رواية قلب حبيبتي الفصل الثالث و الرابع بقلم ماما سيمي (حصريه وجديده في مدونة قصر الروايات)

رواية قلب حبيبتي الفصل الثالث و الرابع بقلم ماما سيمي (حصريه وجديده في مدونة قصر الروايات)

رواية قلب حبيبتي الفصل الثالث و الرابع بقلم ماما سيمي (حصريه وجديده في مدونة قصر الروايات)

الجزء الثالث

في احد أفخم قاعات الزفاف بالقاهرة تدخل العروس الجميلة وهي تتأبط ذراع شقيقها وكل الأنظار مسلطه عليهم ما بين سعيده وحاسده وحاقده وصفية تقرأ في سرها ما تحفظه من القرأن حتي تحمي فلذة كبدها من عيون الحاسدين وعيناها تلمع بدموع الفرح لرؤية صغيرتها تزف لمن كانت تحبه أمتلأت القاعة عن آخرها بالمدعوين وكيف لا واليوم زفاف حفيد وحفيدة أدهم العزيزي وشيقيقة مازن العزيزي اهم رجال الأعمال بالدولة سلم مازن شقيقته لابن عمه مروان العزيزي وشريكه في شركة العائلة التي توارثوها عن جدهما جلس العروسان بالكوشة وذهب مازن لباب القاعة لأستقبال المدعوين وبعد فترة قصيرة جاء أسر ومعه تالا وهي تتأبط ذراعه وما أن أقتربت تالا من باب القاعة حتي دق قلبها بعنف كادت تعجز عن أخذ أنفسها لاحظ أسر ذلك ووقف ليري ما بها

أسر بخوف: مالك يا تالا أنتي تعبانه

تالا بنفي: لأ أبدا أنا مش عارفه قلبي دق بسرعه كدا ليه

أسر: تعالي نروح نشوف دكتور ليحصلك حاجه

تالا بنفي وهي تبتسم: صدقني أنا حلوه معرفش ايه حصل بس انا خلاص بقيت كويسه

أسر بشك: متأكدة يا تالا

تالا بثقة: ايوه يلا ندخل بقي

دخل الي القاعة وجد أسر مازن يقف مع بعض رجال الأعمال أتجه إليه لكي يهنئه بزفاف شقيقته 

أسر: الف مبروك يا كبير وعقبالك أن شاءالله

مازن بأبتسامة وهو يحتضن اسر: لأ أنت الأول لازم افرح فيك الأول مفهوم 

أسر بتمني: نفسي واللهي يا مازن يا خويا 

مازن: وايه اللي مانعك

أسر: أطمئن علي أختي زيك كدا وبعدين اتجوز وراها علي طول

منذو أن رأت تالا مازن وهي تخشبت من هول المفاجأة فا ها هو بطل ذكرياتها التي لا تعرف عنها شئ يقف أمامها يحدث شقيقها أنتبه اسر إلي أنه لم يعرف تالا بمازن 

أسر وهو يشير لتالا: دي الأنسة تالا أختي الصغيرة

أسر وهو يشير لمازن: وده باشمهندس مازن العزيزي صاحب شركة العزيزي اللي انا شغال فيها

جحظت عين مازن فمن تقف أمامه هي نفسها بديلة زوجته في جميع أحلامه معها كيف يحلم بها ولم يراها سابقا 

رغما عنها نطقت تالا بهمس سمعه مازن جيدا: مازن قلب توته

خفق قلبه بجنون وأرتجف داخله فا تولين وحدها من كانت تنطق بهذه الكلمات كيف عرفتها تلك الفتاه مغتصبة أحلامه كما يدعوها استغرب اسر كثيرا من حالة الجمود المسيطرة علي تالا ومازن 

أسر: أيه مالكم يا جماعة في حاجه انتم تعرفوا بعض قبل كدا

تنحنح مازن بأرتباك : هه لأ معتقدش أننا أتقابلنا 

اسر: مالك يا تالا في حاجه

تالا وهي تهز رأسها بالرفض: لأ مفيش حاجه

جاءت صفية:مازن تعالي سلم علي عمتك درية بتسأل عليك من ساعة ما جت 

مازن ناظرا لتالا بشرود: حاضر يا ماما جاي معاكي 

صفية باعجاب بتالا: مش تعرفنا بالقمر دي يا مازن

مازن: باشمهندس اسر الشيمي وأخته أنسه تالا

صفية وهي تتجه لتالا لتصافحها: أهلا يا حبيبتي نورتينا وعقبالك يارب قريب

عندما رأت تالا صفية لا شعوريا منها نطقت: وحشتيني قوي ياأمي التانية وكل دنيتي

اضطربت صفية فهذه كلمات تولين أبنة شقيقتها لها كانت دائما ما ترددها لها منذو صغرها لان صفية هي من ربت تولين بعد وفاة شقيقتها وزوجها في حادث طائرة وهما عائدان من تأدية مناسك العمرة

صفية بحب: تعرفي يا تالا أنك بتفكرني بتولين بنت أختي الله يرحمها حتي أنتي بتقولي نفس كلامها ليا 

أنتبه مازن لحديث والدته فا انزعج كثيرا

مازن: لو سمحتي يا ماما مفيش حد زي تولين   متشبهيهاش بحد 

صفية بحزن: خلاص يا مازن متزعلش تعالي سلم على عمتك وبعدين روح شوف ضيوفك وانا هاخد تالا ونروح لمريم عشان تالا تسلم عليها  

ذهب مازن من أمامهم بعد أن أستأذن من أسر وامسكت صفية بيد تالا وسحبتها خلفها الي حيث تجلس مريم وبعد أن هنئت تالا مريم وقدمت لها هديتها جلست بجوار صفية علي طاولتها

صفية : أنتي مخطوبة يا تالا

تالا: لأ يا طنط مش مخطوبه

صفية بفرحه: معقوله الجمال ده كله ومش مخطوبه هم العرسان نظرهم ضعف ولا أيه

تالا بأبتسامة: مش لدرجادي يا طنط وبعدين انا كنت مخطوبه لابن خالتي بس محصلش نصيب

صفية: ليه يا حبيبتي حصل حاجه ما بينكم

تالا: لا أصل الكلام ده من خمس سنين من أيام ما كنت في ثانوي وبعدين انا حسيت اني مبحبوش الحب اللي يخليني اتجوزه يمكن كان فيه اعجاب وقبول بس مع الوقت راحوا ومبقاش في حاجه تشدني ليه وأنا محبتش اظلمه معايا 

صفية: عندك حق الجواز مش لعبه ولازم يكون الحب قوي عشان يقدر يتغلب علي عقبات الحياة ومصاعبها

تالا: فعلا يا طنط عندك حق واهو أبن خالتي دلوقتي متجوز وسعيد مع مراته وان شاء الله هيجيبوا بيبي قريب

صفية: ربنا يسعدهم وأنتي مفيش حد أتقدملك بعده

تالا بخجل: أكيد فيه يا طنط بس انا محستش ولا واحد فيهم حسيتهم كلهم غرب عني مفيش كيميا بيني وبين حد فيهم

صفية: أن شاءالله ربنا يرزقك أبن الحلال اللي يستاهلك ويسعدك

تالا: أن شاءالله ممكن أسألك سؤال يا طنط

صفية: أسألي يا قمر

تالا بخجل: مين تولين اللي باشمهندس مازن زعل عشان شبهتيني بيها

صفية: دي تبقي مراته وفي نفس الوقت بنت أختي أنا اللي مربيها من وهي عندها خمس سنين بعد ما اختي وجوزها سبوها معايا وراحوا العمرة الله يرحمهم ماتوا لما الطيارة ما وقعت بيهم ومن يومها ومازن كان عنده عشر سنين بيعتبر نفسه هو كل حاجه لتولين وفضل حبه ليها يكبر مع الوقت لغاية لما اتجوزوا  وبعد كام شهر وهما راجعين من الساحل العربية اتقلبت بيهم مازن كان مكسر أيده ورجله مكسورين وكدمات وجروح فضل فتره كبيره لغاية ما رجع طبيعي تاني أما تولين الله يرحمها صحيح جسمها كان سليم لأن مازن حماها بجسمه بس الخبطه جت في دماغها عملت عندها نزيف داخلي عما وصلت المستشفي كانت ماتت والدكاتره ملحقوش يعملوا معاها حاجه

