رواية حبيبتي بالتبني الفصل الرابع 4بقلم زهرة الربيع (جديده وحصريه فى مدونة قصر الروايات)

رواية حبيبتي بالتبني الفصل الرابع 4بقلم زهرة الربيع (جديده وحصريه فى مدونة قصر الروايات)

رواية حبيبتي بالتبني الفصل الرابع 4بقلم زهرة الربيع (جديده وحصريه فى مدونة قصر الروايات)

#حبيبتي_بالتبني_4 ماسوره ايه بس... بقول لك منصوره دي خطيبتي فرحنا الشهر ده 

شوق حست زي ما يكون حد كب عليها ميه كلها ثلج اتجمدت مكانها حرفيا وحست بوجع شديد في قلبها وقالت بصدمه... هو..هو  انت خاطب

 قاسم اتنهد بحزن على شكلها لانه كان المفروض يقول لها وقال.... ايوه يا شوق كل حاجه جات  بسرعه وملحقتش اقول لك 

ولسه هيكمل  سمع منصوره بتصرخ جامد وبتقول.... انزل يا قاسم بقول لك

قاسم  اتنهد بغيظ وقال ..بس شكلي هفركش انهارده ونزل بسرعه 

شوق قعدت على السرير بزهول ودموع وهي مش عارفه متضايقه على ايه اصلا قاسم نزل تحت و كانت مستنياه بنت في العشرين لابسه لبس صعيدي ومتعصبه جدا قالت بغيظ شديد.... شرفت يا عمده صباحيه مباركه يا عريس 

قاسم  قال بغضب.... مش هتبطلي عادتك القديمه دي يا منصوره تقرري الخدم وتخليهم يقولوا لك اللي بيحصل هنه في السرايا ..وكمان جايه تزعقي وتهللي مش هسكت كتير على عمايلك دي 

منصوره قالت بغضب شديد.... وانت بقى  زعلان اني بزعق ولا لان الخدم قالوا لي على بلوتك اللي عملتها امبارح طب كنت حتى اتجوزني الاول حتى تفكر تتجوز عليا يا عمده 

قاسم اتنهد وقال ....هو اللي قال لك اني اتجوزت  ما قالكيش اتجوزت ليه 

منصوره قالت بغضب....اياك فاكرني عبيطه و هصدق حاجه زي دي... بتتجوز واحده عشان تلاقي لها ناسها صدقتك والله 

قاسم اتنهد بضيق شديد وقال...انتي  عايزه ايه دلوك ...ده  اللي حصل ..واول ما الاقيلها ناسها هطلقها كفاياكي فضايح فرجتي علينا البيت كله 

منصوره قالت بغضب شديد ....لا يا عمده دلوك هتطلقها ودلوك حالا ترمي عليها اليمين

قاسم قال بغضب وزعيق..انتي بتكلمي مين كده يا منصوره..فوقي لنفسك وروحي  دلوك  لأحسن ردي مهيعجبكيش.... انا ساكت على قلة ادبك دي لجل  خاطر اهلك 

منصوره لسه هترد نزلت شوق وقالت بدلال....عمده  انت روحت فين يا عمده 

قاسم غمض عنيه بغيظ وقال.... اطلعي اوضتك دلوك يا شوق

منصوره بصت لها بغضب شديد وقالت.... هي دي العروسه وقربت منها وقالت بفحيح مرعب.... نورتي يا عروسه صباحيه مباركه 

 شوق قالت بدل اكبر.... الله يبارك فيكي يا مكسوره...اا..قصدي يا منصوره

 منصوره قالت بزهول .....مكسوره هيه حصلت

 شوق قربت من قاسم وقالت بدلال...انت  اتأخرت عليا يا عمده قولت لي دقيقه هزحلقها وراجعلك .... قربت منه وباسته من خده وقالت...وحشتني

قاسم بقى يبصلها بزهول  من حركاتها  ومنصوره....قالت بزهول...تزحلقني  ...ده انا اللي ميبقاش اسمي منصورة لو ما زحلقتك انهارده... طلقها حالا يا عمده دلوك ... طلقها بدل ما انا هقتلها بيدي

 شوق بصت لها بغضب وقالت ...تقتلي  مين يا حلوه... ده انا اللفك على رقبتي متدفنيش.. اللفك على وسطي متحزمنيش يعني كلك على بعضك  ما تهمنيش

 منصوره اتقدمت عليها ولسه هيضربوا بعض قاسم وقف ما بينهم وقال بغضب شديد... بس انتي وهيه انت بتتخانقوا قدامي خلاص ملكيش كبير

وبص لشوق وقال بغضب...اطلعي يا شوق

شوق اتنهدت ومشيت

وقاسم بص لمنصوره وقال بغضب...روحي يلا يا منصوره ...روحي ومتنطقيش حرف كمان

بقلم...زهرة الربيع

 منصوره بصتلو بغيظ  ومشيت بغضب 

وهو طلع ورا شوق فوق وهو  متضايق منها

منصورة اول ما طلعت من البيت عملت مكالمه لواحد وقالت بغضب....انت فين محتجاك في مصلحه محدش هيقضيها غيرك

اما قاسم  اول ما دخل اوضتو  مسك شوق بغضب وقال.... ايه اللي بتعمليه ده نزلتي ليه جايه تجننيها اكتر ما هي مجنونه 

