رواية ليه يا زمن الجزء الثاني من بعت نفسي الفصل السابع والثلاثون 37بقلم نسرين بلعجيلي (جميع الفصول كامله وحصريه)
رواية ليه يا زمن الجزء الثاني من بعت نفسي الفصل السابع والثلاثون 37بقلم نسرين بلعجيلي (جميع الفصول كامله وحصريه)
الجزء الثاني من ليه يازمن مع بعت نفسي بقلم نسرين بلعجيلي
الفصل السابع و الثلاثون...
أدهم :
-للأسف أيه؟ إوعى تقولي إن زهرة اللي قتلت.
طارق :
- أكيد لأ.
ياسين :
- لحظة أستوعب مش في التسجيل سمعنا مين الي قال و الصوت و التهديد.
طارق :
- أيوه بس ما ماتش لو ركزتوا في تقرير الطب الشرعي هتعرفوا مات إزاي ومين قتله ده أنا عرفته من خلال تفاصيل حكتها ليا زهرة.
يوسف :
- بقولكم إيه شغل البوليس ده أنا ماليش فيه عايز أعرف هنعمل إيه؟
طارق :
- الأول أفهم و اسمع الكلام اللي ماخلتونيش أسمعه.
أدهم :
- باختصار نرمين سمعت أمك وأمها بيتكلموا على خطف مسك وإنها مش أختها، أمك خافت تعرف الحقيقة هنا نرمين ضغطت عليها وطلبت منها تديها حبوب منع الحمل وفهمت والدتك إن الحبوب دي ملهاش أي ضرر على مسك، بس حبيتين الصبح لما والدتك رفضت نرمين هددتها وقالت ليها إنها هتحكي ليك حاجات عن ماضي والدتك.
وهنا أدهم سكت..
طارق :
- كمل، ماضي إيه؟ إوعى تقولي إن أمي مش بتخلف وإنها مربياني.
نسرين بلعجيلي
خالد :
- لا لا مش كده المكالمات مش واضحه خالص، بس فيه سر بينهم من غير إنها تفضحها قدامك والوقت اللي مسك الله يرحمها كانت بتاخد الدوا لمدة طويلة أدى ده لتعب قلبها، إي نعم كان عندها فيه مشكلة قبل الجواز بس كانت اتعالجت، ونرمين بقى عرفت إزاي الدوا بيأثر على القلب وشاء القدر إنها تحمل رغم إنها أخدت موانع الحمل من الست الوالده واللي كان بيوصل الأدوية لوالدتك هو منصور.
أدهم :
- اليوم اللي كلم فيه نرمين حوده ده المساعد بتاعي من زمان هو رئيس البودي جارد كلهم، لمحه وعرف كل حاجة عنه و مراقب كل تحركاته إحنا مسيطرين جداً ما تخافش.
طارق :
- يعني أمي كانت بتدي دوا لمسك؟ يعني هي اللي قتلتها؟؟
خالد :
- مسك الله يرحمها ماتت في حادثة عربية بفعل فاعل وده تدبير نرمين لأنها مع منصور وقطعوا فرامل العربية و الباقي إنت عارفه.
طارق :
- مسك ماتت بسكته قلبية في العربية بعد الحادثة كانت لسة عايشة يعني سبب موتها الأدوية اللي كانت بتاخدها، وكمان التقرير طلع مزور في المحكمة علي أثبت إن الموت كان بسبب الحادثة قضاء و قدر والراجل اللي كاين سايق عربية النقل هو كمان مات، أما الحقيقة لأ اليوم ده هددوني أسلم الملفات أو يقتله مراتي، أنا اتصلت بيها يومها قلتلها إوعي تطلعي من البيت خليكي أنا جاي عندك، و فعلا كنت رايح في الطريق ليها أنا كنت سلمتهم ملفات مضروبه بس وأنا مروح جاتلي مكالمة من البوليس
وبلغوني بالحادثه، مهما اتكلمت ومهما قلت ماحدش هيحس بالألم الي جوايا أنا السبب في موتها، نرمين قتلتها لأنها بتحبني وأمي قتلتها لأنها خاية تتفضح قدامي وانا قتلتها لأني شغلت ضميري.
