت تتمايل بدلال وتري نظراته وتشعله اكثر بحركاتها  ليقوم ويحتضنها لتنفلت منه وتدور حوله وكلما اقترب تلمسه وتبتعد اكثر ليحس انه لم يعد يحتمل فشدها بقوه وهمس بعنف ..ماتبعديش مش جادر وشدها وانهال عليها وهيا سعيده بانها جعلته يرغبها لتقرر ان تكمل هكذا حتي لا يتركها من اجل الخلف.

كانت مازالت لا تثق في روحها فالخلف للصعايده كالنفس لتعطيه وتعطيه وهو شعر انه وصل عنان السماء لم يتوقع منها ذلك لم يتوقع هذا العطاء وهذا الحب كانت طيعه تستجيب استجابات تخلع قلبه ظل معها حتي تاهت الدنيا في نار العشق .

في الصباح فتحت عيونها فوجدته نائما لم ينم هكذا منذ سنين وعلامات الراحه باديه عليه ..قامت واغتسلت واحضرت له فطارا وصعدت .ولبست فستانا جميلا وتزينت ..بدات تداعب وجهه ليفيق علي لمساتها ابتسم بحب ..نظرت اليه بعشق وهمست .،صباح الخير يا جبلي .

نظر اليها بعشق :::اني صباحي ياخد العجل .

التصقت به .::::مبسوط يا جبلي .

شدها اكثر .:::هنهبل يمين الله .

تنهدت ..طب جوم عشان تفطر حضرتلك الوكل .

شدها .:::لاه اني عايز اكل الجمر اللي هبلني امبارح ...

همست بدلال ..هو اني عملت حاجه .

::: .،ياوجعتي ياني ..داني جلبي بقي فورتيكه داني هفطس في يدك اكده .

ابتعدت .،ايه بلاش مارايدش خلاص .

شدها ...يا لهوي بلاش ايه داني امبارح كت طاير دخلت جنه الجمر .

:::صوح والنبي مبسوط ماني بقيت حلوه اهه .

قال بعشق ..انت حلوه من زمان مافيش احلي من اكده والله .

همست ونظرت اليه بهيام :::وهبقي حلوه كمان وكمان عشانك والله .

نظر اليها فهمس ::: لاه ماجادرش اسكتي اني مامصدجش جمري رايج وعسليه ..شدها اليه وانهال عليها وهيا تستجيب بقوه وتاها لدنيا تمنياها في احلامهم ليصبح واقعا ولا اجمل .

ابتعد قليلا :::هو اني صوح مش بحلم

تنهدت بعشق :::لاه مابتحلمش بس اني بقه بحلم اسعدك اني وجعتك خالص وعشان اكده يعني يعني ..

احتضنها ..جولي يلا ايه .

ابتسمت ..جبلي عايزه اجولك حاجه .

:::: ..جولي يا جلبي .

اقتربت وهمست ..اني ماعايزاش امشي واصل من اهنه ماشي .

ضحك :::: ...ولا اوعي اعملها واصل تمشي تروحي فين .

داعبت صدره ..ماعايزاش فلوس وماعايزاش حاجه واصل عايز بس اكون جنبك .

ابتسم وهمس ::::دا يوم فرحي وسعدي .

تنهدت ..اني يعني اهه بقيت حلوه وانت عايزني واني يعني يعني .

رفع وجهها :::ايه جولي .

نظرت اليه بعشق تخرج ما في قلبها ..

::::اني رايداك برضك وماعايزاش امشي ورايده اسعدك وهعمل اللي تحبه وهسعدك خالص واكون ست زي مانت عايز وخلاص اهه شوف حلوه ازاي ..جبلي ماتجيش يوم وتمشيني والنبي .

نظر اليها بعشق :::امشيكي ..حد يمشي روحه والله روحه من جوا ..جمر انت خدتي عجلي من زمان وماعادش بيرجعلي امشي مين انت مخبوله اني امبارح اول مره انام اني نومي بقي خفيف من الجهر اللي عشته ..امبارح ماحسيتش بحاجه ولا حسيت بنفسي نايم متهني .

نظرت اليه بعشق وهمست ..جبلي اني عايزه اجولك حاجه تانيه .

ابتسم ..جول يا واخد عجلي ..

اقتربت منه ونظرت اليه بعشق ..همس ..بتبصيلي ليه اكده جلبي هيجف يمين الله.

اقتربت وهمست::: جمر لساتها عشجانه الجبل وهتموت عليه ورايده تكون له مرته العمر كله .تقبلني مرتك تقبلني روحك تقبلني باللي فيا ولسه عارفه بس ماجدراش الا اكون ليك حبيبه اني ليا كتير بجول اهو جاعد معايا شفجه بس دلوك لاه عايزاك تحبني كيف ما ...اني اني .

اندفع بلهفه:::: جولي جولي سمعهالي ..

نظرت اليه بعشق ::::اني بحبك وبموت عليك رايداك الف مره راجلي وحبيبي اعيش بس جنبك وخلاص ارضي بقربك وخلاص بس تحبني وتقبل حبي ده ...جمر هتهننك وتدلعك وتخرجك عشج ..جمر هتكون لك ست احلامك وعهد عليا اخلي عيونك دي بتشع سعاده ..العشج اللي جواتي هدهولك عن طيب خاطر مارايداش جدامه حاجه .اقتربت وقبلت شفتيه وهو ساهم فيها بهيام  .

لمست وجهه بحنان ...رايد حب هخرجلك حب.. رايد رغبه هغرجك رغبه ..رايد اي حاجه انت بس تأشر وتجول رفعت اصبعها وملست علي شفتيه ..انت بس تأمرر ،

لم ينطق احس ان ذلك كثير عليه احس انه وصل لاحلام نام عليها وصحي يتلفت بذعر لم يجدها ...اخيرا حبيبته راضيه وفوق ذلك ستصب عليه عشقها شدها اليه 

::::اني كتير عليا كتير يمين الله وانهال عليها لتستجيب وتستجيب وتشع وتصعد به عنان السماء .

مر الوقت وتركته وقامت غيرت ملابسها ونزلت تطمأن علي ابيها وباسم .. دخلت سعيده ...بص يا ابوي شوف وكشفت رجلها .

دمعت عيونه:::ايه ده بجد ده يا جلبي يا فرحتي حلوين جوي يا جلب ابوكي .

فتح يده اندفعت تحتضنه وتبكي بسعاده واندفعت تحكي  له مافعله جبل 

ابتسم الرجل :::ربنا يبارك فيه راجل يملي العين ربنا يسعدك يا بتي .

:::اني فارحانه جوي يا ابوي نفسي اعمله حاجه تفرحه بس ما عارفاش .

ابتسم الرجل ...هو فرحته في فرحه عيونك ربنا يراضيكو يا رب .

دخل عرفان وسعد بما حدث  .،شفتي اهو ربك بعتلك في حلمك انك هتنسعدي اهه .

ابتسمت هيا :::اني مبسوطه جوي وماحساش اني مجهوره خلاص .

عرفان ::::ده جزاتك عالصبر يا بتي .انما يوفي الصابرين اجرهم ..وانت شيلتي من الصبر احمال .

تنهدت وسهمت . قال ابيها.... ايه مالك تاني .

نظرت الي عرفان ووضعت يدها علي بطنها .:::بس سعاده ناجصه اني حمده ربنا بس هو هياجي يوم ويتجوز اني عارفه حاسه انها لازم تاجي ..الصعيدي الهلف عنده عزوه .

تنهد عرفان ،،ساعتها حجه يا بتي بس برضك اللي في الجلب في الجلب .

نزل جبل :::هو ايه اللي في الجلب يابا عرفان .

ضحك .:::انت شايف ايه يا جبل .

نزل وقبلها  ،،شايف حبيبي مستربع في جلبي وفارش ومبرطع ..اقترب منها  .،عندي مفاجاه ليكي يلا اطلعي البسي .

نظرت اليه بعشق ..هنروح فين يا جبلي .

قال ..مشوار اكده هستناكي بره ..قفزت سعيده وقامت تلبس والسعاده تشع منها نزلت وجدته واقفا احتضنها واخذها وذهب بها الي ااحد الاماكن المطله عالنيل  ..نظرت اليه سعيده ،.اغمض عيونها ومسك يدها وصعدت برويه ...همست فيه ايه مخبي عيوني ليه .

