روايه عندما يقع الوحوش فى العشق الجزء الاول الفصل الاول والثاني والثالث والرابع والخامس بقلم الكاتبة جنات (جميع الفصول كامله)
روايه عندما يقع الوحوش فى العشق الجزء الاول الفصل الاول والثاني والثالث والرابع والخامس بقلم الكاتبة جنات (جميع الفصول كامله)
سيف
٢٨ سنه رتبته مقدم شاب مفتول العضلات حاد الطباع غامض جدا وشخصيته قويه الكل بيخاف منه وعنده هدف وهو الانتقام من قاتل ابوه
والده والدته متوفين وهنعرف مع بعض اتوفو ازاى
عنده اخت هى كل حياته بيعتبرها بنته مش اخته (حور )
__________________________________
سليم
٢٨ سنه رتبته مقدم صديق سيف واكتر حد قريب منه هادى جدا وحاد ف التدريبات مبيحبش المزاح
والده متوفى وهو المسئول ع شركاته
والدته سلمى
_________________________________
جاسر
٢٨ سنه رتبته مقدم قناص محترف ومرح جدا جدا بيحب الهزار والضحك بس وقت الجد جد ولما بيتعصب بيبقي شخص تانى
والده طارق الشناوى من رجال الاعمال المعروفين
والدته متوفيه وهو وحيد ملوش اخوات بس بيعتبر اصحابه هما اخواته
_______________________________
زين
٢٨وسنه رتبته مقدم وسيم لدرجه البنات كلها نفسهم فى نظرة بس منه لكن هو مش شايفهم ومش بيؤمن بحاجه اسمها حب وشخصيته حاده جدااا وجد اوى ف شغله وقريب اوى من سيف وسليم
والده ووالدته اتوفو ف حادثه وهو صغير
جده (كامل الهلالى) هو اللى رباه هو وتؤامه المجنون ادهم
__________________________________
ادهم
٢٨ سنه رتبته مقدم تؤام زين لكن يختلف عنه فى كل حاجه شكله وشخصيته مرح وبيحب الهزار جداا زى جاسر بس الاتنين ينطبق عليهم مثل (اتقي شر الحليم اذا غضب)
________
حياه
٢٢ سنه اخر سنه كليه طب شخصيه هاديه جدا مافيش عندها اغلى من مامتها وبتحب صحابها اوى وهى صاحبه الحلول ف الشلة وصحابها بيعتبرها مامتهم وصاحبه الحضن الدافى
مامتها (سهام) وكل الشله بتحبها جدا
__________________________________
ملك
٢٢ سنه اخر سنه كليه طب شخصيه قويه وباردة جداا بتحب صحابها وبتدافع عنها بروحها وعصبيه جدااا
والدها (عبد الرحمن)
والدتها (فريده)
عندها اخ (كريم) واخت(نور) تؤام عندهم ٢٠ سنه كليه هندسه
______________________________
ديما
٢٢ سنه اخر سنه كليه طب شخصيه رقيقه وهاديه بس فى نفس الوقت مرحه وبتحب الهزار وبتعشق الشوكلاته
والدها (جمال)
والدتها(اسماء)
عندها اخ اكبر منها (ياسين) متجوز مراته اسمها (اسيل) وعنده بنوته (ليليان)
______________________________
ريم
٢٢ سنه اخر سنه كليه طب شخصيه مرحه جدا ونفس الوقت قويه وكان ليها تؤام بنت اسمها مريم توفت هى وابوها فى حادثه وده مؤثرة فى ريم جداا ومش قادرة تتخطى الحادثه دى
والدها متوفى
والدتها (ايمان)
اخوها مصطفى عندها ١٧ سنه
__________________________________
ليان
٢٢ سنه اخر سنه كليه طب شخصيه مجنونه ومرحه اوى وبتحب الاكل جدا
مامتها اتوفت وهى بتولد اخوها ادم
والدها( احمد) اتجوز بعدها (وفاء) مش بتحب ليان ولا ادم وبعدها اتوفى والدها
وليان هى اللى ربت اخوها (ادم) عنده ١٠ سنين
فى بيت فى غاية البساطة تنام فى غرفه باللون الابيض والبينك بكل بعمق بعد تعب فترة الامتحانات فتحت والدتها باب الغرفة
سهام : حياة قومى بقي ي بنتى كل ده نوم
حياة : ...........
سهام : يا بنتى اصحى اصحابك عمالين يتصلو عليكى
حياة : سبينى انام ساعه بس يا سوسو و هقوم ارد عليهم
سهام : ساعه اى يا بنتى بقالى ساعتين كل ما اجى اصحيكى تقوليلى ساعه كمان
حياه قامت اعدت على السرير : صباحك فل وقشطه يا سوسو
سهام : صباح الخير يا حبيبتى قومى يلا اغسلى وشك وصلى الضهر على ما احضر الفطار
حياه : حاضر يا سوسو
خرجت سهام من الغرفة وحياة مسكت موبيال بتاعها وبعتت لاصحابها انها صحت هتصلى وتفطر مع والدتها وهتجهز وتنزل
-
فى مكان تانى بتصحى ملك على صوت خناق اخواتها كريم وتؤامه المزعج زى ما بيسميها نور
كريم : يا بنتى انتى حد مسلطك عليا
نور : اه فرفر اللى قالتلك اجى اصحيك
فريده والدتهم : يا بنتى انا قولتلك روحر صحى اخوكى هو انا قولتلك حطى تلج فى هدومه
ملك خرجت من الاوضه وهى بصرخ فيهم : فى اى هو محدش يعرف ينام فى ام البيت ده
نور : صباح الخير يا كبير
ملك : صباح الخير يا ختى انتى عامله دوشه من الصبح لى
نور : انا... دانا ملاك يا بنتى والله
كريم : قولى شيطان مش ملاك
نور : شوفتى يا لوكا انا ساكته ومش بتكلم اهو وهو اللى بيجر شكلى يرضيكى كدا
ملك : تعرفو اى اللى يرضينى الوقت
كريم ونور : اى يا كبير
ملك قلعت الشبشب اللى لبساه وطلعت تجرى وراهم ف البيت كله كل واحد فيهم دخل على اوضته وقفلو الباب
فريدة : انتى صحيتى يا ملك وانا بقول العيال دول مش طالع ليهم صوت لى
ملك : صباح الفل يا فرفر
فريدة : صباح الخير يا بنتى هتخرجى مع صحابك النهارده
ملك : ان شاء الله يا فرفر هروح اصلى الضهر قبل ما اخرج
-
فى مكان تانى اعده على السفرة بتفطر اخوها ذات ١٠ سنين
ليان : يلا يا دومى كمل فطارك عشان هننزل مع البنات وهنقضى يوم جميل باذن الله
مرات ابوها وفاء : اه يا ختى اخرجى واتفسحى انتى والمحروس اخوكى وانا طالع عينى فى البيت
ليان بضيق : اللهم طولك ي روح الناس بتقول صباح الخير مش بتقوم تتخانق مع دبان وشها
وفاء : صباح الخير يا ليان هانم كدا مبسوطه بدل ما تخرجى تتفسحى مع صحابك انزل دورى ع شغل مش خلصتى امتحاناتك
ليان : لا مش هدور على شغل يا وفاء واصتبحى وقولى يا صبح .. قوم يا دومى احنا نجهز عشان ننزل للبنات
...........................................
فى بيت ريم صحت وصلت فرضها و دخل اخوها مصطفى الاوضه
مصطفى : صباح الجمال يا ريمو
ريم : درش صباح الفل
مصطفى : يلا ماما حضرت الفطار
ريم : حاضر يا درش هفطر وهنزل للبنات
مصطفى : ماشي يا مزة
-
فى مكان تانى دخلت ديما المطبخ لوالدتها
ديما : صباح الفل يا ست الكل
اسماء : صباح الجمال عليكى ي حبيبه قلبي
ديما : انا هنزل النهارده انا والبنات نغير جو شويا
اسماء : انزل يا حبيبتى واتبسطو
سمعت جرس الباب راحت ديما تفتح لقيت بنت اخوها ياسين وليليان بنته اللى ساكنين معاهم ف نفس العمارة
ديما : صباح الخير يا حبيبي . صباح الجمال يا احلى اميرة
ياسين : صباح الخير يا موزتى
جمال والدهم خارج من اوضته : صباح الخير يا حبايبى تعالو يلا عشان نفطر سوا
ياسين و ديما : صباح الخير يا بابا
جمال : اسيل مراتك فين يا ياسين
ياسين : نازله ورايا اهو يا حاج
ديما : انا هنزل مع صحابي النهارده يا بابا
جمال : انزلو يا حببتى بس خدو بالكو من نفسكو ومتتاخروش
ديما : قامت باست راسه حاضر يا جيمى متقلقش علينا
ياسين : لا دول متخافش عليهم يا حاج دول تخاف منهم
كلهم ضحكو عليه
-
البنات اتجمعو ونزلو وقضو يوم جميل من لعب وهزار
وعدا شهر ونتيجه البنات ضهرت وكلهم نجحو بتقدير عالى
-
فى مكان جديد فى كتيبه من اهم كتائب الجيش
سيف فى مكتبه ودخل عليه سليم
سليم : صباح الخير يا سيف
سيف : صباح الخير يا سليم
سليم : عرفت على الدفعه طلاب الطب اللى هيجو يدرو هنا
سيف : اكيد عرفت وموضوع مش عجبنى اصلا بنات اى دول اللى هندربهم
ودخل عليهم جاسر وادهم
ادهم : صباحكو فل وقشطه يا بشوات مصر
سيف : يا بنى مش فى باب تخبط عليه ولا هى وكاله من غير بواب
جاسر : يا عم انت المفروض تكون اتعودت علينا بقي احنا من امتا خبطنا ع الباب قبل ما ندخل٨
سليم : خلاص مش وقت هزار فى دفعه من طلاب طب هيجو يدربو هنا وهيكونو تحت مسؤليتنا
ادهم : قول والله يعنى بنات ومزز والدنيا هتحلو
سيف بحده : ادهم احنا هنا فى شغل
ادهم : خلاص يا عم متزوقش
دخل عليهم زين : صباح الخير
كلهم : صباح الخير
زين : انا كلفت عسكرى يوصل الجوابات لطلاب اللى هيجو التدريب عشان يبقو هنا ف اسرع وقت
سليم : تمام اوى كدا
-
فى بيت حياه جرس الباب بيرن
سهام : افتحى الباب يا حياه
حياه : حاضر يا سوسو
حياه راحت فتحت الباب لقيت عسكرى ادامها العسكرى : ده بيت حياه حسين الرفاعى
حياة😳
روايه عندما يقع الوحوش فى العشق
««الفصل التانى»»
فى بيت حياه جرس الباب بيرن
سهام : افتحى الباب يا حياه
حياه : حاضر يا سوسو
حياه راحت فتحت الباب لقيت عسكرى قدامها العسكرى : ده بيت حياه حسين الرفاعى
حياة😳
العسكرى : ده بيت الانسه حياه
حياة : ايوا انا حياة هو انا عملت حاجه
العسكرى : معرفش اتفضلى امضي هنا واستلمى الجواب ده
حياه مضت واستلمت الجواب ودخلت وقفلت باب الشقه وفتحت الجواب ومرة واحده الحقينى يا سوسو
سهام خرجت من المطبخ بسرعه : فى اى يا بنتى بتصرخى لى ومين اللى كان على الباب
حياه : هروح الجيش يا سوسو
سهام:😳
-----------------
حياة دخلت كلمت البنات مكالمه جماعيه
حياة : انا جالى جواب استدعاء لفترة تدريب فى الجيش
ملك : البس يا معلم مش انا لوحدى
ليان : وانا كمان جالى الجواب والست الصفرا اللى اسمها وفاء فرحانه فيا
ديما : يا بنتى عيب كدا دى مرات ابوكى وبعدين اى الفاظك دى
ريم : ونبي يا دمدومه اركنى انتى كدا على جنب خلينا فى المصيبه اللى احنا فيها
ديما : يعنى اى اركن على جنب مانا معاكو فى نفس المصيبه
حياه : لى بتقولو انها مصيبه مايمكن تكون فترة كويسه ونستفيد منها
ليان : ونبي يا حياه يا حبيبتى انتى والبت ديما هتفقعولى مراراتى برقتكو دى
ملك : بصو هى مصيبه وكلنا وقعنا فيها وكويس اننا هنبقي سوا ودى اهم حاجه
البنات كلهم : عندك حق والله
البنات اتفقو ينزلو سوا ويجيبو كل الحاجات اللى هيحتاجوها فى فترة التدريب
-------------------
فى مكان الكتيبه
زين و سليم مع سيف فى مكتبه
زين : الجوابات وصلت وخلال اسبوع هتكون الدفعه هنا
سيف : تمام وياريت يبقو شباب
سليم : للاسف الاغلبيه بنات
زين : اظن احنا هنا فى شغل يا سيف مالوش علاقه بحياتنا الشخصيه
سيف : يابنى دول اخرهم يطبخو اكلتين ف المطبخ يقطعو بصل وطماطم لكن تدريب عسكرى ماظنش
سليم وزين ضحكو على كلامه
---------------
وعدا الاسبوع وجه اليوم اللى البنات هيسافرو فيه واتجمعو فى المكان اللى فى اتوبيسات اللى هتنقلهم لمكان التدريب
وكان موجود معاهم ياسين اخو ديما ومصطفى اخو ريم وادم اخو ليان الصغير
ياسين : خدو بالكو من نفسكو يا بنات خليكو دايما سوا وبلاش مشاكل انتو فى الجيش مش فى اى حته
مصطفى : اه ونبي بلاش مصايب وخصوصاا انتى يا ملك بلاش لسانك يطول
ملك : تحب بقي ايدى هى اللى تطول عليك يا درش
مصطفى : لا وعلى اى الطيب احسن
ادم : هتوحشينى يا لى لى
ليان : يا روح قلبي وانت كمان هتوحشنى هابقي اكلمك دايما وخليك دايما مع مصطفى بلاش تروح لوفاء وانا مش موجوده
حياه : يا حبيبي يا دومى والله هتوحشنا . لو زهقت من درش ابقي روح لسوسو
كلهم ضحكو
البنات ركبو اتوبيس وبعد فترة وصلو مكان الكتيبه
ليان : اى ده المكان صحرا لا ونبي روحونى
ريم : تروحى فين يا مجنونه خلاص احنا لبسنا
ملك : استعدو للنفخ يا حبايب قلبي
وقفو الدفعه كلها وكانو عبارة عند ٤٠طالب
ليان : هما الناس دول مش هياكلونا ولا اى يا
جدعان
حياه : يابنتى ارحمى نفسك دانتى طول ماحنا فى اتوبيس وانتى بتاكلنى
ليان : دول كانو تسالى ياختى وبعدين انتى بتعدى عليا
البنات اتعرفو على باقى الطلبه وكان فيهم
بنوته مريم وشباب احمد ومحمد ومؤمن واللى كانو من اوائل الجامعات الطب
فجاه ظهر فريق الوحوش بمنظرهم المرعب
ديما : يامامى هو فى اى انا خوفت
ملك : بت انتى ونبي اسكتى بلا مامى بلا بابي الوقت
سيف كان وشه فى تلفونه
سليم : خلصتو تعارف
ليان : احيييه يا ابو سوسو احيييه ده الصوت لوحده يرعب
ملك : يا بنتى اتهدى شويا بقي ليسمعك
ليان : بس اى الحلاوة دى دول مزز مزز يعنى
زين : انا المقدم زين الهلالى خلينا نتعرف عليكم واحد واحد وتتعرفو عليها
سليم : انا المقدم سليم الالفى
ادهم : انا المقدم ادهم الهلالى
جاسر : انا المقدم جاسر الشناوى
سيف بحده : انا المقدم سيف الجارحى
ديما : يا لهوى ده هياكلنا ده ولا اى ده صوته لوحده يرعب
ليان : بت يا ريم هى البت ديما قالت يالهوى ولا انا الصحرا اثرت على ودانى
ريم : لا الصحرا ماثرتش عليكى ولا حاجه انتى سمعتى صح
ادهم عينه عليهم وعارف هما بيتكلمو فى عشان فريق الوحوش بيقرو حركه الشفايف
ادهم : جاسر
جاسر : .........
ادهم : انت ياض
جاسر : عايز اى سبنى اركز
ادهم : تزكر ف المزز مش كدا
جاسر : عارف لو سيف سمعك هيعملك بطاطس محمرة
زين : خلينا نتعرف عليكم واحد واحد
كل الطلاب بدو يعرفو عن نفسهم لحد ما وصلنا عند البنات
ليان احمد عمران الخامسه جامعه عين شمس
ريم احمد عز الرابعه جامعه عين شمس
ديما جمال عبدالله التانيه جامعه عين شمس
ملك حسن الحسينى التالته جامعه عين شمس
حياه حسين الرفاعى الاولى جامعه عين شمس
وهنا رفع سيف نظره لما سمع الاسم
سيف بحده : عيدى تانى اسمك اى
حياه بخوف : حياه حسين الرفاعى الاولى جامعه عين شمس
سليم وزين بصو ع صاحبهم اللى ظهر على وشه ملامح الغضب ...
زين : الوقت هتتقسمو على مجموعتين مجموعه الاولى هتكون معانا والمجموعه التانيه هتكون مع المقدم مالك
وبدا التقسيم والبنات طلعو كلهم مع فريق الوحوش وكان معاهم مريم و احمد ومحمد و مؤمن
جاسر : الوقت هتتوزعو على الاوض اتفضلو عشان تستريحو شويا وبكرة من الساعه ٥ هنبدا تدريب باذن الله..
روايه عندما يقع الوحوش فى العشق
««الفصل الثالث»»
البنات دخلو الاوضه بتاعتهم وكان معاهم مريم
ليان وهى بتنام على السرير : انا هموت من الجوع يا بنات هموت لو ماكلتش
ملك : انتى ليكى نفس تاكلى يا بنتى بعد الاشكال المرعبين اللى شوفناها بره
ديما : عندك حق والله يا لوكا انا كنت هموت من الخوف مش كدا يا حياه
ريم شافت حياه سرحانه: حياه
حياه : ......
ملك قربت من سرير حياه وقاعدت جمبها : حياه مالك يا حبيبتى
حياه فاقت : لا وحاجه انا بس تعبانه من الطريق
ليان : طب يلا ننام عشان هنصحى من بدرى بدل ما يجو ياكلونا الوحوش
كل بنت راحت على سرير ونامت على عكس الحياه اللى كانت بتفكر فى سيف انه لما سمع اسمها ملامح وشه اتغيرت وكانه يعرفها
حياه فى نفسها: انا بفكر كتير لى اكيد مكنش سمع صوتى كويس انا كنت متوترة وصوتى ماكنش عالى انا انام احسن
-------------------------
البنات كانو نايمين فجاه سمعو صوت خبط جامد على باب الاوضه
ليان قامت بفزع تفتح الباب لقت بنن لابسه لبس جيش
ليان : فى اى
البنت: خدوا الهدوم دى تلبسوها وياريت متتاخروش على التدريب
البنات قامو وصلو ولبسو الهدوم وخرجو راحو مكان التدريب
سيف بصوت جهورى : عندكو نص ساعه فطار وبعد كدا هنبدا محاضرات نظريه
البنات راحو مكان الفطار
ملك : روحى يا حياه انتى وديما دورو على طاوله وانا وليان وريم هنجيب الاكل
ديما : ايه ده مافيش ولا طاوله فاضيه هنعد فين
مريم كانت قاعده مع الشباب شاورتلهم يروحو يعدو معاهم حياه بصت لقت ان طاوله الوحوش جمبهم بظبط حاسه ان قلبها مقبوض بسبب سيف ومتعرفش لى
ديما: مالك يا حياه انتى من وقت ما وصلنا وانتى مش طبيعيه
حياه : لا ابدا انا كويسه بس يمكن عشان المكان غريب عليا
حياه وديما راحو اعدو مع مريم
مريم : انتو عيونكو حلوة اوى ماشاء الله يا بنات دول لينسيسز ولا طبيعى
ديما : لا طبيعى طبعااا الحمدلله
حياه : وانتى زى القمر يا مريومه والله
مريم : مرسيي يا حياه انا بجد حبيتك اوى من اول ما شوفتك
ديما قامت حضنت حياه : حياه دى مش صحبتنا بس لا دى امنا . اومال بقي لو شوفتى سوسو مزة اخر حاجه
مريم: مين سوسو دى
حياه : دى مامتى
كل ده طبعا الوحوش سمعينه عشان قريبين منهم
زين فى نفسه : اى الرقه دى كلها . اى اللى انا بفكر فيه ده
ليان وريم وملك جم ومعاهم الاكل وفطرو فى جو مخلاش من الهزار والضحك ومتابعه الوحوش ليهم
سيف وقف : وقت الفطار خلص يلا كله على برا عشان نبدا المحاضرات
اتجمع الطلاب وبدا ادهم يتكلم : الوقت هنتقسم كل ١٠ طلاب مع فريق
احمد ومحمد و مريم وشهد ومؤمن وحياه وليان وملك وديما وريم هيبقو معايا انا وفريقى
و١٠ باقيين هيبقو مع المقدم مالك يلا كل مجموعه على قاعه المحاضرات
راحو البنات وباقى المجموعه على القاعه وبدا سليم يشرحلهم اى اللى مطلوب منهم واى هى قواعد المكان واللى ممنوع اى حد يتخطاها
زين : يلا على ساحه التدريب عشان هنبدا
خرجو المجموعه وبدا جاسر يشرح اى هو التدريب
جاسر : اول تدريب هو الجرى هنجرى ٢٥٠ متر رايح جاى
سيف بحده : اللى هيتابع معاكو التدريب المقدم ادهم والمقدم جاسر يلا ابدؤا
بدا البنات وباقى المجموعه الجرى
ريم : كان مالى انا ومال تدريب وجرى وضرب نار
ملك : انشفى كدا ي بنت دول شويا جرى يعنى
حياه : انتى هتقوليلى عليكى بتعشقى الجرى اد عينيكى
البنات خلصو واعدو على الارض مش قادرين يتحركو
ليان : اه يانى ياما اه يا شبابى اللى راح انا عرفت اخرى هو الجواز والبيت
الفريق والمجموعه كلهم بيضحكو عليها
زين : الوقت كل ٢ من طلاب مطلوب منهم بحث معين وطبعا هتستعينو بالمكتبه وفى كمان كتب فى مكتب كل مقدم فينا لو احتاجو منهم تقدرو تستعينو بيهم الوقت المقدم ادهم هيوزع عليكم الابحاث
كانت (حياه مع شهد) و(ملك مع مؤمن) و (ريم مع مريم) و(ديما مع مؤمن) (ليان مع احمد)
بدؤا الطلاب يدورو ع الكتب ويسالو الشخص المسؤال عن المكتبه عن اماكن كل كتاب واكتشفو ان فى كتب من اللى محتاجنهم موجوين عند الفريق وفاتفق كل طالبين ان واحد يفضل فى المكتبه وتانى يروح يجيب الكتاب التانى من عند الفريق
--------------------
ملك وصلت عند مكتب المقدم سليم العسكرى دخل وقاله ان فى طالبه بره عايزة تدخل
سليم : دخلها
العسكرى خرج وقالها تدخل
خبطت ملك ودخلت
ملك : السلام عليكم يا كابتن
سليم رفع نظره : وعليكم السلام اتفضلى يا انسه ملك
ملك قربت واعدت وسليم مركز مع كل حركه بتعملها
ملك : لو سمحت يا كابتن انا كنت عايزة كتاب عن ..... وعرفت انه موجود عند حضرتك
سليم بابتسامه تسحر : بغض النظرة عن كلمه كابتن ايوا الكتاب موجود عندى تقدرى تاخديه من المكتبه اللى موجوده هناك وعندك مجموعه تانيه من الكتب لو احتاجى منهم تقدرى تاخديهم
ملك فى نفسها : ياخربيت جمال ضحكتك
ملك : احمم انا اسف انى بقول كابتن بس دى طبيعتى
سليم : لا عادى ولا يهمك اتفضلى خدى الكتاب
قامت ملك وراحت ناحيه المكتبه ووقفت مبهورة من كميه الكتب اللى موجوده فيها واخدت الكتاب اللى هى محتاجاه والتفت لسليم اللى متابعها وفى على وشه ابتسامه ميعرفش اى هى سببها
ملك : شكراا يا كابت.. اصدى يا سياده المقدم كويس كدا
سليم : حلو اوى
ملك خرجت وسليم سرح فى ملك وعفويتها اتفتح الباب ودخل سيف وزين
سيف : سليم
سليم ......
زين خبط على المكتب بقوة فاق سليم : اى فى اى
سيف : اى اللى واخد عقلك ياسياده المقدم
زين : يكون الانسه ملك اللى كانت هنا مثلا
سليم ضحك.....
روايه عندما يقع الوحوش ف العشق
««الفصل الرابع»»
ليان دخلت مكتبه ادهم بعد ما اذن ليها بدخول
ليان : لو سمحت يا فندم كنت عايزة كتاب .....
ادهم بحب : طب اتفضلى الاول يا انسه
ليان فى نفسها : ده ماله ده عبيط ولا اى
ليان : لا شكرا يا فندم انا عايزة الكتاب عشان اخلص البحث
ادهم : اكيد اتفضلى الكتاب اهو
ليان اخدت الكتاب وخرجت وهى بتشتم فى ادهم
---------------------
ديما وصلت عند مكتب زين وخبطت واذن ليها بدخول
دخلت ديما وكان زين باصص فى الورق اللى ادمه
ديما : مساء الخير ياسياده المقدم
زين رفع عينه وشافها واقفه متوترة فابتسم: اتفضلى يا انسة..
ديما : ديما
زين : اتفضلى يا ديما
ديما قاعدت على الكرسي اللى ادام المكتب وهى متوترة : انا كنت محتاجه كتاب... والمسؤل عن المكتبه قالى انه موجود عند حضرتك
زين : مظبوط الكتاب ده عندى تشربي اى على ما اطلعلك الكتاب
ديما : لا شكرا يا سياده المقدم انا بس محتاجه الكتاب عشان اخلص البحث حضرتك عارف المقدم سيف اكيد هيتعصب علينا لو مخلصناش البحث
زين : اكيد المقدم سيف عصبي بس بيحب شغله
ديما بعفوية : انتى هتقولى ده صوته لوحده يرعب . يا نهار اسود اى اللى انا بقوله ده انا اسفه يا سياده المقدم انا همشي احسن
خرجت ديما بسرعه من المكتب
زين : يخريبت رقتك وحلاوتك . ايه ده نسيت الكتاب
الباب خبطت ودخلت ديما وهى مكسوفه : انا اسفه بس نسيت اخد الكتاب
قام زين وجاب الكتاب من الرف وقالها : اتفضلى يا دمدومه
ديما وشها بقي احمر من الكسوف واخدت الكتاب وخرجت بسرعه
زين : انا شكلى هقع ولا اى
--------------------
ريم قاعده على كرسي اللى فى مكتب جاسر وهو بيطلع الكتاب ولف ليها
جاسر : اتفضلى يا انسه ريم
ريم : شكرا يا افندم واسفه لو عطلت حضرتك
جاسر : لا عادى ولا يهمك انتى تعطلينى براحتك
ريم باستغراب : نعم!!
جاسر : لا متاخديش في بالك
ريم :عن اذن حضرتك وخرجت
------------------
حياه واقفه قادم مكتب سيف وقلبها بيدق جامد
خبطت على الباب وسمعت صوته وهو بياذن بدخول
دخلت حياه وكان عطيها ضهره
حياة : مساء الخير يا سياده المقدم
لف سيف وشافها قادمه وهو مركز نظره عليها
حياه اتوترت بسبب نظراته
سيف بحده : هتفضلى واقفه كدا كتير
حياه بخوف : انا كنت محتاجه كتاب...
سيف : كتاب موجود فى المكتبه تقدرى تاخديه
حياه راحت ناحيه المكتبه وبدات تدور على الكتاب وسيف متابع كل حركاتها حياه لقت الكتاب واخدته : شكرا يا سياده المقدم وخرجت
سيف اتصل على شخص :حياه حسين الرفاعى بكرة تكون كل معلوماتها عندى
-----------------
انتهى اليوم والطلاب كانو سلمو الابحاث وراحو على غرفهم وكل واحده فيهم اترمت على سريرها نامت من التعب
-----------------
فى صباح يوم جديد
اجتمع الطلاب فى ساحه التدريب بعد الفطار
وبدا ادهم يشرح اى هو التدريب
ادهم : تدريب النهارده هيكون عباره عن هتزحفو تحت السلوك وبعد كدا هتتسلقو الحائط وهتعدوا بين حلقات النار دى وبعد كدا هتكونو وصلتو للحاله اللى المفروض تنقذوها
مفهوم كدا
كل الطلاب مفهوم
بدا البنات وباقى الطلاب بالتدريب
الطلاب خلصو التدريب ووصلو للحاله اللى المفروض ينقذوها
وكانت ريم اللى عليها الدور
ريم زحفت تحت السلوك واسلقت الحائط ووصلت عند حلقات النار ووقفت مرة واحده وبدات تظهر قادمها صور بمكان مشتعل بنار وبنتين صغيرين وابوهم جوا المكان ده وبتمسك راسها حياه شافت ريم ونادت عليها بصوت عالى رييييييييم انتى كويسه وفجاه ريم بيغمى عليها بتقع على الارض والبنات كلهم بيجرو عليها عشان يطمنو عليها
حياه : فوقى يا ريم وبتصرخ ريييييييييييم
ملك بتخبط على وش ريم براحه : ريم اصحى ابوس ايديكى ونبي
والبنات بتنهار خوفا على صاحبتهم وجاسر بيجى بسرعه ابعدو لازم نوديها والمستشفى وبيشيلها وبيجرى على المستشفى
ريم جوا الاوضه وبرا واقف فريق الوحوش كله والبنات منهارين
ملك بدموع: اهدوا ان شاء الله هتبقي كويسه
ديما وهى منهاره :المفروض مكناش نخليها تقرب من النار احنا اللى غلطانين وبتحط ايدها على وشها وبتعيط جامد
ليان : بس بقي ونبي يابنات كفايه عياط ريم قويه وهتفوق وهتبقي كويسه
حياه قامت وقفت ومسحت دموعها : صح ليان عندها حق احنا لو ضعفنا كدا مين هيقف مع ريم لما تفوق لازم نبقي اقويا عشان تستقوى بينا ودموعها بتنزل والبنات بيجرو عليها يحضنو بعض وبيعيطو
الشباب متابعين كل اللى بيحصل وكل واحد فيهم قلبه واجعه على دموعهم ومش عارفين السبب وجاسر فى عالم تانى لوحده مش ناسي منظرها وهى بتقع على الارض
الدكتور بيخرج بيقولهم المريضه جالها انهيار عصبي بسبب الخوف الزياده
حياه : ايوا هى عندها فوبيا من النار بسبب حادثه كانت حصلت معاها وهى صغير وخسرت فيها اختها التؤام وابوها
الدكتور : تمام هى لازم ترتاح ومتتعرضش لاى ضغط نفسي لانه هيبقي غلط عليها
ديما : طب نقدر نشوفها
الدكتور : ايوا اتفضلو هى فاقت
البنات والشباب دخلو
حياه جريت عليها واخدتها فى حضنها
ريم انهارت : فكرت انى هابقي قويه وهقدر اتخطى النار بس مقدرتش شوفتهم يا حياه شوفت الحادثه كلها قادم عينيا ماتو وسابونى يا حياه انا ضعيفه اوى
حياه بدموع بس بتحاول تكون قويه: اهدى يا حبيبتى ادعيلهم يا ريم
ملك : انتى مش ضعيفه يا ريم والله بس انتى لازم تدعيلهم يا حبيبتى بلاش تعيطى
ريم وشهقاتها عاليه: بدعى والله ربنا يرحمهم ويجمعنى بيهم فى الجنه
ديما حضنتها : بعد الشر عليكى يا ريمو بقي عايزة تسيبي مامتك ودرش واحنا اخواتك منقدرش نعيش من غيرك
ليان: بس بقي الله يخربيتكو انا مبحبش النكد
البنات كلهم ضحكو...
سيف: حمممم حمدلله على سلامتك يا انسة
ريم: الله يسلمك يا سياده المقدم
ريم عينيها بتيجى فى عين جاسر بتشوف فى عيونه دموع والحزن وبتستغرب
سليم : حمدلله على سلامتك يا ريم تقدرى ترتاحى لحد ماتبقي كويسه
زين وادهم : حمدلله على سلامتك ياانسه ريم
ريم : الله يسلمكو شكراا تعبتكو معايا
دكتور دخل : اخبارك اى الوقت يا انسه
ريم :الحمدلله احسن
الدكتور : بس لازم تفضلى هنا بكرة كمان لحد ما نطمن عليكى ولانك محتاجه راحه
سيف: اكيد هتفضل هنا ومش هتحضر اى تدريب لحد ما تبقي كويسه و تقدرو يا بنات تروحو ترتاحو انتو تعبتو النهارده
ريم مسك ايد حياه : ممكن يا سياده المقدم حياه تنام معايا معلش انا محتاجها معايا
سيف: اكيد تقدر . يلا هنستاذن احنا
وخرجو البنات والفريق ماعدا جاسر اللى واقف يبص على ريم حياه لاحظت نظراته
حياه : انا هروح اغير واجيبلك هدوم عشان تغيرى واجيلك
ريم : تمام
خرجت حياه وفضل جاسر وريم
جاسر قرب واعد على الكرسي القريب من السرير :حمدلله على سلامتك يا ريم
ريم بكسوف من نظراته: الله يسلمك حضرتك يا سياده المقدم
جاسر : كنت هموت من القلق عليكى النهارده حسيت روحى راحت لما شوفتك وقعه على الارض وصدقينى انا نفسي مش عارف السبب
ريم وخدودها حمرا من الكسوف : بعد الشر على حضرتك
جاسر: انا شكلى حبيتك يا ريم مش عارفه امته ولا ازاى بس من اول ما شوفتك انا مشدود نحيتك وحاسس فى حاجه بتشدنى ليكى واول ما ناخد الاجازة هاجى اتقدملك بعد مااعرف رايك اكيد فكرى براحتك خالص وسابها وخرج من الاوضه وريم هتموت من الفرحه لانها كانت معجبه بيه من اول ما شوفته...
--------------
حياه راحت غيرت هدومها ترنج ابيض فى اسود وطرحه بيضه
واخدت هدوم لريم وخرجت وهى ماشيه كلمت والدتها
حياه: يا سوسو وحشانى موت
سهام: يا حبيبه قلبي وانتى وحشانى اوى البيت وحش من غيرك ي بنتى
حياه بدموع: ونبي يا سوسو بلاش تخلينى اعيط انا النهارده عيطت كتير
سهام:ليه يا حبيبتى مالك
حياه حكت لمامتها على اللى حصل مع ريم
سهام: يا حبيبتى خليكى معاها يا حياه متسبيهاش ابدا
حياه: احنا كلنا معاها ياماما وانا راحه الوقت عشان انام معاها فى المستشفى
سهام: طب روحى يا حبيبتى نامى وابقي سلميلى على ريم
حياه: اصبحى على خير ياسوسو
حياه بتجرى فى الطرقه خبطت فى جسم صلب وقعت على الاول
حياه : ااااااااه يانى اى الحيطه اللى خبط فيها دى
بترفع نظرها لاقت قدامها سيف وملامحه بدل على الغضب قامت واقفت بسرعه
حياه : انا اسفه يا كابتن كنت بجرى عشان ريم لوحدها
سيف برفعه حاجب: كابتن . وبعدين كنتى بتكلمى مين وايه اللى انتى لابساه ده
حياه : انا كنت بكلم ماما بطمن عليها وده ترنج عشان اعرف انام بيه
سيف بحده : طب اتفضلى ومتلفيش كتير وانتى باللبس ده
حياه استغربت : حاضر . تصبح غير خير يا كابتن وجرت بسرعه من قدامه
سيف ضحك وبعد كدا فاق : ايه اللى بفكر فيه متنساش انتقامك وراح على مكتبه
----------------------
زين كان واقف فى الجنينه اللى ورا المبنى اللى فيه مكاتب بتاعه الفريق وبيسمع صوت بنت بتتكلم وبيروح ناحيه الصوت بلاقى ديما بتتكلم مكالمه فيديو
ديما : انا صعبان عليا اوى ريم كان منظرها صعب اوى ياماما
اسماء والدتها : يا حبيبه قلبي ربنا يصبرها . انتى عامله اى يا حبيبتى وبعدين انتى خاسه كدا لى هما الناس دول مش بياكلكو ولا اى
ديما ضحكت: بناكل والله يا سمسم بس التدريبات هنا صعبه شويا وبعدين انتى عارفه بنوتك رقيقه مش حمل تدريبات وحاجات من دى
ياسين من ورا مامته : دانتى بسكوته يا قلبي
ديما : يا حبيبي واحشنى اوى والله
زين حاسه بغيرة جامده ونفسه يعرف مين ده
ياسين : طمنينى عليكى يا دمدومه ومكنتش بتكلمينا لى
ديما : كانو اخدين مننا التلفونات واول ما اخدته النهارده كلمتكو وانا كويسه يا حبيبي متخافش عليا . اومال فين لولى
ياسين : النهارده ماما اسيل تعبت وراحت تطمن عليها وتفضل معاها يومين
ديما : ابقي سلميلى عليها ولا اقولك هابقي اكلمها انا اطمن على طنط وكمان بنوتك وحشتنى ونفسي اسمع صوتها
ياسين : ماشي يا احلى وارق عمتو فى الدنيا
ديما : طبعا اومال اى
وبتقفل معاهم بعد ما بتقولهم انها هتكلمهم بكرة عشان تكلم باباها لان كان نايم وبتلف بتتفاجأ باللى واقف وراها وحاطط ايديه فى جيبه
ديما : مساء الخير يا سياده المقدم
زين بيقرب منها : مساء الخير يا دمدومه
ديما بترجع لورا وزين بيقرب لحد ما بتخبط فى الشجرة وزين بيحاوطها بين ايديه: انتى عملتى فيا اى يا ديما
ديما بكسوف: معملتش حاجه والله
زين :شقلبتى حالى انا ولا بنت بتقدر تهزنى بس انتى من اول نظرة من عينيكى اللى تسحر اى حد مش قادر مفكرش فيكى
ديما:لو سمحت ممكن تبعد مينفعش كدا
زين بعد شويا وحط ايديه فى جيبه:بعدت اهو اى رايك بقي فى كلامى
ديما:باصت فى عينيه مش عارفه اقول اى بصراحه
زين:يعنى بتبقي مبسوطه وانا معاك
ديما بدون وعى هزت راسها بنعم وبعد كدا هزت راسها بلا وهى هتموت من الكسوف
زين:لا انا كدا ممكن اضعف قادم الفراوله دى
ديما ضحكت:ممكن اروح اوضتى
زين:طبعا اتفضلى وياريت متخرجيش تانى بالهدوم دى
ديما وهى بتبص على هدومها:ده ترنج وواسع كمان
زين:بردو متخرجيش كدا تانى
ديما جرت وراحت على اوضتها
زين واقف يضحك جه من ورا سيف وسليم وادهم
ادهم: انا بجد مش مصدق نفسي بقي زين الهلالى بيضحك وبسبب بنت
زين ضربه على راسه : اسكت بدل ما اسكتك بطريقتى
ادهم حط ايده على بوقه
سليم : بس اى سر السعاده دى
سيف : نفس السر اللى بيخليك تضحك لما بتشوف ملك
جه جاسر عليهم:اى اللمة دى
ادهم:اخيراا سبت المزة وجيت
جاسر:احترم نفسك ياض احسنلك
زين:يعنى كلنا وقعنا ولسه انت يا ادهم ومعاك سيف
ادهم : لا اتكلم على سيف انا واقع من اول يوم
جاسر:سبحان الله والاتنين اجن من بعض
سليم:اصدك على مين
جاسر:انسه ليان
ادهم بيضحك: وبعدين سيف مين اللى موقعش ده مشالش عينه من على حياه لما كانت بتعيط فى المستشفى
كلهم بصو لسيف اللى واقف سرحان
سليم: انت بتفكر فى اى يا سيف حياه ملهاش ذنب فى اللى حصل زمان
سيف:لا ليها ولازم هنتقم منها
زين:اهدى يا سيف هى اكيد متعرفش حاجه والشخص اللى انت خليته يجبلك معلومات قالك انها عايشه مع مامتها من بعد وفاه باباها ومش ليها علاقه بعمها ومش بتتعامل مع حد غير البنات واهلهم بس
سيف:مش هرتاح بردو غير لما اجبلهم حقهم كفايه انهم ماتو واختى اللى فى المستشفى دى ذنبها اى
جاسر:بس بردو حياه ملهاش ذنب يا سيف
سيف: انا همشي احسن
وسابهم ومشي راح على مكتبه
زين:ربنا يهديه عشان خاطر البت الغلبانه دى
سليم:بس تصدقو محدش هيقدر يغير سيف ويخليه ينسي انتقامه غير حياه وبكرة تشوفو
الشباب:يارب
روايه عندما يقع الوحوش فى العشق
««الفصل الخامس»»
فى صباح يوم جديد ريم لسه فى اوضتها فى المستشفى الباب خبط
ريم:اتفضل
دخل جاسر ومعاه بوكيه ورد باللون الاحمر:صباح الجمال
ريم ووشها فى الارض:صباح الخير
جاسر:لا ونبي بلاش كسوف وبعدين انا داخل عليكى بورد احمر
جاسر وهو بيقعد على الكرسي: تعرفى انا عانيت اد اى عشان اقدر ادخل الورد ده هنا بس كلها عشان خاطر عيونك يا جميل
ريم بتتكسف: شكراا بجد
جاسر :شكرا حاف كدا يعنى بعد كل اللى عملتو ده وتقوليلى شكراا بس
ريم :اومال المفروض اقول اى
جاسر: قولى شكرا يا حبيبي وقلبي وروحى كدا يعنى
ريم: شكرا يا جاسر بجد على الورد
جاسر:طب تصدقى اول مرة احب اسمى كدا
ريم وشها جاب كل الالوان
-------------
ملك بتخبط على باب مكتب سليم وياذن لها بدخول
ملك:حضرتك طلبتنى
سليم:ايوا اتفضلى يا ملك خلينا نتكلم شويا
ملك بتقعد على الكرسي
سليم: تشربي اى
ملك: لا شكراا ملوش لزوم
سليم: لا لازم عصير فراوله ممكن
ملك: طب ممكن نخليه لمون عندى حساسيه من الفراوله
سليم:تمام ونادى على العسكرى وطلب منه فنجان قهوة ساده وعصير لمون وقام وراح اعد على الكرسي قدام ملك
ملك:خير يا افندم انا عملت حاجه
سليم:ده انتى عملتى اكبر مصيبه ممكن تعمليها فى حياتك
ملك: مش فاهمه حضرتك بتتكلم على اى انا بجد معملتش حاجه
سليم :سرقتى
ملك بصدمه وقامت وقفت:انا سرقت ابدا والله محصلش
سليم قرب عليها:سرقتى قلبي يا ملك
ملك فتحت بوقها من الصدمه وسليم ضحك على شكلها
سليم: طب ممكن تقعدى عشان نتكلم بجد
ملك اعدت وسليم اعد قدامها
سليم: بجد انا مش عارفه حصلى اى من وقت ما شوفتك يا ملك عايز اول ما ننزل اجازة تاخديلى معاد مع باباكى عشان اجى اتقدملك
ملك: ........
سليم : ملك مالك
ملك: لا ابدا مش عارفه اول مرة اتحط فى موقف زى ده مش عارفه المفروض ارد اقول اى
سليم: خليكى على طبيعتك خالص يا ملوكه
ملك بتتكسف:ممكن اخرج لو سمحت
سليم:اكيد اتفضلى ومتنسيش تاخدى معاد مع باباكى
ملك: حاضر عن اذنك
----------------
بيخلص شهر التدريب والبنات ومعاهم مريم واحمد ومؤمن ومحمد بيتفوقو على كل المجموعه وبيتم تعينهم فى مستشفيات العسكريه لنجاحهم واجتيازهم للتدريبات والاختبارات وطبعا البنات حكو لبعض على ان الشباب هيتقدملهم لما ياخدو الاجازة الا حياه اللى كانت حاسه بخوف من ناحيه سيف بس فى حاجه جواها بتكون مبسوطه لما بتتكلم معاه او بتشوفه على عكس سيف اللى بيحاول يتجاهل حياه عشان يثبت لصحابه انه مش بيحبها وان هدفه هو الانتقام وبس وبيجى اليوم اللى المفروض يمشو فيه
ليان خارجه بتجرى عشان تلحق الفطار بتتفاجا بحد بيشدها ويدخلها اوضه وبتلاقيه ادهم
ليان:انت مجنون يابنى
ادهم:مجنون بيكى يا قلب ادهم وبعدين انا مش ابنك انا هابقي زوجك المستقبلى ان شاء الله
ليان بتكسف بس بتحاول تدارى:انت مش مجنون بس لا وعبيط كمان ابعد لو سمحت خلينى اخرج
ادهم:هسيبك تخرجى يا موزتى بس اعملى حسابك هاجى اشرب شاى مع باباكى
ليان عينيها بتدمع:بابا وماما الله يرحمهم انا عايشه مع مرات ابويا واخويا الصغير
ادهم:تمام هاجى اشرب معاكو الشاى بردو مانا هتجوزك يعنى هتجوزك
ليان بتضحك وبتخرج بسرعه من الاوضه وبتروح ع المطعم
---------------
فى المطعم قاعدين البنات معادا ديما وليان على طاوله قريبه من الشباب وبتيجى ليان وهى بتجرى ووشها احمر وبتقعد على الطاوله
ريم:مالك يا بنتى وشك زى الطماطم كدا لى
ليان:لا ابدا انا بس كنت بجرى عشان الحق الفطار
بعد شويا بيدخل ادهم المطعم وبيروح يقعد مع الشباب
جاسر:انت عملت اى ياض البت وشها قلب طماطم
ادهم:ولا اى حاجه وحياتك انا بس قولتلها هاجى اتقدملك
على طاوله البنات تلفون ريم بيرن مكالمه فيديو بترد
ريم:اى يا درش وحشنى بقي يا واطى متسالش عليا وانا كنت تعبانه
درش:مانتى زى القرد اهو
ليان: متغلطش فى القردة . اصدى فى ريم
حياه:عامل اى يا درش واخبار الدراسه
درش:اسكتى يا حياتى ونبي متجبيش سيرة الدراسه احسن بطنى بتوجعنى
البنات بيضحكو وسيف بيحس بنار لما بيقولها يا حياتى
ملك:هو انت يابنى هتفضل فاشل كدا كتير
ديما بتدخل المطعم وبتشوف زين مركز معاها وبتتكسف وبتروح تعد مع البنات
ديما:يا درش وحشنى والله
درش:شايفين الرقه والجمال كأنى كنت بكلم صحابي طبعا الكلام مش ليكى يا حياتى
حياه بتضحك:يابنى انتى شكلك هتاخد علقه منهم لما نروح
ديما:واحنا اكيد مش هندافع عنك يا درش
درش:بقي بتبعينى يا موزتى وانا اللى كنت ناوي اجبلك شوكلاته اللى بتحبيها
ديما: ده انت حبيبي يا درش والله
زين بيحس بغيرة وبيقسم لو شاف درش ده هيقتله
ليان:سيبك منهم بقي ادم عامل اى وحشنى اوى
درش:كويس الحمدلله استنى هنادى عليه
ادم:صباح القشطه ولوز على احلى مزز فى الحته
البنات بيبصو لبعض
حياه:مين ده
ادم:اخس عليكى يا حياه نسيتى دومى
ديما:دومى مين هو درش عمل فيك اى
ليان:انا اللى غلطانه المفروض كنت اسيبه مع سوسو الولد بقي سرسجى
ادم:كشكشيها ومتعرضيهاش يا اوختى
ريم: يا نهار اسوح ده درش بس على صغير
درش:تربيتى ياض يلا روحو بقي هنروح نلعب جيم بلاى ستيشن
البنات بتقفل وبينفجرو ف الضحك وليان مصدومه:بقي ده ادم اخويا لالا دانا كنت سبته مع وفاء ارحم
ملك:يلا عشان يعرف يجبلك حقك من فوفه
البنات بتضحك
ديما:اخيرا هناخد الاجازة بقي
ريم:انا ناويه اقضيها نوم وبس
ليان:وانا ناويه اقضيها عند سوسو فى المطبخ
حياه:يابنتى انتى همك على بطنك كدا على طول
ليان:اسكتى دانا نفسي فى ورق عنب وبشاميل ومحشي وصنيه الفراخ بالبطاطس ورقاق وكيكه بشوكلا وكنافه و..
ديما:اى كل ده يا بنتى ارحمى بطنك شويا نفسي اعرف بتودى الاكل ده فين
ملك:زى القطط بتاكل وتنكر
ليان:اتريقو اتريقو على اساس مش هتروحو عند سوسو اول ما نروح
ريم:ودى فيها كلام اكيد هنروح وحشنى ورق العنب بتاعها
ديما:وانا كيكه بالشوكلاته
ملك:وانا بشاميل
حياه:محدش فيكو قال ان سوسو هى اللى وحشاه يا اندال والله اقولها
ليان بتغنى:اندال اندال اندال
ملك بتطبل على طاوله:ولله مافيكو جدعان
البنات بيضحكو وكل ده والشباب متابعينهم وفى ابتسامه على وشهم ...
-----------------
البنات بيروحو ع الاتوبيس وبيركب معاهم باقى الطلاب والفريق وبيوصل كل طالب على بيته بينزل كل الطلاب وبيكون لسه (البنات والفريق البنات بيكونو قاعدين ديما وحياه وملك ورا خالص
وريم وليان الكرسي اللى قدامهم والشباب اعدين قدام ورا السواق )
وتلفون حياه بيرن
حياه: يا سوسو انا فى الاتوبيس اهو يا حبيبتى
ليان : افتحى الاسبيكر يا حياه
حياه بتفتح الاسبيكر
ليان: سوسو يا حياتى وحشانى والله
ملك: قولى وحشك مطبخ سوسو مش سوسو
ديما: ازيك يا سوسو وحشتينا اوى
ريم: انا بقي وحشنى حضنك يا سوسو ياقمر
سهام: اصبرو عليا انت وهى مش لحقه ارد على مين فيكو بس انتو كلكو وحشتونى
ليان:متنسيش يا سوسو اللى طلبته منه
سهام: عملت كل اللى طلبتيه يا ليان ودومى معايا كمان
ليان: دومى اى ده بقي سرسجى بسبب درش بس اما اجيلو والله لاعلقه من قفاه
البنات بيضحكو
سهام : هى حياه كويسه يا بنات
حياه: يا حبيبه قلبي انا كويسه والله لى مش عايزة تصدقينى
سهام: بقالى كام يوم بحلم احلام مش حلوة ليكى يا قلب امك وقلبي مقبوض حساكى مش كويسه
ملك: حياه فل الفل يا سوسو متقلقيش وبعدين هو حد يقدر يقرب من حياتنا بردو
سيف بيسمع الكلام وبيقوله فى نفسه: لسه التقيل جاى
سهام: طيب اسيبكو واروح اكلم الاكل عشان الحق اخلص قبل ما توصلو
البنات فى نفس واحد: ماشي يا سوسو ياقمر
ملك: سوسو احساسها عمره ما خيب من نحيتك ابدا يا حياه انتى كويسه
حياه: حتى انتى يا ملك والله انا ميت فل وعشرة
ليان: اى ده اللى سمعته ده صح دى حياه اللى بتتكلم
ديما: شكلك بهتى عليها
ريم بتقوم تقف : بنات انا عايزة اقول حاجه
ليان بتقف جمبها: المايك معاكى يا افندم
ريم : انا بحبكو اوى اوى انا مقدرش اعيش من غير حضن حياه وحنيه ديما وقلب ملك وهبل ليان
ليان:الله يسامحك يا شيخه
ملك :طول ما الدنيا بينا بتلف احنا هنفضل كتف بكتف
ليان بتصرخ والبنات بيتخضو: يلا شغليها وبيشغلو الاغنيه وبيغنو معاها وبيسكتو مرة واحده لما بيسمعو سيف بيقول : مش كفايه كدا بقي
سليم قام من مكانه وراح ناحيه ملك: تعالى يا ملك عايزك فى موضوع ملك بتتحرج وبتقوم وبياخدها ويقعدو فى مقعد فى نص الاتوبيس
ملك: حضرتك ازاى تعمل كدا
سليم: عملت اى
ملك: حرجتنى قدام البنات والفريق
سليم: اولا الشباب عارفين انى هتقدملك واكيد انتى قولتلى للبنات وياريت متنسيش تكلمى باباكى عشان فى اقرب وقت هاجى اتقدملك
ملك: بس بسرعه دى انا معرفش اى حاجه عنك ولا انت تعرف٢ حاجه عنى
سليم: هتقدملك وبعد كدا نتعرف على بعض براحتنا عشان لما اكلمك او اقبلك منحسش اننا بنعمل حاجه غلط فهمانى
ملك بتفرح اوى من كلامه وبتبص في عينيه: فهماك .بس ممكن ارجع عند البنات
سليم :لا خليكى اعده معايا ممكن
ملك بتهز راسها بنعم
ورا عند البنات
ليان بضايق فى ديما وهى بتقرا روايه رومانسيه
ديما: بس بقي يا بنتى سبينى اركز
ليان من غير ما تقصد بصوت عالى : تركزى فى اى ياموكوسه روحى خدى المز بتاعك وحبو فى بعض بدل الروايات اللى بتقرايها دى
زين بيسمع الكلام و بيضحك
ديما: الله يخربيتك اى اللى بتقوليه ده بصى انا هسيبلك المكان وهمشي وبتروح تقعد فى كرسي لوحدها بيقوم زين يقف
ادهم:على فين العزم
زين بيضربه فى راسه: اخرس وبيمشي
ديما بتتفاجا اللى بيقعد جمبها وبتتحرج اوى: لو سمحت مينفعش كدا
زين: اى هو اللى مينفعش
ديما: ان حضرتك تيجى تقعد هنا جمبي
زين:اصل بصراحه انا لقيت ان صحبتك معاها حق
ديما: صحبتى مين وعندها حق فى اى
زين: انك يا موكوسه تاخدى المز اللى هو انا ونقعد نحب فى بعض
ديما بدون وعى: الله يخربيتك يا ليان فضحتينى
زين:ديما لازم تاخديلى معاد مع بابكى واخوكى فى اسرع وقت
ديما بتهز راسه بنعم وهى مكسوفه
زين: لا كدا كتير عليا
ديما بتبصله وهى مش فاهمه
زين :خدودك اللى بتقلب فراوله كل مااجى اكلمك
ديما:انا هرجع اقعد مع البنات
زين بيمسك ايدها :لا مش هتقومى من جمبي غير لما توصلى بيتك وبعدين هاتى رقمك
ديما: لا مينفعش غير لما استاذن بابا وياسين اخويا
زين:طب مانتى اقعده معايا وبنتكلم وهما ميعرفوش
ديما: انا مستحيل اعمل حاجه من ورا ياسين اخويا انا حكيتله على كل حاجه بس قولته ميقولوش لبابا غير لما اتاكد ان كل حاجه حقيقه
زين: حقيقه انت مفكرة انى هكون بتسلى بيكى مثلا
ديما: انا اسفه والله بس كنت خايفه مش اكتر
زين بحده اول مرة تشوفها ديما: انا لو حابب اتسلى كنت اتسليت فى بنات كتير بيتمنو نظرة بس منى بس انا ولا كأنى شايفهم يا ديما وانا اسف لو كنت خوفتك وبيسبها ويقوم يرجع مكانه
ديما فى نفسها: انتى غبيه يا ديما غبيه
ورا عند البنات ريم كانت بتكلم جاسر على الواتس
جاسر : ماتيجى نعمل زيهم وتقعدى معايا
ريم: لا طبعا مش هعمل كدا
جاسر : ماشي يا ريم ليكى يوم
ريم:ههههههه
عند ليان بتطلع قدام وبتقول لادهم: لو سمحت يا اخ ماتخلى السواق يقف فى اى مكان نجيب اكل انا جعانه
ادهم:يابنتى ارحمى نفسك اموت واعرف بتودى كل الاكل ده فين
ليان وهى بتشاور على بطنها: هنا وبعدين هو انت بتعد عليا انا باكل على حسابك مثلا
ادهم: فى المستقبل يا موزتى
ليان بغباء: ازاى مش فاهمه
ادهم: لما تبقي مراتى يا حجه شغلى مخك شويا
ليان : تصدق انا غلطانه انى بتكلم معاك وبتسيبه وتمشي وادهم بيضحك
سيف بيقوم يقف وبيروح لسواق :شد شويا عشان نوصل قبل الليل وبيلف عشان يرجع مكانه بيشوف حياه قاعده سانده راسها على الشباك وسرحانه وبيقف شويا يتابعها
زين بيروحله بيتكلم بخبث :حلوة مش كدا
سيف بدون وعى: اوى وبيفوق وبيبص لزين بطرف عينه
زين: افتح قلبك يا صاحبي بلاش تخسرها حياه كويسه حرام تحاسبها على حاجه ملهاش ذنب فيها
سيف بيسيبه ويروح يقعد مكانه
و بعد ساعه الاتوبيس بيوصل لمنطقه اللى عايشه فيها البنات وبينزلو وبيتفقو ان كل واحده هتروح بيتها تسلم على اهلها وتغير وهيروحو يتغدوا فى بيت حياه عند سوسو...
 روايه عندما …){kind=link}
تعليقات
إرسال تعليق
فضلا اترك تعليق من هنا