روايه فى قبضة الفهد الفصل الواحد وعشرين والثاني وعشرون والثالث وعشرون بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد الفصل الواحد وعشرين والثاني وعشرون والثالث وعشرون بقلم الكاتبة جنات (حصرية وجديدة في مدونة قصر الروايات)
روايه فى قبضة الفهد
««الفصل ٢١»»
فى جناح الفهد صحى واتفاجأ ان تمارا مش جمبه قام خبط على الحمام محدش رد فتح ماكنتش موجوده فى الجناح كله دخل اخد شاور ونزل وسأل واحده من الخدم وقالتله انها فى المطبخ دخل المطبخ وشاور لكريمه تخرج هى وباقى الخدم وتمارا كانت بتطبخ ومش شيفاها واتخضت لما لقت حد بيحضنها من ضهرها ولفت لقيته فهد
تمارا ضربته بخفه فى صدره:خضتنى يافهد
فهد:هو حد يقدر يعمل الحركه دى غيرى
تمارا لفت ايدها على رقبته:لا طبعاا بس اللى عرفته انك مش بتدخل المطبخ كتير
فهد:والله الفهد فى حاجات كتير اتغيرت فى حياتك من اول مانتى نورتيها
تمارا باسته من خده وصوتت فجاه وزقته وهو استغرب
فهد:فى ايه
تمارا:المكرونه فى الفرن وخوفت تتحرق
فهد:مكرونه
تمارا:انا كنت وعدت كنان وراكان اعملهم مكرونه بشاميل وبسبب الاحداث اللى مرينا بيها معملتش فقولت اعملها النهارده وفرصه تدوق عمايل ايديا
فهد بغمزة:انا مش عايزة ادوق عمايل ايديكى انا عايزك انتى
تمارا بصدمه:انت قليل الادب اوى على فكرة
فهد شدها لحضنه ولسه هيقرب يبوسها راكان وكنان دخلو المطبخ وتمارا بعدت عن فهد بسرعه وفهد بصلهم بغضب
راكان:اوباااا شكلنا هنبات فى البيت الاسود
كنان:انا قولتلك بلاش ندخل المطبخ انت اللى مسمعتش كلامى
راكان بص لتمارا اللى هتموت من الكسوف:ريحه المكرونه البشاميل قابله القصر ياتوتا
فهد بصله بغضب:يا ايه
راكان:ياتمارا هانم
تمارا وكنان ضحكو عليه
تمارا طلعت الصنيه من الفرن:المكرونه خلصت اهوو هجهز السفرة وناكل سوااا
بعد شويا كان الكل قاعدين على السفره بياكلو وهزروو كتير بس قاطعهم فون كنان لما رن وقام بعيد يرد ورجع تانى وبص لفهد اللى فهم ان فى حاجه
فهد قام من على السفره:تسلم ايدك ياتمارا انا هدخل المكتب اخلص شويا شغل وهاجيلك تانى
تمارا:حاضر
فهد وكنان دخلو المكتب وتمارا بصت لراكان اللى بياكل:وانت مش هتشتغل معاهم
راكان:مستحيل اسيب المكرونه واقوم
راكان اتفزع لما فهد نادى عليه عالى وقام جرى على المكتب وتمارا ضحكت عليه
============================
فى المكتب
فهد:وهو حالته ايه الوقت
كنان:قالولى ان الخبطه كانت جامده فى الراس وهو لسه خارج من العمليات والعنايه
راكان:تمارا لازم تكون جمب اخوهاا يافهد
فهد:جهزو الطيارة
كنان:تمام
فهد خرج وسال على تمارا وعرف انها طلعت الجناح طلع كانت واقفه فى البلكونه شدها لحضنه:الجميل سرحان فى ايه
تمارا:فى كل حاجه حصلت معايا يعنى لو ماكنتش هربت يوم خطوبتى ماكنتش هشوفك ولا هعيش كل ده
فهد:ندمانه
تمارا حاوطت رقبته بايديها:انا اسعد واحده فى الدنيا وانا فى حضنك يافهد
فهد:طب اجهزى عشان مسافرين
تمارا:فين
فهد:اجهزى الاول وانا اقولك
تمارا:حاضر
تمارا لبست وفهد قالها متاخدش حاجه معاها ونزلو كان كنان وراكان مستنينهم ركبو العربيه وراحو على مكان فاضى كان فيه الطيارة الخاص بالفهد ركبو وبعد ساعات قليله وصلوو
تمارا بصت حوليها وافتكرت ان ده نفس المكان اللى ركبت منه لطيارة قبل كدا
تمارا:فهد احنا فى مصر
فهد:اه
تمارا :بتهزر صح
فهد:لا مش بهزر ويلا عشان عندنا مشوار مهم ركبو العربيه وراحو على المستشفى اللى فيها حسن
تمارا:احنا جايين هنا ليه
فهد مسك وشها بين ايديه:حسن اخوكى عمله حادث واكيد هو هيكون محتاجاك جمبه
تمارا :حادثه ايه وهو عامل ايه انت عرفت ازاى
فهد:اهدى ياتمارا هنطله الوقت وهنعرف كل حاجه يلا
تمارا وفهد طلعو ووراهم كنان وراكان كانت سماح وتامر قاعدين قدام العنايه
سماح اتصدمت لما شافت تمارا:انتى ايه اللى جابك هنا
تمارا:ابعدى عنى الوقت يما ماتلوميش غير نفسك
تامر:انتى بتهددى اختى ولا ايه
تمارا بصت لفهد:عايزة اشوفه يافهد خليهم يدخلونى ليه ونبي
فهد:اهدى ياتمارا هو فى العنايه ومينفعش تدخلى تعالى نطمن عليه من الدكتور
تمارا:حاضر
تمارا مشت مع فهد وكنان وراكان فضلو قدام باب العنايه وسماح كانت هتجنن عشان تمارا رجعت تانى
