روايه فى قبضة الفهد الفصل السادس والسابع والثامن والتاسع والعاشر بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الفصل السادس والسابع والثامن والتاسع والعاشر بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد
««الفصل السادس»»
اشرقت شمس يوم جديد
تمارا صحت من النوم بعد الضهر واتوضت وصليت فرضهاا وكلمت مريم
تمارا :مريومه صباح القشطه
مريم:صباح الخير ياتوتا بتجهزى للمؤتمر
تمارا:لسه ...حاطين شرط الكل يلبس رسمى واسود
مريم ضحكت:عدوه الاسود هتعمل ايه
تمارا:مضطرة البس اسود
مريم:وانت معاكى حاجه سودة دى غريبه
تمارا:انا معايا سوت رسمى هتكون مناسبه للمؤتمر هلبسها وامرى لله
مريم:طب يلا ياروحى عشان تجهزى عايزاكى تكونى قمرايه
تمارا:طبعااا
الاتنين ضحكو وتمارا ودعت مريم وقفلت وطلبت فطار وبعد ماخلصت راحت عشان تلبس لبست سوت رسمى بلون الاسود وداخلها لون اوف وايت وشوز بكعب اسود وطرحه اوف وايت وحاطه ميكب رقيق وكانت قمرايه
تمارا اتصورت كتير وبعتت لمريم الصور وفضلو يتكلمو كتير واتساب تمارا بصت فى الساعه كانت الساعه ٤:نهار اسود اتاخرت
اخدت شنطتها السودا وخرجت بسرعه من اوضتها ونزلت واتقابلت مع الطلاب البنات وراحو مكان المؤتمر تمارا كانت مركزة جدا فى كل حاجه والدكاترة من دول كتير طلعو اتكلموو وبعد وقت طويل المؤتمر خلص وكانت الساعه ٩ تمارا خرجت من القاعه وفتحت فونها لقت مسدجات من مريم كلمتها وحكتلها كتير على المؤتمر
مريم:توتا
تمارا:نعم
مريم:حسن صعبان عليا اوى بقي مكلمنى النهارده ٥ مرات يسالنى عنك
تمارا:هو السبب يامريم لو ماكنش اجبرنى على الجواز من الزفت تامر مكنتش ههرب ابدااا تصدقى انه شاكك فيا بيقولى الناس كلها بتتكلم انك بتحب واحد وماشيه معاه يعنى مصدق الناس ومكذب اخته هو السبب انى اسيب البيت واهرب
مريم:طب اهدى ياحبيبتى انتى ناويه ترجعى امته
تمارا:يومين كدا يامريم اكيد هابقي اعرفك
مريم:حاضر ياتوتا خدى بالك على نفسك
تمارا:حاضر يامريومه
تمارا مشت وكان دكتور احمد واقف وسامع كل كلامها ومشي وراهااا
تمارا كانت ماشيه فى الطرقه وباصه جوا شنطتها عشان تطلع مفتاح اوضتهااا وفجاه خبطت فى جسم صلب وكانت هتقع على الارض لكن كان فى قبضه من حديد سندتها الاتنين بصو فى عيون بعض وفجاه تمارا فاقت وبعدت عنه:انا اسفه
فهد:ولا يهمك
تمارا مشت دخلت اوضتهاا وفهد كمان ودكتور احمد كان واقف وشاف اللى حصل وصورهم وطبعااا فهد كان ساند تمارا وكانت فى حضنه
احمد:انتى الى وصلتينى لكدا لما رفضتينى
وافتكر لما اتقدملها قدام الجامعه وهى رفضته وكمان دايماا بتتجاهله
احمد:الصور دى هتفيدنى اوى
ومشي راح على اوضته
=============================
فى بيت تمارا
سماح:عايز تفهمنى ان مريم متعرفش اختك فين دى مش بتتحرك من غير ماتقولها
الباب خبط بقوة راح حسن يفتح كان تامر:فين تمارا ياحسن
حسن سابه ودخل
سماح:هربت يااخويا ومش عارفين راحت فين
تامر:ازاى يعنى اختك فضحتنى فى الحته كلها ياحسن وانا مش هسكت وهاخد حقى منها وهلاقيهااا ووقتها محدش هيقدر يقف فى وشي
تامر خرج وحسن دخل اوضته مش عارف يفكر فى اخته اللى مش عارف هى فين ولا كلام الناس اللى بيسمعه كل ما ينزل الشارع وفضل يفكر لحد ماتعب ونام
=============================
عند تمارا فى اوضتها
كلمت مريم وطمنتها انها فى اوضتها وجت تغير هدومها شمت ريحه برفيوم غريب:ايه الريحه دى ....اهااا اكيد الراجل اللى خبطت فيه...بس ريحته تجنن بجد...ايه الهبل ده ياتوتاا
تمارا غيرت هدومهااا وكانت زهقانه ومش عارفه تنام بصت فى الساعه بقت ١٠ قررت تغير وتنزل تتمشي شوياا لبست ترنج(للخروج) ابيض فى ابيض والكم والبنطلون بتاعه فى خط اسود واحمر من الجمب وطرحه وكوتشي ابيض
ونزلت تتمشي عند حمام السباحه شويااا وهى بتتمشي سرحت وفجاه لقت نفسها بعدت اوى عن الفندق وبقت عند البحر لان الفندق قريب من البحر وماكنش فى حد حوليها خالص وفجاه شافت واحد بيتكلم فى الفون بعيد عنها شويا بس صوته كان عالى ولفت انتباها كلمه تــ**ــارة الاعضاء تمارا اتصدمت وقربت شويا منه وهو اصلا صوته كان باين عليه انه مش فايق وسكران ولما قربت سمعته بيتكلم عن الدكاترة اللى حضرو المؤتمر من دول اجنبيه اللى هيتعاملو معاهم تمارا خافت ولسه هتجرى داست على ازازة من زجاج عملت صوت والشخص اللى كان بيتكلم لف وشافهااا وكان فرانكووو اللى قفل بسرعه وبص لتمارا وهى واقعه على الارض وعجبته
فرانكو:انتى بتعملى ايه هنا ياحلوة
تمارا:ولا حاجه
تمارا قامت ولسه هتجرى فرانكو كان اسرع منها ومسكها من ايدهااا:لا انتى مفكرة دخول الحمام زى خروجه يامزة ولا ايه انتى هتشرفى جناحى النهارده
تماارا برقت من الصدمه وبصت حوليها مافيش اى حد يساعدها وبتحاول تشد ايدها منها مش عارفه وفرانكو كتم بوقهااا وشدها معاه بقوة وتمارا بتقاوم بس هو طبعااا قوى جدااا وجسمه زى بتوع المصارعه
=============================
فهد فى جناحه بيتشغل على اللاب بتاعه الباب خبط ودخل كنان
فهد:خير
كنان:رجالتنا شافوه بيقرب من بنت على البحر
فهد:وايه الجديد فى ده
كنان:احم نفس البنت اللى ضربت راكان سمعته وهو بيتكلم عن الدكاترة وهو شافها
فهد قام وقف:وهما فين الوقت
كنان:فى مكان على البحر بعيد عن الفندق شويا وانا امرت رجالتنا محدش يدخل غير لما اسالك الاول
فهد خرج من الاوضه وكنان وراه وراح على المكان بسرعه
=============================
عند تمارا مش عارفه تعمل ايه عشان تبعده عنها عضت ايده بسرعه وفرانكو اتوجع وشال ايده من على بوقهااا وتمارا زقته بقوة هو اصلا استغربهااا وشافت ازازه على الارض مسكتها:لو قربت منى صدقنى هقتلك
فرانكو ضحك بصوته كله:تقتلينى طب انا عايز اشوف هتقتلينى ازاى ياحلوة
فرانكو لسه هيقرب تمارا خبطته بالازازة على راسه ودماغه اتعورت والدم نزل على وشه بس هو ولا اتاثر وتمارا خافت اكتر من نظراته اللى كلها شر ولسه هيقرب تانى كان لسه فى حته من الازازة اللى اتكسرت فى ايد تمارا خبطته فى وشه وخده اتجرح جرح كبير من تحت عينه لحد بوقه والدم جه على هدوم تمارا وفرانكو اتوجع وتمارا لما شافته وقع على الارض كانت مصدومه وحاسه ان جسمها كله اتشل ومش عارفه تتحرك فرانكو طلع جهاز من جيبه وضغط عليه وكنان وصل ومسك رمل وحدفه على وش فرانكو من غير مايشوفه وطبعااا فرانكو الرمل دخل فى عينيه ومش شايف اى حاجه وكل ده وتمارا فى عالم تانى ومش بتتحرك وفجاه فاقت لما حست بحد بيشدهااا وبيجرى ومش عارفه مين ده ودخلو الفندق وطلعو على جناح فهد ودخل وكنان دخل وراه وقفل الباب
تمارا:ايه اللى انت عملته ده
فهد ببرود وهو بيقعد على الكنبه:عملت ايه
تمارا:شددنى وراك ولا اللى شادد جاموسه وبيجرى
تمارا فجاه حطت ايدها على بوقها لما افتكرت الراجل اللى ضربته:نهار اسود انا وقعت نفسي فى مصيبه الراجل وشه اتبهدل
كنان:طب ممكن تهدى بس
تمارا:اهدى ايه الراجل كان بيتكلم عن تجارة اعضاء وفى دكاترة اجانب من اللى حضرو المؤتمر بيساعدوه
فهد:وايه المشكله
تمارا بصلته:تصدق صح ايه المشكله عادى يعنى انا شاغله دماغى ليه انا ماااشيه
تمارا لسه هتروح وتفتح الباب
فهد بحده:استنى
تمارا وقفت وخافت من صوته بس حاولت تبان قويه:يانعم
فهد:انتى مفكرة لو خرجتى من هنا هترجعى على اوضته وبكرة تروحى بيتك كدا بسهوله
تمارا:اكيد يعنى
فهد:فرانكو مش هيسيبك
تمارا باستغراب:فرانكو مين
كنان:اللى انتى عورتيه
تمارا:هيعملى ايه يعنى وبعدين انا هروح ابلغ ادارة الفندق عشان يطلبوله الشرطه وهو واللى معاه
فهد:وبعدها ايه اللى هيحصل
تمارا:هيتقبض عليهم وبس
كنان ضحك:انتى مفكرة فرانكو هيتقبض عليه كدا بسهوله
فهد:وايه دليلك على الكلام اللى سمعتيه
تمارا فكرت شويا هى صح مش معاها دليل:انا عايزة ارجع اوضتى
فهد:لو خرجتى من هنا صدقينى هتموتى
كنان:هنا امان ليكى خليكى هنا لحد الصبح
تمارا ضحكت:والله وانا ايه اللى يخلينى اصدقكو اصلااا وهنا امان ليا ليه يعنى
فجاه سمعو صوت رجاله كتير برا والباب خبط بقوة ......
روايه فى قبضة الفهد
««الفصل السابع»»
فهد:لو خرجتى من هنا صدقينى هتموتى
كنان:هنا امان ليكى خليكى هنا لحد الصبح
تمارا ضحكت:والله وانا ايه اللى يخلينى اصدقكو اصلااا وهنا امان ليا ليه يعنى قاعده فى قسم شرطه وانا معرفش
كنان بهمس:اقوى وحياتك
فجاه سمعو صوت رجاله كتير برا والباب خبط بقوة
فهد:ادخلى جوا بسرعه
تمارا:لا طبعااا
فهد شدها من ايدها ودخلها الحمام وراح قعد على الكنبه وكنان فتح الباب:فى ايه
واحد من رجاله فرانكو:بندور على بنت لابسه ابيض
فهد قام وقرب منهم وهما خافو:ليه
واحد من رجاله فرانكو:ضربت سيدى فرانكوو وهو عايزها حيه باى تمن
تمارا كانت جوا وسامعه الكلام وخافت
كنان:وايه اللى هيجبها فى جناح الفهد
فهد:انا هعديها بمزاجى ومش هعقابكو انكو جايين تدورو هنا
رجاله فرانكو خافو:اسفين سيدى
ومشو وفهد وكنان دخلو وتمارا فتحت باب الحمام وخرجت
كنان:صدقتى بقي انه مش هيسيبك
تمارا:وانا مش خايفه
فهد بصلها اوى وشاف الخوف فى عينيها بس بتحاول تبان قويه
الباب خبط تانى وسمعو صوت راكان:فهد
كنان فتحله واستغرب ان البنت اللى ضربته موجوده:البت دى بتعمل ايه هنا
تمارا:هو ايه اللى بت دى ماتلم نفسك انا ليا اسم
راكان بسخريه:وايه اسم الهانم
تمارا:وانت مالك
كنان ضحك اوى
فهد:خلصتوو
راكان بصله :رجاله فرانكو قالبين الفندق كله وبيدورو على بنت بيقولو عورته فى وشه
فون تمارا رن واتفاجت انها نسيته مفتوح وكان حسن اللى بيرن وكلهم بيبصولها
فهد:ماتردى
تمارا قفلته وحطيته فى جيبها:اظن دى حاجه تخصنى
راكان:فهد الاجتماع الكل مستنيك تحت
فهد بص لتمارا:انتى هتفضلى هنا ومش هتخرجى من الجناح واحنا هننزل وشويا كدا هنيجى واياكى تخرجى من هنا
تمارا:ليه هتحبسنى
فهد:لا مش هحبسك بس براحتك لو عايزة تموتى اخرجى من الجناح
فهد وكنان وراكان نزلو وتمارا كانت فعلا خايفه قعدت على الكنبه ومش عارفه تعمل ايه
=============================
فهد خلصو الاجتماع وطبعاا فرانكو محضرش ودانيال قالهم انه تعبان فهد وراكان وكنان رجعو على الجناح وخبط قبل مايدخل وراكان وكنان بصو لبعض دخلو كانت تمارا واقفه فى البلكونه وسرحانه وفاقت على صوت كنان:اتفضلى عشان تتعشي
تمارا:لا شكرااا شبعانه انا ممكن اروح اوضتى بقي
فهد:موقفين رجاله قدامها عشان لو رجعتى
تمارا:نهار اسود وانا هعمل ايه الوقت كل حاجتى هناك وكمان هدومى اللى كلها دم دى
راكان بسخريه:لازم تعملى فيه سوبر وامن وتضربيه يعنى
تمارا بعصبيه من سخريته:لا اسيبه يقرب منى صح مانتو الرجاله كده شايفين كل البنات زى بعض وبتتعاملو معاهم انهم حاجه بتتسلو بيها
تمارا قربت من راكان:بس احنا مش زى بعض فى بنات زى اللى كانت فى حضنك قدام اوضتى وفى نوع تانى من البنات زيي كدا بدافع عن نفسها لاخر نفس فيهاا واظن القلم اللى انت اخدته ووش الراجل اللى باظ اقوى دليل ان مش كل البنات زى بعض
راكان اضايق منها ولسه هيرد قطعه فهد:راكان
راكان سكت وبعد عنهاا
فهد:بكرة الصبح هابعت حد من رجالتى يجبلك حاجاتك
كنان:فى شغل لازم نجهزه يافهد
راكان:وهنجهزه ازاى وهى موجوده يااذكى اخواتك
تمارا بصلته:انت محسسنى انى هموت واقعد معاكو
راكان:ماتمشي هو حد ماسك فيكى
وتمارا بصلته بغضب وراحت ناحيه الباب عشان تخرج
فهد:انت راحه فين
تمارا:ماشيه انا اعرف احمى نفسي مش محتاجه لمساعده حد
تمارا خرجت وراحت ناحيه اوضتهاا وماكنش حد واقف قدامها زى ماقالها:يعنى كان بيكذب عليا
تمارا دخلت اوضتها وقفلت الباب وبتلف لقت رجلين جسمهم ضخم قدامهااا تمارا خافت ولسه هتجرى عشان تفتح الباب مسكها واحد منهم وحط ايده على بوقهاا وطلع حقنه من جيبه وودبها بقوة فى دراعها وفى اقل من ثانيه كانت مغمى عليهااا اشتالها وبيفتح الباب لقى فهد فى وشه واترعب منه:سيدى
فهد:اخدها فين
رجل:لسيدى فرانكو
فهد اخدها منه وحطها على السرير ولف وطلع مسدسه اللى فيه كاتم وقتل الراجلين وكنان وراكان امرو رجالتهم تاخدهم
فهد لف وشافها مغمى عليها وشالها واخدها على جناحه ونيمها على السرير وغطاها كويس وخرج لكنان وراكان:عايز اعرف كل حاجه عنهاا
كنان:اعتبره حصل
وخرجو الاتنين من الجناح وفهد قعد على الكنبه يشتغل على اللاب بتاعه لحد ماطلعت شمس يوم جديد
=============================
صباح جديد فى بيت تمارا
سماح:انا قولتلك وانت مصدقتنيش
حسن:قفلت تلفونها تانى
سماح:تامر سافر شرم عشان يجيبها ويجى
حسن:انا مش مصدق ان اختى تمارا اللى انا مربيها تعمل كدا تهرب مع واحد
سماح:والله اعلم بينهم ايه عشان تبقي فى حضنه بشكل اللى فى الصورة ده
حسن:حتى مريم اللى المفروض تعرف عنها كل حاجه متعرفش مين اللى معاها فى الصورة وبتقول ماشافتوش قبل كدا
سماح:اكيد بدارى عليها
حسن:لما تامر يجيبها وهنعرف كل حاجه منها
============================
فى بيت مريم
عماله تلف فى الاوضه:انتى فين ياتمارا من امبارح ليه مش بتفتح فونها ولازم اقولها على موضوع الصور ده ...ياربي ياترى مين اللى بعتها لحسن ومين اللى مع تمارا ده انا متاكده تمارا مش هتعمل حاجه غلط
زينب فتحت الباب ودخلت:ايه الكلام اللى بيتقال على تمارا ده يامريم
مريم باستغراب:كلام ايه ياماما
زينب:الست ام محمود وام فتحى بيقولو ان تمارا هربت مع واحد وفى حد بعت صور لحسن وهى معاه
مريم:وهما عرفو ازاى
زينب:من سماح هى بجد هربت مع حد
مريم:تمارا راحت عشان تحضر المؤتمر ياماما وانا متاكده ان الصور دى مش صح تمارا عمرها ماتغلط انتى عرفاها
زينب:راحت شرم لوحدها طب ليه يابنتى
مريم:انا خايفه عليها اوى ياماما تمارا فونها مقفول من امبارح
زينب:هى كانت بتكلمك
مريم:ايوا
زينب:وازاى متعرفيش اخوها انها بتكلمك وانك عارفه مكانها يامريم
مريم:انا وعدت تمارا ياماما وهى كانت هتحضر المؤتمر وتيجى
زينب:بردو انتى غلطانه يامريم كان لازم تعرفى اخوها ده هيموت من القلق عليها
مريم:اللى حصل بقي انا عايزة اطمن عليها بس
=============================
فى جناح الفهد
تمارا بدات تفوق والرؤيه كانت مش واضحه بدات تفتكر اللى حصل معاها وقامت بسرعه قعدت على السرير وكانت فى اوضه غريبه قامت بسرعه وخرجت من الاوضه لقت انها فى الجناح اللى كانت فيه امبارح واتخضت لما سمعت صوته اللى بيرعب:صباح الخير
تمارا بصلته:انا جيت هنا ازاى
فهد:انا اللى جبتك
تمارا:جبتنى ازاى يعنى
فهد:ايه كنتى عايزة تروحى معاهم
تمارا باستغراب:اروح مع مين
فهد:امبارح رجاله فرانكو خدروكى وكانو هياخدوكى معاهم
تمارا حطت ايدها على دراعها اللى كان بيوجعها مكان الحقنه:الحيوان دبها فى دراعى بطريقه غبيه
فهد:شنطتك اهى فيها كل حاجتك
تمارا:انا هنا طول الليل
فهد ببرود:اه
تمارا:ايه البرود ده انت ازاى اصلا تعمل كدا
فهد:يعنى كنت المفروض اسيبهم ياخدوكى
تمارا:وانى افضل هنا طول الليل ده غلط ومينفعش
فهد:ماكنش فى حل تانى قدامى ومتخافيش انا كنت برا مع الشباب
تمارا:طب عن اذنك بقي
فهد:على فين
تمارا:هروح اوضتى
فهد:تانى
تمارا:يعنى حضرتك متخيل انى هفضل معاك فى نفس الاوضه وادخل اغير عادى وانت موجود
فهد:ومين قال كدا انا هنزل وانتى خدى راحتك ساعه وهطلعلك تكونى خلصتى عشان نشوف حل لمشكلتك
تمارا:تمام
فهد لسه هيمشي
تمارا:شكرا
فهد لف ليها:على ايه
تمارا:شكراا لانك ساعدتنى امبارح
فهد خرج وتمارا طلعت هدوم من شنطتها ودخلت الحمام وبعد شويا خرجت كانت لابسه اسدال وصلت فرضهاا وقلعت الاسدال كانت لابسه تحته سووت بلون الازرق وطرحه وكوتشي ابيض
ودخلت وقفت فى البلكونه شافت فرانكو ورجالته نازلين من عربيه قدام الفندق دخلت بسرعه الجناح وقفلت باب البلكونه:نهار اسود جاى يدور عليا بنفسه
الباب اتفتح ودخل فهد وكنان وراكان
فهد شافها خايفه:مالك
تمارا:الراجل اللى انا ضربته موجود فى الفندق
كنان:ايوا فرانكو خرج النهارده من المستشفى
فهد:اقعدى شويا عندنا شغل سريع هنعمله ونتكلم فى موضوعك واكيد فى حل
تمارا:حاضر
تمارا قعدت على كرسي جمبه شباك ازاز كبير وشايفه منه الفندق كله وفهد والشباب كانو قريبين منها بيشتغلو فى صمت على اللاب عشان تمارا متسمعش
تمارا افتكرت انها مفتحتش فونها من امبارح
فتحت الفون ولقت حسن حاول يتصل بيها كتير وكمان مريم بعتالها مسدجات كتير على الواتس اول مافتحت الواتساب لقت مريم بتتصل بيها فيديوو ردت عليها ولسه هتتكلم اتكلمت مريم بخوف عليها وطبعا الصوت عالى وفهد والشباب سامعين
مريم بصوت عالى:انتى فين ياتمارا من وقت ماكلمتينى امبارح وانتى قافله فونك ... مش المفروض كنتى هترجعى النهارده ... انتى كويسه طمنينى عليكى ياتمارا انا هموت من خوفى عليكى
تمارا بتضحك على صاحبتها
مريم بعصبيه:تمااااااارااااااا
تمارا:نعم يامريومه قلبي
مريم:انا كنت هموت من القلق عليكى ياتوتاا
تمارا:متخافيش عليا ياروح قلب توتاا انا كويسه والله
مريم:طب انتى فين من امبارح حسن قالى انه رن عليكى وفونك كان مفتوح ورجعتى قفلتيه
تمارا:نسيته مفتوح ولقيته بيرن عليا
مريم:اصل .. فى حاجه حصلت ووو
تمارا:فى ايه يامريم حصل حاجه
مريم:فى حد بعت صور لحسن
تمارا:صور ايه ديه
مريم:ليكى وانتى حاضنه واحد وبعتله مسدج انك بتحبي الشاب ده وهربتى معاه وان فى علاقه بينكم
تمارا قامت وقفت بصدمه:نهاااار اسود...
روايه فى قبضه الفهد
««الفصل التامن»»
تمارا قامت وقفت بصدمه:نهاااار اسود انا معرفش حد يامريم انا حضرت المؤتمر ومعرفش حد غير الدكاترة والبنات انتى عارفه
مريم:اهدى ياتوتا اهدى
تمارا:حسن مصدق الكلام ده
مريم....
تمارا:صدق صح
مريم:تمارا انا واثقه فيكى وعارفه انك مستحيل تعملى كدا
تمارا:بس هو معندوش ثقه فيا...مريم
مريم:نعم
تمارا:انتى شوفتى الصور دى
مريم:اه ماهو حسن بعتلى الصورة عشان يسالنى اعرف اللى معاكى ولا لأ
تمارا:يعنى الصور معاكى
مريم:ايوا ياتوتا معايا
تمارا:طب ابعتيهملى بسرعه
مريم:استنى
مريم بعتت الصور لتمارا اللى فتحتهم بسرعه وكانت الصورة لما خبطت فى فهد وهو سندها بس الصورة كانها فى حضنه تمارا رفعت وشها وبصت على فهد اللى كان عينه عليهاا وبصت فى الفون تانى
مريم:مين ده ياتمارا
تماارا:انا كنت ماشيه وخبطت فى الشخص ده وكنت هقع يامريم وهو سندنى بس مين اللى صورنا كدا
مريم:مش عارفه مين ليه مصلحه يعمل كدا
تمارا:مش عارفه الظاهر كدا ان المشاكل بتحبنى اوى
مريم:انتى مينفعش ترجعى الوقت ياتمارا
تمارا:ليه يعنى
مريم:سماح قالت لام محمود وام فتحى وبدام دول عرفو اسكندريه كلها هتعرف
تمارا حاطت ايدها على راسها
مريم:توتا
تمارا بصلتها
مريم:كل حاجه هتتحل ياتوتا ان شاء الله خير
تمارا:يارب يامريم لانى بجد تعبانه اوى مش عارفه افكر فى المصيبه اللى عندى ولا المصيبه اللى عندك
مريم:مصيبه ايه اللى عندك ياتمارا
تمارا اتنهدت وحكتلها على اللى حصل معاها
مريم بعصبيه:انتى مجنونه ياتمارا عشان تعملى كدا
تمارا بصوت اعلى:مجنونه ...انتى شايفه انى مجنونه عشان دافعت عن نفسي يامريم بقولك حاول يقرب منى انتى مستوعبه انا بقولك ايه
مريم:انتى بتقولى انه بيتاجر فى الاعضاء ياتمارا عارفه ده يعنى ايه
تمارا:مش عارفه يامريم انا مش عارفه افكر خالص
مريم:يبقي خلاص لازم تثبتى لحسن ان الصور مش حقيقه
تمارا:هو المفروض يعرف من نفسه ان اخته مستحيل تعمل كدا
مريم:طب هترجعى ولا ايه
تمارا:هرجع يامريم ومش هسمح لحد يغلط فيا انا هقفل الوقت وهابقي اكلمك بعدين
مريم:طب خدى بالك من نفسك ياتوتا
تمارا:تعرفى نفسي كنت ابقي معاكى الوقت عشان اترمى فى حضنك زى كل مرة
مريم:هترجعى باذن الله وهاخدك فى حضنى ومش هسيبك ابدااا
تمارا:ربنا يخليكى ليا ياصاحبه عمرى
مريم:يوووه مش عايزة اعيط ياتوتا يلا سلام
تمارا ضحكت:سلام
فهد قام من مكانه وقرب من تمارا وراكان وكنان بصو لبعض وتمارا بصلته اوى:فى حاجه
فهد:صور ايه اللى بتتكلمى عنهم
تمارا قامت وقفت:اظن دى حاجه تخصنى ومش من حقك تدخل
فهد:واظن الشخص اللى خبطتى فيه يبقي انا ولا ايه
تمارا بصتله وسكتت:انا عايزة اسافر اسكندريه والوقت
تمارا مشت من قدامه وفهد مسكها من دراعها بقوة
تمارا:ايه اللى بتعمله ده سيب دراعى
فهد:وانا قولت مش هتخرجى من هنا
تمارا بصوت عالى:ليه يعنى هتحبسنى وانت مالك اصلا كنت من بقيت عيلتك عشان تخاف عليا ابعد عنى ومالكش دعوة بيا
فهد ساب دراعها وتماارا اخدت شنطتها وخرجت من الاوضه وفهد بص لكنان:عينيكو عليها
كنان:تمام
كنان خرج وراها ومعاه حراسه وتمارا نزلت وطلبت تاكسي وفى الوقت ده دخل تامر الفندق وشافها وراحلها وتمارا اتفاجأت لما شافته:انت بتعمل ايه هنا
تامر:ايه عايزه تهربى مع عشيقك وانا هقعد اتفرج
تمارا:قطع لسانك قبل ماتغلط في حقى
تامر مسك دراعها وشدها وراه واخد شنطتها
تمارا:ابعد ايدك دى عنى ...ابعد يابنى ادم انت
تامر فتح باب العربيه وزقها بكل قوة وحط شطنتها ورا وركب وساق العربيه ومشي ورجاله فهد راحو وراهم وكمان رجاله فرانكو شافوها وركبو عربيتهم وراحو وراها وقالو لفرانكو اللى فرح لما عرف ان رجالته لقوها
وامرهم يفضلو وراها ويجبوها عنده فى اقرب وقت
=============================
فى بيت تمارا
سماح:تامر لسه قافل معايا جاى فى الطريق ومعاه اختك
حسن:تمارا
سماح:اه ياخويا تماارا هانم وياريت قلبك مايرقش اول ماتشوفهاا
حسن سابها ودخل الاوضه
=============================
فى عربيه تامر
تمارا كانت عماله تزعق فيه بعصبيه وتخبط فى الباب وتحاول تفتحه
تامر:ماتهدى بقي يابت شويا الله
تمارا:اقف وافتح الزفت ده احسنلك ياحيوان
تامر:بكرة تبقي فى بيتى ورحمه امى مانا رحمك
فجاه تامر وقف بالعربيه وتماارا اتخضت لما لقت عربيتين وناس جسمهم ضخم وقوى وماسكين اسلحه تماارا خافت لانها عارفه انهم اكيد رجاله الراجل اللى ضربته راجل منهم قرب من العربيه ناحيه تمارا وفتح الباب وشدهاا وهى بتحاول تقاومه وتامر فتح الباب وخرج وواحد من الرجاله ضربه على راسه وقع على الارض وشافهم وهما اخدين تماارا على العربيه ومش قادر يتحرك وتمارا بتصرخ وبتضرب فيهم بكل قوتهاا بعد شويا وصلو على مكان فى الصحرا وهى بردو بتقاومهم واحد من الرجاله دخلها مكان زى مخزن وكان فرانكو قاعد على كرسي وحاطط رجل على رجل وراسه ملفوفه بشاش ووشه عليه لزق طبي:اهلا اهلا بالهانم اللى دوختنا وراهاا
تماارا كانت مرعوبه منه ومن رجالته بس بتحاول تبان قويه:انت عايز ايه منى هااا ولا تكون عايز اعملك علامه فى خدك الشمال زى اليمين عشان ميزعلش بردو
فرانكو اتعصب من طريقتهاا:انتى ايه يابت جايبه القوة دى منين بس تعرفى عجبانى بردو وداخله دماغى جدااا وطول عمرى اى حاجه تدخل دماغى لازم تكون بتاعتى وملكى
زيك كدا بقيت من املاكى خلاص
تمارا:انا مش ملك حد انت فاهم
فرانكو قام وقرب منها وتماارا رجعت لورا بخوف:لا بقيتى بتاعتى يعنى جاريه عندى هتبقي هنا تعملى كل اللى اطلبه منك وبس
تمارا:انت بتحلم عمرها ماتحصل
فرانكو مسك ايدها بقوة وتمارا بتحاول تبعده:ابعد عنى احسنلك
فرانكو:لا دانا ماصدقت انك بقيتى تحت ايدى اقوم اسيبك دانا حتى ابقي عبيط
فرانكو زق تمارا على السرير وبيحاول يقرب عليها وتمارا بتصرخ باعلى صوت وبتحاول تبعده عنهاااا
فجاه عربيه دخلت فى باب المخزن ونزل منها رجاله لابسين اقنعه سودا مش باين هما مين فرانكو بعد عن تمارا اللى كانت مرعوبه وقامت بسرعه من على السرير
فرانكو:انتو مين
واحد من المقنعين قرب من فرانكو وضربه بمسدس على راسه وقع مغمى عليه وقرب من تمارا اللى رجعت بخوف مسكها من ايدهاا وشدها وخرج من المخزن وتمارا كانت مرعوبه وبتحاول تبعد ايده عن ايدهاا وفتح باب العربيه اللى ورا ودخلها وهى بتعيط وبس لف ركب جمبها واتنين ركبو قدام وشالو القناع اتفاجأت لما شافتهم كانو راكان وكنان وفهد شال القناع تمارا اتنهدت براحه وخوفها قل بس مش قادرة تتنفس والهوا اللى حوليها بيقل وفجاه اغمى عليها وفهد سند راسها قبل ماتتخبط فى باب العربيه
فهد:اطلعو على فيلا القاهرة
رااكان:حاضر
بعد فترة وصلو فهد شال تمارا وطلعو على اوضه ونيمها على السرير وغطاها وخرج راح اوضته وغير ونام هو كمان
=============================
صباح يوم جديد فى مستشفى فى اسكندريه سماح وحسن داخلين بسرعه وسالو فى الاستقبال عن تامر وعرفو رقم اوضته وطلعو الاوضه كان تامر نايم على السرير وراسه مربوطه
سماح:ياحبيبي ياخويا عملو فيك ايه
حسن:حمدلله على سلامتك ياتامر
تامر:الله يسلمك
سماح:مين اللى عمل فيك كدا ياحبيبي
تامر:مش عارف انا كنت جايب تمارا وجايين وفجاه وقف عربيتين ونزل منهم ناس زى بتوع المصارعه وواحد منهم اخد تمارا وركبها العربيه وتانى ضربنى على راسى
حسن:اخدوها...اخدوها ازاى يعنى وياخدوها ليه
تامر:بعد مااخدوها ومشو انا اغمى عليا وبعد شويا لقيت ناس بيفوقونى وكان نفس الشخص اللى معاها فى الصورة ومعاه شابين تانين وهو اللى امر رجالته يجبونى المستشفى.....ده شكله راجل واصل اوى وماشي وراه جيش من الحراسه
سماح:يعنى ممكن اللى خطفو تمارا يكونو تبعوو
تامر:ممكن لان اجسامهم قريبه من بعض ولابسين اسود فى اسود بردو
سماح بصت لحسن اللى واقف مصدوم:يعنى اختك متفقه مع حبيبه القلب واخويا اللى كان هيروح منى
تامر بص لاخته اللى عرف انها عايزة تقلب حسن على تمارا:انا شاكك انها تعرف الناس اللى اخدوها
حسن:تعرفهم ازاى يعنى
تامر بكذب:اصلها راحت معاهم بمزاجها مش مجبورة ياحسن
سماح:شايف اختك اللى فضحتنا فى كل حته دى حتى مفكرتش فيك ولا فى سمعتك وشكلك قدام الناس
حسن خرج من الاوضه وهو تايه وسماح وتامر خرجو ورا ونزلو ركبو تاكسي وسماح صممت ان تامر يروح معاهم وهما طالعين العمارة قابلتهم ام محمود:فين تمارا ياسماح يابنتى مش قولتى تامر راح يجيبها
حسن:تمارا تعيشي انتى ياام محمود
ام محمود شهقت وضربت على صدرها بقوة:لا حول ولا قوة الا بالله يارب البقاء الله يابنى ربنا يصبركو طب العزا امته
حسن:مافيش عزا ياام محمود
حسن طلع ودخل شقته ودخل على اوضته وقفل عليه الباب وسماح وتامر دخلو الشقه وهى فرحانه:اخيرااا خلصت منها
تامر:مبروك ياختى
سماح:الله يبارك فيك ياحبيب اختك
============================
طبعا الست ام محمود متتوصاش وقالت لسكان العمارة كلهم وقابلت زينب ام مريم وقالتلها وراحت بسرعه على البيت كانت مريم بتحاول تتصل بتمارا بس فونها مقفول
زينب:يامريم
مريم:نعم ياماما
زينب:انتى كلمتى تمارا
مريم:فونها مقفول من امبارح .مالك ياماما
زينب:اصل انا قابلت ام محمود وقالتلى ان حسن بيقول ان تماارا....
مريم:مالها تمارا
زينب:بيقول انها اتوفت
مريم بصدمه:اييييه ازاى الكلام ده لالا مستحيل مستحيل
زينب اخدتها فى حضنها ومريم انهارت وفضلت تعيط كتير .........
روايه فى قبضة الفهد
««الفصل التاسع»»
فى فيلا الفهد فى القاهرة تمارا بدات تفوق وخافت لما لقت نفسها فى مكان جديد قامت بسرعه من على السرير وحست بدوخه لما وقفت ومسكت فى الحيطه وخرجت من الاوضه لقت نفسها فى فيلا قمه فى الفخامه نزلت من على السلم كان فهد وراكان وكنان قاعدين تحت فى الرسيبشن وفهد رفع عينه لما سمع خطوات على السلم
كنان بابتسامه:صباح الخير
تمارا:انا فين
فهد:انتى فى الفيلا بتاعتى فى القاهرة
تمارا:القاهرة ..انا مش فاكرة حاجه
راكان:لانك اغمى عليكى ياحلوة
تمارا تجاهلته وبصت لفهد:هو انا كل ما الراجل ده يخطفنى انت بتيجى تنقذى انت بتعرف ازاى
فهد:بصدفه اكيد
تمارا:المفروض انى اصدقك صح
راكان:المفروض
تمارا:هو انا واجهت كلام ليك انت ليه مستفز كدا
راكان قام وقف:بت انتى عامله تغلطى وانا ساكتلك
تمارا:هتعمل ايه يعنى
راكان لسه هيقرب من تمارا
فهد:راااكان
راكان بضيق:انا طالع اوضتى
تمارا:انا عايزة فونى
فهد بص لكنان
كنان:ماكنش موجود غير شنطتها
تمارا:كان معايا وانا فى العربيه مع تامر
فهد:مين تامر ده
تماارا بصتله:طب ممكن استخدم الفون بتاعك
فهد اضايق انها مردتش على سؤاله:اه ممكن بس عايزاه ليه
تمارا:هكلم صاحبتى
فهد شاور لكنان جابله فونه وفهد اداه لتمارا اللى كتبت رقم مريم ورنت مرة بس مافيش رد رنت تانى ردت عليها وصوتها كانت بتعيط:الو
تمارا:مالك يامريم
مريم :تماارا انتى تمارا مش كدا
تمارا باستغراب:مالك يامريم فى ايه
مريم:ده رقم مين فين فونك
تمارا:فونى ضاع منى انتى بتعيطى ليه
مريم بعياط:تمارا افتحى فيديو عايزة اشوفك
تمارا:فى ايه يامريم مالك
مريم:افتحى عشان خاطرى وياريت من اللاب عشان اشوفك حلو
تمارا:طب لحظه
تماار بصت لفهد: لوسمحت شنطتى فين
فهد:كنان
كنان راح جاب شنطتها ومشي وفضل فهد عينه على تماارا اللى طلعت منها اللاب وقعدت على الكنبه اللى جمب فهد وحططت اللاب على رجلهاا وفتحت الاكونت بتاعها ورنت فيديو كول على مريم اللى ردت عليها على طول
مريم اول ماشافتها عيطت جامد اوى
تماارا:فى ايه يامريم مالك ايه كل ده
مريم بعياط:حسن قال لناس كلها انك اتوفيتى ولما عرفت كنت حاسه انى هموت ماكنتش مصدقه انك ممكن تسبينى وتمشي
تمارا اتصدمت من الكلام ومش عارفه ترد
مريم:تماارا انتى كويسه مش كدا
تمارا كانت مخنوقه ومش قادرة تخرج الكلام:كويسه يامريم
مريم:ايه اللى حصل معاكو انتى وتامر
تمارا حكتلها على اللى حصل
مريم:انتى بجد كويسه ياتوتا
تماارا:كويسه يامريم كويسه
مريم:حبيبتى متزعليش عشان خاطرى بلاش تخنقى نفسك كدا اكيد سماح وتامر قالو لحسن حاجه خلوه يقول كدا
تماارا بعصبيه ودموعها نزلت:حتى لو العالم كله قلبو ضدى المفروض ميصدقش دا هو اللى مربينى يامريم
مريم:اهدى عشان خاطرى وفكرى هتعملى ايه وكمان الراجل ده اكيد مش هيسيبك ياتمارا انا خايفه عليكى
تمارا:سبيها على الله يامريم ان شاء الله خير
مريم:باذن الله ياحبيبتى خدى بالك على نفسك
تمارا:حاضر يامريومه
تماارا قفلت اللاب
فهد قام وقف:يلا عشان ناكل وبعدها اقولك على حل لمشكلتك وكمان عرفت مين اللى بعت الصور لاخوكى
تمارا:مين
فهد:بعد الاكل يلا
تمارا بصلته:انت شاغل نفسك بمشكلتى ليه
فهد:لان محدش هيقدر يساعدك غيرى
تمارا قامت وقفت:واثق من نفسك اوى كدا ليه ده واحد بيتاجر فى الاعضاء يعنى لو حد غيرك كان هيخاف على نفسه
فهد:بس الفهد مابيخافش يلا عشان ناكل
فهد وراكان وكنان وتمارا قعدو على السفره واكلو سوااا وبعد ماخلصو فهد قام وقف:تعالى معايا على المكتب
تمارا قامت وراحت وراه ودخلت وسابت الباب مفتوح وقعدت على الكرسي:مين اللى بعت الصور لاخويا وايه حلك لمشكلتى
فهد:شايفك مستعجله اوى
تمارا:محدش بيحب المشاكل اكيد
فهد مسك فونه وطلب رقم :هاتوه
دخل واحد من الحرس ومعاه واحد ووشه مش باين من كتر الضرب
تمارا بصتله اوى:نهار اسود دكتور احمد ... انت عملت فيه
فهد:هو اللى صورنا وبعت الصور لاخوكى
تمارا بصت لاحمد:انت تعمل كدا طب ليه
احمد بتعب:حبيت انتقم منك عشان رفضتينى لما عرفت انك هربتى من البيت فكرت استغل الموضوع
تمارا:كل ده عشان رفضتك هو الحب والجواز بالعافيه اليومين دول ... ربنا يسامحك
فهد:خدوه
تمارا بصلته:ياخدوه فين لا سبوه يمشي خلاص انا سامحته
فهد:بالبساطه دى
تمارا:اه انا حرة دى مشكلتى وانا سامحته وكفايه اللى انتو عملينه فيه حرام عليكم
فهد شاور للحرس واخد احمد وخرج
تمارا:ايه الحل بقي
فهد:فى حلين لمشكلتك
تمارا:الحل الاول ايه
فهد:اسلمك لفرانكو وهو يتعامل معاكى ويشوف هو هيعاقبك ازاى
تمارا:انت شايف ان ده حل يعنى
فهد:انا بقولك اللى وصلت ليه ... واه خلينى اعرفك على فرانكو اللى انتى ضربته .. فرانكو يبقي الضلع التانى فى اقوى مثلث مافيا فى ايطاليا وبتاجر فى كل حاجه والقتل عنده حاجه سهله جدااا
تماارا ضحكت:انت بتهزر صح
فهد:مش الفهد اللى يهزر
تماارا:المفروض انى اخاف يعنى
فهد:مش تخافى بس انتى المفروض تترعبي
تماارا:وايه الحل التانى
فهد رجع لورا على الكرسي:تفضلى عايشه معايا وبكدا هتكونى فى حمايتى ومحدش هيقدر يقرب منك ولا حتى فرانكو
تماارا قامت وقفت:انت مفكرنى ايه هاااا ... اعيش معاك باى صفه وانت هتحمينى ازاى من الراجل ده بعد كل الكلام اللى قولته عنه
فهد:مانا نسيت اعرفك على نفسى .. انا الفهد اهم واقوى ضلع فى مثلث مافيا يعنى فرانكو ميقدرش يقرب منك وانتى معايا
تمارا كانت مصدومه من كلامه:انا مش قادرة استوعب يعنى انت كمان بتاجر فى كل حاجه زيه
فهد:هتختارى انهو حل
تماارا:انا عندى تسلمنى لراجل المجنون ده ولا ان حد يبصلى انى عايشه فى بيت واحد معرفوش ولا يربطنى بيه اى صله
فهد:ومين قال ان مش هيبقي بينا علاقه
تمارا:ليه ابن عمى مثلا وانا معرفش
فهد:لا مش ابن عمك بس هابقي جوزك
تمارا بصوت عالى:انت اكيد مجنون مش كدا
فهد بحده:صوتك ميعلاش مرة تانيه انتى فاهمه .. وعلى فكرة بجوازك منى وده هيكون جواز على ورق مش اكتر هتكونى حليتى مشكلتك مع اهلك فى اسكندريه
تمارا:ازاى مش فاهمه
فهد:ليه مش الصور اللى اتبعت لاخوكى كانت صور وانتى فى حضنى
تمارا:انت عرفت ازاى كل ده وان احمد اللى بعت الصور
فهد:انا اعرف عنك كل حاجه من اول ماهربتى يوم خطوبتك لحد النهارده
تمارا كانت بتبصله ومش قادرة تستوعب اي حاجه
فهد:ياريت تفكرى كويس وترد عليا النهارده
تمارا:وانا مش هفكر فى حاجه وحلولك مرفوضه
فهد:يبقي جهزى نفسك النهارده هسلمك لفرانكو
تمارا بصلته وخرجت من المكتب قابلت كنان واقف برا
كنان:شكلك بيقول انك مش موافقه على الحل
تمارا:هو انت عارف الحل
كنان:ايوا وبصراحه ده انسب حل ليكى فى الوقت الحالى
تمارا:وانا رفضته وصاحبك هيسلمنى لراجل المجنون اللى انا ضربته
كنان بصدمه:وانتى بتهرزى صح انتى عارفه فرانكو ممكن يعمل فيكى ايه
تماارا افتكرت لما هجم عليها
كنان:بصي اعتبرينى اخوكى وبينصحك فرانكو ده شخص سادى عارفه يعنى ايه
تمارا هزت راسها بلا
كنان:يعنى بيستعمل كل انواع العذاب على البنات اللى معاه عايز اعرفك ان مافيش بنت بتدخل جناحه الخاص الا لما بتخرج جثه ولو ربنا كتبلها عمر بتقضى باقى عمرها فى العنايه المركزة او مستشفى المجانين بسبب اللى عاشته معاه فى ليله واحده وانتى دخلتى دماغ فرانكو وعجبتيه وكمان سمعتى كلامه عن تجارته يعنى مقدرش اقولك هيعمل معاكى ايه
تمارا خافت بعد ماسمعت كلامه ومش عارفه تعمل ايه
تمارا:مانتو كمان زيه واكيد مش هثق فيكوو يعنى
راكان جه من وراها:انا من رايي نسلمك لفرانكو يمكن يقتلك ويريح البشريه منك
تمارا:مستفز وغبي
وسابته وطلعت اوضتها وفكرت كتير ومش عارفه تفكر وفى نفس الوقت خايفه من فرانكو وكمان من فهد بعد الكلام اللى سمعته منهم تمارا قررت تكلم مريم وتاخد رايهااا
جابت اللاب وفاتحته واتصلت على مريم اللى ردت عليها:توتااا
تمارا ضحكت:ربنا يخليكى ليا يامريم
مريم:انتى قلبي
تمارا:انا تايهه اوى يامريم مش عارفه افكر خالص
مريم:مالك ياتوتا
تمارا حكتلها على كلام فهد
مريم:نهار اسود ياتمارا انتى مش لازم تفضلى عندك كتير اهربي ياتوتا
تمارا:تفتكرى هقدر اهرب منه
مريم:ده زعيم مافيا ياتوتا ازاى تتجوزى واحد زى ده
تمارا:طب اعمل ايه الحلين انيل من بعض
مريم:استنى لما ينامو واهربي
تمارا:انتى شايفه كدا
مريم:ايوا مستحيل تتجوزى واحد زى ده اهربي وروحى اى حته بعيده
تمارا:حاضر
تمارا قفلت مع مريم وفضلت قاعده مش عارفه تعمل ايه وقررت انها تعمل زى مريم ماقالتلها
=============================
بليل الكل دخلو اوضهم وتمارا نزلت بسرعه من على السلم وخرجت الجنينه بس كان فى حراس كتير ماكنتش عارفه تعمل ايه وتخرج ازاى وهما واقفين فجأه حست بحد بيشدها من دراعها وكان فهد:انتى راحه فين
تمارا زقته جامد:مالكش دعوة بيا انا همشي من هنا ومش هتقدر تمنعنى
فهد اتعصب جامد وشدها من دراعها ودخل بيها جوا الفيلا وفتح باب المكتب وزقها جامد لدرجه ان تمارا وقعت على الارض
فهد:هتفضلى هنا لحد ماتقررى اختارتى ايه
تمارا:ليه هتحبسنى مثلا
فهد:اه
تمارا قامت وقفت:انت مفكر نفسك ايه هاااا
فهد:انا الفهد
تمارا:وانا مش هختار حاجه من حلولك
فهد حط ايديه فى جيبه:والسبب
تماارا:انت شايف ان دى حلول اى حل منهم كانى بحكم على نفسي بالاعدام
فهد بصلها اوى وتماارا خافت من نظراته
فهد مشي وراح فتح درج المكتب وطلع ورقه وقلم وحطها على المكتب وبص لتمارا:امضى
تمارا بصلته ومش فاهمه:امضي على ايه
فهد:شوفى بنفسك
تمارا قربت وبصت على الورقه وكانت عقد زواج بصلته تانى:لا دانت مجنون وبتستعبط بقي
فهد مسكها بكل قوته من دراعها لدرجه انها حست دراعها هيتخلع فى ايده:هتمضي غصبن عنك يلاااااااااا......
روايه فى قبضة الفهد
««الفصل العاشر»»
فهد مشي وراح فتح درج المكتب وطلع ورقه وقلم وحطها على المكتب وبص لتمارا:امضى
تمارا بصلته ومش فاهمه:امضي على ايه
فهد:شوفى بنفسك
تمارا قربت وبصت على الورقه وكانت عقد زواج بصلته تانى:لا دانت مجنون وبتستعبط بقي
فهد مسكها بكل قوته من دراعها لدرجه انها كست دراعها هيتخلع فى ايده واتكلم بصوت جهورى:هتمضي غصبن عنك يلااااااا
تماارا اترعبت منه بس حاولت تبقي اقوى:لا مستحيل اتجوز واحد زيك
فهد ساب دراعها وربع ايديه:عادى متمضيش بس خلال ساعه هتسمعى خبر اخوكى ومراته وصاحبتك ومامتها
تمارا:خبرهم ازاى
فهد:خبر موتهم اكيد
تماارا برقت من الصدمه وخافت عليهم:لالالا مستحيل تقرب منهم
فهد فتح اللاب اللى على المكتب ولفه لتمارا وشافت شاشه مقسومه نص كاميرا على باب شقتهم والنص التانى على باب شقه مريم تمارا بصت لفهد:مين اللى بيصورهم كدا انت مش هتأذيهم اكيد
فهد:دى رجالتى ومستنين اشارة منى عشان يخلصو عليهم
تمارا خافت اوى وعيطت:انا معملتش حاجه فيك عشان تعمل معايا كدا
فهد:مش انا اللى عيله زيك تتحدانى امضي من سكات ياما قولى على اهلك يارحمن رحيم
تمارا دموعها نزلت زى الشلال اول مرة تحس انها ضعيفه كدا ومش عارفه تعمل ايه
فهد:انا هستنى كتير
تمارا قربت ومسكت القلم وعينها على اللاب وايديها بتترعش ومضت على الورق وفهد شد الورق وحطها فى درج المكتب:مبروك يازوجه الفهد
تمارا:انت اكتر انسان انا بكرهه فى حياتى
فهد:وانا مطلبتش منك تحبينى اتفضلى على اوضتك يلا
تمارا خرجت من المكتب وطلعت على اوضتها وفضلت تعيط لحد مانامت بهدومهاا
=============================
اشرقت شمس يوم جديد
تمارا كانت صاحيه وباصه لسقف وبتعيط وفاقت على صوت خبط على الباب قامت فتحت كانت واحده من الخدم:نعم
الخدامه:سيدى بيقولك الفطار جاهز
تماارا باستغراب:سيدك مين ده
الخدامه:سيدى فهد
تماارا:قوليله مش عايزة اكل
دخلت وقفلت الباب فى وشهاا والخدامه نزلت قالت لفهد اللى اتعصب وطلع وكنان وراكان مش فاهمين حاجه
تمارا قاعده على السرير وبتفتح اللاب بتاعها فجاه الباب اتفتح بقوة وهى اتخضت وفهد قرب منها واخد اللاب منها
تماارا:انت ازاى تدخل كدا
فهد:انتى ناسيه انك بقيتى مراتى
تمارا:مش ناسيه طبعااا بس ياريت حضرتك متنساش انك قولت الجواز ده على الورق بس
فهد قرب منها:والله دى حاجه ترجعلى انا وبس
تماارا بعدت عنه:يعنى ايه
فهد:انا اللى اقول على الورق ولا لأ مش انتى .. يلا عشان تفطرى
تمارا خافت من كلامه:لا شكراا شبعانه
فهد:انا هنزل ١٠ دقايق لو منزلتيش ورايا متلوميش غير نفسك
فهد خرج من الاوضه وتمارا اخدت هدوم من شنطتها ودخلت تغير بسرعه لبست سوت جينز عبارة عن بنطلون جينز والشميز مفتوح وتحته بدى ابيض وطرحه وكوتشي ابيض
ونزلت بسرعه وكانت واحده من الخدم مستنياها فى اخر السلم واخدتها على اوضه السفره ومشت تمارا كانت متردده انها تدخل لانها اول مرة تحس انها ضعيفه قدام حد كدا بعدين حسمت امرها ودخلت كان فهد قاعد على راس السفره وعلى شماله كنان وراكان
كنان شافها:صباح الخير ياتماارا
تمارا ابتسمتله لانها من اول ماشافته وهى مرتاحه ليه:صباح الخير
فهد:اقعدى عشان تفطرى
تمارا بصلته وكانها عايزة تقتله والخدامه اللى كانت واقفه شدتلها الكرسي اللى على يمين فهد وتمارا راحت قعدت والخدامه قدمتلنا الاكل وتماارا ماكنتش بتاكل وفهد عينه عليها
فهد:جهزتو الطيارة
راكان:نص ساعه وهتكون على سطح الفيلا
تمارا فرحت انه هيسافر وبكدا ممكن تحاول تهرب
فهد قام من على السفره ومشي خطوتين ولف وبص لتماارا:جهزى نفسك عشان هتسافرى معانا
تمارا قامت وقفت بصدمه:نعم ...اسافر فين
فهد:ايطاليا
تمارا:لا مستحيل انا مش هسافر فى حته فهد:اطلعى جهزى شنطتك بسرعه ياما هتسافرى من غير اى حاجه
تمارا:انا عايزة اللاب بتاعى
فهد:اطلعى جهزى نفسك بسرعه
سابها ومشي وراكان بص لكنان:هى هتيجى معانا ليه
كنان:علمى علمك
تمارا طلعت اوضتها ومش عارفه تعمل ايه وبتفكر ازاى حياتها اتغيرت بسبب هروبها من البيت
تماارا:انا غبيه دانا كنت اتجوزت تامر ارحملى من البنى ادم ده وانا مش هسمح بكده ابدااا
تمارا فتحت باب وبصت ماكنش فى حد خرجت براحه ونزلت السلم وخرجت من الباب ومشيت من ورا الشجر وفجاه سمعت صوت
فهد:متحاوليش
تمارا لفت وخافت من نظراته وخافت اكتر لما قرب عليها ورجعت لورا
فهد مسكها من دراعها وشدها وراه وطلع على السلم لحد سطح الفيلا وكانت الطيارة موجوده وراكان وكنان واقفين جمبهااا
تمارا بتحاول تشد ايدها منه:لا لا انا مش عايزة اسافر معاك فى حته
فهد شدها بقوة وشالها من خصرها وزقها جوا الطيارة وهى مصدومه من طريقته ربطلها الحزام وقعد جمبها
فهد:نفسك مش عايز اسمعه لحد مانوصل
وكنان وراكان ركبوو والطيارة اتحركت
=============================
عند حسن اخو تمارا كان نازل من العمارة وقابل مريم:ازيك ياحسن
حسن:بخير يامريم عامله ايه حمدلله على سلامتك
مريم:بخير الحمدلله تسلم
حسن لسه هيمشي
مريم:حسن
حسن لف:نعم
مريم:الصور مش زى مانت فاهم تمارا كانت ماشيه وخبطت فى الشخص ده وهو سندها مش اكتر صدقنى انا كلمتها والله
حسن:يعنى بتكلمك طب ليه مش بترد عليا ولا حتى بتكلمنى ولو حتى صدقت كلامك الراجل اللى كان معاها فى الصور ليه كان ماشي وراهم هى وتامر وهو اللى امر رجالته انهم يسعفو تامر بردو صدفه بلاش تدافعى عنها يامريم
مريم:انت المفروض متصدقش اى حاجه عنها ياحسن ده انت اللى مربيها ولو العالم كله اتكلم عنها توقفهم عند حدهم وتقولهم دى بنتى مش اختى مش ده كان كلامك تعرف اكتر حاجه واجعه تماارا ايه انك انت كنت عايز تكتب كتابها على تامر من وراهاا وكمان صدقت كل اللى اتقال عليها
حسن:هى عرفت منين
مريم:سمعتك وانت بتتكلم مع سماح
حسن:بردو ماكنتش تهرب
مريم:تمارا هربت بسببك وبسبب كره مراتك ليهاا وكمان كان عندنا مؤتمر يوم خطوبتها فى شرم الشيخ خاص بالجامعه وكان هيفيدنا كلنا
وهى راحت عشان تحضره وكانت هترجع بعده على طول بس بسبب اللى حصل مرجعتش ولو مش عايز تصدقنى براحتك انا عملت اللى عليا وقولتلك اللى حصل معاها سلام ياحسن
مريم مشت وحسن بيفكر فى كل كلامها وراح على المحل بتاعه وطبعا سماح كانت شيفاهم من البلكونه ودخلت لاخوها تامر
سماح:البت اللى اسمها مريم بقالها ساعه واقفه مع حسن خايفه تقوله كلام يحنن قلبه على اخته تانى
تامر:بعد اللى احنا قولناه مش هيحصل
سماح:ربنا يستر انت عرفت مين اللى بعت الصور دى
تامر:اه لما دورت على صاحب الخط عرفت انه الدكتور اللى اسمه احمد اللى كان اتقدملها وهى رفضته
سماح:ياخيبه بس ونبي نفعنا الله يصلح حاله
تامر ضحك:يارب
============================
بعد فترة كبيرة من الوقت طيارة فهد هبطت فى ساحه كبيرة ونزلو وهو شد تمارا من دراعها وراح على عربيه سودا وركبو ووراهم وقدامهم عربيات حراسه كتير وبعد شويا وصلو على قصر الفهد ودخلوو وتمارا بتتفرج من الشباك ودخلو القصر اللى كله اسود فى اسود
تمارا:نهار اسود ايه السووواد ده كله
فهد:كريمه
جت كريمه بسرعه:حمدلله على سلامتك سيدى
فهد:خدى الهانم على اوضتهاا على ماتجهزو الاكل
كريمه:حاضر سيدى اتفضلى ياهانم
تماارا:اسمى تمارا بلاش هانم دى
كريمه بصت لفهد بخوف وتمارا لاحظت خوفهاا وبصت لفهد ورجعت بصت لكريمه تانى:انا اللى بقولك قوليلى تماارا مش هانم ده اسمى وانا حرة
كريمه مشت وتمارا معاها وطلعت على اوضتها واول مادخلت وشافت الاوضه اللى كلها اسود
تماارا:حرام كدا ياربي ايه كميه السواد ده
كريمه ضحكت:اتفضلى ياهانم
تماراا بصلتها:اسمى تمارا لو سمحتى بلاش هانم دى انتى اكبر منى
كريمه:حاضر ياتماارا غيرى هدومك وارتاحى على ما الاكل يجهز
تماارا:بس انا مش معايا هدوم خالص
كريمه:سيدى امر اننا نجهزلك اوضتك من قبل ماتيجى وجبلك هدوم كتير كمان
وراحت فتحت الدولاب كان مليان هدوم خروج وبيت وكله من نفس الاستايل اللى تمارا بتحبه
كريمه:جهزى نفسك لان الاكل هنا بمواعيد
تمارا:ليه فى سجن
كريمه:دى اوامر السيد
تمارا:حاضر
كريمه خرجت وتماارا بتتفرج على الاوضه:يعنى ياربي انا مش بكره فى حياتى قد اللون الاسود اروح اتجوز واحد حياته كلها سوااد بس انا مستحيل اقعد فى الاوضه وهى كدا
تماارا اخدت هدوم ودخلت غيرت ونزلت تحت شافت واحده من الخدم وسالتها على فهد وقالتلها انه فى المكتب كنان شافها وهى ماشيه
كنان:تمارا راحه فين
تمارا:راحه لصاحبك المكتب
كنان:هو عنده اجتماع الوقت خليكى لما يخلص عشان ميتعصبش عليكى
تمارا:لا مش هو اتجوزنى يستحمل بقي
كنان:اتجوزك
تمارا:على اساس حضرتك متعرفش
كنان:لا معرفش
تمارا:اه اتجوزنى وابعد بقي لانى متعصبه من كميه السواد دى
كنان ضحك عليها وهى مشت وراحت فتحت باب اوضه المكتب ووقفت مصدومه من اللى شافته......
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 روايه فى قبضة الف…){kind=link}
تعليقات
إرسال تعليق
فضلا اترك تعليق من هنا