رواية حكاية روح كامله بقلم رشا منصور

رواية حكاية روح كامله بقلم رشا منصور 

#حكايه_روح

#قصة_قصيرة

#الجزءالأول 

انا اسمي عصام عندى 23 سنه معايا دبلوم صنايع ...

وزى شباب كتير مش لاقي شغل  كل ما اروح اى مكان مكنتش اكمل أسبوعين واسيب الشغل 

 وكالعادة ابويا يتخا'نق معايا ويطر'دني من البيت وكنت بروح عند إسلام صاحبي  عايش مع أبوه وأخته الصغيرة لوحدهم عندها خمس سنين من بعد ما اخوه ماجد مات فى حادثة 😓 اتصدم فى عربيه نقل ع الطريق الصحراوي الله يرحمه كان طيب وجدع أوى  ..

زعلت عليه أوى وفضلت واقف جنب اسلام وأبوه فى المحنة دى ويمكن من وقتها ابو اسلام بيعتبرني في مكانة ابنه  وكانوا عارفين عصبيه ابويا  وكل مرة أروح ابات عندهم يومين تلاته وترجع أمي تكلمني علشان أرجع البيت . ده طبعا بعد ما يكون ابويا أعصابه هديت شويه 

وفى يوم لقيت محل ملابس منزل اعلان عاوز واحد يشتغل عنده لمدة أسبوع  لحد ما أخوه يرجع من السفر.

وافقت قولت اى حاجه احسن من قعدت البيت،  وفى آخر يوم شغل ليا فى المحل قبضت. فلوسي  وخدت بعضي وجبت هدومى من البيت واتصلت ع اسلام صاحبي علشان اقوله انى جاى ابات عندهم ، لكن فضل موبايله يديني مغلق او غير متاح واوقات كان بيديني خارج نطاق الخدمة ؟؟  طب وبعدين أعمل ايه أنا ماليش مكان تانى ابات فيه و كل أصحابي عندهم أخوات بنات كبار وأخري معاهم اروح اقف عند باب البيت من تحت  ..

بعد شويه افتكرت ان معايا الرقم الأرضي ، اتصلت ع الرقم رد عليا أبوه  وقالي ان إسلام سافر راح البيت عند عمه  محتاجه يوضب له شويه حاجات وينضف له بير الميه وطلب مني أسافر له وقالي خليك معاه الكام يوم دول وساعده يابني هو محتاجك معاه 

وعرفت منه ان هناك مافيش شبكه للموبايل وان علشان ابنه يتصل عليه لازم يمشي أكتر من اتنين كيلو وقالي ان حتى لو لقيت البيت فاضي اقعد فيه وانضف البير 

ولما سألته هروح هناك ازاى قالي أنه هيبعتلي عربيه هتوصلني لحد البيت  وان السواق يبقي قريبه بس أخرس. مش بيكلم …

قولت له حاضر يا عمي وبصراحة مكنش قدامى حل تانى وإلا بقي كنت ابات فى الشارع . 

وفى أقل من عشر دقايق لقيت عربيه وقفت قدامى وواحد بيشاورلي روحت له ولقيته بيشاور بأيده علشان اركب معاه سألته انت من طرف أبو إسلام هزرأسه ب أيوة 

ركبت وأنا مستغرب هو عرفني ازاى والشارع مليان ناس كتير وخمنت يكون أبو إسلام ادي له صورتي 

وفضلت العربية ماشية مسافة كبيرة لدرجة إنى نمت وفجأة حسيت ان حد بيهز كتفي فتحت عيني لقيت العربيه واقفه قدام البيت  والراجل واقف بره بيبص فى إتجاه تانى بعيد عن العربيه  اومال مين اللى صحاني .!؟؟

نزلت وخدت شنطتي وروحت للراجل قولت له هو ده البيت هز رأسه ب ايوة ، وعينه باصه للبير  وبعدها ركب العربية ومشي او بمعني أوضح اختفي 

فضلت اخبط.  ع الباب لقيته اتفتح لوحدة  ناديت ع إسلام محدش رد  قولت أكيد راح يتصل بالموبايل ولا يشتري اى حاجه  لان المكان حوالين البيت يعتبر صحراء  

 ورغم ان البيت يبان قديم من بره إلا أنه من جوه كان نضيف جدا  وأول ما دخلت لقيت ريسبشن كبير وفيه انتريه وصالون فخم جدا فى وشك ع طول  وع اليمين فى اوضه لما فتحت الباب لقيتها حجرة مكتب ايه ده . 😲

دى صورة الراجل اللى وصلني متعلقه ع الحيطه فوق المكتب هو يقرب ل  أصحاب البيت ايه بالظبط  ولا يمكن ده يبقي عم اسلام  !! طب مدخلش معايا البيت ليه  ؟؟

كملت فرجه ع البيت ، ولقيت ع الشمال الريسبشن أوضة السفرة وعليها أكل وواضح انه سخن يااااه معلشي يا اسلام بقي مش هستناك لما ترجع قعدت وكلت كتير اوى كنت جعان  وقومت بعدها نمت ع كنبه الانتريه اتحرجت اطلع الدور التانى أنام فوق 

 وتانى يوم صحيت ع صوت واحدة ست تقريبا كدا بتتكلم فى الفون وبتقول 

"بقولك شا'كك فيا من وقت ما عرف إنى حامل مش عارفه أتصرف ازاى ،  أنا كنت فاكرة أول ما حمايا يمو'ت إنى هقدر اخليه يكتب الشركه بأسمي لكنه رفض" ….

"ما انت قولتلي ان أول ما يعرف إنى حامل وقتها هيكتبلي كل حاجه ."

بعدها الصوت سكت  بقيت مش عارف أتصرف ازاى أخرج من البيت ولا اطلع أشوف مين الست دى  والغريب أنها بتتكلم فى الموبايل يعني فى هنا شبكه 

بصيت فى الموبايل بتاعي ملقتش فيه شبكه خالص امال هى بتتكلم ازاى  

مبديهاش بقي أنا هطلع أشوف دى مين ، فضلت اكح وأعمل صوت طول ما أنا طالع الغريب اني ملقتش حد ، فتحت  الاوض كلها فاضية 

اومال فين اللى كانت بتتكلم ، نزلت تحت وفتحت باب البيت وفضلت الف حواليه مافيش أثر لوجود اى حد هنا 

وفجأة سمعت صوت حركه جوه البيت وأول ما دخلت سمعت الصوت جاى من أوضة المكتب دخلت براحه و ببص فيها لقيت ألبوم صور واقع ع الأرض . 

 مع ان مافيش اى شباك هنا 😕 قعدت ع الكرسي وفتحت الألبوم ولقيت صور كتير للراجل اللى كان وصلني بالعربيه ومنهم صور زفاف وصور ل أبو إسلام . 

ولقيت ورق وقع من الألبوم  لما فتحته لقيته توكيل من جد إسلام معمول ل أبوه ل إدارة المصنع 

وعقد بيع للبيت مكتوب بأسم جمال الدين إسماعيل ده تقريبا يبقي عم إسلام 

أيوة صح أبوه إسلام قال ان ده بيت أخوه  فضلت أقلب فى الملفات اللى ع المكتب …. لقيت كشف حساب مصروفات تصليح. الأرض ومنهم مصاريف حفر البير 

أيوة البير  انا نسيت ….  أبو إسلام كان قايل إنى اساعدهم فى تنضيفه قومت خرجت وروحت أبص ع البير 

لقيت عليه غطاء من حديد فضلت أحاول ازحزح فيه يا دوب قدرت احرك جزء بسيط منه وتعبت .

قررت أدخل ارتاح شويه لحد ما اسلام او عمه يظهروا  وأول ما قعدت ع الكنبه ولسه هرتاح سمعت نفس صوت الست  وهى بتتكلم  قربت من السلم سمعتها بتقول …..

"الحقني يا ماجد ... وأنا بقلب فى الأوراق لقيت ملف بفتحه لقيت تحاليل صورتها وباعتها للدكتور قالي ان جمال عنده عقم واستحالة يكون عنده اولاد ، شوفت المصيبه' 

………

لآ  هو ميعرفش إنى عرفت حاجه بس مش مطمنه خا'يفه يقتلني' ….. 

بقولك ايه أنا مش هضيع لوحدى لازم تساعدنى وإلا هقوله ع كل حاجه بينا  ….. 

بعد الكلام اللى سمعته ده قدرت استنتج ان عم اسلام اللى هو جمال متجوز واحدة طمعانه فى فلوسه وكمان بتخونه مع واحد اسمه ماجد واتفقت معاه أنه يساعدها بس مفهمتش هيساعدها فى ايه أنا لازم ابلغ عم اسلام باللي سمعته ده 

 وكالعادة لما اتصلت ع اسلام ادانى مغلق  وتليفون البيت ادانى غير موجود بالخدمه  طب وبعدين أنا لازم اعمل حاجه دول مش بعيد يقتلو'ا… 

وفجأة لقيت النور بيقيد ويطفي وسمعت صوت صريخ وشوفت خيالات بتتحرك من حواليا حاولت اخرج لقيت باب البيت اختفي وفى حيطة موجودة مكانه 

 ومره واحدة سمعت صوت ضحك جاى من اوضة السفره  ولقيت النور رجع خفيف وشوفت واحدة بتتكلم مع شاب واقف بضهره  وتقوله أنا كنت غلطانه يوم ما بعدت عنك واتجوزته 

كنت فاكرة الفلوس هتخليني  اعيش سعيدة  منه لله جوز امي هو السبب  أنا لازم أخلص منه ساعدنى يا ماجد وفجأة الشاب اتعدل 😲 .

ايه ده معقول ده ماجد أخوه إسلام هو عايش ازاى 😲😲 جريت عليه لقيت ايدي بتعدي من جواه وكأنه فراغ..

ولقيت ماجد بيقولها دلوقتي ندمتى بعد ما بعدتى عني  ع العموم مافيش غير حل واحد علشان تضمني إنك تتمتعي بفلوسه لازم تجيبي له طفل ..

الكهرباء قطعت. تانى ولقيت حاجه بتزوقني ع السلم طلعت جري خايف مش عارف ايه ولا مين اللي زقني  لدرجه إنى وقعت ع وشي 

 ومرة واحدة لقيت أيدي لمست حاجه لازجه  ببص لقيته دم! صر'خت وحسيت بعدها ان الدنيا بتلف بيا 

و لقيتني قاعد مكانى ع الكنبه والنور شغال طبيعي وباب البيت مفتوح .. خدت نفس طويل معقول يكون كل ده تهيؤات ياتري انت فين يا اسلام وايه اللى بيحصلي ده 

وببص فى الموبيل لقيت فات عشر ساعات !! ازاى ده أنا لسه صاحي مكملتش ساعتين الوقت ده كله عدى ازاى…

دخلت أوضة المكتب  يمكن ألاقي اى رقم تليفون ولا عنوان  يكون اللى اسمه جمال ده موجود فيه  يمكن أقدر انقذه. من مراته  بس مش هقوله أنها بتخونه مع ابن أخوه أكيد هتكون صدمه للكل . بس ده ماجد ميت  اومال مين …. سكت 

فتحت ملفات كتير طلعت كلها حسابات الشركه وفي من ضمنهم ملف احمر مكتوب عليه سري للغاية 

فتحته ولقيت مكتوب فيه الآتي. .   .وصيتي

("أنا جمال الدين إسماعيل . اوصي وأنا بكامل قواي العقلية بأن بعد موتي  يورث كل من ماجد وإسلام أولاد أخى سالم البيت والأرض مناصفة بينهم  اما حسابي فى البنك والشركة تكون من نصيب زوجتى أسماء وفى حالة موتها او طلاقها تكون الشركة من نصيب أخى سالم  والفلوس من نصيب ماجد وإسلام ") …..

قفلت الملف وفضلت أفكر ووصلت ان جمال عم اسلام ممكن يكون هو اللى قتل/ ماجد لما عرف أنه له علاقه ب مراته 

وكمان حامل منه 

بس رجعت قولت لنفسي ، ماجد ما'ت فى الطريق الصحراوي  دخل فى عربية نقل لآ دى الحكايه باين عليها فى لغز كبير اوى ….

إيه ده أنا فين أنا جيت هنا ازاى؟؟؟؟ 

يتبع…..

ياتري إيه حكايه ماجد وأيه سبب عدم ظهور إسلام لحد دلوقتي ؟؟؟ 

#الجزءالثاني

#الأخير 

#حكايه_روح 

 دى الحكايه باين عليها فى لغز كبير اوى 

وفضلت اكلم نفسي بصوت عالي ياتري هو ماجد يعرف مرات عمه قبل كدا ؟ واذا كانت المسافه بين بيته والبيت ده اكتر من تلات ساعات  يبقي حصل علاقه بينهم امتى وفين 

وإذا كان عمه اكتشف ده الست اختفت ولا طلقها ولا عمل فيها ايه ؟؟؟ ولو كان قتلها كان زمانه اتقبض عليه

 الموضوع ده محتاج فنجان قهوة ولسه بقوم لقيت أجندة كبيرة وقعت. واتفتحت قدامي والورق فضل يتحرك بسرعه كبيرة وطلع منها شعاع. قوى.. وفجأة لقيتني اتنقلت لزمن تانى 😲

ايه ده أنا جيت هنا ازاى!  ، ببص لقيت نفسي واقف فى أوضة مكتب كبيرة وفى تربيزة اجتماعات وجمال عم اسلام قاعد ع الكرسي مندمج فى الملفات اللى قدامه  حاولت اكلمة مكنش سامعني ولا حتى شايفني وفجأة الباب خبط ودخل عليه ماجد وقاله 

عمي حبيبي أنا جايلك انهاردة وليا طلب عندك فى واحدة زميلتي ظروفها صعبه  وبدور ع شغل وانت عارف لسه قدامنا شهرين ع البكالوريوس قولت مافيش غير ابو الصحاب هو اللى ممكن يشغلها عنده قولت ايه ….

لقيت جمال ضحك وقاله فى حد يقول ل رئيس مجلس الإدارة يا ابو الصحاب 😄 

 ع العموم انت عارف يا ماجد طلباتك أوامر  بس احترمني قدامها يا ولد هو صحيح فرق السن بينا  مش كبير لكن متنساش أنها هتبقي موظفه عندى يلا روح هاتها ..

 فتح ماجد الباب وخرج وبعدين دخل ومعاه البنت وقاله اعرفك يا جمال بيه بالانسة أسماء  طالبه فى كليه التجارة

ولقيت جمال أول ما شافها قاله أنا معرفش ان الكليه عندكم فيها بنات زى القمر كدا ، اعتبري نفسك اشتغلتي فى السكرتاريه عندى من بكره ...

لقيت المشهد اتغير فى لحظه وشوفت ماجد واقف مع أسماء فى الكليه  وبيقولها أنا هكلم عمي جمال يقنع بابا أننا نتخطب دلوقتي وبعد ما أخلص الجيش. نتجوز ع طول... 

ردت عليه وقالته لآ أوعى تعمل كدا اصبر لحد ما تخلص الجيش.  وأنا هستناك يا حبيبي ..

ولقيت نفسي بلف جوه دوامة والمشاهد بتتغير وراء بعض واتنقلت فى كازينو ع النيل وجمال قاعد مع اسماء ع تربيزة وبيقول لها أنه معجب بها وعاوز يتجوزها وهى ابتسمت له وسكتت… 

وفى لحظه رجعت تانى ل أوضة المكتب  أنا كدا فهمت يبقي أسماء دى استغلت ماجد وبعد ما اشتغلت لعبت ع عمه جمال واتجوزته  ورجعت بعد كدا تانى عملت علاقه مع ماجد وبقت حامل منه😔

إيه الست دى أعوذ بالله دى تستاهل الد'بح  بس هو أنا ايه اللى بيحصلي ده ...أكيد البيت ده فيه روح وعاوزة تعرفني حاجه  

فتحت الأجندة  وكتبت فى ورقه فاضية فى روح موجودة هنا  محدش رد 

رجعت كتبت وأنا بقول بصوت مسموع لو فى روح هنا اعملي اى إشارة 

انتظرت دقيقة . واتنين . ومره واحدة لقيت الكهرباء بتقيد وتطفي  قلبي وقع فى رجليا أنا معايا عفاريت😲

قولت بصوت عالى أنا معملتش حاجه أنا جيت هنا علشان اساعد وبس والله

سمعت صوت غليظ  وبينطق بصعوبه بيقول ساعدنى .. ساعدني  خرجني ..

حسيت ان رجليا مشلوله  مش عارف اجري قولت طب أعمل ايه ؟ رجع الصوت تانى وقال البير . البير . 

خرجت من المكتب ، وفتحت باب البيت وقعدت ع السلم بره  خايف أدخل وفى نفس الوقت اروح فين فى الصحراء دى 

سندت رأسي ع ترابزين السلم ونمت 

 سمعت صوت بيقول سبوني … هقتلكم' كلكم سبوني….قومت مفزوع فضلت استعيذ من الشيطان الرجيم وقررت أدخل البيت  يمكن أقدر اساعد فى إنقاذ حد . . 

أول ما دخلت شوفت أسماء واقفه ضهرها للباب ووشها للسلم وبتكلم بالفون  وبتقول

 أتصرف يا أشرف أنا عملت زى ما قولتلي  فهمت ماجد إنى حامل منه رغم أن عمره ما لمسني 

ايوة طبعا صدقني لاني كنت حطاله منوم.  المهم دلوقتي تعالي وهات الناس بتوعك علشان نخلص من جمال 

وندبس ماجد فيها وبكدا يبقي أنا اورث فيه ونعيش يا روحي أنا وانت مع بعض  ونتمتع بالفلوس والشركة 

كنت واقف شايف وسامع كل حاجه 

  ولقيت جمال كان فى المكتب سمع كل كلامها و اخد فتاحه الجوابات وخرج لها وهى اول ما شافته جريت ع السلم وهى بتصرخ وبتقول الحقني يا أشرف هيقتلني. .. 

طلعت وراه وشوفته بيضر'بها بالفتاحه جت فى ايدها  وهى حاولت تهرب منه . زقها كان فى مرآيا طويلة وقعت والمرآيا وقعت فوقها  ولما جمال شال البرواز كان الازاز دخل فى جسمها كله والدم' ملئ الأرض ووصل للسلم وفضلت تتنفض' ومبرقه عينها

قعد جمال ع الأرض بيبكي وفجأة لقيت تلاته داخلين عليه واحد منهم جري ع اسماء  وجمال هرب من الاتنين اللى كانوا معاه وفضل يجري لحد ما أتكعبل عند عتبة الباب  وهو خارج مسكو'ه وشالوه وراموا جوه البير

 وقفلوا عليه غطاء الحديد. وكنت سامع صراخوا هو بيستنجد!😭

دخلوا الرجاله الاتنين البيت وطلعوا للراجل اللى فوق اللى كان قاعد بياخد كل المجوهرات اللى لبساها أسماء وقالوا له خلصنا منه يا أشرف بيه 

قالهم فتشوا البيت وشوفوا اى فلوس وخلصوا بسرعه 

وجاب كيس كبير وحط جثة أسماء فيه وجرجرها ع السلم فى نفس لحظه دخول ماجد اللى لمح منظر الدم ع هدوم اشرف اللى بيجرجر الجثه'  أول ما لمحه أشرف نادى ع رجالته جريوا وراء ماجد🏃🏃

ركب ماجد عربيته بسرعه  وهما طلعوا وراه ويعتبروا كانوا فى سباق ع الطريق  لحد ما دخل ماجد فى عربيه نقل كبيرة  

رجعت الرجاله بالعربيه واشرف شال جثة' أسماء وحفر جنب البيت ودفنها …

وقال للرجاله اللى معاه لو حد اكتشف جثتها' هيقولوا جوزها اللى قتلها ولو حد شاف جثته" هو هيتقال ابن أخوه اللى عمل كدا علشان طمعان فى الورث.

 وفضلوا يضحكوا وانارشامنصور سامع صوت جمال وبيقول ساعدوني 

كنت واقف وشايف كل اللى بيحصل وكأني بتفرج ع شاشه تليفزيون ولقيت نفسي بجري روحت للبير وفضلت أحاول لحد ما  الغطاء الحديد وقع   

وشغلت كشاف الموبايل ولقيت جثته' ولقيته ظهر قدامى أبتسم لى وبعدها اختفي 

دخلت البيت وانتظرت أول ما النهار طلع اتصلت بالبوليس بعد ما لقيت فى شبكه فى الموبايل وحكيت لهم ع كل حاجه ميعادا ان ماجد كان ع علاقه ب مرات عمه وطبعا افتكروني مجنون

ولما البوليس حفر مكان ما قولت وجدوا جثة' أسماء متحلله والضابط مكنش مستوعب كل اللى بيحصل  

اومال لو عرف ان شبح جمال هو سواق العربيه اللى جابتني هنا وفجأة لقيت تليفونى رن وطلع إسلام  ولسه بقوله فينك لقيته بيقولى انت كنت قافل موبايلك ليه بقالي يومين بتصل عليك .. 

قولت له انا فى بيت عمك جمال وراجع القاهرة  استغرب كلامي وقالي انت عرفت البيت ازاى وكمان عمي مسافر هو ومراته  قولت له اسأل أبوك عم سالم 

قالي ابويا فى المستشفي جاتله غيبوبة سكر وكنت بكلمك علشان تخلي أختى عندكم فى البيت احنا بقالنا تلاته أيام فى المستشفي 

قولت له هجيلك واخدت منه عنوان المستشفي  وطلبت من الضابط يوصلني اى حته اركب منها واروح القاهرة لانى معرفشي اى حاجه هنا قالى بعد ما ناخد اقوالك فى المحضر هخلي عربيه توصلك لحد المحطه 

دخلت اخد شنطة هدومى سمعت حركه فى أوضة المكتب وزى ما يكون حد بينادى عليا دخلت لقيت ظرف ع المكتب ولقيت شبح جمال واقف وبيقولى انقذتني' وحر'رت روحى شكرا لك وشاور ليا ع الظرف اخدته وحطيته فى شنطتي  

وروحت مع الضا'بط القسم واخد منى مواصفات الرجاله التلاته واخد رقم تليفونى وقالي ممكن نحتاجك تانى وباعت معايا عسكري. وصلني للمحطه  وأول ما وصلت القاهرة

 اخدت تاكسي وطلعت ع المستشفي  وسألت ع غرفه عم سالم ومجرد دخولى فاق ع طول فضل اسلام يقولى وشك حلو علينا والدكتور كشف عليه وقاله الحاله مطمئنه جدا والسكر اتظبط والكل بقي مستغرب 

فضلنا نهرج شويه وبعدين إسلام رجع سألني وقالي أنت كنت فين بصيت ل أبو إسلام قولت له مش أنا اتصلت ب حضرتك ع التليفون  الارضي لما فضل موبيل اسلام يديني مغلق من تلات أيام وحضرتك قولتي ان اسلام سافر وطلبت منى أروح بيت أخوك جمال .

بصلي بأستغراب وقالي أنا كلمتك ازاى  وكمان التليفون الأرضي يابني إحنا لا غينا الاشتراك  بقالنا أكتر من سنه  

وحتى النت عندنا هوائي وكمان جمال أخويا اختفي فجأة هو ومراته وشكلهم كدا سافروا  يعني محدش فى البيت من بعد حادثه ابني ماجد . وهو اختفي اصل كان بيحبه أوى 

قولت له أخوك مش مسافر وحكيت لهم كل حاجه حصلت و اديته رقم تليفون الضابط  وأول ما قولت إسم أشرف قالي ده المدير التنفيذي شغال عند جمال وفى غياب جمال هو اللى بيدير الشغل قولت له هو ده اللى قتل' اخوك 

اتصلت بالضابط المسؤول وقولت له ان فى واحد شغال عند جمال اسمه اشرف وده نفس اسم الشخص اللى قتله' 

قالي هيتم القبض عليه ومطلوب منك تحضر علشان تتعرف عليه ، قولته حاضر …

وبعد ما قفلت معاه طلعت الظرف وفتحته ولقيت ورقه مكتوب فيها 

إذا كنت تقرأ هذه الورقه فذلك يعني إنى ميت وصيتي لك ان تزرع الأرض وتعمرها وتعمل مزرعه وتخصص جزء منها للأطفال الأيتام   وشكرا لك يا من حررت روحى 

امضاء .. جمال الدين إسماعيل  

عم سالم اخد الورقه وقالي ده فعلا خط ايد جمال أخويا وفضل يبكي ع أخوه وابنه وأنهم ماتوا غدر' وضحية. لواحدة طماعه وخاينة…. 

وطلب من اسلام ان بعد الانتهاء من القضية واجب عليه تنفيذ وصيه عمه وطلب منى إنى اساعدهم واعتبر نفسي شغال معاهم وليا نصيب من الأرباح  

خدت بعضي وروحت البيت وقولت ل أبويا إنى هشتغل مع عم سالم هنزرع الأرض ونعمل مزرعه دواجن وحظيرة مواشي فرح وقالي أخيرا هتعمل حاجه صح 

وتانى يوم سافرت مع عم سالم وروحنا القسم والضابط جاب لى عرض المجرمين أكتر من سبعه رجاله  قولت له ولا واحد بعدها دخلي سبعه كمان لقيت من ضمنهم اشرف مسكته وفضلت اضرب فيه 

 واقوله دفنته بالحيا وموت صاحبي أنت لازم تمو'ت زيهم العساكر. بعدونى عنه بالعافيه 

والضابط جابلي ليمون وفضل يهدي فيا  وطلب منى انى اوصف للرسام شكل الاتنين اللى كانوا مع أشرف  وصدر أمر تفتيش شقته ومراجعه حسابات الشركة  

ومع التحقيقات تم إتهام أشرف بتهمه القتل' العمد واختلا'س أموال الشركه والقبض. ع شركائه' 

وبعد ستة شهور تم الحكم ع أشرف بالمؤبد فى قضية القتل' العمد وعشر سنوات فى تهمه الاختلاس" مع الأشغال الشاقة 

والحكم ع أعوانه كل واحد منهم ب خمستاشر سنه مع الشغل 

وبعد ما انتهت القضية وظهرت الحقيقة  روحنا الأرض وعم سالم جاب عمال ومهندسين زراعه  وعمل مزارع دواجن وربي مواشي وأبويا ساعدنا لانه عنده خبره فى الزراعه وكنا بنشتغل أنا وإسلام وكل العمال وآخر اليوم ب نبات فى البيت  

وبعد سنه واحدة بقينا أكبر مزرعه دواجن وطلع أول محصول للارض وخصصنا نسبه من الأرباح للأطفال الأيتام 

وتمر السنين ولحد انهاردة بحس بوجود روح عم جمال جنب البير واوقات كتير بشوفه بيبتسم ليا كأنه بيشجعنا ..

وهى دى  كانت حكايتي مع روح عم جمال 

تمت. …