============================
فى مكتب الدكتور
الدكتور:الخبطه كانت صعبه فى الراس بس ربنا ستر ان محصلش نزيف وعملنا عمليه ركبنا شرايح فى دراعه اليمين وهو الوقت فى العنايه ومنتظرين ان يفوق
تمارا:يعنى خبطه الراس ممكن تأثر عليه
الدكتور:لما يفوق ونشوف ايه اللى هيحصل
وبلاش تفلقو ان شاء الله خير
تمارا:ان شاء الله
تمارا وفهد خرجو من المكتب وراحو على اوضه العنايه وتمارا كانت بتبص على حسن من الشباك الازاز:انا خايفه عليه اوى يافهد
فهد:هيقوم بالف سلامه متقلقيش
==========================
بليل تمارا واقفه زى ماهيا قدام باب العنايه
راكان قرب من فهد اللى واقف جمبها:الفيلا جاهزه يافهد
فهد:تمارا ارجعى على الفيلا ارتاحى وبكرة ابقي تعالى وانا هفضل هنا معاه
تمارا:لا مش هسيبه يافهد عايزة افضل هنا
سماح بعصبيه:انتى السبب فى كل اللى هو فيه لما هربتى وسبتيله عارك
تمارا قربت منها:بصى بقي عشان انا على اخرى منك انتى والارجوز اللى واقف جمبك ده تحطى لسانك جوا بوقك ياما والله العظيم هنيميك فى الاوضه اللى جمبه فاتقى شرى بقي
فهد شد تمارا بعيد عن سماح:ممكن تهدى شويا احنا فى مستشفى
كنان قرب من فهد:الاوضه جاهزة
فهد:تمارا تعالى ارتاحى شويا
تمارا:مش عايزه اسيبه
فهد:انا حجزتلك اوضه فى نفس الدور ارتاحى فيها لحد الصبح
تمارا:هتيجى معايا
فهد ابتسم:اكيد يلا
تمارا وفهد مشو وكنان فضل قريب من العنايه وراكان وقف قدام اوضه تمارا
سماح بصت لاخوها:البت صبرت ونالت متجوزة واحد ولا نجوم السيما طول بعرض وشكلك متريش اوى ياواد ياتامر
تامر:الراجل ده شكله مش سهل ومش هنقدر نلعب لا عليه ولا على تمارا فاريحى نفسك
طب امشي ياخويا نروح نرتاح فى بيتنا والصبح نيجى
تامر:يلا
===========================
سماح وتامر وصلو عند العمارة اللى فيها شقتهم وقابلت زينب ومريم
زينب:ازيك ياسماح
سماح:بخير ياام مريم ازيك يامريم
مريم:بخير
سماح:مش هتيجى تسلمى على صاحبتك
مريم:صاحبتى مين
سماح:هى فى غيرها تمارا
مريم:هى تمارا جت
سماح:اه اصل حسن عمل حادثه وهى جت هى وجوزها
زينب:لا حول ولا قوة الا بالله هو عامل ايه الوقت
سماح:الحمدلله بس لسه فى العنايه ومش هيفوق غير بكرة
مريم بفرحه:هى توتا فوق
سماح:لا جوزها حجزلها اوضه فى المستشفى عشان تفضل جمب اخوهاا
زينب:بكرة ان شاء الله هنيجى المستشفى نطمن على حسن ونسلم على تمارا
سماح:باذن الله
زينب ومريم مشو ومريم الفرحه مش سيعاها وسماح وتامر طلعو شقتهم
============================
فى اوضه تمارا وفهد
تمارا نايمه فى حضن فهد على السرير
تمارا:هو بجد انا السبب فى اللى حصل لحسن بس هو سامحنى
فهد:لا مش انتى ياتمارا رجالتى اللى مرقبينه قولى انه راخد عمل تحاليل والنهارده جابها وراح لدكتور وبعد ماخرج من عنده كان ماشي تايهه وعربيه جت فجأه وخبطته
تمارا:دكتور ايه وتحاليل
فهد:تحاليل خاصه بالحمل وكدا انتى فهمانى
تمارا:طب هو كان تايه ليه
فهد:انا خليت رجالتى تعرف الدكتور قاله ايه
تمارا رفعت وشها وبصلته:قاله ايه
فهد:مرات اخوكى مش بخلف صح
تمارا:اه بس السبب من حسن مش هى
فهد:مرات اخوكى كانت مفهماه انه سبب عدم الخلفه منه هو لكن طلعت مزورة التحاليل كلها والمشكله عندها هى
تمارا قامت قعدت:انت بتتكلم بجد
فهد:اممم
تمارا نزلت من على السرير وبتدور على طرحتها فهد قام ومسك ايدها:راحه فين
تمارا بعصبيه:هروح اقتل الحيزبونه اللى برا دى
فهد:هى فهد هى واخوها من زمان
تماارا:انت بتعرف كل الحاجات دى منين
فهد:لان ببساطه انا الفهد
تمارا:انا بجد عايزة اقتلها ده كان شايل همها ويقول انها هتعيش طول عمرها من غبر ماتسمع كلمه ماما بسببى
فهد:بلاش حد يعرف بالموضوع ده ياتمارا لما نشوف اخوكى لما يفوق هيتصرف ازاى تمام وبلاش جنانك ده ونبي
تمارا:حاضر
فهد:ممكن ترتاحى شويا بقي
تمارا:وانت هتروح فين
فهد :انا معاكى اهو مش هسيبك
تمارا حضنته بقوة:ربنا يخليك ليا يافهد
فهد باس راسها ونام على السرير واخدها فى حضنه ونامووو
============================
تانى يوم فهد صحى على خبط على باب الاوضه قام من جمب تمارا وفتح الباب كان راكان:اخو تمارا فاق يافهد واتنقل اوضه رقم ...
فهد:تمام روح وانا هاجى وراك
فهد دخل وقفل الباب وقرب من تمارا: تمارا...تمارا اصحى بقي
تمارا:اممم سبنى شويا يافهد
فهد:حسن فاق ولازم تكونى جمبه
تمارا قامت قعدت بسرعه:بجد فاق يلا نروحله بسرعه
فهد:طب اهدى وادخلى الحمام والبسي طرحتك وهنروح
تمارا:حاضر
تمارا دخلت الحمام وبعد شويا خرجت وخرجو من الاوضه وراحو على الاوضه اللى اتنقل فيتا حسن
تمارا دخلت من الباب وجرت على حسن اللى اتفاجأ انها موجوده ودخلت فى حضنه:حمدلله على سلامتك ياحسن كنت خايفه عليك اوى
حسن:الله يسلمك ياحبيبتى انتى جيتى امته
تمارا بعدت عن حضنه:امبارح ياابوعلى
حسن بص لفهد اوى
فهد:حمدلله على سلامتك
حسن:الله يسلمك
سماح وتامر متابعين اللى بيحصل فى صمت
==========================
كنان وراكان واقفين قدام الباب كنان عينه جت على مريم وهى جايه عليهم هى ومامتها
راكان لاحظ نظراته:ياعم الحبيب هتودينا فى داهيه
زينب:السلام عليكم
كنان:وعليكم السلام
مريم:مش دى اوضه حسن
كنان:ايوا هيا اتفضلو
مريم:هى توتا جواا
راكان:اه جوا
مريم شاورت على كنان:انت كنان صح وانت راكان
كنان ضحك:ايوا
راكان:عرفتينا ازاى بقي
مريم:تمارا حكيتلى كتير عليكو الصراحه
كنان:طب اتفضلوو
زينب خبط وفتحت ودخلت
مريم:توتا
تمارا لفت وشافتها وجرت عليها وحضنو بعض بقوة والاتنين عيطو
تمارا:وحشنى حضنك اوى يامريومه
مريم:وانتى ياتوتا وحشتينى اوى
زينب بعدتهم عن بعض:ماخلاص ياختى انتى وهيا
تمارا حضنتها:زوزة قلبي وحشتينى اوى
زينب:مع انى زعلانه منك بس وحشتنى اوى
سماح:ماخلاص ياحلوة منك ليهااا الراجل تعبان وعايز يرتاح
تمارا بصلتها:بتقولى حاجه ياسوسو اصلى مسمعتش كويس
سماح:لا مبقولش ياختى
مريم:لسه زى مانتى متغيرتيش ابدااا
مريم بصو لفهد اللى واقف وعينه على تمارا :انت فهد جوز تمارا
فهد:ايوا
مريم مدت ايدها سلمت عليه:مبسوطه انى اتعرفت عليك كان نفسي اشوف اللى شقلب حياه توتاا
زينب:حمدلله على سلامتك ياحسن معلش ابنات نسونى كنت جايه ليه
حسن:الله يسلمك
مريم:حمدلله على سلامتك ياحسن
حسن:الله يسلمك يامريم
تمارا قربت من فهد:انا هاخد مريم وننزل الكافتيريا تحت نرغى شويا ممكن
فهد:حاضر بس كنان يبقي معاكو
تمارا:حاضر
تمارا مسكت ايد مريم وخرجت من الاوضه
تمارا:كنان يلا ورانا
كنان:على فين
فهد خرج من الاوضه:هيروحو الكافتيريا وعينك تكون عليهم فاهم
كنان:تمام
راكان:اروح معاهم
فهد:خليك انت هنا
راكان:تمام
تمارا ومريم نزلو وكنان ماشي وراهم ونزلو قعدو فى الكافتيريا وكنان عينه على مريم واد ايه هى احلى من الصور بكتير ورقيقه جدااا وضحك ان ازاى دى صاحبه تمارا القويه
تمارا عنيها جت على كنان وشايفه نظرته لمريم اللى كلها عشق واستغربت هو اول مرة يشوفهاا بعد شويا البنات طلعوو الاوضه وكان حسن بيجهز عشان يمشي
تمارا:انت لسه تعبان ياحسن خليك هنا احسن
حسن:هابقي كويس فى بيتى ياتوتا انتى عرفانى
حسن بص لسماح:ارجعى على بيت اخوكى ياسماح
سماح استغربت:ليه ياحسن واسيبك وانت تعبان كدا
حسن:اه سبينى وروحى بيت اهلك وورقتك هتوصلك فى اقرب وقت
الكل اللى واقفين اتصدمو ماعظا تماارا وفهد
سماح:ورقتى ياحسن هتطلقنى
حسن:لما اكون عايش مع واحده بتخدعنى يبقي اطلقها احسن
سماح:اخدعك...خدعتك فى ايه ياحسن...اااااه مش السنيورة رجعت اكيد قلبت عليا بسببها مش كدا
تمارا لسه هتمشي تروحلها فهد مسكها
حسن:اخرسي قطع لسانك مش هسمحلك تتكلمى كلمه واحده ضدهااا تانى واااه خدعيتينى لما فهمتينى ان المشكله الخلفه من عندى وهى من عندك وزورتى كل التحاليل ياهانم انا عرفت كل حاجه
سماح وتامر اتصدمو ازاى عرف الحقيقه
حسن:روحى وانتى طالق بتلاته ومش عايز اشوف وشك تانى
سماح خرجت من الاوضه هى وتامر وتمارا بصت لفهد:سبنى اقتلها يافهد
فهد:اهدى ياحبيبتى
تمارا بصلته اوى:انت قولت حبيبتى صح
فهد ضحك على جنانها ومريم ضحكت:انتى فى ايه ولا فى ايه ياتوتا
تمارا:لا اقعدى انتى على جمب انا مابصدق يقول كلمه حلوة
حسن:مجنونه والله العظيم
كلهم خرجو من الاوضه ورجعو على شقه تمارا وفهد طلب من كنان يوصل مريم ومامتهاا على بيتهم
وحسن طلب من فهد يخلى كنان وراكان ينامو فى الشقه اللى على السطح محدش ساكن فيها فهد ساعد حسن لحد مانام على السرير وسابوه يرتاح وخرجو
===========================
تمارا وفهد خرجو من اوضه حسن
تمارا:انا تعبانه وعايزة انام
فهد:هنام فين
تمارا:فى اوضتى طبعااا تعالى اوريك اوضتى
تمارا مسكت ايد فهد ودخلو الاوضه اللى كانت بلون الابيض والبينك
تمارا:اى رايك فى اوضتى بقي
فهد:ماشي حالها
تمارا برقت:ماشي حالها لا طبعااا دى تحفه ...اه اكيد مش عجباك عشانها ابيض مش اسود
فهد ضحك:مش عارفه ايه سر عدواتك مع الاسود
تمارا:مش بحبه الله
فهد شدها لحضنه:انا عايزك كدا متحبيش اى حاجه غيرى انا وبس
تمارا لفت ايديها حولين رقبته:طب هاحبك اكتر من كدا ايه
فهد ابتسم وشالها ونيمها على السرير ليريها فنون عشقه.......
روايه فى قبضة الفهد
««الفصل ٢٢»»
زينب ومريم وصلو عند العمارة اللى فيها شقتهم وكنان كان معاهم
مريم:شكرااا ياكنان
كنان:العفو
زينب:تعالى يابنى اتفضل
كنان:خليها مرة تانيه
مريم:طب اشرب شاى من ايدى ده بيقولى عليا احسن واحده بتعمل شاى
زينب:فى دى معاها حق والله
كنان:اذا كان كدا انا موافق
زينب:تعالى يابنى دانت تنور
طلعوو ودخلو الشقه ومريم دخلت المطبخ تعمل الشاى وكنان قعد فى الصالون مع زينب وكان فى صور كتير لمريم وتمارا ومريم ومامتهاا وباباهاا
زينب:مريم بنتى بتتحب تتصور كتير
كنان:ربنا يباركلك فيها
زينب:يارب يابنى..مريم قالتلى انك ساعدتها فى موضوع الورق بتاعها
كنان:دى اوامر الفهد
زينب:والله يابنى مش عايزاها تبعد عنى بس هى شايفه ان دى فرصه كبيرة لمستقبلها وبصراحه ارتاحت اكتر لما عرفت انها هابقي مع تمارا
كنان:متخافيش عليها دى فى عينيا ....اقصد فى عيونا كلنا والفهد مش هيسيبها متقلقيش
زينب ابتسمت لانها ملاحظه نظراته لمريم
مريم خرجت بالشاى:اى كوبايه شاى اتفضل
كنان شرب منها شويا:لا بجد تسلم ايدك احلى كوبايه شاى
مريم:بالف هنا
كنان شرب الشاى وقام وقف:هستاذن انا بقي
زينب:خليك شويا يابنى
كنان:مرة تانيه هابقي اقعد واتغدى كمان
زينب:تشرف فى اى وقت ياحبيبي
كنان ومشي وكان فرحان جداا وشاف راكان واقف تحت عمارة اللى فيها بيت تمارا
كنان:واقف كدا ليه
راكان:بستناك ياحبيب
كنان حضنه:فرحان اوى ياراكان اوى
راكان:قالتلك بتحبك ولا ايه
كنان:لا لسه بس كفايه انى اتكلمت معاها وشربت شاى من ايديها
راكان شاف بنتين داخلين العمارة:ينهار حلاوة
كنان:ماتلم نفسك ياحيوان هتفضحنا
راكان:حلوة اوى ياجدع
كنان:هنام فين ياعم انا تعبان
راكان:فى شقه على السطح محدش ساكن فيها هنام فيها
كنان:طب يلا
============================
فى اوضه تمارا نايمه فى حضن الفهد
تمارا:حسن شكله حبك جداا
فهد:امممم .بس تفتكرى هيغير رايه لما يعرف انا مين
تمارا:مش عارفه بس انا ميهمنيش رأي حد اهم حاجه انا شيفاك ازاى
فهد:وانتى شيفانى ازاى
تمارا سندت بدقنها على صدره:شيفاك احسن واحن زوج فى الدنيا كلها .... شيفاك سند وضهر ليا ... متاكده انك هتكون احن اب فى العالم كمان
فهد:بس ده ماكنش رايك فى الاول ولا ايه
تمارا:يووه يافهد بجد انت قلبك اسود زى بيتك بظبط
فهد ضحك اوى:طب يلا ننام بقي احسنلك
تمارا دفنت نفسها فى حضنه ونامت والفهد كمان نام
============================
فى بيت تامر وسماح
سماح:بقي يطلقنى انا والله لاوريه مين سماح
تامر:انتى اللى غلطتى ياسماح قولتلك اكتر من مرة بلاش الموضوع ده انتى اللى صممتى
سماح:مجاش فى بالى انه يروح لدكتور لوحده ابدااا
تامر:اللى حصل بقي الحقيقه كانت لازم تظهر وبلاش تعملى اى خطه عبيطه لان جوز تمارا شكله حاجه كبير وممكن يودينا ورا الشمس
سماح:يعنى اعمل ايه
تامر:ترضي بنصيبك وهنلم حاجاتنا ونرجع بيتنا اللى فى الشرقيه يكون احسن
سماح:انت شايف كدا
تامر:ايوا يكون احسن ليا وليكى
سماح:حاضر ياخويا
(كدا خلصنا من سماح وتامر ونقولهم باى باى)
=============================
صباح يوم جديد فى بيت حسن تمارا صحت وقامت من جمب فهد تخدت شاور وصلت وخرجت تجهز الفطار
الباب خبط راحت تفتح كان كنان وراكان
تمارا:عملتو زى ماقولتلكو
راكان:بقي على اخر الزمن اروح اشترى فول وطعميه
كنان:وعيش كمان
تمارا:وماله بقي مش بتشترو الفطار لازم تتعودو هاااا اصل انا ومريم بنحب الفول والطعميه السخنه اوى اوى
راكان:شكلك اقفشت يامعلم
تمارا:وهساعدك لو عايز
كنان:انتى احلى اخت فى الدنيا كلها
تمارا:يلا يلا ادخلوو
تمارا اخدت منهم الاكل ودخلت تجهز الفطار ودخلت اوضه حسن كات صاحى ساعدته يخرج ويقعد معاهم على السفره ودخلت اوضتها كان السرير فاضى سمعت صوت ميا فى الحمام حضرت هدوم لفهد واستنيته يخرج
فهد خرج ولما شافها ابتسم:صباح الحلاوة
تمارا:صباح الوسامه..يلا عشان نفطر سواا
فهد:هلبس واجى وراكى
تمارا:حاضر
============================
تمارا خرجت وقعدت على السفر وشويا وفهد خرج وقعدو يفطرو فى جو جميل بعد شويا الباب خبط
تمارا:افتح ياكنان
كنان قام يفتح كانت مريم:صباح الخير
كنان:صباح النور اتفضلى
مريم دخلت:السلام عليكم
الكل:عليكم السلام
مريم:اخبارك ايه الوقت ياحسن
حسن:بخير يامريم الحمدلله
مريم:انا شامه ريحه طعميه انا فاتنى حاجه ولا ايه
تمارا:فاتك احلى فطار الصراحه بس صاحبتك مستحيل تنساكى سبتلك نصيبك
مريم:حبيبه قلبي
تمارا:تعالى معايا المطبخ يلا
البنات دخلو المطبخ وبعد شويا خرجو والباب خبط راحت تمارا تفتح كانو جيرانهم اللى فى الشقه اللى قدامهم
