روايه عندما يقع الوحوش فى العشق الجزء الاول الفصل السادس والسابع والثامن والتاسع والعاشر بقلم الكاتبة جنات (جميع الفصول كامله)
روايه عندما يقع الوحوش فى العشق الجزء الاول الفصل السادس والسابع والثامن والتاسع والعاشر بقلم الكاتبة جنات (جميع الفصول كامله)
روايه عندما يقع الوحوش فى العشق
««الفصل السادس»»
عدا اسبوع من اجازة البنات ومافيش اى جديد
ليان وديما قاعدين على النيل
ليان: مالك يا بنتى مش بتتكلمى لى
ديما: مخنوقه مش عايزة اتكلم
ليان بصوت عالى: ولما انتى مش عايزة تتذفتى خليتنى انزل معاك لى مش كفايه باقى البنات مقضينها نوم
ديما: اسكتى فضحتينا الناس بتبص علينا يا مجنونه
ليان: مانتى اللى بتعصبينى اعملك اى
ديما:ممكن اطلب منك طلب
ليان: اطلبي يا اخرة صبرى
ديما: ممكن تكلمى ادهم وتجيبى منه رقم زين
ليان: نعم لا مش هكلم المجنون ده وبعدين ده نازل رن عليا وانا مش معبراه واروح انا بجلاله قدرى اكلمه عشان اطلب رقم اخوه
ديما: وانا اللى قولت انك هتساعدينى انا كنت بس عايزة اصلحه لانه زعلان منى من وقت ماكنا فى الاتوبيس
ليان:ليه اى اللى حصل عشان تزعلى المز ده
ديما: احترمى نفسك يابت احسنلك . وحكت لليان على اللى حصل فى الاتوبيس
ليان: مانتى اللى غبيه يعنى الراجل جاى يقولك خدى معاد مع اخوكى وابوكى هيبقي بيضحك عليكى ازاى يا ختى
ديما:انت عارفه من بعد اللى حصل معايا فى الجامعه وانا مش بثق فى حد
ليان: انتى بتشبهى المقدم زين المز باسامه الجبروع
ديما: اللى حصل بقي هتساعدينى ولا لأ
ليان: امرى لله بقي وبترن على ادهم
ادهم: ده بجد وحق وحقيقى ولا انا بحلم حلم جميل ولا اى
ليان: اى يا اخ كل ده مسورة واتفتحت انا رنيت عليك كنت محتاجه رقم المقدم زين
ادهم:نعم يا اختى عايزة ايه بقي بعد كل محاولات انى اوصلك وحضرتك تتكرمى وترنى عليا تقوليلى عايزة رقم زين وانا مالى انا
ليان: هو مش اخوك بردو ولا اى .مع ان والله انا اشك فى ده
ادهم: لا اخويا يا موزتى وكمان تؤام
ليان بصدمه: احلف طب ازاى ده
ادهم: هو كدا قولى بقي عايزة رقم زين ليه
ليان بتبعد عن ديما: بصراحه مش انا اللى عايزاه دى ديما
ادهم: ما تقولى كدا مش الاول اكتبي عندك
ليان وهى راحه ناحيه ديما: طب استنى وبتهمس اكتبي
ادهم: اكتبي ........
ليان: تشكر ياذوق
ادهم:طلباتك اوامر يا قمر
وبتقفل ليان وبتقول لديما:عدى الجمايل بقي
ديما بتبوسها من خدها: ربنا يخليكى ليا يا احلى لى لى فى الدنيا
ليان: ماشي يامصلحجيه هانم
-
ديما قاعده فى اوضتها ومتردده تتتصل ولا لأ وخايفه من رده فعل زين وماسكه التلفون وعماله تلف فى الاوضه راحه جايه
ديما:انا هتصل عليه واللى يحصل يحصل مانا لو مسمعتش صوته حاسه انى هيجرالى حاجه
وبتتصل على زين وبتسمع صوته
زين : الو
ديما : ......
زين: الو.. مين معايا
ديما: زين انا ديما
زين بعمليه:نعم يا انسه ديما
ديما: اخبارك اى يا زين
زين:وياترى مش خايفه وانتى بتكلمينى انى اكون بضحك عليكى
ديما بدموع:زين انا اسفه والله بس انا كنت خايفه
زين قلبه وجعه لما سمع صوت عياطها: خلاص يا دمدومه حصل خير بس انا عمرى ماهتسلى بيكى ابدا يا حبيبتى
ديما بفرحه:حبيبتك
زين: طبعا حبيبتى وروحى وقلبي اللى كنت هموت لو مسمعتش صوتها
ديما بسرعه: بعد الشر عليك
زين: ديما
ديما: نعم
زين: انا بحبك اوى يا دمدومه
ديما بتتكسف وبتحاول تغير الموضوع:انا كلمت بابا وياسين وقالولى اقولك تشرف فى اى وقت
زين: بتهربي مااشي براحتك بس بعد كدا مش هتعرفي تهربي منى .وعلى عموم ياستى هكون عندكو يوم الخميس باذن الله
ديما: الخميس اى الخميس اللى هو بكرة
زين: ايوا مانا مش هتاخر اكتر من كدا انا كان نفسي اتقدملك من اول يوم فى الاجازه
ديما: حاضر وانا هبلغ بابا
وباب الاوضه بيتفتح وبيدخل ياسين ديما بتنزل التلفون بس مش بتقفل
ياسين : دمدومه حبيبه قلب اخوها
ديما: نعم يا حبيب قلب اختك
ياسين:شوفى جبتلك اى
ديما بتصوت :شوكلاته وبتجرى على ياسين تحضنه انا بحبك اوى يا ياسين ربنا يخليك ليا يا احلى اخ فى الدنيا
ياسين بيمسك خدودها : ويخليكى ليا يا قلبي وبيسبها ويخرج
ديما بتفتكر انها مقفلتش مع زين: زين انا اسفه والله بس ياسين دخل مرة واحده
زين: تمام يا دمدومه بس مافيش كلمتين حلوين ليا زى اللى قولتيهم لاخوكى
ديما: لما تجبلى شوكولاته بقي
زين:مصلحجيه اوى .صح قوليلى انتى جبتى رقمى منين
ديما: من ادهم
زين بحده: نعم وحضرتك شوفتى ادهم فين ولا كلمتيه ازاى اصلا
ديما: اولا انا ما شوفتش ادهم ولا كلمته ثانيا ليان هى اللى كلمته وجبتلى الرقم منه
زين: تمام وصاحبتك مش ناويه تحن عليه انا قربت اتجنن من زنه
ديما: والله هى ليان وادهم الاتنين اجن من بعض انا بصراحه مش عارفه هو اخوك التؤام ازاى
زين بيضحك: والله انا شخصيا مش مصدق ماشي ي دمدومه هقفل انا معاكى عشان عندى شغل كتير الصراحه
ديما: شغل اى مش احنا فى اجازة
زين: ماهو انا لما بنزل اجازة بتابع الشغل فى شركات جدى
ديما: ولما بتكون فى المعسكر باباك اللى بيتابعهم
زين:لا انا والدى و والدتى متوفين وجدى هو اللى ربانى انا وادهم
ديما:انا اسفه والله مقصدتش انى ازعلك
زين: لا يا حبيبتى ولا يهمك انتى اصلا متعرفيش عنى حاجه بس اوعدك اول ما اتقدملك وكل حاجه تبقي رسمى وهابقي احكيلك كل حاجه عنى
ديما: باذن الله يلا اسيبك بقي عشان متعطلش اكتر من كدا بسببي
زين:ماشي يا قمرى
وبتقفل معاه وبتفضل تتنطط على السرير من الفرحه : بحبه بحبه
الباب بيتفتح وبيدخل باباها
جمال: ايه يا بنتى مالك انتى اتجننتى
ديما: جيمى عايزاك تفضي نفسك بكرة عشان زين هيجى باذن الله
جمال: وعشان كدا بتتنططى يا هبله
-
ملك نايمه وتلفونها بيرن
ملك: والله لاولع فيهم نازلين رن رن
ملك بترد مش غير ما تشوف مين اللى بيتصل :ايييييه كل شويا رن رن مش قولتكو عايزة انام ومش هنزل ارحمو امى بقي
سليم:اييه كل ده يابنتى
ملك بتبعد التلفون وبتبص على الرقم: مين معايا
سليم: يعنى بعد الاسطوانه اللى رستيها دى ومش عارفه مين معاكى انا سليم يا ملك
ملك بتقوم مرة واحده من على السرير :يا نهار اسود انا اسفه والله انا فكرت البنات اصلا من الصبح عمالين يرنو عليا عشان ننزل وديما لسه قفل معايا من شويا بردو ومش عارفه انام منهم
سليم: لا عادى ولا يهمك بس انتى على طول بتصحى متعصبه كدا
ملك باستغراب: لا عادى بس بتسال لى
سليم: انا كدا هخاف على نفسي لما نتجوز
ملك بتتحرج ومش بترد
سليم: القط اكل لسانك الوقت
ملك......
سليم: ملك
ملك: نعم
سليم: كلمتى باباكى فى موضوعنا
ملك: ايوا وهو قالى اعرفك تشرف فى الوقت اللى تحبه
سليم: خلاص بكرة باذن الله اكون عندكو
ملك:لا بكرة مينفعش اصل المقدم زين هيروح يتقدم لديما بكرة انا لازم اكون معاها وكمان بابا اكيد هيروح
سليم: وباباكى هيروح لى
ملك: احنا ٥ بنات واهلنا قريبين من بعض اوى واحنا باهلينا هنروح عند ديما بكرة
سليم فكر شويا: وبعدين قالها تمام ماشي .انا هقفل بقي الوقت هابقي اكلمك وقت تانى
ملك: ماشي
-
سليم بينزل من بيته وبيكلم الشباب عشان يتجمعو فى مكانهم اللى بيتجمعو فيه على طول على النيل
بعد شويا بيوصل سليم بيلاقى زين وادهم وجاسر موجودين بينزل من عربيته وبيروح عليهم
سليم: سيف لسه مجاش
زين: لا لسه فى الطريق
ادهم: وانت مجمعنا كلنا لى فى قضيه مهمه
جاسر: هو لو فى قضيه مهمه يا اذكى اخواتك هنتكلم فيها هنا
ادهم: تصدق صح
زين: فى ايه يا سليم
سليم: لما سيف يوصل هتعرفو كل حاجه
جاسر: سيف جه اهو
سيف بينزل من عربيته: خير ايه سر اللمه دى
سليم: انا كنت بكلم ملك وعرفت انك هتروح تتقدم لديما بكرة يا زين
زين: ان شاء الله
جاسر وسيف: مبروك يا زين
زين: الله يبارك فيكو ايوا بردو ومجمعنا لى
سليم: ملك قالتلى ان الخمس بنات هيكونو هناك واهلهم كمان هيكونو موجودين لانهم قريبين من بعض
ادهم: مش فاهم بردو مجمعنا لى
سليم: انا عايز اتقدم لملك وادهم لليان وجاسر لريم . اى رايكو نتجمع بكرة ونتقدملهم فى يوم واحد وخطوبه وكتب كتاب فى يوم واحد وفرح فى واحد لو عايزين كمان
زين: فكرة حلوة تصدق
جاسر:طب هنعرفهم ولا مفاجاه
سليم: نعرف اهليهم بس البنات لا
جاسر بيبص لسيف: وانت ياسيف مش ناوى تتقدم لحياه
سيف:.........
زين:مالك يا سيف بتفكر فى اى
سيف: ولا حاجه لو اتفقتو خلينا نمشي
سليم: يلا
وكل واحد بيروح ع عربيته بيمشو
-
فى اوضه حياه قاعده على السرير وماسكه تلفونها وبتتفرج على صور سيف ومش بتاخد بالها من مامتها اللى دخلت الاوضه وبتشوف صور سيف
سهام: مين ده يا حياه
حياه بتفوق وبتخبي التلفون: ولا حاجه يا سوسو
سهام: ولا حاجه ازاى مين اللى كنتى فاتحه صوره
حياه: ده المقدم سيف كان من الفريق اللى بيدربنى فى المعسكر
سهام: انتى عارفه ان اللى بتعمليه ده حرام
حياه: عارفه والله انه حرام وماينفعش بس غصبن عنى مش عارفه بفكر فيه لى
سهام:انتى بتحبيه يا حياه
حياه: مش عارفه بس ببقي مبسوطه وانا شيفاه قدامى
سهام: يبقي بتحبيه يا حياه طب وهو بيحبك
حياه بحزن: معتقدش هو كلامى معايا على اد التدريب وبس
سهام بطبطب على كتفها: اكيد ربنا هيكتبلك اللى فيه الخير يا حبيبتى يلا نامى عشان تصحى بدرى وتبقي مع ديما
حياه: ونعمه بالله حاضر يا سوسو تصبحى على خير يا قلبي
سهام: وانتى بالف خير يا حبيبه قلبي وبتسيبها وبتخرج من الاوضه وحياه بتنام
-
بتشرق شمس يوم جديد البنات بتصحى وبتصلى فرضهم وبتجهز عشان يروحو لديما
فى بيت ديما جرس الباب بيرن اسماء والده ديما بتفتح الباب:تعالو يابنات ديما هبلانا من الصبح عشان انتو اتاخرتو
ملك:سمسم ياقمر اللى وحشانى
اسماء:يا بكاشه لو وحشاكى بجد كنتو جيتو لما اخدتو الاجازة
حياه:متزعليش مننا يا سمسم
ريم: اومال فين ديما يا سمسم
اسماء: جوا فى اوضتها يا بنات ادخلولها
جمال والد ديما بيخرج من الاوضه: اهلا باحلى عرايس
اسماء بتبصله وبتهز راسها بلا
جمال: عقبال ماافرح بيكو يابنات
البنات: حبيبنا يا جيمى
وبيدخلو لديما اول ما بتشوفهم بتصوت من الفرحه:عاااااااااا اخيرا جيتو
ليان: يابنت المجنونه
ريم: هو اللى بيجيله عريس بيتهبل ولا اى
حياه:بس يا بت انتى وهى عامله اى يا دمدومه
ديما: خايفه ومتوترة ومرعوبه وحاسه قلبي هيقف حاجات كتير اوى
ملك: كل ده انا بقول نكلم المقدم زين ونقوله مايجيش خالص
ليان:اه طبعا اهم حاجه صحه بنتنا
ريم: البت هتعيط اقسم بالله
ملك:انتى واقعه اوى كدا
حياه: شوفو مين اللى بيتكلم على اساس انكو مش واقعين مثلا
ليان: يا لهوى عليكو الحمدلله ربنا يحمينى من الوقوع
حياه: بالنسبه للمقدم ادهم اى النظام
ليان: ده واحد مجنون
ديما:بس بيحبك يا ليان وحرام اللى بتعمليه فيه ده
ليان:اه طبعا هتقفى فى صفه ماهو اخو حبيب القلب
البنات كلهم بيضحكو
حياه يلا نلبس بقي عشان منتاخرش
ملك: دانا فرفر جابتلى فستان بس لسه مشوفتوش
حياه:وانا سوسو جبتلى بردو
ريم: هما متفقين علينا ولا اى ده فوفا جيبالى واحد بس مفتحتوش لسه
ليان بتزعل انها ملهاش حد يجبلها
حياه بتقرب منها:متخافيش سوسو مستحيل تنساكى وجبتلك فستان اهو معايا
ليان بتعيط وحياه بتحضنها
ديما: خلاص بقي يا نكديه يلا نلبس زين قرب يجى
ملك: يلا ياختى معرفش انك مدلوكه اوى كدا
البنات بيلبسو وبيبصو لبعض اوى ان فساتينهم كلهم شبه بعض وبستغربو......
&&&&&&&&
روايه عندما يقع الوحوش فى العشق
««الفصل السابع»»
البنات بيستغربو ان فساتينهم شبه بعض
ملك: اى ده كلنا شبه بعض حتى العروسه
ليان:صدفه غريبه اوى
حياه:مش عارفه بصراحه دى خطه منهم ولا اى
بتدخل سهام:يا بنات زين وصل و معاه جده واخوه متخرجوش غير لما ننادى عليكم وتخرجو كلكو سوا ماشي
ريم: ليه مش المفروض العروسه اللى بتنادو عليها واحنا نخرج عادى
سهام: لا الكبار بيتفقو ومينفعش تخرجو الوقت ابقو اخرجو مع ديما وعشان متتحرجش
حياه:حاضر ياسوسو
_______________
برا بيكون موجود
زين وادهم ومعاهم جدهم كامل
وسليم معاه والدته سلمى
وجاسر معاه والده طارق
سيف طبعا لوحده لان اهله متوفين واخته فى المستشفى
اما بالنسبه لاهل البنات
سهام والده حياه
فريده وحسين اهل ملك ومعاهم كريم ونور اخواتها
وفاء والده ريم واخوها درش
وجمال واسماء اهل ديما وياسين اخوها ومراته اسيل وبنته ليليان
ومن ناحيه ليان فموجود اخوها ادم بس مرات ابوها متعرفش
(ملحوظه بس بيت ديما عباره عند بيت بسيطه من دورين دور الارضي بيت ديما وقدامه حديقه متوسطه الحجم ودور التانى بيت ياسين والكل متجمع فى الحديقه)
______________
حسين والد ملك: نادو على العرايس يلا
فريده والده ملك: حاضر وبتقوم عشان تنادى عليهم
سهام والده حياه: لا استنى انتى يا فريده خلى اسماء اللى تدخل تنادى عليهم عشان ميشكوش فى حاجه
اسماء بتقوم تنادى عليهم وبتدخل اوضه البنات بتلاقيهم اعدين يضحكو ويهزرو: ده وقت لعب وهزار يلا يا ديما عريسك برا
بتقوم ديما والبنات قاعدين
اسماء: يلا يا بنات هتسيبو صاحبتكو تخرج لوحدها
البنات بيقومو مع ديما وبيخرجو سوا وبيستغربو لما بيلاقو الشباب كلهم برا
وبيرقص قلب كل امير لما بيشوف اميرته
سهام بتشوف البنات مستغربين: ايه يا بنات هتفضلو واقفين كدا كتير
البنات بيروحو يقعدو جمب بعض وهما مش فاهمين حاجه
كامل جد زين وادهم:طب خلينا نتكلم فى المهم بقي انا النهارده جاى اطلب ايد الانسه ديما لزين حفيدى والانسه ليان لحفيدى ادهم
ليان بتصدم: نعم
جمال والد ديما: لما الكبار بيتكلمو انتو متدخلوش
سلمى والده سليم: وانا يا استاذ حسين عايزة اطلب ايد ملك لابنى سليم
ملك بتتفاجا وبتتكسف لما سليم غمزلها
طارق والد جاسر:وانا بطلب ايد ريم لابنى جاسر
ريم بتفرح اوى وبتبص لجاسر وبترجع تبص فى الارض تانى
سيف: وانا طالب ايد حياه يامدام سهام
الشباب بيبصو لسيف بصدمه وبيبصو لبعض
حياه بترفع نظرها لسيف بصدمه وبتبص لمامتها
سهام:طبعا انتو مستغربين ان الشباب اتقدملكو كلكو فى يوم واحد
حسين: الشباب عرفونا واحنا موافقين يابنات انتو اى رايكو مع ان رايكو معروف
جمال: نسمع منهم بردو يا حسين ليكونو مش موافقين ولا حاجه
ديما وريم وملك فى نفس واحد: لا موافقين
الكل بيضحك عليهم
جمال: وانتى يا حياه انتى وليان مش موافقين ولا اى
حياه بتبص لمامتها ومش عارفه تقول ايه
سهام: حياه موافقه يااستاذ جمال
حياه بتبص لمامتها بصدمه وبترجع تبص لسيف وعينيها بتيجى فى عينه بتتكسف وبتحط وشها فى الارض
حسين :وانتى يا ليان
ليان عينيها بتدمع ومش بترد
سهام قامت حضنتها:احنا كلنا اهلك يا حبيبتى وبتكمل بهمس مرضناش نقول لناديه عشان متعملش مشاكل لما كل حاجه تتم هنعرفها
ليان: ربنا يخليكى ليا
كامل جد زين: يبقي على خيره الله نقرا الفاتحه الوقت والخطوبه الاسبوع الجاى
زين: احنا عايزين خطوبه وكتب كتاب سوا
البنات: كتب كتاب
سليم: ايوا عشان نبقي براحتنا
جمال: الشباب عندهم حق كدا احسن
طارق والد جاسر : نقرا الفاتحه بقي
وبيقرو الفاتحه وكل بنت بتبص على حبيبها وشايفه نظرة الحب فى عينيه على العكس حياه اللى بتبص لسيف وبتشوف اد اى هو غامض ومش بتفهم نظراته
سهام: مبروك يا ولاد ربنا يسعدكو يارب
الكل بيبارك للشباب والبنات
سلمى والده سليم: خلينا نسيب العرايس مع الشباب شويا ولا اى
اسماء والده ديما : تعالو اتفضلو جوا ونسيب الولاد هنا فى الحديقه براحتهم
وبيقومو يدخلو جوا زين بيقوم يمسك ايد ديما وبياخدها ويقعدو فى ركن بعيد فى الحديقه وادهم وجاسر نفس الكلام وسليم بيروح يقعد جمب ملك وبيكون قريب من سيف وسيف بيضحك وعارف ان سليم خايف انه يجرح حياه
سيف بيقف وبيروح عند حياه اللى اعده تفرك فى ايديها من التوتر :تعالى يا حياه عايزك
حياه بتبصله اوى وبتقوم معاه وبيروح يقعد على طاوله قريبه من سليم وملك
_________
عند زين وديما
زين: الف مبروك يا حبيبتى
ديما ووشها فى الارض: الله يبارك فيك
زين بيمسك ايديها وبيبوسها:مبروك عليا انتى يا دمدومتى
ديما وبتشد ايدها: مينفعش كدا
زين بصوت عالى شويا: مانا عشان كلمه مينفعش دى قولت لازم نكتب الكتاب على طول
ديما:هشششش البيت كله سمعك يا مجنون
زين: انا فعلا بقيت مجنون بيكى من اول يوم شوفتك فيه
ديما: ممكن اقولك على حاجه
زين:حاجات مش حاجه واحده
ديما بكسوف:انا بجد مبسوطه اوى اول مرة اعيش الاحساس ده بس فى حاجه كنت عايزة اقولك عليها عشان مش حابه ان علاقتنا تكون مبنيه على كذب
زين: كذب اى يا ديما
ديما: انا لما قولتك انى كنت بستنى اتاكد ان كلامك حقيقي ولا ماكنش قصدى انك بتتسلى بيا الحكايه ان لما كنت فى سنه تانيه جامعه كان فى ولد زميلى كان بيحاول دايما يتكلم معايا وانا كنت بصده واخته جت كلمتنى وقالتلى انا بيحبنى وعايزة بتقدملى
الدم غلى فى عروق زين بحده :هااا كملى
ديما بخوف من ملامح زين اللى اتغيرت١٨٠ درجه: وانا قولت لبابا وياسين وجه البيت هو واخته اللى اكبر منه وقرينا فاتحه بعد فترة سمعته بيتكلم مع صحابه فى الجامعه انه قدر يوقعنى ويتسلى بيا وان البنت دى اصلا مش اخته وكان هدفه يكسب رهان مع اصحابه
ديما كملت بدموع: انا وقتها قولت لياسين وخليته ميقولش لبابا عشان مايتعبش وقولته ان كل حاجه قسمه ونصيب يابابا ومن وقتها وانا مش بثق فى اى حد
ديما بتمسك ايد زين وهو بيتفاجا منها: بس والله من اول مرة اتكلمت معايا وانا كنت واثقه انك كل كلامك حقيقه وانك مستحيل تكون زيه زين انا بحس معاك بالامان اللى بحسه مع بابا وياسين انا بجد بحبك اوى
زين بيفرح اوى على رغم غضبه من الكلب اللى ضحك عليها وبيبوس ايديها: وانا بموت فيكى يا قلب زين
ديما بتشد ايدها : بردو مش قولنا ماينفعش كدا
________
عند جاسر: الف مبروك يا قلبي
ريم: الله يبارك فيك انا فرحانه اوى يا جاسر
جاسر: ربنا يقدرنى ودايما اخليكى فرحانه يا حبيبتى
ريم:طول مانت معايا انا هكون اسعد واحده فى الدنيا بجد
جاسر بيبوس راسها: ربنا يخليكى ليا يا ريمو
ريم:ويخليك ليا يا حبيبي
جاسر: اخيرا قولتيلها
ريم بتضحك:بس بقي بلاش تكسفنى
جاسر: اموت انا فى الطماطم دى
____________
ليان: اى يا اخ مالك هتفضل باصصلى كدا كتير
ادهم: مش مصدق انك وافقتى وقرينا الفاتحه
ليان:لا صدق يا اخويا صدق
ادهم: اخوكى
ليان: بص متركزش اوى فى كلامى لسه ماخدتش على الوضع ده
ادهم: وهتاخدي عليه امته بقي انشالله
ليان:كمان ٣ و٤ سنين كدا
ادهم: نعم وانا هفضل اخوكى ٣ و٤ سنين
ليان: والله انت وحظك بقي
ادهم بصوت عالى : لا بقولك اى لو انتى مجنونه انا اجن منك
ليان: اسكت يا مجنون الله يفضحك
ادهم: والله مجنون بيكى وبحبك اوى كمان
ليان بتتكسف وخدودها بتحمر
ادهم: مانتى بتتكسفى زى البنات اهو
ليان بتضربه على راسه:اومال انت فاكرنى اى
ادهم: بصى فى ثانيه قلبتى عبده موته
ليان:عبده موته فى عينك
الاتنين بيضحكو جامد
_________
عند ملك وسليم
ملك بكسوف: هتفضل تبصلى كدا كتير
سليم: مبروك يا حبيبتى متعرفيش انا مبسوط اد اى
ملك:الله يبارك فيك وانا كمان
سليم: انتى كمان اى
ملك:فرحانه اوى . صح دى كانت فكرتك مش كدا
سليم:فكرة اى
ملك:انكو تيجو تتقدمو فى يوم واحد
سليم: ايوا فكرتى بس عرفتى ازاى
ملك: اصل امبارح لما قولتلك اننا هنكون عند ديما انت سكت شويا وقفلت على طول فحسيتك كنت بتفكر فى حاجه
سليم: دانتى فهمانى بقي
ملك بتتكسف: مش اوى يعنى بس تقريبا احنا نفس الدماغ مش اكتر
سليم بيضحك اوى: والله دى حاجه كويسه. بس تعرفى حاجه
ملك بانتباه : ايه
سليم بيمسك ايدها:بحبك اوى
ملك بتحاول تشد ايدها بس سليم مش راضى يسيبها: سيب ايدى لو سمحت ممكن حد يجي
سليم بيسيب ايدها: اهو ياستى سيبتها بس لما اكتب الكتاب مستحيل اسيبها
___________
عند سيف وحياه
حياه اعده تفرك فى ايديها ومتوترة جدا وسيف متابع كل حركه ليها
سيف:مبروك يا حياه
حياه بترفع عينها فى عينه:الله يبارك فى حضرتك يا سياده المقدم
سيف بيضيع فى سحر عينيها:حضرتك وسياده المقدم وبيضحك انتى كنتى معانا من شويا واحنا بنقرا الفاتحه ولا اى نظامك
حياه اول مرة تشوفه بيضحك: مش فاهمه تقصد ايه
سيف: احنا لسه قراين فاتحه من شويا وانتى بتقولى حضرتك وسياده المقدم لى بقي الرسميه دى قوليلى ياسيف زى مانا بقولك يا حياه
حياه:انااسفه بس لسه ماخدتش على الوضع الجديد
سيف: اى هو الوضع الجديد
حياه بخجل:انك كنت المقدم اللى بيدربنى والوقت بقيت..
سيف:هابقي جوزك باذن الله
حياه بتبص فى عينيه وبتبسم ومش بترد
سيف بيحس باحساس غريب وبيفرح لما هى بتضحك:مبسوطه يا حياه ولا مضايقه ان الموضوع جه بسرعه كدا
حياه: مش عارفه هو احساس غريب
سيف:احساس غريب حلو ولا وحش
حياه بتبتسم:حلو
سيف بيفرح اوى انها مبسوطه
وبيجى عليهم ياسين ومصطفى وادم وكريم
ياسين: مش كفايه كدا ولا اى
كلهم بيبصوله
زين:اى ياابو نسب احنا بنطرد ولا اى
مصطفى: والله احنا معندناش بنات بتسهر مع ولاد ولا اى
جاسر: ماتخليك حنين يا درش ليك يوم
مصطفى بيكلم ادم:تصدق الواد ده بيتكلم حلو
جاسر بيهمس لريم:انا واااد بقى المقدم جاسر بقي وااااد
ريم بتحاول تكتم ضحكتها
جاسر:لا اضحكى ياحبيبتي اضحكى لسه يامااا هنشوف
ادم:اى يا ليان هانم عجباك القاعده ولا ايه
ليان بصدمه:ليان هانم الله يخربيتك يادرش ويخريبت اليوم اللى سبت الواد معاك عملت فيه ايه انا معنتش عارفه اتعامل معاه
ادهم بيروح عند ادم:لا بقولكو اى ده حمايا حبيبي محدش يغلط فيه
ادم: يا جوز اختى يا غالى
كلهم بيضحكو كامل جد زين:يلا يا شباب الوقت اتاخر ميصحش كدا ولا اى
سلمى بتروح عند سليم وبتحضن ملك:مبروك يا حبيبتى تعرفى انا كان نفسي يكون عندى بنوته وانتى هتبقي بنتى وبتمسك ايد ملك وبتقولها توافقى تبقي بنتى يا ملك
ملك بتحضنها:انا ليا الشرف والله انى ابقي بنت حضرتك
سليم بيبقي فرحان اوى انه مامته حبت ملك
كامل بيروح لديما وليان:مبروك يا حبايبى لو حد من العيال دول زعلكم تعرفونى وانا اجيبلكو حقكو ومتقلقوش انا هابقي فى صفكو انتو
البنات بتضحك وبيحضنو كامل
زين:اى يا جدى احنا واقفين
ادهم:لا بقولك اى يا ابو كمال انا بغير على فكرة
كامل:اسكت يا ولد انت وهو
والبنات بتضحك عليهم
طارق والد جاسر بيروح لريم:مبروك يا حبيبتى انا مش هقولك انا زى ابوكى لا انا هابقي ابوكى ولو جاسر زعلك تعالى بس قوليلى وانا اشدلك ودانه
ريم:ربنا يخليك ليا يا بابا وبتحضن طارق
سهام بتروح لحياه وسيف:مبروك يا سيف انا بسلمك حته من قلبي حافظ عليها يا سيف
سيف:فى عنينا متقلقيش طول ماهى معايا
سليم وزين بيبصو لسيف وبيرجعو لبيبصو لبعض بحزن على حياه
وكل واحد بيروح على بيته وبينتهى اليوم .....
روايه عندما يقع الوحوش فى العشق
««الفصل التامن»»
فى صباح يوم جديد
البنات بيتجمعو عشان يعرفو المستشفيات العسكريه اللى اتوزعو فيها وبيفرحو اوى لما يعرفو انهم هيكونو فى نفس المستشفى بس كل واحده تخصص وبيكون هناك سيف وسليم لانهم من الفريق المسؤل عن الطلاب
سليم بيبدا يشرح كل حاجه والدكاترة اللى هيكونو مسئولين عن كل تخصص والطلاب بيبدوا يروحو على اقسامهم
سليم بيقرب من البنات:صباح الخير يا دكاترة
البنات:صباح النور
سيف:انتو كلكو تخصص واحد ولا مختلفين
حياه :لا كل واحده فينا تخصص انا قسم امراض العصبيه والنفسيه
ملك:وانا قسم جراحه عامه
ديما:وانا قسم الاطفال
ليان:وانا التجميل
ريم:عيون
سليم:تمام يابنات يلا كل واحده على قسمها وبيغمز لملك وهى ماشيه
سيف:ايه ياعم مالك
سليم:انت بذات ماتتكلمش ده عينك متشالتش من على حياه اى غيرت رايك
سيف:مش عارف بس احساس غريب بحسه نحيتها انا لو بفكر انتقم منها وهى بالبراءه دى مش هقدر ابدا
سليم:افتح قلبك يا صاحبي حياه شكلها بتحبك
سيف:طب يلا ياعم الحبيب على الشغل فى ماموريه مايعلم بيها الا ربنا والشباب اتجمعو عند اللوا لطفى ولازم نروح
وبيروحو على شغلهم وكل بنت بتكون بتشتغل على نفسها عشان تثبت نفسها فى مجالها
--------------
وبيعدى الاسبوع وبيكون البنات مشغولين فى اقسامهم والشباب فى الماموريه الجديده وبيتجمعو كلهم وبينزلو يشترو الفساتين والبدل وبيتفقو على نفس اللون مع اختلاف شكل الفستان والشباب بردو بيلبسو لون قريب من البنات
--------------
وبيجى يوم المنتظر يوم كتب الكتاب البنات والشباب فى غرفهم
اوضه البنات مشغلين مهرجانات ومولعين الدنيا واعدين يرقصو ويزغرطو وهما بيجهزو على عكس حياه اللى بتكون اعده فى ركن لوحدها وباين على ملامحها الخوف وجسمها كله بيترعش مامتها قربت منها
سهام: يابنتى افرحى ومتخافيش انا معاكى وسيف عمره ماهيسيبك
حياه بانهيار:انا خايفه اوى بعد الفترة دى كلها هشوفه انا فكرت انى خلاص نسيت مش قادرة وبتمسك ايد مامتها ونبي يا ماما لو بتحبينى بلاش هو يبقي وكيلى خليها عمو جمال او عمو حسين عشان خطرى
سهام:يابنتى عريسك يقول اى عمها وابن عمها موجودين وجايبه ابو صاحبتها يبقي وكيلها
حياه بخوف:ابن عمها مين هو كمان جاى لا لا خلاص مش عايزة اتجوز ونبي يا ماما ونبي
سهام بتحاول تهدى فيها بتقولها انا هروح اجبلك كوبايه لمون تهدى اعصابك
اوضه الشباب سامعين البنات لانهم قريبين منهم وبيضحكو عليهم
سليم بيخرج بلكونه اللى فى الاوضه وبيرن على ملك وملك بتاخد فونها وبتخرج بلكونه وبتشوف سليم فى البلوكه اللى جمبها وبتلف وتديه ضهرها بسرعه هى كانت عامله الميكب بس لسه مالبستش
سليم:كنتى وحشانى قولت اسمع صوتك معرفش انى هشوفك كمان
ملك:على فكرة ده فال وحش انك تشوف عروستك
سليم:ماليش انا فى الكلام ده بس اخيرا النهارده هتكونى على اسمى ملك سليم الالفى
ملك :سليم اقفل لو سمحت عشان ادخل اكمل عشان كدا هتاخر عليك انت حر
سليم :لالا ادخلى يلا مش عايزك تتاخرى ثانيه واحده
ملك بتدخل الاوضه وبتنسي تقفل المكالمه وبتلاقى البنات متجمعين حولين حياه وهى منهارة وبيحاولو يهدوها
سليم لسه هيقفل بيسمع صوت ملك
ملك بخوف:حياه حياه يا حبيبتى متخافيش والله كل حاجه هتبقي بخير
سليم بيكتم الصوت و بيدخل الاوضه وبينادى على سيف والشباب وبيفتح اسبيكر:اسمعو كدا
ديما بعياط:حياه عشان خاطرى لو فضلتى كدا هتجيلك النوبه زى كل مرة
ليان:طب خلاص ياسوسو خلينا ننفذلها اللى هى عايزاه
سهام:ماينفعش يبقي عمها موجود وحد تانى يكون وكيلها عريسها يقول اى
ملك:يا طنط حرام عليكى انتى مش شايفه هى مرعوبه ازاى
ريم:احنا مصدقنا انها عدت المرحله دى ونسيته لى نخليهم يظهرو تانى فى حياتها
ديما: يا سوسو سيف متفهم ممكن نقوله عمها اتاخر لاى سبب ونخلى بابا او عمو حسين الوكيل
سهام:طب قومو كملو لبس وانا هشوف الموضوع ده
ملك بتاخد حياه فى حضنه وحياه منهارة:انا مرعوبه مش عايزة اشوفهم حاسه قلبي هيقف من الخوف
ملك:اهدى يا حبيبتى ميقدرش يقرب منك وبعدين سيف معاكى وهو بيحبك عمره ماهيسمح لحد ياذيكى
ديما:واحنا كلنا معاكى يا حياتنا اهدى عشان خاطرنا بقي
ليان:بعدين هو فى العرايس قمرات يعيطو كدا
حياه بتضحك:طب يلا كملو لبس عشان متتاخروش
ريم:يلا انتى كمان عشان تلبسي ولسه كمان معملتيش الميكب
----------------
فى اوضه الشباب سليم بيقفل المكالمه
زين:اظاهر كدا مش اختك لوحدها اللى بتعانى بسبب الزفت ده وابنه
سيف بيحس بنار جواه وصوتها بيتردد فى ودانه وهى منهاره:انا جبت اخرى منه ولازم اخلص عليه بقي
جاسر:طب اهدى عشان تفهم من حياه اى الحكايه بظبط
ادهم:كويس انك عرفت انها ضحيه هى كمان
زين:اوعى تكون بتفكر فى انتقامك منها ياسيف بعد اللى سمعته
سيف بدون وعى:حتى قبل ما اسمع عمرى ماكنت هقدر انتقم منها
ادهم وجاسر بيصفرو:ياااااااجاااااامد
سيف بيفوق وبيضرب الاتنين على راسهم:اخرسو
سيف بيبص لسليم اللى ساكت:مالك ياسليم ساكت لى
سليم بياخد سيف بالحضن:فرحان ياصاحبي عشان فتحت قلبك حياه بنت جدعه وطيبه وتستاهل
زين بيقرب ويحضنهم:وسيف كمان يستاهل يحب ويتحب
وبيبدوا يجهزو والشباب بيخلصو بيروحو قدام اوضه البنات
بدله الشباب

سهام بتفتح الباب:بسم الله ماشاء الله اتفضلو يا شباب خدو العرايس خلصو
بيدخلو الشباب الاوضه وبينبهرو من جمال البنات ورقتهم وكل واحد بيروحو يبوس راس حبيبته وبياخدهم وبينزلو على القاعه
(فستان حياه)

(فستان ليان)

(فستان ديما)

(فستان ريم)

(فستان ملك)

البنات بينزلو مع الشباب وبيقعدو فى اماكنهم
وبيبدا الحفل ومع رقصه سلو كلهم بيرقصو ومبسوطين من قلبهم
عند سيف وحياه سيف ملاحظ انها خايفه ومتوترة اوى
سيف:النهارده زى القمر انا خايف احسدك
حياه بتبصله وبتتكسف:شكرا وانت كان شكلك حلو
سيف:حلو بس دانا البنات هيموتو عليا من ساعه ما دخلنا القاعه
حياه بتضحك وبتنسي خوفها وبتقول بهمس:الصراحه عندهم حق
سيف:سمعتك على فكرة
حياه بكسوف:ممكن نقعد شويا
سيف:طبعا وبياخد ايديها وبيروحو يقعدو فى مكانهم وبيفضل ماسك ايدها حياه بتشد ايدها بس سيف رافض يسيبها
سيف:متحوليش مش هسيبها
حياه:بس ماينفعش الناس كلها بتبص علينا لوسمحت
سيف:ماشي يا ستى سيبتها اهو بس بعد كتب الكتاب عمرى ماهسيبها
حياه خدودها بتحمر:ممكن تبطل بقي
سيف بضحك:حاضر هبطل .تعرفى يا حياه انا فرحان اوى بس كان نفسي امى وابويا واختى يكونو معايا
حياه بطبطب على ايده:ربنا يرحمهم هما اكيد فى مكان احسن من هنا بكتير
سيف بيبص فى عيون حياه:كفايه انك معايا يا حياه.ممكن اسالك سؤال
حياه:اكيد اتفضل
سيف :اول ما جيت الاوضه واخدتك عشان ننزل كانت اديكى متلجه وكنتى خايفه انتى مخبيه حاجه عنى
حياه بتتوتر تانى وبتخاف اكتر لما بتسمع صوت عمها
صلاح عمها:مبروك يا بنت اخويا الغالى تعالى فى حضن عمك
حياه بتمسك فى دراع سيف جامد وبتبعد عن عمها
صلاح بيمد ايده عشان يسلم على حياه سيف بيسلم عليه:معلش اصل حياه مش بتسلم على حد غريب
صلاح:هو انا غريب دانا فى مقام ابوها
اسامه ابن عمها من وراه:وانا فى مقام اخوها ولا اى يا حياتى
سيف بيتعصب بس بيحاول ميبينش:اهلا وسهلا اتفضلو مع الضيوف اصل انا عايز حياه فى كلمتين وسيف بيمسك ايد حياه اللى جسمها كله بيترعش وبيدخل مكان الاستراحه وبيشد حياه فى حضنه وحياه بتعيط بصوت عالى: خليهم يمشو من هنا عشان خاطرى مش عايزة اشوفهم
سيف بيملس على راسها بحنيه:اهدى انا معاكى ومش هخلى حد ياذيكى
حياه بتبعد عند حضنه:انا اسفه
سيف:انتى بتتاسفى لى يا حياه مكانك بعد كدا على طول هيبقي فى حضنى
حياه بتتكسف اوى
سيف:انتى مش عايزة عمك يبقي وكيلك صح حياه بتستغرب :انت عرفت منين
سيف:عيب عليكى دانا المقدم سيف وبيضحكو الاتنين
حياه:عايزة عمو جمال او عمو حسين بس عمى لا لوسمحت وخليهم يمشو
سيف:تمام انا هنفذلك اللى انتى عايزاه بس بعد كدا هنقعد سوا عشان افهم سبب الخوف ده كله
حياه بتهز راسه بنعم وسيف بياخدها وبيروحو على مكانهم تانى
سهام بتروح عليهم:مالك يا حبيبه قلبي
سيف بيمسك ايد حياه:متخافيش يا سوسو هى زى الفل وبيبص لحياه وبيقولها مش كدا يا حياتى
حياه بتتفاجا وبتهز راسها بنعم
وبيجى الماذون وبيبدا يكتب الكتاب بيبدا بسليم وبعده زين وجاسر وادهم وبيجى دور سيف
المأذون:وكيل العروسه
عم حياه وبيقوم يقف
سيف:الاستاذ جمال هو وكيل العروسه
جمال بيتفاجا وبيبص لحياه:انا يا بنتى هابقي وكيلك
حياه:ياريت ياعمو حضرتك عارفه معزتك انت وعمو حسين عندى فى ياريت ينفع كنت خليتكو انتو الاتنين وكيلى
والكل بيضحك وبيبدا المأذون يكتب الكتاب وعم حياه وابن عمها بيولعو نار
عند زين:مالك يا دمدومتى من وقت كتب الكتاب وانتى متوترة
ديما:انا خايفه اوى يا زين
زين:من اى يا قلبي وبعدين مش عيبه فى حقى تخافى وانا معاكى
ديما:فاكر اسامه اللى كنت حكيتلك عنه
زين:ودى حاجه تتنسي
ديما:اسامه ده هو نفسه ابن عم حياه
زين بيبص عليه وبيلاقيه عينه على ديما وديما متوترة وخايفه وبيمسك ايدها وبيبوسها:متخافيش يا قلبي انا معاكى
ديما بتبصله وتضحك:ربنا يخليك ليا يارب انا بحبك اوى يازين
الشباب بياخدو البنات عشان يرقصو سلو اول مابيكونو على المسرح الشباب كلهم بيبصو لبعض وكل واحد بيحضن حبيبته وبيشليها ويلف بيها والبنات فرحانه ومكسوفين
عند زين:خلاص بقيتى بتاعى وكلمه مينفعش دى مش عايزة اسمعها تانى مفهوم
ديما بتهز راسها بكسوف
زين:لا ابوس ايديكى بلاش كسوف خدودك بتبقي زى الفراوله انا ماسك نفسي بالعافيه
ديما:بطل بقي يازين لو سمحت الناس كلها بتبص علينا
زين:احنا مش بنعمل حاجه عيب ولا حرام وبعدين ماصحابك كلهم بيرقصو اهو جيت علينا يعنى
ديما بتضحك وبتبص على البنات:انا مبسوطه اوى اوى وبحبك اوى اوى
زين:وانا بموت فيكى يادمدومه
ديما:بلاش موت ونبي يا زين
زين:حاضر يا عيون وقلب زين
-------------
عند ادهم:مبروك يااحلى مجنونه شوفتها فى حياتى
ليان:ادهم ممكن اقولك على حاجه
ادهم:اتفضلى يا قلبى
ليان:انا جعانه موت
ادهم:انتى فصيله اوى بقي كتبنا الكتاب وبنرقص سوا وشيلك ولافف بيكى وبتقولى جعانه
ليان:الله مانا ماكلتش من الصبح والله طول مانا جعانه مش هعرف اركز فى اى حاجه
ادهم:وانا اجبلك اكل منين الوقت اصبرى شويا وانا هاخدك فى اى مطعم ونتعشا سوا بعد كتب الكتاب اى رايك
ليان:بحبك يا دومى
ادهم بصدمه:قولتى ايه كل ده عشان هاخدك مطعم دانا هاخدك كل يوم واكلك فى مطعم شكل عشان تحنى عليا
ليان بتضحك: و الله مش انا لوحدى اللى مجنونه انت اجن منى
ادهم:مجنون بيكى ياروحى
---------------
جاسر:مبروك يا قلبي
ريم:الله يبارك فيك يا حبيبي
جاسر:ماتيجى نلغى الفرح ونروح على بيتنا الوقت على طول انا هموت واخدك فى حضنى
ريم :بطل قله ادب يا جاسر الله
جاسر بغمزة:هو انتى شوفتى قله ادب لسه اصبرى اصبرى بس لما نتجوز
ريم بتتكسف وبتخبي وشها فى حضنه
--------------
سليم:تعرفى انى اسعد واحد فى الدنيا
ملك:مش اسعد منى انا مبسوطه اوى عشان انا معاك وعشان البنات كلهم مبسوطين وبتبص على صحابها بحب
سليم:علاقتكو حلوة اوى
ملك:دول اخواتى مش اصحابي انا بحبهم اوى وبتبص فى عينيه وبحبك انت كمان اوى
سليم: وانا بعشقك يا ملاكى
-------------------
عند سيف وحياه
حياه بتبص لسيف:شكراا
سيف:على ايه ياحياه
حياه:انك خليت عمو جمال وكيلى ومشيت عمى وابنه
سيف:انتى مراتى يا حياه ومافيش شكر مابينا بس لازم افهم لي خايفه من عمك وابنه كدا
حياه بتهز راسها بنعم
-
بيخلص كتب الكتاب وكل عريس بياخد عروسته وبيخرجو وبيقضو وقت حلو سوا وبيخلص اليوم ..
روايه عندما يقع الوحوش فى العشق
تاسع والعاشر
««الفصل التاسع»»
فى صباح يوم جديد
فى بيت حياه
حياه:انا نازله ياسوسو عايزة حاجه منى ياقمر
سهام:يابنتى كنتى ارتاحى انتى والبنات النهارده امبارح كان كتب الكتاب وتعبتو
حياه:لا يا سوسو لازم ننزل احنا دكاترة مش بناخد اجازة
سهام:ماشي يا حبيبتى خدى بالك على نفسك
حياه:صح ياسوسو سيف هيجى ياخدنى النهارده وهنروح نتغدى سوا
سهام:ربنا يسعدكو ياحبيبه قلبي يارب
حياه بتبوس راسها:يارب ياسوسو
-----------------
البنات بينزلو ويروحو المستشفى وبيخلصو شغلهم وبينزلو عشان يروحو
ملك:سيف واقف هناك اهو ياحياه يلا يابنات احنا بقي
حياه:انتو رايحين فين
ديما:هننزل نشترى شويا حاجات من المول
حياه:من غيرى ياوحشين
ريم:ولا يهمك ياقمر ننزل تانى وتالت عشان خاطر عيونك الحلوة دى
ليان:يلا بقي بس ناكل الاول هموت من الجوع
ملك:انا قولت بلاش ناخد البت دى معانا
ديما:يلا عشان منتاخرش يابنات
بيمشو البنات وحياه بتروح لسيف اللى بيكون واقف ساند على عربيته ولابس نضارة شمسيه ومتابع حوار البنات
حياه:انا اسفه اتاخرت عليك
سيف بيقلع النضارة:ولا يهمك ياحياتى انتى عامله اى
حياه:الحمدلله انا كويسه جدااا
سيف:يلا بينا
وبيفتح باب العربيه لحياه وبيلف يركب جمبها
سيف:انتى زعلانه
حياه:انا لي بتقول كدا
سيف:شكلك كنتى عايزة تروحى مع البنات المول
حياه:انت سمعتنا ولا اى بس لا مش زعلانه ولا حاجه احنا هننزل كتير الفترة الجايه متقلقش
سيف:هتنزلو كتير لى
حياه:عشان نشترى الحاجات اللى نقصانا عشان الفرح انت ناسي ولا اى
سيف بيضحك:دى حاجه تتنسي بردو . يلا وصلنا
وبينزلو وبيدخلو مطعم على البحر
سيف بيطلب الاكل وبياكلو
سيف:هااا ياحياه مش هتحكى بقي
حياه وهى عارفه هو قصده على موضوع عمها:احكى عن اى
سيف:حياه انتى عارفه انا عايزة اعرف خوفك من عمك وابنه سببه اى
ملامح حياه بتتغير وبتتجمع الدموع فى عينيها سيف بيقرب الكرسي منها وبيمسك ايدها:حياه انا معاكى وعمرى ماهسيبك متخافيش احكيلى بقي
حياه:كنت فى سنه تالته ثانوى وبابا كان تعبان جداا ولفو على دكاترة كتير وماكنش العلاج بيجيب نتيجه معاه عمى وقتها قالهم على دكتور فى المنصورة وانه كويس جدا ماما راحت مع بابا والدكتور قالهم انه لازم يتحجز فى المستشفى كام يوم لحد مايتحسن وسابونى عند عمى ومراته ووفى يوم كنت نايمه بليل حسيت بحد بيحط ايده على جسمى
حياه جسمها اترعش وعيطت وماكنتش قادرة تكمل سيف مسك ايدها وقالها بعدين ياحياه اى اللى حصل يلا كملى حياه بتهز راسها باه
(فلاش باك)
حياه قامت مفزوعه لقيت عمها اقعد جمبها على السرير
حياه:فى اى ياعمو حضرتك محتاج حاجه
صلاح عمها:انا عايزك ياحياه هموت عليكى انتى فرسه يابت
حياه قامت من السرير بسرعه:عيب ياعمو كدا انا همشي مستحيل افضل هنا
صلاح:تمشي فين ياروح امك بقي انا ابعد ابوك وامك عشان تيجى عندى وبعدين تقوليلى امشي
حياه بصدمه:يعنى حضرتك كنت قصد تبعت بابا عند الدكتور ده
صلاح وهو بيقرب منها:اه ياحبيبه عمك يلا بقي قبل مامراتى تصحى وتفضحنا
صلاح شد حياه ورماها على السرير وحط ايده على بوقها وهجم عليها وحياه بتقاوم بكل قوتها وبتتعب من كتر المقاومه فجاه الباب اتفتح ودخل اسامه ابن عمها
حياه فرحت لما لقت اسامه وانه هينقذها من عمها
اسامه:الله الله على الجمال ياسى بابا
صلاح:متفهمش غلط يااسامه دى دى
اسامه:دى اى يابابا بقي عايزة تستفرد بالمزة لوحدك طب نادى عليا اساعدك دانا ابنك بردو
حياه بتصدم من ابنها عمها
صلاح بيشيل ايده من على بوق حياه:حبيب ابوك يااسامه
حياه بتستغل انهم بيتكلمو سوا وبتصرخ بصوت عالى وبتيجى مرات عمها وحياه بتجرى عليها وبتحضنها وبتحاول تدارى جسمها اللى باين
مرات عمها:مالك ياحبيبه قلبي اى اللى عمل فيك كدا وهدومك مقطعه كدا لى
حياه بشهقات عاليه:عمى هو اللى عمل فيا كدا
مرات عمها بتقعدها على السرير وبتغطيها وبتروح لجوزها تضربه بالقلم هو وابنه:بقي حصلت ياراجل عايز تعتدى على بنت اخوك انت اى شيطان
وبتبص لابنها:وانت راجل انت مش عارف تدافع على بنت عمك واقف تتفرج عليهم ولا كنت ناوى تعمل زى ابوك
(باااااااك)
حياه وهى منهاره:وقتها كلمت ماما ورجعو بسرعه وبابا اتخانق مع عمها وابنه وانا تعبت جامد بعدها ومكنتش بتكلم او حتى بواقف اقابل حد البنات اللى فضلو معايا لحد مااتحسنت وبابا تعب اكتر بعد اللى حصل وبعدها اتوفى ومرات عمى بردو اتوفت وهى كانت قريبه اوى من ماما كانت فترة صعبه اوى علينا
حياه بصت لسيف اللى مش بيتكلم:سيف مالك
سيف.........
حياه وهى بتعيط:سيف انا بنت والله عمى مقدرش يعمل حاجه لانى كنت بقاومه سيف انت مش بتتكلم لى
سيف اخدها فى حضنه:انا واثق فيك ياحياه حتى لو كان حصل حاجه هو كان غصبن عنك متخافيش ياحياه طول مانا معاكى وانا اسف اللى خليتك تفتكرى اللى حصل معاكى
حياه بتبعد عن حضنه:سيف عيب كدا الناس بتبص علينا
سيف:وانا مالى بالناس انتى مراتى ياحياه
حياه:ربنا يخليك ليا
سيف بيبتسم:يلا يااوصلك البيت
-------------
ملك فى اوضتها بتكلم سليم
ملك:ياسليم والله كنت بنشترى حاجات كتير عشان كدا اتاخرنا وفونى فصل والله
سليم:....
ملك:سليم عشان خاطرى متزعلش بقي مش هترد بردو شكلى ماليش خاطر عندك
سليم:انا قلقت عليكى ياملك اتاخرتى وفونك مقفول وكلمت اخوكى قالى انك لسه مجتيش المفروض اعمل اى انا
ملك:خلاص بقي قلبك ابيض اخر مرة والله
سليم:حاضر ياملك هنعديها المرة دى
ملك:انتى وحشتنى اوى
سليم:المفروض انك كدا بتثبتينى يعنى
ملك بضحك:حاجه زى كدا
سليم:اى رايك بما انى وحشتك اجى اخدك من المستشفى بكرة ونخرج سوا
ملك:وانا مش وحشتك يعنى ولا اى بظبط
سليم:طبعالا وحشانى ياقلبي على معادنا بقي ان شاء الله
ملك:باذن الله
------------------
عند ليان بتكلم ديما فى الفون
ليان:انتى مكنتش تعرفى ان جدو تعبان
ديما:لا معرفش وكلمت زين الصبح مقاليش انه تعبان
ليان:ادهم لسه قافل معايا من شويا وقالى ان ضغطه كان واطى وتعب والدكتور جاله البيت
ديما:طب اى رايك بكرة نروح نشوفه
ليان:كنت هقولك كدا بردو بس هناخد اى معانا
ديما:بوكيه ورد يكون شيك اى رايك
ليان:خلاص اشطااا
-----------------
تانى البنات بيروحو المستشفى وبيمرو على الحالات اللى فى اقسامهم وبيخلصو وبيتجمعو عشان يروحو
ريم:انا هنزل يابنات لجاسر
ملك:وانا سليم تحت بردو هنخرج سوا
ديما:زين عنده شغل مش هيجى ياخدنا ياليان وانا معرفش البيت فين
ليان:ادهم جاى فى الطريق اهو هنروح معاه
حياه:انا بقي هروح انااااااااام
البنات بتضحك عليها وكلهم بينزلو
------------
فى عربيه جاسر
جاسر:كنت وحشانى اوى ياريمو
ريم:وانت كمان
جاسر:تحبي بقي نروح فين
ريم :مش عارفه شوف انت
جاسر:لا قولى عايزة تاكلى فين
ريم:عايزة اكل على النيل ويكون سمك اى رايك
جاسر:تصدقى وانا كمان يلا بينا
--------
قدام المستشفى واقف ليان وديما
ديما:يابنتى انتى متاكده انه جاى يوصلنا
ليان:والله قالى انه فى الطريق مش عارفه راح فين ده .. اهو وصل
ادهم بيقرب عندهم وبيفتح ازازة العربيه:اسف والله اتاخرت غصبن عنى
ليان وهى بتركب جمبه قدام:يلا سماح المرة دى بس متحملش بيها مرة تانيه
ادهم:ماشي يامزتى ازيك ياديما
ديما:الحمدلله ياادهم انت عامل اى
ادهم:كويس جداااا
ديما:ادهم لو سمحت خدنا الاول عند اى محل ورد
ادهم:ايه هتجبولنا ورد ولا اى
ليان:لا طبعااا ده لجدو
-------------
عند سليم وملك اقعدين على النيل وبياكلو ايس كريم
ملك:انا بحب المكان ده اوى باجى هنا على طول انا والبنات
سليم:انا والشباب بردو اكتر مقابلتنا بتكون على النيل
ملك:انا وانت فى حاجات كتير مشتركه بينا
سليم:تعرفى بقي اى هى احلى حاجه
ملك:اى هى
سليم:انى شوفتك ودخلتى حياتى ربنا يخليكى ليا ياملاكى
ملك:ويخليك ليا يارب
------------
عند ادهم:وصلنا
ليان:اى ده انتو عايشين فى فيلا زى الناس الاغنيا
ادهم:افهم بقي انك بتقرى علينا ولا اى
ليان:مين قال انى بقر انا بحسد بس
ديما بتضحك:يابنتى اسكتى شويا بقي
وبيدخلو بيكون كامل اقعد فى الرسيبشن
كامل:ياحبايب قلبي اتفضلو نورتو البيت
ليان وديما بيسلمو عليه وبياخد منهم الورد
كامل:اى الورد الحلو ده
ديما:الف سلامه على حضرتك
كامل:الله يسلمك ياديما يابنتى اومال فين زين مجاش معاكو ى
ديما:هو قال عنده شغل مش هيقدر يجى
ليان:الف سلامه عليك ياابو كمال ياقمر انت
كامل بيضحك:الله يسلمك ياحبيبتى هو ادهم بهت عليكى من جنانه ولا اى
ادهم:لا انا اخدها مجنونه لوحدها
كلهم بيضحكو وبيقضو وقت حلو وبعد شويا بيدخل زين
زين:وانا بقول البيت منور لى
كامل بيحضن ليان وديما:منور عشان بناتى حبايبى هنا
ادهم:بقولك اى جدو انت عمال تبوس وتحضن فيهم ولا كانى موجود انا بغير على موزتى على الفكرة
كامل:اخرس ياولد محدش ليه دعوة فاهمين
زين:الكلام ده ليا بردو ياابو كمال ولا اى
كامل:ليكو انتو الاتنين البنات دول حبايبى واياكو تزعلوهم فى يوم فاهمين
ادهم وزين:فاهمين
كامل:يلا كل واحد ياخد مراته وفرجوهم على الفيلا
وبيغمز لشباب من غير البنات ماياخدو بالهم والشباب بيضحكووو
ديما:معلش ياجدو خليها مرة تانيه عشان مينفعش نتاخر اكتر من كدا
كامل:طب اتغدوا معايا الاول وبعد كدا امشوو
لسه ليان هتتكلم بيقاطعها كامل:هكلم الاستاذ جمال والد ديما اعرفه وهكلم مرات ابوكى كمان اى رايك
ليان فى نفسها:لو كلمها ممكن تزعله وهو تعبان لالا كفايه المشكله اللى عملتها عشان مكنتش موجوده يوم ادهم ماجه يتقدملى وكمان محضرتش كتب الكتاب
ادهم:مالك ياليان انتى كويسه
ليان:ايوا انا كويسه وهنتغدى كمان مع ابو كمال كدا كدا عمو جمال ومرات ابويا مش هيقولو حاجه ياديما مش كدا
ديما فهمت ليان بتعمل كدا لى:اكيد ياحبيبتى يلا بقي نروح نحضر الاكل
زين:ارتاحة انتو هما هيجهزو كل حاجه
ليان:لا طبعااا لازم نشارك يلا ياديما وبيروحو على المطبخ
كامل:البنات دول هيعملو حس للبيت لما تتجوزو ربنا يسعدكو يا ولادك بجد
زين بيبوس راس جده:ويباركلنا فى عمرك ياحبيبي
ادهم بيحضن جده:حبيبي ياابو كمال ربنا يخليك لينا
البنات بتحضر السفره مع الخدم وبيتغدوا سوا فى جو جميل كله هزار وضحك وبعد كدا بيوصلهم زين على بيوتهم........
&&&&&&&&&&&&&&&&&&&&&&&&
روايه عندما يقع الوحوش فى العشق
(الفصل ١٠)
بيعدى اسبوع والكل مشغول فى مجاله البنات فى المستشفى والشباب فى المأموريه الجديده......
فى المستشفى عند حياه بتروح لرئيس القسم عشان تستلم الحاله اللى هتشرف على علاجها وبتوصل عند المكتب وبتخبط على الباب
دكتور اسعد: اتفضل
(دكتور اسعد رئيس قسم الطب النفسي عنده ٤٥ سنه بصباص وبتاع بنات)
حياه:السلام عليكم يادكتور
اسعد وهو بيتفحص جسمها:اهلا وسهلا دكتور حياه اتفضلى
حياه بتوتر من نظراته وبتقعد على الكرسي:حضرتك طلبتنى عشان استلم الحاله
اسعد:ايوا الحاله اللى فى غرفه ... واتفضلى ده الملف بتاعها ادرسيه كويس وتقدرى تبدأى من الوقت
حياه بتاخد الملف وبتقوم تقف:شكرا يا دكتور وان شاء الله اكون عند حسن ظن حضرتك وبتمشي
اسعد بيبص على حياه:قمر قمر ايه دى قمرين
---------------
بتخرج حياه وبتروح على الاوضه اللى فيها الحاله وبتدخل بتلاقى بنت غايه فى الجمال قاعده على السرير وباصه قدامها ومش بتتحرك حياه بتقعد على الكرسي القريب من السرير
حياه:صباح الخير يا حور
حور.......
حياه:انا الدكتور حياه هكون معاكى واتابع حالتك انا عارفه انك سمعانى كويس ان شاء الله نبقي اصحاب
حياه بتابع حور ومش بتلاقى اى رد فعل منها بتكمل:تعرفى انا كان نفسي يوم عندى اخت اى رايك تبقي اختى حياه وحور تصدقى لاقين على بعض وبتضحك
وبردو مافيش اى رد فعل من حور
-------------
عند اسعد فى مكتبه وبيدخل سيف فجاه:مافيش جديد فى حاله حور
اسعد بيقوم يقف بسرعه وبيبان عليه الخوف:زى ماهي ياباشا النهارده فى دكتوره جديده استلمت الحاله ويارب يكون الامل فيها
سيف بغضب:مين الدكتوره دى وازاى اصلا حد يدخل على اختى من غير مااعرف
اسعد بخوف:دى دكتوره من المتدريبين
سيف:وكمان من المتدريبين يعنى هتجرب فى اختى دانا هوديك فى داهيه لو اختى حصلها حاجه وبيخرج وبيروح على اوضه حور وبيدخل فجاه بيلاقى دكتوره قاعده ضهرها ليه
حياه بتلف مرة واحده لما الباب اتفتح:سيف انت بتعمل اى هنا
سيف بحده:انتى ايه اللى جابك هنا
حياه:انت اللى بتعمل اى هنا
سيف بيقرب عليها بغضب:انا اللى بسالك تردى عليا
حياه رجعت لورا بخوف:هكون بعمل اى اكيد شغلى انا دكتوره لو حضرتك ناسي
سيف:اطلعى برا ومتدخليش الاوضه دى تانى
حياه بعصبيه :انت بتقول اى وانت مالك اصلا ادخل ولا مدخلش
سيف بيقرب منها وبيمسك دراعها:انا بقولك اخرجى برا احسنلك
حياه بدات تعيط:دراعى ياسيف انت بتوجعنى
سيف ساب دراعها وزقها بقوه وقعت على الارض :اطلعى برا ومش عايز اشوفك قريبه من الاوضه دى مرة تانيه فاهمه
حياه....
سيف بصوت عالى:فاااااااااهمه
حياه قامت من على الارض بخوف وخرجت على برا وهى بتعيط جامد وبتجرى خبطت فى زين وكان معاه سليم
حياه بعياط:انا اسفه
سليم:مالك يا حياه بتعيطى لى
زين:حياه انتى كويسه
حياه:اه اه انا كويسه عن اذنكو
وبتمشي حياه وهى منهاره
زين بيبص لسليم:تفتكر السبب سيف
سليم:معتقدش هو عرف انها مظلومه اكيد مش هياذيها تعالى لما نشوفه ونطمن على حور بالمرة
سليم بيخبط وبيدخل بيلاقى سيف اعد على السرير وماسك ايد حور
زين:اى يا عم عمالين ندور عليك
سيف:جيت اطمن على حور
زين:وهى عامله اى الوقت
سيف:زى ماهى مافيش جديد
سليم:ان شاء الله هتبقي كويسه سبيها على الله
سيف:ونعمه بالله
سليم:هى حياه كانت هنا
سيف:بتسال لى
زين:اصل كانت بتجرى وهى بتعيط جامد انت عملت فيها حاجه يا سيف
سيف:لقيتها موجوده هنا عند حور من غير اذنى
سليم:طب وفيها اى ماهى دكتور نفسيه
سيف:انا مش بثق فى حد يا سليم ومستحيل اخليها تقرب من حور
زين:وانت قولتلها الكلام ده
سيف:لا وبيحكيله على اللى حصل
سليم:طب لى كدا ياسيف هى متعرفش اصلا انها اختك مايمكن حياه تقدر تساعدها
سيف:معرفش لما الزفت اسعد قالى ان فى دكتور متدربه عند حور معرفتش اسيطر على اعصابي وجت فيها بقي
زين:طب روح صالحها بقي دى كانت منهاره يابنى حرام عليك
سيف:خلينا فى الماموريه الوقت التنفيذ امته
سليم:اه صح احنا جايين نقولك التنفيذ بكرة الفجر باذن الله
سيف:على خيرة الله يلا عشان نجهز
زين:ومش هتصالح المزة يابنى
سيف:اسكت ياض واحترم نفسك ويلا ورانا شغل
سليم:هااا جاي معانا ولا هتفضل شويا مع حور
سيف:روحو وانا جاى وراكو
وبيخرجو
-------------
عند ديما كانت بتلف على الاطفال وتتابع حالاتهم وهى ماشيه فى الطرقه بتاعه المستشفى حد شدها ودخلها اوضه فاضيه ديما كانت لسه هتصوت زين حط ايده على بوقها:هششششش ده انا متخافيش
ديما بدموع وبتخبطه فى كتفه: فى حد يخض حد كدا حرام عليك يازين والله وفضلت تعيط
زين شدها لحضنه:متزعليش ياقلب زين انا اسف والله معرفش انك هتخافى كدا
ديما بعدت عن حضنه وهى مكسوفه ومسحت دموعها:خلاص حصل خير بس بلاش تعملها تانى
زين:حاضر انتى بس كنتى وحشانى ومصدقت شوفتك
ديما:انت بقي كنت بتعمل اى هنا
زين:كنت جاى انا وسليم لسيف
ديما:وهو سيف بيعمل اى هنا بقي هو كمان
زين بضحك:اخت سيف هنا فى المستشفى وسيف كان عندها واحنا جينا نطمن عليها
ديما:تمام اسيبك بقي واروح اكمل متابعه
زين:بقي انا جايه وعامل المغامرة دى كلها عشان فى الاخر تسبينى وتمشي
ديما:طب اى رايك تيجى تشوف الاطفال معايا ولما اخلص متابعه ونفطر سوا عشان هموت من الجوع
زين بغمزة:قشطاا يا قشطا
ديما:لالا ونبي ارجع سياده المقدم زين اللى شوفته فى المعسكر مش اخده عليك كدا
زين:انا والله مستغرب نفسي يلا يلا عشان تخلصى واستفرد بيكى بقي
ديما بتضحك:يلا
---------------
عند حياه اعده وعماله تعيط وبتفتكر معامله سيف ليها واى السبب عشان بتعصب عليها كدا
حياه بتمسح دموعها: لا انا مش هسمحله يتعامل معايا كدا تانى وبتقوم بتروح على اوضه حور وبتفتح الباب من غير ماتخبط
سيف بيتفاجا بيها:فى حد يدخل من غير مايخبط
حياه بتحدى وعصبيه:اه انا الدكتوره بتاعه الحاله ادخل واخرج فى الوقت اللى انا عايزاه
سيف بيقف وهو مصدوم اول مرة يشوفها متعصبه:والحاله دى تبقي اختى ومحدش يقدر يدخل الاوضه بدون اذنى
حياه بصدمه:اختك
سيف:لى مش المفروض معاكى الملف بتاعها واكيد شوفتى اسمها
حياه:لا انا اخدت الملف من دكتور اسعد بس لسه مفتحتوش
سيف بعصبيه:انتى روحتى عند اسعد المكتبه انطقى
حياه:هو فى اى بظبط من اول ماشوفتى وانت عمال تزعق وتهدد انا مش هخاف منك على فكرة واه روحت عند دكتور اسعد اومال يعنى هو اللى هيجى يدينى الملف
سيف بيمسك دراعها وبيضغط عليه:تانى مرة رجلك متعتبش مكتب الزفت ده فاهمه
حياه بدموع:دراعى ياسيف حرام عليك بيوجعنى
سيف بعصبيه:كلامى مفهوم ولا لأ
حياه وهى منهاره:مفهوم والله مفهوم بس سيب دراعى ونبي
سيف بيفوق وبيسيب دراعها وحياه بتعيط جامد سيف قلبه بيوجعه لما بيشوفها منهاره
حياه بدموع:لو حضرتك خلصت ممكن تخرج عشان اشوف شغلى وبتروح ناحيه الباب وبتفتحه وبتشاوره انه يخرج
سيف:انتى بتطردينى من اوضه اختى وكمان من المستشفى بتاعتى
حياه باستغراب:بتاعتك ازاى يعنى
سيف:ايوا المستشفى دى باسم امى الله يرحمها
حياه:يعنى هى عشان بتاعتك هتفضل قاعد فيها كتير انا عايزة اشوف شغلى اتفضل يلا وبعدين هو انت فاضى من وراك شغل يا سياده المقدم
سيف بيضحك:لا ورايا وهمشي وبيقرب منها بتحذير:محدش يدخل الاوضه دى وانا مش موجود احسنلك
حياه:انت بتهددنى مثلا وانا بشوف شغلى مع كل الحالات زى بعض وحور زيها زى اى حاله انا بتابعها وبتقرب من سرير حور وبتديه ضهرها وهو بيخرج من الاوضه وبيرزع الباب بقوة وبتخاف حياه اوى
--------------
فى الكافيتريا بتاعه المستشفى جاسر وريم وادهم وليان قاعدين بيفطرو سوا
ادهم:وبعدين ياليان دى تالت مرة تطلبي فطار
ليان:انت بتعد عليا ولا اى يادومى
ادهم:دومى مين والناس نايمين ارحمينى انا خايفه لما نتجوز تاكلينى لما تجوعى
جاسر وريم بيضحكو عليهم
ليان:وانت ناوى تجوعنى ولا اى
جاسر لريم:ماتيجى نقعد لوحدنا بدل المجانين اللى قاعدين معاهم دول
ريم:اه والله حله ولقت غطاها
ليان بضحك:اكيد ادهم الغطا
ادهم:ماشي يا حلتى
ليان:حله محشي يااااامى
جاسر:لا كتير عليا انا ماشي احنا عندنا ماموريه صعبه وانت ولا على بالك
ريم:ماموريه اى
جاسر:طالعين ماموريه الفجر باذن الله ادعيلى يا حبيبتى
ريم وليان:ربنا معاكو يارب وترجعولنا بسلامه
--------------
سليم بيدور على ملك بيسمع صوتها بتضحك وبيلاقيها واقفه مع دكتور وبتضحك والدم بيغلى فى عروق سليم لما بيسمع للدكتور بيقول:دانتى دمك زى العسل يا ملك والله
سليم بيقرب منهم:ملك
ملك بتلف بتشوف سليم وباين انه مضايق:سليم انت بتعمل اى هنا
سليم بحده:مش تعرفينا
ملك:ده دكتور اكرم معانا هنا فى القسم
سليم بيمد ايده يسلم على اكرم وبيضغط على ايده جامد
سليم بيشد ايد ملك وبيمشي
ملك:استنى ..براحه ياسليم فى ايه
سليم بيدخلها اوضه فاضيه وبيسيب ايدها :ممكن افهم اى اللى شوفته ده
ملك بعصبيه:ممكن افهم اى عملته ده حضرتك جارر جاموسه وارك وبعدين ايه اللى شوفته مش فاهمه
سليم بيقرب منها بتحذير:صوتك ميعلاش يا ملك فاهمه
ملك بتخاف بس بتحاول تدارى:يعنى حضرتك تغلط وتقولى صوتى ميعلاش
سليم بتحذير:ملك اخر مرة هقولك صوتك ميعلاش واياكى اشوفك مره تانيه واقفه تتضحكى مع اى حد
ملك بغضب:انا مش جاريه عندك فاهم مش معنى ان مكتوب كتابنا يبقي تتحكم فيا اتكلم مع مين واضحك مع مين انا عارفه حدودى كويس وبتلف عشان تمشي بيشدها سليم وبيخبطها فى الحيطه وبيمسكها من دقنها جامد:لما اقول حاجه تردى عليا بحاضر وبس وتانى مرة لو عليتى صوتك عليا متلمويش غير نفسك وبيزقها وبيخرج من الاوضه وملك بتعيط جامد
---------------
الشباب بيتجمعو فى الاستقبال الخاص بالمستشفى عشان يروحو المقر بتاعهم لمناقشه امور الماموريه
سيف:انا شكلى نسيت تليفونى فى اوضه حور روحو انتو وانا هجيبه واحصلكو
الشباب:تمام
بيروح سيف على اوضه حور وقبل مايتفتح الباب بيسمع حياه بتتكلم مع حور
حياه:بس انتى كيوت اوى ياحور بجد اللى يشوفك ميصدقش انك اخت هولاكو اللى انا متجوزاه وبتحط ايدها على بوقها:نهار اسوح يعنى انا هعيش حياتى كلها مع هولاكو ده تفتكرى حياتنا هتكون عامله اى اعتقد لو عملت غلط هياكلنى
بتتفاجا بحور بتضحك بصوت عالى وسيف بيفتح الباب لما بيسمع صوت ضحكتها
حياه بتلف لما الباب اتفتح بفرحه لما بتشوف سيف:ضحكت والله ضحكت انا سمعتها وشوفتها والله
سيف بيقرب من حور وبياخدها فى حضنه جامد وبيبص على حياه اللى وقفه فرحانه
سيف:انا سمعت ضحكتها بعد وقت طويل اوى
حياه:دى اشارة كويسه انها بتستجيب لاى حاجه بتحصل حوليها
سيف بيلاقى حور نامت فى حضنه وبيحطها على السرير براحه وبيغطيها وبيروح ناحيه حياه وبيسالها بخبث:انتى كنتى بتقوليلها اى عشان تضحك كدا
حياه فتحت عينيها على الاخر وبتحاول تلاقى اجابه تهرب بيها:اى ابدا كنت بتكلم معاها عادى يعنى
سيف:بتتكلمى عن هولاكو مش كدا
حياه بصتله بصدمه :انت سمعت ولا ايه
سيف وهو بيقرب منها وهى بترجع لورا:اه سمعت كل كلامك عنى بقي انا هولاكو ولو عملتى غلط هاكلك
حياه بترجع لورا لحد ما خبطت فى الحيطه:طب ابعد عشان كدا مينفعش لوسمحت ابعد شويا
سيف:لى مينفعش مش انتى مراتى ولا انا بتهيئلى
حياه بتزقه لبعيد شويا وهو بيبصلها برفعه حاجب :انتى اد الحركه دى مش خايفه من هولاكو لياكلك
حياه بعفويه:ماهو انت اللى تخوف وطووويل وعضلات اعملك اى يعنى ياعم ده انا جمبك نمله اى بالله
سيف بيضحك على عفويتها:ماشي يا نمله انا كنت جاى عشان نسيب تليفونى هنا
وبياخده وبيمشي ولسه هيفتح الباب بيلف لحياه:حياه خدى بالك من حور هى امانه فى رقبتك
حياه بتستغرب من طريقه كلامه: متخافش عليها انا مش هسيبها
--------------
سيف بينزل بيكون سليم مستنيه واقف متعصب من ملك
سيف:مالك قالب وشك كدا لى
سليم:ولا حاجه يلا نمشي
سيف:مالك يا بنى مانت كنت كويس وفرحان انك هتشوف المزة
سليم:عصبتنى يا عم مقدرتش امسك نفسي بصراحه
سيف:عملت اى الله يخربيتك
سليم:عملت اللى عملته بقي انت عملت اى مع حياه
سيف:ولا حاجه هى اللى هتبقي مسؤله عن حور
سليم:مستغربش من عصبيتك اول ماشوفتها عند حور
حياه بتكون نازله عشان ده وقت الغدا وماشيه فى الطرقه بتلاقى سيف وسليم بيتكلمو بتقف فجاه لما بتسمع كلام سيف
سيف:لا معلقتش وحتى لو سالت هقولها اى يعنى مش بثق فى حد وانى كنت هتجوزك عشان انتقم من عمك فيكى اللى هو اصلا سبب رعب ليها هو وابنه
سليم:وانت ناوى على ايه
سيف:مش عارف اول مرة ابقي تايه ومحتار كدا بس بردو مش هسيب حقى
سليم:حرام تظلمها معاك ياسيف حياه متستهلش انك تاذيها
سيف:انا مستحيل اذيها وانت عارف كدا كويس
حياه:انا اقولك تعمل اى ياسياده المقدم
اتفاجا سيف وسليم من حياه اللى عينيها حمرا من العياط
سيف:حياه انا..
حياه:انت ايه .تحب اقولك انا انت اى انت اكتر حد انانى انا شوفته فى حياتى شخص مش بيفكر غير فى نفسه وبس والناس اللى حوليه يدوس عليهم عشان خاطر ينتقم مش كدا .يااخى دانت عندك اخت حالتها مايعلم بيها الا ربنا وعايز تنتقم من عمى فيا طب لو فى عدواة بينك وبينه انا ذنبي اى رد عليا
سيف:مش وقته الكلام ده لما تهدى ونبقي نتكلم
سليم بيقرب من حياه:حياه انتى كويسه
حياه بترفع عينيها لسليم:انت كمان كنت عارف كلكم كنتو عارفين وانا زى الهبله مش كدا بس لحد هنا وخلاص انا مستحيل اكمل
سيف بصدمه:يعنى اى
حياه:يعنى هطلقنى ياسياده المقدم مانا خلاص مش هنفعك فى انتقامك
سيف:يلا ياسليم نشوف شغلنا وبعد كدا هابقي اجيلك ياحياه ونتكلم تكونى هديتى شويا
وبيسيبها وبيمشي وحياه بتقع فى الارض وبتنهار وسيف بيلف يبص عليها قلبه بيوجعه على منظرها بس بيكمل طريقه وبيخرج من المستشفى
ملك بتشوف حياه بتجرى عليها:حياه مالك انتى بتعيطى لى
حياه بتحضن ملك وبتنهار:انا مش هعرف اكرهه ياملك مش عارفه لو بعدت عنه ممكن اموت انا بحبه اوى
ملك:انتى بتتكلمى عن مين. طب بصى قومى معايا نروح كافيتريا ونتكلم هناك وقت الغدا هيخلص والدكاترة كلهم هيجو مينفعش حد يشوفك كدا
_____________
فى الكافيتريا ملك وحياه بيروحو على الطاوله اللى موجود عليه ليان وريم
ليان:مالك ياحياه انتى كويسه
حياه:كويسه متخوفوش
ملك:كويسه ازاى وانت
ملك مش بتكمل كلامها لما حياه بتشاورلها تسكت
ملك:الحاله اللى هى مسؤله عنها صعبه شويا وهى انهارت بسببها انتو عارفين حياه قلبها طيب ازاى
ملك لريم:وانتى مالك مسهمه كدا لى
ريم:انا خايفه على جاسر اوى
ليان:يابنتى دول الوحوش ان شاء الله هيرجعو بالف سلامه
حياه بلهفه:يرجعو منين
ريم:انتى متعرفيش انهم رايحين ماموريه خطيرة
ملك:ماموريه امته وفين
ليان بصوت واطى:النهارده الفجر ومنعرفش فين لانها سريه
ديما بتيجى عليهم:حبايب قلبي اللى وحشنى
ليان:انتى كمان رايقه شكلك متعرفيش
ديما:معرفش اى وبتبص لحياه مالك ياحياه انتى معيطه
ملك:انتى تعرفى ان شباب رايحين ماموريه
ديما:ماموريه اى زين كان معايا ومشي ومقاليش على حاجه
حياه:يبقي محبش يخوفك
ملك بعصبيه:بس ازاى ميعرفوناش حاجه زى دى ولا كاننى لينا لازمه فى حياتهم
ريم:جاسر قال انها مهمه سريه جدا واكيد مينفعش يتكلمو عليها
ملك وهى لسه متعصبه:احنا مش عايزين نعرف تفاصيل كفايه انهم يقولولنا انها طالعين ماموريه
ديما بقلق:هما اكيد مش عايزين يقلقونا بس انا خوفت اوى ربنا معاهم ويرجعولنا بسلامه
البنات بخوف:يارب
___________
البنات روحو ومحدش فيهم قدر ينام من القلق والخوف
والشباب كانو بيتجهزو مع باقى فريقهم وبيركبو العربيات الخاصه بالجيش وبيوصلو للمكان اللى فيه اخطر تاجر مخدرات
سيف:كل واحد عارف هيعمل اى يلا توكلنا على الله
الفريق كله:معانا يارب
وبينزلو وبيدوا يتحركو كل واحد مع موقعه وبيحاصرو المكان اللى موجود فيه وبيقتحمو البيت وبيضربو على اى حد يقابلهم
سليم:متنسوش عايزينه حى
سيف:اللى يضرب يعجزه لكن مايموتش فاهمين
الكل :فاهمين يافندم
سليم بيطلع الدور التانى من البيت وفجاه بيظهر ادامه شخص وبيضرب عليه رصاص بتيجى فى دراعه سليم بيقع فى الارض وبيضرب على الشخص اللى ضربه بيجى عليه زين:سليم انت كويس
سليم:بسيطه دى فى دراعى خليك مع سيف
زين بينادى على جاسر وادهم :خد سليم على العربيه بسرعه وحولو توقفو النزيف ده على ما نجيب الكلب ده ونرجع
ادهم وجاسر بيسندو سليم وبياخدو على العربيه وهو بينزف جامد وبيربطو دراعه عشان النزيف يقف
عند سيف بيدور فى كل الاوضه على اكرم تاجر المخدرات المطلوب بيفتح اوضه بيلاقيه قدامه ومصوب عليه مسدسه
سيف:نزل سلاحك بهدوء احسنلك
اكرم :ههههه انت مفكر انكو هتخرجو من هنا عايشين ولا اى
سيف بثقه:عندك شك فى ده منكرش انك تعبنا معاك ياراجل بس فى الاخر احنا الوحوش
اكرم:يبقي اتشاهد على روحك وبيضرب نار على سيف بتيجى الطلقه فى صدره قريبه من القلب وبيقع جثه هامده فى الارض
زين بيسمع الطلقه بيجى يجرى على الاوضه بيلاقى سيف واقع فى الارض واكرم وبيحاول يهرب بيضربه زين فى رجله بيقع على الارض وزين بيقول للجنود ياخدو بسرعه اكرم بيحاول يقاوم زين بيضربه بضهر المسدس فى راسه بيفقد الوعى وبياخدوه على العربيه
زين بيجرى على سيف وبيشوف النبض بيلاقى النبض ضعيف بيكون معاهم عربيه اسعاف بتيجى وبينقلو سيف فيه وبيروحو على المستشفى
____________
البنات مناموش من القلق وطول الليل بيدعو لشباب قامو صلو الصبح وكل واحده فيهم دعت لحبيبها من قلبها ان ربنا يرجعه ليها بسلامه واجتمعو وراحو المستشفى
البنات داخلين المستشفى وفجاه بيلاقو حاله هرج ومرج
ملك بتسال البنت اللى فى الاستقبال:هو فى اى
البنت:فى ظباط جايين مصابين وفى واحد فيهم حالته خطرة وهو فى اوضه العمليات الوقت.....
•••••••••••••
هستنى رايكوووو ياحلوين♥️😍
 روايه عندم…){kind=link}
تعليقات
إرسال تعليق
فضلا اترك تعليق من هنا