قبل خدها ..عشان عيونك هتفتح علي اول يوم حبيبي صوته طلع للدنيا يبقي هيفتح علي اول فرح لينا برضك .،فتحت عيونها لتجد شاشه امامها وعليها صوره لها ومحاطه بزينه وبلاللين وهناك بعض الشرارات تصدر من حولها نظرت اليه فهمس .،كل سنه وانت طيبه يا جلبي العمر كله ليكي .

نظرت اليه دامعه اندفعت تحاوطه فحاوطها وشدد عليها ...كل سنه وحبيببي في جلبي وفي حضني ..كل سنه والجمر فرحان .

همست :::جبلي اني مامصدجاش الفرح ده ليا اني اني فرحانه بالله اجرصني .

ضحك ... ،،ايوه الفرح ليكي ليكي وبس ..اني جصدت اني بعد العمليه تكون قبل عيد ميلادك عشان نبتدي حياه جديده كلها فرح جمر تعاود من تاني جمر تعاود منوره الدنيا .

سالت دموعها اندفعت وقبلته بقوه وقلبها يخفق بعشق::: انت حلو جوي ماعارفاش اعملك ايه .

ابتسم ..تنسعدي وبس عايز عيونك بس منوره اكده ..اخذها من يدها وبدا يرقص معها وهيا سعيده .

همست::: جبل اني خايفه .

تنهد ..تخافي واني جارك يا جلب جبل .

سهمت::: ..ليا سنين موجوعه خايفه من الفرح اني جلبي بيدج كيف الطبل يمين الله .

::: ..لينا سنين موجوعين صوح يبقي ده حجنا يا جلب جبل والله حجنا .

ارتمت في احضانه .انت جبلي خلاص مش اكده .

ضحك .،طول عمري جبلك من يوم ماخطفتني عيونك في الساحه .

ملست علي قلبه وقبلت صدره ..هعيش عمري شايلالك جميلك ده يا جبلي .

رفع وجهها ..ده مش جميل يا هبله ..ده راجل وبيفرح مرته اللي بيموت عليها .

ابتسمت :::ايوه بتموت عليا خلاص ماني بقيت حلوه اهه ودفعته ودارت وظلت تدور وهو ينظر اليها بسعاده رفعت يدها وصرخت ،،اني بقيت حلوه مابياش حاجه يا ناااس ...

وظلت تقفز وهو يضحك علي براءتها لتندفع وتتجه اليه ..مش حلوه صوح جول ..ضحك عن اخره ..

خبطته ..لاه بجولك ايه انا ليا سبع سنين وحشه .،دلوك كل دجيجه تجول اني حلوه وجمر .

ضحك شدها وحاوطها ..انت ليكي سبع سنين جمر ودلوك جمرين انت جمر في كل حلاتك .

نظرت اليه دامعه .،يا فرحي ياني جلبي بيدج عالاخر وبيجول رايداك عمري كله اني عشجي عايزه اصبه عليك ..شدها وانهال عليها وهيا تستجيب له بعشق ليبتعد اخيرا فهمست ..جبلي اني رايده حاجه منك .

تنهد وهمس::: ايه يا عمري .

:::رايداك مايجيش يوم وتزعل مني اني عجلي ليه ياما معبي هم وحزن رايداك توعدني لو زعلنا يوم تاخدني في حضنك وماتهملنيش لما ببقي موجوعه بخاف ابقي لوحدي اني عايشه علي طول خايفه بالله مايجي مره وتخرجني من حضنك . بجول حجات عفشه اني اني ليا سنين احساس النجصهري جلبي كل كلمه كت بتجولها بفهمها وحش جوي تنزل تمزع جلبي اجوم اهجم عليك اصرعك ..الست حياتها جمالها واني ماكنش عندي كت ست ناجصه كتير بس اهه انت الحلو اللي رجعتلي حلوي كله .،اصحك تبعد عني لما بقلب ببقي عجلي زي الطين ..حضنك ده اماني وبس اوعدني في زعلك مهما كت تشدني لحضنك وبس .

تنهد وحاوطها .:::عهد عليا لو مجطعاني تجطيع لاخدك حضني وماهملميش واصل .

ابتسمت وقبلت يده .،يا رب خليك ليا عارف رايده ايه دلوك ...

همس .:::انت بس اشري اجبلك حته من السما ..

:::همست رايده انام بحضنك وماخرجش منه واصل .

قام علي الفور وشدها طب يلا اني اصلا ماعت متحمل .

بهتت::: .،فيه ايه .

نظر اليها بعشق .،هاخدك في حضني اني حبيبي يعوز حاجه وارفض .دا حضنه ده جنه ليا والله .وشدها ودخلا سعداء وصعد بها الي حجرته لتذهب وتغير ملابسها ..فتح ذراعيه لتندفع وتندس في احضانه وتنكمش بداخل جسده وتلصق نفسها فيه .،همست عايزه ابقي حته منك .

تنهد وحاوطها .،مانت حته مني يا جلبي والله .

نظرت اليه بعشق ..انت بقه كلي كلي مش حته .

ابعدها وبدا يداعبها .،طب ماتوريني كلك كلك اكده الا من الصبح ماخدتش حلويات ..

كلبشت فيه .،جبلي جولت رايده انام في حضنك وبس .

بدات تلعب في صدره وتهمس :::جبلي ..

همس بعشق .،نعم يا روح  جبلك ..

تنهدت وهمست  مره اخري :::جبلي جبلي .

رفع حاجبيه فضحكت ،،لاه اني بس بجول اكده اصلها حلوه جوي جبلي بقي بتاعي كله كله .

ضحك وهز راسه ..حبيبي المخبول .

بدات تداعب صدره .:::حبيبك ايوه حبيبك الحلو هاه كملها .

فضحك .،اجول ايه خانكه عايش خانكه .

تنهدت ،،عذبتك صوح وحشه اني عملت كتير .

ضمها وهمس ،،حجك تعملي مابدالك ..

تنهدت وركنت عليه وسهمت في فكره الخلفه شعرت بالخوف فحاوطته اكثر :::علم انها تفكر في ما يوجعها .،فهمس لينسيها حزنها :::جمري حلبي بيوجعني .

هبت مسرعه .،ايه فيك ايه بيك ايه .

همس::: اهنه بيوجع جامد حطي يدك اكده .

شعرت بالذعر :::مالك يا جلبي كت كويس .

نظر اليها بهيام ...لاه مش كويس اصل جلبي بيجول لجلبه ماتسهمش وتحزن الا اني بحس بحزنه وبنوجع .

دمعت عيونها وخبطته .،اكده تخضني اموت عليك اخص عليك .

ابتسم .:::كن حبيبي بيموت عليا طب ايه حضنا ونمنا وريحنا مش هنحلي بقه .

تنهدت :::وحش انت كتير تحلي ايه اجوم اجبلك ايه .

داعب جسدها .،تجيبلي الابيض ده احلي واشبع .

همست بخجل :::جبلي ايه ده جولت ..

وضع يده علي شفتيها :::هتحوشي حبيبي عني. جلبي هيوجعني .

ابتسمت بعشق .،ماعاش اللي يحوش عنك ولا يوجع جلبك .

نظرت اليه بعشق وحاوطته .،خد يا جلبي واتهني مسكت وجهه . واندفعت اليه تبادر بقربه وهو لا يتوقع كم ذلك العشق منها حتي تاه وتاه وهلك من مشاعرها التي صرخت وظهرت فالعشق بعد الوجع يكون كالنار يشعل قلب الحبيب العشق بعد سنين الوجع يندفع بداخل شرايين العشيق نارا تزيل كل الوجع وتحرقه وياتي العشق يتهادي ويروي ويطبب قلوب العشاق . ..

في الصباح استيقظت علي مداعباته ..جوم يا جلبي محضراك مفجاه ..

نظرت اليه بعشق ..ايه في ايه .

::: يلا بس .

تنهدت وقامت  تلبس ونزلت فشدها وخرجا وهيا لا تعلم شيئ وصل بها ووضع علي عيونها ضماده  قطبت جبينها ...احنا رايحين فين .

نظر اليها بعشق وقال هنروح حلمنا يا جلبي وشدها ونزل بها برويه ..الي ان وصل شد الضماده ..رجف قلبها بسعاده و..

يا نجاااتي انفخ البلالين يا واد .....الفرح شغااال خير يا رب ...اهو افرحو يا عيال ..بسم الله الرحمن الرحيم انصرف هنبخر عشان الحزن ماينطش علينا تاني .

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا