رواية تزوجت صعيدى الفصل السادس عشر والسابع عشر والثامن عشر والتاسع عشر والعشرين والحادى وعشرون بقلم أميرة جمال( حصريه وجديده في مدونة قصر الروايات)
رواية تزوجت صعيدى الفصل السادس عشر والسابع عشر والثامن عشر والتاسع عشر والعشرين والحادى وعشرون بقلم أميرة جمال( حصريه وجديده في مدونة قصر الروايات)
لاحول ولاقوة الا بالله العلى العظيم💚🌿
#الحلقة 16
سليم اتفاجئ بمنظر نور وهى منهارة فى العياط قرب منها بخوف حاول يهديها مااعرفش حضنها جامد وهي بترتعش فضلت وقت بسيط وبعدها حس بتقل رأسها وانتظام أنفاسها عرف إنها نامت ركبها العربيه وطلع بيها على القصر
وصل عند القصر طلع بيها بهدوء ونيمها فى سريرها وحمد ربنا ان مافيش حد شافه علشان مايفهمش غلط وخرج بسرعه دخل اوضته ووقف فى البلكونة
الكل رجع القصر ماعدا الحاجة فاطمة اللى صممت تقعد مع الجد وماتسيبهوش ابدا
سليم شاف العربيات وهى داخلة نزل تحت علشان يطمن على جده
آدم روحت فين يابنى
ملك وكمان نور اختفت
سليم بتوضيح نور كانت مرهقة من الدم اللى فقدته وخافت تقلقوا عليها فروحتها وقالت هتنام ماحدش يصحيها علشان ترتاح
ملك بقلق يعنى هى كويسه ولا هبطت تانى
سليم بتأكيد لا كانت كويسه لو تعبانه كنت خلتها فى المستشفى
ملك باقتناع تمام عن اذنكم هطلع ارتاح واطمن على نور
سليم وآدم اتفضلى
آدم برفعه حاجب سليم انت مخبى حاجه
سليم بهدوء لا هخبى ايه
آدم يمكن مثلا حبيت نور
حسام بخبث بلاش لاحسن احرمه منها
سليم بعصبيه ضرب حسام بالبوكس فى وشه خلاه وقع على الأرض
حسام وقف تانى باابتسامه لا ده شكلك وقعت بجد ومن الآخر هى تلزمنى وعجبانى
سليم هجم عليه وفضل يضربه ووقف بعد ما ادم شاله وبعده عنه
آدم بعصبيه غور دلوقتى ياحسام بدل مايقتلك
حسام وهو بيمسح الدم من على وشه هنتقابل تانى ياسليم بس وهى فى حضني ومشى
سليم بغضب والله لاوريك ياحسام
آدم ماخلاص بقا ياسليم اهدى شوية يااخى تعبتنى
سليم بعصبيه مش هسيبه ياادم
آدم بهدوء انت حبيت نور بجد ياسليم
سليم بتنهيدة مش عارف بس هى غير نرمين انا مش بفتكر نرمين معاها بحس بحاجات اول مرة احس بيها
آدم يبقا حبيت يا سليم يلا نطلع ننام وبكره يحلها ربنا
سليم بتعب يلا وطلعوا مع بعض
********أميرة اميرة جمال *************
فى صباح يوم جديد
نور صحت بتعب وهى حاسه بصداع جامد
ملك بلهفة انتى كويسه يانور
نور بتعب حاسه بصداع جامد اووى
ملك سليم قال انك تعبتى امبارح وهو روحك مش كنتى تقوليلى
نور بتذكر اه تعبت شويه
ملك طيب تعالى نننزل علشان نأكل وتقدرى تقفى على رجلك
نور بتعب ماليش نفس خالص
ملك باستفهام نور انتى كويسه حاسه انك مخبيه عليا حاجه
نور وانا هخبى عليكى ايه بس ياملك
ملك مش عارفه بس حاسه انك فى مشكلة كبيرة
نور لاابدا عايزه ارتاح بس
ملك طيب انا هسبق على تحت واخليهم يطلعوا الفطار هنا ليكى
نور مش عايزه اكل يابنتى
ملك هقولهم وهم يتصرفوا بقا وخرجت من الأوضة
نور بتنهيدة لنفسها هقولك ايه ياملك انى بنت حرام مش بنت المهندس أحمد وماما زينب انى جايه من الشارع
نور بتذكر
Flash back
احلى حاجه يابابا انت وماما انكم بتعملوا شيك أب على طول
أحمد باستهزاء كويس انك عارفه وبتعملى معانا
نور بضحك يابابا كفايه انتوا
احمد وهو يضربها بخفة يا سلام يالمضة
نور بضحك طيب بابا فصيلة دمه A وماما B على كده انا بقا ابقى AB
زينب قدامى يالمضه يعنى هتكونى Oمثلا
نور بضحك وهى بتجرى يعنى هجيب O منين انا بقا
نور دموعها نزلت وهى بتفتكر طلعت Oفعلا
*************أميرة جمال**************
فين نور
ملك اتلفتت لآدم قالت مالهاش نفس وعايزه ترتاح شويه
سليم دخل المطبخ طلب منهم فطار لاتنين فى الجنينة وبعت رسالة لنور
نور انا هستناكى فى الجنينة نفطر سوا ونتكلم
نور شافت الرسالة حست انها فعلا محتاجه تتكلم وانها مطمنه لسليم قامت تجهز علشان تنزله
بعد فترة نور وسليم كانوا قاعدين فى الجنينة والفطار قدامهم
ملك وآدم وهم رايحين عند المشروع شافوا سليم ونور بصوا لبعض وابتسموا وكملوا طريقهم
سليم ونور قاعدين من غير كلام
سليم ممكن تفهمينى مالك
نور مجرد ماسمعت سؤاله دموعها نزلت
سليم ارجوكى اهدى احكيلى اللى حصل ولو فيه مشكلة هنحلها مع بعض
نور انا مش بنت المهندس أحمد
سليم بعد استيعاب امال بنت مين
نور انا بنت......
يتبع .......... .
اميرة_جمال💚
#تزوجت_صعيدى🌸
استغفر الله عدد ماكان وعدد مايكون وعدد الحركات والسكون💚🌿
#الحلقة 17
نور انا بنت..وسكتت
سليم هزلها راسه بهدوء إنها تكمل
نور بتنهيدة انا فعلا مش عارفه انا بنت مين
سليم يعنى ايه يانور
نور ........
سليم فهمينى مش عمى أحمد يبقا والدك
نور دموعها نزلت وماتكلمتش
سليم ارجوكى اهدى وفهمينى وانا هساعدك
نور اطمنت شوية وهى فعلا محتاجه تتكلم ومحتاجه مساعده وبدأت تهدى
سليم يلا يانور انا سامعك
نور اتنهدت تنهيدة فيها تعب وحزن وبدأت تحكى كل اللى حصل
سليم بتفهم يمكن فيه حاجه غلط يانور
نور لو المستشفى هنا غلط ماكنش ينفع اتبرع لجدو
سليم ممكن فى القاهرة اللى غلط
نور مااعتقدش دى مستشفى كبيرة جدا
سليم طيب نتأكد من المستشفى االاول
نور بتساؤل ولو قالوا فعلا ان الكلام ده صح
سليم يبقا مافيش غير عمو أحمد هو اللى هيفهمنا كل حاجه
نور بتعب طيب ماسأل بابا وعند الكلمة دى دموعها نزلت
سليم نسأل الأول ولما نتأكد نعرف منه لكن ممكن يكون الكلام ده غلط ونبقا عملنا دوشة على الفاضى وقلقناه
نور باقتناع تمام انا هسافر القاهرة أسأل
سليم ليه
نور برفعة حاجب
سليم ضحك على شكلها وعلشان يلطف الجو يابنتى ماهو نتواصل معاهم واحنا هنا على النت ولاانتى قديمة
نور بغيظ انت اللى قديم
سليم طيب ياجديدة نكلمهم بعد الفطار
نور مش قادرة ماليش نفس هكلمهم دلوقتى
سليم اخد تليفونهامن قدامها مافيش الكلام ده هنفطر الأول أهم حاجه صحتك يلا نفطر سوا
نور بجد مش قادرة
سليم لو ماكلتيش مش هأكل
نور خلاص بس هأكل بسيط وبدأت تأكل معاه
سليم كان مبسوط من جواه انه خلاها تأكل وكان خايف من النتيجة والموضوع ده هيرسي على ايه
يلا يانور
خايفة اووى ياسليم دى كلمة هتغيرحياتى كلها
سليم بيقين خليكى متأكدة ان حتى لو فيه تغيير هيبقا للأحسن ربنا مش بيختارلنا حاجه وحشة ابدا
نور ونعم بالله واتصلت بالمستشفى وقالولها ربع ساعه وهيببعتولها نتيجة فصيلة دم أحمد وزينب
سليم كان من جواه قلقان اكتر من نور لكن ماظهرش ده وكان بيحاول يطمنها
**********أميرة اميرة جمال ******
زينب بدموع مش قادرة تقف
الدكتور اهدى يامدام زينب ارجوكى وفجأة زينب وقعت
الدكتور بصريخ نادى على الممرضة ودخلوا بيها الأوضة
زينب كانت فى عالم تانى واعصابها تعبانه
الدكتور موجه كلامه للممرضة كده هى هتنام بفعل المهدئ ده مافيش حد يدخل عندها وهى كماان ساعه هتفوق وهجيلها بنفسي
الممرضة تمام يادكتور وخرجوا وتركوا زينب لاحول لها ولاقوة
***********أميرة جمال*********
وصلت رسالة على تليفون نور
نور ايدها بتترعش وسابت التليفون
سليم بتشجيع نور ارجوكى لازم نعرف الحقيقة
نور بخوف انا خايفة لا انا مرعوبة ياسليم
سليم بإذن الله خير يلا اجمدى كده وانا معاكى
نور حاولت تتمالك أعصابها ومسكت التليفون وفجأة التليفون وقع منها وهى انهارت فى العياط
سليم جرى بلهفة مسك التليفون واتصدم وحضن نور بقوة وهى منهارة وبتترعش لحد ماهدت ونامت شالها نيمها فى سريرها وخرج
الو يابابا
ازيك يا سليم اخبارك ايه والضيوف وجدك وجدتك والعيلة كلها
سليم كلهم بخير
محمود مالك ياسليم فيك حاجه
سليم بحاول ارن على عمو أحمد مش بيرد
محمود بتعجب بترن عليه ليه فيه مشكلة فى المشروع
سليم بنفى لا يابابا ده حاجه تانية خاصة بنور
محمود خير ياابنى
سليم معلش يابابا دى حاجه خاصة بنور
محمود طيب انا هحاول اتواصل معاه وهكلمك
سليم تمام فى انتظارك
بعد مرور ساعه او اكتر
نور صحت من النوم افتكرت اللى حصل مسكت التليفون بسرعه رنت على أحمد ماردش عليها كالمعتاد فرنت على والدتها
زينب بتحاول تهدى علشان نور وان صوتها يبان طبيعى ازيك يانور وحشتيني يابنتى
فين بابا يا ماما
زينب بوجع مش موجودة ياحبيبتى مالك يانور فيكى ايه
ماما مش انتى وبابا فصيلة دمكم A و B
زينب بتأكيد أيوة ياحبيبتى فى ايه
نور غمضت عنيها بألم ماما انا ازاى فصيلة دمى O
زينب سكتت وماردتش على نور
نور ماما ارجوكى ردي عليا
زينب بدموع حاولنا نخبى عليكى علشان مانجرحكيش يابنتى
نور يعنى ايه انا بنت مين
زينب الله اعلم يابنتى احنا لاقيناكى وانتى صغيرة وتايهة وسمناكى نور على اسم اللى مكتوب فى السلسلة
نور بدموع احكيلى يا ماما
زينب بتذكر
Flash back
انا هنزل أجيب عصير من السوبر ماركت محتاجة حاجة
زينب بنفي لا مياه بس
أحمد نزل من العربية وزينب نزلت تستناه قدام العربية وشافت بنت جميلة جدا بتعيط جنب السوبر ماركت
زينب اتحركت ناحيتها مالك ياحبيبتى
البنت بشهقة بابا وماما مشواوسابونى
زينب وهى تمسحلها دموعها حد يسيب القمر ده برضو
البنت ضحكت
زينب تحبى تيجى معايا
البنت بابا وماما هيزعلوا هم قالولى هاتى عصير وكانوا هناك بعيد بس مش شيفاهم
زينب شافت تجمع من الناس
أحمد خرج شاف بنت جميلة وصغيرة وزينب ماسكه ايدها
أحمد باستفهام مين؟؟
زينب ركبت الطفلة العربية واتكلمت مع أحمد بره العربية
دى بنت بتعيط وبتقول باباها وماماتها كانوا مستنينها هناك وشاورت بايدها مكان التجمع
أحمد طلب منها تركب العربية وهو هيروح يعرف التفاصيل وصل عند التجمع وعرف ان فيه عربيه ولعت وكل اللى فيها ماتوا ومش معاهم اثبات شخصية أحمد رجع لزينب
أحمد بتأكيد كده المفروض نسلمها للبوليس
زينب أحمد ناخدها معانا
أحمد بتفاجئ ايه اللى بتقوليه ده
زينب بدموع أرجوك ياأحمد تبقا بنتنا هى لو راحت للبوليس هتتبهدل واحنا ربنا مارزقناش
احمد صعبت عليه زينب وقرر يفرحها حتى لو رافض ده من جواه هنسميها ايه
زينب هنسميها نور على الاسم اللى مكتوب فى السلسلة يمكن حد من عيلتها يظهر فى يوم
أحمد طبطب عليها واخد نور وبدأوا حياتهم من جديد وهم أسرة سعيدة
Back
نور بدموع يعنى اهلى ماتوا
زينب بدموع ايوه يابنتى لو كانوا عايشين كنا وديناكى ليهم
نور يعنى كده خلاص ماليش أهل
زينب وقدرتى تقوليها يا نور واحنا روحنا فين يابنتى احنا الا ربينا وكبرنا وسهرنا وخوفنا
نور فين بابا يا ماما انا حاسة انك مخبيه عليا حاجة
زينب.............
نور ماما ارجوكى ماتخبيش عليا انا قلبى مقبوض
زينب ابوكى............
سليم راح يطمن على نور فضل يخبط وماكنش فيه رد قلق وفتح الباب واتصدم من اللى شافه
يتبع...........
أميرة_جمال💚
#تزوجت_صعيدى🌸
اللهم صل وسلم وزد وبارك على محمد وعلى آله وصحبه أجمعين 💚🌿
#الحلقة 18
سليم شاف نور مرمية على الارض وهى لاحول ليها ولاقوة جرى بلهفة عليها ونزل بيها على المستشفى
بعد مرور ساعه سليم جنب نور وهو قلقان عليها وهى لسه مافاقتش
الدكتور وهو بيربط على كتف سليم ماتقلقش هتبقا بخير هى عندها انهيار عصبى بسبب صدمة اتعرضت ليها
سليم بهدوء ان شاء الله خير
*******أميرة اميرة جمال **********
ايه الصمت ده
آدم يمكن مافيش حد هنا
ملك باستفهام ونور وسليم فين
حسام بخبص يمكن مع بعض
آدم بصله بغضب
حسام اقصد يمكن خرجوا مثلا
الجد خلاص ياولدى منك ليه لما يرجعوا هنعرف هم فين المهم يكونوا بخير
آدم انا هتصل عليه واطمن عليهم ياجدى
الجد ماشى ياولدى انا هطلع استريح شوية وابقى طمنى عليهم
آدم اتفضل ياجدى
طلع الجد والحاجة فاطمة على فوق علشان يستريحوا
آدم موجه كلامه لملك اطلعى استريحى وانا هشوف سليم ونور وهكلمك
ملك بموافقة حاضر واتحركت على فوق
آدم خرج فى الجنينة يكلم سليم
حسام ابتسم بخبث وطلع على فوق
ايوه ياسليم انت فين
فى المستشفى
ايه ليه خير
يابنى اهدى نور تعبانه شوية
سليم نور مالها اكيد ده مش بسبب انها اتبرعت بالدم لجدى يعنى
سليم بتنهيدة فى موضوع خاص بيها شاغلها شوية
ممكن نساعدها بحاجه
لسه مش عارف انا حتى دلوقتى مش عارف ايه اللى حصل وعملها انهيار عصبى كده
الكل هنا كان بيسأل عليكم جدك رجع البيت واستغرب انك ماجتش تاخده من المستشفى
هبقا اكلمه اول مااطمن عليها وتفوق هرجعها البيت
تمام ولو احتاجت حاجه انا صاحي
ماشى سلام
مع السلام
سليم ركن الفون جنبه ومركز عنيه على نور قد ايه هى بريئه ورقيقة واللى بيحصلها ده كتير عليها شافها بتحرك ايديها طلع يجري بسرعه ينادى الدكتور
**********أميرة جمال*******
خبط على باب الأوضة وفتحت ملك الباب بهدوء فتحة صغيرة تشوف مين لانها كانت لابسه بيجامه ماحستش غير وحد بيكتفها وايديه على بوقها وقفل الباب وراه
ملك بتبصله بخوف وبتحاول تفك نفسها
بهمس شبه فحيح الأفعى وتفحص لملك طلعتى جامده اووى
ملك بدموع بتحاول تبعده عنها
حسام بهمس هششش اهدى كده وبلاش حركه كتير
ملك بتبصله بخوف
ايه رأيك لو نقضى ليله حلوة كده
ملك فتحت عنيها بفزع مش مستوعبه اللى سمعته وخبطته وبعدت عنه
حسام باصللها بغضب من اللى عملته
ملك بعدت وهى بتنهج وبتاخد نفسها ووجهت كلامها بغضب لحسام انت اتجننت اطلع بره ياحيوان
حسام بإعجاب طلعتى قطه مخربشه
ملك اطلع لاما هلم عليك اللى فى البيت كلهم
حسام بوقاحة وقعد وهو حاطط رجل على رجل لميهم وانا هقولهم انك اديتينى ميعاد علشان نتقابل هنا فى أوضتك وهى نور مش موجودة
ملك بصدمة انا ماشوفتش حد فى بجاحتك
حسام يلا صوتى
ملك قولتلك اطلع بره يازباله وسمعت خبط على الباب اتخضت
حسام بهمس افتحى ياحلوة
ملك زاحته بعيد على جنب وفتحت الباب بحذر
آدم بتعجب من قلقها نور كويسه هى مع سليم فى مشوار بس
ملك بتوتر تمام
آدم ملك انتى كويسه
ملك اه اكيد
آدم شكلك متوترة
ملك لاابدا الوقت متأخر بس وكنت بنام
آدم ماشى تصبحي على خير وابتسم
ملك وانت من أهل الخير وقفلت الباب بسرعه وهى بتاخد نفسها وحاطه ايدها على قلبها
حسام بابتسامه جانبية اممم حبيب القلب طبعا يعنى حرام ليا وحلال لغير
ملك بغضب اطلع بره وفتحت الباب وهى بتزيحه وقفلت وراه بسرعه
حسام خرج وهو بيبتسم وبيعدل لبسه بعد ماشاف العيون اللى راقبته وعيون بتطلع نار ناحيته
***********أميرة جمال************
الدكتور الحمد لله هى بخير بس بلاش اى انفعال
سليم بتفهم حاضر يادكتور وخرج الدكتور
سليم موجه انظاره لنور ايه اللى حصل يانور خلاكى توصلى للحالة دى
نور بدموع بابا
سليم مافهمش قصدها على بشمهندس أحمد ولا والدها الحقيقى ونور فهمت هو بيفكر بايه
نور بتوضيح بشمهندس أحمد
سليم ماله
نور كان بيعمل عمليه خطيرة ودخل فى غيبوبة يعنى حتى بابا اللى ربنا كرمنى بيه بيروح منى
سليم وهو صعبان عليه حالها أن شاء الله هيبقا بخير لكن مين اللى قالك
نور ماما كلمتها وحكتلى كل حاجه وان اهلى الحقيقين ماتوا وماكنش فى اثبات معاهم
سليم ازاى عمو أحمد تعبان وبابا ماقاليش
نور مش عارفه ماما ماقلتش غير لما صممت اعرف بابا فين
سليم طيب شدى حيلك كده علشان نقدر نطمن عليه
نور انا لازم اسافرله وبتحاول تقف لكن حست بدوخة
سليم جرى عليها يسندها ممكن تهدى وأن شاء الله كل حاجه هتتحل
نور انا تعبت اووى ياسليم
سليم انا معاكى وجنبك دايما يلا بينا نروح جدو كان بيسأل عليكى
نور بسعاده هو رجع البيت
سليم بفرحة لسعادتها اه رجعوا ومالقوناش هنقولهم كنتى مرهقك وجيتى تعملى شوية تحاليل علشان الهبوط يعنى
نور بتفهم ماشى يلا بينا علشان نرتاح
سليم وهو بيساعدها يلا
نور متشكرة جدا ياسليم على وجودك جنبى
سليم ابتسم ليها وطلعوا من المستشفى
***********أميرة جمال*************
يتبع......
اميرة_جمال💚
#تزوجت_صعيدى🌸
لاحول ولاقوة الا بالله العلى العظيم💚🌿
#الحلقة 19
فى صباح يوم جديد الكل متجمع على الفطار
صباح الخير ياجدى وحشتنى اووى
علشان كده ياسليم جيت المستشفى خدتنى
حسام بخبث كان عنده سهره وضحك
سليم لسه هيتحرك ناحية حسام الجد شاورله انه يقعد
نور وملك نزلوا
نور بصدق حمد الله على السلامه ياجدى نورت بيتك
سارة بضيق علطول منور بيته ياحبيبتى
الجد بابتسامه لنور منور بوجودك ياحبيبتى انتى وملك
ملك البيت مالهوش حس من غيرك ياجدو
الجد تسلمولى ياحبايبى
سارة بسخرية وكنتى فين امبارح بقا يا نور هانم
سليم بجدية كانت تعبانه شوية لانها عرفت ان عمو أحمد تعبان ووقعت لما عرفت
الجد بقلق ماله البشمهندس ااحمد يابنتى
نور بدموع ادعيلوا ياجدى انا هسافر فى أقرب وقت
سليم موجه كلامه لنور قولنا ترتاحى يانور
نور بدموع سليم انت وعدتني هتساعدنى اسافر لبابا
ملك حضنت نور ان شاء الله عمو هيبقا كويس
آدم موجه كلامه لنور ان شاء الله هتطمنى عليه
سارة بغضب ماخلاص بقا قولنا هيبقا بخير بلاش كلام كتير جدى تعبان
نور اتضايقت وقامت تمشى السلسله بتاعتها شبكت فى لبس سارة اللى اتعصبت
سارة بغضب شيلى الزفته بتاعتك دى
سليم بعصبيه ماخلاص يا سارة حصل ايه يعنى السلسله شبكت وبتفكها
نور وهى بتمسك السلسه خلاص فكتها
فاطمة وقفت مصدومة انتى جيبتى منين السلسلة دى يانور
نور باستغراب ماما عطتهالى وقالتلى ماقلعهاش من رقبتى ابدا
فاطمة دى سلسلة بتاعتى
نور ازاى ده يمكن شبهها ياجدتى
سارة باستهزاء وكمان طلعتى حراميه
الجد ضرب سارة بالقلم ووجه كلامه لقدرية لمى بتك وعلميها تعامل ضيوفها زين
قدرية سحبت سارة بعصبيه من غبائها وتسرعها وقعدتها جنبها لانها عايزه تعرف ايه اللى هيحصل
نور والله ماسرقتش حاجه
فاطمة وهى تقترب من نور سيبك منها يابتى بس قوليلى والدتك جابتلك السلسله دى بالذات منين
نور مش عارفه ياجدتى هى بتلبسهالى من صغرى
الجد هى دى السلسلة اللى ضاعت يافاطنة
فاطمة سامحنى ياحاج انا اديتها لحسن علشان يديها لنور مرته علشان ماتحسش اننا كلنا رافضينها
الجد لينا كلام تانى يافاطنة
فاطمة ماتزعلش منى ياحاج غصب عنى انت عارف حسن كان الغالى ودموعها نزلت
الجد مازعلش منك واصل يافاطنة ربنا يرحمه ويسامحنا
فاطمة بجدية نور انى عايزه اكلم والدتك يابنتى
نور بتعجب حاضر بس ممكن افهم ايه موضوع السلسلة دى
فاطمة أفهم انى الأول يابنتى وبعدين افهمك ولو اللى فى دماغي صح يبقا ربنا بيحبنا ولطف بقلوبنا وحزننا طول حياتنا على ولدنا
نور انا مش فاهمه حاجه
فاطمة وهى بطبطب على نور كله فى اوانه يابنتى روحى انتى على شغلك
نور باستسلام حاضر وخرجوا لشغلهم
*********أميرة اميرة جمال ***********
سليم يلا ياادم طلع عربيتك
آدم بجدية لا مش عايز اسوق نركب كلنا نفس العربية
سليم بتعجب انت كويس
آدم اه تمام وركب جنب السواق وسليم راح يسوق ونور وملك ركبوا ورا
سليم يلا انزل انت وملك شوفوا التصماميم وانا هركن العربيه وهنشرف على العمال
آدم تمام ومشى وساب ملك
سليم موجه كلامه لملك انتوا اتخانقتوا ولا حاجه
ملك بنفى ابدا كنا كويسين امبارح
سليم بتنهيدة تمام نخلص شغل وانا هشوفه
ملك هزت راسها بالموافقة ومشت اتجاه المكتب
ملك انت كويس
آدم زى الفل
ملك فيك حاجه متغيرة
آدم وانتى خبره
ملك مش فاهمة تقصد ايه
آدم بسخريه ماتاخديش فى بالك
ملك بتكلمنى كده ليه ياادم
آدم بغضب ضغط على دراعها عايزانى اكلمك ازاى ياربه الصون والعفاف
ملك بدموع سيب ايدى ياادم
آدم بضغط اكتر هتعملى شريفه عليا انا
ملك انا شريفه غصب عنك
آدم وحسام اللى كنتى فى حضنه امبارح
ملك بصدمه ضربته بالقلم انت حيوان ومش محترم وانا اشرف منك ومن ابن عمك القذر اللى حاول يتهجم عليا امبارح كنت فاكرة ان ليا ضهر بس طلعت غلطانه وطلعت تجرى بره
آدم فاق من صدمته وطلع يجرى وراها
ملك بتجرى وفجأة عربية ظهرت قدامها
آدم بصريخ مللللللك
**********أميرة جمال**********
قدرية فى نفس المكان المهجور دخلت عنده
كل حاجه هتتكشف كده هيدوروا ورايا وهيعرفوا كل حاجه
.............
انت مش فاهم بنتك عايشة ياحسن
يتبع............
أميرة_جمال💚
#تزوجت_صعيدى🌸
اللهم صل وسلم وزد وبارك على محمد وعلى آله وصحبه أجمعين 💚🌿
#الحلقة 20
آدم طلع يجرى على ملك والدم نازل منها شالها بسرعه واخد عربيه واحد من المهندسين وطلع على المستشفى وملك جنبه
آدم وصل المستشفى وملك على ايده وبزعيق دكتور بسرعه
الدكتور أخد ملك وكشف عليها وطلب دخولها اوضه العمليات بسررعه
سليم ونور وصلوا المستشفى شافوا آدم قاعد على الارض
نور بدموع ملك فين ياادم وايه اللى حصلها
........
نور رد ياادم لو انت السبب مش هسامحك ابدا وهجيب حقها
سليم بص لنور انها تسكت علشان حالة آدم ونور سكتت فعلا وقعدت على الكرسي بتدعى لصاحبة عمرها
سليم قرب من آدم وايده على كتفه بيحاول يطمنه ماتقلقش هتبقا بخير
آدم رفع وشه ودموعه نزلت وحضن سليم وهو بيعيط انا السبب
سليم وهو بيحضنه جامد هتبقا بخير وهتتصافوا
بعد 3ساعات خرج الدكتور من عند ملك
الكل جرى عليه بلهفه وادم خايف يسأله ليسمع اجابه ماطمنهوش وسألت نور
نور خير يادكتور ملك عامله ايه
الدكتور بعمليه الحمد لله النزيف وقف عندها كسر فى رجلها وكدمات بسيطه بإذن الله شويه وتفوق
آدم لااراديا سجد على الارض وهو بيحمد ربنا انه نجاها ومن جواه بيتوعد لحسام لكن قرر يأجل الموضوع لحد مايطمن على ملك وهيجبلها حقها
سليم للممرضة ممكن نطمن عليها
الممرضه شخص واحد بس وهى5دقائق
نور كانت هتتقدم لكن حست ان آدم احق منها وملك محتاجاه اكتر اتحركت ناحية آدم ووقفت قدامه ادخلها ياادم
آدم فضل وقف مصدوم ماتحركش
سليم بمرح والله لو مادخلتوا لادخل انا واسيبكم
آدم طلع يجرى بسرعه على اوضه ملك دخل لقاها محاطه بالأجهزة دموعه نزلت واخد كرسي وقعد جنبها مرت دقيقه والتانية وهو ساكت دموعه بتنزل فى صمت وهو بيبصلها ملامحها بريئة وجميلة مااخدش باله منها قبل كده بدأ أخيرا يتكلم
انتى عارفه ياملك انا ماليش حد فى الدنيا دى بابا وماما ماتوا وسابونى لوحدى اه معايا سليم وجدى لكن بحس انى لوحدى دايما هعيش واموت لوحدى روحى ردت فيا لما شوفتك حسيت انك خطفتينى بادبك وخجلك ووشك اللى بيحمر زى الطماطم ده بحسك جزء منى وانك روحى بقيت اطمن فى وجودك بحس ان ليا عيلة فى وجودك انتى وبس مكتفى بيكى عن الدنيا كلها ياملك كنت هموت وانا شايف حسام طالع من عندك وهو مبتسم وبيعدل لبسه كنت عايز اكسر دماغه غصب عنى شكيت فيكى من غلبى ياملك وانى مافيش حد بيفضل معايا اشمعن انتى اللى هتبقيلى انا عايزك بس تفوقى وتدينى فرصه واحده بس وهثبتلك حبي وانك اهم حاجه فى حياتى يانور عيني انا بحبك اووى هستناكى تفوقى كلمة واحده منك هتحيينى ياغالية اسيبك بقا ترتاحى شويه مش هسيبك هفضل قاعد بره وخرج آدم وهو بيمسح دموعه
ملك فتحت عيونها ودموعها نزلت وقالت بحبك ياادم بس لازم تتعاقب على شكك فيا ومش هتعدى كده عادى وحسام الحيوان ده مش هسكتله ولا اخاف منه بعد كده خلاص آدم معايا وابتسمت وغمضت عيونها واستسلمت للنوم
نور انا هفضل هنا معاها
سليم ماينفعش يانور نسيبك هنا
آدم برجاء لو سمحتى يانور روحى انتى انا هفضل معاها مش هسيبها
سليم يلا يا نور نروح والصبح بدرى هنكون عندها
نور باستسلام حاضر وروحت هى وسليم
آدم اتنهد ودخل عند ملك قعد على الكرسي وراح فى النوم
*********أميرة اميرة جمال **********
نور وسليم وصلوا البيت وبلغوا الكل باللى حصل
خبط على باب أوضة نور
نور من ورا الباب نعم
حسام بعد إذنك يا نور عايز اسألك على ملك ضروري
نور هى كويسه الحمد لله
حسام ممكن تفتحى ثوانى
نور معلش ياحسام الوقت اتاخر
حسام موضوع مهم فعلا ماينفعش يتاجل
نور طيب ثوانى ولبست الاسدال وفتحت الباب وطلعت لبره
حسام ممكن نقعد نتكلم
نور قولتلك الوقت اتاخر ايه الموضوع الضرورى
حسام انا معجب بيكى يانور
نور وبعدين
حسام بتعجب من ثباتها
نور هااا عايز ايه يعنى
حسام بجرأة نتعرف على بعض اكتر
نور وبعدين
حسام ايه يانور محتاج أقرب منك
نور بس انا مش بصاحب
حسام عايز نتعرف اكتر علشان اخد خطوة
نور الواضح انك ماسمعتنيش كويس انا مش بصاحب وعن إذنك لان كده غلط ودخلت وقفلت الباب
حسام بغضب شكلك مش سهلة يانور بس عجبتينى اووى بحب النوع المخربش ده ملك خلاص ماتنفعش بس مايمنعش ماينفعش باعصابها شويه وابتسم بخبث ومشى
سليم كان بيتمشى فى الجنينه ولما تعب طلع على فوق شاف حسام وهو واقف مع نور لكن مااقدرش يسمع حاجه من كلامهم وحس أنه متضايق وطلع على أوضاع بسرعه
*******أميرة جمال********
ملك فتحت عنيها شافت آدم نايم على الكرسي جنبها فضلت تتأمل فى ملامحه وحست انها مطمنه معاها وان اللى حصل كان غضب عنه ابتسمت ونامت بامان لوجوده معاها وجنبها
*********
جبتى اللى قولتلك عليه يازينة
ايوه ياحاجه فاطمة
حد خد باله يابنتى
لا ياحاجه ماتقلقيش واصل
يارب يطمن قلبى
بإذن الله هيطلع زى ماانتى عايزه ياحاجه
يارب يابتى بكره ان شاء الله هشيعك لدكتور
حاضر ياحاجه
روحى نامى انتى يازينة
تصبحى على خير ياحاجه
وانتي من اهله يابتى
لاحول ولاقوة الا بالله العلى العظيم💚🌿
#الحلقة 21
فى صباح يوم جديد
ملك بدأت تفتح عنيها بالراحه علشان تعتاد على الضوء واول حاجه شافتها آدم وهو باين عليه التعب ونايم جنبها على الكرسي ابتسمت وهى بتفتكر كلامه ليها وهو فاكرها لسه مافاقتش بس رجعت تانى لغت ابتسامتها وهى بتفتكر شكه فيها وانه حتى مادلهاش الحق انها تدافع عن نفسها وأصدر حكمه عليها علطول وقررت تلعب باعصابه شوية
ملك بتوجع ااه
آدم صحى مخضوض علي صوتها وجرى عليها بلهفه مالك ياملك حاسه بايه حاجه بتوجعك الألم فين
للحظه ملك كانت هتتراجع بسبب لهفته وخوفه عليها وبجمود اطلع بره انت هنا ليه انت السبب
آدم بحزن انا آسف ياملك حقك عليا والله هاخدلك حقك ومش هسمح لحد يقرب منك
ملك شكرا مش محتاجه مساعدتك
آدم ارجوكى ياملك ادينى فرصة واحده بس اثبتلك مكانتك عندى
ملك بدموع صادقة مانت اثبت فعلا وشكيت فيا وفى أخلاقي
آدم قطع لساني قبل مايغلط فيكى
ملك باندفاع بعد الشر عليك وأدركت كلامها وكانت بتسب نفسها على تسرعها ده
آدم بابتسامه بتظهر رجولته ووسامته خايفه عليا ياملك
ملك بتوتر لا وانا هخاف عليك بعد اللى عملته
آدم صدقينى آخر مرة بعد كده هتفضل الثقه بينا أساسية ومش هتسرع تانى فى حكمى حتى لو شوفتك بعنيا هسألك الأول
ملك خلاص مافيش فرصه تانية وغضب طفولى على ملامحها البريئة
آدم وهو بيقرب منها ولا فرصه واحده حتى
ملك بتوتر من قربها بعدت وشها عنه لا
آدم وهو قريب جدا منها ارجوكى ياملاكى
ملك هااا
آدم وهو عارف تأثيره عليها وانها بتحبه سامحيني
ملك فاقت قولتلك لا ياادم
آدم وهو مافيش مسافه بينهم خالص كده مافيش امل
ملك ممكن تبعد
آدم تؤتؤ ومين يقرب لما انا ابعد
ملك لو سمحت كده مش هينفع
آدم لو سامحتينى وادتينى فرصه تانية هبعد
ملك مستحيل اسامحك
آدم هاا وبيقرب
ملك بسرعه خلاص خلاص بس دى آخر فرصه
آدم احلى ملك فى الدنيا هشوف الدكتور علشان يطمنى عليكى وخرج
ملك بابتسامه وضعت ايدها على قلبها وهي بتاخد نفسها قربه مهلك هتعامل معاه ازاى
آدم كان سمعها ابتسم لكلامها وبرائتها
********أميرة اميرة جمال **********
الكل متجمع على الفطار
صباح الخير
صباح النور يابتى نمتى كويس
الحمد لله يا جدو
أخبار المشروع ايه
الحمد لله ماشى كويس جدا وباذن الله هنسلمه قبل الميعاد
امال آدم فين
سليم مع ملك ياجدو ماكنش ينفع نسيب نور هى اللى تبات فى المستشفى
الجد صح ياولدى عين العقل هروح اطمن على ملك
نور لا ياجدو ارتاح انت لسه طالع من عمليه كبيره
الجد ده واجب يابنتى وملك ضيفتى وفى بيتي
سليم نور عندها حق ياجدو ارتاح انت واحنا هنطمنك
حسام بخبث انا هاجى معاكم اطمن على ملك
سليم مالهوش لزوم روح شوف انت الشغل لحد مانيجى
حسام لا طبعا دى ملك غالية عليا اووى
سليم منهى النقاش تمام نفطر ونتحرك
الجد موجه كلامه لنور والدك البشمهندس أحمد اخباره ايه يابتى
نور بتنهيده الحمد لله ياجدو ماما قالتلى ان وظائفه الحيوية كلها كويسه لكن لسه مافاقش من الغيبوبة كنت هحجز على طيارة النهاردة بس اللى حصل لملك وقفنى
الجد خير بإذن الله يابتى ماتقلقيش
نور بإذن الله
اكمل الجميع فطارهم وانتهوا منه ووقفت نور علشان تروح المستشفى
فاطمة نور ممكن رقم والدتك يابتى
نور باستغراب رقم ماما ليه يا جدتى فيه حاجه
فاطمة باطمئنان لا يابتى عايزه أسألها عن حاجه واطمن على والدك
نور حاضر وكتبت ليها الرقم ومشت مع سليم وحسام
سليم ركب وجنبه حسام ونور ركبت ورا
حسام كان بيعدل مراية العربيه ويبص على نور اللى هى مش مركزة معاه خالص وكانت بتبص للتليفون وسليم هيولع منه وكل شوية سليم يعدل المراية وبعد شويه حسام يغيرها
سليم بعصبيه حسام مش فاضي للعب العيال ده مش عارف اشوف الطريق ورايا منك
حسام بخبث بص فى المراية الصغيره جنبك اهى
سليم وهو يحاول يسيطر على أعصابه دى مريحه ليا اكتر
حسام أصل المنظر من المرايه دى جميل اووى يخطف
سليم فهم ان قصده على نور لو ماسكتش هنزلك هنا وابقى تعالى لوحدك
حسام ابتسم بخبث انه قدر يستفزه وبص من الشباك
سليم وقف قدام المستشفى وصلنا انا هروح اركن العربية
نور تمام هسبق انا عند ملك
حسام استنى هاجى معاكى
سليم ماكنش عايز حسام يقرب من نور بس ماكنش ينفع يسيب العربية فى الطريق كده فاتنهد بضيق واتحرك بالعربيه بسرعه للجراج
حسام فكرتي فى كلامى يانور
نور باستفهام كلام ايه
حسام كلامنا امبارح
نور بتذكر ااه لا هو انتهى اصلا فمافيش تفكير فيه
حسام بسؤال فيه حد فى حياتك
نور ولو ان ده مايخصكش اصلا ودى خصوصيات لكن مافيش حد فى حياتى ومش هسمح ان حد يدخل حياتي بطريقتك دى
حسام طيب ايه الطريقة اللى تعجبك
نور انك تخليك فى حالك وسابته واتحركت هى لاوضة ملك
حسام وهو بينفخ بغضب وبعدين معاكى يا ست نور هتتقلى كتير ولاايه بس انا وراكى لحد ماتقعى تحت ايدى مستحيل اخلى سليم يتهنى بيكى
***********أميرة جمال************
هاا يازينة عملتى اللى قولتلك عليه
ايوه ياحاجه اطمنى
مش هطمن غير لما يحصل المراد يابنتى
بإذن الله ياحاجه خلى املك فى ربنا كبير
ونعم بالله يابتى الدكتور قالك هتظهر امتى
على الليل تكون جهزت
يارب يتم المراد
زينة بتأمن يارب ياحاجه فاطمة وجلبك يرتاح
***********
نور دخلت حضنت ملك وبتطمن عليها وبعدها سليم دخل سلم عليهم واطمن على ملك
سليم بتساؤل امال فين حسام
آدم مجرد سماعه لاسم حسام الغضب بان عليه كأنه كتلة نار
نور مش عارفه أنا طلعت وهو كان ورايا
دقائق ودخل حسام
حسام بخبث وهو بيبص لملك حمد الله على سلامتك ياملوكة
ملك مش طايقة تبصله وفى نفس الوقت رعشه فى جسمها ماتنكرش إنها بتخاف منه بعد جرأته
ملك مالحقتش ترد كان حسام واقع على الارض وبينزف ده من مناخيره وعند اسنانه من قوة الضربه
حسام بغضب انت اتجننت
آدم وهو ماسكه من قميصه اسمها انسة ملك واياك تلغى الألقاب وماتفتكرش هتفلت باللى عملته قبل كده
حسام بخبث عملت ايه
آدم انك تتعرض وتضايق خطيبة آدم يبقا حكمت على نفسك بالموت
ملك كان قلبها بيرقص من الفرحة واتفاجئت بكلمة خطيبته ماكنتش مصدقة اللى بيحصل
يتبع........
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
مجمع الروايات الكاملة 2 اضغط هنااااااا
تعليقات
إرسال تعليق
فضلا اترك تعليق من هنا