رواية حبيبتي بالتبني الفصل الثالث 3بقلم زهرة الربيع (جديده وحصريه فى مدونة قصر الروايات)

رواية حبيبتي بالتبني الفصل الثالث 3بقلم زهرة الربيع (جديده وحصريه فى مدونة قصر الروايات)

رواية حبيبتي بالتبني الفصل الثالث 3بقلم زهرة الربيع (جديده وحصريه فى مدونة قصر الروايات)

#حبيبتي_بالتبني_3 قال على راي المثل سبته يمسك ايدي شويه... دخل تحت البطانيه 

قاسم اتسعت عنيه بزهول ووقف وقال بزعيق....مين ده  يا بت اللي دخل تحت البطانيه..والمثل ده جبتيه منين اصلا ...انتي دماغي ما بتحتفش غير شمال بقول لك دي مجرد ورقه هتبقى معانا عشان ما حدش يتكلم عليكي وبعدين انتي تطول اصلا 

شوق خافت من صوته وقالت بطريقه اشبه بالبكاء ...انت بتزعق ليه دلوقتي خدوهم بالصوت ليغلبوكم كل ما اتكلم معاك تزعق لي

قاسم  اتنهد وقال.... مش هزعق لك... هاتكلم بالراحه اها...اسمعي يا بنت الناس احنا ما لقيناش غير الحل ده وانا مش قاتل نفسي على جوازي منك بس كانت غلطه مني وبصلحها.... الماذون هياجي كمان شويه بطاقتك معاكي

شوق  قالت بضيق... ايوه معايا

 قاسم اتنهد وقال.... انتي كملتي ال 18 مش كده

شوق  قالت بضيق ....كملتها الشهر اللي فات 

قاسم ابتسم على ضيقها وقال....طب  ما تزعليش نفسك كده اول ما الاقي حد من اهلك هطلقك على طول وبعدين انت بتتجوزي قاسم العمده مش اي حد عشان تكشري كده يلا جهزي حالك

قاسم قال كده ونزل وهي قالت..ما هيه دي المصيبه  يخرب بيت جمال اهلك انا اتجوز المز ده معقوله

بعد شويه وصل المأذون وكتب الكتاب ومشي هو 

 والشهود 

وشوق كانت في الاوضه وقاسم طلعلها و كانت قاعده على السرير بتوتر 

قاسم حمحم وقال... شوفي الاوضه دي بتاعتي بس لو انتي عايزاها خليكي فيها انا هاخد حاجتي والاقي اوضه ثانيه 

شوق ضحكت و قربت منه وقالت..... ليه بقى احنا كتبنا  الكتاب يعني عادي

قاسم حمحم وقال.... انا قولت لك ده كتب كتاب على الورق و

 شوق قاطعته وقالت برقه ... انت جوزي على سنه الله ورسوله يعني قعدتنا سوا في نفس الاوضه مش حرام..وطالما  مش حرام الباقي مش مهم فياريت بقى تخليك معايا عشان انا بخاف ما اقعد لوحدي ممكن

بقلم...زهرة الربيع

 قاسم بلع ريقه من قربها المهلك لاعصابه اتنفس بقوه

وقال.... ممكن قوي ده انا اتمنى...وشدها عليه بقوه و لسه هيقرب حطت ايدها  على صدر وبعدت من بين ايديه وضحكت 

 وقالت... انت فهمت ايه.... انا قصدت نقعد مع بعض سوا في الاوضه وبس

قاسم  اتنهد وقال ....احم...على راحتك نقعد  سوا في الاوضه ما نقعدش ليه وطلع هدوم من الدولاب  وراح يغير هدومه في الحمام 

شوق ابتسمت وهي بتفتكر قربه منها ...بعد شويه خرج لابس تيشرت وبنطلون وكان شكلوا فيهم جميل قوي بقت تبص له باعجاب شديد

قاسم راح مدد على السرير وقال ....تعالي عايزك

  شوق بصت له بدهشه وقالت بضيق... نعم 

قاسم ضحك على شكلها وقال.... تعالي عايزك في موضوع مهم مش الللي جيه في بالك  ..الدنيا  حر وما فيش بطانيه ما تخافيش الدنيا امان

شوق  ضحكت و راحت قعدت جنبه على السرير وقالت ....طيب امال عايزني في ايه

قاسم  ابتسم وقال ...عايز اي معلومات عن اهلك اي حاجه تعرفيها مهما كانت صغيره هتساعدنا

 شوق اتنهدت بحزن وقالت....انا معرفش اي حاجه عنهم... انا اتولدت لقيت نفسي مع امي وبس كانت دايما تقول لي يا شوق انت ليكي اب انا ما غلطتش ابدا بكره لما تكبري هتفهمي...واديني كبرت و ما فهمتش حاجه

.. عشت طول عمري اتعاير ان ما ليش اب و دلوقتي خوالي طردوني وقالوا ان امي اتجوزت من وراها ومش قابلين يقولوا لي مين ابويا

قاسم  بقى يسمعها باهتمام شديد وحس بحزن عليها لما شاف  دموعها  بتنزل بوجع واضح

قرب منها ومرر ايديه على خدودها مسح دموعها بحنيه وقال ...طب انت بتبكي ليه دلوك... انتي بت كيف القمر وكلهم خسرانين 

شوق بصت لعيونه بدموع وقالت....صعبانه عليا نفسي قوي في كل مكان اروحه حاسه اني مش مرغوبه فيه ما حدش عايزني خالص... انت كمان مش عايزني و قعدتي هنا على عينك

قاسم  ابتسم وقرب منها قوي وقال.... معاكي حق انا كمان حاسس اني قعدتك على عيني

شوق بصتلو  بدهشه وقالت....الملافظ سعد يا عمده... الفروض في الوقت ده تقولي اني غلطانه لو حتى مجامله ..ايه ده قال يعني انا اللي طايره بقعدتي معاك

قاسم ضحك جامد وقال... لسانك الطويل ده هو اللي جايب لك ...انا ما هنكرش ان انا اتضايقت من قعدتك هنه .. .بس من اول ما سمعت حكايتك من خوالك وانا حسيت زي ما تكوني مسؤوله مني ومش هسيبك لغايه ما اوصلك لاهلك واطمن كمان انهم قابلين بوجودك معاهم....وما تقلقيش انت مش لوحدك واصل 

شوق ابتسمت ابتسامه جميله وهيه حاسه بصدق كل كلمه قالها

قاسم قرب منها قوي وقال.... بقول لك ايه انا حاسس ان ناقصك حنيه.. تعالي نامي على ذراعي شويه 

شوق ضحكت جامد وقالت.... لا ما ناقصنيش اطمن

قاسم  قرب منها اكتر وقال...يا بت انا متأكد ... احساسي عمره ما خاب ..جربي هترتاحي صدقيني

و شدها عليه نيمها على ذراعه وضمها بحنيه وقال... ايه رايك مرتاحه 

شوق حست براحه شديده... بس قاسم كان قلبه بيدق جامد هيطلع من صدره ابتسمت وقالت... انا مرتاحه بس الظاهر ان انت اللي مش مرتاح وخايفه اتعبك

قاسم   بلع ريقه بارتباك وقال.... قصدك ايه يعني

شوق ضحكت بخفه وقالت... ابدا ...قصدي خايفه دراعك يوجعك يعني 

قاسم ضحك لما فهم قصدها وشدها عليه بقوه وقال

... متقلقيش عليا انا استحمل اي وجع...خصوصا لو كان الوجع حلو قوي وطعم قوي كده... ده يا ريت كل الوجع بالشكل ده

شوق ضحكت وفضلت في حضنه  لحد ما حسو بارتياح شديد وناموا هم الاثنين 

في صباح يوم جديد قاسم قام من النوم وكانت بين ايديه بقى يبص لملامحها اللي خطفته من اول دقيقه ومرر ايده على خدها واستغل انها نايمه وقرب منها في لحظه جميله خطفت قلبه

شوق فتحت عينيها بزهول ودفعته وبعدت لاخر السرير وقالت ...انت بتعمل ايه 

قاسم ابتسم وقال... ما تخافيش بصبح بس 

و واقف وبقى ياخد جلابيه من الدولاب

شوق قالت بغيظ شديد... يا سلام بتصبح هو احنا مش كنا اتفقنا  امبارح ان الجواز ده هيبقى مجرد ورقه