تالا بتأثر: الله يرحمها ويصبره علي فراقها

صفية: يارب دا يا حبة عيني من يومها وهو بتعذب وضميره بيأنبه وكل يوم كوابيس واحلام مزعجه

تالا بشك: هو الموضوع ده من زمان يا طنط

صفية: من خمس سنين بالظبط

تالا: هي تولين الله يرحمها كانت في مستشفي ايه وقت الحادثه

صفية بتذكر: مستشفي الدكتور عبدالمجيد زهران هي مستشفي خاصه

خفق قلب تالا بشده وهي تنظر بأتجاه مازن التي وجدته ينظر لها ايضا

تالا بشرود وهي تحدث نفسها: أنا لازم اروح لعصام أتأكد منه في حاجه تولين كانت في نفس المستشفى اللي كنت محجوزه فيها 

رجعت تالا وأسر الي منزلهما ودخلت الي غرفتها ابدلت ثيابها بثياب النوم وأرتمت علي فراشها يدور بفكرها الف فكره والف خاطر ولكن ما تاكدت منه هي أنها ستذهب الي عصام حتي تقطع الشك باليقين 

رجع مازن بعد أن أطمئن علي شقيقته مع والدته الي منزلهم صعد الي غرفته وبعد أن ابدل ملابسه رقد علي فراشه وعقله مشغول بمغتصبة أحلامه مع تولين ظن أنها غير حقيقية ولكنها اليوم تجسدت أمامه فكيف يعقل أن يحلم أنسان بشخص لم يراه في حياته قط راح في ثبات عميق يتمني رؤية تولين لكنه حلم با تالا بدلا من تولين ولأول مرة لم يفزع من نومه ولم تهاجمه الكوابيس كالعادة بل كان الحلم هادئ .

الجزء الرابع 

في اليوم التالي بعد أنتهاء تالا من محاضرتها ذهبت الي منزل عصام أستقبلتها زوجته نهلة 

تالا بعد أن فتحت لها نهلة الباب: السلام عليكم ورحمه الله وبركاته

نهلة بأبتسامة: وعليكم السلام ورحمه الله وبركاته أتفضلي يا تالا

تالا بعد أن دخلت: ازيك يا نهلة عامله ايه

نهلة بتعب: هلكانه يا توتي

تالا: وحبيب عمتو عامل ايه وهيشرف أمتي

نهلة: الدكتور مديني لآخر الشهر ده لو مجاش طلق هيفتحلي قيصري

تالا: ربنا يقومك بالسلامة يا حبيبتي

نهلة: تسلميلي يا قمر قوليلي بقي تشربي ايه

تالا: لا أنا مش عايزه حاجه أنا كنت عاوزه عصام أسأله عن حاجه

نهلة: عصام لسه في الشغل هعمل لينا عصير برتقال فريش علي ما يكون جه

تالا: متتعبيش روحك ملوش لزوم

نهلة وهي تتجه الي غرفة أعداد الطعام: تعب أيه ده عصير 

تالا: طب أستني أنا جايه معاكي 

في شركة العزيزي في مكتب مازن العزيزي يجلس مازن شاردا في مكتبه في تلك الصدفة التي جمعته بتالا فا لابد أنه القدر ولكن لما هي بالذات دونا عن غيرها من يراها بأحلامه لابد أن يكون ورائها سر سيكشف في يوم من الأيام فالقدر الذي رمي بها في طريقه سيكشف سرها أيضا طرق باب مكتبه ودخلت مدام فاطمة سكرتيرته سيدة وقوره في منتصف الاربعينيات 

فاطمة: مستر مازن الوفد الياباني طلع من المطار والمترجم بتاع الشركة حصلت عنده حالة طارئه ومجاش النهارده

مازن بحده: ظروف ايه اللي تمنعه أنه يجي الشركة في الظروف دي

فاطمة: والدته تعبانه وحالتها حرجه في المستشفى وهو اتصل يعتذر

مازن بتفكير: وبعدين هنعمل ايه هنتواصل معاهم ازاي

فاطمة: معرفش يا فندم

مازن: أعملي حسابك عايز بعد كدا يكون في أتنين مترجمين في الشركة عشان الظروف اللي زي دي مفهوم

