روايه وردة القاسم الفصل الاول والثاني والثالث والرابع والخامس بقلم الكاتبه جنات (جميع الفصول كامله)
روايه وردة القاسم الفصل الاول والثاني والثالث والرابع والخامس بقلم الكاتبه جنات (جميع الفصول كامله)
««الشخصيات»»
تدور احداث روايتنا فى احدى محافظات الصعيد
---------------
**عيله المنشاوى**
(سالم)
فى السبعنيات من عمره كبير عيله المنشاوى وكبير البلد كلمته سيف على الكل لازم تتنفذ والكل بيعمله الف حساب شديد وصارم جداااا فى قراراته ومحدش يقدر يقوله لأ
عنده شركات لصناعات الغذائيه فى اكتر من محافظه فى مصر
متجوز من بنت عمه(صفيه) امرأة طيبه جدااا وتعشق زوجهاا وتحب عيلتها لكنها تملك قوة ووقار الكل بيحترمها وبيخافو منها وبتستمد قوتها من زوجها وعيلتها
««عنده ٣ اولاد وبنت»»
•••••••••••
- الابن الاكبر(قدرى) متوفى
زوجته(نجية)
قلبها طيب وبتحب عيلتها وبتهتم بيهم عندها ولد وبنت
(قاسم)عنده ٣٠ سنه شبه جده سالم فى كل حاجه والكل بيعمله الف حساب درس هندسه بس بيشتغل مع جده وعمه فى شركات العيله وهو اللى بيدير شركات العيله اللى فى اسكندريه والقاهرة على رغم قسوته مع الكل لكن حنين جدا مع والدته واخته ولا يسمح بالخطأ اطلاقااا
(ندى) محجبه فى كليه طب تملك جمال والدتها شقيه جدااا والعيله كلها بتحبهااا بتحب اخوها جدااا لان هو اللى رباها من بعد وفاه والدهااا
•••••••••••
- الابن التانى(حمدان)طيب جدااا وبيخاف على عيلته بيشتغل مع ابوه فى شركات العيله
متجوز بنت عمه
(كريمه)حنينه جدااا وقريبه جدااا من نجيه والده قاسم قلبها تعبان وبتتعالج
عندهم ولدين
الصغير(عمران) فى ٢٨ من عمره كان ضابط واتوفى فى احد المهمات الخاصه بشغله
متجوز(فاطمه) وكانت حامل فى بنته ياسمين لما هو اتوفى
فاطمه عندها ٢٣ سنه درست تجاره وهى اصلا من القاهرة وعمران قابلها وحبها واتجوزو ولانها متقدرش تبعد عن اهلها عمران اشتالهم بيت قريب من قصر المنشاوى عشان يكونو قريبين من فاطمه
الكبير(بدر)فى نفس عمر قاسم ٣٠ سنه صديق قاسم قريب جداا منه صعب الطباع شايف ان العشق بيضعف الانسان عشان كدا كان رافض فكرة الجواز لكن بعد وفاه اخوه جده سالم انه يتجوز من زوجه اخوه فاطمه
اتجوزو اول ماولدت بنتها ياسمين من ٦شهور قدام العيله هما زى اى زوجين اما فى غرفتهم فهم اغراب وهو رائد وليها مكانه كبيرة فى الجيش وبيطلع مهمات خطيرة وهدفه ينتقم من اللى قتل اخوه وبيشتغل مع فارس فى شركات العيله بردو
•••••••••••
- الابن التالت(احمد)متوفى هنعرف سوا مات ازاى
••••••••••••
-بنت سالم(ثرية) زوجها متوفى ست شرانيه تقول لشيطان قوم وانا اقعد مكانك بتكره نجيه وولادها نفسها تجوز بنتها(نوراة اللى بتملك نفس صفات امها) لقاسم عشان تكون ست البيت
&&&&&&&&&&&&&&&&&&&&&&&
**عيله زهران**
(وهدان)كبير العيله له هيبه ووقار والكل بيحترمه جدااا وكلمته مسموعه من الكل فى البلد متجوز بنت عمه(ورده)متوفيه
عنده شركات لصناعات الغذائيه
(عنده ٣ اولاد)
الابن الاكبر (منصور)قاسي جدا لا يعرف رحمه
يدير شركات والده هو واولاده بعد وفاه اخواته
زوجته(زهرة)طيبه وحنينه جدااا بتحبلتها بتكره طريقه زوجهاا وقسوته
عنده ولدين
•الكبير (غسان) ٣٣ سنه نفس طباع ابوه بيكره قاسم المنشاوى وعيلته كلها متجوز بنت عمه (ليلى) وده بامر من جده قاسي جدا معاها رغم حبها ليه ودايما بيجرحها لانها مش بتخلف
ليلى عندها ٢٣ سنه كانت متفوقه جدا فى دراستها بس جدها رفض انها تدخل جامعه بتحب غسان من وهى صغيرة وجدها امره انه يتجوزها وبعد سنه من جوازهم عرفت انها مش هتقدر تخلف وراحت لدكاترة كتير واخدت علاجات اكتر والدكتوره قالتلها انه حاجه بايد ربنا
• الصغير (ياسين)نفس سن بدر وقاسم ٣٠ سنه وصديقهم هما زى المثلث من ٣ اضلاع صعب يتفرقو عن بعض رغم العدواه اللى بين العيلتين مرح جداااا وبيدير شركات العيله مع ابوه واخوه درس تجارة
•••••••
-الابن التانى(فاروق)متوفى وهنعرف مع بعض مات ازاى
زوجته(هنيه)اخت زهرة الصغيرة عكس صفات اختها قلبها اسود وقاسي وبنتها(ليلى)
••••••••
-الابن التالت والاصغر (مصطفى)
حب بنت من القاهرة واتجوزها رغم رفض ابوه اللى طلب منه يسيب البيت بعد جوازه منها وسافر عاش فى القاهرة وكان بعيد عن اهله طيب جداا وبيحب ابوه
زوجته(نجوان)متوفيه
كانت طيبه وبتحب زوجها وبنتها جداا وكانت بتهتم بيهم
بنتهم(ورده)عندها ٢٣ سنه محجبه شخصيه مرحه جدااا وكانت بتدرس طب على رغم انها عاشت فى القاهرة مع والدتها ووالدها الا انها كانت بتحب الصعيد من كلام والدها عليها وعارفه عاداتهم وبتملك نفس جمال والدتها بتحب والدها جدااا وبتحاول تخرجه من حزنه على والدتهاا رغم حزنها الشديد على فراقهاا فهى كانت صديقتهاا الاولى والاخيره والدها سماها ورده على اسم جدتها لانه كان بيحبها اوى
بعد وفاه زوجته تعب مصطفى وقرر انه يسافر يعيش مع اهله فى الصعيد وكان خايف من قسوة ابوه ومنصور اخوه بس ابوه وافق انه يعيش معاهم لما قالهم انه تعبان ومش هيعيش كتير وان ورده بنته لازم تفضل مع عيلتها لانها ملهاش حد وده ضايق منصور جدااا لانه عايز كل حاجه تبقي ليه هو وولاده وبعد رجوع اخوه بنته هتورث هى كمان وعاش مصطفى معاهم هو وورده بنته وبعد سنتين من عودته لصعيد اتوفى مصطفى وترك ورده وحيده هنيه مرات عمها اهتمت بيها واعتبرتها بنتها وكانت قريبه جدا منها هى وليلى وورده كانت مبسوطه وسطهم على رغم قسوة جدها وعمها منصور عليها اللى منعها تكمل تعليمها
&&&&&&&&
ـ بصو ياجماعه انا معرفش اللهجه الصعيدىه اوى فلو فى اى غلطه انا بعتذر عنها
ـ مش كل اشخاص الروايه بيتكلمو صعيدى يعنى الكبار هما اللى لهجتهم صعيدى لكن البنات منهم بيتكلم صعيدى زى (ليلى ونوراة ) لكن(فاطمه وورده هما اصلا من القاهرة وندى لانها بتدرس) مش بيتكلمو صعيدى
اما بالنسبه لشباب (قاسم وبدر وياسين وغسان)بحكم شغلهم فى القاهرة بردو مش بيتكلمو صعيدى
ـ وانتو طبعا عارفين ان حرف (ق)بينطقوه(ج) الكلمات اللى هيكون فيها حرف (ق) هكتبلها بحرف (ج) عشان متحسوش بصعوبه فى القراءة
ـ انا والله قرات كذا حاجه صعيدى واتفرجت على مسلسلات عشان اقدر اطلعهلكو الروايه بطريقه حلوة ويارب تعجبكووو
الروايه وردة القاسم
««الفصل الاول»»
نبدا روايتنا فى احدى محافظات الصعيد وتحديدااا فى قصر عيله المنشاوى

كبير عيله المنشاوى سالم قاعد فى ساحه القصر ومعاه ابنه حمدان وولده بدر
سالم:كيف الشغل ايه ياولدى
حمدان:كله زين ياابوى متجلجش
سالم بص لبدر:وانت يابدر بجالك مده مهمل الشغل
بدر:اسف ياجدى بس غصبن عنى انت عارف طبيعه شغلى انا اخدت اچارة وباذن الله كل يوم هروح الشركه
سالم:ربنا يعينك ياولدى وينصركو
حمدان:امين يارب
سالم:قاسم فين يابدر مرچعش من امبارح واصل
بدر:حوصل مشكله فى الفرع فى القاهرة ياجدى وكان لازمن يسافر
سالم:مشكله وانى معرفهاش كيف ياولدى
حمدان:مشكله بسيطه يابوى قاسم جال يسافر يحلها ويرچع زمانه على وصول
•••••••••••••••••••
فى المطبخ
كانت نجيه ام قاسم وفاطمه مرات بدر وكريمه مرات حمدان بيحضرو الفطار
كريمه حست بتعب قربت منها فاطمه:انتى تعبانه ياماما ارتاحيلك شوي
نجيه:اسمعى الكلام ياكريمه ميت مرة اجولك بلاش تدخلى المطبخ عاد
كريمه:لازمن اساعدتكو يانجيه
نجيه قعدتها على الكرسي:اباى عليكى انتى تعبانه والداكتور جال بلاش شغل وحركه كاتير انى وفاطمه هنحضر الوكل
دخلت ثريه عليهم واتكملت بصوت عالى:الساعه بجت ٩ والفطار لساته مچهزش عاد
نجيه:طب جولى صباح الخير للول والوكل خلاص چهز . سعديه
سعديه الخدامه:نعم ياستى
نجيه:خرچى الوكل على السفره
سعديه:من عيونى
ثريه خرجت من المطبخ
كريمه:بدل ماتعلى صوتها تاچى تساعدنا
نجيه:مش عايزين مشاكل عاد ياكريمه اخرچى يافاطمه يابتى نادى على عمى والكل عشان يفطروو
فاطمه كانت خايفه تخرج لان بدر منبه عليها متخرجش من القصر ابدااا
نجيه:مالك يابتى اخرچى
فاطمه:حاضر ياخالتى
فاطمه خرجت ووشها فى الارض:احم جدى الفطور چاهز
سالم:حاضر يابتى يلا ياولدى ناكل لجمه عشان نشوف مصالحنا
فاطمه دخلت المطبخ بسرعه من غير ماتبص لبدر
سالم قعد على راس السفره وعلى يمينه زوجه ابنه المحببه لقلبه نجيه وجمبها ثريه وعلى يساره قعد ابنه حمدان وزوجته كريمه وجمبهم بدر وفاطمه
سالم:فين بتك ياثرية
ثريه:نوارة لساتها نايمه يابوى
سالم خبط بايده على السفره:ميت مرة اجول الكل يتچمع على الفطار ولا خلاص انا كلمتى مبجتش تتسمع عاد
ثريه:ماهى ندى لساتها نايمه هى كمان يابوى
بدر:ندى نزلت الجامعه من بدرى ياعمتى نجيه:النهارده اول يوم فى الدراسه ياثريه
ثريه بلعت ريقها:اخر مرة يابوى من بكرة هتكون موچوده على الفطار
سعديه جت ومعاها ياسمين الصغيره بنت فاطمه وعمران الله يرحمه عندها ٦ شهور:ياسمين صحت يابتى وعماله تبكى
فاطمه اخدتها من سعديه:شكراا ياخاله
كريمه:هاتيها يابتى
بدر اخدها من فاطمه وباس راسهاا واداها لامه
كريمه:صباح الچمال على عيونك ياحبيبه ستك
سالم بيبصلها بفرحه:اول حفيده فى عيله المنشاوى ربنا يباركلك فيها يابتى
فاطمه:تسلم ياجدى ويباركلنا فى عمرك يارب
كريمه:عجبال ماتخوها يارب
فاطمه بصت لبدر ونزلت وشها فى الارض
قاسم دخل القصر:السلام عليكم
الكل:وعليكم السلام ورحمه الله وبركاته
حمدان:حليت المشكله ياولدى
قاسم باس راس والدته وايد جده:ايوا ياعمى كله حاچه زين
سالم:عفارم عليك ياولدى الله يحميك يارب
قاسم:تسلم ياجدى
نجيه:اجعد افطر ياولدى
قاسم:اكلت فى الطريق ياست الكل انا هطلع انام شوي وانت يابدر روح الشركه
بدر:حاضر ياقاسم
قاسم طلع اوضته وفاطمه قامت واخدت ياسمين من جدتها:هطلع اكلها ياماما
كريمه:اطلعى ياحبيبتى وانت يابدر وصل مرتك لعند الداكتوره عشان هتطعم ياسمين
بدر:تطعيم ايه ده
كريمه:٦ شهور ياولدى
بدر:حاضر وبص لفاطمه اجهزى وانا هستناكى فى العربيه
فاطمه:حاضر
نجيه وكريمه بيشيلو الاكل وسالم وحمدان راحو على الشركه
••••••••••••••
ثريه طلعت لبنتها وصحتها
نوارة:ياما سبينى انام شوي
ثريه:جدك زعج عشان انتى منزلتيش على الفطار
نوارة قامت قعدت:نهار اسود اكيد هيطين عيشتى
ثرية:من بكرة تنزلى تفطرى معيزاش اسمع كلمه من حد
نوارة بضيق:حاضرر ياما سبينى انام بجي
ثريه:كل حياتك نوم نوم
وسابتها وخرجت من الاوضه
•••••••••••••••
فاطمه جهزت ونزلت كان بدر راكن على العربيه وماسك تلفونه:انا جاهزة
بدر فتحلها بابا العربيه وهى ركبت وبدر اتحرك بالعربيه:كام مرة قولتك متخرجيش من باب القصر
فاطمه بتوتر من غير ماتبصله:خالتى نجيه اللى قالتلى انادى عليكو عشان الفطار
بدر بصلها وشاف توترها:متكرريهاش تانى ساحه القصر مليانه حرس وجدى منبه على كل الحريم ميطلعوش من القصر
فاطمه:حاضر
بعد شويا وصلووو ودخلو عند الدكتورة اللى بدات تجهز الحقنه عشان تطعم ياسمين اللى عيطت جامد وفاطمه اخدتها فى حضنها عشان تهدى شويا
الدكتورة:لازم تاخد خافض لحرارة لانه طبيعى تسخن
فاطمه:شكرااا يادكتورة
خرجو من عند الدكتورة وياسمين نامت من كتر العياط وبعد شويا وصلو القصر فاطمه نزلت وبدر راح على الشركه
••••••••••••••••••••••••••••••••••••••
نروح لقصر عيله رضوان

الكل متجمع على السفره بيفطرو
وهدان كبير العيله على راس السفره وعلى يمينه ابنه منصور ومراته زهرة وجمبها هنيه اختها وعلى يساره غسان وياسين وليلى مرات غسان بتحط الاكل مع نبويه الشغاله وورده خلصو وقعدو يفطرو معاهم
وهدان:كيف الشغل فى الشركه ياولدى
منصور:زين يابوى متجلجش
وهدان بص لغسان وياسين:وانت ياغسان كنت فين امبارح
غسان:كان عندى حاطه مهمه ياجدى
وهدان:اهم من الشغل اياك
غسان:اخر مرة ياجدى تؤمر بحاچه
وهدان:عايزك كيف اخوك ياسين مافيش اهم من الشغل عنديه
غسان:الشغل وابن قدرى المنشاوى
ياسين:يووووه مش هتبطل تتكلم فى الموضوع ده
منصور:لساك بتكلم قاسم ولد المنشاوى بعد ماحذرتك
غسان:قاسم وبدر ابن عمه كمان
ياسين قام وقف وبص لجده:قاسم وبدر صحابي من وقت ماكنا صغيرين وماشوفت منهم حاچه عفشه ياجدى
وهدان:بس انت عارف ياولدى التار اللى بين العيلتين
ياسين:وانا ماليش دخل باللى حوصل زمان ياجدى
غسان:خليك ماشي وراه وهو وابن عمه لحد مايغرجوك
ياسين:عن اذنكوو انا رايح الشركه
ياسين باس راس امه
زهرة:كمل وكلك يابنى
ياسين:الحمدلله ياست الكل
زهرة:ربنا يحميك ياضي عينى
منصور: افضلى دلعى فيه
هنيه:لازمن تشد ابنك يامنصور مبجاش يسمع كلامك واصل
زهرة بصت لاختها بضيق:جومى ياليلى يابتى انتى وورده نشيل الوكل ونچهز الغدا
ليلى وورده:حاضر ياخالتى
زهرة وليلى وورده دخلو المطبخ ووهدان ومنصور وغسان راحو الشركه
••••••••••••••
فى المطبخ
ليلى وورده واقفين جمب بعض بيقطعو الخضار
ليلى:مابلاش ياورده ليعمل زى المرة اللى فاتت
وردة: انا نفسي اكمل تعليمى
ليلى:هو جال معندناش بنات تتعلم دانا كنت تالته على المدرسه فى ثانويه ورفضو انى ادخل كليه
ورده بحزن:حتى لو اروح الامتحانات بس
زهرة جت من وراهم وطبطبت على كتفها:بلاش تتكلمى فى الموضوع ده عاد يابتى لمنصور يضربك
ورده بحزن:من غير حاجه بيضربي
زهرة:اصبري ياحبيبتى واللى ربنا عايزه هيكون
ورده:ونعمه بالله
هنيه دخلت المطبخ:بتوشوشو فى ايه
زهرة:هنيه طلعينى انا وابنى والبنات من راسك فاهمه ولا لع
هنيه:طب انتى وابنك وجولنا مااااشي لكن البنات واحده فيهم بتى وواحده مالهاش اهل
ورده زعلت من كلامها
زهرة:الله يرحمهم ومين اللى جال انها ملهاش اهل احنا اهلها ياهنيه
ليلى:امى إكده ياخالتى ماعندهاش حاچه تعملها غير انها توچع اللى جدامها وبس دانا بتها ومسلمتش منيها
زهرة:يلا نكمل الوكل وانتى ياهنيه لو مش هتساعدنا اطلعى من المطبخ
هنيه اضايقت من كلامهم وخرجت
زهرة:متزعليش منها ياحبيبتى
وردة:انا اتعودت خلاص منهم على كدا
ليلى:انتى نكديه ليه يابت يلا نكمل تطبيخ ليجى جدى يعلجنا على باب القصر
زهرة وورده ضحكوووو
•••••••••••••••••••••••••••••
وقت غروب الشمس
قاسم صحى ونزل تحت كانت امه واخته قاعدين:مساء الخير
ندى جرت على حضنه:وحشتنى ياقسومه مشوفتكش النهارده
قاسم بعدها عنه بقرف:قسومه بقي دى منظر دكتورة
ندى:مالى مانا قمر اهو
نجيه:سيبك منها ياحبيبي انت رايح فين دلوك
قاسم:هخرج اتمشي شويا فى الاراضي ياست الكل
ندى بغمزة:يمكن تشوف القمر اللى خد عقلك من اول نظره
قاسم:ماتلم نفسك يابت انتى
نجيه:لسه معرفتش بت مين ياولدى
قاسم اتنهد:مشوفتهاش غير المرة دى بس ياما نجيه:مصير الحى يتلاجى ياولدى .ربنا يفرح جلبك ويراضيك ياجلب امك
ندى:ايوا بقي هو قلب امه وانا بنت البطه السودا صح
نجيه بشهقه:انا بطه سودة يابت ماتحترمى نفسك
ندى:اسفين ياقمرايه العيله انتى
قاسم ضحك عليهم:انا ماشي
••••••••••••••••••••
فى اوضه بدر
فاطمه بتلف ببنتها ياسمين اللى بتعيط وسخنه جدااا بسبب التطعيم وكلمت حماتها كريمه على تلفون اللى قالتها تقعدها فى ميا فاترة عشان الحراره تنزل
فاطمه دخلت ملت نص البانيوو وقعدت ياسمين فيه وجبتلها لعب كتير عشان تتلهى بيهم بس بردو بتعيط فاطمه بعد شويا طلعتها من الميا ولبستها هدومها وفضلت تلف بيها فى الاوضه
فاطمه بتعب:نامى شويا بقي بجد معنتش قادرة
بدر كان داخل الاوضه وسامعها وقرب منها واخد ياسمين:هى مالها
فاطمه وشها فى الارض:حرارتها عاليه ورجلها بتوجعها بسبب التطعيم
بدر:طب تحبي نوديها لدكتورة بتاعتها
فاطمه:لالا هى قالتلى انها هتسخن شويا والحراره هتنزل ان شاء الله احم احضرلك الحمام
بدر:ياريت
فاطمه دخلت حضرتله الحمام وطلعت هدوم ليه واخدت ياسمين وخرجت البلكونه
بعد شويا بدر خرج وكانت فاطمه بتتكلم فى التلفون وباين عليها التعب
بدر:بتكلمى مين
فاطمه اتخضت:دى ماما كريمه
الباب خبط فاطمه:دى اكيد هى
راحت فتحت وكريمه دخلت واخدت ياسمين منها:دى حرارتها عاليه قوى يابتى
فاطمه بتعب: عملت زى ماحضرتك قولتيلى وبردو مش بتنزل
بدر:انا شايف نوديها لدكتورة احسن
كريمه:ده عادى ياحبيبى بسبب التطعيم بكرة باذن الله هتبجى زينه
فاطمه:يارب
كريمه:انتى تعبانه ياحبيبتى انى هاخدها معايا وانتى ناميلك شوي
فاطمه:لالا ياماما حضرتك تعبانه وكمان عشان لو حبت ترضع
كريمه:طب لو احتاجتى حاچه كلمينى علطول
فاطمه:حاضر
كريمه مشت وفاطمه راحت قعدت على الكنبه وشايله ياسمين
بدر قعد على السرير بيشتغل على اللاب بعد شويا ياسمين نامت وفاطمه نيمتها مكانها وراحت تاخد شاور وخرجت نامت وبدر خلص شغله ونام هو كمان......
•••••••••••••••••••••••••••••••
فى قصر عيله رضوان
منصور:وانت عرفت الكلام ده منين
غسان:مصادرى الخاصه ياحاچ
منصور:حلو قوى احنا لو خدنا الصفجه دى من عيله المنشاوى هنخسرهم ملايين
غسان:اكيد يابوى وده هدفى.. انا هطلع انام دلوك
منصور:اطلع ياولدى
غسان طلع كانت ليلى قاعده فى الاوضه دخل ورزع الباب وهى اتخضت
غسان بسخريه:سلامتك من الخضه ياليلى هانم
ليلى:انا حضرتلك الحمام وطلعتلك هدوم
غسان:مانتى هنا عشان تخدمينى وبس للاسف مالكيش لازمه ولا نافعه فاى حاجه تانيه
ليلى قلبها وجعها بسبب كلامه:انا هنام عايز منى حاجه
غسان:مش عايز اشوف وشك
ليلى راحت تنام على الكنبه زى كل يوم ودموعها على خدها
•••••••••••••••••
فى المكتب
كان قاعد وهدان وابنه منصور الباب خبط ودخلت ورده بالقهوة وحطيتها على المكتب ووقفت
منصور بصلها:عايزة ايه يابت واجفه كيف الصنم ليه إكدا
ورده:جدى النهارده كان اول يوم فى السنه الدراسيه لو سمحت كنت عايزة ارجع كليتى
منصور قام وقف وورده خافت منه:بتجولى ايه سمعينى إكدا تانى
ورده بخوف:عايزة اكمل تعليمى
منصور:مش كفايه عايشه واكله شاربه كمان هنصرف على علامك مافيش جامعه انسي
ورده:ياجدى
وهدان بحده:كلمه عمك منصور تتسمع يابت نجوان معنداش بنات تتعلم
ورده بدموع:عشان خاطرى ياجدى
منصور ضربها بالقلم ومسكها من طرحتها:انتى مابتفهميش بذوج يابت انتى احمدى ربك ان بعد عملتك السوده انا سايبك تطلعى من اوضتك المفروض كنت سيبتك محبوسه فيها لحد ماتموتى وتريحينا عايزك تجفلى خشمك وحسك مش عايز اسمعه واصل
وهدان:خلاص يامنصور سيبها وهى ماهتفتحش الموضوع ده واصل
ورده خرجت بسرعه شافت زهرة اترمت فى حضنها وفضلت تعيط
هنيه:ناس ماتجيش غير بالعين الحمراا
زهرة:تعالى اطلعى اوضتك ياحبيبتى زهرة طلعتها اوضتها وفكتها طرحتها وخليتها تنام على السرير ووردة غمضت عينيها وزهرة خرجت من الاوضه وورده فتحت عينيها تانى وفضلت تعيط كتير لحد مانامت.....
&&&&&&
تقييمكو للبارت الاول
روايه ورده القاسم
««الفصل التانى»»
مع شروق شمس يوم جديده فى قصر عيله رضوان وتحديدا فى اوضه ورده اللى كانت صاحيه وقاعده على السرير وباصه للفراغ ودموعها على خدها الباب خبط ودخلت ليلى:ياصباح الچمال
ورده مسحت دموعها:صباح الفل
ليلى قعدت جمبها:كيفك ياورده
ورده:مخنوقه اوى وتعبانه
ليلى اخدتها فى حضنها:ياحبيبه جلبي سلامتك من التعب والخنجه تعالى ننزل نتمشي شوي فى الاراضى ايه رايك
ورده:تفتكرى عمى او جدى هيرضو
ليلى:البسي بس وانا هجول لخالتى زهرة تجولهم
ورده:حاضر
••••••••••••••••••••••••••••
فى قصر عيله المنشاوى قاسم قاعد فى ساحه القصر وبدر جاله
بدر:صحى النوم ياشبح
قاسم:سالم المنشاوى لو سمعك وانت بتقول شبح هيطخك عيارين
بدر ضحك:انت قاعد كدا ليه
تلفون قاسم رن برقم ياسين
قاسم رد:اهلاا بالواطى اللى مش بيسال
ياسين:مانا كنت معاكو من يومين انتو هتستعبطو
بدر:وبدام انت كنت معانا عايز ايه بقي
ياسين:هكون بكلمكو احب فيكوو يعنى
قاسم:ماتنجز يلا
ندى اخت قاسم جت عليهم:قاسم
قاسم:ايه ياندى مالك
ندى:انا كويسه بس جيت اقولك ممكن اروح المول مع صحبتى
قاسم:ليه
ندى:هشترى شويا حاجات ممكن اروح
قاسم:حاضر بس بالعربيه والحرس
ندى:بس
قاسم:لو هتقولى بس يبقي تنسي مافيش خروج
ندى بضيق:حاضر
بدر ضحك عليها:يلا روحى بدل مايرجع فى كلامه
ندى:وعلى ايه هروح البس
بدر:شوفى فاطمه لو حابه تشترى حاجه خليها تروح معاكو
ندى:قشطااا هقولها
قاسم:ياسين
ياسين:اممم
بدر:اااااه الحاله اشتغلت
ياسين:ياعم بقي ونبي صالح العيلتين انا لو ماتجوزش اختك هيجرالى حاجه
قاسم:ماتلم نفسك ياحيوان انت بتتكلم على اختى
ياسين:هو انا كنت ضحكت عليك مانتو عارفين انى بحبها
بدر:طب انجز وقول كنت عايز ايه
ياسين:فى حد فى الشركه عندكو بيوصل كل الاخبار لغسان
بدر بص لقاسم:حد زى مين
قاسم:واخبار ايه
ياسين:كل حاجه بتحصل فى الشركه
قاسم:طب تعرف مين الحد ده
ياسين:انت قولت لمين على الصفقه الجديده
قاسم:بدر والسكرتيرة اللى جهزت الورق بس
ياسين:يبقي هى يامعلم لان غسان عارف كل تفاصيل الصفقه
بدر:يابنت 🐶
قاسم:وانت عرفت ازاى
ياسين:سمعته امبارح وهو بيتكلم مع ابويا وعايز ياخد الصفقه منك يامعلم
قاسم:ابن عيله رضوان مش عايز يجيبها لبر
بدر:طب هنعمل ايه
قاسم:هسيب السكرتيرة عشان توصله الاخبار اللى انا عايزها بس
ياسين:العب ياباشا
بدر:طب والصفقه
قاسم:هنغير الورق وهناخدها بردو
ياسين:طب يلا سلام
قاسم وبدر:سلام
حمدان جه عليهم:صباح الخير ياشباب
قاسم:صباح الخير ياعمى
بدر:صباح الخير ياابوى
حمدان:جاعدين اكده ليه
قاسم:ولا حاجه ياعمى بنستناهم يخلصو الفطار وهنفطر ونشوف مصالحنا
حمدان:هتروحو الشركه
بدر:انا هروح لكن قاسم هيمر على الاراضي الاول
حمدان:ربنا يجويكوو ياشباب
كريمه خرجت:يلا عشان تفطرووو الوكل چاهز
الشباب قامو فطرو وكل واحد راح على شغله
وفاطمه اللى رفضت تروح مع ندى عشان تفضل مع بنتها وحمدان راح مع مراته كريمه للدكتور
••••••••••••••
فى اوضه ثريه وبنتها نوراة
نوراه:هنوجعه ازاى ياما
ثرية:لازم تتچوزيه يابتى عشان تكونى ست البيت كله
نوراة:قاسم ولا كانه شايفنى ياما
ثريه:مانتى اللى خايبه طول النهار جعدالى فى اوضتك ياما نايمه
نوراة:يييوه ياما انا ماشيه
ثريه:لازم تجع ياولد نجيه
•••••••••••••••••••••••••
فى قصر عيله رضوان
ورده وليلى واقفين فى المطبخ دخلت عليهم زهرة:روحو اتمشو ومتتاخروش عاد
ليلى:احلى خاله دى ولا ايه
ورده:جدى وعمو رضيو ازاى انى اخرج
زهرة:چدك وعمك رايحين شغل ومش هيرجعو غير متاخر روحو اتمشو ومتشلوش هم
ورده:لالا مش هخرج ليرجع يفكر انى عملت زى المرة اللى فاتت
ليلى:انتى بجيتى نكديه إكده ليه يلا نخرچ
البنات خرجوو وهنيه كانت سامعه الكلام وضحكت بخبث وراحت على اوضتها
••••••••••••••••••••••••••
ليلى وورده راحوا يتمشوا في الاراضي الزراعيه
ليلى: روحى ياورده المكان اللى بنجعد فيه وانى هروح اجيب عصير جصب واجيلك
ورده:حاضر
ورده راحت قعدت في مكان وسط الاراضي الزراعيه وافتكرت كلام عمها لما قالها(انتى احمدى ربك ان بعد عملتك السوده انا سايبك تطلعى من اوضتك المفروض كنت سيبتك محبوسه فيها لحد ماتموتى وتريحينا) وافتكرت اللي حصل معاها من سنه
°°فلاش باك°°
لما سمعت جدها وعمها بيتفقوا انهم هيحرموها من تعليمها وهيجوزوها وقتها قررت انها تهرب وترجع القاهره تاني واستنت لما كل اللي في القصر نامو ونزلت وخرجت من الباب الخلفى للقصر لسوء حظها واحد من الحرس شافها ونادى على عمها منصور اللى نزل بسرعه وامرهم يجيبها وفضلت تجرى فى الاراضي الزراعيه وبتتلفت حوليها وفجاه خبط فى جسم صلب وكان شاب ومسك ايدها وبص فى عينيها وسرح فى جمالها
شاب:انتى بتجرى كده ليه
ورده بتحاول تشد ايدها منه:سيبنى امشي ونبي
شاب:قوليلى انتى بت مين وبتجرى ليه
ورده لما لقت رجاله عمها بيقربو عضت ايده وجرت بسرعه بس فجاه مسكها واحد من الحرس والشاب قرب منهم:انتو بتعملو ايه هنا
الحرس كلهم خافو لما شافوه
واحد من الحرس:قاسم بيه دى بتنا وعايزة تهرب منينا متشغلش بالك
قاسم بص ليها وهى بتعيط:وهتهرب منكو ليه
واحد من الحرس:مش عايزة تتجوز يابيه
ورده لسه هتتكلم واحد من الحرس حط ايده على بوقها وشدوها للعربيه بسرعه
°°باااك°°
ليلى:بجالى ساعه بنادى عليكى سرحانه فى ايه
ورده:ولا حاجه
ليلى:خدى العصير بتاعك
ورده:شكرااا
ورده وليلى فضلو يتكلمو كتير
ليلى شهقت:يانهار مطين
ورده:فى ايه
ليلى:لازم ارچع القصر
ورده:ليه
ليلى:امى چالتلى انها هتخبز النهارده وانى نسيت
ورده:طب خلينا شويا
ليلى:خلاص خليك انتى وانا هروح متتاخيرش عاد
ورده:حاضر
ليلى مشت وورده بتراجع شريط ذكرياتها مع مامتها وباباها كله وقد ايه كانو عيله سعيده
فى نفس الوقت كان قاسم بيمر على الاراضي مع عم محمد الغفير وعينه جت على بنت قاعده وضهرها ليه وورده قامت ولفت عشان تمشي وقاسم فرح انه اخيرا شافها البنت اللى خطفت قلبه بس باين على وشها الحزن وكمان فى دموع على خدها
قاسم:مين اللى هناك ديه ياعم محمد
محمد بص عليها:دى ورده بت مصطفى بيه
قاسم:مصطفى بيه مين
محمد:مصطفى بيه ابن عيله رضوان
قاسم:هى مش بنته عايشه فى القاهرة
محمد:لا يابيه رچعت مع ابوها جبل مايتوفى وعايشه فى قصر العيله
قاسم:وهى بتعمل ايه هنا
محمد:بتاچى من وجت لتانى تجعد شوى وتمشي بس بجالها فترة مبتجيش
قاسم افتكر الرجاله اللى اخدوها يوم ماشافها وقالو انها بنتهم وهربانه منهم
قاسم:دى شكلها كانت بتعيط
محمد:الله يسامحه عمها منصور مرر عيشتها يا بيه
قاسم:ازاى وانت عرفت منين
محمد:نبويه مرتى شغاله فى القصر عنديهم وهى اللى بتحكيلى
قاسم:بتحكيلك ايه
محمد باستغراب:هى تهمك بحاچه يابيه
قاسم:لا انا بس شايفه نظرة حزن فى عينيها
محمد: يابيه مافيش غير الحاچه زهرة اللى بتحبها وكمان الست ليلى مرت غسان بيه لكن جدها وعمها وغسان ومرت المرحوم فاروق جاسين قوى معاها وكمان عمها منعها من العلام بعد ماحولت تهرب من القصر
قاسم:تهرب ليه
محمد:كانو عايزين يچوزها وجتها هربت من القصر بس رجاله عمها منصور رچعوها تانى
قاسم:طيب ياعم محمد روح شوف شغلك انت
محمد:حاضر يابيه
قاسم على اد مافرح انه شاف البنت اللى خطفت قلبه كان حزين لانها بنت عيله رضوان اللى بينهم عداوة وتار قاسم راح على المكان اللى بيقعد فيه دايماا فى الاراضي الزراعيه وكلم بدر يروحله
بعد شويا بدر وصل وقعد جمبه:عايزنى ليه
قاسم:شوفتهاا
بدر:شوفت مين...البت اللى حكتلى عليها
قاسم:اممم
بدر:مبروك ياصاحبي بنت عيله مين عشان تروح تتقدملها
قاسم بصله اوى:بنت عمى مصطفى رضوان
بدر بصدمه:بنت عم ياسين
قاسم:ايوا
بدر:بس ياسين مش بيجيب سيرتها خالص البلد كلها مفكرة انها رجعت القاهرة بعد ابوها ماتوفى
قاسم حكاله على كلام الغفير
بدر:منصور واطى ويعمل اكتر من كدا عشان الورث .بقولك ايه تعالى نكلم ياسين ونساله
قاسم:نساله على ايه
بدر:هنقوله يجى هنا ونتكلم معاه ونفهم منه كل حاجه
•••••••••••••••
ورده رجعت على القصر ودخلت اتفاجت بعمها وجدها وغسان قاعدين مستنينها وليلى بتعيط فى حضن خالتها زهرة ورده خافت منهم
منصور:كنتى فين يابت نجوان
ورده بخوف:خرجت اتمشي شويا ياعمى
جدها وهدان خبط بعصايته فى الارض:من ميتا وحريم القصر بيخرجو من غير اذن يابت نجوان
ورده:حضرتك مكنتش هنا
غسان:يعنى عشان عمك وجدك مش إهنه تخرچى بمزاچك اياك
منصور:امك بت البندر شكلها معرفش تربيكى واصل
ورده:ماما وبابا الله يرحمهم ربونى احسن تربيه وحضرتك عارف كدا كويس
منصور مسكها من طرحتها:وكمان بتردى عليا ياجليله الربايه
••••••••••••••
ياسين كان قاعد فى ساحه القصر وتلفونه رن برقم بدر ورد عليه:اهلا يابشوات عيله المنشاوى
بدر:انت فين
ياسين:فى القصر ليه
ياسين سمع صوت ورده بتصوت ودخل بسرعه من غير مايقفل الخط
ياسين جرى على ابوه وشد ورده وراه ضهره:فى ايه بتضربها ليه يابوى
منصور:بت نجوان جليله الربايه بترد عليا
ورده بعياط:مش قصدى
منصور:اجفلى خشمك ده حسك معايز اسمعه واصل
ورده هزت راسها بخوف
زهرة راحت خدتها فى حضنها:حرام عليك كل شويا تضربها وتبهدلها إكده
منصور:حرمت عليكى عيشتك ياوليه
ياسين:ممكن افهم فى ايه ورده عملت ايه عشان تضربها إكده
غسان:بلاش تتدخل انت فى امور الكبار ياخوى
ياسين بغضب:ده على اساس انى عيل فى مدرسه قدامك
وهدان:هتتعاركوو وانا قاعد جدامكو اياك
ياسين:خدى ورده ياما وطلعيها على اوضتها وانا ماشي
ياسين خرج وبدر قفل الخط وبص لقاسم :هتعمل ايه ياقاسم
قاسم:مش عارف انا هرجع القصر
بدر:طب مش هنكلم ياسين يجيلنا
قاسم:مرة تانيه
بدر:خدنى معاك بقي
••••••••••••
فى قصر عيله المنشاوى
فاطمه واقفه فى المطبخ بتجهز العشا دخلت عليها ثريه وبنتها نوراة
نوراة:ياااا انتى
فاطمه لفت:بتكلمينى
نوراة:معلش اصل بنسي اسمك
فاطمه:اظن اسمى مش صعب لدرجادى
ثريه:انتى هترغى كاتير اعمليلنا ٢ جهوة ساده
فاطمه:انا بچهز العشا ممكن تطلبي من اى واحده من الخدم تعملها
نوراة:مانا بطلب منيك
فاطمه:بس انا مش خدامه عشان اعملك قهوتك واظن حضرتك ليكى ايدين ممكن تتكرمى وتعملى لنفسك
نوراة:اومال انتى مفكرة نفسك ست البيت ولا ايه
فاطمه:انا واحده من اهل القصر زى زيك بظبط ولو انتى شايفنى خدامه يبقي انتى كمان زيي
فاطمه سابتهم وخرجت وثريه خرجت وراها ومسكتها من دراعها ولفتها وضربتها بالقلم
ثريه:مش عچبك انى بتى بتقولك انك خدامه لا بقي اسمعينى زين لما كنتى متچوزة من عمران وجتها كنتى من اهل البيت لكن دلوك مالكيش عازه حتى زوچك مالكيش عازة عنديه فى واحده بتتچوز من ٦ شهور وزوچها مجربش منها واصل تبجي اكيد عفشه
فى نفس اللحظه كان داخل قاسم وبدر وسمعو الكلام وفاطمه كانت مصدومه من اللى عملته ثريه ومن كلامها وبدر قرب من فاطمه وشدها ورجعها ورا ضهره
بدر بحده وصوت عالى:مراتى زينه البنات ياعمتى مش خدامه عندك او عند بنتك فاااااااااهمه
نجيه وكريمه وندى جم على صوت بدر العالى
كريمه:حوصل ايه ياولدى وفاطمه مالها بتبكى ليه
سالم خرج من مكتبه:صوتك عالى على عمتك ليه يابدر
بدر لف لجده:عمتى مش محترمه مراتى ياجدى ومدت ايدها عليها وبتتعامل معاها على انها خدامه فى القصر وانا مش هقبل ده ابدا
سالم بص لثريه:احنا بنجيب بنات الناس عندينا ياثريه عشان نعززهم مش نخليهم خدم عندينا
ثريه:انا اسفه يابوى
بدر:اسفك مش لجدى اسفك انتى وبنتك لمراتى
ثريه:انا اسفه يابتى
نوراة:اسفه يافاطمه
بدر مسك ايد فاطمه اللى بتعيط وطلع على السلم:اسفكو مش مقبول
ثريه ونوراة بصو لبعض
ثريه:عجبك إكده يابوى
سالم:يلا كل واحد على مطرحه وانت ياقاسم تعالى ورايا على المكتب
قاسم:حاضر ياجدى
•••••••••••••••••••••
بدر دخل الاوضه وفاطمه راحت قعدت على السرير وهى بتعيط
بدر وقف قدامها:ايه اللى حصل عشان تمد ايدها عليكى
فاطمه بصتله وحكيتله اللى حصل
بدر:بعد كدا اتجاهليهم كانهم مش موجودين يكون احسن
فاطمه هزت راسها باه والباب خبط بدر فتح
كانت ندى:ياسمين عماله تعيط
بدر:ادخلى ياندى واخد منها ياسمين
ندى قعدت جمب فاطمه:متزعليش يافطومه وهى بس غيرانه منك عشانك قمرايه وهى شبه البومه
فاطمه ضحكت:عارفه لو سمعتك
ندى:خليها تسمع يمكن مراراتها تتفقع وتموت وتريحنا
بدر:انتى يابت هتبقي دكتورة ازاى
ندى:هو انت وقاسم مالى يعنى مانا قمرايه اهوو بس مش احلى من مراتك طبعااا
فاطمه اتحرجت وندى قامت:انا هروح انام اصبحو على خير
فاطمه وبدر:تلاقى الخير
بدر باس ياسمين من خدها وهى مسكت وشه بكفه ايديها الصغيرة
بدر بيلاعبها:القمر بيعيط ليه هااا
فاطمه قربت تاخدها:اكيد جعانه
بدر اداها ياسمين:انا هنزل تحت خدى راحتك
••••••••••••••••••
فى قصر عيله رضوان
فى اوضه ورده اللى قاعده فى حضن زهرة وبتعيط
زهرة:خلاص بقي ياحبيبتى حقك عليا انا السبب متعيطيش ياقلبي ونامى شويا
ورده نامت وزهرة خرجت......
روايه ورده القاسم
««الفصل التالت»»
عدى اسبوع وقاسم قدم ورق الصفقه واخدها وده عصب منصور وابنه غسان اللى اقسم انه هيقتل قاسم
ورده مش بتخرج من اوضتها ابدااا وده بامر من عمها وجدها كعقاب ليها على خروجها من القصر بدون اذنهم
وغسان اللى بيعامل ليلى بقسوة
قاسم وبدر وياسين اللى صداقتهم بتقوى اكتر
••••••••••••••••••••
فى قصر عيله رضوان
غسان:ازاى ياخدها وانا قدمت ورق بارقام اعلى منه
منصور:ابن قدرى طلع اذكى منيك وسابجك بخطوة
غسان:انا يا هو ابن عيله المنشاوى
وهدان:ماله ابن عيله المنشاوى ياغسان
غسان لف لجده:اخد الصفقه مننا ياجدى بس انا مش هسكتله
وهدان:معايزش مشاكل معاهم تانى وانت يامنصور خلى ابنك يحط عجله براسه
وهدان مشي ومنصور بص لابنه:جدك معاه حج بلاش مشاكل معاهم
منصور سابه ومشي
غسان كلم واحد من رجالته وقاله يراقب قاسم المنشاوى
•••••••••••••••••••••
فى قصر المنشاوى
فى اوضه كريمه نايمه على السرير والدكتور بيكشف عليها ونجيه قاعده جمبها وحمدان واقف الدكتور خلص ووقف
حمدان:خير ياداكتور
الدكتور:لازم تتنقل المستشفى وفورا لازم تكون تحت المتابعه لان الحاله بتدهور
نجيه بحزن:يارب اشفيها يارب
حمدان:كلم الاسعاف ياداكتور
الدكتور خرج ومعاه حمدان وبدر واقف قدام الاوضه ومعاه ثريه وفاطمه وقاسم
حمدان بحزن:وصل الداكتور ياولدى
بدر راح يوصل الدكتور ورجع تانى
قاسم:الدكتور قالكو ايه ياعمى
حمدان:لازمن تروح المستشفى
قاسم:ليه
حمدان:الحاله بتتدهور يابنى
بدر:يعنى ايه
نجيه خرجت:ان شاء الله خير ياولاد
الاسعاف وصل واخدو كريمه على المستشفى وراح معاها حمدان وبدر وقاسم
ندى رجعت من الكليه كانت فاطمه قاعده فى الصاله وشايله بنتها
ندى:فاطمه ايه اللى حصل
فاطمه:ماما كريمه تعبت الدكتور قال لازم تروح المستشفى
ندى:يعنى هتبقي كويسه
فاطمه:بيقول الحاله بتتدهور ربنا يستر
ندى:وماما فين والكل راحو معاها
فاطمه:خالتى نجيه طلعت اوضتها وجدى فى المكتب والباقى راحو المستشفى
ندى:هطلع اشوف ماما
فاطمه:حاضر
••••••••••••••••••••••••••••
فى المستشفى الدكتور خرج من العنايه:وجودكو هنا مش هيفيديها بحاجه والزياره كمان ممنوعه لان مناعتها ضعيفه جداا ممكن تتفضلو على بيتكو ولو فى اى جديد اكيد هكلمكو
قاسم:عمى الدكتور معاه حق خلينى اوصلكو القصر وانا هروح الشركه لازم حد يكون موجود هناك
بدر:انا هاجى معاك الشركه ياقاسم يلا يابوى وانا هابقي اجى اطمن عليها من وقت لتانى
حمدان بحزن:يلا ياولاد
كلهم ركبو فى عربيه قاسم ووصلو حمدان القصر وراحو شركه يشوفو شغلهم
••••••••••••••••••••••••
فى اوضه ورده قاعده على سريرها بملل من وقت ما عمها وجدها منعوها تطلع من اوضتها الباب خبط ودخلت ليلى
ورده بفرحه:ليلى
ليلى:وحشتينى ياورده قوى
ورده:وانتى كمان والله وحشانى اوى وبجد زهقت من القاعده دى
ليلى:والله جاعدتك إهنه ارحم ماتنزلى تحت وتسمعى كلامهم اللى بيحرج الدم
ورده:غسان عمل معاكى حاجه
ليلى:العادى بتاعه
ورده بحزن:ضربك
ليلى بدموع:اتعودت خلاص ياريته بيضربنى بس ميسمعنيش كلامه اللى زى السم عشان مش بخلف
ورده اخدتها فى حضنها وليلى انهارت وعيطو الاتنين على حالهم الباب اتفتح ودخلت زهرة:بتبكوو ليه يابنات
البنات بعدو عن بعض ومسحو دموعهم
زهرة ومعاها صنيه اكل:الله فيكم ايه
ليلى:مافيش ياخالتى زهرة احنا بخير
زهرة:لما انتو بخير بتبكو ليه
ورده بحزن:على حالنا
زهرة:دانتو بنات كيف الجمر ربنا يفرح جلوبكو ياحبايب جلبي
البنات:يارب
زهرة:يلا عشان تاكلو
البنات:حاضر
•••••••••••••••••••••••••
بالليل رجع الشباب للقصر بعد ماخلصو شغلهم
ندى وفاطمه كانو بيستنوهم عشان يحضرولهم العشا
ندى:حمدلله على السلامه يلا عشان تتعشو
قاسم:انا كلت حاجه خفيفه بين الاجتماعين بس بدر ماكلش يلا اصبحو على خير
الكل:تلاقى الخير
ندى وقاسم طلعوو وبدر لسه هيطلع
فاطمه مسكت ايده:بدر
بدر بصلها اوى لانها اول مرة تمسك ايده
فاطمه بعدت ايدها بسرعه:هحضرلك الاكل عشان تتعشي
بدر:انتى ماكلتيش صح
فاطمه هزت راسها بلا
بدر:حضرى العشا وانا هطلع اخد شاور
فاطمه:حاضر
فاطمه اخدت الصنيه وطلعت الاوضه كان بدر لسه فى الحمام ولقت ياسمين بتعيط
فاطمه:ياروحى انا اسفه والله انى سبتك لوحدك
اخدتها فى حضنها ونيمتها على السرير وفضلت تلاعبها وياسمين تضحك بصوت عالى وبدر خرجت وشافهم وابتسم وفاطمه بصتله:يلا عشان تتعشي
بدر:وانتى كمان هتاكلى معايا يلا
فاطمه قعدت جمبه وهى شايله ياسمين اللى من اول ماشافت بدر وهى عايزة تروحله
بدر بصلها:هى عايزانى
فاطمه:ايوا
بدر اخدها وباس راسها وقعدها فى حضنه وبدا ياكل هو وفاطمه وبعد ماخلصو فاطمه اخدت الصنيه نزلتها وطلعت كانت ياسمين نامت فى حضن بدر
فاطمه:نامت
بدر:ايوا
فاطمه:هاتها انيمها فى سريرها
بدر:سبيها تنام فى حضنى
فاطمه بصلته اول مرة يطلب ان ياسمين تنام فى حضنه:الدكتور قالكو ايه على ماما كريمه
بدر:الحاله مش مستقره وممنوع عنها الزياره عشان مناعتها ضعيفه
فاطمه:ان شاء الله هتقوم بالف سلامه
بدر:يارب
••••••••••••••••••••••••••••
قاسم طلع اوضته وكل تفكيره فى ورده وبيردد اسمها باستمرار بينه وبين نفسه وبيفتكر كلام محمد الغفير عنها
قاسم بهمس:يعنى يوم ماتحب تحب بنت عيله رضوان
الباب خبط ودخلت ندى:اخويا حبيبي
قاسم:عايزة ايه
ندى:شيفاك سرحان كدا وحالك متغير مالك
قاسم قعد على الكنبه:شوفتها
ندى قعدت جمبه:بجد طب اسمها ايه ومن عيله مين وساكنه فين عندها كام سنه
قاسم:ايه حيلك حيلك كل ده
ندى:مش بطمن على مرات اخويا
قاسم:مش هينفع ياندى
ندى:ليه .طب قولى اسمها ايه الاول
قاسم:ورده مصطفى رضوان
ندى برقت:من عيله رضوان
قاسم:ايوا
ندى:وهتعمل ايه
قاسم:مش عارف افكر خالص
ندى:ان شاء الله خير ياحبيبي لو هى من نصيبك لو عملو ايه هتكون ليك
قاسم بصلها وضحك:كبرتى ياندوشه
ندى:طبعاا يابنى
قاسم:ابنك طب امشى من هنا يلا عشان عايز انام
ندى:تصبح على خير ويارب تحلم بوردتك
قاسم ضحك على اخته ونام على السرير
••••••••••••••••••••••••
صباح يوم جديد
بدر راح يطمن على والدته فى المستشفى والدكتور قاله الحاله استقرت وممكن تخرج كمان يومين بس محتاجه رعايه كامله وممنوع الحركه وخرج من المستشفى وراح على الشركه
••••••••••••••••••
فى قصر عيله المنشاوى
نجيه:مانت لازمن تاكل ياحمدان عشان تجدر تصلب طولك
حمدان:ماليش نفس يامرت اخوى
ثريه:كل ياخوى الحى ابجي من الميت
سالم ضرب بايده على السفرة:اجفلى خشمك ياثريه وبلاش الحديت الماسخ ده
ثريه قامت من على السفره وبنتها وراها وطلعو على اوضتهم
فاطمه قعدت جمب حمدان ومعاها ياسمين: بابا طب ممكن تاكل عشان خاطر ياسمين
حمدان بص لحفيدته وابتسم وبدا ياكل
تلفون حمدان رن برقم بدر رد عليه وطمنه على والدته وانها هتخرج كمان يومين وقفل معاه
حمدان قالهم والكل فرح
نجيه:الحمدلله يارب الحمدلله
قاسم نزل:صباح النور
الكل:صباح الخير
قاسم:مالكو باين عليكم فرحانين
نجيه:مرت عمك كريمه هترچع على البيت كمان يومين
قاسم:الحمدلله
سالم:رايح الشركه ياولدى
قاسم:اه ياجدى فى اجتماع مهم عشان الصفقه الجديده
حمدان:ربنا يوفجكو ياولاد
نجيه:افطر اللول ياقاسم
قاسم:معلش ياست الكل عشان متاخرش
ندى نازله بسرعه :صباح الخير
الكل:صباح النور
ندى:قاسم ممكن توصلنى فى طريقك لانى متاخرة
قاسم:يلا
قاسم لسه هيمشي بالعربيه تلفونه رن وكان ياسين
قاسم:عايز ايه
ياسين:انت فين الوقت
قاسم:رايح الشركه
ياسين:تمام هستناك على الطريق عايزك فى موضوع مهم
قاسم بص لندى اللى قاعده جمبه:حاضر
قاسم قفل وبص لندى:انزلى اركبي ورا
ندى:ليه
قاسم:واحد صاحبي هيجى يركب معايا
ندى:اوكى
قاسم مشي بالعربيه ووصل عند ياسين اللى اتفاجأ بندى راكبه ورا وفرح جدااا لانه مش بيشوفه تقريباا وركب جمب قاسم وندى مرفعتش عينها من تلفونها
ياسين:صباح الخير
قاسم بحده:صباح النور.موضوع ايه اللى عايزنى فيه
ياسين بص لقاسم وقاسم فهم انه مش هينفع يتكلم معاه قدام ندى مشى بالعربيه وطول الطريق ياسين بيبص على ندى فى المرايه وهى عينها فى تلفونها
بعد شويا وصلو عند الجامعه وندى نزلت وقاسم ضرب ياسين على راسه:ماتلم نفسك
ياسين:ياعم كانت وحشانى الله
قاسم بحده:يااااسين دى اختى انت فاهم
ياسين:مانا عارف وانا مش بضحك عليك وقولتلك على كل حاجه من الاول ياصاحبي
قاسم:طب ارغى موضوع ايه اللى عايزنى فيه
ياسين:غسان مش ناوى على بر ياقاسم انت لازم يكون معاك حراسه الفترة اللى جايه
قاسم:مش قاسم المنشاوى اللى يتحامى فى حرس
ياسين:غسان مخلى واحد من رجلته يرقبك
قاسم:مايراقب هو انا كدا هخاف مثلا
ياسين:انت دماغك ناشفه وانا عارف مش هعرف اتفاهم معاك نزلنى
قاسم وقف بالعربيه وياسين نزل منها وكلم واحد وقاله يمشي ورا قاسم ولو حس باى خطر عليه يكلمه
•••••••••••••••••••••••••
قاسم راح على شركته وكان بدر هناك وخلصو الاجتماع والشغل اللى عندهم ورجعو على البيت وقبل مايدخلو البيت
قاسم:انا هروح اتمشي فى الاراضي شويا
بدر:انت تعبت طول اليوم اطلع ارتاح احسن
قاسم:هتمشي شويا وهرجع تانى
بدر:معتقدش انها هتخرج بعد اللى عمها عمله فيها
قاسم:عارف
قاسم سابه ومشي وراح المكان اللى كانت وردة قاعده فيه وجه عليه عم محمد الغفير:مساء الخير يابيه
قاسم:مساء الخير ياعم محمد
محمد:تؤمر بحاچه يابيه
قاسم:هى بنت عيله رضوان مجيتش هنا تانى
محمد:لا يابيه عمها الله يسامحه حبسها فى اوضتها من يوميها ونبويه مرتى بتقول انه مد يده عليها كمان
قاسم :تمام ياعم محمد شكراا
محمد:العفو يابيه
الراجل اللى غسان مكلفه يراقب قاسم كلمه وقاله على مكانه وانه لوحده وغسان خرج من القصر وهو حامل سلاحه وياسين كان فى البيت وشافه وهو خارج وكلم الراجل اللى بيراقب قاسم وقاله انه فى مكان بتاعهم لوحده ياسين كلم بدر يروحه هناك بسرعه وهو كمان خرج من القصر وراحل
••••••••••••••
قاسم قاعد وسرحان فى ورده سمع صوت هو بيكره
غسان:ازيك ياابن المنشاوى
قاسم لف ليه وشايف المسدس فى ايده:عايز ايه ياغسان
غسان:عايز حياتك
قاسم:وده عشان الصفقه اللى اخدتها منك
غسان:لا انا عارف ان ياسين اللى عرفك ان عايز الصفقه وانى وصلت للورق بس انا جاى النهارده اخد تاار عمى فاروق الله يرحمه اللى عمك احمد قتله
قاسم:انت شكلك ناسي انهم ضربو نار على بعض والاتنين ماتو يعنى كدا خلصانه
غسان:لا لما اخد روحك تبقي كدا خلصت
بدر وصل وقرب منهم
غسان:اهلاااا جيت لقضاءك انت كمان مش بتحبو بعض خلينى اقتلكم سوا عشان تفضلو سوا حتى فى موتكو
بدر:نزل السلاح ده ياغسان احسنلك
غسان:لا انا ناوى على قتله ومش هرجع فيها
ياسين وصل :نزل سلاحك ياغسان
غسان:متقربش ياياسين
ياسين:نزل المسدس ده ياغسان
غسان:جاى تدافع عنه بدل ماتقف مع اخوك
ياسين:انت بتستعبط اقف معاك فى ايه فى انك تقتل
غسان:هاخد تار عمى
ياسين:مافيش تار عمك اخد تاره لما موت عمى احمد فى نفس اللحظه
غسان:لا ابن قدرى المنشاوى لازم يموت
غسان صوب المسدس ناحيه قاسم وضرب بيه .......
روايه ورده القاسم
««الفصل الرابع»»
غسان صوب المسدس ناحيه قاسم وضرب بيه
وياسين جرى باقصي سرعه لانه كان قريب من قاسم ووقف قدامه والرصاصه جت فى درعه قريبه من قلبه ووقع فى الارض
قاسم وبدر جرو عليه وغسان واقف مصدوم من اللى اخوه عمله
قاسم:ياااااااسين رد عليا
بدر:قوم ياصاحبي
قاسم بصوت عالى:اشتاله معايا يابدر بسرعه
بدر وقاسم اشتالو ياسين وركبو العربيه وراحو على المستشفى وغسان واقف مش بيتحرك من الصدمه
والرجل اللى تبع غسان جرى على قصر رضوان وبلغ منصور ووهدان
وعم محمد الغفير راح على قصر المنشاوى وبلغهم باللى حصل
وراح وهدان ومنصور وسالم وحمدان كلهم على المستشفى وغسان اللى فاق من صدمته وراح هو كمان عشان يطمن على اخوه
•••••••••••••••••
فى المستشفى
قاسم وبدر وصلو وقاسم زعق باعلى صوت دكتوووووووور
جه الدكتور بسرعه وامر الممرضيين ياخدو ياسين على العمليات وقاسم هيتجنن من خوفه على ياسين
بدر:اهدى ياقاسم ان شاء الله خير
قاسم قعد على الكرسي:اخدها مكانى يابدر الرصاصه دى كانت ليا ليه عمل كدا
بدر:ياسين طول عمره مافيش اجدع ولا اوفى منه ياصاحبي
بعد شويا الكل وصلو المستشفى
سالم:انت بخير ياولدى
قاسم:ياسين اخد الرصاصه مكانى ياجدى
وهدان قرب من غسان وضربه بالقلم:انت اكيد اتجنيت عشان تعمل عملتك السوده دى
غسان وهو بيبص لقاسم بغل:الرصاصه دى كانت من حق ابن المنشاوى بس حفيدك خاف عليه يموت ووقف قدامه
سالم:باللى انت عملته بتفتح نار اتجفلت من سنين ياولد منصور
منصور:نار التار موجوده من زمان ياسالم يامنشاوى
حمدان:مافيش تار لانهم جتلو بعض واحد من عيلتنا جصاد واحد من عيلتكو
وهدان وقف قدام سالم:ياسين يجوم بسلامه والحكم هيكون فى مجلس البلد والكبار اللى هيحكمو
الدكتور خرج وقاسم جرى عليه:طمنى ياسين عامل ايه
الدكتور:الحمدلله الحاله مستقرة رغم ان الرصاصه كانت قريبه من القلب بس ربنا ستر
الكل:الحمدلله
الدكتور:هو هيفضل الليله دى فى العنايه تحت مراقبه ومن بكرة هيتنقل اوضه عاديه
قاسم:شكرااا يادكتور
الدكتور:بس انا مضطر ابلغ الشرطه
حمدان:دى امور شخصيه ياحاضرة الداكتور واحنا مندخلش الشرطه بيانتنا
الدكتور بصلهم:تمام حضرتكو ممكن تتفضلو لان الزياده ممنوعه عنه وتقدرو تيجو بكرة
سالم بص لوهدان:بكرة هيكون المجلس ياوهدان عشان حفيدك ميفكرش يجرب من حفيدى مرة تانيه
وهدان:وكلنا اكيد هنكون موچودين
قاسم:عمى خد جدى وارجعو على القصر وانا وبدر موجودين هنا
بدر:وجودنا هنا مالوش لازمه ياقاسم خلينا نرجع القصر ونيجى بكرة من بدرى
قاسم:ارجع انت معاهم وانا هفضل هنا
بدر:حاضر
منصور قرب من ابوه:ابوى خد غسان معاك وانا هفضل اهنه عشان ميرچعش يعمل حاچه تانيه
وهدان:حاضر ياولدى
كلهم مشو وفضل قاسم ومنصور
••••••••••••••••••••••
فى قصر المنشاوى الكل عرفو بالخبر وكانو خايفين وبعد شويا كلهم وصلوو
نجيه قامت بسرعه:قاسم فين ياعمى
سالم:قاسم بخير يانجيه متخافيش
بدر:قاسم فضل فى المستشفى مع ياسين
نجيه:وياسين عامل ايه ياولدى
بدر:الحمدلله الحاله مستقرة ربنا ستر
كلهم:الحمدلله
بدر:يلا كل واحد على اوضته خلينا ننام عشان المجلس بكرة وكمان امى هتخرج من المستشفى
كل واحد راح على اوضته
•••••••••••••••••
بدر وفاطمه دخلو الاوضه وبدر كان باين عليه التعب وقعد على الكنبه وحط ايده على وشه
فاطمه دخلت الحمام وبعد شويا خرجت:انا حضرتلك الحمام
بدر قام دخل الحمام وفاطمه حضرتله هدوم وكانت بتنيم ياسمين
بعد شويا بدر خرج ونام على السرير وفاطمه قربت من السرير:انت كويس
بدر:كويس يافاطمه لو ياسمين نامت اطفى النور عايز انام
فاطمه نيمت ياسمين مكانها وراحت هى كمان عشان تنام
••••••••••••••••••••••••••
فى قصر عيله رضوان
كانت زهرة بتعيط من وقت ما عرفت الخبر وليلى بتحاول تهديها
هنيه ببردو:ماتهدى شوي اكيد هايجو يطمونا
زهرة بصتلها ومردتش عليها وسمعو صوت العربيه ووهدان وغسان دخلو من باب القصر وزهرة جرت عليهم:ابنى عامل ايه ياجدى
وهدان قعد على الكنبه:الحمدلله بخير متجلجيش
زهرة:عايزة اشوف ولدى ياعمى خلينى اروح اطمن عليه
وهدان:ابنك بخير يازهرة وهو فى العنايه دلوك وبكرة هيتنقل اوضه عاديه وتجدرى تروحى تشوفيه
زهرة بصت لغسان وقربت منه وضربته بالقلم:عايز تجتل ياولدى عشان تلوث ايدك بالدم وشوف ربنا عمل ايه اخوك اللى كان هيروح فيها
غسان بعصبيه:هو اللى غبي راح وقف قدام ابن المنشاوى عشان يحميه
وهدان ضرب بعصايته فى الارض:كل واحد يروح على اوضته ماعيزش اسمع حسكوو
وبكرة لازم تحضر المجلس ياغسان واياك تعصى امرى
غسان:حاضر ياجدى
الكل راح على اوضهم وطبعا ورده مش بتخرج من اوضتها وكانت قاعده قلقانه لان ليلى قالتلى ان ياسين اضرب بنار الباب خبط ودخلت ليلى
ورده جرت عليها:ياسين عامل ايه ياليلى طمنينى
ليلى:الحمدلله بخير ياورده انا جيت اطمنك نامى شكل اللى چاى مش خير
ورده:ليه
ليلى:هيكون فى مجلس بكرة والكبار اللى هيحكمووو
وردة:ربنا يستر
ليلى:اصبحى على خير
ورده:وانتى بخير
••••••••••••••••••••••••••••
الكل نام وفى قلبهم خوف مش عارفين كبار المجلس هيحكمو بايه
••••••••••••••••••••••••••••
صباح تانى يوم الكل راحو المستشفى يطمنو على ياسين اللى كان اتنقل اوضه عاديه وقاسم قاعد معاه
قاسم:ليه عملت كدا ياصاحبي
ياسين بتعب:انا افديك بروحى ياقاسم
قاسم:لو كان جرالك حاجه ماكنتش هسامح نفسي ابدااا
ياسين:لو الرصاصه دى جت فيك انا اللى ماكنتش هسامح نفسي ياصاحبي
منصور دخل:حمدلله على سلامتك ياولدى
ياسين:الله يسلمك يابوى
الباب خبط ودخل وهدان وغسان وزهرة وسالم وبدر
وهدان:حمدلله على سلامتك ياولدى
ياسين:الله يسلمك ياجدى
زهرة:حمدلله على سلامتك ياضي عينى حاسس بحاجه
ياسين:انا بخير ياست الكل متقلقيش عليا
سالم:بركه انك جومت بسلامه ياياسين
ياسين:تسلم ياجدى
بدر:حمدلله على سلامتك ياصاحبي
ياسين:الله يسلمك يابدر
ياسين بص لغسان:ايه ياخوى مش هتقولى حمدلله على السلامه
غسان:حمدلله على السلامه ياخوى
ياسين:الله يسلمك
سالم:يلا عشان المجلس ياشباب
ياسين:مجلس ايه
وهدان:لازم الكبار يحكمو عشان اللى حوصل امبارح ميكررش واصل
قاسم:انا هفضل مع ياسين ياجدى
سالم:لازمن تحضر ياولدى
بدر:انا هروح عشان نوصل امى على القصر وهاجى على المجلس ياجدى
سالم:حاضر ياولدى وابوك هناك عنديها
الكل خرج وفضلت زهرة مع ياسين
••••••••••••••••••
حمدان راح المستشفى وخلص اجراءات خروج كريمه من المستشفى وبدر راحله وخرجت معاها وبدر مسندها وركبو العربيه وصلوها القصر وراحو على المجلس
•••••••••••••••••••••••••••
فى مكان المجلس الكل كان متجمع شيوخ وكبار البلد ووصل سالم ووهدان وكل واحد قعد على الكرسي الخاص بيه ومنصور قعد وجمبه غسان ابنه وحمدان قعد جمب ابوه وجمبه بدر وقاسم
سالم:اكيد انتو عارفين احنا اتچمعنا إهنه ليه
واحد من شيوخ البلد:صوح ياسالم بيه واحنا اتكلمنا جبل ماتوصلو ولجينا الحل للمشكله دى واخدنا الجرار كمان
وهدان:اخدتو جرار بدون راينا كيف يعنى
واحد تانى من شيوخ البلد:لان المشكله المرادى تخصكو يا وهدان بيه ومن جوانين المجلس اللى بتخصه المشكله ميجدرش ياخد جرار
حمدان:وايه هو الحل بجى
واحد من كبار المجلس:عشان التار يوجف وميبجاش فيه دم واصل لازمن يكون فى نسب بين عيلتين
سالم:كيف يعنى
كبير شيوخ البلد:قاسم وياسين لساتهم مش متچوزين وكمان اخت قاسم وبنت المرحوم مصطفى كمان مش اتچوزو
بدر وقاسم بصو لبعض
وهدان:جصدك ان قاسم يتجوز بنت مصطفى وياسين يتجوز اخت قاسم
منصور قام وقف:على جثتى ان الجوازة دى تتم
كبير الشيوخ قام وقف:ده جرار المجلس ومش هنتراجع عنيه وانت عارف ياوهدان بيه اى جرار بياخده المجلس لازمن وحتما يتنفذ
سالم:صوح
واحد من كبار البلد:بكرة كتب الكتاب والدخله السبوع الجاى
الكل مشي وفضل عيله المنشاوى وعيله رضوان
منصور:انت هتوافق على الكلام ده يابوى
وهدان:ده جرار المجلس ياولدى منجدرش نتكلم
سالم:زى ماسمعت كلام ابوك يامنصور جرار المجلس هيتنفذ وبكرة كتب الكتاب هيكون فى القصر عندى
غسان:وليه مش عندنا
سالم ضرب بعصايته فى الارض:اسال جدك وهو يخبرك ليه... همو بينا ياولاد
سالم مشي ومعاه حمدان فى عربيه وقاسم وبدر فى عربيه
بدر:مبروك ياصاحبي جتلك لحد عندك
قاسم وهو باصص قدامه:مش بطريقه دى يابدر مش عايزها بغصب اكيد عمها هيغصبها على الجواز وممكن تحاول تهرب زى المرة اللى فاتت
بدر:اه الجواز هيبقي بالغصب بس لما تعيش معاك اكيد هتحبك ياصاحبي
قاسم سكت شويا ورجع ضحك
بدر:بتضحك على ايه
قاسم:ياسين لما يعرف هيعمل حفله
بدر:تصدق ده ممكن يموت من الفرحه .تعالى نروح نشتغله شويا
قاسم:يلا بينا
••••••••••••••••••••••••••••••
وهدان ومنصور وغسان وصلو القصر وكان الكل متجمع فى الصاله ماعدا ورده وزهرة اللى عند ياسين
منصور:روحى ياليلى نادى على زفته الطين اللى فوج
ليلى راحت وبعد شويا جت هى وورده
هنيه:جرار المجلس كان ايه ياعمى
وهدان:عشان الدم يوجف لازمن يكون فى نسب بين عيلتين
هنيه:يعنى ايه
منصور:يعنى ياسين هيتجوز من بتهم وقاسم هيتجوز من بتنا
ورده اتصدمت لانها البنت الوحيده فى القصر
ليلى:جصدك ورده
غسان:هو فى غيرها
ورده:انا مش عايزة اتجوز ومش هوافق على الكلام ده
منصور بصوت عالى:اكتمى يابت نجوان حسك ماعيز اسمعه
وهدان:خلاص الجرار طلع ولازمن يتنفذ وبكرة كتب الكتاب والدخله كمان سبوع
هنيه بسخريه:مبروك يابت نجوان وها يامنصور ابجى احبسها لتفكر تهرب وتفضحنا
منصور قرب من ورده اللى اترعبت:لو فكرتى بس مچرد تفكير انك تخطى خطوه بس برا القصر هيكون موتك على يدى
ورده بخوف:حاضر
منصور:يلا ارچعى اوضتك تانى وماعيز اشوف خلجتك
ورده مشت ووهدان بصلهم:بكرة الكل يچهز كتب الكتاب هيكون فى قصر عيله المنشاوى
••••••••••••••••••••••••
فى المستشفى وصل قاسم وبدر ودخلو عند ياسين كانت زهرة قاعده جمبها
زهرة:تعالو ياشباب
قاسم:عامل ايه الوقت ياصاحبي
ياسين:بخير الحمدلله عملتو ايه فى المجلس
بدر قعد على الكنبه بحزن: المجلس عايزين يجوزو قاسم من ورده بنت عمك وغسان من ندى اخت قاسم
قاسم بص لبدر بصدمه وياسين الخبر نزل عليه زى الصاعقه:بتقول ايه ازاى وهو متجوز
بدر:عندنا بيتجوزو ٤ مرات عادى
زهرة بصت لقاسم:وانت موافج ياولدى
بدر:هيعمل ايه يعنى قرار المجلس محدش يقدر يرجع فيه حتى جدى وجدك
ياسين:انت بجد هتسيب اختك تتجوز من غسان ياقاسم
قاسم وقف جمب ياسين اللى مصدوم:سيبك من الواد ده عايز يضايقك وخلاص
ياسين:قصدك ايه
قاسم:المجلس عايز يحصل نسب بين العيلتين ولان مافيش غيرى انا وانت وندى وبنت عمك قررو يجوزونا
ياسين برق:يعنى انا هتجوز ندى
بدر:مش قولتك ممكن يموت من الفرحه
ياسين:طب احلف كدا
قاسم:يابنى هو الكلام ده فيه هزار
زهرة زغرطت:مبروك يا ولاد واخيرا هتفرح جلبي ياضى عينى
ياسين:الله يبارك فيك ياما.. لو كنت اعرف انى لو اخدت الرصاصه دى هتجوزها كنت اخدتها من زمان ياجدعان
قاسم:انت مجنون يابنى
ياسين بص قاسم:مبروك ياصاحبي
قاسم:الله يبارك فيك
زهرة:مبروك يا قاسم ياولدى
قاسم:الله يبارك فيك ياخالتى
زهرة:ورده بت مافيش منيها ياولدى طيبه وبت حلال ومحترمه متفكرش لانها كانت عايشه فى البندر انها معرفاش تجاليدنا وعاداتنا لااا امها وابوها الله يرحمهم كانو بيحكولها عن الصعيد واهلها وهى كانت فرحانه لما جت تعيش فى القصر بس الله يسامحه منصور خلاها تكره الصعيد باللى فيها
حطها فى عينك ياولدى
قاسم:اكيد ياخالتى
الباب خبط ودخل الدكتور:عامل ايه الوقت ياياسين
ياسين:دانا ميت فل وعشرة
بدر وقاسم ضحكو عليه
ياسين:انا عايز اخرج
الدكتور:انت ممكن تخرج النهارده لو حابب بس تمشي على العلاج وتغير على الجرح باستمرار
زهرة:متجلجش ياداكتور انا مش هسيبه واصل
قاسم:هروح اجهز ورق خروجك
بعد شويا كان الكل خرج من المستشفى وكل واحد رجع على بيته.......
روايه ورده القاسم
««الفصل الخامس»»
قاسم وبدر رجعو على القصر بعد ماوصلو ياسين ووالدته كان سالم وحمدان ونجيه قاعدين فى الصاله
نجيه:حمدلله على السلامه ياولاد ياسين عامل ايه
قاسم:بخير ياست الكل ورجع على القصر كمان
بدر:انا طالع انام بكرة يوم طويل اصبحو على خير
الكل:تلاقى الخير
قاسم:ندى فين
نجيه:من وجت ماعرفت ان بكرة كتب كتابها حابسه نفسيها فى اوضتها وبتبكى
قاسم:انا هطلعها واتكلم معاها
•••••••••••••••••
بدر دخل الاوضه كانت فاطمه نايمه وفى حضنها ياسمين وقف يبصلهم وهما نايمين شويا ورجع دخل الحمام اخد شاور وخرج نام هو كمان
•••••••••••••••••
قاسم خبط على باب اوضه ندى
ندى:اتفضل
قاسم دخل وقعد جمبها على السرير:مالك ياندوشه
ندى بعياط:يعنى مش عارف مالى انت ازاى توافق بكلام ده ياقاسم هترمى اختك عند اكتر عيله بتكرهكم
قاسم:وانتى شايفه انى برميكى ياندى اسمعينى كويس ياسين صاحب عمرى انتى شوفتى لما ضحى بنفسه واخد الرصاصه مكانى انا مش برميكى انا بسلمك لراجل هيكون سند وضهر ليكى
ندى:انا اسفه
قاسم:انا فاهم وعارف انك خايفه ياحبيبتى لان الطريقه كلها غلط بس انا معاكى واللى متاكد منه ان ياسين مش هيسيبك ابدااا
ندى:انا فرحانه اوى عشانك لانك هتتجوز البنت اللى اختارها قلبك
قاسم ضحك وباس راس اخته وخرج كانت امه واقفه قدام الباب
نجيه:الكلام ده صوح ياولدى ورده هى البت اللى حكتلى عنيها
قاسم:ايوا هى ياست الكل
نجيه حضنته:مبروك ياجلب امك ربنا يفرح جلبك وجلبها ياولدى
قاسم:يارب ياست الكل
نجيه:روح نام ياحبيبي بكرة يوم طويل عليك
قاسم:تصبحى على خير
نجيه:تلاقى الخير ياولدى
قاسم مشي ونجيه كمان وكانت نوراة سامعه كلامهم وراحت على اوضه ثريه امها
•••••••••••
ثريه قاعده فى اوضتها وهتجنن لان قاسم هيتجوز بنتها نوراه دخلت عليها:الحجينى ياما
ثريه:فى ايه يابت
نوراة:البت اللى قاسم هيتچوزها هى نفسها البت اللى كان بيحكى عنيها لندى اخته
ثريه:بت اللى كان شافها وهى بتهرب
نوراة:ايوا هيا ياما هيا
ثرية:وانا بجول ليه قاسم ساكت ومهيعترضش على الجواز ده اترايه عشان هيتچوز حبيبه الجلب
نوراة:هنعمل ايه ياما
ثريه:منجدرش نعملو حاجه يابتى لان ده جرار المجلس بس اكيد لما تشرف ست الحسن هنعمل كاتير
نوراة:شكلك هتستجبليها احلى استجبال ياما
ثريه بخبث:اومال
••••••••••••••••••
فى قصر عيله رضوان وتحديده فى اوضه ورده اللى بتعيط فى حضن ليلى
ليلى:اهدى شويا بجى ياوردة
ورده بعياط:ونبي قوليلهم مش عايزة اتجوز عشان خاطرى
ليلى:انتى عارفه ده جرار المجلس محدش يجدر يدخل فيه حتى جدى وبصراحه بجى انا شايفه انك تتچوزى وتمشي من إهنه ياورده يعنى هى عيشتك هنا حلوة قوى
ورده:مانا هتچوز واحد صعيدى اكيد هيكون زى عمى وجوزك كدا وممكن يعمل فيا نفس اللى عمى بيعمله
زهرة دخلت عليهم:قاسم زين الرجال ياورده يابتى متخافيش وبكرة لما تتچوزيه هتعرفيه زين
ورده:خالتى
ليلى:ياسين عامل ايه ياخالتى
زهرة:ياسين بخير الحمدلله ورجع على القصر كمان
ورده:حمدلله على سلامته
زهرة:الله يسلمك ياحبيبه جلبي يلا نامى عشان بكرة كتب كتابك
ليلى:انا هروح اوضتى انا كمان
ورده:حاضر
ليلى وزهرة خرجو وورده قررت انها لازم تتكلم مع جدهاا بكرة وتحاول تقنعه يغير قراره وبعد تفكير كتير نامت
•••••••••••••••••••••
صباح يوم جديد فى قصر عيله المنشاوى
سالم:روح ياولدى جيبو عيله رضوان اهنه
قاسم:حاضر ياجدى يلا يابدر
قاسم وبدر خرجو
حمدان:انا خايف على ندى من عيله رضوان يابوى
سالم:مايجدروش يجربو منيها لانهم هيخافو ياولدى
حمدان:منصور وولده ومرت فاروق اللى خايف منيهم
سالم:سيبها على الله ياولدى
حمدان:ونعمه بالله
••••••••••••••••••
قاسم وبدر وصلو قصر عيله رضوان ووهدان امر الحرس يدخلوهم المندرة
وهدان:شرفتوو ياشباب اتفضلو
قاسم:احنا جايين ناخدكو ياجدى على القصر
وهدان:الحريم يجهزو وهنتحرك ياولدى تشربو جهوة
بدر:مالوش لزوم ياجدى
وهدان:ازاى ياولدى لازمن تشربو حاچه
وامر انهم يجيبو قهوة على المندرة
وياسين نزل وسلم على اصحابه
وهدان:اجعد مع الشباب ياياسين وانا هرد على المكالمه دى
(المندرة مكان واسع ووهدان كان واقف يتكلم فى ناحيه والناحيه التانيه كانو الشباب قاعدين)
•••••••••••••
ورده نزلت وسالت على جدها وعرفت انه فى المندرة بس متعرفش انه معاه ضيوف
ودخلت على طول وكان وشها لجدها ومش شايفه اللى قاعدين الجمب التانى
ورده:جدى
الشباب بصو عليها وقاسم فرح انه شافها
وهدان قفل المكالمه ولف ليها بعصبيه:ايه اللى جابك إهنه يابت نجوان
قاسم اضايق من طريقه جدها معاها
ورده:جيت اقولك الكلام اللى جوايا ياجدى
وهدان:كلام ايه
ورده:ليه بتعمل معايا كدا .... انا عملت فيكو ايه عشان تتعاملو معايا بالقسوة دى
وهدان:امك بت البندر هى السبب اللى بعدك ابوكى عنينا
ورده:امى اللى بتغلطو فيها عملت فيكو ايه ... عارف ياجدى ماما عمرها ماقالت عليكم كلمه مش كويسه وعمرها ماغلطت فيكو نجوان بنت البندر زى مانت وعمى بتقولو كانت بتقولى عليكم احسن كلام وتقولى اوعى تكرهى اهل باباكى ياوردة هما من حبهم فى ابوكى زعلو انه بعد عنهم ... اليوم اللى بابا قالى اننا هنيجى على الصعيد كنت اسعد واحده فى الدنيا عشان هشوف اهلى اللى اتحرمت منهم سنين وقولت اكيد هيعوضونى عن موت امى بس عارف ياجدى ياريتنى ماجيت ولا عرفتكو انتو مش بس دمرتو حياتى انتو دمرتونى انا شخصيااا
وهدان بحده:ليه عملنا فيكى ايه يابت نجوان
ورده:اقولك عملتو فيا ايه طب اسمعنى ياجدى انا ورده مصطفى رضوان اللى كانت بتطلع الاولى على دفعتها ٤ سنين وكنت بدرب فى اكبر مستشفى فى القاهرة وكنت دكتورة شاطرة رغم انى لسه بدرس انتو عملتو فيا ايه خلتونى خدامه عندكو ..منعتونى اكمل تعليمى وكمان كنتو هتجوزونى من راجل كبير ولما فكرت اهرب حبستونى فى اوضتى كانى سجينه عندكوو لسه عايز تسمع كمان واخر حاجه هتعملها معايا هتجوزنى عشان تحمى ابنك وحفيدك من التار بس عارف ياجدى انا مش زعلانه انا اسعد واحده انى همشى من هنا وهابعد عنكو انا مش عارفه هتكون حياتى عامله ازاى هناك بس عارف لو طلع اللى هتجوزه ده مش كويس انا مش هزعل عشان اللى انا من لحمهم ودمهم كانو بيعاملونى اسوء معامله
بس رغم كل ده انا مسامحكو ياجدى لان نجوان بنت البندر عملتنى اسامح انا كنت جايه عشان احاول اقنعك تغير قرار المجلس وتمنع الجوازة دى بس انا الوقت اللى بقولك انا موافقه ياجدى
وهدان كان مصدوم من كلامها وانه كان قاسي معاها وهى حفيدته زيها زى ليلى
ياسين قرب من ورده:ورده انتى كويسه
ورده لفت واتفاجأت بالشباب وبصت على قاسم اوى وافتكرت ان ده الشاب اللى خبطت فيه يوم ماهربت من القصر
ياسين:ورده
ورده:هااا
ياسين:انتى كويسه
ورده:كويسه جداا
منصور وغسان دخلو
منصور بحده:بتعملى ايه اهنه يابت نجوان
وهدان:ورده كانت بتتكلم معايا ياولدى
غسان:كلام ايه اللى وسط الرجاله
ورده خرجت من المندرة ووهدان قال لغسان يقول للحريم يجهزوو
وبعد شويا الكل خرج من القصر واتجهو لقصر المنشاوى
•••••••••••••••••••••••
فى ساحه قصر المنشاوى الشباب قاعدين سوا
بدر:ياعم اتهد شويا عارفين انك فرحان
ياسين:ياعم دانا كنت بحلم باليوم ده
قاسم:ياسين مش هوصيك على ندى انا عارف انك هتكون سند وضهر ليها وهتحطها فى عينيك قبل قلبك
ياسين:انت بجد بتوصينى عليها انا مصدقت انها هتكون معايا دانا ضحيت بحياتى عشانك دانا ممكن اموت نفسي فداها يابنى
بدر:والله مجنون
ياسين:وانت ياقاسم مش هوصيك على ورده
بدر ضحك
ياسين:الحيوان ده ماله
بدر ضربه:لم نفسك احسنلك
ياسين:ماتفهمنى بتضحك على ايه
بدر:اللى حضرتك متعرفوش ان البنت اللى قاسم كان شافها وخطفت قلبه تبقي ورده بنت عمك
ياسين بص لقاسم:بجد ياقاسم
بدر:انت مش مصدقنى ياحيوان انت
ياسين:مبروك ياصاحبي وانا اللى كنت زعلان عشانك
قاسم:الله يبارك فيك ياصاحبي
•••••••••••••••••••
فى اوضه كبيرة اتجمع فيها الحريم كلهم
نجيه قاعده وجمبها ورده وزهرة جمبها ندى
وفاطمه وليلى وثريه ونوراة جمب بعض وكريمه طبعاا لانها تعبانه مخرجتش من اوضتها وهنيه اللى رفضت تيجى بيت اللى قتلو جوزها
نجيه:ماشاء الله زى الجمر يابتى ربنا يحميك لشبابك
ورده:تسلمى عيونك هى اللى حلوه
زهرة:وندى بسم الله تبارك الله جمرين يانجيه ربنا يباركلك فيها يارب
نجيه:تسلمى ياخيتى
ندى:انا مبسوطه انى اتعرفت عليكى ياورده واكيد هنكون اصدقاء
ورده:ده حاجه تشرفنى والله
فاطمه:كان عندى ندى بس اختى وصحبتى بقي عندى ورده وليلى كمان
ليلى اللى شايله ياسمين:انتى طيبه قوى يافاطمه وبنوتك دى زى الجمر وانا حبيتها قوى
قضو وقتهم يتعرفو على بعض اكتر وثريه وبنتها نوراة متابعنهم
نوراة بهمس لامها:البت زى الجمر ياما
ثريه بنفس الهمس:جمر بس دى بدر منور
نوراة:انتى عايزة تنجطينى ياما
ثريه:اكتمى يابت
•••••••••••••••••••••
بليل وصل الماذون والرجاله كلهم وطبعاا الرجاله اللى كانو فى المجلس كانو حاضرين ومتجمعين فى ساحه القصر وكتبو الكتاب وحمدان اخد الدفتر ودخل للبنات القصر عشان يمضو هما كمان وخرج تانى وبدا ضرب النار والكل بقي يبارك لشباب
وجوا القصر كان صوت الزغرايط عالى والكل بقي يبارك لورده وندى
ندى وورده طبعاا ميعرفوش غير اسماء اللى اتجوزوهم لكن شكلهم لا
وبدا نجيه وفاطمه وليلى وزهرة اللى اصرو يساعدوهم يخرجو الاكل والشباب ياخدو منهم ويقدمو لرجاله بدر شاف فاطمه وكانت لابسه عبايه بلون السماا وطرحه بيضا وكانت زى القمر بدر قرب منها وبياخد منها صنيه الاكل وقرب من ودنها وهمسها:ادخلى جوا ومتخرجيش هنا تانى
فاطمه بكسوف:حاضر
فاطمه دخلت بسرعه وبدر راح يقدم الاكل لرجاله وقعد جمب الشباب
ياسين:شوفت صاحبك غيران على مراته مننا ويقولك ايه متجوزها عشان بنت اخويا ياشيخ اتنيل
قاسم ضحك
بدر بصله:اسكت بدل مااعملك خريطه فى وشك الوقت
ياسين:لا ونبي دانا عريس.. قاسم انت ياض
قاسم:عايز ايه يازفت
ياسين:هو انا مش هشوف مراتى واحضنها والف بيها ولا ايه
بدر ضحك:شكلك ناوى تشوفها بس بعد ماقاسم يعملك احلى خريطه فى وشك
ياسين بص لقاسم: لاااا انسي دى بقت مراتى يعنى براحتى خلاص مش هخاف منك لما اجى اكلم عليها
قاسم:اسكت شويا بقي
بدر:واد ياياسين
ياسين:عايز ايه
بدر:اخوك غسان لساله ثانيه ويقوم يقتلنا
ياسين بص على اخوه لاقاه بيبصلهم بغل:سيبك منه دانا اخوه ومش طايقنى اصلااا
قاسم:اخوك شكله مش ناوى على خير حط فى دماغك لو ندى اتخدشت بس خدش وهى عندكو مش هتشوف ضافرها مرة تانيه ياياسين
ياسين زعل من كلام قاسم:انت شايفنى انى مش راجل يعنى مش هقدر احمى مراتى واحافظ عليها ياقاسم تشكر ياصاحبي
ياسين قام مشي وبدر بص لقاسم:انت لو مكنتش واثق ان ياسين هيحمى اختك عمرك ماكنت هتوافق على الجوازة دى ياقاسم
قاسم:انا واثق فى ياسين بس عيلته لا
بدر:سيبها على الله ياصاحبي وبعدين خاف على مراتك من عمتك وبنتها
قاسم:ليه
بدر:انت هتستعبط مانت عارف انها عايزة تجوزك نوراة
قاسم:سيبك منهم محدش هيقدر يمس شعره منها دى مرات قاسم المنشاوى
بدر:ماشي ياكبير ..تعالى نشوف الحيوان ده راح فين
قاسم:تعالى
•••••••••••••••
اليوم خلص وعيله رضوان رجعو على قصرهم ....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هنااااااااا
مجمع الروايات الكامله اضغط هناااااااا
 روايه وردة القاسم الفصل الاول والثاني…){kind=link}
تعليقات
إرسال تعليق
فضلا اترك تعليق من هنا