رواية نصف عذراء الفصل الأول حتى الفصل الأخير بقلم الكاتبه خديجه السيد(حصريه وجديده على مدونة قصر الروايات)

 رواية نصف عذراء الفصل الأول حتى الفصل الأخير بقلم الكاتبه خديجه السيد(حصريه وجديده على مدونة قصر الروايات)

رواية نصف عذراء الفصل الأول حتى الفصل الأخير بقلم الكاتبه خديجه السيد(حصريه وجديده على مدونة قصر الروايات)

نبذة مختصرة:- تزوج (طارق) من ابنة خالته (حنين) بعد أن تبادلا الإعجاب بصمت لسنوات. كان طارق يشعر بالحب تجاه حنين، فتقدم لخطبتها، و وافقت عائلتها لأنها لم تجد عريسًا مناسبًا لابنتهم سواه، لكن الغريب هو أن حنين رغم حبها الصامت لطارق كانت ترفض الزواج لكن تحت ضغط عائلتها تخلت عن عنادها و اضطرت أيضا للاستسلام لنصائح والدتها بأن تكون فتاة مهذبة ولا تظهر لزوجها أنها متلهفة للعلاقة الزوجية، وأن تخفي أي شعور تجاهه حتى لا يُقال عنها إنها فتاة سيئة السمعة أو مشكوك في سلوكها.. أما طارق كان متشوقًا لقضاء أوقات ممتعة مع حبيبته، فوجئ بأن زوجته تحمل تجارب سلبية جعلتها تكره وتنفّر من العلاقة الحميمة.

الفصل الأول 

_________________

تعالت أصوات الأغاني والزغاريد المنبعثه من

مركز التجميل، فكانت الموسيقى صاخبه تضيف جواً من السحر على المكان حيث ارتسمت السعادة والسرور على وجوه الحاضرين مع العروسه، فقد كانت الأجواء مميزاً.. ألا على شخص واحد فقط كان يشعر بان هذا اليوم اتعس يوم بحياته .

قبل عدة أشهر جلس الجميع سوياً على مائدة الطعام بدأوا بتجاذبون الحديث البسيط بينهم حتي أخبرتهم زينب الأم عن طلب ابن اخت شقيقتها لزواج ابنتها الصغيره حنين وانها وافقت، نهضت حنين بصدمة كبيرة وهي تصيح بغضب شديد 

= نعم انتم بتهزروا يعني ايه تديله كلمه من غير ما تاخدوا رأيي حتي ثم مين قال لكم ان انا عاوزه اتجوز، لأ لأ قولوا له انكم رجعتوا في كلامكم او اي حاجه بس انا مستحيل اتجوز 

تعجب الجميع من رده فعلها الصادمه واعتلت وجوهم علامات الدهشة والاستغراب لتهتف الأم بدهشة 

= وده ليه ان شاء الله؟ بنت انتٍ انا كنت بكبر دماغي من العرسان اللي بترفضيها وبقول لسه صغيره انما دلوقتي خلاص بقى عندك 25 سنه هتستني ايه تاني؟ ثم إن ماله طارق ابن خالتك واد كسيب وعنده شقه في نفس عماره أمه وبيدخله دخل كويس ومتعلم وشريكي يبقى ايه عيبه بقى 

حاولت حنين أن تبدو طبيعية أمام والدتها حتى لا تثير القلق في لحظه كهذه لتردد بصوت متوتر 

= انا ما قلتش انه في عيب بس انا اللي مش عاوزه هو الجوز بالعافيه يا ناس، هو بني ادم كويس مش هنكر ده بس آآ انا مش عاوزه اتجوز خالص خليه يشوف واحده احسن مني 

عقد شقيقها محمود حاجيبة باستغراب وهو يقول بصوت ساخراً

= هي بنتك دي جرى لعقلها حاجه قاعده تشكر في الرجل وفي نفس الوقت تقول مش عاوزاه ويشوف واحده ثاني ما تعقليها ياما احنا خلاص ادينا للراجل كلمه هطلع عيل قدامه ولا ايه؟ وبعدين احنا مش هنلاقي حد كويس غيره و على راي امك على الاقل عارفينه و هتسكني جنبنا فتحي مخك بقى وبلاش العند اللي بيركبك ده 

هزت زينب رأسها بعدم مبالاة وهي تردد 

باصرار

= سيبك منها دلع بنات وخلاص لو كان في عيب واحد بس يا حبيبتي كنت انا واخوكي رفضنا من قبل ما نعرض عليكي لكن انتٍ حتى بتقولي اسباب هبله زيك ومش لاقيه في عيب أصلا.. 

ثم وجهت نظراتها إلي ازواج ابنائها الاثنين هاتفه بحنق واضح

= ما تتكلموا انتوا الاتنين مش طول الوقت قافلين على نفسكم الاوضه و نازلين رغي عقلوها بقى شويه وفهموها ان البنت راحت ولا جت ملهاش الا بيت جوزها، وان الراجل ما فيهوش حاجه تعيبه 

اقتربت في تلك اللحظه عبير ارمله اخيها الأكبر وحوطتها بحنان وهي تردد بصوت خافت وأقرب للهمس 

= اهدي بس يا حماتي ما هو في النهايه اسمه جواز بالاتفاق ولازم يكون برضاها وموافقتها خلينا نتكلم معاها بالراحه ونفهم دماغها فيها ايه، جايز يكون الجواز نفسه فكرته مخوفاها ولا حاجه.. اتكلمي وقولي يا حنين اللي قلقك من طارق ولا من الجواز نفسه مش انتٍ مش بتخبي علينا حاجه اتكلمي يا حبيبتي.

حنين وقد نهضت من مقعدها للداخل وهي تهز رأسها برفض تام فقط دون حديث، بينما نفخت الأم مستاءًه منها وهي تهتف بنفاذ صبر

= شايفين حرقه الدم اهي ساكته عشان مش لاقيه حاجه والمره دي العريس ما فيهوش عيب انتٍ اللي رافضه وخلاص يا خايبه هتعنسي جنبي من كتر العرسان اللي عماله ترفضيهم وبعد كده ما حدش هيبص في وشك . 

وقبل أن يتحدث أحد تحركت إيمان زوجه محمود بدلال وهي تردد بصوت خافت

=عنك انتٍ يا حماتي سيبها لنا واحنا هنعقلها ونفهمها. 

وفي تلك اللحظه تحدث محمود زوجها مازحاً والإبتسامة تعلو شفتيه بثقة

=خلاص ياما سيبيها لايمان انا عارفها طالما حاطط حاجه في دماغها يبقى مش هتطلعها غير لما تنجز المهمه وتخليها توافق 

كانت حنين في وضع صعب، مضطرة لطاعة الجميع لتفلت من ضغوطهم وقد وصلت إلى سن الزواج ودون مبررات لرفض العريس هذه المرة ورغم أنها كانت تشعر بإعجاب صامت تجاهه، إلا أن فكرة الزواج كانت مرفوضة تمامًا بالنسبة لها.

لم تنجُ حنين من توسلات الجميع وإصرارهم الشديد على الزواج من طارق، حتى أن والدتها زينب تعجبت من هذا الإصرار الغريب وقررت دعم طارق، فقد فكرت جيدًا في الأمر، ورأت أنه يتمتع بالرجولة والشجاعة، وأنه يحب ابنتها بشكل واضح، بالإضافة إلى أنه في وضع مادي جيد لذا لماذا تضيع وقتها، و الأهم من كل ذلك، حيث تعرفه جيدًا وتعتبره ابن شقيقتها.

افاقت فجاه حنين على صوت تلك السيده وهي تبوخها بعصبية بسيطه

= وبعدين بقى يا عروسه كل شويه عينك تدمع وتبوظيلي المكياج حاولي تمسكي نفسك شويه، خلاص المفروض اجهزك على الساعه سبعه وتكوني طالعه من هنا مع عريسك بالنظام ده هتتاخري وهيرجعوا يحاسبوني انا 

تقدمت منهم في تلك اللحظه زينب الأم وهي تتساءل على مضض

= في ايه مالك محموقه أوي كده ليه يا اختي على العروسه.. ما براحه على البنت 

حاولت ايمان التدخل و أن تزيح أي عقبات قد تقف في وجه اتمام زيجه حنين اليوم مثلما اخبرها زوجها محمود حتى لا تحدث اي مشاكل من طرف حنين او والدته.. لتقول بصوت هادئ 

= معلش يا حماتي هي مش قصدها بس اصلي حنين كل شويه تتأثر يعني انها هتسيبنا النهارده وعينيها تدمع فبتبوظلها شغلها، معلش امسحيها فينا وانتٍ يا عروسه اهدي شويه يا حبيبتي ده النهارده فرحك و المفروض تفرحي مش تعيطي 

ظلت حنين صامتة لا تتفوه بشيء فقط تكتفي بالنظر إلى الأمام بشرود تفكر بشئ ما وهو ياخذ كل تفكيرها الآن وسبب تلك الدموع ولونها الذي أصبح شاحباً، بينما ربتت زينب على كتفها برفق وهي تحدق فيها باستغراب متسائلة 

= وانتٍ بتعيطي علي ايه انتٍ التانيه صحيح 

ده انتٍ بينك وبينا شارعين وكل يوم هتلاقيني نطلك او انتٍ تيجي تزورينا... ولا في حاجه تانيه انا ما اعرفهاش .

تنهدت عبير بقله حيله ثم تحركت لتجذب حماتها الى بعيد وهي تبتسم بهدوء 

=هيكون في ايه بس يا حماتي.. كملي شغلك خلاص يا مدام حقك علينا واحنا هنقعد بعيد هنا، مبروك يا حنين ربنا يتمملك على خير يا حبيبتي 

تحركت زينب بالفعل معهم لتهتف بشك والدهشة تعتريها 

= انتم عارفين حاجه ومخبيين عليا انتوا الاتنين؟ البنت دي عماله تعيط ليه لايكون لسه الدلع المرق بتاعها ومش عاوزه العريس.. دي هبله ما فيش زيه وعلى الاقل عارفينه وابن خالتها و الواد شكله شاريها وبيحبها 

اجابتها ايمان وهي تمط شفتيها بعدم مبالاة 

=يا خالتي وهي كمان بتحبه بس اديكي قلتيها دلع بنات وخلاص، تلاقيها متوتره من اليوم وكده عروسه بقى وبتدلع 

هزت رأسها وظلت زينب تتذمر في ضيق وهي تردد بعدم رضا

= ماشي لما اشوف اخرت الدلع بتاعها ايه؟ وبعدين خايفه من ايه 

هزت إيمان كتفها والابتسامة تعلو ثغرها وهي تقول بجرأة معتاده عليها بشخصيتها 

=معلش يا خالتي اول مره بقى وليها رهبه بكره تلاقيها بتفتكرنا بزياره كل شهرين بعد ما يحصل المراد والتوتر يروح . 

اعتدلت ايمان في مواجهة عبير التي بدأت ترمقها بنظرات الاحتقار وهي تقول بضيق 

=انتٍ ما فيش حاجه في دماغك الا قله الادب دي؟ طب اتلمي يا اختي بدل ما حد يسمعك من الموجودين وياخد عننا فكره غلط 

امسكت خصلات شعرها الخارجه من الطرحه تحركها بدلال ودلع محولاً اغاظتها لتهتف بصوت هامس بخبث 

=جرى ايه يا ابله عبير هو انا قلت حاجه غلط وياخد عني فكره غلط ليه ما انا متجوزه يعني فاهمه وعارفه الحاجات دي عادي.. واللي غيران مننا يا حبيبتي يعمل زينا 

ابتسمت بسخرية وهي تسألها بنظرات صارمة

= واعمل زيك ان شاء الله فين فقدتي الذاكره خلاص، انا بقيت ارمله وقاعده مع حماتي بربي الاربع عيال وكملت ال 45 سنه ولسه بعد كل ده هقول جواز تاني.. يا اختي بلا قرف خدناه إيه من الرجاله حيين ولا ميتين ده انا في نعمه .

ضحكت بغنج ثم تحدثت بنبرة باردة ساخرة 

= خدنا كتير ولسه بناخد منهم لما يقع حظك مع راجل يهنيكي بجد، انتٍ بس اللي وش فقر 

ومش عارفه تتعلمي ازاي تهني الراجل وتخلي زي الخاتم في صباعك زي ما انا عامله مع محمود حبيبي وجوزي وابو عيالي.. تعرفي لسه عندك وقت برده السن بتاعك مطلوب بس ابقي اتعلمي الأول بدل ما تخليهم يروحوا بدري من ايدك 

صمتت عبير وجزت على شفتيها بحنق وقبل ان تكمل كلماتها الأخري تفاجأت ايمان باتصال لتبتسم بغرور ثم نهضت تهتف باستفزاز 

= شفتي ما يقدرش يستغنى عني هروح ارد عليه بره عشان الدوشه وجايه على طول.

نظرت عبير إليها بغيظ ثم أولتها ظهرها وهي تشيح في وجهها قبل ان تقول باشمئزاز

= جاتك القرف عليكي وعلى محمود بدري بت قليله الادب صحيح. 

❈-❈-❈

وعلي الجانب الآخر بين العائلتين بدأوا يرتبون سوياً الاستعدادات النهائية لحفل زفاف الليلة وكيفية استقبال المدعوين والترحيب بهم على أعلى مستوى... بينما كان طارق العريس يحتسب الدقائق بل الثواني لكي يكون مع حنين التي طالما عشق براءتها وحبهم الصامت لسنوات .

بدأ الوقت يمر وكان سريعاً جداً على حنين وبطيئاُ جدآ على طارق.. توجه طارق بصحبة والدته وأهله إلى مركز التجميل لاصطحاب العروس الجميلة وما هي إلا ثواني معدودة حتى خرجت حنين من الداخل وانطلقت الزغاريط عالياً في المكان، تأمل طارق حنين وتفحص كل جزء منها بتمعن شديد بحب... 

رمقت زينب ابنتها بحذر لتبتسم وحاولت هي لا تتعمد فعل أي شيء لتثير غضبهم لذا تحاملت على نفسها وابتسمت له بارتعاش.. ثم هتفت زينب بابتسامة عريضة

= ايه رأيك في عروستنا الحلوة يا عريس

اقترب طارق من حنين ثم أمسك كف يدها وانحنى لها وقبلها برقة لكنها سحبتها بسرعه من المفاجاه وهو يقول بإعجاب 

=قمر يا طنط وهي دي محتاجة كلام 

هتف محمود من الخلف باستعجال

=مش وقت حب ورومانسية هنا يالا ورانا فرح ومعازيم مستنين كفايه اتاخرنا على الميعاد اصلا 

هز رأسه بالايجاب ثم أمسك طارق بذراع حنين و تأبط بها وهو يضغط على كفها بقبضة يده مرددًا بلهفة 

= ايوه صح القاعه.. يالا يا عروسة 

❈-❈-❈

قام طارق بفتح باب المنزل وهو يشير بيده كتاحيه الى أسرته مبتسماً بهدوء لكن بعينه أشار الى والدته بضيق حتى ينزلوا فهو يكره تلك العادات والتقاليد السخيفه بل ينتظرون هنا حتى تأتيهم الأخبار اليقينه وماذا فعل مع عروسته دون خصوصيه، لوت أمه هياتم ثغرها علي مضض واخذت الناس للاسفل بالفعل.

وهذا جعل حنين ترتاح الى حد ما فهي لا تفهم لماذا صعدوا معها الى هنا؟ كانت على وشك الدلوف إلى الداخل حينما وجدت طارق يمنعها من الدخول فتعجبت منه وتوترت لتظل مكانها 

فهتف الآخر ناظراً إليها بنظرات حالمة 

= ودي تيجي برده يا عروسة تخشي على رجليكي وأنا موجود 

وقبل ان تعترض وضع أحد يديه خلف ظهرها والأخرى أسفل ركبتيها ثم انحنى قليلاً وحملها بين ذراعيه ودلف بها إلى داخل المنزل واغلق الباب بقدمه، شهقت هي بصدمة وبدأت بتحريك قدمها بالهواء وهي تردد باعتراض شديد بخجل 

= انت بتعمل ايه نزلني لو سمحت... آآ انا ما بحبش كده ولا عاوز حد يشيلني نزلني بقى 

أجابها بحب واستمتاع وهو يهز رأسه بالنفي

= تؤ عاوزك تهدي يا عروسه وارتاحي على الاخر انا هعمل كل حاجه النهارده 

هزت رأسها باعتراض ورفض وهي تقاوم بضيق شديد

= يا سيدي نزلني بقى انا غاويه تعب.. ما بحبش كده

ظلت تقاوم وهو تحرك ناحيه الداخل وهو حاملاً العروسه بين ذراعيه ولم تكف عن المقاومه لتهبط وهو صامت مما أزعجها و جعلها تحرك قدمها بقوه اكبر وفي وصول طارق بحنين إلى غرفة النوم فجأة قام بإلقاء العروسه بكل قوة على الفراش وهو بالأرض وسط ذهولها وذهوله لتصرخ متآلمة بغضب مكتوم 

= آآآآآآآه انت يا بني ادم انت حد ينزل حد كده لما انت مش قد الشيل بتشيل ليه ؟ 

توتر قليلاً بحرج وهو يقول بقلق

= معلش انا اسف ما انتٍ اللي فضلتي تتحركي خليتيني وقعتك انتٍ كويسه طيب.. معلش انا اسف حقك عليا 

نظرت إليه بأعين مرتبكه ثم بصمت نهضت من على الفراش بعد أن ظلت تزحف عليه قليلاً بينما الآخر ابتسم ونهض يخلع جاكيت البدلة الخاص به وألقاه على جنب ثم نزع البابيون عنه وفك أزرار القميص ودون مقدمات بدأ ينزع باقي ملابسه اتسعت عيناها وبسرعة هتفت صارخه بحده 

= لأ لأ لأ انت بتعمل ايه انت اتجننت انت هتقلع هدومك هنا قصادي ؟؟؟ 

عقد حاجيبة باستغراب وهو يقول بصوت خبيث 

= وفيها ايه؟ امال عاوزاني اقلع جوه بالحمام مثلا و الهدوم تتبل ما يصحش هنا أحسن 

نظرت إليه بنظرات حادة وهي تردد بصوت مغتاظًا 

= وانا مالي تتبل ولا تتحرق مش في واحده قدامك مش ماليه عينك ولا ايه؟ وبعدين هي الشقه ما فيهاش غير الاوضه دي والحمام بس ما تطلع بره تشوف اي اوضه ثانيه 

ظل يتأملها بعشق وتعلو شفتيه ابتسامة اشتياق ورغبة قبل أن يعود مرادف بأمل

=لسه هطلع وادور وانور النور واشيل الهدوم من هنا لهناك، هنا اسهل وبعدين هي الواحده اللي مش ماليه عيني دي مش مراتي يعني وعادي.. حتى عشان ناخد على بعض أسرع فانا اغير وانت كمان تغيري قدامي وكده

شهقت بصدمة كبيرة وهي تردف بنبرة غاضبة

= وكده إيه يا قليل الادب يا سافل هو انت كمان عاوزني اغير قدامك؟ اهو ده اللي ناقص كمان 

اتسعت عينا طارق وقال بنبرة حادة

= هو انتٍ بتشتميني ولا انا متهيالي؟ 

ابتلعت ريقها بصعوبة تهتف مدعية الشجاعة

= مش بالظبط بس مين قال لك ان احنا عايزين ناخد على بعض بالطريقه دي يعني،

لأ لأ مستحيل اطلع بره غير هدومك ولا شوف هتعمل ايه بعيد عني بلا قله ادب

نظر لها مطولاً بعدم فهم متسائلاً بحيرة

= قله ادب.. هو انتٍ امك ما قعدتش معاكي ولا ايه؟ 

تجهمت ملامحها وتحدثت مدعية الغباء

= ايه داخل أمي بقله ادبك دي دلوقتي

تطلع نحوها بضيق ليقول وهو يتنحنح

= قله ادب تاني! احم أهدي بس وافهمي آآآ... الفستان شكله مش هيتخلع غير بحد معاكي فأنا كان غرضي شريف أساعدك لو عاوزة يعني...

وضعت حنين احدي يديها في وسط خصرها وعبث باليد الأخرى في خصلات شعرها ثم وقفت أمامه هاتفه بتحدي

=لا مش عاوزه شكراً وفر خدماتك لنفسك انا اصلا اللي لبست الفستان لوحدي وهعرف اخلعه لوحدي...

لوي شفته بخيبة أمل هاتفا بحسرة

= خلاص انتٍ حره ملكيش في الطيب نصيب 

انا هروح احسن استحمى بره

تحرك خطوتين ثم عاد إليها مجدداً ليقول بإصرار مازحاً

= يعني متاكده انك مش محتاجه مساعده 

فكري ده أنا ايدي خفيفة مش هاتحسي بالسوستة وهي بتتفك خالص وهي ثانيه وهتلاقيها اتفكت على طول 

هزت رأسها بيأس وضيق وهتفت بنفاذ صبر

= كتر خيرك مش عاوزه وبعدين مش قلت رايح تستحمى ولا انت مش عاوز تريح نفسك أبداً 

تطلع نحوها مبتسماً ليقول بصوت ماكر 

=راحت إيه بس في الليله زي.. دي ليلتك هتبقى نار معايا النهارده يا عروسة

نظرت إليه بنفور ثم أردفت بصوت هامس 

=نار هتحرقك ان شاء الله 

❈-❈-❈

حاول طارق تخفيف حدة التوتر والاضطراب السائدة بينهما فهو لا يريد افساد تلك الليلة بأي حال من الأحوال لذا أسلم شيء الآن هو أن يرحل للخارج و يترك لها مساحه قليله فبالتاكيد كل هذه التصرفات سببها الخجل فكل شيء جاء بسرعه بالفعل ولم يعتادون على بعضها البعض.

أغلقت حنين باب الغرفة ورائه وهي تتنفس الصعد اخيرا، ثم بحثت عن ملابس ترتديها في الدولاب ولكنها لم تجد إلا ملابس العرائس الغير محتشمة في وجهه نظرها فهي لم ترغب في أن ترتدي مثل تلك الملابس أمامه حتى أخيرا وجدت بيجامه طويله محتشمه ولم تكتفي بذلك حيث ارتدت فوقه الاسدال أيضاً

❈-❈-❈

في حين كانت حنين مندمجة في غلق الاسدال فجأة وجدت طارق يفتح عليها باب الغرفة فتسمرت في مكانها ونظرت إليه مصدومة فقد كان يقف أمامها بصدره العاري ولا يرتدي إلا شورتاً رياضياً فقط، كان يقترب رويداً رويداً منها ولكنه توقف فجأة حينما سألته بضيق باحراج

=انت لسه هنا آآآ... انت جاي ليه 

وقد انتبه لحديثها ليرد باستغراب مازحاً 

= نعم جي ليه؟؟ هو انا معزوم هنا ولا حاجه ده احنا متجوزين 

انتابتها نوبة من التوتر والقلق، فهتفت بنبرة متلعثمة

= مش قصدي كده قصدي كان المفروض تخبط على الباب افرض كنت لسه بغير هدومي مثلا.. إيه قله الادب بتاعتك دي 

مسح علي وجهه بضيق شديد منها وهتف قائلاً بنفاذ صبر 

= اللهم طولك يا روح، طب كفاية كلام وتعالي عشان نتعشى 

أخذت نفساً عميقاً وحاولت به أن تستجمع رباطة جأشها وشجاعتها أمامه ثم حاولت أن تتحدث بنبرة جدية

= ما ليش نفس مش عاوزه، انا عاوزه انام وبس دماغي مصدعه وما عرفتش انام كويس الأيام اللي فاتت بسبب ام الفرح بتاعك 

لوي شفته بسخرية وهو يقول باستخفاف 

= الفرح بتاعي هو انا كنت عازمك عليه ولا ايه؟ ما انتٍ كنتي عروسه في الفرح بتاعي ده برده.. بنت انتٍ هي امك ما قعدتش معاكي؟ 

هزت رأسها علي الفور بابتسامة مصطنعة

= ما طبيعي هتقعد معايا اكيد مش انا بنتها ولا حد قال لك ان احنا منعزلين عن بعض

فتح ثغرة بدهشة ثم همس بنفسه بغيظ

=لا دي طلعت غبيه اقول لها ايه دي دلوقتي بس؟ 

عقدت ساعديها أمام صدرها وأدارت وجهها الناحية الأخرى وهي تردد بصوت مصرآ ليتركها بمفردها

= هو انت هتفضل واقف هنا كتير ما تروح تاكل مش كنت جعان قلت لك ما ليش نفس 

فحص طارق حنين بتمعن شديد وخاصة أنها كانت ترتدي ملابس لا تناسب ليله الزفاف ابدأ لكنه خمن اسفل ذلك الاسدال بالتاكيد ترتدي المناسب، ظل يرمقها بتمهل شديد من أطراف أقدامها ليقول بنظرات فاحصة

= انتٍ الخسرانة براحتك، شويه والجوع هيقرصك وهتضطري غصب عنك تيجي تأكلي

ظلت حنين مكانها في الغرفة ثم اضطربت قليلاً حينما تذكرت أنها لم تأكل شيئاً منذ فترة طويلة، وضعت يدها على معدتها تتحسها بألم الجوع الذي سيحل بها عما قريب، لكنها هزت رأسها بعناد فتعلم جيد اذا خرجت فستتح له الفرصه للقادم لذلك ستتحمل الجوع اهون لها.

❈-❈-❈

مددت حنين جسدها على الفراش بعد أن غسلت وجهها من المكياج وتاكدت بان طارق يتناول الطعام بالخارج ولم يدخل لها، فقد كان اليوم منهكاً بالنسبة إليها بالإضافة انها لم تنم جيداً بالأمس فقد كانت تود أن تستريح ولو قليلاً من التفكير ولكن للأسف تأتي الرياح بما لا تشتهي السفن.. 

أغمضت عينيها وهي لا تتمنى ان يحدث اي شيء الا النوم فقط لكن عقلها بدأ يشرد رغم عنها، قبل عده اشهر، ربتت عبير زوجه أخيها المتوفي وهتفت بتعقل

= وبعدين يا حنين يا حبيبتي انتٍ كبرتي خلاص وبقيتي عروسه ومسيرك هتتجوزي زي البنات بلاش ترفضي عريس مناسبه و كويس لانك في الاخر هتتجوزي هتتجوزي احسن ما يقع نصيبك في حد مش كويس 

اقتربت منهما إيمان مؤيدة كلمات الأخري وهي تقول

= اسمعي كلام ابله عبير يا حنين طارق مش غريب عننا ومتربي يعتبر قدامنا وعارفين اخره من اوله، ومتربي كويس.. وبعدين بلاش نضحك على بعض ما معظمنا برده شاهد على نظرتكم الصامته اللي كنتم بتبصوها لبعض باي مناسبه يبقى يوم ما يتقدم ترفضي برده ولا هو نظام بقى عيني فيه واقول أخيه . 

توترت حنين هنا بينما تطلعت إيمان نحوها بخبث وهي تضيف قائلة 

= اخوكي محمود وامك مش هيسيبوكي الا لما تتجوزي فاسمعي كلامنا ووافقي طالما العريس مناسب.. وما حدش عارف اللي جاي هيكون ايه. 

وبالفعل رضخت حنين الى ضغوطهم ولم تشعر بالوقت الذي مر بسرعه الا وهي تقف امام مراه المنزل تقيس فستان الزفاف، نظرت زينب الأم لها بتردد لا تعرف كيف تقول لها تلك الكلمات

وهي محرجه

= زي القمر يا حبيبتي.. آآ خلاص فرحك بعد يومين و انتٍ اكيد يعني عارفه انتٍ داخله على ايه واللي مفروض يحصل بينكم وانك تطيعي جوزك وكده آآ و يوووه بقى ما تيجي يا إيمان تفهميها انتٍ 

ضحكت ايمان بشدة وهي تتحدث بدهشة

= معقول يا حماتي لحد دلوقتي لسه بتتكسفي 

والله ما فاهمه حمايا ده سابك و راح يتجوز غيرك ازاي وانتٍ زي القمر كده وبتحمري زي البنات 

أحمر وجهها بحرج ثم سرعان ما تجهم وهي ترد بحده

= اتلمي يا بنت انتٍ التانيه وبلاش السيره دي، هو بالحق جوزك اتصل عليه وعرفه فرح بنته امتى ولا هيعمل نفسه مشغول مع الهانم وولادها 

تنهدت إيمان بتردد لكنها بالنهايه اخبرتها بالحقيقه بصراحه 

= محمود كلمه اكيد طبعا يا حماتي بس حس كده من كلامه انه مش هيجي وأن الهانم مراته الثانيه مسيطره عليه كالعاده وخايفه نطلب منه فلوس ولا حاجه.

لوت ثغرها باستهزاء وهي تتحدث بحسرة

= بلا 60 خيبه عمري ما شفته لي رأي في مره معاها ولا موقف رجولي في حياته اللي عليا بس وعلى عيالي، ربنا قادر على القوي 

تقدمت في تلك اللحظه عبير وهي تحمل بيديها عده حقائب تخص العروسه وهتفت بابتسامة باهتة

= خلاص بقى يا جماعه، خلينا نفرح ونتبسط وننسى بقى النكد ده، وكلي ربنا وهو هيجيبلك حقك ان شاء الله يا حماتي.

كان في ذلك الأثناء تتابع حنين ما يحدث  بصمت! لكن لم تحزن او تعاتب والدها على اختفائه وعدم حضوره في المناسبات الهامه فهي طول حياتها و كعادته تعودت وكبرت على ذلك، يأتي ليزورهم عدد مرات قصيره 

وطول الوقت يعيش حياته مع الزوجه الثانيه وقد سمعت بانها امرأه ليس سهله او ضعيفه مثل والدتها التي حتى لم ترغب في الانفصال عنه رغم ما فعله، وأنه انجب من تلك السيدة فتاتين ويعيشوا تحت رعايه الكامله عكسها هي واخواتها.

لكن السبب الأكبر لتركهم والتفكير في الزواج من أخرى كان مرض والدتها وضعف جسدها الذي دمره المرض، ولم تعد تصلح له كزوجة من وجهة نظره كرجل لديه احتياجات لذلك، فكر في مصلحته بأنانية وترك الجميع خلفه لأنه في نفس الوقت لم يكن قادرًا على الإنفاق على منزلين!

لكنها اعتادت على كل ذلك مع مرور الوقت ولم تعطه أهمية في حياتها، طالما هو من تركهم، فلم تفكر فيه حتى.. لكن كان ما يشغلها أكثر حديث والدتها وإيمان، زوجة شقيقها الأوسط محمود، عن ماذا كان يتحدثون بخجل هكذا وما سيحدث بينها وبين زوجها؟

بالطبع، تدرك طبيعة العلاقة الزوجية والإنجاب وكل تلك الأمور تحدث، لكن ليس بتفاصيل دقيقة. تحركت وتركتهما يسيران في مسار والدها، ولم تنتظر أحدًا ليشرح لها، فسرعت في فهم طبيعة العلاقة من خلال مقاطع الفيديو على الإنترنت وليتها لم تفعل، فقد أصابتها صدمة كبيرة.

وقفت تلتقط أنفاسها وهي تمسك بهاتفها المحمول بين يديها، وما زالت تتابع العلاقة حتى النهاية بتفاصيل أكثر، ثم أغلقت الهاتف بسرعة لتنظر حولها في رعب، متخيلة ما قد يحدث لها بتفاصيل مختلفة من وجهة نظرها. 

بالإضافة قد تخزنت بعض الأفكار القديمه في عقلها ولم تنساها رغم صغر سنها، فهي تركت أثرًا أليمًا يصعب نسيانه رغم أن استمرت حياتها بشكل طبيعي لكنها تركت في نفسها عقدًا و مشكلات.

ثم تحدثت مع نفسها بصوت متحشرج خائف 

= يا نهار أسود هي دي العلاقه اللي بيتكلموا عليها وبتحصل بين المتجوزين! هي دي اللي خلت بابا يسيب ماما لما تعبت ويروح يتجوز واحده صغيره؟ هي دي اللي بسببها نيره صاحبتي ماتت؟ هي دي اللي بتخلي ايمان تتصالح مع جوزها لما يضربها؟ 

توجست حنين خيفة وارتعدت وبدأت تدمع عينها بتوجس، لتضيف بنبرة مريرة

= هي دي اللي كانت بتخلي ماما تغصب نفسها وتستحملها عشان بابا ما يروحش لغيرها، وبرده راح وسابها .

شعرت بثقل في رأسها وجسدها الضعيف الذي يؤلمها، حيث كانت تعاني من آلام ووخزات   فكانت تنفر من فكرة الزواج والعلاقات أكثر مما تخشى وترفض، وبقلق هزت رأسها معترضة راغبة في فسخ الخطوبة والزواج والعودة بحديثها، لكنها كانت متأكدة بنسبة 100% أن لا أحد سيستمع إليها، خاصة مع اقتراب موعد الزواج الذي لم يتبق عليه سوى أيام قليلة، بالإضافة إلى أن عقد القران قد تم، مما سيجعلها مطلقة في نظر الجميع.

كانت بتلك اللحظة تكاد تموت رعباً بسبب تلك الهواجس التي ملت عقلها وبصوت خافت ومرعوب اردفت بإصرار 

= لأ لأ انا كرهتها اكتر.. مستحيل اسمحله يعمل كده لأ مش هقدر استحملها ولا عاوزه يلمسني.. مش هخليه يلمسني تحت اي ضغط!. 

❈-❈-❈

في الوقت الحالي، كان طارق قد أعد طاولة الطعام بالخارج ورص الأطباق عليها بعد أن وضع أشهى الأطعمة التي جهزتها والدته حنين خصيصًا لهم، حيث أعدت لهم طعامًا كثيرًا و متعدد الأنواع، معتقدة أنه سيمنحهم الطاقة اللازمة للمرحلة المقبلة. 

أزاح المقعد قليلاً ثم جلس عليه بدون شهية، لكنه حاول إجبار نفسه على تناول الطعام لأنه لم يأكل شيئًا منذ الصباح، وبدأ في التهام الطعام بغضب وضيق بينما كان يفكر في حال تلك المتمردة الصغيرة التي وقع في حبها.

كان طارق متعجبًا جدًا، فهي تتصرف وكأنها ليست عروسًا في ليلة زفافها. فكر قليلاً دون جدوى واحتار في أمرها، فهو يريد أن يتعامل معها برفق لأنها زوجته وحبيبته الجميلة والغالية، ولا يريد أن يعاملها بعنف أو حتى بشدة حتى لا تنكسر منه. لذلك، يحاول أن يكون لطيفًا معها وليس قاسيًا، فهو يريدها بشغف واستسلام كامل لإرادتها، لذا قرر أن يتمهل معها قليلاً.

قبل عدة أشهر، جلست أمه هياتم فوق المقعد بصدمة وهي تردد باعتراض 

= قصدك حنين بنت اختي؟ وما لقيتش غير دي يا أبني دي معاها ثانويه بس وانت بسم الله ما شاء الله عليك خريج من جامعه تجاره 

لا يا طارق شوف غيرها مش هتنفعك

جلس طارق على الآريكة الواسعة وهو ينظر إليها بضيق لأنها مازالت مستمرة في الاعتراض منه ليقول باستفسار 

= واللي هيخليها مش هتنفعني وبعدين جامعه ايه يا ماما اللي فرحانه أوي بيها، طب في النهايه اشتغلت ايه؟ في صيانه تركيب الكاميرات يعني ولا اشتغلت بالشهاده ولا كانت نفعتني! 

ليضيف طارق أيضاً موضحاً لها 

= وبعدين دي بنت اختك فكرتك اول واحده هتكوني فرحانه بالموضوع ده واحنا عارفين كويس هي ليه ما كملتش تعليمها بسبب قله المصاريف معاهم عشان ابوهم اللي اختفى فجاه ده وما بيظهرش غير فين وفين ومش بيديهم حقهم.. ورفض تكمل تعليمها وبعدين هتدفعني في ايه يعني شهادتها ما في النهايه هتقعد في البيت وانا اللي هصرف و مش عايز واحده بتشتغل أصلا 

نظرت أمه هياتم له لتتحدث بتهكم

=ما قلناش حاجه وعارفه ظروفها الصعبه عشان كده بقول لك بلاش مش ناقصين مشاكل مع العالم دول! ثم إن كل واحد مننا في حاله بقيله كتير ولا هي بتسال ولا إحنا.. يعني برده ما نعرفهاش كويس وانت لسه قايل بنفسك ظروفهم على القد عشان ابوهم راح اتجوز على زينب ورمى العيال يعني هيشيلوك انت كل حاجه يا فالح من ترتيبات وتجهيزات.. ما عندك الجيران اللي حوالينا كلهم عندهم بنات كويسين ماشفلك واحده من اللي اتربت قدامنا وعارفين أهلها 

أجاب طارق وقد وضع كلتا يديه على رأسه

بعد أن تفهم أمرها قائلاً بجدية 

=يعني هي دي مشكلتك المصاريف على فكره بقى الصح ودينيا ان انا اللي اشيل الليله فيدفعوا اللي هم قادرين عليه وانا هشيل الباقي ما عنديش مشكله،والشقه أهي الحمد لله جاهزه في نفس العماره معاكي.. وبعدين انا بحبها ومش عاوزه غيرها ومش هتنازل عنها .

❈-❈-❈

غسل طارق يديه جيداً ثم تحرك للغرفه ليبحث عنها وهو يفكر يا ترى ماذا تفعل بالداخل نظر بعينيه داخل الغرفة فوجد حنين نائمة على الفراش، تهللت أساريره حينما وجدها هكذا رغم انها كانت نائمه بالاسدال اقترب منها بهدوء ثم تمدد هو الأخر بجوارها ظل يفحصها عن قرب يدرس كل شيء فيها والسعادة لا تفارق ملامحه وهو لا يصدق بانها بين يديه الآن وفي منزله تحت سقف واحد معه...

مد أطراف أصابعه ليتحسس بشرتها برفق شعرت الأخري وهي نائمة أن هناك لمسه ما تسري في جسدها فانتفضت على الفور و فتحت عينيها لتجد طارق ممدداً بقربها ومائلاً برأسه عليها وقبل ان تفكر بالتحرك، اقترب هو بتردد يفكر بشئ ما كان يحلم به طول الوقت ان يجربه معها؟!. 

فأمسك طارق برأس حنين بكلتا يديه ثم مال عليها سريعاً وقبلها على شفاهها قبلة طويلة حارة صدمت الأخري مما فعل فلم تتوقع أن يفعل هذا معها فقد قبلها رغماً عنها فدفعته بكلتا يديها ونهضت مبتعدة عنه 

= انت اتجننت بتعمل ايه 

نظر طارق إلى الحمرة التي اكتست وجهها وحاول ألا يبدو وقحاً معها ولا يربكها أكثر ليقول مازحاً 

= ابدأ كنت بصحيكي بالشويش من غير ازعاج 

نظرت له بكل غيظ ثم ضربته على كتفه بكلتا يديها ضربات متتالية وهي تهتف بحده 

= انت مش محترم على فكره، انت بتستغل الظروف وبتضحك عليا ازاي تعمل حاجه زي كده مين سامحلك 

اغتاظ من عدم تجاوبها معه وجفائها لكنه هتف مبتسماً بثقة

= من غير ما تسمحي لي يا قطه انا جوزك وبعدين دي بوسة، حاجة بريئة كده تمهيد للي جاي

هتفت وحمرة الخجل الممزوجة بحمرة الغضب تعلو وجهها 

= آآ أنا ..أنا اللي غلطانة اني بأمن لواحد زيك معندوش دم ولا إحساس ومش محترم كمان 

جز علي أسنانه بعصبية مكتومه ثم قال بحنق 

= وبعدين في أم الليله دي ولسانك ده بقى اللي بيبوظ أي جو بينا، انتٍ متاكده يا بنت ان امك قعدت معاكي وفهمتك؟!. 

حنين وقد فهمت ما يرمي إليه، لكنها أردفت بصوت حاد

= يوووة يادي أمي اللي حاططها في دماغك انت عاوز ايه دلوقتي مصحيني ليه؟ بعد ما خلاص صدقت نمت 

نظر لها بضيق ودهشه ثم أردف بلهجة ساخراً 

= تنامي! ودلوقتي وفي ليله دخلتنا طب ازاي 

تيجي ازاي يا مدام 

نظرت إليه بانزعاج ثم تحدثت بتحدي

= اتلم وبعدين انا مش مدام .

بادلها النظرة بأخرى مستمتعه وغمز لها بشقاوه قائلاً بجرأة 

= صح بس كلها نص ساعه بالكتير وهتبقي مدام.. و حرم طارق العلالي..

شهقت ولم تستطيع الرد، بينما تنقل بنظره بين شفتيها وعينيها وتابع بتلذذ

= ما تقربي اساعدك تقلعي الاسدال ده اهو طالما ما عرفتش احقق الأمنية دي في الفستان يبقى ندخل علي المفيد على طول... 

أحمر وجهها بحرج وخجل للغاية وهي تقول بصوت مجهد يظهر به مدي تعبها من المناهده معه 

= يا سيدي هو انت غاوي شقي وتعب لنفسك وخلاص 

أجاب طارق بابتسامة عريضة 

= أحلى شقى وربنا معاكي..

أطرقت حنين رأسها في خجل اكبر ثم أضاف بصوت رومانسي 

= أنا بحبك أوي يا حنين... 

ظلت الأخري صامتة ولكنها كانت تنظر إليه بعيون مترقبة عندما آمال رأسه ناحيتها ثم اقترب من وجنتها وقبلها قبلة صغيرة تفاجئت حنين مما فعله طارق ولكنها لم تعاتبه أو حتى تنهره فقد استكانت بين أحضانه لاحظ طارق تلك نظراتها المختلفة إليه ففكر قليلاً مع نفسه و أراد أن يجرب شيئاً ما معها فإن تجاوبت معه تمادى هو معها.

مـال على وجنتيها الأخر وقبلها قبلة أطول قليلاً توجس في البداية من ردة فعلها ولكن صمتها هذا معه أعطاه الضوء الأخضر لكي ينحني أكثر على شفتيها ويقبلها قبلة حانية مطولة ثم أبتعد قائلاً بصوت هامس 

= أنا عاوزك يا حنين! يا ترى انتٍ كمان عاوزاني؟؟ 

لاحظ ارتباكها وتوترها أدرك من انفعالات جسدها وهي بين ذراعيه وما أصابها من اضطراب وتوتر و ربما تتجاوب معه فابتسم ابتسامة رضا ليقول مازحاً 

=افهم من سكوتك ده السكوت علامة الرضا على بركة و نبدأ الليله اللي مش عاوزه تبدا دي 

ترددت حنين قليلاً لكنها حاولت أن تبدو متماسكة أمامه، وظلت تفرك يديها في توتر متسائلة بعدم فهم زائف 

= آآآ... نبدأ إيه بالظبط 

تحدث بصوت خافت وهو يخبط برفق علي جبهتها بكف يده قائلاً بسعادة

= ليلة الدخلة يا حبيبتي هو انتٍ مش ملاحظه في حاجه مسقطينها من ساعه ما دخلنا من الباب، ده احنا متأخرين ساعات عن الوقت الأصلي.. وعاوزين نعوض اللي فات، ونطمن الحجه والدتك والحجه والدتي لما يجوا بكره يطمنوا 

حاولت بسرعه أن تبحث عن مبرر له لكي يهدأ قليلاً ويتركها فلم تجد إلا أن تخبره، بتردد مرتبك

= احنا نسينا حاجه مهمه، اننا لازم نصلي الاول 

انتبه متذكر ذلك الأمر ثم اعتدل بسرعه هاتف في لهفه وأمل

= أه صح.. طب قومي نصلي وبعد كده نشوف حكايه النوم دي بعدين، هتتوضي لسه انا اتوضيت وانا بستحمي .

هزت رأسها بالايجاب بصمت، فغمز لها و تابع بوقاحة 

= لما تاخدي عليا شوية كمان يبقى نستحمى سوا واخليكي تهتمي بكل تفصيله تخصني بنفسك من أول وجديد

جحظت عينيها على آخرهم من مخزي حديثه الجريئه، وحركت رأسها بيأس وهي تجز على أسنانها بغيظ مرادفه بهمس 

= سافل حتي وانت رايح تصلي؟!.. 

تحرك طارق للأمام قليلاً فوقفت حنين من خلفه وهي تمط شفتيها في ضيق وبعدها اضطرت لتخرج للخارج معه...

❈-❈-❈

ذهب طارق يجلس فوق الأريكة ينتظرها و عندما طالت بالوقت متعمده بالتأكيد.. تكور جانب سارح في أحلامه الوردية الجميلة في نفس الوقت قبل سنوات عندما رأى حنين لاول مره ومن بعدها بدأ يعاني من الأرق لم يستطع أن ينام من التفكير فيها أو حتى أن يجعل عقله يكف عن التفكير بقلبه.. 

كان التقى بها في أحد المناسبات وهي تجلس بقربه بصمت لكنهم كان يتبادلون النظرات كل حين وآخر باعجاب وخجل، ومن بعدها بدأ أن يتحجج باي زيارات الى خالته ليشاهدها و يبتسمون الى بعض بالصمت واعجاب وهكذا 

استمر الوضع بينهما لفترة طويلة حتى تمكن أخيرًا من العثور على وظيفة مناسبة وتعيينه وبعد ذلك طلب يدها للزواج وهو واثق بأنها تشعر تجاهه بنفس المشاعر.. لكن الفتاة التي أمامه الآن تختلف عن تلك التي كان يتبادل معها الحب سرًا بروح بريئة.

ظلت حنين بالمرحاض تفكر كيف ستتصرف معه فهي مرهقة وتريد أن ترتاح ولكنها تخشى من طارق وافكاره لتلك الليله، فهو يرغب فيها بشدة و يطمع في أن تكون له وتسلم له نفسها وهذا واضح وهي لا تريد ذلك القرب ابدا.. لذلك ستقف له بالمرصاد ولن تنوله مراده مهما حاول معها .. 

بالرجوع الى الوقت الماضي، كانت تجلس حنين مع ازواج اشقائها كعادتها يتحدثون حول موضوع زواجها والترتيبات اللازمه، و وسط الحديث تحدثوا أيضاً عن بعض الامور التي ستحدث في الليله المنتظره ليله الزفاف..

وبدأت والدتها الأخرى تهتف بحزم جاد

= خليكي مؤدبه واياكي تظهري انك ملهوفه على العلاقه! و اي حاجه تحسي بيها كده ولا كده تخفيها فوراً عشان ما يقولش عليكي انك مش كويسه ولا ليكي تجارب سابقه! اي تصرف محسوب عليكي وخدي بالك على طول هيشك في امرك... هو كده طبع الرجاله يحبوا يكونوا ليهم علاقات ولفين ودايرين وعند البنت يقفوا لها على الواحده .

وليت الوضع توقف إلى هنا حيث بدأت أيمان هي الاخرى تخبرها عده نصائح بالاضافه الى فتح أمور لا يصح فتحها ابدأ بالأخص إلي فتاه مقبله على الزواج، لتقول إيمان بتحذير 

= الاهم من كل ده يا حنين ما تنشنيش و خليكي كده برده سايبه معاه، احسن برده التنشنه و التقل ده مابتعجبش الرجاله طول الوقت لاحسن يحصلك زي بنت خالتي فضلت تتقل عليه ومكسوفه لحد تاني يوم جي أبوها وحكيله كل حاجه دخل زعقلها وضربها وقالها ده جوزك يا هبله بتمنعي نفسك عنه ليه و عشان يطمن أن حصل المراد والبنت شريفه اضطروا يعملوا ليها دخله بلدي.. 

شهقة عالية خرجت من حنين لتردف بنبرة مرعوبة 

= هو ممكن طارق يعمل معايا كده !؟؟. 

زفرت عبير بحنق هاتفة بحذر شديد

=ما تسكتي انتٍ كمان حبكت تحكيلها يعني الموضوع ده وليله دخلتها قربت بس ما تخوفهاش، ان شاء الله يا حنين ليلتك هتبقى كويسه وكل حاجه هتمشي و طارق شكله ابن حلال وكويس ما تسمعيش لحد إلا جوزك وشوفي الأمور هتمشي معاكوا ازاي 

لوت إيمان ثغرها مبررة مقصدها بابتسامة مستفزة 

= الله ولا بخوفها ولا حاجه ده أنا بواعيها لاحسن تطبق الكلام بالظبط بتاع أمها وتفضل تدلع وتتقل ويشك فيها انها مخبيه حاجه، انتٍ يعني مش عارفه دماغ الرجاله الايام دي... 

نهضت حنين مصدومه لتدخل الى غرفتها و انهمرت دموعها بخوف وهي تردد بتوجس 

= انا مش فاهمه حاجه اتقل ولا اسيب نفسي.. هو الموضوع ده صعب كده!. لا انا مش عاوزه ومش حابه العلاقه دي ما بلاها احسن إيه اللي هيحصلي يعني لو ما عملتهاش طول حياتي 

ظلت تلك النصائح تتردد حولها، ان تلك الامور تتخذ بالتريث وعدم الاندفاع البدء ايضا من ناحيتها ومهما أحست يجب أن يبدأ ويتناول الرجل العلاقه هو فقط.. ومهما شعرت حنين من الرغبه لا تصارحه بها حتى لا يسيء الظن بها وبالفعل بدأت تطبق حنين ذلك داخل عقلها حين شعرت بالخوف والقلق من القادم و من العلاقه الحـ.ـميمه كلها... لكن لا يعرف أحد بأنها بذلك حجرت على أحاسيسها التى كبتها.

❈-❈-❈

الرجوع الى الوقت الحالي، تحسست حنين وجنتيها لقد كانتا تشعان بالحرارة عندما تذكرت قبلته لها وبدأت تغسل فمها جيد بشمئزاز وما إن انتهت حتى أغلقت الصنبور.. وكانت على وشك الخروج فوجدت طارق يحاوطها بكلا ذراعيه ويحاصرها في مكانها اضطربت على الفور فهي قد تفاجئت بوجوده أمامها وتذكرت على الفور قبلته لتشعر بالخجل والنفور في آن وأحد، حاولت أن تهديء من روعها وارتباكها هي لا تريد أن تستسلم بسهولة لتقول بجمود 

=انت... واقف هنا ليه ؟؟ حتى هنا مش سايبني في حالي 

تنهد بعمق ونفاذ صبر وهو يقول مبتسماً بثقة 

= هو انتٍ يا بنتي ليه مش عاوزه تقتنعي ان انا جوزك مش ضيف هنا، وبعدين ما تقلقيش ده أنا مش ورايا حاجة إلا انتٍ ! ماهو يا انا 

يا الاسدال اللي ملازمنا ده من أول اليوم!! 

هزت رأسها بضيق ولم ترد ليكمل ناظراً إليها بنظرات شبه وقحة 

= المهم أنا عاوزك بقى آآآ... 

تراجعت للخلف بقلق وحذر وهي تسأله بتوجس

= عاوز ايه ؟ 

غمز بطرف عينه بمكر وهو يقول مازحاً

= نصلي يا حبيبتي آمال انتٍ فكرتي ايه.. يلا بينا .

❈-❈-❈

بعد أن انتهوا من الصلاة فكر طارق في نفسه كيف يشد حنين إليه فهي مازالت جافة في تعاملها معه وكلما ظن أن يقترب منها ابتعدت عنه، ولكن لا يريد أن يجبرها على شيء لا تريده ففكر قليلاً في كيفية ايجاد حل سريع لتلك المساله، جلس بجوارها على الفراش فأزاحت قدميها بعيداً عنه، حاول أن يتجاذب أطراف الحديث معها بعد أن ظلا صامتين لبعض الوقت...

فاقترب اكثر من حنين التي حاولت قدر الامكان أن تجعل بينهما مسافة ما، بينما ظلت الابتسامة تعلو ثغره ولا تفارقه وهو يقول محاوله فتح اي احاديث 

= بس الفرح كان حلو مش كده؟ ده انا شفت ناس كثير ما كنتش اعرفهم من عيلتي حتي من صحابي كمان، هو انتٍ صحيح ما عزمتيش حد من صحابك ليه؟ ايه ما لكيش اصحاب ولا  إيه من ايام الدراسة

تجمدت عيناها وهي تطالعه وسرعان ما تجمدت ملامحها فهتفت بانفعال

= ايه قله الذوق دي اكيد ليا هو انت مفكر يعني عشان ما كملتش تعليمي خلاص قطعت علاقتي بيهم ولا هم استعروا مني مثلا... ولا تقصد من كلامك يعني ان انا ما بحبش حد ولا حد بيحبني ولا بيصاحبونى 

هتف بدهشة وهو ينظر إليها في حالة ذهول

= ايه كم العقد والكلاكيع دي؟ هو في ايه انا 

ما كنتش اقصد كده اكيد انا بس بتكلم عادي.. انتٍ ليه اخذتيها بالمعنى ده 

صرخت به حنين بغضب حارق

= لا كلامك سخيف ومستفز وكانك تقصد كده، تكلمني بقله أدب اصلا ما ينفعش تقول كده 

أدارت رأسها للناحية الأخرى فأمسك طارق بوجهها مرة أخرى وقربه إليه بنعومة، ليقول باحتواء متعجباً 

= مالك يا حنين متوتره ليه كده اهدي ما فيش حاجه.. خلاص الموضوع مش مستاهل.. 

لوت شفتاها باستخفاف وهي تقول

= هو انت تحرق دمي وبعدين ترجع تقولي الموضوع مش مستاهل.. لا شكلك كنت تقصد على فكره 

قال طارق بغل وهو يجز على أسنانه

= هو في ايه بجد انا زهقت من اليوم اللي مش عاوز يخلص ده.. هو نكد وخلاص خلاص يا ستي اسف ما كانتش كلمه.

شعرت بانها قد بالغت في الامر قليلاً غير المماطله التي تستخدمها دون فائده، لتقول بأنفاس متعلثمه 

= انا اسفه ما اقصدش آآ بس مش عارفه مالي يمكن عشان تعبانه وما نمتش كويس ولا اكلت وعاوزه انام وبس.. ممكن بقى تسيبني في حالي وما تاخدش على كلامي .

ظهر القلق على وجه طارق وتحدث بتساؤل  وهو يقترب منها واحتوي وجهها بين كفيه بأبتسامة متسعه 

= طب أهدي ما حصلش حاجه لكل ده و..آآ

كان يتحدث وفي ذلك الإثنان أمسك بكف يدها وقربها من أحضانه وقبل ان يلف يده حول خصرها صاحت بغضب شديد

= انت اتجننتي هي حصلت لكده! ما أنا اللي استاهل ان اتسهلت معاك وسبتك تبوسني ودلوقتي عاوز تحضني كمان ؟!. 

ضحك بعدم تصديق وهو يستمع لكلامها العجيب متسائلاً باستخفاف 

= انتٍ هبله يا بنت انتٍ ولا هي ضاربه معاكي علي الآخر؟ ما إحنا متجوزين هو انا شقتك فيها ايه لما ابوسك واحضانك ولا حتى اتـ...

شهقت بصدمة وأسرعت تقاطعه باستحياء

= تـ إيه يا قليل الأدب أسكت خالص 

نظر لها بنظرات بقله حيله واقترب يمسك وجهها بيديه وأنحنى قليلاً ليسألها بشك 

= عارفه انتٍ بس لو تطاوعيني وتقوليلي امك قعدت معاكي قبل الجوازه دي؟ 

تلوت بين يديه بجفاء وبملل دون رد، فمسح علي وجهه بانزعاج وضيق وبنبرة عميقة وإضاف

= هو انتٍ مستوعبه وفاهمه النهارده ايه؟ ولا عامله عبيطه ولا محرجه ولا ميح فعلا و مش فاهمه حاجه عشان تبقى ليلتي سوداء، ما هو ركزي معايا يا بنت الحلال كده عشان في ناس جايه بكره عشان تطمن 

حنين وهي تحاول التحرر من قبضتي يده لتنهض لبعيد 

= ما تطمنهم مع نفسك انا مالي.. ابعد عاوزه اقوم

إجتذبها فوًرا من ذراعها ليقعدها فوق الفراش مجدداً وهو يفرك ظهرها وكتفيها، وقد رأي الخوف يملئ عينيها منه مدمدًما بحذر 

= ششششش ... اهدي وبعدين قايمه رايحه فين 

حاولت أن تقاومه وتبعد يديه عنها لتتحرر منه ولكنها لم تستطع، وهتفت بخفوت وضعف 

= سيبني بقى انا تعبت ومش فايقة للي بتعمله ده 

طارق وهو يرسم على شفتيه ابتسامة بلهاء

=وهو أنا عملت حاجة لسه ولا اتنيلت على عيني، ده احنا بنسخن بس ولسه الليل قدامنا بحاله 

هزت رأسها بخوف يعود إليها من جديد لتهتف باعتراض دون وعي و بنظرات ثقة

= مهما عملت مش هاتخد مني حاجة غصب عني هاه ماشي! حط ده كويس في دماغك! فاحلامك اللي عمال ترسمها لليله دي مش هتحصل ابدأ.

فضحك طارق بمتعه وهو يغمز لها بوقاحة 

= الله طب ما انتٍ مفتحه اهو امال عملي فيها عبيطه ليه كده انا فهمت اللي فيها... مكسوفه مني بس ليه يا حبيبتي سيبي نفسك وكل حاجه هتيجي واحده واحده وبعدين انا عاوزك بالرضا مش بالغصب فاطمني 

توقفت عن مقاومتها بصدمة و خوف، ثم أمسك بكلتا يديها وقبلهما وهو يقول بنفاذ صبر 

= يا بنتي ليه الفرهده دي كلها ده انا بحبك

طوعيني والله ما هتندمي، بالعكس بعد كده هتحبي المواضيع دي 

ابتلعت ريقها بصعوبة تهتف بنبرة حزينة برجاء

= على فكره مش لازم النهارده يعني يبقى نقول لهم اي حاجه.. بس سيبني وابعد 

ليقول بصرامة بنظرات جريئة و خبيثة

= لا الكلام ده عند واحد تاني لامواخذة إنما النظام عندي غير وانا احسن حاجه بحبها أعمل كل حاجه بوقتها وبمعادها، أصل الوقت كالسيف إن لم تقطعه قطعك.. وده يرضيكي برده يا عروسه!. 

هزت رأسها بعيون مرتقبة برعب بينما هو أردف متوسلها بتعب 

= والله حرام عليك الفجر قرب يأذن وانا لسه ما دخلتش علي الليفل الاول ولا التاني حتي 

أبتعدت لآخر الفراش دون وعي وهي تنظر له بتوتر، ليقترب علي الفور خلفها بنظرات أكثر جرأة وغمز لها مرادف بمرح

= يا بت ده أنا هاكون الصدر الحنين ليكي 

بس فكي التنشانه دي بقى شويه 

ظلت تذهب الى آخر الفراش بقلق بالغ وهو خلفها حتي فجأه سقطت من مكانها على الأرض فوق رأسها بقوة لتصرخ بألم غير مستوعبة لما حدث لها، بينما نظر طارق لها بأعين جاحظه ووجه انسحبت منه الدماء بل انسحبت الدماء من جميع أوردته بالأخص عندما رآها تنزف من رأسها . 

❈-❈-❈ 

قام طارق بوضع القطنه على رأسها بكثير من العنف جعلها تصرخ بألم حيث كانت تبكي بنحيب لتتحدث بغيظ وغضب شديد قائله

= ابعد عني بقى حتى وانا تعبانه مش سايبني 

ما كله منك انت السبب 

حرك رأسه بيأس من تصرفات وأفعال زوجته التي لا تروقها أبداً، وتحدث بنفاذ صبر قائلاً 

=ما تبطلي بقى كلام خليني اعرف اعقملك الجرح وبعدين انتٍ السبب أصلا لازم كل حاجه عند ورفض اديكي فتحتي دماغك ارتحتي دلوقتي اقول لهم ايه بكره لما يشوفكي بالمنظر ده.. استني مكانك عقبال ما اشوفلك حاجه اربط دماغك بيها 

ثم تابع حديثه بخيبة أمل كبيرة وحسرة مرددًا

= كفايه ليله الدخله إللي مش عارف اخشها لحد دلوقتي في يومي ؟! 

لتقول حنين بمحاولة بتردد وهي خائفة 

= هو انت لسه عندك امل عن الكلام ده طب ازاي بعد ما دماغي اتعورت، أنا رأيي نأجل الدخلة لحد ما أخف بكرة كده ولا بعده 

انتفض طارق ونظر إليها بنظرات صادمة ليقول بصرامة شديدة 

= نعم ياختي؟؟ ايه اللي نأجل الدخلة على جثتي، ده مش هيحصل أبداً.. وبعدين ايه علاقه ده بدماغك يعني ما انتٍ كويسه وزي الفل اهو دي حته تعويره بسيطه.

ليضيف مرددًا بصوت مغتاظًا قبل أن يرحل

= والله شكلك هيطلع في الآخر ولا أمك قعدت معاكي ولا فطمتك على حاجه، انا هروح اشوف حاجه الف بيها دماغك .

شعرت حنين بالارتعاش من كلماته التي جعلتها تدرك أنه لن يتركها مهما حدث اليوم لذا، عندما ابتعد طارق عنها انهمرت دمعة حارقة على وجنتيها بقلق وهي تفكر في أنه بعد كل ذلك لم يتنازل عنها وعن أفكاره الليلة، فماذا ستفعل يا ترى؟ هل ستستسلم له؟ فلا يوجد حل آخر، فقد استخدمت كل فرصها للمجادلة.

فجأة، انتفضت ناهضة وبدأت تهمس بهذيان من شدة فزعها بخوف وهي تشجع نفسها لفعل شيء متهور.....

وبعد فتره خرج طارق بخطوات سريعة وهو يردد 

= مش لاقي لزق جروح بس لقيت ده ينفع برده و.... ايه ده هي راحت فين؟؟ حنين.

اتسعت عينيه على أخرها بعدم تصديق ليصعق حين رأى باب المنزل مفتوح وهذا يعني بأن عروسته خرجت في ليلة زفافهم.. ظل لحظات يستوعب الأمر ثم ضغط علي شفتيه بغل قبل أن يتمتم بحرقه

= كده يبقى ما قعدتش مع أمها فعلا، الله يخرب بيتك يا حنين .

** ** **

يـتـبـع.

الفصل الثاني 

_________________

تركت حنين طارق، وهو يكاد لا يصدق ما حدث للتو، ثم انطلق مسرعًا نحو خارج المبنى الخاص بعائلته قبل أن تتسبب في فضيحة مر أمام منزل والدته ولم يرغب في طرق الباب حتى لا يزعج والديه، فقرر أن يتسلل إلى الأسفل، معتقدًا أنها ربما ذهبت إلى منزل عائلتها القريب. 

لكن قبل أن ينزل، توقف عندما سمع صوتًا يأتي من داخل منزل والدته، وصوتها تتحدث مع شخص يبكي. لم يفكر مرتين وطرق الباب بسرعة، متمنيًا أن تكون زوجته بالداخل .

وبالفعل، كانت حنين على وشك الذهاب إلى عائلتها وقد تسللت للخارج، لكنها لم تكن تتوقع أن حماتها كانت مستيقظة وتقرأ القرآن بذلك الوقت وعندما اصطدمت بسلة القمامة، تحركت بسرعة لتعرف ما حدث في الخارج، و قد تفاجأت برؤية عروس ابنها أمامها في تلك اللحظة.

بالوقت الحالي، ذهبت هياتم لفتح الباب، ففزعت حنين عندما رأته، بل شهقت وهو لم يدع والدته تتحدث، حيث دفع والدته بسرعة إلى الداخل ثم أغلق الباب خلفه.. تنفس بارتياح عندما رآها أولا، لكنه تعجب من تصرفاتها المتهورة واستغلالها لأي خطأ يرتكبه عمدًا أو بدون قصد. 

حاول طارق أن يستفسر عن سبب مجيئها في هذا التوقيت، والأخطر كيف تأتي في هذه الساعة وهي المفترض أن تكون عروسًا ورغم أنه شعر بالراحة، إلا أن روحه الثائرة على حنين أشعلت الغضب بسبب تصرفاتها الغير مدروسة.

دبت القشعريرة في أوصال حنين من نظراته ولم تتحرك من مكانها فاغرة شفتيها وقفت تنظر إليه بنظرات مصدومة ومليئة بالرعب بالأخص عندما هتف بلهجة آمرة وصوت مخيف 

= تعالي معايا يا هانم نتحاسب فوق، كلامنا مش هنا.

هبطت عبراتها على وجنتيها بغزاره، وحركت رأسها بالنفي عدة مرات وهي تردد بصعوبة من بين شهقاتها

=آآآآ... لأ لأ الحقيني يا طنط.. لأ مش عاوزه 

حاولت هياتم ان تحميها منه وهي مازالت لا تفهم ما حدث بالضبط لكنها بوخته بحده

=في ايه يا طارق مالك داخل حامي على البنت كده ليه؟ انت عملت فيها ايه خليتها تخاف بالشكل ده ومال دماغها كمان انت ضربتها ولا ايه؟ اخص عليك ما كنتش اعرف انك غشيم بالشكل ده 

كاد أن يجن من تصرفات زوجته الطائشه واتهام والدته له وهو يقول بتعصب 

=هو انا عملتلها حاجه هي الهانم فهمتك ان انا عملتلها ايه بالظبط؟ هي اللي خبطت نفسها وانا ما جيتش جنبها خالص يا دوبك خرجت من الاوضه لقيتها اختفت وسابت البيت في وقت زي ده عاوزاني بقي اعملها ايه 

ثم صاح بغضب وهو يجرها خلفه بالاجبار 

=قدامي يالا.. دي حتى ما فكرتش لما حد يشوفها في وقت زي ده يقول عليها ايه ولا يفهم ايه! بس ماشي انا اللي اتساهلت معاكي وعماله ادلع واطبطب شكلك بقى عايزه تشوفي الوش الثاني 

هزت رأسها برعب متوسلة وهي تقاومه 

= لألأ .. سيبني مش عاوزه اروح معاك ودوني عند ماما أنا خلاص مش عاوزه اتجوز 

تطلعت حماتها لها بنظرات مصدومة بينما أبتسم طارق بسخرية وهو يردد بانفعال 

= سامعه بنفسك الهبل بتاعها، اهو انا بقى في وجع الدماغ ده من ساعه ما روحنا البيت عمال أخذها على قد عقلها واكبر دماغي و اقول معلش مكسوفه، لكن توصل للي هي عملته النهارده وتهرب من البيت مش هعديها لها 

على الرغم من أن هياتم لم تكن تتقبلها، إلا أنها شعرت بالعطف تجاهها عندما رآتها بتلك الهيئة. لتقول محاولة تهدئته

=طب اهدى وخلينا نتفاهم بالعقل انت مش شايف عماله تعيط وتترعش ازاي ده انا كويس سمعت صوت بالصدفه بره لحقتها ومن ساعتها عماله احاول افهم منها ايه اللي حصل وهي عماله تعيط ومنهاره... معلش بالراحه عليها تلاقيها خايفه زي اي عروسه عادي 

حاولت هياتم أن تبذل قصاري وسعها في اقناع أبنها أن زوجته قد جاءت إلى هنا بدافع الخوف والرهبة من تلك التجربة الجديدة عليها والمفاجئة ولكن هذا لم يكن كافياً بالنسبة له لكي يتقبل تلك الأعذار هي مجرد أعذار وهمية لا قيمة لها.

نظر لها بطرف عينه بشراسة وهو يتحدث بالغضب الذي اعترى كل كيانه

= طب كانت عملتها وراحت هناك كنت برده هروح وراها وهاجرجرها من شعرها قدام الناس وهخلي اللي ما يشتري يتفرج، تعالي معايا احسن بالذوق بدل ما فعلا اعملها دلوقتي انا على اخري خلاص منك، عشان مش مبرر للي هي عملته 

انتفضت حنين من لهجته التي لأول مره تشاهدها لتقول بصوت باكي 

=انا مش عاوزة أروح في حتة، أنا عاوزة أفضل هنا 

اقتربت هياتم بقله حيله وهي تضع يدها على كتف طارق مرددة برجاء

= طب اهدى شوية وبلاش الصوت العالي لأحسن حد ياخد باله، يا ابني خدها بالراحه مش كده مش هي دي اللي واجع دماغي عايزه اتجوزها وبحبها 

صاح بنبرة حادة وهو يقبض على يدها أكثر

= وانا عملت ايه دلوقتي مراتي وعاوزها و هعرف إزاي أتفاهم معاها بطريقتي... وبعدين يعني عاوزاني أشوف مراتي سايبة البيت ليلة دخلتنا وأقف اتفرج عليها 

تنهدت هياتم بقوه واردفت بجدية

= أنا مقولتش كده بس بالراحة عليها، اول مره بقى وانت فاهم دلع البنات خدها بالحنيه 

و بالمسايسة 

لوي شفته بسخرية وهو ينظر إليها باستهزاء

= هو أنا معملتش كده، ده أنا عمال أدادي وأدلع واهنن لحد ما زهقت، واخرتها الهانم 

تهرب وعاوزه تفضحني وتفضح نفسها الغيبة.. بقول لك ايه يا ماما سيبيني في حالي ده موضوع يخصني أنا وهي بس ومحدش لي دخل فيه.. 

لم يترك طارق الفرصة لأحد منهما لكي ترفض طلبه مجدداً فقد جذبها من يدها بكل قوة و سحبها خلفه خارج، بينما كانت حنين تقاومه بكل ما أوتيت من قوة ولكنها فشلت فكان أقوى منها بمراحل عديدة، فلم تمثل مقاومتها له أي شيء.. حتي حاولت أمه أن تلحق به وتمنعه ولكنها عجزت تماماً أمام إصراره لتقول بقلق واستسلام بالنهاية 

= بلاش تاخدها في الحاله دي.. طب سيبها تبات النهارده هنا.. طب بالراحه عليها عشان خاطري انا .

انحنى طارق دون مقدمات قليلاً ناحيه زوجته ثم وضع أحد ذراعيه أسفل رقبتها والذراع الأخر أسفل ركبتيها ثم رفعها إليه وحملها بين ذراعيه، و همس لها بابتسامة ثقة 

= الست برده ملهاش الا بيت جوزها وأنا مراتي ماتبتش بره البيت إلا معايا و بس....

❈-❈-❈

في الاعلي أول ما أنزل طارق حنين ركضت إلى فراشها وألقت بجسدها تبكي منه خوفاً ورعباً وهي تجهش بالبكاء، جز علي أسنانه بعصبية وهو يصيح بغضب دفين 

=انا لسه جيت جنبك ولا عملتلك حاجه ولا انتٍ على طول بتسبقي فرده الفعل؟ نفسي افهم حاجه واحده عملتلك انا ايه عشان تسيبي البيت وتمشي وتفضحينا الفضيحه دي عاجبك اللي حصل تحت ده؟ لو كان حد شافك غير ماما دلوقتي ايه اللي كان هيحصل.. وبعدين فاكره لما تروحي يعني لاهلك هيعملوا لك ايه انا خلاص بقيت جوزك ده أمر واقع و غصب عنك كمان 

انتفض جسدها من الصوت العالي وغضبه و بدأت تشعر فجاه بدوران راسها من المجهود وقله الطعام! وكادت ان تسقط لكنها استندت بسرعه بالخلف، وسرعان ما نسي غضبه منها واقترب بقلق يتساءل بحده 

= في ايه مالك؟.. عاجبك كده ما خلاص بقى كفايه اللي عماله تعملي في نفسك ده اديكي تعبتي

لكنها استمرت في البكاء دون توقف بخوف بينما تنهد بضيق شديد ويأس وشعر بالعطف نحوها رغم كل ما فعلته، اقترب بتردد وحاول أن يهديء من روعها ويبث الطمأنينة داخلها

= خلاص متعيطيش كل حاجة هتتحل وما حصلش حاجه، واللي عاوزاه هيحصل... بس امسحي دموعك الأول.. قومي عشان تاكلي اكيد قله الأكل هي اللي عامله فيكي كده 

هبطت دمعة حارقة على وجنتيها، وتحدثت بين بكائها بصوت متقطع محركة رأسها بالنفي

= آآ مش عاوزه.

هتف بنبرة حازمه وهو يقترب منها محاوله تخويفها 

= ما فيش حاجه اسمها مش عاوزه لا إلا خلاص هعتبرها دعوه صراحه منك نكمل اللي مش عارفين نبداه

لتهز رأسها بالايجاب بسرعه بتوتر وهي تمسح دموعها قائلة بضعف 

= لا خلاص طـ..طيب. 

❈-❈-❈

كانت رائحة الطعام شهية وذلك إثر معدتها في الصراخ طالبة اسكاتها بذلك الطعام الشهي خصوصا بأنها لم تتناول شيء منذ الصباح بسبب التوتر وقله النوم.. أغمضت عينيها و ظلت تشم في تلك الرائحة الجميلة واول ما خطت اول قطعه داخل فمها لن تتوقف عن التناول، ظل طارق ينظر لها باستغراب شديد فهي كانت تدعي الشبع وها هي الآن تأكل بشهية مفتوحة فلا يعرف لماذا هي عنيده بذلك الشكل .

نهضت حنين عن طاولة الطعام لتضع الاطباق الفارغه بالداخل ثم توجهت للمرحاض لتغسل يدها وبسرعه الى الفراش لتنام قبل ان يأتي فاليوم كان طويل بالفعل عليها وليس لها مجهود لاي شيء اليوم..... 

وما زالت لا تعرف نواياه خلال تكمله الليله ويبدو أن إرهاق اليوم قد حل عليها تماماً فغفت سريعاً بعد أن اطمأنت أن طارق ظل بالخارج.

عاد طارق إلى الغرفة الخاص بهم ليتفاجا بها تغوص في نوم عميق، تمدد هو بجوارها وظل يتأملها وهي نائمة يدرس كل تفصيلة بها بهدوء تام وهو يفكر فيه هروبها منه الليله هل لانها خجوله ام هناك سبب آخر؟!. 

تململت بتلك اللحظة حنين وهي نائمة ثم مالت على جانبها ووضعت ذراعها على صدر طارق الذي تفاجيء بحركتها تلك ولكنه أدرك أنها نائمة وحركتها تلك لا إرادية صادره منها.. نظر إليها وتأمل وجهها بينما تعلوه ابتسامة عفوية علي ثغره .

هز رأسه بيأس قبل أن يهمس بصوت خافت

= اللي يشوفك دلوقتي ما يشوفكيش وانتٍ صاحيه.. كأن في عفريت راكبك ماشي يا حنين الأيام جايه كتير ....

ثم أحاطها بكلا ذراعيه وضمها أكثر إليه ليلتصق صدريهما ببعضهما البعض فلا يفترقا أبداً فكان هو مستمتعاً للغاية لأنها ساكنة تماماً في أحضانه ثم غفا هو الأخر وهما على تلك الوضعية. 

❈-❈-❈

في صباح اليوم التالي بدأت تفيق تدريجياً لتشعر أن هناك ثقلاً ما على جسدها يمنعها من النهوض بالأخص عندما شعرت أن ذلك الثقل ما هو إلا ذراعي شخص ما يحيطان بها.. فتحت عينيها بسرعه لتتفاجيء بأنها غافلة على صدر طارق الذي كان مستيقظ وينظر إليها بقوة. 

أرخى قبضتي يده قليلاً عنها فتمكنت من التحرير قليلاً لتنظر إليه بعدم تصديق و تجمدت الكلمات على شفتيها، ليقول بنظرات كلها تحدي وسخرية 

= صباحيه مباركه يا عروسه.. ولا عروسه إيه بقى هي في عروسه بتهرب يوم دخلتها.. قوليلي احاسبك على اللي عملتيه امبارح ده ازاي.. عجبك الفضايح دي إللي حصلت قدام أمي 

نظرت إليه بعيون جاحظة رمشت بعينيها عدة مرات بتوتر لتقول وهي تمرش

= هـــاه! انا ما كنتش اقصد بس كنت متوتره شويه وبعدين انا قلت لك ناجل وانت اللي فضلت مصمم وخوفتني .

جز علي أسنانه بضيق مكتوم وهو يهتف بعقلانية يحسد عليها

= خوفتك ليه ان شاء الله كنت قاعد بسنلك السكاكين اول واخر مره مهما يحصل تدخلي حد ما بينا و تروحي تتحمي في الغريب! و تكشفي على اسرارنا مهما يحصل كنتي قعدتي في بيتك وفهمتيني وانا كنت هقدر زي ما سبتك امبارح بمزاجي 

قالت بصوت خافت وهي كانت مرتعدة منه

= آآآ... حـ.. حاضر انا.. أنا أسفه 

نظر لها ثم سرعان ما اعتلت شفتيه ابتسامة مليئة بالرغبة والشوق الحميم إليها، مضيفاً 

= ودلوقتي بقى نيجي للجزء المهم اللي طلعتي عيني امبارح عليه اظن ما عندكيش دلوقتي اعذار وسبتك تنامي براحتك 

حاولت الفرار منه بخوف لكنه حاوطها بيده وضمها لصدره بقوة مستند بجبهته على جبهتها، وتحدث بأنفاس متلاحقه تدل على شدة تعبه ليقول بمكر ونار الشوق واللهفة تحرقه

= رايحه فين يا عروسه؟ خلاص كل اعذارك خلصت وجه وقت الفعل .

لم يعطيها فرصه للرد بل وضع أحدى يديه على شعرها ثم جذبها للخلف قليلاً، فرفعت رأسها للأمام فاقترب هو من شفتيها وقبلها بعنف صدمت حنين اكثر مما فعل ونظرت إليه بنظرات مصدومة فكرر فعلته تلك معها مرة أخرى وقبلها مرة ثانية...

لم تمانع بل الأحرى انها كانت تستمتع معه، ثم تركها طارق بعد ان اطمئن انها تجاوبت معه وبدأ في خلع ملابسها عنها، هنا انتبهت على حالها وهتفت بسرعه وهي تحاول تحرير قبضة يدها 

= لألألأ .

لم يرد ونجح في فك السحاب الخاص بالاسدال ثم كشفه ليظهر أمامه جسدها الناعم، ثم قام بنزعه عنوة عن حنين التي حاولت جاهدة أن تقاومه ولكن لفارق الحجم والقوة، تغلب هو عليها وأعاد تثبيتها مرة اخرى على الفراش.. نظر طارق هو إليها بكل شوق وعشق هاتفا بنظرات هيام

= كده برده عايزه تحرميني من الجمال ده كله! واللي بقى من حقي.. انسي أني اسيبك الليله الا لما اخلي جوازنا حقيقي . 

كانت حنين تشعر مع كل لمسة منه بأن زوايا جسدها تنتفض معه كانت تخشاه ورغم هذا تستسلم له، فكانت متوترة من اندفاعه السريع نحوها هي لم تعتاد بعد وخائفه أيضاً من تلك الهواجس التي ملأت عقلها لذا كانت تترقب كل ما يقوم به معها بعيون متوترة ومشاعر مضطربة.. لكنها أردفت بقلق بالغ 

=أنا .. أنا .. مش عاوزة آآآ...

شعر طارق هو الأخر بها وبارتباكها استشف أنها ترتعد منه ولكنها تقاوم ذلك الشعور لذا طمأنها وهو يقبل وجنتيها بحنان 

= متخافيش يا حبيبتي كل حاجة هتعدي.. أنا عمري ما هأذيكي صدقيني 

نظرت إليه بحذر وتساءلت بتوتر شديد

= بجد ؟

أبتعد عنها بهدوء ثم تحدث بصوت دافيء

= أيوه يا قلبي... و عشان تصدقني يلا نقوم نصلي الاول زي ما طلبتي مني امبارح .

ألبسها طارق إسدال الصلاة مره ثانيه بعد ان توضوا ثم عدل من وضع الحجاب على رأسها ووقف الاثنين سويا يصلوا قبل أن يبداون حياتهما معاً....

أمسك برأسها بكلتا يديه ثم قبل رأسها وبدا في قراءه الدعاء، ما إن انتهى الاثنين من الصلاة حتى نهض و أمسكها من يدها ليجعلها تنهض وتقف في مواجهته وبسرعه شديده بدا يخلعه مجدداً... لتقول بتوتر متآلمة 

= اصبر .. آه بالراحه انا هخلعه

حملها برفق بين ذراعيه ثم توجه بها نحو السرير، حيث توقف لبرهة قبل أن يلقيها فجأة بعنف على الفراش. شعرت بالصدمة مما فعله، ولم يعتذر كما فعل في المرة السابقة لأنه كان متعمداً هذه المرة، بل وقف يتأملها في صمت، ثم ارتسمت على شفتيه ابتسامة خبيثة وهو يردد بلهفة.

= مش عاوزه اسمع كلمه صبر دي لحد آخر اليوم! ده انا صبرت صبر محدش صبره قدي كفايه.. بقيلي اكتر من أربع سنين صابر اكتر من كده ايه... نركز بقى في اللي جاي و اللي مش هتحسي بيه خالص...... 

❈-❈-❈

ظل طارق محيطاً بذراعيه حنين، يضمها إلى صدره بشغف وكلما حاولت أن تنهض من جواره قربها أكثر إليه وتار يقبل راسها يقبل جبينها بحب وسعادة، فكانت تشعر حنين فجأة أن هناك خطبٌ ما بها هي ليست على ما يرام.. لم تتوقع أن يكون ذلك شعرها بالعلاقه الزوجيه فارادت ان ينتهي ذلك سريعاً فلم تشعر بالاستمتاع مطلقاً.

بينما كان حال طارق يختلف عن حنين كثيراً.. لقد شعر الآن بأن روحه سكنت بجانب من عشق الآن بات يعرف ما هي السعادة الحقيقية وكيف تكون.. بجانب من نحب! صحيح لم يشعر بها تبادله حبه الجارف لكن كان يعلم جيد بان ذلك نتيجه خجلها.

لاحظ طارق أن هناك خطب ما بحنين ولكنه أثر الصمت حتى لا يزعجها وربما يكون ذلك نتيجه الحرج والكسوف بسبب اول اقتراب يحدث بينهما.. بينما كانت هي في دوامه حيره من تلك الأحاسيس التي شعرت بها من اول اقتراب حتى انتهائه !. 

حيث شعرت بالاشمئزاز من لمساته واقترابه، مما أثار شعورها بالغثيان، لكنها حاولت التماسك حتى لا يسيء فهمها أو يحرجها.. رفعت نظرها لتجده يراقبها فشحب وجهها خوفاً من أن يكتشف ما تشعر به. لذا ابتعدت قليلاً عنه وهي تفكر في سبب شعورها بهذا الشكل. فقد أخبرها الجميع أنها ستشعر بألم بسيط، لكنها بعد ذلك ستستمتع كما يفعل هو، وليس يصيبها شعور بالاشمئزاز.

فكرت ربما لأن هذه هي أول تجربة لها وهذا أمر طبيعي وأن المتعة الأكبر ستكون من نصيبها لاحقاً وإذا لم يتغير هذا الشعور، فلن تتمكن من تقبل الأمر مجدداً وكانت تشعر بالغرابة من نفسها حقاً.

استغرب طارق هو الأخر من ردة فعل حنين حينما انتهوا وهي صامته بشرود، ولكنه لم يتحدث فلا داعي يثير حرجها أكثر.. لكن تفاجأ بها تنهض ليسأل إياها باهتمام 

=رايحه فين يا حنين؟!. 

أغمضت عينيها بقوة ببغض من ذلك الشعور النافر الذي يلازمها، وهتفت بنبرة حادة نسبياً

= الحمام.. عاوزه استحمى .

هتف الآخر باقتراح بريء قائلاً بابتسامة هادئ 

= طب تحبي اجي اساعدك 

نظرت له بنظرات حانقة غاضبة ثم تحدثت بنبرة حادة باعتراض 

= لاااا آآ مش هينفع هو انت حتى الحمام عاوز تيجي ورايا كفايه لحد هنا اللي حصل.

عقد حاجيبة بدهشة من رده فعلها ليقول مبرر وهو يتنحنح

= طب براحتك انا بس حسيتك تعبانه قلت لو محتاجه مساعده مش اكثر.. وعلى فكره يعني عادي لو ساعدتك وانتٍ بتستحمي احنا متجوزين.. وما بقاش في دليل اكتر من إللي لسه حاصل بينا .

عند سيره تلميحاته الجريئة في عباراته الأخيرة جعلتها تشعر بالاشمئزاز، وتذكرت تفاصيل ما حدث بينهما مما زاد من شعورها بالغثيان فلم تستطع تحمل حالتها أكثر من ذلك، فاندفعت بسرعة نحو المرحاض تحت نظراته المتعجبة.

لكنه سرعان ما أبتسم إبتسامة عفوية لخجلها الدائم الذي طالما آسره.. 

❈-❈-❈

أطلقت عبير وإيمان الزغاريد كتعبير على فرحتهم، وكان طارق يجلس بالداخل مع اقاربه بينما حنين كانت تجلس بينهما بجمود صامت،

اقتربت ايمان منها وهي تتعمد أن تتمايل بشدة في مشيتها كعادتها لتقول بصوت ماكر

= في ايه يا بت مالك قاعده واخده جنب كده ليه، هو حصل مره تاني قبل ما نيجي وهو ده اللي مخليكي مسهمه... ما تحكيلنا هو عمل ايه بالظبط كان الغشيم معاكي ولا ايه

شعرت حنين بالاشمئزاز على الفور من أثر ذلك الحديث فلا تريد ان تسمع اي سؤال او كلمه عن ذلك الموضوع ابدأ، بينما اقفهر وجه عبير وامتعض قائلة

= وبعدين يا ايمان ما تسيبيها في حالها و بعدين اتلمي عيب وحرام الكلام على المواضيع دي خشي جوه احسن شوفي حماتك  لا تكون عاوزه حاجه.. 

نظرت إليها ببرود وهي تبتسم ابتسامه صفراء ثم نهضت للداخل بالفعل، هزت عبير رأسها بقله حيله ثم ابتسمت ابتسامه بسيطه وهي تقول باهتمام 

= مالك يا حنين قوليلي يا حبيبتي في حاجه مضايقاكي صحيح، ما هو ده مش منظر عروسه قوليلي انا مش انتٍ برده مابتخبيش عني حاجه وبتعتبريني اختك الكبيره ..

هزت كتفها بعدم مبالاة وهي تقول بنبرة فاتره

= ما فيش حاجه يا ابله عبير انا كويسه سالتوني على اللي حصل وقلت لكم ان حصل اللي انتم عاوزينه كلكم عايزين مني ايه تاني بقى 

أخبرتها عبير بنفس الصوت الحنون قائلة 

= مش عاوزين إلا راحتك يا حبيبتي طبعا بس المفروض تكوني فرحانه انتٍ كمان ولا انتٍ ما كنتيش راضي مش كل حاجه برده تمت بموافقتك.. وفي النهايه استسلمتي وقلتي أهو احسن من غيره 

أخفضت عينيها بحزن وهي تقول بنبرة باهته

= اديكي قلتيها بنفسك استسلمت بعد ضغطكم مش حبه فيه.. بس عشان وصلت لسن الجواز زي ما قلتوا بدل ما اعنس 

عقدت حاجيبها باستغراب وهي تسألها بنبرة قلق

= في إيه انتٍ قلقتيني ليه؟ هو طارق عمل حاجه تزعلك.. صارحيني لو في حاجه وخايفه تقوليها ومفكرانه مش هناخد رد فعل فلا يا حبيبتي انتٍ واحده مننا حتى لو اتجوزتي وهتفضلي كده.. قولي عشان من الأول نعمل لك شخصيه و ما نخليهوش يتعدى حدوده معاكي.. زعلك في ايه 

هزت رأسها بشرود حزين للغاية لتقول بغموض 

= ما زعلنيش بالعكس كان كويس.. بس انا اللي مش كويسه.. ما طلعش الموضوع عادي وبسيطه زي ما كنت فاكره وقلت لنفسي ادي فرصه! ما حبتوش ومش عاوزاه والمشكله ان انا خلاص اتحطيت في امر واقع ومطلوب مني كل شويه اوافق وأجاري الامور وخلاص 

شعرت عبير بالحيرة ولم تفهم أمرها لتقول بصوت جاد

=انا مش فاهمه حاجه هو ايه ده ما توضحي بتتكلمي على ايه بالظبط لما هو ما كانش وحش معاكي يبقى ايه اللي مضايقك بالشكل ده .

نظرت إليها طويلاً وشعرت أنه حتى لو تحدثت، فلا يوجد حل ولم تستطع الانسحاب من تلك العلاقة! لذلك هتفت بصوت خافت

=ما فيش حاجه يا ابله عبير خلاص انا تمام ما تقلقيش عليا، فكل الحالات محدش هيفهمني ولا هينفع انسحب .

لم تشعر الأخري بالاقتناع لكن لم تضغط عليها وتركتها مع الأيام فاذا تكرر الأمر معها وظلت هكذا بالتأكيد ستلجأ إليهم..

بعد رحيل الجميع أمسك طارق حنين من خصرها بذراعيه ثم جذبها إليه ليحتضنها أخيراً، ثم قبلها ببطء شديد ولم تتجاوب معه، ليرد بمداعبه 

= أخيراً مشيوا ده انا قلت هيباتوا هنا، تعرفي ايه اوحش حاجه في الجواز عرفتها الزيارات اللي بعد الفرح دي .

أغمضت عينيها بقوة وقالت بهمس مشمئز 

= وانا كمان عرفت النهارده ايه اوحش حاجه في الجواز.. اللي انت بتعمله ده .

حاولت أن تتحرر من حضنه الدافيء ولكنه كان أكثر تمسكاً بها فما كان منها إلا أن تحدثت برقة زائف 

= طب سيبني عشان الحق الم الحاجات دي عشان لو حد هيجي بالليل تاني .

هز رأسه برفض وهو يتحدث بنظرات لئيمة

= يجي فين يا شيخه فالله ولا فالك كده كويس أوي بقيلنا ثلاث ساعات زيارات.. وبعدين في حاجات اهم دلوقتي سيب اللي في ايدك ده وهبقى الم معاكي بعدين 

نجحت حنين أخيراً في التحرر من أحضان طارق وابتعدت عنه وهي تردد بتهرب وارتباك

= مش هينفع لازم دلوقتي الدنيا متبهدله والشقه.... وكمان نسيت الغداء اللي لسه هجهزه يعني ورايا حاجات كتير بعدين .

نفخ بضيق شديد عندما تحررت منه وذهبت الى المطبخ لتشغل نفسها بأي شيء، تقدم خلفها وهو يلاحظ توترها ليقول مرددًا بحنق 

= وبعدين يا حنين خلاص بقي سيبي اللي في إيدك بعدين، هو انا لازم يطلع عيني كل مره هقرب منك خلاص بقى يا حبيبتي مش وقته 

نظرت إليه بأعين مرتبكه لتقول باضطراب

= ما أنا بخلص اللي ورايا عشانك برده! لو جعت ولا حد جاي يزورنا من القرايب تاني 

عاد يحتضنها برفق وهو يقول بنبرة ناعمة

= هو انت غاويه تعب ما قلت لك انا هساعدك في كل ده بعدين هي في عروسه برده بتروق وتطبخ في يوم صباحيتها... تعالي معايا يا روحي مش هتبقي انتٍ والضيوف عليا كفايه اليوم اللي طار امبارح .

تنهدت بأنفاس ضائقة وبدأت تظهر عليها ملامح النفور عندما وضع يده الأخرى خلف رقبتها وبدأ يقترب من وجهها رويداً رويدا هامس بنظرات عاشقة

= ربنا ما يحرمني منك يا عمري كله.. 

❈-❈-❈

بعد مرور أسبوعين بدأ يعود طارق الى العمل مجدداً وهنا بدأت تشعر حنين بالارتياح لانه لم يكن امامها طول الوقت ويستغل اي فرصه والاخرى للتودد و للاقتراب منها لتكرار ذلك الأمر الذي أصبحت شبه متاكده بأنها تكرهه وتنفر منه وأحياناً أخرى تشمئز منه حرفياً.

عند وصول طارق من العمل فتحت له حنين الباب لتستقبله، فانحنى برأسه ناحية زوجته قليلاً لكي يقبلها لكنها ابتعدت علي الفور بوجه

فاتر محتقن وحاولت التحرك من امامه باي حجه، انزعج الآخر كثيراً بسبب هذا!

فهو معتقد نتيجه تصرفاتها الخجل وأنها مازالت بعد كل هذه الفترة تشعر بالاحراج منه لذلك تبتعد عنه، حاول طارق تهدئة نفسه ثم ابتسم ابتسامة صافية واقترب يساعدها في رص الأطباق فوق الطاوله ليتناولوا العشاء سويا.

وعندما كان يتناولون نظرت إليه بتردد ثم هتفت بتسائل 

= بقول لك ايه يا طارق انا سمعت أن والدتك عاوزه تاجر شقه اخوك اللي سافر، فيعني لو لسه عند كلامها انا عندي ليها زبون

هز رأسه بالايجاب وهو يقول مرددًا بتأكيد على حديثها 

= هي فعلا عايزه تاجرها عشان خلاص اخويا هيقم فتره طويله بره مع مراته و ولاده بعد ما اتقبل في الشغل، بس مين ده اللي عاوزه تاجري لي الشقه 

لتهتف حنين بسرعه ولهفة وهي تردد 

= واحده صاحبتي من ايام الدراسه قابلتها صدفه لما كنت بشتري طلبات البيت وما صدقناش ان احنا اتجمعنا تاني وعرفت منها انها بتدور على شقه، هي اتطلقت يعني من جوزها من فتره وعاوزه تقعد في مكان بعيد لوحدها.. عشان خاطري حاول تقنع والدتك يا طارق بجد هفرح أوي لو احنا الاتنين سكنا في مكان واحد 

تنهد طارق وهو يقول بصوت جاد

= القرار قرار والدتي يا حنين بس حاضر لو هي حد كويس فعلا والفلوس جاهزه واتفقوا فتمام ما اعتقدش والدتي هترفض وعلى الاقل نعرفها منك .

هزت رأسها مبتسمة وهي تقول بثقة

=ما تقلقش زينه ما فيش في اخلاقها ولا تربيتها واحسن واحده ممكن تتعرفوا عليها..

عقد حاجيبة باستغراب وهو يتسائل بدهشة 

=ياااه للدرجه دي بتحبيها مع اني يعني ما شفتلكيش اصحاب قبل كده ولا كمان حضرت فرحنا مش كده .

ابتسمت ابتسامه سعيدة وهي تقول بنبرة حماس

= عشان اتجوزت في محافظه تانيه وبعدين فجاه اختفت وما كناش نعرف حاجه عن بعض، وهي كانت صاحبتي الوحيده في المدرسه وما ليش غيرها عشان كده نفسينا احنا الاتنين نلم الشمل من تاني .

لم يتحدثون مره اخرى حول ذلك الموضوع فاخبرها بالاخير بأنه سيعرض الأمر على والدته، وفي السماء كان يجلسون يشاهدون التلفاز بالاخص هي كانت مندمجه فيه، وهو يراقبها ثم مال إلى وجهها قليلاً ينظر إليها بعشق وهيام ليحوطها بطريقه رومانسيه وهم يشاهدون التلفاز سوا.. لكنها انكمشت على نفسها فجاه فتعلم تلك المقدمات جيد وفي النهايه يصل الى ماذا، لذلك حاولت ان تفسد مخططاته من البدايه ونهضت متحججه وهي تمثل التعب والارهاق 

= ما اعرفش ليه كابس عليا النوم أوي وتعبانه الشقه هدتني تصبح على خير انت بقى كمل الفيلم طالما عاجبك....

تلاشت ابتسامته تدريجياً وعقد حاجيبة بغرابة وضيق فهو قد عاد من العمل مبكراً لاجل ان يقضوا وقت ممتع مع بعضهم البعض، لكنها حطمت آماله... 

❈-❈-❈

لقد مر شهرين على زواجهما لم تكن الحياه بينهما سيئة ولا جيده أيضاً، حيث كانت طول الوقت تشعر حنين بالنفور من العلاقة الـ.ـحـ.ـميمة التي تحدث بينهما ولم تكن تعرف السبب بالتحديد ولم تجد أحد تصارحه بما داخلها فهي بالأساس لا تعرف لما تشعر هذا الشعور عندما يقترب منها؟ 

ولا الرغبه واللهفه مثله في تناول العلاقة بل بالاساس كانت تنتظر اي فرصه والاخرى حتى تهرب من ذلك الموضوع واذا حدث تنتظر بفارغ الصبر حتى ينتهي منها لتأخذ أنفاسها الصاعده وكأنها تبذل مجهود قصارى حتي تتحكم في نفسها وتتركه يفعل ما يريد .

بينما على الجانب الآخر كان يشعر طارق بالجفاء والبرود في تلك العلاقه لكن لم يتناقش معها في ذلك فأعتقد ربما الخجل والحياء هو السبب بذلك وأن مع مرور الوقت ستعداد ولكن يشعر بأن مر وقت طويل وهي على نفس الحال دون تجديد... وكان ذلك أصبح اُسلوب حياة بينهما ومما آثار أعصابهما معا.

أما عن صديقتها زينة فبالفعل أجرت المنزل واصبحوا يسكنون في نفس المبنى! وكانوا طول الوقت مقتربين من بعضهم البعض حتى أن حنين قد وجدتها حجه ليبتعد عنها زوجها ولا يطالبها بالعلاقه باستمرار... وكان هذا اكبر خطأ تفعل في حياتها الهروب من المواجهه بدل من الحل والبحث عن سبب نفورها من تلك العلاقه وأسبابها.

❈-❈-❈

مر شهر أخر بنفس الروتين وبدأ طارق يشعر بالضيق وعدم الصبر و حنين تلتزم بالصمت علي نفورها من العلاقه واجبار نفسها في بعض الاحيان لأجل زوجها يشعر بالنشوة فقط ولا أكثر.. حتى أحيانا تفكر بان هذه طبيعه العلاقه خلقت للاستمتاع الرجال وليس للسيدات أيضاً . 

كانت حنين تجلس مع زينه صديقتها في منزلها والباب مفتوح وكان يتسامرون مع بعضهم البعض باجواء سعيده، حتي كان طارق يصعد ونظر بطرف عينه إلي زوجته قائلاً بضيق 

= السلام عليكم

شعرت زينه بالحرج و أجابت قبل أن يصعد 

= وعليكم السلام، إيه يا حنين ما تقومي ورا جوزك ليكون محتاج حاجه يبقى نكمل كلامنا بعدين 

هزت كتفها بعدم مبالاة وهي تقول ببرود

=هيعوز ايه يعني كل حاجه عنده متجهزه فوق! حتى الأكل سيبك منه وتعالي نكمل كلامنا 

عقدت الأخري حاجيبها بدهشة وهي تقول بعتاب

= حنين بطلي هبل واطلعي وراه كده هيتضايق مني وهيفتكر ان انا واخداكي منه.. 

وبعدين يا حبيبتي حتى لو كل حاجه متجهزه عنده لازم برده وجودك جنبه هيفرق انتم بقلكم كام شهر متجوزين ليه بتعوديه من البدايه كده يستغنى عنك .

توترت حنين قليلاً فهي كانت متعمده عدم الصعود خلفه حتى لا ينتهي بها الأمر مرغومه على علاقه زوجيه لا تريدها وتكرهها وتنفر منها، حمحمت وهي تقول بنبرة ضائقة 

= ولا يستغني عني ولا حاجه يعني انا هروح فين ما انا طول الوقت معاه، ما جتش يعني على كام ساعه بفك عن نفسي شويه ما انا حتى يوم اجازته بفضل قاعده في البيت قصاده 

تنهدت زينه صديقتها وهي تخبرها بجدية

=ايوه يا حنين ما هو ده الصح، هو تلاقي دلوقتي طول الوقت في الشغل وزهقان وقرفان ومحتاج منك طبطبه ولا كلمه حلوه مش اكله وهدوم نظيفه بس.. في حاجات تانيه برده الرجاله بتكون محتاجاها ومش لازم تقولها .. الاهتمام هيفرق كتير في علاقتكم 

صدقيني وهو اللي هيقربكم لبعض 

حديثها اشعرها بالذنب قليلاً فهي لم تتلقى من طارق الا المعامله الطيبه والحنونه ويكفي بانه صابر عليها حتى الان لكن حقا الامر رغم عنها، 

لتقول بصوت مخنوق 

= انتٍ مكبره الموضوع أوي كده ليه يا زينه 

ما انا قلتلك شويه وهطلعله هو انا هفضل طول اليوم يعني قاعده معاكي .

هزت زينه رأسها باعتراض وهي تقول بنبرة باهته 

=ما تبقيش خايبه زيي يا حنين فضلت برده زيك اعمل كده واكبر دماغي واقول الكلام دي عادي وفي الاخر جوزي سابني وراح يتجوز غيري، ولاقي التفاصيل دي معاها.. الزمن ده عاوزك تتنصحي .

لم يظهر على حنين أي تأثير وظلت في مكانها، بينما لم يكن أحد يعلم أو ينتبه لوجود طارق بالخارج وهو يستمع إلى حديثهما عنه، كان يرغب حقًا في أن تصعد زوجته معه وأن يشعر بوجودها واهتمامها وهو ما لم يشعر به حتى الآن، ولا بحبها.. كان ممتنًا لتفكير صديقتها، التي بدت أكثر نضجًا عنها لكنها لم تقتنع، مما زاد من غضبه وأكمل صعوده إلى الأعلى بمفرده وهو يشعر بالقهر.

❈-❈-❈

على الرغم من تذمر حنين وكراهيتها لاقتراب طارق منها ومحاولاتها المستمرة للهروب وخلق أعذار وهمية، إلا أن طارق لم يتوقف عن محاولاته، مما جعل حنين تستسلم أحيانًا حتى لا يشتبه بها أو يشكوها لأحد. 

كانت تشبه من يبيع الأوهام وتقديم مشاعر زائفة. لكن لم يكن لديها خيار آخر، فكيف يمكنها أن تخبره بأنها لا ترغب في هذه العلاقة مثله وتشعر بالنفور والاشمئزاز؟

اقترب طارق منها وهو يداعب وجنتها بإصبعه

مرادف بمازحاً 

= هو انتٍ مش ناويه تغيري البيجامه دي وتلبسي مثلا قميص نوم وتستقبلي جوزك حبيبك بعد يوم طويل في الشغل 

نظرت حنين إليه بتوتر و أجابت مترددة

= هاه، الجو برد أوي أصلي.. وبعدين انا برتاح في البيجامات ومتعوده عليها من زمان..

أجاب طارق وهو يزفر في ضيق بخيبة أمل

= برد ايه بس الجو حلو.. خلاص طالما مرتاحه كده براحتك.. بس يعني حاولي يا حبيبتي تجربي تلبسيهم طالما اشتريتيهم بدل ما هم مركونين في الدولاب و واحده واحده اكيد بعد كده هتتعودي.. انا فاهم ان اكيد وانتٍ بنت ما كنتيش بتلبسي كده بس دلوقتي احنا متجوزين والحاجات دي كلها شكليات بس مطلوبه .

أجابت بفتور وهي تنظر إليه بنظرات حانقة

= هو لازم قله ادب عشان نكون متجوزين ونعيش مع بعض 

اتسعت عيناه للحظات ثم تنهد كاتماً غيظه ليرد بصوت أجش

= نعم! انتٍ بتقولي ايه انا جوزك على فكره وده بيحصل بين المتجوزين عادي.. و ده حقي علي فكره كمان 

قالت دون انتباه بحنق وعصبية

= و هو حقك ده لازم يكون على حسابي او غصب عني !. 

صدم الآخر من عبارات حنين الأخيرة ليسالها بنظرات حادة

= ده إزاي؟ الموضوع ده اصلا بالذات ما ينفعش يحصل غصب عنك ولازم يكون في تجاوب بينا الاثنين؟؟ وده اللي نفسي احس بيه مره واحده وانا معاكي.. وبعدين تقصدي ايه على حسابك وغصب عنك؟ هو انتٍ بتغصبي نفسك على اللي بيحصل بينا 

خشيت حنين أن تخبره بالحقيقه وتتلقى رده فعل صعبه بالنهايه ولا يفهمها، لتقول بثبات زائف 

= مين قال كده؟ انا ببقى عاوزك زي ما انت عاوز أكيد بس مش بالطريقه دي آآ أو ممكن بتختار اوقات مش مناسبه ومش بيبقى ليا مزاج مش اكتر

وضع طارق يده على وجهه محاولاً منع نفسه من الثورة واحتقان غضبه الذي قد بدأ يتسرب إليه وتحدث بجدية 

= اتمنى ده يكون فعلا قصدك يا حنين، عشان دي بتكون اهم لحظه بين اثنين بيحبوا بعض ومتجوزين اصلا فما ينفعش يكون ده شعورك عنها وانتٍ معايا 

أجابت حنين وهي توميء برأسها في قلق

= ياااه مالك زي ما تكون اتخضيت واتضايقت لو انا ما كنتش حاسه بحاجه ولا مبسوطه معاك.. للدرجه دي الموضوع مهم عندك 

هز رأسه بالايجاب بكل تأكيد وهو ينظر لها بنظرات حالمة

= لازم يكون مهم يا حبيبتي عشان الراجل هيحس وقتها ان مرغوب فيه وانه بيرضي مراته ويسعدها وأنه مآثر فيها الا كده هيحس ان ما لوش لازمه 

لوت شفتاها بقهر مكتوم وهي تردد بصوت حزين

= المهم أنت بتكون مبسوط 

تحرك في مواجهة حنين وقد بدأت الدماء تحتقن في وجهه من الضيق مرددًا باقتضاب

= ايه ده هو انتٍ مش بتكوني مبسوطه معايا لما نعمل كده ولا ايه؟ حنين في ايه ليه حاسس ان في حاجه مخبيها عليا 

شعرت بأنها أصبحت في مأزق لتقول بنبرة خائفة

= هخبيه ايه بس كل الحكايه اني بتكلم عادي هو انت كل كلمه بتفسرها بشكل على مزاجك 

لم يشعر بالاقتناع لكنه لم يضغط عليها في نفس الوقت وهتف قائلاً بنبرة قلقة

= طب لو في حاجه عاوزه تقوليها ومكسوفه ولا حاجه قولي وما تتكسفيش ولا تخبي عني حاجه تمام.. انا هفهمك ولأنك ما ينفعش تحكي أو تتكلمي إلا معايا بالذات في المواضيع دي 

عقدت حاجيبها للاعلي قليلاً وهي تسأله بحذر 

=عاوز تفهمني يعني اي حاجه هتحصل ما بينا مش هتقولها لحد من اهلك ولا اصحابك

أجاب علي الفور طارق بنظرات حادة ولهجة جادة

= اكيد وهو ده الصح اصلا، حنين انتٍ مش هتكوني عارفه نيه اللي قدامك ايه ولا مجرد كلمه عاديه ممكن يستخدمها هو ضدك ازاي.. غير أن حرام وما ينفعش نتكلم في المواضيع دي مع ناس أغراب أو حتي قرايبنا عشان في حاجه اسمها خصوصيه وحرمه بيت .

صمتت لحظة بتردد ثم تحدثت حنين بصوت خافت وهي تبلع ريقها بصعوبة

= هو الموضوع ده! اقصد العلاقه لازم تحصل اكتر من مره! أقصد ليه مش مره واحده عشان الراجل يتاكد ان مراته بنت بنوت وخلاص 

أغمض عينيه ثم أخذ نفساً عميقاً ليحاول السيطرة به على نفسه من اسئلتها الغريبه و الغير مفهومه وما الغرض منها.. ثم فتح عينيه ونظر إليها مرة اخرى وقال بتوضيح جاد 

= عشان مش ده الغرض من العلاقه أصلا هنعيش اخواتي يعني ولا ايه؟ يا حبيبتي دي حاجه ربنا حللها بينا عشان تقربنا اكتر لبعض 

فهمتي...

هزت رأسها بعدم اقتناع ويأس لكنها لم تظهر ذلك بالتأكيد فكل تفكيرها على العلاقه الزوجيه كذلك؟ أما ذلك شعور استثنائي لها فقط؟ واذا كان كذلك فلما هي بالذات تشعر به؟ واذا كانت هذه طبيعه العلاقه الحـ.ـميمه فيجب ان تعترف لنفسها بانها لا تحب الخوض ابدأ وتجربتها، ففي كل مرة تكون على امل ان يتغير ذلك الشعور النافر...

بدأ طارق في مداعبة زوجته بكلماته وافعاله الساحرة ثم أمسك بيدها وبدأ يقبلها بحنية شديدة ثم رفع رأسه قليلاً وطبع قبلة على جبينها ثم وجنتيها ثم قبلها بعمق من شفتيها وكانت حنين متجمده بين يديه تغمض عينيها بقوة ونفور لتتحمل الأمر حتى ينتهي لكن مع الأسف مزال نفس الشعور ملازمها......

بدأت الدموع تتجمع في مقلتي حنين، وهي تستعيد كل تلك التجارب المريرة في عقلها، و كلها تنتهي بنفس الشعور! فلا تفهم هل العيب فيها أم به... نهضت وهي تشعر بالغثيان والقرف كعادتها عند البدء والانتهاء لتستحم وتتخلص من ذلك الشعور وعندما شعر بها زوجها سألها بنعاس

= حنين هو انتٍ رايحه فين؟ 

مسحت دموعها بسرعه دون النظر اليه و

همست بصوت ضعيف 

= ولا حاجه عاوزه استحمى كمل نوم انت .

اعتدل طارق في نومته ثم أحاط زوجته بذراعيه وهتف بنظرات عاشقة ونبرة حانية

= طب تعالي جنبي وخليها بكره مش لازم دلوقتي يعني الوقت عدي خلاص وكمان ساعه والفجر هياذن ويبقى نصلي بالمرة 

احتقن وجهها بشدة من فكرة أنه ربما يشاركها الاستحمام أيضا وان تظل هكذا بذلك الشعور دون ان تمحي عنها بسبب كرهها وقرفها من العلاقة معا، لذلك رفضت بشدة واردفت بصوت مخنوق 

= لأ لأ لأ ما ينفعش افضل كده كتير هقرفـ..  مش هيجيلي نوم الا لما استحمى، ارجع نام انت وما تشغلش بالك بيا .

❈-❈-❈

في اليوم التالي، كان طارق مندمج في العمل دون انتباه لمن حوله، شارد الذهن بحياه الزوجيه التعيسه والتي كان يبني آمال كثير عليها معتقدا بأن زوجته تبادله نفس الحب والمشاعر لكن بعد زواجه منها أكتشف عكس ذلك تماماً، بانه وقع في الحب من طرف واحد ويعاشر انسانه بارده المشاعر والأحاسيس بكل شيء.. 

فليله أمس عندما طلب منها أن تنتظر قليلاً ويستحمون سوا انقلب الأمر الى شجار كالعاده على شيء لا يستحق ولم يعلم بانها كانت تتعمد ذلك حتى تتخلص من حصاره ولا تفعل تلك الامور، فلا لم تكن هذه المره الاولى التي يتشاجرون معا، فاصبحت دائما هكذا وهو أيضاً يصطادون الاخطاء لبعضهم البعض.. لم تكن هذه الزوجه التي يتمناها تتشاجر معه لأتفه الأسباب و لعدم قدرتهم على المصارحه بما يعانون منه. 

لم تكن هذه الحياه التي كان يرغب بها و ينتظرها إطلاقاً من البدايه عندما وقع بحبها 

وظن هي الأخري، ثم آفاق علي صوت صديقه الذي أردف مازحاً

= ايه يا عريس بقيلي نص ساعه عمال اكلمك على الشغل هي العروسه لحقت تاخد عقلك للدرجه دي!. 

لوي شفته بسخرية مريرة دون حديث وهو يتحسر على حاله بصمت...

❈-❈-❈

لم تتوقف محاوله طارق حتى يجعلها تندمج معه ويغير هذه الحياه الجفاء بينهما، قبل جبينها بحنية ثم وضع طارق يده خلف رقبتها وكان على وشك تقبيلها من شفتيها ولكنها توترت ثم أسرعت الخطى بعيداً عنه تبسم بصبر لحيائها فخلع قميصه ووضعه على الأريكة واقترب منها ببطء وجلس إلى جوارها على الفراش وقبل ان يفعل شيء تحدثت بسرعه مبتسمة بثقة

= مش هينفع النهارده يا طارق ولا لمده اسبوع كمان....

رفع حاجيبة للاعلي باستنكار وهو يقول بغيظ 

= نعم وده ليه ان شاء الله 

هزت رأسها بعدم مبالاة وهي تقول ببساطة

= الكلام شارح نفسه إيه اللي مش مفهوم! 

اغتاظ طارق من طريقتها معه ليقول مرددًا بجدية

=مش ملاحظه انك بتكوني مبسوطه وفرحانه أوي وده باين لما بتجيلك، مع اني يعني اسمع انها حاجه بتتعب البنات فايه بيبسطك أوي كده

انصدمت من حديثه بقلق لتسرع تهتف بتبرير بتوتر وارتباك 

= أفرح لا عادي دي حتى مش بتخليني اعرف اصلي ولا امسك المصحف و اقرأ قران زي ما بعمل غير التعب اللي بيجيلي منها مين قالك اني ببقي فرحانه بيتهيا لك طبعاً، انا بس بعود نفسي عليها خلاص هي امر واقع بحياتي و بعدين يعني ايه اللي هيفرحني من ورا حاجه زي كده 

هتف بنبرة حادة وهو يضعها في مواجهه صريحة وواضحة 

= يمكن عشان مش هعرف المسك لمده اسبوع وده بيريحك ويفرحك أوي بدل ما بتقعدي كل شويه تخترعي أي حجج ملهاش لازمه، اهو بدل ما تقولي كل يوم تعبانه ولا عيانه و اصل ماما وحشتني عاوزه اروحلها اهي بتجيلك على الجاهز و تخليكي قدام عيني ومش قادره المسك مش كده .

شعرت بأنها أصبحت في مأزق لتقول بعصبية منفعله 

= نعم انا بعمل حجج ليه ان شاء الله ما انت بتيجي بتلاقي الشقه متروقه والاكل جاهز وكل حاجه نظيفه كل ده بيتعمل لوحده مثلا! وايه يعني لما اقول لك عاوزه اروح لماما كل شويه قريبه مني وبتوحشني ما انت بتنزل كل شويه برده لوالدتك بقول لك حاجه.. 

تنهد بضيق شديد وهو يقول بصوت جاد

= حنين انا تعبت من طريقتك دي وزهقت! مش هتتلككي عشان تداري على الكلام، انا عارف ممكن بيحصل غصب عنك و بتتكسفي  بس بجد مش ملاحظه أن الموضوع زاد عن حده أوي.... 

ظنت فيه ظن سئ وأنه يفعل كل ذلك لأجل العلاقة لا أكثر، لتردف بتهكم قاسي وهي ترمقه بنظرات مشمئزة

= اه قول كده بقى أنت اللي بتتلكك، طبعا ما هو كل اللي بينك وبيني الموضوع ده وبس هو اللي مخليك اتجوزتني وجايبني هنا فلما عدى يوم ما يحصلش ولا فتره هتضايق أوي يا عيني ومش هتقدر تستحمل و...

احمرت عيناه وشعر بالإهانة أثر حديثها ثم توجه إلى حنين وأمسكها من ذراعها بحدة يصيح بغضب عارم

=اخرسي خالص.. انتٍ اتهبلتي ايه الهبل اللي انتٍ بتقوليه ده شايفيني قدامك إيه عشان تقوليلي الكلمتين دول واحد كل اللي بيهمه شـ.ـهواته.. و ما بفكرش فيك الا بالطريقه دي إيه الكلام الاهبل إللي دخلتيه في دماغك ده بقى انتٍ شايفاني كده يا حنين ما تردي.

بدأت الدموع تتجمع في مقلتي حنين هي ترغب في المضي قدماً في علاقتهما ولكن دائماً ما تهاجمها ذكرياتها الآليمة فتجعلها دائماً في حالة صراع مع النفس.. لتقول بنبرة معادية مريرة

= ليه مش زيك ذي اي راجل وكلهم بيفكروا في نفس الموضوع وبس... وبمصلحتهم! انت مش شايف نفسك عملت ايه كل ده عشان قلتلك عندي عذر وحاجه مش بايدي، انت اصلا تلاقيك مش متجوزني إلا عشان الموضوع ده وبس! زعلان اوي كده ليه عشان جيت على الجرح ؟!. 

تطلع نحوها بنظرات مصدومه غير مصدق تفكيرها به، جز علي أسنانه بحده وهو يقول بنبرة قاسية 

= انتٍ مش متربيه وناقصه ربايه.. واذا كان اهلك معلمكيش يعني ايه جواز و ازاي تحترمي جوزك فما تزعليش بقى من اللي هعمله فيكي... 

تألمت من ضغطه علي يدها ومن اهانته لتقول بنبرة حزينة وهي تنظر إليه نظرات حانقة

= اوعي ايدي أنت كمان هتضربني وبعدين انا متربيه غصب عنك ولو ما كنتش كده ما كنتش اتجوزتني أصلا.. طب والله ما انا اعدلك فيها وهروح لماما 

وقف طارق مشدوه مما تفعله زوجته حين بدأت في لم ثيابها بالفعل، فلم تقف طويلاً أو حتى تستمع إلى كلمه منه حيث قامت بجر حقيبة سفر وتحركت إلى خارج الغرفة وهو لم يمنعها....

** ** **

يـتـبـع.

الفصل الثالث 

_________________

عند عوده زينه من عند أسرتها تفاجأت بعدم وجود صديقتها ولم تعلم من تسأله عنها لذلك انتظرت عوده طارق من الخارج واسرعت تسأله بحذر 

= ازيك يا استاذ طارق انا اسفه بس كنت عايزه اسالك على حنين بقيلي اسبوع مش بشوفها هنا هي في حاجه حصلت و انا ما اعرفهاش اصل انا الفتره اللي فاتت كنت بزور اهلي.. حتي تليفونها مقفول وهي مش موجوده في الشقه لما طلعت خبط 

تنهد طارق بضيق شديد وهو بجيبها بحده

= هو انتم مش على طول قاعدين مع بعض ليل ونهار، عايزه تفهميني يعني انك ما تعرفيش انها قاعده عند اهلها غضبانه 

نظرت إليه بصدمه وهي تقول بحيرة

= ايه!! لا والله ابدا ما اعرفش امتى حصل الكلام ده؟ هي في حاجه حصلت الموضوع كبير يعني لدرجه أنها تسيب البيت انا اسفه لو بتدخل في حاجه مش تخصني.. بس ليه حاسه من طريقه كلامك معايا كانك فاكرني انا اللي حرضتها على كده مثلا؟ انا والله لسه عارفه دلوقتي منك الكلام ده

وقف يحرك يده علي شعره بيأس متمتما بغيظ

= خلاص يا مدام زينه ولا انتٍ اللي حرتيها ولا انا جيت جنبها، هي شكلها كانت بتتلكك عشان تروح تقعد عند أهلها وتخلص مني انا اسف لو ضايقتك بس انا متضايق أصلا شويه من الشغل كمان.. عن اذنك عشان راجع من الشغل تعبان و عاوز اطلع شقتي 

رحل الآخر بضيق شديد بينما عقدت حاجيبها الأخري بدهشة وهي تردد بقلق

= يخرب عقلك يا حنين ده الراجل على اخره هي عملت ايه بالظبط في فتره غيابي عنها.

❈-❈-❈

نظرت عبير إلى حنين بشك، فهي تشعر أن هناك خطب ما بها فليست هذه ملامح عروس سعيدة بزواجها وخاصة في أول أيامها معه... 

تشعر أن وجهها دائما منطفيء هناك حزن ما بعينيها بصوتها و بحركاتها، لكنها دائما صامته ولا تخبر أحداً بما فيها.. لتسالها على أمل أن تخبرها بحقيقه الأمر 

= عامله ايه يا حبيبتي.. ليه قاعده على طول لوحدك في الاوضه ما تقومي تقعدي معانا ولا انتٍ خلاص عشان اتجوزتي يعني هتتكبري علينا .

اجابتها حنين بصوت خافت مليء بالحزن

= انا والله ابدا بس حابه اقعد لوحدي شويه، مع اني والله وحشتني و وحشنا قعدنا سوا وكلامنا بس مش عارفه ليه من ساعه لما اتجوزت بقيت احس نفسي غريبه عن الكل.. ومش طايقه ولا اتكلم ولا اتساير مع حد زي زمان عاوزه افضل كده بس بعيده وبهرب 

هزت عبير رأسها بعدم رضا وهي تقول بجدية

= بس ده اكبر غلط بنعمله مع أي مشكله تواجهنا يا حنين لازم نواجه عشان نحل، حنين هو انتٍ بجد جايه تقعدي معانا يومين ولا غضبانه ومتخانقه مع جوزك؟ مش عارفه ليه حاسه كده ان في مشاكل كتير و انتٍ مخبيها علينا او عليا انا بالذات.. انتٍ كان سرك معايا ليه على طول واخده جنب مني! 

ردت حنين بضيق وهي تهز رأسها بالنفي 

= مش واخده جنب ولا حاجه انا كويسه ما تقلقيش عليا.. بس يمكن عشان مش عارفه انا فيا ايه عشان احكي اصلا.. غير ان كل واحد في اللي مكفيه وكفايه دوشت ومشاكل عيالك الاربعه .

ضمتها الأخري إلى صدرها بحنية وهي تردد بحب صادق

= غلط انا عندي خمس عيال بمشاكلهم! فاكيد مش هعامل الاربعه معامله و واحده منهم معامله تانيه خالص.. يعني هي جت عليها بمشاكلها.. عشان كده انا عاوزاكي تدوشيني لمشاكلك وما لكيش دعوه انتٍ..

نظرت حنين إليها بامتنان شديد وقبل ان تتحدث استمعت إلي اصوات عراق تأتي من منزل شقيقها محمود مع زوجته، لتسألها بدهشة 

= هو في ايه؟ من ساعه ما جيت وايمان غطسانه ومش بشوفها بتنزل هنا يعني و دلوقتي صوتها طالع مع جوزها، هم رجعوا يتخانقوا زي زمان مش كان ربنا هداهم من آخر مره كانوا هيطلقوا فيها 

لوت شفتاها بتأفف وهي تردد بعدم مبالاة

= ما تشغليش بالك البيوت ياما فيها، وبعدين يا حبيبتي دول عاملين زي القط والفار ما يقدروش يعيشوا من غير مشاكل.. هو انا برده اللي هقول لك لحقتي تنسيهم ولا إيه ده حتى الجيران نفسهم لو قعدوا أسبوع ما سمعوش صوتهم.. يتخضوا ويجول يسالونا ايه اللي حصل .

ابتسمت حنين رغم عنها لتقول عبير بفرحه

= ايوه كده اضحكي بلاش الهم اللي انتٍ شايلاه ده كل حاجه هتتحل ان شاء الله يا حبيبتي...

❈-❈-❈

نهض طارق ليفتح باب المنزل بعدما طرقه أحدهم ليردد وهو يفتح قائلاً 

= أيوه يا اللي بتخبط.. مدام زينه في حاجه؟!. 

ضمت شفتاها للإمام بحرج وهي تقول بتوتر

= أنا أسفه لو كنت صحيتك من النوم ولا حاجه بس كنت بعمل الغداء وزاد مني وانا عارفه يعني ان حنين لسه ما رجعتش من عند اهلها فقلت اعزم عليك بدل ما ارمي الاكل ولا يبوظ.. بما انك قاعد لوحدك زي حالاتي .

نظر لها مطولاً ثم أخذت منها الطعام وهو يرد بنبرة هادئة

= ما كانش في داعي انا بعرف اعمل اكل لنفسي على فكره! على العموم شكراً معلش كان نفسي اقول لك اتفضلي بس زي ما انتٍ لسه قايله انا قاعد لوحدي وصاحبه البيت مش موجوده 

زينه وقد فغرت شفتيها مندهشه بأنه يلقبها صاحبه المنزل فزوجها دائما كان يشعرها بانها مجرد ضيفه ثقيله على بيته 

= هـــــاه!. 

ثم هزت رأسها بالايجاب بتفهم وأجابت بصوت متردد 

= آه طبعا انا فاهمه ما فيش داعي انا اصلا مش عاوزه ادخل، انا بس كنت عايزه اقول لك حاجه قبل ما أنزل انا والله ما اعرف ايه سبب الخناقه بينك وبين حنين ولا عاوزه اعرف اكيد ومش انا اللي حرضتها ولا هي اتكلمت عن علاقتكم ولو انت واخد فكره يعني ان انا ممكن أكون سخنتها عليك ولا حاجه ابدا والله وليه هعمل كده أصلا.. 

أخذ نفس عميق قبل أن يرد بصوت مرهق

= خلاص يا مدام زينه انا فاهم وعارف كل ده من غير مبررات! وعارف كمان ايه سبب التلاكيك اللي هي عملتها، اصلا من قبل ما تيجي واحنا كده على طول في مشاكل حتى لو ما اتخانقناش مش جديد علينا النظام ده.. فما تحمليش نفسك الذنب ولا حاجه 

زينه وهي تقول بنبرة جاده محاوله الصلح بينهما 

= صدقني حنين مفيش اطيب منها انا عارفاها كويس، جايز بس هي لسه مش فاهمه فكره الجواز او مش متعوده انها انفصلت عن اهلها حاسه لسه انها واحده غريبه هنا.. في ناس كتير كده كانت زيها انما دلوقتي مش بيقدروا يستغنوا عن البيت ثانيه واحده ولا يسيبوه.. اللي عاوزه اوصلهلك يعني انها محتاجه شويه وقت مش اكتر و ده هيتحل مع العشره وقربكم لبعض 

لوي شفته بسخرية وهو يقول بصوت جاد

= لا انا كده أتأكدت فعلا انك ما تعرفيش حاجه عن الموضوع لان الموضوع اكبر من كده بكتير رغم انه يبان في بعض الاحيان حاجه تافهه او مش فاهم لسه اصلا لحد دلوقتي إيه السبب بالتحديد.. بس ولا سبب من إللي انتٍ ذكرتيه هي اصل المشكله.. يعني مش موضوع انها مش متعوده ولا عارفه يعني ايه جواز ولا الكلام ده كله .

نظرت زينه إليه بحيرة ثم قالت بجدية 

= انا فعلا مش عارفه السبب بالتحديد وعلى فكره هي مش بتقولي حاجه عنكم كلامنا كله بيكون على حكاياتنا زمان وصحبتنا، بس في النهايه اتمنى ان المشكله تتحل و معلش انتٍ برده الراجل اصبر عليها وانا والله لو فتحت تليفونها هحاول من ناحيه اصلح اي حاجه مع أني والله بحاول انصحها كتير وبلفت نظرها عن اي حاجه في علاقتكم حصلت قدامي بالصدفه.

هز طارق رأسه مرددًا باختصار 

= ربنا يقدم اللي فيه الخير متشكر على الاكل مره ثانيه .

❈-❈-❈

بالصباح في منزل أسره حنين كان الجميع يجلس ويتناول في صمت بينما كانت ايمان تجلس فوق مقعد طاولة الطعام وهي تهز ساقها بعصبية، كانت ملامح الضيق تعلو وجهها خاصة بعد المعاملة الجافة من زوجها في حين الآخر طلب منها بلهجة أمر 

= ناوليني كوبايه الميه اللي جنبك يا ايمان و بعدين قومي سخني العيش تاني عشان برد.. وبالمره و انتٍ راجعه هاتي حته جبنه قديمه من جوه عشان نفسي رايحه لها.. ما تيلا انتٍ هتفضلي قاعده ما سمعتنيش ولا ايه 

لوت شفتاها باستخفاف وبرود وهي تقول بنبرة استفزاز

= ابدأ مستنياك لما تخلص طلبات وتدعك الفانوس السحري عشان يحققها لك، ما اصلي انا مش ليا اكتر من ايد عشان افضل كل شويه رايحه جايه اعمل لك طلباتك اللي من ساعه ما صحيت ما خلصتش منها.. لا انا تعبت بقى من وجع الدماغ ده واتفضل يا اخويا عندك المطبخ وهات مبادلك منه انما انا خلاص شطبت ولا هقوم ولا هاجي..

نهض محمود عن طاولة الطعام ثم وقف يتحدث مع زوجته بعصبية

= اه يا بنت الكلب يا واطيه بقى بترد عليا وتقلي ادبك انا هربيك النهارده...

لم يتمالك أعصابه الآخر ونهض أمام الجميع ثم هجم عليها و إنهال بالضرب الوحشي على إيمان وقبل ان يستوعب أحد ما حدث بدأت زوجته تصرخ وهي تقاومه باستنجاد

= يا لهوي الحقوني يا ناس هيموتني في ايده... آآه اوعى أيدي هتكسرني.. الحقوني منه

❈-❈-❈

تعجبت زينه من الطرقات على باب منزلها فهي دائما ما تكون بمفردها بالأخص منذ أن انتقلت إلى هنا، توجهت تجاه الباب لتفتح لتتفاجئ به طارق أمامها لتقول بسرعه بابتسامة عريضة 

= أستاذ طارق اتفضل صباح الخير اولا انا كنت لسه بحط الفطار على السفره زي ما انت شايف.. اتفضل .

هز رأسه برفض وهو يقول بصوت هادئ

=لا متشكر بالهناء والشفاء انا مستعجل اصلي عشان رايح الشغل.. بس قلت اعدي عليكي الأول عشان اديكي دول.. اتفضلي دي مواعين الغدا بتاع امبارح اللي طلعتيه ومتشكر مره ثانيه .

عقدت حاجيبها بدهشة وهي تاخذها منه لتقول 

= ومغسولين كمان كثر خير اللي غسلهم، هي والده حضرتك هي اللي غسلتهم على كده . 

أجابها طارق بنبرة هادئة بكل بساطة 

= لا خالص والدتي ما تعرفش اصلا ان احنا متخانقين عشان كده ما رضيتش اعدي عليها ولا ابلغها بحاجه، انا اللي غسلتهم عادي اكيد يعني هحاول اصرف نفسي مش هسيب البيت كده يقلب يضرب والهانم غضبانه عند أمها لحد ما ترجع، ثم ان انا اصلا متعود حتي وهي موجوده بعمل كده و بشارك في اي حاجه في البيت اذا لقيت مواعين ولا عاوز اتغدى وهي نايمه عادي يعني مش مشكله... 

ثم تابع حديثه قائلاً بامتنان وهو يتحرك للرحيل 

= وبعدين كثر خيرك ان انتٍ طلعتيلي الاكل هنزل لك كمان المواعين مش نظيفه.. واتعبك اكتر، اكيد ما يصحش... انا مضطر بقي امشي عن اذنك 

رحل من أمامها بينما ظلت الأخري تنظر إلى فراغه بإعجاب شديدة وهي تتحدث مع نفسها هاتفه وكأنها تندب حظها التعيس 

= بيغسل المواعين وبيعرف يعمل اكل لنفسه.. على كده ما كانش بيشتغلني بقى لما قالي انا كنت هعرف اصرف نفسي وبطبخ، شكله ذوق أوي.. مهنش عليه ينزل الأطباق إلا لما يغسلها قال ايه عشان ما يتعبنيش.. امبارح كمان ما رضيش يدخلني وقالي عشان صاحبه البيت مش موجوده، معقول في حد كده رغم المشاكل اللي بينهم لسه بيقول عليها صاحبه البيت و يحترم وجودها حتي وهي مش موجوده..

شردت في حياتها السابقة المريرة لتقول بحسرة 

= والله انتٍ بتتبطري على نعمه يا حنين و مش حاسه بقيمه اللي معاكي! ده انا الموكوس اللي كنت متجوزه كان بيناديني من اخر الدنيا عشان اجيبله كوبايه الميه اللي جنبه أصلا! حظوظ صحيح الحاجه اللي نكون محتاجينها تروح لغيرنا وغيرنا كمان مش عاوزها... 

هزت رأسها باعتراض عندما انتبهت الى نفسها لتقول بصوت مخنوق

= ربنا يهديهم لبعض وترجع لعقلها وتحس بقيمته.. 

❈-❈-❈

في المساء شعرت حنين بالعطش فنهضت حتى تشرب وعند صارت تجاه المطبخ شعرت بحركه داخل غرفه شقيقها محمود حيث أجبرت والدتها إيمان ان تجلس هي فيها وهو يصعد شقته حتى لا يتشاجران مجددا، لكن عندما اقتربت خطوه فكان الباب مفتوح قليلاً تفاجأت بشقيقها بالداخل وكانت إيمان تقف أمامه .

اقتربت ايمان منه وهي تتعمد أن تتمايل بشدة في مشيتها لتثيره وبالفعل نجحت مما تفعله وسرعان ما نظرت إليه ببرود قائلة 

= اوعى ايدي ولا عاوز تكسرها تاني.. ابعد عني خالص ولا تلمسني ولا تفكر تيجي جنبي فاهم ولا لأ.. انا مش بحبك .

مط شفتيه للإمام وهو يحتويها بين ذراعه، ليردد بحنان عكس سابقا 

= كده برده يا ميمونه ده انا محمود حبيبك تمنعيني عنك وتقوليلي مش بحبك طب الكلام ده طالع من قلبك برده.. هاه ده انا حوده حبيب القلب 

زمت شفتيها بزعل وهي تقول بصوت أنثوي مميز

= وهو حبيب القلب برده يكسرني كده و يضربني! قلتلك اوعى بقى ما تلمسنيش انا مخاصماك ومش هصالحك ابدا .

غمز لها بطرف عينه وهو يقول بابتسامة عريضة

= ما تقدريش تخاصمي حبيب القلب.. وانا عندي الإثبات دلوقتي وهصالحك.....

وعندما رأت حنين في تلك الوضعية، خاصة بعد ما حدث بينهما من قبل والشجار الذي شهدته جميع الأسرة وكيف أهانها وضربها بطريقة قاسية، تساءلت: كيف يمكن أن يكونوا هكذا الآن؟ تجهم وجهها بملامح مشمئزة وهي تتحدث إلى نفسها بجنون

= مقرفين!. طب ازاي؟ لأ لأ لأ اكيد اللي بيحصل ده مش طبيعي الامور دي مش بيستخدموها لكده.. ولا بالشكل ده.. إلا لو كده يبقى ليا حق اكرهها وهفضل اكرهها طول حياتي..... 

لم تستطع تحمل ذلك المنظر الذي أعاد إليها ذكريات مؤلمة عن والدتها ووالدها، والتي كانت تعتقد أنها نسيتها.. لكن عندما عادت تلك الذكريات، شعرت بالاشمئزاز الشديد وارتعش جسدها، مما دفعها للركض بسرعة إلى الحمام لتفريغ ما في جوفها من شدة اشمئزازها من تلك العلاقة وتخيلها.

في الماضي قبل سنوات كثيرة، هتفت زينب بصوت حزين للغاية وهي تتألم من المرض ومن أسلوبه البغيض 

= آآآه حرام عليك يا ابراهيم انا ولا مستحمله قربك مني ولا ضربك ليا.. كفايه بقى بجد انا ما بقتش حمل الكلام ده انت مش شايف الادويه اللي اشتريتها قد كده النهارده عشان التعب والقرف اللي انا فيه يروح......

أجاب الآخر بكل قسوة وحجود 

= هو انا لسه عملت حاجه يا وليه وبعدين ايه كل ما اجي جنبك هتقوليلي الكلمتين دول ما تعملي بالفلوس اللي انا لسه دافعها ليكي النهارده في كشف وعلاج... خلي بالك كده الملايكه هتلعنك وانا هكون جبت اخري كمان وهروح اشوف غيرك طالما مش عاوزه تديني حقي... بلا قرف.. 

هزت رأسها بسرعه برفض وهي تردد بضعف واستسلام

= لأ لأ خلاص يا اخويا هستحمل زي كل مره وامري لله، حقك عليا ده حقك برده ما اقدرش اعترض.... 

للأسف، كانت هذه الذكريات محفورة في عقلها رغم صغر سنها، مما جعلها تشعر بالذعر و القرف في تلك اللحظات. كان الفضول يقتلها حول ما الذي يجبر والدتها على ذلك؟ هل هو شيء قاسي ومؤلم إلى هذا الحد؟ والأهم من كل ذلك، لماذا والدتها مضطرة لفعل ذلك؟ 

وعندما كبرت قليلاً بدأت تستوعب السبب وراء ترك والدها لهم وزواجه من أخرى، أدركت أن ذلك كان بسبب عدم قدرتها على تلبية رغباته بسبب مرضها، مما جعله قاسيًا معهم وبحث عن امرأة أخرى لتحقيق رغباته ومن هنا بدأت تشعر بالنفور والاشمئزاز تجاه هذه العلاقة حتى قبل أن تعرف تفاصيلها.

لم تنسَ تكرار هذه المواقف طوال حياتها، مما جعلها تعجز عن فهم هذه العلاقة وتكرهها، حيث كانت تصرفات الرجال توحي بأنهم هم من يتحكمون في كل شيء. كانوا يفعلون ما يريدون في أي وقت، حتى لو كان ذلك في أوقات غير مناسبة على الإطلاق.

بدأ الأب يزيح كل شيء أمامه بقسوة، مستمرًا في ضرب أولاده وزوجته بوحشية لأتفه الأسباب، بسبب ما اعتبرة تقصيرًا من زوجته في علاقتهما

= عيال تجيب الهم والقرف ادي اللي باخده منكم مشاكل وكل شويه هات طلبات وفلوس..... 

أدمعت زينب عينها بألم وهي تهتف بعصبية مفرطة

= منك لله يا شيخ حتى اللقمه مش عارفين ناكلها من غير نكد، امال مين إللي هيصرف على العيال دول زعلان أوي عشان بطلب منك فلوس مش دي مسؤوليتك برده.. حسبي الله ونعم الوكيل هفضل ليل ونهار وفي صلاتي ادعي عليك....

وبعد فتره من بكاء الأم هتف الأب من الداخل هتف بصوت مرتفع

= زينب تعالي عاوزك.....

لاحظت حنين وجود آثار ضرب وأثر أصابع على وجه والدتها بسبب والدها. بدأت حنين تفهم جيدًا متى يناديها لأجل هذا الأمر، لكنها لم تفهم سبب نهوض والدتها لتلبية طلبه وكيف كان ذلك بسيطًا بالنسبة لها.

أخذت حنين تتنفس بصوت مرتفع و أغمضت عينيها في رعب وكأنها تخشى البوح بما تنوي والدتها فعله معه حتى وان كان زوجها، فعقلها يرغب الفهم و الاستيعاب.... كيف يكونون الازواج بينهما مشاكل كبيره قد تؤدي الى الضرب والاهانه وبعد قليل بمنتهى البساطه يفعلون ذلك الفعل.... 

لكن هذه المره لم تستطيع السيطره على نفسها فنظرت إلى أمها بنظرات صادمة وهي مشدوهة و بتردد وبنظرات جاحظة سألتها بكل جرأة وعتاب

= هو انتم مش زعلانين من بعض المفروض! رايحه وراه ليه دلوقتي؟ وكنتي عماله تدعي عليه من شويه.. مش كفايه وانتٍ تعبانه بتعملي الحاجات دي غصب عنك. 

شهقت أمها بذهول من وقاحتها وبدأت تعنفها بغضب شديد

= وانتٍ مالك يا قليله الادب يا اللي ما تربيتيش صحيح... مركزه معانا أوي كده بنعمل ايه انا مش عارفه جيل إيه المهبب ده إللي ما فيش حاجه بتعدي عليه.. حسابك معايا بعدين يا قليله الربايه.

عوده إلى الوقت الحالي، لتتحرك حنين الى غرفتها وهي تجر أذيال الحزن والانكسار والذل والخيبة ورائها، وقفت تنتظر خلفها والدموع لا تفارقها ثم هتفت بصوت مشمئز

= مقرفه... هو انا بكرهك من شويه! 

❈-❈-❈

بعد مرور أسبوعين، في منزل أسره حنين انتبهت أن هناك شيء ما يهتز من أسفلها ويحدث صوتاً مزعجاً تململت في الفراش بتجاهل فهي تعلم جيد من المتصل ولكن ظل ذلك الصوت والاهتزاز يعلوان أكثر وأكثر.. فاضطرت تجيب على زوجها الذي بدأ يعاتبها برجاء 

= ازيك يا حنين عامله ايه اخيرا عبرتيني و رديتي داخلين كده على اسبوعين مش ناويه بقى ترجعي وكفايه انا سايبك براحتك اهو رغم ان انتٍ اللي ضايقتيني ومش فاهم اصلا ايه سبب الخناقه عشان تسيبي البيت.. غير على فكره انتٍ وحشتيني أوي 

اعتدلت في جلستها على الفراش وأصغت لصوته الناعم معتقده بأنه يريد ارجاعها لسبب واحد فقط، لذا لم تستطيع تمالك نفسها وهي تسأله بتهكم مرير 

= وحشتك برده! ولا وحشتك العلاقه . 

اعتلت الدهشة وجهه والضيق ليقول مرددًا بصوت حاد 

= هنرجع تاني لنفس الغباء هو انتٍ في ايه مين بيدخل الكلام الاهبل ده في دماغك.

أغمضت عينيها بتعب وضعف ثم قالت بصوت باكي أقرب إلى الهمس

= طـ.. طيب خلاص سيبني يومين كمان و هفكر أرجع.. سلام .

في تلك اللحظه دخلت ايمان عليها وهي تقول بنبرة ضائقة 

= بنت يا حنين لما انتٍ صاحيه قاعده لوحدك هنا بتعملي ايه ما تطلعي تقعدي معايا بره بدل ما انا قاعده مع العيال اللي بره دول وجابوا لي صداع.. امك راحت تعزي في واحده صاحبتها وعبير في شغلها رغم انها بتخنقني في قعدتها بس اهي كانت بتسليني 

لم ترد عليها بينما اخذت ايمان الهاتف من يديها لا تلاحظ عده مكالمات من زوجها و رسائل يطلب منها العوده، لوت شفتاها وهي تقول باستفسار 

= كل دي مكالمات جوزك اتصل بيها وفاكره تردي في الآخر غير الرسائل.. آه بقي هي الحكايه كده زي ما توقعت طب لما انتم متخانقين ما بتقوليش ليه؟ وبعدين ما الراجل عاوز يجي ياخدك اهو.. انتٍ اللي تقلانه عليه ليه .

مسحت حنين وجنتيها من الدموع العالقة بها بحركات حادة و هى تغمغم بانفعال

=بس يا ايمان ما تاخديش مني التليفون ثاني مره بالطريقه دي واياكي تقولي لحد منهم بره أني متخانقه مع جوزي وجايه هنا غضبانه فاهمه.! مش ناقصه وجع دماغ وهيقعدوا يسألوا وانا ما عنديش اجابه لحد ومش عاوزه كمان يوصلوا لطارق ويسالوه مش عارفه هيقول لهم ايه .

نفخت مستاءًه منها وهي تهتف على مضض

=يا بنت يا هبله هو انا برده لما تقوليلي حاجه هروح اقول لهم؟ وبعدين مالك خايفه كده ليه يسالوكي عن السبب ولا يسالوا جوزك هو الموضوع للدرجه دي كبير؟ ما تنطقي وتقولي فيكي ايه يمكن الاقيلك حل! 

همست بصوت مختنق باكي و هى تنحنى على نفسها أكثر و تضم ساقيها الى صدرها

=قلت لك ما فيش وخليكي في حالك مع جوزك وسيبوني انا كمان في حالي...

نظرت إليها بشك ثم أردفت بصوت جريئة 

= مممم هو الموضوع ليه علاقه بالـ... العلاقه الحـ.ـميميه اللي ما بينكم مش عارفه تبسطي ولا إيه .

اتسعت عينا حنين بذهول وصدمه وهي تقول بنبرة حادة 

= انتٍ عرفتي منين؟ انا من ساعه ما جيت ما فتحتش بوقي حتى مع نفسي بالموضوع ده انطقي يا ايمان عرفتي منين 

ابتسمت ابتسامة خبيثة وهي تقول بثقة 

= وهي محتاجه ذكاء وخده جنب عشان مكسوفه تتكلمي ومش عاوزه جـ.ـنس مخلوق يعرف و قلقانه، ثم ان انا كنت بضرب الكلمه وانتٍ اكدتيلي المعلومه.. فيلا زي الشاطره كده بقى قوليلي عشان انا الفضول كده هيبدا يقتلني ومش هسيبك إلا لما افهم ايه المشكله بالضبط 

نظرت إليها فجاء بنظرات غامضة ثم سألتها بتردد

=ايمان هو انا ممكن أسألك على حاجه و ما تفهميش غلط؟ ولا تضايقي مني؟ واياكي ثم اياكي تروحي تقولي لحد ان انا سألتك السؤال ده اتفقنا .

سألتها مستفسرة بغرابة وضيق 

=لازمته ايه كل ده ما تسألي على طول في إيه وبعدين انا بسالك على احوالك مع جوزك دلوقتي.. تساليني انا ليه . 

إجابتها حنين وهي ترمقها بنظرات مشمئزة

= هو انتٍ و محمود بتعملوها إزاي؟.. 

عقدت حاجيبها بعدم فهم وهي تسألها بدهشة

=بنعمل ايه الله يخرب بيتك وايه دخل اخوكي في الموضوع ما تفهميني وخليكي دغري بدل جو الالغاز ده 

ابتلعت ريقها بصعوبة وهي تقول بسرعه بقلق

= آآ أنا والله كنت قايمه اشرب وعرفت ان محمود نزل هنا ودخل لك الاوضه جوه بعد ما ماما بعدتكم عن بعض عشان ما تتخانقوش تاني، وللاسف شفت او مش شفت بالظبط عرفت اللي حصل بينكم.. فبسالك ازاي بتقدري تستحملي ان يكون لسه ضربك ولا متخانق معاكي وتستخدمه القرف ده في انكم تتصالحوا او ليه مش بتربطوا الأمور ببعض هي دي حاجه ودي حاجه ولا ايه ما هي برده لا.. بتتقبليها ولا بتقدري تستحمليها ازاي ولا هو كمان بيقابلها على نفسه كراجل.. انا هتجنن انتٍ فهماني ..

سحبت إيمان مقعد لتجلس عليه وهي تنظر لحنين نظرات قلق لتردد بعدم مبالاة 

= ما تهدي على نفسك يا بنت و إيه كل الاسئله دي! ثم انك ايه يعني شفتيني مع حد غريب ده جوزي وحلالي عادي ونزل يصالحني وما هانش عليه أفضل زعلانه لحد ثاني يوم.. عاوزه بقى تيجي مني وابقى ست نكديه و وحشه وارجعه مكسور الخاطر طالما رجله جابته، يا هبله الست الذكيه تستخدمها لصالحها النقطه دي عشان تخليه زي العجينه في ايديها 

اتسعت عينا حنين باحتقار من ردها ثم زفرت بانزعاج و هي تفرك وجهها بغضب على ما يحدث معها لا تعلم كيف تحل الأمر المعضله أكثر، لتتحدث بصوت مضطرب

= انتٍ بتقولي ايه انتٍ هبله يبقى لسه متخانق معاكي وضربك قدامنا كلنا ويهين كرامتك و يطلبك بالليل عادي وانتٍ توافقي لا و مبسوطه وفرحانه أوي كمان... وبدل ما تعملي لنفسك كرامه ويتاسفلك بالبق بتقلبيها من ناحيه تانيه عشان تعرفي تتحكمي في و تسيطري عليه.. انتم بتبصوا لبعض ازاي بعد كده، تعرفي اول مره اخد بالي ان محمود اخويا صوره تبق الأصل من بابا وانتٍ كمان زي ماما بس الفرق انك بتحاولي تقنعي نفسك انك بالطريقه دي بتعرفي تخليه زي الخاتم في صباعك و قد إيه فرحانه ان حتى في عز زعلك مرغوبه فيكي منه.

لاحظت ايمان اضطراب ندى وبكائها المتصل، فلم ترد أن تزيد الطين بلة و قالت محاولاً بث الثقة والطمأنينة فيها 

= طب انا مش هاخد الكلام منك بزعله عشان شكل حالتك صعبه ومولك موال ايه لازمت كل العياط ده كمان وكلامك اللي مش مفهوم هو انا دلوقتي بسال عليكي ولا دخلتيني في احوالي مع جوزي.. ولا بتحاولي تداري على الكلام عشان ما اسالكيش .

هزت رأسها بالنفى قائلة بصوت مختنق

= بالعكس انا جاوبتك عشان هي دي نفس مشكلتي الأساسية أصلا! اللي انتٍ وجوزك بتعملوا في اي وقت مهما كان متخانقين ولا بينكم ايه الموضوع ده برده بيحصل بينكم و ما بتقدروش تفرقوا بين ده وده.. اهو انا بقى عشان كده بكره العلاقه دي 

عقدت حاجيبها بدهشة وقالت بنبرة قلقة 

= انتٍ قصدك العلاقه الزوجيه بتكرهيها... بتكرهيها بمعنى بتكرهيها طب ليه؟!. 

هزت رأسها بالايجاب عدة مرات ولم تستطيع الانكار هذه المره، لقد انهارت تماماً وفقدت السيطرة على حالها وبدأت تردد بصوت متألم بحرقة 

= أنا حقيقي نفسي ابطل افهم عشان الموضوع ده تعبني نفسياً وكل مره بفتكر اللي سمعته بجد مش قادره اتخطي الموضوع ده نفسي ارجع مش فاهمه حاجه تاني كأني عيله صغيره مخها ما فيهوش اي شيء الا البراءه، يا ريتني ما اتجوزت ولا عملت الموضوع ده مع جوزي عشان افهمه بكل تفاصيله كده.. وافضل كل شويه اتخيل هو ده اللي كان بيحصل بينكم؟؟ وهي دي العلاقه الجـ.ـنسـ.ـيه اللي بتستمتعوا بيها وتبقوا فرحانين؟؟ ده أنا كرهتها وقرفت منها من أول يوم....

تنهدت الأخري بيأس من عدم فهمها الامر جيد لتقول بتافف

= اهدي يا حنين عشان افهم منك! انتٍ ايه أصلا مشكلتك مع جوزك ولا مع العلاقه ليه بتكرهيها الكره ده.. ومالك اصلا اذا كان احنا بنمارسها غلط ولا صح ما تخليكي في نفسك ومع جوزك طالما يا ستي شايفانا احنا غلط اعملي انتٍ الصح بتقارنينا ليه بمشاكلك واحاسيسك دي 

بدأت الدموع تتجمع في مقلتي حنين وهي تستعيد ذكريات تلك التجارب المريرة في عقلها مردافه بانكسار 

= هو انا مبسوطه باللي انا فيه نفسي ابطل فعلا افتكر كل ده؟ نفسي كل ما جوزي يقرب مني احس بنفس الاستمتاع اللي بيحس بيه وبتتكلموا عليه؟ نفسي انسى كل حاجه سواء صح ولا غلط متخزنه جوه دماغي من الموضوع ده! عارفه انا امبارح فضلت أراجع كل اللي في بطني وانا سامعاكم! وانا بتخيلكم! وانا بفتكر امي! وانا بفتكر نفسي مع جوزي...

هزت رأسها بعجز وهي تبكي بحرقة، كان قلبها يعتصر من الألم، لقد ماتت روحها بعد ما بدات تعاني بمفردها كعادتها وطول حياتها بمفردها طول فتره زواجها 

= انا بكرهها لا بقرف منها.. ده كان تخيلي عنها ما بالك لما بقيت امارسها قرفت اكتر اقول لك على حاجه مش هتصدقيها انا بعد ما طارق بيلمسني ويخلص مباطقش نفسي دقيقه واحده وبحاول بسرعه اقوم من جنبه عشان انظف نفسي كاني واحده رخيصه بتبيع نفسها مش ده حلالي والمفروض اعمله عادي وربنا محلله... 

أضافت حنين ببكاء حار وهي تشعر بعدم قدرتها على فهم ذلك الشعور او مقاومته 

= انا مش قادره اقتنع اصلا أن ربنا محلل حاجه زي كده بين الازواج واني مطلوب مني اعمل كده وده حق جوزي عليا .. عشان كده بهرب طول الوقت! ايوه بحاول لما يرجع أعمل نفسي تعبانه ولا نايمه ولو اضطريت بتبقى اسوء لحظه في حياتي ونفسي تخلص بسرعه.. انا بحس نفسي بتنفس براحه كبيره لما بيبعد عني وينتهي! عارفه كمان ايه اسعد لحظه في حياتي لما يجي ليا العذر الشرعي عشان لما يقرب مني اقف بكل ثقه اقول له لأ.. مش هتقرب مني ولا تلمسني! مش هتجبرني غصب عني اكون تحت طوعك عشان ارضيك وارضي ربنا... واسيبك تخنقني تحت إيدك عشان تمارس عليا العلاقه المقرفه دي .

حاولت إيمان تهدئة حنين ولكنها كانت على وشك الإنهيار أمامها لتقول الأخري بصدمة كبيرة 

= يخرب عقلك كل ده شايلاه في قلبك من الموضوع ده حرام عليكي نفسك كده يا حنين وحرام عليكي جوزك و ربنا.. هو اصلا لحد دلوقتي مستحملك ازاي ولا مش ملاحظ حاجه زي كده.. 

تراجعت للخلف هامسة بصوت مختنق وهي تشعر بانها على وشك الانهيار ولا ترغب الأخري ان تراها بحالتها تلك

= ما هي دي مشكلتي دلوقتي ان ابتدا يلاحظ ولما واجهني ما عرفتش اقوله ايه؟ ما هو اصلي هقول له كل الكلام اللي قلتهلك دلوقتي مش هيفهمني ولو دخل اهلي في الموضوع وده المتوقع مش هيفهموني هم كمان و الله أعلم رد فعله هتكون إزاي ولا رد فعلهم.... و اللي زاد انه بيشتكي كمان ان انا ساكته معاه ومش بحس باللي بيعمله ولا بتفاعل وانا مش قادره اصلا اتقبل العلاقه عشان ابدله . 

ظلت ايمان تنظر لها في ضيق وحنق ثم قالت بحده

= لا لا بلاش هبل ولا تقوليله ولا تقولي لاهلك احنا فعلا مش متخيلين رد فعلهم هيكون ايه وهتتطين اكتر عليكي وهيكون كده لي حق يتجوز عليكي يا عبيطه فتلمي ولمي ليلتك... 

و بصراحه مكبره الموضوع أوي مع انه سهل خالص.. حاجه بسيطه مثلي ان انتٍ بتستمتعي معايا وبتحسي بيه وحابه الموضوع زيه!. 

برقت عيني حنين ونظرت إلى ايمان فاغراً فمها، بينما بادلتها ايمان نظرات تحدي لتقول هي بفزع بصدمة 

= انتٍ بتقولي إيه انتٍ مجنونه! ولو نفترض يعني نفذت كلامك هو مش هيحس ان انا بمثل!. وبعدين كده يعني المشكله اتحلت ما في مشاكل تانيه كتير زي اللي حكيتها لك ان انا مش بطيق الموضوع ده خالص ولا عاوزاه يقرب مني .

مطت شفتاها باستخفاف وهي تردد بنفاذ صبر

= ما هي ما فيش حاجه اسمها ما ينفعش يقرب منك ده جوزك والموضوع ده لازم يحصل بين المتجوزين، ما هو يا حبيبتي ما فيش راجل يقدر يستغنى عن كده الا لو في عيب، وجوزك طالما اشتكى يبقى ما فيهوش عيب.. وارجع تاني واقول لك لو حد من اهله عرف الموضوع هيطلعها في دماغه يتجوز عليكي ولو حد جي يشتكي هيقول لهم ساعتها اللي فيها، وقتها يا حبيبتي اهلك هم بنفسهم هيقولوا له دي ملهاش نافعه واحنا اللي بنقول لك اهو اتجوز وهيفتكروكي بتدلعي .

هزت رأسها بيأس وهي تجيب ببكاء مرير

= بس انا مش بدلع والله انا فعلا بحس بكده.. هو انا يعني غاويه عذاب لنفسي وتعب اعصاب.. انا فكرت كتير اقول له بس بتراجع دايما عشان فكرت برده بنفس كلامك أن محدش هيفهمنا ولا هيحس ان انا في مشكله فعلا..

عادت إيمان تتحدث بإصرار وجدية 

= عشان كده لازم تسمعي كلامي... اسمعيني كويس! في نوعيه رجاله كده يا حبيبتي لازم يحسوا بالست وهي بين ايديهم انه مشبعها ومهنيها بالذات في الموضوع ده وهيحس مش بالسؤال يا خيبه بالفعل عشان كده هو فهم على طول واشتكى.. انتٍ بقى تنسي خالص جو بكره العلاقه وبقرف منها عشان مش هينفع.. وتركزي في حاجه واحده بس انك لازم تتقبلي غصب عنك وتمثلي كمان انك مستمتعه بكل لحظه وانك ملهوفه زيه.. ايوه تمثلي لحد ما انتٍ نفسك تصدقي التمثيليه دي وتعشيها ومع الوقت هتنسي كل الكلام ده اصلا .

شعرت حنين بالرهبة من كلماتها والصدمة، تطلعت نحوها باعين غائمة بالدموع بينما قلبها يؤلمها علي حالها لتقول بصوت مختنق 

= امثل! تفتكري هو ده الحل؟ انا مش فاهمه حاجه هي دي اصلا طبيعه العلاقه اللي بتحصل بين الرجل والست.. طب لما امثل ان انا مبسوطه معاه وانا مش مبسوطه وصدق ودخلت عليه، هحس امتى اني مبسوطه من الموضوع ده! هو ده العادي كده؟ هي العلاقه دي معموله عشان ايه بالظبط ربنا ليه خلاها تحصل ما بين الراجل والست ما كان ممكن اي طريقه يخلفوا منها.. ولا هي معموله عشان الراجل يستمتع بس والست لا .

إيمان وهي تزفر في ضيق وقالت بسخرية 

= هي في ست بتستمتع الأيام دي يا اختي بلا خيبه، كل راجل بيدور على مصلحته حتي بالمواضيع دي، ولو اتكلمت وقالت انا عاوزاها بالشكل ده ولا مش عاوزه النهارده ولا مش مستمتعه على رايك.. هتشوف ايام سوداء وتلاكيك على اتفه الأسباب وخناقات بالكوم! فالأحسن ناخدها من قصيرها ونعيش كده ونخليها تمشي بمزاجنا مبسوطين حتى لو بنمثل

شحب لون وجهها وتجمدت أوصالها من مجرد تخيل المنظر في مخيلتها جعلها تشمئز وتحتقر هذه العلاقه أكثر مرددة بانفعال 

= بس ده ظلم ليه نمثل ان احنا مبسوطين واحنا مش كده! هو لو فعلا الشيء ده معمول عشان مصلحه ومتعه الراجل فانا ليا حق اكرهها واقرف منها.

حاولت الأخري ادخال الأمر داخل عقلها معتقده بان ذلك الحل بعلاقتها مع زوجها، و لكنها رفضت بكل عنف ثم نظرت إليها بنظرات حادة قاسية ومميتة وهي تقول بتفهم 

= آه انا فهمت ليه دلوقتي بتقبلي جوزك بعد ما بيمد ايده عليكي عشان بتمثلي ومش بعيد تكون ماما كانت كده زيك انما انتم في الحقيقه مش طايقينهم .

إيمان وقد لوت شفتيها بضيق شديد متحدثه 

= خلاص عيشي تكرهيها بس ما ترجعيش بعد كده تندبي حظك.. ما تخليكي واقعيه شويه هو انتٍ عمرك في حياتك سمعتي ولا شفتي راجل بيسال الست عن رغبتها ولا هي مبسوطه وهي معاه.. اذا كانت في عشته ولا في السرير ؟!. فكري في كلامي مره اخيره او جربي يا ستي حتى لو مره مش ممكن تستمتعي ويعجبك الموضوع وانتٍ بتمثلي..

نظرت إليها مطولاً بتردد وهي تفكر لكنها بسرعه رفضت الاستسلام للأمر ذلك وشعرت بالغضب والنفور وهي تنظر لها بتقزز ثم قالت بصرامة حاده 

= مستحيل اعمل كده طبعاً، انا عندي اعيش حياتي كلها قرفانه وانا واضحه احسن ما اعيش وانا بمثل أني مبسوطه وانا من جوايا قرفانه وبتعذب اكتر... حتى وانا بعبر عن احساسي بالوجع عاوزين تقتلوه فينا. 

** ** **

يـتـبـع.

الفصل الرابع 

_________________

إبتسامتها الرائعة التي تتغلغل إلى قلبه من أول يوم رآها جعلته يهيم بها أكثر ودون تفكير جعلته يركض إلى أحضانها ليجعلها تعود حتى وان كانت هي المخطئه وعتابها له على تركها بمنتهى اللطف، واول ما عادت الى المنزل  كلماته أخذت ترن في أُذناها

= نورت بيتك، حنين ممكن عشان خاطري نزعل ونتخانق ونغضب هنا.. انا ما بحبش حد يعرف عني حاجه ولا عنك حتى لو الموضوع يستاهل الزعل خلينا نحل مشاكلنا مع نفسنا ممكن!.  

هزت رأسها بالايجاب بتفهم وأجابت بصوت جاد

= على فكره انا قلت لهم ان انا جايه زياره ما جبتلهمش سيره خالص ان احنا اتخانقنا ولا اي حاجه عننا رغم انهم بيضغطوا عليا كتير.. بس انا كمان زيك مش عايزه حد يعرف عننا حاجه 

أبتسم طارق ابتسامة ارتياح وهو يرد بحذر 

= طب حلو أخيرا اتفقنا على حاجه، وانا ما جبتش سيره والله لماما خالص ولا تعرف اصلا ان انتٍ كنتي غضبانه كل ده.. وهي كده كده سافرت البلد هناك قبل يومين وما حسيتش بعدم وجودك.. واتمنى بقى تكون اخر مره تغضبي فيها على اتفه الاسباب  

هتفت حنين وهي تنظر إليه نظرات حانقة

= انت قلت في الطريق مش عايزين نفتح الموضوع عشان ما فيش اصلا سبب للخلاف اللي حصل ما بينا مش كده؟ يبقى ليه دلوقتي 

بتقول عليا تافهه ايه لما صدقت و بتلكك انا ولا مجنونه وبعمل كده من نفسي  

أخذ نفساً عميقاً وحاول ألا يتجادل معها مجدداً حتى لا يتفاقم الوضع محاولاً التحكم في أعصابه ليرد باقتضاب

= خلاص انتٍ لما صدقتي تتفتحي وتتخانقي تاني مش قصدي خلاص بس بجد ضايقتيني وعصبتيني أوي بسبب انك سبتي البيت، خلاص حقك عليا انتٍ صح لو رجعنا تاني للخلافات كل واحد هيمسك في وجهه نظره ومش هنخلص ....

تقدم نحوها ليجذبها من مرفقها قبل ان تهرب كعادتها واحتوي وجهها بين كفيه متسائلاً بأبتسامة متسعه 

= وبعدين هو البيت ما وحشكيش ولا صاحب البيت في حاجات أهم المفروض نركز فيها مش كده... مش كل شويه بقى خناق ونكد انا اسمع طول عمري المشاكل بتبدا بعد سنه احنا بنبدا ده من بدري ليه وناسيين حاجات اهم و حلوه في الجواز.. ولا إيه .

اومات برأسها ثم تنهدت حنين بحرارة وعضت على شفتيها قائلة بنبرة حزينة

= آه مظبوط.. في حاجات تانيه كويسه في الجواز تبسطنا .

انحنى طارق برأسه على حنين ليقبلها قبلة حارة على شفتيها بث فيها أشواقه وتلهفه على رؤيتها وهو يردد باشتياق 

= أحبك وانتٍ فاهماني تعالي بقى معايا جوه....

لم تشعر إلا وهي غارقة في عالم يائست تستطع التكيف معه، لكنها كانت مجبرة على الخضوع لذلك...، ولان كلمات إيمان زوجة شقيقها، ما زالت تتردد في أذنيها، تذكرها بأمور كانت تعتقد أنها نسيتها وخلفيتها عن الممارسه الخاطئه في ذهنها كل ذلك جعل تقبل الوضع هذه المرة صعبًا للغاية، وكان واضحًا أنها كانت باردة وجامدة معه.

اعتدل طارق من نومه ودار بنظره في المكان بغضب واضح وفقدان أعصاب.. هذه المرة لم يتجاهلها، بل نزع الملاءة بعنف وألقاها على الأرض، ثم نهض من جوارها وعيناه مشتعلة بالغضب، وضع يديه على رأسه كأنه يحاول إخماد النيران التي اشتعلت داخله. تحرك في الغرفة ذهابًا وإيابًا، والدماء تتصاعد في عروقه، وهو يردد بكلمات مليئة بالعصبية والانفعال.

= انا مش عارف هو انا بعاشر لوح ثلج بقيلي خمس شهور؟؟ امتى هيفك البرود اللي انتٍ فيه ويتزاح... 

اتسعت عيناها بحده فشعرت بالصدمة من أسلوب زوجها القاسي تجاهها، لم تكن تقصد ما فعلته وكل ما استطاعت استيعابه هو أنه مل منها وكانت تخشى أن يكتشف أمرها. فسألته باندهاش وهي تشعر بالاهانه 

= برود ولوح ثلج ايه... انا بارده يا طارق.

اقترب طارق منها ثم جذبها بقسوة من ذراعيها فتآلمت بشدة،ثم صاح بها بحدة 

= هو انتٍ مالك بجد يا شيخه شويه احساس مش كده ما انتٍ لسانك بيفضل معايا قد كده وش لوش و أول ما بتكوني بين ايديا تقلبي جماد وما بتحسيش وبارده...

ردت عليه بنبرة غاضبة وبأعين تترقرق بها الدموع

= ما تحترم نفسك يا طارق هو انت عمال تغلط وتشتم فيا كل ده عشان ايه؟ مين دلوقتي اللي نكدي انا ولا انت .

نظر إلى حنين بنظرات فاحصة قاسية باردة قبل أن يقول بخيبة وحسرة 

= انا بكلم فيه مين اصلا؟ اقول لك على حاجه انا سيبلك الدنيا كلها وماشي طالما هتفضلي طول عمرك عبيطه كده ومش قادره تفهمي  جوزك عاوز ايه بالظبط .

❈-❈-❈

مرت عده أيام بذلك الوضع وطارق يتجاهلها وكان يعود من العمل متأخر حتى لا يقابلها،  بينما علي الجانب الآخر لاحظت حنين شرود زوجها كثيراً منذ تلك الليلة وهو يعيد حساباته في أشياء كثيره، تعلم جيد بانها السبب في ذلك لذا قررت أن تهون عليه قليلاً.. 

كان طارق يجلس على الأريكة وممسكاً بالريموت في يده، ورغم هذا هو لا يتابع شيء بعينه فقط مجرد ضوضاء يصدرها التلفاز من حوله.. اقتربت بتردد منه وهي تمسك بيديها طبق من الحلوى وابتسمت له قائلة

= انا عملتلك رز بلبن هيعجبك أوي... اتفضل!. 

نظر لها مطولاً بضيق وهو يقول بسخرية

= تعبتي نفسك على الفاضي لاني ما باكلش اي حاجه فيها لبن! فمن رايي توفري حتى اهتمامك اللي مش عارفه تعمليه ولا عارفه عن جوزك حاجه بيحب ويكره ايه .

أخفضت عينيها بحزن وهي تقول بنبرة يأس

= ليه يا طارق بتقول كده ما انا واحده واحده اكيد هفهم انت عاوز ايه واعمله!. طب تحب اعمل لك ايه تاني غير الرز بلبن بتحبه .

جز علي أسنانه باقتضاب وهو يردد بجفاء

= عاوزك تمشي من قدامي وتسيبيني في حالي وبطلي تعملي فيها الزوجه اللي قلبها أوي على جوزها، عشان انتٍ عارفه كويس انا عاوز ايه ومع ذلك ما بتهتميش غير لمصلحتك

حاولت التحدث والتبرير هاتفه بتردد 

= طب ممكن نتكلم شويه و....

قاطعها الآخر بنظرات وصوت حاد بجدية

=انا عايزه اتفرج على التلفزيون يا ريت تمشي من قدامي عشان مش فاضيلك ولا عاوزه اسمع صوتك.....

صدمت حنين مما يفعله طارق معها، اعترضت في البداية على جفاؤه ولكنه أوضح لها 

بنظرات حادة بأنه لا يرغب في رؤيتها امامه ولا الحديث معها...

بدأت الأمور تسير هكذا على ذلك النحو فتره

تجاهل وأحيانا يتشاجران لاتفه الأسباب بدلا من أن يتحارون في الموضوع الأساسي، بدلا من الهروب واختلاق أسباب وهميه.

❈-❈-❈

في إحدى الليالي، خرج طارق كعادته ليقضي الوقت مع أصدقائه حتى لا يراها. بينما كانت حنين تجلس تفكر في حديث إيمان، قررت أن تجرب طريقتها في التعامل معه وأن تظهر له أنها تستمتع حتى لو كان ذلك على حساب مشاعرها، عسى أن تساعد نفسها في التخلص من المشاكل التي تواجهها.. لذا قررت أن تجرب الأمر مرة واحدة، ربما تجد في ذلك حلاً يخلصها من الأعباء التي تثقل كاهلها.

وفي النهاية، قررت أن تفعل شيئًا لم تكن ترغب في القيام به في البداية، لكنها شعرت بأنها مضطرة لذلك لتتمكن من مواجهة حياتها والتخلص من مشكلاتها وحياتها التعيسة.

عاد طارق من الخارج بوجه متعب ومحبط وقبل أن يدخل الى غرفته تفاجأ بحنين مازالت مستيقظه على غير العاده! والأمر لم يتوقف الى هنا فقط؟ حيث تشدقت أمامه تلك التي تتهادى في ثوبها الأسود والذي يصل إلى كاحلها ذو فتحة ظهر واسعة أظهرت ظهرها كاملاً و كذلك فتحة صدر أبرزت جمال نحرها وذراعيها المكشوفان ببذخ وتركت خُصلاتها حُرة تُداعبه نسمات الهواء...

حاولت رسم ابتسامة حنون وهي تقول بصوت حاني

= اتاخرت أوي انا استنيتك كتير.. هو انت كنت فين كل ده؟   

ظل طارق عدة دقائق يستوعب الأمر ولا يفهم ما الذي تريده من ذلك؟ فقبل أيام كانت لا تطيقه وعندما يعود من الخارج يراها ترتدي ذلك الرداء المثير و بانتظاره؟ لكنه حاول رسم الصرامة مرددًا بجمود

=والله فارق معاكي أوي لا وكمان قاعده مستنياني انجاز فظيع بجد منك لازم اسقفلك عليه على الاقل ما دخلتيش عملتي نفسك نايمه عشان لما ارجع وافكر اقرب منك تاني تلاقيها حجه.. 

وقفته أمامه مباشرةً وهي تتحدث بنبرة ناعمة

= انت بتقول ايه انا مستنياك عشان قلقانه عليك وانت اول مره تتاخر كده.. على فكره مش اول مره افضل مستنياك أنا كل يوم بستناك بس ساعات غصب عني آآ بنام عادي 

مسح على وجهه بعنف بالغ أدى إلى إحمرار وجهه ثم هتف بسخرية مريرة 

= تعبتي نفسك على الفاضي يلا بقي خشي  كملي نوم وسيبيني في حالي، ولا تكونش الهانم مستنيني عشان تكمل وصله النكد وتلاقي حاجه تغضب تاني عليها ؟!. 

امتعض وجه حنين وهي تجد تلك الردود الجافة منه، لتقول بنبرة باهت

= مالك يا طارق من ساعه ما جيت عمال تعاملني كده ليه وتغلط فيا؟ انا على فكره مستنياك عشان اتاسفلك انت آآ معاك حق انا ما كنتش في المواد يومها و في مشاكل كده حصلت عندي في البيت اثرت عليا عشان كده كنت معاك كده 

زم شفته بيأس وإحباط ليقول متهكماً 

= انتٍ كده على طول من اول يوم جواز بس كنت بقعد اقول لنفسي معلش عروسه جديده ومكسوفه وحقها تعمل كده واكتر خصوصا ان كل حاجه جت بسرعه وما لحقناش ناخد على بعض.. انما أساليب كتير دائما بتوصلني لحاجه واحده انك مش طايقاني ولا عاوزه قرب مني مع اني مش فاهم ليه؟!. فلو في سبب تعالي دغري وقولي عشان نوفر على بعض المناهده دي كلها 

أطرقت رأسها في خجل وهي تقول بنبرة كاذبه 

= لا طبعاً أكيد عاوزك زي ما عاوزني.. وببقى مبسوطه لما تقرب مني بس انا مشكلتي مش بعرف أعبر عن كده كنت ببقى فاكره ان هو ده الجواز.. أو علاقه بمعنى اوضح لازم اكون معاك كده.. فانت فهمني الصح واللي عاوزه وانا هعمل لك كل اللي انت عاوزه 

جز علي أسنانه مغتاظًا وهو يزفر في ضيق

=الحاجات دي بالذات ما ينفعش اقول لك انا عاوز ايه لازم تحسيها لوحدك.. واللي تحسي بيه اعمليه او اطلبي كمان مني انما انتٍ بتحسسيني بعكس كده خالص.... 

كلمة واحده خرجت من بين شفتيها انهت كل شئ بل وجعلته يترك لها نفسه أرضا لقلبه بكلمة تمني سماعها تردد بلهفه زائفة 

= طب سهل الموضوع اديكي عرفتني بطريقي غير مباشره عاوز ايه وانا كده فهمت... تعالى حتى نجرب وبنفسك هتشوف أني اتغيرت.... 

حدق بـ زيتون عيناها وقال بعدم تصديق

= معقوله كمان بتطلبي مني انك عاوزه كده؟ لا كده كتير عليا بصراحه قاعده مستنياني وما نمتيش عشان تصالحيني وكمان بتطلبي مني نعمل علاقه.... متاكده انك كويسه يا حنين .

نظرت له مباشرة في عينيه بنظرات راجية متوسلة وقالت بابتسامة عريضة زائفه

= شفت مين فينا اللي بيغلس بقي؟ طب اعمل ايه عشان تصدق أن انا فعلا مش عاوزه ازعلك ونفسي اعمل كل اللي انت عاوزه وابسطك بس مش عارفه، بس هعرف لو اديتني فرصة أخيراً.... ممكن!. 

❈-❈-❈

قبلها بعمق علي جبينها ثم ضمها بقوة إليه مبتسماً بشدة وهو يتذكر كل ما حدث للتو فبعد أن رأها بتلك الهيئة وهي تطلبه أيضاً بنفسها لذلك الأمر نسي غضبه ونسي حتي حزنه و اوجاعه منها.. في البداية تعامل معها بمنتهى الهدوء وانتظرت رده فعلها التي جعلته يتفاجأ من أنها تبادله وبوضوح ظهر مدي تفاعلها معه و رغباتها به... لم يصدق نفسه حقا.

وهنا سقطت حصونها وحصونه وبدأت تلك الليله التي كان فيها هو المعلم وهي التلميذه

وأخيراً شعر بأنها ترغب به كما يرغب... و سرعان ما عملها برغبة واشتهاء... لكن لا يعرف بأن كل ذلك كان مجرد تمثيله لا أكثر.

فتحت عيناها ببطئ بعد أن شعرت بيده علي كتفها العاري ثم أنفاسه الدافئة علي عنقها، 

فضمها أكثر لاحضانه وهو الي الآن لا يصدق ما حدث فضحك من كل قلبه ورفع وجهها نحوه ليقول بنظرات عاشقة ونبرة حانية

= طب ما انتٍ حلوه أهو ويجي منك، كان فين الكلام ده من زمان.. حرماني منه ليه من اول يوم جوازه منشفه ريقي يا شيخه؟  

كانت تسمعه بصمت أما هو كان شارد يعبث بخصلات شعرها، فنظرت إليه بأعين مرتبكه واحساس الذنب يتغللها لكنها لم تجد اي وسيله لإرضاءه إلا كذلك حتى وان كانت على حساب نفسها، فسألت بتشتت

=بجد اتبسط! طب الحمد لله، قلت لك بس كنت مكسوفه شويه و ابعد عني بقي ما تكسفنيش اكتر 

في ذلك الاثناء انحني ليقبلها ولكن لم يجد إلا الهواء فقد تملصت من بين ذراعيه، فهتف بلهفة وهو مبتسماً بأستمتاع

= استني بس انتٍ رايحه فين مش لازم يا ستي الحمام اللي بتاخديه علي طول خليكي شويه معايا... 

لكنها حاولت أن تدافعه عنها لتذهب للمرحاض قبل ان يلاحظ حاله النفور والقرف الذي حلت بها بعدما ابتعد عنها، خرج صوت حنين ضعيفاً للغاية ومتحشرجاً

= طارق مش كل حاجه بقى مره واحده عشان خاطري سيبني دلوقتي عشان مكسوفه أوي منك، و اوعدك مره ثانيه مش هستعجل على الحمام وهستناك ناخده سوا...

وعند تلك الكلمات مال عليها ينظر لها بعمق بسعادة ومشاعر هائجه، ليتحدث بمرح مع ابتسامه مرسومه علي شفتيه مع بعض مشاعره التي تغيرت بمراحل نحوها 

= ده الظاهر امي دعيلي النهارده بذمه، بجد يا حنين هتعملي كده لا حلو التغيير ده اللي نط مره واحده... يعني كان لازم تطلعي عيني و  وتخلينا نزعل وصوتنا يطلع.. ماشي يا ستي اديني سبتك اهو بس اوعي تكوني بتضحكي عليا انا خدت منك وعد . 

حاولت رسم ابتسامة عريضة لتكمل باقي التمثيليه وأنها سعيده ولكنها كانت حزينة للغاية 

= لا خالص مش بضحك عليك طالما وصلت للي انت عاوزه وبيسعدك... 

❈-❈-❈

صعدت في تلك اللحظه زينه إلى منزل طارق وهي تحمل بيديها كعادتها طعام إلي طارق كونه يجلس بمفرده فلا تعرف بعودة حنين،

فكان بالها وفكرها مشغول بكل ما يقوله أو يفعله في أبسط الأمور تجذب اعجابها لكنها قبل أن تطرق الباب استمعت الى اصوات بالداخل، عقدت حاجيبها للاعلي قليلاً بتعجب ثم تحدثت مع نفسها بضيق دون مبرر

= في صوت جوه حد معاه؟ الظاهر حنين رجعت معقول لما شفته من شويه نازل كان رايح يجيبها؟ رغم انه كان زعلان منها أوي

ثم حاولت إقناع نفسها أنه ربما مل منها ولم يعد يحبها وهي تردد بضيق 

= او جايز حد صالحهم على بعض انا مالي ربنا يهديهم لبعض، اما انزل بسرعه قبل ما حد يشوفني بالاكل ده ويسالني طالعه ليه.... 

لوت ثغرها بتآفف والتفتت لترحل بالطعام بخيبة أمل وهي تردد بحسرة وزعل علي حالها 

= يا رب اوعدني بحد زي طارق كده، حتى لو انا اللي زعلته يروح يصالحني ويهمه أوي كده زعلي.. اوعدنا يا رب . 

❈-❈-❈

كان طارق مشغولاً بالبعث على هاتفه حينما دق هاتف زوجته المحمول عدة مرات دون توقف أمسك به بيده ثم نظر إلى الشاشة ليظهر اسم إيمان، اعتلت الدهشة وجهه من اتصالاتها المتكرره ليقول بصوت عالٍ 

= حنين تليفونك عمال يرن برقم واحده اسمها ايمان.. يا حنين سمعاني؟ مش دي مرات اخوكي محمود اتصلت كتير اوي لايكون في حاجه عندكم... 

لم يأتي صوتها ولم تسمع من الأساس لذلك اضطر ان يجيب عليها خوفاً أن يكون هناك شيء خطير وعندما فتح الخط أسرعت الاخرى تقول دون توقف بفضول 

= في ايه يا بنت عماله اتصل بيكي مابترديش  على طول ليه؟ شكله حصل مش كده عشان تعرفي بس نصائحي اخرتها ايه، ما قلت لك يا حبيبتي مثلي زي ما كل الستات بتعمل انك مبسوطه باللي جوزك بيعمله وحياتك هتمشي زي الفل وانتٍ كمان هتصدقي نفسك مع الوقت انك مبسوطه مش قرفانه زي زمان منه... هاه طمنيني وبالتفصيل عاوز اعرف كل حاجه عشان اطمن على خطتي اللي نجحت وبجداره... انتٍ ما بترديش عليا ليه؟؟؟ 

خرجت في تلك اللحظه حنين وهي تلف الفوطه حول شعرها المبلل، لتنظر له بغرابة وهي تقول 

= ايه ده هو تليفوني اللي معاك ده انت بتكلم حد منه ولا ايه؟!. 

نظر لها بنظرات قاسية ونهض من مكانه و وقف أمامها في مواجهتها ثم هتف بحدة

= قلتلي من فترة ان في مشاكل في البيت عندكم اتخضيت وقلت ارد لما فضلت تزن.. بس رديت عليا ايمان مرات اخوكي وقالت كلام غريب أوي! يا ريتني ما فتحت عليها ولا سمعته.

صدمت حينما أدركت أن زوجها علم جزء من حقيقتها، لم تعرف ماذا تفعل كيف ستتصرف .. لقد بات الآن أمامها صعب لتقول بصوت متوتر 

= ايمان دي دماغها ضربه احنا مش بناخد على كلامها اصلا بتقول كده حاجات ملهاش معنى.. هو انت سمعت ايه بالظبط منها .

أسرع ناحية حنين وأمسكها من ذراعيها بيديه، انتفض جسدها على الفور حاولت أن تفلت من قبضته ولكنه أصر على الامساك بها بعصبية شديدة، قبل أن يصيح بنبرة ميتة 

= سمعت وعرفت ان اللي حصل بينا من شويه ما كانش الا مجرد تمثيليه منك عشان تحسسيني انك فعلا بتكوني مبسوطه معايا.. 

لا كمان عرفت انك كل مره كنت بقرب منك كنتي بتبقي قرفانه! طب بعيد ان انتٍ طلعتي اسرار بيتنا بره يا ريتك حكيتي لواحده نصحتك نصيحه كويسه مش تخرب عليكي! الكلام اللي قالته ده صح ؟!. 

شعر بتجمد جسدها بين ذراعيه عندما أكتشف سرها، هي بالفعل ضعيفه وهشه وعديمه الخبره، ولا تعرف أين الصحيح والخطا لكن بالنهايه هدفها كان اسعاده لا أكثر وأن تزيح هذا الهم والثقل والشعور بالذنب من أعلى قلبها.. ابتلعت ريقها بصعوبة تهتف بنبرة خائفة 

= لا مش بالظبط انت فاهم غلط اسمعني انا...

أبتعد هو عن مكانه ثم ضرب بقبضته بالحائط بكل ما أوتي من قوة بجنون، ليصرخ بشراسة 

= انتٍ ايه وزفت ايه؟ هو انتٍ مين بجد حنين اللي حبيتها وكنت فاكره هي كمان بتحبني؟ عشان كده بسرعه اتخرجت ورحت دورت على شغل عشان اتقدملها و وقفت قدام أمي و قلتلها لا مش هتجوز غيرها... طب والنظرات ولمعه العيون اللي كانت ما بينا واللهفه و الاشتياق اللي كنت بحس بيهم لما اجي عندكم ده كله كان ايه مش حب زي ما انا كنت بقول لنفسي.. هاه رد عليا هو انتٍ عمرك حبيتيني بجد ولا انا كنت عايش في وهم مع نفسي..

كانت الأخري تسمع وهي مطرقه الرأس بذنب

بينما شعر أنه يختنق عاجز عن التنفس، وهو يشاهد كل شيء أنهار في لحظة أمامه فلقد هان عليها، لينظر لها بنظرات جافة باردة خالية من الروح مرددًا بخذلان  

= تصدقي ان سالت السؤال ده ليكي متاخر أوي انتٍ بتحبيني زي ما انا حبيتك؟؟ رد عليا وبلاش تعملي تمثيليه زي اللي عملتيها من شويه واحنا مع بعض.. احسن انتٍ في الحاجات دي ايه طلعتي ممثله بارعه ده انا صدقت فعلا انك اتغيرتي في المدة اللي انا سبتك وكنت بعيد عنك عشان تحسي قد ايه  بتدمري علاقتنا.. وفرحت انك مستمتعه بين ايديا .

ارتعش جسدها لتنظر له بنظرات نادمة فهي بالفعل كانت لا تريد ان تفعل هذه التمثيليه لكن ما باليد حيله وليس هناك أمر غير ذلك أمامها ارادت فعله لاجل سعادته دون التفكير بنفسها، فلما يحاسبها الآن وهي كانت تصارع نفسها وترهق نفسياً من هذا الأمر يكون جزائها بالنهايه هكذا .

حاولت حنين أن تتحرر من قبضته كانت تدفعه بكل قوة ولكنه كان محكماً قبضته عليها 

فلم يستطيع التحكم في أعصابه و هو يصيح 

بقسوة و قد نفذ صبره  

= انتٍ لسه هتسهمي وترجعي تسكتي تاني  وفري دموعك دي كمان عشان مش هتصدقها، انا مش فاهمه بتعملي كل ده ليه؟ ويعني ايه قرفانه مني في حد تاني مثلا ولا انتٍ بتكرهيني في العموم كده من غير اسباب و لا حكايتك ايه بالظبط انا تعبت وطهقت منك.. يا شيخه ملعون اليوم اللي حبيتك فيه على اليوم اللي اتجوزت واحده بارده زيك في كل حاجه. 

إلى هنا لم تستطيع الصبر والضغط على نفسها اكثر من ذلك، فشعرت بآلام دون أن تتمالك نفسها أكثر لقد كانت تختنق بعبراتها وبدأت تعلو شهقاتها لتقول بصريخ بعناد

= انت اللي تعبت والله امال انا اعمل ايه؟ على الاقل حتى لو اتجوزتني غصب عنك زيي على الاقل مش بتحس بنفس الاحساس لما بتهرب مني! وكمان بتتهمني انا اللي بارده و ليه ما يكونش العيب فيك اصلا مش فيا كل ده... عاوز تعرف انا بقرف من ايه بالظبط بقرف من العلاقه لما بتقرب مني؟ لما تلمسني.. لما بتمارس القرف ده معايا.. عشان كده مش بطيق نفسي دقيقه وبجري على الحمام استحمى ولو لازم الامر كمان بجيب اللي في بطني كله .

وضعت كلتا يديها على وجهها هي تشعر بالحنق والغضب مما قاله قبل أن ترفع رأسها بحده من احساس الضغط الذي كانت تمارسه على نفسها خلال تلك الشهور لتضيف بغضب عارم وبشجاعة 

= انا مش فاهمه انت بتلومني عشان ايه علشان بمثل يعني؟ طب ما تسال نفسك انا بعمل كل ده ليه عشان احاول اساعدك واخليك مبسوط حتى على حسابي! يا اخي ده انا حتى التمثيل لقيت نفسي بحس بنفس الاحساس اللي حسيته معاك اول يوم جواز وبرده ضغطت على نفسي، اعمل لكم ايه تاني

اقول لك على حاجه روح يا سيدي اتجوز واحده تحس معاها الاحساس دي وتكون مبسوطه وانت بتنام معاها.

صعق طارق بكل ما فيه وهو يستمع كلامها الجارح والحقيقه المره مما أصابه بالصدمة والدهشة فهل تزوجت به تحت ضغط من أسرتها فمعنى ذلك بأنها لم تحبه مطلقا، وقف  مشدوهاً بما سمعه وظهر علي ملامحه متألم من كلماتها الأخري أنها تكرهه لدرجه تشمئز منه، لتكمل بوجع وهي تشير بإصبعها علي نفسها بصوت ضعيف خائف

= لكن انا مفيش مني رجاء ولا امل! ولا هتبسط بالموضوع ده ولا هطيق لمستك ولا استحمل عادي من غير ما اغسل جسمي من قرف قربك... انا حتى الاحساس عن التعبير عن كده قتلته جوايا 

فاغراً فاه بعدم تصديق فالمعنى الحقيقي الى كلماتها لم يصله جيداً غير انها لا تطيقه وليس لديها عقد تركت اثر لذلك داخلها، ليهتف بقسوة وبنظرات حــادة

= هو اللي انا بسمعه منك دي حقيقه انتٍ ما كنتيش بتمثلي عليا بس من شويه لا طول حياتك بقى على كده.. وزعلانه عشان بقول عليكي بارده وجماده وما بتحسيش ولا عندك دم ولا مشاعر.. انتٍ ملعونه بايه 

حاولت أن تستجمع قدر قليل من شجاعتها أكثر ليكف عما يفعل، حيث غضبت بشدة لتصرخ بنبرة عالية باتهام   

= زيك ذي اي راجل على طول جبتها في الست! مش جايز انت اللي مش قادر تخليني أحس بالمتعه والعيب فيك مش فيا... ليه من غير تفكير جبت الحق عليا وما فكرتش انك راجل مش كامل! ومش مالي عيني ومش قادر تخليني احس كل الاحاسيس دي . 

كان طارق في تلك اللحظه كالمجنون لم يرد أن يقترب منها مرة أخرى لانه يعلم جيد سيقتلها حتماً ليسكتها ولكن يقتله أمر خداعها له وظلت ألاف من الأسئلة تدور في رأسه يريد أن يعرف إجاباتها.. لكن ماذا سيفعل، هو لم يعد يتحمل البقاء إلى جوارها يشعر أنه يختنق ويريد تعنفها بشدة عتاب على ذلك الحديث المهين له...

حيث تحولت خلال لحظات ملامحه من الحنية إلى البرودة والقسوة و من السعادة إلى الشقاء من الود إلى الجفاء.. نظر لها مطولاً باحتقار شديد وهو يشعر بالاهانه والحذلان منها، فلقد استفزت رجولته بجرأتها عندما صارحت إياه بكل ذلك، بالإضافة إلى أنها أيضا اعترفت للتو أنها كانت مجبره علي الزوج منه بسبب ضغط عائلتها لا أكثر، فبالتاكيد بعد كل ذلك سيكون في موقف صعب للغايه ضدها ليصيح باحتقار شديد 

= تصدقي بالله انتٍ حتى خساره فيكي أني أمد ايدي عليكي ولا أعاتبك.. انا مش راجل كامل ماشي! اللي مش مالي عينك ده هيدفعك دم قلبك وزمن الطبطبه بتاع زمان خلاص خلص حتى لو بحبك، كل كلمه قلتيها دلوقتي ولا كدبه كذبتيها عليا ووهمتيني هدفعك ثمنها غالي.. ولو عاوزه تسيبي البيت في داهيه انا إللي بقولها لك اهو خلي عندك كرامه ولما ارجع ملاقيكيش...  

ما لم يدرك الاثنين أن زينه كانت تقف خلف باب المنزل ولم تمشي بعدما سمعت اصواتهم العاليه.. ولقد استمعت تقريباً إلى كل ما قاله الإثنين، اعتلت الصدمة وجهها فلم تتوقع هذا أبداً، صحيح كانت تشك أن هناك خطب ما بين الاثنين لكن لم ياتي في عقلها بأن الأمر يخص ذلك.. وعندما شعرت باقتراب احدهم من باب المنزل تحركت بسرعه الى الاسفل. 

تحرك طارق للخارج وكل الغضب الدنيا يمتلكه بعد ان كشفها وعلم الحقيقه او نصفها والنصف الآخر كان يتخيله يبنه ضد حقائق غير صحيحه داخل عقله. 

بينما تسمرت حنين في مكانها لا تدري ماذا تفعل، فا الوضع صعبة الآن مع زوجها، هي مصرة على أنها لم تخطئ وهو ظن السوء بها.. بل إنها تؤكد له بحديثها عندما لم تمتلك أعصابها، ارتكبت خطأ كبيراً وكيف ستحل تلك المعضلة الخطيرة ؟؟

❈-❈-❈

توجهت زينه إلى خلف طارق وهي تركض وراءه بالشوارع تهتف باسمه، حيث وجدته  يقف وعلى وجهه علامات الضيق و الحزن

وقفت هي الأخرى أمامه وقالت بتوتر 

= أستاذ طارق.. يا استاذ طارق لو سمحت أقف واسمعني بلاش تمشي وانت متعصب كده 

بدل ما تعمل حاجه في نفسك 

نظر لها مطولاً لتقول بسرعه بأسف وارتباك 

= آآ انا اسفه والله غصب عني سمعتكم أصل الصوت كان عالي أوي.. كويس ان والدتك مش موجوده اصلا لا إلا هي كمان كانت سمعت، ممكن بس تهدى وبلاش العصبيه انا صحيح سمعت صوتكم العالي بس برده ما عرفتش سبب الخناقه ايه والظاهر انها حاجه كبيره  

لم يتمالك طارق أعصابه وهو يقول بصوت متعباً متألم 

= الموضوع فعلا طلع كبير وانا اللي كنت فاكر حاجه تافهه.. انا تعبت ومش عارف اعمل إيه اكتر من كده عشان بس تحن شويه على جوزها وتعبره وتديله شويه اهتمام! هو في حد يستحمل اللي انا استحملته ده اصلا وهي  بـ... آآ دي مجنونه قالتلي في وشي روح اتجوز للدرجه دي مش فارق معاها لا وكمان طلعت ماكنتش موافقة تتجوزني وتقريباً اهلها أجبروها.. انا هتجنن كل ده يحصل وأنا ولا واخد بالي 

اخذ نفساً عميقاً محاولاً التحكم في أعصابه

لكنه لم يستطيع إخماد الآلام داخله، ليضيف 

باقتضاب

= بس كويس ان ده حصل عشان اعرف حاجه كنت بحاول اهرب منها من اول يوم جواز ومش راضي اعترف بيها.. انا اللي استاهل اني استحملت كل ده من البدايه اصلا على ولا حاجه 

عقدت حاجيبها بفضول وهي تتسائل بقلق

= حاجه إيه اللي عرفتها ؟؟ 

أجاب بمرارة وهو يعلو وجهه علامات الضيق والغضب 

=انها عمرها ما حبتني زي ما كنت فاكر و انها بتبادلني نفس شعوري و نظرتنا وابتسمتنا الحب الصامت زي ما كنت بقول ومسميه بينا كان بالنسبه لها مجرد إعجاب يمكن يكون راح اصلا انما انا طلعت بحب من طرف واحد.. عشان كده هي ولا حاسه بيا ولا حتى عاوزه تعافر عشان تصلح علاقتنا والقرف اللي احنا فيه ده بسببها اصلا .

مسح علي وجهه بارهاق وهو يشعر بالألم في حلقه، ثم تحدث بنبرة مقهورة 

= بس هو انا ايه اللي غصبني على كده؟ بجد إيه اللي يخليني اتذلل وافضل صابر عشان الهانم تعبرني ولا احس إن متجوز ست! ولا حاسه بيا ولا انا عارف احس بيها.. وفي الاخر بتتهمني ان العيب فيا ومش راضيه حتى تعترف باخطائها..

حاولت زينه أن تهديء من روعه ولكنها عجزت عن هذا وردت بحزن عليه 

= طب معلش انتوا الاتنين كنتم متعصبين أوي عشان كده كل واحد طلع اللي جواه من غير ما يحس وجرح التاني.. عشان كده ما تاخدش على الكلام ده! وتفضل تفكر فيه وتجرح نفسك اكتر.. جايز على فكره هي كمان دلوقتي حالتها صعبه و ندمت على اللي قالته ويمكن انت فاهم غلط وهي بتحبك 

كان فقط البرود والجمود يسوده فقد صار  روحاً معذبة تكتوي بجرحها له، بصوت متهكما

= بتحبني! اصلك ما شفتهاش ولا تعرفي من اول يوم جواز القرف اللي انا عايش فيه بالظبط ولا سمعتي كلامها اللي قالته فوق ولا عمايلها المتهوره اللي ما فيش حد عاقل يعملها.. دي ولا بتحس ولا بتحب ولا ندمانه حتى دي تلاقيها كالعاده دلوقتي بتلم شنطه هدومها عشان تغضب عند اهلها.. طبعا وانا الحمار اللي اجري وراها وافضل اطبطب و ادادي.. مش انا في الاول كنت بجري واتاسف حتى لو غلطان و اقول معلش ما انا بحبها وما اقدرش استغنى عنها لازم اتنازل وما فيش كرامه بين اتنين بيحبوا بعض بس اديني اكتشفت دلوقتي ان انا اكبر مغفل وعمايلي دي كانت بتخليها تتمادى اكتر في اذيتي .

حاولت ادعاء عدم الفهم حتى لا يسئ الظن بها لكنها نظرت إليه بعطف وحسرة بأن شخص مثله مناسب لتلك الفرص وبالأخير يعشق فتاه لا تشعر به وهي تتمني ولو جزء بسيط من  تلك الحياة، فحقا تري حنين فتاه مستهتره لا تشعر بقيمه ما بيدها.. ابتلعت ريقها بتأثر وهي تردف بنبرة حزينة 

= هي للدرجه دي المشكله كبيره وهي اذيتك! انا ما اعرفش ايه اللي جري لحنين بالضبط زمان واحنا عيال صغيرين في المدرسه كنا بنتمنى حد يحبنا ويهتم بينا ويعوضنا عن اي حاجه شفناها وحشه في حياتنا.. وانا للاسف وقعت مع واحد خلاني اكره حياتي كلها وفي الاخر اتجوز عليا وما لقيتش الشخص ده لحد دلوقتي... انما لما شفتك وشفت معاملتك لحنين قلت يابختها الامنيه بتاعتها اتحققت وانا لا!. 

لامست يده بحنان كتخفيف عنه لا ارادياً  بيديها ثم وجهت بصرها اليه بأعين دامعة وهي تردف بحسرة 

= هي بجد مش عارفه قيمتك انا كانت اقصى حتى احلامي ان حد يشاركني في اجواء بيتي مش يفضل يامرني ويشخط ولما بعمل كمان ما بيشكرش.. وحد يهتم بيا ويكون قلبه عليا حتى لو انا اللي غلطانه ويتنازل ويتاسف وما يفكرش في كرامته ولا يفضل يعند.. صحيح الدنيا دي غريبه! و الأمنيات والاحلام الجميله اللي بنتمناها بتروح لغيرنا.. وحتى غيرنا لما بتروح لي بيكون مش مقدرها 

نظرت زينه له برجاء وكأنها تتوسل له أن يكون بجانبها ويحميها دون قول.. لكنها سرعان ما انتبهت على نفسها لتهتف بحرج وحزن 

= انا اسفه والله ما قصدي ازود عليك ولا اكرهك فيها، حقك عليا انت في ايه ولا في ايه اصلا عشان تسمع كمان مشاكلي و...

لم يستمع الى حديثها الاخير فكان شارد في حنين، كم بات الآن يبغضها يريد الانتقام منها هي خدعته وأوهمته أنها تحبه وتبادله نفس الاعجاب وسعيده معه ولكنها لم تكن كذلك.. لكن يقسم ان كم أضنى هذا قلبه بحبها سيكون الجحيم الذي بحياتها الآن.. ليهتف فجاء قائلاً بجمود 

= زينه تتجوزيني!. 

صدمت زينه مما قاله طارق لها، ولم يبدو عليها أي تلميح للقبول او الرفض أيضاً ليكمل الآخر باصرار كانتقام لكرامته التي هدرت على يد زوجته وحبيبته 

= وقبل ما تفكري ترفضي عشان صاحبتك فهي اللي طلبتها مني أصلا وانا لسه دلوقتي اعترفت لك ومتاكد انها مش بتحبني ولا هيفرق معاها الخطوه دي ولو عملناها بجد ولا هتهتم بيا.. صحيح ما بنحبش بعض! بس يمكن الحاجه اللي مش لاقيينها في حياتنا نلاقيها لما نقدم على الخطوه دي ؟..

** ** **

يـتـبـع.

الفصل الخامس 

_________________

فتحت زينه باب منزلها سارت هي أولاً ثم لحق بها طارق وأوصدت باب المنزل بعد أن دلفوا داخل.. أطرقت رأسها في خجل وسعادة ولم تستطيع السيطره عليها بينما الآخر كان شارد الذهن غير مصدق تسرعه هكذا.. وكل ما حاول التفكير في حنين يشعر بتانيب الضمير ليتذكر على الفور كل حديثها وكيف طعنته وجرحته ليعود من جديد يفكر بالانتقام منها هكذا...

اقتربت زينه منه وارتبكت حينما وجدته مازال واقفاً بجوار الباب لا تعرف ماذا ينتظر او ربما متردد.. حاولت ألا تنظر إليه ونظرت أسفل قدميها ثم تحركت إلي الداخل ولكنها تعثرت في خطوتها وكادت أن تسقط ولكن كانت ذراع طارق الأسرع إليها فأمسكها من خصرها و أسندها ناحيته فمالت هي بجسدها عليه واستندت هي بساعديها على صدره .. 

نظر طارق إلى عينيها مباشرة بنظرات تحمل 

توتر وتردد بادلته هي تلك النظرات أيضا ولكن امتزجت معه الشعور الشغف والإعجاب لذلك بادرت هي بالاقتراب أولا... شعر الآخر بتوتر و أنفاسه المضطربة لكن مع ذلك لم يمنعها فأحطاها بذراعه الأخر وضمها أكثر إليه ثم انحنى برأسه عليها واقترب من شفتيها ببطء وهي بدلته على الفور بلهفه شديدة.

❈-❈-❈

جذبت زينه الفراش أعلي جسدها بعد أن أبتعد عنها طارق، أطرقت رأسها في خجل وحمرة الخجل تعلو وجنتيها لا تصدق بأنها أخيراً عاشت تلك المشاعر مع شخص حتى اذا كان لا يحبها فيكفي ان يكون زوجها وهي معجبه به ومن يعلم ماذا سيحدث بالمستقبل... 

صحيح ان ذلك الشخص نفسه متزوج أيضا من اعز اصدقائها لكن حاولت ان لا تفكر في ذلك وتعيش تلك اللحظه التي انتظرتها منذ فتره طويله ان تشعر بالحنان والدفء من أحد فلم تشعر ذلك الشعور بحياتها مع أسرتها او زوجها السابق.. وحتى تريح ضميرها فكرت بان حنين لم تحب طارق من الأساس ومع الوقت ربما أن تتركه لها وحدها.

نظرت إليه مبتسمة باتساع ثم حاولت زينه أن تحضنه لكنها تفاجأت به يبتعد عنها وتتحرر منها فشعرت هي به فتوقفت عما تفعله و نظرت إليه بتعجب.. بادلها النظرة بندم واضح وهو يقول باختناق

= مش شايفه ان احنا اتسرعنا في جوازنا او في اللي حصل بينا من شويه؟ آآ أنا كنت فاكر بالطريقه دي هرد كرامتي وهكون مبسوط لكن بصراحه....

شعرت زينه بالصدمة والإهانة وكل احلامها طارت وهي تسأله ببطء ثقيل 

= بصراحه ايه؟ هو انت مالك مش ده اللي كنت عاوزه واللي طلبته مني.. 

ابتلع ريقه بصعوبة وأجاب بصوت نادم

= عارف كل ده! وللاسف لسه فاكر كلامها كله ان اهلها ضغطوا عليها وهي ما كانتش بتحبني وكانت بتمنع نفسها عني عشان قرفانه مني، و اتهمتني اني راجل مش كامل في نظرها و العيب مني.. احساس وحش أوي انك تكوني بتحبي حد و مستعده تعملي المستحيل عشانه وفي الآخر يكون هو شايفك بالطريقه دي ويتهمك كمان الاتهام القاسي ده..

شعرت بألم حاد يعتصرها فكانت معتقده طلبه للزواج منها كان طلب جاد وليس لحظه تسرع نشأت عليها احلامها الوهميه! وانه سيعاملها مثل ما كان يعامل حنين بالضبط لكن كان الفرق واضح هو كان يعامل زوجته هكذا لانه أحبها بصدق انما هي لم يحبها.. فحتى عندما كان معها للتو كان كل تفكيره بها، لترد بصوت أشبه للبكاء

= هو انت ممكن توضح كلامك لما انت مخنوق منها أوي كده ومش طايقها؟ ليه من شويه وضحتلي انك مش مبسوط معايا واحنا لسه ما فاتش على جوازنا حتى يوم واحد .

هز رأسه بيأس وهو يقول بصوت متحسر 

= عشان مهما عملت هفضل احبها! ومهما تعمل برده هحس ان انا جرحتها باللي انا عملته من شويه ده حتى لو جرحتني... انا اسف يا زينه على كلامي لكن مش قادر اخبي بصراحه يا ريتك وقفتيني أو كان حد مننا عاقل على الخطوه دي وحذر التاني.

وضعت زينه كفي يدها على يديه وهي تنظر إليه برجاء فنظر هو إليها بقله حيله فتراجع للخلف بعيداً عنها ليتابع بنبرة حزينة

= حتى كمان كنت فاكر لما اقرب من غيرها هتغنيني عن تقصيرها في كل حاجه في حياتي لكن لقيت نفسي حتي في النقطه دي ما لقيتش ليها بديل! والشعور اللي بحسه كل مره بقرب منها مش حاسه معاكي خالص...

الظاهر ان حنين دي بالنسبه لي زي المرض اللي مش عارف اتعالج منه انا مش عارف مالي حتى وهي جرحاني شايل همها لما تعرف المصيبه دي كأنها بتحبني أوي وقلبها عليا.

وقبل أن يتحدث أحد منهم مجدداً تعالى فجاه صوت حنين بالخارج تطرق الباب وهي تهتف بصوت مرتفع قليلاً 

= زينه... زينه من فضلك افتحي عاوزه اتكلم معاكي انا عارفه ان انتٍ جوه من الجيران 

نظرت إليه بسرعه برعب ولكنها استجمعت رباطة جأشها وقالت بصدمة

= دي حنين! هنعمل ايه دلوقتي؟؟. 

❈-❈-❈

فتحت زينه الباب أخيراً الى حنين بعد وقت طويلاً قبل أن تسرف في وضع مساحيق التجميل على وجهها لتخفي بكائها وحزنها الشديد وحاولت أن تبدو طبيعية على قدر الإمكان مع مقابلتها مع صديقتها الوحيده حتى لا تكشفها ولكن كانت حنين تنظر لها بتعجب من هيئتها الجديدة فهي معتاده عليها لا تضع الكم الهائل هذا من المكياج بالاخص بان الوقت متأخر وبالتاكيد لم تخرج فاذن هل تضع هذا لأجل جلوسها في المنزل فقط....

لم تعبء زينه بنظراتها فقد كان ما تخشاه أخطر بكثير من مجرد نظرات و زيادة كمية مساحيق التجميل، جلست أمامها مسرعة ثم تحدثت بقلق 

= خير يا حبيبتي مش عوايدك تعدي عليا في وقت متاخر زي كده في حاجه حصلت .

لاحظت حنين أن زينه على غير عادتها لكنها لم تعطي الأمر اهميه كبيره الآن فهي جاءت الى هنا حتى تتحدث معها لعلها تساعدها في أمرها مع زوجها، بدأت تتحدث بصوت حزين بينما كان في الخلف يقف طارق مختبئ ويتابع الأمر بتوتر مبالغ 

= انا في مشكله كبيره يا زينه مش لاقيه غيرك هيساعدني عاوزه اتكلم مع حد يكون قريب مني وبيحبني عشان يدلني على الصح و يقولي انا غلط في ايه، انا معترفة أني غلطت في طارق جوزي كتير أوي بس والله كان غصب عني! انا تعبت بجد عشان كده انفجرت فيه وما عرفتش انا بقول ايه

سردت حنين لصديقتها زينه ما حدث معها و علاقتها الفاترة مع طارق زوجها، وتحدثت عن اجزاء بسيط من مشاعرها السلبيه من تلك العلاقه وكيف كانت تضغط على نفسها لاجله ولم تعرف ماذا تقول عن شيء كذلك وهي بالأساس لا تعرف لما تشعر هذا الشعور... لذلك عندما ضغط هو عليها وواجهها بالحقيقه او اتهامها بالبرود لم تستطيع تمالك نفسها وقالت ذلك الحديث الذي ندمت عليه مؤخرا.

شعرت حنين أنها أزاحت هماً يثقل صدرها حينما أفضت بما تحمله بين طياتها إلى صديقتها الوحيدة، ورغم هذا هي تريد حلاً لما هي فيه لتتابع بأعين باكية

= المشكله بدل ما أحاول أصلح ولا اعترف بالحقيقه نيلت الدنيا اكتر وخد عني فكره غلط انا والله في مشاعر جوايا ناحيته لما كان بيجي يزورنا زمان كنت بفضل مستنياه وابص عليه من بعيد وانا مكسوفه ولما بيغيب فتره بحس انه واحشني... بس ما كنتش بقدر اقول كل ده حتى يوم ما عرفت أنه اتقدملي فرحت وزعلت في نفس الوقت!. 

كانت الأخرى تسمعها بصدمه فلم تتخيل ان تكون صديقتها تعاني من شئ كذلك بينما طارق لم يصدق بانها اعترفت انها تحمل مشاعر داخله حقا مثل ما كان يظن ويتوقع وليس كما أساء الظن بها قبل قليل بسبب تصرفاتها السيئه معه، ثم أضافت بصوت باكي

= لان مشاعر النفور والكره من ناحيه العلاقه دي كانت جويه من قبل ما اتجوز ولا أحب، حاولت ادي لنفسي فرصه اقول جاهز عشان بحبه ما احسش كده والمشاعر دي كلها تتمحي بس اتفاجئت اللي بيحصل العكس وانا كرهت أكثر الموضوع ده... بس والله مش بكرهه هو العيب مش فيه فيا انا محدش عارف انا بعاني قد ايه من الموضوع ده من اللي بشوفه حواليا واسمعه... وكل ما كنت بحاول اعترف بخاف من رده الفعل ما انا مش عارفه ولا متخيله هيكون معايا ولا ضدي

إنما بالداخل كان طارق يسمع صوت شهقات حنين والتي أجهشت بالبكاء بطريقة مقلقة مما جعله ينزعج أكثر من حالتها المنهاره و حديثها التي لم تصارحه به منذ البدايه.. حيث اعترت الدهشة جميع خلجات وجهه و هو لا يصدق أذنيه حينما سمع تلك العبارات لأول مرة 

= انا عارفه ان انا صلحت الغلط بغلط لما مثلت عليه ان انا مبسوطه بس والله ما كنت موافقه على كده بس لما لقيته زعلان و متضايق وما كانش في حاجه بايدي اعملها غير كده بالذات قبلها اتنيلت حكيت لايمان مرات اخويا وهي اللي دلتني على الموضوع ده وقالتلي ما كل الستات كده انتٍ فاكراهم مبسوطين أوي بالموضوع ده ولا حد بيهتم، دخلت في دماغي ان هي دي طبيعه العلاقه أصلا.. 

اتسعت عينا طارق فور سماعه لعباراتها الأخيرة وتدفقت آلاف من الأسئلة إلى عقله في تلك اللحظة ما الذي تعنيه حنين بعبارتها؟ رغم الحديث كان غامض لكنه يوحي الى مأساة قد عاشتها وهو لا يعرف عنها شيء... فاكتر ما صدمه هو وجهه نظرها نحو العلاقه الـ.ـحـ.ـميميه والتي لم يكن يعرفها طول فتره زواجهم الخمس أشهر...

لم تتحدث زينه وإنما ظلت صامتة استغربت الأخري أكثر من صمتها، لذا أكملت بحرج شديد و بتانيب ضمير

= وأنها موجوده عشان تسعد الرجاله والستات مش مهم... رغم ان اتضايقت وحسيت بالظلم اكتر لكن قلت مش مهم طالما حاجه هتسعده بس اديها جت فوق دماغي اكتر.. قوليلي اعمل ايه عشان اصالحه انا ما اعرفش هو راح فين بس اكيد هيرجعلي زي كل مره مش كده؟ زينه انتٍ مش بتردي عليا ليه عشان خاطري قوليلي اي حاجه .

نظرت إليها بأعين مرتبكه ومتشتته بحيره لتردف بقلق واضح 

= معلش يا حنين اصل عندي شويه مشاكل كده في البيت هناك مخلياني مش عارفه اركز، بس هخلص كل اللي ورايا وافضلك ونحل مشكلتك مع بعض ان شاء الله .

تنهدت بزعل من نفسها وهي توميء برأسها

هاتفه بأسف 

= آه تمام انا اسفه انتٍ واضح فعلا انك متضايقه من حاجه بس انا مشاكلي خلتني ما ركزتش ولا اسالك على العموم براحتك طالما عاوزه تقعدي لوحدك.. بس انا في ايدي حاجه اساعدك لو عايزه تحكيلي حاجه اتفضلي احنا ما لناش غير بعض يا زينه مش كده قوليلي ايه اللي مضايقك وادينا بنفضفض لبعض.

هزت رأسها باختصار وهي تقول مدعيه الآلم

= لا كفايه اللي انتٍ فيه مش وقته هنتكلم ان شاء الله بعدين... اصل دماغي مصدعه أوي وعاوزه انام

عقدت حاجيبها للاعلي قليلاً بانتباه وهي تهتف بصوت عجيب

= طارق!. 

نظرت زينه إليها بتوجس وهي تسألها بعدم فهم 

= هاه! مـ.. ماله طارق .

أشارت بيدها على شيء ما امامها، وهي تتحدث بغرابة

= القميص دي شبه بتاعته! هو بيعمل إيه عندك.. مش ده قميص رجالي أصلا 

تذكرت على الفور بانه تركه هنا ولم تراه إلا الآن، حاولت رسمت ابتسامة زائفة وهي تقول بثبات

= لا يا حبيبتي ده قميص اخويا ما هو انا نسيت اقول لك أننا اتصالحنا مع بعض فهو نسيه هنا.. قصدي يعني كان جايب واحده معاه غيره عجبه وقالي خالي القديم عندك يبقى جيبها لي لما تعدي علينا... وبعدين يعني يا حبيبتي هي ما فيش غيره قميص زي اي قميص وفي منه اشكال كثير أكيد...

نظرت حنين إليها عدة ثواني بعدم اقتناع و شك، فهي تعلم جيد الأمور بينها وبين أسرتها وبالاخص شقيقها العلاقة متوتره للغايه بسبب انفصالها عن طليقها و كان الجميع ضد طلقها هذا لذلك هيا انفصلت عنهم في مكان اخر، فأخيها تبرأ منها حرفياً حسب حديثها عنه فكيف بمده قصيره هكذا يتصالحون بهذه السرعه ودون مقدمات او تخبرها بذلك مسبقا، لكنها مع كل ذلك هتفت بهدوء عجيب 

= هاه آه صح ممكن... المهم انكم اتصالحتم انا همشي بقى عن أذنك عشان اتاخرت كمان...

نهضت لترحل بخطوات ثقيلة واول ما اغلقت زينه الباب خلفها بسرعه التفتت حنين لتنظر إليها باستغراب شديد و رغم عنها بدأت تفكر باشياء سلبية لم يستطيع عقلها استوعبها من الأساس، لتهمس محاولاً أن تطمئن نفسها 

= ايه اللي انا بفكر فيه ده مستحيل طبعا حتى لو كده أنا مش عاوزه اعرف.. زينه صديقتي الوحيده ومستحيل تخوني ولا كمان طارق هو بيحبني والاثنين ما يقدروش يزعلوني.... 

بينما في الداخل لم ينطق طارق بحرف مع زينه وحاول بسرعه إكمال ارتداء ملابسه ليسرع ويلحق حنين! فهذا كل ما خطر بباله بعد ان جاءت الى هنا وسمع الحديث الدائر منها، وكانت زينه تراقبه باعين حزينه ولم تستطيع التحدث هي الاخرى! لكنها أكدت حديثه لنفسها عندما اخبرها بانهم قد تسرعوا في هذا الزواج.....

وأول ما فتح باب المنزل ليرحل باستعجال، تسمر طارق في مكانه فور رآه حنين تقف أمامهم! شهقت زينه بصدمة كبيرة وهي تردد بصوت مرتجف

= آآآآ... حـ.. حنين.

كانت حنين مصدومة مما تراه فلم تتخيل أن يكون الشخص الذي بدأ يحرك مشاعرها أصبح مع صديقتها.. لذلك لم يكن لديها ما تقوله و أثرت الصمت.. فقد كانت المفاجأة أكبر من قدرتها على الكلام وتحركت بمنتهى الهدوء لترحل .

أفاق طارق من صدمته هذه وأسرع في خطاه ليلحق بحنين ثم أمسكها من ساعدها واوقفها عنوة لتفهم الأمر وما يدور بينهما بدل من ان تسيء الظن نحوهما اكثر، نظر إليها بخوف وقلق وهو يخشى من ردة فعلها لأنه فاجئها بأمر كهذا ليردف قائلاً بحذر 

= حنين.. حنين استني اسمعيني بس انتٍ فاهمه غلط وافهمي مني الوضع ازاي 

بينما لم تستطع زينه أن تخفي الحقيقة على صديقتها أكثر من ذلك ففي النهاية هذا يكن زوجها مثلها، وقالت بتردد 

= حنين ما تفهميش غلط فعلا إحنا متجوزين

نزلت عبارة زينه الأخيرة كدلو ماء بارد على رأس حنين فجعلتها تصدم أكثر وهي تطلع إليهم بنظرات مصدومة... بينما التفت طارق إلي زينه بحده وضيق من تسرعها للأمر دون مقدمات لتخفض الأخري عينيها بقله حيله.

بدأت حنين تتنفس بصعوبة هي تشعر بأن الدوار والغثيان يسيطران عليها الآن... لا تعرف هل من الصدمه أو شيئا آخر. !!. 

لكنها شعرت فجأة أن هناك خطبٌ ما بها هي ليست على ما يرام حيث بدأت تشعر بأن هناك دواراً ما يسيطر على رأسها.. لم تعد الرؤية واضحة بالنسبة لها فصورة طارق وزينه تهتز أمام عينيها.. كانت تريد الحديث والرد ولكنها لم تقدر، وضعت يدها على جبينها محاولة أن تمنع ذلك الدوار من الإستمرار ولكنه يزيد بصورة تدريجية .. 

لاحظ طارق ترنح زوجته أمامه وشحوب لون وجهها المفاجيء فارتعد من هيئتها بخضة وقبل أن يستفسر عن شيء لم تقو قدم حنين على حملها أكثر من هذا حيث ارتخى جسدها فجأة على وشك السقوط بينما أسرع طارق بالامساك بها.. لكنه لم يلحقها وقد سقطت على أدراج السلالم أمامهما.... 

وقفوا الإثنين طارق و زينه مصدومين مشدوهين لم يتحرك أحدهم فقط يراقب الجميع المشهد بأعين مذعورة.. 

اكتسى وجه طارق بملامح الرعب والخوف الشديد فركض كالمذعور حينما رأى ذلك المشهد وقد أدرك أن حياة حنين في خطر ولا وقت للمعاتبة واللوم عليه أن ينقذها أولا ليصيح بصريخ

=حــنـيـن.

ركض ناحيتها وجثى على ركبتيه و أمسك بكف يدها يصرخ في وجهها ولكن كانت الأعين مغلقة نظر في رعب لها وحاول اسنادها وهو يهتف باسمها لكي تسمعه وتستجيب له ولكنها كانت فاقدة للوعي وما صدمه برعب أكثر بأنها بدأت تنزف الدماء بكثرة...

بسرعه حملها وكان ينظر إليها بخوف ممزوج بحب يخشى أن يصيبها مكروه بسببه فلم يسامح نفسه اذا حدث لها شيء سيء ولكن ما يهم الآن هو سلامتها .......

بينما في الخلف كانت زينه تراقب كل ما يحدث بذهول وهي تشعر بالذنب لأنها لم تستطع أن تدرك مبكراً ذلك الحب الموجود بين طارق و حنين وأنها أعطت لنفسها الفرصة ان تعجب به وتعلق نفسها بالأوهام.. 

لكنها عقدت حاجيبها بشرود وهي تنظر الى الدماء بشك وحزن أكبر بأنها من الممكن تكون حامل..و أجهضت.. لا تعلم لكن في الحالتين متاكده بأنها خسرت صديقتها الوحيدة .!!. 

❈-❈-❈

في المستشفي ظل طارق ينظر عبر زجاج الباب في توجس وترقب ثم جلس على المقعد وأخذ يفرك في كفي يده بتوتر و حزن وهو يشعر باحساس الذنب يقتله فلو كان لم يتزوج من البدايه فلم كانت تراه بذلك الوضع ولا حدث ذلك من البدايه، لكن ما يقتله أكثر الأسرار التي عرفها عنها اليوم ولم تخبره إياها و مع الأسف علم بها بوقت متأخر للغايه .

كان يخشى أن يكون مكروهاً ما قد أصابها فلم يفهم او يستوعب النزيف المفاجئ ذلك، طال الوقت بالداخل فنهض من مكانه وظل يتحرك في توتر وقلق ذهاباً وإياباً، كانت الدقائق تمر عليه كالسنوت وظل يدعو الله في نفسه أن يحفظ زوجته .. 

بعد فترة خرج الطبيب من الداخل، فتوجه طارق إليه يسأله بلهفة 

= طمني عليها يا دكتور.. مراتي اخبارها ايه وايه سبب النزيف ده؟ 

أجاب الطبيب وهو يشير بيده موضح 

= ما تقلقش الحمد لله وقفنا النزيف بس لازم تفضل هنا تحت الرعايه كمان الوقعه ما كانتش سهله خصوصا انها في بدايه حملها!. 

اكتسى وجهه بملامح الصدمة وهو يردف بصوت ثقيل 

= نعم حنين حامل!؟. 

وقف طارق مشدوهاً فاغراً شفتيه لا يعرف بماذا يجيب لقد تجمدت الكلمات في حلقه و وقف يسرح فيما دار بينه وبين حنين طول تلك الشهور..و مشاحناتهم المستمره إلي أمر زواجه المفاجئ! حتى يرد كرامته؟ وانتهى الامر به الى هنا فماذا سيفعل الآن والامور تضيق حاوله اكثر فأكثر ....

فليت كان يعلم ما كانت تخفيه وحملها من البدايه لكانت تغيرت أمور كثيره في علاقتهم..... لذلك لا يعرف هل يفرح بذلك الحمل ام يحزن ؟!.

❈-❈-❈

أما عن زينه فقد باتت شكوكها الآن صحيحة هي حامل.. صديقتها حامل من زوجها هي الأخري ولم تكن تعلم بهذا! وحتى بعد معرفتها فماذا سيكون وضعها الآن في تلك العلاقة!. وماذا عن طارق الذي لم يراها ولم يسأل عنها خلال تلك الفتره ابدأ .

وخلال ساعات كان انتشرت الأخبار في منزل أسره حنين، أسرعت عبير ناحية حماتها و ايمان وهي تردد بحزن شديد

= عرفتوا اللي حصل؟ حنين كلمتني من شويه وقالت لي انها في المستشفى كانت هتسقط واكتشفت ان جوزها اتجوز عليها صاحبتها زينه 

شهقت الأم بصدمة كبيرة ونهضت بقلق تتحدث بصوت متقطع تحاول استيعاب الأمر 

= بنتي يا نهار ابيض.. مستشفى ايه قوليلنا بسرعه، حد يدور لنا على توصيل اتصلي بمحمود بسرعه يا ايمان 

نظرت ايمان إليهما بعدم تصديق وهي تهتف بتلقائيه 

= يا خبر أبيض كل ده حصل امتى؟ لحق اتجوز عليها امتى دي ما هي من كام يوم كانت بتقولي أنه بيحبها وصابر على اللي هي فيه... واخر مكالمه قالت لي انها بتفكر تعمل نصيحتي يبقي جابت نتيجه عكسيه ازاي 

عقدت عبير حاجيبها بدهشة وقالت بحده

= انتٍ بتقولي ايه؟ هو انتٍ يا ايمان كنتي فاهمه وعارفه تغيير احوالها وساكته ونصحتيها كمان... 

انتبهت إيمان على نظرات الاثنين إليها بدهشة وضيق لتشعر بالتوتر وانها فضحت نفسها، لتقول بنبرة قلقة

= هاه! لا انا قصدي على حاجه ثانيه انتوا فهمتوا ايه.. انا هروح اتصل بمحمود بسرعه عقبال ما تلبسوا آآ

وقفت عبير أمامها تمنعها من الرحيل وهي تتحدث بصرامه شديده 

= استنى عندك مش هتتحركي خطوه واحده غير لما تقوليلنا حنين كانت فيها ايه؟ وايه هي مشكلتها اللي اشتكيتلك عنها؟ وانتٍ نصحتيها بايه؟ خلصي بسرعه وقوليلنا .

❈-❈-❈

كانت حنين تتململ في الفراش فبدأت تستعيد وعيها تدريجياً لتتذكر ما حدث معها في الليلة السابقة، فتحت عينيها لتجد طارق جالس امامها فوق ذلك المقعد بانتظارها، تطلعت نحوه مطولاً بتعبيرات غير مقروءه 

بينما هو اعتدل في جلسته على المقعد ولم يفتح فمه بكلمة واحدة فقط يريد أن يعرف ردة فعلها، نظرت هي حولها وتأملت الغرفة وتذكرت قبل أن تحقنها الممرضه أخبرتها بحملها وبعدها طلبت منها هاتفها حتى تتصل على أسرتها لتاتي، أمعن النظر إليها وحينما وجدها صامته هتف متردد

= حـ.. حنين ممكن نتكلم مع بعض وتسمعيني

أنا عارف ان انا غلطت بس انتٍ برده كان لازم تفهميني حاجات كتير غير كلامك الصعب اللي ما كانش يقدر يستحمله اي راجل ويعديه عادي.. وبعدك طول الوقت عني خلي كل ده حسسني من حقي فعلا اعمل الخطوه دي بالذات بعد ما وصلتيلي انك اتجوزتيني غصب عنك و آآ أنك مش بتحبيني.

تصنعت الابتسام وهي تجيب بنبرة وهن تقهر 

= ومين قال إن مش من حقك؟ بالعكس حقك أوي كمان انت فعلا استحملت واحده زيي معقده وانت حتى مش عارف هي بتعمل كده ليه؟ عشان كده من حقك فعلا تدور على واحده تحسسك انها عاوزاك وبتحبك مش بارده وجماد زيي . 

رفع حاجبه للأعلى متعجبًا من ردة فعلها الغريبة لكنه حاول التحدث بارتباك 

= يا حنين أنا....

قاطعته وهي تذرف أنهاراً من الدموع لترد بقسوة لم يعهدها منها

=لكن اللي مش من حقك انك تسيب كل ستات العالم وتتجوز اقرب صديقه ليا! ده اللي مش من حقك فعلا كده ما تبقاش مجرد واحده عاوز تتجوزها عشان تلبي احتياجاتك اللي حرماك منها مراتك الاولى.. كده انت بتدور صح ازاي تطعني وتوجعني... بس برافو عليك وعليها هي كمان لعبتها عليا صح ده انا حتى لما شفت الدليل قصاد عيني كذبت روحي وقلت لا، حتى لو ده حقيقي مش عاوز اعرفه

انفرجت شفتاها مصدومة من أعمالهم المريب معها، فسألته بتوجس

= اصل ازاي؟ جوزي مع صاحبه عمري واللي ما ليش غيرها.. اللي من كتر حبي فيها جبتها تسكن قريب مني عشان تكون تحت حمايتنا.. وعشان لما اتوجع اجري عليها اشتكي وهي تسمعني وتقولي حلول.. مش بقول لك عرفت تلعبها صح! حتى صاحبه عمري خليتني اخسرها أهو انا النهارده خسرت خسارتين.. انت وهي!!. 

أقترب منها وحاول أمسكها من ساعدها لكي يساندها وهو يتحدث باعتذار

= آآآ.. حنين أنا آسف و... 

نفضت يده عنها بكل حدة، ثم نظرت إليه بنظرات مميتة قاسية لا روح فيها وقالت بصوت ميت

= ابعد عني، أنا مش طايقاك.. مش عاوز أسمع حسك انت.. انت صوتك حتى بقى بيخنقني 

كلك على بعضك بقيت بقرف واشمئز لما اشوفك مش لما تقرب مني بس 

كانت حنين تشعر أنها ظلمت بحق من الاثنين، حتى لو أخطأت لا تستحق منهم ذلك؟ هل ما فعلته كان كبير لهذه الدرجه حتى يجرحوها وتشعر بالغدر هكذا... لم يدري أن كل أحلامها صارت رماداً في لحظة وأن من اشعل النيران فيها هو من عشقت روحه قبل قلبه.. 

ثم تابعت حديثها بجدية وقد قست تعبيراتها

= بس قولي صحيح عرفت تسعدك وتعملك اللي ما كنتش قادره اعمله؟ لما لمستها حسيت طبعا انك اسعد واحد في الدنيا وان مراتك كانت كئيبه وحرماك من حاجات كثير لدرجه عمرك ما هتنسي الليله دي في حياتك، عكس مراتك الوحشه الثانيه اللي كانت بتمنعك من حقوقك ويوم ما تديها لك كانها بتعطف عليك وبالعافيه... ما اصلها معقده انما زينه

شحب وجه طارق حينما تذكر كيف كان معها قبل قليل ولم يكن سعيد كما تصور، ظل ينظر إليها يتألم روحه وقلبه فلقد ظلمها ظلماً بيّناً، بالأخص وهي تضيف بتهكم مرير 

= انا عارفاها كويس ما هي صاحبتي كان نفسها فعلا تلاقي حد يحبها ويهتم بيها فانت لو اديتها الحب والاهتمام ده هتعمل لك اي حاجه في الدنيا.. مبروك عليك جايز فعلا تستحقوا بعض مش عشان حاجه وحشه لا عشان انا اللي طلعت وحشه في الاخر و استاهل كل ده.. وانت طلعت زيك زي اي راجل حتى زي ابويا اللي راح اتجوز ورمينا عشان احتياجاته دي بس على الاقل ابويا استنى فتره طويله على امي لكن انت ما استنيتش حتى سنه... هو انا كنت وحشه أوي كده 

نظرت له بأعين تمقتها تكرهها تتمنى أن تمسك برقبته وتخنقه ولا تتركه إلا جثة هامدة، فا نيران الغدر والغيره تحرقها حرق، مسحت دموعها بعنف وهي تردد بجمود 

=بس تعرف في فرق برده في علاقتنا وبين علاقه ابويا وامي مش المده اللي ابويا صبرها عليها لا ما هو في النهايه اسمه غدر! ان ماما كانت ست ضعيفه واستحملت عشانا أو عشان ما كانش عندها حل تاني رغم انه كان ما بيقدمش اي حاجه زياده في حياتنا حتى الفلوس كان بيمنعها كتير أوي ويوم ما يدينا يدينا ملاليم وهي اللي اشتغلت واخواتي عشان يصرفوا.. حتى كنت بسال نفسي كتير أوي لما هو ما لوش اي فايده في حياتنا كده اسمه راجل ليه؟ وامي لسه على ذمته ليه؟ بس تقريبا كده كانت بتمشي بمقوله احسن ما يكون اسمي مطلقه والناس تنهش فيا.. بس انا مش امي يا طارق .

جاءت إليها قوة من حيث لا تدري فالمظلوم تأتيه الشجاعة لكي يدافع عنه نفسه مهما كلفه الأمر، وهي تقول بحدة 

= فلو عقلك مصورلك ان هعمل زيها و هرضا بالامر الواقع والزباله اللي انتٍ اتجوزتها دي على ذمتك وانا كمان وتوفق بين الصحاب مع بعض تبقى بتحلم عشان انا مش هستنى على ذمتك دقيقه واحده وهتطلقني.. حتى لو ليك مبررات والحق انك تتجوز برده مش هفضل على ذمه واحد غدار زيك وما عندوش احساس

صدم طارق من عبارة حنين الأخيرة.. فلم يخطر بباله أن تطلب مثل ذلك الطلب وسط تلك المشاحنات الحادة والعنيفة بينهما لكن اقل شيء تفعله لرد اعتبارها منهما ورغم ذلك لم يكن أمامه حل أخر سوى موافقتها إلا أن رفض وتحدث قائلاً متعمد تذكيرها لعلها تتنازل عن تلك الفكره 

= طب ممكن بالراحه عشان العصبيه دي غلط عليكي وانتٍ تعبتي أوي ونزفتي كتير... هو انتٍ عرفتي أنك حامل

كانت في تلك اللحظه تشعر بالاشمئزاز منه شخصياً وليس من العلاقه هذه المره فقط.. هو ذلك الخائن الذي سلب روحها وقتلها بل رحمة بينما هي معذبته التي تفننت في اقتلاع قلبه بلا رحمة ايضا.. كم تكره ذلك الشعور الذي جعلها تعاني منه إلى الأبد فلقد صار طارق هو لعنتها الأبدية التي لن تشفى منها مهما حدث .. 

أصرت قائلة بلهجة صارمة

=اه عرفت وده مش هيغير حاجه وبعدين ما تعملش نفسك يهمك أوي مصلحتي وحياتي، انت أقذر واحدة عرفته في حياتي أنا ندمانه اني عرفت بني آدم زيك وزي الزباله الثانيه، يا ريتك ما ظهرت في حياتي ولا حبيتك ولا اتعلقت بيك.. ولا وثقت في واحده زيها و فكرتها صاحبه ليا.. لا وانا من خيبتي راحه كمان اشتكيلها منك وانت جوه عندها بتقضوا أجمل اوقات حياتكم وانا الهبله اللي مختومه علي قفاها ولا دريانه هو الكلام ده من امتى..

كان طارق يشعر بالآسى عليها فهو السبب الرئيسي فيما تعانيه، حتى لو كانت هي من بدأت فاصبح متأكد بان هناك جزء مخفي! بالاضافه الى كل ذلك قد ندم قبل معرفته على كل ذلك وعلى زواجه من صديقتها زينه الذي 

جعله يشعر بالذنب اكثر ويضيق من نفسه.

لكن هو صار متأكد بانها تخفي الكثير من الأسرار والمبررات التي جعلتها تتعامل معه هكذا؟ وبالاخص حوله العلاقه الحميميه هناك من العقد الكثير داخلها ادت الى تلك النتيجه.. وليتها كانت صريحه معه من البدايه في تلك النقطه.. قبل ان يضع نفسه في مأزق لا يعلم كيف الهروب منه أيضاً بزواجه من زينه.

حاول تهدئة حنين ولكنها كانت على وشك الإنهيار أمامه ومع ذلك تحدث بصراحه 

= حنين ممكن تهدي انا اتجوزتها امبارح يعني بقيلنا يوم واحد بس مش زي ما انتٍ فاكرة، بعد ما اتخانقنا قابلتها انا ما اعرفش طلعتلي منين وجت ورايا وفضلنا نتكلم وانا كنت على اخري منك ما كنتش عارف انا بقول إيه و طلبتها للجواز.. و آآ هي كمان فضلت تشتكي من اهلها وانها كان نفسها تلاقي حد زيي يهتم بيها وانك مش عارفه قيمتي كويس .