رواية عالم موازي الفصل الأول والثاني والثالث والرابع والخامس بقلم رشا منصور (جميع الفصول كامله في مدونة قصر الروايات)
رواية عالم موازي الفصل الأول والثاني والثالث والرابع والخامس بقلم رشا منصور (جميع الفصول كامله في مدونة قصر الروايات)
يوووه بقي يا يحيى بقولك زهقت خلاص إحنا لازم نسيب بعض ولؤي يعيش معايا …..
استوووووب ✋
أنا أنجي عندى 30 سنه صحفية مشهورة فى مجلة الكواكب طموحى ملوش حدود متجوزة من يحيي مدرب كاراتيه ومدرس ألعاب فى مدرسة خاصه وعندى لؤي 4 سنين
أنا ويحيي عارفين بعض من الجامعه كنت أنا فى كلية اعلام وهو فى كلية تربية رياضية وكنا عايشين فى طنطا اتعرفنا ع بعض بالصدفة ومن وقتها حصل بينا انجذاب وحبينا بعض وأول ما خلصنا دراسة اتخطبنا
وهو كان عنده شقه وارثها عن مامته وكان المفروض نتجوز فيها كنت وقتها شغاله صحفية مبتدئة وكنت ببعت ال cv بتاعي لكل المجلات والصحف المشهورة لحد ما جريدة منهم طلبت مني مقالات عن طريق المراسلة ومع الوقت اسمي أتعرف شويه وجاتلي فرصة شغل فى القاهرة
قررت أسافر واشتغل رغم حبي ل يحيي الا ان مستقبلي أهم من الجواز رغم اعتراض أهلي ع تصروفاتي وكلامهم المحبط. لطموحى دايما قال أيه الست ملهاش غير بيتها وجوزها طب وأنا فين وحياتي وطموحى وكنت بتعلم ليه أصلا مدام فى الأخر هقعد فى البيت واشتغل خدامه ل سي السيد😞
علشان كدا سيبت كل ده وسافرت إلا ان يحيي اتمسك بيا وشجعني انى احقق حلمي وقرر يعيش فى القاهرة واخد شقة إيجار واتجوزنا فيها
كانت حياتنا جميلة صحيح كنا زى اى اتنين متجوزين بيحصل ما بينا خلافات. ومعظمها كانت بسبب شغلي إلا ان يحيي كان دايما بيصالحني وينفذلي اللى أنا عوزاه وربنا رزقنا ب لؤي وبعد سنه من ولادته جاتلي فرصة الشغل فى مجلة الكواكب
كنت بشتغل صبح وليل لحد ما بقي أسمي معروف وكنت طول الفترة دى مشغولة عن بيتي وابني
وابتدت الخلافات تزيد لحد ما زهقت حسيت ان الجواز هيعطلني عن تحقيق طموحى علشان كدا قررت أننا ننفصل كانت صا'دمة ل يحيي
واتهمني. إني أنانية مش بفكر غير فى نفسي وبس وأنه ضحي. كتير علشاني وجه الوقت اللى لازم أضحي ببعض الوقت من شغلي علشان احافظ عليه وع ابني ….
كلام فاضي ازاى بعد ما أسمي أتعرف فى مجال الصحافة اتنازل واقعد فى البيت اقشر بطاطس ما يروح يتجوز خدامة أحسن
ده بدل ما يفتخر ان واحدة زيي وفى منصبي. ومكانتي دى ومرتبي أضعاف مرتبه تلات مرات راضية به ده أكيد غيران. من نجاحي
لكن أنا اخدت قرار شغلي ومستقبلي أهم وساعتها يحيي قرر أننا نبعد عن بعض شهر وبعدها نحدد إذا كنا ننفصل ولا نكمل حياتنا
واخد شقه فى نفس الشارع علشان يبقي ياخد باله من لؤي أثناء وجودى فى الشغل مع انى كنت هجيب دادة للولد بس هو عقليته رفض كدا قال ايه مافيش حد هيخاف ع ابننا غيرنا معرفشي ايه التخلف. ده أنا مش عارفه أنا ازاى اتجوزته وعيشت معاه وهو بالعقلية دى
واول يوم ساب يحيي البيت قررت أنى أقضي يوم مع أصحابي أنا محتاجاهم معايا فى المرحلة دى
واتصلت ع دنيا صاحبتي وقولت لها جمعي كل الشلة أنا جاية اسهر معاكم وقررنا نعمل سهرة روحانية
دنيا كانت مدربة يوجا وغاوية قراءة علم الأرواح وازاى تزيد من الطاقة الإيجابية وكانت بتروح تعمل الجلسات دى فى بيت جدتها القديم وللحظ هو قريب جدا من المقابر.
وقالتلي ان الشلة كلها جايه وهنجتمع كلنا فى بيت جدتها وهنعمل جلسة لتجديد الطاقة الايجابية وتحقيق الأمنيات
عن طريق اتصالنا بعالم الأرواح .
والشلة كانت عبارة عن أربع بنات غيري أنا ودنيا
اتنين منهم أعرفهم قبل جوازى من يحيي وهما سالي وهيام
عرفتهم ع دنيا ومن وقتها وأحنا مع بعض وفى كمان
خديجة ورانيا أصحاب دنيا من زمان وبردو اتعرفنا عليهم وبقينا كلنا شلة واحدة صحيح مش بنتقابل كتير بحكم انشغالنا لكن كان دايما مقابلاتنا عند دنيا
وابتديت أجهز بعد ما نيمت لؤي واعتمدت ان انهاردة الخميس وتانى يوم اجازة يحيي وأكيد هيجي ياخده من الصبح بدري لان أنا معنديش فى شغلي اجازات
وروحت عند دنيا فى بيت جدتها واجمعنا كلنا
أنا ودنيا وسالي وهيام وخديجة ورانيا ولقيت سالي جايبة معاها ازازة شمبانيا وقالت أنها اخدتها هدية فى الشغل اصلها بتشتغل فى فندق كبير وماسكة منصب. إداري مهم
وفضلنا نضحك ونشرب ونرقص وكنا مبسوطين اوي ع الرغم ان الجو قلب مطر ورعد وبرق بس مكناش حاسين بكل ده وقررنا نبات الليلة دى مع بعض
ودنيا قررت تعمل الجلسة وحضرت الشموع وطفت الأنوار وقعدنا كلنا حوالين الترابيزة ومشبكين أيدينا
ودنيا قالت لنا أنها هتحضر اى روح موجودة قريبه من هنا تساعدنا فى تحقيق أمانينا
لأن الليلة دى مناسبة جدا وفى بوابة مفتوحه بينا وبين العالم الآخر وابتدت تقول كلام كتير بصوت هادي وتردد فيه
مكنتش سمعه منه غير (الواحه الواحه الساعه الساعه العجل العجل) الآن الآن عليك الحضور والطاعه وتحقيق الأمنيات
وابتديت اركز أنا نفسي فى إيه ولقيت أفكار كتير بدور فى دماغي رغم إنى كنت مشوشة نتيجه ل شربي الشمبانيا
ومرة واحدة شوفت ضوء قوى ببص لقيته البرق بس الضوء بيقرب مني خو'فت شيلت أيدي منهم وجريت ومرة واحدة
.
.
أنا فين إيه ده ..😲!!
يتبع. …
مستعدين للي جاي ولا …
#الجزءالثاني
#عالم_موازي
أنا أنا فين إيه ده معقوله كل ده حلم ياااااه أنا حاسة أنه حقيقي وفاكرة كل حاجه بس ازاى أنا فى بيتنا فى طنطا
مامت أنجي. …
اصحي يا أنجي هتتأخري ع الكلية بتاعتك الساعه 7
أنجي. …
أنا صاحية يا ماما اما كنت بحلم حتة حلم انما إيه كأنه حقيقة بالظبط ولولا انك بتكلميني لكنت افتكرت إنى لسه بحلم
مامت أنجي. …
سيبك من الأحلام وقومي جهزي الفطار اعملي حاجه تنفعك يلا خلصي ع ما اصحي أخواتك
أنجي. …
خرجت ماما وقومت وقفت قدام المرايا وحسيت ان في زغلله فى عيني وان شكلي اتغير كأني ببص ع واحدة تانيه بصيت فى النتيجه ايه ده 2014 😲
ازاى إحنا فى 2024 العشر سنين دول راحو فين فوقي يا أنجي ده مجرد حلم وحاولت أنسي الحلم وروحت أجهز الفطار واستعديت ونزلت للجامعه وأول ما وصلت الكليه لفت نظري الكافتريا وشوفت قدامى صورتي وأنا وشاب قاعدين فيها ؟؟
وهنا افتكرت الحلم المفروض إن الشاب اللى حلمت به إسمه يحيي طالب فى كليه تربية وقال ايه انا حبيته من اول نظرة مش عارفه ايه الهبل ده
وقررت اقطع الشك. باليقين أنا هروح كلية تربية واقف فى المكان اللى المفروض بيقعد فيه وإذا لقيت الشخص ده يبقي اللى شفته مكنش حلم ولو طبعا مظهرش يبقي اكتب كل اللى حلمت به فى قصه وانزلها فى مجلة الجامعه بأسم " نظرة إلي المستقبل "
وفعلا روحت وفضلت قاعدة أكتر من ساعة ولسه بقوم سمعت واحد بينادى وبيقول يا يحيي ببص 😲
معقول اللى أنا شيفاه … ده هو نفس الشخص اللى كان فى الحلم طب ازاى قربت منه واتاكدت ان هو صحيح شكله اصغر من اللى كان فى الحلم بس هو انا متاكدة
وفضلت بصاله وأول ما بصلي خدت بعضي وجريت لحد ما وصلت عند إستراحة. الأتوبيس النهري وقعدت وحسيت بصداع جامد أوى مش قادرة أستوعب اللى حصل وببص لقيت شعاع أبيض فى السماء وهنا افتكرت الضوء اللى كان فى الحلم والبرق والمطر….
طب ما يمكن اللى أنا فيه ده هو كمان حلم واصحي ألاقي نفسي فى زمن تاني وفجأة لقيت نفسي فى أوضتي
ايه ده بقي أنا جيت هنا ازاى
عااااااا انت مين ودخلت هنا ازاى حرااااامي الحقوني
شلتوت….
لما تخلصي صو'يت بلغيني آة وع فكرة محدش ولا هيسمعك ولا هيشوفك خدى راحتك بقي
أنجي. …
انت بتقول ايه محدش هيسمعني أنت عملت فيهم ايه جريت ع الصاله ولقيت امي قاعدة بتقطع الخضار فضلت انادى عليها واخبط ع الترابيزة مش سمعاني جيت المسها مش عارفه
ببص لقيت الحرامي ده واقف ع الهواء رجليه مش لمسه الأرض ولقيت حاجه بتشدني ودخلتني الأوضة
فضلت باصه له وخا'يفه مش عارفه ولا اجري ولا اصو'ت لقيته قالي
شلتوت….
ممكن تهدي بقي أنا مش هضر'ك بالعكس أنا ظهرتلك علشان أساعدك أنك تستوعبي اللى حصل
الأول أعرفك بنفسي أنا شلتوت عفر'يت من الجن. بس لسه سني صغير علشان كدا قدراتي محدودة
وانتي السبب فى كل اللى بيحصل ده
عالم الأنس ده غريب ليه تطلبونا وتدخلونا حياتكم وبعد كدا ترجعوا تشتكوا. اهو إنتي دلوقتي اتورطتي. وبقيتي فى زمانين واحد فى الماضي والتاني فى المستقبل واى حاجه هتتغير هنا هتلخبط. كل حاجه فى المستقبل علشان كدا لازم تعيشي كل حياتك اللى فاتت بالظبط وإلا هيحصل عدم توازن بين الأزمنة وفى حاجات كتير هتد'مر ما بين عالمكم وعالمنا فهمتي
أنجي. …
طول ما شلتوت ده بيكلم أنا باصه له ومش مستوعبة ومش فاهمه اى حاجه ومرة واحدة لقيت نفسي بسألة هو أنا صاحية ولا نايمة هو أنا مين …. هو انت حقيقي ولا أنا بهلوس.
شلتوت….
بصي أنا هشرحلك اللى حصل بالظبط يمكن تفهمي حاولى تفتحي مخك شويه …
فى يوم انتى قررتي تسهري مع أصحابك وصاحبتك عملت جلسة تحضر لاقرب روح موجودة
لكن اللى حصل ان فى نفس اللحظه اللى بتحضر فيها الروح هى نفسها لحظه فتح بوابة عالمنا وأول ما خرجت من البوابه أنتى قطعتي الطقو'س فأصبحت أنا محبو'س معاكي فى عالمك وفى حياتك
وسياتك طول وقت التحضير كان كل تفكيرك فى الماضي لو ترجعي وتغيري حاجات كتير فيه
فهمتي كلامي ولا لسه دماغك مقفله يا طنط
أنجي. …
طنط فى عينك أنت شايفني ماشيه ع عكاز ما تحسن ملافظك ده انت أطول واتخن مني ولا مرايات بيتكوا مكسرة.
لقيتة حط أيده فى وسطه وعينه احمرت أوى ولون بشرته بتتحول للازرق افتكرت ساعتها أنه عفريت.
قولت له طنط طنط مش مشكله. خلينا فى المهم أنا فاكرة فعلا إنى كنت عند دنيا وهى اللى كانت بتعمل التحضير وأنا لما شوفت ضوء البرق شيلت أيدي بسرعه وجريت بعيد
معني كلامك ان الضوء ده كان البوابة بتاعة عالمكم طب بسيطه ما ترجع عالمك وتخليهم يرجعونى عند أصحابي وخلاص انت مصعب الموضوع ليه ع الأقل كنت صحافية مشهورة وباخد مرتب كبير مش زى دلوقتي بتحايل عليهم علشان يزودولي المصروف
الغريب ان طول ما أنارشامنصوربتكلم هو باصصلي وعينه طالع منها شرا'ر قولته ايه ياعم ما تنطق أنا هفضل اكلم نفسي
شلتوت….
اصلي مش قادر أستوعب واحدة فى غبائك بقت صحفية مشهورة ازاى …
أنجي. …
غبائي أنا ولا فشلك انت مش المفروض أنك عفريت خرجني من هنا ورجعني تانى مشهورة
شلتوت…
بطلي أنانية أنتي مش بتفكري غير فى نفسك وبس جربي تشوفي الدنيا بنظرة تانيه
وياريت تلاحظى إنى بسببك بقيت محبوس.فى العالم بتاعك ومش عارف امتى ارجع ل أهلي تانى أنا ماما وحشتني أوى ونفسي أشوفها زمانها زعلانه وبتبكي عليا
أنتى عمرك ما هتحسي ولا تفهمي الإحساس ده
أنجي. …
أنت ازاى تكلمني كدا ومين قالك إني مش هبقي حنينة ع ولادى …. إيه فجأة كدا بقيت بتعرف فى المستقبل؟
ولا العفاريت.الدنيا ولا الجن. الأزرق حتى يقدر يعرف الغيب
وفجأة لقيت مرآيا كبيرة ظهرت قدامى ولها إطار مزخرف دهبي منقوش عليه حروف وأرقام وأشكال هندسية مش مفهومة
وأنا شايفه نفسي لكن لما لمستها حسيت ان ده مش ازاز أيدي بتدخل فيها لجوه خو'فت وبصيت له قولته انت ناوى تعمل فيا ايه
أكيد عاوز تنتقم' مني وتخطفني" وتوديني لتحت الأرض
أيوة أنا قريت كتير عن العفاريت. اللى بتخطف البنات علشان يتجوزوهم بقولك ايه اسمعني كويس أنا عمري ما أتجوز واحد زيك حتى لو خطفتني" وأنا مش خا'يفه منك ده أنا اوديك فى دا'هية فى بو'ليس ونيابه. فوق انت متقدرش تعملي حاجه وفجأة عاااااااااااا …..
يتبع….
ياتري شلتوت عمل ايه فى أنجي وايه حكايه المرآيا؟ ؟
#الجزءالثالث
#عالم_موازي
أنجي. …
فضلت از'عق فى شلتوت علشان يعرف إنى مش خا'يفه منه وفجأة لقيته شدني ودخلنا جوه المرآيا فضلت اصو'ت ومغمضة عيني لقيته قالي
شلتوت…
أنجي عماله تقول كلام اهبل ومش قادرة تستوعب إنى عفر'يت من الجن. يعني بالعقل كدا ولا بو'ليس ولا نيابه. لهم حاجه عندى علشان كدا دخلتها بوابه الزمن وبالمرة علشان نبعد عن …..
ولقيتها مغمضة عينها وبتصر'خ بشكل هستيري. كأني بعذ'بها اضطريت. أقفل بوقها علشان أقدر أتكلم وعلشان كمان صدعت منها وفتحت عينها وعماله تشاور ع بوقها قولتلها ممكن تسمعيني وافصلي شويه ريحي احبالك الصوتية
افهمي... المرآيا اللى دخلتك منها دى عبارة عن بوابه عبر الزمن هتقدري من خلالها تعيشي المواقف المهمه اللى حصلت فى حياتك وفى نفس الوقت تشوفي حل ترجعي فيه للمستقبل يعني حاولى تشغلي عقلك شويه
ولازم تفهمي ان مافيش حاجه أقدر اساعدك فيها غير إني انقلك عبر الزمن والأماكن لحد ما نلاقي حل انتى تستعيدي حياتك وأنا أرجع تانى لعالم بتاعي
وشاورت بصباعي فتحت لها بوقها خدت نفس كأنها كانت هتغرق. ولقيت غبائها اشتغل تاني وبتقولى
أنجي. ….
طب خلاص ما الموضوع سهل أهو وديني الزمن بتاعي عن طريق المرآيا وأكيد مامتك تلاقيها بدور عليك وهجيلك بس كدا -- الحكايه بسيطه مش محتاجه كل الحوار ده
شلتوت….
تصدقي انتى اللى زيك المفروض بوقها يفضل مقفول ع طول أنا مستغرب ازاى انتى اللى عاوزة تطلقي من جوزك واحد غيره كان طلقك من زمان لكن اظاهر هو كمان غبي. زيك متمسك بكي وبيحبك ع ايه أنا مش فاهم
أنجي….
أنت بتقول ايه يحيي بيحبني ومتمسك بيا واومال أنا عاوزة أطلق منه ليه
لا لا أكيد فى سبب قوى خلاني أطلب الطلاق اكيد بيخوني. أنت لسه صغير متفهمش فى الحاجات دى
لقيت فجأة زى شاشه ظهرت قدامى وشوفت نفسي وأنا بتكلم فى الموبايل وفاتحه اللاب وسامعه صوت طفل بيبكي ومرة واحدة شوفت نفسي بزعق. وبنادى ع يحيي وبقوله ما تسكت أبنك ده ولا خده وأنزل أنا عندى شغل مش عاوزة دوشة
وشوفت يحيي وهو بيشيل الولد وبيطبطب عليه وجاى ينزل شوفت الولد عمال يبصلي ويقول ماما وأنا فضلت مركزة فى اللاب توب ومبصتش له وشوفت نظرة ابني وهو بيبكي ويحيي خده فى حضنه وبصلي ونزل به.. الشاشه اختفت
اضيقت آوى أنا ازاى كدا صحيح مستقبلي مهم بس مش ع حساب طفل صغير ملوش ذ'نب يعيش فاقد حنان امه ولقيت دموعي نزلت غصب. عني وفجأة لقيت قلم نزل ع وشي
وفى واحدة ست ظهرت ليا شكلها حاجه جامدة كدا تشبه بتوع أفلام الأبيض والأسود وقالتلي إنتي ازاى بتفكري بعواطفك المفروض عقلك وبس اللى يشتغل
مستقبلك اهم من اى حاجه تانيه طموحك واحلامك هما بس اللى يستحقوا تفكري فيهم
قولت لها أنتي مين يا ست أنتي ومالك بيا وازاى تسمحي لنفسك انك تمدى إيدك عليا
شلتوت….
هو انا مش سايبك هناك إيه اللي جابك ورانا هنا مش مسموح بوجودك هنا اتفضلي مع السلامة الانسية خلاص مش عوزاكى ورجعت فى امنياتها اتفضلي ارجعي ل عالمك ولكي الأمان
أنجي. …
مين دى يا شلتوت امك دى ؟؟ ولا تعرفها منين وايه علاقتها بيا وكلام ايه اللى رجعت فيه ؟
روح آسيا …..
أنا الدكتورة آسيا الشناوي نابغه فى علوم الكمياء وابحاثي ساعدت فى اختراعات كتير وساهمت فى عمل تركيبات ل أدوية تساعد فى شفاء الناس لولايا. كانوا زمانهم بيستوردوها. بالعملة الصعبة" أنا انجازاتي ساهمت فى تحسين حياة الإنسان ولحد أخر لحظه فى حياتي مشهود ليا بنجاحي وانجازاتي
وانا الروح اللى حضرت اثناء عمل الجلسة ولقيت فيكي الشخص المناسب اللى تستحقي مساعدتى علشان كدا انا معاكي لتحقيق أمنياتك
ورجعتك للماضي علشان تصلحي أخطائك واوصلك لمكانة علميه ومستقبل باهر ملئ بالإنجازات
أنجي….
أنتي بتتكلمي جد يعني ممكن مثلا اكون وزيرة أعلام لقيتها بتقولى ممكن وممكن كمان تكوني سفيرة خلي طموحك ملوش حدود
معايا كل شئ ممكن بس تلغي عواطفك وفكرى فى شغلك وبس واوعي تعملي حساب لأي حاجه تانيه
شلتوت….
إيه اللي أنارشامنصورفيه ده واقف مع اتنين ستات ملهمش علاقه بالانوثه واحدة رامية أبنها ومهملة بيتها وخسرت. جوزها
والتانيه معقدة نتيجة قصة حب فاشلة من أيام الجامعه وسابها واتجوز صاحبتها لما حس انها انانية وبدل ما تغير من نفسها فضلت وراه لحد ما اترفد من الجامعه
ومن وقتها كر'هت الرجاله وحطت همها فى الدراسة والشغل رغم ان من جواها نفسها تكون زوجة وأم وبتحقد. ع كل زوجة سعيدة فى حياتها
وبدل ما تساعدك تنجحي فى حياتك عماله تشجعك أنك تعيشي وحيدة زيها تعيشي حياة بائسة لهم حق لما بيقولوا ان ستات الأنس مش بيحبوا الخير لبعض
روح آسيا. …
اسمع يا عفريت انت أنا مسمحش لك تكلم معانا بالأسلوب ده وواحد زيك عمره ما هيفهم يعني ايه إنجاز علمي وتفوق وتكون ذو مكانه أعلي وانجح من اى راجل انت لسه عيل صغير وكمان ما أنت اكيد هتدافع. عنهم ما انتم مجتمع ذكوري عنصري😾
شلتوت…
أيوة العقدة ظهرت اهى يا ست الدكتورة
اسمعي بقي منك لها أنا مش هعيش مع ناس انانية زيكم اذا كانت الرجالة طفشت. منكم انا مش هطفش ..
أنا لازم ارجع العالم بتاعي ولو غصب. عنكم حتى لو احاربكم. انتوا فاهمين
أنجي. …
كنت عماله اسمع لكلامهم وحسيت نفسي فى دوامة وكأن كل واحد منهم بينتش فيا وعاوز ياخدنى فى صفه
علشان كدا قررت أدور أنا كمان ع مصلحتي وأحاول استفاد منهم هما الاتنين علشان كدا قولت لهم
أنا مش هينفع اتكلم معاكم وانتوا الإتنين مش طايقين بعض بالشكل ده أنا هتكلم مع كل واحد لوحده
وخدت شلتوت ع جنب وقولت له دى ست كبيرة مينفعشي نكلمها وحش. أنا هاخدها ع اد عقلها أهم حاجه مالكش دعوة بها واضح أنها مش طيقا'ك
وروحت ل آسيا وقولت لها تعالى نقف بعيد عنه هو اهبل. ولسه عيل صغير سيبك منه وقوليلي ازاى أحقق أحلامي وأخرج من الزمن ده وابص ألاقي نفسي ماسكة منصب' مهم واسمي يتعرف وابقي مشهورة.
لقيتها بتقولى أول حاجه لتحقيق أمنياتك انك تبعدى عن يحيي وانسي فكرة الجواز والاولاد نهائي
مش عارفه ليه أول ما قالتلي كدا قلبي اتقبض. بس محاولتش ابين لها وقولتلها ايه علاقة ده بنجاحي هو أنتي جايه تحققي ليا امنياتي ولا جاية تتحكمي. فى حياتي ولقيتها قالت
روح آسيا
الجواز والأولاد هما السبب فى تأخر نجاح الست لو ركزتى فى حياة ستات البيوت هتلاقي كل واحدة فيهم كان عندها حلم من وهى طفلة اللى عاوزة تطلع دكتورة او مهندسة او ……. ومجرد ما ارتبطت بقي كل تفكيرها فى الراجل وازاى تكون حلوة علشانه
وبعد الجواز بتنسي نفسها وطموحها وكل تفكيرها بيكون فى بيتها وجوزها وأولادها طب وهى فين تحولت من بنت طموحه ولها أحلامها لواحدة شغاله خدامة ل جوزها وأولادها وياريتها بتسمع كلمة حلوة تصبرها ع تضحيتها' لهم
للآسف مافيش راجل بيقدر تضحيات" الست وكأن ده حق مكتسب علشان كدا لو لازم تضحي" يبقي الأولى انك تضحي. بالراجل نفسه قا'هر أحلامك
أنجي. ….
حسيت ان نسبة كبيرة من كلامها صحيحه أنا أمي كانت بتشتغل مدرسة وكانت بتحكيلي ان بابا كان بيشجعها قبل الجواز وبعد كام شهر من جوازهم بدأت المشا'كل بينهم بحجه أنها مقصرة. فى شغل البيت مع أنها كانت بترجع قبل رجوع بابا ب أربع ساعات ودايما بيلاقي البيت مترتب والأكل جاهز وقالتلي أنه فضل وراها لحد ما قدمت استقالتها'
علشان كدا أنا مش عاوزة اكون زي ماما ويجي راجل يحطم' طموحي أنا لحد انهاردة بشوف نظرة ماما وهى بتحكي عن حياتها قبل الجواز بحس بحزن وندم ..
انا مش عاوزة اكون زيها نفسي أحس ان ليا كيان. والكل يشهد بنجاحي
بصيت ل آسيا قولت لها أنتي صح مستقبلي أهم من اى راجل وببص لقيت 😲
شلتوت ….
كنت عارف بكل كلامهم عن طريق قرينة أنجي وكنت عارف هى بتفكر فى ايه وأول ما عرفت ان آسيا اثرت عليها قررت اني أتصرف ما هو لايكل الحديد. إلا الحديد.…..
يتبع…..
تفتكروا شلتوت ناوي ع ايه ؟؟
#الجزءالرابع
#عالم_موازي
شلتوت….
كنت عارف بكل كلامهم عن طريق قرينة أنجي وكنت عارف هى بتفكر فى ايه وأول ما عرفت ان آسيا اثرت عليها قررت اني أتصرف ما هو لايكل الحديد. إلا الحديد
استدعيت "ايسآ" قرينة آسيا هى مش طيقاها أصلا أولا لأنها قرينتها وعمر القرين ما يتفق مع الانس
وثانيا لأن آسيا شخصيتها قويه مكنتش مدية فرصة ل ايسآ تلعب فى دماغها بس دلوقتي بعد ما آسيا ما ماتت قرينتها اتحررت ورجعت أقوى من الأول وجه الوقت اللى تاخد فيه حقها منها
وأول ما ظهرت ايسآ الكل اتفزع. من شكلها قال يعني هما اللى ملكات جمال 😄 نظرهم ضعيف
روح آسيا
وأنا بتكلم مع أنجي ومبسوطة إني قدرت اقنعها ببص لقيت واحدة شكلها بشع' بشرتها متفحمه" ولها قرون اتخضينا' أنا وانجي ولسه هنصوت. لقينا شلتوت قالي دى تبقي قرينتك يا آسيا انصد'مت ومرة واحدة لقيتها….
أنجي. …
لقيت حاجه كدا سودة ظهرت قدامى مش فاهمه ايه دى وفجأة لقيت شلتوت بيقول ان دى قرينة آسيا وشكلها كدا هتقلب عا'ركة ولسه هتكلم لقيت دخان. ونار' ولا كأني واقفه فى حقل الغا'م فضلت أجري وشظا'يا النا'ر لقيتها حواليا خو'فت أوى ومش عارفه أروح فين ولا أعمل ايه ولقيت شلتوت واقف يتفرج ومستمتع باللي بيحصل ولقيت النا'ر محوطاني فى كل إتجاه ومش قادرة أشوف آسيا ولا قرينتها من كتر الدخان.
روحت بصيت ل شلتوت قولت له ما تعمل حاجه لقيته مسك أيدي وببص لقيت نفسي واقفه قدام لؤي ابني وضحك أول ما شافني وفضل يقول ماما ماما ابتسمت له ولسه بقرب منه
لقيت يحيي بيطبطب عليه وبيقوله ان شاء الله تقوم بالسلامة وترجع لنا وخده فى حضنه ولقيته بيبكي قربت منه حاولت أقوله أنا أهو والمس كتفه لكن من غير فائدة
حسيت إني شبح محدش شايفني غير ابني لكن مش قادرة حتى أكلمه 😢 بصيت ل شلتوت قولت له هو أنا عايشه ولا ميته هو أنا كمان اتحولت ل روح😔
قالي المفروض انك فى المستشفي فى العناية المركزة لانك دخلتي فى غيبوبه لما كنتي عند صاحبتك وقدامك أقل من سبع أيام إلا تفوقى وترجعي لحياتك وإلا ميبقاش لكي وجود وحتي كل اللى عرفتيهم ومن ضمنهم يحيي وابنك انتي بالنسبة لهم نكره. ..
قولت له أرجوك أتصرف اكيد فى إيدك حاجه تقدر تساعدني بها لقيته قالي
شلتوت….
اسمعي يا أنجي أنا قولتلك من البدايه حل المشكلة. دى عندك انتي أنا كل اللى أقدر اعمله اوضحلك الأمور واللي حصلك فى الماضي والحاضر وهحاول ابعد عنك آسيا مع انه صعب لأنها هى كمان بقت حاجه أساسية فى عالمك لازم هى اللى تقرر تبعد عنك زى ما قررت واختارتك. …
علشان كدا حاولى أنك فى المدة البسيطه دى تتعرفي ع يحيي وتتخرجي من الكلية وتتجوزيه لان ببساطه لو فى اى حدث مهم فاتك هتيجي اللى هتاخد مكانك
يعني يحيي هيتعرف ع غيرك ويتجوزها وانتى ممكن حياتك كلها تتشقلب وهتلاقي نفسك متجوزة واحد غيرو ومش بعيد يكون عندك كوم عيال وقاعدة فى محكمة الأسرة وبتقولى أريد حلا حد يطلقني ويصرف ع عيالي
أنجي. ….
أثناء ما شلتوت بيتكلم لقيت نفسي جوه بيت مليان عيال وصوت دوشة جامدة وأنا عماله انضف واطبخ واغسل كله فى وقت واحد وصوتي مسمع العمارة بصوت. من العيال
وفجأة دخل راجل ع وشه غضب. الله من أول ما دخل العيال كشت فى بعض ولقيت الجعورة. بتاعته اتفتحت وبيقولى جهزي الأكل يا وليه
قولت له ايه وليه دى ما تنقي ملافظك. يا جحش أنت وفجأة لقيت الدنيا جابت ألوان من البو'كس اللى خدته فى وشي ووقعت ع الأرض وقالي قومى انجري جهزى الأكل انتى هنا علشان تخدميني وبس ولو مش عجبك خدى عيالك وروحى ع بيت ابوكي يا سنيورة …
فضلت متنحة له وبصر'خ وانادى ع شلتوت لحد ما فجأة رجعت تانى فى أوضتي اللي فى بيت أهلي والغريب أنى حاسة بوجع" الضر'ب ع وشي
قولت له إيه اللي حصل ده ومين الكائن الغريب ده وأيه كل العيال دول أنا مش فاهمه حاجه
لقيته قالي …..
اسمعي يا أنجي طول ما أنتي مش فى عالمك هتدخلي اى عالم تانى وهيكون ده الواقع بتاعك أنا حاليا قادر ارجعك واساعدك علشان تستعيدي حياتك من تاني لكن مجرد ما يفوت السبع أيام خلاص هتتحبسي" فى العالم ده
وهتنسي كل اللى فات وهتلاقي نفسك متجوزة الكائن ده وانسي بقي طموحك وشغلك والصحافة وهيبقي كل تفكيرك ازاى تتقي شر. الكائن ده وانه يعدي يوم من غير اهانة" وضر'ب
قولتله لا لا أرجوك يا شلتوت وديني عند يحيي ده يعتبر ملاك بالنسبة للشخص ده أنا مش هتحمل بو'كس كمان
قالي يلا بينا ولقيت نفسي فجأة اتخبطت" فى حد ببص لقيته يحيي وببص لقيت نفسي فى الجامعه واتلخبطت. بقيت مش عارفه اقول ايه ولقيت شلتوت قدامى بيشاورلي أتكلم
يحيي….
أنا يحيي طالب فى كليه تربية وبلعب كاراتية وكنت واقف مع أصحابي عند الكافتريا وخلاص ماشي لقيت حد خبطني. وببص لقيت بنت زى القمر قدامي وحسيت إني مش شايف غيرها ولقيتها مكسوفه ومتلخبطه.
قولت لها ولا يهمك أنا أشكر الفرصة السعيدة اللى خلتني أشوفك واخدتها وقعدنا فى الكافتريا واتعرفت عليها أد إيه هى رقيقة وجميلة حسيت وأنا بكلمها كأني أعرفها من زمان وقولت هى دى فتاة أحلامي اللى خطفت قلبي واديتها رقم تليفوني واخدت رقمها بحجه إنى اطمن عليها وان الخبطه' مش أثرت فيها وعرفت عنوان بيتها وقررت اسأل عنها وأفكر جديا فى مسأله الارتباط بها
أنجي. …
ياااااه إحساس حلو أوى مافيش أحلي من جمال البدايات والتلميحات واتنقلت ل أوضتي ولسه بشغل أغاني وسرحانه وبتخيل نظرات يحيي ليا تررررررخ. لقيت قلم نزل ع وشي
ببص لقيت آسيا
آسيا. …
من أول ما ظهرت ايسآ وأنا وهى بنتخانق مع بعض من غير سبب وكل واحدة فينا بتبين قدراتها للتانية
وببص لقيت شلتوت وانجي اختفوا فهمت أنها لعبه من شلتوت وهو اللى جاب قرينتي علشان تعطلني وتبعدني عن أنجي لكن أنا عنديه علشان كدا قولت ل ايسآ استوب وتعالي نتكلم فى هدوء وابتديت افهمها ان شخصيتها ضعيفة جدا علشان كدا طفل صغير زى شلتوت قدر يلعب بها ويخليها تحضر تعطلني ع اللى ناويه اعمله
علشان كدا لازم نتفق مع بعض ضد. شلتوت ونتحد فى أننا نخلي أنجي تتخلي عن حياتها وتفكر فى مستقبلها العلمي والوظيفي وتلغي خالص اى فكرة ارتباط
واول ما رجعت ل أوضة أنجي لقيتها فرحانه وبتفكر فى يحيي محستش بنفسي الا وأنا بضر'بها بالقلم ولقيتها بتقولى
هو كله ضر'ب ضر'ب حرام عليكوا وشي بقي ملطشه.
قولتلها ضحك عليكي بكلمتين حلوين هيخليكي تنسي حلمك وتبقي صحفيه مشهورة وببص لقيت
يجنا. ….
اقفي مكانك يا آسيا أنتي وايسآ مش معني اني مدخلتش لحد دلوقتي أنكم تلغوا وجودى وعاوزين تتحكموا فى حياة أنجي من غير إذن مني ولقيت أنجي بتقولي
تطلعي مين انتي كمان اسمعي منك لها أنا بس اللى أقرر حياتي تكون ازاى مش شويه أشباح عاااااااا
يتبع…..
ياتري ايه اللى حصل ولسه هيحصل ل أنجي؟
#الجزءالخامس
#عالم_موازي
أنجي….
لقيت نفسي واقفه وسط آسيا وقرينتها ايسآ وكملت أكتر لما لقيت واحدة واقفه شكلها غريب وبتزعق' لهم ومعترضة ان محدش استأذن منها قبل ما يقرروا يتحكموا فى حياتي
حسيت إنى مضغوطة" من كل حاجه حواليا وان حياتي بتضيع وبدل ما يساعدونى استرجعها واقفين يقرروا مين فيهم اللى يضيعني أكتر من التانيه
زعقت" فيهم ما هو مش ع آخر الزمن شويه عفاريت. تتحكم فيا أنا بس اللى ليا حق اختيار حياتي وأول ما نطقت لقيتهم بصولي وعينهم بدق شرا'ر ومرة واحدة حسيت بحاجه ساقعه ع وشي صر'خت وفضلت انادى ع شلتوت وببص لقيت أمي قدامى وبترش عليا مياه متلجه علشان اصحي وافوق.
بصيت لها وفضلت أبص ع كل الأوضة أدور عليهم لقيت شلتوت واقف وبيشاورلي ع التاريخ اللى فى النتيجة ببص 😲
ايه ده انهاردة يحيي جاى يخطوبني أنا فاكرة التاريخ ده كويس 1/1/2016 معني كدا أنه فات سنتين وانى خلصت الجامعه طب هو الوقت عدى كدا ازاى وحصل ايه ولقيت امي بتقولي
مامت أنجي. …
دخلت اصحي أنجي ولقيتها كأنها فى غيبوبه مش حاسة بيا خالص روحت جايبه مية ساقعه ورشيتها ع وشها
عرايس آخر زمن واحدة غيرها مكنشي جالها نوم وواقفه قدام المرآيا لكن دى باردة الله يكون فى عون عريسها
وأخيرا لما فاقت قولت لها بنات خالتك فى الطريق جايين علشان تروحي الكوافير يلا بسرعه قومى افطري وافردى وشك ده شويه ده مش منظر عروسة ده منظر واحدة تايهه وسيبتها وخرجت الجيل ده مش متحمل. اي مسؤولية.
شلتوت….
أنجي كانت مصدومة مش عارفه هى جت هنا ازاى والسنين عدت كدا امتى وفضلت باصه ل مامتها ومتنحة وتبصلي وتبص فى الأوضة أكيد بتدور ع القرناء.
خا'يفه منهم اومال لما تعرفي الكا'رثه الأكبر هتعملي إيه ع العموم أنا قررت مقولش لها حاجه دلوقتي عقلها مش هيستوعب كل اللى بيحصل ده
ع أد ما أنجي صعبان. عليا المتاهة اللى وقعت فيها دى ع أد ما أنا عاوزها تراجع نفسها وتعيش حياتها صح وتحافظ ع صاحبي أنا وعدته إنى هحاول أصلح كل حاجه ….
أنجي. …
أول ما أمي خرجت من الأوضة كان فى أسئلة كتير بتدور فى دماغي ولسه هتكلم لقيت شلتوت قالي مافيش وقت قومى اجهزى انهاردة يوم مهم ولازم تعيشي كل الأحاسيس والمشاعر ومتفكريش فى اى حاجه تانيه
قولتله طب وقرينتي وآسيا وايسآ لقيته قالي انتى المتحكمة فى كل دول لو اختارتي بعقلك ترجعي لحياتك وتنقذي. بيتك اتاكدي انك هتقدري تعيشي وهتفوقي من الغيبوبه
*نرجع للوقت الحاضر
دنيا…..
من بعد جلسة التحضر كلنا اغمي علينا بسبب الشمبانيا مع صوت البرق والمطر صحينا تانى يوم الصبح لكن أنجي فضلت فى غيبوبه وجسمها متلج خو'فت عليها اتصلت بالإسعاف وأول ما تعملها فحص محدش قدر يفهم هى عندها ايه كل المؤشرات بتقول أنها نايمة وفى نفس الوقت نبضات قلبها بتزيد وترجع تتظبط تاني حسيت ان أنجي اتنقلت لعالم تاني بس مش عارفه أذا كان عالم الأنس ولا الجن
اخدت موبايل أنجي واتصلت ع يحيي جوزها وعرفته ان أنجي فى المستشفي ويخلي لؤي معاه الفترة دى لكن اتفاجأت برد فعل يحيي أنه مصمم يشوفها وبقي يبات فى المستشفي ويروح يادوبك اذا كان ياخد شاور هو والولد ويرجع تانى حسيت بحبه لها واد أيه هو حزين وخايف' عليها
علشان كدا اضطر'يت أقوله ع شكي. فى وجود أنجي فى عالم آخر وأنها ممكن تحاول تتواصل معانا علشان ترجع وان أكتر حد ممكن يحس بوجودها هو لؤي لإن الاطفال لهم قدرات وشفافية غيرنا خالص ولقيته بيقولى
ان فعلا لؤي كان بيشاور ع الهواء وبيقول ماما قولت له دى بشرى خير كدا أنجي بتحاول تتواصل معاكم
وقربت ع أنجي وهى نايمة وقولت لها ياريتك تشوفي طريقه نحس بها انك موجودة معانا يمكن نقدر نساعدك وفجأة لقينا …. ؟؟
شلتوت….
أنا طول الوقت متابع الحاضر عند أنجي والماضي وآسيا والقرناء ولقيت ان دنيا إنسانة زكية قدرت تفهم الحالة اللى أنجي فيها وكنت واقف و سامع كل كلامها مع يحيي وأول ما قربت من جسد أنجي ولقيت ياريت تشوفي طريقه نحس بها أنك موجودة قصدت إنى اطفي الكهرباء واشغلها ولقيت دنيا بتقول أنتي أنجي اعملي إشارة لو انتي فعلا موجودة معانا روحت قررت الحركة تانى طفيت الكهرباء وشغلتها مرتين ويحيي كان قلقان لكن بعد ما عملت الإشارة مرتين لقيته قال
ارجوكى يا أنجي أنا بحبك ومقدرش استغني عنك ابدا ومحتاجك معايا حاسس كأني جسد من غير روح فضل يبكي
…… أنا كعفريت صعب عليا علشان كدا حطيت أيدي ع كتفه وطبطبت عليه وشيلتها بسرعه أول ما حس بيا مكنتش متخيل رد فعله توقعت أنه يخا'ف لكن اللى حصل أنه فرح آوى وافتكر ان دى كانت ايد أنجي ولقيته قال ل دنيا لازم نشوف اى طريقه نساعدها ترجع لنا
دنيا….
بعد اللى حصل فى المستشفي ده تأكدت ان أنجي فى عالم الأنس لكن فى زمن وتوقيت مختلف فى عالم موازي لنا وبتحاول ترجع لكن بتواصلها معانا ده معناه أنها محتاجه مساعدتنا علشان كدا قررت أشوف إى روحاني يقدر أنه يساعدني علشان نستعيد أنجي من تاني
أنا كنت خايفه تكون راحت لعالم الجن أثناء فتح البوابه واضح ان الجن هما اللى دخلوا عالمنا أنا اتاكدت من وجود الجن فى البيت أول ما فوقت ع طول لكن انشغلت مع أنجي ومروحتش هناك تاني وبطمن ع أصحابي بالفون مع انى أنا اللى محتاجه حد يطمن عليا بسبب الكوابيس اللى بشوفها والعلامات اللى بتظهر فى جسمي وبتختفي خا'يفه اكون اتسببت فى ضر'ر حد من العالم الآخر وعاوز ينتقم' مني
علشان كدا لازم أنقذ أنجي فى اسرع وقت قبل ما يحصلي حاجه أنارشامنصورماليش حد لكن هى أبنها صغير وأكيد محتاجها😔
-------------
أنجي. …
روحت الكوافير مع بنات خالتي وكنت فرحانه آوى وكل شويه يحيي يكلمني ويقولى كلام حلو وأول ما وصلت البيت ويحيي وأهله واصحابنا أجمعوا والأغاني والزغاريط اشتغلت حسيت إنى طايرة من الفرحه وأنا شايفه كل اللى حواليا فرحانين ليا
وبعد ما يحيي لبسني الشبكه💘 لقيت شلتوت واقف قدامي ولقيت نفسي بتشد وبقف جنبه بصيت وقولت له الناس هتقول عليا إيه شاورلي ب ايده وكانت المفاجأة
لقيت نفسي قاعدة جنب يحيي وبكلم معاه واصحابنا حوالينا ولقيت شلتوت قالي فى حاجه عوزك تشوفيها حصلت فى الوقت الحاضر
ولسه هتكلم دخلت جوه دوامة وبعدها ظهرتلي شاشة كبيرة وشوفت دنيا ويحيي وكل اللى حصل فى المستشفي عيوني دمعت من الفرحة وأنا شايفاهم متمسكين بيا وخصوصا يحيي
بس لاحظت علامات ع دراع دنيا كأنها خبطة. جامدة عملت تجمع دموي' لونها اسود لكن لقيت شلتوت قطع تفكيري
وقالي لا البوابه اللى اتفتحت مش أنا بس اللى خرجت منها فى غيري من الجن نزل وعجبه المكان وخصوصا ان بيت صاحبتك جنب المقابر
قولتله يعني فى خطو'رة ع حياتها قالي أكيد علشان كدا لازم ترجعي العالم بتاعك وتساعديها زى ما بتحاول هى كمان تساعدك وفى لحظه دخلت جوه الدوامة ورجعت تانى مع يحيي والخطوبه والناس. .
مش عارفه ليه حسيت إن عقلي محجوز جوه دوامة مش عارف يخرج منها سواء فى الماضي ولا الحاضر
محتارة ما بين ابني وجوزى وصاحبتي اللى حياتها فى خطر' وبين طموحي وشغلي ومستقبلي
وأول ما الكل مشي دخلت أوضتي وأنا سرحانه وقررت اقرء كتب عن عالم الجن يمكن أقدر اساعد دنيا حتى وأنا بعيد عنها وببص قدامي لقيت الثلاثي المرح
وأول ما آسيا شافتني قدامها كالعادة ضر'بتني بالقلم وطبعا مستغربتش ما أنا خلاص اتعودت
أنا كل دورى فى الحياة إنى اضر'ب بس المرة دى
رد فعلي كان مفاجأة لهم كلهم ……
يتبع….
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية عالم موازي الف…){kind=link}
تعليقات
إرسال تعليق
فضلا اترك تعليق من هنا