رواية أأستحق هذا العڈاب الفصل الخامس والثلاثون 35بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل الخامس والثلاثون 35بقلم ميفو السلطان( حصريه وجديده في مدونة قصر الروايات)

رواية أأستحق هذا العڈاب الفصل الخامس والثلاثون 35بقلم ميفو السلطان( حصريه وجديده في مدونة قصر الروايات)

#أأستحق_هذا_العڈاب

#حكايات_mevo

بدا جبل يتكلم انه لم يعد يريدها وانه سيلفظها من حياته لتتوه وتراه هلاما وينتهي عقلها عند جمله جمر انت ....ظلت ناظره اليه ترتجف من داخلها ظنت انه طلقها ولكنه لم يفعل فراي منظرها يشحب وتصاب بانتفاضه توهمت انها سمعتها  كان وقع الكلمه كذبح في عروقها .

شهقت واحست بالخنجر يشق انفاسها وبدات تشهق بقوه وتضع يدها علي قلبها لم تعد قادره ان تتنفس كانت تشهق وتمسك قلبها .

وجدها تنتفض فاندفع برعب... ايه ايه .،بدات تشهق وتشهق ..بدات تزرق فصرخ... فيه ايه حرام بقه بتعملي فينا اكده ليه .،بدات عينها تزوغ وانفاسها تضيق اندفع وصفعها بقوه الا انها بدات ترتخي وسقطت لم تعد قدماها تحملها .. ليحملها علي الفور ويذهب بها الي المشفي .

تلقفها الاطباء واسرعو في اسعافها ..كانت حاله من الذعر اجتاحتها بعد ان توهمت انه طلقها لم تكن تتخيل حياتها بدونه اما هو فشعر بالموت ودموعه تنزل ،،انت بتعملي اكده ليه مخبوله كتي هتموتي فيها يا رب جرا ايه سايبها في امان الله ارجع الاجيها اكده ..بدات تنتفض والاطباء لا يعرفون تلك الحاله وهو يقف مذعورا صرخ ،،فيه ايه عملت ايه البت هتموت يا مصيبتك يا جبل كت هتجولها  جدرت كت هتطين ايه علي ايامك ... نظر اليها وهيا تتشنج هيا بتعمل ليه اكده مامصدجش مش هيا اللي جالت مش عايزاني راجلها ولا عايزه جوازتي اروح فين  البت هتروح مني ،كان يقف في نهايه الحجره مذعورا ليحس انه سيموت عندما صرخ الطبيب هات الصاعق قلبها وجف 

شعر بضيق بقبضه في صدره كأن هناك من نزع احشاءه ودعكها دعكا كان الطبيب يخبطها لترتفع وتنزل جثه هامده ويخبطها وترتفع وتنزل بلا روح فالروح فارقتها بفراق الحبيب لتاتي اخر خبطه ليصرخ جبل بقهر لاه لاه انت مرتي انتي مرتي ماهتسيبينيش وهتفضلي مرتي ولو روحتي هتروحي مرتي اتهني بيكي في جنه ربنا ..يا رب ماتكتب عليا اكده في الدنيا انت مرتي يا جمر مرت جبل وهتفضلي مرت جبل اني مانطجتهاش والله ولا كت هتطلع من بقي رايدك اهوه والله رايد ماتهمليش حبيبك واصل .تعالي ادعكي وشي زي ماتحبي اني راضي باي حاجه بس ترجعي لحبيبك .

لينصدم الكل عندنا صدر الجهاز دقات قلبها المنتظمه عادت قمر عندما رد اليها حبيبها روحها عادت بعودته اليها عادت بوجودها في دنيا الحبيب .اما هو فزعره كان علي اخره اقترب واحتضنها والطبيب يحاول منعه. 

فصرخ...ماحدش يجرب مني ومن مرتي بجولكو. 

اقترب الطبيب ....اطمن هيا زينه بس جالها ضيج تنفس فجاه ممكن تكون مرت بحاجه صعبه عليها اني هديها مخدر عشان كات بتتنفض وممكن تدخل في حالك زعر علي بكره هتكون فاجت .ظل مكلبشا فيها لفتره  اتت الممرضات اخذوها حجره تنام فيها .

دخل عليا فوجدها شاحبه وتنتفض كل حين كانت لا تشعر بشيء ولكن دموعها تسيل بقوه اقترب ومسد عليها... فيه ايه انت مخبوله كتي هتموتي وتموتيني ليه بتعملي ليه اكده..مامصدجش انت اللي طلبتي تطلجني تجومي تموتي وتموتيتي جلبى كان هيروح  اقترب وداعب وجهها وحشتيني جوي. 

سمع همسها بتوهان.....هتروحلها اني عارفه روحلها هيا احسن مني اني عارفه .

ظل ينظر اليها .،هيا مين البت انخبلت .اقترب وهمس...اروح لمين والعشج كاويني .ظل يتلمسها بحنان .،اني حاسس اني ماعنديش كرامه جاعد جنبك زي البهيمه بتجريني كيف ماتريدي ليه تعملي اكده اني ماستحجش اكده واصل ..تنهد ،،اهدي وامسك حالك هيا جالتلك ماعايزاش جوازتك 

همست ..يا ريتني كت انفع يا ريتني اموت عايزه اموت ..

::: ..تنفع لايه يا ربي ماعت متحمل هيا بيها ايه ...ابتعد وجلس بعيدا يحاول ان يسيطر علي كويه قلبه .

همست ...جبل طلجني جبل موتني جبل ماعادش رايد خلاص .موتي يا جمر .

اقترب ومسد عليها ...هو مين اللي ماعتش رايد انت جرالك ايه سايبك زينه وطلجني وهببني تموتيني وتموتي .طب مالك دماغك دي فيها ايه ..

في الصباح استفاقت ..وجدته ناءما علي الكرسي نظرت اليه وسالت دموعها خلاص يا جمر انت بقيتي مطلجه خلاص يا رب صبرني مامتحملاش .تاوهت بوجع .

هب هو مسرعا ..ايه بيكي ايه .

تنهدت من نبرته الحانيه ..اني زينه كتر خيرك يا جبل .قامت  ..ممكن تجبلي باسم اني هعاود علي داري .

:::هتعاودي وانت مريضه تعالي اجعدي يومين وامشي خلاص اللي حصل حصل واهه احنا كبار وعاجلين وخلاص خلصت الجصه يا جمر . كان يريد ان يعرف رده فعلها وما بها .

احنت راسها وكبتت دموعها ،،ماعايزاش افرض نفسي عليك كفايه .

::: .،كفايه .،هتف بسخريه ،،،لاه اطمني زي ماجولتي رغبه وخلصت قام وحملها ونزل بها من المشفي ووصل بها البيت ليستقبلهم باسم سعيدا وكان عرفان جالسا  ،،هو ابوكي راح فين يا جمر جيت مالاجيتوش .

جلست هيا عالاريكه متعبه ....روح دار عمي يابا عرفان .

::: ،،ليه يا بتي .

جبل بسخريه::: هيجعد ليه وبته بتطلج  هيجعد ليه خلاص .

نظر عرفان اليهم مذهولا ،،مين اللي بتطلج انت مخبول .

::: هيا اللي طلبت .

نظر عرفان اليها مذهولا ،،جمر انت طلبتي تطلجي ،.

::: اني تعبانه يابا عرفان مامتحملاش حاجه بالله سيبوني بحالي .

تنهد عرفان  وقام....،هاجي تاني واتكلم معاكو انتو جوز مخابيل وتركهم ومشي حملها جبل وصعد بها الي حجرته ووضعها عالفراش .

ظلت تنظر اليه بقهر فوجدها تنزوي علي روحها تافف وقام واحضر قميصا بيتيا واعطاه اياها وذهب ليحضر شيء تأكله عاد فوجدها مغمضه اقترب وجلس هاتفا ،،،يلا كلي ،

هزت راسها وسالت دموعها .

تنهد بحنان ،،طب ممكن بس تهدي كتير عليكي كتي هتموتي ينفع اكده كان الموضوع صعب وانت اللي طالبه مش ده طلبك .هزت راسها بقهر كانت ترتعش وتمسك يدها حتي لا تظهر رجفتها .

ركن بجوارها .... نامي هدلكلك جتتك .

هزت راسها  ،،لاه ماينفعش عيب وحرام يلا اني هشفي لحالي .

تنهد.... مسك يدها لا هو عيب ولا حرام وانام في الحته اللي تعجبني بيتي وفرشتي .

نظرت اليه بقهر ....بيتك ايوه صوح ..حاولت ان تتحرك اروح فين اني  طيب.

ابتسم ... ،،اهنه وفي فرشتي .

قالت بوجع... بطل بقه انت طلجتني سيبني بقه عيب اكده كان ينظر اليها لا يفهم حالتها .

تنهد وقال ....  بس انا ماطلجتش ولا طلعت من بقي  .

نظرت اليه غير مصدقه تشعر بالجنون وان انفاسها ستنشق من السعاده فهبت باندفاع تمسك يده ....والنبي ماطلجتني صوح .

احس بلهفتها فرجف قلبه ارتبكت  ...يعني ليه  ليه مش كت خلاص هتجولها كانت ترتجف وتمنع نفسها من البكاء واحست انها لم تعد قادره ان تكتم اكثر من ذلك .

انا هم... هم همشي كانت تقطع في الكلام كان منظرها يخلع القرب اندفع واحتضنها بقوه فانفجرت في البكاء كانت تبكي قهرا تبكي روحها التي انسحبت وردت اليها تبكي العشق الذي يكويها كان يهدهدها ويحس ان بها شيء خطير .

....طب اهدي انت اهوه بامان معايا وفي حضني ..احست بجسدها يرتخي واندست لا اراديا في حنايا جسده وحاوطته وشددت عليه ونامت علي الفور .

اما هو فشعر انه دخل النار ..هو فيه ايه اتجنت في اي طلجني وتموت وفي ايه روحها تترد لما ارجعلها يا رب كتير هيا مش طبيعيه ليه كانت تان وهو يمسد عليها دخلت كابوسا فظلت تصرخ كان هناك من يبعده عنها وينزع روحها  وهيا تصرخ .

هزها بعنف ... .،فوجي فوجي بيكي ايه.

استيقظت وفتحت عيونها برعب وما ان وجدته كلبشت فيه وهو مرعوب.

... فيه ايه مالك كانت تعتصره برعب وترتجف وهو يمسد عليها ...بس بس والله مافيش حاجه انا اهوه معاكي مالك بس اهدي ظلت فتره تكلبش فيه لا تتركه وهو يشعر بالرعب عليها الي ان ارتخت ونامت مره اخري كان مصدوما من حالتها ..هيا مالها جلبي بيوجعني تاني هتحطيني في المرار انت عايزاني والا لاه ماعتش جادر خلاص اعمل ايه مانا هملتك ترجعي تصحي جوايا الامل ان تبقي ليا حاسس بمرطه نفس هتموتيني .ظل يفكر ولم يعرف ماذا يفعل الي ان نام من تعبه. 

استيقظت في الصباح في احضانه نظرت اليه بعشق ..وسالت دموعها ..طب اني كت هموت اعمل ايه ماجدراش ابعد ردتني وروحي اتردتلي  تعبانه جوي .هو انت ماعتش عايزني خالص لو حتي حبه صغيرين .ماجدراش ابعد هموت والله ...طب طب اجعد اربيلك عيلك طيب اي حاجه شالله خدامه بس اجعد في حياتك .نادين جالت تكلمه يجعدني ..مسحت دموعها اطلب منه طيب ...ايه جله الكرامه دي منك لله واجعه جوي مش رايدك وجالك رغبه وخلصت .

بس ماجدراش بموت ...طب اجعد ماهعملش مشاكل واربي الواد وبس ابصله ابقي في حياته علي كد خدمتي ووكلي وخلاص هعوز ايه اني وماهاضايجش حد وهعرفه ان  نادين ست البيت اسمع كلامها ايوه .بس مايبعدش مايبعدش اني كت هموت .هما يتجوزو واني اجعد اربي العيل عيل جبل احطه في نن عيوني ماني مابخلفش هحبه مش حته من حبيبي اه والله حبيبي ..كرامه ايه سبع سنين ميته ماحييت الا في السبوع ده ..مسعد جالي وجال هتراضي ايوه هيجيبو عيل واحبه يبقي كيف ولدي ما الام اللي بتربي ايوه مسعد جال اجول يا رب مابصش للعبد .خلاص يا جمر دنيا وخلصت انت من زمان مش بتاعه دنيا حبيبك اهه ملي عينك واجعدي هتروحي فين دا لما كان هيجولها جلبك كلبش والعصره حسره ..تنهدت وابتسمت .،ايوه خلاص هجوله عادي هيلاجو احن مني عالواد فين . لمست شعره اني عاشجاك اعمل ايه دلوك ايه مرطه النفس دي . بموت عليك يا واخد جلبي 

كان هو قد استيقظ وتجمد علي كلامها الاخير  .

همست ..لو روحت من حياتي اموت اني ماعارفاش اخد نفسي وانت بعيد عارفه انك ماعتش رايدني بس اني رايداك وهموت عليك شهقت بقوه ونزلت دموعها علي وجهه. 

شعر بالجنون كيف تعشقه وطلبت ان تبتعد .

...هيا مخبوله اه حبيبي مخبول يجهرني وبعدين تعمل اكده هيا بحالات طب افتح عيوني والا اهبب ايه .

مسحت دموعها ومسحت وجهه ونزلت بهدوء تقبل شفتيه هامسه ..حبك جوايا كتماه وهيموتني وهكتمه عشانك عشان تتهني وتنسعد اني ماعتش عايزه حاجه غير بس ابصلك وتنسعد ..قبلته وقامت من سكات ودخلت الحمام .

هب مره واحده ...ايه النار دي لاه اني مامتحملش هيا اكيد مخبوله وتتحمل ايه وطين ومارايدش هيا فيها ايه ..كان قلبه يرجف يا طين علي ايامي السوده اكتر ما هيا .. تاني هنعيده تاني وعجلها يخرب ما بفهمه ..تعبت حبيبي عاشجني وبيرمح زي الاهبل طب ايه اجوم اضربها والا اهبب ايه بتعمل فينا ليه اكده .زفر وقام يجلس واضعا يديه بين راسه يشعر بغلب شديد .

اما هيا بالداخل اخذت قرارها وارتاحت ان تترك الدنيا وتطلب ان تكون له زوجه في جنان الرحمن ....خلاص يا جمر انت ماهتجدريش تهمليه اتخبلتي .. انت تخرجي عادي واهو رجعك تطلبي منه يخليكي وتخدميهم بحج وكلك وشربك ماهو عادي مرته وتخدمه اني راضيه فيه ستات كتير جاعده مع رجالتها بيخدمو عادي اهه وماهطلبش حاجه خالص وهسمع كلامهم بس يسيبوني معاهم ماهنطجش وهراضي عروسته وخلاص ايه حوصل حجه يتجوز عادي يجيب عيال ويفرح كانت تصبر نفسها وقلبها .

خرجت فوجدته جالسا محني الراس احست بالقهر ..شوفي مجهور ازاي طب اني ماهعملش مشاكل والله ..اقتربت وهمست بحنين ..جبل.

اغمض عينه فكلامها اهلكه وهمسها دخل قلبه اقتربت وجلست بجواره وهمست...ممكن اتكلم معاك في حاجه .

تنهد ولم ينطق . ..اني عارفه انك خلاص ماعتش عايزني قطب جبينه ونظر اليها رافعا حاجبيه .

:::مين ... اني ماعتش عايزك .

ابتلعت ريقها :::ايوه يعني والسبوع اللي جضيناه رغبتك خلصت واكده فيا .

نظر اليها غير مصدقا .،اني رغبتي خلصت .

تنهدت ...ايوه عادي حاجه كت عايزها من زمان وطولتها وخلاص واني فاهمه والله فاهمه ان انت مش رايد الجوازه خلاص وفاهمه اني يعني ماعتش الزمك عشان اكده كت هتطلجني ولما تعبت صعبت عليك مسكت يده فرجف قلبه .،اني هفضل شيلالك عمايلك ليا العمر كله ومجدره كل حاجه عملتها ليا .انت راضيتني وعالجتني وعيشتني سبوع في الجنه ...رفعت يده وقبلتها انت حد طيب وكويس وماتستحجش انك تنجهر وتستحج تنسعد . اللي حصلك مني ما تستحجهوش وانت  بعد كل ده ماعملتش حاجه يحصلك اكده ..بس دي جلوب واني فهمت خلاص عشان اكده اني ماهجفش في طريجك واصل وبدعيلك تتهني مع اللي اختراتها ورايدها بس كان ليا طلب بس والله نفسي بس تسمح بيه وماهعملكش اي مشاكل ..

كان ينظر اليها كانها مخبوله لم يعلم عن ماذا تتكلم  قال بغلب.. طلب ايه .

نظرت قمر  اليه وقالت ..اني عارفه انك مش رايدني في حياتك وشايله جمايلك وصرفك عليا بس اني بطلب منك طلب واتمني توافج عليه ..بدات تفرك في يدها ووجهها يحمر وهو ينظر اليها بغلب ..لتكمل ...عايزه يعني لو ينفع يعني ماتطلجنيش .

تسارعت انفاسه ونظر اليها وتجلد  .،انتي عايزاني اني ماطلجكيش .

قالت مسرعه ،،،ايوه..مسدت علي يده بحنان ..يعني هو هو ... بص اني هجعد اهنه مؤدبه ماهعملكوش مشاكل خالص والله ولا هطلب حاجه لروحي بس اجعد اني ماليش حد وشوف هسمع كلامكو وهخدمكو بعيوني .

نظر اليها ببلاهه ..تخدمينا .

ابتسمت ..اه والله بعيوني يا جبل وشوف كمان هربي الواد معاكو وهحطه بعيوني عشان ابنك .

نظر اليها تيقن انها مجنونه ،، ..،واد واد مين اللي هتربيه .

ابتسمت بحنان وعشق .... .،ابنك يا جبل .

تراجع  بدهشه ....ابني هو اني خلفت ميته ماحدش جال  .

ابتلعت ريقها وابتسمت ومسكت يده ..هتخلف وهتفرح اني عارفه كل حاجه بتخبي ليه والله ماهعمل ايوتها مشاكل ومازعلت  اني هجد والله ماهنطج .

رفع يده لجبهتها ... ..انت سخنه صوح بعجلك حاجه .

تنهدت بقهر ..طب ليه لاه ترفض ليه اني هجعد بس معاكو اني مليش حد والله يا جبل هسمع الكلام بص شوف يرضيكو ايه واني هعمله بس ما تطلجنيش وماتحملش هم انك جوزي عادي ولا حتي تجول اني مرتك هيا جالت انها ممكن اجعد موافجه بالله وافج. حج وكلي حتي ماتحملهوش هشتغل بس اجعد جارك اجصد جاركو اربي الواد هيا جالت والله ترفض ليه انت .

كان يحس بالجنون فصرخ ...انت مخبوله هيا مين وعيل ايه اللي جبته وهيا مين انت بتتكلمي عن مين .

تنهدت بغلب ..جبل اني عرفت كل حاجه ماتخبيش اني فرحنالك والله. دانت هتنسعد  وتفرح واني بدعيلك .

صرخ .بتدعيلي وانسعد ....اللي هو ايه اديني فكره الفرح اللي هتروب انط فيه .

تنهدت وهمست بوجع ...نادين .

رد عليها بغلب ... .،اشمعني .

همست ....يعني موافجه اني اجعد معاكو .

نظر اليها ....لا والله وهيا مالها توافج والا ماتوافحش .

قطبت جبينها ... ،،،هيا مالها كيف مش ام ابنك .

نظر اليها بجنون ... .،لاه كتير عليا يمين الله اني ضغطي هيرشج في السجف واني لسه صغير نادين مين يا مخبوله اللي هتبقي ام ابني .

سالت دموعها ...انت بتخبي ليه ماهي جالت كل حاجه واني مازعلاناش ده جدر ربنا يعني الخلف بيده واني راضيه وعشان اكده عايزه اربي ابنكو . وهيا جالت هتجعدني واني بجولك يمين الله ماهعمل مشاكل .جبل اني ما بخلفش هحطلك عيلك بعيوني .

قطب جبينه يستوعب كلامها ظل ينظر اليها ويهز راسه  ..اممم يعني نادين جالت انها هتبقي ام ابني صوح اكده .

اندفعت بلهفه ... ايوه وموافجه و جالت انها هتجولك ماتمشنيش كتر خيرها .

قال بجمود... اه هيا جالت اكده ماهتمشيكيش وهتجعدي صوح .كتر خيرها والله مش اكده .

اندفعت .،هجعد مؤدبه والله ماهتحس بيا بص هساعدها في تربيه الواد .

::: ،،اللي ماجبتوش صوح .

::: اه هتجيب وهتفرح ماهي جالت وكمان انت جولت ان رغبتك فيا خلصت وهيا عارفه واني عرفت وماهتلاجنيش في وشك وماهعملكو اي مشاكل خاااالص. بس اجعد جارك ...جصدي اجعد يعني  اربي الواد ماني ماليش حد وهخدمكو بعيوني .كانت دامعه وترجوه وقلبه سيجن واحس انه يريد ان يقوم ويقتلها ويقتل تلك اللعينه 

تجلد وقال ... .،طب ممكن بس تجوليلي بالضبط نادين  جالت ايه يكون عندي فكره بس عشان اشوف هنعيش ازاي اكده .

اندفعت بسعاده تشرح له ماقالته نادين  وما خطتته وماتتمناه هيا.بصي يا جبلي ..اجصد يا جبل بص نادين هتتجوزك جالت اكده وهتبقي ست الدار ربنا يسعدكو يا رب وتشوف الفرح كله بدخلتها عليك .وانك يعني الحمد لله لك سنين راغبني وجعدت معايا سبوع  واهه خلصت رغبتك عادي والله مازعلانه دا بيد ربنا هزعل ليه ان خلاص وايه بقه لما تتجوزو اجعد تحت وهيا هتبقي مرتك ست بيتك كيف ماجولت وانت خلصت مني ورغبتك راحت يبقي تفوج لحالك والبت اللي عينك جت عليها وتفرح.. اني بقه هجعد يعني بعد اذنك لما تجيب عيال هربيهم ماني مابجيبش ورضيت ابتسمت واكملت اسكت مسعد جالي امبارح وجالي ارضي هتتراضي من وسع وانسي العبد وجولي يا رب .،اني بقه خلاص ..نسيت حالي في دنيتك ورايداك بس تسعد . 

كانت تتكلم بحالميه و هو ينظر اليها مبتسما اتعشقه لهذه الدرجه وترضي ان تبقي بقربه فقط وتري اخري تعيش معه. 

تنهدت منهيه كلامها ..اهو ده كل حاجه واني بقه بترجاك ماتطلجنيش يا جبل بحج العشره وبحج سنين الوجع .وعهد عليا ماهتلاجيني جدامك اتمنالك تنسعد وتفرح .

نظر اليها متجلدا  ..بتحبيني كد اكده يا جمر .

احنت راسها ودمعت عيونها شعرت بالدونيه ولكنها ابدا لن تترك حبها نظرت اليه ..عارف يا جبل لما حسيت انك طلجتني نفسي راح والله ماتخيلت اني اعيش لحظه جعدتي جنبك بس اكون جنبك اهون عندي الف مره وانت بعيد اني ماهخجلش خلاص اني اجول اني عشجاك واتمني اعيش اخدمك انت وعروستك وشيفاك متهني اني ماعايزاش دنيا خلاص اشوف حبيبي متهني وسعيد هعوز ايه تاني لا بتاعه فلوس ولا حاجه تانيه عيني عليك وعلي سعادتك منين ماتروح اني خابره انك محروج تنطج وتجول خلاص خلصت بس عادي والله الحب بيد ربنا ياخد يحط اني راضيه . 

همس بوجع عليها .. ،،هتتحملي اكون لغيرك وانت جدامي ومش طيلاني .

سالت دموعها مسحتها بكف يدها كطفله جميله ..وهمست .،مش هشوفك فرحان وسعيد هعوز ايه .

::: ،،فرحان مع غيرك عادي اكده .

تنهدت .:::لاه مش عادي بس مافيش في يدي حاجه ده جدر ربنا ان حبك يروح ورغبتك تخلص اني جدري راضيه بيه بس ماجادراش ابعد حاولت والله يا جبل وكت هموت اني لما ردتني حسيت اني بتنفس . اني عشت عمري كله عشجاك وعشجي ده هو اللي مخليني دلوك اتمنالك تنسعد .انسي جمر واجفل علي حكايتها خلاص المهم انت يا جبل دلوك ..مسدت يده بحنان ..ارضي يا جبل والله ماهزعلك ارضي ودخلني حياتك تاني واني يمين الله هبقي خدامه ليكو ماهنطج  بس اشوفك واكون جارك ماهو غصب عني هو نفس ماهعرفش اخده لو اجدر كت هبعد... ارضي وهجعد في حالي ماتبصش حتي في وشي .

ظل ينظر اليها وعيونه امتلات بالدموع .،همس انت ازاي اكده حد بيحب حد اكده .

ابتسمت ....ده مش حب .ده نفس .،انت نفسي اللي اتمني يوم ماتروح يروح نفسي. عايزه اموت واني مرتك جايز لو دخلت جنه ربنا اتسعد بيك هناك. خابره اني ماليش في الدنيا فرح وراضيه بده راضيه.خلاص اتوكدت بكلام مسعد .عايشه مستنيه دنيتي تخلص ولو دخلت جنه ربنا افرح بيك. 

. ابصلك من بعيد وعيوني تتملي بيك بس ابقي جنبك .

كانت دموعه تنهمر بقوه ابتسمت ومسدت علي يده بحنان ومدت يدها تمسح دموعه ...معلهش صعبت عليك ماتزعلش والله عادي راضيه ..ربتت علي يده بحنان ...،هتوافج صوح هتخليني معاك .

هز راسه ولم ينطق اندفعت واحتضنته بقوه فكلبش فيها احس بروحه قد عادت اليه فتلك الحقيره زرعت في راسها افكارا مسمومه جعلتها تشعر بالدونيه وتزهد حياتها ولكنها لم تزهد حبيبها اي وجع تعيشه عندما تطلب من حبيبها ان تكون جنبه فقط وهو ينعم باخري ظل يمسد عليها ولكنه علم انها هكذا ابدا لم تثق بحبه ولم تشعر يقين العشق بداخله .،ابتعد  ،،،طب بصي اني موافج .

نظرت اليه بعشق ولهفه  .،،صحيح والنبي يا جبلي هتخليني .

رجف قلبه من كلمتها ... ،،صحيح يا جلب جبلك هخليكي بس فيه مشكله.

قالت بخوف ... مشكله ايه ..

نادين جالها سفر مفاجيء جدامها شهر واني حاسس بجهره يعني وما هعرفش اكون لوحدي .،نظرت اليه ولم تفهم ،، ،رايد يعني تكوني مرتي الشهر ده .قطبت جبينها  فاكمل  .،هو انت مش خابره ان الرغبه بتروح وتاجي اني مابعرفش اجعد من غير مره في حياتي ماني خلاص كت هبقي متجوز بس هيا هتسافر   عشان اجعدك تكوني ليا مرتي الشهر ده وبعديها نادين تاجي ونرتبو كل حاجه .

نظرت اليه بعشق  ،،داني ارضي باي حاجه منك بس تسيبني جارك .

... خلاص الشهر ده تكوني مرتي زي سبوع بيروت واصحك تزعليني انت فاهمه اني ماعتش جابل نكد واصل .

اندفعت واحتضنته وهمست لا والله ماعت هنطج اللي تجول عليه هنفذه ،

تنهد وقال ..واه لو رغبتي فيكي رجعت هتجعدي عادي همشيكي ليه .

ابتسمت بسعاده ايعطيها فرصه ليعود الي حياتها فلترضي حتي ولو لم تعود رغبته ..همست ..اللي تجول عليه هعمله .

قال ..وماعتيش هتجولي طلجني وتجرفيني اني تعبت نحار .

همست ..والله ماعت هجول حاجه .

قال ..اه و جدام الناس نحب في بعض عشان اني شكلي برضك وانت جاعده اهنه ماهياش سيبه هيا .

همست بعشق ..هعملك اللي تجول عليه رايد ايه هعمله .

تنهد ونظر اليها عاشقا عادت اليه روحه فهمس رايدك دلوك .

اندفعت واحتضنته وهمست كلي ليك يا جلب جمر فقام مسرعا واراحها عالفراش وتاه معها من حرقته ليتفاجا بها تعطيه عطاء لا حدود له عطاء خلع قلبه كانت تريد ان تسعده وفقط ان تري لمعه عيونه باي طريقه وتكون في حياته باي طريقه يرضاها حتي لو مؤقتا .انتهي وشدها اليه  يحس ان روحه ردت اليه ولكنه اراد ان يجعلها تشعر به وان تخاف ان يبتعد عنها قرر ان يسقيها من عشقه كان غضبه شديد منها يغلي يريد ان يضربها بقوه ..قرر ان يجعلها تحس به بقوه تحس بحلاوه العشق وعوده الرغبه هل  حين يتركها هل ستحتمل فعلا ان تتركه لغيرها سيجعلها تعلم ان رغبته عادت وبقوه وانه يريدها بجنون فهل ستتخلي عنه لاخري ام تحارب من اجل ان تكون هيا فقطت له ولقلبه سيده .

قرر ان ياخذ حق حبيبته قام وتركها ولبس ملابسه وذهب لنادين ..دخل صارخا ..انت تعملي فيا اكده انت تحرجيلي جلبي وجلب حبيبتي .

بهتت نادين ... .،ايه يا جبل مالك مقلوب كده قلبتك عليا. 

صرخ...مالك انت تجلبني والا تهببني راحه تجهريها ليه وتحوليلها هتجوزك ساعتها بتكدبي ليه .

صرخت.... انت عايز خلفه هيا مابتخلفش .

صرخ ،،مالك كت اشتكيتلك يا بت خالي هاه كت جيت نحيت علي كتفك ماكتش اتوجع منك اكده. 

اقتربت...جبل انا بحبك .

صرخ واني مابحبكيش وبحب مرتي وعاشجها وعشان اكده مارايدش اشوف وشك تامي وخلاص شراكتي معاكي انفضت اني ماعاداش عايز اعرفك من اساسه روحي بغلك بعيد عني .الحب لا هو عافيه ولا جبر وتركها تقف مقهوره. 

عاد هو الي حبيبته يريد ان يلقنها درسا ان لا تتخلي عن حبها حتي لو فيها مافيها وان تثق به .قامت هيا فلم تجده تنهدت وابتسمت علي تلك الليله ،،بت يا جمر هو كان حلو جوي معاكي ماترجعيه يا بت مايسيبكيش حتي لو هيتجوز ايه ماتعرفيش ترجعي راجل رايدك انت حلوه وفايره ادلعي يا مسخمطه جتك الحزن هتتحملي يرميكي بعد ماتاجي .

هبت....لاه اني هرجع رغبته فيا ايوه يجعدني مرته عبيطه اياك اسيبه ليها علي اكده .،قامت وتزينت فوجدته يدخل اندفعت اليه وهمست ..اكده تجوم من غير ماتجولي .

نظر اليها واستعجب لمعه عيونها فهتف .....لاه ماحبيتش اضايجك .

اقتربت بدلال ،.انت تضايجني .،انت ماهتضايجنيش واصل .،اقتربت ونظرت لشفتيه بر غبه وهمست .،داتي مابفكرش الا في في واقتربت هيا اكثر 

فاحس بقلبه سينفلق هم ان يقبلها فابتعدت ،،وهمست .،مابفكرش الا في راحتك يا وخد جلبي  .

تنهد و همس ،،،هيا بتعمل ليه اكده جلبي هيجف ،،،اقترب  طب يعني هو الشهر ده هتعملي لراحتي .

اقتربت منه وداعبت صدره ....هعمل كتير جوي جمر خلاص وعت لحالها وهتعمل اللي مايتعمل .قب لت جانب ش فتيه وهمست هنزل اعملك الفطور يا واخد جلبي ..همست ..جبلي ..

حاوط وسطها ..يا عيون جبلك ...

اشارت لقلبه ..جلبك دهوه مسكت يده وضعتها علي قلبها ..خد جلبي كله كله ماساب منه حاجه ..

كانت تهيم به وتنظر اليه نظرات جعلته في عالم اخر . تنهدت همشي بقه اجبلك الفطور  وابتعدت وقفت مره واحده .

:::يوه نسيت اصبح عليك.. اقتربت وقب لت شف تيه بهدوء .،صباح الهنا يا روح جمر من جوا نظرت في عيونه والله روحها . واستدارت مسرعه تتركه وهو يقف مشلولا .

:::جلبي يا بت الايه هيا جمر ليه اكده حبيبي ناوي علي ايه .،ظل يفكر فابتسم .،حبيبي والله الغلبان اجول ايه ربنا يهديكي يا جلبي .

نزل فوجدها تلعب مع باسم وتغني .،مسيطره وتضحك وقف يتاملها وكيف تشع جمالا وعفويه وتداعب باسم اقترب هو وبدا يساعدها وهيا تشاكسه وبداو جميعا يلعبون وهو يحتضنها بقوه.

مر الوقت وهم في حاله من السعاده .دخل عليهم عرفان فاستعجب من حالتهم .ربنا يشفيكو مش كت سايبكو مطلجين دانتو مخابيل .

اقتربت هيا واحتضنت جبل .،لاه ماعادش خلاص ماهجدرش ابعد عن جلبي دجيجه استدارت ونظرت اليه بهيام مش انت هتجعدني يا جلبي خلاص .

تنهد وهز راسه فهتفت سعيده .،شفت يا عم عرفان جبلي العسليه هيجعدني قبلت خده هاخد باسم واروح اعملكو حاجه حلوه ومشت سعيده تدندن. 

فنظر عرفان اليه ،،،هيا اتخبلت.

هز جبل راسه ....عالاخر اجول ايه اللي منها لله بت خالي .

عرفان ....ايه حوصل .حكي له جبل فضحك عرفان... كنه اكده ماشفتش حد بيعمل اكده والله غلبانه جوي .

تنهد جبل امبارح.. جالت ورطت لما هبلتني وهجعد وهبقي مؤدبه وهتسخمط وانهارده بتلف عليا زي الدبور هتهبلني اني عايش في الخانكه ،

ضحك عرفان ....انت مفكر ان الستات حد بيفهمهم ،،هيا جالت اكده امبارح عشان تجعد جارك ولما جربت منك متخيل ان فيه مره هتسيب راجلها لمره تانيه لاه جابل بقه هتهبلك .

تنهد جبل ،،واي هبل دا تاخد العجل بس اعمل ايه ماحستش بحبي خالص .

تنهد عرفان ،،يا ولدي النجص والشعور ان الست مش كامله يوجع وبت خالك مره سو كادتها وجهرتها بس هيا ماجدرتش ماتزعلش منيها. 

جبل ....اني عايز اخبطها بحاجه عيشتني يوم جهر كت هموت فيه .

تنهد عرفان ....معلهش يا ولدي اللي حصلها مش جليل .

تنهد جبل .....اني متجوز مخبوله يمين الله يا رب تعبت يا عم عرفان دي صعبه جوي .

تنهد عرفان ...اصبر يا ولدي عليها ...الست النجص عندها بيخرب العجل والغيره ممكن تهبلها كويس انها لسه بعجلها جمر لما احساس النجص بياكلها بتبقي غبيه مابتفكر الا انها ترمح وبس يكفيك شر احساسها يا ولدي .

تنهد جبل ...يا رب اهديها .عادت هيا تشع سعاده وتدور حوله تلبي طلباته وعرفان يضحك وسعيد بتحولها وسعادتها ليستاذن ويقوم .

مسكها عرفان ...هتهبلي الواد اعجلي بقه هاه بطلي نحار .

تنهدت ..اعمل ايه غصب عني يابا عرفان اني ست مش كامله بس عاشجاه .سمعها جبل تنهد بغلب ..اروح فين اعمل فيها ايه عقد نجص هتخلص عليا طيب يا جمر اني هعرفك حالك ده كيفه .وانصرف عرفان .

اقتربت و ابتسمت هيا ومسكته ..جبلي اجبلك عصير .

نظر اليها بحب ..لاه يا جلبي هاتي جهوه واني  هجوم اتكلم في المكتب ،قام ودخل المكتب وقبل ان يقفل الباب سمعته ايوه يا نادين ازيك وقفل الباب .

شعرت بنار بداخلها ،،بيكلمها اه ماهي زي الجراضه منها لله اعمل ايه اسمها انت جولتي ماهتتهببيش تعملي مشاكل ماعداش يوم واني محروجه باكل حالي ..ابتسمت ..دا ليله جلبي  عشيه كت تاخد العجل وهو جمر في حضني ..يا ربي اعمل ايه فكري يا  بت ماتسيبهوش للزرجه دي اعملي اللي مايتعمل راجل وهيعوزك تاني هما الرجاله تدلعي وتتشخلعي هيعاود اه ...تنهدت اه يعاود لاما اجتله بقه واخلص اني تعبت يا رب تولع ..تنهدت بغلب ..حرام اكتمي ماتدعيش علي حد ...

دخلت عليه كان يعلم انها ستاتي وقد احضرت له قهوه كان يتصنع الكلام وهيا تدور حوله والنار بداخلها والغيره تنهش قلبها ...لتتصنع التعثر وتقع القهوه علي يدها فصرخت .

هب مسرعا ،،ايه يدك فيها ايه .

همست بعشق .،بتحرج بس شويه .نظر اليها ونظراتها تخلع قلبه حملها علي الفور وصعد بها ... همس بتوجعك اجبلك مرهم ،

اقتربت وهمست بدلال وعيونها تشع رغبه وعشق ،،هتجبلي مرهم يداويني يا جبلي .

ابتلع ريقه فهيا تتدلل عليه بشكل صارخ  .،هاه اه هجيب .

نظرت اليه وهمست ،،طب هات عشان اني عايزهاك تداويني اصلي مامتحملاش خالص .

همس بهيام من نظراتها  ،،مامتحملاش ايه .

نظرت الي شف تيه ....حاسه بشعوطه عايزه اطفيها .،هنا احس بقلبه سينفلق فهيا تدعوه اليها اقترب وشدها  دون تفكير لتحاوطه و تتوه معه وهو لا يفلتها كانت تجننه وتجعله يجن بها حملها مسرعا واراحها فهمست جبلي التلافون رماه بعيدا .يولع بجاز وانهال عليها ولم يفلتها حتي ارتوي وارتوي وهيا سعيده وسعيده ان زوجها يرغبها قررت ان لا تجعل رغبته فيها تزول حتي لو قتلت روحها فقررت ان تكون غريمه لا مثيل لها .

استيقظ في الصباح فتح عيونه وجد شيئا علي وجهه مد يده يزيحه فوجده اوراق ورد احمر قطب جبينه استدار ليجد نفسه محاطا بالورد ابتسم ودق قلبه تنهد حبيبي المخبول اه والله بحبه وبموت فيه وجدها جالسه علي طرف السرير تنظر اليه بهيام ابتسم اقتربت منه وقبلته صباح الهنا يا هنايا .

تنهد ونظر اليها بسعاده .،ايه ده .

مسكت بعض الورود ..ما هو من فرحتي ماعرفت انام قمت حبت دول وجعدت بقه افرطهم عليك من حبي فيك ومسكت ورده ورده ببعتلك رسايل شوف كل ورجه من دول بتجول عشجاك وبدات تنثر الورود ..عاشجه الجبل وعيونه ..عاشجه جلبه عاشجه حبيبي ماهو حبيبي ..كانت تنثر عليه الورود ..كنت بفرطهم وابوسك كت نايم مجتول انت .

احتضنها ...اول مره انام مرتاح اكده .

همست ..تنام متهني العمر كله واني جارك ابص عليك اكده وبس .

تنهد ..يعني طول الليل صاحيه .

قبلت يده ...طب حد ينام وجلبه جنبه اكده ...عايزه اخبيك من الدنيا عايزه احطك اهنه واجفل عليك ماحد يمسك بسؤء .جمر عاشجه الجبل من شوفته انت فرحي وهنايا انت اللي بتمني بس تبصلي بصه لينه ماعايزاش حاحه .

احس ان هذا كثير عليه ...همس جمر كتير عليا .

وضعت يدها علي فمه ...بطل كتير إيه اسكت داني جوايا حاجات ليك لو خرجتهالك تغرج فيها عمر كله بس بس ..احنت راسها .

رفع وجهها ..جولت ايه ماعايزش زعل .

اندفعت تهمس ..لا والله بس جواتي كتير بحبك جوي اعمل ايه بس  .

ابتسم ...جولتي ماعايزاش حاجه غير اني ابصلك صوح ..هزت راسها بهيام .

همس بعشق ...واصل ماعايزاش الا ابص وبس .

ابتسمت وسهمت فيه وبنظراته رجف قلبها ...بيبصلي ليه اكده جلبي مش متحمل .اندفعت ..حبل هو انت ممكن ترحع تحبني .

ابتسم فخجلت منه وتراجعت ..يعني لاه اجصد يعني ..لاه خلاص مافيش انت بتحب واحده تانيه خلاص .

ضحك ...ما هو ممكن احبك برضك احنا بنحب كتير ساعات .

مسكت يده ..،بجد يا جبلي ينفع بالله .

هز راسه بعشق فهيا ليست طبيعيه في تفكيرها ...همس ..بجد يا روح جبل ينفع .. هبت جالسه بقربه ..كب كيف اعمل ايه عشان ترجع تعشجني تاني ..

ضحك ..عشج مره واحده طب نحب الاول .

ابتسمت ،،ايوه صوح نحب وبعدين نعشج ايوه ..سهمت ..يحبني واخليه يعشجني ايوه ابتسمت وهو ينظر اليها تنهد .،ربنا يشفيكي يا جلبي دانت ملحوسه داعب يدها فنظرت اليه بعشق ..هز راسه ...ايه بتفكري في ايه .

قبلت يده ...جلبي بيرجف ..هتحبني تاني..طب اعملك ايه .

همس بعشق ...بس تبصيلي اكده ملو يرجع ..هامت به بنظراته فهمس ..لاه اكده هيشيط مش هيرجع ..جمري اني هنجن .

همست ..جبلي عايزه احبك كتير تجوم تحبني .ابتسم فاكملت ..وهبقي زي ماتحب هاديه وحنينه وما هزعلك واصل ..عايزه ابوس عيونك كل يوم عشان اشوف لمعتهم دي .عايزه انلس علي حلبك واجوله جمر نفسها في الحبل راجلها مني عينها يحبها ملست علي قلبه وسهمت فيه صدره لفتره ..حبني يا جلبه اني عاشحاه ..حبني واني هعيش له اخرجله حته من جلبي يتلفع بيها ..حبني يا جلبه ماهتلاجيش حب اكده ..دا حب الجمر بيكويها خد منه شويه راشيه بشويه .،عايزه دفا جلبه راضيني بيه .اغنضت عيونها ولمست قلبه وصمتت وهو مبهوت من افعالها .لياتي كيف مسعد امامها ..هتتراضي يا جلبي من وسع ..كانت في عالم اخر غمامه تسحبها لسعادتها وجدت اخيها يعطيها لفه بيضاء هامسا ..جلبك وجلب جبل في اللفه دي يا جلبي ربك باعتلك الفرح كله ...سالت دموعها وجبل لا ينطق فهيا مغيبه راكنه بجواره ويدها علي قلبه خاف ان يلمسها .لتنزاح الغمامه وتعود لدنياها لتهب مره واحده وتحتضنه وتكلبش فيه. 

همس فيه ايه ..ظلت تعتصره وهو يمسد غليها لتبتعد اخيرا ..،لمستي لجلبك جابتلي مسعد شفته بيجولي هتتراضي تاني وحايبلي لفه ..عارف متوكده اللفه دي جلبك هترجعلي جلبك مش اكده يا جبلي .

دمعت عيونه  ..اقتربت وقبلت عيونه...هيرجع ايوه مسعد جلاب خير مابيجيليش مره الا ويجبلي الخير .

قبل يدها ..هجيلك الخير يا جلبي اني متوكد . ابتسمت ونزلت عليه تقبله وتدغدغه ..ماهو جدامي كله اهه اهه يا خراشي جمر يا خواتي بحب جمر وقامت ..هجبلك وكل اصحك تجوم .وذهبت لتعود وتقبله فكر فيا ماشي التفكير حلو لينا اصحك ماتفكرش وكبشت ورود ونثرتها عليه ..فكر كتير اهه جايبالك ورد وصارفه ومكلفه ..ضحك ..

يا واد والله دفعتلك اللي حيلتي كله مش خساره فيك .

قطب جبينه ..ايه ده ماخدتيش ما الفيزا اهيه انت هبله .

اقتربت ..عارف لو هشحت اكده بس اجبلك من مالي الحلو كله عايزه احس اني اني اللي بعملك من عرجي وشجايا اصرفه علي حبيبي يتهني بيه يحس ان كل ورده من دول كت بتعب وحزن عايزه افرح نفسي بيك. 

تنهد ..جمر والله كتير عليا .

خبطته ..بس اواد انت تجعد اهنه تتحب وبس ماتعملش حاجه تانيه .ضحك ..فصرخت ...يا لهوي جمر وضحكته جمرين ..اقتربت منه وخطفت قب له من شف تيه ..انت جمر ليه اكده يا واد... نكشت شعره ..لاه ماعايزاكش حليوه اكده هحلج عليك كيف اني دلوك ..دا عيونه حلوه .

شدها اليه .،لاه اني اكده هنهبل .وبدا يد اعب جسدها فصرخت .،اوعي هجيب الوكل ..عايز تاكل ايه يا جلب جمر .

نظر اليها برغبه ...وهتسيبيني اكل يا جمري .

نظرت اليه بهيام ...واقتربت ....وهمست اني اهنه عشان تاكل وتتهني وغمزت له وانصرفت هاربه تغني بعشقه .

جلس هو ونظرات البلاهه تفترش وجهه ..اني هجلب اهبل البت انخبلت حد بيعشج حد اكده ..يا رب اهديها خايف..لاه تحس بكويه البعد وتكلبش في امي عشان لو ما كلبشتش هعجنها ايوه هيا لازمن تنضرب دا اخرها ،،،تنهد بهيام ..اضرب ايه داني رايد افطسها دا بقت جمر جوي ياني حبيبي اهبل عالاخر .

مرت الايام وهو لم يعد يحتمل كل ذلك الدلال فهيا جننته ولا تتركه الا وهو مجنونا بها فاحيانا تشبعه واحيانا تبتعد تشعره بها وهو يسير متيما بما تعطيه اليه ليمر الشهر وهيا فاضت وزادت وخلعت ثوب الخنوع وتلبستها انثي جامحه تدافع بضراوه عن حبيبها كانت لا تتركه يتنفس الا وتصب عليه عشقا ولا تجعله يمسك تليفونه ابدا فهيا تظن ان نادين ما زالت موجوده .

كانت تقف تلبس وتتزين ..بت يا جمر جلبك شكله طب وانهبل الشهر ده انت ماسيبتهوش لمعه عيونه بتزيد وماعاد بيهملني ..حضنت ملابسه ..يا لهوي بحبه ..سهمت ،،بس هو هيتجوز هبت محترقه ..ماهسيبهوش ليها واصل اني الاول كل ليله بحال اني جمر ماحدش يجدر عليا هيا بقه تجعد علي جنب اني هاخد عجله هتعرف تعمل اكده دي زرجه ماهتعرفش ..ظلت تنتقي ماتلبس .. . هيا جربت تاجي خايفه جوي ..نهرت نفسها ..تخافي من ايه يا حزينه دانت جمر بت اتعدلي خديه من نن عنيها ...استدارت واخذت قميصا  ايوه ده هيبقي جمر عليا ولبسته  ووقفت تفرد شعرها ..نظرت لنفسها ..ايه يا بت ده جمر تخبلي .

كان جالسا دخلت عليه تلبس قميصا ساحرا يكشف اكتر مايستر ابتلع ريقه وتنهد بغلب فهيا تجننه وتجعله يتلفت حوله من كثره ماتفعله به .

اقتربت تتهادي ..وجلست علي قدمه ...وهمست ..حبيبي وحشني جوي وبدات تداعبه .

همس ..واني عجلي طار من الجمر .

همست بدلال ..رايد تتعشي اجبلك تاكل .

همس بعشق ...اني عايز اكل حاجه واحده .

ضحكت لاه هنسهرو الاول ..وقامت ...وشدته تقف بجواره في الشرفه ..تنهدت وقالت ..هيا هيا نادين هتاجي ميته .

قرر ان يشعلها  .. نادين هتاجي بعد يومين تاجي بالسلامه يا رب .

نظرت اليه بغضب وابتعدت  .،طب تاجي تشرف بيتها ومطرحها .

اقترب  ... ..اه طبعا مانت عارفه الاتفاج .

ابتلعت ريقها ورفعت وجهها  ....اه طبعا عارفه ازاحت شعرها وهمست ..كلو هيدبر ماتجلجش تصبح علي خير .

هوي قلبه فهيا تركته لاول مره وتنام دون ان تحتضنه وتتدلل عليه فاقترب منها  ،،ايه مش هنسهر .

لم تتحرك ...تسهر  لاه عايزه انام اني تصبح علي خير واستدارت ورزعت المخده.

فضحك .... ايه زعلانه انها راجعه .

هبت وقالت ..وازعل ليه ماترجع والا تولع مالي بيها اديني جاعده في حالي .

اقترب منها واحتضنها ....يعني هتبقي في حالك خالص .

نظرت اليه بغضب ...ايوه هبقي و اسكت بقه عايز انام .

ابتسم.... بس اني ماعايزش اني عايز حاجه تانيه .

نظرت اليه فنظر اليها وداعب جسدها فابعدت يده ،،لاه مافيش خلاص بعد .

التصق بها ..طب اهون عليكي مش بتجولي بتحبيني اكون عايز حاجه نفسي فيها وهموت عليها وتحوشيها. 

بعدت يده وهتفت غاضبه.... ولما هو نفسك فيها وهتموت مالك واجف تتنحنح جوي اكده وبتجولي علي الست هانم .

ابتسم....طب مانت عارفه انها هترجع وجابله .

صرخت ،ده قبل ما كنا كنا واستدارت صامته .

فضحك ....جصدك قبل مانكون مع بعض الشهر ده وترجعي رغبتي فيكي وتهبليني اكده .

نظرت اليه مرتبكه....مين جال اني هبلتك فين ده ،

ضحك.... يا لهوي دانتي خلصتي عليا وخلتيني مهبول .

رجف قلبها ونظرت اليه بهيام ....يعني يا جبل بقيت عايزني .

شدها اليه ....انت شايفه ايه .

نظرت اليه بعشق ..شايفه ماشيفاش انت عايز الهانم اني عارفه اوعي .

شدها اليه ....وعايزك برضك .

نظرت اليه بسعاده ،،عايزني يا جبلي صوح .

ابتسم  ،،،عايزك دي كلمه جليله . انت هبلتيني الشهر ده ورجعتي ليا كل حاجه .

اندفعت تقول ..كل حاجه جول بالله عليك جلبك بيدج دلوك ليا خلاص .

ابتسم وهمس ..جلبي بيصرخ مش بيدج ورايدك كل دجيجه هموت عليكي ما بتحمل تبعدي لحظه عايزك في خضني بفكر فيكي كيف المهبول .

نظرت اليها بسعاده و سهمت هيا ..يعني اني دلوك هو  رايدني خلاص بيجول عايزني في حضنه يعني اني خلاص دخلت جلبه ..اه هو جال .. طب وبعدين ..هسكت هسيبه للزرجه دي تاخده مني دا رغبته رجعت طب وجلبه اه شكل جلبه اهه بيعاود..اسيبه ازاي داني اجتله ولا اسيبهولها هنهبل اكده ..رايدني خلاص .

كان ينظر اليها بهيام تنهد بغلب ..جايلك طين يا جبل طالما سهمت اكده بتفكر في حزن اسود تحدفه عليا .

قطبت جبينها رايدني ايوه رايدني ...لتنفعل واستدارت غاضبه وصرخت ...

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا