روايه فى قبضة الفهد الفصل الاول والثاني والثالث والرابع والخامس بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الفصل الاول والثاني والثالث والرابع والخامس بقلم الكاتبة جنات (حصرية وجديدة في مدونة قصر الروايات)
««الشخصيات»»
فى احدى العمارات فى اسكندريه تسكن
بطلة روايتنا { تمارا }
عندها ٢٥ سنه فى اخر سنه فى كليه طب جامعه اسكندريه متفوقه جداا فى دراستهاا قويه جدااا وجريئه ولسانها مافيش اطول منه مابتسبش حقهاا ابداا بتدرب فى احدى مستشفيات اسكندريه المعروفه
والدها اتوفى قبل ماتتولد ووالدتها اتوفت وهى عندها ١٦ سنه وعايشه مع اخوها ومراته
{حسن}
اخو تمارا ٣٠ سنه عنده محل بقاله بيحب اخته وحنين جداا عليهاا بس فى بعض الاوقات بيسمع كلام مراته اللى بتحاول تقلبه على اخته
{سماح}
مرات حسن اخو تمارا ٢٨ سنه مش بتحب تمارا وبتغير منها لانها احلى منها وكمان متفوقه فى دراستهاا اللى بتحاول تقنع تامر انه يخليها متكلمش دراسه ويقعدها فى البيت عشان تخدمهم
°°°°°°°°°°
{مريم} صديقه تمارا من الطفوله نفس سنها ٢٥ سنه ومعاها فى نفس الكليه كمان وكمان بتدرب معاها فى المستشفى عكس تمارا هاديه جداااا
والدها متوفى وعايشه مع والدتها {زينب}
===========================
فى ايطاليا بقي عند بطل روايتنا
{فهد}
٣٣ سنه هو ضلع من اضلاع اقوى مثلث مافيا فى ايطاليا لتجارة السلاح وعنده شركات لاستيراد ومن خلالها بيشتغل فى تجارة السلاح
قلبه ميت او الاصح معندوش قلب اصلااا شيطان ماشي على الارض وابسط الاخطاء عنده عقابها الموت
مالوش حد فى حياته غير صديقين وهما دراعه اليمين اللى مش بيستغنى عنهم
{راكان}
٣٠ سنه صديق فهد ودراعه اليمين زيز نساء كل يوم مع بنت شكل وبيقتل بدم بارد كانه بيقتل اى حشرة مش بنى ادم والقتل عنده لتسليه
{كنان}
٣٠ سنه عكس راكان هو اه بيقتل بس عشان يدافع عن نفسه هو او صحابه ومرح جدااا
{كريمه}
٤٥ سنه كبيرة الخدم فى قصر الفهد وبياخدها معاه فى كل مكان يسافر فيه
°°°°°°°
∆ المافيا بقي اعضائه
اقوى ضلع فيهم هو (فهد)
والضلع التانى(فرانكو) عدو فهد وبيكرهه
الضلع التالت(دانيال)مع فرانكو ضد فهد بس وقت الشغل مصلحتهم واحده
الراس الكبيره بقى هو (الملك) بيحب فهد
وبيثق فيه جداا وده اللى مضايق فرانكو ودانيال من فهد
{صوفيا}
اخت الملك عندها ٢٨ سنه بيميزها شعرها الاورنج لبسها قصير وضيق جداااا من الاخر صاروخ بتعشق فهد
روايه فى قبضة الفهد
««الفصل الاول»»
تبدا روايتنا فى محافظه اسكندريه عروس البحر المتوسط فى شقه فى الدور الرابع فى احدى العمارات عند بطلتنا الجميله تمارا اللى صحت من بدرى ودخلت الحمام اتوضت وصلت فرضهاا وغيرت وخرجت من اوضتها كان حسن اخوها قاعد على السفره
تمارا:صباح الجمال ياابو على
حسن:صباح الخير ياحبيبتى رايحه الجامعه
تمارا وهى بتقعد على كرسى الخاص بيها على السفره:ايوا عندى محاضرة وبعد كدا هروح المستشفى
حسن:ربنا يعينك ياتوتاا
سماح خرجت من المطبخ وهى شايله اطباق وبتحطهاا على السفره:يعنيها على ايه هااا ده واحده بتروح تتفرج على الدكاترة وهما بيكشفو على العيانين يعنى مش بتعمل حاجه
تمارا بضيق:صباح الخير ياسماح
سماح:صباح الخير ياختى
حسن:اقعدى افطرى ياسماح وقولى ياصبح
سماح:افضل انت دلع فيها كدا واعملها كل اللى هى عايزاه
حسن:انا ماااشي
حسن خرج من غير مايفطر
تمارا:فى ايه ياسوسو على الصبح هدى اعصابك هيطقلك عرق ياحبيبتى
سماح:شوف البت وبرودهاا
تمارا قامت وقفت:ياشيخه دانتى تصدى النفس والله انا راحه الجامعه
واخدت حاجاتها وخرجت واتقابلت هى مريم زى كل يوم
تمارا:مريومه قلبي صباحك بيضحك ياقمرى
مريم ضحكت على جنان صاحبتها:صباحك بينور ياقلب مريومتك
تمارا:يلا فى تاكسي اهو
بعد شويا وصلو الجامعه وتمارا حكت لمريم على كلام سماح
مريم:انتى شكلك عايزة تنقطيها والله
تمارا:عايزة تقلب حسن عليا بس على ايه دانا اقلب بلد بحالها عليها
مريم ضحكت:طب يلا ياختى عشان منتاخرش على المحاضرة
بعد ساعتين خرجو من المحاضرة
تمارا:محاضرة رخمه ودكتور ارخم
مريم:حرام عليكى ده دكتور احمد ده هيموت عليكى
تمارا:وانا مش بفكر فى خطوبه ولا جواز خالص
مريم:ما هو قالك هيستناكى لما تخلصى وتكونى جاهزة
تمارا:ياحبيبه قلبي دانا مش بيطيقه الساعتين بتوع المحاضرة هعيش معاه ازاى
مريم:دانتى محدش يتفااهم معاكى
تمارا:سيبك من كل ده خلينا نروح عشان منتاخرش على التدريب
مريم:يلا
البنات خلصو تدريبهم كانت الساعه ٥ ورجعو كل واحده على بيتهااا
===========================
فى بيت مريم فتحت الباب ودخلت:يازوزو ياقمر
زينب:حمدلله على السلامه ياقلب زوزو
مريم:انا ميته من الجوع عملالنا ايه حلو النهارده
زينب:حبيبه قلبك
مريم:احلفى مكرونه بشاميل
زينب ضحكت:اللى يسمعك يقول بقالك سنه مكلتهاش وانتى اكلاها اول امبارح
مريم حضنتها:والله كل كلتها كل يوم بردو بعشقها
زينب:توتا مجيتش معاكى ليه شويا
مريم:ولما تيجى معايا مين يحرق دم سماح
زينب ضحكت:والله بت جدعه مش هى اللى حطاها فى دماغها
مريم:ماهى لو تلم لسانها شويا
زينب:ربنا يعينها عليها سماح مش سهله وفى اى لحظه ممكن تقلب حسن عليها
مريم:هى اه بترد عليها وتحرق دمها بس من جواها بتبقي زعلانه انا بحس بيها والله
زينب:ربنا يحميكو يا حبيبه قلبي يارب
مريم:شكلك هنفضل نرغى كتير يازوزو والبشاميل هتبرد
زينب:طب يلا روحى غسلى وغيرى الاول
مريم:فوريرة
=============================
تمارا وصلت بيتهاا كانت سماح قاعده ومعاها تامر اخوهااا
تمارا:مساء الخير
سماح:مساء النور ياحبيبتى تعالى سلمى على تامر اخويا
تمارا من بعيد:ازيك
تامر:بخير ياتوتا
تمارا:توتااا... انت هتصاحبنى ولا ايه
سماح:اومال يقولك ايه
تمارا:ميقولوش خالص هى ازيك الرد عليها الحمدلله وبس
سماح:شوف البت وقله ادبها واخويا اللى هيموت عليكى وجاى يتقدملك ياعروسه
تمارا:ياااا ايه ياعينيااا لا يفتح فالله
تامر:يعنى ايه
تمارا:معندناش بنات للجواز ياتيمو
سماح بشهقه:انتى بترفضى اخويا دانتى يومك اسود
تمارا:سمااااح انا لو صابرة على طريقتك معايا فى ده عشان خاطر حسن وبس لكن لو قليتى ادبك انتى عرفانى
الباب اتفتح وحسن دخل:السلام عليكم
الكل:وعليكم السلام
حسن اتفاجأ بتامر:ازيك ياتامر عامل ايه
تامر سلم عليه:بخير يابو نسب
سماح:شوفت عمايل اختك ياحسن تامر اخويا جاى يتقدملها تقوم تكسفه
حسن بص لتمارا ورجع بص لتامر تانى:معلش ياتامر اصل تمارا مش بتفكر فى الخطوبه والجواز الوقت هى عايزة تخلص جامعتها وتتعين الاول وسماح اختك عارفه الكلام ده كويس يعنى الغلط مش من تمارا الغلط من اختك
سماح اضايقت من طريقته:ده بدل ما تعقلها بتقف فى صفها ياراجل
حسن:دى حياتها هى وهى حره التصرف تقبل او ترفض خلص الكلام
تامر:انا همشي ياسماح
سماح بصت لحسن:يعنى ينفع تكسف اخويا كدا
حسن:انا داخل اغير ياريت تحضرى الاكل لانى جاى تعبان عايز اكل لقمه وانام
حسن دخل الاوضه وتمارا بصت على الفاكهه والحلويات اللى على الترابيزة
تمارا:خلاص فركش ياسوسو شيلى شيلى اللى انتى مقدماه ده ولا اقولك سبيه لما نتعشي نبقي نحلى
تمارا دخلت اوضتها وسماح كانت هتفرقع منها
=============================
بليل فى ايطاليا وتحديداا فى قصر الفهد اللى كله اسود فى اسود
فهد دخل اوضه المكتب كان راكان وكنان فى انتظاره دخل وقعد على الكرسي الخاص بيه
فهد:اخبار الشحنه ايه
كنان:طب قول مساء الخير الاول
فهد بصله بغضب وكنان اترعب منه
راكان حاول يكتم ضحكته:كله تمام يابوص
فهد:التسليم امته
كنان:النهارده
فهد:مش عايز ولا غلطه اى غلطه فيها قطع رؤوسكو انتو الاتنين
راكان وكنان بصو لبعض اوى
راكان:متقلقيش كل حاجه جاهزة يابوص
فهد:روحو يلا شوفو شغلكوو
راكان وكنان خرجو من الاوضه وفهد بدا يشتغل على الورق اللى قدامه فونه رن وكان الملك مسك فون ورد عليه وقام وقف قدام الشباك الازاز اللى فى المكتب اللى بيطل على الحديقه الواسعه
الملك:اخبار التسليم ايه يافهد
فهد:كله جاهز متقلقش
الملك:مش قلقان بدام الشحنه معاك بس خد بالك من فرانكو ودانيال انا حاسس انهم هيلعبو بديلهم
فهد:الاتنين تحت عينى وعارف كل تحركاتهم
الملك:تمام يافهد
فهد قفل معاه وداس على زرار جمب المكتب بعد شويا الباب خبط ودخلت كريمه
كريمه:امرك سيدى
فهد: عايز فنجان قهوة وجهزى اوضه صوفيا
كريمه:حاضر
كريمه خرجت وفهد قعد يكمل شغله
============================
راكان وكنان وصلو على المكان اللى هيتم فيه عمليه التسليم وكل حاجه كانت تمام ووصل الوفد اللى هيستلم السلاح وفجأه حصل ضرب نار شديد عليهم ورجاله كتير من اللى كانو مع راكان وكنان ماتوو وفيهم اللى اتصاب بعد شويا وصل دعم ليهم وقدرو يتغلبو على المجموعه اللى كانت بتضرب نار عليهم ومسكو اللى كانو عايشين فيهم ودفنو اللى ماتو منهم وتمت عمليه التسليم راكان اخد شنطه الفلوس وركبو عربياتهم ورجعو على قصر الفهد
=============================
فهد كان فى المكتب وطبعااا عرف باللى حصل وده عصبه جداااا وسمع صوت العربيات خرج وبعد شويا دخل راكان وهو شايل شنطه كبيرة ومعاه كنان
راكان حط الشنطه على الترابيزة قدام فهد وفتحهاا كانت مليانه دولارات
كنان:العمليه تمت يابوص بس خسرنا كتير من رجالتنا
فهد:مين اللى كان ورا الهجوم
راكان:جون يابوص
(جون واحد من تجار السلاح )
فهد:عايزه عندى النهارده قبل بكرة
راكان:تم يابوص رجالتنا عرفو يوصلو ليه وفى طريقهم للقصر
كنان:ورجالته فى البيت الاسود يابوص
(فهد عامل بيت كبير فى الحديقه الخلفيه للقصر والبيت ده عبارة عن سجن بيحبس فيه اى حد يقف فى طريقه وطبعاا اللى بيدخله مستحيل يخرج منه ولو خرج يبقي بيخرج جثه والبيت طبعا مصفح من الاخر مافيش نمله تقدر تدخل او تخرج منه من غير اذن الفهد اكيد ومسميه البيت الاسود)
فهد:طبعا انتو عارفين هتعملو ايه معاهم
الشباب:اعتبره حصل
فهد:اما جون انا اللى هتصرف معاه
راكان:تمام يابوص
سمعو صوت عربيه راكان راح يبص من الشباك:دى صوفيا يافهد
كنان:مش هنخلص من العقربه دى
فهد بصله وكنان خرج بسرعه من المكتب
راكان:هى جايه ليه يافهد
فهد:اوامر الملك لحد الشحنه الكبيرة ماتتسلم
راكان:تمام
راكان خرج ودخلت صوفيا اللى كانت لابسه فستان قصير جداااا ومكشوف وشعرها الاورنج:هاى يابيبي
ولسه هتقرب من فهد شاورلها تقعد على الكرسي اللى جمب المكتب:انتى جايه هنا لشغل ياصوفيا بلاش تنسي ده
صوفيا بضيق:اكيد انا تعبانه هطلع ارتاح
فهد:اوضه الضيوف جاهزة
صوفيا بصتله واتكلمت بدلع:وليه مش فى اوضتك يابيبي
فهد بصلها وهى خافت:ومن امته حد بيدخل اوضتى ياصوفيا اتفضلى على اوضتك يلا
صوفيا خرجت من المكتب وكانت مضايقه وكنان وراكان كانو قاعدين برا وشافوها
كنان ضحك:الظاهر صاحبك نفضلها
راكان:ونبي حد ينفض للصاروخ ده
كنان:بنى ادم مقرف مش هتبطل القرف بتاعك ده يابنى
راكان:بقي المزز دى قرف اخس عليك كدا ازعل منك
كنان:انا ماشي
راكان:رايح فين ماتيجى نتسلى شويا على رجاله جون انا زهقان ومش لاقى مزز النهارده
كنان:ياعم غور من وشي انا تعبان ورايح انام
راكان:كنان وهينام وفهد مش هيخرج من مكتبه انا عارف انا بقي هعمل ايه
فونه رن وكانت بنت من اللى يعرفهم رد عليها:جيتى فى وقتك يامزة......طبعا ياقمر جيلك هو انا اقدر اتاخر
=============================
فهد فى مكتبه الباب خبط
فهد:ادخل
دخل واحد من الحرس:الرجاله جابو جون وهو فى البيت الاسود يابوص
فهد بصله:كنان وراكان فين
الحارس:راكان بيه خرج وكنان بيه طلع اوضته
فهد:طب روح وانا هاجى
الحارس خرج وفهد قام من مكانه وراح على البيت الاسود دخل كان جون قاعد على كرسي ومتربط ايديه ورجليه
فهد:منور ياجون
جون:انت عايز ايه منى يافهد
فهد:يعنى عايز تلعب مع الفهد وانا اسكت ينفع يعنى
جون:هو انا جيت جمبك اصلا
فهد:ومين اللى بعت رجالته تضرب نار على رجالتى وقت تسليم الشحنه
جون بلع ريقه بخوف:مش انا
فهد قرب منه وضربه بوكس بكل قوته لدرجه ان مناخيره وبوقه جابو دم:مبحبش الكذب وانت عارف كدا كويس
جون:انا نفذت اللى اتطلب منى
فهد:ومين اللى طلب منك
جون:هيموتنى لو اتكلمت
فهد:وانت مفكر انك هتخرج من هنا عايش اصلاا ..انطق
جون:فرانكو
فهد:فرااانكو
فهد مشي خطوتين ناحيه الباب وطلع مسدسه ولف وضرب جون فى نص راسه وبص للحرس:ابعتوه لفرانكوو فى لف هدايا واكتبو عليها من الفهد
الحارس:امرك سيدى
فهد خرج وراح على اوضته اللى لونها اسود زى باقى القصر
وقعد يشتغل على شويا ورق وبعد كدا قام غير ونام........
روايه فى قبضة الفهد
««الفصل التانى»»
اشرقت شمس يوم جديد كانت اميرتنا الحلوة فى اوضتها اللى بلون الابيض والبينك اللى هى بتعشقهم كانت قاعده بتذاكر فونها رن وكانت صديقتها الصدوقه مريم
تمارا:صباحك ورد ياقمرى
مريم ضحكت:صباح الفل ياقلبي بتعملى ايه
تمارا:بذاكر ياختى هكون بعمل ايه
مريم:وانا اللى قولت النهارده مافيش محاضرات تمارا حبيبه قلبي هتعمل حاجه من الاتنين
تمارا:ايه الحاجه الاولى
مريم:تقعدى تحرقى فى دم سوسو
تمارا ضحكت:وايه التانيه
مريم:تيجى تتغدى معايا انا وزوزو ياتوتا ونذاكر سوا
تمارا:تصدقى الاتنين احلى من بعض بس هختار التانيه وبكدا هكون ضربت عصفورين بحجر واحد
مريم:ازاى يااذكى اخواتك
تمارا:لما اخرج يوم اجازتى ومساعدتش سوسو كدا هكون حرقت دمها وفى نفس الوقت جيت لزوزة اللى وحشتنى موت
مريم:والله انتى فظيعه الله يعين سماح عليكى والله
تمارا:طب اقفلى يلا هغير واجيلك
مريم:سلام
تمارا غيرت ولبست الاستايل المحبب لقلبها وهو السوت (وانا شخصيااا بعشقه😂)
لبست سوت بلون الزيتى وفى كمها والبنطلون خط بلون اوف وايت وكوتشي وطرحه بلون الابيض

وخرجت من اوضتها كانت سماح فى المطبخ وحسن فى شغله كالعاده دخلت المطبخ
تمارا:ياسوسو انا راحه اتغدى النهارده عند مريم
سماح رمت السكينه اللى فى ايدها:يعنى حتى يوم اجازتك مش هاين عليكى تساعدينى
وتمارا:معلش يا موحه اصل زوزة كلمتنى ومقدرش اكسفها انتى عرفانى
سماح:مش تاخدى اذن اخوكى الاول ولا محدش له كلمه عليكى
تمارا:حسن عمره مامنعنى عن طنط زينب وانتى عارفه ومتقلقيش هكلمه واعرفه باى ياسوسو
تمارا خرجت وسماح كانت متغاظه منها:اخوكى اللى مقويكى ومبقاش سماح لو ماخليتو يقلب عليكى
============================
فى ايطاليا
فهد نازل بكل هيبته على السلم ولابس بدله سودا كالعاده كان كنان قاعد
كنان:صباح الخير يابوص
فهد:راكان فين
كنان بتوتر:مجاش من امبارح
راكان داخل من باب القصر:انا هنا يابوص
فهد بحده:كنت فين من امبارح
راكان:مانت عارف كل تحركاتنا يافهد واكيد اللى ماشيين ورايا قالولك انا كنت فين
فهد:احنا عندنا شغل مهم اوى الفترة دى ياريت نركز شويا
راكان:عارف يابوص
فهد:يلا هنروح لقصر الملك
كنان:العربيات جاهزة
لسه هيخرجو سمعو صوت صوفيا:انا جايه معاكو
كنان وراكان لفو باصولها وفهد واقف زى ماهو ضهره ليها
راكان اول ماشافها صفر كانت لابسه جيبه قصيرة وبدى كط
راكان لسه هيتكلم لكن بنظرة من فهد سكت
فهد:جايه ليه
صوفيا:مش رايحين فى شغل وانا هاجى معاكو
فهد خرج من القصر:يلا
فهد ركب ورا وصوفيا جمبه وراكان بيسوق وجمبه كنان وقدامهم عربيه حراسه و وراهم واحده
بعد شويا وصلو لقصر الملك ودخلو كان فرانكو ودانيال والملك بانتظار الفهد
الملك:اتفضل يافهد خلينا نتكلم
فهد قعد وراكان وكنان واقفين وراه وصوفيا قعدت جمب اخوهاا الملك وفرانكو اللى نظرته كلها غل لفهد بعد مابعتله جون فى لفه هداياا
الملك:غلطتك كانت كبيرة يافرانكو
فرانكو عرف ان فهد عرف الملك:انا
الملك:انا هعديها المرة دى بس لو غلطت مرة تانيه عقابك هيكون قاسي جدا
فرانكو:حاضر ياكينج
دانيال:ايه مناسبه الاجتماع ياكينج
الملك:احنا معروفين فى تــ***ارة الــ***ــلاح بس المرة الجايه هنجرب تــ***ارة الاعـــ**اء
صوفيا:وضحلنا اكتر ياكينج
الملك:الطلب جاى من الكبير عشان صفقه اعضاء هنكسب من وراهم مليارات
دانيال:وهتم فين
الملك:فى مؤتمر هيتعمل فى شرم الشيخ وهيحضره دكاترة من كل دول العالم
فهد:والمطلوب
الملك:انتو التلاته هتسافرو عشان تقابلو مجموعه الاطباء اللى هنتعامل معاهم
فهد قام وقف:انا مش هسافر مصر ومش حابب اغير تــ***ارة الــ***لاح
الملك:والسبب
فهد:مش مضطر اقول السبب
الملك:خلاص براحتك يافهد سافر احضر الاجتماع لانك عارف مش بثق غير فيك
فرانكو ودانيال بصو لبعض وكلام الملك ضايقهم
الملك كمل كلامه:لو مش حابب تكون معانا فى الصفقه الجايه هتكون انت مسؤل عن شحنه السلاح اللى جايه وفرانكو ودانيال صفقه الاعضاء
صوفيا:والسفر هيكون امته
الملك:الشهر الجاى المؤتمر هيتعمل بعد نهايه امتحانات كليات الطب فى مصر وانتى ياصوفيا هتفضلى هنا لمانخلص الصفقه دى
صوفيا بضيق:تمام
فهد:تمام
فهد خرج من غير كلام ووراه راكان وكنان
=============================
تمارا وصلت شقه مريم وطبعاا تمارا مش هتخبط عادى كدا او ترن الجرس لا دى كانت بطبل على الباب
مريم فتحت بسرعه:يخربيتك ايه الدوشه دى
زينب:ده العادى بتاعه توتا ايه الجديد
تمارا دخلت وحضنت زينب:قوليلها ونبي يازوزة وحشتينى ياقمر
زينب:وانتى ياروح قمرك عامله ايه
تمارا:انا ميت فل وعشرة
زينب:يابت بطلى لماضه اللى هتوديك فى داهيه دى
مريم:طب يلا ناكل الاول لانى موت من الجوع
تمارا:انتى بتقولي فيها يلا دانا شامه ريحه الاكل من اول الشارع
زينب ومريم ضحكو وراحو اتغدو سوااا وبعد ماخلصو ساعدو زينب فى المطبخ وراحو اوضه مريم عشان يذاكروو
تمارا بتبص فى فونها لقت الساعه بقت ٨ شهقت:يانهار اسود الساعه بقت ٨ انا اتاخرت اوى وكمان نسيت اكلم حسن اقوله انى عندك اكيد الحيزبونه هتقلبه عليا
مريم ضحكت:البيت جمبنا يعنى مش بعيد اكيد مش هيقول حاجه
تمارا بتلم كتبها وحاجاتها:ربنا يستر سلام يامريومه
مريم:سلام
=============================
فى بيت تمارا
حسن قاعد بيسمع كلام سماح ومضايق ان اخته خرجت من غير ماتقوله وكمان الساعه بقت ٨ وهى لسه مارجعتش
سماح:انا قولتك انت اللى دلعتها وانت مش بتسمع كلامى وبعدين بصراحه فى حاجه بخصوص تمارا كنت عايزة اقولك عليها وخايفه
حسن بصلها اوى:حاجه ايه انطقى
سماح بمكر:الكلام كتر على اختك فى المنطقه كلها ياحسن
حسن:ازاى مش فاهم
سماح:مانت عارف الست ام محمود جارتنا فى العمارة وكتر كلامها بعد ماتمارا رفضت ابنها وهى ماشيه تقول انها بترفض كل العرسان اللى بيتقدمولها يبقي اكيد ماشيه مع حد
حسن بعصبيه:ماشيه مع حد ازاى يعنى
سماح:قصدها يعنى بتحب حد عشان كدا رفضت محمود ابنها وكمان فتحى جارنا مع انه عنده محل هدوم رجالى ومبسوط وبردو رفضته وبيشوفو كل العرسان اللى بيجو وهى بترفضهم فالست ام محمود ماشيه تتكلم عليها فكل حته
حسن:انا عندى ثقه فى اختى كويسه
سماح بضيق:انا شايفه انك تشد عليها شوية مع دلعك ده اللى مخليها مش بتعملك اعتبار وكمان مش بتسمع كلامك وبتخرج وبتدخل على كيفها مش بتاخد اذنك
حسن بصلها بضيق
سماح:مش مصدقنى طب لما تيجى قولها انك هتجوزها بعد الامتحانات وشوف هى هترد عليك بايه وانا متاكده انها مش هتسمع كلامك بردو
حسن اتضايق جدا من كلام سماح انها شايفه ان اخته مش بتحترمه ولا بتسمع كلامه الباب اتفتح ودخلت تمارا:السلام عليكم
سماح وحسن:وعليكم السلام
حسن:كنتى فين لحد الوقت
تمارا:عند مريم ياحسن وانا اسفه نسيت ارن عليك اقولك
حسن قام وقف بعصبيه:نسيتى ...وانتى ازاى اصلا تخرجى من البيت من غيرى اذنى
تمارا بصت لسماح اللى شمتانه فيها:انا اسفه ياحسن بس احنا كنا بنذاكر والوقت جرى بسرعه
حسن: ليكى بيت تذاكرى فيه بعد كدا مافيش خروح غير للجامعه وبس
تمارا:ده اللى هو ازاى يعنى هتحبسنى فى البيت
حسن بص لسماح اللى بنظرتها كانها بتقوله شايف
حسن:هو كدا ياتمارا وبعد الامتحانات ماتخلص اول عريس هيتقدملك هوافق عليه كفايه العرسان اللى رفضتيهم كلهم
تمارا:يعنى هتجوزنى بالعافيه ياحسن
حسن:لا مش بالعافيه بس لازم اعرف السبب ان كل العرسان اللى اتقدمولك بترفضيهم
تمارا:مش عايزة اتخطب ولا اتجوز هو بالعافيه يعنى انا كل تفكيرى فى دراستى ولما اخلص اتعين فى المستشفى وبس
حسن:وانا قولت كلمتى اول عريس يتقدملك هوافق عليه ونروح بعيد ليه تامر اخو سماح عايزك وشاريكى انا هكلمه واديه كلمه بعد الامتحانات نعمل خطوبه وبعدها بشويه نعمل الفرح
تمارا:لدرجه دى بقيت تقيله عليك وعايز تخلص منى
حسن:هو عشان عايز افرح بيكى تبقي تقيله عليا وعايز اخلص منك
تمارا:ده مش كلامك ياحسن ده كلام مراتك هى اللى قلبتك عليا
حسن بصوت عالى:هو انا عيل قدامك عشان اسمع لكلام مراتى كلمتى وانا قولتها ومش هرجع فيها
تمارا بعصبيه:وانا مش عيله قدامك عشان تجبرنى اتجوز غصبن عنى وكمان واحد مش بطيقه هو ولا اخته
حسن اضايق من عصبيتها وصوتها العالى ومن كلامها وضربها بالقلم
تمارا اتصدمت اول مرة اخوها يمد ايده عليها وسماح كانت فرحانه فيها
تمارا حبست دموعها عشان متبنش ضعيفه وعشان سماح متشمتش فيها اكتر من كدا ودخلت اوضتها من غير ماتتكلم وقفلت الباب بالمفتاح وسمحت لدموعها تنزل دخلت غيرت واتوضت وصلت واتكلمت مع مامتها كتير زى ماهى ماتعودت
تمارا:شوفتى عمل ايه ياماما سمع كلامها قدرت تقلبه ضدى وعايز يجوزنى غصبن عنى بس انا تمارا محدش يقدر يخلينى اعمل حاجه مش عايزاها انا هفضل قويه زى ماعملتينى ومش هضعف ابدااا
تمارا قلعت الاسدال وراحت على السرير ونامت......
روايه فى قبضة الفهد
««الفصل التالت»»
اشرقت شمس يوم جديد تمارا صحت من النوم اتوضيت وصلت فرضها ولبست وخرجت من الاوضه كان حسن وسماح قاعدين على السفره بيفطروا
حسن: رايحه فين يا تمارا
تمارا: رايحه التدريب في المستشفى
حسن: مش انا قولتك مافيش خروج من البيت غير للجامعه وبس
تمارا: ما هو التدريب كمان خاص بالجامعه ومستقبلي
حسن: وهترجعي امتى
تمارا: مش عارفه لما التدريب يخلص هاجى
حسن: تمام وياريت ماتتاخريش عشان تامر جايه النهارده
تمارا: وانا مالي يجي ولا مايجيش
سماح: مش جاي لعروسته
تمارا بسخريه: عروسته
سماح: ااااااه انت ماتعرفيش ان حسن كلم اخويا امبارح وقال له ان موافق عليه والخطوبه بعد الامتحانات
تمارا: ليه بتاخدوا قرارات تخصني عنى
حسن: وهو بدام انتى مابتجيش بالمسايسه يبقى تيجي بالغصب ياتمارا
تمارا اتضايقت من اخوها: انا خارجه
==========================
في كافتيريا المستشفى تمارا ومريم قاعدين سوا بعد ما خلصوا التدريب
مريم: وناويه تعملي ايه يا توتا
تمارا: مش عارفه اول مره حسن يعمل كده معايا
مريم: ربنا يسامحها مراته
تمارا: لا دي تقولي ربنا ياخدها مش يسامحها
مريم ضحكت: وهتعملي ايه النهارده مع تامر
تمارا: هطفش امه
مريم: والله يا بنتي الله يكون في عونه
تمارا: هي الساعه بقت كام
مريم: الساعه 2
تمارا: طب يلا عشان نمشي
مريم: طب تحبي اخلي ماما تكلم حسن
تمارا: لا يا مريومه انا هتصرف
مريم: حاضر يا حبيبتي
==========================
في ايطاليا
فهد وراكان وكنان قاعدين في المكتب
راكان: انا مش مطمن لنزولنا مصر ده يا فهد
كنان: خلاص بلاش ننزل
فهد: هننزل ونحضر الاجتماع ونفهم دماغهم جهزوا انتوا كل حاجه
راكان: اعتبره حصل يا بوص
فهد: اخبار الشحنه الجديده ايه
كنان: كان في مشكله في الجمارك بس قدرنا نعديها
فهد: ماتحطوش الشحنه في مخزن واحد قسموهم على ٣ او ٤ مخازن
راكان: انت شاكك في حاجه يا فهد
فهد: فرانكو مش هيعدي اللي حصل مع جون بالساهل واكيد هيفكر ينتقم
كنان: احنا زودنا الرجاله اللي بيراقبوه هو ودانيال
فهد: خلوا حد من رجالتنا الموثوق فيهم يراقبوا صوفيا
راكان: انت شاكك فيها
فهد: للامان مش اكثر
كنان: تمام احنا هنروح نأمن المخازن قبل الشحنه ما تتحط فيهم
فهد هز راسه وهما خرجوا من المكتب
==========================
تمارا وصلت البيت وقبل ماتفتح الباب سمعت صوت ضحك سماح وتامر اخوهاا اتنهدت بقوة وفتحت الباب:السلام عليكم
حسن:وعليكم السلام ياتمارا تعالى سلمى على تامر
تمارا وهى فى نفس مكانها متحركتش:اهلا
تامر بص لسماح:ازيك ياتمارا
تمارا:كويسه
حسن:غيرى وتعالى عشان نتغدى سوا ياحبيبتى
تمارا:انا اكلت برا الحمدلله انا هدخل انام لانى تعبت فى التدريب النهارده عن اذنكوو
تمارا دخلت اوضتها وسماح بصت لحسن:شايف اختك احرجت اخويا ازاى يا حسن ده حتى معملتش احترام ليك ولا لكلمتك
حسن:حضرى الغدا عشان ناكل سوا ياسماح
============================
تمارا دخلت اوضتها غيرت واتوضت وصلت وقاعدت تذاكر كتييير وكانت سامعه كل كلامهم وهما بيخططو لخطوبه وفرح وحاجات كتير وحاولت تلهى نفسها بالمذاكرة عشان متخرجش تقتل سماح واخوها لحد ماتعبت وبصت فى الساعه كانت ٩
تمارا:ياااااه كل ده
تمارا لمت الكتب ونامت من التعب
=============================
فى ايطاليا
راكان نايم فى اوضته فجاه الباب اتفتح بقوة وراكان اتخض لاقى فهد واقف قدامه وحاطط ايده فى جيبه
راكان بفزع:فى ايه
فهد:شايف حضرتك نايم ولا كأن فى ورانا شغل
راكان:مانا وكنان مجهزين كل حاجه
فهد:انا هنزل وفى اقل من دقيقه تكون واقف قدامى ياما قول على نفسك يارحمن يارحيم
فهد خرج وراكان قام بسرعه لبس التيشيرت ونزل جرى كنان شافه بيجرى :ربنا يكتر من كوابيسك ياراكان باشا
راكان بصله بغضب
فهد شايفهم واقفين فوق وبيتكلمو:انا هفضل مستنى حضراتكو كتير
راكان وكنان نزلو بسرعه وقفو قدامه
فهد بصلهم بغضب:بلا ورايا
راكان:على فين
فهد بصله:مانت لو مفتح كنت عرفت اننا مسافرين
كنان:اصل ...انا نسيت اقوله بصراحه
فهد بحده:نسيت
راكان:مسافرين فين
فهد:شكل الحبس الانفرادى فى البيت الاسود وحشكو انتو الاتنين
الاتنين بصو لبعض برعب
فهد خرج وراكان بص لكنان:احنا مسافرين فين
كنان:استلام الشحنه مش هتبقي فى ايطاليا هنسافر القصر اللى فى اليابان
فهد بصوت جهورى:يلاااا
الاتنين جرو بسرعه وركبو العربيه وبعد شويا وصلو على مكان فاضى وفى مكان لهبوط الطيارات وركبو كلهم الطيارة الخاصه بتاعه الفهد
============================
فى بيت تمارا صحت من النوم وفضلت فى اوضتها مخرجتش منها الباب خبط قامت فتحت كان حسن اخوها
سابت الباب ودخلت قعدت على السرير
حسن:قافله على نفسك بالمفتاح ليه
تمارا:اوضتى وانا حرة واظن كان فى واحد غريب فى البيت وانا كنت عايزة اقعد براحتى
حسن:الغريب ده هيبقي جوزك
تمارا:هو انت صدقت انى هوافق عليه ولا ايه
حسن بحده:اومال هتصغرى اخوكى الكبير قدامهم
تمارا:انا عمرى ماصغرتك ياحسن بس اللى بتعمله غلط وانا مش عيله عشان تجبرنى على حاجه مش عايزاها
حسن:انتى مفكرة اخوكى مش خايف على مصلحتك
تمارا:ومصلحتى مع سي تامر
حسن:عيب كدا ياتمارا الناس اللى فى العمارة كلها بتتكلم عليكى
تمارا باستغراب:بتكلمو عليا ازاى يعنى
حسن:ام محمود من يوم مانتى رفضتى ابنها ورفضتى فتحى وكل العرسان اللى بيتقدمولك وهى بتقول انك ماشيه مع حد او بتحبي حد
تمارا:وانا مالى بكل ده ولا انت مش عندك ثقه فيا
حسن:لا طبعا واثق فيكى وجداا كمان
تمارا:اومال عايز تجوزنى لتامر بالعافيه ليه
حسن:انتى شايفه انه بالعافيه
تمارا:لما يبقي بدون رضايا يبقي اسمها ايه ياحسن ولا ليها اسم تانى عندك انتى ومراتك
حسن:انتى ليه مش بتحبي سماح دى بتحبك وبتدور على مصلحتك
تمارا ضحكت:لا بص انا ممكن اصدقك فى اي حاجه تقولها الا دى معلش مراتك لا بتحبنى ولا حتى بطيقنى بس بصراحه القلوب عند بعضهاا يعنى
حسن:انتى ازاى كدا جايبه القوة دى كلها منين
تمارا:من كلام ماما الله يرحمها ليا بلاش تكونى ضعيفه ياتمارا متخليش حد يستقوى عليكى خليكى قويه ده كان كلامها وانا بعمل بيه ومش هخلى اى حد حتى لو انت ياحسن يستقوى عليا ويخلينى اعمل حاجه مش عايزاها
حسن اضايق من كلامها:ماشي ياتمارا انا بعرفك بقي ان خطوبتك على تامر هتكون اول الامتحانات ماتخلص يعنى كمان شهر
حسن خرج من الاوضه وتمارا قامت قفلت الباب بالمفتاح تانى وقعدت تذاكر
=============================
فى اليابان وصلت طيارة الخاص بالفهد ونزل بهيبته المعتاده وركبو العربيات والحرس وراهم وبعد شويا وصلو عند قصر حاجه كدا اخر فخامه على الطراز اليابانى

نزلو من العربيات ودخلو القصر وطبعا كالعاده كريمه والخدم اللى معاها كانو موجودين ومجهزين كل حاجه
فهد:اجهزو عشان هنروح اجتماع مهم
كنان:مش هنرتاح من السفر
فهد بصله بطرف عينه
كنان: مش مهم خالص نرتاح
راكان ضحك عليه والحارس دخل:العربيات جاهزة سيدى
فهد:يلا
خرجو وركبو العربيات ووصلو على المطعم اللى فيه الاجتماع والمطعم كان فاضي مافيش حد فيه غير الناس اللى هتحضر الاجتماع وطبعا فرلانكو ودانيال كانو حاضرين واتفقو على معاد تسليم الشحنه وكل حاجه وبعد شويا من الوقت خلص الاجتماع وكل واحد ركب عربيته مع الحراسه الخاصه بيه
===========================
فى العربيه فهد قاعد ورا وراكان بيسوق وكنان قاعد جمبه قدام
فهد:عينكو على فرانكو ودانيال مش مطمن ليهم
راكان:متقلقيش يابوص رجالتنا مصحصحين على الاخر
كنان:الشحنه كبيرة اوى يافهد مكانش لازم توافق ان فرانكو اللى ينقلها
فهد:انا عايزه يركز فيها عشان احنا نركز فى الصفقه الاكبر
راكان:دماغك سم يابوص
فهد بصله فى مرايه العربيه راكان سكت وركز فى السواقه
وبعد شويا وصلو القصر
فهد:زودو الحراسه على القصر
راكان:اكتر من كدا يافهد
فهد:نفذ كلامى وبس
فهد مشي راح على اوضته وكنان بص لراكان وضحك:بتقلب فار مبلول قدامه
راكان:وانت بتقلب ايه كتكوت
كنان:انا وانت رغم اننا بقالنا سنين كتير معاه بردو بترعب من نظرة بس منه
راكان:لان فهد معندوش ياما ارحمينى وممكن يقتلنا عادى لو غلطنا مش هيهمه السنين اللى عشناها سوا
كنان:المكان اللى هو فيه هو اللى هيجبره على كدا هو عمره مايستغنى عننا واحنا اللى اختارنا غلط من الاول
راكان:ايه اللى الغلط يعنى
كنان:لما واقفنا نشتغل مع المافيا
راكان:لا بصراحه انا مبسوطه ومش ندمان احنا وصلنا لمكان محدش يقدر يرفع عينه علينا وبقي لينا قوة بوجود فهد معانا
كنان:ماشي ياخويا انا هطلع ارتاح شويا
راكان:انا مش هيجيلى نوم من غير ماقضى وقت حلو مع اى مزة وبصراحه المزز اليابانى حاجه كدا بقلاوة
كنان زقه من كتفه:ياشيخ اتنيل كدا انا ماااشي
راكان:والله انت عبيط وبضيع عمرك على الفاضي ....خلينى انا اشوف مزة حلوة تفرفشنى
كنان طبع اوضته وراكان خرج من القصر ركب عربيته ومشي.....
روايه فى قبضة الفهد
««الفصل الرابع»»
عدى شهر
- تمارا ومريم خلصو امتحانات وحسن بيجهز لخطوبه تمارا وتامر وده مفرح سماح اوى وتمارا ال هاديه جدااا ومش بتعمل اى حاجه وده طبعااا على غير العادى
- بعض الدكاترة اللى موجودين فى المستشفى اللى بتدرب فيها تمارا ومريم هيحضرو المؤتمر الطبي اللى هيكون فى شرم وتم اختيار مجموعه من الطلاب اللى تحت التدريب لحضور المؤتمر وطبعاا من ضمنهم تمارا ومريم واللى ضايق تمارا ان المؤتمر هيكون فى نفس اليوم اللى حسن حددو لخطوبتها هى وتامر
- فهد اللى قدر يستلم كل صفقات الاسلحه بسهوله طبعا ده الفهد وده زاد ثقه الملك فيه وطبعاااا بيزيد عدواه فرانكو ودانيال ليه اكتر بعد ما فرانكو فشل فى استلام صفقه السلاح اللى سلمها فهد ليه وفهد قرر يفضل فى اليابان لحد مايسافر شرم الشيخ
=============================
فى بيت مريم كانت تمارا قاعده معاها
مريم:طب انتى عرفتى حسن انك هنا
تمارا:ايوا كلمته وقالى روحى ومتتاخريش
مريم:انتى ناويه على ايه ياتمارا هدوءك ده مش مطمنى
تمارا:ولا اى حاجه
مريم:طب والمؤتمر اللى كمان ٣ ايام وفى نفس يوم الخطوبه
تمارا:هحضره باذن الله
مريم:وده ازاى
تمارا بهدوء:ههرب
مريم بشهقه قويه:بتقولى ايه
تمارا:اسكتى اللى يخربيتك امك هتسمعنا
مريم:انتى بجد هتهربي من البيت
تمارا:ههرب وهروح احضر المؤتمر
مريم:وبعد المؤتمر مايخلص هتروحى فين
تمارا:هرجع بيتى اكيد هروح فين يعنى
مريم:لا دانتى مجنونه بجد انتى بتتكلمى جد ولا بتهزرى
تمارا:لا بتكلم جد وجدااا كمان بس ياريت حسن وسماح محدش فيهم يعرف بموضوع للمؤتمر ده خالص
مريم:ربنا يستر
تمارا:بكرة هننزل عشان نجيب هدوم عشان المؤتمر
مريم:ان شاء الله بس اخوكى هيرضي انك تنزلى
تمارا:عروسه وبجيب الحاجه اللى نقصانى
مريم ضحكت:والله مالكيش حل
تمارا:يلا انا همشي بقي سلام
=============================
فى اليابان
فهد قاعد فى مكتبه الباب خبط ودخل راكان وكنان
راكان:الطيارة جاهزة يابوص
كنان:احنا ليه هنسافر قبل المؤتمر ب٣ ايام
فهد:تغير جو
راكان:احنا من زمان منزلناش مصر والله وحشتنى ام الدنيا
كنان:ام الدنيا بردو ولا بنات ام الدنيا
راكان:الاتنين طبعااا
فهد:اخرجوو برا انتو الاتنين
كنان وراكان خرجووو وفهد بعد شويا خرج وطلعو على سطح القصر كانت الطيارة الخاصه بتاعه فهد ركبو التلاته ومعاهم حرس وطارت على ام الدنيا
============================
صباح يوم جديد
تمارا خرجت من اوضتها:صباح الخير
حسن:صباح النور ياعروسه
سماح:راحه فين
تمارا:حسن انا هنزل مع مريم اشترى شويا حاجات نقصانى
سماح:انا كمان هنزل اشترى حاجه انزلى معايا
تمارا:لا انا هنزل مع مريم وبس عن اذنكووو
تمارا خرجت وسماح بصت لحسن:شايف طريقه اختك دى حتى مش معبره اخويا ويفضل يرن عليها وهى مش معبره ترد عليه
حسن:انا اتكلمت معاها وقالتلى مافيش اى حاجه رسمى بينا عشان نتكلم فى التلفون وهى معاها حق
سماح:كمان ٣ ايام مش هتبقي خطوبه بس دى كتب كتابهم كمان يعنى هيبقي كل حاجه رسمى اما نشوف هتتعامل معاه ازاى
حسن:مش المفروض نقولها على موضوع كتب الكتاب ده
سماح:لا كدا مفاجاه احسن ياحبيبي
حسن:تمام
=============================
فى كافتريا المول
مريم:بجد
تمارا:انا نسيت فونى ورجعت عشان اخده سمعتهم بيتكلمو
مريم:معقول يكتبو كتب كتابك من غير مايعرفوكى
تمارا:كله منها العقربه سماح
مريم:طب هتعملى ايه
تمارا:ههرب اكيد مستحيل اتجوز اللى اسمه تامر ده
مريم:ربنا يستر
تمارا:طب يلا نشترى باقى الحاجه
مريم:يلا
البنات دخلو محلات كتير واشترو كل اللى ناقصهم
تمارا:اخيراا خلصنا
مريم:تعالى السلم هناك اهو بلاش الكهربا لان عليه زحمه
تمارا:يلا
البنات نازلين السلم مريم رجلهاا اتقلبت وصرخت تمارا نزلت قعدت جمبها:مالك يامريم
مريم:رجلى مش قادره اقف عليها
تمارا:طب هاتى كدا الشنط واسندى عليا نركب تاكسي ونروح اقرب مستشفى
تمارا سندت مريم وخرجو من المول وركبو تاكسي وبعد شويا وصلو المستشفى وتمارا طلبت من التاكسي يستناهم وسابت كل الشنط فيه
طلعو ودخلو لدكتور وشاف رجلها
تمارا:خير يادكتور
الدكتور:التواء شديد وممنوع تدوس عليها لمده اسبوع على الاقل
مريم:لا مستحيل والمؤتمر
الدكتور:انتى لو تقلتى على رجلك ممكن يحصل كسر ووقتها هنضطر نعمل جبيرة انا لفتها برباط طبى وتمشي على العلاج ده وياريت اشوفك كمان اسبوع
تمارا:تمام شكراا يادكتور
تمارا سندت مريم وخرجو ركبو التاكسي ورجعو على بيت مريم وزينب اللى خافت على مريم لما شافت تمارا مسنداها
زينب:حبيبتى يابنتى مالك
تمارا:رجلها اتقلبت واحنا نازلين من على السلم وحصل التواء والمفروض مدوس عليها لمده اسبوع
مريم:مستحيل ياتمارا انا لازم احضر المؤتمر
زينب زعقت فيها:مايتحرق المؤتمر مش هتخرجى من البيت ولا هتدوسي على رجلك لمده اسبوع زى الدكتور ماقال وخلص الكلام
تمارا:زوزة عندها حق يامريم احنا شكلنا مش مكتوبلنا نحضر المؤتمر ده
مريم بصتلها اوى:يعنى ايه مش هتحضرى انتى كمان
تمارا:مش هقدر من غيرك يامريم ...انا همشي وهابقي اطمن عليكى سلام
مريم بحزن على صاحبة عمرها:سلام
=============================
تمارا روحت بيتها كان حسن مستنيها:اتاخرتى ليه ياتمارا
تمارا:مريم وقعت من على سلم المول واخدتها المستشفى عشان كدا اتاخرنا
حسن:حصلها حاجه
تمارا:التواء فى رجلها
حسن:لا حول ولا قوة الا بالله
تمارا:انا تعبانه هدخل انام
حسن:ادخلى ياحبيبتى
تمارا دخلت اوضتها وقفلت عليها بالمفتاح وقعدت على السرير تفكر مش عارفه تعمل ايه ترضي بنصيبها وخلاص ولا تهرب وتروح تحضر المؤتمر فكرت كتير لحد مااستقرت وقامت غيرت هدومها ونامت
=============================
فى شرم وصل فهد وراكان وكنان وراحو كل واحد على اوضته فى الفندق يرتاحوو
فى اوضه فهد كان نايم وباب الاوضه خبط قام بضيق وهو لابس بنطلون بس عشان يفتح واتفاجأ بصوفيا قدامه وبلبسها المكشوف كالعاده
فهد دخل وساب الباب مفتوح:عايزة ايه ياصوفيا
صوفيا دخلت وراه:وحشتنى يابيبي
فهد قعد على الكنبه:وانتى جايه ورايا من ايطاليا لشرم عشان تقوليلى وحشتنى
صوفيا قربت قعدت على رجله بوقاحه وقربت منه اوى :انا اروح معاك اخر الدنيا يافهد وحشتنى اوى
وقربت باسته وبعدت عنه:تعالى نقضى وقت حلو سوا انا عارف انى بحبك يافهد
فهد بعدها عنه وقام وقف:وانتى عارفه الفهد عمره ماحب ولا هيحب ويلا روحى على اوضتك
صوفيا:فهد
فهد بصلها بصه رعبتها خرجت من الاوضه على طول
=============================
كنان خرج من اوضته وخبط على راكان اللى فتحله وهو لابس شورت قصير:عايز ايه
كنان:زهقان تعالى ننزل شويا
كنان سمع صوت بنت جاى من جوا الاوضه:الله يخربيتك انت لحقت تعلق بنات
راكان:طبعااا احنا فى عصر السرعه يابنى
كنان:وانت وصاحبك ماشاء الله عليكم
راكان:فهد هو علق هو كمان ولا ايه
كنان:وانا خارج من الاوضه شوفت صوفيا خارجه من عنده
راكان:يابن المحظوظه يافهد طول عمره حظه فل الفل
كنان:انا من رايي تيجى معايا ونروح نقوله الكلمتين دول
راكان برفعه حاجب:انت بتهددنى يالا
كنان:طفش اللى عندك دى وخلينا ننزل
راكان:بقي فى حد يبقي معاه برطمان عسل ويكبه ده حتى حرام نرمى النعمه
كنان ضربه بقوة فى بطنه:مقرف
وسابه ونزل هو وراكان دخل لبنت واداها فلوس وقالها تمشي واخد شاور ولبس ونزل لكنان كان قاعد قريب من حمام السباحه راح قعد جمبه
كنان بصله وضحك:شايفك رميت العسل يعنى
راكان:فى داهيه مليون برطمان عسل هو انا اقدر على زعلك بردو يا كون
كنان:ياعم ارحم امى بلاش كون دى
راكان:بدلعك ياقمرايه
كنان:قمرايه مش كدا
كنان شده من هدومه وحدفه فى حمام السباحه ووقف يضحك عليه
راكان:وحيات ابوك مانا رحمك ياكووووووون
راكان طلع من الميا وجرى ورا كنان اللى طلع بسرعه عشان يدخل اوضته قبل ماراكان يمسكه وفجاه خبط فى فهد اللى كان نازل
كنان بخوف:فهد
راكان جاى من ورا:وربنا مانا سيبك
راكان لما شاف فهد وقف جمب كنان وفهد بصله اوى وشايف هدومه مبلوله
فهد:انتو مش ناووين تكبرو بقي
راكان:احنا جايين نغير جو يابوص ونفرفش
فهد:طب روح غير هدومك وانزلى تحت
وبص لكنان:وانت تعالى ورايا
فهد مشي وكنان وراه وراكان راح على اوضته غير ونزلهم كان فهد قاعد على البحر وكنان جمبه راكان قعد جمبهم
فهد:الدكاترة هيوصلو بكرة عايز عينكو على الدكاترة اللى هنتعامل معاهم
كنان:تمام
راكان:هى صوفيا بتعمل ايه هنا
فهد بصله بطرف عينه ومردش عليه
راكان:خلاص مش عايز اعرف
كنان ضحك عليك
فهد:فرانكو ودانيال هيوصلو امته
راكان:بكرة بليل
فهد:تمام كل واحد يروح على اوضته ومش عايز لف ومشاكل
راكان:متقلقيش يابوص
فهد بصله:انت بذات قلقان منك
راكان وكنان ضحكو اوى وفهد سابهم وراح على اوضته وهما كمان كل واحد راح على اوضته....
روايه فى قبضه الفهد
««الفصل الخامس»»
فجر يوم جديد
تمارا صحت قامت بسرعه لبست وصلت الفجر واخدت شنطتها وفتحت الباب براحه عشان محدش يسمعها وخرجت بسرعه من البيت ونزلت كانت طالبه تاكسي ركبت بسرعه وراحه على مكان الاتوبيسات وركبت واحد من اللى بيروحو شرم الاتوبيس اتحرك وهى كانت بتبص على الشباك شاردة وبتفكر مع نفسها:انا اسفه ياحسن بس انت مسبتليش طريقه تانيه انا هفكر فى مستقبلى وبس وربنا يستر لما ارجع تانى
بعد فترة كبيرة من الوقت وصلت تمارا شرم الشيخ ونزلت من الاتوبيس وركبت تاكسي يوديهاا الفندق اللى هينزل فيه كل الدكاترة وصلت ودخلت الفندق واديتهم الدعوة اللى معاها واخدت مفتاح الاوضه وطلعت عشان ترتاح شوياا
=============================
فى بيت تمارا حسن وسماح صحو
حسن:نادى على تمارا تيجى تفطر معانا قبل ماتنزل تجيبو الشبكه
سماح:اختك اكيد قافله على نفسها كالعاده قوم صحيها انت
حسن قام خبط على الباب محدش رد جرب يفتح الباب اتفتح معاه دخل الاوضه كانت فاضيه خبط على الحمام بردو محدش رد فتح الباب وبردو كان فاضى
حسن بصوت عالى:سماااااح
سماح جت بسرعه:فى ايه
حسن:هى تمارا خرجت
سماح:لا مانا صاحيه معاك محدش خرج ولا دخل
سماح بصت على الدولاب شافته مفتوح قربت منه كان فاضي :يانهار اسود اختك هربت
حسن بصلها وشاف الدولاب وعقله مش مستوعب:لالا مش معقول استنى هرن عليها
حسن فضل يرن عليها فونها كان مقفول
حسن:فونها مقفول
سماح:اختك هربت وهتفضح اخوياا
حسن:هسال مريم اكيد هتبقي عارفه هى فين
حسن رن على مريم اللى ردت عليه على طول
حسن:صباح الخير يامريم
مريم:صباح النور ياحسن
حسن:سلامتك الف سلامه
مريم:الله يسلمك
حسن:هى تمارا جت عندك النهارده
مريم:لا اخر مرة شوفتها لما وصلتنى البيت امبارح
حسن:اومال هتكون راحت فين
مريم:فى ايه ياحسن تمارا فين
حسن:مش موجوده فى اوضتها وحتى هدومها مش موجوده انتى بجد متعرفيش هى فين يامريم
مريم:لا ياحسن معرفش
حسن:طيب يامريم شكرااا
حسن قفل وكان مصدوم معقول بسبب ضغطه على اخته خلاها تهرب من البيت
سماح:اخويا اتفضح مش كدا الناس هتقول علينا ايه
حسن:اسكتى خالص انا هنزل اشوف كاميرات العمارة
=============================
فى بيت مريم بعد حسن ماقفل معاها فضلت تفكر مع نفسها:معقول روحتى شرم ياتمارا
مسكت فونها ورنت عليها كان فونها مقفول بردو:انتى فين ياتمارا
زينب دخلت الاوضه:صباح الخير يابنتى
مريم....
زينب:مريم
مريم:هااا نعم ياماما
زينب:ماما ....وسرحانه ... مالك يابت
مريم:تمارا
زينب:مالها
مريم:حسن كلمنى وقالى انها مش موجوده فى البيت وكمان اخده كل هدومها
زينب بشهقه:معقول يابنتى تهرب من بيتها ليه
مريم:تمارا سمعتهم امبارح بيتفقو انهم هيكتبو الكتاب مع الخطوبه من غير مايعرفوها
زينب:تقوم تهرب يابنتى معقوله كانت اتكلمت مع اخوها
مريم:مش عارفه ياماما انا خايفه اوى عليها
زينب:وانتى تعرفى هى فين يامريم
مريم:لالالا معرفش وهعرف منين فونها اصلا مقفول
زينب:ربنا يحميهااا وانتى ابعتيلها مسدجات لما تفتح هتشوفهم وهتكلمك
مريم:حاضر ياماما
=============================
حسن شاف كاميرات العماره وشافها وهى خارجه الفجر مع شنطتها وركبت تاكسي حسن كان مصدوم ومش مصدق ان اخته هربت بسببه ورجع البيت
سماح:شوفتها هربت مش كدا
حسن قعد على الكنبه:اختى هربت بسببى انا السبب
سماح:السبب فى ايه بقي هو جوازها من اخويا يخليها تهرب هى تطول اصلا تلاقيها هربت مع حد
حسن:مش عايز اسمع نفسك انا ماااشي
حسن خرج وراح على المحل بتاعه وعقله مش بيفكر غير فى تمارا ياترى راحت فين وياترى هى تعرف حد وبتحبه وهربت معاه افكار كتير فى دماغه ومش عارف يفكر
============================
بليل تمارا صحت اتوضت وصلت الفروض اللى فاتتها وبعدها فتحت فونها ولقت مسدجات كتير من مريم وكمان حسن ومريم حاولو يتصلو بيها كتير تمارا اتصلت على مريم اللى ردت عليها بسرعه:تمارا انتى كويسه انتى فين الوقت طمنينى عليكى
تمارا:اهدى يابنتى عشان الحق ارد عليكى
مريم:انتى فى شرم ياتمارا
تمارا:ايوا يامريم
مريم:نهارك اسود سافرتى لوحدك
تمارا:انا كويسه يامريم متقلقيش بس بجد انا مش قادرة اعمل حاجه من غيرك مفتقداكى اوى
مريم:ياروحى انا خايفه عليكى اوى ياتوتا
تمارا:متخافيش ياحبيبتى انا فى الفندق الوقت فى ندوة هنزل احضرها مع الدكاترة وهطلع تانى الاوضه مش هلف ولا هروح فى حته من غيرك
مريم:ركزى كويس فى الندوة والمؤتمر عشان تقوليلى كل حاجه عرفتيها عشان احس انى حضرت معاكى
تمارا:حاضر يامريومه قلبي
مريم:كلمتى حسن
تمارا:لا ومش ناويه اكلمه اوعى يامريم يعرف انى فى شرم انا هخلص المؤتمر وهرجع تانى
مريم:لا متخافيش محدش يعرف
تمارا:يلا سلام عشان اجهز لندوة وانا هقفل فونى ولما افتحه هابقي اكلمك
مريم:ماشي وخدى بالك على نفسك
تمارا:حاضر يامريومه
تمارا قفلت وقامت تلبس لبست بنطلون بلون اوف وايت واسع وبلوزة بلون الزيتى وسلسله دهبي وطرحه وكوتشي اوف وايت

وخرجت من اوضتها ونزلت على المكان اللى هيكون فى الندوة كان دكتور احمد( الدكتور اللى بيحب تمارا وكان اتقدملها وهى رفضته) ودكاترة كتير من المستشفى والجامعه تمارا سلمت على الكل واحمد قرب منها:ازيك ياتمارا
تمارا:الحمدلله
احمد:اومال مريم فين
تمارا:تعبانه ومعرفتش تيجى
احمد:سلامتها الف سلامه
تمارا:الله يسلمك عن اذنك
تمارا راحت وقفت مع البنات بعيد عن احمد اللى اضايق من طريقتها معاه
الندوة بدات والكل كان مركز وبعد فترة خلصت والكل راح على اوضه
=============================
عند راكان كان عنده بنت فى اوضته ودعته ومشت بعد ماخرجت نادى عليها راكان وقفت ولفت ليه وهو خرج من الاوضه وقرب منها وحضنها وباسهااا وفاق على صوت:نهارك اسود ايه قله الادب دى
راكان بعد عن البنت وبصلها:وانتى مالك ماتدخلى اوضتك ومالكيش دعوة بينا
تمارا:لا والله ماحضرتك بتعمل قله ادبك قدام اوضتى اصلا
كنان سمع الصوت وخرج من اوضته:فى ايه صوتكو عالى ليه
تمارا:الاستاذ ده سايب اوضته واقف يقل ادبه مع السنيورة قدام اوضتى
راكان بصوت عالى:وانتى مالك انتى
فهد خرج من اوضته لما سمع صوت راكان عالى:ايه اللى بيحصل هنا
كنان وراكان بصو لفهد وخافو لانه حذرهم انه مش عايز مشاكل
راكان:مافيش حاجه ده سوء تفاهم
تمارا:لا والله انت بتسمى قله ادبكو دى سوء تفاهم
راكان قرب من تمارا واتكلم ببرود:وانتى مضايقه ليه ولا تكونى غيرانه وعايزة تبقي مكانها
تمارا اتعصبت وضربته بالقلم:انت مفكر عشان حضرتك مش محترم يبقي الكل زيك انت عارف انى ممكن انزل الوقت لادارة الفندق واشتكيك ليهم
فهد عينه على تمارا
راكان اضايق منها ورفع ايده ولسه هيضربها
فهد:رااااكااان
راكان وقف وبعد عن تمارا
كنان:حصل خير ياانسه واحنا اسفين على اللى حصل واكيد مش هيكرر تانى
تمارا:اتمنى
تمارا زقت البنت وفتحت اوضتها ودخلت وقفلت الباب فى وشهم
فهد بحده:ورايا ياراكان
راكان ادى فلوس للبنت ومشت وهو وكنان دخلو اوضه فهد
راكان اول ماوقف قدام فهد:انت منعتنى اضربها ليه يافهد كنت سبنى اموتها مش بس اضربها
راكان اتفاجأ لما فهد ضربه بوكس قوى لدرجه ان راكان وقع على الارض وبوقه اتعور وكنان اتصدم وكان واقف مش عارف يعمل ايه وبعدين قرب من راكان وساعده يقف
فهد:الغلط كله منك قولتلك مش عايز مشاكل لو كانت نزلت اشتكتك لادارة الفندق كان موقفك هيبقي ايه انا بحذركو انتو الاتنين لو حصل مشكله من واحد فيكو عقابه هيكون الموت يلا اطلعو برااا
كنان وراكان بصو لبعض وخرجو من الاوضه
كنان:عجبك اللى حصل بسببك
راكان:والله ماهرحمها
كنان:انت بتتكلم عن مين
راكان:اللى عملالى محترمه اوى انا هعرفها ازاى تمد ايدها عليا
كنان:اظن سمعت تحذير فهد كويس لو مستغنى عن عمرك قرب تانى من البنت دى بذات
راكان:انت كمان لاحظت
كنان:ايوا شوفت كل نظراته ليها ده عينه متشالتش من عليها
راكان:وشى اتعور اوى
كنان:بص صوابعها معلمه على خدك وفى نفس الخد بوكس فهد وشك باظ محدش هيبصلك تانى
راكان:امشي من وشي ياكنان احسنلك
كنان:ماشي انا هروح انام واه فرانكو ودانيال وصلو شدد على الرجاله عينهم عليهم
راكان:حاضر سلام
كل واحد راح على اوضته وناموو......
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 روايه فى قبضة الفهد…){kind=link}
تعليقات
إرسال تعليق
فضلا اترك تعليق من هنا