°°°°°°°°°°°°°°°°°°°°°°°°°°°°°°°°°°°°
نقف شويا نتعرف على جيران تمارا
(فاطمه) الام ست حنينه وطيبه جدااا زوجها متوفى ومعاها بنتين
الكبيرة(مروة)
عندها ٢٧ سنه خريجه كليه تجارة هاديه جدااا كانت بتحب حسن اخو تمارا من قبل مايتجوز وحتى بعد ماتجوز رفضت كل العرسان اللى بيتقدمولها
الصغيرة(شروق)
عندها ٢٥ سنه خريجه كليه تجارة زى اختها شقيه ومجنونه جداا على عكس اختها
°°°°°°°°°°°°°°°°°°°°°°°°°°°°°°°°°°°°°°°
تمارا فتحت الباب وفرحت لما شافتهم وحضنتهم كلهم:وحشتونى جدااا
فاطمه:وانتى ياحبيبتى والله عامله ايه
تمارا:انا ميت فل وعشرة
مروة:لسه مجنونه زى مانتى
شروق:ده الجنان ده احلى حاجه فى الحياه يابنتى بالحضن يااوختى
تمارا وشروق حضنو بعض
فاطمه:احنا جايين نطمن على حسن يابنتى
تمارا:طبعاا تنورو اتفضلوو
دخلو وسلمو على حسن وتمارا عرفتهم على كل الموجودين وباركو لتمارا على جوزاها
وراكان كان فرحان انه شاف البنت اللى شافها داخله العمارة
كنان بهمس:ايه وقعت ولا ايه
راكان:شكلها كدا يامعلم بس دى غلبت تمارا فى الجنان
كنان:ربنا يعينك ياصاحبي
تمارا جت من وراهم:مكشوفين على فكرة
راكان:احلفى
تمارا:اه والله
الكل قضو وقت حلوو مع بعض وبليل الكل راح بيوتهم وتمارا وفهد قعدو مع حسن
تمارا:ابو على
حسن:ارغى عايزة ايه
تمارا:عايزة افرح بيك ياحبيبي
حسن:تفرحى بيا انتى عبيطه يابت دانا لسه مطلق
تمارا:وفيها ايه يعنى عايزاك تتجوز بقي
حسن:انتى ناويه تعقلى امته
تمارا:اوعدك لما ابقي عمتو هعقل اتجوز وخلينى عمتو ونبي دانا هابقي عمتو قمر اوى
حسن:اوعدك اول ماالاقى عروسه هابقي اخليكى عمتو
تمارا بسرعه:ماهى موجوده
حسن:هى مين
تمارا:مروة
حسن:مروة
تمارا:انت هتستعبط مانت عارف انها بتحبك بس انت روحت اختارت الحيزبونه وسبتها بس هى لسه متجوزتش خالص ياحسن
حسن:وتفتكرى هيوافقو
تمارا:قول اه انت بس وانا هكلم طنط فاطمه
حسن:موافق
تمارا صوتت:بجد
حسن:يابنت المجنونه
حسن بص لفهد:انت مستحملها ازاى
فهد ضحك عليها:نصيبى بقي
تمارا بشهقه:اخس عليك يافهد يعنى نصيبك وحش
فهد:ده احلى حاجه حصلتيلى
تمارا:ايوا كدا
حسن:خاف منها
كلهم ضحكو وكل واحد دخل اوضته وناموو
============================
تانى يوم تمارا راحت بيت فاطمه اللى استقبلوها بحب واتكلمو كتير
تمارا:بصراحه يافطوم انا جيالك عشان حاجه تانيه
فاطمه:قولى ياحبيبتى
تمارا:انا بطلب ايد مروة لحسن اخوياا
مروة فرحت جداا لما سمعت كلام تمارا وفاطمه شافت فرحتها لانها عارفه ان مروة بتحب حسن ومن زمان جداا
فاطمه:انا موافقه ياتوتا انا عارفه مش هلاقى لبنتى عريس وشريك عمر زى حسن
تمارا بفرحه:حبيبتى يافطوم بس نشوف راي العروسه بقي
مروة اتكسفت اوى
شروق:السكوت علامه الرضا ياتوتا البت هتموت من الكسوف
كلهم ضحكو
تمارا:يبقي بكرة باذن الله هنيجى نطلب ايدهاا ونقرا الفاتحه
فاطمه:على خيرة الله
وتانى يوم تمارا وحسن وفهد راحو اتقدمو لمروة اللى كانت طايرة من الفرحه وقرو الفاتحه وقررو يعملو خطوبه كمان اسبوع وحددو كتب كتاب والفرح بعد شهر
============================
عدى اسبوع والكل كان بيتجهز للخطوبه
مروة وحسن اللى نزلو اشترو الشبكه والفستان
فهد اللى طلب منهم يعملو الخطوبه فى الفيلا بتاعته اللى فى القاهرة والكل وافق وراكان وكنان جهزو العربيات اللى هتنقل الكل قبل الخطوبه بيوم
الكل وصلو الفيلا اللى انبهرو بجمالها كل واحد طلع على اوضته يرتاح
مروة وشروق ومريم وتمارا قررو ياخدو اوضه سواا
كنان وراكان مع بعض
فهد فى اوضته وكان مضايق جداا ان تمارا مش هتنام فى حضنه زى ماتعود
حسن فى اوضه
زينب وفاطمه فى اوضه
=============================
فى اوضه البنات كانو مشغلين اغانى ومهيصين على الاخر وكانو فرحانين من قلبهم
بعد شويا قفلو الاغانى وقعدو يرغو
تمارا:تعرفى ياميروو انا اتمنيتك عروسه اخويا من زمااااان جدا بس منها لله الحيزبونه هى اللى لفت عليه
شروق:اهى غارت فى ستين داهيه
مريم:انا مصدقتش لما عرفت انها سابت اسكندريه هى واخوها
مروة:ماكنتش متخيله انها تستلم بسرعه كدا الصراحه
تمارا:هى عارفه انها مش هتقدر تعمل حاجه ...مش مهم سيبكو منها بقي مش عايزين نعكر مزاجنا الحلو
البنات لعبو وهيصو واتكلمو كتير لحد ماتعبو وناموو
تمارا قامت براحه وخرجت من الاوضه
وشافت كنان قاعد لوحده وباين عليه الحزن قربت منه:اخويا الحلو ماله
كنان ابتسم:انا بخير ياتوتا
تمارا:بتحبها اوى كدا
كنان بصلها:فوق ماتتخيلى بس مش عايز اظلمها وادخلها العالم بتاعنا
تمارا:يعنى هتخبي حبك ومش هتعترف بيه
كنان:كدا احسن بلاش اوجع قلبي
تمارا:مايمكن تكون بتحبك هى كمان
كنان:معرفش ياتمارا بس انا عشان بحبها مش هدخلها العالم ده مريم طيبه وتستاهل حد احسن منى مليون مرة
تمارا:ماشي ياكنان انت وراحتك ولو عايزنى اساعدك مش هتاخر انت عارف تصبح على خير
كنان:وانتى من اهله
============================
تمارا سابته وراحت اوضه الفهد اللى كان واقف فى البلكونه وابتسم لما سمع الباب بيفتح وعارف انها تمارا بس مالفش
تمارا حضنته من ضهره:مش عارف تنام زيي بردو
فهد لف واخده فى حضنه:الظاهر حضنك بقي ادمان
تمارا ضحكت:وانا بردو اتعودت على حضنك جدااا ممكن ننام لانى تعبانه جدااا
فهد بقلق:مالك ياتمارا
تمارا:مش عارفه هبطانه جداا يمكن من الشغل والسفر
فهد شالها ونام على السرير وهى فى حضنه ونامو الاتنين
============================
جه اليوم المنتظر يوم الخطوبة الكل كانو بيجهزو البنات كانو قمرات حرفياا والشباب كمان كانو فى احلى طلة
مروة لبست فستان بلون اوف وايت مع شوز وطرحه بنفس اللون وكانت ايه من الجمال
تمارا لبست فستان بلون الارزق ضيق من الصدر مع بعض الكسرات وبعض اللمسات بلون الفضي على الرقبه ونازل واسع واكمام واسعه مع طرحه وشوز اوف وايت
مريم لبست فستان هادى بلون البينك وعلى هيئه فيكونه من الصدر وطرحه وشوز بنفس اللون
شروق لبست فستان بلون الازرق سك وواسع من تحت باكمام واسعه وطرحه وسوز بنفس اللون
والشباب كالعاده لبسو بدل سودا بس كانو جامدين اخر حاجه
مروة نزلت على السلم مع مامتها والبنات كانو وراها والشباب انبهرو بجمالهم
فاطمه سلمت مروة لحسن واخدها وقعدو فى المكان الخاص بالعرسان والفهد قرب من تمارا ومسك ايدها وراحو يقعدو
فهد:تعرفى نفسي اعمل ايه
تمارا:ايه
فهد:اخبيكى جوا حضنى ومحدش يشوف الجمال ده غيرى
تمارا سندت راسها على كتفه:ربنا يخليك ليا يافهد
فهد ابتسم وباس راسهاا
والبنات والشباب قعدو وبدات الخطوبه وحسن لبس الشبكه لمروة وكانو فرحانين جدااا وكنان اللى عينه على مريم وهى ملاحظه نظراته واتكسفت وكنان عينه على المجنونه شروق
الكل طلع يبارك لحسن ومروة
تمارا حضنت حسن:مبروك يااحلى خالو
حسن بعد عنها وبصلها اوى وهى حضنته تانى:محدش يعرف غيرك انت ومريم انا عايزة اعملها مفاجاأه لفهد
حسن:مبروك ياتوتا النهارده الفرحه فرحتين
تمارا:ربنا يسعدك العمر كله ياابوعلى
بعد وقت طويل الخطوبه خلصت والكل طلعو ينامو من التعب
=============================
فى اوضه الفهد وتمارا
تمارا:فهد
فهد:عيونه
تمارا مسكت ايده وحطتها على بطنها وفهد بصلها باستغراب
تمارا قربت من ودنه وهمست:مش قولتلك هتكون احن بابا فى الدنيا
فهد بصلها اوى:انتى
تمارا هزت راسها باه:انا حامل
فهد قام ومشي بعيد عنها
تمارا:مالك يافهد انت مش فرحان انى حامل
فهد:ده احلى خبر سمعته فى حياتى بس انا خايف عليكو ياتمارا هيستغلو انكو نقطه ضعفى
تمارا حضنته:انا متاكده انك قدها وكول مانت معانا عمرنا ماهنخاف يافهد
فهد حضنها بقوة ورفعها عن الارض ولف بيها:الف مبروك يانبض الفهد
تمارا فرحت اوى وباسته من خده:الله يبارك فيك ياقلب تمارا........
روايه فى قبضة الفهد
««الفصل ٢٣»»
اشرقت شمس يوم جديد
فهد صحى على صوت رنه تليفونه قام من جمب تمارا واخذ تليفونه ورد عليه وكان بيسمع الطرف التاني
فهد: خلي عينيكم مفتحه لحد مااجي مش عايز اي غلطه
تمارا صحت على صوته وشافته وهو متعصب واستنت لما قفل
تمارا: في حاجه يا فهد
فهد: انا لازم اسافر ايطاليا دلوقتي حالا
تمارا: وانا
فهد: خليكي هنا ياتمارا وانا هكون موجود هنا وقت الفرح
تمارا: لا خدني معاك يا فهد لو سمحت
فهد: طب هتسيبي اخوك في الايام دى لازم تكوني معاه
تمارا: فهد في حاجه حصلت هناك ما تخوفنيش عليك
فهد:رجاله الملك حاولو يدخلو القصر
تمارا: ليه
فهد: اكيد عشان يهربو فرانكو ودانيال... انا هسيب كنان وراكان معاكي هنا عشان اكون مطمن عليك
تمارا: لا خدهم معاك انا هاكون هنا في امان صدقني انت كده كده حاطط حراسه وهيكونوا معايا في كل حته وانا اوعدك اني مش هخرج من الفيلا اصلا خليهم معاك عشان اكون مطمنه عليك لو سمحت
فهد: حاضر يا حبيبتي انا هاجهز عشان اسافر وانتو هتفضلو هنا فى الفيلا لحد الفرح
تمارا:حاضر
فهد لبس وقال كنان وركان يجهزوا الطياره عشان هيسافروا
==========================
كنان و راكان خارجين من الفيلا قابلو مريم
مريم: صباح الخير
كنان وراكان:صباح الخير
راكان:انا هستناك برا بس متتاخرش
مريم:انتو رايحين فين بدرى كدا
كنان:مسافرين ايطاليا
مريم:والفرح تمارا مش هتحضر فرح اخوها
كنان:لا تمارا هتفضل هنا انا وفهد وراكان اللى هنسافر عندنا شغل وهنيجى على معاد الفرح
مريم:ربنا معاكو
كنان:خدى بالك على نفسك
مريم هزت راسها وكنان مشي
مريم سرحت شويا وافتكرت لما كانو البنات كلهم نايمين سوا وتمارا خرجت من الاوضه كانت مريم لسه صاحيه وخرجت وراها وسمعت كلامها هى وكنان
مريم:كنان
كنان لف وبصلها:نعم
مريم قربت ووقفت قدامه:سافر وخد بالك من نفسك عشان ترجعلى بسلامه
كنان برق:هاااا
مريم ضحكت اوى
كنان:قولتى ايه بجد
مريم:هستناك ترجعلى بسلامه
كنان:مريم
مريم:نعم
كنان:انتى اكيد عارفه انا بشتغل ايه وانا مش عايز ادخلك العالم ده
مريم:عارفه وموافقه كمان
كنان:انا بحبك اوى من اول ماسمعت صوتك
مريم اتكسف:خد بالك على نفسك
كنان حضنها ومريم بعدته عنها:انت قليل الادب اوى
كنان:ده حضن بريئ والله
راكان نادى عليه:ياعم الحبيب يلا
كنان:مع سلامه ياقمرى
كنان راح ركب العربيه وكان مبسوط اوى
راكان:اوعدنى يارب ما البت المجنونه دى
كنان ضحك على صاحبه
==========================
فى اوضه فهد وتمارا
فهد واقف قدام المرايه بيظبط شعره وتمارا قاعده على السرير وبتبصله وعينيها كلها دموع
فهد بص فى انعكاسها فى المرايه وشايف حزنها قرب وقعد جمبها:ممكن اعرف الدموع دى سببه ايه
تمارا بصلته:بعنى انت مش عارف
فهد:عارف ياتماارا وانا بقولك متخافيش عليا انا الفهد بردو
تمارا حضنته:ارجعلى بسلامه يافهد ونبي
فهد:حاضر يانبض الفهد
تمارا بصلته:تعرف انى بحبها اوى
فهد :ايه هيا
تمارا:لما بتقولى نبض الفهد
فهد قام وجاب فون من الدولاب:ده تخليه معاكى ياتمارا هابقي اكلمك عليه وعليه كل ارقامى تكلمينى فى اى وقت وانا اول مااوصل ايطاليا هكلمك اطمنك تمام
تمارا:حاضر
فهد باس راسها وخرج من الاوضه ونزل سلم على الكل وخرج من الفيلا
تمارا خرجت وراه بسرعه:فهد
فهد لف لاقاها بتجرى عليه واترمت فى حضنه:هتوحشنى اوى يافهد خد بالك على نفسك
فهد:انتى اللى تاخدى بالك على نفسك وعلى ابننا ياتمارا بلاش جنان ابوس ايدك
تمارا ضحكت اوى وفهد باس راسهاا ومشي وهى فضلت تبص عليه لحد ماركب العربيه ومشي ودخلت الفيلاا وشافت حسن وعيطت جوا حضنه:خايفه عليه اوى
حسن:هيرجع بسلامه باذن الله انت خايفه عليه ليه كدا
تمارا بعدت عنه:انت عارف اختك مجنونه
حسن:مش هتقولى الخبر الحلو للكل
زينب:خبر ايه
حسن:تمارا حامل
الكل فرحو وباركو لتمارا وعلى اد مايقدرو كان بيحاولو يخرجوها من حالتها ونجحو فى ده وعدى اليوم بين ضحك وهزار البنات وانتظار تمارا مكالمه فهد بيطمنها انه وصل بخير
==========================
البنات متجمعين فى الجنينه وبيهزرو
شروق:قوليلى يامريومه انا شوفت حضن كدا على الطاير
مريم برقت:اللع يخربيتك وطى صوتك
تمارا:حضن ايه
شروق بغمزة:الصبح شوفتها وكنان باشا بيحضنها فى الجنينه
مروة:بجد
تمارا:مريم بجد
مريم اتكسفت ومش عارفه ترد
تمارا:انتو اعترفتوو لبعض
مريم هزت راسها باه
البنات صوتو فى صوت واحد
مريم:ياولاد المجانين هتفضحونا
مروة:ايوا بقي يامريومه
مريم بصت لشروق بغيظ :على اساس انتى عينك مش من راكان باشا هااا
تمارا:ده بجد ده
شروق:ابدا متصدقوش البت دى
مروة:لا مريم مش كدابه ياشوشو
شروق:يووووه
تمارا:وعلى فكرة راكان كمان عينه منك
شروق بفرحه :بجد
البنات ضحكو عليها واتكلمو كتير
تمارا:انا هروح ارتاح فى اوضتى شويا اصبحو على خير
البنات:تلاقى الخير
==========================
فى اوضه تمارا
قاعده وماسكه الفون وبتستنى مكالمه فهد وفجاه الفون رن ورد بسرعه وسمعت
فهد بيضحك:انا عارف انك مش هتنامى غير لمااكلمك
تمارا:وصلت بسلامه
فهد:اه ياتمارا انتى عامله ايه
تمارا:مش كويسه ابداا وانت بعيد
فهد:تمارا وشهر وهكون عندك
تمارا:حاضر .هتنام
فهد:فى اجتماع فى قصر الملك كمان ساعه
تمارا بعصبيه:والحيزبونه اللى شعرها برتقالى هتبقي هناك اكيد صح
فهد ضحك:اكيد
تمارا:انت بتضحك يافهد انت عارف ومتاكد ان عينيها منك
فهد:ميهمنيش
تمارا:يعنى انت مش بتشوف نظراتها ليه
فهد:محدش يتجرأ يدخل قلب الفهد غيرك ياتمارا
تمارا سكتت شويا:ثبتنى على فكرة
فهد:يلا روحى نامى بقي
تمارا:مش جيلى نوم
فهد:تمارا انا هقفل معاكى ماشي سلام
تمارا استغربت:سلام
تمارا:ماله ده هو بيتحول ولا ايه
الفون رن مكالمه فيديو وتمارا فرحت اوى وردت عليه:زعلت منك على فكرة
فهد:عارف
تمارا:تعرف انك وحشتينى فى كام ساعه دول
فهد:عارف
تمارا:ايه البرود ده
فهد ضحك:بس ايه الجمال ده تعرفى انى بعشقك بالاحمر
تمارا:اااه بامارة الفستان اللى اجبرتنى البسه
فهد ضحك:قلبك اسود اوى
تمارا:زى حبيبي كدا
فضلو يتكلمو كتير لحد تماارا ماتعبت ونامت وفهد فضل يتأملها كتير وقفل المكالمه وراح على البيت الاسود
============================
دخل فهد البيت الاسود والحارس فتح الزنزانه اللى فيها فرانكو ودانيال اللى تقريبا كلهم جروح وكدمات
فهد:يارب تكون الضيافه والاقامه عندنا عجبتكو
فرانكو بصله بغل
فهد:شكلها مش عجباكو لأ لازم اخلى رجالتى يزودو العيار حبتين
دانيال:حرام عليك يافهد هتفضل تعذب فينا لحد امته
فهد:لحد ماتموتو من كتر الضرب والتعذيب عشان تبقو تفكرو تلعبو مع الفهد
فهد خرج من البيت الاسود وركب العربيه مع راكان وكنان وراحو على قصر الملك
============================
بعد شويا وصلو قصر الملك
فهد بص لراكان وراكان هز راسه
فهد دخل ووراه كنان وراكان راح وقف مع رجاله الملك وفضل يهزر ويضحك معاهم وفى الوقت اللى راكان شغل رجاله الملك دخل رجاله الفهد للقصر
فهد دخل وقعد من غير مايكلم حد كان موجود الملك وصوفيا وبعض من كبار التجار
الملك:فين السلاح بتاع الصفقه الاخيرة يافهد
فهد:معرفش
صوفيا بعصبيه:مش انت اللى كنت مسئول عنها
الملك:ليه التمرد ده يافهد دانت كنت دراعى اليمين وعينى
فهد:ده كان زمان قبل ماتفكر تقرب على زوجه الفهد وتبعت خدامه عشان تحطلها سم فى اكلها وكمان تبعت رجالتك يدخلو قصرى فى غيابى عشان تهرب الكلبين اللى عندى
الملك:البنت دى كانت سبب المشاكل يافهد
فهد قام وقف بعصبيه:اسمها زوجه الفهد
صوفيا:يبقي انت اللى اختارت الموت يافهد باختيارك للبنت دى
رجاله الملك كلهم قربو من الفهد ووجهو سلاحهم عليه
الفهد بص للملك وابتسم بخبث والملك طبعاا عارف معنى الابتسامه ودى وكان حاسس ان الفهد سابقهم بخطوة وفجاه رجاله الفهد ظهروو وحطوه اسلحتهم فى دماغ كل واحد من رجاله الملك
فهد قعد وحط رجل على رجل:شكلك نسيت مين الفهد ياكينج فحبيت افكرك بس انا هخرج انا ورجالتى من غير نقطه دم واحده ولو حد فيكو جرب يقرب عليا او على حاجه تخصنى ماتلوموش غير نفسكو على اللى هعمله فيكوو
فهد قام وخرج من القصر ورجالته وكنان وراه وركبو عربياتهم وراكان ركب هو كمان وساق ومشووو بالعربيات ورجعو على القصر
=============================
بعد شويا رجعو على القصر الفهد طلع جناحه وكل واحد طلع اوضته
فى اوضه كنان
مسك فونه ورن على رقم مريم بس مافيش رد ساب الفون ودخل ياخد شاور
عند مريم كانت فى المطبخ وطالعه الاوضن بتمسك الفون لقيت مكالمه من كنان رنت عليه تانى فى الوقت اللى كان كنان بياخد شاور دخل راكان الاوضه وسمع الفون بيرد وشاف اسم مريم رد عليها
راكان:ازيك يامريم
مريم:بخير ياراكان انت عامل ايه
راكان:انا بخير الحمدلله
مريم:احم انا لقيت كنان كان رن عليا فاقولت اكلمه
راكان:كنان بياخد شاور
مريم:اهاا طب شويا كدا هابقي اكلمه
راكان:المجنونه عامله ايه
مريم:قصدك على تمارا ولا شروق
راكان:هو انا مكشوف اوى كدا
مريم:يعنى وعلى العموم هى كويسه
شروق كانت داخله اوضه مريم:مريومه
مريم:خدى كلمى فى حد عايزك ياشوشو
شروق:حد مين
مريم:خدى كدا انا خارجه
شروق اخدت الفون ومريم خرجت:الو
راكان:ازيك ياشوشو
شروق بضيق:شوشو
راكان:اومال ادلعك بايه ياجميل
شروق:ااااه لا ياراكان باشا انا ماليش فى السكه دى
راكان باستغراب:سكه ايه مش فاهم
شروق:اانا نتكلم ونتصاحب والكلام ده مش عندى
راكان:طب يمشي معاكى رسمى يعنى
شروق:رسمى
راكان:اه لماارجع هتقدملك بش بعد مااعرف موافقتك طبعااا
شروق كانت فرحانه جدااا
راكان:هااااا موافقه
شروق......
راكان:بيقولو السكوت علامه الرضا اشوف لماارجع ياشوشو
راكان قفل وشروق كانت هتطير من الفرحه
كنان خرج من الحمام كان راكان ماسك فونه اخده منه وشاف انه كان بيكلم مريم
كنان:انت رديت على مريم
راكان:اه الفون كان بيرن ورديت عليها وعملت معايا احلى معروف
كنان:وايه هو بقي
راكان:خلتنى اكلم المجنونه
كنان ضحك:وكلمتها ياحبيب
راكان:اه ياخويا ابقي كلم مزتك بقي
راكان خرج وكنان اتصل على مريم بس بردو مردتش عليه
وبعد شويا لقى الفون بيرن برقمها رد بسرعه عليها
مريم:ازيك ياكنان
كنان:انا بقيت بخير لما سمعت صوتك والله
مريم اتكسفت:احم لما رنيت عليا كنت تحت فى المطبخ ورجعت رنيت عليك راكان اللى رد
كنان:هو قالى يامريم انتى عامله ايه
مريم:انا بخير الحمدلله
طال الصمت بينهم
كنان:مريم
مريم:نعم
كنان:تعرفى انك وحشتينى
مريم:كنان لو سمحت بقي
كنان ضحك على كسوفها:اكيد بقيتى شبه الفراولايه الوقت
مريم:بطل بقي ياكنان
كنان:حاضر بطلنا
مريم:انا لازم اقفل اصبح على خير
كنان:وانتى بخير ياقمرى
كنان قفل معاها ونام...........
&&&&&&&&&&
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 روايه فى قبضة…){kind=link}
تعليقات
إرسال تعليق
فضلا اترك تعليق من هنا