رواية عالم موازي الفصل السادس والسابع والثامن والتاسع والعاشر بقلم رشا منصور (جميع الفصول كامله في مدونة قصر الروايات)
رواية عالم موازي الفصل السادس والسابع والثامن والتاسع والعاشر بقلم رشا منصور (جميع الفصول كامله في مدونة قصر الروايات)
#الجزءالسادس
#عالم_موازي
أنجي. ….
وأول ما آسيا شافتني قدامها كالعادة ضر'بتني بالقلم وطبعا مستغربتش ما أنا خلاص اتعودت
أنا كل دورى فى الحياة إنى اضر'ب بس المرة دى
رد فعلي كان مفاجأة لهم كلهم
زعقت' فيهم وقولت لهم اطلعوا من حياتي أنا حياتي بتد'مر وبدل ما تساعدوني بتزودو المشا'كل زيادة بره بره
مش عاوزة أشوف وشكم وفضلت أبكي 😓
يجنأ….
حسيت بحزن أنجي وحيرة وضيق' قولت لها أنتي زعلانه كدا ليه محدش فينا عملك حاجه لقيتها قالت
صاحبتي فى جن معاها وحياتها فى خطر' بسببي وابني اللى بدل ما يقعد فى جنينه يلعب ويعيش زى اى طفل قاعد فى المستشفي مع ابوه من غير ام ومش عارفين ايه اللى هيجري ليا وبعد كام يوم هختفي عنه وعن العالم بتاعه وده معناه ان ابني مش هيكون له وجود😔
وانتوا بدل ما تفكروا معايا فى حل قاعدين تعزموا ع بعض مين فيكم اللى تتحكم فيا أنا مش طيقا'كم مش عوزاكم فى حياتي ابعدوا عني أرجوكم بقي قولتلها
أنا قرينتك يا أنجي يعني فى اى زمان أومكان أنا معاكي ع العموم هسيبك لوحدك تهدى ورجعالك تاني …..
وابتديت أفكر أعمل ايه طول ما أنجي عاوزة تبعدنى عنها كدا بتلغي وجودى ومش هقدر أقوم بدورى ك قرينه ولو حصل وفضلت فى الماضي أنا كمان فى حاجات هتتغير فى حياتي علشان كدا لازم يكون فى حل سريع.
آسيا. ….
أنا صحيح يهمني ان أنجي تهتم بمستقبلها العلمي وشغلها وبس لكن حالتها دى هتخليني صعب اسيطر علي عقلها وخصوصا موضوع صاحبتها ده
وجود الصديق مهم ولولا صاحبتها دى مكنش بقي ليا وجود معاها دلوقتي علشان كدا قررت اساعد أنجي بس مش عارفه ابدء منين أنا محتاجه اتكلم مع قرينتها علشان كدا طلبت ايسآ قرينتي وأول ما ظهرت قولت لها لازم نتحد مع بعض وتساعديني وتستدعي يجنأ
عاوزة أعمل اجتماع مهم بينا إحنا التلاته علشان نعرف هنتصرف ازاى فى موضوع أنجي
ايسآ….
روحت ل يجنأ وقولت لها ع طلب آسيا وعرفتها ان موقفنا إحنا ك قرناء صعب لان ده معناه ان إحنا ك جن مطلوب مننا نواجهه الجن او المارد اللى مع صديقه أنجي
وده ضد وظيفتنا إحنا دورنا نخلي الأنس يعمل أخطاء واستحالة نساعد الأنس لقيت يجنأ بتقولى ان هى الخطو'رة عليها أكتر لان هى مازلت قرين مرتبطة بصاحبتها لكن أنا بقيت قرين حر بعد مو'ت آسيا
عرفتها إنى مهما كنت حره الا انى تحت حكم ملوك الجان ومقدرش اخا'لف الأوامر وفى الآخر جت معايا علشان نجتمع إحنا التلاته ونشوف ايه القرار المناسب
شلتوت…..
كنت متابع حالة أنجي وفى نفس الوقت متابع يحيي ولؤي الوقت بيعدي وبحاول اساعد أنجي وكمان بساعد نفسي وفجأة لقيت يجنأ قدامي وبتقولي عوزينك معانا فهمت أنهم ناويين ع حاجه وأكيد محتاجين مساعدتي وإلا مكنتش جاتلي
آسيا….
كنت منتظرة ايسآ تجيب يجنأ وتيجي واجتماعنا وفكرنا فى حلول كتير ووصلنا لحل لكن كان لازم حد يساعدنا ولقيت يجنأ قالت مافيش غير شلتوت واستغربت كلامها 😲
وقولت لها لآ إلا شلتوت ده بيحا'ربني علشان مش أحقق هدفي وكمان ده عفريت يعني اكيد مش هيقف قدام بني جنسه.
لقيت ايسآ و يجنأ بيقولوا لي مافيش غيرو وياريت يوافق ده احتمال يكون مارد. من الجن وأحنا مش هنقدر عليه لوحدنا
علشان كدا وافقت وأنا مغصو'به ويجنا قالت أنها هى اللى هتروح تجيب شلتوت وطلبوا مني معترضش ع اى حاجه خالص مدام فى الأخر هدفنا واحد
أنجي. ….
