روايةليالي ( الوجه الاخر للعشق)الجزء الثاني (وحوش لا تعشق) الفصل الرابع وعشرون والخامس وعشرون والسادس وعشرون بقلم رحاب ابراهيم ( حصريه وجديده في مدونة قصر الروايات)

روايةليالي ( الوجه الاخر للعشق)الجزء الثاني (وحوش لا تعشق) الفصل الرابع وعشرون والخامس وعشرون  والسادس وعشرون بقلم رحاب ابراهيم ( حصريه وجديده في مدونة قصر الروايات)

روايةليالي ( الوجه الاخر للعشق)الجزء الثاني (وحوش لا تعشق) الفصل الرابع وعشرون والخامس وعشرون  والسادس وعشرون بقلم رحاب ابراهيم ( حصريه وجديده في مدونة قصر الروايات)

وقفنا المرة اللي فاتت لما مريم وفاطمة اتقابلوا بالصدفة وهما رايحين مكتب التنسيق يقدموا ورق الكلية وبعد كدا فهد خدهم على البيت وفهم نريم اللي حصل وهي نيلت الدنيا اكتر من غير ما تقصد 😂...دلوقتي فاطمة فاكرة أن فهد اتجوزها عشان صعبانه عليه .....يلا نكمل 

ذهب فهد بسيارته تاركا آدم يتنهد بضيق ثم خطا للداخل خلفها وتتبع خطاها من بعيد حتى لمحها وهي تدلف الحجرة الخاصة بهم بخطوات مدللة وكأن راقها غضبه وعصبيته فأسرع خطواته الواسعة حتى تفاجئت به يقف أمام الباب غاضبا وهتف :-

_ لما تطلعي تاني لازم اكون عارف ..مش ارجع البيت والاقيكي مش موجودة ! 

جعدت مابين حاجبيها بطيف بسمة ماكرة سريعا ما اخفتها واجابت بهدوء متعمد :-

_ انا عمري ما استأذنت منك وانا خارجة ...كنت بستأذن من ماما أو بابا ومش منطقي يعني اتصل بيهم مخصوص عشان استأذن أخرج ! 

اقترب منها بغضب بطيف كهبوب الاعاصير الغاضبة وصاح بوجهها :-

_ انتي غبية ولا بتتغابي ...ولا نسيتي اننا دلوقتي متجوزين وانا مسؤول عنك 

توترت من غضبه ولكنها تمادت في حديثها عله يعترف بما يكنّه وقالت بثبات :-

_ اظاهر انت اللي نسيت حقيقة جوازنا واتفاقنا يا آدم !...انا مش مسؤولة منك ولا ليك حق تكلمني كدا 

غرز اظافره في جلد كتفيها وهو يهزها بعنف غاضب وقال بصوتٍ كالرعد لقلبه الذي ينفطر وحملق في وجهها بنظرات شرسة :-

_ انتي حقي ...فاهمة ...ومش من دلوقتي ..من زمان يا مريم ...انتي ليا انا وبس 

جاهدت حتى لا تبتسم وشعرت بالانتصار لسرقة هذا الاعتراف من براثن صمته وكبريائه ولكن كلمة واحدة ستظل الفيصل بينها وبينه ...نظراتها كانت تترقب وجهه الذي اشتد من احمرار الغضب وعندما اقترب ليعلن ملكيته ابتعدت هي تمامًا عنه ....تلقى نظرة راجية بعيناها ظن انها خوف منه وكأنه سيعتدي عليها ولكن نظرتها كانت ترجو اعترافه ...وكبريائها لن يسمح بالتنازل عن ذلك ... 

ضيق عيناه الذي قتم لونها وتبلد مكانه وهو يقول بذهول :-

_ انتي خايفة مني !! 

كانت تلهث بانفاس متسارعة حينما اتسعت عيناها لحديثه فهي لم تقصد ذلك ...واصبحت بموقف لا تحسد عليه ..لا تستطيع الموافقة على ظنه ولا تستطيع الدفاع عن نفسها ...وكيف أن رفض حبها او كان توهما منها ذلك ...فهو لو أراد القول لقال ! ، وكيف يزج المحب على الاعتراف ؟! ....ماذا تجيب الآن ؟ 

في حرب فكرها وحيرتها القى على مسامعها تلك الطعنة الذ ي شقت قلبها إلى أشلاء ...

_ مش هينفع نكمل مع بعض ..احنا لازم نطلق ....أول ما ترجع أمي من السفر بالسلامة هتكلم معاها ونتفق اننا ننهي الجوازة دي .. 

خرج من الحجرة وكأنه لم يكن فيها منذ ثوانٍ وما انتبهت إلا لصوت صفقة الباب بقوة اقل من بركان النيران المستعرة بداخلها ....طلاق ! 

غمغمت بصدمة وهي تستند بأحد حواف الفراش :-

_ نطلق !! ....هو قال كدا ولا انا بحلم ! ....لا مش معقول 

انزلقت يداها بضعف حتى سقطت على فِراشها مجهشة ببكاء حرق قلبها ويصوب اسهم مسممة على بقاعه ....كان لابد أن يفهما أكثر من ذلك ....هذه ليست حياة هذا الجحيم حقا ....

هبط درجات السلم بعصبية حتى خرج من الفيلا كاملةً ودخل سيارته وذهب مبتعدا عن المكان ....

وبعين لا ترى مشهد السير امامها كان يقود السيارة بنزرات غاضبة تصرخ من الألم ....ومرة يندم على ما تفوه به ومرة أخرى يصرخ كبريائه ويوافقه الرأي ....ولكن يعود بأنين موجع حد الموت ويتسأل كيف سيفعل ذلك ويتركها ...وايقن أنها النهاية ...ولكن نهايته هو ...تجسد بها أول الصدمات وآخرها ....هو يعشقها ولن يستطيع للآن الافصاح عن ذلك لربما كان قد تغير الموقف ....ولكن هذا شديد الصعوبة عليه ...وأن اعترف بذلك لها ورفضت حبه سيهجرهم جميعا ويبتعد ...حاول أن يعطي له مزيدا من الوقت كي تفهمه وتتفهمه ولكن هي عنيدة حد الحماقة ....المه نظرات الخوف بعيناها ...طعنته بقسوة ..فكيف تخاف منه وهو يعشق حتى رفات عيناها !

سار في الطريق على غير هدى ولا يعرف أين سيقف وإلى أين سيتجه مسار الطريق ...وهذا جسد علاقته بها ....

___________________________صلّ على الحبيب 

عاد فهد الى شقته بتعبيرات مريحة على وجهه ، ظنا أن الامور قد اهتدت واتضحت الآن ولا يعلم انها سارت بغير الطريق .....دلف الى الشقة بعد أن اغلق الباب مجددا بهدوء وهتف بنبرة مرحة بعض الشيء :-

_ فاااطمة 

رفعت فاطمة راسها الذي يجثو عليه كتل الشعر السوداء الغزيرة مسحت عيناها الباكيتان وترددت في اجابته ...نظرت للفراش وتمددت عليه ثم تظاهرت بالنعاس والغفوة حتى فتح فهد باب الغرفة بخفوت ...

لم تستطع تنظيم انفاسها المتسارعة وهي مجفلة اجفانها بتظاهر حتى شعرت بوقوفه قرب فراشها وانفاسه المنتظمة تتخلل عبر النسمات لتيقظ الحنين بقلبها .. 

شعر بالضيق لثوانٍ ولكن عاد بنظرات حانية على وجهها الفاتن القسمات وشعرها الذي ينتشر حولها بتمرد ويعكر صفو نصاعة لون الفراش حتى اقترب منها ومسد على شعرها بحنان ولطف ... ابعد خصله عن عيناها متأملا وجهها الذي أراد بشدة ضمه بين ضلوع صدره الآن بقوة ، اقترب منها وقبّل جبينها بحنان دافئ حتى كاد ان يبتعد فلاحظ بتعجب جحوظ عيناها الباكيتين ثم وضعت يداها على وجهها واجهشت بالبكاء دون ادنى مقاومة للتظاهر بالضد ....تطلع اليها بقلق حقيقي ولا يعرف لبكائها سببا الآن ...اعتدلت في مكانه ثم جذبها من يدها كي تعتدل هي الاخرى وقال وهو يزيح يداها من على وجهها بقوة رغم اعتراضها ...قائلا بقلق :-

_ بتعيطي ليه يا فاطمة دلوقتي ؟! 

تبدلت نظرتها للغضب الصامت ولم تجيب بل نظراتها الذي تقدح شررا كانت كافية ليعلم ان هناك امرا ما ...اعتقد انها تذكرت والدها لذلك هي على هذه الحالة ولم يكن ثمة سبب آخر قد خطر بباله غير ذلك ....حاوط وجهها بكلتا يديه بسكون وكاد أن يقل شيء حتى ابتعدت ودفعت يداه بعنف وشراسة وقالت وقد هبت واقفة :-

_ ابعد عني 

رمقها بحيرة ولم يفهم ما هذا التغير ،بل أنه ظن العكس تماما وقال متساءلا:-

_ في ايه ؟! ....اكيد في حاجة ...مريم قالتلك حاجة زعلتك ؟ ..

ضغطت على شفتها السفلي بألم ثم قالت بنظرات متألمة بمزيج من السخرية الحزينة :-

_ اعتذرتلي ...وانا قبلت اعتذارها 

وقف أمامها بسيل من الدهشة وعلامات الاستفهام وكرر سؤاله مجددا :-

_ اومال في إيه ...مالك ؟ 

نظرت له شزرا هاتفه به بكل ما اتيت من غضب واجابت :-

_ مش طيقاك يا أخي ...مش عايزة اقعد هنا معاك ...عااايزة أمشي من هنا

انتقلت نظراته على عيناها بصدمة وللحظات لم يستطع التفوه بأي شيء والغضب بعيناها غير مبرر ! ....ولكن عاد كسابق عهده بعد أن بتر الألم موضعه وانتقل لدقات القلب والكبرياء وصاح بعنف وقد قبض على معصم يدها بقوة وقسوة لم يعاملها بهم من قبل وهتف بها :-

_ وانتي فكراني أني عايز اشوف وشك ...لكن ماكنش قدامي حل تاني غير أني اجيبك هنا ....وقريب أوووي هخلص منك ويا ويلك لو شفتك في طريقي تاني ، انا هصبر بس لحد ما اهلي يرجعوا من السفر وهفهمهم اللي حصل ولولا كدا كنت طلقتك وطردتك برا ...

لم تتخيل منه هذا الحديث وتلوت من الم يدها بين قبضته حتى بكت بشدة ولم تخفي ضعفها الآن ....

امتزج الغضب بشيء آخر كاد أن يظهر بعنف ولكن اخفاه بقوة حتى لا تكتشف عشقه ودفعها بعيدا عنه وخرج من الغرفة ....قوة الدفعة جعلت ظهرها يلتصق بحائط نافذة الغرفة ولولا ذلك لكانت سقطت من وهن قدماها .....الدموع توقفت لأن الحزن والألم اعظم من مجرد البكاء .....

دخل غرفته وتعارك الغضب على قسماته كالجحيم وقد اضحت عيناه الزرقاء قاتمة السواد من شدة ما يعترك بمقلتيه من غضب وعنف ...انفاس متسارعة ...لاهثة وكانه في سباق طويل قد امتد امسافات ....ووجه متجهم كنيران البركان المضطرمة ...وقلب ينزف بعنف دماء العشق الباكية ...كاد أن يختنق من شعوره هذا فأخذ مفاتيحه الخاصة للخارج مجدداً ....

______________________________استغفر الله العظيم 

رطب الهواء وجهه الدافئ ولكن القلب يأبى الهدوء ..نظر من نافذة سيارته لمكان طالما أتى له مع شقيقه آدم للتنزه ...كافيه قديم على الطراز اليوناني قد اكتشفه آدم ذات يوم واتى بفهد الى هنا مرارا وتشاركا الاحاديث المختلفة ...ترجل فهد من السيارة وخطا إليه حتى تفاجئ بوجود آدم ينظر بشرود من خلال نافذة دائرية خشبية ...شعر فهد بمزيج غريب من التعجب والراحة لمرأى شقيقه هنا وفي هذا الوقت بالتحديد حتى اقترب منه وتفاجئ آدم بدوره من وجود فهد وتطلع إليه بدهش حتى جلس فهد على مقعد أمام آدم وقال بسخرية :-

_ مش لوحدك ! 

ابتسم آدم ابتسامة خفيفة خالطها الضيق واجاب :-

_ أول مرة نتقابل هنا من غير ميعاد ! ...اكيد في حاجة مضيقاك يا فهد ؟ 

تنهد فهد تنهيدة طويلة قبل أن يجيب ثم نظر لآدم بمكر وقال :-

_ وانت كمان شكلك مضايق ...ماهو محدش فينا بيجي هنا غير وهو مضايق ....مريم زعلتك في حاجة ؟ 

صمت آدم لبرهة ولم يعرف كيف يجيب ثم قال بشكل غامض قليلا :-

_من غير تفاصيل .... مش فهماني ومش هتفهمني ابداً ....حاولت لكن ما نجحتش ...وانا ليا كرامتي ومستحيل اضيعها ....

زفر فهد بحدة وقال :-

_ كلهم كدا ...انا مابقتش فاهم حاجة ...امتى بتزعل ..وايه اللي بيفرحها ..ايه اللي بيزعلها ؟ ...اقرب المسافات أزاي وهي بتبعدها ....مش عارف !

شوية الاقيها فرحانة ومش عارف ايه السبب ! ...ومافيش ثواني والاقيها زعلت وبردو مش عارف ايه السبب واجي اسألها ...

قاطعه آدم بسخرية وقال :-

_ ماتاخدش منها اجابة مفيدة .... 

رمقه فهد بغيظ وحيرة وتساءل :-

_ طب إيه الحل ؟ 

نظر آدم للفراغ للحظات ثم نظر لفهد بخبث وقال :-

_ اللامبالاة ....تعاملها كأنها مش موجودة 

صمت فهد لدقيقة يزن الحديث بعقله ثم ضيق حاجبيه وقال :-

_ انت هتعمل مع مريم كدا ؟! ...لا يا آدم مريم رقيقة ومش هتستحمل كدا ...لكن فاطمة مراتي دي اشرس مني اساسا وهتستحمل 😑 

اجابه آدم بحماس وقال :-

_ افهمني ....احنا دلوقتي متخاصمين بعد خناقة ...لو رجعت البيت وحاولت اكلمها هيحصل حاجة من اتنين يا هنكمل خناق يا هنتصالح 

تعجب فهد وقال :-

_ طب حلو اهو في فرصة للصلح ! 

هز آدم رأسه بياس وقال :-

_ صلح زي قلته ..اختك مش عايزة تفهمني يا فهد لسه عايشة في دور الطفلة المدلعة ...مش عايزة تقتنع انها بقت زوجة ومسؤولة عن بيت وأسرة بتتبني ....مش عايشة في الواقع .....بقلم رحاب إبراهيم 

مط فهد شفتيه ثم قال :-

_ عموما نجرب الامبالاة وحاسس انها هتجيب مع بطة 

ضيق آدم عيناه بغيظ وهتف :-

_ طالما قولت بطة يبقى مش هتنفذ حاجة ! قوم من قدامي يا فهد السعادي 😑 

اجاب فهد سريعا وقال :-

_ خلااااص ....هتشوف انا هعمل ايه ....حلل المطبخ هتبقى ليها لازمة عنها 😡 

امتلا المكر بعين آدم وقال هو الآخر :-

_ اما انا بقى هخليها تتجنن ...كيتي هيكون ليها وجود في حياتي عنك يا مريم ...

امتلأ الحماس بكلايهما ثم نهضوا سويا وتصافحوا سريعا حتى قال فهد مودعا :-

_ ربنا ينصرنا على الظلمة 😣 

اجابه آدم قبل ان يبتعد :-

_ يااارب 🙏 

________________________اللهم يا مقلب القلوب ثبت قلبي على دينك 

((بالفندق اللندني ))

دلف عمر وبيده صندوق مزين بقماش مخملي باللون الاحمر حتى تفاجئت ليالي قليلا وسرعان ما ابتسمت له حتى قال بعشق :-

_ قومي البسي الفستان ده بسرررعة 

وقفت ليالي وقد تحسنت صحتها بعض الشيء نظرا لتحسن نفسيتها منذ اخبرها عمر بعدم إجراء العملية وقالت وقد اقترب واخرجت الرداء من المغلف وشهقت بدهشة :-

_ هو انا بنت صغيرة عشان البس ده يا عمر ! ....ده كان زمان ...دلوقتي ما ينفعش انا كبرت 

نظر اليها بمكر وقال محاوطا وجهها بكفيه الدافئة وقال :-

_ كلمة كبرت دي ما اسمعهاش تاني ، طول عمرك هتفضلي بالنسبالي بنت ال ١٩ سنة اللي صوت ضحكتها وهي بتهرب من مكتبي لسه بيرن في ودني لحد دلوقتي ...عمري ما شوفتك كبيرة بالعكس .....هتفضلي لالي الشقية العنيدة في نظري لحد آخر نفس فيا .....

