رواية فى حماية صعيدى الفصل الأول والثاني والثالث والرابع والخامس بقلم اسراء إبراهيم (حصريه وجديده في مدونة قصر الروايات)
رواية فى حماية صعيدى الفصل الأول والثاني والثالث والرابع والخامس بقلم اسراء إبراهيم (حصريه وجديده في مدونة قصر الروايات)
الاول
كيف يعني اتچوز بنتة كانت عشجانة راچل تاني ،، انت خابر يا بوي ده معناه ايه عاد ؟
كان بيتكلم بدر بعصبية زايدة لدرجة ان ابوه استغرب رد فعله لانه كان مديله خبر من كام يوم
منصور باستغراب / كانك اول مرة تعرف بالحديت يا بدر ،،منا مخبرك يا ولدي من كام يوم انك هتتچوز بت عمك
بدر بعصبية/ مخبرش انا حاسس ان الموضوع ده مش لادد عليا ومانيش موافج بيه ،، ليه اتچوز بنتة لا هي مننا ولا هي تعرف حاچة عن عوايدنا وكمان كانت متچوزة جبل سابج ،،ايه اللي چابرني علي اكده اني عاد
منصور بتنهيدة/ اللي چابرك انها من دمك يا بدر ،، اينعم عمك بجاله زمن عايش في مصر وان چدك جبل ما يموت كان محرج علينا نعرفه اكمنه عصاه واتچوز من مصر ،، بس مهما حصل هو اخوي برضك وكلمني وجالي انه محتاچني واني مهجدرش اهمله لحاله اكده
بدر بضيق / ومفيش حاچة تجف بيها جاره غير انك تچوزني بته ؟
منصور بجدية / اسمعني زين يا بدر عشان حديتي ده مهكرروش تاني ،، عمك لما حدتني جالي ان فريدة بته واجعة في مشكلة واعرة جوي وهي ان اهل چوزها رايدين ياخدو منيها كل حاچة ومش موافجين بالميراث اللي هو شرع الله ولما البنتة رفضت صممو انها تتچوز اخو چوزها لاجل ما يرچعلهم كل حاجة ويتحكمو في البنتة
بدر باستغراب/ وهي سايبة ولا ايه ،،مفيش محاكم ولا حكومة في مصر عشان يعملو اكده ؟
منصور بسخرية / الناس دول اكابر جوي في مصر يا ولدي وعلي رأي المثل اللي له دهر مينضربش علي بطنه والحل اللي وصلت ليه ان البنتة تتچوز راچل مننا اهنه يجدر يحميها هي وولدها ووجتها بجي الموضوع يبجي يخصنا احنا مش هي
بدر بضيق وهو بيقوم /ماشي يابوي ،،اللي انت رايده انا هعمله بس متستناش مني اني اتمم چوازي منيها عشان ده مش هيحصل ابدا وعلي چثتي
منصور بغموض / اتچوزها الاول وبعدين نبجي نشوف الموضوع ده بعدين ،،محدش هيغصبك علي حاچة
........................
كانت قاعدة صفاء ام بدر برة عمالة تبرطم بغيظ لحد ما نزلت جميلة وتبقي بنتها واخت بدر وكانت مستغربة وهي شايفة امها بتكلم نفسها
جميلة بقلق/ في ايه يا ام بدر عاد ؟،، بتحدتي نفسك ليه اكده ؟
صفاء بضيق / بجولك ايه يا بت انتي همليني لحالي احسن عفاريت الدار بتتنطط في وشي السعادي
جميلة بصدمة / وه ،،ليه كل ده يعني ،،ما تفهميني مالك مضايجة ليه اكده ؟
صفاء بغيظ/ اجولك ايه بس واعيد ايه ،،ابوكي ياختي اللي هينجطني رايد يچوز اخوكي لبت عمك المصراوية ،، رايد يعمل اللي عمك عمله زمان ،،اخ يا مري
جميلة باستغراب/ إيوة يعني فين المشكلة برضه ،،هو مش بدر موافج ،، يبجي خلاص ايه اللي يضايجك ؟،، وبعدين ما يمكن تطلع البنتة زينة مش كيف ما انتي فاكرة ياما
صفاء بعصبية وهي بتقلع شبشبها / جومي يا مجصوفة الرجبة من اهنه ،، انتي رايدة تكملي عليا ،،ما كفاية اللي اني فيه
طلعت جميلة تجري بسرعة من قدام صفاء علي فوق تاني وصفاء وقتها نفخت بغيظ
صفاء لنفسها بهمس / جال فيها ايه جال ،، دون عن بنتة النجع كله رايد ولده يتچوز بت حورية مرات اخوه ،، ماشي يا منصور اما وريتك
........................
كانت قاعدة فريدة جنب معاذ ابنها اللي بيلعب وهي سرحانة في الكلام اللي ابوها قالهولها بخصوص جوازها من ابن عمها اللي في الصعيد ورغم رفضها القاطع للموضوع بس هو ده فعلا الحل الوحيد بس للاسف مش قادرة توافق عليه ،،قطع سرحانها صوت باسل اخوها وهو بيقعد جمبيها
باسل بحب / الجميل سرحان في ايه ؟
فريدة بحيرة/ والله يا باسل عمالة افكر في كلام بابا ومش عارفة اقرر حاجة ،،حاسة ان دماغي هتشت مني
باسل بتنهيدة/ اسمعي يا فريدة ،، انتي عارفة كويس اوي اني اقدر احميكي من الناس دي ،، بس للأسف بابا مش عاوز الموضوع يتحل كدة وانا متفهم وجهة نظره ،،هو عاوز يحل الموضوع من جدره ونريح نفسنا من المشاكل دي كلها فانا من رأيي انك توافقي علي جوازك من بدر ابن عمنا وكمان تروحي تعيشي هناك معاه انتي ومعاذ ووقتها هشام اخو جوزك هيسكت ويرضي بالامر الواقع ،،ده غير انه هنقطع عليه حتة جوازك منه لانك هتبقي علي زمة راجل تاني فهمتي
فريدة بتنهيدة/ فهمت يا باسل بس خايفة اوي ،، انا مش قوية بطبعي عشان اعدي بكل ده يا باسل
باسل بتشجيع / مين قالك انك لوحدك ،،انا جمبك وسندك يا فريدة وخليكي دايما متأكدة اني احميكي بروحي
جميلة بحب وهي بتحضنه / ربنا يخليك ليا يا باسل ياحبيبي ،،انت احسن اخ في الدنيا
باسل بحب/ويخليكي ليا يا اجمل اخت في الدنيا ،، يلا قومي بقي اعمليلي حاجة اكلها انتي فاكرة نفسك خدتي عليا وهتفلتي من ايديا ،، يلا قومي يا بنتي جعااان انتي معندكيش اخوات شوباب ولا ايه
فريدة بضحك / ده احنا مكملناش تلات ثواني بنحب في بعض منك لله يا باسل ،، انت تتجوز احسن وتريحنا
.........................
كانت قاعدة جميلة بتتكلم في التليفون في اوضتها بعد ما اتأكدت ان الباب مقفول كويس
جميلة بهمس/ ايوة يا فارس ،، انت كمان وحشتني جوي
فارس بحب/ طب مش هشوفك بجي ولا هتفضلي اكده معاقباني ومش راضية تخليني املي عنيا بيكي
جميلة بخجل / وهو بكيفي يعني يا فارس ،،ما انت خابر ان طلوعي من الدار بحساب وبدر اخوي مجفلها عليا جوي ،، وحتي لما بجوله رايحة عند خالتي مش بيوافج وبيجولي ان عنديها رچالة مخبرش اني عشجانة راچل من عيالها
فارس بضيق/ فعلا بدر محبكها جوي مداريش ليه اكده ،، مع اني ولد خالتك بس بشوفك كل فين وفين ،، بس مش مهم هنتصرف ونتجابل يا حبيبتي
جميلة بقلق/ طب سلام بجي دلوجتي يا فارس احسن امي بتنادي عليا هروح اشوفها رايدة ايه
فارس بخبث / طب مش هتبلي ريجي بحاچة جبل ما تجفلي
جميلة بضيق/ اني جولتلك جبل سابج يا فارس اني مش البنتة العفشة ،،واحمد ربنا اني بحدتك في التلفون اصلا لكن حديت العشج والكلام الفارغ ده مهيكلش معايا ،، سلام
قفلت جميلة ورمت التليفون وهي بتبتسم وبتتنهد بفرحة وبتفكر في فارس احلامها
..........................