كنت محتارة وتايهة ولقيت يحيي بيتصل عليا وبيقولى كلام رومانسي وقبل ما انطق لقيت شلتوت واقف قدامى بيقولى ركزى مع يحيي لحد ما نلاقي الحل
واندمجت مع يحيي وحسيت إنى بعيش أحلي لحظات حياتي وبصراحه قررت أفرح ولو للحظات أنا معرفشي ايه اللى هيحصل ليا تاني
شلتوت. …
روحت قابلت الثلاث المرح ع رأي أنجي وكنت واخد حذرى. من آسيا ولقيتهم طالبين مني إنى أدخل فى حل مشكله صديقه أنجي
وده لأن أنارشامنصورعفريت من الجن فهقدر اتواصل مع الجان وافقت لكن ع شر'ط لحد ما ده يحصل محدش يلعب بعقل أنجي لأنى هحتاجها تساعدنى علشان هى الوحيدة اللى هتقدر تساعدنى فى المهمة دى وتتواصل مع الانسية
ولا انا ولا هما هنعرف نتواصل معاها وطبعا وافقوا ع طلبي مافيش قدامهم حل تاني …
روحت للزمن الحاضر عند بيت جدة دنيا علشان أحاول أعرف مين اللى خرج من بوابه العالم الآخر وكانت المفاجأة او بمعني أوضح الصد'مة
وبعدها روحت ع المستشفي كنت محتاج أعرف حالة أنجي وصلت ل إيه وشوفت دنيا وكان معاها أصحابها جايين يطمنوا ع أنجي وفهمت ان بقي بيحصلهم أعراض غريبه من ضمنها النسيان والكوابيس واختفاء بعد المقتنيات وده معناه ان فى جن بيزورهم بيلعب معاهم لكن مش مؤذي'
إنما دنيا قالت لهم أنها بقت تحس طول الوقت ان فى حد معاها وده غير العلامات اللى بتظهر ع جسمها واوقات بتحس ان فى حد بيضر'بها وهنا قررت أني انفذ الخطة. علشان كدا رجعت للماضي
ونقلت أنجي مرة تانيه بس المرة دى كلهم كانوا معانا علشان نقولها ع الفكرة بتاعتنا وهى اللى هتقدر تنفذها
أنجي. …
فى وسط اندماجي مع يحيي لقيت دوامة دخلت فيها خلاص مبقتش مستغربه حاسة كأنى جوه غساله من كتر الدوامات اللى دخلت جواها وببص لقيت الثلاث المرح ومعاهم شلتوت قولت لهم
هو أنا مش قولتلكم ابعدوا عني وكفايه اللى أنا فيه
لقيت يجنأ بتقولى بس المرة دى إحنا مجتمعين علشان نساعدك او بمعني أدق نساعد صاحبتك دنيا فرحت أوى وقولت لهم انتوا أكيد عرفتوا الجن وطلبتوا منه يبعدوا عنها
لقيت شلتوت قالي إحنا منقدرش نقرب من الجان لكن هنساعدك فى حل المشكله إحنا منقدرش نتواصل مع صاحبتك انتى اللى هتعملي ده
قولتله ازاى والمفروض إنى فى المستشفي وفى غيبوبه ولو كنت قادرة أرجع ما الأولى إنى كنت رجعت حياتي من البدايه بدل ما أنا عايشه فى الماضي واستغربت لما لقيت شلتوت قالي ع الفكرة وكلهم موافقين عليها
دول أكيد مجانين ده أنا ممكن اتحبس' فيها !؟؟
يتبع. ….
ياتري إيه هي الخطه اللي المفروض أنجي هتنفذها ….
#الجزءالسابع
#عالم_موازي
شلتوت….
ابتديت اشرح ل أنجي الفكرة وان دورها إنى انقلها ل بيت دنيا فى زمن الماضي وتحاول تقنعها أنها تبعد عن الروحانيات او اى تحضيرات وطبعا لو دنيا نفذت ده وقتها مش هتحصل المشكلة فى المستقبل ولا هيحصل دخول الجن ل بيت دنيا وبالتالي حياتها هى واصدقائها هتكون بخير
وبالإضافة ان أنجي وقتها مش هتتعرض لغيبوبه ولا هتتنقل للماضي ويبقي كل المشاكل اتحلت
ومجرد شرح الفكرة ل أنجي اتعصبت' وقالت ازاى عاوزنى اروح لواحدة أقولها أنارشامنصور جيالك من المستقبل وبقولك ان هيبقي معاكي عفاريت ده مش بعيد تفتكرني مجنونه' ولا تبلغ عني البو'ليس وتحبسني' بقي أنا نفسي اسيب الماضي وارجع للمستقبل وانت عاوزني اتحبس' هنا
يجنأ …..
لقيت أنجي خا'يفه ومتعصبة. لما شلتوت قال لها دورها فى حل المشكلة' وبصراحة عندها حق صعب ع انسية تستوعب الكلام ده وخصوصا أنها فى زمن الماضي مقابلتش أنجي قبل كدا وده هيعقد الموضوع أكتر
وعلشان كدا طمنتها بأن كلنا هنكون جنبها وهنساعدها لو حصل معاها اى حاجه لكن من غير ما حد يشوفنا
شلتوت….
بعد كلام يجنأ ل أنجي ابتدت تهدي وتطمن لكن مكنش ينفع مقولش لها وأفضل مخبي عليها أكتر من كدا
وقولتلها يا أنجي لو المفروض تخافي' يبقي مش من الانسية لان سهل نحميكي' منها لكن الخو'ف الحقيقي من "شهياص"
واللي معاه ولقيت أنجي تنحت ليا
أنجي. ….
بعد ما اطمنت من كلام قرينتي يجنأ أنهم هيكونوا جمبي ومعايا صدقتها طبعا لأن أكيد يهمها حياتي ما أنا لو جري ليا حاجه ده هيأثر عليها لكن فجأة لقيت شلتوت بيقولى
إنى المفروض اخا'ف لكن من شهياص" قولت له يطلع ايه ده قالي مارد من الجن' الأحمر قولت له هو مش كانوا بيقولوا الجن الأزرق دلوقتي بقي أحمر معندكشي ألوان تانية
وفضلت اتريق واضحك ولقيت شلتوت لونه بيتغير وحاسة كأنه هينفجر' قولت له اهدئ خلاص أنا هسكت خالص بس فهمني شهياص ده هو اللى الخرج من البوابة
لقيته صدمنى' وقالي شهياص كبير عشيرته ومارد قو'ي ومعاه اصحابة وده سبب دخولكم فى غيبوبه. من شدة' قوتهم. مقدرشي جسدكم' البشري يتحمل ده غير أنه لما شاف وجودكم مع بعض والشموع والتعو'يذة اللى كانت صاحبتك دنيا بتقولها افتكرها ان هى السبب فى قفل' البوابه وأعتقد انها ساحرة ده غير بقي انهم مش عارفين يرجعوا تاني لعالمهم
قولتله علشان كدا جسمها متبهدل…
قالي لا لا شهياص مش السبب دى سامويا
قولتله ومين سامويا دى كمان قالي عشيقته وهى اللي بتعمل كدا فى دنيا صاحبتك
قولتله لا بقي أنا مش فاهمه حاجه ايه الحوار بالظبط
بقولك ايه أنا مش مطمنه لك أكيد أنت اللى عامل الفيلم ده علشان أعجز' من إني أنقذ صاحبتي وأفضل محبو'سة فى الزمن ده وطبعا ده بعد ما اتفقت مع الست آسيا
ما هو بالمنطق كدا استحالة آسيا توافق ببساطه إنى أنقذ. دنيا وساعتها يتلغي وجودها ولما أنا طر'دتكم فكرتوا فى اللعبة دى وطبعا مافيش فى ذكاء آسيا وطبعا قرينتها وأكيد يجنأ هانم مشتركه معاكم فى الفيلم ده
آسيا. ….
أنتي ازاى تتهميني الإتهام. ده أنا الحق عليا إنى فكرت أساعدك وانقذ صاحبتك ع العموم أنا ماليش دعوة بكي سواء فى الزمن ده او فى الحاضر
يجنأ…
انتي غلطانه يا أنجي إحنا فعلا عاوزين نساعدك وفى نفس الوقت منقدرش نقف قدام المارد وأعوانه.
أنا قرين وليا حدود ولو تعديت حدودي. ملوك الجان يحاكموني. انتي الوحيدة اللى تقدري تساعدي صاحبتك وأحنا اتفقنا أننا نساعدك بأننا نحميكي' من الجان من غير ما نعرضك او نعرض نفسنا بأي اذي.
وع فكرة دى كانت فكرة آسيا وهى اللى طلبت من ايسا أننا نتعاون ورغم من الخلاف اللى بينها وبين شلتوت بس وافقت ع وجوده وع طلبوا
أنجي. …
اوكية يا جماعه أنا غلطانه اسفه يا ست آسيا بس هو يعقل اللى انتوا بتتكلموا فيه ده
اروح ل دنيا اللى ممكن تحبسنى' علشان اقولها ع المارد اللى خرج من بوابة العالم الآخر واقابل عشيقته اللى بتعذ'ب فيها اللى هى أصلا مش موجودة فى زمانا ده
انتوا مصدقين نفسكم يا جماعه أنا تايهه فى حياتي ومش عارفه ارجع للزمن بتاعي ازاى
اقوم أواجه مارد وأصحابه وعشيقته اللى انتوا أصلا ك جن مش قادرين تقفوا قدامهم لكن المطلوب منى أنا الانسية اقف قدام كل دول
عااااااااا يارب يكون كل ده كابوس واصحي من النوم بقي
شلتوت….
كنت حاسس ب أنجي لكن مافيش وقت هى لازم تختار تنقذ حياتها وتكمل الطريق اللى ابتديته ولا تنقذ صاحبتها وبالتالي ترجع للعالم بتاعها من جديد
وفى وسط حيرة أنجي خدتها للحاضر وروحنا المستشفي ووقفت بعيد وسيبت أنجي مع جسدها ودنيا وسمعت الآتي
دنيا….
دخلت المستشفي وانا مد'مرة نفسيا واول ما بقيت لوحدى فى الغرفه بتاعه انجي قولتلها ….
أنجي اطمني أنا كلمت ناس كتير روحانية وبحاول أعمل أتصال ب عالم الآخر يمكن يدلوني ع مكانك مع ان الكل حذرني. من اتصالي بالجن بس أنا استعداد إنى أضحي. بنفسي علشان ترجعي لابنك ول جوزك اللى بيحبك أنا لحد دلوقتي مش مستوعبة انتى ازاى كنتى عاوزة تتطلقي. من يحيي ده بيحبك آوى تخيلي أنه يعتبر عايش فى المستشفي مش بيرضي يمشي إلا لما يطمن إنى موجودة جنبك ويادوب يروح ياخد شاور ويأكل الولد ويجيب له ساندوتشات علشان لو الولد جاع بالليل
يحيي منتظر اللحظه اللى ترجعي فيها او حتى تتصلي بينا بأي طريقة وأنا وعدته إنى أعمل كل اللى أقدر عليه حتى لو ضحيت بنفسي علشانك
أنا ماليش حد طول عمري عايشة لوحدى كنت بهرب. من وحدتى بالرياضة وجلسات الطاقة الإيجابية
أنا ماليش حد يا أنجي غيرك إنتى وباقي الشلة ودلوقتي حاسة بالذ'نب علشانك وعلشانهم ونفسي اساعدك واساعدهم نفسي الجن اللى خرج من البوابة يسيبني عايشة لحد ما اطمن عليكم وبعدها مش مهم اى حاجه تحصل 😓😔
أنجي. …
فى وسط كلامي مع شلتوت نقلني لعالم الحاضر وشوفت نفسي وأنا لسه فى غيبوبه وببص لقيت دنيا دخلت من الباب وقعدت جنبي والغريب أنها لبسة نضارة شمس سوداء' ومجرد ما خلعتها لقيت حوالين عنيها أسود وفى خرابيش حوالين العين واصله لحد الرقبه.
شكلها عامل زى زمبي اللى فى أفلام الرعب' وبدأت تتكلم معايا وأول ما خلصت كلامها وبدأت تبكي قربت منها وحضنتها الغريب أنها حست بوجودى وصوت بكائها زاد وفضلت تقول أسمي وتقولى
محتاجاكي جنبي ارجوكي ارجعي تاني أنا وحيدة من غيرك محتاجه اتكلم معاكي وأسمع صوتك بصيت ل شلتوت وقولت له هات ورقه وقلم واكتب لها أنا جنبك ومعاكي وبحاول أشوف طريقة انقذك من الجن اللى معاكي أنا عمري ما اتخلي عنك ابداا …
شلتوت….
كنت متأكد ان مقابلة أنجي ل دنيا هيخليها تتحلي بالشجاعة لكن اللى مقدرتش أقوله ان سومايا كانت موجودة وسامعه وشايفه كل حاجه حتى كلام أنجي. …
يتبع…
تفتكروا أنجي هتقدر تنقذ دنيا من الجن وياتري ايه حكايه سومايا ؟؟
#الجزءالثامن
#عالم_موازي
دنيا….
رغم حزنى. ع اللى كلنا وصلنا له إلا ان إحساسي بوجود أنجي جنبي ادانى قوة وثقه فى نفسي وإصرار ع انى احاول اشوف اى طريقه ارجعها لعالمنا مرة تانية …
إلا إنى استغربت لما لقيت ورقه ع الهواء بينكتب فيها الآتي
دنيا خلي بالك من نفسك أنا بحاول أشوف طريقه اخلصك من الجن اللى معاكي وبالذات من سامويا هى اللى عملت فيكي كدا ووصلتك للحالة اللى أنتي فيها دى ومش هتسيبك فى حاله ... وسلمي لي ع يحيي ولؤي وحشوني آوى وبلغيهم إنى أول ما أرجع هعوضهم غيابي عنهم …
صديقتك المخلصة أنجي
بعد ما قرأت الكلام اللى انكتب بقيت مش عارفه أفرح ولا ازعل' … اخا'ف ولا اطمن
مشاعري كانت متضر'به مبسوطة إنى زى ما بضحي. علشان أنقذ أنجي هى كمان مش بتفكر فى نفسها وبتفكر فيا وازاى تنقذني ودى حاجه تفرح وتطمني فى نفس الوقت ع نفسي لأول مرة أحس ان فى حد مهتم لامري
لكن حزينه لأن أنجي نفسها اللى بتساعدنى مش موجودة معايا وفاضل لها كام يوم وتتحبس' فى العالم اللى هى فيه وممكن ببساطة الجن اللى معايا يعمل فيها حاجه ويحاول يعجزها عن الرجوع لوعيها مرة تانيه 😔
شلتوت….
كنت واقف فى ركن الاوضه بتابع اللى بيحصل وشايف سامويا اللى كانت مستغربه وجودى ومساعدتى للانسية ع الرغم إنى مش خادم لها ولقيتها بتقولى ….
سامويا….
أنا الاميرة سامويا بنت الملك مرجان كبير ملوك الجان وعشيقة الأمير شهياص مارد الجن الأحمر
بنحب بعض من زمان لكن لأسباب خاصة لم يتم الزواج وحاليا أنا مخطو'فة داخل عالم الأنس وأصبحت خادمة ل سا'حر من الأنس والمطلوب منى إنى البي له طلباته
وفرحت آوى لما خدام الساحر. بلغونى ان شهياص قدر يخرج من البوابه وجه مع اصحابة يدوره عليا
ولان الساحر' كان عامل تعو'يذة تخفيني عن عشيرتي. علشان محدش يحاول ينقذني. او ان حد يقدر يضر'ه من أهلي
ده اللى خلا شهياص مش عارف يوصلي ولما روحت البيت اللى نزل فيه شهياص ولا قدر يشوفني ولا يحس بوجودى
ولما حاولت اتواصل معاه بشتي الطرق معرفتش بقيت اراقبة من بعيد وأحط له علامات يعرف منها إنى موجودة قريبه منه
ع الاقل يطمن عليا ويعرف انى عرفت بوجوده وأثناء مرقبتي له لاحظت أنه معجب بالانسية اللى أسمها دنيا ع الرغم أنه كان عاوز ينتقم'منها اعتقادآ منه انها ساحرة لكنه بعد كدا اتنقل معاها بيتها وكان مبسوط بمجالستها
واصحابة فرحانين أنهم قريبين من الأنس وابتدوا يلعبوا مع أصحابها و يخفو'ا حاجات ويظهروها مرة تانيه او يعملوا أصوات ونداء بأسمائهم او يصحوهم من النوم ويقعدوا جنبهم ويشدوا شعرهم وحاجات كتير كانوا بيعملوها علشان يفضلوا يضحكوا ع رد فعل الأنس
ولقيتهم فجأة نسيوا هما جايين ليه وكأنهم بقوا مبسوطين من غيري واللى ضايقني. أكتر شهياص حبيبي اللى معجب بالانسية وبدل ما يدور عليا وينقذني.
عامل فيها حبيب ومع دنيا فى كل مكان بيحميها' كأنه البودى جا'رد بتاعها وبيغيير عليها كمان
اخص عليك يا شهياص طول عمرك عينك زيغه وده السبب أننا لحد دلوقتي مجوزناش كذا مرة اقفشك مع الجوارى حتى أصحابي مافيش واحدة إلا وعاكستها …
لكن حصلت كمان تحب عليا انسية 😯
علشان كدا قررت اد'مر لها حياتها أعيشها فى كوابيس صبح وليل لحد ما تنتحر' ولو معرفتش أعمل كدا هخلي الساحر' هو اللى يعمل لها تعو'يذة يمو'تها وطبعا هيسمع كلامى نظير خدماتي له لكن رغم عمايلي معاها إلا ان شهياص بقي بيحميها' منى ولولا إنى مخفيه. عنه مش بعيد كان ها'جمني علشانها….
وأثناء وجودى معاها وهى فى المستشفي اتفاجأت بوجود انسية وعيها فى زمن غير الزمن ومعاها عفريت من الجن طفل صغير لكنه قو'ي لأنه عفريت من الجن الأزرق وطبعا كان قادر يشوفني لأنه مش من عشيرتي ده بجانب ان الجن الأزرق أقوي. مننا
ولقيته واقف متابع الانسية وبيراقبني فى نفس الوقت قولت له أنت كمان عشقت الانسية وعاوز تهاجمني علشانها
واتفاجأت بكلامة ليا بأنه بيحمي. الانسية لكن من نفسها وبيحاول يساعدها ترجع لعالمها وأنه ع استعداد يعمل اتفاق معايا ممكن يرضيني فى نظير إنى أبطل اعذ'ب دنيا
اتعصبت' أكتر ايه اللى فى دنيا مخلي كل الجن عاوز يحميها' وقولت له اى إتفاق يخلي دنيا تعيش فى أمان. وسلام مرفوض ودور لك ع طريقه تانية تحمي. بها الانسية بتاعتك وببص لقيت …
أنجي. ….
مجرد ما دنيا قرأت الورقه وشوفتها بتضحك وبتبكي فى نفس الوقت حسيت بسخونه فى الجو وببص ع شلتوت لقيته زى ما يكون بيكلم حد بس ولا كنت سامعه ولا شايفه هو بيكلم مين لكن خمنت أنها تكون يجنأ او ايسآ هما كانوا قايلين أنهم هيكونوا موجودين حواليا ومخفيين. فى نفس الوقت
ولقيت بعدها يحيي ولؤي معاه دخلوا الأوضة وأول ما دنيا شافتهم قالت لهم أنجي هنا واتواصلت معايا وورتهم الورقه
ولقيت يحيي ابتدي ينادى عليا ويتلفت حوالية ولقيت لؤي بيبصلي وبيشاور عليا قربت من لؤي واخدته فى حضني
ولقيت يحيي بيقول يا أنجي لو موجودة قولى لنا نساعدك ازاى أنا حاسس بأنى عاجز. ومكتف مش عارف اعملك حاجه ترجعك لنا والدكاترة مش عارفين يعملوا حاجه قوليلي اعمل ايه …..
يا أنجي لو مش عاوزة ترجعي علشاني ع الأقل ارجعي علشان لؤي أبنك بس ارجعي يا أنجي
شاورت ل شلتوت وجابلي ورقه وهو كتب لي اللي قولت عليه بالظبط …
يحيي….
أول ما وصلت المستشفي ودخلت غرفة أنجي لقيت الدموع. فى عين دنيا وبتقولى أنجي تواصلت معايا ووريتني الورقه الفرحة مكنتش سيعاني وبالذات لما لقيتها كاتبه اسمي واسم لؤي وفضلت انادى ع أنجي كان نفسي اتواصل معاها وببص لقيت لؤي بيشاور وبيقول ماما ورافع ايده كأن حد بيحضنه فرحت أوى ولقيت بعدها ورقه ظهرت فى الهواء واكتب عليها …
"يحيي حبيبي أنا اتنقلت للماضي وحاليا بعيش معاك أيام حبنا والخطوبة وربنا يقدرني واقدر أصلح كل اللى انكسر. بينا خلي بالك من نفسك ومن لؤي
زوجتك أنجي "
وريت المكتوب ل دنيا وقولت لها اسألي حد من الروحانين ازاى ممكن نرجعها للوقت الحاضر
شلتوت….
أخدت أنجي ورجعتها للماضي بعد ما تواصلت مع صديقتها وجوزها وكان لازم ابعدها من قدام سامويا خصوصا بعد ظهور شهياص كانت هتبقي كا'رثه لو كان شاف أنجي واعجب بها هي كمان 😄😄 مكنتش سامويا سابتها فى حالها ابداااا ولا حتى رشامنصور😄
وأول ما رجعت أنجي لقت نفسها فى زمن ومكان مختلف ولسه بتبصلي لقت موبايلها بيرن وظهرلها إسم يحيي
أنجي. …
كالعادة شلتوت رجعني للماضي لكن المرة دى لقيت نفسي فى الشقه اللى أجرتها أول ما نزلت القاهرة علشان اشتغل ومكنتش لسه اتجوزت يحيي ويعتبر كنت فشكلت الخطوبه وببص لقيت يحيي بيتصل ولسه هرد اتفاجأت ب 😞😞😞
يتبع…..
ياتري شلتوت هيعرف يتصرف مع سامويا وشهياص ولا دنيا وانجي حياتهم هتضيع…..
#الجزءالتاسع
#عالم_موازي
أنجي. …
كالعادة شلتوت رجعني للماضي لكن المرة دى لقيت نفسي فى الشقه اللى أجرتها أول ما نزلت القاهرة علشان اشتغل ومكنتش لسه اتجوزت يحيي ويعتبر كنت فشكلت الخطوبه وببص لقيت يحيي بيتصل ولسه هرد اتفاجأت ب 😞😞😞
آسيا واقفه قدامي حطيت أيدي ع وشي بسرعه ما أنا خلاص حفظت أكيد كالعادة جايه تضر'بني لقيتها بصتلي وضحكت وقالتلي أنا جايه أقولك ان لنا قاعدة مع بعض واختفت.
رديت ع يحيي ولقيته بيقولى للدرجة دى ما صدقتي تبعدى عني حتى المكالمة مكنتيش عاوزة تردي استغربت لان كلام يحيي اتغير عن اللى حصل قبل كدا زمان ولقيت نفسي بقول أول كلمة كان قالهالي ….. وحشتني أوى
ولقيت بعدها يحيي رجع وقالي نفس الكلام اللى حصل فى الماضي بالظبط وكملت المكالمة معاه وطبعا فرحت لما قالي أنه هيسيب شغله وشقته وهينزل القاهرة يدور ع شغل وياخد شقه إيجار نتجوز فيها وشجعته ع كدا وقولت له نفسي يكون عندى ولد ويكون اسمه لؤي مش عارفه ليه قولت كدا يمكن لان من جوايا ابني وحشني فعلا وحشني صوته حتى بكائه اللى كان بيضا'قني وحشتني كلمة ماما😔 وغصب. عني دموعي نزلت ويحيي حس بيا وعرف إنى ببكي وده خلاه اتمسك بيا أكتر أنه عمره ما يتخلي عني ابداا وأنه فى خلال يومين هيكون عندى وفى أقرب وقت هنتجوز …..
وبعد ما خلصت المكالمة معاه فضلت ساكته حاسة ان تفكيري مشوش الوقت بيعدى وخا'يفه اختفي من الوقت الحاضر وأنسى كل اللى حصل فى الماضي والاقي نفسي بقرر نفس اخطائي' واهمل بيتي وجوزى وابني ومفكرشي غير فى نفسي وبس ولقيت آسيا ظهرتلي وقالت
آسيا…..
كنت حاسة بالحيرة اللى فيها أنجي علشان كدا ظهرت لها وقولتلها اسمعيني وافهمي كلامي كويس
كلنا بنغلط. المهم نحاول نصلح الغلط. ومش نستمر عليه زمان أنا كان نفسي أحقق نجاح فى دراستي وشغلي يخلي أهلي فخورين بيا وبالذات أبويا
أبويا كان من الناس اللي شايف خلفة البنات عا'ر وان البنت آخرها تجوز وتخدم جوزها وأهله باللقمة اللي بتاكلها وملهاش حق تعترض. ع حاجه حتى لو اضر'بت او اتهانت. وكان شايف ان الولد هو السند اللى هينفعه لما يكبر وكنت اصغر اخواتي وكنت بالمعني الحرفي خدامة ل اخواتي الصبيان حتى الأكل ماليش الحق إنى أكل الا لو فاض منهم
حاجه وبالعافية سابني أتعلم بعد ما جدى ابوة أمي ما صمم ع كدا وكان هو اللى بيدفعلي مصاريف المدرسة وكنت بحاول دايما اثبت له إنى أحسن من اخواتي ورغم فشل. اخواتي فى التعليم إلا ان ابويا مكنشي شايف نجاحي ابداااا لحد ما طلعت المركز الأول فى الثانوية العامة وقتها الناس فضلت تهنئ وتبارك ابويا ان البنت عملت اللى ولاده الصبيان معملهوش وطبعا اخواتي الناس كانت بتعايرهم. بيا خصوصا أنهم حتى الشغل مكنوش فالحين فيه
وده خلاهم يطلبوا من ابويا اقعد فى البيت وكفايه عليا إنى اخدمهم فضلت ابوس الأيادي لكن ابويا صمم ولولا تدخل جدى وخالى مكنتش دخلت الجامعه وطبعا هما اللى بيدفعولى المصاريف حتى هدومي ابويا كان بيستخصر' فيا اى حاجه
وفى الجامعه حبيت أول شخص حسيته حنين عليا كان عكس أبويا وأخواتي فى معاملته ليا لكن أنارشامنصوركان هدفي كل يوم بيزيد إنى أنجح وكل الناس تشهد بنجاحي يمكن فى يوم أبويا يفتخر بيا😔
وفجأة لقيت الشخص ده سابني. وارتبط بواحدة زميلتي كان كل همها اللبس والمكياج والخروجات والجواز ولما سألته ليه عملت كدا قالي أنا مش ع استعداد أتجوز واحدة معقدة. أنا عاوز واحدة تحسسني أنها ست مش واحد صاحبي وكمان انتى مهما نجحتي اخرتك هتقعدى فى البيت تشوفي طلبات جوزك واولادك ….
كر'هت نفسي حسيت ان شخصية أبويا موجودة فى كل الرجالة وصممت إنى اكون أفضل من الكل وفضلت وراه لحد ما اترفد من الجامعه وأنا نجحت بأمتياز وبقيت معيدة فى الجامعة وابتديت أفكر أعمل دكتوراه واشتغل أكتر
وكنت برفض اى فرصة للارتباط كنت بشوف صورة أبويا فى كل راجل بيتقدم ليا وخصوصا ان فى رجاله كانت بتطلب تتجوزني شرط اني اسيب شغلي واتفرغ للبيت
علشان كدا فى جلسه الأمنيات اختارتك إنتي لقيتك عاوزة تحققي حلمك وعندك طموح قولت هى دى اللى تستحق مساعدتى لها خصوصا لما عرفت انك متجوزة تخيلت ان جوزك نفس طبع وشخصية أبويا لكن بعد كدا اثبتلي العكس يحيي بيحبك بجد ويمكن ده السبب اللى خلاني وافقت ع الخطة. وأنك ترجعي لحياتك ولابنك
لازم تعرفي ان ربنا خلق الست لها القدرة ع التحمل أكتر من الراجل وده معناه إنك تقدري تنجحي فى شغلك وفى بيتك واظن بعد اللى حصلك ده قدرتي تعرفي أخطائك.
وكلنا جنبك ومعاكي وهنساعدك ع أد ما نقدر ….
شلتوت. …
كلام آسيا كان مفاجأة ليا ومش قادر أتخيل ليه أب يعمل فى بنته كدا ويجيب لها عقدة حقيقي صعبت عليا
عالم الأنس ده صعب. حد يتوقع مشاعرهم وببص لقيت أنجي حضنتها وابتدت تعتذر. لها لأنها كانت شا'كة فيها وان هى ناوية لها ع حاجه وفى وسط كلامهم لبعض ظهرت نفسي لهم وناديت ع ايسأ ويجنأ وقولت لهم لازم نجتمع ونفكر فى حل سامويا مش سهله ومش هتسيب دنيا إلا لما تنتحر'
وكمان يا أنجي أنا نقلتك بسرعه قبل شهياص ما يشوفك لأنى خو'فت عليكي من سامويا لكن شهياص قدر يحس بوجودى وعرف ان فى عفريت من الجن الأزرق كان موجود وتقريبا ده جاب نتيجه عكسية. لإنه فهم غلط. تماما والموضوع اتعقد أكتر من الأول والخطر. زاد ع دنيا
شهياص….
أنا شهياص مارد من الجن الأحمر حفيد ملوك الجان وحبيب سامويا وزوجتى المستقبليه وفى يوم عرفت أنها اتخطفت' من قبل ساحر' من عالم الأنس
قررت اختر'ق عالم الأنس وانتقم' من كل الإنس وأول ما اتفتحت البوابه لقيت واحدة بتعمل طقوس اعتقدت أنها سا'حرة لكن تصروفاتها خلتني مش قادر أفهم شخصيتها فضلت متتبع خطواتها وكل أفعالها
وحسيت بوجود سامويا وكانت بتغيير أماكن الأشياء ورسمت أسمها وخمنت أنها غيرانه من دنيا وأكيد طول ما أنا موجود مع الانسية دى سامويا هتفضل موجودة وده لحد ذاته إحساس يطمني أنها بخير لحد ما اتنقلت للمستشفي وحسيت بوجود عفريت من الجن الأزرق هنا
معقوله يكون فهمت غلط والانسية حضرته علشان تتخلص مني او من سامويا
اظاهر هى متعرفشي مين هو شهياص وآن الأوان تعرف هى بتتعامل مع مين ؟؟
يتبع…..
ياتري دنيا هتكون ضحية. شهياص ولا سامويا ؟
#الجزءالعاشر
#عالم_موازي
شلتوت….
ابتديت أحكي ل أنجي وآسيا وايسآ ويجنأ بكل اللى بيفكر فيه شهياص وإن ده فى خطو'رة ع دنيا
شهياص مارد. قوى. وصعب حد يتوقع هو ناوي ع إيه
وفى وسط الكلام لقيت أنجي قالت
إذا كانت سامويا بتحب شهياص وهو كمان بيحبها ليه منقولش لها تفهم شهياص الحقيقة
بصيت لها وقولتلها اللى عملك صحفية ظلمك😔
هو أنا مش وضحت ان سامويا مخفيه عن شهياص وأنها مش عارفه تتواصل معاه يبقي ازاى هتحكي له
أنتي سكوتك أفضل من كلامك بصي إنتي دورك تنفذي. اللي نقولك عليه وبس
يجنأ. …
عندك حق يا شلتوت هو صحيح أنا قرينتها وأشهد لها أنها عبقرية فى شغلها بس مش عارفه ايه الغباء. اللى بقت فيه من لحظه ما اتنقلت للماضي واحدة غيرها المفروض أنها عاشت فى المستقبل تبقي عارفه تتصرف ازاي وتفكر ازاى لكن دى تجيب الضغط. اهو ده اللى بناخده من الإنس
آسيا….
اهدوا يا جماعه وخلونا نفكر فى المشكله. دى حياة دنيا هى الأهم دلوقتي وانتى يا أنجي حاولى تركزى وبلاش الردود اللي من غير تفكير دى
ايسآ….
عارف يا شلتوت حل الحوار ده عندك أنت
روح قابل شهياص واتكلم معاه لقيته بصلي وقال لنا واضح ان الغباء. بقي معدي'
عوزانى اروح ل شهياص اللى فاهم إنى موجود علشان اد'مره ؟
ده أول ما يشوفني ممكن يعمل مني فأر تجارب. أنا صحيح من الجن الأزرق أقوى. منه بس اظاهر أنك نسيتي فرق السن أنا طفل قدراتي لا تذكر بالنسبة ل مارد. زى شهياص ووقتها المسألة. هتتعقد. أكتر ومش بعيد تقوم حر'ب بين العشائر. بسبب فكرتك دى
وع ما ده يحصل ونتتقدم كلنا لمحا'كمة ملوك الجان تكون أنجي جسدها ترك الزمن الحاضر وهتعيش فى الماضي ع طول وممكن تعيش مع أحداث تانية وناس مختلفه ومش بعيد بدل ما هى صحفية تبقي مجر'مة ولها صحيفة سو'ابق
وتكون دنيا انتحر'ت ويبقي عالم الأنس والجن ادمر' كله
بصيت له قولتله عندك حق كدا الموضوع بقي معقد' آوى وممكن من أقل غلطة. العالم كله يتشقلب
أنجي. …
كنت عمالة اسمعهم والر'عب زاد جوايا معني كلام شلتوت إنى لو فضلت فى الماضي ممكن اكون مع زوج مختلف ومش بعيد ألاقي نفسي متجوزة البلطجي' اللى شوفته فى زمن مختلف وشلتوت انقذني. منه واعيش مزلو'لة وخدامة طول عمري له
كانت فكرة منيلة. يوم ما روحت أحضر الجلسة مع دنيا قال ايه جلسة تحقيق الأمنيات دى ولا جلسه تحضير الروح قبل الإعدام….
آسيا. …
لقيت كل مدي الموضوع يتعقد أكتر قولت ل شلتوت أنا فى فكرة عندى بس متوقفه ع شاطرتك انت لو نفذتها صح يبقي قدرنا ننقذ دنيا وننقذ عالم الأنس والجن فى نفس الوقت ولقيتهم كلهم بصولي بأستغراب قولتلهم اسمعوا إحنا. .. ..
ولقيتهم كلهم وافقوا ع الفكرة ولقيت أنجي بتحضن فيا وتقولى تسلم دماغك ياريتني املك نص ذكائك
ونروح للوقت الحاضر
دنيا…..
