رواية تزوجت صعيدى الفصل التاسع وعشرون والثلاثون بقلم أميرة جمال( حصريه وجديده في مدونة قصر الروايات)

رواية تزوجت صعيدى الفصل التاسع وعشرون والثلاثون بقلم أميرة جمال( حصريه وجديده في مدونة قصر الروايات)

رواية تزوجت صعيدى الفصل التاسع وعشرون والثلاثون بقلم أميرة جمال( حصريه وجديده في مدونة قصر الروايات)

اللهم صل وسلم وزد وبارك على محمد وعلى آله وصحبه أجمعين 💚🌿

#الحلقة 29

خبط على الباب

سليم ايوه

زينة الحاج الكبير طالبكم تحت ياسليم بيه

سليم حاضر نازلين

نور بتساؤل جدو عايزنا ليه

سليم الله اعلم بس أكيد علشان اللى حصل إمبارح 

نور تمام يلا بينا

سليم مسك ايد نور ونزلوا على تحت

بعد وقت قليل كان الكل متجمع تحت ومعاهم أحمد وزينب ونرمين ويزن ابنها

الجد بجدية اللى حوصل امبارح ده مصيبه ولازم نتأكد إذا كان ده حقيقى ولالا فأنا شيعت للدكتور هيجى حالا ويعمل تحليل نشوف يزن ابن سليم فعلا ولالا لو طلع ابنه احنا مش بنرمى لحمنا واصل ولو طلع مش ابنه ونرمين بتكدب ساعتها مش هرحمك يانرمين وهخليكى تتمنى الموت

نرمين بلعت ريقها وهى هتموت من الرعب وباين عليها التوتر

قدرية بصتلها علشان تهدى ومايتكشف أمرهم 

نور كانت قلقانه وسليم ماسك ايدها بيطمنها

بعد دقائق وصل الدكتور واخد العينات

الجد النتيجة امتى يادكتور

الدكتور بعمليه بكره باذن الله على المغرب تكون عندك ياحاج

الجد تمام يادكتور ياريت تكون فى سرية ودقه فى النتيجة

الدكتور أكيد بإذن الله ياحاج

الجد شكراا يادكتور اتفضل ومشى الدكتور

الجد بعمليه دلوقتى يلا نفطر كلنا 

الكل اخد مكانه ونرمين قعدت قصاد سليم ونور جنبه 

نرمين كانت كل شوية تبص لسليم ونور كانت هتولع منها لكن اتحكمت فى نفسها ومادتلهاش أهمية خصوصا ان سليم مطنشها ومش بيبصلها

يزن ماكنش عارف يأكل كويس 

نرمين بعصبيه ليزن ماتاكل كويس ايه القرف ده ولا تاكل فى الأوضة لوحدك

سليم اتعصب انها بتعامل ولد صغير  كده فاتعصب عليها وقام اخد يزن وكان بيحايله وقعده على حجره

قدريه كانت بتبص لنرمين نظرات كفيلة تحرقها على غباءها وسوء تعاملها مع يزن ونرمين خافت منها

سليم بدأ بأكل يزن بالراحه وهو بيحايله وحاضنه 

نور شافت معاملة سليم ليزن حست انه ابنه فعلا مااقدرتش تتحكم فى نفسها وكانت هتعيط فاستأذنت بسرعه وخرجت فى الجنينة

سليم بص على اثرها بتعب وخلص اكل يزن واخده وطلع عند نور

نرمين كانت فرحانه ان سليم عمل كده مع يزن وحست انها كسبت اول جولة وكانت بتبتسم بانتصار

*******

سليم نور

نور مسحت دموعها بسرعه

سليم قعد جنبها على المرجيحة بصيلى يانور

نور كان وشها فى الأرض 

سليم رفع بايده وشها انا آسف بس انا ماعملتش كده على اساس ان يزن ممكن يكون ابنى والله لو اى طفل تانى وامه بتعامله كده كنت هتصرف نفس التصرف ده

نور لارد 

سليم اخدها أحدها حضنه وهو بيطبطب على ضهرها حقك عليا لو مش عايزانى اتعامل مع يزن خالص مافيش مشكلة

نور بصت على يزن ورجعت بصت على سليم وبتنهيدة سليم أنا مش همنعك عن ابنك 

سليم بمقاطعة لسه مش عارفين ان كان ابنى ولالا يانور

نور بهدوء لو هو ابنك لازم تفضل جنبه هو وأمه 

سليم بعصبيه جنبه هو اه لكن امه ماتلزمنيش

نور لو هو ابنك لازم يتكتب باسمك وباسم امه ياسليم يعنى لازم تتجوزها 

سليم نور انا مش متجوز ولا هتجوز حد غيرك افهمى ده وسابها وراح عند يزن 

نور ابتسمت وفرحت من كلام سليم واتحركت ناحية سليم ويزن وبدأوا يلعبوا هم التلاته وصوت ضحكهم كان مالى الفيلا

**********أميرة جمال

سارة وقفت بعد ماخلصت فطار انا هروح الجنينة

حسام لا ياحبيبتى احنا هنطلع اوضتنا

سارة باعتراض لا عايزه اطلع الجنينة

حسام بصلها بنظره اخرستها وقام مسك ايدها واستأذن وطلعوا اوضتهم

سارة انت ازاى تجرنى كده

حسام صوتك مايعلاش

سارة انت مستفز

حسام وبارد ياروحى

سارة طلعت روحك

حسام بسرعه كان قدامها بتقولى ايه

سارة بتوتر وهى بترجع لورا ماقولتش حاجه

حسام اممم  متهيقلى سمعتك قولتى حاجه

سارة لالاا خالص

حسام طيب

سارة هنقعد هنا بقا نعمل ايه

حسام بخبث العرسان الجداد بيعملوا حاجات كتير لو عايزه ماعنديش مانع والله

ساره بتهته انت انت مش محترم

حسام حصل والله

سارة وسافل 

حسام عندك حق

سارة و.... قبل ماتكمل كلامها كان حسام قدامها

حسام هاا كملى

سارة لا خلصت وطلعت تجرى من قدامها دخلت الحمام

حسام بيضحك بصوت عالى هجيبك ياقمر

سارة واقفة ورا باب الحمام وهى حاطه ايدها على قلبها وبتبتسم ده انت قربك يموت يا حسام

******أميرة جمال

مر اليوم بسلام وجه ميعاد الدكتور 

الكل متجمع وقلقان ونور وسليم على اعصابهم ونرمين متوترة انها تتكشف وقدريه بتبصلهم بخبث

الدكتور النتيجة......

يتبع.....

أميرة_جمال💚

#تزوجت_صعيدى💕

لاحول ولاقوة الا بالله العلى العظيم  عدد خلقه ورضا نفسه وزنة عرشه ومداد كلماته🌿💚

#الحلقة 30 (الجزء الأول)

الدكتور النتيجة سلبيه مافيش تطابق نهائي 

صدمت نزلت على نرمين وقدرية اللى مش عارفه ازاى فشلت بعد ماتفقت على كل حاجه

فرحة لقلب نور وسليم وملك وآدم وسارة 

لامبالاه بالنسبة لحسام وكأنه كانت متأكد ان ده هيحصل

نرمين بهسترية لالا ده ابنه التحليل ده فيه حاجه غلط 

الجد بشدة يا حسنين تعالى خد البت دى فى المخزن

نرمين بجنون لا مش هضيع لوحدي قدرية اللى اتفقت معايا على كل حاجه علشان نور تسيب سليم وسارة بنتها تتجوزه 

قدرية بسرعه البت دى كدابه وبترمى بلاها عليا

محمد زوج قدرية ضربها بالقلم وقعت على الأرض وسارة بتعيط وجرت على امها تقومها هى مصدومة من اللى هى عملته بس متأكدة انها عملت ده علشان كانت عارفه حبها لسليم وضحت بكل حاجه علشانها

محمد بعد سارة عن امها وأمر انها تبقا فى المخزن مع نرمين

سارة كانت منهارة فى الأرض وحسام اخدها فى حضنه

سارة بشهقة اكيد ماما ماعملتش كده نرمين دى بتكدب

الجد بحزن عليها لا يابنتى دى الحقيقة فعلا وهى اتفقت مع واحد من المعمل يغير النتيجة

سارة بتعب لا مستحيل ماما تعمل كده ياجدو ولو عملت كده سامحها هى كانت فاكره انها بتساعدنى والله ووقعت بين ايدين حسام

حسام بسرعه شالها وهو بيزعق ان حد يبعت الدكتور

آدم اخد ملك وراحوا يجيبوا الدكتورة

سليم وهو يقرب من نور قولتلك متأكد انى ماعملتش حاجه

نور بس برضو قربت منها

سليم والله مافاكر حاجه

نور ماليش دعوه 

سليم نتكلم فى اوضتنا طيب

نور ماشى

فاطمة الحمد لله غمه واتزاحت عايزين نشوف بقا ولادكم ياسليم

سليم بغمز لنور من عنيا يا فطوم

الجد بشدة ولا ياسليم ماتدلعش مراتى

نور بضحك ايوه ياجدو ياجامد

الجد طبعا مش مرتى

سليم طيب كده بقا اخد مراتى انا كمان وقرب من نور حضنها

الجد وهو بيرفع عصاه على سليم اتحشم ياواد انت كمان ويلا  على اوضتكم

سليم من عنيا وبيشد نور

أحمد بضحك هههه ربنا يخليكم لبعض ياولاد انا هسافر انا وماما القاهرة يانور

نور بفزع ليه يابابا مش قولت هتقعد جنبى

زينب براحه ماتقلقيش ياحبيبتى بابا هيخلص شغل مهم هناك وهنرجع تانى

نور براحه طيب يا ماما تروحوا وتيجوا بالف سلامه ياحبيبتى

********أميرة اميرة جمال 

سارة بدأت تفوق وحسام جنبها

حسام حمد الله على السلامه

سارة بدموع ماما ياحسام

حسام هحاول مع جدو يديها فرصه تانية

سارة بلهفة بجد ياحسام 

حسام بابتسامه اه

سارة انت طيب اووى ياحسام ليه عملت كده فى سليم رغم كنتوا أعز اصحاب 

حسام بتنهيدة كل حاجه هتظهر فى وقتها

سارة مش فاهمة

حسام مش مهم دلوقتى المهم انى خلاص هطلقك عارف ان بتحبى سليم

سارة بتوهان تصدقنى لو قلتلك مش عارفه اذا كنت بحب سليم ولالا مش حاسه انه فارق معايا

حسام فرح من جواه على كلامها لكن قال دى ممكن فترة مؤقته مش اكتر

سارة حسام روحت فين

حسام معاكى ياسارة ارتاحى انتى دلوقتى وبعدين هبقا اخلص إجراءات طلاق

سارة بصدمة طلاق

حسام وهو مش بيبصلها اه مش ده اللى انتى عايزاه

سارة وهى بتحاول ماتنهارش اه

حسام تمام وسابها وخرج 

سارة بدأت تعيط بحرقه وهى شايفة ان ماحدش بقا جنبها خلاص وكله ضاع من ايديها

********أميرة جمال

حسنين بفزع الحقنا ياحاج

كان حسام نازل من على السلم وسمع حسنين وطلع يجرى بسرعه على المخزن ووراه الحاج واتصدموا من اللى شافوه 

يتبع. .........

تزوجت_صعيدى💚

اميرة_جمال💕

تكملة الرواية بعد قليل 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا

مجمع الروايات الكاملة 2 اضغط هنااااااا