روايه وردة القاسم الفصل الحادي عشر والثاني عشر والثالث عشر والرابع عشر والخامس عشر بقلم الكاتبه جنات (جميع الفصول كامله)
روايه وردة القاسم الفصل الحادي عشر والثاني عشر والثالث عشر والرابع عشر والخامس عشر بقلم الكاتبه جنات (جميع الفصول كامله)
روايه ورده القاسم
««الفصل ١١»»
فى قصر عيله رضوان ياسين كان بيكلم بدر وعرف منه اللى حصل
ياسين:ازاى محدش فيكو يقولى
بدر:كنت هتعمل ايه ياياسين
ياسين:على الاقل هكون معاكو فى ظروف زى دى
بدر:الحمدلله عدت على خير
ياسين:طب ورده وفاطمه عاملين ايه
بدر:الحمدلله انها جت على اد كدا بس للاسف مأثر على نفسيتهم
ياسين:اللى حصل معاهم مش سهل ياصاحبي والحمدلله انهم بخير .طب مين ممكن يعملها
بدر:هتجنن انا وقاسم يعنى مين يحط لامى مخدر عشان نروح كلنا المستشفى ويحصل اللى حصل
ياسين:هنعرف ياصاحبي اكيد وهناخد حقهم
بدر:بلاش ندى تعرف او اى حد عندكو عشان ميقلقوش على الفاضى
ياسين:حاضر يابدر ابقي طمنى عليكوو
بدر:حاضرر
•••••••••••••••••••••••••••
فى قصر عيله المنشاوى فى اوضه ثريه بتتكلم فى التلفون بصوت واطى عشان محدش يسمعها
ثريه:الخطه مشيت زى مااتفجنا بس الوليه المخبوله معرفاش عملت فيها ايه والبت بجت تنزف وكانت هتموت فى يدنا
هنيه:كنتى خليها تموت وتريحنا بت فجر
ثريه:إكده قاسم مش هيسكت عاد وهيفضل ينخور لحد مايعرف مين اللى عملها ابن اخوى وانى عرفاه
هنيه:وانتى جلجانه ليه عاد والكل عرف انك مكنتش فى بيت وجتها
ثرية:ربنا يستر وتعدى على خير
هنيه:يلا اجفلى دلوك ومعزاش نتكلمو ولا نتجابل واصل
ثريه:تمام
••••••••••••••••••••••••
تحت الكل كان بيستنو الشباب والبنات يرجعووو بعد شويا سمعو صوت عربيات وقاسم داخل وهو شايل ورده وبدر نفس الحكايه والبنات مكسوفين
الشباب قعدو البنات على الكنبه جمب بعض
نجيه:حمدلله على سلامتكو ياحبايب جلبي
البنات:الله يسلمك
سالم:بركه انكو جومتو بسلامه
البنات:الله يسلمك ياجدى
سعديه جابت ياسمين واللى اتحدفت على فاطمه اول ماشافتها وافاطمه اتوجعت وبدر لاحظ ده وجه ياخدها منها
فاطمه:لا سيبهالى دى وحشانى اوى
فاطمه باستها من خدها وياسمين بتضحك:ياروحى وحشتنى اوى
نجيه شايفه ورده وانها فى عالم تانى قعدت جمبها:انتى كويسه يابتى
ورده:الحمدلله
نجيه اخدتها فى حضنها:ياحبيبه جلبي اللى حوصل معاكى مش سهل يابتى انى عارفه بس احمدى ربك انك بخير يابتى
ورده:الحمدلله
حمدان نازل من على السلم:حمدلله على سلامتكو يابنات البيت نور
البنات:الله يسلمك ياعمى
نجيه:هاتى ياسمين يابتى واطلعى ارتاحى فى اوضتك
قاسم وبدر شالو البنات وطلعو بيهم
فاطمه:يابدر عيب نزلنى
بدر:هششش الدكتورة قالت راحه تامه يعنى مافيش حركه ولا خروج من الاوضه
ورده:قاسم الكل بيبص علينا نزلنى انا همشي لوحدى
قاسم:انتى رجليكى لسه بتوجعك وممنوع حركه سامعه
ورده:حاضر
وكل واحد طلع اوضته
•••••••••••••••••••••••
قاسم حط ورده على السرير وكان شايف الخوف فى عينيها:انتى كويسه ياورده
ورده هزت راسها بلا
قاسم مسك ايدها:متخافيش انا معاكى واللى حصل مش هيتكرر تانى
ورده:حاضر
قاسم:نامى بقي عشان ترتاحى شويا
ورده نامت على السرير وغمضت عينيها وقاسم غطاها كويس وباس راسها ودخل الحمام
••••••••••••••••••••••••
فى اوضه بدر حط فاطمه على السرير
فاطمه:انا كويسه يابدر لو سمحت مش عايزة افضل فى الاوضه
بدر:ممنوع تخرجى من الاوضه غير لما تبقي كويسه
فاطمه:والله انا كويسه يابدر طب ممكن تجبلى ياسمين
بدر:ياسمين مع مرات عمى
فاطمه:بدر لو سمحت انا مش متعوده ابعد عنها فترة طويله عشان خاطرى هاتهالى
بدر:حاضر يافاطمه هروح اجبها
بدر راح جاب ياسمين وجه وفاطمه بتقولها تعالى اتحدفت عليها وفاطمه اشتالتها:ياروح ماما وحشتينى اوى ياياسمينه فاطمه فضلت تلاعبها وياسمين بتضحك اوى
بدر كان بيبصلهم اوى وفرحان بعيلته الصغيرة ودخل الحمام عشان يغير هدومه
••••••••••••••••••••••••••••••
بليل فى قصر المنشاوى
قاسم وبدر وياسين قاعدين فى ساحه القصر
ياسين:هما عاملين ايه الوقت
قاسم:اللى حصل ماكنش سهل
بدر:هنعمل ايه الوقت ياقاسم
قاسم:لازم نعرف مين اللى عملو كدا
بدر:فاطمه قالت ان كانو كتير وكانو ستات مش رجاله
ياسين:ستات
بدر:ورده قالتلك شافت حد
قاسم:خايف اتكلم معاها حاسس انها مش مستعده
ياسين:لازم تتكلم معاها ياقاسم عشان تعرف هتعمل اي
قاسم:هحاول..ندى عامله اى ياياسين
ياسين:بخير ياصاحبي متخافش عليها
قاسم:انا مسلمها لراجل ياصاحبي
ياسين:تسلم ياصاحبي
بدر:انا هطلع اشوف فاطمه وانام
ياسين:انا بردو همشي وهابقي اكلمكو اطمن عملتو ايه
قاسم:تمام بلاش حد عندكو يعرف باللى حصل
ياسين:عيب عليك ياصاحبي يلا سلام
قاسم:سلام
قاسم هو كمان طلع اوضته
••••••••••••••••••••••••
بدر طلع اوضه مامته كانت صاحيه
كريمه:تعالى ياولدى
بدر:عامله ايه ياست الكل
كريمه:بخير طول ماانتو بخير ياحبيبي مرتك عامله ايه دلوك
بدر:كويسه ياما الحمدلله
كريمه:احتويها ياولدى اللى حوصل معاها مش سهل
بدر:عارف يامااا
كريمه:معرفش مين عملها ياولدى
بدر:هنعرف وهنجيب حقكو كلكو ياما انتى متشغليش بالك وارتاحى
كريمه:حاضر ياولدى
•••••••••••••••••
بدر راح اوضته كانت ياسمين نامت فى حضن فاطمه
بدر:نامت
فاطمه:ايوا
بدر:هاتى انيمها مكانها
فاطمه:براحه عشان متصحاش تانى
بدر اخدها نيمها مكانها وقعد جمب فاطمه
بدر:عامله ايه يافاطمه
فاطمه:الحمدلله لما باخد المسكن بيقلل الوجع
بدر مسك وشها ببن ايديه:لما شوفتك واقعه فى الارض ومش بتردى عليا حسيت روحى بتروح منى اول مرة احس بالخوف ده كنت خايف اخسرك يافاطمه
فاطمه كانت ساكته ومش مستوعبه ان ده بدر معقول بدر اللى بيقولها الكلام ده
بدر:انتى وياسمين بقيتو غالين على قلبي ومش هسمح لحد يفكر بس انه يأذيكو
فاطمه:انا واثقه فيك يابدر وصدقنى انا بحس بالامان لما بكون معاك
بدر:طب يلا عشان ننام
فااطمه:حاضر
بدر نام واخدها فى حضنه ونامو الاتنين من التعب
•••••••••••••••••••
قاسم دخل الاوضه كانت ورده قاعده وسرحان ولما الباب اتفتح اتخضت وجسمها كلها اترعش
قاسم:اهدى دانا ياورده متخافيش
ورده:انا اسفه بس خوفت
قاسم:ولا يهمك ياحبيبتى انتى حاسه بايه
ورده:الحمدلله احسن
قاسم:ورده
ورده:نعم
قاسم:ايه اللى حصل بعد مامشيت من عندك
ورده بصلته اوى وعينيها دمعت
قاسم مسك ايدها:عارف انه صعب تفتكرى اللى حصل بس لازم اعرف عشان اقدر اجبلك حقك ياورده فهمانى
ورده هزت راسها باه وبدات تحكيله كل اللى حصل والكلام اللى قالته ثريه بس طبعاا هى متعرفش انها هيا ثريه وبعد ماخلصت عيطت جامد وقاسم اخدها فى حضنه يطمنها انه موجود معاها
قاسم:مشوفتيش وش حد فيهم
ورده:ال٤ ستات شوفتهم بس كان فيهم واحده لابسه نقاب وهى اللى قالتلى الكلام ده
قاسم:يعنى لو شوفتيهم هتعرفيهم
ورده:ايواا
قاسم:طب ارتاحى ونامى ياورده
ورده غمضت عينيها ونامت وقاسم غير ونام جمبها
••••••••••••••••••••••••••
فى قصر رضوان فى المندرة منصور قاعد وقدامه هنيه
منصور:واستفادنا ايه عاد من خطتك ديه ولا حاچه
هنيه:هنفرجهم على بعض وبكرة تجول هنيه جالت
منصور:انا بجى فى راسي خطه تانيه وهنفذها
هنيه:خطه ايه ديه
منصور:مش لازمن تعرفيها
هنيه:هى بجت اكده
منصور:جومى روحى اوضتك عشان محدش يشوفنا اهنه
هنيه:حاضر
•••••••••••••••••••••
ياسين وصل القصر ودخل اوضته كانت ندى قاعده فى البلكونه قرب منها وحضنها من ضهرها:الجميل بتاعى سرحان فى ايه
ندى بعدت عن حضنه:حمدلله على سلامه
ياسين:الله يسلمك مقولتيش بقي سرحانه فى ايه
ندى:فى كل حاجه حصلت معانا
ياسين:وايه اللى حصل معانا بقي
ندى:يعنى جوازنا اللى المجلس قرره غيرلنا حياتنا كلنا
ياسين:ازاى مش فاهم
ندى:يعنى انت مثلا اكيد كان ليك حياتك ومخططلها كتير فجاه كدا جوزوك لواحده متعرفهـــ
ياسين قاطعها:لا ياندى انا حياتى كلها كانت انتى
ندى باستغراب:ازاى
ياسين:عيلتى وعيلتك ياندى كان بينهم عدواه كبيره وانا من اول مرة شوفتك وانتى حفرتى مكانك جوا قلبي وكنت بموت كل يوم لما افتكر انك مستحيل تكونى ليا وعلى فكرة قاسم وبدر كانو عارفين انى بحبك انا مخبتش عليهم حاجه يمكن قرار المجلس ده احلى حاجه حصلت فى حياتى وياريت كان حصل من زمان اوى
ندى ابتسمت وحطت وشها فى الارض وياسين قرب منها ورفع وشها:انا بحبك من اول مرة شوفتك فيها ياندى
ندى:من امته
ياسين:من وانتى فى ثانويه عامه
ندى:كل ده
ياسين:تخيلى بقي يعنى انا لو بايدى اروح ابوس كل اعضاء المجلس انهم جوزونى لاجمل بنت شوفتها فى حياتى
ندى دخلت جوا حضنه وهى فرحانه انه بيحبها اوى كدااا وياسين بعدها عن حضنه:والجميل نظامه ايه من ناحيتى
ندى اتكسفت اكتر
ياسين:يبقي الكسوت علامه الرضاااا
ندى ضحكت وياسين شالها:تقبلى تكونى زوجتى قدام الناس وقدام ربنا
ندى خبت وشها اكتر فى حضنه وراحووو للعالم الخاص بيهم وندى بقت زوجه ياسين قولاا وفعلااا......
روايه ورده القاسم
««الفصل ١٢»»
عدى شهر
البنات حالتهم اتحسنت والشباب بيهتمو بيهم
قاسم اللى كل يوم حبه بيزيد لورده وهى كمان حبت حنيته وخوفه عليها
فاطمه اللى بدات تحس بمشاعر ناحيه بدر بس بتحاول متبينش وبدر اللى بقي يحب قربه منها ومش عايز يبعد عنها وياسمين اللى بتتعلق اكتر ببدر وده مفرح فاطمه جدااا
ثريه وهنيه ومنصور بيخططو ازاى يفرقو ورده عن قاسم
ندى اللى عايشه احلى ايام مع ياسين بس طبعااا هنيه مش سيباها فى حالها بس بتحاول تتجاهلها زى ياسين ماطلب منها وكمان ياسين بيقف فى وش اى حد بيجى على مراته وياسين كل يوم يوصلها ويرجعها من الكليه وده مفرحها جدا
ليلى اللى لسه بتنام فى اوضه ورده ومتجاهله غسان تمام
سالم ووهدان اللى صداقتهم رجعت تانى اقوى من الاول واغلب وقتهم بيقضوه سوااا
••••••••••••••••••
فى قصر عيله رضوان ليلى كانت واقفه بتحضر الغدا وحست بدوخه جامده ووقعت فى الارض
زهره وندى جرو عليها وجابو ميا وفقوها
زهرة:مالك يابتى وجعتى من طولك ليه اكده
ليلى:مدرياش ياخالتى يمكن عشان مفطرتش
ندى:طب تعالى معايا اوصلك اوضتك
زهرة:جومى يابتى ارتاحيلك شوى
ليلى:حاضر
ندى وصلت ليلى اوضه ورده:حاسه بايه ياليلى
ليلى:بجالى كام يوم بحس بدوخه ومطيجاش ريحه الوكل
ندى بفرحه:ممكن تكونى حامل ياليلى
ليلى بصلتها بحزن:انى مبخلفش ياندى
ندى:بس مافيش حاجه بعيد عن ربنا ولا ايه بصى انا هجبلك وانا جايه من الكليه اختبار حمل ماشي واهو نتاكد ياستى
ليلى:معيزاش اعشم نفسي على فاضي
ندى:اللى ربنا عايزه هيكون ياحبيبتي ارتاحى انتى شويا واشوفك بليل
ليلى:حاضر
ندى خرجت وبعد شويا الباب اتفتح وغسان دخل ورزع البااب
ليلى:افندم
غسان:لحد امته هتفضلى كدا
ليلى:إكده ازاى مفهماش
غسان:سايبه اوضتك ومتجاهلانى تمام
ليلى:يفرج معاك يعنى
غسان:متعصبنيش ياليلى يلا قومى ارجعى اوضتك
ليلى:ياابن عمى مرجعاش اوضتى وياريت تنفذ طلبى
غسان:طلب ايه ده
ليلى:تطلجنى ياولد عمى واتچوز وعيش حياتك
غسان:مااشي ياليلى انا هتجوز وهعيش حياتك بس مش هطلقك وخليكى فاكرة انك انتى اللى اختارتى
غسان خرج من الاوضه وليلى عيطت جامد على حب حياتها اللى بيروح منها
••••••••••••••••••••••
فى قصر عيله المنشاوى
فاطمه راحت اوضه كريمه ومعاها صنيه الغداا
فاطمه:اتفضلى ياماما
كريمه:تسلم يدك يابتى.اقعدى يابتى عايزه اتحدت معاكى
فاطمه قعدت قدامها على السرير:خير ياماما
كريمه:كل خير يابتى .انتى وچوزك عاملين ايه
فاطمه:بخير ياماما
كريمه:انتى فاهمه جصدى يابتى لسه زى مانتو
فاطمه هزت راسها باه
كريمه:ولحد ميتا يابتى هتفضلو على الحل ده
فاطمه:انا مش هقدر اخد اى خطوه ياماما
كريمه:وهو كمان مجدرش ياخد خطوه خايف تكونى لساتك بتحبي عمران يابتى
فاطمه:ابدا والله
كريمه:انتى حاسه ان بدر اتغير معاكى مش إكده
فاطمه:اتغير كتير اوقات بحسه عايز يقرب واوقات لا
كريمه:يبجى تاخدى انتى الخطوة دى يابتى
فاطمه:بس
كريمه:من غير بس يابتى لو بتعزينى بصحيح هسمع بشارتك بكرة نفسي اشوف ولاد بدر قبل مااموت يابتى
فاطمه:بعد الشر عليك ياماما
كريمه:انتى عارفه يابتى انا وجتى جليل
فاطمه:حاضر انا هعمل اللى حضرتك عايزاه
كريمه:انا عارفه انه هيكون برضاكى يابتى انا شايفه الحب فى عيونك لبدر
فاطمه ضحكت واتكسفت من كريمه
كريمه:ربنا يفرح جلبك وجلبه يابتى بليل هستناكى تجبيلى ياسمين تبيت معاي
فاطمه:حاضر ياماما
•••••••••••••••••••••••••
فى اوضه ثريه
نوراة:وبعدين ياما هنفضل نتفرچ إكده
ثريه:ومين اللى جال اللى بتفرچ
نوراة:اومال هنخرچ البت دى من اهنه كيف
ثريه:قاسم جابل الدنيا عشان يجيب الحريم اللى عملو اكده فى مرته لازمن نهدى شوى وبعد اكده نخطط على رواجه
نوراة:حاضر ياما بس انا خايفه يجرب منيها
ثريه:حتى لو جرب عادى ماهى مرته بردك
نوراة بصوت عالى:انتى بتجولى ايه ياما يجربلها كيف يعنى
ثريه:اكتمى خشمك يامجصوفه الرجبه انتى هتفضحينا
نوارة:سكت ياما سكت
•••••••••••••••••••••
فى قصر عيله رضوان ياسين وندى رجعو وندى سالت على ليلى وعرفت انها فى اوضه ورده وراحت ليها وادتها اختبار وليلى دخلت الحمام وبعد شويا خرجت وهى منهارة
ندى لما شافتها عرفت ان مافيش حمل:الحمدلله ياليلى اكيد ربنا شيلك حاجه احسن من كدا
ليلى:انا حامل
ندى بفرحه:بجد ورينى كدا
ليلى:انا حامل بجد
ندى حضنتها:مبروك ياحبيبه قلبي الف مبروك يلا ننزل نفرحهم تحت
ندى وليلى نزلو وكان الكل متجمع ف الصاله ماعدا غسان
زهرة اول ماشافت ليلى بتعيط جرت عليها:مالك يابتى بتبكى ليه
ليلى اترمت فى حضنها:انا حامل ياخالتى حامل
الكل قامو وقفو وكانو فرحانين والكل بارك لليلى واتمنو لندى انها كمان تبقي وندى كانت مكسوفه
بعد فترة من الوقت والكل كان فرحان وليلى اللى دموع الفرح مش بتوقف اتفاجاو بغسان داخل ومعاه واحده
غسان:السلام عليكم
محدش رد عليه
منصور:مين دى ياولدى
غسان:باركولى سهر مراتى
الكل اتصدموو وليلى كانت صدمتها اكبر منهم كلهم وحاسه رجليها مش شيلاها والهوا بيقل من حوليها
زهرة:سمعنى اكده مرت مين ديه
غسان:مراتى ياما مراتى
وهدان:كيف تاخد جرار زى ده من راسك تتچوز على بت عمك
هنيه:انت اكيد اتجنيت عشان تتچوز على بتى
غسان:والله ده كان طلبها اتجوز واعيش حياتى واخلف مش كدا ياليلى هانم
ليلى كانت فى عالم تانى
زهرة:بس مرتك
ليلى قطعتها بسرعه:انا زينه ياخالتى زينه
الكل فهم انها مش عايزة تقول انها حامل
زهرة:ندى يابتى وصليها لاوضته
ندى:حاضر ياماما
ياسين قرب من اخوه ومشك من هدومه:انت ايه هاااا معندش دم مبتحسش حرام عليك اللى بتعمله فيها بس عارف الغلط منها انها حبت واحد حقير زيك
ياسين زقه ومشي وزهرة قرب منه وضربه بالقلم
غسان اتصدم:انت بتضربينى ياما
زهرة:اه بضربك والجلم ده كان لازمن تاخده من زمان جوى كنت بجول هيتغير ويحنن جلبه على مرته بس اجول ايه طالع نسخه عن ابوك من النهارده اتعتبر امك ماتت فاهم وانا معنديش غير ولد واحد ياسين فاااااهم
زهرة وهنيه مشو هما كمان ووهدان بص لحفيده:بعملتك ديه صغرت عيله رضوان ياولد منصور
غسان:صغرتها ازاى مش فاهم
وهدان:انك تتچوز على بت عمك تبجى مش ماليه عينك ياولدى هتخلى اللى يسوى واللى يسواش يتحدت عليها حادت ماسخ
وهدان بص لمنصور:تربيه عفشه
وهدان مشي ومنصور :اتستفد ايه من عملتك ديه
غسان:ابااا
منصور:بلا ابا بلا زفت غور من وشي
••••••••••••••
غسان اخد مراته وطلع على اوضته بفتح الباب كان مقفول من جوة خبط على الباب فتحلته ليلى:افندم
غسان:دى اوضتى على فكرة
ليلى:لع دى اوضتى انى فاهم
غسان:انتى مش بتنامى فى اوضه ورده
ليلى:من النهارده هنام اهنه ايه رايك بجى خد السنيورة بتاعتك ونيميها فى مكان تانى ولا اجولك انسب مكان ليكووو اسطبل مع ان اللى عايشين فيه احسن منيكوو
ليلى قفلت الباب فى وشه وغسان كان مصدوم من قوة ليلى اول مرة تبقي كدا
واخد مراته وراحو اوضه الضيوف
•••••••••••••••••••••
قاسم وبدر رجعو من الشركه وكانت نجيه وسالم وحمدان قاعدين فى الصاله
قاسم وبدر:السلام عليكم
الكل:وعليكم السلام ورحمه الله وبركاته
سالم:كيفكو ياشباب
الشباب:بخير ياجدى
حمدان:عملتو ايه فى الصفجه الجديده
بدر:كله تمام ياابوى
نجيه:يلا ياشباب عشان تتعشوو
قاسم:احنا اكلنا هناك ياست الكل انا بس عايز انام
نجيه:ربنا يجويكو ياولدى اطلعو ارتاحوو
••••••••••••••
بدر راح يطمن على امه الاول :مساء الخير ياست الكل
كريمه:مساء النور ياولدى
بدر:ياسمين القمر بتعمل ايه هنا
كريمه:انا اخدتها تنام معاي روح لمرتك ومتكسرش بخاطرها ياولدى
بدر استغرب كلامه امه بس معلقش وباس راسها وباس ياسمين من خدها وخرج راح اوضته
•••••••••••••••••
قاسم دخل اوضته وكالعاده استقبلته ورده بضحكتها اللى بيعشقها
ورده:حمدلله على السلامه اتاخرت ليه
قاسم:كان عندى صفقه مهمه لازم اخلصها وعندى ليكى مفاجاه
ورده:مفاجاه ايه
قاسم:من بكرة هتنزلى كليتك
ورده برقت:انت بتهزر صح
قاسم ضحك عليها:لا ياستى من بهزر من بكرة هتنزلى الكليه وكمان لو حابه تدربي فى المستشفى بتاعتنا هى مفتوحه ليكى فى اى وقت
ورده حضنته بقوة:ربنا يخليك ليا ياقاسم
قاسم شدد من حضنها:ويخليكى ليا ياوردتى
ورده بعدت عن حضنه:تعرف انى بحب اسمعها منك اوى
قاسم:هى ايه
ورده:لما بتقولى ياوردتى
قاسم:انتى مش بس وردتى دانتى حياتى كلها وخلينا ننام احسن مااتهور وانتى قمر كدا شكلى هغير الدكتورة دى
ورده ضحكت اوى وخبت وشها فى حضن قاسم ونامووو
••••••••••••••••
بدر خرج من عند مامته وراح على اوضته وفتح الباب واتفاجأ بفاطمه واقفه ولابسه قميص قصير لحد الركبه وسايبه شعرها وعامله ميكب خفيف وشكلها زى القمر بدر تاهه فى جمالها وقرب منها بس ملاحظ توترها وخوفهااا بدر فهم معنى كلام مامته
ومسك ايديها وقعدها على الكنبه وقعد جمبها:اهدى يافاطمه انتى مش مضطرة تعملى حاجه غصبن عنك
فاطمه بصلته اوى ومش عارفه تقول ايه
بدر:انا عارف ومقدر انك مش قادرة تنسي عمران حب حياتك و...
فاطمه قطعته:لا يابدر والله انا من يوم مااتكتبت على اسمك مش بفكر فى راجل تانى حتى عمران والله صح انا وعمران كنا بنحب بعض بس الوقت اللى قضيته معاك اكتر بكتير من اللى عشته مع عمران احنا جوازنا كان ٤ شهور بس وصدقنى انا نسيت كل حاجه عشتها معاه من اول مااتجوزنا انا وانت
بدر فرح من كلامها وانها خلاص مبقتش تفكر فى عمران ونفسه ياخدها فى حضنه بس شايف خوفها وتوترها:طب يلا ننام يافاطمه وزى ماقولتك انتى مش مضطرة تسمعى كلام امى هى اللى اتكلمت معاكى صح
فاطمه بصتله وهزت راسها باه وافتكرت كلام كريمه ومش عارفه تعمل ايه بس هى مش عايزاه يبعد عنها
بدر لسه هيدخل الحمام
فاطمه غمضت عينيها:بدر انا بحبك
بدر لف وبصلها ومش مستوعب هى قالت ايه:قولتى ايه
فاطمه واقفه ومغمضه عينيها وبدر قرب منها:فاطمه
فاطمه:نعم
بدر:فتحى عينيكى
فاطمه هزت راسها بلا
بدر:فتحى يافاطمه لو بتحبينى بجد فتحى
فاطمه فتحت عينيها ووشها احمر من الكسوف
بدر:هاا بقي كنتى بتقولى ايه
فاطمه ووشها فى الارض:انت سمعتنى
بدر شدها لحضنه:ياستى انا طماع عايز اسمعها تانى
فاطمه بصت فى عينيه:انا بجد بحبك يابدر والله مش بقول كدا عشان كلام ماما كريمه بس جوايا شعور حلو اوى ناحيتك من زمان بس كنت بخاف منك
بدر ضحك:بتخافى منى مرة واحده ليه متجوزه وحش
فاطمه ضحكت:انا مقولتش كدا على فكرة انا بس كنت بحسك جد اوى وكنت بخاف اتعامل معاك
بدر شدها لحضنه اكتر:والوقت
فاطمه بصت فى عينيه:الوقت مش بحس بالامان غير وانا فى حضنك
بدر شالها وهمس لها:انتى جاهزة يافاطمه
فاطمه خبت وشها فى حضنه
بدر همس لها:بعشقك يافاطمه
فاطمه بصتله اوى ومش مصدقه:بجد يابدر
بدر:بجد ياعيون وقلب بدر
قرب منها لتسكت شهرزاد عن الكلام الغير مبااااح
روايه ورده القاسم
««الفصل ١٣»»
صباح يوم جديد
قاسم نايم فى حضنه ورده وتلفونه بيرن برقم ياسين
قاسم:عايز ايه على الصبح يارخم
ياسين:والله الحق عليا اللى بفكرك بموضوع دمج الشركات
قاسم :اوبس راح عن بالى خالص
ياسين:لازم نسافر بقي
قاسم:خلاص جهز كل حاجه وهنسافر خلال يومين
ياسين:اشطااا يامعلم
قاسم لسه هيتكلم سمع دوشه عند ياسين
:ياسين فى ايه
ياسين خرج من اوضته وشاف ندى واقعه فى اخر السلم وراسها متعورة:نـــــدى
قاسم سمع اسم اخته كان هيتجنن:ياسين ..ياااااااسين
ورده صحت على صوت قاسم:فى ايه ياقاسم ندى مالها
قاسم:مش عارف..ياسين انتى سمعنى
ياسين:ايوا ياقاسم ندى وقعت من على السلم انا هاخدها واروح على المستشفى
قاسم:انا هاجى وراك
ياسين:تمام
قاسم قام بسرعه
ورده:فى ايه ياقاسم
قاسم:ندى واقعت من على السلم وياسين هياخدها ويروح المستشفى
ورده:ياحبيبتى طب اجى معاك
قاسم:لا خليكى انا هروح بسرعه وهابقي اطمنكو
قاسم ولبس وخرج بسرعه
•••••••••••••••
فى المستشفى ياسين واقف قدام الاوضه اللى ندى فيها وقاسم جه عليه ومسكه من ياقه قميصه:ندى مالها عارف لو جرالها حاجه انت عارف انا هعمل ايه
ياسين بعد ايد قاسم:على فكرة انا كمان خايف عليها دى مراتى
الدكتورة خرجت:مين جوزها
ياسين:انا هى عامله ايه
الدكتورة:للاسف فقدت الجنين
ياسين بصدمه:جنين ايه
الدكتورة:مدام ندى كانت حامل والحمل لسه فى اوله مكملش شهر وفى جرح فى راسها بس الحمدلله مش محتاج خياطه
الدكتورة مشت وياسين كان تايه وقاسم بصله وسابه ودخل لندى:حمدلله على سلامتك ياحبيبتى
ندى بدموع:خسرته ياقاسم ملحقتش اعرف انى حامل عشان افرح بيه
قاسم اخدها فى حضنه:الحمدلله انها جت على اد كدا ياحبيبتى
ياسين دخل وشايفه حبيبته بتعيط فى حضن قاسم حاسس انه متكتف ومش عارف يعمل ايه
قاسم:انتى وقعتى ازاى ياندى
ندى:انا كنت نازله من على السلم ومش عارفه وقعت ازاى
قاسم:وقعتى لوحدك يعنى
ندى:ايوا
قاسم بص لياسين:انا قولتلك لو اتخدشت بس مش هتشوفها وانا هوفى بوعدى ياصاحبي
ياسين بص لندى:لا ياقاسم ندى مراتى ومش هتبعدها عنى فاهم
قاسم:لا هبعدها ياياسين
ياسين بص لندى اللى بتعيط:قولتلك متنزليش غير معايا صممتى تنزلى لوحدك وادى النتيجه اخوكى بيحملنى ذنب اللى حصلك
قاسم:خلص الكلام ندى هتجى معايا على القصر
ياسين:بلاش تخسرنى ياصاحبي انت عارف انى روحى فيها بلاش تبعدها عنى
قاسم:يلا ياندى
ندى:قاسم انا
قاسم:مش عايز اسمع ولا كلمه فاهمه
ندى:بس انا مش هسيب جوزى ياقاسم
قاسم:هترجعى معاه القصر عشان المرة الجايه يموتوكى
ندى:ليه بتقول كدا
قاسم بصوت عالى:لانى متاكد انك بتكذبي وان فى حد وقعك يعنى موقعتيش لوحدك زى ماقولتلى
ندى:انا
قاسم:انتى ايه هاااا يلا عشان هترجعى معايا على القصر ومش عايز كلام كتير
ياسين خرج من الاوضه
ندى بدموع:ياسين ..ياسين
ياسين سامعها بتنادى عليه بس هو مضايق من قاسم وخرج من المستشفى كلها
قاسم اخد ندى ورجعو على القصر والكل استغرب وجود ندى مع قاسم وقاسم حكالهم على اللى حصل ونجيه معجبهاش اللى عمله قاسم وندى طلعت اوضتها وفضلت تعيط كتير اوى لحد مانامت
•••••••••••••••••
فى اوضه بدر صحى وكانت فاطمه نايمه فى حضنه وهو مش مصدق نفسه انها بقت ليه اخيرااا:فاطمه
فاطمه بنوم:اممم
بدر:يلا يافاطمه اصحى الساعه ١٢
فاطمه قامت قعدت بسرعه:ايـــــــه ١٢ وازاى متصحنيش يابدر هيقولو عليا ايه تحت لازم انزل بسرعه
بدر شدها لحضنه تانى:مش هتخرجى من هنا
فاطمه:ازاى يعنى هتحبسنى فى الاوضه مثلا
بدر:تؤ هحبسك فى حضنى
فاطمه بكسوف:بدر لو سمحت لازم انزل عشان ياسمين وحشانى
بدر:ياسمين على طول فى حضنك سبينى انا بقي اشبع منك
فاطمه ابتسمت:بدر
بدر:عيونه وقلبه
فاطمه:انا بجد مش مصدقه كل ده حاسه اننا فى حلم
بدر:يعنى حلم جميل ولا وحش
فاطمه:جميل اوى يابدر كفايه انك موجود معايا
بدر باس راسها:وهفضل معاكى عمرى كله
فاطمه:طب ممكن ننزل بقي
بدر:حاضر ياستى يلا غيرى عشان ننزل
فاطمه:حاضر
غيرو ونزلو وحسو ان الجو متوتر
بدر:فيه ايه مالكو
نجيه حكتله على اللى قاسم عمله
بدر:طب هو فين
نجيه:خرچ ومعرفاش راح فين
بدر:انا عارف هيكون فين متقلقوش
فاطمه:ماما كريمه فين
نجيه:فى اوضتها يابتى وياسمين معاها
فاطمه:هروح اشوفهم
فاطمه راحت وخبطت على باب اوضه
كريمه:اتفضل
فاطمه:صباح الخير ياماما
كريمه:صباحيه المباركه ياعروسه
فاطمه اتكسفت:حضرتك عرفتى منين
كريمه:باين من عيونك يابتى تسلمى يابتى فرحتى جلبي ويفرحكو يارب
فاطمه:يارب ياماما كريمه .ياسمين لسه نايمه ليه
كريمه:لا دى صحت من بدرى ولسه نايمه من شوى
فاطمه:اكيد تعبتك صح
كريمه:على جلبي زى العسل يابتى
فاطمه:ربنا يخليكى لينا ياماما يارب ويشفيكى
كريمه:ويبارك فى عمركو ياحبايبى
فاطمه:هنزل اساعدهم فى المطبخ عن اذنك
كريمه:اتفضلى يابتى
•••••••••••
بدر خرج وراح على مكان اللى بيتجمعو فيه دايما
بدر قعد جمب قاسم:ليه عملت كدا
قاسم:عملت ايه
بدر:ليه تبعد ندى عن ياسين وانت اكتر واحد عارف انه بيعشقها مش بس بيحبها
قاسم:مقدرش يحافظ عليها
ياسين:زى مانت مقدرتش تحافظ على ورده مش كدا
بدر وقاسم لفو لياسين اللى باين عليه الغضب
بدر:اهدى ياياسين خلينا نتفاهم
ياسين:مافيش تفاهم ابن عمك اصدر حكمه والمفروض محدش يعترض مش كدا
قاسم:ياسين خد بالك من كلامك
ياسين:يبقي زى ماخدت ندى هاخد ورده منك مانت كمان فشلت انك تحميها ولحد الوقت مش عارف مين اللى عمل فيها كدا يبقي بنت عمى هترجع معايا على القصر والكلام خلص
بدر:اهدى ياياسين
ياسين:متقولش اهدى قوله هو هو مفكر نفسه مين لما ياخد مراتى من حضنى دانا حتى ملحقتش اطمن عليها بعد اللى حصلها مسابليش فرصه انى اعرف حصل ازاى حتى
بدر بص لقاسم نظرة عتاب:قاسم
قاسم:انا قولتلك لو اختى جرالها حاجه مش هتفضل معاك وانا وفيت بوعدى ياصاحبي
ياسين:لا صاحبي ليه بقي انسي ان ليك صاحب اصلاا
بدر:انت بتقول كلام وخلاص ياياسين
ياسين:لا انا عارف انا بقول ايه كويس واعمل حسابك بنت عمى هاجى اخدها من نص بيتك ومن حضنك عشان تحس باللى انا حسه
ياسين مشي وبدر قرب من قاسم:ليه بتجرحه كدا ياقاسم انت مش كدا
قاسم:خوفت عليها يابدر حاسس حياتها بخطر فى المكان ده
بدر:بس جوزها معاها ياقاسم ودى حادثه بسيطه وعلى فكرة بقي اللى حصل مع ورده و
فاطمه كان اصعب بمراحل وياسين لما عرف كان مقدر انه غصبن عنك صح ولا لأ
قاسم:انا ماشي يابدر
•••••••••••••••••••••••••
قاسم رجع القصر وطلع على اوضه ندى وقبل مايفتح الباب سمع عياط اخته ودخل وقعد جمبها:زعلانه منى
ندى:انت عارف انى مقدرش ازعل منك
قاسم:اومال كل العياط ده عشان ياسين
ندى عيطت اكتر وقاسم اخدها فى حضنه:انا بحبه اوى ياقاسم مش هقدر اعيش من غيره
قاسم:لحق يأثر عليكى ابن منصور
ندى ضحكت:ياسين حنين اوى ياقاسم كان بيدافع عنى ويوقف فى وش عيلته عشان خاطرى متبعدنيش عنه
قاسم:حاضر ياحبيبتى انتى نامى الوقت وارتاحى
ندى:حاضر
•••••••••••••••••••••••••
قاسم راح اوضته واستقبلته ورده بضحكتها وشايفه الحزن فى عينيه:مالك ياقاسم
قاسم:مافيش ياورده متشغليش بالك
ورده:لو مشغلتش بالى بيك هشغل بالى بمين
قاسم بصلها:اللى انا عملته مع ندى وياسين غلط
ورده:عايز الصراحه
قاسم:اكيد
ورده:انت ظلمتهم ياقاسم انت حكتلى ان ياسين بيحب ندى جدااا فمستحيل يسمح لحد يأذيها
قاسم:عارف بس خوفت عليها ندى دى بنتى مش اختى
ورده:عارفه ياحبيبي
قاسم بصلها:قولتى ايه
ورده اتوترت:مقولتش
قاسم مسك ايدها:لا قولتى عديها تانى كدا
ورده دخلت جوا حضنه:قولت حبيبي
قاسم بغمزه:يعنى اعتبر ده دعوة صريحه منك ولا ايه بظبط
ورده وشها بقى احمر من كتر الكسوف:بس بقي
قاسم:لا انا صبرت كتير الصراحه ومش هصبر اكتر من كدا
قاسم شالها ليدخلها فى عالمه الخاص المليئ بالعشق لوردته الخاصه لتصبح زوجته امام الله
•••••••••••••••••
فى قصر رضوان الكل متجمع فى الصاله وياسين راجع
زهرة:مرتك فين ياولدى
ياسين:قاسم اخدها على القصر
منصور:ليه بجى
زهرة:كيف مرتك ياولدى
ياسين:ندى كانت حامل ياما ولما وقعت الجنين نزل
الكل اتصدمو وزعلو على ندى
ليلى:ياحبيبه جلبي ياندى
زهرة:وهى وجعت كيف ياولدى
ياسين:معرفش ياما معرفش
منصور:اخوها اخدها ليه ليكون مفكر اننا وجعناها
ياسين بص على خالته اللى باين عليها الفرحه:وليه لأ ياحاج
منصور:جصدك ايه ان حد من العيله اللى وجعها
ياسين:اماا انا طالع انام
زهرة:ياضى عينى ملحجش يفرح
ليلى:ربنا يعوضه ياخالتى انا هطلع انام
زهرة:اطلعى يابتى تصبحى على خير
ليلى:تلاجى الخير ياخالتى
•••••••••••••••••••••
ليلى طالعه كان غسان وسهر واقفين على باب اوضتهم وسهر اول ماشافت ليلى قربت اوى من غسان اللر استغرب منها بس لما شاف ليلى فهم انها عايزة تضايقها ليلى مشت ولسه هتدخل اوضتها
سهر:ايه ياضرتى مش نازيه تباركيلى
ليلى بصتلها:اباركلك على ايه
سهر:على جوازنا ولا انتى مش فرحانلنا ولا غيرانه عشان اخدته منك
غسان بيبص لليلى اوى
ليلى:لا اصل اللى تتچوز واحد زى غسان نزعل عليها مش نفرحلها وهغير ليه انتى معرفاش انى سيباه من جبل ما يتچوزك وانى كمان اللى طلبت منيه يتچوز بس على العموم مبروك اشبعى بيه
ليلى دخلت اوضتها ورزعت الباب جامد فى وشهم
سهر بصت لغسان:دى بيعاك على الاخر
غسان:حطى لسانك جوا بوقك وادخلى الاوضه يلا ومتخرجيش منها
سهر:حاضر
•••••••••••••••••••••
ياسين طلع اوضته ورن على ندى بس تلفونها كان لسه فى الاوضه رمى التلفون على السرير ووقف فى البلكونه وبعد شويا تلفونه رن وكان بدر رد عليه واتكلمو شويا وقفل معاه ونام.........
روايه وردة القاسم
««الفصل ١٥»»
اشرقت شمس يوم جديد
الشباب صحو ونزلو كانو البنات جهزو الفطار
بدر:صباح الخير
البنات:صباح النور
قاسم:ده ايه النشاط ده
ورده:قولنا نجهزلكو الفطار عشان تفطرو قبل ماتخرجو
ياسين:والله فيكم الخير دانا واقع من الجوع
بدر:فين ياسمين يافاطمه
ياسمين:صحت من بدرى ونامت تانى من شويا
بدر:نايمه فين مش فى الاوضه
فاطمه:نيمتها فى الاوضه من اللى تحت عشان تكون قريبه منى واسمعها
قاسم:طب يلا عشان نفطر سوا
كل واحد قعد وجمبه مراته وفطرو والشباب اتفقو انهم هيخلصو شغل وهيجيبو اكل وهما جايين عشان البنات متتعبش نفسها
••••••••••
الشباب راحو الشركه وخلصو كل اجراءات دمج الشركتين وعملو اجتماع فى شركتين خلصو شغلهم متاخر وطلبو اكل ورجعو على البيت
البنات بقي قضو يومهم فى الجنينه بتاع الفيلا اللى كانت واسعه وكلها ورد بجميع الالوان واتكلمو واتعرفو على بعض اكتر وقربو من بعض وكانو مبسوطين جداا
••••••••••
فى الفيلا عند البنات
ندى:هما اتاخرو ليه انا جوعت اوى
ورده:وانا كمان
فاطمه:والله كان نفسي اقولكو من زمان بس اتكسفت
البنات ضحكو بصوت عالى والشباب وصلو
ياسين:ضحكونا معاكو
ندى:حمدلله على السلامه
الشباب:الله يسلمك
البنات اخدو منهم شنط الاكل ودخلو المطبخ يجهزوه
ياسين:تقريبا الاكل اللى كان واحشهم مش احنا
قاسم وبدر ضحكووو
بدر سمع ياسمين بتعيط وصوتها جاى من الاوضه راح يجيبها
بدر:حبيبه قلبى اللى وحشتنى
فى نفس الوقت فاطمه دخلت:انا سمعتها كنت جايه اخدها
بدر:ده من حظى الحلو
فاطمه:مش فاهمه
بدر قرب منها وهو شايل ياسمين وحضنها:من حظى الحلو انك جيتى عشان اخدك فى حضنى لانك وحشانى
فاطمه اتكسفت وخبت وشها فى حضنه
بدر:يالهوى على الفراوله وجمالها
فاطمه:بطل يابدر لو سمحت
بدر:بطلنا ياقمرى يلا عشان ناكل
فاطمه:يلا
•••••••••••••
الشباب والبنات اكلو كلهم سوا فى جو مليان ضحك وهزار وبعدها البنات قررو يعملو فشار ويتفرجو على فيلم كلهم سوا
البنات عملو الفشار والشباب جهزو فيلم كان مصاصى دماء وقعدو كلهم يتفرجو فاطمه وورده كانو مرعوبين وكل واحده ماسكه فى جوزها وكل مايجى مشهد يخوف كل واحده تخبي وشها فى حضن جوزها
ياسين بصلهم وبص لندى اللى قاعده تتفرج وهى متحمسه اوى مش خايفه
ياسين:انتى مش خايفه ياندى
ندى وهى مركزه مع الفيلم:هخاف من ايه يعنى
ياسين:من الفيلم ياحبيبتى الناس بتاكل فى بعض وانتى فرحانه اوى كانه فيلم كرتون
يعنى مش خايفه زى ورده وفاطمه ليه
ندى بصت لورده وفاطمه:ياعم دول عيال فرافير مش بتوع رعب دول اخرهم فيلم روبنزول ويوجين
ياسين باستغراب:يوجين
ندى:سبنى اركز بقي الله
ياسين:والله خايف بعد التركيز ده تنفذيه معايا
بدر وقاسم ضحكوو
بدر بص لفاطمه اللى مستخبيه فى حضنه:لما انتو خايفين اوى كدا وفقتو تتفرجو على رعب معانا ليه
فاطمه:على فكرة بقي انتو شغلتو من غير ماتاخدو راينا
ورده:ايوا وفكرة اننا نتفرج على فيلم كانت فكرتنا
قاسم:اه فالمفروض انتو تختارو الفيلم مش كدا
ورده:ايوااا
ياسين:كنتو هتفرجونا على ايه بقى
فاطمه:كوميدى
ورده:او رومانسي
قاسم بهمس:تعالى نطلع اوضتنا وانا اوريكى الرومانسيه على حق
ورده بنفس الهمس:عيب كدا
بدر:انا بقول نطلع اوضنا ونسيب ندى تركز مع الفيلم
قاسم ضحك:والله فكرة وخد بالك على نفسك ياصاحبي
ياسين:والله انا شكلى هبدا اخاف من اختك
الشباب كل واحد اخد مراته وطلعو اوضهم
ندى ضربته فى كتفه:اخص عليك ياياسين
ياسين حضنها:قلب وعيون ياسين ماتيجى نطلع اوضتنا زيهم
ندى:لا لما نكمل الفيلم الاول ده حلو اوى
ياسين:ايه اللى حلو فيه ياندى دول ناس ميتين بياكلو فى بعض ايه الحلو بقي
ندى:الاكشن ياحبيبي
ياسين:انا هسيبك مع الاكشن بتاعك وهطلع انام تصبحى على خير
ياسين قام وندى قامت وراه:مش مهم الفيلم خالص اهم حاجه متزعلش منى
ياسين:وانا عمرى ماازعل منك ياندوشه قلبي
•••••••••••••••••••••
تانى يوم الشباب اتفقو كل واحد ياخد مراته ويخرجوو يسهرو بره
عند قاسم وورده راحو مكان على البحر واتعشو سوااا وورده حبت انها تقعد على الرمل قدام البحر
ورده:قاسم
قاسم:عيون قاسم
ورده:انت مبسوط انك اتجوزتى ولا رضيت بقرار المجلس وخلاص
قاسم:فاكرة اليوم اللى شوفتك وانتى بتهربي فيه
ورده:ايوا
قاسم:من وقتها وانا مش قادر اشيلك من راسي وكان نفسي اعرف بس اسمك ايه وفى يوم شوفتك قاعده فى الارض الزراعيه وبتعيطى ووقتها سالت عم محمد وهو قالى اسمك وقتها اتصدمت لما عرفت انك من عيله رضوان وحكالى قصتك وبعدها جه قرار المجلس وكان احلى حاجه حصلت فى حياتى لانه جمعنى بوردتى
ورده:بجد ياقاسم
قاسم:بجد ياعيون وقلب قاسم .طب انتى ايه نظامك ياجميل
ورده ضحكت:من ناحيتك يعنى
قاسم:ايوا
ورده:انا كنت مفكرة انى هتجوز راجل صعيدى بجلايبه بقي وكدا
قاسم:ليه بقي
ورده: كنت سمعت انك هتكون كبير البلد بعد جدك قولت اكيد صعيدى ابااا عن جد
قاسم:ولما شوفتينى بقي
ورده:لا انا عرفت انك مش بتاع جلايبه من قبل مااشوفك
قاسم:ازاى
ورده:ليلى بنت عمى قالتلى انك مز وشبه بتوع سيما ومش بتلبس صعيدى كدا يعنى
قاسم:وبعدين
ورده بصلته:بعدين ايه
قاسم:حسيتى بايه لما شوفتينى
ورده:اول مرة اتكلمنا لما ضربتك بالقلم واتكلمنا ورجعت البيت كنت فرحانه اوى ولما بقينا نتكلم كتير كل يوم حسيت انك عوض ربنا ليا بعد القسوة اللى كنت عايشه فيها
قاسم مسك ايدها وباسها:ربنا يقدرنى واسعدك ياورده
ورده:تعرف من اهم اسباب سعادتى حاليا ايه
قاسم:ايه
ورده:انك معايا ده كفايه بالنسبه ليا ياقاسم بجد انا بحبك اوى
قاسم:وانا بعشقك ياقلب قاسم
ورده حطت راسها على كتف قاسم واتكلمو كتير سوااا
•••••••••••••••••••
عند ياسين وندى
ياسين اخد مركب يسهرو فيه ويلفو فى النيل واتعشو سواا وندى مركزة مع كل حاجه حوليها الا ياسين وده مضايقه اوى
ياسين:ندى حبيبتى
ندى بصلته:نعم
ياسين:نعمالله عليك ياختى
ندى:مالك ياياسين فى ايه
ياسين:يعنى اخدلك مركب فى النيل وعشا حلو وسما ونجوم وبحر وجو رومانسي وانتى مش معايا خالص
ندى:انا معاك اهو ياياسين
ياسين:معايا فين ياندى انتى مركزه مع كل حاجه وانا لأ دانتى مركزة مع المراكبي اكتر منى
ندى ضحكت اوى وقربت تقعد جمبه:حبيبي زعلان ليه
ياسين:عايزك تركزى معايا انا وبس
ندى:هو انا اقدر اركز مع حد غيرك
ياسين:لا ماهو واضح
ندى:بص ياياسين ياخويا جو الرومانسيه ده مش بياكل عيش
ياسين بصدمه:اخوكى .. اخوكى ياندى
ندى ضحكت:مش قصدى والله بص انا عارفه انك بتحبنى وانت عارف انى بحبك اوى صح
ياسين:صح
ندى:ماتيجى نرقص سوا
ياسين:غالى والطلب رخيص
ياسين شغل اغينه رومانسيه ورقصو سلو سوا بعدها شغل مهرجانات واتجننو هما الاتنين واتصور صور كتير سوا وكانو مبسوطين
•••••••••••••••
عند بدر وفاطمه وكان معاهم ياسمين كانو فى مطعم وبدر حجز ترابيزة فى مكان هادى فى المطعم واتعشو سوااا
بدر شايل ياسمين وبيلاعبها وهى بتضحك وفاطمه بتابعهم وفرحانه
بدر:مالك يابطه
فاطمه:ربنا يخليك لينا يابدر بجد اكتر احساس كان بيوجعنى لما ياسمين تكبر من غير اب لانى جربته ماكنتش عايزاها تعيشه هى كمان
بدر مسك ايدهااا وباسها:ياسمين هتكبر وسط ام واب وعيله كبيرة بيحبوها ياحبيبتى
فاطمه:ام مين بقي ياسمين هانم مش عندها غير بابا وبس ومش معبرانى
بدر ضحك:الجميل غيران ولا ايه
فاطمه ضحكت:شوياااا
بدر:تعرفى مكنتش اعرف ان قرار جدى ده هيكون احلى حاجه فى حياتى وان ربنا هيرزقنى بزوجه زى القمر وبنوته قمرين ..صح يابطه انتى قولتيلى كنتى بتخافى منى
فاطمه:جداااا
بدر:ليه بقي
فاطمه:انت كنت جد اوى وطول الوقت مكشر ومش بتتكلم غير متلبسيش ومتعمليش متخرجيش تحكمات تحكمات كاننا فى الجيش
بدر:اه والجميل بقي ماكنش بيلاحظ حاجه من التحكمات دى
فاطمه:ندى فى مرة قالتلى انك بتعمل كدا عشان غيران عليا بس قولت مستحيل غيره يعنى حب وانت اصلا شايف ان حب ده ضعف وعشان كدا قدرو يغدرو بعمران
بدر:انا اه كنت شايف الحب ضعف بس لما بدات اهتم بيكى برغم انه كان بطلب من امى وجدى حسيت نفسي مشدود ليكى وبغير عليكى من الهوااا وحبك كان بيكبر جوايا يوم عن يوم بس كنت بكابر واقول دى عايشه على ذكرى حبها لجوزها وكنت بمنع نفسي انى اقرب
فاطمه:اللى فات فات المهم اننا سوااا
بدر:العمر كله هكون سندك وضهرك يافاطمه ربنا يخليكو ليا
فاطمه:ويخليك لينا يابدر......
•••••••••••••••••••••
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هنااااااااا
مجمع الروايات الكامله اضغط هناااااااا
 روايه وردة القاس…){kind=link}
تعليقات
إرسال تعليق
فضلا اترك تعليق من هنا