فاطمة: حاضر يا فندم هنزل أعلان نطلب فيه مترجم كمان 

في ذلك الوقت دخل اسر ببعض الاوراق الهندسية لمراجعتها مع مازن 

اسر: السلام عليكم ورحمه الله وبركاته

مازن : وعليكم السلام ورحمه الله وبركاته

اسر: مالك يا مازن في ايه

مازن: الوفد الياباني طلع من المطار جاي في الطريق علي هنا والمترجم حصلت عنده ظروف ومجاش النهارده مش عارف هتصرف معاهم أزاي 

اسر: هو ده اللي مضايقك ولا يهمك يا كبير

مازن مضيقاً عينيه: أنت بتعرف ياباني وانا أخر من يعلم ولا أيه

أسر: هههههههه والنعمة ما أنا

مازن: امال مين

اسر :  أختي مني يوه قصدي أختي تالا في ألسن وبتدرس ياباني مع كام لغه تانيه

مازن: ههههههههه هتفضل عمرك كده بتاع أفيهات بس  بايخ قوي المهم أختك متمكنه في الياباني

اسر بمزاح:انا بايخ دا أنا مفيش حد في خفة دمي بس انت اللي مبتفهمش

مازن: أخلص ياد اختك بتعرف ياباني كويس

اسر بثقه: أحسن من اليابانيين ذات نفسهم

مازن بتردد: هي ممكن توافق تيجي عشان تترجم لينا وليهم

اسر وهو يخرج هاتفه: هكلمها واشوف هتوافق ولا لأ

مازن بضيق حاول أن يخفيه : ياريت بسرعة عشان لو موفقتش نلحق نتصرف

أسر وهو يهز رأسه بالموافقة: حاضر

في منزل عصام جلست تالا مع نهلة يحتسون عصير البرتقال وهم يتجاذبون أطراف الحديث فتح عصام باب المنزل بمفتاحه الخاص ودلف الي الداخل وتفاجئ بوجود تالا عصام: السلام عليكم ورحمه الله وبركاته

تالا ونهلة معا: وعليكم السلام ورحمه الله وبركاته

عصام: ايه المفاجأة الحلوه دي تالا بنت خالتي عندنا يا مرحبا يا مرحبا

تالا بضحك: ههههههههه هتفضل طول عمرك مرح وحد لذوذ

عصام بشمئزاز: لذوذ تصدقي قفلتيني منك

نهلة بضحك: ليه يا قلبي ما هو أنت فعلا حد لذوذ

عصام بغضب مصتنع: متقولوش الكلمه دي ليا تاني أنني فاهمه انتي و هي

تالا: خلاص يا عم الحمش مش هقولهالك تاني

نهلة: وانا كمان يا بيبي مش هقولها تاني

عصام بضحك: حلوه بيبي دي يا نهولتي قوليهالي علي طول اوكيه

تالا: تصدق فعلا أنك لسه بيبي 

نهلة: اه فعلا بس البيبي بتاعي انا وبس

عصام بهيام: وانتي بردو البيبي بتاعتي وعمري وقلبي وحياتي

تالا بنحنحه: أحم أحم لاحظوا أن فيه واحده سنجل قاعده معاكوا

نهلة: خلاص بقي يا عصام أنا هقوم احضر الغدا

عصام: بسرعة يا حبيبتي اصلي ميت من الجوع وزمان تالا كمان هتفرفر من الجوع

تالا: أنا مش هتغدي هنا أنا بتغدي مع بابا مبيكلش غير لما اروح ناكل سوي ممكن تقعدي يا نهلة في موضوع مهم عايزه عصام فيه 

عصام: هتتغدي معانا وانا هكلم عمي أعرفه عشان يتغدي هو لروحه ولا مع آسر الواطي اللي مبيسألش علي أبن خالته

تالا برجاء: أرجوك بلاش يا عصام مش عايزه بابا ولا أسر يعرفوا أني جيت هنا

نهلة بقلق: في ايه يا تالا شكلك كده في حاجه عايزه تقوليها

عصام: اتكلمي يا تالا في أيه قلقتيني

تالا بتردد: عايزه اعرف أنا خدت قلب مين

عصام منتفضا : أنتي بتقولي أيه وأيه اللي خلاكي تفتحي الموضوع ده دلوقتي

تالا والدموع تلمع بعينيها: أرجوك يا عصام عرفني قلب مين اللي أحياني قلب مين اللي بينبض جوايا 