ابتسمت بنظرة عاشقة واخذت الرداء لترتديه بالداخل حتى اتم هو السهرة الرومانسية متذكرا تلك الليلة المشابهة لليوم ....لعشقه الذي مد الزمان امده بالقوة يوما بعد يوم ....اطفأ الاضاءة المباشرة وترك ظل ضوء خافت ينير الاركان ......

طلت هي بردائهاالساحر ونال منها الخجل وكأنها عروس ...ابتسم لها عشقا ولخجلها الذي يظفر بجنونه ويجعله هائما بها بجنون ....همس لها بكلمات رقيقة فتبسمت برقة حتى نظر لها باشتياق وكأنه ينظر لها للمرة الأولى وسارت بهما اللحظات 

_____________________________سبحان الله وبحمده 

هبطت مريم لحديقة الفيلا وجلست على الارجوحة رغم بردوة الطقس ولكن الالم المختزن بثنايا قلبها رفض الذهاب ....جلست الهرة على قدميها حتى ضمتها مريم بقوة ....ثم لاحظت دخولها وقد رمقها من بعيد بجمود ...

كاد أن يذهب إليها ولكن تذكر خطته فعاد ادراجه إلى الداخل وكأنها لا تعنيه .....

قطبت مريم حاجبيها بضيق وقررت أن تظل هكذا حتى ياتي إليها مرغما فانتظرت .......

ابدل آدم ملابسه بأخرى بيتية ونظر خلسة من النافذة وقد رأها تجلس على الارجوحة مثل ما رأها منذ قليل ، فعقد حاجبيه ضيقا وقد راقب ازدياد برودة الطقس مع مرور الوقت ....قال بانزعاج :-

_ لما تزهق هتطلع من نفسها ....مستحيل انزلها 

_____________________________سبحان الله العظيم 

رسم فهد تعابير التبلد على وجهه وهو يدفع مفاتيحه الخاصة على أحد المقاعد حتى تفاجئ بخروجها من الغرفة الخاصة به وبيدها اكوام الملابس الخاصة بها ومتوجهة للغرفة الأخرى ...استوقفها مرغما على الحديث وتساءل :-

_ بتعملي ايه ؟ 

لم تنظر له فاطمة ولكن اجابت بضجر ونفاذ صبر :-

_ لميت هدومي من اوضتك ورايحة الاوضة التانية وهقعد فيها ، مش عايزة اقعد في اوضتك ...سيبتهااالك 

اطل الشرر من مقلتيه بعنف وتركها تدلف للغرفة الأخرى حتى لا يلقي بجام غضبه عليها ....

دخل غرفته بعصبية ثم خلع معطفه والقاه على الفراش بغضب وقال :-

_ يعني ايه بقى ! .....يعني مش هعرف انفذ خطتي ولا ايه 😓 

تفاجئ بدخولها غرفته وقد نست أحد حاجياتها وخرجت مرة أخرى دون أن تعير له أي انتباه أو وجود ....

اقترب من الباب الذي تركته على مصراعيه وصفقه بحدة وعنف ......

___________________________استغفروا الله 

احضر فنجان قهوته ثم وقف أمام النافذة مرة أخرى وظل يترقبها خلسة من بعيد ....انفعل من عنادها وزاده ذلك عنادا حتى ابتعد ووضع فنجان قهوته على المنضدة وتمدد على الفراش وقال بسخرية :-

_ يارب الدنيا تمطر عشان تطلعي جري وتبطلي العند ده ...

كانت تبتلع ريقها من البرد حتى اتت كريمة الخادمة وتساءلت :-

_ هتفضلي قاعدة كدا ...الدنيا برد عليكي يا روما ! وممكن الدنيا تمطر ....

لفت يدها برعشة قوية تسري بأوصالها ورفضت بقوة حتى ابتعد الخادمة بياس .....قالت مريم بضيق :-

_ هو ماجاش ليه ! ....هو انا هفضل قاعدة كدا 😭 

انتفضت من رطوبة الهواء حتى ضعفت اوصالها مطالبة بالدفء ......هزمها البرد فنهضت مرغمة لغرفتها ......

بقلم رحاب إبراهيم 

دلفت للغرفة فرأته ممددا على الفراش فحملقت به بغيظ واسرعت اليه بغضب حتى لكمته على كتفه وهتفت :-

_ قووووم نام على الكنبة وسيبلي مكاني 

تثاءب آدم وقد اخفى ابتسامته ثم نظر لها بعدم اكتراث وذهب بغفوته مرة أخرى دون أي اهتمام لغضبها .....

زمت شفتيها بغيظ واتجهت للاريكة واضجعت عليها وقد احتوت الاريكة جسدها الصغير ......

_____________________لا حول ولا قوة إلا بالله 

في اليوم التالي 

استيقظ فهد على صوت ضوضاء مزعجة فنظر لساعة الحائط ليكتشف ان الساعة لم تتعدى السابعة صباحا ...فتعجب !!....، نهض من فراشه وخرج من الغرفة ليجد فاطمة تقبض على عصاة خشبية كبيرة وتلقي بها على الفرش ليهرب منه بعض الاتربة ....صاح غاضبا :-

_ انتي بتهببي ايه على الصبح ! 

مطت فاطمة شفتيها بسخرية وقالت باحتقار للفوضى التي احدثتها :-

_ البيت كله تراب وعايز تنضيف ، انت ازاي كنت قاعد في الزبالة دي ! 

تحكم بغضبه قليلا وقال بتحذير قبل أن يثور :-

_ لمي اللي عملتيه ده ورجعيه مكانه البيت نضيف ومش محتاج حاجة بلاش هبل ....

ضربت بعصاها على الارائك التي نفضت ادخنة ترابية بسيطة وقالت :-

_ هنا في تراب .....

اقتربت منه وضربت احد الارائك على جانبيه وهتفت :-

_ وهنا في تراب 😬 

كادت أن ترفع يدها مرة أخرى على الجانب الآخر حتى خطف منها العصا الخشبية وقدح بعيناه الخطر حتى ابتعدت عنه بتوتر وركض خلفها وقال :-

_ انا بقى هوريكي ازاي تنضفي 🔨

_______________________صلّ على الحبيب 

استيقظت مريم باكرا ووقفت تتأمل وجهه النائم لدقائق وخالجها شعور غريب ....أرادت بشدة ان تمرر يدها بين اطراف شعره ولو لثوانٍ قليلة ....اقتربت ببطء وارتباك ورفعت يداها بتردد حتى لامست شعره الاسود الكثيف ومرت عليه بخفة وشردت قليلا بابتسامة مرحة حتى اتسعت عيناها بصدمة عندما فتح جفونه فجأة وحملق بوجهها متساءلا .......

تجمد الدم بعروقها من الارتباك والخجل حتى التفت انامله حول معصم يدها على شعره بقوة و.......

_____________________________اللهم حسن الخاتمة 

الطشها قلم بضهر ايدك يسورها 😄😊 

وفاطمة دي غتيته 😬 😡 أن شاء الله يضربها أن شاء الله 😊💝 يلا تفاعل بقى وشجعوناااي 😓

#روبا

الحلقة ٢٥....#وحوش_لا_تعشق 

اتسعت عيناها بصدمة عندما فتح جفونه فجأة وحملق بوجهها متساءلا .......

تجمد الدم بعروقها من الارتباك والخجل حتى التفت انامله حول معصم يدها على شعره بقوة وجذبها إليه متفحصا وجهها عن قرب ، تأمل بعيناها الزرقاوين كي يستشف منهم أي شعور خفي بعمقهم حتى استشعر رجفتها واحمرار وجنتيها بحمرة شديدة بلون الكرز الناضج ..لتطرف بعيناها خجلا واصبحت لمعتهم كضي القمر الساطع في جوف السماء ....اوضحت نبرته مكرا يواريه بالثبات :-

_ بتعملي إيه ؟ 

ابتلعت ريقها بصعوبة قبل أن تجيبه وحاولت أن تتظاهر بالثبات :-

_ ما كنتش بعمل حاجة ... 

سخرية عيناه ذكرتها بكلماته اللاذعة الأخيرة حتى وقف الألم امام عيناها وابتعدت عنه بقوة ... فهو من اختار الفراق بموعد مؤجل ....والضعف لا يجب أن تسلكه هي ...

لمعت عيناه بغيظ حتى اعتدل وأراد استفزازها فقال وهو يتوجه لخزانة الملابس :-

_ عندي ميعاد مهم ولازم أخرج ...ما تستننيش على الغدا ولا حتى العشا ....

زمت شفتيها بضيق يقدح بمقلتيها وقالت :-

_ رايح فين ؟ 

التفت لها رافعا حاجبيه بتعجب واجاب :-

_ مالكيش دعوة ...هو لما خرجتي قولتيلي رايحة فين ....ولا ناسية كلامك أني مش مسؤول منك ...أنتي كمان مالكيش تسأليني ....حتى لو دخلت وفي إيدي واحدة ...مايخصكيش 

اتسعت عيناها بغضب واقتربت منه قدر خطا قدماها المريضة وهتفت :-

_ انت بتقول ااايه يا آدم ؟! ...انا سألتك لأني عارفة أنك في اجازة ومش عادتك أنك تخرج مع صحابك الا نادرا جدا وكل وقتك بعد الجامعة بتقضيه وسط الكتب ...ماكنتش اتوقع منك الاجابة دي .... وماتنساش أني مراتك على الاقل قدام الناس ولازم تحفظ كرامتي ....

اقترب هو أيضا حتى اصبح امامها مباشرةً وتساءل بعصبية طلت من عيناه :-

_ قدام الناس ! ، اهم حاجة عندك منظرك قدام الناس ، مابيهمكيش غير نفسك وانانية ...تعرفي أني بعتبرك ابتلاء في حياتي ... انتي ماينفعش تبقي معايا 

جحظت عيناها بصدمة واعاصير الحزن تسقط على قلبها كالطعنات ....بل أشد الما من ذلك ...وقفت الكلمات بحلقها بصعوبة ...حتى نفضتها قسوة عيناه فقالت بصدمة :-

_ انا ابتلاء يا آدم ؟! 

وتابعت حديثها مثلما تتابع الدمع على خديها سربا منظما وقالت :-

_ الابتلاء ده غيرك يتمناه ، بس عموما انا ما خسرتش كتير ، شوية وقت بسيط وهتشوف الابتلاء ده وغيرك طاير بيه ..وساعتها هتعرف أنا ابتلاء ولا نعمة ...مش انا اللي هقولك هخليك تشوف بعنيك 

فارت الشراسة على ملامحه حتى حفر انامله بلحم كتفيها بعنف وهزها بقوة هاتفا:-

_ غيري مين ؟ ...تقصدي العيل اللي اسمه أنس. ..هو ده غيري بقى ....هو ده اللي فرحنالي بيه .... مافكرتيش للحظة أنه ممكن جدا يكون مش عايزك أنتي وعايز فلوس عيلتك وبس ....مين غيره هيبصلك ...ااانطقي 

وقفت مستسلمة لغضبه بعيون باكية ولولا يداه لكانت سقطت من وهن قدميها ...يداه تقبض على كتفيها بقسوة ، واحيانا من فرط الألم والضعف تصمت الكلمات بنا ....

هزها مرة أخرى مرددا كلماته حتى تابع بقسوة :-

_ لو ماكنتش اتجوزتك محدش كان هيتجوزك غيري 

قالت بدموع صامته قد اخفت نيران حارقة داخل قلبها الباكي :-

_ أخرج يا آدم ...أخرج من حياتي مش عايزاك ... انت علمتني اكرهك 

تبلدت عيناه كالجليد من جملتها حتى ارتخت يداه تدريجيا ولم يخفي الذهول من مقلتيه ...بدلا أن يعلمها كيف تحبه اصبحت تكرهه وهو من فعل ذلك .. يا للسخرية ...

ابتعد عنها ببطء شديد واستدار متوجها للمرحاض مرة أخرى ولكنه يعلم أن ذلك هروبا ليس أكثر ....

اغلق الباب خلفه دون ان ينظر لها وحرك مقبض الماء اعلى رأسه حتى تساقطت حبات الماء البارد عليه وكأنه يعاقب نفسه في هذا الطقس البارد ....بقلم رحاب إبراهيم 

كتمت دموعها بيدها ثم ذهبت لغرفة والديها وكأنها تلتمس الحنان من اشيائهم ....

_______________________صلّ على النبي الحبيب 

((في شقة فهد ))

امتلأ المكان بصيحاتها وهي تركض أمامه هاربة حتى استطاعت أن تدلف إلى غرفتها ولكنه أسرع ودلف خلفها قبل ان تغلق الغرفة الخاصة به .... ابتسم بسخرية وقال لاهثا :-

_ وريني بقى هتهربي مني أزاي يا حلوة 

نظرت فاطمة حولها بغيظ وبدأت تلقي عليه الوسائد الواحدة تلو الاخرى وكان يتلقفها بسهولة ثم يلقيها خلفه بنظرة ماكرة واسرع حتى اقترب منها ولكن اتسعت عيناه بصدمة حينما وجدت سلاحه الخاص وصوبته خلف رأسها وقالت بتهديد :-

_ لو ما بعدتش هموت نفسي 

انتقلت عيناه بقلق بين يداه الحاملة للمسدس وبين وجهها حتى قال بتحذير :-

_ ده مش لعبة يا فاطمة ...انتي ممكن تضيعي نفسك ...ده عمران ! ...هاتي المسدس 

هزت رأسها برفض وقالت بحدة :-

_ لأ ....اطلع من هنا الاول ....

فكر بنظرة غاضبة حتى تراجع للخلف وفتح باب الغرفة مرة أخرى وخرج مبتعدا .. اشار لها من بعيد وقال :-

_ هاتي بقى المسدس ...

مطت شفتيها بسخرية ثم قذفته خارج الغرفة بغيظ وهمت ان تغلق الباب ولكنه لحقها مرة اخرى واغلق الباب تاركا سلاحه بجيبه بعد أن التقفه منها :-

_ لو اتكلمتي بقى هفرغ المسدس ده في دماغك بجد 

نظرت له فاطمة بتمعن وابتسمت ابتسامة واسعة وتحركت حتى اقتربت منه ووقفت امامه بنظرة عميقة ...وقالت :-

_ اذا كان انت كنت خايف عليا من نفسي ....يبقى أزاي بتهددني !! 

اجفل فهد من اجابتها حتى انزل يداه المواجهة لها بنظرة مرتبكة ووقف متسمرا حتى قالت متابعة :-

_ ما تخافش عليا يا فهد ....انا مش ضعيفة 

قطبت حاجبيها بحزن وقالت :-

_ اطمن ...لما نطلق هعرف احمي نفسي كويس 

جعد فهد حاجبيه بضيق شديد غزا ملامحه وتركها تذهب من امامه دون اعتراض منه ...

ركضت فاطمة لغرفتها واغلقت الباب بإحكام ثم اجهشت في البكاء وكم وخزتها تلك الكلمات وهي اصبحت تعشقه ... 

لو ظل اكثر من ذلك لركض اليها معترفا بعشقه ولكن لابد ان تبتعد عنه ...فقسوته لا تصلح للعشق ....اغتسل سريعا وارتدى ملابسه سريعا ثم ذهب لعمله .....

____________________استغفر الله العظيم 

اغلقت ياسمين الهاتف واتسعت ابتسامتها بفرحة حتى دلفت هايدي للغرفة وتفحصت وجه ابنتها بتساءل ثم قالت :-

_ فكرتي ؟

انكمش وجه ياسمين بتعجب واجابت :-

_ انتي عارفة ياماما اني مقررة خلاص ...احنا مش اتكلمنا امبارح في الموضوع ده بما فيه الكفاية ! 

تنهدت هايدي بحدة وقالت :-

_ بس اتفقنا انك تفكري وتصلي استخارة وبعدها تخدي القرار النهائي ...الموضوع مش بسيط يا ياسمين ...دلوقتي الموضوع اختلف ...ده بقى اعمى وقاعد على كرسي متحرك ....دي حياة بحالها يابنتي فكري كويس ....

نهضت ياسمين من الفراش وقالت بقوة :-

_ عملت زي ما اتفقنا والنهاردة لقيت عمي باسم بيتصل بيا عشان احدد ميعاد معاكي ....انا اخترت مالك بكل عيوبه ومش هتخلى عنه ....انا عايزة اعيش معاه واقف جانبه ..متأكدة ان ربنا مش هيسيبه وهيشفيه ....انا بحبه يا ماما ....عشان خاطري وافقي 

اطرفت هايدي عيناها بحيرة ممزوج ببعض الضيق وقالت مرغمة :-

_ خلاص ...خليهم يجوا يوم الجمعة ...بس انا قلقانة ومش مبسوطة ....

