رواية زواج فى بيت العيلة الفصل السابع والثامن بقلم لمياء رفعت (جديده وحصريه فى مدونة قصر الروايات )

 رواية زواج فى بيت العيلة الفصل السابع والثامن بقلم لمياء رفعت (جديده وحصريه فى مدونة قصر الروايات )

رواية زواج فى بيت العيلة الفصل السابع والثامن بقلم لمياء رفعت (جديده وحصريه فى مدونة قصر الروايات )

ال7

هاله : اترمت في حضن طارق

طارق : ايديه كانت جنبه واستغرب من رد فعل هاله لكن حس بشعور غريب في قلبه لم كانت في حضنه 

هاله : نزلت ايديها من على طارق ورجعت لورا....انا آسفه ماكنتش اقصد مش عارفه انا عملت كدا ازاي

طارق : لا ولا يهمك ... لدرجه دي مبسوطه 

هاله : مش قادره اوصفلك ازاي لكن خايفه اوي 

طارق : من ايه

هاله : (بخوف وتوتر)خايفه حد من اهلي يوصلي او هو يوصلي ممكن يموتوني 

طارق : قرب من هاله وحاول يهديها وحط أيده على كتفها....أهدي وماتقلقيش طول ماانا جنبك 

هاله : اطمنت وسكتت 

طارق : الأكل خلاص جهز يلا علشان ناكل 

هاله : قعدت جنب طارق واكلوا سوا وبقت تبص ل طارق وهو بياكل وتقول في نفسها...لدرجه دي انت قوي وقادر تتحمل وثابت لا أول مره أشوف راجل بالشكل ده وقد ايه بجد انك جميل ووسيم 

طارق : مالك سرحانه في ايه كلي .. ماتقلقيش من حاجه زي مافهمتك 

هاله : اطمنت ...و أكلت وخلصت أكل هي وطارق

هاله : حاسه اني هابقى تقيله عليك وانا موجوده معاك هنا

طارق : لا لا ازاي تقولي كده بالعكس انا مرتاح ومطمن وانتي وابنك موجودين هنا 

بعد اذنك علشان هنام

هاله : اتفضل 

(في الصباح )

محمود زوج هاله : الووووووو ايوه ياسامح

المتصل : ------------------------------

محمود : انت بتكلم بجد 

المتصل : ---------------------------

محمود : طيب اديني العنوان ده بالظبط

المتصل : -----------------------------

محمود : طيب ياسامح سلام

منصور : في ايه يامحمود يابني كنت بتكلم مين 

محمود : سامح صاحبي ياعمي قالي انا شوفت مراتك بتشتغل في نفس المصنع اللي انا شغال فيه وابنك معاها وكمان قالي انه سأل واستفسر لحد ماعرف انها قاعده مع صاحب المصنع في الفيلا بتاعته ولبست لبسهم واكلت اكلهم يابويا

منصور : يعني ايه قاعده معاه

محمود : يعني جابت لا أهلها العار ولازم ابوها يعرف علشان يقتلها وانا هروح اجيب ابني من هناك 

منصور : طيب روح عرف أبوها وانا هجهز على ماانت تيجي علشان اروح مكان انت كده كده مطلقها احنا مالناش معاها غير الولد 

محمود : طيب انا ماشي 

(فلاش بااااك )

طارق فاق من النوم وكان قاعد على السرير وحزن الدنيا كله في عينيه وبقت دماغه واقفه عن التفكير وعينيه كلها كانت بتلمع من الدموع اللي جواها بدون ماتنزل لأنه كان مسيطر على نفسه وعلى دموعه 

هاله قامت من النوم واخدت شاور ولبست وجات تلبس ابنها شافته نايم...سابته

وبتبص على اوضه طارق شافتها مقفوله وعرفت انه لسه منزلش علشان يروحوا الشغل....راحت عند الاوضة وخبطت على الباب 

طارق : ادخل

هاله : فتحت الباب ودخلت عند طارق الاوضة وراحت دورت وشها بعيد 

طارق : لم هاله دورت وشها بعيد بص على الملابس بتاعته شاف زراير البيجامة مفتوحه من على صدره قفلها....انا آسف مااخدتش بالي اتفضلي 

هاله : انا كنت جايه اشوفك اول مره تتأخر بالشكل ده على الشركه بقالنا شهور بتنزل بدري أول مره اشوفك متأخر كده 

طارق : لقيت نفسي زهقان مش عارف انزل وفي نفس الوقت عايز انزل

هاله : هههههههههههههه و ده ازاي بقى ممكن تفهمني 

طارق : هفهمك حاضر بس بعد مااخاد شاور وانزل علشان نفطر 

هاله : ماشي هستناك تحت

طارق : قام اخد شاور ولبس ونزل تحت علشان يفطر وقعد هو وهاله فطروا

طارق : فين ابنك 

هاله : نايم قولت اصحيه لم نيجي نمشي

طارق : خلاص بلاش تقلقيه وصدقيني هنا امان سبيه مع لينا 

هاله : اتفقنا....يلا بينا على الشغل 

طارق: يلا 

(فلاش بااااك )

محمود راح بيت اهل هاله 

محمود : وهو واقف قدام البيت بدون مايدخل...ياحاج انا جاي اعرفك ان بنتك شغاله في القاهره في مصنع ...... وعايشه مع صاحب المصنع في الفيلا بتاعته 

والد هاله : اخرس انا بنتي اشرف من الشرف 

محمود : هههههه لا واضح ماهي علشان كده هربت وراحت عاشت مع واحد في الحرام انا على العموم عرفتك طريقها ده لو لسه في نخوه راجل غيرك يموتها على شرفه 

انا رايح اخاد ابني منها وسابه ومشي

والدة هاله : ماتسمعش كلام المجنون ده ياحاج

والد هاله : انا رايح العنوان اللي عطهوني ولو طلع كلامه صح يبقى عندي السجن ارحم واغسل عاري وراح يغير هدومه وينزل القاهره 

محمود : انا جاهز يابويا يلا بينا

منصور : وانا كمان جاهز يابني يلا 

(فلاش بااااك )

هاله ركبت العربيه مع طارق وراحو المصنع 

طارق : مبسوطه في الشغل 

هاله :(باابتسامه )آآآآآآه واتعلمت يعني خاف على نفسك احسن اخاد مكانك 

طارق : ده شئ يسعدني انك تاخدني مكاني وراح موقف بالعربيه قدام المصنع وكمل كلامه.....وبإذن الله انتي اللي هاتاخدني مكاني

هاله : بنظرة حزن وفهمت قصده .... محدش هاياخد مكانك ولا حد عمره هايبقى زيك ودايما والعمر كله هاتبقى مديري

طارق : (بحزن ) انزلي وصلنا وراح نازل من العربيه ودخل المصنع 

وهاله نزلت وراحت دخلت المصنع تشتغل 

طارق : ياهاني 

هاني : رئيس المصنع ..تحت امرك ياطارق بيه

طارق : رزان برضو ماجاتش 

هاني : جات يافندم من ساعه لكن قدمت الاستقالة بتاعتها على مكتب حضرتك ومشيت 

طارق : وكأن حاجه ضربته في قلبه ...وقال في نفسه...لدرجه دي يارزان لم عرفتي اني هموت بعدتي 

وراح داخل المكتب بتاعه 

هاني دخل معاه 

طارق : من النهاردة هاله هاتبقى السكرتيرة بتاعتي ياهاني 

هاني : تمام ياطارق بيه زي ماحضرتك تحب

هاله دخلت المكتب : 

طارق : من النهاردة هاتبقي السكرتيرة بتاعتي ايه رأيك 

هاله : (بفرحه) اكيد موافقه 

وبعد ساعات ووقت في الشغل

دخل والد هاله ومنصور وطليقها محمود المصنع 

منصور : بقولك يابني اسمع

واحد من العمال : اتفضل ياحاج

منصور : في واحده هنا شغاله في المصنع اسمها هاله 

العامل : ايوه ياحاج هتلاقيها في المكتب بتاعها على ايدك الشمال 

منصور: ماشي يابني تشكر

دخلوا المكتب واول ماشافوا هاله 

هاله : قلبها كان هيقع منها وبقى الخوف مسيطر عليها وطلعت تجري راحت عند طارق المكتب 

وراحت عند طارق ومسكت ايده وبدلته وبقت منهارة من العياط

طارق : مالك اهدي 

هاله : بابا عرف مكاني وطليقي وابوه وهيموتوني ... ولسه بتكلم دخلوا عليهم المكتب 

منصور : (بصوت عالي)آآآآه يافاجرة جايه تستخبي في حضن عشيقك 

والد هاله :قرب منها ابوها وضربها بالقلم على وشها ومسك ايدها يخدها معاه

محمود : قرب منها وشدها من دراعها...ابني فين انطقي احسن اموتك مكانك

(العمال كلهم في المصنع وقفوا يتفرجوا)

محمود : انتي جبتي لينا العار خلاص ابني ماينفعش يعيش مع واحده زيك مش نضيفه عايشه مع واحد في الحرام 

طارق : شد هاله من ايدها وقربها منه (وبصوت عالي ) اخرسوا بقى مش هسمح لحد فيكم يرفع عينه ويغلط في مراتي او يقرب منها

ال8

محمود : اييييييييييييه مراتك؟؟؟

طارق : (بصوت عالي)ايوه مراتي مين انتوا بقى وفاكرين نفسكم مين اطلعوا بره بدل ماجيب الأمن هو اللي يخرجكم بره 

منصور : احنا عايزين الولد الصغير ابننا و ده حقنا 

محمود : طيب بم انها مراتك احنا عايزين الولد 

والد هاله : اطمن وقعد يرتاح لم عرف ان بنته متجوزه 

هاله : (باانهيار ودموع ) وقربت من طارق ومسكت بدلته ب ايديها الاتنين...لا ابني لا ماتسمحش لحد ياخد ابني انتي اكتر واحد عارف اني مقدرش اعيش من غيره 

طارق : اهدي محدش هاياخد ابنك 

محمود : محدش هاياخده ازاي انت عارف انت بتقول ايه انا مش خارج الا ب ابني 

طارق : (بصوت عالي) انت مالكش أولاد عندنا وأعلى مافي خيلك اركبه ...ياامن ياامن 

الأمن : امرك ياطارق بيه

طارق : خرج الناس دي بره ولو حصل منهم حاجه وصلوهم للشرطة 

الأمن : امرك ياطارق بيه ...مسكو محمود ومنصور وخرجوهم بره 

هاله : قربت من ابوها...سامحني يابابا اني مشيت بس صدقني كان غصب عني من اللي انا شوفته منهم 

والد هاله : ضربها بالقلم على وشها...حسبي الله ونعم الوكيل عمري ماهسامحك ...بسببك في البلد بيقولولي بنتك طفشت وجابت ليك العار ...وسابها وخرج 

طارق : كان واقف وماحبش يدخل بينها وبين ابوها 

إياد : طارق 

طارق : نعم يااياد 

إياد : قرب من طارق واتكلم بشويش...هي هاله فعلا مراتك؟

طارق : بعدين هحكيلك انا ماشي دلوقتي ..وقرب من هاله يلا علشان هنروح

هاله : مشت معاه وركبت العربيه وبقت دموعها كلها على وشها وبقت منهارة من العياط وبقت تعيط بدون صوت 

طارق : بقى حاسس بيها وبقى مستغرب العادات والتقاليد بتاعتهم وبقت حرفياااا صعبانه عليه بس مش قادر يهون عليها ولا قادر يتكلم معاها مع انه كانت في حاجه بتشده من جواه ...طارق وصل الفيلا ونزل هو وهاله 

لينا : البيبي نايم ياهانم 

هاله : بدون رد جريت على الاوضة واترمت على السرير وبقت تعيط 

لينا : اجهز لحضرتك العشاء ياطارق بيه 

طارق : مش وقته يالينا 

طارق : راح اوضته واخد شاور وغير ووقف في البلكونة..بقى سامع صوت هاله وعياطها في الاوضة بتاعتها..طارق رفع شعره من على وشه وسند ضهره وربع ايديه وبقى يفكر فيها ومش قادر يشيلها من دماغه...دخل الاوضة ينام على السرير بقى مش عارف ينام كل مايفتكر عياطها واللي حصلها في المصنع...قام خرج من الاوضة بتاعته وراح عندها ..خبط على الباب 

هاله : قامت من على السرير ومسحت وشها..ادخل 

طارق : دخل ...ووقف قدام هاله...انا معرفتش انام بسببك انتي ليه بالحاله دي وعامله ليه في نفسك كده انسي وعيشي علشان خاطر ابنك 

هاله : محدش هيسبنى في حالي منهم انا متأكده 

طارق : لمس كتف هاله ب ايده.. طول ماانا جنبك ماتخافيش وماتقلقيش من حد 

هاله : حست بالأمان لم قالها كده(وبدموع) انا عمري ماهنسى اللي حضرتك عملته بسببي النهاردة 

طارق : انا معملتش حاجه انا عملت واجبي 

هاله : انت كل يوم بتزيد في نظري اوي 

طارق : (رفع حاجبه)طيب على فكره انا جعان ومش هاكل لوحدي 

هاله : (ابتسمت) طيب يلا بينا ناكل 

نزل طارق وهاله ياكلوا 

( في الصباح )

منصور : محمود عملت اييييييييييييه 

محمود : انا خلاص يابا اتفقت مع المحامي على كل حاجه وطمني اني هاخد الولا

منصور  : طيب كويس 

محمود : ان ماعلمتها الأدب مايبقاش انا 

شريفه : محمود بقى اسمع مراتك الجديدة دي ياانا ياهي في البيت انا بقولك اهو البت دي متستناش في البيت خالص سمعتني

محمود : حصل ايه بس ياما 

شريفه : البت مالهاش اي لازمه في البيت وبترد وتغلط ولا كأني ام جوزها خلاص مبقاش في ربايه

منصور : ايه... تغلط فيكي ده لا عاش ولا كان ..(بصوت عالي ..يابت يابسمه...انتي يابسمه

بسمه : يانعم 

محمود : هو ايه اللي يانعم ماتكلمي حلو مع ابويا يابت 

منصور : اتعدلي يابت بدل مااعدلك

بسمه : (بصوت عالي) هو ده اللي ناقص... كلكم عليا ...مش عايزه تقولي حاجه انتي كمان ياست شريفه مع ان الخدامة اللي جات ليكم حقكم 

شريفه : اسمع ياواد يامحمود والله ياانا ياالبنت دي انا قولتلك اهو 

بسمه : اسمعي ياوليه انتي ماهو مش كل الطير اللي يتاكل لحمه لو مش هتتعدلو معايه بيت ابويا يلزمني بدل القرف ده

محمود : يابنت الكل*ب بتكلمي امي كده ليه ووقف علشان يضربها 

بسمه : ( بصوت عالي ) يالهووووي الحقوني ياناس الحقوني ياناس  ... الناس كلها اتلمت 

بسمه : الموكوس اللي عامل راجل بيضربني علشان ابوه وامه ابن امه اللي ماكنش ليه جواز انا عرفت دلوقت مراتك القديمه طفشت ليه 

(فلاش بااااك )

هاله قامت من النوم اخدت شاور ولبست بنطلون جينز وتيشرت وبليزر لحد الركبه

ولبست طرحه وحطت ميكب خفيف وكانت انيقه اوي

طارق : في الاوضه بتاعته جهز ولبس بدله زهري ورفع شعره لفوق ورش البرفان بتاعه وبقى يفكر في الشهور اللي بتعدي من عمره وبقت عينيه بتلمع من الحزن 

نزل تحت وبعد شويه نزلت من فوق هاله

طارق بص ل هاله ولفتت نظره قد ايه هي طالعه شيك وهاديه ورقيقه وجميله 

هاله : (في نفسها وهي نازله على السلم ) كل مافكر انك هتروح ياطارق قلبي بيوجعني اوي خسارة شبابك وجمالك ده كله انا لا أول مره أشوف راجل بالشكل ده 

طارق : صباح الخير 

هاله : صباح الخير 

لينا  : جابت الطفل الصغير ل هاله 

هاله حضنته وطارق بقى يبص عليها مع ابنها 

هاله : سابت ابنها مع لينا 

طارق وهاله فطروا وبعدين ركبوا العربيه

ووصلوا المصنع 

رزان كانت واقفه قدام المصنع واول ماطارق نزل من العربيه رزان جريت عنده واخدت طارق في حضنها...وحشتني اوي 

هاله : ( اضايقت وحست بغيره مش طبيعيه) دخلت المصنع 

طارق : بعد رزان عنه ...ايه فكرك بيا مش قدمتي الاستقاله بتاعتك؟

رزان : ماقدرتش ابعد عنك 

طارق : ندمت اوي اني عرفتك مرضي ماكنتش متوقع منك انسحابك ده لم تعرفي اني مريض 

رزان : ( بدموع) طارق انا اتصدمت ومن الصدمه ماكنتش عارفه انا بعمل ايه 

طارق : بعد اذنك علشان عندي شغل وسابها ودخل المصنع 

(فلاش بااااك )

إياد : جميل جداااااا البليزر ده 

هاله : شكراااااا 

إياد : ده صنع ايدي على فكره 

هاله : هههههه ده بجد

إياد : آآآآه والله هههههههه انتي اشترتيه من فين حتى شوفي اسم المصنع هتلاقيه عليه 

طارق دخل المصنع وشاف ضحك إياد وهاله مع بعض ...حس بغيره عليها 

طارق : هاله 

هاله : رفعت وشها لفوق وكأنها لا أول مره تسمع اسمها...لأن طارق أول مره ينادي عليها ب اسمها 

هاله : راحت عنده ودخلت وراه المكتب

طارق : (بطريقه كلها خنقه) على فكره ماينفعش اللي بيحصل ده 

هاله : ايه اللي حصل 

طارق : ده مكان شغل مش مكان ضحك وهزار انك تبقي واقفة تهزري مع إياد 

هاله : ( بدون تردد ورد سريع منها وبدون تفكير) بس ياطارق بيه الهزار ساهل شويه عن الاحضان في مكان الشغل مش كده برضو 

طارق : 🤨

تكملة الرواية من هناااااا