روايه عندما يقع الوحوش فى العشق الجزء الاول الفصل الواحد وعشرون والثاني وعشرون والثالث وعشرون والرابع وعشرون والخامس وعشرون بقلم الكاتبة جنات (جميع الفصول كامله)
روايه عندما يقع الوحوش فى العشق الجزء الاول الفصل الواحد وعشرون والثاني وعشرون والثالث وعشرون والرابع وعشرون والخامس وعشرون بقلم الكاتبة جنات (جميع الفصول كامله)
روايه عندما يقع الوحوش فى العشق
««الفصل ٢١»»
عند ملك وسليم
ملك فتحت لقت نفسها فى حضن سليم وفضل تتأمل فيه وقد ايه هو جمييل وقامت من غير مايحس واخدت شاور ولبست قميص بيتى لبعد الركبه بشويا ونزلت على المطبخ
ملك:صباح الخير
داده فاطمه:صباح الخير ياعروستنا
ملك:هو حضرتك جديده هنا اصل اول مرة اشوفك
فاطمه:لا حبيبتى انا هنا من وقت ماكان سليم صغير
ملك:طب تحبي اقول لحضرتك اى
فاطمه:قوليلى زى سليم داده فاطمه
ملك:ماشي يافطوم
فاطمه بتضحك:والله انتى عسل وشكلك بنت حلال
ملك:حبيبتى يافطوم انا عايزة احضر الفطار لسليم ممكن تقوليلى هو بيحب ياكل ايه
فاطمه:لا ياحبيبه قلبي متتعبيش نفسك انا هحضر كل حاجه ومعايا البنات اهو
ملك:انا حابه احضرله اول فطار لو سمحتى
فاطمه:ماشي ياحبيبتى انا هقولك هو بيحب ايه
فوق سليم بيصحى مش بيلاقى ملك جمبه راح الحمام خبط محدش رد فتح الباب
سليم:راحت فين
سليم دخل اخد شاور ونزل تحت سمع صوتها من المطبخ دخل لاقى ملك واقفه تجهز الفطار وهى مبسوطه داده فاطمه شافت سليم وهو شاورلهم يخرجووو من غير ملك ماتاخد بالها
ملك لقت اللى بيحضنها من ضهرها:خضتنى ياسليم
سليم:صباحيه مباركه ياروحى
ملك بكسوف:الله يبارك فيك
سليم:بقي فى عروسه تسيب عريسها وتنزل المطبخ يوم الصباحيه
ملك لفت وهى فى حضنه وحاوطت رقبته بايديها:حابيت اول فطار لينا انا اللى احضره
سليم باسها من خدها:بس انا فطارى موجود قدامى اهو
ملك زقته من صدره:عيب كدا وبعدين ممكن حد يدخل المطبخ
سليم:محدش هيدخل طول مانا هنا
ملك:طب ممكن تساعدنى نحط الاكل على السفره
سليم:طبعاا يا ملوكتى
بيقعدو يفطرو سوا وملك لسه هتشيل الاطباق سليم بيشتالها وبيطلع على السلم
ملك:ياسليم بتعمل اى نزلنى لحد يشوفنا
سليم:طب مايشوفونا مراتى وفى بيتى محدش ليه حاجه عندى
ملك:طب ممكن افهم احنا رايحين فين انا عايزة اقعد فى الجنينه شويا
سليم:لا هنطلع اوضتنا اصل انا عايزك فى موضوع مهم اوى
ملك:لالا انا عارفه مواضيعك نزلنى بقي ونبي
سليم:لا بردو
_____________________
عند جاسر
ريم بتفتح بتلاقى جاسر قاعد بيلعب فى شعرها وبيبصلها بحب
ريم:صباح الخير
جاسر بيبوسها:صباحيه مباركه ياقلبي
ريم بتكسف:الله يبارك فيك
جاسر:تعرفى ياريم اول مرة احس بالسعاده دى كلها وده يرجع ليكى ياقلبي
ريم:دايما يارب ياحبيبى تبقي مبسوط وفرحان
جاسر:وانتى معايا طبعا
ريم:طبعاا دانا قاعده على قلبك مش هسيبك ابداااا
جاسر:ياروحى انتى جوا قلبي من زمان ومستحيل تخرجى منه
ريم:انا كدا هاخد على الدلع والكلام الحلو ده على طول
جاسر:هو انا عندى اعز منك ادلعه واقوله كلام حلو ويلا ياحبيبى قومى خدى شاور عشان ننزل نفطر مع بابا عشان عندنا سفر
ريم:حاضر
ريم وجاسر بينزلو يفطرو مع طارق وبيخلصو وبيطلعو الاوضه عشان يجهزو عشان السفر
ريم:هحضر الشنط وانت غير
جاسر:الشنط جاهزة ياحبيبتى البسي يلا عشان نروح المطار
ريم:حاضر
________________
عند ليان وادهم
ادهم بيصحى بيلاقى ليان فى حضنه بيبوسها من خدها:واخيرا بقيتى ليا وباسمى
ادهم بيلعب فى شعرها وليان بتفتح عينيها بتلاقى ادهم قريب منها بتصوت بصوت عالى
ادهم بيحط ايده على بوقها:اسكتى الله يخربيتك هتفضحينا اللى فى البيت يقولو بعذبك .ليان انا هشيل ايدى لو صوتى والله هعلقك من قفاك
بيشيل ايده من على بوقها وليان بتاخد نفسها:انا فين ليان بتشهق:نهارك اسود انت مقرب منى كدا ليه
ادهم:نعم ياختى انتى فقدتى الذاكرة ولا ايه ياليان انتى نسيتى ان فرحنا كان امبارح مش فاكرة اى حاجه خالص
ليان:اه تصدق كنت ناسيه
ادهم:منك لله ياشيخه بوظتى كل اللى كنت بخططله فى يوم صباحيتنا
ليان:وانت بقي كنت بتخطط لايه
ادهم:يعنى اصحيكى واقولك صباحيه مباركه ياحبيبتي بوسه حضن كدا يعنى مش تصوتى وتلمى علينا البيت كله انا عارف انى متجوز واحده مجنونه والله
ليان:خلصتى رغى انا جعانه
ادهم:انتى يابنتى فصيله ليه كدا فين الرومانسيه ياليان ياحبيبتى
ليان:يابنى الرومانسيه دى مش بتاكل عيش وانت بخيل ماكلتنيش حاجه من امبارح
ادهم:ابنك ياليان ابنك وبعدين البوفيه اللى كان فى الفرح دانتى مسبتيش حاجه مدوقتهاش يابنتى حسبي الله
ليان بتقرب منه وبتحاوط رقبته:صباح الخير يادومى
ادهم:اللهم صلى عليك النبي بدات تندع اهى ايوا كدا متخلتيش افكر انى متجوز واحد صاحبي
ليان بتبعد عنه:بقي انا واحد صاحبك ياادهم ماااااااشي وبتزقه وبتروح الحمام وبترزع الباب
ادهم:هو مالك الله يحرقه هو اللى باصصلى فى ام الجوازه
_____________________
عن ديما صحت ملاقتش زين جمبها:اكيد زعل منى عشان امبارح مانا بردو غبية وفضلت تعيط
فجاه باب اتفتح وزين جرى عليها:مالك ياديما انتى كويسه بتعيطى ليه
ديما اترمت فى حضنه:انا اسفه والله متزعلش منى انا غبيه بس مقدرتش والله لما لقيتك بتقرب افتكرته لما قرب منى وانهارت
زين شدها ليه وحضنها بكل قوته:ياحبيبتى والله انا عمرى ماازعل منك ابدااا ممكن تهدىي بقي
ديما فضلت تعيط فى حضنه لحد ماهدت خالص بعدت عن حضن زين:يعنى انتى مش زعلان منى
زين مسح دموعها:مقدرش ازعل منك اصلا ياحبيبتى
ديما:اومال انت كنت فين
زين:نزلت المطبخ اقولهم يحضرو الفطار ويطلعوه هنا عشان مش هننزل .يلا ياديما قومى خدى شاور عما الفطار يجى
قامت ديما دخلت الحمام وبعد شويا خرجت كان زين قاعد على الكنبه والفطار على الطاوله
زين:يلا يادمدومه لانا هموت من الجوع
ديما قربت وقعدت جمب زين وبداو ياكلوو
ديما:ممكن نقعد فى البلوكه
زين:تعالى ياروحى واحنا عندنا طياره بليل
ديما:هنسافر فين
زين:مفاجاه ياديمااا
___________________
عند حياه فتحت عينها لقت نفسها فى اوضه غريبه والارض بتتحرك بيها
حياه مسكت راسها:اااااااه انا فين
سيف دخل من باب الاوضه:صباح الخير ياحياتى كل ده نوم
حياه:دماغى وجعانى اوى هو احنا فين اخر حاجه فكراها اننا كنا فى الجنينه بتاعه الاوضه
سيف:انا خطفتك ياقلبي
حياه فتحت عينيها:مش فاهمه هو احنا فين ياسيف
حياه بتبص على نفسها بتكون لابسه قميص بيتى لفوق الركبه وبتبص لسيف
سيف:اه ياحبيبتى انا اللى غيرتلك
حياه:احنا فين ياسيف هو احنا بنتحرك ليه
سيف:طب قومى تعالى معايا وانا اقولك احنا فين
سيف بيمسك ايد حياه وبيخرج من الاوضه
حياه: انا هخرج كده ازاى ياسيف افرض حد شافني
سيف: ماتخافيش يا حياتي مافيش حد هنا غيري انا وانت وبس
سيف بياخد حياه وبيطلع من الاوضه بتلاقي نفسها على يخت فى وسط البحر حياه بتفضل تتفرج على اليخت وهي فرحانه وفجاه مره واحده بتجري على سيف وبتحضنه
حياه: حلوه اوي اوي يا سيف بجد حلوه اوي
سيف: كان نفسك نقضي شهر العسل على يخت صح
حياه:صح حياه فجاه بتصوت: حور لوحدها ياسيف ازاى نسيبها لوحدها كده
سيف: عشان كده خطفتك وجبتك هنا انا متاكد ان انت كنتى هترفضي تسيبي حور لوحدها
حياه: طب كنا اخذناها معانا وكانت غيرت جو يا سيف بدل ماتقعد لوحدها في الفيلا
سيف: يا حبيبتي هي مش لوحدها ودادة امال معاها ماتخافيش عليها . ممكن بقى تركزي معايا ده انا حتى عريس والنهارده المفروض صباحيتى ولا ايه
حياه بتتكسف بتبص في الارض
سيف بيمسك ايد حياه وبيروح الجنب الثاني من اليخت وبيكون في ترابيزه وعليها اكل
سيف: يلا نفطر سوا يا حياتي
حياه لسه هتقعد على الكرسي سيف بيشدها بتقعد على رجله
حياه:سيف لو سمحت سبنى اقعد على الكرسى
سيف:لا هتفضلى فى حضنى
حياه:مانا هابقي جمبك وعشان تعرف تاكل
سيف: هو انا كنت اشتكيت لك
سيف بيبدا ياكل وياكل حياه وحياه مكسوفه بتبصوا في الارض
سيف: يا بنتي بطلي كسوف بقى وبعدين انا مش هقدر اقاوم الفراوله دي كتير انا ماسك نفسي بالعافيه
حياه بتضرب سيف فى كتفه:بس بقي ياسيف الله
سيف بيضحك: هتموتي من الكسوف والله .
سيف بياخد حياه وبينزلو الاوضه
سيف: حياه هتدخلي الحمام هتلاقي فستان تلبسيه وتجهزي وتعالي انا مستنيك هنا
حياه: حاضر
حياه بتدخل الحمام بتلاقي الفستان الاحمر اللي كان عاجب سيف لما كانوا في المول
حياه: ايه ده ده نفس الفستان لا لا ده مكشوف اوى وانا مستحيل البسه مستحيل
حياه بتخرج تاني من الحمام بتلاقي سيف واقف برا
سيف:مالك ياحياه
حياه:بصراحه للفستان مكشوف اوى وانا مش هقدر البسه
سيف: روحي يا حياه البس الفستان الله يصلح حالك انا زي جوزك بردو
حياه: بس اصله يعني
سيف بيمثل الزعل:خلاص ياحياه براحتك مش هضغط عليكى وبيخرج من الاوضه
حياه: يوووووه ده شكله زعل طب اعمل ايه البسه وخلاص
حاجات بتدخل الحمام وبتلبس الفستان وبتحط لمسات من الميك اب وبتسيب شعرها وبتبص لنفسها في المرايه
حياه: قمر يا بنت يا حياه قمر. نهار اسود انا هخرج كده ازاي.. يلا يا حياه اخرجي عشان خاطر سيف
حياه بتخرج من الاوضه وبتطلع على سطح اليخت بتتفاجئ باللى بتشوفه.......
روايه عندما يقع الوحوش فى العشق
««الفصل٢٢»»
حياه بتخرج من الاوضه وبتطلع على سطح اليخت بتتفاجئ بسطح اليخت كله متزبن بالورد والبلالين وسيف واقف وضهره ليها
حياه:سيف
سيف بيلف وبيشوف حياه وجمالها فى الفستان الاحمر اللى بيعكس بشرتها البيضه
سيف بيقرب منها وبيمسك ايدها وبيبوسها وبيشدها لحضنه
حياه بكسوف من نظرات سيف:سيف انا خايف حد يشوفنى كدا
سيف بيبوسها من خدها:متخافيش محدش هيجى هنا المنتجع ده بتاعى وانا امرت مافيش ولا يخت يتحرك لحد ماارجع.سيبك بقي من كل ده انتى ازاى كدا
حياه:كدا ازاى مش فاهمه
سيف:حلوة اوى ياحياه
حياه:ممكن تبطل بقي
سيف بيمسك ريموت وبيدوس عليه بيشتغل اغنيه رومانسيه وبيرقصو سوا عليها وسيف بيطلع علبه قطيفه من جيبه وبيفتحها بيكون فيها خاتم قمه فى الروعه وبيلبسه لحياه
سيف:ايه رايك فى الخاتم
حياه:ده تحفه ياسيف يجنن حياه بتبص لسيف بس ده غالى اوى انا اخاف يقع او يضيع منى
سيف:مافيش اى حاجه تغلى عليك ياحياه انا لو اطول اجبلك الدنيا كلها لحد عندك هجيبها
حياه بتبوسه من خده:انا بحبك اوى ياسيف
سيف:وانا بعشقك ياحياتى
سيف بيشتال حياه:مستعده تكونى زوجه المقدم سيف الحارجى
حياه بتهز راسها باه
سيف بياخد حياه وبيدخل الاوضه ليبث لها حبه وعشقه ولتصبح زوجته قولا وفعلا
____________
فى المطار جاسر وريم قاعدين منتظرين معاد الطيارة
ريم:مش هتقولى بقي رايحين فين
جاسر:والله ياخبر بفلوس حبه كدا يبقي ببلاش
ريم:حاضر ياجاسر وانا هعرف بطريقتى
ريم شافت واحد ومراته قاعدين بعيد عنهم بشويا قامت ريم وقربت منهم
جاسر:خدى يامجنونه راحه فين
ريم:لوسمحت هى الطيارة دى راحه فين معلش
الراجل باستغراب:راحه فرنسا
ريم صوتت:فرنسا طب احلف كدا
جاسر جرى عليها:يابنت المجنونه فضحتينا
جاسر لراجل:انا اسف
ريم:بجد ياجاسر رايحين فرنسا
جاسر:اسكتى بقي ياريم الناس تقول عليكى ايه مجنونه
ريم:يعنى بجد رايحين فرنسا مش مصدقه فرحانه اوى
جاسر:انا عارف انك كان نفسك تروحى فرنسا
ريم بتحضنه:ربنا يخليك ليا انا بحبك اوى
جاسر:ياريم ياحبيبتى الناس بتبص علينا اقعدى بقي
______________
فى اوضه ليان قاعده زعلانه وادهم بيحاول يراضيها
ادهم:خلاص بقي يالى لى مكنش قصدى والله
ليان:بقي انا واحد صاحبك ياادهم شكراا ليك
ادهم: يا حبيبتي والله ماكنت اقصد انت احلى واحده شافتها عيونى بس بصراحه يعنى اوقات بتقلبي عبده موته
ليان بصدمه:عبده موته ياادهم يعنى مرة تقولى واحد صاحبي ومرة عبده موته ماااااااااااااشي
ليان فتحت باب الاوضه ونزلت:ياجدووووووو
ياجدووووووو
كامل كان قاعد في المكتب سمع صوت ليان خرج بسرعه: في ايه يا بنتي بتصوتي ليه
ليان: يرضيك يا جدو ادهم يقولى انا شبه عبده موته
كامل انفجر من الضحك
ليان: انت بتضحك يا جدو بدل ماتاخدلى حقى منه بتضحك يا جدو
زين وديما سمعو صوت ليان العالي نزلوا
ديما: مالك يا بنتي عامله دوشه من الصبح ليه
ليان: دمدومه اختي حبيبتي اللي هتجيبلي حقي
ديما: حقك من مين
ليان: من ادهم
زين: انت ياض عملت فيها ايه
ادهم: والله يا عم ما عملت فيها حاجه
ليان: كل ده وبتقول معملتش فيا حاجه. انا بقى يا زين هقولك اخوك عمل فيا ايه
زين: قولي يا ليان وانا هاخدلك حقك منه
ليان: بذمتك يا زين انا شبه عبده موته
زين: مين الحيوان اللي قال كده
ليان: اخوك ادهم
ديما انفجرت من الضحك: بصراحه عنده حق
ليان بتصوت:ياجدو خدلى حقى منهم ونبي يرضيك يقهروني وانا لسه عروسه
كامل: اعتذر لمراتك ياادهم
ادهم: يا جدو انا من الصبح وانا بعتذرلها وهي مش قابله اعتذاري. بعدين بقى انا عندي حق دي واحده صاحيه فاقده الذاكرة وبتقولى انا فين وانت بتعمل ايه جمبي
كلهم ضحكو عليهم
ليان: ما انا نسيت اعمل ايه يعني
ادهم قرب منها وباس خدها:خلاص بقي حقك عليا
ليان اتكسفت منهم:ماشي سماح المرة دى
ادهم بهمس:تعالى نطلع اوضتنا عندى ليكى مفاجاه
ليان:حاضر
ادهم:بعد اذنك ياجدو هاخد ليان اصالحها
كامل بغمزة:صالحها حلو
ادهم:عيب عليك تربيتك
ديما اتكسفت من كلامهم
زين ميل عليها:ماتيجى انا كمان اصالحك فى اوضتنا
ديما:عيب يازين
ديما بتطلع اوضتها وزين عينه عليها لحد مااختفت
كامل بيبص على زين:بدل مانت هتاكلها بعينك كدا اطلعلها
زين:تصدق انت صح ياجدو عن اذنك
وبيطلع ورا ديماا
_____________
عند جاسر وريم وصلو فرنسا وركبو عربيه وفى طريقهم لبيتهم وريم كانت بتتفرج من العربيه على كل حاجه حوليها وهى فرحانه
ريم:فرنسا حلوة اوى دى احلى من الصور بكتير
جاسر:هنروح نرتاح من السفر ومن بكرة هفرجك عليها كلهاا
ريم:اول حاجه هروح عند البرج ونتصور سواا زى العشاق اللى بنشوفهم على النت
جاسر:من عينيا انتى تؤمرى وانا انفذ
بعد شويا بيوصلو البيت ريم بتنزل وبتتفرج عليه
جاسر:ايه رايك ياقلبي
ريم:يجنن حلو اوى
جاسر بيمسك ايدها وبيطلع السلم اللى جوا الشقه:تعالى معايا فى حاجه هتعجبك اوى
وبيفتح الشباك بيكون قدامهم برج ايفيل
ريم بتطنط من الفرح وبتحضن جاسر وجاسر بيشلها وبيحطها على السرير وبياخدها لعالم خاص بيهم
_________________
سليم قاعد وفى حضنه ملك وبيتفرجو على فيلم وملك عماله تعيط عشان البطل مات
سليم:ارحمينى ياملك من اول الفيلم مابدا وانتى بتعيطى
ملك:يعنى بذمتك مصعبش عليك يقتلوه عشان بيحب بنتهم
سليم:ياحبيبتى انا ذنب امى ايه انا عريس ياناس
ملك لفت ليه وهى لسه فى حضنه:مش فاهمه عايز اى يعنى يااستاذ عريس
سليم:ممكن ياروح قلب العريس تقبلى عزومتى على العشا
ملك:ودى فيها كلام طبعااا موافقه
سليم:طب يلا البسي خلينا نخرج
ملك وهى بتقوم من على السرير:فوريرة يامعلم
سليم:مجنونه بس بعشقها
ملك لبست فستان بلون الاسود ضيق من فوق ونازل واسع وطرحه اوف وايت وحطت ميكب بسيط
سليم خرج من اوضه الهدوم كان لابس بنطلون اسود وقميص بنفس اللون شافها واقفه قدام المرايه حضنها من ضهرها:الوقت انا هسيبك تخرجى وكل الناس يشوفكى وانتى قمر كدا
ملك لفت وهى فى حضنه وحاطط ايدها حولين رقبته:مانت بردو زى قمر ولو فى بنت بصت عليك انت هقتلها
سليم صفر:احنا بنغير بقي ولا ايه
ملك بدلع:حاجه زى كدا
سليم:طب رايك نقضيها هنا فى البيت وبلاها خروج
ملك:لا ونبي ياسليم تعالى نخرج ممكن طلب
سليم:اؤمر ياقمر
ملك:غير القميص الاسود ده البس لون فاتح
سليم:ملك ياحبيبتى انا بحب اللون الاسود جدااا بذمتك شكلى وحش
ملك:ماالمصيبه انك حلو اوى
سليم بيضحك:ممكن يلا بقي ياقمرى
وبيمسك ايدها وبيخرجو
______________________
عند ليان وادهم بيجهزو الشنط عشان يسافرو
ليان:بجد احلى مفاجاه يادومى
ادهم:انا عندى كام ليان يعنى
ليان:بس هنسافر فين انت مقولتيش
ادهم:مفاجاه ياروحى
ليان بتقفل الشنط وبتقعد على السرير بتعب :مكنتش اعرف ان تحضير شنط السفر بيتعب كدا
ادهم بيقرب منها وبيبوسها من خدها
ليان:مالك ياادهم مقرب لى كدا
ادهم بينيمها على السرير بغمزة:بصالحك ياروحى
ليان بتتكسف وبتستخبي فى حضنه
_____________
حور بتكون قاعده فى الجنينه بيجى عليها الحارس:لو سمحتى ياهانم فى حد بره بيقول عايز سيف باشا
حور:هو قالك اسمه ايه
الحارس:بيقول اسمه المقدم مالك
حور:طب قوله سيف مش هنا ولا اقولك تعالى استنى هروحله انا
حور بتروح مع الحارس بيكون مالك واقف قريب من البوابه بيشوف حور جايه عليها بيفرح اوى انه شافها
مالك:مساء الخير
حور: مساء الخير
مالك:انا كنت عايز سيف هو مش هنا
حور:لا سيف سافر من يوم الفرح
مالك بهمس:يابن المحظوظه ياسيف
حور:بتقول حاجه
مالك:طب انا هكلمه لانى محتاجه ضرورى
حور:طب لحظه هكلمه انا لان سيف قافل تلفونه ومشغل الرقم الخاص لحظه
حور بترن على سيف
سيف بيكون نايم وحياه فى حضنه وبيلاقى التلفون بيرن برقم حور بيخاف يكون حصلها حاجه بيبعد عن حياه وبيطلع على سطح اليخت
سيف:انتى كويسه ياحور
حور:انا كويسه الحمدلله بس فى واحد اسمه المقدم مالك جه الفيلا وبيقول انه عايزك ضرورى
سيف:مالك طب هو معاكى الوقت
حور:ايوا موجود وبتدى التلفون لمالك
مالك:عامل فيها عريس وقافل تلفونك
سيف:انت ياحيوان ايه اللى خلاك تروح الفيلا وانا مش موجود
مالك:يابنى انت ماقولتش انك هتسافر وبكلمك من الصبح تلفونك مقفول واللوا لطفى قالى اخد ملف القضيه منك هشتغل عليها على ماتخلص اجازتك
سيف:طب ادى التلفون لحور
حور:الو ياسيف
سيف:حور هتدخلى مكتبي هتفتحى الدرج الاخير هتلاقى ملف اسود اديه لمالك
حور:حاضر ياسيف
سيف:انتى كويسه ياحبيبتى لو فيكى حاجه قوليلى وانا اجى انا وحياه
حور:لا حبيبى انا كويسه خليك مع حياه واتبسطو
حور بتقفل مع سيف وبتلف لمالك:لحظه وانا هجبلك الملف
حور بتدخل الفيلا وبتجيب الملف وبترجع تانى لمالك:اتفضل
مالك:شكرااا ياانسه حور واسف لو كنت تعبتك معايا
حور:لا ابدا مافيش تعب
مالك بيمشي وحور بتفضل تبص عليه لحد مابيختفى بعربيته
_____________
زين وديما نازلين ومعاهم الشنط
كامل:مسافرين ياولاد
زين:ايوا ياجدووو مع انك هتوحشنى والله
كامل:يابكاش بقي انا هوحشك فى حد يبقي معاه القمر ده ويفكر فى جدو بردو
ديما بتروح لكامل وبتحضنه: بس انت هتوحشنى اوى ياجدو بجد
كامل:حبيبتى ربنا يسعدكو وتفرحونى قريب انا عايز البيت يبقي حضانه
ديما بتتكسف:ان شاء الله ياجدوو
زين:يلا يادمدومه عشان معاد الطيارة
وبينزل ادهم وليان
ادهم:انتو ماشين معانا ولا ايه
زين:ايوا معاد طيارتنا كمان ساعه
ادهم:احنا كمان ساعتين بس ليان هتروح تسلم على ادم اخوها قبل مانسافر
بيسلمو على بعض وعلى جدهم وبيخرجو كل واحد على عربيته
_____
زين وديما بيوصلو المطار وبيركبو الطيارة وديما بتكون فرحانه اوى وبينزل الاكل وبياكلو وديما بتشرب العصير وبتحس بدوخه وبتنام على كتف زين وبعد فترة بيوصلو وزين بيشتال ديما وبينزلو من الطيارة وبيركب العربيه وبعد شويا بيوصل البيت الخاص بيهم وبينيم ديما على السرير وبيطلع فستان بيتى مريح بيلبسه لديما وبيغير هدومه لبنطلون رمادى وعارى الصدر وبينام جمب ديما وبيشدها لحضنه
______
فى بيت سهام
ليان قاعده وفى حضنها ادم:وحشتنى اوى يادومى
ادم بحزن:وانتى كمان انتى مسافره
ادهم:مسافرين كام يوم ولما نرجع هناخدك تعيش معانا فى الفيلا ايه رايك
ادم بيفرح وليان بتبص لادهم بامتنان
ليان وادهم بيسلمو على ادم وسهام وبيخرجو
فى عربيه ادهم
ليان:شكرااا اوى ياادهم انك موافق ان ادم يقعد معانا
ادهم:حبيبى قلبي ادم اخويا زى ماهو اخوكى وانا مرضاش انك تبعدى عنه ابداا
ليان:ربنا يخليك ليا ياحبيبي
ادهم بيبوس ايدها:ويخليكى ليا ياقلبي....
روايه عندما يقع الوحوش فى العشق
««الفصل٢٣»»
ادهم وليان وصلو المطار وركبو الطيارة وليان نامت فى الطيارة على كتف ادهم وبعد فترة
ادهم:ليان اصحى يلا وصلنا
ليان بنعاس:سبنى انام شويا بس
ادهم:هو احنا فى بيتنا ياليان اصحى احنا فى الطيارة
ليان صحت ونزلو من الطيارة
ليان:مش هتقولنا بقي احنا فين
ادهم:بصى حوليكى يمكن وركزى وانتى هتعرفى
ليان بتركز فى الحاجات اللى حوليها وبتسمع كلام ناس
ليان بتبص لادهم:بجد قول ونبي
ادهم بيهز راسه باه
ليان:تركيييييييا
ادهم:يابنت المجنونه اسكتى
ليان:انا مبسوطه اوى اوى اوى
ادهم:دايما يارب اقدر افرحك ياحبيبتى
ليان:وجودك معايا كفايه والله
ادهم:الوقت هنروح شقتنا نرتاح شويا وبعد كدا هننزل وافرجك على تركيا كلها ايه رايك
ليان:ودى محتاجه كلام موافقه طبعا
_____________
حياه وافقه فى المطبخ الخاص باليخت لابسه هوت شورت احمر وبدى حماله رفيعه ابيض وبتجهز الفطار دخل سيف عليها حضنها من ضهرها:الجميل بيعمل ايه
حياه:بجهز الفطار ممكن تبعد بقي شويا
سيف:لا انا مرتاح كدا
حياه:سيف لو سمحت انا جعانه اوى سبنى اجهز الفطار
سيف بيبعد وبيسند على الرخامه:بعدت اهو
حياه بتحضر الفطار وبتبدا اكل وبتلاحظ ان سيف مش بياكل
حياه:مش بتفطر لسه ياسيف مش عجبك الفطار بتاعى ولا اى
سيف بيقرب منها وبيحضنها:بدام من ايديكى الحلوين دول لازم يبقي حلو
وبياكلو سوا وبعد شويا حياه بتشيل الاطباق وبدخلها المطبخ
حياه:اى رايك اعمل ايس كوفى ونقعد على اخر اليخت فى الحته المفتوحه دى
سيف:حاضر ياحبيبتى بس خلينى انا قهوة ساده
حياه:حاضر
حياه بتعمل الايس كوفى ليها وقهوة لسيف وبتروح لسيف بيكون قاعد ومنزل رجليها فى الميا
سيف:تعالى ياحياه
حياه:سيف لا ارجع لورا شويا
سيف:عيب عليكى تخافى وانا معاكى
حياه بتقرب وهى مرعوبه وبتقعد جمب سيف
سيف:نزلى رجليكى فى الميا ياحياه
حياه:لالا افرض فى سمك قرش
سيف بيضحك بصوت عالى:سمك قرش ايه ياحياه نزلى رجلك ياحبيبتى متخافيش
حياه بتنزل رجليها وبتبدا تحركهم فى الميا
سيف:تعرفى القهوة بتاعتك بتفكرنى بقهوة امى
حياه:الله يرحمها ياحبيبى
سيف بيطلع رجليها من الميا وبينان وبيحط راسه على رجل حياه وحياه بتلعب فى شعره
حياه:لو حابب تتكلم انا هسمعك
سيف:انا كنت قريب جدا من امى وكنت بحبها جدا وبخاف عليها من الهوا اللى حوليها تعرفى اوقات بابا كان بيغير منى كنا عيله سعيده اوى
بابا كان عنده شركه لاستيراد وتصدير وكان ليه شريك الشريك ده يبقي عمك ياحياه مكنش شريك ابويا فى الشركه بس تقريبا فى كل حاجه كانو قريبين اوى من بعض ومرات عمك كانت اخت لامى مش بس صديقه للعيله وفى مرة بابا عزمهم على مزرعه بتاعتنا نقضي كام يوم هناك وانا وقتها كنت فى كليه الشرطه وامى كلمتنى عشان لو اقدر انزل اجازه قولتها هحاول وهجيلكو على المزرعه وروحو وقضو ايام حلوة وعدى اسبوع وانا اخدت اجازة ونزلت روحت على المرزعه لما وصلت لقيت امى وابويا حالتهم صعبه وحور اختى مش بتنطق انا كنت مستغرب حور اللى مش بتبطل كلام وضحك وهزار ليه ساكته كدا
وسالتهم كتير كانت اجابتهن اصلها ثانويه عامه وخايفه من الامتحانات وكدا انا روحت لغفير بتاع المرزعه وسالته على اللى حصل وحكى ليا ان فى يوم بليل صحو كل اللى المزرعه على صوت صريخ امى وكل نزل يشوف فى ايه وقتها الغفير كان واقف بيسمع من بره وان عمك حاول يقرب من امى وقتها ابويا اتخانق معاه وقاله يلم حاجاته وياخد مراته وابنه ويمشو وكل اللى بينهم هيتنهى
وفى نفس الليله الغفير سمه صوت عياط مكتوب من الاسطبل وراح على هناك يشوف فى ايه لقى الحيوان اللى اسمه اسامه بيعتدى على حور وقتها نادى على ابويا وامى ابويا عرف ان صلاح عمك كان بيلعب فى الحسابات وان الشركه خسرت كتير اوى وتعب جامد ومات وامى مستحملتش حاله حور وموت ابويا واتوفت وحور فضلت السنين دى كلها زى مانتى شوفتيها فى المستشفى استجاباتها كانت قليله اوى وامل شفاها كان ضعيف بس دى هى نهايه عيلتى السعيده ماتو وسابونى وانا الانتقام كان عامينى ولما سمعت اسمك واحنا فى المعسكر قولت خلاص هقدر انتقم من الحقير ده هو وابنه بس طلعتى انتى كمان ضحيه ليهم
حياه كانت بتعيط على وجع اللى عاشه سيف باسته من راسه:كل ده كنت شايله لوحدك ياسيف
سيف:انا محستيش ان الحياه ليها طعم غير لما قابلتك ياحياه ربنا يخليكى ليا
حياه:ويديمك احلى نعمه فى حياتى ياسيف
سيف بيقوم من على رجل حياه وبيشتالها وبينزل الاوضه
حياه:احنا رايحين فين ياسيف خلينا شويا ونبي
سيف:كفايا حزن بقي انتى وحشتينى اوى
وبيدخل الاوضه وبيقفل الباب
_____________
عند ديما بتصحى بتمسك راسها
ديما:اااااااه ياراسي
ديما بتبص حوليها بتكون نايمه على سرير فى اوضه قدامها بحر
ديما بتقوم تقف وبتخرج بتلاقى نفسها فى مالديف
ديما:ده بجد ولا انا بحلم
زين بيحضنها من ضهرها:حقيقه يادمدومه
ديما بفرحه:احنا فى المالديف بجد ب
بتمسك راسها:راسي وجعانى اوى
زين:انا اسف ياحبيبتى
ديما:على ايه
زين:انا حطيتلك منوم فى العصير بتاع الطيارة عشان تنامى ولما تصحى تتفاجئ بالمكان
ديما بتلف وهى فى حضنه وبتحاوط رقبته بايديها:دى احلى مفاجاه مبسوطه اوى وبحبك اوى اوى
زين:وانا عديت مرحله الحب دى بكتير بقيت بعشقك ياقلبي . ايه رايك نخرج نتفرج على الجزيرة وننزل البحر
ديما:ياريت هلبس بسرعه
زين:انا جبتلك مايوهات شرعى كتير ياحبيبتى البسي منهم بقي
ديما:حاضر
ديما بتغير وبيخرجو بيتغدوا سوا وبينزلو البحر وبيقضو يوم جميل وبيرجعو بليل على اوضتهم
زين:ديما فى واحد صاحبي هنا هروح اشوفه واسلم عليه واجيلك عشان انا هموت وانام
ديما:حاضر ياحبيبي
ديما بتدخل تاخد شاور وبتخرج بتفتح شنطتها بطلع قميص نوم اسود
ديما:لازم تعملى كدا هو جوزك حبيبي مش لازم ابعد عنه اكتر من كدا
ديما بتلبسه وبتكون مثيرة جداااا وبتسيب شعرها وبتحط ميكب بسيطه ولبست روب فوقه وبتكون زى القمر وطلبت شويا شموع وورد وبلالين وجهزت الاوضه وفضلت واقفه فى الشباك تستنى زين شافته جاى قلعت الروب وطفيت النوم زين فتح الباب وشاف الشموع والبلالين وديما واقفه فى نص الاوضه تاهه فى جمالها
زين قرب منها وشدها لحضنه:ده كله ليا
ديما هزت راسها بكسوف:ده حقك يازين وانا اسفه انا بعدت عنك
زين:ياحبيبه قلبي كفايه انك معايا ولو مش مستعده استناكى العمر كله ياديما
ديما بتحضن زين:انا بحبك اوى يازين
زين بيبعد عنها:هدخل اخد شاور وراجعلك ياجميل
زين اخد شاور وخرج وهو لابس شورت قصير بس وقرب من ديما وباسها من راسها وشالها وراح على السرير ونيمها وقرب منها لتصبح زوجته قولا وفعلاا
____________
ريم صحت كانت نايمه فى حضن جاسر قامت وراحت واقفت فى الشباك اللى قدامه برج ايڤيل وراحت تصحى جاسر
ريم:اصحى بقي ياجاسر احنا جاييين فرنسا عشان تنام قومى بقي
جاسر:طب نص ساعه كام بس
ريم:ولا ربع وحياتك وفضلت تصحى فيه لحد ماقام ولبسو وخرجو فطروا بره وراحو عند البرج واتصورو صور كتير زى ما ريم عايزة وقضو اليوم كله بيلفو فرنسا كلها
_________________
سليم وملك قاعدين سوا فى مطعم
سليم:ماتيجى نسافر دبي لامى
ملك:فكرة حلوة تصدق
سليم:خلاص هحجز التذاكر ونعملها مفاجاه
ملك:انا موافقه طبعاااا
سليم:لو حابه تروحى مكان تانى انا معاكى
ملك:هو فى حد يطول يسافر دبي يابنى
سليم:ابنك ياملك
ملك:بس انا لما بتحمس لفكرة بتلاقين. شخص تانى فبلاش تركز معايا ممكن
سليم:يعنى لو مركزتش معاكى المفروض اركز مع مين
ملك:معايا بردو هو انت تقدر تركز مع حد تانى مثلا
سليم:لا طبعاااا دانتى روحى قلبي ياملك
ملك:ماتيجى نروح ناكل ايس كريم على النيل
سليم:هنا فى المطعم فى ايس كريم
ملك:لا بحب اكله على النيل وخصوصا مع حبيبى
سليم:ايوا بقي شكلها هتولع
ملك:سليم الالفى بيقول هتولع مش مصدقه
سليم:يلا يلا نمشي
____________________
ليان صحت ونزلت هى ادهم اتغدوا فى الفندق
ادهم:تحبي تروحى فين بقي
ليان:اى مكان معاك حلو
ادهم:انا بقول نرجع اوضتنا احسن ولا ايه
ليان:بطل ياادهم بقي قله ادب بجد عايزة اتفرج على تركيا كلهاا
ادهم:اوكى كل يوم نزور مكان او اتنين قشطااا
ليان:قشطاا اوى
____________________
سليم حجز التذاكر فى نفس اليوم وسافرو وصلو فيلا خالته اللى فى دبي رن الجرس فتحت الخادمه
سليم:سلمى هانم موجوده
الخادمه:ايوا اقولها مين
ملك:قوليلها فى ناس عايزينك
الخادمه دخلت قالت لسلمى وهى استغربت لانها متعرفش حد غير اختها بس فى دبي
راحت عند الباب لقت سليم وملك
سلمى:ياحبايب قلبي وحشتونى
سليم بيبوس ايد وراس مامته:وانتى وحشتينى ياست الكل
ملك حضنت سلمى :وحشتينى اوى ياماما
سلمى :تعالو اتفضلو ياولاد
سليم وملك دخلو وسلمو على خالته وجوزها واولادها وقضو معاهم اليوم
بليل
سليم:احنا هنروح الفندق بقي ياست الكل
سلمى:ماتخليك معانا هنا ياحبيبى
سليم:معلش ياامى بس عشان ملك تبقي اخده راحتها انتى ناسيه هنا فى جوز خالتى وولادها وكمل كلامه بغمزة وهو بيحضن ملك وانا كمان اخد راحتى انا لسه عريس جديد وكدا
ملك اتكسفت
سلمى: بطل قله ادب ياولد كسفت بنتى حبيبتى
سليم:هنبقي نجيلك بردو ان شاء الله وكمان هنرجع سوا مش همشي واسيبك
سلمى:حاضر ياحبيبى
_______________
عدى شهرين والشباب والبنات عايشين احلى ايام حياتهم والبنات على تواصل دايما سوااا وكل واحده فيهم عرفت انها حامل ماعدا ليان طبعااا اللى زعلت انها مش هتكون ام بس فرحت لاخواتها من قلبها واتفقو انهم يعملو مفاجاه لشباب لما يرجعوو ويشوفو رده فعلهم هتبقي ازاى لما يعرفو سواا
____________
سيف نايم وفى حضنه حياه صحى على رنه تلفونه برقم اللوا لطفى
سيف قام قعد على السرير ورد:نعم ياسياده اللوا فى حاجه
لطفى:فى كارثه لازم تكون قدامى النهارده انت وفريقك فى اسرع وقت.....
روايه عندما يقع الوحوش فى العشق
««الفصل ٢٤»»
اللوا لطفى:فى كارثه حصلت فى المقر لازم تكون قدامى انت وفريقك فى اسرع وقت
سيف:خير فى ايه
لطفى:حصل هجوم على المقر وتم تهريب اكرم وكريم واسامه
سيف بعصبيه وصوت عالى:ازاى ده حصل
لطفى:لازم تيجو كلكو وتشوفو المصيبه دى
حياه بتصحى على صوت سيف وتشوف قد ايه هو متعصب
سيف بيقفل مع لطفى وبيكلم مالك
مالك:الو
سيف:حضرتك نايم وحصل كارثه فى المقر
مالك:لسه جيلى الخبر وانا فى الطريق اهو
سيف:الظاهر انى مشغل معايا شويا حمير
مالك:ياسيف انا خلصت ورديتى الساعه ٦ الصبح ومشيت واللى اتسلم حمزة
سيف :مين حمزة ده
مالك:مقدم جديد معانا فى المقر
سيف بصوت عالى:تسيب كل حاجه وتاخد حراسه وتروح الفيلا عندى وعينيك على حور لو حصلها حاجه يامالك تبقي تخلص على نفسك قبل مااوصل فاهم
مالك:متخافيش عليها انا هكون معاها
سيف بيقفل مع مالك وبيلف بيلاقى حياه قاعده على السرير وباين على ملامحها الخوف
سيف:حياه يلا قومى البسي عشان هنرجع
حياه بتوتر:فى ايه ياسيف
سيف بعصيبه:انا بقولك البسي عشان هنرجع وانتى لسه هتسالى
______________
مالك وصل فيلا سيف وكان معاه عدد كبير مش العساكر
حور بتشوف المنظر من شباك اوضتها بتنزل بسرعه وهى مرعوبه وبتجرى على مالك وكانت هتقع بيلحقها مالك
حور بتوتر وجسمها كله بيترعش:فى ايه ايه كل العساكر دى هو سيف كويس رد عليا حصله حاجه
مالك:اهدى ياحور اهدى سيف كويس صدقينى والعساكر دى حمايه ليكى بس متخافيش
حور جسمها فضل يترعش وفجاه وقعت مالك لحقها قبل ماتقع على الارض واشتالها والداده قالته على اوضتها وطلعها وحطها على السرير وجاب برفيوم وحاول يفوقها لحد ما قافت
مالك:انتى كويسه ياحور
حور:اه انا عايزة اكلم سيف ممكن
مالك:سيف هيرجع النهارده متخافيش زمانه فى الطريق الوقت
حور:هو ايه اللى حصل
مالك:مشكله فى الشغل وسيف قالى اجى هنا انا والعساكر عشان احميكى .انتى كويسه
حور:ايواا
مالك:ياشيخه وقفتى قلبي من الخوف عليكى
حور بتتكسف ومش بترد
مالك:انا هنزل تحت مع الرجاله ولو احتاجتى حاجه نادى عليا
حور:حاضر.....
______
سيف بيدخل الاوضه لحياه بيلاقها بتمسح دموعها بسرعه قبل مايشوفها
سيف:انا تحرك باليخت بسرعه عاليه عشان نوصل بسرعه فبلاش تتحركى كتير ومتطلعيش السطح
حياه:حاضر
سيف بيتحرك باليخت وبيبعت رسايل لكل الفريق عشان يرجعووو....
______________
سليم بيكون قاعد وفى حضنه ملك بيوصله رساله بيتعصب:ملك حضرى الشنط بسرعه احنا لازم نرجع مصر
ملك:فى حاجه ياسليم انت متعصب لى
سليم:مافيش وقت يلا بسرعه وانا هكلم ماما تجهز هى كمان
__________
جاسر بيوصله الرساله بيصحى ريم:ريم يلا اصحى بسرعه
ريم:فى ايه ياجاسر
جاسر:لازم ننزل مصر فى مشكله فى المقر ولازم نرجع الفريق كله
ريم:حاضر هحضر الشنط والبس بسرعه
__________
عند زين نايم وفى حضنه ديما بيصحى على صوت رساله بيمسك تلفونه وبيتصدم من محتوى الرساله وبيصحى ديما:ديما ديما اصحى
ديما:فى ايه يازين انت كويس
زين:لازم نرجع مصر بسرعه قومى اجهزى يلا
ديما:فى حاجه حصلت
زين:مشكله فى الشغل لازم نرجع بسرعه
ديما:حاضر
___________
عند ادهم بيكون بيفطر هو ليان فى الفندق بتوصله الرساله بيقوم بسرعه
ليان :فى ايه مالك ياادهم
ادهم:لازم نرجع مصر
ليان:لسه الاجازة مخلصتش فى ايه
ادهم بعصبيه:يلا ياليان انتى لسه هتسالى يلا نحضر الشنط بسرعه
____________________
الشباب كلهم جابو طيارات خاصه عشان يوصلو بسرعه ورجعو مصر وكل واحد وصل مراته على فيلتهم وراحو المقر سليم وصل لقى سيف واقف مع اللوا لطفى والمقدم حمزة اللى دراعه مصاب
سليم:ازاى يحصل كدا
سيف بحركه فهمه سليم:لما باقى الفريق يوصل هنتكلم
سليم عرف ان سيف مش عايز يتكلم قدام حمزة:هما فى الطريق
ادهم وزين وصلو سوا وبعدهم جاسر
سيف:انا عايز الفريق بتاعى يلا عشان نشوف حل فى المصيبه دى
حمزة فهم ان سيف مش عايزه فى الاجتماع
____________
فى المكتب
سيف:انا شاكك فى اللى اسمه حمزة ده
سليم:طب لى بتقول كدا
سيف:حركاته بتقول انه مرعوب من حاجه .جاسر تكلف حد من رجالتنا تمشي وراه عايز اعرف كل حركه بيعملها اكيد هيوصلنا لحاجه
جاسر:تمام يا وحش
جاسر خرج من المكتب
زين:البنات فى خطر لازم نحميهم
سيف:انا حاطط حراسه شديده على الفيلا ومعاهم مالك ممكن نجمع البنات كلهم عندى فى الفيلا
سليم:فكرة حلوة حتى يبقو مع بعض احسن لان ملك لوحدها فى البيت
ادهم:طب والدتك فين
سليم:خالتى تعبت فجاه وامى رفضت تسيبها
زين:وانا جدو سافر مع عمى طارق(والد جاسر) عشان عندهم اجتماع مهم فى شرم وهيفضل هناك اسبوع او اكتر
سيف:تمام روحو بقي هاتوهم على الفيلا عندى
ادهم:الوقت
سيف:ايوا كل دقيقه بتمر خطر عليهم
زين:انا خايف ديما والبنات لما يعرفو انهم هربو هيعملو ايه
سليم:اكيد هيخافو بس احنا معاهم وهنطمنهم يلا
_______________
ادهم وزين وصلو الفيلا كانت ديما وليان قاعدين سوا
زين:ديما ليان حضرو شنط فيها هدوم واى حاجه هتحتاجوها لمده اسبوع او اكتر
ديما:ليه هنسافر تانى ولا ايه
ادهم:لا هتفضلو فى الفيلا بتاعه سيف الفترة دى
ليان:ليه فى ايه
ادهم بيبص لزين ومش عارف يقول ايه
زين:حصل هجوم على المقر وهربو اكرم وكريم واسامه
ديما بتقع كوبايه من ايدها
زين بيمسك ايدها:انتى كويسه ياحياه
ديما:هربو ازاى ازاى يازين اكيد هيخطفونا تانى
ليان مش بتتحرك ادهم بيروح عليها:اهدى ياحبيبتى انتو هتكونو فى امان عند سيف هو حاطط حراسه شديده على الفيلا
ادهم وزين كل واحد بياخد مراته على اوضتها وبيحضرو الشنط وبينزلو يروحو على فيلا سيف
______________
سليم دخل الفيلا:ملك يا ملك
ملك خرجت من المطبخ:فى ايه ياسليم
سليم:حضرى شنطتك عشان هتروحى الفيلا عند حياه الفترة دى
ملك:ليه فى ايه
سليم:ياملك بدون اسئله كتير يلا عشان نتحرك
ملك طلعت حضرت شنطتها ونزلت
سليم:احنا هنعدى على فيلت جاسر نجيب ريم لان هو مش فاضى يوصلها
ملك:حاضر
_____________
جاسر بيكلم ريم فى تلفون:حضرى شنطتك ياحبيبتى وسليم وملك هيعدو عليكى ياخدوكى هتفضلى يومين كدا عند حياه
ريم:ايه كل ده مش تفهمنى الاول ياجاسر هروح عند حياه ليه
جاسر:مافيش وقت حضرى شنطتك وانزلى لان هما فى طريق ليكى
ريم:حاضر
_______________
حياه وحور قاعدين فى الجنينه
حياه:حاسه بخوف غريب سيف كان متعصب اوى
حور وهى عينها على مالك:مالك قال ان فى مشكله فى الشغل يمكن عشان كدا متعصب
حياه بتبص على اللى حور بتبص عليه:مين ده ياحور
حور:ده المقدم مالك
حياه بغمزة:انتى وقعتى ولا ايه ياقمرى
حور اتكسفت:مش عارفه من وقت ماشوفته فى فرحكو وانا بفكر فيه ومش عارفه اشيله من راسي ولقيتنى بدور عليه وبجيب صوره وافضل اتفرج عليهم لحد ماانام ده يبقي ايه ياحياه
حياه:يبقي حب ياروح قلب حياه
حور:مش عارفه بس احساس حلو اوى بس تفتكرى سيف ممكن يوافق
حياه:ميوافقش ليه ياحبيبتى هو صاحبه ولو كويس زى الشباب يبقي هيوافق
حور:بس يمكن هو مش بيحبنى
حياه:بصى كدا عليه عينه عليكى ازاى
حور بتبص على مالك وعينيها بتيجى فى عينه وبتتكسف وبتلف وشها
فجاه البوابه بتتفتح وبتدخل عربيه زين وسليم ومعاهم البنات
حياه:ايه ده دول البنات
بتجرى عليهم وبيحضنو بعض
حياه:وحشتونى اوى
ملك:وانتى اكتر ياحياتى
ليان:بذمتكو مش وحشكو جنانى
ديما:وحشنا طبعاااا
ريم:وحشنى حضنكو اوى
حياه:اومال اى الشنط دى
سيف بيوصل وبيتزل من العربيه :ازيكو يابنات
البنات:الحمدلله
سيف بيحضن حور:عامله اى ياحبيبتى
حور:الحمدلله ياسيف
سيف:انتو هتفضلو هنا مع حياه وحور الفترة دى وممنوع خروج من الفيلا لاى سبب فاهمين
ملك:طب وشغلنا
سليم:ممنوع خروج يا ملك لاى سبب زى ماسيف قال
ريم:احنا دكاترة لازم نروح المستشفى
زين:سيف البنات لازم تعرف عشان يقتنعو انهم يفضلو فى البيت
سيف:كريم واسامه هربو من السجن وانتو فى خطر لازم تفضلو هنا فى البيت تحت حمايتى
حياه بتخاف وجسمها بيترعش لما بتفتكر كلام كريم(انتى بتاعتى وكريم الاحمدى لما بيعجبه حاجه لازم بياخدها)
سيف بيلاحظ خوف حياه بيروح وبيمسك ايدها:اتفضلو فوق الاوض كتير لو حابين كل واحده اوضه ولو حابين تفضلو سوا فى اوضه كبيرة ممكن ننقلكو فيها سراير على عددكم
وبياخد حياه وبيطلع على اوضتهم اول مابيدخل ويقفل الباب حياه بتترمى فى حضنه وبتترعش:هياخدنى زى قال ياسيف هو قالى كدا اكيد هيجى هنا انا خايفه اوى
سيف:اهدى ياحياتى انا معاكى ومحدش يقدر يقرب منك او من البنات وانا هنا
حياه:انت هتفضل معايا مش كدا
سيف:انا والشباب هنروح المقر لازم ندور على الكلاب دول لحد مانجيبهم بس متخافيش مالك هنا ومعاه رجاله كتير
حياه:خد بالك على نفسك عشان خاطرى ياسيف
سيف:ان شاء الله خير ياحبيبتى يلا بقي انزلى للبنات وافضلو سواا وخدو بالكو على بعض
حياه:حاضر
حياه وسيف بينزلو والبنات بيتفقو انهم يفضلو فى اوضه واحده والخدم نقلهم سراير على عددهم فى الاوضه الكبيرة والشباب لسه هيخرجو من الباب
ريم:سيف
سيف والشباب بيلفو:نعم ياريم
ريم:هو جاسر فين ليه مش معاكو
سيف:متخافيش ياريم سيف عنده مهمه بيعملهاوهيجلنا على المقر اول ما يخلص هخليه يكلمك
ريم:حاضر
____________
فوق عند البنات قاعدين متوترين وخايفين
ديما:تفتكرو ممكن يخطفونا تانى
ملك:معتقدش هما عايزين يهربو من السجن مش يخطفونا ويرجعو السجن تانى
ليان:هيعملو فينا ايه اكتر من اللى عملوه بس تعرفو انا نفسي اشوف اللى اسمه اسامه ده عشان اخد حقى منه وانه حرمنى من انى اكون ام وبتعيط
حياه بتروح تحضنها:حبيبتى اهدى الدكتورة قالت ان ممكن يكون فى امل يعنى مش مستحيل
ريم بتدخل الاوضه وبتقعد على السرير:شكل الموضوع مش سهل الشباب متعصبين اوى
ديما:ربنا يحميهم ويرجعو لينا بسلامه
البنات:يارب
حياه بتحاول تنسيهم الخوف وهى مرعوبه:تيجو ننزل نعمل اكل زى زمان لما كنا بنتجمع فى مطبخ سوسو
ملك:ياريت انا ميته من الجوع
ليان:انا سامعه صح ولا ايه ملك جعانه
ديما:انتى ناسيه انها بتاكل ليها ولبيبى
ليان:طب الحمدلله مش هبقي جعانه لوحدى
ريم:يلا نغير وننزل
البنات بيلبسو اسدلات لان فى حراسه كتير فى الفيلا وعشان الشباب لو رجعو وبينزلو المطبخ
حياه:داده امال احنا اللى هنطبخ وحضرتك ارتاحى
امال:لا يابنتى ازاى ميصحش وبعدين البنات ضيوف ازاى يقفو فى المطبخ
ملك:ضيوف مين ياامولا احنا اصحاب بيت
ليان وهى بتقعد على الرخامه:بيت اختنا بيتنا ياحبيبتى
امال:والله انتو بنات زى العسل
ديما:انتى العسل كله ياامولا
امال:طب هتطبخو ايه وانا اساعدكو
حياه:مكرونه بشاميل
ملك:ورق عنب
ليان:شاورما فراخ
ديما:كيكه بشكولاته
ريم:كريم كراميل
امال:ماشاء الله انتو هتاكلو كل الاكل ده
حور بتدخل المطبخ:الله الله ايه اللمه القمر دى
حياه بتقرب من حور:دى حور اخت سيف يابنات .دول بقي اخواتى مش صحابي ياحور ملك وديما وليان وريم
حور:مبسوطه انى اتعرفت عليكوو
ليان:واحنا كمان مبسوطين اننا شوفناكى
ديما:حياه كانت بتحكلنا كتير عليكى وكان نفسنا نشوفك بجد
ملك:كفايه تعارف بقي ويلا ايدك معانا ياحور
حور:هتعملو ايه
حياه:هنطبخ ياحورى
حور:يلا بينا
البنات بيطبخو اكلوكتير وبيخلصو وبيحطو اكل لمالك والحراسه اللى بره الفيلا
حياه:تعالى معايا ياحور نخرج الاكل للرجاله اللى بره
بيخرجو ومالك بيقرب منهم:فى حاجه يامدام حياه ل خارجين بره
حياه:جابين اكل لرجاله اكيد جعانين
مالك:مافيش داعى لتعبكو ده والله
حياه:لا تعب ولا حاجه
وبيبدوا يوزعو الاكل
حياه: لسه مالك واتنين بره ياحور معلش ادخلى هاتلهم
حور:حاضر
حور بتجيب الاكل وبتخرج وبتدى لمالك:اتفضل
مالك:شكرا ياحور
حور:العفو بالف هنا
حور لسه هتمشي
مالك:حور
حور:فى حاجه
مالك:كنت حابب اتكلم معاكى فى موضوع كدا انا عارف انه مينفعش بس هاخد رايك فى حاجه بس
حور:ممكن تقول الوقت لو حابب
مالك:بصراحه كدا من وقت ماشوفتك فى فرح سيف وانا مشدود ليكى اوى وبفكر فيكى على طول كنت عايز اعرف رايك لو فى شعور متبادل اكلم سيف وواجى انا امى ونطلب ايدك من سيف
حور بتتكسف ووشها فى الارض
مالك:يعنى اعتبر سكوتك علامه رضا
حور بتهز راسها باه وبتطلع تجرى على الفيلا
مالك:بعشق امك ياحورى....
&&&&&&
هستنى رايكووو ♥️
روايه عندما يقع الوحوش فى العشق
««الفصل ٢٥»»
حور بتدخل الفيلا بسرعه وهى فرحانه ان مالك بيحبها زى مابتحبه وفجاه الابتسامه بتختفى من على وشها حياه بتشوفها بتقرب منها
حياه:مالك ياحور
حور:مينفعش ياحياه
حياه:ايوا هو اللى مينفعش ياحبيبتى
حور:انى احب واتحب واتجوز تفتكرى لو مالك عرف اللى حصل معايا زمان هيكون رد فعله ايه اكيد هيبعد عنى ياحياه
حياه:ياحبيبتى انتى مالكش ذنب فى اللى حصل زمان وبعدين انتى لسه بنت واكيد مالك هيكون متفهم انك مالكيش ذنب فى ده
حور:بردو ماينفعش لازم يعرف الاول باللى حصل معايا قبل مايتكلم مع سيف
حياه:وانتى اللى هتقوليله ولا سيف
حور:انا... انا اللى هقوله
حياه بتحضنها:هتقدرى ياحبيبتى
حور:لازم يعرف منى عشان مايقولش انى كذبت عليه
حياه:طب تعالى خرجى العصير ليهم واتكلمى معاه
حور بتوتر:حاضر
حور بتخرج بالعصير ومالك بيقابلها وبياخد منها العصير وبيوزع على الرجاله وبيرجع ليها تانى بيلاحظ انها متوترة وخايفه
مالك:انتى كويسه ياحور
حور:كان فى حاجه لازم تعرفها
مالك:طب اتكلمى ايه هى الحاجه دى
حور:انااا انا
مالك:مالك ياحور
حور:انا مش موافقه انك تتقدملى
مالك بصدمه:طب ليه ياحور انتى شوفتى منى حاجه زعلتك
حور:لا انا فر حد تانى فى حياتى انا بس اتكسفت ارد عليك لما اتكلمت معايا انا وانت مننفعش لبعض
مالك واقف مش بينطق وحور سابته ودخلت الفيلا قابلت حياه اترمت فى حضنها وانهارت من العياط
حياه:ايه ياحور رد عليك بايه ردى عليا
حور:انا قولتله احنا مننفعش لبعض وان فى حد تانى فى حياتى
حياه بعدت عنها:ليه كدا ياحور مالك شكله بيبحبك ليه توجعى قلبه كدل
حور:مقدرتش اقوله الحقيقه ياحياه والله مقدرت
حياه:طب اطلعى اوضتك ارتاحى ياحبيبتى الوقت
حور بتطلع وحياه بتخرج الجنينه بتلاقى ديما قاعده سرحانه
حياه:ديما
ديما.......
حياه بتهزها:ديما انتى كويسه
ديما:مش عارفه خايفه اوى حاسه انهم هيدورو علينا ويخطفونا تانى بس وقتها مش احنا لوحدنا اللى هيتاذوو وبتحط ايدها على بطنها
حياه:ياحبيبتى احنا هنا فى امان محدش فيهم هيقدر يوصلنا
ديما:بس دول عصابه ياحياه اللى اسامه لو وصلى مرة تانى مش هيسبنر غير لما
ديما مش بتقدر تكلم وبتعيط والبنات كلهم بيخرجو بره
ليان:بصراحه انا كمان مرعوبه وخايفه اوى
ملك:احنا معانا الوحوش محدش هيقدر يلمسنا
ريم:المرة اللى فاتت كان معانا حراسه بردو وقدرو يوصلو لينا
حياه ودموع فى عينيها:ان شاء الله خير يابنات احنا لازم نسمع كلامهم ومنخرجش من البيت مهما حصل
ملك:بظبط كدا طول ماحنا هنا فى الفيلا احنا فى امان
ديما:احنا لازم كل واحده تقول لجوزها انها حامل
حياه:بالعكس احنا لو قولنا الوقت هنزيد خوفهم علينا احنا نصبر لما يخلصو من مشكلتهم دى ونرجع نقولهم
ريم:حياه عندها حق
البنات بيحضنو بعض وبيعيطو من خوفهم
وبيسمعو صوت عربيات بتدخل البوابه بيكونو الشباب بيشوفو البنات حاضنين بعض وبيعيطو
سيف:انتو كويسين
البنات هزت راسها باه ودموعهم مش بتقف
سيف همس لشباب:انتو مش شايفين هما عاملين ازاى كل واحد ياخد مراته والاوض كتير حولو تطمنوهم
كل واحد مسك ايد مراته وطلع على اوضه
_________________
ريم وجاسر دخلو الاوضه ريم اول ماجاسر قفل الباب اترمت فى حضنه
جاسر:مالك ياحبيبتى
ريم:كنت خايفه عليك اوى ليه مجيتش تاخدنى انت
جاسر:كان عندى حاجه مهمه بعملها ياحبيبتى والله انا كويس قدامك اهو
ريم:هتنام هنا ولا هتمشي
جاسر:اه ياريم هنام معاكو اكيد مش هنسيبكو لوحدكو
___________________
ليان قاعده فى حضن ادهم
ادهم:غريبه يالى لى مش بتتكلمى ليه مش عادتك دى
ليان:احناخايفين اوى ياادهم
ادهم:عارف ياحبيبتى والله واحنا خايفين عليكو اكتر بس هنا امان ليكو يلا ننزل نتعشي معاهم ونطلع ننام لانا هموت وانام
ليان:حاضر
__________
سليم:وانا قولت انتى القويه اللى فيهم اجى اشوفك بتعيطى معاهم
ملك:الى حصلنا قبل كدا مش سها ننساه ياسليم
سليم:واحنا مش هنسمح انه يتكرر تانى ياقلب سليم
ملك:هتنام معايا ولا هتمشو تانى
سليم:لا هنفضل معاكو النهارده
ملك:طب احنا حضرنا الاكل يلا ناكل كلنا سوا
سليم:انا الصراحه جعان اوى
ملك:طب يلا ننزل
سليم شدها لحضنه:لا مانتى قدامى اهووو
ملك فهمت قصده:انت فى ايه ولا فى ايه بطل قله ادب ويلا ننزل
سليم:ماشي ياملاكى بس بردو لازم هحلى لما نطلع
______________
زين اخد ديما فى حضنه وبيهديها:ياحبيبه قلبي والله محدش هيقرب منك ولا من البنات
ديما:خايفه اوى وقلبي مش مطمن
زين:خير والله ان شاء الله يلا ننزل ناكل معاهم ونطلع عشان ننام
ديما:انت هتفضل معايا
زين باسها من خدها:هو انا اقدر انام بعيد عن حضنك
ديما:طب يلا ننزل
__________
حياه واقفه مستنيه سيف يخرج من الحمام بعد شويا سيف خرج لابس بنطلون بس
سيف:انتى كويسه ياحياه
حياه:ايوا كويسه
سيف:حاسس انك تعبانه ومرهقه دايما اليومين دول
حياه بتغير الموضوع:انتو لقيتو كريم واسامه ولا لسه
سيف:لسه ياحياه لسه اختفو كان الارض اتشقت وبلعتهم
حياه:واحنا هنفضل فى الرعب ده لحد ماتلقوهم
سيف:اكيد ياحياه معلش استحملو اليومين دول واكيد هنمسكهم وبعد كدا نعيش حياتنا عادى
حياه:انا والبنات حضرنا اكل وقولنا مش هناكل غير لما تيجو
سيف:طب بتتعبو نفسكو لى
حياه:لا مافيش تعب احنا كنا بنفتكر ايام زمان لما كنا بنتجمع وبنطبخ فى مطبخ سوسو
سيف:تصدقى سوسو وحشتنى اوى
حياه:انا كلمتها وفهمتها الوضع عشان متقلقش علينا
سيف:طب كويس يلا ننزل بقي
________________
الكل نزل اتجمع على السفره
سيف:نادو على مالك يجى ياكل معانا
حياه:احنا هنخرجنا اكل لكل الناس اللى بره
سيف بحده:مين اللى خرج
حياه:ادينا الاكل لمالك وهو وزع على الرجاله
سيف:مش احتا قولنا بلاش خروج بره
حور:ولا حتى الجنينه
سليم:يستحسن الفترة دى تفضلو جوا الفيلا
البنات:حاضر
_____________
ادهم:طب انا هنادى على مالك
ادهم خرج نادى على مالك:يلا بقي عد الجمايل وادعيلى
مالك بحزن:لا مش هدخل
ادهم:انت فيك ايه ياض
مالك:طلع فى حد فى حياتها ياادهم هى قالتلى كدا
ادهم:معتقدش لان حور كانت تعبانه وفضلت فترة طويله فى المستشفى ولسه خارجه قبل فرحنا بايام
مالك:اومال ليه قالتلى كدا
ادهم:الاحسن تتكلم مع سيف وهو هيفهمك
مالك:انت عارف حاجه ومخبي عليا
ادهم:مينفعش انا اللى اتكلم فى الموضوع ده الاحسن ياسيف ياحور واكيد حور مش هتقدر تقولك يبقي فاتح سيف فى الموضوع وهو هيشرحلك
مالك:تمام
_____________
مالك دخل وعينه على حور واللى اول ماشافته حطت وشهل فى الاكل ومرفعتوش تانى
زين:تعالى يامالك كل معانا
مالك:مدام حياه خرجتلنا اكل واكلنا الحمدلله وتسلم ايديكو الاكل حلو
حياه:بالف هنا
سيف:مالك لو حابب ترتاح شويا اطلع ارتاح فى اى اوضه انت من الصبح وانت واقف
مالك:لا فى اوضه بره فى الجنينه هابقي ارتاح فيها هيبقي احسن
سليم بتفهم:ماشي يامالك وياريت لو تجيب رجاله بزياده وتعملو ورديات عشان يرتاحو
مالك:انا قولت كدا لسيف وبكرة الرجاله هيبقو هنا
جاسر:طب اقعد يابنى معانا شويا
مالك:لا انا بره مع الرجاله لو احتاجتو حاجه نادو عليا
وبص على حور اللى عينيها مترفعتش من على اكلها وخرج
ادهم:ممكن سؤال بس يابنات
البنات:اتفضل
ادهم:انتو عاملين الوليمه دى كلها ليه
ليان:كل واحده فينا طبخت الحاجه اللى بتحب تعملها
ملك:كنا بنعيد زكريات الماضي
سليم:ماضي ايه ده
ريم:كنا بنتجمع عند سوسو ونطبخ كلنا سوا
ديما:شوفنا انها فرصه مش هتتعوض تانى اننا نتجمع فى مكان واحد
حياه:عشان كدا طبخنا سوا
جاسر:لا وماشاء الله بيكملو لبعض الجمل
الكل ضحك عليهم
سيف:لا بس تسلم ايدكو الاكل حلوو اوى
حياه:طبعااا احنا عارفين
ادهم:ايه الغرور ده
ليان:مش غرور يابنى دى قدرات واحنا عارفين قدراتنا
حور:عن اذنكو ياجماعه انا هطلع ارتاح فى اوضتى
سيف:انتى كويسه ياحور
حور:كويسه ياسيف والله متقلقش عليا .اصبحو على خير
الكل:وانتى من اهل الخير
خلصو اكل وكل واحد اخد مراته وطلعو اوضهم ونامو من التعب
________________
تانى يوم البنات قامو ملقوش الشباب قامو لبسو الاسدالات ونزلو تحت واتجمعو
حياه:هما الشباب مش هنا
ملك:الظاهر مشو واحنا نايمين
ريم:خرجو من غير فطار
داده امال خارجه من المطبخ:لا ياحبايبى الشباب فطرو وشربو قهوتهم كمان
ليان:شكرا ليكى ياامولا ياعسل
امال:يابكاشه .يلا تعالو عشان تفطرو انتو كمان
البنات فطرو وجهزو الاكل وفضلو يستنو الشباب اتاخرو رنو عليهم محدش رد فاتجمعو وشغلو فيلم وعملو فشار واقعدو يتفرجو على ماالشباب يوصلو
حياه:الساعه بقت ١ وهما لسه مجوش
ملك:اكيد فى حاجه مهمه عسان كدا اتاخرو
حور:طب نسال مالك يمكن يعرف حاجه
ليان:حتى لو يعرف مش هيقولنا
ديما:طب نجرب نكلمهم تانى
ريم:احنا بنرن عليهم من الصبح محدش بيرد علينا
حياه:طب احنا هنفضل قلقين كدا
________________
عند شباب اول ما وصلوا المقر الصبح جالهم اخباريه عن مكان كريم واكرم واسامه جمعوا عدد كبير من العساكر والظباط وركبو العربيات اتجهوا للمكان بعد الساعه وصلو للمكان وحصروه واللي كان عباره عن مبنى قديم في منطقه مقطوعه خاليه من الناس الشباب استغربوا ان مافيش اي حراسه بره المبنى دخلوا المبنى بداو يدوروا فيه وبعد ما دخل عدد كبير من العساكر جوه المبنى سمعو صوت ضرب نار جاي من بره وحصل هجوم شديد على الشباب وفريقهم وبعد فتره من الهجوم ورد الشباب عليهم انسحبو العناصر اللى كانت بتضرب عليهم نار وفجاه سمعو صوت عداد قنبله سيف قرب من المكان اللى جاى منه الصوت
سيف:اخلو المكان بسرعه
السيف لسه ما كملش كلامه والقنبله انفجرت والكل طار فى اثر الانفجار وكانوا في مرحله اللا وعي من اثر الوقعه بعد شويا بداو يفقو وطلعو من المكان وركبو العربيات ورجعو على المقر
سيف:مين اللى نقلو الخبر ده
سليم:المقدم حمزة
سيف: حمزه انا هوريه ازاي يلعب معانا
زين:اللى بيراقبه ملاحظش اى حاجه عليع
جاسر:ده من بيته للمقر ومن المقر لبيته مش بيروح اى مكان تانى ولا حتى بيقابل حد ومحدش عايش معاه كمان
سيف:اكيد بيتواصل معاهم باى طريقه
ادهم:طب انت ليه متاكد كدا انه هو اللى ساعدهم
سيف فتح على اللاب توب فيديو لحمزة وهو بيفتح الحبس لكريم واسامه واكرم وقت الهجوم اللى حصل على المقر
ادهم:طب ماحنا بالفيديو ده نحبسه
زين:احنا لو حبسناه ممكن ميتكلمش ولا يقول هما فين
سيف:صح وانا عايز اوصل ليهم وارجع احبسهم كلهم سوا
سليم:لازم نرجع البيت الساعه بقت ٢ والبنات مش بيبطلو رن وكمان لازم تخيط الحرج اللى راسك ياسيف لانك بتنزف جامد
سيف:تعالو نمشي وهعدى على اى مستشفى اخيطه ونرجع على البيت
_________________
البنات قاعدين في الريسبشن سوا و فجاه بيدخل الشباب بيكون هدومهم متبهدله بسبب الانفجار وفي حروج بسيطه على وشهم وايديهم وسيف راسه ملفوفه بالشاش والبنات واقفه تبصلهم ومش بتتحرك ولا بتنطق
سيف: بص بقى انا عارف ان في اسئله كتير في دماغكم عايزين تسالوها واهمهم ايه اللى عمل فينا كدا والاجابه اللي حصل اننا كنا فى مكان وحصل انفجار
سليم: احنا كويسين والله ومافيش داعى لكل الخوف اللى فى عيونكو ده
زين:احنا بس عايزين ننام ممكن ننام من غير اسئله كتير
كل واحد راح مسك ايد مراته وطلعو على الاوض والشباب اخدو شاور ونامو على السرير
عند حياه قاعده بتبص على سيف وهو نايم ودموعها مش بتقف سيف فتح شافتها قاعده قدامه قام قعد على السرير واخدها فى حضنن وحياه انفجرت عياط
سيف:ياحياه مانا كويس قدامك اهو بتعيطى ليه بقي وعلى فكرة دى حاجه بسيطه خالص ده شغلى والاصابا دى حاجه عاديه انا متعود عليها
حياه بعدت عن حضنه:بس انا مش متعوده ياسيف مش متعوده اشوف اللى بحبهم بيتاذو كدا ولامته هنفضل كدا
سيف:حياه انتى اتجوزتينى وعارفه طبيعه شغلى وانا والله كويسه ياحبيبتى ممكن تهدى وننام لان تعبان بجد
سيف اخدها فى حضنه ونامو
___________
سيف بيصحى على صوته تلفونه بيرن برقم العسكرى اللى فى المقر سيف بيبص فى الساعه كانت ٥ الفجر قام قعد ورد عليه:فيه حاجه حصلت عندك
سيف سمع صوت ضرب نار والعسكرى بيستشهد سيف لبس بسرعه وحياه صحت على صوته
حياه:فى ايه ياسيف مالك
سيف:نامى انتى ياحياه نامى
حياه:انام ازاى وانا شيفاك كدا
قامت لبست الاسدال وسيف خرج ونادى على الشباب وقامو غيرو ونزلو والبنات كلهم معاهم
سيف:ممكن تخرجو من باب الفيلا مفهوم
البنات:حاضر
الشباب خرجو وسيف اكد على مالك يفتح عينه كويس وركبو سوا فى عربيه سيف وراحو المقر
البنات كانو قاعدين على اعصابهم مش عارفين الشباب خارجين متعصبين ليه فجاه بيسمعو ضرب نار بره الفيلا حياه جرت على الشباك شافت عربيات كتير هجمت على الفيلا ورجاله كتير تبع مالك واقعين فى الارض اللى مصاب واللى ميت ومالك بيضرب على اى حد يقرب من الفيلا
حياه:تعالو بسرعه نطلع فوق ونكلم اى حد من الشباب بسرعه
البنات طلعو على اوضه فى اخر دول اوضه زى مخزن كدا وكلها كراكيب واستخبو فيها وكل واحده بترن على جوزها بس للاسف الشباب محد ش فيهم رد
________
عند الشباب لما وصلو المقر كان فى هجوم شديد عليه وبداو يتعاملو معاهم بس الهجوم مش بيقف والاعداد بتزيد مش بتقل والبنات بيرنو عليهم وهما مش سامعين التلفونات
_______
عند البنات
حياه:محدش فيهم بيرد
ملك:الوقت اكيد هيشوفو تلفونات بتاعتهم
ديما:اكيد هما مش كدا
ليان:هيكون مين غيرهم
ريم :استنو هخرج اشوف حد جوا الفيلا ولا
حور:انتى مجنونه خليكى هنا
ريم:هشوف من الباب
ريم فتحت الباب وسمعت صوت رجاله جوا الفيلا قفلت الباب بسرعه بالمفتاح
ريم:بنات تعالو ساعدونى نحط حاجه تقيله ورا الباب
حياه:فى ايه ياريم
ريم:هما جوا الفيلا تعالو بسرعه
البنات كلهم قامو وبقو يحركو حاجات براحه عشان محدش يسمع صوتهم وكانو قاعدين مرعوبين وفجاه سمعو صوت راجل بره
الراجل:فى اوضه هنا كمان
البنات بصو لبعض بخوف......
تعليقات
إرسال تعليق
فضلا اترك تعليق من هنا