تاني يوم كان داخل بدر من الباب بسرعة وهو قلقان واول ما شافه منصور قام وقف بلهفة
بدر بقلق / خير يا بوي ،،حدتني وجولتلي تعالي بسرعة في مصيبة ،،مصيبة ايه دي عاد؟
منصور باستعجال / ايوة يا بدر ،،عمك نبيل حدتني وجالي ان اللي ما يتسمو جولهم الدار هناك ومصممين علي چواز فريدة من هشام ابنهم ،، بينا يا ولدي علي مصر
بدر بغضب/ ليلة اللي چابوهم سودا ،، بينا يا ابوي ،، ورايدك تحدت عمي وتجوله يحاول يماطلهم علي جد ما يقدر لحد ما نوصلو ووجتها يحلها ربنا بجي
صفاء بغيظ وهي متابعة الحوار / خلي بالك من نفسك يا ولدي ،، المصراوية دي مهياش تهمنا عشان تضيع روحك عشانها
منصور بغضب / لمي الدور ياصفاء ومتنسيش ان البنتة دي بت اخوي ومن دمي وهتبجي مرت ولدك
صفاء بغيظ / لكش تروحو تلاجوها فطست بت حورية ونخلصو منيها
منصور بغضب / يلا با بدر جبل ما اتهور حاكم انا علي اخري
بدر بسرعة/ يلا يا ابوي
.........................
في بيت نبيل كان قاعد هو مع هشام وابوه بيتكلمو بصوت عالي شوية وكانت متابعاهم فريدة بخوف من فوق احسن يجبرو ابوها علي موضوع الجواز وخصوصا انهم بقالهم كتير بيتكلمو وبرضه مصممين
هشام بثقة/ انا بقول خير البر عاجله ،،احنا نكتب الكتاب انهاردة والباقي بقي علي مهلنا
نبيل بتنهيدة/ هو انا بقالي ساعات بقول ايه يا هشام بيه ،، انت مش قادر تفهم ان بنتي رافضة الجوازة دي ومش عايزة تتجوزك
هشام بح*دة/ والمفروض انك كنت فهمتها ان الجوازة دي مش عشان حضرتها توافق ولا ترفض ،، ده عشان مصلحة الولد اللي هو ابن اخويا فرفضها ملوش اي لازمة بالنسبالي
نبيل بضيق/ وابن اخوك ده يبقي ابن بنتي برضه يعني هو مع اهله مش مع حد غريب فياريت توفر علي نفسك الكلام ده
باسل بغضب وهو داخل من باب الڤيلا / انا اختي مش هتتجوزك حتي لو عملت ايه يا هشام يا منياوي فبلاش تحرج نفسك اكتر من كدة واتفضل من غير مطرود
هشام بغضب/ انت مش قد الحرب معايا يا باسل فاخرج منها وانا جوازي من اختك هيتم سواء برضاك او غصب عنك ده لو انت خايف فعلا عليها وتهمك يبقي تعقلها وتخليها توافق
بدر بقوة وهو داخل من الباب / الحديت ده لو هي لسة في حمايته لكن هي ليها راچل وتبجي في حمايته هو
هشام بغضب / انت مين عشان تتدخل اصلا ،،ايه يا نبيل بيه انت ملقتش غير الصعايدة دول عشان تتحامي فيهم ؟
بدر بثقة وهو بيقعد وبيحط رجل علي رجل / الصعايدة دول لو انت مخرچتش دلوك بكرامتك هيخرچوك من غيرها وصدجني اني مبهد*دش اني بنفذ علطول
هشام بغضب / انت مين اصلا عشان تهد*دني يا بتاع انت
بدر بهدوء مريب/ اني چوز اللي انت رايد تتچوزها وفاكر ان الدار ملك ابوك وچاي تتجدملها وانا عشان خاطر حمايا هعديها المرادي بس لو اتكررت اوعدك اني اخرچك علي نجالة
هشام خاف من نبرة صوت بدر وبص لابوه بتوتر وهو مش مصدق ان فعلا بدر جوز فريدة بس اللي اكدله فعلا لما شاف فريدة نازلة من فوق وهي بتجري علي بدر واترمت في حضنه وهي بتعيط وبدر مكنش اقل صدمة من هشام لانه متوقعش ان فريدة تعمل كدة واتوتر بس مبينش وبص لهشام وضم فريدة ليه وكأنه بيأكدله انها مراته فعلا فقبض هشام علي ايده بغضب ومشي هو وابوه
نبيل براحة /الحمد لله انهم غارو ،، انا كنت خايف احسن ميصدقوش حكاية ان البنت اتجوزت دي
خرجت فريدة من حضن بدر بكسوف واحراج وبدر وقتها بصلها ببرود ومتكلمش فحاولت تبرر هي
فريدة بتوتر/ انا كان لازم اثبتله ان فعلا بدر يبقي جوزي عشان يقتنع ويصدق
منصور باستعجال / احنا لازمن نعجل بكتب الكتاب فعلا ،، عشان اللي ما يتسمي ده باينه مش سهل واكيد هيحاول يتوكد
بدر بجدية/ كلم المأذون يا ابوي وكلم الغفر يظبطو كل حاچة ويشيعو في البلد ان الليلة كتب كتاب بدر ودوخلته علي بت عمه
فريدة بقلق/ بالسرعة دي ؟
بدر بضيق/ مش بمزاجنا هو ولا انتي فاكرة انه چواز حجيجي
بدر كان بيتكلم بقصد وهو متعمد يفهم فريدة انه مش راضي عن الجوازة دي بس اللي مكنش متوقعه هو رد فعلها لما لاقاها ب.....يتبع
تفاعل حلو بقي عشان انزل البارت التاني ومتنسوش رأيكم واهم حاجة اني بشكر كل اللي كلمني وسأل عليا تسلمو بجد علي زوقكم �
#في_حماية_صعيدي
#بقلم_اسراء_ابراهيم
البارت الثاني
بقلمي اسراء ابراهيم
اتفاجئ بدر لما قربت منه فريدة وشاورت بصباعها قدام صدره واتكلمت بصوت عالي سمع كل اللي واقفين
فريدة بانفعال/ والله انا لو عليا مكنتش احتجت لواحد زيك بس للاسف مجبرة بقي فاوعي تفتكر اني انا هموت عليك لان اخر حاجة اتوقعها اني اتجوز صعيدي
نبيل بغضب/ فريدة عيب كدة
بدر بغموض/ هملها يا عمي ،،الظاهر ان بنتة مصر كلهم اكده ،،ميعرفهوش حاچة عن الادب وانا ردي عليكي مش دلوك يا بت عمي
باسل بهدوء/ خلاص يا جماعة استهدو بالله مش كدة
منصور بجدية/ يلا يا بتي اطلعي حضري نفسك انتي وولدك عشان هنسافر الصعيدي دلوك وانت يا نبيل اعمل حسابك انك هتجعد حدانا الفترة دي لحد ما الامور تتظبط
نبيل بتنهيدة/ ان شاء الله يا منصور يا اخويا ،، يلا يا فريدة نطلع
فريدة بصت لبدر بغضب وسابته وطلعت وهو نفخ بضيق وقعد بقلة حيلة عالكرسي
باسل بتردد/ انا عارف ان الظروف هي اللي حكمت بكدة وخليتنا متعرفناش ،، انا باسل ابن عمك واخو فريدة طبعا
بدر بجدية/ اهلا بيك يا باسل ،، انت غير خيتك خالص بصراحة ،، مخبرش لسانها مترين كيف اكده
باسل بضحك/ انت بس عشان متعرفهاش ،، فريدة اختي اجبن ما يكون ،، هي بس بتحب تبان قوية لكنها ضعيفة اوي واللي في قلبها علي لسانها وانت لما تعرفها هتتأكد من كلامي كويس
بدر بلا مبالاه/ اه ان شاء الله ،، يلا روح انت كمان اچهز عشان هنسافر علطول
باسل بحماس / علطول ان شاء الله
...........................
صفاء وهي خارجة من المطبخ / بت يا چميلة ،،انتي فين يا مجصوفة الرجبة ابوكي علي وصول
جميلة وهي بتنزل جري / انا اهو ياما ،،كنت بساعد البنتة تحضر جوضة بدر وعروسته
صفاء بسخرية/ علي ايه ياختي ،،دي چوازة الندامة ،، يلا خشي ساعدي ام سعد في الطبيخ عقبال ما اشوف الرچالة نصبو السوان وعلجو الكهارب ولا لسة
چميلة بضيق / حاضر ياما حاضر ،، ماهو مفيش غيري اهنه
صفاء طلعت برة البيت وكانت بتكلم الغفر لحد ما لقت كام ست من الجيران داخلين عليها
الست بفضول / الا صحيح الحديت ده يا مرت العمدة ،، بدر هيتچوز بنتة مصراوية من مصر ؟
صفاء بضيق / اه يا ام حسن ،، والعروسة واهلها علي وصول وبعدين دي مش اي بنتة دي بت عمه يعني من لحمنا ودمنا
الست وهي بتلوي وشها / وهما بنتة النجع خلصو لما يتچوز من مصر ،، دي تلاجيها لا تعرف عوايدنا ولا طباعنا هيتچوزها كيف دي
صفاء بسخرية / وانتي مالك انتي ياختي تكونيش كنتي رايداه لبتك ولا ايه
الست بتوتر / لا يا حچة ده اني يعني بجول اكده عموما عشية هيبان كل حاچة ،، سلام عليكم
صفاء بضيق/ عليكم السلام ياختي ،، ادي اخرة مجايبك يا منصور من اولها والحريم مش سايبنا في حالنا اومال لما يشوفوها عشية هيعملو ايه عاد ،، يا مرك يا صفاء
.................. .......
كان هشام رايح جاي بغضب وهو بيخبط ايديه في بعض وكان متابعه خيري ابوه بضيق
خيري بضيق/ ما خلاص يا هشام اقعد بقي خيلتني ،،خلاص البت اتجوزت وكل حاجة راحت
هشام بغضب / انت داخل دماغك المسلسل اللي حصل قدامنا ده ،، انا بقي متأكد انها متجوزتش ،، وبعدين حتي لو اتجوزت انا مش هسيبها في حالها
خيري بشك/ هو انت متأكد ان الموضوع موضوع فلوس اخوك اللي انت طمعان فيها ولا حاجة تانية ؟
هشام بتوتر / تقصد ايه بكلامك ده يا بابا،، انا صعبان عليا فلوس اخويا اللي راحت كلها ليها ولابنها
خيري بسخرية/ طب ما فريدة قالت انها هتدينا نصيبنا كله ونصيبها كمان بس حق الواد بس اللي هتاخده ؟
هشام بسرحان/ وانا بقي مش ههدي غير لما اتجوزها وتبقي هي والفلوس تحت ايدي
خيري بقلق/ اللي انت بتفكر فيه ده مستحيل يا هشام لان فريدة عمرها ما هتكون ليك وانت لازم تفوق لنفسك كويس
هشام بثقة/ مين قالك انه مستحيل ،، فريدة هتكون ليا برضاها او غصب عنها ،،مش كفاايا اخدها مني زمان ،،مش هسيبها المرادي ابدا
خيري بخوف / ربنا يستر من اللي بتفكر فيه ده يا هشام ،، قولي هتتأكد ازاي انها اتجوزت او لا
هشام بثقة/ شوية ويجيلي الخبر الاكيد يا بابا وكل حاجة توضح
...........................
بعد كام ساعة وصلو كلهم الصعيد فكانت نازلة فريدة من العربية بقلق وخوف من الحياه هنا واللي كانت بتسمعه من امها قبل ما تموت علي الصعيد وناسها
الغفير بفرحة/ حمدالله عالسلامة يا حضرة العمدة ربنا يتمم بخير
منصور بفرحة/ الله يبارك فيك يا مسعد ،، حضرت كل حاچة ؟
مسعد باحترام/ كل حاچة چاهزة كيف ما امرت يا حضرة العمدة واكتر ،،ده فرح ابن العمدة برضك
بدر بهيبة/ ربنا يباركلك يا مسعد عجبالك ،، يلا اتفضلو ندخل الدار
دخلت فريدة وهي ماسكة ايد معاذ ابنها ووراها ابوها واخوها وبدر ومنصور
منصور بصوت عالي / يا ام بدر ،، تعالي رحبي بمرت ولدك
صفاء ببرود وهي خارجة من المطبخ / اهلا وسهلا بناس مصر
نبيل بود/ اهلا بيكي يا ام بدر لسة كيف ما كنتي ست الناس كلها
صفاء باحراج/ تسلم وتعيش يا ابو باسل ،،انتو اللي نورتو البلد كلياتها
منصور بفرحة / چهزتي كل حاچة يا ام العريس
صفاء بغيظ / ايوة كل حاچة چاهزة ،، يلا يا عروسة اطلعي مع چميلة فوج عشان تچهزي ،، ياااا چميلة
جميلة خرجت جري لما سمعت امها بتنده بس وقفت مرة واحدة باحراج لما لقت في ناس في البيت وباسل ابتسم لما لاحظ احراجها منهم
چميلة بتوتر/ نعم ياما
نبيل بفرحة/ انتي كبرتي خالص يا جميلة ،،انتي مش فاكراني ؟،، انا عمك نبيل
چميلة بخجل / وه حجك عليا يا عمي ،،اني معرفتكش ،، كنت فاكرك طشاش اكده من حكاوي ابوي عنك
قربت جميلة وحبت علي ايد عمها باحترام وهو طبطب عليها بحب
نبيل بفرحة/ دي بنت عمك فريدة وهتبقي مرات اخوكي انا متأكد انكم هتبقو اصحاب ،، وده باسل ابني برضه
جميلة بفرحة / وه ،،من زمان كنت عايزة اشوفكم والله
اتفاجأت فريدة بجميلة وهي بتقرب منها وبتحضنها وبتسلم عليها بود فابتسمت جميلة وحست بالراحة من ناحيتها غير صفاء اللي مرتاحتش لنظراتها
صفاء بجدية/ خدي فريدة وطلعيها اوضتك وساعديها تچهز ،،ها كيف ما جولتلك
جميلة بحماس وهي بتشد جميلة من ايديها / طبعا ياما متجلجيش خالص ،، وه مين الامور الصغنن ده ؟
فريدة بقصد وهي بتبص لصفاء / ده معاذ ابني
صفاء بصت لبدر بغضب وبعدين سابتهم ومشيت
جميلة بفرحة/ اهلا يا معاذ ،،انا ابجي چميلة بس انت جولي يا چوچو ،، انا صحابي بيجولولي اكده ماشي ؟
معاذ بفرحة / ماشي يا چوچو
نبيل بابتسامة/ معاذ هيجي معانا عشان هو راجل ،، مش كدة يا معاذ
معاذ بثقة / ايوة طبعا يا جدو ،، يلا بينا
ضحكت جميلة واخدت فريدة بحماس وطلعت تحت نظرات باسل اللي مركزة عليها
.....................
بارك الله لكما وبارك عليكما وجمع بينكما في خير
ضر*ب النار اشتغل اول ما المأذون قال كلمته ووقف بدر يستقبل المباركات من الكل وفي نفس الوقت كانت فريدة في اوضة جميلة ولابسة فستان ابيض وقاعدة متوترة اوي واتنفضت اول ما سمعت ضر*ب النار
جميلة بفرحة/ مبروك يا فريدة ،،خلاص بجيتي مرت اخوي رسمي اكدة
فريدة بخوف/ خايفة اوي يا جميلة ،،انا عارفة ان المفروض متكلمش واقولك كدة بس انا ارتحتلك اوي وعشان كدة بتكلم معاكي بصراحة
جميلة وهي بتحضنها / الجلوب عند بعضيها يا حبيبتي وبعدين مش رايداكي تخافي واصل ،،اني اهنه چارك وكمان بدر اخوي زينة الرچال ،،هو اينعم صعب شوي لكن جلبه ابيض من الحليب بس نصيحتي ليكي متجفيش جصاده وهو مضايج وانتي هتشوفي حنيته بحج وحجيجي
فريدة بتنهيدة/ ربنا يستر
جميلة بحماس / يلا بينا ،،زمان الحريم تحت عمالين يسألو العروسة المصراوية فينها ،، والله ربنا يستر من عيونهم اللي تندب فيها رصاصة ،،حاكم لو نشوكي عين ،،ممكن ترجدي فيها
فريدة بضحك/ ضحكتيني والله ،،انتي دمك خفيف اوي
جميلة بغرور مصطنع/ والله ده اجل حاچة عِندي ،، يلا بينا يا مرت اخوي
فريدة قلبها اتقبض اول ما جميلة قالت كدة ،، وكانت خايفة احسن شريط حياتها يتكرر تاني وتعيش نفس اللي عاشته بس حاولت تقوي نفسها بابوها واخوها وانهم جمبها ومش هيسيبوها مهما حصل
........................
كانو الستات عمالين يتكلمو بهمس علي فريدة وهما باصين ليها وكان واضح اوي ليها انهم بيتكلمو عليها فكانت متوترة اوي وبتحاول تبص بعيد عنهم واللي كانت حاسة بيها جميلة فقربت منها وشدت ايديها عشان تروح معاها
جميلة بحماس/ تعالي اوريكي بدر وهو بيرجص مع الرچالة
فريدة كانت بتبص علي بدر من شباك المنضرة اللي في الحريم كلهم وكانت شايفاه وهو لابس الجلبية والعمة وبيرقص وكان شكله حقيقي يبهر فكانت مركزة اوي معاه من غير ما تاخد بالها لحد ما عيونها اتقابلت مع عيونه فكانو باصين لبعض فاتوترت فريدة وبصت في الارض وبدر كان بيرقص وهو عنيه عليها اما جميلة فشافت فارس وهو بيشاورلها تحصله فاتوترت وسابت فريدة وخرجت بسرعة من البيت ومشيت بعيد عن الفرح وهي متأكدة ان مفيش حد هياخد باله منها بس عيون باسل كانت متابعاها
.........................
منصور دخل اوضة الضيوف بسبب صفاء اللي ساحباه وراها
منصور بغضب / في ايه يا ولية ،،ساحباني وراكي اكده ليه ؟
صفاء بغضب / مش خابر ليه يا منصور ،،عشان كدبك عليا ،، جولتلي البنتة كانت متچوزة وجولنا ماشي ،، لكن تطلع مخلفة يا منصور ليه تعمل اكده في ولدك ،، مش صعبان عليك وانت مچوزه لواحدة ارملة ومعاها عيل وهو اول مرة يخش دنيا ؟
منصور بتنهيدة/ يا صفاء ،،بدر زي ما هو ولدك ولدي انا كمان بس تعالي نحسبها لو اخوكي انتي اللي مكان اخوي وبت اخوكي مكان فريدة وحصلها كيف اللي حوصل ليها ،،مكنتيش هتطلبي منه يتچوزها وينقذها من اللي واجعة فيه ؟
صفاء بغضب / متغيرش الحديت يا منصور ،، انا لا اخوي مكان اخوك ولا بته مكان بت اخوك فبلاش تجول اعذار خيبة
منصور بجدية / ولدك خلاص اتچوز يا صفاء ومرته تبجي بت عمه فبلاش تخربي عليهم وخدي البنتة تحت چناحك عشان هي مالهاش ام وافتكري ان اللي هتعمليه هيجعدلك في بتك ماشي يا ام الغالي ،، انا رايح اشوف الناس اللي هملتها برة عشان كلامك الخايب ده
خرج منصور وصفاء كانت بتفكر في كلام منصور وعقلها مش قادر يستوعب فكرة ان فريدة تكون مرات ابنها
.......................
كانت واقفة جميلة مع فارس ابن خالتها بعيد عن البيت والفرح،، في مكان مداري وكان فارس بيبصلها بخبث وهي بتبصله بخجل وفرحة وهي للأسف متعرفش نيته من ناحيتها ايه لحد ما لقته فجأة ب........يتبع
# بقلمي_اسراء_ابراهيم
...
البارت الثالث
في حماية صعيدي
فجأة لقت فارس بيقرب منها وهو بيبصلها بنظرات غريبة
فارس بخبث/ تعرفي انك كيف الجمر انهاردة ،، انتي أچمل بت في النجع كله يا چميلة
جميلة بتوتر / اني محطيتش اي حاجة في وشي عشان ملحجتش اصل امي كانت هارياني طلبات ،، ههو صحيح انت كلمت ابوي انهاردة كيف ما جولتلي ؟
فارس بتوتر / هه ،، لا اصله كان مشغول جوي فجولت استني الفرح يخلص وافاتحه يا جمري في الموضوع
جميلة بفرحة / انا مش مصدجة اننا اخيرا هنتچوز ونبجي زي بدر ومرته اكده ،، يااه يا فارس انا بحبك جوي
فارس وهو بيقرب اكتر / انا بس رايدك تثقي فيا ،،مش انتي واثقة فيا يا چميلة
جميلة وهي بتزوقه / واثجة فيك بس ابعد اكده يا فارس عيب انك تجرب جوي اكده
فارس وهو بيشد جميلة عليه / عيب ليه بس ده انتي هتبجي مرتي ،، وبعدين اثبتيلي انك واثجة فيا حاكم انتي وحشاني جوي
جميلة خافت وبقت تزوق فارس بعيد عنها وهي بتقوله بغضب / ابعد يا فارس ،،انت اتچنيت اياك ،، ده انا بت خالتك يعني من دمك ،،المفروض تحميني
فارس بتوهان وهو بيشدها عليه باصرار/ مش جادر يا چميلة انتي حلوة جوي وبعدين ما جولتلك هتبجي مرتي
جميلة صرخت بعلو صوتها لكن للأسف مكنش حد سامعها لان البلد كلها ملهية في فرح ابن العمدة وده خلي جميلة تخاف اكتر فكانت بتصرخ وهي بتحاول تبعد فارس عنها بس هو مكنش فارق معاه صريخها وبيحاول يعت*دي عليها بس فجأة لقي اللي بيشده من هدومه وبيبعده عن جميلة اللي اتفاجأت بباسل قدامها وهو ماسك فارس وعمال يضر*ب فيه لحد ما خلاه مش قادر يقوم من الارض وكانت جميلة متابعاهم بخوف وهي بتعيط وبتحاوط نفسها بايديها وشوية ولقت باسل بيقرب منها
باسل وهو بينهج/ قومي يلا
جميلة قامت بتعب ومشيت مع باسل اللي خلع الچاكت بتاعه وحطه عليها وده خلاها تعيط اكتر
...........................
فريدة كانت قاعدة متوترة اوي من نظرات الستات ليها وكمان بناتهم اللي كانو حاطين عنيهم علي بدر وانه ممكن كان يتجوز واحدة منهم ،، فكانو بيبصولها بغيظ وكر*ه اما صفاء فكانت مضايقة من همس الستات وكل واحدة بكلمتها فقامت خرجت من البيت بغضب
صفاء بغضب / منصووور ،،تعالي اجولك
منصور باستغراب/ في ايه يا ام بدر ،، حصل حاچة ولا ايه
صفاء بسخرية/ هيحصل ايه اكتر من اللي حوصل ،، يلا جول لودك ياخد مرته ويطلع كفايا تلسين الحريم لحد اكده حاكم اني هطج
منصور براحة/ انا برضه رأيي اكده ،، خشي انتي خليها تچهز واني هجوله
دخلت صفاء وقربت من فريدة اللي كانت متحفظة وقلقانة من معاملتها ليها بعد ما تبقي مرات ابنها
صفاء بجدية/ يلا غطي راسك عشان بدر هيچي ياخدك وتطلعو كفايا اكده ،، وانتي يا ست منك ليها غطو راسكم عشان العريس چاي
مكملتش صفاء الكلمة لما سمعو بدر بيستأذن يدخل وفعلا دخل وقرب من فريدة اللي وقفت بتوتر ذاد اكتر لما لقت بدر بيقرب منها وبيبو*سها من راسها فقلبها دق وحست ان جسمها تلج وخصوصا ريحة برفانه اللي حاوطتها وحست وقتها بالامان متعرفش ليه
بدر بهدوء / يلا بينا يا عروسة
فريدة مشيت بطاعة مع بدر وطلعت معاه اوضتهم تحت نظرات كل الموجودين ومنهم بت خالته بدور واخت فارس واللي بتحب بدر من زمان وكان نفسها يكون ليها
بدور بغيظ وهي بتقرب من صفاء/ بجي اكده يا خالتي ،، هو ده وعدك ليا ؟،، انتي مواعداني ان بدر من نصيبي
صفاء بضيق/ واني كنت عند وعدي بس اللي حصل غصب عننا كلنا
بدرو بفضول / ايه اللي حوصل
صفاء وهي بتبص حواليها/ بعدين يا بدور هجولك ،،يلا خشي ساعدي البنتة في غرف الوكل للناس ،،هي فينها چميلة صحيح ؟
............................
كانت ماشية جميلة جمب باسل وهي بتعيط بصوت عالي لدرجة انه اتعصب
باسل بغضب/ اخرسي بقييي ،، بطلي زفت عياط
جميلة خافت من صوت باسل وكتمت بوقها بايديها
جميلة ببحة/ انا اسفة جوي ،، انا والله مكنتش دريانة ان كل ده هيحصل ،،صدقني اني بنتة زينة مش عفشة ولا خاطية
باسل بسخرية/ مفيش بنت كويسة تخرج مع شاب لوحديهم وتقابله من ورا اهلها الا اذا كانت مش محترمة
جميلة بغضب خفيف/ بس ده مش شاب غريب ،،ده ابن خالتي والمفروض انه عاشجني واني عاشجاه
باسل بغضب / وابن خالتك اللي بتقولي مش غريب شوفتي كان هيعمل فيكي ايه ؟،، انتي بتفكري ازاي ؟
جميلة بدموع/ انا مكنتش خابرة انه هيعمل اكده ،، ارجوك متجولش لابوي
باسل بجمود/ موعدكيش اني اخبي عليهم وده لمصلحتك
جميلة بشحتفة وخوف / لا يا باسل ،،ابوي وبدر لو جالهم خبر باللي حوصل هيجتلو*ني ،، ده عار عنيدينا اللي حوصل وفيها د*م
باسل بسخرية / كويس انك عارفة ان اللي عملتيه شئ ميتغفرش وغلط ولو فعلا خايفة مكنتيش عملتي كدة من الاول
جميلة بقهرة/ عنديك حج ،،انا استاهل الموت فعلا ،، خلاص جولهم اكده ولا اكده اني مهعرفش اعيش بعد اللي حوصل
باسل مردش وكان باصص لجميلة بغموض وفي نفس الوقت كان وصلو البيت
باسل بجمود/ ادخلي ومتخرجيش تاني ابدا انتي فاهمة ؟
جميلة بطاعة/ حاضر فاهمة
دخلت جميلة تجري علي جوة وكان متابعها باسل بعنيه وهو بيتنهد بحيرة
.........................
بدر ببرود/ هتفضلي واجفة كيف الصنم اكده ،، ما تجربي ولا خايفة مني ؟
رفعت فريدة طرحتها وردت بقوة مصطنعة/ انا مش خايفة منك علي فكرة واوعي تفتكر انك عشان اتجوزتني يا صعيدي انت تبقي امتلكتني
بدر قرب من فريدة ولوي دراعها وهو بيتكلم بغضب / حسك عينك صوتك يعلي عليا يا مصراوية والا يمين بالله اوطهولك اني بطريجتي واوعي تفتكري ان شويتين الشجاعة دول اللي بتتحدتي بيهم هيخلوني اخاف منيكي ،،انتي شكلك متعرفيش الراچل الصعيدي فعلا
فريدة مكنتش بترد من الخوف والو*جع اللي حاسة بيهم فكانت دموعها بتنزل بصمت
بدر بغضب / انطجي فاهمة ولا لاه
فريدة بألم / ايدي بتو*جعني
بدر حس بنفسه فبعد بسرعة وساب ايد فريدة
بدر بجمود/ خشي حضريلي الحمام يلا
فريدة بطاعة/ حاضر
استغرب بدر انها وافقت بسرعة بس اتجاهلها وقعد عالسرير ببرود وشوية وخرجت فريدة فقام بدر واخد هدومه ودخل الحمام من غير ما يبصلها حتي واستغلت فريدة الوقت وغيرت هدومها ونامت عالسرير براحة ومخدتش بالها من بدر اللي واقف بيبصلها باستغراب
بدر ببرود / شايف كانك مفكرة انها اوضتك وهتنامي عالسرير كمان ؟
فريدة باستغراب / اومال هنام فين ،،ما طبيعي اني الست يعني انام عالسرير وانت عالارض
بدر بسخرية/ ده لما تكوني فعلا ست ،، فجومي اكده من سكات ونامي في اي مكان لاني هنام عالسرير
قامت فريدة بغضب واخدت لحاف ومخدة تحت نظرات بدر المصدوم وهو متابعها بعنيه من اول شعرها الطويل لاخر ضهرها لحد البيچامة اللي لابساها كانها معمولة عشانها فكانت قمر اوي
بدر بتوتر / احم ،،احنا ممكن احنا الاتنين ننام عالسرير
فريدة بسخرية/ متشكرة ،،اشبع بيه لوحدك
بدر برفعة حاجب / انتي فعلا لسانك طويل وتستاهلي نومة الارض وعشان اكده حلال فيكي ،، يلا تصبحي علي خير يا جوطة
فريدة بغيظ/ وانت من اهل الخير ،، يا تعلب
بدر بصدمة/ انتي جولتي ايه ؟
فريدة بخوف / مقولتش
ابتسم بدر علي خوفها واتنهد بحيرة وهو بيفكر هيعمل ايه في اللي جاي
...........................
هشام بغضب وهو بيخ*بط علي الكرسي / شوفت يا بابا اللي كنت متوقعه حصل ،،مكنتش متجوزة وقت ما روحنا بس اتجوزته انهاردة بنت ال ،، انا هوريها ومش هتكون غير ليا في الاخر
خيري بضيق/ ما قولتلك انسي الموضوع ده بقي يا هشام ،، انت مكبره اوي ليه كدة ،،ما تتجوز ولا تو*لع ،،احنا مالها ومالنا
هشام بتحدي /مش انا اللي يتقالي لا يا بابا ،، وانت عارف كويس اوي اني لما بعوز حاجة بطولها في الاخر
خيري بتنهيدة/ طب وناوي علي ايه بقي بعد اللي عرفته ؟
هشام بتوعد/ علي كتير ،،بس الدنيا تنام شوية وانا هخليها تجيلي راكعة وهي اللي تترجاني اتجوزها
خيري باستغراب/ نفسي اعرف دماغك دي فيها ايه وبتفكر في ايه
هشام بضحك/بكرة تعرف يا ابو هشام متقلقش ،، بس كله باوانه
.........................
تاني يوم عالفطار كانو كلهم متجمعين ماعدا بدر وفريدة وكمان جميلة
منصور باستغراب/ اومال فينها چميلة يا ام بدر ،،مش باينة من عشية
صفاء بقلق/ مخبراش يا منصور ،، طلعتلها الصبح وجالتلي انها تعبانة شوية فهتفضل نايمة
نبيل بود/ الف سلامة عليها ،، تلاقيها تعبت من شغل امبارح حاكم انتو بتتعبو اوي يا ام بدر
كان متابع باسل كلامهم وباصص قدامه بشرود وبيفكر في جميلة وهو متأكد انها منزلتش عشان اللي حصل امبارح وانها مالهاش عين تشوفه
نبيل بتردد/ هو احنا مش هنطمن علي العرسان ،، بصراحة عايز اطمن علي فريدة وكدة كدة احنا عارفين اللي فيها وسبب جوازهم يعني ملوش لزوم نفضل سايبينهم كل ده
منصور بابتسامة / وه من دلوك هتعمل حما علي ولدي يا اخوي ،،ماشي هعديهالك وبعدين متجلجش بدر ولدي زينة الرچال وهيحافظ علي بتك عشان مهما كان دي بت عمه
نبيل بابتسامة/ مقصدش والله يا اخويا بس يعني قلبي واكلني عليها
بدر وهو نازل من عالسلم مع فريدة / وه للدرجادي يا عمي ،، عموما اديني چبتهالك لحد عنديك اهي عشان تطمن براحتك
جريت فريدة علي معاذ ابنها حض*نته وبا*سته وبعدين سلمت علي نبيل ابوها وحضنته وهو بادلها الحض*ن وهو مبسوط وسعيد باللي شايفه وهي انها اتحجبت
نبيل بفرحة /مكنتش اعرف ان بدر هيبقي تأثيره عليكي قوي كدة لدرجة انك تتحجبي ؟
فريدة بصت لبدر بغيظ/ اه ،،اصله اقنعني بطريقته يا بابا
باسل بضحك/ والله بدر ده جدع ،،عمل اللي محدش قدر يعمله
بدر ابتسم بغرور مصطنع وفريدة كانت بتبصله بغضب
صفاء ببرود/ يلا اجعدو افطرو
قعد بدر وجمبه فريدة فقرب منها وهو بيتكلم
بدر بهمس / شوفتي بجي اما بتسمعي الكلام بتبقي حلوة ازاي ؟ ولا يعني لازم اهد*دك
فريدة بغضب / علي فكرة بقي انا كان ممكن ارفض واقولك لا بس انت مجنون وكان ممكن تنفذ تهد*يدك المش محترم
بدر بضحك/ وانا كنت بصراحة هفرح لو كنتي جولتي لا
اتكسفت فريدة وبصت بعيد بهروب وبدر وقتها ابتسم ومن جواه مستغرب سعادته دي لانه مكنش متوقع كدة ابدا وكل ده كانت متابعاه صفاء بغيظ وغضب
صفاء بغيظ/ انا بجول تاكلو احسن ما ترغو بدل الوكل ما يبرد
اتوترت فريدة وبصت لبدر بخجل وبدأت تاكل وتأكل معاذ ابنها بهدوء
.........................
في نص اليوم نزلت جميلة فكانت نازلة عالسلم بعد ما بعتتلها امها حد قالها ان اخوها بدر عاوزها فكان باين عليها الحزن وعيونها منفخة من العياط وكانت بتدور بعنيها علي امها بس فجأة وقفت مكانها بصدمة وهي باصة قدامها وشايفة بدر بيتكلم مع باسل بهمس وبدر باين علي وشه الغضب واول ما بدر لف وشه وبصلها اتفاجأت بيه ب...... يتبع
# بقلمي_اسراء_ابراهيم
البارت الرابع
قي حماية صعيدي
اترعبت جميلة اول ما بدر بصلها وقالها تعالي فتوقعت ان باسل حكاله كل حاجة وعشان كدة باين عليه الغضب فنزلت بخوف وهي بتبص لباسل اللي واقف جمب بدر وبيبصلها بغموض بس اللي حصل كان غير ،،اتفاجأت جميلة ببدر بيحض٭نها
بدر بقلق/ كيفك يا خيتي دلوك ،، امي جالتلي انك تعبانة
جميلة بتوتر وعنيها في عيون باسل / اني زينة يا اخوي ،، يسلملي خوفك عليا
بدر بحب / وهو اني لو مش هجلج عليكي هجلج علي مين يعني ولا عِندي كام اخت اني ؟
جميلة بابتسامة باهتة / ربنا يخليك ليا يا اخوي
بدر بحب /ويخليكي ليا يا جلب اخوكي
كانت متابعاهم فريدة وهي قاعدة وابتسمت بتلقائية علي حنية بدر مع اخته وعلاقتهم اللي حبيتها اوي وبعدين رجعت كشرت ما افتكرت معاملة بدر ليها
صفاء بضيق / بدر ،،تعالي رايداك يا ولدي
بدر بطاعة/ حاضر ياما
بدر مشي وساب جميلة مع باسل
جميلة بتردد/ افتكرتك جولتله
باسل بقر٭ف/ والله لما فكرت لقيت انك ارخص من ان اخوكي يعمل مشكلة بسببك
كلامه جر٭ح جميلة اوي فسابته وجريت علي فوق وهي بتعيط وكانت متابعاها فريدة باستغراب ورجعت بصت لباسل باستفهام بس هو اتعامل عادي عشان ميلفتش نظرها
.......................
في مكتب منصور
بدر بقلق/ خير ياما ،،رايداني في ايه ؟
صفاء بضيق/ اسمع يا ولدي ،،اني مش لادد عليا موضوع چوازك من البنتة دي وانت خابر اكده من الاول ،، عشان اكده اني رايداك تريح جلبي وتتچوز اللي اني اخترتهالك
بدر بصدمة/ انتي رايداني اتچوز علي مرتي ياما ؟،، ده انهارده صباحيتي ،، بتتحدتي كيف بس اكده
صفاء بغضب / صباحيتك ؟ ،،كانك فاكر انها چوازة بحج وحجيجي ،،فوج لنفسك يا بدر ،، انت خابر زين انك اتچوزتها لاجل عمك ومجرد ما تخلص موضوعها مع اخو چوزها الاولاني هتطلجها ،،فاهم ولا لاه ؟
بدر بنفاد صبر / ياما بتجولي ايه بس ،، انتي بتتحدتي كان ولدك مش راچل يعني ،، فوضينا من الحوار ده بجي ومتنسيش انها مرتي حتي لو چوازنا كان لسبب كيف ما بتجولي
خلص بدر كلامه وخرج وصفاء كانت متابعاه بغيظ وخوف من انه يحب فريدة ويتعلق بيها
صفاء بتوعد/ ماشي يا بت حورية من اولها رايدة تخطفي ولدي مني ،، بس بعينك عشان اني مش هسكت
.......................
دور بدر بعنيه علي فريدة مالقهاش فاستغرب وتوقع انها ممكن تكون طلعت اوضتها فعشان كدة طلع هو كمان واول ما دخل اوضته اتفاجئ بفريدة واقفة بتعيط فقرب منها بلهفة
بدر بقلق/ وه مالك بتعيطي ليه اكده ،، حد زعلك تحت ؟
فريدة بعياط/ لا
بدر بقلق اكبر / اومال في ايه اتحدتي
فريدة بشحتفة / معاذ من وقت ما جيت هنا وهو مش بيسأل فيا ولا حساه متعلق بيا زي الاول ،،انا خايفة يكون كر٭هني عشان اتجوزت
بدر بحنان وهو بيمسح دموعها / بجي هو ده الموضوع اللي مخليكي عاملة في نفسك كل ده ؟،، دي حكاية سهلة خالص والمفروض متشغلكيش اصلا
فريدة بعياط اكتر / ازاي بقي ،، ده حتي مش بيسأل عليا خالص وعلطول مع بابا ياما بيلعب برة البيت
بدر بنفس حنيته/ معاذ عمره ما هيكر٭هك يا فريدة لانك امه وهو مش عيل اصغير ،،هو فاهم زين انك اتچوزتي اصلا عشان تحميه من الناس العفشة دول وحكاية انه مش بيسأل فيكي فده عشان الجو جديد عليه مش اكتر وهو عاچبه چو البلد
فريدة بتلقائية / عِفشة ؟
بدر برفعة حاجب / ايه بجي ؟ هنحتاجولها كتالوج دي كمان اياك ؟
ضحكت فريدة بتلقائية من بين دموعها وبدر سرح في ضحكتها وغمازاتها القمر وابتسم بتلقائية
فريدة بخجل لما خدت بالها/ احم ،، اسفة ،،انا مقصدش اتريق عليك بس انت لغتك غريبة اوي فعلا عليا واوقات مش بفهمها
بدر بتلقائية / عشان مصراوية ،، لكن اهنه كلنا بنفهم بعضينا
فريدة بهدوء / عمري ما كنت اتخيل اني اجي الصعيد هنا ولا اني اتجوز صعيدي
بدر بغضب خفيف /ومالهم الصعايدة بجي؟
فريدة بسرعة/ احسن ناس والله
ضحكو هما الاتنين مرة واحدة وكل واحد فيهم سعيد بكلامه مع التاني
بدر باندفاع / ممكن اعرف ليه مكنتيش موافجة تتچوزيني في الاول رغم انك خابرة ان چوازنا كان لمصلحتك
............................
نبيل كان قاعد قدام البيت مع منصور وبيشربو شاي ومعاذ بيلعب قصادهم
نبيل براحة / لو تعرف قد ايه اتمنيت اني ارجع اعيش هنا يا منصور
منصور بابتسامة / العشج يا اخوي هو اللي كان مجوي جلبك وخلتك تهمل الدنيا كلها عشانها
نبيل بابتسامة حنين/ ااه يا منصور ،، انت عارف انا كنت بحبها قد ايه وهي كمان بصراحة ،،الله يرحمها يا منصور كانت ونعم الزوجة
منصور بتفكير / انت خابر يا نبيل يا اخوي ،، اني بعد انت ما هملتنا وجدك اجبرني اتچوز صفاء ،، اتمنيت لو اجدر اهمل البلد بحالها واعمل كيف ما عملت واهرب من اهنه ،، بس للاسف معرفتش اعمل اكده لان جدك كان ممكن يروح فيها
نبيل باستغراب / اهو هو جدك كدة ،، لازم اوامره اللي تمشي ياما يزعل ويتعب
منصور بتنهيدة / ماهو تعب لمجرد اني اتحدت وياه وجولتله اني رايد اسافر واعمل كيف ما عملت انت ،، وصفاء وجتها سمعت حديتي ولحد انهاردة مهتنساش اللي سمعته واصل
نبيل بثقة/ حقها يا اخويا ،،اي واحدة مكانها هتاخد علي خاطرها برضه
منصور بشرود/ ماهو ده اللي حوصل واديني عشت حياتي يا نبيل
............................
كان بدر بيبص لفريدة المتوترة من سؤاله المفاجئ ليها
بدر بشك/ افهم من اكده انك مش رايدة تتحدتي ولا انك مش لاجية حاجة تجوليها ؟
فريدة باندفاع / المفروض تفهم ان دي حياتي الشخصية وانت مش من حقك تتدخل فيها حتي لو كنت مين
بدر بغضب / الواضح فعلا اني غلطت لما سمحت لنفسي اني اسألك يا حرمي المصون ومتجلجيش معدتش هتتكرر تاني
خرج بدر بغضب وهبد الباب وراه لدرجة ان فريدة اتنفضت علي الصوت وكانت من جواها مضايقة من ردها عليه وبتأنب نفسها انها جر٭حته بالشكل ده بس كان هي دي الطريقة الوحيدة اللي تهرب بيها من سؤاله اللي مكنتش هتقدر تجاوبه عليه
........................
تاني يوم كانت نازلة جميلة عالسلم بس فجأة وقفت مكانها بصدمة وهي شايفة فارس قاعد مع امها فملامحها اتحولت للغضب بس هو كان بيبصلها بسخرية فكملت هي نزول وقربت منهم
صفاء بقلق/ كيفك انهاردة يابتي ؟
جميلة بجمود وهي بتبص لفارس / زينة ياما ،، زينة جوي
صفاء براحة / الحمد لله ،،دايما يا بتي زينة
فارس بخبث / خير يا خالتي مالها جميلة كفالله الش٭ر ؟
صفاء بتلقائية/ دي تعبانة بجالها يومين ،،من يوم فرح بدر اخوها كانها عين وصابتها
فارس بسخرية/ الف سلامة عليكي يا بت خالتي ،، متبجيش تخرجي كتير لحالك احسن حد يضايجك
جميلة ردت بغضب / متخافش عليا ،، اني اعرف احافظ علي نفسي كويس جوي
في نفس الوقت قامت صفاء باستعجال
صفاء بلهفة/ يا مري نسيت اصحي بدر ،،اما اروح الحجه ده جالي الضهر تصحيني
سابتهم صفاء ودخلت وفارس قرب من جميلة اللي خافت ورجعت لورا بتلقائية
فارس بخبث/متخافيش اكده مني ده اني فارس حبيبك
جميلة جمعت شجاعتها وبكل قوتها ضر٭بت فارس بالقلم وهي بتبصله بغضب
جميلة بقر٭ف/ انت اخر واحد افكر اخاف منيه ولما اچي اخاف يبجي من راچل بجد مش حُرمة
فارس عنيه احمرت من الغضب اول ما جميلة عملت كدة وهي شافت نظراته وخافت بس مبينتش و قلبها اتقبض لما لقيته بيرفع ايديه عشان يض٭ربها فغمضت عنيها وهي بتنكمش في نفسها وبتستعد لرد القلم منه بس اتفاجأت بصوت باسل اللي اتفاجأت بيه واقف قدامها وماسك ايد فارس وبيبصله بغضب
..........................
فريدة كانت واقفة قدام المراية وبتعدل حجابها لحد ما تليفونها رن فمسكته واستغربت انه رقم غريب فردت،، بس فجأة ملامحها بهتت اول ما سمعت صوت هشام
هشام بسخرية/ اهلا فريدة هانم ،، ولا تحبي نقول يا عروسة ؟
فريدة بتوتر / انت عاوز ايه مني ،، سيبني في حالي بقي يا اخي
هشام بنفس سخريته/ انتي متأكدة ان ده مش هيحصل يا فريدة ،، وانا لو منك كنت حسبتها صح ووافقتي تتجوزنيني لانك عارفة اني مش هسيبك ولا نسيتي ايامنا سوا
فريدة بغضب / ايامنا سوا كانت ايام قذرة مش عايزة اعرف عنها حاجة ،، ولو اطول امسحها من حياتي هعمل كدة يا هشام فابعد عني لاني دلوقتي متجوزة ولو فكرت بس تقرب مني بدر هيقفلك
هشام ضحك بصوت عالي / انتي مفكرة ان بدر ده يفرق معايا ،، انتي اللي دخلتيه بينا مترجعيش بقي تزعلي لما يجيلك علي نقالة ،، وكله بكلمة منك ،، يعني لو وافقتي تقابليني نتفاهم تبقي عاقلة اما بقي لو رفضتي يبقي انتي اللي جنيتي علي نفسك وعليه
فريدة بخوف / هقابلك فين ؟
هشام بابتسامة انتصار/ هقولك
كل ده كانت صفاء سامعاه وهي واقفة قدام اوضة بدر ابنها اللي كانت جاية تصحيه بالصدفة فكان باين علي وشها الغضب بعد ما سمعت كل حاجة قالتلها فريدة
صفاء بهمس / بجي رايدة تجرطسي ولدي وتجابلي عشيجك اللي كنتي مجضياها معاه ،،اما وريتك يا بت حورية مبجاش انا
..........................
كان واقف بدر في الاوضة اللي بات فيها امبارح وكان علي وشه باين التعب من قلة النوم لانه طول الليل كان بيفكر في اللي حصل وكلامه مع فريدة وبعدين فجأة انتبه لصوت الباب
بدر بجدية/ ادخل
دخلت صفاء وقربت من بدر باستغراب وهي بتبص حواليها
صفاء باستغراب/ انت نمت اهنه ليه يا ولدي وهملت اوضتك ،،هي مجصوفة الرجبة طردتك ولا ايه ؟
بدر بهدوء/ لا ياما ،،محصلش حاجة ،،اني بس عجلي مشغول بحاجة تخص الشغل فكنت حابب اجعد مع حالي افكر
صفاء بشك/ وعشان اكده منمتش لحد دلوك ؟ ماشي يا بدر افضل اكده مداري عليها وهي متستاهلش
بدر بضيق / ياما بكفاياكي حديتك ده ،، محصلش حاچة جولتلك عاد
صفاء بغضب / كيف يعني محصلش حاچة ،، انت من يوم ما اتچوزتها وانت مهموم ومتكدر ،، يا بدر اني مش رايداك توثج في البنتة دي ،،اسمع من امك يا ولدي
بدر باستغراب / تجصدي ايه ياما ،، فهميني حاكم اني مش فاهم حاچة
صفاء بغموض / مجصدش حاچة ،، كله هيبان يا ولدي ،، صدجني كله هيبان في وجته ،، يلا ههملك دلوك واروح اشوف اللي ورايا
........................
فريدة كانت قاعدة في اوضتها بعد ما قفلت مع هشام وبتفكر هتعمل ايه في المصيبة اللي حصلت معاها وازاي هتقابله وازاي هتخرج من البيت اصلا من غير ما تعرف بدر وقط٭ع تفكيرها باب الاوضة اللي اتفتح ودخول صفاء حماتها وهي بتبصلها بغضب واتفاجأت بيها ب......يتبع
البارت االخامس
في حماية صعيدي
بقلمي اسراء ابراهيم
اتفاجأت فريدة بصفاء وهي بتقرب منها وبتبصلها بغضب
صفاء بحد٭ة/ اسمعي يا بت انتي ،،انتي من وجت ما منصور جالي انك هتبجي مرت ولدي واني مكنتش موافجة ولا لادد عليا الموضوع ده ،، لاني خابرة زين البنتة بتوع مصر عاملين كيف دول يسرجو الكحل من العين بس اني ولدي خط احمر فاهمة ولا لاه ؟
فريدة بخوف /طب وانا عملت ايه بس ،، انا ابنك بحاول ابعد عنه علي قد ما اقدر وفاهمة كويس انه اتجوزني عشان يحميني انا وابني مش اكتر
صفاء بسخرية/ شوفي كهن البنتة ،، يا مري عليكم يا بتوع مصر محدش يعرف ياخد معاكم حج ولا باطل ،، اسمعي هما كلمتين وحطيهم حلجة في ودنك ،،اني بدر ولدي خط احمر ،، يعني هو اتچوزك لاجل خاطر عمه نبيل لا اكتر ولا اجل فانتي تهمليه لحاله لحد ما يخلص موالك مع الناس دي ووجتها تفارجينا فاهمة ولا لاه ؟
فريدة بحزن / فاهمة وحاضر هنفذ كل اللي قولتي عليه بس مش خوف منك قد ما هو احترام لبدر لانه وافق يدافع عني وعن ابني وهو ملوش دخل بأي حاجة
صفاء بشك / لو فاكرة انك هتاكلي عجلي بالكلمتين دول تبجي هبلة ومتعرفيش مين هي صفاء ،، واه حاچة اخيرة ،،مش معني ان ولدي اتچوزك لسبب معين ده يخليكي تفكري تلعبي بديلك ،، عشان اني اللي هجفلك فالزمي ادبك واعملي احترام للبيت اللي عايشة فيه وللراچل اللي اداكي اسمه ولما تبجي تغوري من اهنه ابجي ارچعي للجرف االي كنتي فيه ،، اظن حديتي واضح
فريدة استغربت كلام صفاء ومكنتش فاهمة هي تقصد ايه بكلامها وكانت لسة هتسألها بس انتبهو هما الاتنين لصوت بدر اللي دخل عليهم
بدر باستغراب / في حاچة ياما ؟،، مالك واجفة اكده كدة ليه ؟
صفاء بقصد وهي باصة لفريدة / مفيش يا ولدي ،،كان في كلمتين كنت بجولهم لمرتك وهي متعلمة وواعية لحديتي زين وعجلها في راسها تعرف خلاصها ،،فاهماني يا مرت ولدي ؟
فريدة بتردد/ اايوة
صفاء بسخرية/ چدعة ياختي ،، اني نازلة يا بدر ومتنساش تبجي تيچي بدري من الشغل عشان خالتك وعيالها هيتغدو معانا وهما رايدين يشوفوك
بدر بجدية / حاضر ياما
خرجت صفاء وفريدة كانت بتراجع كلامها في مخها وبتحاول تفهم هي كانت بتلمح لايه بالظبط ووقتها انتبهت لبدر اللي اتجاهلها وقرب من الدولاب وكان بيطلع هدومه وكأنها مش موجودة ففهمت انه بسبب كلامها ليه امبارح هو زعل ومتجاهلها كدة فاضايقت اوي وكمان مكنتش عارفة تعمل ايه في موضوع الخروج لحد ما جتلها فكرة
.....................
شد فارس ايديه بغضب من باسل اللي كان بيبصله بقوة
باسل بته٭ديد صريح/ لو فكرت ترفع ايدك عليها مرة تانية صدقني هقطعهالك واعتقد علقة المرة اللي فاتت تخليك تتأكد اني اقدر اعملها واوعي تفتكر اني عشان مقولتش لعمي وبدر عن اللي حاولت تعمله فانت كدة خلعت ،، انا بس حبيت الحساب يكون بينا احنا الاتنين واوريك اني اقدر اعمل اللي ابوك مقدرش يعمله وهو انه يربيك كويس
فارس بغضب مكتوم /االلي انت عملته فيا انا هردهولك بس في وقته اما بجي بمناسبة اللي عملته فده كان برضاها وحتي لو هما عرفو تخيل لما اجولهم انها راحت معايا برجليها لحد هناك
جميلة كانت واقفة ورا باسل وبتبص لفارس باحتقار وخوف من ان حد يسمع كلامه ويعرف باللي كان بينها وبينه فبحركة تلقائية منها تبتت في هدوم باسل بخوف
باسل ببرود/ انت اجبن من انك تقول حاجة لانك متأكد انك حتي لو قولتلهم زي ما بتقول فده مش هيعفيك من الموت اللي هتشوفه علي ايدين بدر لما يعرف انك خنت ثقته وجيت علي شرف اخته
فارس اتهز من جواه لانه عارف ان كلام باسل صح بس حاول ميبينش فرد بسخرية/ واضح يا جميلة انك لجيتي زبون جديد ،، عشان اكده كرفتيني ،، عموما ملحوجة بس انا بجي مش هخليه يتهني بيكي ،، سلام
خرج فارس من البيت وساب جميلة مع باسل اللي نفض ايديها عنه بغضب ولف وشه وبصلها بقر٭ف
باسل باحتقار/ انا مش متخيل ازاي بنت زيك اخوها بدر وابوها الحج منصور وتطلع بالاخلاق دي ،،حقيقي مش عارف
جميلة عيطت اول ما باسل قالها كدة ومقدرتش ترد عليه فسابها ومشي بغضب وهيى بقت تعيط بحرقة وهي كر٭ها نفسها
.......................
كانت فريدة مستنية بدر يخرج من الحمام فكانت رايحة جاية قدام الحمام بتوتر وهي محضرة نفسها انها تتكلم معاه بخصوص كلامها بتاع امبارح فكانت خايفة يرفض يسمعها ،، فضلت تروح وتيجي وهي متوترة وسرحانة في افكارها ومخدتش بالها من بدر اللي خرج من الحمام وهو بينشف وشه ومش شايف قدامه فخبطو الاتنين في بعض واتفاجأت فريدة ببدر وهو محاوطها بايديه عشان متوقعش فكانت قريبة منه اوي ،، فضلو يبصو لبعض شوية بسرحان لحد ما انتبهت فريدة لنفسها فبعدت بخجل
فريدة بلهفة / انا اسفة اوي ،،انا كنت ماشية ومش شايفة انك خرجت و
بدر بجدية /محصلش حاچة ،،اني اللي مخدتش بالي انك في وشي ،، بالاذن
فريدة باندفاع/ بدر استني
بدر غمض عنيه وهو مديها ضهره وبعدين رد بجمود/ نعم رايدة حاچة ؟
فريدة بتردد/ انا اسفة علي اللي قولتهولك امبارح ،،حقيقي مقصدش
بدر بجمود/ متاخديش في بالك ،،اني اللي غلطان اني اتدخلت في خصوصياتك
فريدة اتكلمت باندفاع قبل ما بدر يخرج من القوضة علطول / عشان خوفت تطلع زيه
بدر لف وشه باستغراب/ مش فاهم ،، هو مين ده ؟ اطلع زي مين ؟
فريدة بتنهيدة كلها وجع/ انت يا بدر ،، كنت رافضة اتجوزك في الاول عشان خوفت لتطلع نسخة من نزار الله يسامحه
بدر اضايق من جواه انها جابت سيرة جوزها بس فضوله انه يعرف هي تقصد ايه خلاه يتغاضي عن الموضوع ويبصلها بانتباه
بدر باستغراب/كيف يعني خوفتي اطلع زيه ،، هو كان ماله ؟
فريدة بهروب / مش مهم المهم اني حبيت اعرفك ان في حجات في حياتي انت متعرفش حاجة عنها وفضلت اني افضل مخبياها لاني لما بفتكرها بتعب ،، اتمني متزعلش مني يا بدر وتقدر ظروفي
بدر بتنهيدة/ تمام يا فريدة وانا مش هضغط عليكي وههملك لما تيچي تحكيلي بنفسك بس حابب افكرك انك لازمن تكوني جايلالي كل حاجة عشان اعرف اتعامل مع الناس دي واني فاهمهم
فريدة بغموض/ اللي لازم تعرفه ان هشام مش سهل ،، ده اقذ٭ر انسان ممكن تقابله في حياتك ،، وممكن عشان يوصل لحاجة يعمل اللي ميخطرش علي بالك
بدر كان مستغرب طريقة كلام فريدة عن هشام و كر٭هها ليه اللي ملوش تفسير لكن سكت وفضل انه ميضغطش عليها تتكلم
بدر بهدوء/ طيب هجوم انا عشان ورايا شغل ولو احتچتي حاجة ابجي كلميني او شيعيلي حد من الغفر
فريدة حركت راسها بطاعة وهي مقررة تنفذ خطتها في المعاد اللي اتفقت مع هشام عشان تقابله فيه ورغم انها مرعوبة احسن يعمل فيها حاجة،، بس لازم تعمل كدة
.............................
بعد كام يوم تحت كانت واقفة جميلة قدام امها وبتتحايل عليها وصفاء قاعدة ببرود
جميلة برجاء / ياما عشان خاطري هي ربع ساعة والله ما هتأخر ،،يدوب هسلم عليها بس وارچع علطول لانها هتسافر ومش هشوفها تاني الا بعد اربع سنين وانتي خابرة انها صحبتي الوحيدة
صفاء ببرود/ واني جولت لا يا چميلة ،، انتي خابرة ابوكي واخوكي زين ولو جالهم خبر انك خرﺟتي لحالك هتبجي مشكلة واني مش ناجصة خناج بسببك
جميلة باقناع / طيب بصي شيعي معايا عوض الغفير يوصلني واهو ياخد باله مني ايه رأيك ؟
صفاء ببرود/ عوض مع ابوكي من صباحية ربنا في الارض ومهيجوش دلوك ،،خلاص محبكش يعني تشوفي صحبتك دي ،،ابجي حدتيها عالتلفون ده بتاعك
جميلة ببرطمة / ياما اني زهجت من موضوع الحبسة دي وخلاص جربت اطفش بسبب اكده
صفاء بصتلها بطرف عنيها بتحذير ومردتش فوطت جميلة باست ايديها وهي بتترجاها
جميلة باصرار/ ابوس يدك ياما وافجي عشان خاطري ،، اعتبريه اخر طلب ليا ،، انا لازم اشوف سلمي لاخر مرة دي صاحبة عمري
نبيل بابتسامة وهو داخل من باب البيت/ خير يا جميلة ،،مالك زعلانة ليه ؟
جميلة بحزن/ بجول لامي تخليني اروح لصحبتي اسلم عليها جبل ما تسافر مش راضية يا عمي
صفاء بغضب / وه بتشتكيني يا بت ولا ايه عاد طب يمين بالله
نبيل وهو بيقاطع صفاء / من غير حلفان يا ام بدر ،، خليها تروح لصحبتها عشان خاطري انا لو ليا خاطر عندك
صفاء باحراج/ خاطرك علي راسي يا حج نبيل بس مينفعش تخرج لحالها اكده الناس تجول ايه ؟
نبيل بابتسامة لصفاء وهو بيشاور علي باسل ابنه اللي لسة داخل من الباب / جيت في وقتك يا باسل ،،وصل بنت عمك عند صحبتها عشان متخرجش لوحدها ،،ها ايه رأيك يا ام بدر اهو كدة مفيش عذر بقي
صفاء بضيق / عنديك حج ،، خلاص روحي ،، بس اوعاكي تتأخري عشان ولد عمك اكيد عنديه مصالح يعملها
جميلة اتوترت وبصت لباسل اللي مردش بس كان باين عليه الضيق انه مضطر يوصلها
جميلة بهدوء/ حاضر ياما ،، هطلع البس ومش هعوج نازلة علطول ،، ربنا يخليك ليا يا عمي
نبيل بابتسامة وحب/ ويخليكي ليا يا بنت الغالي ،، يلا اطلعي بسرعة غيري وروحي
...........................
كانت واقفة فريدة قدام المراية وهي لابسة ومستعدة عشان تعمل اللي خططت ليه عشان تعرف تخرج من البيت لوحدها وتقابل هشام في المعاد اللي اتفقت معاه عليه فكانت خايفة اوي بس مجبرة تكمل للنهاية ،، خرجت من اوضتها ونزلت تحت بتردد بس اتوترت من نظرات صفاء اللي مركزة عليها وهي نازلة لحد ما قربت منهم
صفاء بغموض/ علي فين اكده يا مرت ولدي ؟
فريدة بتوتر/ انا رايحة لبدر الشغل بتاعه عشان عاوزاه يجي معايا مشوار مهم بخصوص معاذ
صفاء بشك/ وانتي فاكرة لما تروحي لولدي الشغل هيرحب بيكي ؟ ده مش بعيد يطلجك فيها ،، خليكي لما يچي وابجي جوليله ويوديكي مكان ما انتي رايدة لكن خروج لوحدك مهينفعش
فريدة باصرار/ بدر مش هيتكلم انا متأكدة لانه عارف اني مش من بلدكم هنا ومعرفش عوايدكم ،، عموما انا هروحله برضه
صفاء بغموض / خلاص نحدته في التلفون ونجوله ولو وافج روحيله
فريدة باندفاع/ لا طبعا ،، اقصد جايز مشغول ولا حاجة ليه نعطله انا هروح ولو مش فاضي هرجع تاني عادي او ممكن اخد بابا معايا
صفاء بسخرية/ ابوكي راح لعمك منصور الارض ،، عموما الباب جدامك بس افتكري حديتي زين وعجلك في راسك تعرفي خلاصك واعرفي انك انتي اللي اختارتي
فريدة خافت من كلام صفاء وحست ان كأنها عارفة انها رايحة تقابل هشام بس نفضت الفكرة من دماغها واخدت بعضيها ومشيت وصفاء وقتها نفخت بغيظ وهي بتتوعد لفريدة وبعدين مسكت تليفونها وطلبت بدر
........................
كان ماشي باسل جمب جميلة اللي محرجة منه لانها عارفة انه رايح معاها غصب عنه وانه بيكر٭ها من ساعت اللي حصل وشايفها مش كويسة فكانت مترددة تتكلم معاه لحد ما شجعت نفسها
جميلة بهدوء/ باسل لو عاوز تمشي انت امشي وانا مش هقولهم انك سبتني ومشيت
باسل بسخرية/ عشان يخلالك الجو مع اللي نازلة تقابليه مش كدة ،، ايه اتفاجأتي ،، فاكراني مش فاهم انك لا رايحة لصحبتك ولا حاجة وانك كنتي نازلة تقابلي اللي عرفتيه جديد ،، ماهو ده شئ متوقع منك
جميلة اتفاجأت بكلام باسل ليها وكانت بتسمعه والدموع في عنيها لحد ما ....يتبع
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 رواية فى حماية ص…){kind=link}
تعليقات
إرسال تعليق
فضلا اترك تعليق من هنا