الكل صعب عليهم طارق جدا....
أكرم :
- شوف يا طارق دي حاجة مش بإيدينا ده قضاء و وقدر من ساعة ما بنتولد مكتوب إمتى هنموت، أنت عندك ضمير حي ربنا هيكرمك لأن بضميرك ده أنقظ ناس تانية ونرمين زرعة شيطانية والدتك ست مغلوب على أمرها من نرمين، وماتنساش أنت إبن وحيد، فإنها تخسرك صعب أنا مش بحاول أبرر اللي عملته بس عايزك تستوعب الموقف اللي احنا فيه كلنا.
خالد :
- زي ما قال أكرم أنت دلوقتي في إيدك كل حاجة لأن فيه إثباتات عندك.
طارق :
- في إيدي إيه؟
أدهم :
-طارق عارف اللي هقوله صعب شوية بس لازم يتعمل الخيوط كلها متشبكة مع بعض علشان الحقيقه تبان و الكل يتحاسب لازم كل الأدله تروح للبوليس والكل يتحاكم.
طارق :
- عايزني أقدم أمي للمحكمة؟
~~~~~~~~~
في فيلا علي....
بعد ما اقتنع مراد إنهم يقعدوا في الفيلا..
فرح :
- قوليلي يا سميرة إنت مش شايفة تصرفات نوال شوية غريبة.
سميرة : غريبه إزاي؟
فرح :
- إمبارح جاتلها مكالمة وطلعت و رجعت متأخره.
سميرة :
- يمكن كريم طلع وراحت تشوفه.
فرح :
- مش عارفه بس أنا مش مرتاحة.
سميرة :
- بلاش تهيئات كتيره قوليلي جوزك عامل إيه معاكي ؟؟
فرح :
- بصراحة ما توقعتش أنه يكون كده لأنه تعب معايا جامد، بس الحمد لله ده هدية ربنا ليا مراعيني و بحبه ماتنسيش أنه أول حب في حياتي، حبيته بيني وبين نفسي وهو كمان واتجوزنا بعد معاناة بس فترة أنا اتغيرت حسيت نفسي مابقتش فرح البريئة.
سميرة :
- كلنا اتغيرنا الحياة و الظروف اتغيرت نحمد الله على جوازنا.
Nisrine Bellaajili
فرح :
-عارفة خايفة من إيه ؟؟
سميرة :
- من إيه ؟؟
فرح :
- خايفة علي يكون مات.
سميرة :
-فال الله ولا فالك ماتقوليش كده، وبعدين لو كان مات كنا عرفنا علي لسة عايش.
مراد اتصل بفرح وشها اتقلب..
سميرة :
- في إيه؟؟
فرح :
- مراد قالي إن الجلسة الأسبوع اللي جاي.
سميرة :
- جلسة زهرة؟
فرح :
- أيوه بس المشكلة لازم يكون محامي، علي الي كان يترافع.
سميرة :
- بسيطه جوزك ياخد مكانه.
فرح : لأ.
سميرة : ليه؟؟
فرح :
- لأنه مقتنع إن زهرة بريئة.
سميرة :
- وأنتِ شايفه إيه؟؟
فرح :
- ما اعرفش.
سميرة :
- ولا أنا لأن محمد متأكد إن زهرة كانت معاهم بصي أنا مش عارفه.
هنا دخلت نوال وهي بتزعق..
نوال :
- هو إيه اللي ما تعرفوش؟
سميرة :
- بنتكلم على زهره، المحكمه الأسبوع الجاي.
نوال توثرت جدا..
نوال :
- محكمة إيه؟
فرح :
- محكمة الإستئناف.
نوال :
- يعني إيه؟
سميرة :
- أقعدي الأول واشرحلك.
نوال :
- أهي قاعده يا ختي.
سميرة :
- زهرة بعد ما اتحكم عليها عملت الاستئنافيعني هيرجع الملف يتفتح ثاني و تتحاكم من ثاني.
فرح :
- لو اثبث إنها بريئة ممكن تطلع براءة لو لأ يفضل نفس الحكم.
نوال :
- إن شاء الله يدوها إعدام إوعوا يا بنات تتنازلوا على حقكم.
كريم سمع الكلام ورجع أوضته ونوال شافته و راحت عنده.
نوال :
- مالك يا ولا ؟؟
كريم :
- أنتِ سمعتي قالت إيه ؟؟
نوال :
عادي يعني هي لابسة لابسة القضية مش مشكلة بلاش تتخض كده لحد يحس إنه فيه حاجة.
كريم :
- أنتِ واثقه من الراجل ده؟
نوال :
- أيوه وقال إنه خلاص مافيش أي دليل خلي قلبك جامد.
كريم :
-يارب أنا مش بعرف أنام.
نوال :
- خلاص إقفل السيره دي خالص.
~~~~~~~~~~~~~~
نسرين بلعجيلي
في شقة عماد.....
عماد :
- خلاص قررتي تعملي العملية ؟
وداد :
- أيوه بكره الصبح الدكتور شاطر جداً و الكل بيشكره وقالي إن العملية مضمونة.
عماد :
- ربنا يقومك بالسلامة.
وداد :
- يارب والله نفسي أخس كده.
عماد :
- إن شاء الله.
وداد :
- مالك يا عماد باين إنه فيه كلام على لسانك و مش عايز تقوله.
عماد :
- بصراحة فيه حاجة حصلت.
وداد :
- إيه هي؟؟
عماد :
- إمبارح كان كتب كتاب أمك على المعلم نعمان.
وداد ضربت بإيديها على صدرها...
وداد:
- إنت بتقول إيه؟؟
عماد :
- والله كنت عارف إنك هتتصدمي بس خلاص هي اتجوزت.
وداد :
-يالهوي عليا وعلى سنيني ده أبويا لسه ميت.
عماد :
- العدة خلصت ويحق ليها تتجوز ما أكيد ما شافتش يوم عدل مع أبوك.
وداد :
- تقوم تتجوز بيه.
عماد :
- أومال تمشي معاه في الحرام؟ أنتِ ماشفتيش الناس كانت بتقول عليهم إيه وهما مع بعض إي نعم ساعدها وعملت المحل وبقت هي كمان ضدنا في السوق بس الأرزاق على الله.
وداد :
- دي كانت قالتلي هتقعد مع الولد وتخدم أمك هنعمل إيه دلوقتي؟
عماد :
- مش مشكلة نشوف إخواتي البنات.
~~~~~~~~~~
في شقة عم محمد....
سناء قاعده بالتوأم و خالد و خلود و ملك لحد ما سمعت الباب بيخبط جامد.
سناء :
- يا خالد قوم يا حبيبي شوف مين على الباب.
خالد :
- حاضر.
قام فتح الباب ولقى البوليس.
الظابط :
- السلام عليكم في حد كبير في البيت أكلمه؟؟
خالد :
- آه إستنى لحظه.
خالد :
- طنط سناء البوليس بره وقالي عايزين حد كبير.
سناء :
- أستر يارب.
حطت الحجاب على شعرها وطلعت.
سناء :
- السلام عليكم.
الظابط :
- و عليكم السلام.
سناء :
- خير يا حضرة الظابط؟
الظابط :
- عايزين عبد الرحمن الرشيدي.
سناء :
- مش موجود.
الظابط : إتصلي عليه.
سناء :
- والله يا حضره الظابط تليفونه مقفول. هو فيه إيه؟؟
الظابط:
- مطلوب القبض عليه بتهمه إنه ضرب اخواته البنات
سناء صوتت..
سناء :
- يا مصيبتي السوده.!!!
الظابط :
- ياريت لو تعرفي مكانه بلغيه إنه لازم يسلم نفسه في أقرب وقت.
الظابط راح و سناء تحت الصدمة وإتصلت على ياسين تليفونه مقفول ورجعت إتصلت بصباح اللي كانت قاعده مع مليكة.
صباح :
- أيوه يا سناء؟
سناء :
- لو جنب مليكة إبعدي.
صباح توثرت.
صباح :
- مش سامعه يا بنتي كويس إستني أطلع بره.
طلعت صباح...
صباح :
- في إيه ؟ سيبتي ركبي.
سناء :
- البوليس جه من شوية وأدهم بلغ على عبد الرحمن.
Nisrine Bellaajili
صباح :
- أنتِ بتقولي إيه؟؟
سناء :
- والله زي ما بقولك الظابط قالي إنه لازم يسلم نفسه.
صباح :
-إتصلي على جوزك قوليله خلينا نشوف نعمل إيه في المصيبة دي.
قفلت سناء لقت خالد بيبص عليها بنظرات وحشه.
سناء :
- في إيه؟ مالك بتبص عليا البصه دي؟
خالد :
- مش عيب إنك كبيرة وتكذبي؟؟
سناء :
-أنا أكذب؟؟
خالد :
- أيوه الظابط ما ذكرش إسم بابا خالص علشان تقولي إنه هو اللي بلغ.
سناء سكتت كده تفكر...
سناء :
- بس مافيش حد يعمل كده غير أبوك.
خالد :
-مستحيل بابا يعمل حاجه تزعل ماما.
سناء حست إنها غلطت.
~~~~~~~~
في المستشفى.... صباح رجعت عند مليكة.
مليكة :
- سناء كانت عايزه إيه ؟؟
صباح :
- لا مافيش.
مليكة :
- مالك يا ما وشك مقلوب؟
صباح :
- لا مافيش.
مليكة :
- لا فيه قولي.
صباح :
- بصي صلي على النبي.
مليكة :
-عليه أفضل الصلاه والسلام.
صباح :
- جوزك بلغ على عبد الرحمن و البوليس جه للبيت.
مليكة فضلت ساكته.
صباح :
- مالك يا بنتي ؟؟
مليكة :
- قلت إيه؟؟
صباح :
- زي ما سمعت جوزك بلغ على أخوك والبوليس بيدوروا عليه، بس هو بعد الخناقة قفل تليفونه و ماحدش يعرف عنه حاجه.
مليكة حاولت تقوم...
صباح :
- رايحه فين؟ إنت لسه واخذه الدوا ممنوع تتحركي.
مليكة :
- إنت عارفه إن كده مسقبل عبده راح؟ أخويا هيتسجن وجوزي اللي يسجنه.
الوقت ده أدهم اتفق مع طارق يبلغ أمه و نرمين إنه مسافر شغل لان طارق مش قادر يتعامل معاهم. وطلب منه إنه يقعد عنده في الإسكندرية بعد ما تطلع مليكة من المستشفى هي وسهى، والرجالة كانت لسه قاعده بتخطط بس خالد كان عارف إنهم في السطوح و طلع.
أدهم :
- فيه حاجه حبيبي؟ إحنا في شغل.
خالد :
- هو انت يا بابا بلغت عن خالي عبد الرحمن ؟؟
أدهم : أنا !!!!!!؟؟
خالد :
- أيوه البوليس جه من شوية وقالوا إنهم عايزين يقبضوا على عبد الرحمن علشان ضرب ماما وسهى و طنط سناء قالت لتيتا إنك بلغت.
أدهم :
- حبيبي ده خالك وأنا عمري ما أعمل ده.
تليفونه كان بيرن فتحه..
مليكة :
-طلقني.
أدهم :
- إنت بتقولي إيه؟؟
مليكة:
- لو راجل طلقني.
أدهم :
-هي بقت كده؟ موافق يا مليكة أنتِ ......
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله الجزءالاول1 من هناااااااااا
الرواية كامله الجزء الثاني2 من هناااااااااا
مجمع الروايات الكامله اضغط هناااااااا
 رواية ليه يا زمن الجزء ا…){kind=link}
تعليقات
إرسال تعليق
فضلا اترك تعليق من هنا