قاسم ابتسم وقال... طب ما هي ورقه ...وقرب منها قوي وقال.. لو ما كانتش ورقه كان زمانك بقيتي مرتي وكل حته فيكي تشهد

شوق بلعت ريقها بارتباك شديد من قربه وقالت... انت عايز ايه يا عمده 

قاسم بص لعيونها وقال.... انا عايز كتير كتير قوي ..انا اول مره واحده تتعبني كده...واتنهد وقال.... بس انا عارف اخر طريقنا سوا يا شوق مش هخليكي تكمليه وحدك مش هقدر اظلمك انا كمان

واخذ هدوم وراح الحمام 

شوق حطت ايدها على شفايفها و ابتسمت بسعاده على كلامه وفضلت مستنياه لحد ما يخرج

 بعد شويه خرج هو بيصفر بسعاده بصت لو وقالت ...انا كمان عايز استحمى يا عمده

 بص لها وغمز وقال ...طب الحمام قدامك اها ولا عايزه مساعده انا جاهزه اساعد على فكره انا عمده في اي حاجه

شوق ضحكت جامد وقالت... لا يا خفيف انا ما اقصدش كده اقصد مش معايا حاجه البسها

قاسم ابتسم  وقال....انا قلت لهباب البرك اسماعيل  يجبلك خلقات من امبارح بس تلاقيه نسي  هقوله يروح يجيب لك دلوك

شوق وقفت وقالت...شكرا يا عمده انا مش هنسى وقفتك جنبي ابدا وحتى لو مشيت من هنا هرجع اسال عنك 

قاسم ابتسم وقرب منها وقال... بجد هتسالي عني يا شوق 

شوق هزت راسها بالموافقه وقالت.... اكيد يا عمده انا مش هنسى اللي انت عملتو معايا

قاسم ابتسم وقرب منها وقال.. و انا مهنساش ليله امبارح واصل... امبارح حسيت بدفى محسيتش بيه في عمري كله قربك كيف السحر يا بت

شوق  ابتسمت وتاهت في عيونه وهو كان بيبص لعيونها وبينهم نظرات جميله جدا قطعتها  شوق لما قالت... انا جعانه قوي يا عمده

بقلم...زهرة الربيع

قاسم بصلها بدهشه وقال... جعانه ....جعانه اه تصدقي يا شوق انا اللي غلطان اني بقولك كلمتين حلوين واتغزل فيكي اللي زيك الغزل الوحيد اللي يعرفوه هو غزل البنات ده اذا اعتبرتك من البنات 

شوق حطت ايدها في وسطها وقالت ...نعم  انا ما تعتبرنيش من البنات...لما انا مش بنت ابقى ايه بقى 

قاسم بصلها من فوق لتحت   وقال بابتسامه ... تبقي ست البنات كلهم 

شوق  عضت على شفتها ونزلت عينها بكسوف ولاول مره تحس بكسوف لما حد يكلمها كده وقالت.....لحقت نفسك يا عمده 

قاسم ضحك ضحكه جميله وقال.... يا ريت  قدرت الحقها كنت نفسي الحقها  يا شوق بس غرقت في بحور عنيكي

شوق اندهشت من جملته وهو  اخذ نفس وقال بتوتر.... انا احم...معاي  شغل و

 ولسه هيكمل سمعو  صوت بنت بتزعق وبتقول ....قاسم انزل يا عمده انزل دلوك  مهشيش غير لما تنزل

 قاسم ضم اديه بغضب وقال...بتزعق ليه على الصبح بت الفرطوس دي

ولسه هيمشي  شوق مسكت ايده وقالت..استنى فهمني فيه ايه  مين دي وبتزهق كده ليه

 قاسم اخذ نفس وقال ...دي منصوره

شوق  قالت بدهشه... ماسوره... ماسوره ازاي

قاسم ضحك وقال.... ماسوره ايه بس... بقول لك منصوره دي خطيبتي فرحنا الشهر ده 

شوق حست زي ما يكون حد كب عليها ميه كلها ثلج اتجمدت مكانها حرفيا وحست بوجع شديد في قلبها وقالت بصدمه... هو..هو  انت خاطب وووو

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا