رواية زواج فى بيت العيلة الفصل الثالث والرابع بقلم لمياء رفعت (جديده وحصريه فى مدونة قصر الروايات )

رواية زواج فى بيت العيلة الفصل الثالث والرابع بقلم لمياء رفعت (جديده وحصريه فى مدونة قصر الروايات )

رواية زواج فى بيت العيلة الفصل الثالث والرابع بقلم لمياء رفعت (جديده وحصريه فى مدونة قصر الروايات )

ال3

فجأة رجل هاله اتكعبلت وكانت هتقع وهي نازله...مسكت ابنها ب ايديها وبقت ماشيه بشويش وفتحت الباب وخرجت وهم نايمين 

ووصلت بيت أهلها 

هاله دخلت بيت اهلها ودموعها على وشها 

هاله : انا مستحيل ارجع البيت ده تاني يابابا مستحيل 

جمال والد هاله : البيت ده اللي بتكلمي عليه ياما قولتلك لا عليهم لا وانتي صممتي انك تجوزي الواد ده وماسمعتيش كلامي 

هاله : كنت صغيره يابابا ارجوك اعمل حاجه انا مش عايزه اعيش معاهم تاني انا خايفه على نفسي وعلى ابني دول ناس مش بترحم

جمال : ادخلي نامي ولينا كلام لم تقومي 

(في الصباح)

شريفه : منصور يامنصور

منصور : في ايه ياوليه بتزعقي ليه على الصبح كده حصل ايه

شريفه : البت هاله مشت وخدت الواد واحنا نايمين

منصور : طيب روحي هاتيها من بيت أهلها متنسايش ان جوزها اليومين دول هايبعت فلوس سفر اخوه بدل ماتكلموا وتلعب في دماغه

شريفه : طيب انا رايحه دلوقتي 

منصور : ماشي

(في بيت اهل هاله)

شريفه : انا جايه اروح هاله معايه ياام هاله ونخرج الشيطان اللي بينا ياختي 

والدة هاله : ولم ضربتيها وبهدلتيها هي وابنها اللي على ايدها ده كان ايه ده كله علشان ابنها تعب واخدته لدكتور 

شريفه : ما خلاص بقى اعتبريني امها وضربتها ماحصلش حاجه 

جمال : تعالي ياهاله

هاله دخلت : 

جمال : حماتك جايه تروحك قولتي ايه 

هاله : مستحيل يابابا مستحيل امشي معاها ارجوك يابابا 

جمال : ده كلام فات ميعاده انتي اللي حددتي قرارك معاهم من البدايه ف قومي امشي مع حماتك انا يام قولتلك الناس دي لا لا لا وانتي مشيتي بمزاجك بقيتي تقولي نفسي البس فستان ويتعملي فرح وانتي كان عندك ١٨ سنه مش عارفه حاجه

هاله : وحست ان مفيش فايده مشت مع شريفه ودموعها على وشها 

والدة هاله: البت ماكنش لازم تروح ياجمال الا لم نعلم الناس دي الأدب 

جمال : هي اللي غلطت من البدايه تستحمل غلطها الناس دي انا ماكنتش عايز اختلاط مابينهم وهي اللي صممت تتجوز ابنهم 

(في بيت منصور )

هاله دخلت البيت هي وشريفه 

منصور : جدعه ياهاله يابنت الناس ويابنت الأصول هي البنت المتربيه كده بتخرج في نص الليل وتهرب من وار اهل جوزها

(هاله بقت واقفه مفيش غير دموعها ع وشها وبقت تستحقر نفسها اكتر واكتر انها اختارت الناس دي وانها السبب في اللي هي فيه)

شريفه : خلصي طلعي ابنك فوق في شقتك وانزلي البيت يتنضف وتشوفي وشك فيه والمواعين تتغسل وكل حاجه تتشطب اصل احنا مش هنخدمك 

هاله : جات تطلع 

منصور : صحيح ياهاله جوزك جي من السفر بكره أصله بعت فلوس سفر اخوه النهارده ونازل بكره قولت اعرفك 

هاله : (وبالرغم اللي عملوا فيها وكأنها حست بفرحه غير عاديه لم منصور قال ان جوزها نازل من السفر)

هاله : طلعت ابنها فوق ونزلت عملت كل حاجه طلبتها شريفه وطلعت فوق جهزت شقتها لرجوع جوزها من السفر على الرغم انه مكلمهاش ولا قالها انه نازل 

شريفه : خلصتي ياهاله كل اللي وراكي

هاله : آآآآآآه خلصت ياحماتي 

شريفه : طيب جهزي بقى الأكل 

هاله : معلش خلي سلفتي هي اللي تجهز علشان بعمل شوية حاجات في شقتي

شريفه : (بصوت عالي) اللي اقولك عليه تعمليه وبعدين سلفتك مش فاضيه دي معاها اربع بنات متبهدله بيهم ولا انتي شوفتي نفسك لم جبتي الواد

هاله : واد ايه وبنت ايه انا بقول لحضرتك مش فاضيه مش بقولك واد وبنت

شريفه : قولتلك جهزي الأكل بدل مايبقى نهار اسود ومش معدي

هاله : خلاص حاضر هاجهز دلوقتي

هاله : خلصت تجهيز الأكل وطلعت على شقتها 

(في الصباح )

قامت هاله من نومها وبقت ترتب وبقت تجهز شقتها من الفرحه زي اي ست مستنيه جوزها ينزل من السفر 

ولبست وجهزت نفسها ولبست ابنها )

وسمعت منصور تحت وهو بيقول 

وحشتني والله يامحمود ياابني 

محمود : وانت اكتر يابويا 

هاله : أول ماسمعت صوت جوزها كأنها الدنيا مش سيعاها من الفرحه 

وأول ماسمعت صوت جوزها على السلم طالع 

هاله جريت وفتحت الباب

ال4 

هاله جريت وفتحت الباب 

محمود : (بطريقة عصبيه) وبدون سلام ...هو مش المفروض اللي جوزها واصل من السفر تنزل تستقبله 

هاله : ( بتردد) انااا انااا كنت بقصد أسلم عليك هنا

محمود : واعتبري سلامك وصل ممكن بقى تنزلي تتأسفي لا أبويا وامي عن أي حاجه حصلت منك وانا غايب

هاله : (بعصبيه) فوق بقى لنفسك انت اييييييييييييه هو في واحد يبقى بالشكل ده مع مراته وبعد غياب السنين دي كلها بدل مايبقى مشتاق على مراته وعلى ابنه ياجي بالشكل ده بلاش بقى الأنانية دي

محمود : ضربها بالقلم على وشها....الظاهر كده انك عايزه ربايه من جديد 

هاله : (بدموع وايدها على وشها ) حقك تعمل اكتر من كده لأني انا اللي سمحت لنفسي ب ده كله معاك ...وراحت دخلت الاوضة شالت ابنها وجات تمشي 

محمود شد الولد من ايدها...هتمشي سيبي الولد انتي مالكيش عيال عندي 

هاله : انت قلبك ايه حجر ...وبعدين ازاي تاخد مني ابني ومين اللي هيربيه

محمود : الظاهر كده امي مش ماليه عينيكي علشان تسألي مين اللي هيربي ابني صح

هاله : قعدت واستسلمت للأمر الواقع لأن روحها كانت في ابنها وماكنتش قادره تسيبه وتمشي ودخلت تنام في اوضة تانيه وبقت الليل كله دموعها على وشها وتفكيرها ازاي هاتخرج وتمشي ب ابنها من البيت ده وازاي هاتروح عند أهلها وهي كل ماتروح عندهم يرجعوها ويقولولها عيشي وده بيتك وارضي بالمقسوم والنصيب 

وبقت دماغها مش واقفه عن التفكير لحظه واحده لحد مانامت 

(في الصباح)

محمود : دخل الاوضة عند هاله...(وبصوت عالي) هي في واحده بنت أصول ومتربيه جوزها يبقى نازل من السفر وتنام ف أوضة وحدها 

هاله : سكتت ومردتش وقامت من على السرير تدخل الحمام تغسل وشها 

محمود : مسكها من شعرها جامد ...هو انا مش بكلمك 

هاله : آآآآآآه سيب شعري انت عايز ايه 

محمود : (ضرب هاله) ... قولتلك من امبارح تنزلي تتأسفي لا ابويا وامي على اي حاجه حصلت منك وانا غايب ومش بس كده يتقبلو اسفك يارفضوا اسفك 

هاله : (بدموع وانهيار من الضرب والكلام اللي بتسمعه ) واعمل كده ليه وعشان ايه انا عملت ايه اصلا فيهم 

محمود : هو كده بدون سبب ويتعيشي في البيت ده خدامه للكل يامالكيش وجود بينا وهقولهالك تاني عايزه تمشي مع الف سلامه لكن ابني لا سمعتيني ولا لا ومشي من قدامها 

هاله : سكتت ودموعها بقت كلها نازله على وشها وبقت منهارة جامد وبقت دماغها تلف بيها في كل مكان

(فلاش بااااك )

محمود : صباح الخير يابا 

منصور : صباح الخير يابني 

شريفه : صباح الهنا يامحمود يعني مراتك منزلتش تعمل حاجه في البيت ولا هي فكرت نفسها عروسه النهاردة 

محمود : (بصوت عالي وعصبيه)انا معنديش غلطان غيرك ياما علشان انتي لو حما زي الحموات كانت البت دي عملتلك حساب واحترمتك لكن انتي اللي مش عارف مالك بالظبط 

شريفه : يعني ياابني هعمل ايه انا كبرت يامحمود ومراتك ماتتقدرش ومش بعرف اتكلم معاها كلمتين يابني انا مش عارف كانت فين واحنا فين

منصور : خلاص بقى ياشريفه اشتري دماغك وقومي انتي اعملي لينا حاجه نفطر بيها مدام مرات ابنك مابقناش في دماغها خالص 

محمود : والله ابدا امي ماتعمل حاجه انا هروح اجيبها من شعرها وغصب عن أهلها تعمل كل حاجه وراح طالع فوق

محمود : بصوت عالي هاله هاله

هاله : كانت فاقده الوعي ومش حاسه بنفسها وهي فالأرض...محمود جاب ميه من التلاجه ودلقها على وشها والجو برد شديد

هاله : (بخضه ) آآآآه 

محمود : انتي ياابله مش هتنزلي تجهزي الفطار 

هاله : (بدموع وبقت تتوسل ليه ) لو سمحت انا تعبانة ارجوك سيبني دلوقتي 

محمود : واقسم بالله لو كلامي ماتسمع لا أكون مكسر دماغك 

هاله : ( بخوف) خلاص هنزل اعمل اللي بتقولي عليه

هاله نزلت جهزت الفطار وابنها على ايدها وبقت مش قادره تتماسك من التعب

هاله : ( بدموع وخنقه) انا اسفه ياعمي انا اسفه ياحماتي على اي حاجه حصلت مني زعلتكم 

شريفه : خلاص يعني هنقول ايه انتي مهم كنتي مرات محمود ولازم اسامحك 

منصور : اهو هو ده قلبك اللي مضيعك مع حريم ولادك ياشريفه علشان قلبك ابيض 

محمود : ربنا يخليكي لينا ياحاجه ومانتحرمش منك ولا من قلبك الأبيض وقدامك البت اهي ان عملت حاجه كسري دماغها 

هاله : شالت ابنها في حضنها وراحت شقتها بعد ماحست بالذل في البيت ده وبقت تفكر في طريقة تمشي بيها وتهرب 

هاله : بقت تقول في نفسها....انا لازم امشي من هنا ومش بس من هنا لازم امشي من البلد كلها ومش هروح بيت اهلي ولا هرجع البلد دي تاني بس يارب اقف معايه اني امشي ب ابني من هنا يارب انا تعبانه فعلا خليك معايه 

هاله انتظرت لم الليل خلاص دخل والكل نام 

ومحمود طلع ينام 

محمود : دخل الأوضة عند هاله ... كويس انك سمعتي كلامي ياهاله هي بنت الأصول كده اللي تسمع كلام جوزها 

هاله : بقت تبصله بصت احتقار.

محمود : قرب منها ومسك ايدها ...مش يلا بقى ننام 

هاله : ( بدموع) شدت ايدها من ايده...ماانا هنام بس هنام مكاني ومع ابني 

محمود : ضربها على وشها بالقلم...انا مش هتكلم معاكي دلوقتي بس ليا كلام تاني مش هيعجبك الصبح وراح سابها ودخل الاوضة بتاعته وقفلها ونام 

هاله استنت وقت طويل وقامت لبست ولبست ابنها الرضيع وبقت ماشيه بشويش لحد ماخرجت من الشقه ومن البيت كله وراحت وقفت عربيه 

هاله : لو سمحت عايزه اروح القاهرة 

السواق : اركبي يابنتي 

هاله : ركبت العربيه وبقت الطريق كله دموعها على وشها وبقت حاسه بخوف ورعب في قلبها كل مابيروح يزيد وتتندم انها مشيت لأنها مش عارفه هتروح فين ومالهاش حد فالقاهره تروح عنده وبقى في الف سؤال في دماغها هتعيش ازاي هتروح فين هتنام عند مين ..ابوها لم يعرف وامها هيقولوا ايه وهيحصلهم ايه 

بقى الخوف والرعب مسيطر على قلبها ومبقاش فيه على لسانها غير كلمة خليك معايه يارب انا وابني يارب 

(بنت راكبه العربيه جنب هاله) مالك ياحببتي بتعيطي ليه كده ؟

هاله : لا لا ابدا مفيش 

البنت : قوليلي مالك ممكن اساعدك 

هاله : انا رايحه القاهره وماليش حد هناك ومش عارفه اروح فين 

البنت : ب ابتسامة(خبيثة) ياحببتي انا ليا بيتي فالقاهرة انزلي عندي مفيش مشكله 

هاله : (بفرحه) بتكلمي بجد 

البنت : طبعا الناس لبعضها 

السواق : اتفضلوا انزلوا ياجماعه وصلنا

البنت : يلا ياحببتي انزلي 

هاله نزلت مع البنت وراحو على بيتها 

البنت : ادخلي ياحببتي بيتك ومكانك 

هاله : انا مش عارفه بجد اشكرك ازاي 

البنت : على ايه كلنا اخوات

هاله : انا كنت عايزه شغل لو تقدري تساعديني 

البنت : وهتشتغلي ازاي ب ابنك ده وجوزك واهلك فين 

هاله : انا ماليش حد فالدنيا دي غير ربنا وابني ارجوكي ساعديني 

البنت : خلاص الصبح هوديكي شغل هيعجبك وهتكسبي منه ياما ومش هتندمي ابدا

هاله: شكرا بجد 

البنت : يلا بقى نامي والصبح نروح

هاله : دخلت نامت 

(في الصباح) 

محمود : دخل الاوضة مالقيش هاله ولا ابنه والسرير زي ماهو محدش نام عليه بقى يدور عليها فالشقه وف كل مكان مالقهاش 

محمود : ياما انا مش لاقي البت راحت فين 

شريفه : يبقى راحت عند أهلها 

محمود : والله لا اروح واخاد ابني هي مفكره نفسها ايه 

محمود راح بيت هاله واول مادخل: ياعمي جمال انا عايز ابني

جمال: ابنك وابنك ايه اللي هيجيبوا هنا يامحمود

محمود : مش هاله هنا هي وابني

جمال : لا هاله جات ولا حتى ابنك هنا

محمود : انت بتقول اييييييييييييه 

جمال : في ايه فهمني وهاله بنتي راحت فين

محمود : بنت جابت لينا العار خلاص بنتك هربت 

جمال : اخرس قطع لسانك 

والدة هاله : وقعت في الأرض لم سمعت الكلام ده 

جمال : بنتك طالق وابني هعرف اجيبوا 

(فلاش بااااك )

هاله قامت من النوم هي والبنت اللي معاها وفطرو 

البنت : جاهزة نروح الشغل الجديد 

هاله : طبعا يلا 

البنت : انتي هتروحي النهاردة ب ابنك لكن اتعودي بعد كده هتسيبي ابنك 

هاله : لا ماينفعش طبعا اسيبوا ماتقلقيش مش هيقصر في حاجه معايه ع الشغل 

البنت اخدت هاله وراحت بيها مكان راقي اوي في مكان هادي وفيه فلل وعماير ودخلوا عماره في شقه في الدور التاني

هاله : شغل ايه ده اللي ف الشقق...بقولك انا مستحيل اشتغل خدامه انتي فاهمه

البنت : خدامة ايه ده الشغل هيعجبك اوي بس اصبري وانتي هاتفهمي دلوقت ...البنت ضربت الجرس وفتحت ليها ست ملابسها مش كويسه 

الست : ادخلوا 

هاله دخلت هي والبنت والشقة كلها كانت مليانة بنات ورجاله كتير 

الست : هي دي البنت الجديدة 

هاله : 😔😧بخوف

تكملة الرواية من هنااااااا