روايه عندما يقع الوحوش فى العشق الجزء الثاني الفصل السادس والسابع والثامن والتاسع والعاشر بقلم الكاتبة جنات (جميع الفصول كامله)
روايه عندما يقع الوحوش فى العشق الجزء الثاني الفصل السادس والسابع والثامن والتاسع والعاشر بقلم الكاتبة جنات (جميع الفصول كامله)
روايه عندما يقع الوحوش فى العشق ج٢
««الفصل ٦»»
فيروز بصت من المكان المفتوح فى الباب واتفأجت بالشخص اللى جوا ضخم وبعضلات قاعد على الارض ورجله بتنزف بصت لفهد بخوف
فيروز:ايه ده
فهد باستغراب:نعم
فيروز:هو انا هدخل اخرج الرصاصه للكائن اللى جوا ده
فهد بيحاول يكتم الضحكه:ايوا هو ده السجين
فيروز:نهار اسود انت بتهزر مش كدا
وبصت تانى من الفتحه اللى فى الشباك
فيروز:لالالالا انا عايزة امشي ونبي مشينى من هنا
فهد ضحك عليها:طب اهدى ممكن هو مش هيقدر يعملك حاجه وانا معاكى بلاش الخوف ده كله
فيروز:يابنى افهمنى دانا نمله جمبه ده لو نفخ فيا هطير اقسم بالله
فهد:ابنك ماشي ياماما ممكن تهدى شويا بقي المساجين كلهم بيتفرجو عليكى
فيروز بصت عليهم كان كلهم بيبصو عليها وبيضحكو عليها
فيروز:هو يوم باين من اوله اقسم بالله
العسكرى جه وفتح الباب وفهد دخل بص جمبه ملاقاش فيروز لاقاها واقفه بره
فهد:مش يلا ولا ايه
فيروز بخوف:حاضر
دخلت فيروز وسجين شافها وصفر
السجين مرسي:ايه الجمدان ده انتو جيبنلى مكافاه ولا ايه
فهد بحده:حط لسانك جوا بوقك احسنلك الدكتورة جايه تخرج الرصاصه من رجلك مش عايز اسمع نفسك
مرسي:طب ياريت كل يوم تضربنى رصاصه يافهد باشا
فيروز بشقهه:هو انت اللى ضربته
فهد بحده:عند حضرتك اعتراض
فيروز خافت منه وهزت راسها بلا
فيروز قربت من مرسي بخوف طلعت حقنه
مرسي:ايه ده انتى هتدينى حقنه لالا دانا بخاف
فيروز:بتخاااف انت مش شايف منظرك دانا خايفه على الحنقه منك اقسم بالله
فهد فى نفسه:دانتى حكايه
مرسي:لا دانا قلبي قلب خسايه
فيروز:ماشي ياعم الخسايه ممكن تحط لسانك جوا بوقك دى يافهد ما قالك عشان اديك حقنه البنج
مرسي:بنج ليه
فيروز:لو حضرتك عايزنى اخرج الرصاصه من غير بنج معنديش مانع
فهد مسكه:يلا يادكتورة اديله الحقنه
فيروز اديته الحقنه وايديهت بتترعش وفهد ملاحظها وقصت البنطلون وفتحت شنطه الاسعاف وبدات تطلع الرصاصه وخيطت الجرح ولفت رجله وكتبتله على علاج
فيروز مدت ايدها بروشته لفهد:العلاج ده لازم ياخده لان ممكن يسخن مع انى اشك فى ده اصلا
فهد:ليه
فيروز:ده عامل زى الحيطه تلاقيه محسش برصاصه اساسا
فهد:خلصتى
فيروز حطت الحاجه جوا الشنطه وقفلتها:اه خلصت
فهد خرج وهى وراه
فيروز:احم انا سبت شنطتى فى المكتب بتاعك
فهد:طب تعالى
وصلو عند مكتب فهد وفيروز فتحت الشنطه واخدت فونها لقت مكالمات كتير من سيف
فيروز:نهار اسود هو يوم باين من اوله
فهد باستغراب:مالك
فيروز:بابا كلمنى كتير اوى
فيروز رنت على سيف رد عليها
فيروز:سورى يابابا والله نسيت شنطتى فى مكتب فهد
سيف:انا قلقت عليكى يافيروز انتى خلصتى
فيروز:انا بخير ياحبيبى والله واه خلصت وهاجى علطول مش هتاخر
سيف:هو فهد جمبك
فيروز:اه موجود جمبي
سيف:طب اديه التلفون
فيروز:حاضر لحظه
فيروز مدت ايدها بفون لفهد:بابا عايزك
فهد:ايوا ياسيف باشاا
سيف:انت وراك حاجه يافهد ولا فاضى
فهد:لا فاضى
سيف:طب معلش يافهد وصل فيروز للبيت
فهد:طيب هوصلها لحد بيت متخافش
فهد قفل وادى الفون لفيروز
فيروز:شكرااا حدا لحضرتك تعبتك معايا النهاده
فهد:لا تعب ولا حاجه يلا تعالى عشان اوصلك
فيروز:بابا اللى طلب منك
فهد:ايوا يلا
خرجو من المكتب
______________________
نور وهنا قاعدين فى الكليه
نور:اوووووووف دكتور غبي
هنا:بس مش قادر يرفع عينه فينا من يوم يااسر ومراد علمو عليهم
نور:حتى اللى عمر ده مبقاش يجى الكليه
هنا:يجى ازاى يابنتى بعد القلمين اللى خدهم منك والعلقه اللى اخدها من مراد
نور ضحكت لما افتكرت مراد
هنا:نحن هنا ياعم الحبيب
نور:يلا بقي نمشي
هنا:لا ده فهد كلمنى وجاى يوصلنا
نور:يوصلنا قولى يوصلك
هنا:انتى مفكرة انى هسيبك لوحدك اكيد هتيجى معايا
نور:لا مش بحب ابقي عزول
هنا:لا مش عزول ولا حاجه يلا نخرج بره
خرجو بره الكليه بعد شويا جه فارس
هنا:اوووووبا ده الجو بتاعك معاه
نور:جو مين
هنا:عليا يابت مراد اهو
نور لقت مراد نازل من العربيه ووقف وسند على العربيه
فارس:اهلا اهلا بالقمرات
نور:اهلا فارس باشا
فارس:عامله ايه ياهنا
هنا بكسوف:الحمدلله
نور:لا انا كدا حاسه انى كيس جوافه
فارس:طب امشي من هنا ياجوفايه انتى
نور:بقي كدا ياعم فارس بتمشينى عشان تستفرد بالبت والله لقول لعمو زين
فارس:بتسلمينى تسليم اهالى يابت سيف
نور:هااااا
فارس:سيف باشا
نور:ناس متجيش غير بالعين الحمرا
فارس:طب امشي روحى لتلاجه اللى واقفه هناك دى وسبينى مع مزتى شويا
نور:ماشي ياخويا
كل ده ومراد متابع نور نور قربت وسندت على العربيه جمبه
نور:احم ازيك يامراد
مراد:الحمدلله انت عامله ايه
نور:بخير بخير يامراد
فارس طلع ورده من واداها لهنا اللى كانت مبسوطه اوى بيها
هنا:ربنا يخليك ليا يافارس انا بحبك اوى
فارس:كل ده عشان ورده دانا اجبلك كل يوم بقي
هنا:بطل بقي
نور عماله تتفرج عليهن وبصت على مراد لقيته بيبص الناحيه التانيه:اووووووووف
مراد:مالك يانور
نور:ولا حاجه انا ماشيه
مراد مسك ايدها:انتى بتستعبطى
نور: بستعبط
مراد:اه لما يبقى معاكي اتنين رجاله وتمشي لوحدك يبقى بتستعبطي
نور: شكرا يا مراد وانا اسفه اني بستعبط
نور سابته دخلت قعدت في العربيه وفارس وهنا جم
فارس: ايه يا ابني مالك ونور مالها
هنا: انا هروح اشوفها
مراد: مافيش ويلا نوصلهم
فارس: يلا
هنا دخلت العربيه وقعدت جمب نور
هنا: مالك يا نور
نور: مافيش عايزه اروح
فارس ومراد ركبوا قدام ومشيوا بالعربيه وصلوا عند بيت نور نزلت من غير ما تكلم اي حد ودخلت الفيلا ورجعوا وصلو هنا
فارس: في ايه يامراد ايه اللي حصل بينك وبين نور
مراد: مافيش يا فارس مافيش
فارس: هو ايه اللي مافيش مافيش امال يعني هي قلبت مره واحدة كدا ماكانت كويسه
مراد: الهانم شايفه اتنين رجاله جايين يوصلوها وعايزه تمشي لوحدها واتضايقت مني عشان بقولها انت بتستعبطي
فارس: مش كده يا مراد بالراحه شويه
مراد: يلا فارس وصلني لو سمحت
فارس: مش كنا يا ابني هنروح نتغدى سوا
مراد: ماليش نفس عايزه اروح
فارس: زي ما تحب
____________________
نور دخلت الفيلا كان سيف وحياه وفيروز قاعدين في الريسبشن وفيروز كانت بتحكيلهم عن السجين مرسي
حياه ضحك: الوقت فهد يقول عليك ايه
سيف: هيقول مجنون هيقول ايه يعني
فيروز: يووووووه يا بابا ما هو شكل مخيف
سيف شاف نور داخله وباين عليها انها متضايقه
سيف: حمد لله على السلامه يا نوتيلا البيت
نور: الله يسلمك يا بابا
حياه: مالك يا نور متضايقه ليه
نور: لا مش متضايقه انا بس تعبانه
فيروز: تعبانه من ايه سلامتك يا حبيبتي
نور: راسي مصدعه مش اكتر هنام شويه وهبقى كويسه
حياه: طب نامي شويه على ماالاكل مايجهز اصحيكي عشان تتغدي معانا
نور: حاضر يا ماما
نور طلعت وسيف عينه عليها
سيف: نور شكلها متضايقه من حاجه
حياه: لا يا حبيبي هي لما بتبقى مصدعه بتكون كده
فيروز: لما تنام هترتاح يابابا متقلقش عليها
سيف: تمام انا هدخل المكتب اشتغل شويه على ما الاكل يجهز
حياه: حاضر يا حبيبي
فيروز: يا سيدي يا سيدي على الحب
حياه: يلا يا جبانه اطلعى غيري هدومك
فيروز:والله ياماما شكله كان مرعب ليه مش عايزين تصدقونى
حياه:ماشي هصدقك ياحبيبتى
حياه سابتها ودخلت المطبخ وفيروز طلعت اوضتها
______________________
مراد داخل الفيلا على اخره كان عدي بيتكلم في التليفون في الجنينه
عدي قفل وقرب منه: مالك يا ابني قالب وشك كده ليه
مراد: ولا حاجه
عدي: مش كنت رايح تجيب المزه من كليه تروحها ايه اللي حصل
مراد بحده: عدي
عدي: خلاص يا عم ماتزقش مالك بقى
مراد:شديت مع نور
عدي: انت قولتها على مشاعرك
مراد بتنهيده: لا
عدي:اومال ايه اللى حصل
مراد حكاله على اللى حصل
عدى: والله عندها حق تسيبك وتمشي
مراد: ليه بقى ان شاء الله
عدي: ما انت يابنى ثلاجه البنت جايه واقفه جمبك وحضرتك باصص الناحيه الثانيه
مراد: اللي حصل بقى
عدي: بكره تغني ظلموه وتقول البنت ضاعت منى
اسمع منى روح احكيلها على مشاعرك مايمكن تكون تتنيل تحبك هى كمان
مراد: ما تلم لسانك يا عم وبعدين شكرا على نصائحك مش عايزها
عدي:امشي ياض من هنا
مراد سابه ودخل الفيلا
عدى:اما اروح اكلم مزتى
__________________
هنا دخلت الفيلا كانوا قاعدين كلهم في الريسبشن
كارما: هنا جت اهي تعالي يا هنا عشان نقنع بابي سوا
هنا:نقنعه بايه
ديما: كارما عايزاني انا اعمل حفله باربكيو نعزم كل العيله
هنا صوتت: فكره حلوه اوي يا كراميلا
زين: والله انتم فاضيين وعالم هبله
هنا: يابابا احنا بقالنا كتير متجمعناش سوا وصدقنى هتبقي حلوة جدااا
ديما: وافق بقى يا زين وكلم الوحوش
كارما: يلا يا بابا بقى لو سمحت وانا عليا انا والبنات هنجهز كل حاجه
زين: امري لله
كارما وهنا صوتوا من الفرحه وجريوا على زين وحضنوه باسوه من خده
زين: انتم مصلحجيه اقسم بالله
كلهم ضحكوا عليه
__________________
اسر رجع المقر وقدم ملف المعلومات اللى جابها عن المهمه وراح لفهد المكتب
اسر دخل:ادخل
فهد:مانت دخلت خلاص ماناوى تبطل ام العاده دى
اسر:لا سيف قالى ان فيروز جت النهارده هنا
فهد:ايوا لسجين مرسي
اسر:مرسي اقسم بالله وفيروز طلعت الرصاصه
فهد:اه طلعتها
اسر:مخافتش من منظره محصلهاش حاجه
فهد:خافت دى كلمه قليله دى كانت مرعوبه يابنى
اسر:فيروز قلبها طيب اوى وبتخاف جدااا ولما بتخاف بزياده جسمها كل بيترعش
فهد افتكر لما كانت بتعالج مرسي وهى بتترعش
فهد:جبت المعلومات
اسر:عيب عليك ده كلام طبعا جبتها وسلمتها للوا شاكر كمان
فهد:ربنا معانا المهمه دى مش سهله
اسر:واحنا قدها وزياده
فهد:طب يلا نمشي بقي
اسر:انا هموت وانام يلا
__________
ريم قاعده جمب جاسر وسرحانه
جاسر:مالك ياحبيبتى
ريم:النهارده مراد راح مع فارس عشان يوصلو هنا ونور ومراد رجع مضايق عشان شد مع نور
جاسر:وفيها ايه عادى يعنى
ريم:لا مش عادى مراد قافل على نفسه اوى وواخد الحياه جدا اوى حتى البنت اللى بيعشقها رافض يقولها
جاسر:انتى مستعجله على ايه بكرة يقولها ويتجوزو كمان لسه بدرى وخصوصا انهم لسه بيدرسو
ريم:انا عارفه ده بس هو ببروده ده هيضيع نور من ايده
جاسر:دول شباب ياريم سبيه على راحته
ريم:طب ماهو عدى اهو جد فى شغله جدااا بس فى الحياه عادى مش اخدها جد زى مراد كدا انا لازم اتكلم معاه
جاسر:يوه ياريم سبيه براحته اكيد هيجى يوم هيعترف ليها بحبه
تلفون جاسر رن برقم زين
جاسر:ده زين
جاسر:الو ازيك يازين
زين:بخير ياحبيبي بقولك ايه البنات عايزين يعملو حفله مشاوى وكدا ونتجمع كلنا عندى فى الفيلا
جاسر:والله فكرة حلوة اهو تغير
زين:خلاص هستناكو كلكو الخميس ان شاء الله وانا هكلم الشباب عشان محدش يتحجج
جاسر:باذن الله يازين
جاسر قفل وبص لريم وقالها على الحفله
ريم:من زمان متجمعناش كدا اكيد هيبقي يوم جامد
جاسر:ان شاء الله ياحبيبتى
_________________
سيف والبنات وحياه قاعدين على السفره بيتغدوا تلفون سيف رن برقم زين
سيف:ايه يازين
زين قاله على الحفله
سيف:فكرة حلوة واهو نرتاح شويا من ضغط الشغل
زين:خلاص تمام يوم الخميس هستناكو كلكو
وكارما هتتفق مع البنات وهيظبطو كل حاجه
سيف:باذن الله يازين
سيف قفل وقالهم والبنات فرحو وحياه كمان
فيروز:هتبقي حفله روعه
نور:اكيد هيبقي جامد
حياه:اكيد كفايه لمتنا سوا
سيف:طب يابنات ابقو كلمو كارما عشان تظبطو سوا
البنات:حاضر
اسر داخل من الباب:تظبطتو ايه
نور:حفله باربيكو عند عمو زين
اسر :ايه الجمال ده
سيف:طبعااا كل واحد بيدور على مصلحته
اسر:يووه ياحاجه انت واخد بالك منى اوى
حياه:يلا ياحبيبى غير وتعال عشان تتغدا
اسر:انا كلت ياحبيبتى انا هاخد شاور وانااااااام
حياه:ماشي ياحبيبي اطلع
اسر طلع وسيف بص لحياه بغضب
حياه:مالك ياسيف
سيف:حبيبي حبيبي ايه عجباك الكلمه اوى
البنات ضحكو على غيرة ابوهم
حياه:مش ابنى ياسيف انت غريب اوى
سيف:مااااااشي ياحياه
حياه:لا ونبي انا مش قد قلبتك ماشى دانا حياتك ولا ايه
سيف ضحك عليها:دانتى حياتى وروحى
البنات:هييييييييح
سيف:امشي يابت انتى وهى على اوضتكو يلا
نور:بطرقنا ياحاج
سيف:لا والله
البنات جرو على الاوض بسرعه.......
روايه عندما يقع الوحوش فى العشق ج٢
««الفصل ٧»»
ليان وادهم قاعدين وتلفون ادهم رن
ادهم:زيزو ايه وحشتك ولا ايه
زين:يابنى اكبر بقي انت بقيت اب
ادهم:ماشي كبرنا ايه اللى فكرك بيا
زين:ده على اساس انى مش فى وشك ٢٤ ساعه
ادهم:ماشي يازين قول اللى عندك
زين:البنات عايزين يعملو حفله باربيكو ومشاوى وكدا يوم الخميس ونتجمع كلنا
ادهم:ونبي البنات دى بتفهم شكلهم كدا طالعين لعمهم
زين:عمهم مين
ادهم:انت ليك اخ تانى ولا ايه انا طبعااا عمهم
زين:لا دانت بحمد ربنا انهم مطلعوش ليك والله
ادهم:ماشي يازين انا هقول لليان وكريم
زين:ديما كدا كدا هتعزمهم وانا هكلم الشباب بردو عشان محدش يتحجج
ادهم:قشطااا ياباشا
ادهم قفل وليان بتبصله
ادهم:مالك بتبصيلى كدا ليه
ليان:بستنى اشوف هتقولى ايه
ادهم:ااااه راميه ودانك انتى
ليان:اخلص ياادهم
ادهم: كارما وهنا عايزين يعملوا حفله باربكيو مشاوي بقى وحركات وعايزين كلنا نتجمع
ليان: فكره حلوه والله احنا بقى لنا كتير متجمعناش سوا
كريم داخل من الباب: متجمعناش فين يا لولا
ادهم: انت كنت فين من الصبح يا كريم
كريم: كنت بصالح المزه
ليان: وصالحتها يعني
كريم: عيب عليك يا لولا ماقولتليش بقى هنتجمع فين
ادهم: بنات عمك زين عايزين يعملوا حفله مشاوي والكل يتجمع سوا
كريم: والنبي فكره جامده وعلى كده الوحوش هتحضر
ادهم: اه عمك زين هيكلمهم عشان ماحدش يتحجج
كريم: انا واقع من الجوع يا لولا
ليان: اطلع غير هدومك على ما اجهزلك الاكل
ادهم: على اساس ما اكلتش بره مع المزه
كريم: طبعا اكلت دي فيها كلام بس جعان برده
ادهم: فوله واتقسمت نصين
ليان: قصدك ايه يا استاذ ادهم
ادهم: قصدي ان ابنك طالعلك يا ليان
ليان: ودي حاجه وحشه بقى
ادهم بغمزه: دي حاجه قمر
كريم بضحك: نحن هنا
ادهم: امشي ياض اطلع اوضتك فوق يلا
كريم: ماشي يا عم ماتزقش
__________________
مالك وحور ولين قاعدين في الجنينه
حور: انت كويسه النهارده يا حبيبتي
لين: اه يا ماما ماتخافش عليا انا كويسه والله
تليفون مالك رن برقم زين
مالك: يازين اخبارك ايه
زين: بخير الحمد لله يا مالك والله . كنت عايز اعرفك ان انت وحور ولين معزومين عندنا يوم الخميس البنات عايزين يعملوا حفله نتجمع كلنا
مالك: والنبي البنات دول عسل ان شاء الله نكون عندك يوم الخميس
زين: ديما هتبقى تكلم حور والبنات هيتفقوا سوا وهم اللي هيظبطوا كل حاجه
مالك: تمام يا زين
مالك قفل مع زين: زين عزمنا عنده يوم الخميس ان شاء الله حفله مشاوي والكل هيبقى متجمع
حور: بجد والله هتبقى حلوه من زمان متجمعناش
لين: دي هتبقى جامده اخر حاجه
مالك: هو بيقول ان انتو هتتفقوا مع بعض وتظبطوا كل حاجه
لين: طب انا هطلع اوضتي واكلم البنات اصبحوا على خير
حور ومالك: وانت من اهل الخير يا حبيبتي
___________________
اسر وفهد قاعدين في مكان على النيل
فهد: مش كنت بتقول هتموت وتنام
اسر: ماجليش نوم قلت امااخرج انا وانت نشم شويه هوا
فهد: طب انا واحد تعبت طول اليوم وعايز انام
اسر: مش انت صاحبي شم معايا هوا وارجع نام
تليفون اسر رن برقم زين
اسر: اوبا ده حمايا
فهد: طب رد يا اخويا
اسر: ازيك يا عمى اخبارك ايه
زين: بخير يا اسر بقولك يوم الخميس ان شاء الله عاملين حفله مشاوي عندنا في الفيلا مش عايزك تتحجج
اسر: لا اتحجج ايه ده انا جاي جاي
فهد جمبه ضحك بصوت عالي
زين: ده فهد اللي معاك
اسر: اه هو
زين: طيب قوله وخليه يجي معاكم
اسر: حاضر يا باشا
زين: يلا سلام بقى
اسر قفل وبص لفهد: انت معزوم عند زين يوم الخميس فى حفله مشاوي
فهد: طب انتم متجمعين كلكم سوا انا هاجى اعمل ايه
اسر:ياض انت واحد من العيله يلا خلينا نروح
فهد:يلا ياصاحبي
___________________
زين: والله اللي تعب في الموضوع ده انا
كارما: ليه بس يا زيزو
زين: مش انتو صحاب الفكرة كنتو كلمتوهم انتو
هنا: يووه يا بابي ما انت بتعمل كل حاجه وانت مكانك
زين: ماشي يا ام لسان طويل
ديما: لسه مين ماكلمتوش
زين: سليم
ديما: طب يلا كلمه بقى
زين: هرن عليه اهو
_____________
سليم وملك وملاك وفارس بيتفرجوا على فيلم
تليفون سليم رن برقم زين
سليم: الو
زين:كنت عايزه اقولك ان يوم الخميس ان شاء الله معزومين عندنا
سليم: ودي فيها كلام طبعا جايين
زين: البنات بقى انت عارفهم عايزين يعملوا عزومه باربكيو والكل يتجمع فيها
سليم: ربنا يخليهملك ياصاحبي والله فكره حلوه نجمع شويه ونغير جو
زين: تمام يا صاحبي
سليم قفل وبص لملك يوم الخميس ان شاء الله معزومين عند زين والكل هيكون موجود
ملاك: ياااااااه من زمان اوى متجمعناش
فارس: واحنا معزومين بقى ولا ايه
ملك: انتو مين يعني
فارس: احنا الشباب
سليم: اه الكل هيكون موجود
فارس: ده قشطا قوي
ملاك: اه يا اخويا طبعا لازم يكون قشطا مش عند المزة
فارس: على اساس انتةى مش هتشوفي المزه بتاعك
سليم: ما تتلموا انتوا الاثنين ويلا كل واحد على اوضته
ملاك وفارس: حاضر
_______________
عدى اليومين والبنات كل يوم كانوا بيتفقوا ويحضروا للحفله وكانوا مبسوطين اوي انهم هيتجمعوا وفي نفس الوقت الشباب هيكونوا موجودين على عكس نور اللي متضايقه من مراد ومش عايزه تشوفه
_______________
وجاي يوم العزومه
البنات كلهم كانوا كلهم موجودين في فيلا زين ومحضرين كل حاجه وبيستنوا الكل يتجمع
زين: الله الله ايه الجمال ده كله تسلم ايديكم يا بنات
كارما: احنا حضرنا كل حاجه يا بابا مش ناقص غير الشباب تيجي تشوي
ديما: يلا روحوا ارتاحوا على ما الكل يتجمع
البنات: حاضر
بعد شويه الكل اتجمع وقاعدين في جنينه فيلا زين ما عدا البنات موجودين في اوضه كارما
والشباب عينيهم بتدور على البنات وسيف ملاحظ ده
سيف: امال فين البنات اللي مجمعينا
سليم: شكلهم هربو
ديما: هم تعبوا من الصبح في التحضير فاقولتهم
حياه: لا بس بجد ما شاء الله عليهم كل حاجه حلوه جدا
زين: طبعا مش بنات الوحوش
ليان: طب نادي عليهم بقى
ريم: ايوه عشان نبدا اليوم كله سوا
ديما قالت لي واحده من الخدم تنادي على البنات
شويه والبنات نزلوا كلهم والشباب قاعدين جنب بعض وجمبهم سيف
اسر: اخيرا الشمس طلعت
عدي: والورود فتحت
كريم: والفيلا نورت
سيف: ما تلم نفسك ياض انت وهو
اسر: احم مركز معانا يا حاج
سيف: اه يا اخويا مركز معاكم
البنات جم وسلموا على الكل والجو بدا يحلو بيهم
ديما: يلا يا شباب عشان تبداوا شاوي
اسر: طب ليه بس كده
زين: انت عايز تاكل على الجاهز ولا ايه
ادهم: كل واحد يعمل بلقمته
فهد: انا بقول نمشي بكرامتنا احسن
سليم: يلا ياض انت وهو احنا جوعنا
عدي: يلا يا ابني انت وهو خلينا نشوي
الشباب قاموا عشان يشو
ملك: يلا بنات انتو حضرو الاطباق والسلطات
فيروز: طب شويه كده لما يقربوا يخلصو
ريم: طب جهزوا السلطات
نور: انت عايزينا نقوم وخلاص
حور: ايوه بالظبط كده يلا قومي انت وهي
ملاك بهمس سمعه البنات: ربنا على المفتري
ملك: انت يا بنت بتقولي ايه
هنا: مابتقولش حاجه يا ملوكه والله
كارما: هي بتكح بس
البنات كلهم ضحكوا عشان يجهزوا السلطات
في ركن بعيد شويه الشباب كانوا بيشو والبنات على ترابيزه جنبهم بيجهزوا السلطات ومقضيينها ضحك وهزار
عدي: وبعدين بقى
فهد: مالك يا ابني في ايه
اسر: ولا حاجه
مراد: ركز يا ابني انت وهو هتحرقوا الاكل
كريم:نفسي افهم انت تلاجه يابنى
عدى:سيبك منه بكرة يندم لما تضيع من ايده
فارس:طب قفلو بقي عشان هو جاب اخره وشكلنا احنا اللى هنندم
مراد:ركز فى اللى بتعمله ياخفيف
_____________
عند البنات واقفين يعملو السلطات وعينيهم على الشباب
ملاك:الله يفضحكو هياخدو بالهم مننا
كارما:شكلهم قمر اوى وهما بيشو
فيروز:ايوا بقي ياكوكى
نور عينها كل شويا تيجى على مراد اللى مركز فى الشوى ولا معبرها
نور فى نفسها:بعدين معاك يامراد هتفضل كدا
ماااااااااشي اما وريتك مبقاش انا نور
هنا:نوووووووووور
نور:ايه يازفته مالك
لين:بقالنا ساعه بنادى عليكى
فيروز:انتى لسه تعبانه يانور
نور:لا ياحبيبتى سرحت شويا بس
ملاك صفرت:والجميل سرحان فى ايه
نور:ولا حاجه ياخفيفه
____________
كريم مسك حته لحمه مشويه واكلها
كريم:تسلم ايدك ياض يامراد .بس ناقصها كاتشب وشويا سلطه
فارس:روح هات من عند البنات
كريم:وماله اروح اجيب هو انا هخاف مثلا وبعدين مزتى هتجبلى
اسر:طب روح اما نشوف
عدى:لو ملاك معلمتش عليه مبقاش انا عدى
فهد:يابنى اللى يشوفك وانت فى المهمات ميصدقتش ان ده انت
عدى:بص هنا ف وسط عيلتى حماده وفى المهمات
اسر:حماده تانى خالص
وكلهم ضحكو عليهم
__________
كريم راح لترابيزة البنات:ازيكو ياقمرات
نور:حلوين ياكيمو
كريم:بصو بقي انا عايز شويا سلطه وكاتشب ممكن
ملاك:ليه ان شاء الله
كريم:ولا حاجه هدوق الشلطه واقيم حلوة ولا
فيروز:لا احنا دوقناها حلوة اوى متخافش
كريم:لا ادوق بنفسي بردو وعايز كاتشب
نور:ليه هتقيمه هو كمان
كريم:لا هقيم اللحمه اللى الولا مراد بيشويها
ملاك:قول كدا بقي طب اتفضل الكاتشب اهو
ملاك مدت اديها بعلبه الكاتشب ولسه كريم هياخدها ضغطت عليها الكاتشب طلع فى وش كريم
الشباب كلهم ضحكو عليه
كريم:بقي كدا يالوكا شكرا اوى
ملاك:العفو ياخويا
لين واقفع تضحك على المنظر
كريم:بتضحكى عليا يالينو وانا اللى بقول مزتى هتجبلى اخس اخس مكنش العشم
لين هتموت من الكسوف والضحك
نور:يلا يلا هوينا
كريم راح تانى عند الشباب وهما بيضحكو عليه
عدى:انا قولتك هتعلم عليك انت مسمعتش كلامى
كريم:كان هاين علينا افضى باقى العلبه عليها
عدى:تقدر تعملها
فارس:دانت كنت علقتك
كريم:واحد بيدافع عن مزته وتانى اخته
فهد:روح اغسل وشك ياخفيف يلا
__________
حياه قربت من البنات :يلا يابنات خلصتو السلطات
ملاك:لسه شويا
حياه:طب نور روحى ظبطتى اللحمه اللى خلصت فى الاطباق يلا
فيروز:طب تعالى معايا الاول نجيب الاطباق يانور
نور:يلا
____________________
عند الشباب
كريم:ماخلاص بقي هى اللى كبت عليا الكاتشب الاول
عدى:طب ابقي تعال جمبها كدا
كريم:ياختى حلوة غيرانه يابيضه
عدى:يااااا ياحيلتها
اسر:بيقولك يابيضه انا سمعته ياعدى
مراد:انت بتشعلل انت تانى
فهد:هو ده اسر
عدى طلع يجرى ورا كريم واسر وفارس وفهد كلهم طلعو يجرو وبيضحكو عليهم
ادهم شافهم مكتفين كريم:ابنك مات ياليان
ليان:اكيد غلس عليهم
ملك:سبوهم يفكو عن نفسهم شويا على يافى مهمات يا فى شركه
__________________
مراد واقف بيشوى لاقى نور جايه عليه وماسكه اطباق وقفت جمبه من غير ماتكلمه بدات تحط اللحمه فى اطباق
مراد:احم ازيك يانور
نور من غير ماتبصله:كويسه
مراد عارف انها لسه زعلانه منه:نور انا اسف
نور بصلته:اسف
مراد:عارف انك زعلتى منى وقتها بس انا اضايقت انا وفارس جايين عشان نوصلكو وانتى عايزة تمشي لوحدك
نور:حصل خير يامراد خلاص
مراد:صافى يالبن
نور بصتلها وضحكت:حليب ياقشطه
مراد:يلا كلمى شغلى هما جاعو وهيجو ياكلونا
نور:انت بتقول فيها يلا.اللحمه ريحتها حكايه انا جوعت
مراد مد ايده بحته:طب خدى دى تصبيرة
نور اخدتها:وووووواه طعمها تحفه تسلم ايدك يامراد
مراد:بالف هنا
نور من جواها فرحانه انه واقفه مع مراد وكمان بيتكلمو وبتاخد قطعه لحمه ايدها لمست الشوايه من غير ماتقصد
نور:ااااه
مراد بص لقى ايدها حمرة اوى:يانور مش تاخدى بالك
نور:غصبن عنى لمست فيها
مراد:طب اهدى هو حرق بسيط
وجاب ازازه ميا وكب شويا على ايدها
مراد:كدا احسن
نور:ايوا هروح اجيب اى مرهم من جوا واحط عليها
مراد:اجى معاكى
نور:لالا خليك انت
مراد لقي الشباب لسه بيهزر:تعال يابنى انت وهو الناس جاعت
البنات ظبطتو الترابيزات وقعدو ياكلو فى جو عائلى وكلهم مبسوطين......
روايه عندما يقع الوحوش فى العشق ج٢
««الفصل ٨»»
خلصوا اكل وقعدوا كلهم في الجنينه
الوحوش الكبار فى ركن والماميز فى ركن جمبهم والشباب والبنات فى جزء تانى قريب منهم
سيف جاله تليفون من الشركه بعد عنهم شويه عشان يعرف يتكلم بعد شويه سيف رجع لهم تاني
سيف راح اقعد جمب الوحوش: في اوراق مهمه خاصه بالصفقه الاخيره السكرتيره هتيجي تجيبهم عشان نمضيهم
زين: هو التليفون اللي جالك من الشركه
سيف: ايوه احمد اللي كلمني
سليم: طب هو احمد ماجابش الورق ليه بدل السكرتيره
سيف: للاسف مش فاضي فهي هتجيبهم
ادهم: مراتتنا لو شافوا السكرتيره دي هنروح في داهيه
سيف: ليه مش فاهم
مالك: انت لابسه ومش لابسه يا عم
جاسر: ربنا يستر
_______________
في الركن اللي فيه الشباب
كريم: هي القاعده هتفضل صامته كدا كتير
عدي: والنبي يا واد يا كريم شغلنا شويه مهرجانات نفرفش شويه
اسر: يلا بينا
فهد: كده الوحوش هتهجم علينا
مراد: سيبهم يروحوا لاجلهم برجليهم
فارس:يا عم ارحم امي شويه فك حبه
كريم شغل مهرجان اتنين بمقام ملايين
وكلهم قاو يرقصوا سوا والبنات بتتفرج عليهم والنور شايفه مراد قاعد بيلعب في تليفونه
نور في نفسها: يخربيت برودك بحب تلاجه يا اولاد
فارس شد مراد عشان يرقص معاهم وبالفعل قام ورقص مع الشباب ونور كانت فرحانه اوي
_____________
عند الماميز كانو كانو قاعدين سوا فى ركن
حياه:الولاد مبسوطين اوى بجد يادمدومه مرسيي على اليوم الحلو ده
ديما: المفروض نشكر كارما
ليان: ده انا هبوس كارما
ملك:المفروض نعمله كل اسبوع فى فيلا حد فينا
ريم: فكره حلوه اوي
حور: بس اكتر الاوقات بيكونوا مشغولين يافى شركه والشباب فى شغلهم والبنات بردو
حياه: نفضي يوم مش هيحصل مشكله يعني
ريم:بجد مش مصدقه ان مراد بيرقص معاهم استنو اصوره للذكرى
ريم طلعت التليفون وصورت الشباب وهم بيرقصوا
حياه:مراد اخد الحياه جد اوى
ليان:يمكن عشان شغله
ملك: طب ما فارس معاه بيكون جد في شغله بس في الطبيعي ما بيبطلش ضحكه وهزار
ريم: على فكره عمو طارق بابا جاسر كان حكالى ان جاسر كان كدا وهو صغير
حور:يبقي طالع لباباه بقي
فضلو يتكلمو ويضحكو سوا
__________________
الشباب بيرقصوا كريم شاف السكرتيره داخله من بوابه الفيلا
كريم قفل الاغاني بسرعه
اسر: افقلت ليه ياغلس
كريم: شايفين الصاروخ اللي دخل علينا ده
الشباب كلهم بصوا على البوابه واستغربوا مين اللي داخله دي السكرتيره كانت لابسه جيبه قصيره وضيقه جدا مع فاتحه من ورا وشميز ابيض وفاتحه اول زرارين وسايبه شعرها مع ميكاب كامل البنات استغربهم نظرات الشباب فبصوا مكان ما هما بيبصوا
ملاك: مين البنت دي
كارما: ايه اللبس اللي هي لابسه ده
فيروز: هي كده لابسه اصلا
نور: انتم شايفين الشباب بيبص عليها ازاي
هنا: الظاهر كده هيبقى يومهم اسود
لين: اسود بس هيبقى مطين بطين
الشباب لحظه نظرات البنات ليهم
الشباب:احييييييييييه
فهد: سلم على الشهداء اللي معاك
مراد: تستاهلوا
كريم: على اساس انتو مابصتوش معانا
اسر: هو اليوم شكله مش هيكمل
عدي: استر ياللى بتستر
____________
عند الوحوش الكبار
ادهم: انا قلت لكم بلاش البنت دي تيجي هنا
سيف: بنت مين
جاسر: بص عند البوابه كده
زين:يانهار الوان ايه اللبس ده
مالك:شكلنا كدا هنبيت عندك فى الجنينه يازيزو
سيف:انتو بتقولو ايه ليه كل ده
سليم:بص كدا هناك
سيف بص لقى حياه والبنات كلهم نظرهم على السكرتيره
السكرتيرة قربت منهم :مساء الخير
محدش رد عليها وهى اتحرجت
سيف:مساء الخير يامايا
مايا:مستر سيف الاوراق اهى اتفضل
سيف خد الاوراق منها ومضى عليها واداها للوحوش عشان يمضو هما كمان
ملك قامت من مكانها وقربت من السكرتيرة
ملك:مش تعرفنا ياسليم مين السنيورة
مايا:انا مايا سكرتيرة فى الشركه ياهانم
ملك:اممممممم وبصت للبنات:دى طلعت سكرتيرة ياماشاء الله
اسر:وله يافارس امك هتنيم ابوك فى الجنينه النهارده
فارس:شكلها مش هتعدى
سليم:ايه ياملك فى ايه هى كانت جايبه الورق نمضيه وهتمشي على طول
ريم:ليه انتو عايزنها تقعد معاكو ولا ايه
جاسر:تقعد فين يا ريم
ديما:تكمل السهرة معانا
زين:ياحبيبتى هى هتمشي اهى
سيف شايف نظرات حياه وباين جدا انها غيرانه وخصوصا ان مايا واقفه قريبه منه بس بتحاول تكونى قويه ومش بتبين غيرتها ضحك على حياته
سيف قام وراح قعد جمب حياه
مالك:يخربيتك ياسيف يعنى انت تجيب المصيبه وتخلع انت
حور:كويس انكو عارفين انها مصيبه
سيف بهمس لحياه:شايفك من غيرانه يعنى
حياه:اغير من منين
سيف:من مايا
حياه:تؤ تؤ انا عارفه ان مافيش حد جوا قلبك غير حياتك فمستحيل اغير
سيف:مااااشي ياحياتى
سيف جاى يقوم حياه شدته قعد تانى
حياه:رايح فين
سيف:هروح اشوف مايا هتمشي ولا ايه
حياه:لا خليك جمبي هنا
سيف:من عيونى ياحياتى
مايا خافت لما اتجمعو كلهم حواليها وخصوصا ملك
مايا:مستر سيف انا لازم ارجع الشركه عشان اوصل الاوراق لاحمد
سيف:تمام يامايا اتفضلى
نور:اللهى يارب تقعى على وشك بالكعب اللى انتى لابساه ده
مايا مشت شويا وقعت على وشها وقامت بسرعه وهى محرجه وجرت على بره
البنات ماتو من الضحك علي شكلها
فيروز:يخربيتك يانور دعوتك استجابت بسرعه
نور:نيتى صافيه ياحبيبتى بس
لين:داحنا نخاف منك بقي
ملاك:طب ونبي ادعى دعوة كدا ان الحيطان اللى واقفه هناك دى تتحرك وتيجى تتقدم لينا
نور:يااااااارب حرك الحيطان بقي
البنات:يااااااارب
فارس:يانهار مش فايت البت دعوتها استجابت فى ثانيه
مراد ضربه على قفاه:اتلم شويا
عدى:دانت المفروض تخاف يامراد
مراد:خليك فى نفسك
اسر:هما بيدعو علينا ولا ايه
فهد:شكلكو روحتو فى الباى باى
كريم:لا ونبي انا لسه شباب
عدى:اجمد يلا احنا مافيش حاجه تهزنا بس ربنا يستر
كلهم ضحكو عليه
______________
ديما نادت على كارما
كارما:نعم يامامى
ديما:فى مصور جاى وهتتصور كلنا صور مع بعض اطلعو فوق هتلاقو فساتين ليكو نفس الشكل واللون
كارما:طب ليه
ديما:هتتصورو بكاجول ياكوكى يلا خدى البنات واطلعو ونور وهنا تعالو على المطبخ عايزاكو وبعد كدا غيرو
نور وهنا:حاضر
البنات دخلو ونور وهنا راحو لديما وبداو يتكلمو
اسر شاور لعدى وفهد وكريم:يلا
البنات طلعو ولاقو فساتين رقيقه اوى بلون البينك لبسو وكانو حلوين اوى ونزلو وخرجو من الفيلا وفى هدوء فى المكان
كارما:هما راحو فين
فيروز:مش عارفه يمكن راحو الجنينه اللى ورا
ملاك:طب تعالو نشوفهم
لين:انا خايفه
ملاك:خايفه من ايه ياعبيطه
فجاه الانوار اطفت والبنات خوفهم زاد
لين:لالا الا كدا انا بخاف من الضلمه
ملاك:طب اهدى احنا مع بعض حد معاه تلفون
فيروز:لا الشنط سبناها فوق
كارما:طب تعالو نتحرك براحه
فيروز:بابا انتو فين
كارما:يامامى
فجاه النور جه ونزل ورد عليهم وكمان الشباب غيرو ولابسين بنطلون اسود وشميز ابيض وراكعين على رقبتهم قدامهم وماسكين خاتم البنات مش مصدقين اللى بيحصل وهيطيرو من الفرحه كل اب قرب من بنته
زين:الواد اسر طلب ايدك ياكرمله ونبي قولى لأ
اسر:طب ليه بس كدا ياحمايا العزيز
زين:اسكت انت الوقت هااا ياكوكى مش موافقه صح
كارما حركت راسها بلا
زين:يعنى موافقه
كارما هزت راسها باه:موافقه
اسر صفر وقرب منها ولبسها الخاتم وباس ايدها
مالك:لينو كريم طلب ايدك ياحبيبتى وانا طبعا عارف ردك موافقه صح
لين:......
كريم:مش وقت كسوف خالص ردى الله يصلح حالك
لين:موافقه
كريم راح لبسها الخاتم وباس راسها
سليم:لوكا حبيبه ابوكى الواد اللى هناك ده طلبك منى وانا نفسي ترفضي مش عايزك تبعدى عنى ابدااا
ملاك حضنت سليم بقوة
عدى:لا ونبي مش وقته ركبتى وجعتنى
ملاك ضحكت وهى فى حضن سليم وهمست ليه:سورى يا بابى انا موافقه
عدى:هاااااا قالت ايه
سليم:للاسف ....... موافقه
عدى:ياعم وقعت قلبي
قرب لبسها الخاتم وباس ايدها
فيروز اللى مستغربه ليه فهد معاهم وهى كمان
سيف:فيروز حبيبتى فهد طلب ايدك منى وانا لو عليا موافق فهد انا اللى مربيه بس اهم حاجه رايك انتى
فيروز من جواها فرحانه اوى لانها من اول ماشافته عندهم فى البيت وهى معجبه بيه
سيف:هااااا يا حبيبتى الواد ركبته وجعته
فيروز بكسوف هزت راسها باه
سيف:على خيرة الله
فهد قرب منها ولبسها الخاتم وباس ايدهاا
زين:يلا الكل يقرأ الفاتحه
كلهم قرو الفاتحه وفجاه الاغاني اشتغلت ونور وهنا ضربو صواريخ ورق فوقهم والكل فرحان وبيبارك ليهم وحياه وديما جابو شربات للكل
سيف:ان شاء الله كمان اسبوع هتكون خطوبه
اسر:لا ياحاج احنا عايزين كتب كتاب
زين:لا خطوبه الاول وكتب الكتاب مع الفرح
عدى:ده ظلم على فكرة اشمعنا انتو كتبتو الكتاب مع الخطوبه
جاسر:وانت مين قالك ياض
عدى:ريموو حبيبه قلبي
كريم:وفقو بقي الله يصلح حالكو
ادهم:الواد قرب يشحت
الوحوش بصو لبعض:على خيرة الله
فهد:احم طب ايه مش هنخرج ولا ايه
اسر:اه ونبي ياريت
سليم:العيال دى طلباتهم كترت
مالك:معلش نستحملهم
سيف:هتخرجو بس هى ساعه واحده وتوصلهم على البيت ساعه ودقيقه ويومه مش هيعدى
زين:ومافيش كتب كتاب مع الخطوبه
اسر:ايه العقاب القاسي ده ياحمايا العزيز
زين:الواد ابنك ده بيعصبنى
سيف:هو معصبنى انا شخصياااا
سليم:يلا الساعه بدات
كل واحد مسك ايد حبيبته وخرجو من الفيلا وركبو العربيات وكمان الوحوش كل واحد اخد مراته وروحو .......
روايه عندما يقع الوحوش فى العشق ج٢
««الفصل ٩»»
عند كريم ولين وصلو مطعم على النيل ودخلو وقعدوا على ترابيزة جمبها شباك ازاز والنيل جمبهم
كريم:الف مبروك ياروح قلبي
لين:الله يبارك فيك ياكيمو
كريم:انا بدوب من كيمو دى
لين:بس بقي لو سمحت ياكريم
كريم:انا فرحان اوى بجد انك بقيتى بتاعتى
لين:انا هطير من الفرحه بجد انتو ازاى خططو من ورانا
كريم:بس ايه رايك
لين:احلى مفاجاه فى حياتى كلها ربنا يخليك ليا
كريم:ويخليكى ليا يالينو
______________________
عند عدى و ملاك كانو بيتمشو على كورنيش النيل
عدى:واخيرا بقيتى ملاكى انا
ملاك:انا علطول بتاعتك مش بالخاتم بس
عدى:ربنا يقدرنى واسعدك العمر كله
ملاك:وجودك لوحده سعاده بالنسبالى ياعدى والله
عدى:ملاك انتى سخنه
ملاك:ليه مش فاهمه
عدى بضحك:اصلك رومانسيه اوى النهارده
ملاك:تصدق انا غلطانه وهاخلى عبده موته يطلع الوقت
عدى:لا ونبي ابوس ايدك سبيه نايم الوقت
ملاك شافت بتاع ايس كريم
ملاك:عدى عايزة ايس كريم
عدى:احلى ايس كريم لاحلى ملاك
ملاك:لا مش عايزة من مطعم عايزة من العربيه دى
عدى:من العربيه اشمعنا يعنى
ملاك:انا بحبه الله ياعدى
عدى:حاضر ياستى تعالى عايزاه طعم ايه
ملاك:فراوله
عدى:بذمتك فى فراولايه تاكل فراوله بردو
ملاك:اه انا يلا بقي
عدى:ابو ام اللى يتعامل معاكى برومانسيه ياشيخه انا غلطانه امشي لما اجبلك ايس كريم واروحك
ملاك:زهقت منى يعنى ده لسه نص ساعه
عدى:لا زهقت من عبده موته اللى صحى ده
ملاك ضحكت:لا خلاص يلا ناكل ايس كريم
عدى:يلا ياقلبي
______________
عند اسر وكارما راحو مطعم ولما دخلو كان فاضي مافيش غيرهم
كارما:ايه ده فين الناس
اسر:لا النهارده لينا لوحدنا
وراحو على ترابيزة متزينه وعليه كيك مكتوب عليه مبروك ياقلبي واسر شد الكرسي لكارما وقعدت وهى فرحانه وراح قاعده قدامها وكارما عماله تتفرج على المطعم
اسر:مبسوطه
كارما:لا.....الكلمه دى قليله اوى على اللى انا حساه
اسر:وقعتى قلبي ياشيخه
كارما ضحكت
اسر:انتى عارفه اللى انا بحبك
كارما:طبعااا
اسر:بس انا عديت مرحله الحب بزمان انا بعشقك بدمنك وبموت فيكى
كارما:كل ده ليا
اسر:لو فضلت اتكلم عن احساسي ناحيتك مش هيكفينى كلام العشق كله
كارما:لا اسر ونبي انا كدا هيغمى عليا من الفرحه
اسر:لالا الله يصلح حالك ده هى ساعه الله يسامحه الوحش
كارما ضحكت على شكله
اسر:اضحكى اضحكى
كارما:انتى مقولتليش اتفقتو ازاى مع بابا والوحوش
اسر:لا دى قصه يطول شرحها وانا معايا ساعه
وبص فى ساعته
اسر:يانهار اسود ده لسه نص ساعه بس
كارما:عدت بسرعه اوى
اسر:بقولك ايه انا عملك جو رومانسي وورد وشموع وموسيقى هاديه ماتيجى نرقص سلو سوا
كارما:زيزو لو عرف هيعلقك
اسر:يعلقنى مالك ياكارما قلبتى على ملاك كدا ليه
كارما:بس بقي لو سمحت
اسر:طب تعال نقطع الكيكه اللى ساحت دى وناكل
كارما:يلا
______________________
عند فهد وفيروز ركن العربيه قدام النيل وبص لفيروز اللى مكسوفه ووشها احمر
فهد:انا ركنت عشان نبقي براحتنا لو تحبي تروحى مطعم او اى مكان عرفينى
فيروز هزت راسها بلا
فهد لف وقعد بالجمب:فيروز انا عارف ان الموضوع ده بسرعه ومن غير اى مقدمات بس صدقينى من اول ماشوفتك وانتى جايه بتعيطى عشان الطفل اللى اتوفى ومن وقتها وانتى علطول فى بالى وبفكر فيكى
فيروز بصتله ونزلت راسها تانى
فهد:طب خدى الكبيرة بقي الوحش الكبير خد باله انى معجب بيكى
فيروز:بابي بجد
فهد:ايوا والله ولقيته كلمنى وبيقولى ان الشباب هيتقدمو للبنات وهو محتاج مساعدتى
ففكرت اقوله انى معجب بيكى واتقدم معاهم ولما قولته قالى مانا عارف كلمتك اعرفك عشان تتنيل معاهم
فيروز ضحكت وفهد تاه فى جمالها
فهد:انا بحبك اوى يا فيروز
فيروز اتكسفت اوى
فهد:انا مش هجبرك انك تقوليها لانى عايزك لما تقوليها تبقي طالعه من قلبك وانا هستناكى العمر كله
فيروز ضحكت
فهد:بس مش العمر كله يعنى حولى متتاخيرش عليا
فيروز ضحكت:حاضر
فهد:يلا نروح بقي عشان سيف باشا ميعلقنيش
فيروز:هى ساعه عدت بسرعه كدا
فهد:عدت كانها دقيقه والله الله يسامحه بقي الوحش
________________
الشباب روحو البنات قبل الساعه ماتخلص كمان خافو ان الوحوش ينفذو تهديدهم اللى هو خطوبه بس مافيش كتب كتاب
__________________
صباح يوم جديد قدام مستشفى الفيروز البنات وصلو فى نفس الوقت صدفه وضحكو لما كلهم نزلو من العربيات سوا
فيروز:احنا لو متفقين مش هنوصل سوا كدا
ملاك:صدفه انما ايه جامده
كارما:صباح السعاده على قلوبكوووو
البنات:صباح الفرحه
البنات دخلو المستشفى
لين:بجد يابنات انا منامتش من الفرحه
كارما:انا زيك كنت حاسه انى لو نمت هصحى الاقينى كنت بحلم
ملاك:اتوكسي انتى الخواتم بقي فى ايدينا خلاص
البنات وصلو المكتب ودخلو قعدوا كلهم وفضلو يحكو كل واحده راحت فين مع حبيبها ماعدا فيروز
كارما:ساكته ليه يافيروزة
لين:فهد هو اللى فاجانا كلنا بصراحه
ملاك:بس شكله واقع من زماااااان
لين:ماصاحبتنا شكلها واقعه هى كمان
كارما:بس بقي سبوها تتكلم
فيروز:انا اتفاجت زيى زيكو انا اه كنت مشدودة ليه اول ماشوفته بس اسر كان قالى انه مخصص وقته كله لشغله مش بيفكر فى الجواز اول لما شوفت الشباب راكعين وهو معاهم كنت عارفه طبعا كل واحد متقدم لمين طب هو متقدم ليا بجد كنت متلخبطه اوى بس فى نفس الوقت مبسوطه
ملاك:ياواد ياواد انت
لين:طب اتكلمتو فى ايه لما خرجتو
ملاك:روحتو فين
كارما:انتو سيبنلها فرصه تنطق اصلا
فيروز:ركن العربيه قدام النيل عشان نتكلم براحتنا او هو يتكلم انا كنت بضحك بس ومن كتر الكسوف كنت حاسه وشي هينفجر
البنات ضحكو عليها والباب خبط والممرضه دخلت
الممرضه:دكتورة فيروز ودكتورة كارما اوضه العمليات جاهزة
فيروز:روحى واحنا هنيجى وراكى
كارما:انتو فاضيين النهارده ولا ايه
ملاك:لا همر على الحالات بس
لين:وانا كذلك
فيروز:يلا ياكارما
ملاك ولين:ربنا معاكووووو
فيروز وكارما:يارب
______________________
عند الشباب فى المقر متجمعين فى مكتب اسر
عدى:بس كانت مفاجاه جامده الصراحه
كريم:البنات كانو هيموتو من الفرحه
عدى:بس انت اللى فاجتنا يافهد الصراحه
كريم:اكيد اسر كان عارف
اسر:طبعا من اختى ياجدع
فهد:مانتو واطييين كنتو هتتقدمو من غير ماتقولو
عدى:الله واحنا ايه عرفنا انك واقع ياعم
اسر:الوحش هو اللى وقعووو فى الفخ
فهد:بس الصراحه احلى واقعه
كريم:اول مرة اشوف واحد وقع فى الفخ ومبسوط كدا
كلهم ضحكو عليه
اسر:صح اللوا شاكر عايزنا النهارده عشان المهمه الجديده
عدى:اشجينا
كريم:مهمه سهله ولا هتطلع عينيا بردو
فهد:والوحوش من امته بتطلع مهمات سهله
اسر:المهمه المرة صعبه اوى تجار اعضاء انما ايه عالم واصله وليهم ناس بتساعدهم فى كل البلاد تقريبا بس الزعيم الاصلى فى فرنسا
فهد:لو وصلنا لزعيم كل حاجه هتتحل باذن الله
كريم:هو احنا هنسافر فرنسا
عدى:اكيييييد
اسر:اه هنسافر كلنا
كريم:قبل كتب الكتاب ولا بعده
فهد:على حسب الوقت اللى هيحدده اللوا شاكر
اسر:ربنا معانا
الشباب:ياااارب
___________________
حياه فى المطبخ بتتفاجا بجد بيحضنها من ضهرها وبتتخض
حياه:اخص عليك ياسيف وقفت قلبي والله
سيف:هو حد يقدر يحضن حياتى غيرى
حياه:بس انت قولت انك هتتاخر
سيف:خلصت الاجتماع ومافيش اى حاجه مهمه قولت لما ارجع اقضي اليوم معاكى
نور من وراهم:مع مامى بس يابوب
سيف:هو انتى هنا انتى مروحتيش الكليه ليه يانور
نور:لسه راحه اهو بس لو عايزنى اقعد معاك معنديش مانع ياوحش
سيف حضنها:حبيبتى يااحلى نوتيلا
نور:بمناسبه النوتيلا بقي انا عايزة
سيف:بس كنت كرتونه تبقي عندك النهارده
حياه:افضل دلع فيها وفى فيروز وعند اسر الدلع بيخلص
نور:ماكفايه انتى بدلعيه ياحياه
سيف:هى بتدلعه
نور:انا ياوحش بيقضوها دلع وانت مش هنا هو يدلعها وهى تدلعه تعرف دى بتاكله فى بوقه اه والله
حياه:انتى سوسه والله
سيف:وماله مانا كمان هدلعه بس لما يجى
حياه:يووووه ياسيف والله العظيم ابنى يعنى حرام ادلعه طب تعرف انه شبهك فى كل حاجه حتى فى خوفه عليا
سيف:بس خفى الدلع شويا ده كبر وبقي شخط ابنك رائد ياحياه
حياه:ابنى فى عينى صغير مهما كبر
نور:وانا بنت البطه السودا بقي
سيف:بنت ابنك بطه سودا عيب كدا
حياه:ايوا كدا بهدلها شويا
سيف:هى بطه بيضه
نور وسيف ضحكو
حياه:ماشي ياسيف
نور باستهم:انا همشي بقي بااااااى
سيف قرب من حياه :احلى بطه بيضه
حياه:طب روح غير والبس هدوم مريحه وتعال نعمل قهوة ونقعد فى الجنينه الجو حلو
سيف:بقي انا سايب الشركه وجاى اقعد معاكى تقوليلى نقعد فى الجنينه
حياه:اومال هنروح فين
سيف وهو بيشد حياه وطلعو السلم:تعالى ياحياتى الله معايا بس
___________________
نور وهنا وصلو الكليه ودخلو المحاضرة وكان عمر ( زميل نور اللى كان ضربها بالقلم فكرينه)
موجود وعمال يبص لنور اوى
هنا:ده ماله ده
نور:مش عارفه ومش عايزة اعرف
بعد شويا المحاضره خلصت وخرجو وراحو قعدو فى الكافيتريا
هنا:تفتكرى عايز ينتقم
نور:بعد العلقه اللى اخدها مستحيل يفكر بس مجرد تفكير انه يعمل حاجه
هنا:مايتجى نطلب اكل
نور:يلا انا هموت من الجوع اصلا
الاكل جه واكلوو وقامو عشان يمشو خرجو من الكليه كانو فارس ومراد ساندين على عربياتهم قدام الكليه
نور:انتى كنتى عارفه
هنا:لا مكلمتش فارس النهارده خالص
نور:طب تعالى نروحلهم
نور:ازيك يافارس
فارس:الحمدلله يانور
هنا:ازيك يافارس
فارس:انا ميت فل وعشرة
نور:ازيك يامراد
مراد:كويس طول مانتى كويسه
هنا:احم ازيك يامراد
مراد:بخير ياهنون انتى عامله ايه
هنا:كويسه جداااا
فارس:انتو امتحاناتكو قربت صح
نور:اه لسه شهر ادعولنا بقي
مراد:ربنا معاكو
هنا ونور:ياااااااارب
فارس:ايه رايكو ناكل ايس كريم
هنا:ياريت
فارس:نور ومراد تاكلو
نور:اكيد يلا
فارس:تعالى ياهنون فى محل قريب من هنا نجيب ونرجعلهم
هنا:يلا
فارس وهنا مشو ونور سندت على العربيه جمب مراد
مراد:ايدك عامله ايه الوقت
نور:الحمدلله هو كان حرق بسيط يعنى متقلقش
مراد:لو مقلقتش عليكى هقلق على مين يانور
نور:هااااااا
مراد ضحك على منظرها:اقفلى بوقك يانور
مراد حس انه لازم يعترف بحبه بقي وميضيعش وقت اكتر من كدا
مراد:نور
نور:نعم
مراد:كان فى حاجه كدا عايزة اقولها ليكى
نور بفرحه:اتفضل انا كلى اذان صاغيه
نور بعدت على العربيه ووفقت جمبه وكان جمبها طريق للعربيات
مراد:نور انا ب......... نوور حاسبي نوووووووووور
&&&&&&
روايه عندما يقع الوحوش فى العشق ج٢
««الفصل ١٠»»
مراد:كان فى حاجه كدا عايزة اقولها ليكى
نور بفرحه:اتفضل انا كلى اذان صاغيه
نور بعدت على العربيه ووفقت جمبه وكان جمبها طريق للعربيات
مراد:نور انا ب......... نوور حاسبي نوووووووووور
مراد لسه هيعترف بحبه شاف عربيه جايه بسرعه رهيبه وقريبه اوى من نور مراد شد نور لحضنه بسرعه وبص على العربيه بس مشافش مين اللى سايق مراد بص على نور اللى فى حضنه كانت بتترعش من الخوف
مراد بعدها من حضنه:نور انتى كويسخ
نور هزت راسها باه
هنا وفارس شافو المشهد من اوله وجم بسرعه عليهم
هنا:نور انتى كويسه ياحبيبتى
نور بعدت عن مراد:الحمدلله
فارس:لو حاسه بحاجه نروح المستشفى بسرعه
نور:لالا انا كويسه صدقونى..شكراا بجد يامراد
مراد:اهم حاجه انك كويسه
نور ابتسمت لمراد:الحمدلله
فارس:ياخسارة الايس كريم اللى وقع على الارض
نور:فين
هنا:لما شوفنا العربيه جايه عليكى جرينا بسرعه ووقع مننا الايس كريم
مراد:مش مشكله تعالو نجيب تانى
فارس:يلا
نور:لالا خلاص مش عايزة
مراد:لا هنروح انا وفارس نجيب وانتى وهنا ادخلو العربيه
البنات:حاضر
الشباب جابو الايس كريم وركبو العربيه وكلو سوا وبعد كدا مراد قال هيوصل نور وفارس هيوصل هنا
___________________
عند البنات فى المستشفى فيروز وكارما خلصو العمليه وكالعاده نجحو وراحو على المكتب
فيروز:ااااااااه رقبتى وجعتنى اوى
كارما:وانا رجلياااا
فيروز:تشربي ايس كوفى
كارما:ياريت ده وقته
فيروز:هطلب من المطعم اللى قدامنا
كارما:واطلبى لملاك ولين
فيروز:طبعااا انا اقدر انساهم
بعد شويا الباب اتفتح ودخلت ملاك ولين
ملاك:مش حاسه برجليا يابنات هموت
لين:وانا ضهرى
فيروز:وانا رقبتى
كارما:وانا رجليا
البنات بصو لبعض وضحكو بصوت عالى
ملاك:والله اللى يسمعنا يقول ايه
فيروز:عادى هيقولو شيخوخه مبكره
كارما:على رايك والله
ملاك:على رايك انا بشتكى من ضهرى اكتر من ملك والله
فيروز:ونبي لاقولها انك بتقرى عليها
لين:دى كانت علقتها على باب الفيلا
الباب خبط
فيروز:اتفضل
دخل الشاب اللى جايب الايس كوفى من المطعم وحطوه قدامهم وفيروز دفعت الحساب والشاب خرج
ملاك:ونبي جاى فى وقته
لين:تصدقى وانا بمر على الحالات كان نفسي فيه اوى
فيروز:يلا عدو الجمايل بقي
كارما:انتى حبيبتنا ياروزة
ملاك:مين اللى مشهيصنا مين
كارما ولين بصوت: فيروز
ملاك:مين اللى مدلعنا مين
كارما ولين:فيروز
فيروز:كفايا كفايا خلاص انا كدا هتغر
كارما:تعرفى ان دمدومه دايما كانت بتحكيلى ان حياه كان ام ليهم مش صاحبتهم وانتى زيها اوى ياروزة انا بموت فيكى
ملاك:وانا بعشقك انتى وحياه
لين:طب يلا حضن جماعى بقي
كلهم حضنو بعض
ملاك:يلا نوثق هذه اللحظه
طلعت الفون وفضلو يتصورو كتير
فيروز:يلا نروح بقي هموت وانام
ملاك:مش هنخرج بليل زى ماتفقنا
كارما:بس احنا تعبانين اوى النهارده
لين:احنا كل يوم تعبانين بس ننزل نتفرج على الفساتين
كارما:على رايك ده لسه اسبوع بس
ملاك:ايوا عشان نعرف هنجيب ايه
فيروز:ونجيب الحاجات اللى نقصانا
البنات:قشطاااااا
_________________
عند الشباب اتجمعو فى اوضه الاجتماعات مع اللوا شاكر وبدأ يشرحلهم المهمه الجديده وانا الشباب هيتقسمو قسمين قسم لازم يسافر فرنسا وقسم هيتابع هنا واتفقو ان فهد واسر هيسافر وعدى وكريم هيفضلو هنا
اللوا شاكر:تمام ياشباب ربنا معكو المهمه دى مش سهله
اسر:ان شاء الله خير ياسياده اللوا
شاكر:تقدرو الوقت تمشو عشان تحضرو نفسكو
كريم:يحضرو نفسهم لسفر
شاكر:لا لكتب كتابكو طبعاا السفر هيبقي بعد كتب الكتاب ان شاء الله
عدى:ان شاء الله
الشباب كل واحد راح على بيته
___________________
مراد وصل نور لحد البيت:نور انتى كويسه اكيد
نور:الحمدلله والله
مراد:طيب هتقولى للوحش
نور:لا مش هقول عشان ميقلقوش وانا كويسه يعنى
مراد:هو عمر بقي بيجى الكليه
نور خافت تقول لمراد على نظرات عمر ليها النهارده
نور:اه كان موجود النهارده
مراد:عملك حاجه
نور:لا لا بالعكس بقي مسالم جدااا بعد العلقه بتاعتك
مراد ضحك عليها
نور:احم صح انت كنت بتقولى حلجه ساعه العربيه
مراد:وقت تانى يانور
نور:مينفعش الوقت
مراد:لا مرة تانيه يلا روح ارتاحى
نور لسه هتنزل مراد نادى عليها
مراد:نور
نور:نعم
مراد:اجازتى هتخلص بكرة
نور بحزن:يعنى هترجع الكليه تانى
مراد:ان شاء الله بكرة
نور:ربنا معاك
مراد:ابقي خدى بالك من نفسك يانور وهابقي اطمن عليكى على طول
نور:حاضر
نور نزلت من العربيه ومشت شويا زلفت بصت على مراد اللى عينه عليها وابتسمت ليه ودخلت الفيلا ومراد مشي
_____________
لين وصلت بيتها ودخلت
حور:حمدلله على سلامتك ياحبيبتى
لين:الله يسلمك ياحورى
حور:اطلعى غيرى على ماالاكل يجهز
لين:انا هاكل وانام شويا وبليل هخرج مع البنات
حور:حاضر ياحبيبتى
________________
ملاك دخلت البيت:يااهل البيت ياناس ياللى هنا
ملك:انتى مينفعش تدخلى من غير دوشه
ملاك باستها:لاااا
ملك:يلا غيرى بابا وفارس جايين فى الطريق عشان نتغدا سوا
ملاك:حاضر وصح انا بليل هخرج مع البنات هننزل نتفرج على الفساتين
ملك:ربنا يفرحكو يارب
____________________
كارما وصلت البيت كان فارس وهنا واقفين بره
فارس:اهلا بالعروسه
كارما:ازيك يافارس
فارس:انا تمام انتى عاملة ايه
كارما:بخير الحمدلله.اومال انت واقف بره ليه تعال ادخل شويا
فارس:شايفه اختك ذوق ازاى انتى عبرتى تعزمى عليا
هنا:مانا عارفه انك هتقولى لا اعزم ليه بقي
فارس:ياشيخه حتى لو عزومه مركبيه عادى يعنى
كارما:انت هتسافى امته يافارس
فارس:بكرة وان شاء الله نيجى على كتب الكتاب ونرجع تانى
كارما:ربنا معاك
فارس ودعهم ومشى وهنا كانت زعلانه
كارما:خلاص ياهنونه بقي دى اخر سنه وبعدها هيفضل قدامك على طول
هنا:يلا ندخل
هنا وكارما دخلو
ديما:حمدلله على السلامه يابنات
البنات:الله يسلمك يادمدومه
ديما:غيروز يلا يكون بابا وصل وناكل سوا
البنات:حاضر
كارما:صح يامامى انا هخرج مع البنات نشوف الفساتين
ديما:ماشي ياحبيبتى
كارما:ماتيجى معانا ياهنون
هنا:لا انا هابقي انزل انا ونور سوا
كارما:تمام ياهنونه
____________________
فيروز وصلت البيت كانو كلهم موجودين
فيروز:السلام عليكم
كلهم:وعليكم السلام
حياه:يلا ياروزة غيرى بسرعه عشان ناكل سوا
فيروز:حاضر
فيروز غيرت ونزلت وقعدوا كلهم على السفره
فيروز:بابي انا هخرج مع البنات هننزل نشوف الفساتين
سيف:حاضر ياحبيبتى بس بلاش تاخير والحرس معاكو
فيروز:حاضر
سيف متابع نور اللى باين عليها الزعل وعارف سببه ان مراد هيسافر واسر اللى باين عليه الخوف والقلق لاول مرة
خلصو اكل وكل واحد راح على اوضته
_______________
فيروز نامت شويا قبل مايخرجو فونها رن برقم ملاك
فيروز:امممم
ملاك:انتى نايمه فوقى يافيروز يلا
فيروز:لسه بدرى يابنتى مش قولنا هنخرج ٦ الساعه لسه ٤
ملاك:مانتى لو نمتى مش هتقومى فوقى بقي
فيروز:ساعه واحده والله وانا كنت لمامى تصحينى
ملاك:حاضر يافيروز اياكى بقي تروح عليكى نومه
فيروز:متخافيش
فيروز قفلت معاها وكملت نوم فونها رن تانى ردت من غير ماتشوف الرقم
فيروز:يوووووه ياملاك مش هتبطلى زن يابنتى تعبانه والله قولتلك ساعه وهصحى وننزل على طول
فهد:احم احم
فيروز قامت قعدت بسرعه وبصت على الفون لقيته رقم مش متسجل
فيروز:مين معايا
فهد:معقول فى واحده تنسي تسجل رقم خطيبها بذمتك خلصت قبل كدا
فيروز هزت راسها بلا
فهد ضحك
فيروز:بتضحك على ايه
فهد:عليكى اكيد هزيتى راسك مش كدا
فيروز:انت عرفت ازاى
فهد:عيب عليكى خطيبك المقدم فهد مش اى حد
فيروز:ايه الغرور ده كله
فهد:لا ابداا مش غرور بس ثقه
فيروز:قولتى ثقة
فهد:قوليلى انت عامله ايه
فيروز:انا كويسه
فهد:كذابه
فيروز:نعم مين دى الكذابه
فهد:انتى مش لسه قايله انك تعبانه
فيروز:اااه لا ده شويا تعب كان عندى عمليه صعبه النهارده
فهد:سلامتك من التعب يافيروزتى
فيروز:احم انت عامل ايه
فهد:بقيت كويس اوى لما سمعت صوتك.صح انتى نازله راحه فين مع ملاك
فيروز:هننزل نشوف فساتين الكتب الكتاب
فهد:امته بقي يجى اليوم ده وتبقي على اسمى
فيروز:قريب ان شاء الله
فيروز جالها مكالمه من كارما
فيروز:احم فهد
فهد:ياعيون فهد
فيروز:كارما بترن عليا عشان نجهز
فهد:حاضر روحى اجهزى وخدى بالك من نفسك
فيروز:متقلقش بابا قايم بالواجب ومعانا الحراسه كمان
فهد:طبعا من بنت الوحش .يلا روحى عشان متتاخريش عليهم
فيروز:حاضر
فهد قفل مع فيروز وبعت للشباب ان البنات نازلين واتفقو انهم يقابلوهم فى المول وكلمو الوحوش واخدو منهم الاذن عشان يقابلو البنات
_______________
سيف واقف فى مكتبه قدام الشباك اللى قدام الجنينه وشاف اسر قاعد تحت شجرة وباين انه مضايق من حاجه راح يشوف ماله وهو خارج قابل فيروز نازله
سيف:خارجه ياروزة
فيروز:اه ياحبيبي
سيف:العربيه مستنياكى بره وفيها الحرس
فيروز:حاضر يابابي
فيروز خرجت وسيف راح قعد جمب اسر اللى اتفاجأ بسيف
اسر:ايه ياوحش غريبه سايب حياه وجاى تقعد معايا
سيف:قولت اجى اشوف ابنى اللى متغير وسرحان ومش عارف ماله
اسر:انا كويس يابابا متقلقش
سيف:بدام قولت بابا يبقي فيك حاجه مالك بقي ومتحاولش تخبي عنى عشان هعرف يعنى هعرف
اسر بتنهيده:خايف اوى
سيف:من ايه انت عمرك ماقولتها
اسر حكاله على المهمه وانه هيسافر تانى يوم كتب الكتاب
سيف:زيها زى اى مهمه طلعتها قلقان ليه بقي
اسر:ناس اللى رايحين ليهم دول مش بيرحمو يابابا انا خايف اكتب الكتاب واسافر يحصلى حاجه كدا كارما هت..
اسر حط ايده على وشه ومقدرش يكمل
سيف شده لحضنه وطبطب عليه
اسر:خايف على حياه و اخواتى وكارما
اسر بعد عن حضن سيف:خلينا ناجل كتب الكتاب لبعد ماارجع من السفر
سيف:مافيش حاجه هتتاجل وانت هتسافر وترجع بسلامه يلا قوم فهد كلمنى وقال انه هو والشباب هتقابلو البنات فى مول عشان تختارو سوا لبس كتب الكتاب
اسر:هو كلمنى بس مش عايز اروح
سيف:روح فرح كارما زى البنات الحاجات دى بتفرق معاهم بس كلم زين الاول
سيف:حاضر
اسر كلم زين واخد الاذن منه
____________
البنات وصلو المول واتفاجو بالشباب هناك وفرحو اوى واختارو الفساتين والبدل واتعشو كلهم سوا وقضو وقت جميل مع بعض وكل واحد وصل اميرته على بيتها....
تكملة الرواية من هنااااااا
 روايه ع…){kind=link}
تعليقات
إرسال تعليق
فضلا اترك تعليق من هنا