شوق بصيت له بدموع وقالت... هي اللي كانت عايزه تضربني انت شوفتها

قاسم مسح على وشو  بغيظ وقال....و انتي نزلتي ليه من اساسو 

شوق قربت منو وحاوطت رقبته بايديها وقالت بدموع.... مقدرتش اقعد ...ما اعرفش ليه كان نفسي اشوفها واعرف المميز فيها.... هو انت بتحبها 

قاسم بلع ريقه بارتباك من قربها والدموع اللي في عيونها  شدها عليه بقوه وقال.... احنا هنه ما بنعرفوش نحبه...منعرفوش الحب اصلا بنلاقي واحده مناسبه للجواز   وخلاص..وهيه بت خالي و كويسه واللي نعرفه احسن من اللي منعرفوش

شوق بصت لعيونه وقالت .....يعني ايه ما بتعرفوش تحبو...مفيش حد ميعرفش الحب... مش انت عندك قلب بيدق 

قاسم اتنهد وقال.... انا كنت عارف ان عندي قلب ....بس مبقيتش احس انه بيدق غير من امبارح

شوق ابتسمت بسعاده وقربت منو وقاسم قربها ليه بقوه وبقى يقرب لها بلهفه بس بعد عنها بسرعه وهو بيحاول ياخد نفسه 

شوق استغربته وقربت منه وقالت... بعدت ليه 

قاسم اتنهد وقال ....ما ينفعش يا شوق ..انتي مسيرك هتروحي لحالك وانا اروح لحالي مستحيل اورطك معاي...واحتمال تاجي الطوبه في المعطوبه ويبقى معاكي عيل يعيش اللي انتي عشتيه تاني مش هقدر اعمل فيك كده ولا فيه

شوق  نزلت دموعها بوجع وقالت... معاك حق في النهايه انا منفعكش ومستحيل نكمل انت العمده انما انا ..انا حتت بنت من الشارع

 ولسه هتبعد مسك ايدها وشدها عليه بقوه وقال ...انت كتيره على العمده..و كتير على اي حد ولو هتتحملي انا معنديش مانع تكملي معاي واتمنى كمان

شوق قالت باستغراب.... اتحمل..اتحمل ايه 

قاسم اتنهد وقال..... تتحملي ضره... تتحملي تحضري فرحي عليها....منصوره بت خالي و كل الكفر عارف اني خطيبها ما ينفعش اسيبها من غير سبب كده

شوق نزلت دمعه من عيونها مسحتها بسرعه وقالت.... معاك حق مش هاستحمل فعلا...وابتسمت  بالعافيه وقالت.... بس انت هتفضل اجمل حاجه حصلتلي يا عمده.... 

قاسم مشى ايده  على خدها بحنيه وقال.... انتي الحلو كلو يا شوق ..انا عايز اعيش كل دقيقه معاكي كانها اخر دقيقه في عمري انا ما اعرفش عملت فيا ايه ..و معارفش انا حاسس بايه اصلا بس كل اللي اعرفو اني عايزك جمبي حتى لو كانت فتره قصيره انا راضى بيها

شوق  ابتسمت واترمت في حضنه  وبقى يحضنها بقوه وحب  عدت الايام بينهم كانوا مبسوطين قوي سوا وكل يوم بيقربوا لبعض اكتر ومشاعر الاعجاب المتبادل اتحولت لحب شديد واضح بس محدش كان قادر يعترف بيه

كانت شوق بتهتم بيه وبجده لانو كان يجي اوقات ويرجع يبات في العزبه وهو كمان حبها جدا واتعود عليها

 لحد في يوم كانوا قاعدين قاسم وشوق  مع بعض في الصاله وبيلعبو ريست على الكنبه وكان قاسم قاعد في منتهى الهدوء وهو بيستخف بيها جدا وهيه مش عارفه تحرك ذراعه اصلا من مكانه لحد ما حرك ايده براحه وقعها من على الكنبه

شوق بصتلو بزهول وهو  ضحك جامد  وقال ....من كل عقلك فاكره انك هتفوزي عليا طب اختاري لعبه ثانيه بلاش دي

شوق وقفت و قالت بغيظ ....عادي على فكره كل الحكايه اني مكنتش مرتاحه في القعده انت دراعك اطول من دراعي

قاسم ضحك وشدها عليه بقوه وقال...دي لعبة قوه متناسبكيش وبصلها بوقاحه وقال... انتي عندك قوه من نوع  تاني خااالص ...قوتك في المرتفعات...والدور التاني بذات

شوق ضحكت وضربتو في صدره بكسوف وقالت..اتلم

قاسم ضحك وقال ..طب انا عندي لعبه احلى... تيجي نلعب اللي يحضن التاني اكتر... جربي كده وضمها جامد لحد ما اتالمت وقالت ...ااااي ليه كده يا قاسم 

قاسم اتنهد وقال...اااه .يا وجع قاسم اللي كواه ...ولا عارف انتي عذابه ولا دواه

شوق ابتسمت بسعاده لما قال كده ولسه هتتكلم

 دخلت منصوره وقالت بسعاده وهي بتزغرط ....جايبه لكم خبر بمليون جنيه.... اتفضل يا حاج سلام 

شوق وقاسم وقفو باستغراب....ودخل راجل في ال 50 وبصلهم بتوتر

قاسم قال باستغراب ....مين ده يا منصوره

 منصوره قالت بفرحه وخبث... ده الحاج سلام يبقى عم شوق انا روحت لخوالها وفضلت وراهم طول المده دي لحد ما وصلوني لعمها ....وده يبقى عمها... والاوراق اللي بتثبت معاه 

قاسم اتسعت عينيه بزهول  وووو

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا