رواية تزوجت صعيدى الفصل السابع وعشرون والثامن وعشرون بقلم أميرة جمال( حصريه وجديده في مدونة قصر الروايات)

رواية تزوجت صعيدى الفصل السابع وعشرون والثامن وعشرون بقلم أميرة جمال( حصريه وجديده في مدونة قصر الروايات)

رواية تزوجت صعيدى الفصل السابع وعشرون والثامن وعشرون بقلم أميرة جمال( حصريه وجديده في مدونة قصر الروايات)

استغفر الله عدد ماكان وعدد مايكون وعدد الحركات والسكون💚🌿

#الحلقة 27

سليم اتحرك ناحيتها ومسكها من دراعها بقوة ابن مين انتى اتجننتى

نرمين وهى بتقرب منه نسيت اللى حصل يومها ياسليم

سليم وهو خلاص هيتجنن انا مش فاكر حاجه

نرمين بخبث بس اكيد فاكر لما صحيت وقتها كنا ازاى

سليم بتوتر انا مش عندى ابن

نرمين وهى بتقرب الولد منه شوف كده يزن شبهك فى كل حاجه كأنه نسخه مصغرة منك

سليم وهو بيقرب من الولد فعلا شبهه جدا بس مستحيل يكون ابنه

الجد بخبط فى الأرض المهزلة دى تقف حالا

الكل وقف ساكت

الجد وهو بيقترب من نرمين ايه اللى رجعك تانى

نرمين ببعض التوتر علشان سليم يشوف ابنه

الجد وماجبتيهوش من زمان ليه اشمعن دلوقت

نرمين علشان كده سليم خلاص اتجوز وهينسي ابنه وانا مش قادرة اربى الولد لوحدى 

الجد تمام الصباح رباح بكره نشوف الموضوع ده حضروا أوضة الضيوف وانت ياسليم خد عروستك واطلع فوق والكل يطلع يرتاح

نور بعصبيه لازم افهم مين دى وكمان ابنه ازاى

الجد بهدوء جوزك يفهمك يانور هى مين دى يابتى يلا اطلعى فوق 

نور ماتحركتش من مكانها من صدمتها

زينب اتحركت ناحيتها وبهدوء اخدت نور من ايدهاا وقعدوا بعيد نور حبيبة ماما ركزى معايا ياقلبى ايا كان مين ابن سليم ده ومين دى مش المهم المهم انك انتى مراته اوعى تضيعى جوزك من ايدك ياحبيبتى هو شكله مش طايقها اصلا والواضح انها كانت غلطه من زمان اعرفى منه الحقيقة وبعدها شوفى اللى انتى عايزاه لو سليم مش فارق معاكى ابقى سيبيه لكن بقا لو ليه مكانة فى قلبك اوعى تسيبيه ليها وتسيبيها تاخد جوزك وفرحتك ماتتسرعيش يانور يلا ياحبيبتى اطلعى مع جوزك دلوقتى

نور بتفهم حاضر يا ماما وطلعت عندهم تانى واتحركت هى وسليم على اوضتهم

********أميرة اميرة جمال ************

سليم دخل اوضته قعد على السرير ورأسه بين ايديه

نور بهدوء ممكن تفهمنى

سليم مش دلوقتى يانور

نور لازم دلوقتى ياسليم علشان اعرف انا هعمل ايه

سليم بخضة ووقف نور انتى ممكن تسيبينى 

نور مافهمتش خوفه من جده ولا خوف انه يفقدها هى

سليم شاف نور ساكته قلق وقرب منها مسكها وهو بيهزها نور انتى ممكن تسيبينى زى مالكل سابنى ودموعه بدأت تنزل

نور حضنته اهدى ياسليم انا معاك مش هسيبك ابدا

سليم مسك نور جامد ومر وقت ونام فى حضنها

نور بتنهيدة عدلت سليم ونيمته على السرير وهى مش عارفه ايه اللى هيحصل معاها وقامت غيرت هدومها ونامت وهى بتدعى ربنا يكون كل ده كابوس ولسه هتصحى منه

********أميرة جمال**************

نرمين واقفه فى بلكونة اوضتها وهى بتدخن سيجارة وبتتكلم فى التليفون

نرمين كده تمام

قدرية أيوة لكن اثبتى على موقفك وخليكى ورا نور لحد ماتطلب الطلا

نرمين بتأكيد ماتقلقيش سليم هيبقا زى الخاتم فى صباعى

قدرية بتحذير انتى هتدمرى حياته وبعد كده هتمشى ومالكيش دعوة بيه نهائى

نرمين بتأكيد حاضر وقفلت مع قدريه

نرمين وهى بتبتسم وبتكلم نفسها غبيه ياقدرية فكرانى هسيب سليم كده بالساهل زمان فلت من ايدى غلط المره دى مستحيل اسيبه هجاريكى بس ياقدرية لحد ماخد فلوسي منك وبعدها سليم هيبقا ليا انا وبس ولا نور ولا حتى سارة وانتهت من سيجارتها ودخلت اوضتها

يزن ببراءه انا عايز اكل

نرمين بعصبيه ولا أخرس خالص ناقصاك انت كمان

يزن بدأ يعيط

نرمين بقسوة ماسمعش صوتك

يزن خاف وحط ايده علشان يمنع صوته انه يطلع

نرمين راحت تنام على السرير علشان ترتاح من تعب الطريق وسابت يزن 

*********أميرة جمال**********

سارة بغيظ يعنى ايه ابن سليم كده كل حاجه بخططلها هتبوظ

حسام بعصبيه قولتلك مية مرة ماتتكلميش عن راجل تانى وانتى على  ذمتي 

سارة بسخرية وهو فين الراجل التانى ده

حسام بغيظ امال سليم ده ايه

سارة سليم ده الراجل الأول والأخير ده سيد الرجالة كلهم

حسام وقف بعصبيه سارة احترمى نفسك

سارة اياك صوتك يعلى عليا ياحسام نسيت نفسك ولاايه ده جواز اتفاق

حسام ضربها بالقلم واضح انتى اللى نسيتى كيف تتعاملى مع جوزك

سارة بصدمة بتمد ايدك عليا انت اتجننت

حسام لا انتى اللى اتجننتى ونسيتى نفسك ولو مافوقتيش انا هفوقك بنفسي

سارة خافت من عصبيه وقررت انها تسكت دلوقتى 

حسام مش النهاردة فرحنا

سارة سكتت

حسام مش بكلمك

سارة أيوة فرحنا عايز ايه يعنى 

حسام عريس  بقا وعايز اتدلع واتحرك ناحية الدولاب وطلع منه لبس ورماه على السرير البسي ده وانا هقف فى البلكونة شوية

سارة بصدمة احنا اتفقنا ان جوازنا على ورق وبس

حسام بغرور انا ماتفقتش على حاجه انتى اللى اتفقتى واخلصى هقف فى البلكونة شويه تكونى غيرتى هدومك ولااجى اساعدك وغمز

سارة انت قليل الأدب 

حسام وسافل كمان تحبى تشوفى

سارة لالا خلاص انا هتصرف 

حسام خرج البلكونة ورجع بعد شويه لاوضته تانى

كانت سارة غيرت هدومها وقعدت على السرير ومتغطيه كلها

حسام بسخرية ايه التلج بينزل فى اوضتنا وقلع التيشرت وقعد على السرير بالبنطلون بس وقرب من سارة وهى بترجع بخوف

حسام مسكها بأس رأسها واخدها فى حضنه ونام

سارة استغربت من رد فعله كانت قريبه منه اول مرة تاخد بالها من ملامحه قد ايه جميلة وهو وسيم جدا بعدها نفضت الأفكار دى من دماغها وراحت فى النوم

*********أميرة جمال*********

آدم وهو ماسك ايد ملك فى الجنينة مش فاهم اشمعن سارة وحسام جدى جوزهم واحنا بس اللى خلانا كتب كتاب

ملك بضحك اكيد كان عايز يخلص من سارة وحسام وشرهم 

آدم بضحك والله ممكن ربنا يبعد شرهم عننا

ملك يارب هى مين نرمين دى ياادم وايه حكايتها

آدم بتنهيدة دى حكايه طويلة وهى السبب فى الكره اللى بين سليم وحسام

ملك مش فاهمة

آدم بلاش نتدخل فى حياتهم ياحبيبتى خلى خصوصياتهم ليه ونور ربنا يعينها بقا

ملك حاضر مش هسأل تانى

آدم بسرعه مش قصدى اضايقك والله بس دى حاجات تفتح فى جرح قديم وربنا يعديها على خير

ملك بهدوء مازعلتش والله ربنا يصلح الحال

آدم باباتسامه جذابة يسلملى عقلك وجمالك ياقمرى 

ملك بكسوف تسلم

آدم ايه ده بحب فراولة وهو بيقرب منها

ملك وقفت وطلعت تجرى منه لما نتجوز الأول 

آدم بضحك بيجرى وراها منك لله ياجدى وطلعوا على اوضهم 

يتبع....

أميرة_جمال💚

#تزوجت_صعيدى🌸

اللهم صل وسلم وزد وبارك على محمد وعلى آله وصحبه أجمعين💚🌿

#الحلقة 28

سليم صحى الصبح كانت نور فى حضنه وهو ماسكها جامد كان بيكلم نفسه وبيحمد ربنا ان اللى عدى كان مجرد كابوس شاف نور بتفتح عنيها 

نور بدأت تصحى وشافت سليم وهو بيتأملها قعدت كويس واتكلمت باحراج انت كويس

سليم باستغراب الحمد لله ليه مااكونش كويس

نور بتعجب سليم اللى حصل امبارح انت مش فاكر

سليم فاكر انه كان فرحنا بس شوفت كابوس وحش اووى

نور بتنهيدة شوفت نرمين

سليم بصدمه انتى تعرفيها منين وبعدين وقف يعنى ده ماكنش كابوس كان حقيقة

نور وقفت قصاده اه ياسليم كان حقيقة ممكن تفهمنى مين نرمين

سليم بوجع دى تبقى أسوأ حاجه فى حياتى

نور وابنك

سليم مااعرفش عنه حاجه 

نور يعنى ايه لازم تفهمنى ياسليم انا المفروض مراتك

سليم بتعب انتى احلى حاجه حصلت فى حياتى يانور

نور ابتسمت طيب ممكن تحكيلى بقا

سليم قادرة تسمعى

نور حابه اسمعك 

سليم اتنهد وبدأ يحكى

  Flash

آدم كنت فين ياسليم

لارد

آدم بصوت عالى سلييم روحت فين

سليم بعصبيه فى ايه ياادم سيبنى لوحدى بقا

آدم باستغراب مالك ياسليم فى اى

سليم مخنوق ياادم

آدم احكيلى طيب وكنت فين من ليلة إمبارح آخر مرة قولتلى هتخرج انت ونرمين بتاعتك دى

سليم بعصبيه آدم احترم نفسك دى خطيبتي 

آدم وقف بزعل انا آسف عندك حق انا اتعديت حدودى وكان خارج

سليم آدم اقعد بقا انا مش ناقص والله

آدم تمام ايه اللى مضايقك

سليم بخنقه مش عارف ده حصل ازاى

ادم قرب منه بقلق مالك ياسليم

سليم بتنهيده انا هحكيلك وتقولى اعمل ايه علشان هتجنن

آدم سامعك 

سليم خرجت مع نرمين زى ماانت عارف إمبارح ووصلتها للبيت طلبت منى اوصلها عند شقتها فوق طلعت منها جه عمها اللى عايز يجوزها ابنه بالعافيه ده وحاول يتهجم عليها ويضربها طبعا ضربته وعدمته خالص وهى كانت منهاره ومش عارفه حتى تفتح الباب اخدت المفتاح منها وفتحت ودخلتها وقعدنا على الكنبه فضلت حضنانى جامد انا طبعا عارف ان ده من خوفها مش اكتر حاولت ابعدها وهى لما استوعبت الموقف بعدت عنى بسرعه واعتذرت كتيير وصممت تعملى عصير شربته وحسيت بصداع شويه كده كانت بتساعدنى ارتاح وبعدها ماحستش باى حاجه فوقت الصبح وهى جنبى على السرير وبتعيط وتصرخ وانا مش فاهم اى حاجه ومتأكد انى امبارح ماكنتش فى وعى اخدت ملاية السرير ورميتها تحت فى المخزن ومن ساعتها مش مستوعب ده حصل ازاى والله بس اللى حصل بقا

آدم ممكن تكون لعبه من نرمين

سليم مستحيل طبعا تدمر نفسها واصلا تعمل ده ليه منا هتجوزها

آدم ممكن خافت لان جدك رافض

سليم مش مهم اى حاجه دلوقتى 

آدم هتعمل ايه

سليم هتجوزها طبعا

آدم ماتتسرعش ياسليم

سليم تسرع ايه بقولك دمرت حياتها انا هروح لنرمين دلوقتى اطمنها انى هفضل معاها واطمن عليها لتكون عملت فى نفسها حاجه

آدم يابنى اهدى مش كده

سليم طلع بسرعه من الشركه وآدم جرى وراه وركب معاه العربيه واتحركوا على بيت نرمين

بعد مده قليلة وصلوا على بيت نرمين وطلعوا على شقتها والباب كان مفتوح حاجه بسيطه

سليم يلا نخبط هى ازاى سايبه الباب مفتوح

آدم سليم استنى كده فيه صوت حد جوه

سليم وهو بيقرب سمع صوت راجل بس مش واضح فدخل بسرعه ووراه آدم 

سليم بصدمه انت بتعمل ايه هنا

حسام وهو مش لابس تيشرت سليم انت فاهم غلط والله وقبل سليم مايرد عليه كانت نرمين خارجه ولابسه لبس يظهر اكتر مايخفى

سليم انت ازاى زبالة كده

نرمين بدموع تماسيح سليم هو السبب اللى اجبرنى وقالى هيفضحنى ويقول اللى حصل بينا انا وانت امبارح

حسام بعصبيه اقسم بالله كدابه وحيوانه هى اللى بعتتلى وقالت عايزانى فى موضوع مهم ولما جيت

سليم مقاطعا كلامه اخرس خالص انتوا الاتنين زبالة زى بعض ونزل بسرعه وآدم وراه ولحقه وركب جنبه

آدم سليم هدى السرعه شوية

سليم...........

آدم بزعيق سلييييييم خلى بالك والعربيه اتقلبت بيهم

العيلة كلها عرفت وراحت عندهم وآدم كانت إصابته بسيطه لكن سليم فضل فى غيبوبة لمدة شهر وبعدها فاق وحسام سافر فى الخارج ونرمين بعدت عن حياتهم

   Back

سليم بتنهيدة ده اللى حصل

نور بدموع يعنى انت قربت منها فعلا

سليم وهو بيقرب من نور صدقينى انا مش فاكر ايه اللى حصل انا حكيتلك كل اللى حصل بالظبط

نور يبقا يزن ابنك فعلا

سليم بتعب مش عارف مش عارف

نور وهى بتطبطب عليه اهدى ياسليم

سليم لازم اعمل تحليل علشان اتأكد 

نور بتأكيد اكيد طبعا لازم

سليم نور خليكى جنبى ارجوكى

نور حاضر

سليم أنا اسف على اللى حصل صدقينى ماكنتش اتمنى ده يحصل يوم فرحنا

نور بتنهيده  كله خير

سليم ياارب

*********أميرة جمال***********

الجد تعالى هنا يانرمين

نرمين بدموع نعم ياجدى

الجد عمري ما اكون جد لواحدة زيك 

نرمين عارفه انى غلطت بس ده حصل فى لحظه ضعف منى انا وسليم

الجد بسخريه لما يكون الغلط ده حصل فعلا

نرمين بارتباك يعنى ايه

الجد الغلطه الوحيدة هى معرفة سليم بيكى

نرمين بزعل ليه كده ياجدى

الجد بحزم قولتلك انا مش جدك يا مخبولة انتى

نرمين ويزن هترموه

الجد هتأكد الأول أنه ابن حفيدى وبعد كده هنشوف هنعمل ايه

نرمين يعنى ايه انتوا مش مصدقين

الجد اكيد هو اى حد يجبلنا عيل يبقا ولدنا هنعمل تحاليل 

نرمين امتى

 الجد الوقت انا اللى هحدده وبس وطالما ابنك ومن سليم قلقانه ليه

نرمين بقوة وهخاف من ايه انا جاهزة فى اى وقت عن اذنك وخرجت بره المكتب

الجد وبعدين فى المصائب دى كله قرب يتحل

نرمين لنفسها وبعدين فى الوقعه المنيلة دى بقا انا هشوف قدرية هى اللى تتصرف

يتبع. ........

اميرة_جمال💚

#تزوجت_صعيدى💕

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا