رواية تزوجت صعيدى الفصل الاول والثاني والثالث والرابع والخامس بقلم أميرة جمال( حصريه وجديده في مدونة قصر الروايات)
رواية تزوجت صعيدى الفصل الاول والثاني والثالث والرابع والخامس بقلم أميرة جمال( حصريه وجديده في مدونة قصر الروايات)
الاول
كيف يعني اتچوز بنتة كانت عشجانة راچل تاني ،، انت خابر يا بوي ده معناه ايه عاد ؟
كان بيتكلم بدر بعصبية زايدة لدرجة ان ابوه استغرب رد فعله لانه كان مديله خبر من كام يوم
منصور باستغراب / كانك اول مرة تعرف بالحديت يا بدر ،،منا مخبرك يا ولدي من كام يوم انك هتتچوز بت عمك
بدر بعصبية/ مخبرش انا حاسس ان الموضوع ده مش لادد عليا ومانيش موافج بيه ،، ليه اتچوز بنتة لا هي مننا ولا هي تعرف حاچة عن عوايدنا وكمان كانت متچوزة جبل سابج ،،ايه اللي چابرني علي اكده اني عاد
منصور بتنهيدة/ اللي چابرك انها من دمك يا بدر ،، اينعم عمك بجاله زمن عايش في مصر وان چدك جبل ما يموت كان محرج علينا نعرفه اكمنه عصاه واتچوز من مصر ،، بس مهما حصل هو اخوي برضك وكلمني وجالي انه محتاچني واني مهجدرش اهمله لحاله اكده
بدر بضيق / ومفيش حاچة تجف بيها جاره غير انك تچوزني بته ؟
منصور بجدية / اسمعني زين يا بدر عشان حديتي ده مهكرروش تاني ،، عمك لما حدتني جالي ان فريدة بته واجعة في مشكلة واعرة جوي وهي ان اهل چوزها رايدين ياخدو منيها كل حاچة ومش موافجين بالميراث اللي هو شرع الله ولما البنتة رفضت صممو انها تتچوز اخو چوزها لاجل ما يرچعلهم كل حاجة ويتحكمو في البنتة
بدر باستغراب/ وهي سايبة ولا ايه ،،مفيش محاكم ولا حكومة في مصر عشان يعملو اكده ؟
منصور بسخرية / الناس دول اكابر جوي في مصر يا ولدي وعلي رأي المثل اللي له دهر مينضربش علي بطنه والحل اللي وصلت ليه ان البنتة تتچوز راچل مننا اهنه يجدر يحميها هي وولدها ووجتها بجي الموضوع يبجي يخصنا احنا مش هي
بدر بضيق وهو بيقوم /ماشي يابوي ،،اللي انت رايده انا هعمله بس متستناش مني اني اتمم چوازي منيها عشان ده مش هيحصل ابدا وعلي چثتي
منصور بغموض / اتچوزها الاول وبعدين نبجي نشوف الموضوع ده بعدين ،،محدش هيغصبك علي حاچة
........................
كانت قاعدة صفاء ام بدر برة عمالة تبرطم بغيظ لحد ما نزلت جميلة وتبقي بنتها واخت بدر وكانت مستغربة وهي شايفة امها بتكلم نفسها
جميلة بقلق/ في ايه يا ام بدر عاد ؟،، بتحدتي نفسك ليه اكده ؟
صفاء بضيق / بجولك ايه يا بت انتي همليني لحالي احسن عفاريت الدار بتتنطط في وشي السعادي
جميلة بصدمة / وه ،،ليه كل ده يعني ،،ما تفهميني مالك مضايجة ليه اكده ؟
صفاء بغيظ/ اجولك ايه بس واعيد ايه ،،ابوكي ياختي اللي هينجطني رايد يچوز اخوكي لبت عمك المصراوية ،، رايد يعمل اللي عمك عمله زمان ،،اخ يا مري
جميلة باستغراب/ إيوة يعني فين المشكلة برضه ،،هو مش بدر موافج ،، يبجي خلاص ايه اللي يضايجك ؟،، وبعدين ما يمكن تطلع البنتة زينة مش كيف ما انتي فاكرة ياما
صفاء بعصبية وهي بتقلع شبشبها / جومي يا مجصوفة الرجبة من اهنه ،، انتي رايدة تكملي عليا ،،ما كفاية اللي اني فيه
طلعت جميلة تجري بسرعة من قدام صفاء علي فوق تاني وصفاء وقتها نفخت بغيظ
صفاء لنفسها بهمس / جال فيها ايه جال ،، دون عن بنتة النجع كله رايد ولده يتچوز بت حورية مرات اخوه ،، ماشي يا منصور اما وريتك
........................
كانت قاعدة فريدة جنب معاذ ابنها اللي بيلعب وهي سرحانة في الكلام اللي ابوها قالهولها بخصوص جوازها من ابن عمها اللي في الصعيد ورغم رفضها القاطع للموضوع بس هو ده فعلا الحل الوحيد بس للاسف مش قادرة توافق عليه ،،قطع سرحانها صوت باسل اخوها وهو بيقعد جمبيها
باسل بحب / الجميل سرحان في ايه ؟
فريدة بحيرة/ والله يا باسل عمالة افكر في كلام بابا ومش عارفة اقرر حاجة ،،حاسة ان دماغي هتشت مني
باسل بتنهيدة/ اسمعي يا فريدة ،، انتي عارفة كويس اوي اني اقدر احميكي من الناس دي ،، بس للأسف بابا مش عاوز الموضوع يتحل كدة وانا متفهم وجهة نظره ،،هو عاوز يحل الموضوع من جدره ونريح نفسنا من المشاكل دي كلها فانا من رأيي انك توافقي علي جوازك من بدر ابن عمنا وكمان تروحي تعيشي هناك معاه انتي ومعاذ ووقتها هشام اخو جوزك هيسكت ويرضي بالامر الواقع ،،ده غير انه هنقطع عليه حتة جوازك منه لانك هتبقي علي زمة راجل تاني فهمتي
فريدة بتنهيدة/ فهمت يا باسل بس خايفة اوي ،، انا مش قوية بطبعي عشان اعدي بكل ده يا باسل
باسل بتشجيع / مين قالك انك لوحدك ،،انا جمبك وسندك يا فريدة وخليكي دايما متأكدة اني احميكي بروحي
جميلة بحب وهي بتحضنه / ربنا يخليك ليا يا باسل ياحبيبي ،،انت احسن اخ في الدنيا
باسل بحب/ويخليكي ليا يا اجمل اخت في الدنيا ،، يلا قومي بقي اعمليلي حاجة اكلها انتي فاكرة نفسك خدتي عليا وهتفلتي من ايديا ،، يلا قومي يا بنتي جعااان انتي معندكيش اخوات شوباب ولا ايه
فريدة بضحك / ده احنا مكملناش تلات ثواني بنحب في بعض منك لله يا باسل ،، انت تتجوز احسن وتريحنا
.........................
كانت قاعدة جميلة بتتكلم في التليفون في اوضتها بعد ما اتأكدت ان الباب مقفول كويس
جميلة بهمس/ ايوة يا فارس ،، انت كمان وحشتني جوي
فارس بحب/ طب مش هشوفك بجي ولا هتفضلي اكده معاقباني ومش راضية تخليني املي عنيا بيكي
جميلة بخجل / وهو بكيفي يعني يا فارس ،،ما انت خابر ان طلوعي من الدار بحساب وبدر اخوي مجفلها عليا جوي ،، وحتي لما بجوله رايحة عند خالتي مش بيوافج وبيجولي ان عنديها رچالة مخبرش اني عشجانة راچل من عيالها
فارس بضيق/ فعلا بدر محبكها جوي مداريش ليه اكده ،، مع اني ولد خالتك بس بشوفك كل فين وفين ،، بس مش مهم هنتصرف ونتجابل يا حبيبتي
جميلة بقلق/ طب سلام بجي دلوجتي يا فارس احسن امي بتنادي عليا هروح اشوفها رايدة ايه
فارس بخبث / طب مش هتبلي ريجي بحاچة جبل ما تجفلي
جميلة بضيق/ اني جولتلك جبل سابج يا فارس اني مش البنتة العفشة ،،واحمد ربنا اني بحدتك في التلفون اصلا لكن حديت العشج والكلام الفارغ ده مهيكلش معايا ،، سلام
قفلت جميلة ورمت التليفون وهي بتبتسم وبتتنهد بفرحة وبتفكر في فارس احلامها
..........................
تاني يوم كان داخل بدر من الباب بسرعة وهو قلقان واول ما شافه منصور قام وقف بلهفة
بدر بقلق / خير يا بوي ،،حدتني وجولتلي تعالي بسرعة في مصيبة ،،مصيبة ايه دي عاد؟
منصور باستعجال / ايوة يا بدر ،،عمك نبيل حدتني وجالي ان اللي ما يتسمو جولهم الدار هناك ومصممين علي چواز فريدة من هشام ابنهم ،، بينا يا ولدي علي مصر
بدر بغضب/ ليلة اللي چابوهم سودا ،، بينا يا ابوي ،، ورايدك تحدت عمي وتجوله يحاول يماطلهم علي جد ما يقدر لحد ما نوصلو ووجتها يحلها ربنا بجي
صفاء بغيظ وهي متابعة الحوار / خلي بالك من نفسك يا ولدي ،، المصراوية دي مهياش تهمنا عشان تضيع روحك عشانها
منصور بغضب / لمي الدور ياصفاء ومتنسيش ان البنتة دي بت اخوي ومن دمي وهتبجي مرت ولدك
صفاء بغيظ / لكش تروحو تلاجوها فطست بت حورية ونخلصو منيها
منصور بغضب / يلا با بدر جبل ما اتهور حاكم انا علي اخري
بدر بسرعة/ يلا يا ابوي
.........................
في بيت نبيل كان قاعد هو مع هشام وابوه بيتكلمو بصوت عالي شوية وكانت متابعاهم فريدة بخوف من فوق احسن يجبرو ابوها علي موضوع الجواز وخصوصا انهم بقالهم كتير بيتكلمو وبرضه مصممين
هشام بثقة/ انا بقول خير البر عاجله ،،احنا نكتب الكتاب انهاردة والباقي بقي علي مهلنا
نبيل بتنهيدة/ هو انا بقالي ساعات بقول ايه يا هشام بيه ،، انت مش قادر تفهم ان بنتي رافضة الجوازة دي ومش عايزة تتجوزك
هشام بح*دة/ والمفروض انك كنت فهمتها ان الجوازة دي مش عشان حضرتها توافق ولا ترفض ،، ده عشان مصلحة الولد اللي هو ابن اخويا فرفضها ملوش اي لازمة بالنسبالي
نبيل بضيق/ وابن اخوك ده يبقي ابن بنتي برضه يعني هو مع اهله مش مع حد غريب فياريت توفر علي نفسك الكلام ده
باسل بغضب وهو داخل من باب الڤيلا / انا اختي مش هتتجوزك حتي لو عملت ايه يا هشام يا منياوي فبلاش تحرج نفسك اكتر من كدة واتفضل من غير مطرود
هشام بغضب/ انت مش قد الحرب معايا يا باسل فاخرج منها وانا جوازي من اختك هيتم سواء برضاك او غصب عنك ده لو انت خايف فعلا عليها وتهمك يبقي تعقلها وتخليها توافق
بدر بقوة وهو داخل من الباب / الحديت ده لو هي لسة في حمايته لكن هي ليها راچل وتبجي في حمايته هو
هشام بغضب / انت مين عشان تتدخل اصلا ،،ايه يا نبيل بيه انت ملقتش غير الصعايدة دول عشان تتحامي فيهم ؟
بدر بثقة وهو بيقعد وبيحط رجل علي رجل / الصعايدة دول لو انت مخرچتش دلوك بكرامتك هيخرچوك من غيرها وصدجني اني مبهد*دش اني بنفذ علطول
هشام بغضب / انت مين اصلا عشان تهد*دني يا بتاع انت
بدر بهدوء مريب/ اني چوز اللي انت رايد تتچوزها وفاكر ان الدار ملك ابوك وچاي تتجدملها وانا عشان خاطر حمايا هعديها المرادي بس لو اتكررت اوعدك اني اخرچك علي نجالة
هشام خاف من نبرة صوت بدر وبص لابوه بتوتر وهو مش مصدق ان فعلا بدر جوز فريدة بس اللي اكدله فعلا لما شاف فريدة نازلة من فوق وهي بتجري علي بدر واترمت في حضنه وهي بتعيط وبدر مكنش اقل صدمة من هشام لانه متوقعش ان فريدة تعمل كدة واتوتر بس مبينش وبص لهشام وضم فريدة ليه وكأنه بيأكدله انها مراته فعلا فقبض هشام علي ايده بغضب ومشي هو وابوه
نبيل براحة /الحمد لله انهم غارو ،، انا كنت خايف احسن ميصدقوش حكاية ان البنت اتجوزت دي
خرجت فريدة من حضن بدر بكسوف واحراج وبدر وقتها بصلها ببرود ومتكلمش فحاولت تبرر هي
فريدة بتوتر/ انا كان لازم اثبتله ان فعلا بدر يبقي جوزي عشان يقتنع ويصدق
منصور باستعجال / احنا لازمن نعجل بكتب الكتاب فعلا ،، عشان اللي ما يتسمي ده باينه مش سهل واكيد هيحاول يتوكد
بدر بجدية/ كلم المأذون يا ابوي وكلم الغفر يظبطو كل حاچة ويشيعو في البلد ان الليلة كتب كتاب بدر ودوخلته علي بت عمه
فريدة بقلق/ بالسرعة دي ؟
بدر بضيق/ مش بمزاجنا هو ولا انتي فاكرة انه چواز حجيجي
بدر كان بيتكلم بقصد وهو متعمد يفهم فريدة انه مش راضي عن الجوازة دي بس اللي مكنش متوقعه هو رد فعلها لما لاقاها ب.....يتبع
#الحلقة 2
ياملك فى الطريق والله زحمة اووى
لو اتأخرتى دقيقة كمان مش هستناكى
انتى فين طيب
فى الكافيتريا ادخل ولا نتقابل هنا
لا خليكى فى الكافتريا وانا هجيلك
تمام خمس دقائق وتكونى عندى
حاضر سلام
************تزوجت صعيدى🌸
ايوه ياادم
ياعم فينك
فى الطريق جاى حالا
طيب بسرعه علشان تلحق تمضى الورق ونشوف الشركة
ماشى دقائق وهكون عندك انت فين
انا لسه واصل هستناك فى المكتب
تمام مع السلامه
ناقص عطلة وبعدين فى البتاعه اللى مش عارفه تسوق دى
نهارك اسود خبط عربيتى
انتى اللى وقفتى فجأة وفى نص الطريق طالما مش بتعرفوا تسوقوا بتركبوها ليه
يعنى غلطان وبجح ماشوفتش قلة ذوق كده
بت لمى لسانك
لما اقطعلك لسانك الأول
شكلك عايزه قلم يفوقك
مد ايدك كده علشان اخليها توحشك
انتى شكلك مجنونة وماتعرفيش مين هو سليم الاسيوطى
لا انت اللى اعمى وعبيط وماتعرفش مين نور الالفى
واحد فى الطريق لو سمحتوا انتوا موقفين الطريق اتخانقوا بعيد عن هنا عايزين نلحق مصالحنا
الاتنين فى صوت واحد وانت مالك وكل واحد راح ناحية عربيته ركب بعصبية ومشى فى طريقه
*******،**،*********تزوجت صعيدى🌸
ايه يابنتى هتفرقعى من الغيظ
بصي ماتتكلميش خالص
ليه يابنتى ايه اللى حصل
بنى اءدم برأس بخاخه خبط عربيتى وكمان قليل الذوق وغلط فيا
طيب اهدى المهم إنك كويسه
الحمد لله يلا ندخل بقا خلينا نخلص ونلحق نروح عند بابا
تمام يلا نشوف العميد خليه يمضلنا الشهاده بقا ونبقا أحلى خريجين
اخيرا هنخلص من الصحيان بدرى والجامعة
مش اووى عمو أحمد هيستلمك ههههه
ماتفكرنيش بقا يلا بينا
يلا
********تزوجت صعيدى🌸
يانهار ابيض على الحمار الوحشى اللى داخل عليا
آدم همد ايدى عليك
لا خلاص ياعم ده انت ايدك مرزبة
تحب تجرب
والمصحف لا بس ايه اللى ضايقك
بنت كده مجنونة وقفت فى نص الطريق وكمان لسانها طويل عايزه القتل
هى حلوة
انا بكلمك فى ايه وانت بتقول ايه
طيب قولى بس
اووف زى القمر ارتحت
طبيعي
هو ايه اللى طبيعي
دايما البنات الحلوة تلاقى لسانها مترين وعايز قطعه
حصل والله
طيب يلا نخلص هنا علشان نلحق نشوف شغلنا
تمام يلا
**********تزوجت صعيدى🌸
مش عارفه ايه كل ده عامل زى طابور العيش
يابنتى ماهو دكتور محسن ماكنش بيوقع ورق خالص
انتى عايزه تفهمينى ان العميد الجديد هيوقع كل ده النهارده
اه يابنتى دى إمضاء بسيطه
هو كتب كتاب دى شهادات تخرج الدفعه كلها
ماهو هيوقع بترتيب الأوائل وانتى بقا معدية ياست نور
خمسه فى وشك ياملك
مش بحسد ياستى بقر بس والله
اه كده تمام
وصل اهو
هو مين
العميد الجديد
احيه بالكركديه ده هو ابو رأس بخاخة
اميرة_جمال💚
#تزوجت_صعيدى 🌸
#الحلقة 3
هو مين ده
اللى خبط عربيتى الصبح وهزقته
قليل الذوق
اه
ابو غمازات ده
اه
القمحاوى الطويل القمر ده
ماقولت اه وخبطت ملك فى دراعها
اه دراعى يامفترية
مش ملاحظه ان عنيكى رشقت ماشاء الله
احم هو تقريبا كده انتى مش هتتخرجى يا نور
ربنا يطمنك
بقولك ايه ادخلى اعتذريله وخلاص
نعععععم لاطبعا هو اللى المفروض يعتذر ده قليل الذوق
نوور خليكى تاخدى شهادتك ونخلص
اوووف بقا
نور بينادوا على اسمك علشان تمضى الشهادة يلا روحى
تمام
واعتذرى ماتنسيش
مش هيحصل
************أميرة جمال🌸************
حضرتك الآنسة نور أحمد الالفى كان بيتكلم وعينه فى الورق
اه انا
ماشاء الله الأولى على الدفعه وبتقدير امتياز مع مرتبه الشرف الأربع سنين
حصل
ربنا يوفقك وتبقى زميلة فى الجامعه
بإذن الله
رفع رأسه اتفضلى استري......هو انتى
ايوه انا
طبعا مش عارفه تتكلمى
منا برد عليك اهو مش عارفه اتكلم ليه ان شاء الله
انتى كمان بتبجحى
اياك تغلط فيا شكلك ماتعرفش حاجه فى الذوق
لسانك هيرجع يطول تانى
هو ماقصرش علشان يرجع يطول
طيب يانور مافيش شهادة تخرج
نععم وهو بمزاجك ولاايه
اه انا العميد وبمزاجى ابقى تعالى خديها يوم تانى
وليه وانا فضيالك بقا ومش ورايا غيرك
بت اتلمى لقوملك
ورينى هتعمل ايه
آدم بصوت عالى بس بقا اسكتوا انتوا الاتنين عاملين زى توم وجيرى كده ليه
سليم ونور فى صوت واحد وانت مالك
آدم بصدمة يعنى لما تتفقوا على حاجه يكون عليا انا الواحد غلطان يلا اياكش تولعوا فى بعض
سليم ونور اهو انت
آدم ده انتوا مجانين
نور يلا هات شهادتي
سليم بغرور تؤتؤ اسف مشغول ومش هقدر اخلص كل الشهادات النهارده لما انزل تانى يبقا تعالى خديها
باارد
عارف
ومستفز
مابحبش اتكلم عن نفسي كتير
نور دبدبت فى الأرض بغيظ وخرجت من مكتبه وهى بتخبط الباب وراها
آدم بعد خروج نور ليه كده ياسليم كنت سلمتها شهادتها
لا لازم اربيها واخد حقى منها ورجع يمضى باقى الشهادات كلها
************أميرة جمال🌸**********
يانهار ابيض غضب ربنا على وشك كده ليه
ماتكلمنيش دلوقتى خالص
طيب اهدى احكيلى ايه اللى حصل
بدأت نور تحكى لملك اللى حصل مع سليم
يانور قولتلك اعتذريله مش ادخلى فيه شمال
لا طبعا انا اعتذر للبنى اءدم ده لايمكن ابدا
كده هتاخدى شهادتك متأخر
لو مااخدتهاش خالص برضو مش هعتذر
مافيش فايده فى عندك هتفضلى دايما دماغك ناشفه
ايووه ومش هسكتله
طيب استنى شويه ادخله واعتذرله بالنيابه عنك وأجيب شهادتك
اوعى تعملى كده
يانور بقا خلينا نخلص
لا خليله الشهادة يفرح بيها
هتعملى ايه دلوقتي طيب
هطلع على الشركة علشان الإجتماع واتابع الشغل
طيب انا هستلم شهادتى واحصلك
تمام سلام
مع السلامة
***********أميرة جمال🌸**********
وصلت لنور لشركة الالفى أكبر شركة للمقاولات الكل وقف ليها وبيعاملوها باحترام دخلت مكتبها والاصح مكتب والدها وقعدت على الكرسي بعد لحظات استأذنت السكرتيرة للدخول
تعالى يا سلمى
نورتى الشركة
بنورك يا باشا(نور وسلمى أصحاب وهى اللى جابتلها الشغل فى شركة والدها وسلمى اكبر من نور)
اوعى حد يسمعك بتقولى باشا والالفاظ دى
يوووه يا سلمى حتى الكلام بحساب
ياحبيبتى انتى هتبقى مديرة أكبر شركة مقاولات لازم يكون فيه أسلوب معين فى التعامل
اممم هبقا افكر فى الموضوع ده قوليلى بقا تفاصيل الإجتماع اللى بعد نص ساعه ده
مبدايا هو اتأجل هيتم بعد ساعه
واتأجل ليه
مندوب الشركة اتصل واستأذن نص ساعه لأنهم عندهم ظروف طارئة ومش هيقدر المسؤل يوصل غير بعد ساعه
من اولها تأخير كده ده يبقا عدم التزام بالمواعيد وعدم احترام لينا
هم استاذنوا يانور مافيش مشكلة يعنى
برضو يا سلمى لازم يكون فيه نظام عن كده
الشركة دى أكبر شركة معانا فى السوق كله ودايما تعاملاتنا معاهم كويسه جدا وملتزمين اكيد غصب عنهم
تمام هاتيلى الورق تراجعه بقا لحد بابا مايوصل
تمام اتفضلى الملف ده فيه كل المعلومات
شكرا
العفو عن اذنك
**************أميرة جمال🌸************
بعد نص ساعه وصل أحمد الالفى لشركته وهو عند الأمن حس بتعب وسند على مكتب الأمن
احمد بيه انت كويس
اه دوخت بس
اطلب لحضرتك دكتور
لآ مش مستاهلة
طيب تحب اوصلك لمكتبك او ترجع البيت
هااا لا انا بقيت تمام هطلع مكتبى ماتعرفش نور باللى حصل
حاضر ياافندم تحت امرك
واتحرك احمد فى اتجاه مكتبه وهو بيقاوم صداع شديد عنده
احمد بيه حمدالله على السلامه
الله يسلمك يا سلمى
شكلك تعبان
لا انا كويس صداع بس مش اكتر
اجيب لحضرتك بنادول
ياريت يا سلمى
حاضر ثوانى. ....اتفضل
شكرا يابنتى
العفو تحب ترتاح شويه فى اوضتك(أحمد عمل اوضه فى الشركة ليها باب من جوه مكتبه علشان لو جب يرتاح شويه يقعد فيها )
لا انا بقيت كويس هى نور وصلت
اه ياافندم من نص ساعه بتراجع ورق الصفقه علشان الإجتماع والشركة مندوبها اعتذر نص ساعه لان المسؤل لسه ماوصلش من السفر
تمام مش مشكلة لما يوصلوا ادينى خبر ودخليهم اوضة الإجتماعات
حاضر ياافندم
*************أميرة جمال🌸***********
بعد نص ساعه
احمد بيه مسؤل الشركة وصل
تمام يلا يانور
حاضر يابابا
دخلوا غرفة الإجتماعات
انت
انتى
ايه ياولاد انتوا تعرفوا بعض
اه
لا
بصوا لبعض بتحدى
لا
اه
انتوا اتجننتوا ولاايه اه ولا لا
نظرات الشر فى عيون نور وسليم
يتبع.............
أميرة_جمال💚
#تزوجت_صعيدى🌸
#الحلقة 4
مالك ياسليم انت تعرف نور
لا يابابا اتقابلنا مش اكتر
تمام وانتى يانور فيه مشكلة لا ياعمو
محمود والد سليم بهدوء تمام ارتاحوا بقا شويه مش عارف اسلم على صديق عمرى منكم واتجه ناحية أحمد وهم بيحضنوا بعض باشتياق
احمد بصدق وحشتنى اووى يامحمود اخيرا رجعت
انت عارف ياصاحبى لولا المشاكل اللى كانت فى الفرع فى انجلترا ماكنتش سافرت ابدا
حمد الله على سلامتك نقعد نشوف الصفقه وبعدها نتكلم براحتنا
بإذن الله نبدأ بقا اجتماعنا
نور خلى سلمى تحضر معانا
واثق فيها يااحمد انت عارف الصفقة دى مهمة ازاى ولو اخدناها هتعمل نقلة كبيرة للشركتين ده كان كلام محمود بسبب خوفه على الصفقه
احمد موجه كلامه لمحمود ماتقلقش سلمى دى زى نور بالظبط ومستحيل تخونى
تمام
دخلت سلمى مع نور وبدأوا الإجتماع واتكلموا فى التفاصيل والسعر اللى هيقدموه
بعد مرور ساعه كان الإجتماع خلص
أحمد بتعب كده الحمد لله اتفقنا على كل حاجه موجه كلامه لسلمى تقدرى تتفضلى ياسلمى وزى ماتفقنا
حاضر ياافندم واستاذنت سلمى وراحت مكتبها
محمود موجه كلامه لنور وسليم آخر حاجه بقا ياولاد
نور وسليم بصوا بانتباه
طبعا ياسليم فيه مشروع جدك كلمك انك هتمسكه فى الأقصر
اه يابابا
تمام الجديد ان المشروع ده هيبقا مسؤليتكم انتوا الاتنين
نور بصدمة انت عايزنى اروح الصعيد ياعمو
أحمد بجديه اه يا نور مش قولتلك الصبح هشوف جدينك وأنك تبقى قد المسؤليه وهمسكك مشروع تبقى مسؤلة عنه
اه بس مش فى الصعيد يابابا
ماله الصعيد يا نور هتبقى فى بيت عمك محمود وانا مطمن عليكى طالما معاه وانتى وسليم واثق هتعملوا شغل كويس وكل واحد فيكم هيختار مساعد ليه وهتكونوا مع بعض انتوا الاربعه
انا هاخد.ملك طبعا يابابا
سليم وانا هاخد آدم ابن عمى
محمود منهى الإجتماع كده اتفقنا وبكره الصبح تجهزى نفسك انتى وملك يانور وهتسافروا مع سليم وأدم
حاضر ياعمو
ومبرووك ياحبيبتى أحمد قالى انك النهارده استلمتى شهادة التخرج
نور بغيظ الله يبارك فيك ياعمو لكن ماستلمتهاش النهاردة
ليه كده احمد كلمها باستغراب
هعمل ايه يابابا العميد الجديد كسيل ومالهوش لازمة ومارضيش يمضيها النهاردة
سليم باستفزاز مش مشكلة استنيه فى وقت تانى بقا
هى بغيظ اه مش مهم هى مش لزمانى اصلا عندى شغلى وتعيين الجامعه هيطلع قريب
سليم بسخرية هيطلع لما تستلمى الشهاده ان شاء الله
نور وهى هتولع ان شاء الله
**************أميرة جمال🌸*********
محمود وأحمد راحوا كافيه علشان يتكلموا
مالك يا أحمد شكلك مش طبيعي
انا تعبان محمود
طيب قوم بينا نروح للدكتور
روحت
وقالك ايه ياأحمد
...........
اتكلم طمنى
عندى ورم فى المخ يامحمود
ايه يمكن فيه غلط تعالى نروح لدكتور تانى او نسافر بره ولو مش قادر نعمل اشعه ونبعتها لدكتور فى إنجلترا انت عارف اصحابى كتير هناك
روحت لكذا دكتور واتاكدت يا محمود
وقالك العلاج ايه
ماانت عارف
عمليه
ايوه ولازم أسافر بره
طيب نحجز واسافر معاك
مش هسافر قبل مااطمن على نور
هى ماتعرفش
مافيش حد يعرف غير زينب مراتى
طيب ليه كده ياأحمد
نور هتنهار لو عرفت وانا عايز اثبتها فى الشغل قبل مااسافر مين عالم يمكن ماارجعش تانى على رجلى
بعد الشر عليك ياصاحبى ماتقولش كده كله هيبقا تمام وصحتك هتتحسن بإذن الله
وصيتك نور يامحمود انت عارف الحكايه كلها
عارف ياأحمد وولاد عمك
ممكن يقتلوها مقابل الورث انت عارف اهم حاجه عندهم الفلوس
ايه اللى مسكتهم الفترة دى كلها وماحدش فيهم أذى نور او عرفها الحقيقة
الورق اللى كنت قايلك عليه زمان
قدرت توصله
من قريب عملت المسحيل علشان يبقا معايا ويكون فيه دليل ادانة ليهم لو قربوا من نور الورق ده هيطلع
اعمل منه كذا نسخه وواحده تكون مع المحامى
عملت كده فعلا بس عايز الورق الأصلى يكون معاك مافيش حد هيتوقع انه فى الأقصر
حاضر ياأحمد اللى تشوفه المهم تسافر تعمل العمليه
لما اطمن على نور
نور خلاص بقت امانه عندى سافر وانت مطمن
مش عايزها تعرف حاجه يامحمود ولا عن مرضى ولا عن نفسها
حاضر ياصاحبى انا هحجز تزكرتين لينا نسافر بكره
لا هروح انا وزينب وانت خليك مع نور
بس
خلاص بقا يا محمود ماتتعبنيش
حاضر اللى تشوفه اشرب عصيرك بقا واطمن
أحمد طلعت منه تنهيده تدل على تعبه وارتياحه انه اطمن على نور وسرهم
*****************أميرة جمال🌸******************
الو ايوه ياملك انتى فين
وصلت اهو يانور بس مش شيفاكى
قاعده على ترابيزه جنب بتاعتنا
ااه خلاص شوفتك....خلصتى الاجتماع
لسه من شوية
اتاخرتوا اووى
انتى عارفه دى صفقه العمر
بالتوفيق
اه علفكرة المشروع فيه مشروع المنشآت جديد فى الأقصر همسكه وانتى هتبقى معايا
اخيرا هنبدأ الشغل
اه لو تعرفى مين الشركة شريكتنا
مين يعنى
شركة الاسيوطى طلع صاحبها عمو محمود فاكراه
اه طبعا ده كان الصديق المقرب لعمو أحمد بس حاسه ان اسم الاسيوطى ده مش غريب عليا سمعته فين قبل كده بقا
سليم الاسيوطى مثلا
ملك بشهقه وحطت ايدها على بوقها لا ماتقوليش هو
نور هزت راسها علامه على الموافقة
معقول صدفة غريبة فعلا
تخيلى ده سليم اللى كنا بنتريق عليه واحنا صغيرين ونقول عليه سفروت علشان كان رفيع
دلوقتى بقا عامل زى ملكات الجمال يااختى
نور بضحك للأسف مااقدرش اعارضك
هيييح وهتشتغلى معاه
احنا هنقعد عندهم فى الأقصر
شكلنا هنشوف اكشن جامد
هههههه احتمال المهم الشغل
طيب نطلب اكل بقا
احنا فى كافيه مش مطعم علفكرة
معلوماتك متاخرة فتحوا هنا الاكل برضو
كويس جدا ولو انى بحب اقعد على ترابيزتنا
اه صحيح ماقعدتيش ليه
جيت لاقيت الشباب دول قاعدين وشكلهم كده مش كويس قولت بلاش احتكاك
احسن برضو فيه واحد فيهم اصلا بيبصلك نظرات مش كويسه
سيبك منه هقوم اغسل ايدى
ماشى وانا هطلب الأكل
نور قامت من مكانها وهى ماشية واحد من الشباب كان هيوقعها وشنكلها برجليه وقبل ماتلمس الارض كانت فيه ايدين مسكتها
يتبع...............
أميرة_جمال🌸
#تزوجت_صعيدى💚
#الحلقة 5
نور وهى سرحانه فى عيون سليم انتبهت على نفسها وبعدت عنه بسرعه
سليم باحراج انتى كويسه
نور هزت راسها بالموافقة والتفتت للشاب اللى كان هيوقعها ولسه هتتكلم وباين عليها الغضب سليم بصلها بنظرة إنها تسكت وتبعد ورغم عندها لكن اتحركت بعيد فعلا
ايه يا حلو المفروض تشكرنى انى وقعتها فى حضنك ده كان الشاب اللى وقع نور قال كلامه وبدأ يضحك
سليم بهدوء انا بقى هشكرك بطريقتي وضربه بالقلم وقعه من على الكرسي واصحابه بدأوا يهجموا على سليم وأدم اتدخل فى الوقت ده وضربوهم وطلعوا يجروا برا المطعم
صاحب المطعم بعصبيه مين هيدفع تمن التلفيات دى
سليم بهدوء انا سليم الاسيوطى
اتفضل ياافندم المكان كله تحت أمرك
شكرا بالنسبه للفلوس هبعتهالك بس بعد كده اختار الناس اللى تقعد فى المكان عندك
حاضر ياافندم
وسليم وادم مشوا ناحية نور وملك وقعدوا معاهم
ممكن نقعد معاكم علشان ماحدش يضايقكم تانى
نور هزت رأسها بالموافقة
ملك اتكلمت موجهة كلامها لسليم وادم شكرا جدا على اللى عملتوه
آدم بحنية وهو ببيبص لملك تحت امرك ياقمر
وملك اتكسفت من كلامه وبصت فى الأرض
سليم خبط آدم فى دراعه
آدم ايه يابنى دراعى
خف على البنت شويه مش كده
نور استأذنت تروح الحمام تعدل لبسها وملك راحت معاها
اخف ايه مش البيه برضو اللى كنا بره بنتمشى وأول ماشوفت نور بتقع جريت عليها وخدتها فى حضنك
ايه اللى بتقوله ده ياادم كده عيب
خلاص نخليه مش عيب
يعنى ايه
اتجوز نور
انت عبيط يلا ده احنا من ساعه ماشوفنا بعض واحنا عاملين زى توم وجيرى على رايك
على بابا برضو مش دى صديقه الطفولة والحب الأول
انت قولتها طفولة واسكت بقا هم جايين
ماشى
آدم بمرح مش هناكل بقا ولاايه انا جعاااان
سليم بضحك بس هتفضحنا
طيب يلا اعزمنى
اعزمك بتاع ايه
مش انا صاحبك وابن عمك
ولااعرفك
آدم بص لنور
نور بضحك انت مين ياابنى
آدم بص لملك ممكن تعزمينى
ملك باحراج حاضر وكلهم ضحكوا والاكل وصل ولد ياكلوا وسليم دفع الحساب وخرجوا من المطعم
آدم تعالوا نوصلكم
نور لا شكرا معايا عربيتى هنروح بيها
سليم تمام اللى يريحكم بكره الصبح بإذن الله هنعدى عليكم علشان نروح الأقصر
نور وملك بإذن الله
**********أميرة جمال🌸*********
نور وصلت البيت وكان أحمد وزينب فى انتظارها
حمد الله على السلامه ياحبيبتى
الله يسلمك يا ماما ازيك يابابا
الحمد لله يانورعينى اتأخرتى ليه كده
بدأت نور تحكيلهم اللى حصل فى الطعم هى متعوده مش بتخبى عنهم حاجه
احمد بارتياح الحمد لله ياحبيبتى ان سليم كان موجود
زينب اه والله كتر خيره راجل بصحيح
أحمد بصلها وهز رأسه أنه موافق على كلامها وده طمنه اكتر من جواه انه هيسيب نور فى ايد أمينة وان محمود وسليم هيحافظوا عليها وامانها الوحيد وجودها فى الأقصر
احم اللى واخد عقلك ياسى بابا
ههههه انتى طبعا
انا ولا ماما قول ماتتكسفش
زينب وهى بتضرب نور بمرح لمى لسانك يانور ولا ابو وردة وحشك
نور بخوف مصطنع لا وعلى ايه ياست الكل الطيب أحسن
احمد بجديه نور احنا هنسافر بكره إنجلترا انا ومامتك وهنرجع بإذن الله تكوني خلصتى المشروع فى الأقصر انتى عارفه مامتك كانت بتحس بألم فى ضهرها قولنا نسافر وبالمرة فسحة وانا ارتاح شويه من الشغل
نور بقلق ماما انتى فيكى حاجه ومخبيه عليا
زينب بحنية ابدا والله ياقلب ماما بس باباكى بقا عايز ياخد هدنه من الشغل ما صدق انك نزلتى مكانه
امممم قولتيلى بابا عايز يستفرد بيكى يعنى الله يسهلكم
زينب لسه بترفع الشبشب نور جرت على اوضتها وضحكها مالى البيت وقفلت الباب بسرعه
أحمد بتنهيدة نور هتوحشنى اووى يازينب
زينب بدموع هترجعلها بإذن الله ياحبيبى وهترجعلى انا مااقدرش اعيش من غيرك يوم واحد ده انا اروح وراك فى نفس الساعه يرضيك كده ونسيب نور لوحدها
احمد اخدها فى حضنه وهو بيطبطب عليها بحنيه ماتقوليش كده بعد الشر عليكى ياحبيبتى
اوعدنى انك ترجع معايا ونتلم كلنا
اوعدك بإذن الله وقاموا يجهزوا شنطهم
************ اميرة جمال 🌸**********
طنط ازيك
تعالى يالوكة اخبارك ايه ياحبيبتى
الحمد لله ياطنط فين نور
تفتكرى فين
يانهاار ابيض نايمه لسه
اه
احنا ورانا سفر وهى نايمه
ادخلى صحيها
هيحصل طبعا وراحت اوضه النور وبدأت تفتح الشباك وتبعد الستائر
زفتة ياملك
يلا قومى هنتأخر
اووووف سيبينى شويه
يلا يانور
ايه النشاط اللى عندك ده ولا مستعجلة علشان ادم وغمزتلها
ملك خبطتها بالمخده فى وشها لا يااختى
اه يابنت ال...بس آدم حلو برضو
اممم وسليم مز برضو وبصوا لبعض وضحكوا ونور دخلت الحمام علشان تستعد
بعد ساعه كانت نور جاهزة وواخده شنطتها وسلمت على باباها ومامتها ونزلت كان سليم وأدم مستنينهم واتحركوا
بعد فترة محمود وصل عند أحمد فى فيلته
أحمد موجه كلامه لمحمود ليه تتعب نفسك
عيب ياأحمد كفايه انك ماوفقتش اروح معاك
انت لازم تبقا هنا علشان نور
فى عنيا ياصاحبى
ربنا يباركلى فيك وجهزوا وراحوا المطار
***********أميرة جمال🌸***********
بعد وقت طويل وصلوا الأقصر بتعب ونور وملك دخلوا البيت الكبير بانبهار واتفاجئوا بالمقابله بالمقالات شافوها ليهم.......
يتبع..........
أميرة_جمال🌸
#تزوجت_صعيدى💚
تكملة الرواية من هنااااااا
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 رواية تزوجت صعيدى الفص…){kind=link}
تعليقات
إرسال تعليق
فضلا اترك تعليق من هنا