قفزت ياسمين بفرحة وضمتها بقوة حتى قالت :-

_ ده عشان انتي قلقانة بس ، لكن لما تشوفيني مبسوطة أكيد هتفرحي عشاني 

ربتت هايدي على ابنتها ولم تفارق نظرات عيناها الضيق والقلق ....

___________________________سبحان الله العظيم 

أمام مبنى سكني منقوش على واجهته بالطابق الثاني اسم الطبيب النفسي ( سليم عمران ) .....

ترجل آدم من سيارته متوجها للداخل حتى دلف للعيادة تحت نظرات سكرتيرة الطبيب المافحصة بخجل ذلك الوجه الرجولي الساحر ....قالت مبتسمة بحياء :-

_ اهلا استاذ آدم 

اجابها آدم سريعا دون اكتراث وتساءل :-

_ محمود هنا ؟ 

اجابت السكرتيرة بالايجاب :-

_ اه ، هو معاه حالة جوا وخلاص هتطلع بعد دقايق ...

جلس آدم على احد المقاعد منتظرا حتى خرج رجل في نهاية العقد الثالث من عمره متوجها للخارج ....لينهض آدم متوجها إلى مكتب صديقه حتى رأه يجلس بإرياحية على مكتبه وكاد أن يخلع نظارته حتى قال مرحبا :-

_ وحشني ....ده انا قلت انك خلاص مش هتعرفني تاني ...

تحدث آدم بسخرية وقال :-

_ لا متخافش ، هجيلك اكتر من الاول ...

عقد محمود حاجبيه وقال :-

_ شكلك عكيت ونيلت الدنيا ....ها احكيلي بقا حصل ايه ؟ 

تنهد آدم بحزن وقال :-

_ مش هقدر اكمل معاها يا محمود ...انا ماكنتش عايز الجواز يحصل دلوقتي ...مابعرفش اتحكم في غضبي يامحمود وبقول كلام ما بحسش بيه ....

تطلع اليه محمود صديقه بتمعن ثم قال :-

_ ليه ما تقولش أن ربنا بيحبك ....ليه ما لاحظتش ان الظروف اللي حصلت دي خدمتك جدا ....انت قولتلي أنها هتدخل الجامعة صح ؟ 

اجابه آدم بموافقة حتى تابع محمود :-

_ طب افرض انك ما اتجوزتهاش ...وهي دخلت الجامعة وانت عارف يعني ايه جامعة ... ممكن جدا كانت تقابل حد ويضحك على عقلها بكلمتين حلوين ويخطفها منك ....ساعتها كنت هتعمل ايه ؟ 

امتقع وجه آدم بنظرات شرسةة وهتف :-

_ ماكنتش هسمح لحد حتى يبصلها مش يكلمها ! .....مش عارف بس ممكن اتهور واعمل أي حاجة...

وافقه محمود بتأكيد وتابع :-

_ بالضبط ...ده اللي عايز افهمهولك ....ان اللي حصل ده خير ليك ...ربنا رتبلك حياتك عشان بيحبك ....لو الظروف ما خلتكش تتجوزها كان هيبقى من الصعب تطلب كدا من نفسك .....لانك مش لاقي نفسك لسه يا آدم 

نظر آدم له بنظرات معذبة وقال :-

_ ومش حاسس اني هلاقيها ....محدش مقدر اللي انا فيه ...انا ساعات بكره نفسي كل ما اتخيل اني .....

نهض محمود وجلس امام آدم وقال بلطف :-

_ انا دلوقتي مش بتكلم معاك على اني طبيبك الخاص ، انا بتكلم معاك على اني صاحب عمرك يا آدم ....انا عارف ان اللي انت فيه مش سهل ....بس هي مالهاش ذنب ...اللي عايز اقولهولك أن مريم هي تعويض عن عذابك ....وانت من جواك عارف كدا بس تايه لسه ....

تنهد آدم بضيق وضيق عيناه بحزن شديد وقال :-

_ انا جرحتها اووي ....بس غصب عني ...بتمنى تحبني وفي نفس الوقت مش عايزها تحبني ..... مش عايزها تحب واحد معقد ...مش عارف ينقذ نفسه من اللي هو فيه ...مش عارف ينسى ماضي خلى حياته لها جحيم .... انا كنت نتيجة غلطة ...غلطة كبيرة ابويا وامي مافكروش لحظة في نتيجتها ..... والنتيجة انا ....انسان مش سوي نفسيا ... دايما حاسس انه ما يستاهلش اي حاجة لأن دمه حرام ...

اوقفه محمود بحدة ثم تحكم في عصبيته بمهارة وقال :-

_ انت بتجلد نفسك بذنب انت ما عملتهوش ... انت بتعمل كدا لانك طيب وقلبك نضيف أووي يا آدم ....انت تستاهل كل خير عشان كدا ربنا بيفتحلك الطرق من غير ما تحس ....فكر فيها كدا .... فكر لو مريم ماكنتش اتولدتش من الاساس ... ولا كان ليها وجود ...، اظن كان حياتك هتبقى اصعب صح ؟ ....فكر أزاي ربنا خلاها من نصيبك بطريقة انت نفسك ما رتبتهاش ...... فكر انه بيعوضك لأنك اتظلمت ....فكر في رحمة ربنا .....

اغمض آدم عيناه وقال هامسا :-

_ ونعم بالله..

وكزه محمود بمرح على قدميه وقال :-

_ انا هقولك تعمل ايه ....اولا بما انك نيلت الدنيا فلازم تصالحها بطريقة تنسيها الزعل اصلا ....قولها كلمتين حلوين كدا تشغل تفكيرها دايما ....المهم يعني ان بعد كل زعلة صالحها بطريقة زي الافلام كدا عشان لما تزعل منك بعد كدا تكون مستنياك تصالحها 😂💙 

فكر آدم بهذا الامر واجاب معترضا :-

_ كرامتي 😓 

زم محمود شفتيه بغيظ وقال :-

_ خليها تنفعك 😕 

_____________________لا ولا قوة إلا بالله 

في المساء .....

قد قاربت الشمس في المغيب وتوارت وراء الغيوم بضحكة خفية .....دلف آدم للڤيلا ولمحها وهي تجلس على الارجوحة بشرود وتكرر نفس المشهد الخاص بالامس ....كاد ان يتوجه اليها ولكن تراجع بكبرياء حتى صعد الى غرفته .......

اتت كريمة الخادمة لمريم وقالت بقلق :-

_ يابنتي الجو برد عليكي وحرارتك عالية من بعد الضهر وممكن تتعبي اكتر من القاعدة دي ...وكمان جوزك جه ماينفعش تسيبيه لوحده كدا ده انتوا لسه عرايس ! 

توجهت مريم بعيون منتفخة من البكاء وهتفت بحدة :-

_ هو انتي كمان هتعلميني اعمل ايه وما اعملش ايه ؟! 

نكست كريمة راسها بحزن ممزوج ببعض الحرج وقالت متمتة :-

_ انا غلطانة يابنتي اعذريني .... مش هتكلم تاني 

ذهبت كريمة وكتمت دموعها وتركت مريم غارقة بحزنها أكثر لانفعالها على مربيتها الحبيبة ..ومالت راسها جانبا ...

وقف آدم يتأملها من النافذة خلسة وعاد لفراشه قائلا :-

_ البرد هيجبرها تطلع زي امبارح ...ولا هيهمني 😎 

________________________ صلّ على النبي الحبيب 

دلف فهد لشقته بوجه مرهق وهو يتضور جوعا حتى تشمم رائحة تأتي من المطبخ فذهب متتبعا الرائحة حتى وجد فاطمى تختبر نضج حلوى صنعتها بيدها فقال ماخوذا بتلذذ لتلك الرائحة :-

_ الله تورته 😀

اجابته فاطمة دون ان تلتفت له :-

_ كنت فاضية قلت اتسلى ....وسع كدا عشان عايزة اروح اوضتي ...

نظرا شزرا لما بيدها وقال بتهديد :-

_ سيبي اللي في ايدك يابت 😡 

اعترضت فاطمة ووضعت طبق الحلوى على الطاولة الخشبية ثم اشارت له بيدها كي تحذره ولكنه حملها بين ذراعيه الى غرفتها والقاها على الفراش وقال :-

_ خليكي هنا على ما اجي 

خرج من الغرفة واغلق الباب خلفه ....اشتعلت غيظا منه وتذكرت النسخة الاخرى من مفتاح الغرفة ....

جلس فهد ياكل بتلذذ وقال بمرح :-

_ هاكلها كلها ومش هسيبلها حاجة هاهاها😄 

انتبه فجأة لصوت ضحكتها العالية بالقرب وتفاجئ بها تقف وبيدها مفتاح الغرفة وصوت ضحكتها تملا الاركان حتى قال :-

_ بطلي ضحك 😡 

كلماته اثارت ضحكاتها أكثر وجلست بجانبه ثم اخذت قطعة من الحلوى ووضعتها بفمه ....قالت بابتسامة :-

_ لو أعرف انك بتحبها كنت عملتهالك كل يوم 

اكل فهد ما بفمه بنظرة منتصرة حتى ضحكت فاطمة مرة أخرى رغما عنها وتطلع اليها فهد هائما بضحكتها الذي لأول مرة يراها هكذا ومالبثت أن اعقبت الضحكات بدموع هبت من عيناها فجأة وبترت مرحها بحزن شديد غمرها ....

نظر اليها بضيق ولا يعلم أن حزنها الآن خوفا من فقدانه ...

ظل شاردا حتى تفاجئ انها تمددت ووضعت رأسها على قدميه كالطفلة واغمضت عيناها ......هذه طفلته ..احتوت شراسته وقوته ...بدفء حنون جعله يعشقها أكثر ...بجنون

مرر يده على شعرها الطويل الذي يعشقه والتزما الاثنان الصمت الذي انعم القلب بدفء صامت لا يعكره ضجيج الكلمات ......

_______________________اللهم حبك 

ظفر الخوف بقلبه وهاجرت جفونه النوم لهذه الليلة حتى نهض مرة أخرى ووقف أمام النافذة يراقبها من بعيد ويطمئن ...لاحظ ميل رأسها جانبا بشكل مربك حتى ركض إليها دون تفكير ......

اشتدت حرارتها بفعل برودة الهواء ولاول مرة لم تبالي فنيران قلبها حارقة بلهيب يطارد البرودة فيها حتى غفت وهي بين اغمائة وغفوة تائهة ....ورأت وجهه بشكل مشوش وضبابي وكأنها تراه في احلامها ....

حاوط وجهها بيديه وهتف بها بخوف شديد اجتاح قلبه بجنون وقال :-

_ مررريم ...فوقي 

لم تفيق رغم أنها أرادت ذلك ولكن الوهن قد نال من جسدها حتى حملها آدم بين يديه وأسرع إلى غرفتهم ....

*********

وضعها على الفراش ثم تحسس جبينها ليزداد الخوف بداخله أكثر ونظر لها بنظرات نادمة وقال بهمس :-

_ مريم ...حبيبتي فوووقي عشان خاطري 

________________________اللهم حسن الخاتمة 

ماتموتي بقى وتخلصينا 😡😡 

ماتقولها يا آدم انك بتحبني انت هتفضل ساكت كدهون 😕 

ولا البت بطة 😓 حسابها تقل معايا وهبسطها على الاخر 😈 هنروقوها 😄😄 #روبا⛄

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الاول 1من هناااااااااا

الرواية كامله الجزء الثانى2من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا