روايه فى قبضة الفهد الفصل السادس عشر والسابع عشر والثامن عشر والتاسع عشر والعشرين بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الفصل السادس عشر والسابع عشر والثامن عشر والتاسع عشر والعشرين بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد
««الفصل ١٦»»
فهد وتمارا كانو بيتجولو فى الجنينه بين الحاضرين والكل بيبارك ليهم فجأه تمارا مسكت فى جاكت فهد وهو استغرب وبص مكان ماهى بتبص وشاف دانيال وفرانكو داخلين الحفله
فهد قربها منه ولف وشها عشان تبصله:مش عايزك تخافى خالص ياتمارا انتى قويه جدا وانا معاكى مش هخلى حد يقرب منك
تمارا كانت تايهه فى وسامته وهزت راسها باه فرانكو ودانيال قربو منهم
دانيال:مبروك يافهد
فهد:الله يبارك فيك
فرانكو:مبروك
فهد:شكرااا
فرانكو عينه على تمارا فهد قرب عليه وهمس بصوت سمعته تمارا اللى فى حضنه:عينيك عشان متندمش لما اقلعهم من مكانهم
فرانكو بص لفهد ومشي هو ودانيال راحو قعدو على تربيزة وفهد شاور لراكان اللى جاله
فهد:عينيكو عليهم وزى مااتفقنا
راكان:حاضر يابوص
راكان مشي وتمارا بصت لفهد:انتو اتفقتوو على ايه
فهد:متشغليش بالك
تماارا:اكيد هتعملو مصيبه ربنا يستر
صوفيا كانت عينها على فهد وتمارا وقررت انها تضايقها وقربت منهم وقربت من فهد اوى:بيبي تعالى نرقص وحياتى
تمارا اضايقت من قله ادبها:هو انا شفافه حضرتك
صوفيا:نعم
تمارا:الظاهر ان السمع عندك بالعافيه شويتين
صوفيا:اولا انا موجهتش كلام ليكى كلامى مع الفهد واحنا متعودين كل حفله لازم نرقص سواا
تمارا:كان
صوفيا باستغراب:ازاى
تمارا:اه ده مش السمع بس اللى بالعافيه عندك حتى عقلك ماشاء الله مش موجود ..قصدى ياقمر كان بيرقص معاكى قبل مايتجوزنى الوقت بيرقص مع مراته وبس
فهد ظهر شبح ابتسامه على وشه وخفاها بسرعه
صوفيا بصت لفهد:انا كلامى للفهد مش معاكى وعايزة اسمع الرد منه
تمارا:وانا زوجه الفهد ومن قله الذوق انك تطلبي من واحد وهو واقف مع مراته انه يرقص معاكى
صوفيا:بردو عايزة اسمعها من الفهد
تمارا بصت لفهد:وماله نسمع هتقوم ترقص معاها
فهد:ارجعى مكانك ياصوفيا
صوفيا اتصدمت من رده:يعنى بتفضلها عليا فيها ايه زياده عنى
تمارا:اهم حاجه مش موجوده عندك
صوفيا بصلتها ومستنيه انها تخلص كلامها
تمارا:الاحترام اللى مش موجود عندك ولا تسمعى عنه اصلا
صوفيا:هتندمى على كلامك ده
فهد بحده:صوفياااا قولتلك ارجعى مكانك ولسه ليكى عقاب على الفستان اللى بعتيه
صوفيا مشت وهى مضايقه
كنان كان واقف جمبهم وسامع الكلام:100 : 0
تمارا:يعنى ايه
كنان:كسبتى الجوله وبجدارة
تمارا ضحكت:يعنى عجبتك
كنان:جدااا
تمارا:دانا تمارا واجر عالله
راكان جه عليهم وكان متابع اللى بيحصل:ده الواحد يخاف منك بعد كدا
تمارا:اتقي قلبتى بقي
كنان وراكان ضحكوو وفهد متابعها
تمارا ضحكتها اختفت لما شافت فرانكو بيبصلها اوى وبعدت نظرها عنه وبصت لفهد:هو جاى ليه
فهد:مين
تمارا:المجنون اللى هناك ده
فهد:لازم يحضر
تمارا:يعنى مش خايف منك
فهد:لا طبعاا الخوف باين جداا فى عينيهم
تمارا:انت ناوى على ايه
فهد:كل خير
تمارا:يبقي هتولع باذن الله
كنان وراكان ضحكو عليها
=============================
بعد وقت كبير الحفله خلصت وتمارا دخلت القصر وقعدت على الكنبه بتعب:انا نفسي ارمى نفسي على السرير وانااااام
راكان داخل من باب القصر ووراه حراس كتير وشايلين هدايا كتير:مش هتفتحى الهدايا
فهد:راكان
راكان:متقلقش اتاكدنا منهم كلهم دول هيعجبو تمارا اوى
تمارا:دول كلهم ليا
كنان:ايوا
تمارا:ليه بقي
راكان:لان الفهد كان عامل الحفله عشان يقدمك للكل والطبيعى يجيبو هدايا يلا افتحيهم
الحراس حطو الهدايا على ترابيزة قدام تمارا وفهد قعد على كنبه اللى جمبها وراكان وكنان واقفين تمارا مسكت هديه وفتحتها كانت سلسله شيك جداا بصت لفهد:دى غاليه جداا فى حد يجيب هديه غاليه كدا
مسكت هديه عبارة عن بوكس كبير وفتحته وبرقت من اللى جواه وكان فستان لا يستر اى حاجه حطيته جوا البوكس ورميته:ايه القرف ده
راكان:والله ده جامد
تمارا:خدوه اديه للبنات اللى انت تعرفهم
تمارا فتحت هدايا كتير وكانو عبارة عن شوزات ومجواهرات غاليه وفساتين لاتستر شئ ووصلت عند بوكس بلون الاسود
تمارا بصت لفهد:هديه لونها اسود اكيد منك
تمارا فتحتها وصرخت ورميتها على الارض
فهد قام بسرعه مسك البوكس وكان صورة لمايكل وهو ميت لما تماارا ضربته بالازازة فى رقبته فهد بص لراكان بغضب
راكان:انا اتاكدت من كل الهدايا دى ماكنتش فيهم بجد
تمارا وقفت:انا زهقت ومش عايزه اى حاجه من دول
فهد:ليه
تمارا:مش عايزهم وخلاص انا طالعه اوضتى
فهد مسك ايدها وبص لراكان:اتصرفو فيهم
وطلع وشد تمارا وراح على جناحه
تمارا:لا انا عايزة اروح اوضتى
فهد شدها جوا الجناح:وانا قولت لا ادخلى
تمارا اتعصبت:هو انت كل حاجه عندك بالغصب دى مش رجوله على فهد
فهد بصله بغضب:قولتى ايه
تمارا خافت من نظرته:انك تخلينى اعمل كل حاجه غصبن عنى دى مش رجوله على فكرة لانك بتستقوى عليا وعارف انى مش هقدر عليك
فهد عينه جت على الفستان الاحمر اللى كان لسه على السرير :حلو اوى
تمارا بصت على الفستان:قصدك ايه
فهد:مش انا بجبرك على كل حاجه خلينا نكمل اللعبه للاخر