عصام بغضب: تالا مش ممكن أقولك فاهمه ده سر مهني وطالما مخدتش موافقة اهل المتبرع مش من حقي أقولك فاهمه

تالا ببكاء: أرجوك قولي أنا بتعذب صدقني يا عصام دي مسألة حياه او موت قولي مين

نهلة وهي تأخذ تالا بحضنها: أهدي يا تالا مالك في ايه أنتي تعبتي تاني

تالا: قلبي هو اللي تعبني قوي 

عصام بخوف وهو يمسك معصمها يتحسس نبضها : مالك حاسه بأيه اوصفيلي الألم اللي أنتي حساه

تالا ببكاء: ألمي مش ألم عضوي 

عصام: مش فاهم عايزه تقولي أيه

تالا: من بعد العملية بفتره قصيره وانا حاسه ان قلبي مش مرتاح زي ما يكون مفتقد حد وعايز يشوفه عشان يرتاح بمعني اوضح متعلق بحد بيحب حد معين أنا معرفوش وفيه احداث تقدر تقول عليها ذكريات انا بتذكرها بس أنا معشتهاش  مش عارفه بتذكرها أزاي أو ليه

عصام: ازاي مش عارفه أكيد اللي أنت بتشوفيه ذكريات حصلتلك بس أنتي نستيها

تالا ودموعها مستمره بالنزول: بس دي مش ذكرياتي ولا انا عشتها دي ذكريات واحده تانيه وانا بشوفها أزاي معرفش

نهلة بشك: والذكريات دي من بعد العملية بس

تالا: اه بدأت معايا بعد العملية

عصام منهيا الحديث: دي تهيؤات متحطيهاش في دماغك

تالا بعد أن وقفت واقتربت منه: بس دي مش تهيؤات عشان أنا شوفت أمبارح لاول مرة الشخص اللي بشوفه في تخيلاتي وأحلامي كمان ولقيت نفسي بقول كلام اول مرة أقوله وهو أتفاجئ من كلامي ليه

عصام: كلام ايه

تالا بخجل: مش هقدر اقوله 

عصام متفهما: طب ما هو لازم يتفاجئ لما يسمع منك الكلام ده وهو أول مرة يشوفك

تالا : لأ هو أتفاجئ عشان ده كلام مراته ليه محدش يعرفه غيرهم هما الاتنين

عصام: وأنتي عرفتيه منين طالما سر بنهم

تالا: ما هو ده السؤال اللي انت هتجوبني عليه أنا خدت قلب مين

عصام معطيا تالا ظهره: مقدرش اقولك

تالا: بلاش تقولي أنا هقولك اسم وأنت تقولي اه او لأ

عصام: قولتلك مقدرش

تالا برجاء باكي: أرجوك قولي مين ريحني قوليله يا نهلة أنتي خليه يريحني

نهلة بحزن: مش هتستفيدي حاجه بالعكس هتتعبي أكتر

تالا وهي تهز رأسها بالرفض: لأ أنا هرتاح واريح قلبها اللي مش عارف يحب حد غيره

تالا لعصام: أنت نقلت ليا قلب تولين مرات مازن العزيزي مش كده

عصام بعد أن جحظت عيناه بذهول: أنتي تعرفي مازن العزيزي منين

تالا: أسر شغال في شركته وانا شوفته لأول مرة أمبارح في فرح أخته وتفاجأت أنه هو الانسان اللي بشوفه في خيالاتي وأحلامي 

عصام خافضا رأسه لأسفل دون أن يتحدث

تالا برجاء: أوعدك لو ريحتني مش هقول لحد صدقني محدش هيعرف خالص بس قولي 

ثم أمسكت يده تقبلها فسحبها منها سريعا

تالا: ابوس أيدك ريحني وقولي الحقيقة أيه

نهلة بتأثر من حال تالا: قول ليها يا عصام

عصام: صدقوني مقدرش ممنوع طالما مخدتش موافقة أهل المتبرع

تالا بأنهيار: صدقني لو مقولتليش هموت قلبي مش هيرتاح غير لو عرف الحقيقة

نهلة برجاء: خلاص عشان خاطري وحياة ابننا لتقولها يا عصام انت مش شايف حالتها

عصام مغمضا عينيه بضيق: _______________

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا