رواية قلب حبيبتي الفصل الثالث وعشرون والرابع وعشرون والخامس وعشرون والسادس وعشرون بقلم ماما سيمي (حصريه وجديده في مدونة قصر الروايات)
رواية قلب حبيبتي الفصل الثالث وعشرون والرابع وعشرون والخامس وعشرون والسادس وعشرون بقلم ماما سيمي (حصريه وجديده في مدونة قصر الروايات)
في منزل تالا
بعد رحيل يامن وعائلته جلست تالا علي فراشها تذرف دموعها بصمت أحتضنت قدميها بيديها دافنه وجهها بهما تنوح من لوعة قلبها علي حبيب لم يشعر بحبها له وهجرها للوحده والألم وتركها لتكون من نصيب غيره زادت ضربات قلبها بشده وكأنها تخبرها أن من أحبته يعاني مثلها وأكثر رفعت وجهها وصارت تضرب علي صدرها بقبضة يدها حتي تخرسه عن التمادي في الشعور به
تالا ببكاء: كفاية كفاية بقي حرام عليك كفاية تعذبني عشانه أنت أيه عايزه بعد ما باعك وسابك تبقي لغيره لسه بتحس بيه وبألمه ليه وهو ولا فارق معاه حبك ولا خوفك عليه من النهاردة أنا اللي هتحكم فيك مش أنت اللي هتتحكم فيا مهما تدق مهما تتألم مش هخضع كفايه ذل بقي من النهاردة هسمع كلام عقلي بس مش هسمع ليك تاني ولو أعترضت هحطك تحت رجليا آسر وبابا ميستهلوش مني غير أني أحبهم وأحترمهم واسمع كلامهم بس وان شاءالله هتجوز يامن وهحبه وهعيش سعيده معاه
وكأن كلمات تالا أثارت غضب قلبها فنبض بقوة وصارت ضرباته كا طبول تقرع جعلت تالا تعجز عن أخذ أنفاسها وشعرت بالعجز حتي عن الوقوف وكأن بقلبها يخبرها أنا متواجد بداخلك فقط من أجله هو من أجل حبه ولو تجرأتي علي كرهه أو نسيانه سأجعلك تعانين قبل أن أقف معلنا نهايتكي وموتك فا أنا أحيا بفضل حبه وحبه فقط من يجعلني انبض بداخلك لكي يجعلكي حية تحيي بحبه لا بدونه فهمت تالا رسالة قلبها جيداً ورغما عنها وجدت يدها تتسلل الي هاتفها تفتحه تدق علي رقم هاتفه لكنها لم تجد سوي مجهول يخبرها أنه غير متصل حاليا مما جعلها تتأكد من شعور قلبها به أنه يعاني مثلها أغمضت عينها ورفعت وجهها الي خالقها داعيه له
تالا ببكاء: يااااارب أحميه ونجيه حتي لو مش هبقي من نصيبه مش مهم المهم أنه يبقي موجود في دنيتي بيتنفس الهوا اللي بتنفسه يكفيني يارب أنه موجود حواليا بس وراضيه بأي قدر كتبته عليا لعله خير يارب .
في مرسي مطروح في غرفة مازن
يرقد في فراشه من يراه يظن بأنه نائم بسلام ولكنه في بحر من الصراعات يسبح ينتهي من كابوس ليبدأ غيره والده الذي جاء إليه ليأخذه معه الى دنيا أخري كلها راحة وأمان حيث لا شر لاحقد لا كره لا حسد وهو سعيد يريد الذهاب معه حتي يرتاح قلبه برؤية معشوقته التي هجرته في أحلامه كما هجرت دنيته ليجد تولين أمامه مبتسمه لتأخذ يده من يد والده وتعود به مرة أخرى الي مكان بعيد ليجد تالا تجلس حزينه باكيه لتمسك تولين بيديهما معاً وتجمعهما سويا وهي تشير لقلبها وقلب تالا بان الإثنان واحد ومازن يهز رأسه ويترك يد تالا ليمسك يد تولين لكن تولين تعيد يده مرة أخرى ليد تالا ولأول مرة في احلمهما تهمس له
تولين بوداعه: حبها يا مازن هي أنا وكررتها كثيراً وهي تبتعد عنهما بعد أن جمعت يديهما معاً وصوتها يتردد بداخله (حبها يا مازن هي أنا) ليفزع من نومه صارخا بأسم تولين وهو يشير بيده
فزعت الممرضة علي صوت مازن الصارخ بأسم تولين لتسرع له تهدئه
الممرضة: أهدي يا أستاذ أتفضل أشرب شوية مايه
لكن مازن لم يجيبها ليتسطح مرة أخرى ويعود لغيبوبته مجددا اسرعت الممرضة تهاتف الطبيب الممرضة: الوه ايوه يا دكتور المريض كل حبه يقوم من النوم مفزوع وهو بينادي مرة بأسم تالا ومرة بأسم تولين والعرق مغرقة اكنه دش مفتوح عليه
الطبيب: بصي هو تقريبا في حاجه تعباه نفسيا ده بجانب الحمي هما اللي عملين معاه كدا أنا هبعتلك حد دلوقتي بحقنه هي مهدئة وهتنيمه فتره لغاية أعصابه ما ترتاح ويقدر يتمالك نفسه دي بجانب أدوية الحمي ماشي وان شاءالله الحقنه دي مش هتخليه يتفزع من نومه تاني ويهدا خالص
الممرضة: خلاص يا دكتور ابعتلي الحقنه وأنا هديها له أصله حالته صعبة جدا ً وأن شاء الله لو جدت حاجه هتصل علي حضرتك تاني
الطبيب: ماشي أي حاجه اتصلي بيا على طول
في صباح اليوم التالي في شركة العزيزي يجلس آسر في مكتبه يخطط احدي الرسومات الهندسية طرق يامن باب مكتبه ودخل بعد أن أذن له آسر
يامن: صباح الخير
آسر: صباح النور اتفضل يا يامن
يامن : لو مشغول اجيلك وقت تاني
آسر وهو يضع القلم بجانب اللوح: لأ تعالي أنا كدا كدا كنت هاخد بريك شوية تشرب أيه
يامن: ملوش لازمه أنا كنت جايلك في موضوع مهم
آسر: ماشي تعالى اقعد أنا هشرب نسكافيه تشرب معايا
يامن: ماشي هشرب معاك
وقف آسر يعد النسكافيه في المكينه المخصصة له ثم ملأ كوبان أعطي أحدهم ليامن وجلس بجواره يرتشف من الآخر
آسر: قول يا يامن عايز ايه
يامن: كنت عايز أكتب كتابي علي تالا في أقرب وقت واجهز لها ورقها في السفارة الكندية عشان أديها الجنسية عشان لما نسافر في أي وقت ميبقاش في أي مشاكل في وراقها
آسر: أنت مش قولت أنك هتستقر هنا
يامن: أنا قولت نازل اجازه اشوف الوضع هنا لو عجبني خير وبركة مفيش مشكله لكن أفرض مرتحتش ومخدتش وضعي زي كندا فا اكيد هرجع حتي لو فتره مؤقته
آسر: مش عارف تالا هتوافق علي كتب الكتاب دلوقتي ولا هترفض
يامن مقنعا أياه: بص يا آسر أنا مش هالزم تالا باي حاجه دي مجرد ورقة عشان اديها الجنسية بيها بس والفرح في ميعاده ووعد مني ليك تالا لو جت في وقت وقالت مش عوزاه أنا مش هستني لما تطلب الطلاق أنا هطلقها من نفسي
آسر: ده وعد يا يامن أنا أجبرت تالا علي الموافقة لأنها متعرفكش كويس بس مش معني كدا أني أغصبها علي جوازه هي مش عوزاه أنا قولت بيني وبين نفسي لو لقيتها حبتك وتقبلتك همشي الخطوبة أنما لو لقيتها متأثره نفسيا أنا اللي هفركش الخطوبة حتي لو مش هتتجوز خالص أنا معنديش اعز من تالا فاهمني يا يامن
يامن: فاهمك يا آسر وأوعدك أني مغصبهاش علي حاجه مش عوزاها وأعمل ليها كل اللي يريحها وده وعد مني ليك
آسر: خلاص يا يامن هكلم بابا وتالا النهاردة
يامن: ياريت تخلي الخطوبة وكتب الكتاب مع بعض يوم الخميس الجاي
آسر: أن شاء الله لو بابا وتالا وافقوا نعملهم الخميس الجاي
يامن بسعادة: مش عارف أشكرك أزاي يا يامن أنت عملت فيا معروف كبير
آسر: ياه لدرجادي بتحب تالا
يامن بابتسامة غامضة: جدا فوق ما تتصور
آسر: كدا هبدأ أطمئن علي تالا معاك
يامن مصافحا آسر: أن شاء الله تكون مطمن عليها
في منزل العزيزي
جلست صفية تبكي في بهو المنزل ومريم تحاول تهدئتها
مريم: كفايا عياط بقي يا ماما صغطك علي قوي وممكن يجرالك حاجه
صفية: ياريت أموت ولا أروح في داهية أنا السبب في ده كله
مريم بحزن: بعد الشر عنك يا ماما حرام عليكي متدعيش علي نفسك يا حبيبتي هو أنا ليا غيرك عايزه تسبيني لوحدي
صفية ببكاء وهي تحتضن مريم: أعمل أيه أخوكي بقاله يومين معرفش عنه حاجه وبغبائي ضيعت منه بنت الحلال اللي بيحبها
مريم: متقوليش كدا تاني أولا كل شئ في الدنيا قسمة ونصيب لو مازن له نصيب في تالا هياخدها غصب عن أي حد وأن شاء الله مروان مش ساكت وبيدور علي مازن وأن شاء الله هيلاقيه ويكون بخير
صفية بتمني: يارب يا مريم يارب يطمني علي أخوكي ويكون بخير
مريم وهي تشدد من أحتضان والدتها : أن شاء الله يكون بخير
في منزل تالا
جلس آسر مع والده في غرفة المعيشة يحاول أقناعه بمسألة كتب الكتاب
حسين: ازاي يا آسر لسه قاري فاتحة أمبارح وعايز يكتب الكتاب بعد اسبوع هما لحقوا يعرفوا بعض ولا ياخدوا علي بعض
آسر: دي مجرد ورقة يا بابا عشان الجنسية مش أكتر وبعدين يامن انسان محترم وأبن أصول وده اللي خلاني اوافق على جوازه من تالا
حسين: مش قادر اقتنع يا آسر أحنا بكدا بنظلم تالا
آسر : متخافش يا بابا يامن وعدني أن لو تالا متقبلتوش مش هيستني لما تطلب الطلاق هيطلقها من نفسه ووعدني أنه يحافظ عليها حسين بغير اقتناع: بس يا آسر مش مطمن مش عارف ليه حاسس أن يامن غريب شوية يعني ايه يخطب واحده معرفته بيها سطحية
آسر: بابا يامن سأل علي تالا وعارف أخلاقها وده السبب اللي مخلهوش يتردد في طلب إيدها
حسين بحزن: خلاص خد رأي تالا ومتضغطش عليها سبها براحتها ماشي يا آسر
آسر حاضر يا بابا
آسر : تالا يا تالا تعالي عايزك
جاءت تالا وهي ترسم علي وجهها ابتسامه زائفة
تالا وهي تجلس بجانب أبيها: نعم يا آسر
آسر: بصي يا تالا يامن كلمني النهارده عشان عايز يكتب الكتاب مع الخطوبه عايز القسيمة عشان يعملك بيها ورق الجنسية في السفارة عشان لما تسافري معاه في أي وقت ميبقاش فيه مشكلة قدامكم
قبض قلب تالا ونظرت بخوف لولدها: بس لا آسر أنا لسه معرفوش كويس ازاي هيكتب الكتاب بالسرعة دي
آسر مقنعا أياها: بصي يا تالا كتب الكتاب ده مجرد ورقه بس مش هتلزمك بأي حاجه والفرح في معاده بردو دي مجرد ورقة وعشان أجراءت الجنسية مش أكتر ويامن وعدني أنه لو حس أنك مش عوزاه هو اللي هيسيبك ويطلقك قبل ما أنتي تطلبي
تالا: واخد لقب مطلقة وانا لسه متجوزتش
آسر: يامن أبن حلال وأنا متأكد أنه هيجبرك تحبيه بحبه وأحترامه ليكي قولت أيه
نظرت تالا لوالدها تستشف رأيه لتجده ينظر أرضا بقلة حيلة رفعت نظرها لآسر وقالت
تالا: اللي تشوفه صح أعمله يا آسر وأنا موافقة عليه
آير منهيا النقاش: علي خيرة الله يبقي كتب الكتاب والشبكة يوم الخميس يعني بعد أربع أيام جهزي نفسك يا حبيبتي
لتمر الأيام سريعا ويأتي الخميس ويأتي يامن بعائلته وبالمأذون لكي يقطع خط الرجعة على تالا ومازن ويخطفها منه كما خطف منه تولين من وجهة نظرة لتفيق تالا علي صوت المأذون وهو يقول
المأذون: بارك الله لكما وبارك عليكما وجمع بينكما في خير .
شكراً لكل حبيباتي الغاليين اللي سألوا عني وجزيتم خيراً علي دعواتكم ليا ولاولادي ربنا يخليكم ليا بحبكم في الله
الجزء الرابع والعشرون
في شركة العزيزي بمكتب مروان العزيزي
تلقي مروان أتصالا هاتفيا من كبير مهندسي الشركة المشرف علي بناء القرية بمرسي مطروح يخبره بضرورة ذهابه هو أو مازن لاعتماد ميزانية مالية جديدة لوجود عجز في الخامات وستقف عمليات البناء إن لم يتواجد أحداً منهما استدعي مروان آسر لكي يترك له إدارة الشركة لحين رجوعه من مرسي مطروح
آسر بعد أن طرق الباب ودلف: السلام عليكم ورحمة الله وبركاته
مروان: وعليكم السلام ورحمة الله وبركاته
آسر: خير يا مروان في حاجه
مروان: باشمهندس عبدالله اتصل بيا ولازم اسافر لمرسي مطروح دلوقتي الخامات خلصت وهيوقفوا البني في القرية وهروح أفتح لهم أعتماد جديد وأشرف علي المواصفات القياسية للمباني
آسر بضيق: هتغيب كتير هناك
مروان: مش عارف يا آسر أختفاء مازن لخبطلي الدنيا خالص مش عارف أدور عليه ولا اشوف شغل الشركة
آسر: هيكون راح فين هتلاقيه هو متعمد يختفي يريح أعصابه
مروان: مش مازن يا آسر وأنا تعرف مازن أكتر مني مازن مبيلاقيش راحته غير في الشغل
آسر: هيكون راح فين يعني وتبرر سبب غيابه ده بأيه
مروان: أكيد حاجه غصب عنه هي اللي منعاه وحاجه كبيره جدا
آسر وهو يزفر بقوة: ربنا يستر ويكون بخير
مروان: يارب يكون بخير يا آسر أنا حاسس أنه بيعاني أنا همشي بقي مش هوصيك علي الشركة
آسر: سافر يا مروان شركة العزيزي شركتي قبل ما تبقي شركتكم مش محتاج توصيني عليها
مروان وهو يربت علي كتف آسر: ده عشمي فيك يا آسر طول عمرك أخ يعتمد عليه محتاج مني حاجه قبل ما أمشي
آسر: لأ روح أنت يلا عشان متتأخرش
مروان وهو يغادر: لو احتاجت أي حاجه للشغل كلمني علي الموبايل مع السلامة
آسر: ماشي مع السلامة
في منزل تالا
جلست تالا مع والدها يتناولان الأفطار لاحظ حسين شرود تالا معظم الوقت
حسين: مالك يا تالا سرحانه في أيه
تالا: مفيش يا بابا عادي
حسين: أنا عارف أن آسر ضغط عليكي وغصبك علي خطوبتك وكتب كتابك من يامن بس صدقيني أنا واقف معاكي ولو حسيتي أنك مش متقبلاه أنا هفضل ورى آسر لغاية ما يوافق أنه ينهي الحكاية دي أنا مردتش أقف قصاده لأن أحنا غلطنا لما خبينا عليه من الأول وعذرته في رد فعله لكن لما يوصل الامر لسعادتك وحياتك لأ أنا هقف له ولأي حد متخافيش يا حبيبتي أنا ضهرك وسندك وامانك بعد ربنا
تالا وهي تربت علي يد أبيها: تسلميلي يا حبيبي وربنا يخليك ليا متحملش همي أنا هعرف أقلم نفسي علي وضعي الجديد يمكن أنا كنت غلط لما مشيت ورى قلبي من الأول وربنا عمل كدا عشان ارجع لعقلي وعن الطريق اللي كنت ماشية فيه وأنا مش عرفه له نهاية صدقني يا بابا أنا راضية باللي ربنا كتبه ليا وفي الآخر منملكش غير أننا نقول لعله خير وندعي ربنا أنه يهيئ لينا من أمرنا رشداً
حسين بأبتسامة حانية: ربنا يسعدك يا حبيبتي ويكتبلك كل اللي بتتمنية
تالا: ربنا يخليك ليا يا نور حياتي كلها
في مرسى مطروح
وصل مروان من المطار رئسا لموقع أنشاء القرية اشرف علي الأبنيه التي شيدت واطمئن علي تطبيقهم للمواصفات القياسية في عمليات الانشاء وجلس مع المهندس المسؤل عن بناء القرية
مروان: ممتاز جداً يا باشمهندس عبدالله الخراسانات وبني الطوب زي المطلوب وأفضل حقيقي حاجه تشرف وترفع الراس باشمهندس مازن مغلطش لما أختارك أنت بالذات لأنك قد المسؤولية وعندك ضمير في شغلك
عبدالله: ربنا يحفظك يا باشمهندس وحقيقي سعيد في ثقتكم فيا وأن شاء الله نبارك لما القرية تخلص وتحوز علي رضا كل الشركاء
مروان: أن شاء الله أنا فتحت ليك إعتماد جديد وزودت المبلغ كمان عشان لو جدت أي ظروف ومقدرتش أجي قريب
عبدالله: ماشي يا باشمهندس كدا أحسن عشان الشغل ميعطلش زي المرة دي
مروان: هو أنتم مشفتوش باشمهندس مازن أنت أو أي حد من اللي شغالين هنا
عبدالله: لأ يا باشمهندس أحنا لو شوفناه كنت أتصلت بحضرتك نطلب فلوس كنا هنطلب منه طبعا دا حتي تليفونه مقفول بس حضرتك بتسأل ليه هو باشمهندس مازن راح فين
مروان:مشغول شوية في شوية مشاكل في الشغل بيحاول يحلها بعد أذنك هروح الفندق أرتاح شوية لسه عاوزين مني حاجه هنا
عبدالله مستغربا: لا شكرا يا باشمهندس مع السلامه
مروان وهو يغادر : الله يسلمك
ذهب مروان للفندف وصعدا غرفته ودخل فراشه بعد أن أخذ حماما دافئاً عله يزيل عنه قليلاً عبئ العمل والحياة سرعان ما غطى في نوم عميق
في منزل العزيزي
جلست صفية مريضة طريحة فراشها بعد معاناتها في غياب مازن دلفت أليها مريم وهي تحمل في يدها صنية بها طبق حساء الخضار علها تفلح في جعلها تتناول أي شئ يقيم صلبها فهي ممتنعه عن تناول الطعام من فرط حزنها علي ما تسببت به لمازن من حزن وألم دون قصدها
مريم: يلا بقي يا ست الكل عملت ليكي طبق شوربة خضار تحفة عشان تدوقيه
صفية ببكاء: مش وأكله ولا شاربه غير لما اطمن علي أبني الأول أنا حاسه با أبني تعبان قلبي واكلني عليه قوي
مريم بتمني: أن شاء الله مازن كويس صدقيني هو بس حابب ينفرد بنفس ممكن يكون بيراجع نفسه ويراجع حساباته ويعرف أن اللي أنتي كنتي ناويه تعمليه عشانه من كتر حبك وخوفك عليه مش اكتر
صفية : واللهي فعلا كنت خايفه عليه بس خلاص مش هدخل في حياته تاني وهسيبه برحته بس أشوفه قدامي حلو مفيهوش حاجة
مريم: أن شاء الله قريب جدا هتشوفيه كويس وزي الفل بس كلي عشان لما يجي يلاقيكي حلوه عشان ميزعلش من نفسه عشانك
صفية ببكاء وهي تبعد طبق الطعام: مش قادره أكل مليش نفس
مريم برجاء: عشان خاطري أنا يا ماما حرام عليكي نفسك ضغطك وسكرك عالي أنتي كدا بتنتحري بالبطيئ
صفية: أنا عايزه أموت من عذاب الضمير اللي أنا فيه خلاص مش قادرة أنا اللي اسببت في ضياع مازن وتالا
زادت صفية في البكاء عجزت مريم عن تهدئتها شعرت صفية بخفقان قلبها ببطئ وشعرت بدوار عظيم وكأن الغرفة قلبت رأساً على عقب ثم غلفها الظلام من كل جانب صرخت مريم وهي تحاول أفاقتها جاء يامن مسرعا علي صوت صراخ مريم وجد صفية غائبه عن الوعي بوجهاً مصفرا اسرع يهاتف الطبيب يستدعيه من أجل اسعافها وبعد وقت قليل جاء الطبيب وفحصها وجلس بجوارها يدعمها بالمحاليل الغذائية مضاف إليها عدة أنواع من الأدوية التي تعمل على تخفيض مستوى السكر والضغط
يامن بقلق: خير يا دكتور عمتي مالها
الدكتور بغير رضا: دي تاني مرة أجي ليها في اسبوع المرة اللي فاتت قولت ليكم تبعدوها عن الزعل والعصبية وتهتموا بالدوا بتاعها لكن واضح أنكم أهملتوها واهملتوا أكلها السكر عالي جدا معدي ٤٠٠ والضغط كمان ١٨٠/١٢٠ لو فضلت علي الحال ده أسف ممكن يحصل جلطة ياريت تشوفوا هي زعلانه ليه وتحاولوا تحلوا المشكلة دي
يامن بحزن: حاضر يا دكتور أن شاء الله هناخد بالنا منها ونحاول نخليها تخرج من حزنها ده في أقرب وقت أن شاء الله
الطبيب: بتمني ذلك عشان حالتها متسؤش أكتر من كدا
يامن بشرود : أن شاء الله
في مرسي مطروح
وقف مروان ينهي أقامته بالفندق بعد يومان قضاهما في متابعة العمل بالقرية أعطى بطاقتة الائتمانية لعامل الاستقبال ووقف ينتظره سمع صوت بجانبه يناديه
مدير الفندق: مروان بيه العزيزي
مروان ملتفتاً له: أيوه أنا خير
مدير الفندق: حضرتك مش فاكرني أنا محي ابو النجا مدير الفندق
مروان متذكرا اياه: أه افتكرتك أسف مخدتش بالي في الاول
محي: ولا يهمك يا باشا أنا كنت بس عايز اقولك أن مازن بيه هنا بقاله أكتر من عشرة أيام
مروان وهو يمسكه من يده بقوة: بتقول ايه مازن هنا......هنا فين أتكلم
محي وهو يشير للمصعد: أتفضل وأنا هطلعك ليه دا كانت حالته وحشة خالص كان عنده حمي وحالته النفسيه وحشه جدا بس أنا مسبتوش جبتله أحسن دكتور هنا في مطروح وممرضة الحمدلله بقي احسن كتير لسه يدوب فايق أمبارح العصر والعربية بتاعته أنا ركنتها في جراش تبع الفندق
مروان وهو يغادر المصعد: أنا مش عارف أشكرك أزاي بجد أنت عملت فيا معروف أنك وقفت جانب مازن وأن شاء الله ليك عندي هدية قيمة جداً نظير وقفتك معاه في تعبه
محي بفرحة: ولا شكر ولا حاجه أنا معملتش غير الواجب اللي يحتمه عليا ضميري
مروان: ياريت كل الناس زي حضرتك أنت أنسان خلوق ومحترم
محي: ربنا يخليك ده من أصل حضرتك أتفضل من هنا
طرق محي الباب ودلف الي داخل الغرفة ومروان خلفه ليجد مازن يرقد بالفراشه يستند بظهره الي ظهر التخت وهو ينظر أمامه بشرود خلع قلب مروان علي هيئة مازن وجهه شاحب كثيرا ونمت لحيته بشكل كبير وهالات سوداء تحيط عيناه وشعره مشعث
جري مروان عليه جلس بجانبه يحاوطه بذراعيه ويدفن وجهه في كتف مازن
مروان بحزن: مالك يا مازن أيه يا حبيبي اللي جابك هنا بس وعامل في نفسك كدا ليه
مازن: ___________________
مروان: أنت لسه زعلان مني بس خلاص أطمن الموضوع أتحل خلاص وانت مش ملزم بحاجه
مازن: ___________________
مروان لمحي: لو سمحت يا أستاذ محي ممكن تشوف ليا حلاق بس يكون شغله ممتاز ماشي
محي: حاضر نص ساعة ويكون هنا بعد أذنكم هروح أشوفه واجيبه معايا
مروان: ماشي بس ياريت متتأخرش
التفت مروان لمازن: قوم يا مازن عشان تاخد حمام قبل الحلاق ما يجي
مازن: أنت جيت أمتي وعرفت أني هنا أزاي
مروان :أنا هنا من يومين جيت عشان باشمهندس عبدالله طلب اعتماد مالي جديد للقرية وانا كنت بنهي حسابي هنا عشان راجع القاهرة المدير قابلني وقالي أنك موجود من عشرة أيام
مازن: الشغل ماشي أزاي في الشركة وهنا
مروان مطمئنا أياه: كله تمام هنا أنا ظبطت كل حاجة وهناك آسر مظبط كله متقلقش
مازن وهو يحاول النهوض من الفراش لكن ألم عضلاته المتيبسه ودوار رأسه وقفا حائلا بينه وبين نهوضه من نومته لاحظ مروان ذلك فا مدا له يده نظر مازن له وشجعه مروان بنظراته تمسك مازن بيد مروان محاولا النهوض مرة أخري أنزل قدماه وحاول الوقوف ترنح جسده بضعف وكاد أن يسقط لكن ذراع مروان لحقت به حتي اعتدل مجددا وسار ناحية المرحاض بمساعدة مروان ودلف داخله تمالك نفسه ونزع ملابسه ووقف تحت المياه علها تزيح ذلك الوهن المتملك منه خرج بعد فتره مرتديا برنس الحمام وجد مروان يقف له أمام باب المرحاض مد مروان له يده يستند عليها لكن مازن تجاهله وسارا حتي جلس علي الأريكة بتعب مريحا رأسه علي ظهرها لحظات ودق الباب ودلف المدير ومعه الحلاق
محي : أنا جبت ليكم احسن حلاق في مطروح عم مرزوق أنا بحلق عنده علي طول
مروان: شكراً ليك جدا يا أستاذ محي أتفضل يا عم مرزوق عاوزك تحلق ليا لباشمهندس مازن كدا وتظبطه
مرزوق وهو يتوجه ناحية مازن: حاضر يا بني وانت يا باشمهندس اتفضل علي الكرسي هنا عشان أعرف أحلقلك براحتي
أومئ له مازن ناهضا من مكانه جالسا علي المقعد بألم وبدأ العم مرزوق عمله في تهذيب شعره ولحيته
وقف مروان مع محي جانبا : أستاذ محي ممكن تبعتلي طبق شوربة خضار بالفراخ وتوست اسمر لو سمحت
محي: حاضر ثواني هيكونوا عندك حاجه تانيه
مروان : لأ شكرا جدا لحضرتك على تعبك معانا
بعد قليل انتهي عن مرزوق من عمله بناء علي توجيهات مازن وغادر الغرفة بعد أن أكرمه مروان بمبلغ مالي كبير وجاء عامل الفندق بالطعام رفض مازن تناوله لكن تحت إصرار مروان تناول بعض منه ثم قام الي المرحاض مرة أخري وخرج منه وهو يرتدي كامل ثيابه وتوجه الي الكمود بجانب الفراش مخرجا هاتفه وحافظة نقوده وسلسال مفاتيحه ونظارته مرتديا أياها
مازن: يلا بينا عشان منتأخرش لسه الطريق قدامنا طويل
في طريق العودة إلي القاهرة دق جرس هاتف مروان برقم مريم أجابها مروان مسرعا فهو نسي مهاتفتها منذو صباح أمس لانشغالها في أعمال القرية
مروان: حبيبتي أسف جدا أنشغلت عليكي متزعليش مني
أتاه صوت مريم الباكي مما زاد قلقه عليها
مروان : أهدي يا حبيبتي وفهميني بتقولي أيه
مريم ببكاء: ماما تعبانه قوي يا مروان اغمى عليها دلوقتي والدكتور بيقول ضغطها وسكرها عاليين جداً أتصرف يا مروان وشوف مازن فين ماما مش هتخف غير لما تشوف مازن قدامها
تناول مازن الهاتف من مروان بعد أن استمع الى حديث مريم
مازن: أهدي يا مريم أنا مازن ماما مالها قوليلي الحقيقة
مريم وقد زاد بكائها: مازن حبيبي أنت فين وحشتنا قوي أرجوك يا مازن تعالى بسرعة ماما تعبانه قوي ومحتاجاك عشان خاطري
مازن: حاضر يا حبيبتي أنا ومروان جايين في الطريق خالي بالك من ماما صفية وعرفيها أني جاي ليها كام ساعة واكون عندكم أن شاء الله
مريم بسعادة وهي تمسح دموعها : يارب تيجوا بالسلامة يا حبايبي
انهت مريم الاتصال مع مازن والتفتت مريم الي صفية وجدتها قد بدأت تستعيد وعيها فابتسمت وهي تجلس بجوارها وتدلك لها ذراعها
مريم: ماما حبيبتي سمعاني
صفية وهي تهمهم : مازن هاتولي مازن
مريم بسعادة: مازن جاي في الطريق من مطروح مع مروان لسه مكلمني وقالي طمني ماما وقولي ليها كلها كام ساعة وتلاقيه قدامك
صفية بأعياء: بجد يا مريم مازن بخير وهيجي اشوفه تاني
مريم وهي تتمدد بجانب والدتها تحتضنها بشدة: بجد واللهي يا ماما مازن كان في مرسي مطروح وجاي عشان خاطري فوقي بقي عشان ميزعلش لما يلاقيكي بالشكل ده
صفية بأجهاد: حاضر يا حبيبتي بس الصداع ده يروح مني وهبقي حلوه عشان مازن ميزعلش ربنا يخليكم ليا يااااارب.
الجزء الخامس والعشرون
في منزل العزيزي
دخل مروان الي حديقة القصر بالسيارة ، فترجل مازن منها مسرعا ، ومشي يعدو الي داخل المنزل ، واسرع الي غرفة والدته ، جلس بجوارها علي الفراش يأخذها بأحضانه وهو يبكي علي الألم الذي تسبب به لها ، رفعت صفية وجهها تنظر له بأشتياق كبير وكأن عمرا طويلاً مرا دون أن تراه هالها شحوب وجهه وهزل بنيته ، بكت أيضاً على ما تسببت به من ألم له، ظل مازن يحتضنها وهما يبكيان سويا ، شاركهما في البكاءمريم ومروان أيضاً في البكاء تأثراً برد فعلهما ،
ربت مازن علي ظهر والدته وسار يمسح عليه صعودا وهبوطا وهو يطيب خاطرها بكلامه .
مازن: حقك عليا أنا يا ست الكل أسف أني كنت السبب في زعلك وتعبك
صفية: أنا اللي أسفه يا حبيبي ونور عيوني أني مفهمتكش وضغطت عليك تعمل حاجه غصب عنك متزعلش مني
مازن وهو يقبل رأس والدته: لا يا أكبر نعمة في حياتي كلها متتأسفيش أنتي مش غلطي أنا اللي غلطان بس صدقيني أنا لو مكنتش تعبت بعد ما روحت مطروح كنت رجعت تاني ونفذت كلامك حتي لو غلط لأني عارف أن مفيش حد هيحبني قدك ولا يخاف على مصلحتي قدك أنا حقيقي أسف
مريم بتأثر: يعني أنت مش زعلان مني أنا ومروان يا ميزو
مازن وهو يفتح ذراعه الأخرى لها: تعالي في حضني الأول عشان وحشتيني قوي يا روح قلبي .
أرتمت مريم بحضنه ، قبل مازن رأسها وهو يشدد من أحتضانه لها
مازن: أنا عمري ما أزعل من حد منكم أنتم كل اللي ليا في الدنيا ربنا يخليكم ليا وميحرمنيش منكم أبدا
صفية وهي تقبل وجنته: ربنا يخليك أنت ومريم ومروان ويامن ليا ويجعل يومي قبل يومكم
مازن: ربنا يخليكي لينا لغاية ما تشوفي أحفادك وتفرحي بيهم كمان
مريم ومروان معا : أمين يارب العالمين
مازن وهو يضع يده على بطن مريم: أن شاء الله أول حفيد لعيلة العزيزي حيوصل أمتي
مريم وهي تضع يدها فوق يده: أن شاء الله كلها أربع شهور الأ كام يوم وتلاقيه بيوءوء ليك هنا عشان تشيله ويزهقك في عيشتك
مازن بضحك : بس يشرف هو حبيب خالو وأنا هشهيصوه حب ودلع وكل حاجه ملكيش دعوه أنتي
مريم: ربنا يبارك فيك يا قلبي
مازن متنحنحا: ماما مروان مريم أنا قررت أني أخطب تالا بناء على رغبتكم
نظر الثلاثة لبعضهم بحيرة أخرست ألسنتهم فلم يقوا علي النظر بوجهه فا بقيت نظراتهم مسلطة لأسفل
استغرب مازن من حالة جمودهم الصامت المسيطر عليهم فسأل والدته
مازن : في حاجه يا ماما
صفية:___________________
مازن ناظراً لمريم ومروان: هو في حاجه يا مروان أنت وأنا معرفش
مازن : في حاجه يا مريم
صمتت مريم بينما تلجلج مروان في حديثه
مروان : أ اااا أص .... أصل
يامن والجاً من الباب بعد أن استمع الي اخر حديثهم: أه فيه يا مازن فيه أن تالا بقت مراتي
صدمة أحتلت مازن قلبا وقالبا ، غير مستوعب ما نطقه يامن تواً عن أي زواج يتحدث ، يامن تزوج تالا ، رددها بداخله كثيرا عله يتقبلها ، حتي يترجمها له عقله ، فيفهم معناها جيدا ، حالة من الجمود سيطرت عليه أيضا ، وشرد بعيدا عنهم بخياله ، يتذكر كلمات الحب التي كانت تغدقها به تالا ايعقل أن تكون كاذبة الي هذه الدرجة ، أكانت تتلاعب به وبمشاعره وعندما صدها ، أتجهت ليامن صار يهز رأسه يميناً ويساراً ،
تجمعت الدموع بعينيه وهددت بالنزول أمامهم ، فقام منتفضا من جلسته بجانب صفية ، لكي يختلي بنفسه يذرف الدموع علي جرحاً جديد وفراق جديد أيضا ،
تمسكت صفية بيده ترجوه أن يجلس حتي توضح له حقيقة ما حدث ، ترجتها عينيه أن تتركه حاليا فهو لن يحتمل أن يبكي أمام أحدا منهم فراق حبيبه مجدداً ،
فهمت والدته توسلات عينيه تركت يديه سار مسرعا خارج غرفة والدته ، الي سجنة ومكان عزلته الي غرفته المكان الوحيد الذي شهد علي ضعفه وبكائه علي حبيبه فارقته رغما عنها ، واليوم سيشهد هذا المكان بكائه مجددا علي حبيبه أخري فارقته لكن بأرادتها ،
دخل مغلقا الباب خلفه وجلس ورائه يبكي علي حياه ضاعت منه قبل أن يعيشها أو يخطو خطوة واحدة بداخلها
في غرفة صفية
مروان منفعلاً علي يامن: في أيه يا يامن داخل علينا كدا حتي مفيش سلام عليكم أيه يا أخي راعي أننا كنا طالبين أيد تالا لمازن كنت استني لما نفهمه أيه اللي حصل
يامن: عاوزني استني ايه يا مروان لما ياخدك وتروحوا تتقدموا فعلا لمراتي
مروان بغضب: أنت أيه مبتفهمش مخك وقف خلاص ومين هيسمح أنه يروح يتقدم لواحده مكتوب كتابها أنا بقولك كنا هنفهمه اللي حصل براحة بس أنت زي ما تكون قاصد أنك تجرحه وتحسسه أنك خطفت منه تالا
يامن بانفعال: أنا مخطفتش تالا هو اللي مرضاش بيها يبقي يتجرح ليه ولا يزعل ليه أصلا
صفية بحده: خلاص أنتوا الأتنين كفايا هتتخانقوا وانا قاعده
مروان مستغفرا: استغفرالله العظيم أنا أسف يا ماما صفية
يامن : أسف يا عمتي بس كلام مروان نرفزني
صفية: ياريت كل واحد يروح أوضته يلا يا مريم خدي جوزك وروحوا اوضتكم جوزك راجع من طريق طويل وعايز يرتاح وأنت يا يامن روح أوضتك دلوقتي وسبوني عشان ضغطي ميعلاش عليا تاني .
أنصرفت مريم ومروان الي غرفتهما ويامن ايضا ، حاولت صفية النهوض من فراشها واستقامت بصعوبة متغلبه علي دوارها وسارت خارج غرفتها وهي تستند علي الحائط حتي وصلت إلى غرفة مازن ، دقت بابها وهي تنادي علي مازن بصوت منخفض بعض الشئ لا تريد أن يسمعها أحد
صفية: مازن حبيبي رد عليا
لم يأتيها رد مازن ، فأعادت النداء عليه مرة أخرى وصوتها متحشرج بالبكاء
صفية: رد عليا يا قلب أمك أنا السبب أنا اللي غلطانه أني استبقت الاحداث بس كنت عايزه أفرح بيك واطمن عليك زي كل أم عايزه تتطمن علي ضناها حقك عليا يا نور عيوني ،
فتح باب الغرفة ليظهر مازن من خلفه بعيون صارت مثل الجمر المشتعل من كثرة ما ذرفت من دموع ، دخلت صفية مغلقه الباب خلفها ثم أخذت مازن في أحضانها تمسد علي ظهره ، عانقها مازن كطفلاً صغير يحتاج إلى حضن وحنان والدته يتلمس فيها الدواء لجرحه الذي فتح من جديد معلنا بداية عذاب جديد ،
جلست صفية علي الأريكة وهي تجلس مازن معها لكي يهدأ وتستطيع أن تسرد له ما حدث صفية: اسمعني يا مازن كويس في اللي هقوله صحيح أن يامن كتب كتابه علي تالا بس تالا بتحبك أنت وعايزاك أنت صدقني يا حبيبي أنا ست وميفهمش الست إلا ست زيها اللي حصل أن آسر أخوها هو اللي غصابها لما حس أنك مش عايز تالا واحنا فرضناها عليك فحب يبين للكل أن أخته غاليه ومش هيسمح أنها تبقي مفروضه علي حد مهما كان
مازن: خلاص يا ماما الكلام دلوقتي ممنوش فايده اللي راح راح وربنا يسعدها مع اللي أختارته بمزاجها
صفية: حرام عليك يا حبيبي متظلمهاش هي عليه غصب عنها
مازن بحده: كان المفروض ترفض وتقف قدام الدنيا كلها وتقول لأ لو بتحبني زي ما كانت بتقول
صفية بهدوء: عارف يا مازن تالا كان ممكن تقف قدام الدنيا كلها وتقول لأ بس لو شافت منك أي أمل تصبر نفسها بيه تدي روحها بيه طاقة إيجابية بس ازاي هتقول لأ وأنت كنت بتعملها أسوء معاملة عشان تبعدها عنك لأنك خايف تقع في حبها البنت مشفتش منك غير الكره يا مازن وجيت أنت كملت علي أخر أمل باقي عندها وخذلتها ومروحتش معانا لما روحنا نخطبها ليك
مازن بندم وهو يحتضن وجهه بكفيه: أنا مخذلتهاش لروحها يا ماما أنا خذلت نفسي كمان لما ضيعت حب صادق كان ممكن يطيب جراحي
صفية بحزن: أن شاء الله ربنا يعوضك بأحسن منها وبكرة تقول ماما قالت
مازن ناهضا من مكانه: مفتكرش يا ماما أنا خلاص قفلت باب الموضوع ده نهائي
أتجه مازن الي حمام غرفته وخرج منه بعد أن أزال أثار البكاء من وجهه بالماء وأرتدي سترته وأخذ سلسال مفاتيحه وخرج من غرفته دون كلام ، اسرعت صفية خلفه
صفية: رايح فين تاني يا مازن
مازن مطمئناً أياها: متخافيش يا ماما رايح مشوار كان لازم أعمله من زمان لازم اريح ضميري عشان ارتاح من عذابه ليا
غادر مازن بسيارته محيط قصره وصفية تنظر في أثره من شرفة غرفتها وهي تدعوا له
صفية: يارب ريح قلبه واكتبله الأحسن عندك يارب أنا راضية عنه فا ارضي عنه يا الله
في منزل تالا
وقفت تالا بغرفة أعداد الطعام بسعادة لا تعلم مصدرها فقط تشعر أنها سعيده قلبها يخبرها أنه بخير وهذا كل ما تريده حاليا فقط يبقي بخير ،
دخل والدها عليها وهي تضع الطعام علي الموقد وأبتسامة عريضه تزين ثغرها تعجب حسين كثيرا فهي لم تبتسم هكذا منذو فترة كبيرة ، التفت تالا لتحضر وعاء الملح وجدت والدها يقف خلفها شاردا وهو يتأملها ، فرقعت تالا بأصباعيها أمام وجهه
تالا: مالك يا سونسن واقف سرحان كدا ليه
حسين منتبها لها: مفيش أصلي شايفك مبسوطة وسعيده كدا ودي أول مرة أشوفك سعيدة من فتره طويله
تالا بخجل: مفيش يا بابا أفتكرت حاجه فرحتني
حسين: ويا تري أيه هي الحاجة دي يا تري
تالا بكذب: أفتكرت ماما الله يرحمها لما كانت بدخلني معاها المطبخ
حسين متفرسا وجه تالا: ميزتك أنك مبتعرفيش تكدبي يا تالا بس أنا هعديها بمزاجي طالما مش عايزه تتكلمي
تالا : صدقني يا بابا مفيش حاجه غير كدا
حسين: ماشي يا تالا مصدقك قوليلي بقي عماله لينا أكل أيه
تالا: بسلة ورز بشعرية ولحمة وسلطة وشوربة شوفان
حسين: الله الله ايه الإبداع ده كله تسلم ايدك يا حبيبتي
تالا بأبتسامة: تسلميلي يا حبيبي ساعة واحدة والأكل يجهز
حسين: ماشي اعمليلي القهوة بتاعتي من فضلك وهاتيها ليا في الصالة
تالا: خمس دقايق وتكون عندك يا سونسن
حسين وهو يغادر الغرفة: يا بت عيب سونسن دي أنا كبرت علي الدلع ده
تالا: عمرك ما هتكبر علي دلعي أبدا يا سنسونه ياقمر أنت
حسين: ماشي يا توتي يا حبيبتي بسرعة هاتي القهوة
تالا: حالا اهوه في ثانية
في احد الكافيهات المطلة علي النيل جلس يامن وآسر يحتسيان مشروبهما البارد
آسر: خير يا يامن في أيه اتصلت عليا جبتني من الموقع علي ملي وشي أيه اللي حصل
يامن: أسف بحسبك خلصت شغل قولتاتصل عليك تقعد معايا نشرب عصير فرش سوي
آسر: يامن من غير لف ودوران قول في أيه
يامن زافرا بقوة: أنا عايز أعرف تالا لما باجي عندكم بتقعدش معايا لروحنا ليه مش عارف اتكلم معاها كلمتين علي بعض دي حتي بترفض تسلم عليا وأنا جوزها
آسر : اسمعني كويس يا يامن تالا أختي خجوله جدا وهتاخد وقت لغاية ما تاخد عليك فا واحده واحده وبعدين يا سيدي الكلمتين المحشورين في زورك ليها أجلهم لبعد الجواز عشان أنا مش هسمح بانفراد ما بينكم حتي وانت كاتب كتابها
يامن بغيظ: تصدق قفلتني منك بعد محشورين في زورك دي قوم ياض من هنا قال وأنا اللي جايبك تعقل أختك وتقنعها نخرج سوي ولا تقعد معايا لوحدنا طلعت أفظع منها تلاقيك أنت اللي مواصيها
آسر بضحك: أي خدمة يا كبير هو أنا ليا بركة إلا أنت
يامن بغيظ: تصدق بالله كلمه كمان وهحدفك في النيل فاهم
آسر كابتنا ضحكه: حاضر خلاص مش متكلم
يامن بخبث: علي فكرة عمتي عيانه ولازم تالا تيجي تزورها ولا عايز عمتي تزعل منها
آسر: أيه طب ما قولتش من زمان ليه وأحنا كنا زورناها
يامن: أديني قولتلك أهوة
آسر: ماشي هجيب تالا واشوف بابا لو يقدر يجي معانا نشوف طنط صفية ليها معزه كبيرة عندنا كلنا
يامن : ماشي هتيجوا أمتي
آسر: أحتمال النهاردة أو بكرة بالكتير هو مازن لسه مرجعش
يامن بكذب: لسه مرجعش ما هو ده سبب تعب عمتي
آسر: ربنا يرطعه بالسلامة عشان خاطر طنط صفية دي متقدرش تعيش من غيره
يامن : فعلا عندك حق متقدرش تعيش من غيره
في مكان ما
وقف مازن يحاول منع دموعه من الهبوط لم يستطع وهو ينظر لشاهد قبرها وتلك اللوحة الجيرانيتية المزخرفة التي نقش إسمها عليها وكأنها نقشت علي قلبه هو وليس اللوحة رفع يديه يدعو لها بالرحمة ويقرأ ما تيسر من القرآن الكريم علي روحها وبعد انتهائه
جلس أمام قبرها علي مقعد خرساني عريض مغطي بالرخام وتحدث مع تولين بصوت مسموع
مازن: أنا أسف يا تولين أسف يا حبيبتي عارف أنك زعلانه مني أني نقضت عهدك وخونت حبك وحبيت غيرك ضيعتك من إيدي في الدنيا وكمان مش هتكوني من نصيبي في الأخرة صدقيني غصب عني معرفش حبيتها أزاي وأمتي كل اللي أعرفه أني لاقتني بحبها لأنها شبهك طيبه وحنينه ووديعه زيك هي صحيح شرسه شوية عنك بس أنا عشقت شرستها دي وعشقت كل حاجه فيها بس ياريت عرفت أحافظ عليها ضيعتها من إيدي فضلت أكابر أكابر لغاية ما تعبت وكلهم كانوا عارفين أني بحبها كان باين قوي عليا عشان كدا كانوا عايزين ياخدوا الخطوة دي بدالي لكن بغبائي ضيعت أخر فرصة ليا معها مش عارف اعمل ايه وهعيش أزاي بعد ما قلبي حبها وبقت من حق واحد تاني عايز أصرخ للدنيا كلها واقول دي حبيبتي دي بتاعتي أنا تخصني أنا بس أزاي وهي مش من حقي سامحيني يا تولين وبتمني من ربنا أن هي كمان تسامحني علي كل جرح جرحته ليها
وجد مازن من يضع يده على كتفه التفت له وجدها شيخاً كبير بلحية بيضاء جلس بجوار مازن وهو يبتسم ابتسامة متسامحة
الشيخ: تسمحلي أقعد جنبك يابني
اومئ مازن برأسه له
الشيخ : مالك يا بني بتبكي ليه
مازن بتنهيده: مش مرتاح يا عم الشيخ في حياتي
الشيخ وهو يهز رأسه: ومين فينا مرتاح في الدنيا كلنا بنعاني فيها كل واحد علي قدر أبتلائه
مازن: عندك حق يا عم الشيخ كلنا بنعاني بس ليه مش بنلاقي الراحة
الشيخ: الراحة يابني مش وجدت في الدنيا راحتنا في الآخرة وعملنا الصالح اللي بيرفع درجتنا في چنان الله
مازن : ونعم بالله يا عم الشيخ فعلا دنيتنا مفيهاش راحة
الشيخ بأبتسامة: بس أحنا في إيدنا نخلي حياتنا جنة
مازن: أزاي يا عم الشيخ
الشيخ: بتقربنا من ربنا وعملنا الصالح نكتر من الزكاة والصدقات ونلتزم بصلاتنا ونوافلها نحب الخير للناس كلها ومنتكلمش علي حد في غيابه بسوء صدقني يا ابني لو التزمنا بدينا الحنيف هنلاقي الراحة
مازن: عندك حق يا شيخنا ربنا يكرمك من فضله
الشيخ: قولي مشكلتك أيه يابني
مازن زافرا براحه احس بها : هحكي ليك يا شيخنا عشان أرتحت معاك في الكلام
قص مازن عليه منذو طفولته الي اللحظة التي يجلس معه فيها
الشيخ بأبتسامة رضا: أنت مخلص قوي يا ولدي وده ميزة فيك قليل لو لقيتها في حد دلوقتي بس أنت ربنا هيراضيك من وسع صدقني وبالنسبة للعهد بينك وبين زوجتك المتوفاه ده مش اسمه نقض لعدها لما حبيت غيرها لأنها ميتة أصلا والوعد بينتهي بموت أحد الطرفين بس مش معني كدا أن لو حد أمن حد على سر يسوء سمعته أن لما الشخص ده يموت اروح أتكلم بقي وأقول ده عمل وسوى لا في الحاله دي لازم احفظ وعده بكتمان السر لأن رسولنا الكريم وصانا بذكر محاسن موتانا فقط معني كلامي لو الوعد أو العهد ده مش هتأذي بيه حد زي حالتك كدا أنك كنت خايف تحب وتجوز تاني لتكون بكدا بتخون عهدك مع زوجتك فا احب اقولك أنك كنت غلطان ولازم تسأل شخص يكون علي علم بأمور الدين عشان تعرف أنت بتتصرف صح ولا غلط
مازن : خلاص الكلام ملوش لازمه هي خلاص بقت لغيري
الشيخ: ودي عايز انبهك ليها أوعاك تبص لحاجه مش من حقك ولا تجور علي حق حد غيرك
نظر مازن أمامه بشرود : حاضر يا شيخنا هاخد بنصيحتك طبعاً ربنا يبارك في عمرك
أخرج مازن من جيبه عدة ورقات نقدية ودسها بيد الشيخ الذي حزن من فعلة مازن كثيرا
الشيخ: لا يا ولدي خلي فلوسك لحد محتاجها اني غني بفضل الله عليا دور علي المحتاجين ودول مفيش أكتر منيهم في زمنا ده
وقف الشيخ وربت علي كتف مازن وهو يبتعد قائلا
الشيخ: استودعك الله الذي لا تضيع ودائعه
أبتعد الشيخ عن مرمي نظر مازن ورجع مازن ينظر لقبر زوجته مرة أخرى .
الجزء السادس والعشرون
رجع مازن لمنزله ليتفاجئ بوجود تالا وآسر وحسين يجلسون ببهو المنزل مع والدته ومروان ومريم ويامن خفق قلبه بشدة لدي رؤيته تالا وسماع صوتها وهي تتمني الشفاء لولدته زاد غضبه كثيرا عندما رأها تجلس بالمقعد المجاور ليامن ،اغمض عينيه مستغفرا ربه ، أنتبهوا جميعاً لحضور مازن ، نظرت تالا ناحيته بأشتياق كبير علقت نظراتهما سويا رغما عنهما ، نظر يامن ناحية مازن بتشفي كبير ولكي يزيد من غيرة مازن أمسك يد تالا مقبلاً إياها بحركة مفاجأة لها ولهم جميعاً
يامن وهو يقبل يد تالا: حبيبتي مبتشربيش العصير ليه ده البرتقال اللي بتحبيه
تالا بخجل غاضب وهي تسحب يدها سريعا : أنا بشرب منه أهو ،ثم خفضت صوتها ،لوسمحت متعملش كدا تاني لأني ساعتها مضمنش رد فعلي ،فتحرج يامن منها لكنه لم يظهر ذلك
دخل مازن ملقيا عليهم السلام
مازن : السلام عليكم ورحمة الله وبركاته
الجميع: وعليكم السلام ورحمة الله وبركاته
مازن مصافحا حسين : أزي حضرتك يا عمي
حسين مصافحا مازن: أزيك يا مازن يابني عامل ايه
مازن : الحمدلله يا عمي
صافح مازن آسر : أزيك يا آسر عامل ايه
آسر بجمود: الحمدلله
مازن دون أن يصافح: أزيك يا أنسة تالا
تالا بخفوت وهي تنظر أرضا: الحمدلله
جلس مازن بجوار والدته علي الأريكة مقبلا رأسها ويحاوطها بذراعه
مازن : عامله ايه دلوقتي يا حبيبتي
صفية: الحمدلله بخير بعد ما شوفتك واطمنت عليك يا قلبي
مازن : تسلميلي يا أمي
يامن: مش كنت تبارك لتالا وليا يا مازن على كتب كتابنا مش كفايا أنك محضرتش خطوبتنا
نظر مازن له وقد تفهم غرضه الدنيئ لكنه لم يعطيه الفرصة حتي يتشفي به فأجابه بثقة
مازن : أسف يا يامن مخدتش بالي الف مبروك طبعا ليك وللأنسة تالا وملحوقة لو كنت محضرتش الخطوبة غصب عني فا أن شاء الله في الفرح هعوضكم عن غيابي وأعتبر أن الفرح كله علي حسابي هديه من ليكم
يامن بضيق : تسلم يا مازن وعقبالك ونعملك الحلو كله أن شاء الله
مازن بحزن عجز عن أخفائه وهو يتطلع لتالا: مظنش أني ممكن أتجوز تاني في يوم من الأيام
وقف مازن قبل أن يفقد السيطرة على نفسه
مازن : بعد أذنكم هطلع أغير هدومي البيت بيتكم طبعا
مروان ناظرا ليامن بغيظ بعد أن تأكد أن يامن ارتبط بتالا فقط من أجل الثأر من مازن لكن لماذا ومازن لم يسئ إليه يوماً
لاحظ حسين أيضاً ذلك حك لحيته بتفكير فيبدو أن يامن يكن الكره لمازن ولكن لماذا
تبادل آسر ومروان ويامن أحاديث خاصة بالاحوال العامة وشاركهم حسين في تلك الأحاديث أيضا ، استأذنت منهم صفية لتصنع لهم مشروبا ساخنا وذهبت لغرفة أعداد الطعام ،بينما ضجرت مريم وتالا من تلك الأحاديث
مريم بخفوت لتالا: بقولك أيه يا تالا احنا ملناش في كلام السياسية ده ما تيجي معايا افرجك علي الهدوم اللي أشترتها للبيبي
تالا بأبتسامة : ماشي يلا أصل الواحد بيزهق فعلا من كلام الرجاله ده فعلاً
مريم لمروان: بعد أذنك يا مروان أنت وعمي حسين هاخد تالا معايا افرجها علي هدوم البيبي اللي جبتها من كام يوم
حسين: مفيش مشكلة روحي معاها يا تالا
مروان: ماشي يا حبيبتي روحوا مع بعض وخدوا راحتكوا
صعدت تالا مع مريم لغرفة نومها وجلست علي الأريكة ، جلبت مريم الملابس في حقائب ورقية خاصة بماركات شهيرة
مريم: شوفي دول كدا يا توتي
تالا وهي تمسك بعض القطع الصغيرة بيدها تشاهدها
تالا : جميلة قوي يا مريم شكلهم تحفه بس أنت جايبه بناتي وولادي ليه هو الدكتورة محددتش ليكي نوع الجنين
مريم وهي تمسح على بطنها: الدكتورة بتقولي ولد بس أنا حاسه أنها بنت عشان كدا جبت هدوم ولادي وبناتي
تالا بأبتسامة حانية: أهم حاجة ربنا يقومك أنتي والبيبي بالسلامة
مريم بتمني: يارب يا تالا أنا خايفة قوي
تالا مطمئنه لها: متخافيش أن شاء الله تقومي بالف سلامه
مريم: أمين بقولك ايه انا جوعت الحمل ده بيجوع قوي أنا هنزل أجيب لينا سندوتشات شاورما خليت داده فردوس تعملهالي عشان كنت هموت واكلها
تالا بضحك: أحنا مش لسه واكلين دلوقتي لحقتي تجوعي
مريم: أعمل إيه مش حامل يعني باكل لاتنين مش واحد
تالا بأبتسامة: أنتي كدا بتاكلي لتلاته أربعة
مريم: هههههههه عندك حق دقيقة واحدة وجيالك أصلي فرهدت ولو مكلتش هيغمن عليا
تالا بضحك: هههههههه طب الحقي بقي بسرعة لتاكليني أنا بس متتأخريش
مريم: ماشي يا قمر دقيقة وجيالك
هبطت مريم لأسفل ، بينما شعرت تالا بأرتفاع في درجة الحرارة قليلا وشعرت بنسمات رطبة تأتي من الشرفة فنهضت من جلستها وتوجهت الي الشرفة وقفت بها تتمسك بيدها بالدربزون الحديدي للشرفة وهي تستنشق أكبر كمية هواء تسعها رئتيها ثم زفرتها ببطئ وهي مغمضة العينان ، كان هناك من يقف ينظر عليها من شرفته أيضاً المجاورة لشرفة مريم أثرت قلبه بفعلتها تلك ،فأغمض عينيه بألم وحزن كبير علي حلم كان له وأضاعه من يده بغبائه ، تنبهت تالا لوجوده حين تنحنح خجلت منه كثيراً
مازن: أزيك يا تالا
تالا بخجل: الحمدلله بخير
مازن بندم : ممكن أطلب منك طلب بس تنفذيه
تالا : أتفضل اطلب ولو في استطاعتي أنفذه هنفذه
مازن: أن شاء الله في استطاعتك عايزك تسامحني على أي فعل عملته معاكي جرحك أو زعلك مني
تالا بتماسك:صدقني يا باشمهندس أنا نسيت كل حاجه في اللحظة اللي أنت رفضتني فيها بعد ما أجبروك علي خطوبتي مبقتش فاكره غير حاجه واحدة بس هي اللي يبيعك مش بس تبيعه لا تمسحه من حياتك وذكرياتك وده اللي أنا عملته نسيتك ومسحت صفحتك كلها من حياتي
مازن بغضب: وطبعا مش فاكره غير يامن ابو عيون زرق صح
تالا بتشفي: أه طبعا مش جوزي حبيبي لازم مشوفش غيره ولا حتي افتكر حد غيره ويامن كيوت وظريف ووسيم
مازن بغضب مستعر: كفاية ولا اقولك أحسن أكتبي فيه شعر
تالا بخبث: تصدق عندك حق بس أنا فعلا كتبت فيه شعر خلاص لأنه أنسان رقيق وحساس جدا بيعاملني كا ملكة متوجة
كز مازن علي أنيابه وكور قبضتيه بغضب فاسرع الي غرفته ، سمعت تالا صوت تحطم زجاج لحظة دخوله ، شعرت تالا أن مازن لو امسكها في تلك اللحظة لكان سلبها روحها ،
أسرعت تدلف الي الغرفة مجدداً وجدت مريم تفتح الباب وتدخل منه حامله طبق كبير به الكثير من الشطائر
مريم: تعالي يلا يا تالا كلي معايا
تالا: ليه هو أنا حامل زيك يا بنتي انا عايزه يومين عشان اهضم الأكل اللي كلته الليلة عندكم حقيقي ماما صفية بتفكرني بماما مكنتش تسبني غير لما تتأكد أني بطني فول تانك
مريم بضحك: هههههههه الامهات كلها كدا
دق جرس هاتف تالا لتجد رقم آسر
تالا: ده آسر بيرن تقريبا عشان نروح
مريم بحزن: ملحقناش نقعد مع بعض
تالا: الدور عليكي خلي مروان يبقي يجيبك تقعدي عندي يوم كامل عشان نقعد مع بعض براحتنا
مريم وهي تحتضن تالا: كان نفسي تكوني مرات أخويا مش مرات أبن خالي لكن هقول ايه نصيب بقي
تالا: الكلام ده ملوش لازمه دلوقتي يا مريم وبعدين مرات اخوكي من مرات أبن خالك مش هتفرق كتير المهم أننا نفضل أخوات
مريم: أنتي أعز من أختي يا تالا وربنا يعلم بحبك قد أيه
تالا: وأنا بموت فيكي يا قمر أنتي فعلا أختي ربنا يديم المحبه بينا يا حبيبتي
بعد رحيل عائلة حسين
أنفجر مروان بيامن معنفا أياه
مروان: أنت أيه يا أخي معندكش احساس خالص كدا ولا أنت بتتعمد تجرحه وتغضبه تقصد أيه من كلامك لمازن
يامن ببرود: مش عارف أنت واخد المسألة بحساسية ليه كده عادي مقصدش حاجه
صفية: لأ يا يامن أنا لاحظت أنك زي ما تكون بتتعمد تدوس علي جرح مازن قوي أنا كمان زعلت منك ولعلمك لو أي حد تعمد يعمل معاك كدا هزعل علشانك لانكم كلكم ولادي
يامن راكعا أمام صفية مقبلا يدها: حقك عليا يا عمتي بس صدقيني انا معملتش كدا عشان أزعل مازن أنا عملت كدا عشان أبين أن مازن بيعتبر تالا زي أخته قدام آسر وعمي حسين مش أكتر
صفية مربته علي يده: مصدقاك بس عشان خاطري حاول تاني مرة تاخد بالك عشان متجرحش مازن هو مش ناقص
يامن: حاضر يا عمتي هاخد بالي قوي بعد كدا
مروان: صدقني يا يامن لو مرجعتش عن تصرفاتك دي هكون أنا اللي مفركش الخطوبة دي وههد المعبد علي دماغك فاهمني
يامن بحدة: خلاص يا مروان ومتهددنيش لأنك متقدرش تعمل حاجة
مروان بتحدي: تحب تجرب أنا أقدر أعمل أيه
يامن وهو يقف أمامه بتحد: لو راجل وريني
ليمسكه مروان من ياقة سترته بغضب ،صرخت فيهما صفية بحدة
صفية: بس كفاية بقي كل أنتوا هتتخانقوا قدامي سيبوا بعض وكل واحد يروح أوضته
مروان وهو يغادر: أسف يا ماما صفية
يامن: أسف يا عمتي ، ثم غادر الي غرفته
لتجلس صفية وحدها تندب حظها بالبكاء حتي تريح نفسها ولو قليلا من أحساسها بالذنب اتجاه مازن
في منزل تالا
بعد أن رجعت دخلت غرفتها وهي تدور حول نفسها بسعادة بالغة فهي لمست غيرة مازن عليها أذن هو يحبها لكنها سرعان ما تحولت تلك السعادة الي حزن كبير وجلست علي أريكتها بقهر فليس حتي من حقها أن تفكر به لكن رغما عنها تجده أمامها حاضر في كل شئ فعقلها لا يفكر في سواه وقلبها لا يعشق غيره أغمضت عينها وهي تدعو الله أن يحفظه حتي وأن لم تكن له وأن يلهمها الله الصبر وأن يجعلها تتقبل يامن زوجا فهي لا تحتمل فكرة زوجها من غير مازن يوما ولكنها أرغمت عليه.
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
 ر…){kind=link}
تعليقات
إرسال تعليق
فضلا اترك تعليق من هنا