فهد شد تماارا عليه وحط ايده على خدها:حفله النهارده كنت بعلن للكل انك مراتى وملكى والوقت احنا مع بعض فى جناحنا يعنى هعتبرها اول ليله لينا سوا (كمل كلامه بغمزة)فاهمنى مش كدا
تمارا اتصدمت من كلامه وحاولت تبعد عنه:ده فى احلامك ابعد عنى
فهد شاف التحدى فى عينيها:مع الفهد الاحلام بتبقي حقيقه
وقرب من السرير وهو حاضن تمارا واخد الفستان:ادخلى البسيه وبسرعه
تمارا:انت اكيد مجنون مستحيل يحصل طبعاا
فهد بعد عنها وفتح اللاب وكان بيعمل حاجه فيه وكان فيديو لمريم وهى ماشيه فى الشارع مع مامتها زينب وحط اللاب قدام تمارا اللى اتصدمت:اى رايك فى ده
تمارا:انت بتعمل كدا ليه انا عملت فيك ايه لكل ده
فهد قعد على الكنبه وحط رجل على رجل:معاكى ٥ دقايق لو مخرجتيش وانتى لابسه الفستان هلبسه ليكى انا بنفسي
تمارا:القرف اللى فى دماغك مش هيحصل
فهد حب يستفزها:صوفيا كانت قدامى بس انتى قولتها بكل ثقه انا زوجه الفهد
تمارا بصدمه:انتى بتشبهنى انا مراتك بواحده رخيصه زى دى
فهد قام وقف وقرب منها:مراتى... يبقي مراتى تعمل اللى بطلبه منها احسن ماتندم
وبص على اللاب وتمارا كمان بصت عليه وكان مريم وزينب ماشيين وفى ليزر مسدس على ضهرهم
تمارا بصت لفهد:انت مش هتعمل كدا صح
فهد:يبقي تسمعى كل كلمه بقولها
تمارا عيطت:طب اطلب اى حاجه مش هقدر اعمل كدا
فهد:ليه مش انتى مراتى بردو يلا الخمس دقايق قربو يخلصو
تمارا اخدت الفستان ودخلت الحمام وهى بتعيط جامد وفهد سامع صوت عياطهاا
تمارا:مستحيل اعمل كدا....طب مريم وزوزة انا خايفه عليهم اوى
تمارا سمعت صوت فهد:٥ دقايق خلصو
تماارا قلعت طرحتها والفستان بسرعه ولبست الفستان التانى وقفت قدام المرايه مش عارفه هتخرج كدا ازاى فتحت الباب وخرجت وكانت بتشد الفستان لتحت كان فهد قلع الجاكيت وفاتح نص ازرار القميص وتاه فى جمالها بالفستان الاحمر كانت ايه من الجمال وشعرها اللى نازل على ضهرها بعشوائيه واحمرار عينيها وخدودها ومناخيرها من العياط زادوها جمال فهد قرب منها وشدها لحضنه ورفع وشهاا واتقابلت عيونهم فى نظرات مابين العشق من فهد والعتاب والحزن من تمارا
فهد:انتى جميله اوى ياتمارا
تماارا غمضت عينيها لما فهد دفن وشه فى رقبتها وفهد حس برعشه جسمهاا
تمارا وهى بتعيط:انا بكرهك يافهد بكرهك ومش هسامحك ابداا على اللى بتعمله فيا
فهد بعد عنها واتعصب جداا وبقي يكسر كل حاجه فى الاوضه وتمارا واقفه مرعوبه منه
فهد قرب عليها بغضب شديد:انتى ملكى لوحدى فاهمه انتى ملك الفهد
فهد زقها على السرير وهجم عليها زى الاسد اللى بينقض على فريسته وتمارا كانت بتصرخ بصوتها كله وكانت بتتكلم بعياط هستيرى:لالالا ونبي يافهد لا متعملش كدا ..... عشان خاطرى بلاش ... بلاش تخوفنى منك انا مابحسش بالامان غير وانا جمبك .... بلاش تخلينى اخاف منك عشان خاطرى بلاش اكرهك بزياده ونبي يافهد
فهد بعد عنها وبصلها اوى وهى منهارة وخرج من الجناح وتمارا كانت حرفيااا منهارة
=============================
كنان وراكان كانو تحت وسامعين صريخ تمارا وكنان كان هيطلع وراكان منعه وشافو فهد وهو نازل وخرج من غير مايكلم حد
كنان:ماله ده
راكان:مش عارفه شكله كانه هيعمل جريمه
كنان:اطلع اشوف تمارا
راكان:ملناش دعوة ياكنان بلاش ندخل فى حاجه تخص الفهد
كنان:انا خايف يكون عملها حاجه انت ماسمعتش صريخها
راكان:لما تنزل نبقي نشوف كانت بتصرخ ليه مينفعش نطلع وهى فوق لوحدها فهد مش هيعديها
=============================
فوق عند تمارا كانت مكانها زى ماسابها فهد وبتعيط فى صمت شدت عليها الغطاا وفضلت تعيط لحد مانامت
=============================
عند فهد كان سايق العربيه باقصي سرعه ومش شايف قدامه وكلام تمارا بيتكرر فى دماغه وندمان انه اتعامل معاها بطريقه دى وفجاه ظهرت عربيتين وراه وبدأو يضربو عليه نار فهد حط ايده فى ضهره ماكنش معاه مسدسه وبص فى العربيه ماكنش موجود بردو ونسي فونه فى الجناح وبدأ يزود السرعه اكتر والعربيات حصرته من الجانبين وبداو يخبطو فيه وفهد بيحاول يتفاداهم وفى عربيه خبطته بقوة لدرجه ان عربيه فهد اتقلبت اكتر من مرة والعربيات وقفو ونزل منها رجاله ملثمين وقربو من العربيه وواحد من الملثمين طلع فونه واتكلم:تمت سيدى......
روايه فى قبضة الفهد
««الفصل ١٧»»
اشرقت شمس يوم جديد تمارا صحت على صوت دوشه واصوات عاليه قامت ومش عارفه فى ايه دخلت الحمام اخدت شاوى وغيرت ونزلت كان كنان وراكان واقفين وباصين عليهن انهم قلقانين قربت منهم
تمارا:صباح الخير
كنان بصلها:انتى كويسه ياتمارا
تمارا:اه كويسه هو فى ايه
كنان:مافيش اطلعى اوضتك وبلاش تخرجى منها
تمارا:ليه فى ايه
واحد من الحرس دخل:العربيه وصلت
كنان وراكان خرجو بسرعه وتماارا راحت وراهم وشافت عربيه فهد متبهدله وكلها ضربات رصاص مسدس
راكان:والفهد فين
واحد من الحرس:ملوش اثر للاسف العربيه كانت فاضيه
تماارا قلبها وجعها اول ماسامعت كدا وقربت منهم:يعنى ايه ملوش اثر فهد فين ياكنان
كنان:اهدى ياتمارا اهدى اكيد هنلاقيه
راكان:لازم نعمل تتبع لفونه او الساعه اللى فى ايده
كنان:طب كلم الناس بتوعنا بسرعه
راكان طلع فونه وبعد عنهم وبعد شويا رجعلهم تانى:خلال ساعات هنعرف مكانه
كنان:تمارا اطلعى اوضتك وارتاحى
تماارا:هو فهد ممكن يكون....
راكان:لا الفهد مستحيل يموت متخافيش اطلعى اوضتك ولو فى جديد هنعرفك اكيد
تمارا:حاضر
============================
فى اسكندريه وتحديدا فى بيت مريم قاعده بتفطر مع مامتها ومريم قاعده سرحانه ومش بتاكل
زينب:لا بقي انتى حالتك بقت صعبه يابنتى
مريم:فى ايه ياماما
زينب:انتى لا بتاكلى ولا بتخرجى غير بالعافيه حتى تدريبك مش بتروحيه هتفضلى كدا لحد امته
مريم:معرفش ياماما معرفش ومش هقدر اعمل اى حاجه من غير تماارا
زينب:اخوكى قالك انها اتجوزت وسافرت مع جوزها يعنى عايشه حياتها ومبسوطه انتى كمان عيشي حياتك يابنتى
مريم:ماما انتى متعرفيش حاجه
زينب:معرفش ايه بظبط انتى عارفه ايه عن تمارا ومش راضيه تقوليلى
مريم:مش عارفه حاجه ياماما
زينب:خلاص يبقي تقعدى مع العريس وتشوفيه
مريم:لا ياماما لا
مريم دخلت اوضته وزينب كانت حزينه على بنتها
=============================
فى بيت حسن اخو تمارا
سماح:تامر اخويا هيخطب ويتجوز
حسن:ربنا يسعده
سماح:اخد بنت اصول مش اختك اللى فضحته
حسن:خلصنا ياسماح بقي قولنا ربنا يسعدها ويسعد اخوكى
سماح:وانت هتزعل ليه مااختك اتجوزت واحد متريش وسفرها ايطاليا حته واحده
حسن:يوووووه انا ماشي يكون احسن
============================
عدى اسبوع ومافيش ولا خبر على فهد وتماارا اللى حابسه نفسها فى الجناح دايماا وراكان وكنان وصلو لفون وساعه فهد بس كانو فى مكان مهجور فى ايطاليا ولسه بيدور عليه والملك بيساعدهم
راكان وكنان متاكدين ان اللى عمل كدا فرانكو ودانيال لانهم هربو يوم الحفله ومختفين من وقتها ومحدش يعرف هما فين
============================
عند تمارا كانت قاعده مخنوقه فى جناح الفهد ووشها بقي شاحب من الحزن ودايما بتعيط وبتفتكر كل كلام فهد معاها
تمارا:انت فين يافهد
تمارا قامت وقفت فى البلكونه وشايفه كنان واقف مع الحراس وشكله متعصب وراكان بيتكلم فى الفون والكل مشغول وهى مخنوقه وقلبها واجعها جداا
تمارا:ياريتك جمبي يامريم كنت اتكلمت معاكى وطلعت كل اللى فى قلبي انا بجد تعبانه اوى
تمارا لبست طرحتها ونزلت قابلت كريمه:انتى كويسه ياتوتا
تمارا حركت راسها بلا
كريمه:طب محتاجه ايه ياحبيبتى وانا معاكى
تمارا:والله مانا عارفه
كريمه:طب اجبلك تاكلى
تمارا:ماليش نفس
كريمه:ياحبيبتى كدا هتتعبي انتى مش بتاكلى كويس
تمارا:متخافيش عليا
تمارا سابتها وخرجت لكنان:كنان
كنان بصلها:نعم ياتمارا انتى كويسه
تماارا:فى اى اخبار عن فهد
كنان:لسه ياتمارا
تمارا بصوت مخنوق:طب انا عايزة اكلم مريم صاحبتى ممكن
كنان وراكان بصولها وشايفين حزنها وراكان هز راسه لكنان باه
كنان طلع فون من جيبه واداه لتماارا:اتفضلى كلميها
تمارا:شكرااا
كنان:العفو ياتمارا
تمارا مشت وراكان بص لكنان:شكلها وقعت فى عشق الفهد
كنان:وصاحبك وقع فى العشق من زمان وبيكابر
============================
تمارا طلعت الجناح ومسكت الفون وكتبت رقم مريم اللى هى حفظاه واتصلت عليها مرة مردتش رنت تانى وتالت لحد ماردت
مريم:الو
تماارا بعياط:مريم
مريم:تووووتااااا...انتى توتا صح تمارا ردى عليا ابوس ايدك
تمارا:انا يامريم انا
مريم بعياط:وحشتينى ياتمارا كنتى فين انا كنت هموت من الخوف عليكى انتى بجد اتجوزتى وسافرتى ايطاليا
تمارا:اه يامريم اتجوزت
مريم:اتجوزتى زعيم المافيا اللى اسمه فهد
تمارا:اه
تمارا عيطت جامد اوى ومريم كانت هتجنن من خوفها عليها وفضلت تهدى فيها لحد تمارا ماهدت خالص
مريم:احسن ياتوتا
تماارا:ايوا...انا محتاجاكى يامريم انا تعبانه اوى
مريم:مالك ياقلبي
تمارا:قلبي ... قلبي وجعنى تعبانه اوى يامريم
مريم:احكيلى ياحبيبتى مالك انا سمعاكى
تمارا اتنهدت وحكت لمريم كل حاجه من وقت ماقررت تهرب زى مريم قالتلها لحد يوم الخ
حفله لما فهد سابها ومشي
مريم سكت شويا:توتا
تمارا:نعم
مريم:انتى حبيتيه ياتمارا
تمارا:هتصدقينى لو قولتلك من وقت ماشوفته فى الفندق فى شرم وانا مبحسش بالامان الا وهو جمبي ومعايا .....تعرفي من يوم مااختفى انا مرعوبه حاسه انى لوحدى مع ان كنان وراكان معايا وفى حرس كتير فى القصر بس انا محتاجاه هو يكون جمبي .... اوقات بلوم نفسي واقول ياريتنى سبته يقرب منى عالاقل كان هيكون جمبي الوقت ....انا خايفه عليه اوى يامريم خايفه يجراله حاجه
مريم:انتى عارفه ان حبك ليه ده اكبر غلط
تمارا:انا مش بعمل حاجه غلط فهد جوزى يامريم
مريم:عارفه ياتمارا بس انتى من عالم وهو من عالم تانى خالص
تماارا:صدقينى انا مفكرتش فى اى حاجه من دى
مريم:انا خايفه عليكى ياتمارا
تمارا:مش عارفه يامريم
مريم:ان شاء الله ياحبيبتى هيرجع وهيبقي كويس
تمارا:يارب يامريم....مريم
مريم:نعم
تمارا:انتى عرفتى ازاى انى اتجوزت وسافرت
مريم:من حسن
تمارا:حسن...حسن اللى نسي اخته وشايفها انها مصدر عار ليه
مريم:مين قالك الكلام ده ياتوتا
تماارا:مراته
مريم:انا حكيت لحسن ان الصور دى كانت صدفه وهو اتفهم كلامى وكان كل مايشوفنى يسالنى عليكى كلمتم ولا لأ وبقي يقولى لما تكلمى توتا خليها تكلمنى
تمارا:بجد
مريم:والله العظيم ياتوتا...طب ماتكلميه ياتمارا
تمارا:انا تعبانه يامريم الوقت ومش هقدر
مريم:براحتك ياحبيبي انا هابقي اكلمك على الرقم ده
تمارا:ده رقم كنان مش رقمى بس ابقي كلمينى عليه عادى
مريم:حاضر ياحبيبتى
تمارا:انتى بقي عامله ايه
مريم حكتلها على كل حاجه والعرسان اللى بيقدملها وانها اهملت تدريبها وكلام زينب ليها
تمارا:هى معاها حق يامريم لازم تشوفى مستقبلك وتدريبك وشوفى العرسان اللى بيجولك
مريم:انا مش عايزة اتجوز يا توتا ولا بفكر انا لسه بستنى النتيجه الاول وربنا يسهل
تمارا:يبقي تنزلى تدريبك
مريم:حاضر ياتوتا
تماارا:هقفل معاكى الوقت يامريم وهابقي اكلمك تانى
مريم:حاضر ياتوتا وخدى بالك من نفسك
تمارا:حاضر ياقلبي
تماارا قفلت معاها ونزلت تحت وادت الفون لكنان وشكرته وطلعت اوضتها تانى غيرت واخدت جاكيت بتاع فهد اللى كان لابسه فى الحفله اللى اتعودت تنام وهو فى حضنها من يوم اختفاء فهد ونامت
============================
فى بيت على الجبل كان فهد واقف وايديه مرفوعه ومربوط من ايده بسلسله من الحديد ولابس بنطلون بس ووشه وجسمه كله كدمات ورغم ده كله لسه بقوته
دخل فرانكو ودانيال وقربو منه
فرانكو:اخبار الفهد ايه
فهد ببرود:احسن منك
فرانكو:مش هتقولنا المخازن السريه فين
فهد:تؤ
دانيال:كل الضرب ده ومش بتتكلم نعمل فيك اكتر من كدا
فرانكو فكر شويا:فى طريقه واحده عشان تتكلم وانا عارفها كويس
فهد بصلها اوى وفهم هو بيفكر فى ايه:لو قربت منها فيها موتك
فرانكو ضحك اوى:هنشوف يافهد هنشوف
فرانكو خرج ودانيال وراه وكلم رجالته
فرانكو:عايزها عندى باى تم
الرجاله:تمام سيدى
وخرجوو من البيت وركبو عربياتهم فى اتجاه قصر الفهد وبعد ساعات قليله وصلووو وحصل ضرب نار على القصر وكنان وراكان كانو بيدافعو عن القصر بكل قوتهم وتمارا لما سمعت الضرب خافت ونزلت بسرعه شافتها كريمه واخدتها فى حضنها ودخلو استخبو فى المطبخ
كنان وراكان والحرس كانو بيضربو نار على الكل بس رجالع فرانكو كان عددهم كبير وقدرو يوقعو عدد كبير من حرس القصر ودخلو القصر وراكان اتصاب فى رجله ووقع على الارض وعدد من رجاله فرانكو دخلو القصر وكنان كان بيضرب على الباقى دخلو جواا وفضلو يدورو على تمارا لحد مالاقوها فى المطبخ وكريمه جت تدافع عنها واحد منهم ضربها على راسهاا اغمى عليها وشدو تمارا وخرجوو من القصر
واحد منهم:فين الحرس والشابين اللى معاهم
واحد تانى:الظاهر خافو وهربو
تمارا بتدور على كنان وراكان ومش عارفه هما راحو فين
كنان وراكان كانو مستخبين لما هما اخدو تمارا وخرجو
كنان:لازم نعالج رجلك دى ادخل وكلم الدكتور يجيلك وانا هروح مع الرجاله ونعرف المكان ونقرر هنعمل ايه
راكان:تمام بس اوعى تتصرف من دماغك ومتهجمش لوحدك
كنان:تمام يلا سلام
كنان ركب عربيته ووراهم عربيه حرس وراحو ورا العربيه اللى فيها تمارا بس مشو بعدهم بمسافه عشان مياخدوش بالهم
وبعد ساعات قليله وصلو بيت الجبل وواحد من رجاله فرنكو شد تمارا ودخل البيت واول مادخلت شافت فرانكو ودانيال اترعبت منهم وخصوصااا ان فهد مش موجود عشان يجى ينقذها زى كل مرة.........
&&&&&&&
روايه فى قبضة الفهد
««الفصل١٨»»
وبعد ساعات قليله رجاله فرانكو وصلو بيت الجبل وواحد منهم شد تمارا ودخل البيت واول مادخلت شافت فرانكو ودانيال اترعبت منهم وخصوصااا ان فهد مش موجود عشان يجى ينقذها زى كل مرة
فرانكو:اهلا بزوجه الفهد ....او نقول ارمله
تمارا اتصدمت لما سمعت كدا
دانيال:ياحراااام مش هيجى ينقذها زى كل مرة
=============================
برا كنان كان وصل ووقف على مسافه من البيت وكلم راكان اللى كان الدكتور خرجله الرصاصه من رجله وخيط الحرج وكمان لف رجله كنان بعتله اللوكيشن وقاله يجيب رجاله معاه وراكان استعد وركب هو وعدد كبير من الحرس واتحركو على المكان
=============================
تمارا عينيها دمعت لما سمعت كلام فرانكو عن موت فهد ومش قادرة تستوعب كلامه
تمارا:انت عارف ومتاكد ان فهد عايش ولو عرف اللى انت بتعمل عقابك هيكون الموووت
فرانكو قرب منها وضربها بالقلم:حلو اوى تعالى نلعب على المكشوف بقي...
فرانكو شد تمارا من دراعها ودخل الاوضه اللى فيها فهد وتمارا اول ماشافته فرحت جدااا بس اتصدمت من كميه الجروح اللى فى وشه وجسمه ولسه هتجرى عليه فرانكو مسكها من دراعها بقوة:لا انسي
تمارا:فهد ... فهد انت كويس
فهد ابتسم وهز راسه باه
فرانكو:ايه رايك بقي فى المفاجأه دى
تمارا بصلته:انا قولتلك الفهد مستحيل يموت ولانك عارف انك مش هتقدر عليه مربطه بشكل ده
فرانكو اتعصب وضغط على دراعها وتمارا اتوجعت بس بتحاول تبان اقوى وفهد لاحظ ده:انتى جايبه القوة دى منين هااااا انا عمرى ماشوفت بنت بقوة دى
تمارا:لانى زوجه الفهد
فهد متابع تمارا بس فى نفس الوقت خايف عليها من فرانكووو
فرانكو ابتسم بخبث وبيمشي ايده على وش تمارا:حلو اوى ايه رايك بقي نستمتع بوقتنا سوا يازوجه الفهد يمكن لما الفهد يشوفك فى حضنى يدينى الاجابات اللى انا عايزهاا
فهد بقوة:بلاش تعملها عشان محدش هيندم غيرك
فرانكو بيحرك ايده على وش تمارا:بقي يبقي الجمال ده كله قدامى واسيبه من غير ماادوقه
تمارا:ابعد ايدك دى عنى احسنلك
فرانكو حاول يقرب من تمارا ويبوسها وتمارا كانت بتقاومه بكل قوتها بس طبعاا فى فرق فى الجسم وفرانكو زقها على السرير وقرب منها ودفن وشه فى رقبتها تمارا شافت تحفه كانت على الكمدينو جمب السرير مدت اديها ومسكتها وضربته على راسه وزقته بكل قوتها وجرت على فهد ودخلت جوا حضنه وهى بتعيط:فهد
وفرانكو قام وراح عليها يشدهااا وتمارا ماسكه
فى فهد جامد ورافضه تسيبه وفهد اتعصب جداا لانه مش قادر يحميهاا
فرانكو شدها لحضنه وتمارا بتحاول تبعد عنه ايدها جت على جيب الجاكيت وسمعت صوت مفاتيح وعرفت ان اكيد دول مفاتيح البيت وكمان مفاتيح السلسله الحديد اللى فهد مربوط بيها وحاولت تلهى فرانكو
تماارا اتكلمت برقه:ممكن لحظه بس نتفاهم
فرانكو استغرب اسلوبها:نتفاهم ازاى
تمارا:انا عارفه انك تقدر تعمل اللى انت عايزه وبسهوله جدااا
تمارا كانت بتتكلم وهى بتحاول تدخل ايدها بخفه فى جيب فرانكو وفهد شايفها وابتسم على جنانها بس فى نفس الوقت كان حاسس بنااار من قرب فرانكو ليهااا
فرانكو كان تايه فى جمال تمارا ورقتها ومش حاسس باى حاجه وتمارا حاولت تدخل ايدها فى الجيب بس معرفتش قامت حطت ايدها على رقبته وبدات تقلعه الجاكيت ونجحت فى ده لان فرانكو مغيب عن الواقع ورمت الجاكيت على الارض
============================
برا كان راكان وصل هو ورجالتهم وبدأو يخططو هيعملو ايه وقربو من البيت وبدأو يضربو نااار على الحرس ولان ماكنش فى حرس كتير قدرو يتخلصو منهم كلهم
============================
فرانكو سمع صوت ضرب النار وتمارا وفهد استغربووو وفرانكو زق تمارا بقوة وخرج بسرعه من الاوضه وتمارا خافت من صوت ضرب النار وجرت على حضن الفهد اللى دايماا بتحس فيه بالامان وفهد كان بستنشق ريحتها اللى وحشته جداا
فهد:تمارا هاتى المفاتيح بسرعه
تمارا بعدت عنه وجابت المفاتيح وبدات تدور على مفاتيح اقفال السلسله الحديد لحد مالقيتهم وفتحت اقفال اللى فى ايده وفهد اخد المفاتيح وفتح القفل اللى فى رجله وقام وقف
تمارا:يلا بسرعه
تمارا لسه هتمشي فهد شدها لحضنه وحضنهاا بقوة لدرجه انها حاست انها هتدخل جوا ضلوعه وتمارا كمان رفعت ايدها وحضنته اوى وفهد بعد عنهااا وبصلها بعشق وباسها بحب وبعد شويا بعد عنها وتمارا كانت هتموت من الكسوف وخبت وشها فى حضنه
الباب اتفتح ودخل راكان وكنان
راكان:وحشتنا يابوص
تمارا اتحرجت وبعدت عن فهد وبصت لكنان وراكان بغضب
كنان:عارف انك عايزة تولعى فينا عشان سبناكى لوحدك
راكان:كان لازم نسيبهم ياخدوكى عشان نقدر نوصل للفهد احنا عرفنا انهم رجاله فرانكو عشان كدا استخبينا
تمارا:خلاص سماح المرة دى
فهد:هما فين
كنان:معانا يابوص
تمارا:يلا نمشي من هنا
فهد:يلا
كلهم خرجو وركبوو العربيات ورجعت على القصر
============================
بعد شويا وصلو القصر وفهد امرهم ياخدو فرانكو ودانيال البيت الاسود
تمارا بصلتهم وهما رايحين على الجنينه الخلفيه اللى فهد مانعها تقرب منها:هما رايحين فين
فهد:متشغلين بالك انتى
تمارا كانت مكسوف ترفع عينيها فى عيون الفهد بعد اللى حصل
كنان:فهد انا كلمتلك الدكتور شويا وهيكون هنا
فهد:تمام
فهد وتمارا طلعو الجناح وتمارا طلعت هدوم لفهد:خد شاور على ماالدكتور يوصل
فهد:تمام
فهد دخل الحمام وتمارا كانت طايرة من الفرحه وافتكرت اللى حصل بينهم وانها كانت حابه قربه جدااا وماكنتش مضايقه
بعد شويا فهد خرج وقعد على السرير
تمارا:انت كويس
فهد هز راسه باه
تمارا اخدت هدوم ودخلت الحمام اخدت شاور ولبست وقفت قدام المرايه شافت علامه فى رقبتها وافتكرت لما فرانكو باسها من نفس المكان وعيطت ومسكت ازاز البرفيوم ورمتها على المرايه اللى اتكسرت
فهد سمع الصوت وخبط عليها مافيش رد وسامع صوت عياطهاا فتح الباب ودخل شافها قاعده على حافه البانيو وحاطه ايدها على رقبتهاا وبتعيط وازاز حوليها فى كل الارض
فهد شالها وخرج من الحمام وقعدها على السرير وقعد جمبها:تمارا انتى كويسه
تمارا بتعيط وبس
فهد:تمارا مالك ردى عليا
فهد شاف ايدها اللى على رقبتها مسك ايدها ونزلها وشاف العلامه اللى فيهاا واتعصب وتمارا بتعيط وبس
فهد شدها لحضنه:انا اسف كل اللى حصلك بسببى انا وبس انا اسف ياتمارا
تمارا فضلت تعيط كتير لحد ماهديت خالص وبعدت عن بعد وهى مكسوفه فهد قرب من رقبتها وباسها مكان العلامه بقوة وبعد عنها لما الباب خبط
فهد:ادخلى جوا الدكتور جه
تمارا:ليه
فهد بص للبسها اللى كان عبارة عن بجامه بلون الارزق:هتقفى قدام الدكتور كدا
تمارا:اه نسيت
تمارا اخدت اسدال ودخلت الحمام بسرعه وفهد فتح الباب والدكتور دخل هو وكنان
===========================
تمارا فى الحمام لبست الاسدال ومسكت حته ازازة من المرايه المكسورة عشان تلف الطرحه شافت مكان العلامه اللى فى رقبتها وان فهد خفى العلامه اللى عملها فرانكوو بالعلامه اللى هو عملهاا لبست الطرحه وخرجت كان الدكتور عالج جروح فهد وكتبله علاج وكنان خرج هو الدكتور
تمارا:انت كويس
فهد ابتسم:جداااا
تمارا:هنزل المطبخ اخليهم يجهزلكو الاكل
فهد:تمارا
تماارا:نعم
فهد:قربي
تمارا:هااا
فهد:تعالى ياتمارا قربي
تمارا قربت وقفت جمبه فهد شدها من ايدها خلاها تقعد جمبه:انا اسف
تمارا:على ايه
فهد:على طريقتى معاكى بعد الحفله
تمارا:حصل خير بلاش نفتكر يكون احسن
فهد:تمام
تمارا:هنزل اجبلك الاكل
تمارا خرجت ونزلت المطبخ وكريمه جهزت الاكل وتمارا قبلت كنان اخدت منه العلاج واخدت الاكل وطلعت دخلت الجناح كان فهد قاعد على الكنبه بيشتغل على اللاب حطت الاكل على التربيزة
تمارا:قومت ليه من السرير
فهد:مش متعود انام فى السرير
تمارا:انتى هتقولى ده رصاصه فى دراعك كنت بتتعامل معاها على انها قرصه ناموسه يعنى كل الجروح اللى فى وشك وجسمك كانهم خرابيش عادى يعنى
فهد:خرابيش
وتمارا ضحكت:اه خرابيش
===========================
كنان كان قاعد هو وراكان فى الجنينه
راكان:انا هخرج اقضي وقت حلو كدا تيجى معايا
كنان:يعنى متصاب فى رجلك وبردو مش بتتهد
راكان:لا
فون كنان رن وكان رقم رد عليه:الو
مريم:كنان
كنان:ايوا انا مين معايا
مريم:انا مريم صاحبه تمارا هى كانت كلمتنى من الرقم ده
كنان:اه صح ده رقمى
مريم:طب ممكن اكلمها
كنان:طيب لحظه هطلعلها الفون
مريم:حاضر
============================
تمارا وفهد كانو بياكلو سوا والباب خبط تمارا قامت فتحت كان كنان
كنان:صاحبتك عايزة تكلمك
تمارا:مريم
تمارا لفت وبصت لفهد اللى مستغرب....
روايه فى قبضة الفهد
««الفصل ١٩»»
تمارا وفهد كانو بياكلو سوا والباب خبط تمارا قامت فتحت كان كنان
كنان:صاحبتك عايزة تكلمك
تمارا:مريم
تمارا لفت وبصت لفهد اللى مستغرب
تمارا اخدت الفون من كنان وهو نزل وقفلت على مريم ودخلت وبصت لفهد:احم بصراحه لما انت اختفيت كنت محتاجه اتكلم مع حد وطلبت من كنان انى اكلم مريم وهو ادانى فونه وكلمتها عشان كدا هى اتصلت على فونه
ممكن اكلمها ولا
فهد:كلميها ياتمارا
تمارا ابتسمت:شكرااا
تمارا راحت قعدت على السرير واتصلت على مريم فيديو اللى ردت عليها على طول:قفلتى عليا ليه ياتوتا
تمارا:عشان اكلمك فيديو ياقلب توتا لانك وحشتينى
مريم:وانتى ياتوتا وحشتينى اوى...مافيش اخبار عن جوزك
تمارا بصت لفهد اللى باصصلها برفعه حاجب:احم لا هو رجع
مريم:كان فين يعنى وليه كان مختفى كدا
تمارا:لا ده موضوع يطول شرحه يامريومه
زينب دخلت الاوضه على مريم وشافت تمارا
زينب:بت ياتوتا وحشتينى
تمارا:وانتى وحشتينى يازوزة اخبارك ايه
زينب:بخير بس صاحبتك هتقصر عمرى
تمارا:بعد الشر عليك يازوزة
زينب:انتى اتجوزتى بجد ياتمارا
تمارا:اه يازوزة اتجوزت وسافرت ايطاليا
زينب:ليه كدا يابنتى يعنى لو كنتى بتحبي حد كنتى عرفى اخوكى وهو اكيد كان هيوافق لكن تتجوزى من وراه يابنتى
تمارا بصت لفهد اللى كان عينه عليها وبصت للفون تانى:اللى حصل بقي يازوزة
زينب:طب هترجعى امته
تمارا:مش عارفه والله
مريم:خلاص بقي ياماما سبينى اكلمها بقي
زينب خرجت ومريم بصت لتمارا:متزعليش منها ياتوتا
تماارا:مش زعلانه منها والله انتى عارفه انى بحبها جدااا ..قوليلى بقي انتى عامله ايه
مريم:كويسه
تمارا:مالك بتقوليها من غير نفس كدا ليه...طب شوفتى العريس
مريم:يوووه ياتوتا هو انتى وماما مش عايزة اتجوز الله
تمارا ضحكت:طب نزلتى التدريب
مريم:اه نزلت
تمارا:حسن عامل ايه
مريم:كويس ولما جيت اكلمه عنك قالى ربنا يسعدها فى حياتها اللى هى اختارتها
تمارا:اكيد الحيزبونه سماح هى اللى قلبته عليا
مريم:كلميه ياتمارا وهفضل اقولك كلميه
تمارا فكرت شويا:تعرفى نفسي اشوفه اوى
مريم:استنى كدا
بعد شويا
مريم:حسن فاتح الاكونت بتاعه ايه رايك تكليه فيديو
تمارا:حاضر يلا سلام
مريم:سلام
تمارا قفلت مع مريم وبصت لفهد :هو انا ممكن اكلم حسن اخويا
فهد:كلميه ياتمارا
تمارا:هو المجنون فرانكو عمل فيك ايه ليكون ضربك على راسك
فهد:اشمعنا
تمارا:اصل كل حاجه بطلبها بتقول عليها اه فمستغربه بس
فهد ابتسم:تحبي ارجع فى كلامى تانى
تمارا:لا ونبي خليك كدا
تمارا فتحت الاكونت بتاعها من فون كنان واتصلت على حسن فيديوو
========================
حسن كان فى البيت واتفاجأ لما اكومنت تمارا رن عليه فيديو
حسن:تمارا
سماح كانت قاعده جمبه:مالها ست الحسن
حسن بصلها:تمارا بترن عليا فيديو
سماح بصدمه:بجد
حسن:اه والله...ده فصل استنى هكلمها انا
سماح:تكلمها ليه انت سامحتها
حسن:اه سامحتها
=========================
عند تمارا زعلت لما حسن مردتش عليها واتفاجت لما لقيته بيرن تانى عليها
وردت عليه بسرعه وتمارا اول ماشافته ابتسمت اوى:احم ازيك ياحسن
حسن:كويس .انتى عامله ايه
تمارا:كويسه وبقيت احسن لما شوفتك
طال الصمت بينهم
تمارا:لسه زعلان منى ياحسن
حسن:اكيد ياتمارا انك تهربي من البيت وتتجوزى من ورايا لازم ازعل منك
تمارا:انت اللى اجبرتنى على كدا لما اصريت انى اتجوز تامر
سماح من جمبه:ليه ماله تامر ياسنيورة
تمارا:لا تتطلعى منها خالص انا لاطيقاكىولا طايقه اخوكى
حسن:خلاص ياسماح الوقت تمارا اتجوزت وربنا يسعدها فى حياتها ومتشغليش بالك ياتمارا انا سامحتك ومن زمان اهم حاجه تكونى مبسوطه فى حياتك ومع جوزك
تمارا:طب مش عايز تشوف جوزى
حسن:مانا شوفته فى الصورة معاكى
تمارا:يعنى مش عايز تكلمه وتوصيه عليا
حسن ابتسم:اكيد هكلمه
تمارا راحت قعدت جمب فهد وحطت الفون على التربيزة بحيث يكون الاتنين ظاهرين فى الكاميرا
تمارا:حسن ده فهد جوزى ..فهد ده حسن اخويا
حسن:اخبارك ايه
فهد:بخير وانت
حسن:الحمدلله ..مش هوصيك على تمارا خد بالك عليها
فهد:تمارا فى عينيا
حسن ابتسم:ربنا يسعدكوو يارب ابقي طمنينى عليكى دايما ياتوتا
تمارا صوتت:اخيرااا قولتلها يابوعلى كدا اطمنت انك سامحتنى
حسن ضحك على جنان اخته:يلا سلام
تمارا:سلام
تمارا قفلت وبصت لفهد:شكراا انك وافقت تكلمه
فهد برفعه حاجب:هو انا وافقت ولا انجبرت اكلمه
تمارا:مرة من نفسي اجبرك على حاجه يعنى..يلا ننام بقي لانى هموت وانام
فهد يلا
فهد نام وتمارا طلعت على طرف السرير ونامت واتفاجت لما فهد شدها لحضنه وحاولت تبعد
فهد:انسي مش هتنامى غير فى حضنى يلا نامى بقي لانى عايز انام
تمارا نامت وهى مطمنه وهى فى حضن الفهد وفهد كمان ناااام
=============================
فى منتصف الليل تمارا صحت وماكنش فهد جمبهاا واستغربت هو راح فين لبست اسدال وخرجت من الجناح ونزلت تحت ماكنش فى حد وفتحت اوضه المكتب ماكنش فيها حد خرجت الجنينه وشافت واحد من الحرس رايح على الجنينه الخلفيه مشت وراه وشافته دخل بيت صغير لونه اسود والباب كان مفتوح قربت منه وسمعت صوت فهد وكان شكله متعصب جداا دخلت تشوف فى ايه ولما دخلت اتفاجت ان المكان عباره عن سجون سمعت صوت فهد فى اخر الممر قربت منه ودخلت الاوضه كان فهد وراكان وكنان واقفين وضهرهم ليها ومش شايفنها واتصدمت لما شافت فرانكو ودانيال متربطين من رجليهم فى السقف وفهد بيضرب فيهم وخصوصا فى فرانكو بكل قوته لدرجه ان ووشوشهم مش باينه من الدم
فرانكو:كفايه يافهد
فهد بعصبيه:كفايه.... ده عقاب صغير عشان فكرت تقرب من زوجه الفهد لسه عقابك وقته مجاش
فرانكو شاف تمارا واقفه على الباب:اهلا بزوجه الفهد
فهد وكنان وراكان لفو وشافو تمارا واقفه على الباب وعينيها مليانه دموع
فهد بعصبيه قرب منها:انتى بتعملى ايه هنا ودخلتى هنا ازاى
تمارا عينيها على فرانكو ومش بتتكلم فهد شدها من ايدها وخرج من البيت الاسود وراح على القصر وطلع على الجناح دخل وقفل الباب بكل قوته:ايه اللى جابك ورايا
تمارا....
فهد:انطقى ياتمارا ايه اللى وداكى على البيت الاسود
تمارا كانت خايفه ومش بتتكلم وفهد لاحظ خوفهاا:يلا عشان ننام ياتمارا وبلاش تفكرى فى اى حاجه تمام
تمارا هزت راسها باه وقلعت الاسدال ونامو الاتنين
============================
تانى يوم تمارا وفهد صحو مفزوعين على صوت خبط جامد على باب الجناح فهد قام يفتح كان راكان
فهد:انت بتخبط كدا ليه
راكان:الملك ورجالته تحت يافهد وعايزنك
فهد:طب انزل وانا هاجى وراك
فهد دخل الاوضه كانت تمارا واقفه قدام الشباك الازاز وشايفه عربيات ورجاله كتير فى الجنينه
تمارا:فهد هو فى ايه
فهد:مافيش ياتمارا
تمارا:مافيش ازاى وكل الرجاله دى بتعمل ايه فى القصر
فهد:دى رجاله الملك انا هنزل اشوفه عايز ايه وانتى خليكى هنا
تمارا:لا لا انا هاجى معاك ونبي متسبنيش لوحدى
فهد:طب البسي بسرعه
تمارا دخلت لبست سوت باللون البينك وطرحه بيضه وخرجت كان فهد جهز ونزلو سواا وتمارا لما شافت الملك وصوفيا ورجالته مسكت ايد فهد وقربت منه
فهد:اهلا بالكينج
الملك:ازاى تتصرف من دماغك يافهد
فهد:اتصرفت فى ايه
الملك:انك تحبس ضلعين ممهمين عندك بدون علمى دى جريمه فى عالمنا
فهد قعد على الكنبه قدام الملك وتمارا جمبه:ولنا هو حبسنى عنده ماكنتش جريمه
الملك:كنت هعاقبه بطريقتى يافهد
فهد:متتعبش نفسك انا عاقبته على غلطته
الملك:الكبار بعتو الحل للمشاكل دى
فهد:وايه هو
الملك:انك تطلق البنت دى وترجعها بلدها لانها سبب المشاكل دى كلها
فهد حس برعشه ايد تمارا اللى ماسكه فيه:والمفروض انى اوافق على الطلب ده
صوفيا:ايه الاسلوب الجديد اللى بتكلم الملك بيه ده يافهد
فهد:قولهم طلبهم مرفوض تمارا مراتى واللى هيفكر يقرب منها ميلومش غير نفسه
الملك:انت عارف الرفض ده هيكون الرد عليه ايه
فهد:ميهمنيش
الملك:يبقي تسيب فرانكو ودانيال
فهد:انت عارف كويس اللى بيدخل البيت الاسود مش بيطلع منه غير على قبره
الملك:انت كدا بتلعب بنار يافهد
فهد:عارف
الملك قام وقف وصوفيا وخرجو من القصر ووراهم رجالتهم ركبو عربياتهن ومشوو
كنان:فهد كدا فى خطر على حياتك انت وتمارا
فهد:عارف وجاهز لكل ده
راكان:انت بتفكر فى ايه يافهد
فهد:كل خير... روحو بقي صبحو على ضيوفنا
كنان وراكان ابتسمو بشر وخرجو من القصر وراحو على البيت الاسود
فهد بص لتمارا اللى بتبصله اوى:مالك بتبصيلى كدا ليه
تمارا:انت ناوى على ايه يافهد
فهد:متشغليش عقلك
تمارا:فهد هو انا وجودى هنا فى خطر على حياتكو
فهد:انت شكلك ماصدقتى وعايزة ترجعى بلدك
تمارا بصت فى عينيها اوى:بص فى عينيا كدا شايف انى عايزة ارجع بلدى
فهد:لا شايف انك عايزة تفضلى هنا جمبي
فهد شدها عليها:وفى حضنى
تماارا بعدت عنه:انت قليل الادب على فكرة
فهد ضحك اوى وتمارا بصلته بعشق:دى اول مرة اشوف ضحكتك تصدق حلوة اوى
فهد قرب من وشها اوى:عشان طالعه بسببك
تمارا برقت:فهد
فهد:اممم
تمارا:انت بتعرف تقول كلام رومانسي زى باقى الناس
فهد قام وقف:انا رايح البيت الاسود ممنوع تيجى ورايا
تمارا:انت هتقتلهم بجد
فهد:الموت ليهم راحه وانا مش عايز اريحيهم
فهد سابها ووخرج من القصر وتمارا طلعت الجناح تانى......
روايه فى قبضة الفهد
««الفصل ٢٠»»
عدى شهر
ـ تمارا وفهد علاقتهم بقت حلوة اوى وهى ميكس بين جنان تمارا وبرود فهد اللى هيجننها وكل يوم فهد ياخدها فى حضنه وينام
ـ فهد لسه حابس فرانكو ودانيال عنده وتقريبا مبقاش فيهم حته سليمه من التعذيب
- الملك اللى مضايق من تمرد الفهد عليه ورفضه لطلاق تمارا
ـ تمارا اللى اقنعت الفهد انه يمنع راكان يروح يسهر كل يوم مع بنات واخدت قرار انها تغيره وبالفعل نجحت فى ده وراكان مابقاش يسهر بره
ـ كنان اللى من يوم ما سمع صوت مريم وهو مشدود ليها وكل مرة لما تمارا تكلمها وياخد منها الفون ويدخل على الاكونت بتاعها يتفرج على صورهااا وبيستغل الوقت اللى مريم بترن عليه ويتكلم معاها لحد مايوصل الفون لتمارا
- تمارا اللى بتكلم مريم وحسن يوميااا وده مضايق سماح جدااا
ـ نتيجه تمارا ومريم ظهرت ونجحو بتقدير عالى جداا ومريم اللى جيلها بعثه فى ايطاليا وده مفرحهم اوى انهم هيتجمعو من تانى
===========================
فهد كان فى المكتب والباب خبط
فهد:ادخل
تمارا:فاضي اتكلم معاك
فهد قفل اللاب:طبعاا تعالى
تمارا قعدت على الكرسي اللى جمب المكتب:بص بقي من غير لف ودوران مريم صاحبتى جيلها بعثه هنا فى ايطاليا وفى مشكله فى ورقها واكيد الفهد هيقدر يساعدها
فهد رجع بظهره على الكرسي:اكيد الفهد يقدر يساعدها بس الاكيد فى مقابل
تمارا:عايز فلوس منها يعنى
فهد:فلوس
تمارا:اومال عايز ايه منها
فهد:لا انا عايز منك انتى مش منها
تمارا باستغراب:عايز منى ايه
فهد :عايزك فى حضنى
تمارا:مانت كل يوم بتنام مكلبش فيا كانى هطير او ههرب منك
فهد:عايز نكمل جوزانا ياتمارا وده شرطى عشان اخلص ورق صاحبتك
تمارا قامت وقفت:انشالله عنها ماجت اصلااا انا قولتلها تسمع كلامها زوزة وتوافق على العريس وبلا بعثه بلا وجع دماغ وهى مسمعتش كلامى بس انا هقنعها متقلقش شكرااا مش عايزين خدماتك
تمارا خرجت بسرعه من المكتب وفهد ضحك على جنانها
===========================
تمارا خارجه بتجرى خبطت فى راكان
راكان:شوفتى شبح ولا ايه
تمارا:صاحبك ده بميت شبح
راكان ضحك:عمل فيكى ايه
تمارا بعفويه:تصدق بيقولى عايز...
راكان:عايز ايه ياتوتا
تمارا بعصبيه:وانت مالك هااا انا راحه اوضتى واياااك تخرج من القصر
راكان:احنا هنفضل فى حظر التجوال ده لحد امته
تمارا:العمر كله ياخفيف
كنان جاى عليهم:جيه اليوم اللى اشوف راكان باشا مش بيسهر كل يوم
راكان:البركه فى الهانم
فهد خرج من المكتب:واقفين كدا ليه
تمارا:راكان كان بيقول ان البيت الاسود وحشه وعايز يقضي فيه ليلتين كدا ولا حاجه
راكان:الله يخربيتك بتقولى ايه
كنان ضحك:عشان تبقي تفكر تعصي اوامر زوجه الفهد
تمارا:ايوا بقي انا كلمتى تمشي على الكل زى كلمه فهد بظبط
فهد بصلها:لا والله
تمارا:لا طبعاا كلمه الفهد حاجه تانيه بردو
راكان وكنان ضحكو عليها:جبانه
تمارا:على اساس انتو مش بتترعبو منه
فهد:كنان هتروح السفارة فى ورق باسم مريم عبد المجيد عايزك تشوف فين المشكله وتحلها
تمارا:هتساعدها بجد
فهد بهمس:والشرط لسه موجود على فكرة
كنان خرج وراكان راح معاه
فهد:انا رايح البيت الاسود واياكى تيجى ورايا
تمارا:بردو مش هتسيبهم يافهد
فهد:متدخليش فى حاجه متخصكيش ياتمارا
تمارا بحزن:حاضر
تمارا طلعت اوضتهااا بعد شويا فهد رجع وطلع على الجناح دخل ملاقش تمارا خبط على الحمام وفتحه مش موجوده خرج وراح على اوضتها فتح الباب كانت قاعده على السرير
فهد:انتى بتعملى ايه هنا
تمارا:قاعده فى اوضتى عادى
فهد:مليون مرة اقولك مافيش حاجه اسمها اوضتك يلا قومى
تمارا قامت وقفت قدامه:انت عايز ايه بظبط يافهد
فهد:قصدك ايه بعايز ايه
تمارا:يعنى عايز تقربنى منك ولا تبعدنى عنك انا بجد مش فهماك ولا عارفه انت بتفكر ازاى
فهد شدها لحضنه:ولا هتقدرى تفهمينى ياتمارا فبلاش تتعبي نفسك ومتفكريش كتير
تمارا بحزن:عندك حق
تمارا بعدت عنه وقعدت على السرير تانى
فهد:انتى عايزة ايه ياتمارا
تمارا:مش عايزة حاجه
فهد قعد جمبها على السرير:تمارا
تمارا بصلته:نعم
فهد مسك ايدهاا:انا عايزك على طول جمبي وفى حضنى بس صدقينى انا خايف عليكى
تمارا:خايف عليا من ايه
فهد وقف وشدها لحضنه:خايف عليكى من حبي ياتوتا
تمارا برقت:حبك
فهد ابتسم على شكلها:انا حبيتك من اول مرة شوفتك فيها ياتمارا شدتينى ليكى بقوتك وشقاوتك بس خايف عليكى منى ومن حبي خايف عليكى من العالم اللى انا فيه
فهد بعد عنها:عشان كدا انا هعمل زى الملك ماطلب منى وهطلقك واخليكى ترجعى بلدك ياتمارا
تمارا اتصدمت:انت بتتكلم بجد
فهد:الملك مش هيسيبك فى حالك ولا حتى صوفيا
تمارا قربت منه ودخلت فى حضنه:بس انا مش بحس بالامان غير فى حضنك يافهد بلاش تبعدنى عنك
فهد فرح بكلامها وبعدها عنه:انتى عارفه انهم دخلو خدامه جوا القصر عشان يخلصو منك
تمارا اتصدمت:لدرجه دى
فهد:اه وانا مش عارف ايه هتكون خطوتهم الجديده انا خايف عليكى بجد
تمارا:يعنى لو بعتنى اسكندريه تانى ياترى هيسبونى فى حالى
فهد بعد عنها:مش عارف ياتمارا مش عارف
تمارا بلعت ريقها:فهد
فهد بصلها اوى
تمارا:انا بحبك اوى يافهد ومش عايزة ابعد عنك ابدااا
تمارا قربت منه وحضنته:عايزة افضل هنا جوا حضنك العمر كله
فهد ابتسم:مش هتندمى انك اختارتى تفضلى جوا حضنى
تمارا رفعت راسها وبصلته:عمرى مااندم انى اختارتك يافهد
فهد اشتالها وخرج من الاوضه وراح على الجناح وتمارا كانت مخبيه وشها فى حضنه فهد دخل الجناح ونزلها على الارض:يعنى مواقفه ان جوازنا يكتمل ياتمارا
تمارا ابتسمت بكسوف وفهد قرب منها وباسهااا بعشق وبعد عنهاا
تمارا همست:فهد
فهد بنفس الهمس:قلب الفهد
تمارا بصلته:انا قلبك
فهد باس راسها:انتى كل حياتى ياتمارا مش هقولك بحبك لانى عديت المرحله دى من زمان انا وصلت لمرحله العشق معاكى ياتمارا
تمارا اترمت فى حضنه وكانت فرحانه جداا
وفهد اشتالها ودخل الاوضه ونيمها على السرير وقرب منهااااا ليعلمها اصول عشق الفهد ولتصبح زوجته قولاا وفعلاا
===========================
تحت كنان كان خلص ورق مريم وكان فرحان انه اخيراا هيشوف البنت اللى سرقت قلبه من اول ماسمع صوتها وفرح اكتر لما لاقاها بترن عليه
كنان:الو
مريم:ازيك ياكنان
كنان:انا بخير انتى عامله ايه
مريم:بخير الحمدلله انا اسفه انى كل شويا بزعجك كدا
كنان:لا عادى ولا يهمك
مريم:طب تمارا معاك ممكن اكلمها
كنان:لا الحقيقه تمارا فوق مع فهد فى الجناح
مريم:اااه
كنان:عايزاها ضرورى تحبي اطلعلها الفون
مريم:لا انا كنت هسالها قدرت تحليلى موضوع الورق
كنان:انا لسه جاى من السفارة وكل حاجه تمام وتقدرى تيجى فى معادك كمان
مريم بفرحه:بجد ياكنان
كنان:بجد يامريم
مريم:بجد مش عارفه اشكرك ازاى شكرااا
كنان:العفو انا معملتش حاجه كفايه عندى فرحتك دى
مريم:هاااا
كنان:قصدى فرحه تمارا عشان هتشوفك
مريم:ايوا طب انا هقفل الوقت وهابقي اكلم تمارا وقت تانى
كنان:تمام
كنان قفل وكان فرحان انه سمع صوتهااا وفاق على صوت راكان:حبيتها
كنان بصله:مين
راكان:صاحبه تمارا
كنان:حتى لو حبيتها عمرى ماهدخلها العالم ده واظلمها معايا
راكان:ليه ياصاحبي
كنان:انت مش شايف اننا ممكن نموت فى اى لحظه العالم بتاعنا كله ضلمه ياصاحبي اديك شوفت تمارا من اول مادخلت العالم ده اتخطفت كام مرة والملك عايز يخلص منها طب ليه بقي اظلمها معايا
راكان طبطب على كتفه وكنان سابه ودخل القصر:ده العشق بيبهدل ياجدعان ربنا يبعده عننا
============================
عند حسن اخو تمارا كان قاعد فى المحل بتاعه وبيفكر يروح لدكتور اللى صاحبه قاله عليه عشان موضوع الخلفه قام قفل المحل وراح على البيت واتفاجأ ان سماح من موجوده دخل الاوضه اخد التحاليل اللى كانو عاملهم هو وسماح وخرج واتصل على صاحبه عشان يروح معاه وبعد شويا وصلو عن الدكتور ودكتور شاف التحاليل وقاله ان التحاليل بتبين ان المشكله من عنده بس هو عايز يعمله تحاليل تانيه يتاكد اكتر وطلب منه شويا تحاليل يعملهم ويجيله تانى
حسن وصاحبه خرجو من عند الدكتور وراحو على المعمل اللى هيعمل فيه التحاليل عملهم وخرجووو وكلم سماح وقرر انه مش هيقولها على موضوع الدكتور ده
سماح:الو
حسن:انتى فين ياسماح
سماح:انا عند تامر اخويا فى شقته الجديده ياحسن اخدنى يفرجنى عليها
حسن:وازاى تخرجى من غير ماتعرفينى ياسماح
سماح:الشقه فى العمارة اللى جمبنا ياحسن مش بعيد دانا نازله بالاسدال ماتيجى تتفرج على الشقه معانا
حسن:لا انا راجع على البيت
سماح:خلاص وانا كمان هرجع اهو عشان تامر هيتغدى معانا
حسن:تمام
حسن قفل ورجع على البيت كانت سماح واخوها رجعوو واتغدوو سواا وقعدو سواا وبليل تامر مشي وحسن وسماح نامووو
===========================
صباح يوم جديد فى جناح العشاق
تمارا صحت كانت نايمه فى حضن الفهد بصلته لقيته صاحى وبيبصلها بعشق
تمارا خبت وشها فى حضنه وفهد ضحك عليها
فهد باسها من راسها ورفع وشها على تبصله:صباح الجمال
تمارا:صباح الخير
فهد:انتى كويسه ياتمارا حاسه باى تعب
تمارا هزت راسها بلا:انت صاحي من امته
فهد:انا مانمتش اصلا
تمارا:بتهزر مانمتش ليه
فهد:بقي فى حد يبقي فى حضنه الجمال ده ويسيبه وينام
تمارا ضحكت:انا بجد مش مصدقه انك الفهد زعيم المافيا
فهد:ليه بقي
تمارا:اصلك كنت بارد اوى
فهد:اه كان فى واحده كدا قالتلى انى تلاجه ماشيه على الارض
تمارا ضحكت:قلبك اسود اوى على فكرة
فهد:انتى ليه مش بتحبي اللون الاسود
تمارا:بكرهه لانه لون كئيب اوى وانا بحب الالوان الفواتح تحسها كدا بتعطيك طاقه وسعاده وحاجات حلوة كتير
فهد:زيك كدا لما دخلتى حياتى خليتى ليها طعم
تمارا:فهد
فهد:نعم
تمارا:هو احنا مينفعش نبعد عن هنا عن العالم بتاعك اللى كله دم وقتل
فهد:لو فكرت اخرج منه هتكون نهايتى ياتمارا
تمارا:ازاى يعنى
فهد:انا عرفت كل اسرارهم فمستحيل يسبونى امشي كدا عادى لازم يصفونى انا ورجالتى واى حد يخصنى
تمارا:يعنى ايه يصفوك
فهد:يعنى يقتلونى انا كل رجالتى حتى الخدم اللى فى القصر وانتى كمان ياتمارا مش هيسبوكى
تمارا:لدرجه دى
فهد:واكتر كمان الناس دى مش سهله ابداا مينفعش اللعب معاهم ولو فكرت العب معاهم لازم اكون حذر جدااا
تمارا حضنت فهد بقوة:انا كنت خايفه وبعد ماسمعت كلامك خوفت اكتر
فهد رفع وشها:صدقينى طول ما فيا نفس عمرى ماهسمح لحد يمس شعره منك ياتمارا
تمارا:انا بحبك اوى يافهد بجد مش عارفه ازاى وامته بس بجد انت بقيت كل حياتى ومقدرش اعيش من غيرك عشان خاطرى خد بالك على نفسك علشانى
فهد باسهاا بحب:لازم نحتفل بعد الكلام الحلو
تمارا:نحتفل ازاى
فهد قرب منها:تعالى لما اقولك
﴿ لتسكت شهرزاد عن الكلام الغير مبااااااح ﴾
=============================
حسن صحى وفطر ونزل شغله زى كل يوم ولما خلص راح جاب التحاليل وراح لدكتور اللى صدمه لما قاله ان التحاليل القديمه مش صحيحه وان التحاليل الجديده بتقول ان مراته اللى عندها المشكله مش هو
حسن خرج مصدوم لما عرف الحقيقه وكان ماشي تايه ومش عارفه رايح فين معقول كانت بتخدعه الوقت ده كله وهو اللى كان شايل هم انها مش هتكون ام بسببه وكان مبيحبش يزعلها او يقولها لأ كفايه انها مستحمله تعيش معاه ورافضه تتطلق وتتجوز عشان تجيب اطفال
حسن ماشي تايهه ومش حاسس باى حاجه حوليه فجأه عربيه خبطته ووقع على الارض وحوليها بركه من الدم
رجاله فهد اللى بيرقبوه شافوه واخدوه على المستشفى بسرعه واتصلو على كنان عشان يعرفوه....
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 …){kind=link}
تعليقات
إرسال تعليق
فضلا اترك تعليق من هنا