بعد الكلام اللى كتبته أنجي ليا كنت عاوزة أعرف مين سامويا دى وعاوزة مني إيه وفكرت فى جلسة تحضير يمكن اقدر اتواصل معاها لحل بدل ما هى معيشاني. فى كوابيس ليل نهار بس الأول أشوف حل ل أنجي
أنا كلمت ناس فى المركز النوراني الروحاني واخدت منهم ميعاد وأتمنى يكون عندهم حل يساعد فى رجوع أنجي
واستأذنت من يحيي وخرجت من المستشفي وأنا حاسة بأن فى أكتر من حاجه حواليا بترا'قبني وسخو'نه فى الجو رهيبة. ع الرغم أننا فى عز الشتاء …
يحيي….
مجرد ما دنيا خرجت قعدت ع الكرسي اللي جنب سرير أنجي وفضلت ابصلها وابص للورقة ورجعت بالذاكرة لوراء أيام الجامعه وأول مرة شوفت فيها أنجي ولقيت نفسي عمال أحكي ل لؤي عن حبي لها وع أيام خطوبتنا.
وانى ضحيت' بحاجات كتير علشانها مكنتش ع استعداد إنى اخسر. أنجي ابدااا مهما كلفني الأمر
وفجأة فى فكرة طقت فى دماغي. إذا كانت أنجي انتقلت لزمن الماضي ليه أنا مروحش. لها
اطلب من دنيا تعمل نفس جلسة الأمنيات واتنقل للماضي واعيش مع أنجي من جديد
شهياص….
من بعد ما أتضح وجود الجن الأزرق طلبت من صاحبي يفضل فى المستشفي وأول ما يشعر بوجود الجن الأزرق او يعرف اى حاجه تدلني ع مكانه يديني خبر ع طول
وفضلت مع دنيا ولقيتها بتقول أنها هتروح مركز روحاني يبقي أكيد دول اللى بيعملوا السحر' ومش بعيد تكون هى السبب فى خطف' سامويا
معني انى أشعر بوجود سامويا بالقرب من دنيا ع طول يبقي مش بعيد تكون خليتها خدامة لها
يااااه معقول بنت ملك الجان تكون جارية عند انسية أنارشامنصور لازم أعرف مين اللى مديهم القوة. دى واستدعي كل العشائر وند'مر عالم الأنس ….
جه الوقت اللى يعرفه فيه قدراتنا ويعرفوا مين هو شهياص
شلتوت….
من بعد ما آسيا ما قالت الفكرة وكلهم وافقوا عليها ويعتبر الفكرة معتمدة عليا أنا بس بما إنى العفريت اللى فيهم طلبت من أنجي تستعد علشان هتتنقل للزمن ولازم تروح ل دنيا فى الزمن الماضي
لازم كل واحد فينا يحاول من ناحية لحد ما نخرج من الور'طة دى وطبعا يجنأ وايسآ هيروحوا معاها إنما آسيا طلبت منها تكون موجودة معايا علشان لو حصل اى تعديل فى الخطه تقولى أتصرف ازاى هى عقليتها كبيرة وبيعجبني تفكيرها ونقلتهم قدام بيت دنيا وحصل الآتي
أنجي. …
أول ما شلتوت ما عرفني أنه هينقلني بالزمن طلبت منه أنه ينقلني قبل يوم وفاة جدتها بكام ساعه فقط
كانت دايما دنيا تحكي ليا أحداث اليوم ده وان جدتها وصيتها بالبيت يكون لها واديتها شال ولحد انهاردة دنيا محتفظه به
وفى لحظه لقيت نفسي واقفه قدام بيت دنيا خبطت ع الباب ولما فتحتلي طلبت منها الدخول وان فى موضوع عوزاها فيه
وبقيت مش عارفه ابدأ منين ولقيت يجنأ بتشاورلي وتقولى إحنا كلمنا قرينتها علشان مش تتدخل ونسهلك مهمتك ابدئي انتي بقي عرفيها بنفسك … بصيت لها وقولت
دنيا أنا أسمي أنجي ومش عارفه إذا كنتي هتصدقي كلامي ولا لآ أنا جاية لكي من المستقبل والمفروض أننا أصحاب أنا جاية انبهك انك تبعدى عن علم الروحانيات وركزى فى الرياضة واليوجا وبس لان بسبب الجلسات الروحانية اللى انتي بتعمليها حياتك فى خطر'
لكن لو بعدتي عن الموضوع ده هنقدر نغيير من المستقبل ومش هتتور'طى فى حاجه
فضلت بصالي وسكتة وبعدين ضحكت وقالت أكيد ده برنامج الكاميرا الخفيه وفين بقي الكاميرا والمخرج وفتحت الباب تبص فى الشارع ولقيت ايسآ بتقولى صاحبتك دماغها لسعة. ع الآخر بصيت فى الساعه لقيت فاضل نص ساعه بس ويجيلها تليفون بأن جدتها تعبانه وطالبه أنها تروح لها بسرعه مافيش وقت للهبل اللى بتعمله ده
زعقت' لها وقولتلها اسمعيني كويس أنا مقدرة ان عقلك مش مستوعب بس أنا معايا دليل يثبت صدق كلامي
بعد نص ساعه من دلوقتي واحدة جارة جدتك هتتصل عليكي وتبلغك أنها عوزاكى وبسرعه وأول ما توصلي هناك جدتك هتديكي الشال الأحمر بتاعها يكون ذكري لكي وهتوصيكي ع البيت بتاعها اللى هو قريب من المقابر وبعدها هتموت أنا هرجعلك بكرة تاني تكونى اتاكدتي من كلامي وانى فعلا صاحبتك من المستقبل وجاية علشان أنقذ. حياتك يلا سلام
سبتها وخرجت ولسه بتنادي عليا كنت اختفيت من قدامها
وببص لقيت نفسي مع ايسآ ويجنأ واقفه فى وسط الجماجم؟
ولقيت اللى عاااااااااا 😲
يتبع….
لمتابعة باقى الرواية زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا
مجمع الروايات الكامله اضغط هناااااااا
 رواية عالم موازي ا…){kind=link}
تعليقات
إرسال تعليق
فضلا اترك تعليق من هنا