روايه جنون العشق الفصل العاشر 10بقلم دينا عبدالله(حصرية وجديدة في مدونة قصر الروايات)

#روايه_جنون_العشق

#الفصل_العاشر 

دخل ياسين الاوضه وانصدم بشده لما لقي اخوه باسل ماسك سكيـ نه ومليانه دم ووشه و هدومه غرقانين بدم مراته اللي قتلها.... بص علي السرير لقي رقيه جثـ ه غارقه في دمـ ها.. حط ايديه علي راسو وقال: يا نهار اسود انت عملت ايه 

قعد باسل علي الارض بص علي رقيه بعدين بص علي السكـ ينه وايده اللي مليانين من دمها وهوا مكنش مستوعب هوا عمل ايه كان مصدوم ومش مصدق انه قتلها 

ياسين بتفكير وخوف شديد: هنعمل ايه دلوقتي انت هتودي نفسك في داهيه قتلتها ليه يا باسل ليه وضعيت نفسك 

وقف ياسين وهوا بيفكر هيعمل اي في المصيبه دي.... راح بسرعه علي الباب وبص اذا كان في حد ولا لا بس مكنش في حد قفل الباب براحه وراح بسرعه عند اخوه وخد منه السكـ ينه وقال: انت اخدت السكينه دي منين 

لكن باسل مردش كان في حالة صدمه شديده ومش قادر يتكلم.... راح ياسين بسرعه علي الحمام غسل السكينه وشال من عليها اي بصمات لباسل ومسحها بالفوطه كويس وحطها في المطبخ.... طلع وقف في الصاله وهوا بيفكر.... فجأه قلب الترابيزه ووقع كل اللي عليها و دخل الاوضه فتح الدولاب وطلع الهدوم منه بطريقه عشوائيه وخد اي فلوس و مجوهرات كانت موجوده وفتح الدراج بطريقه عشوائيه وفضى كل اللي فيها.... راح بص علي جثمان رقيه و سحب السلسه الدهب اللي كانت لبساها و حطهم في كيس... بعدين مسح اي بصمات ليه او لـ باسل.... قرب من باسل اللي كان لسه قاعد مكانه مبيتحركش مسك ياسين ايده وقال بسرعه: قوم يلا لازم نمشي من هنا بسرعه.... باسل ارجوك قوم معايا مش وقت صدمات خالص...... ارجوك يا باسل قوم يلاااااا 

قومه ياسين بصعوبه فتح باب الشقه وبص ملقاش حد... خد باسل ونزل جري من علي السلم من غير ما حد يشوفهم... ركبو العربيه وراح هوا ركب مكان السواقه..... كان هيمشي بس وقف لما افتكر الكاميرات اللي في الشارع بص لـ باسل وقال: خليك هنا اوعي تمشي من مكانك 

ونزل يشوف حل للكاميرات 

............... 

كانت قاعده جوري مع كريم في الكافتريا وكان باين عليها الحزن علي باسل 

بصلها كريم وهوا مدايق انه شايفها زعلانه: كويس انه كشفهم احسن ما كانو هيفضلو يخدعوه 

جوري بحزن: باسل طيب اوي ميستهلش اللي بيحصله دا 

كريم: هوا ازاي مقدرش يشك في مراته طول الوقت ده 

جوري: ومستحيل كان يشك فيها من اول ما باسل اتجوزها مشفتش منها تصرف يخليك تشك فيها بالعكس دي كانت بتتظاهر انها بتحبه اوي وكانت لطيفه معاه وبتعمل كل اللي نفسه فيه..... عمري ما كنت اتوقع انها تعمل كده فيه 

كريم بابتسامة وهوا بيحاول يطمنها: ان شاء الله كل حاجه هتبقي كويسه و باسل ربنا هيعوضه بوحده بتحبه بجد

جوري: يارب يا كريم يارب 

كريم: اي رايك نعمل حفلة الخطوبه الاسبوع الجاي 

جوري بدهشه: الاسبوع الجاي 

كريم بابتسامة: امم رايك ايه 

جوري بتفكير: بس..... 

كريم: من غير بس خير البر عاجله هاا قولتي ايه 

جوري: ماشي 

.......... 

رجع ياسين ركب العربيه بس انصدم لما ملقاش باسل في العربيه... طلع من العربيه بص حوليه ملقيش حد قلق وذاد خوفه عليها.... ركب العربيه وقرر يبعد عن المكان قبل ما حد يشوفه و يدور علي باسل بعيد عن المكان ده 

كان ماشي باسل في الشارع وكان في حالة اللا وعي... ماشي في الطريق وهوا بيتجاهل كل حاجه حوليه العربيات اللي ماشيه و زعيق الناس انه يبعد عن الطريق بس مكنش سامع حد 

راح قعد علي كرسي وهوا بيفتكر منظر مراته وهيا في حضن صاحبه نزلت دموعه بوجع وحزن شديد... افتكر كلامها حبها المزيف ليه كدبها خيانتها و معايرتها ليه انه مش بيخلف.... افتكر وهوا بيطعـ نها بالسكين لحد ما ماتت في ايديه... بص علي ايده اللي متلطخه بدمها...... الدنيا وصلته لحد فين... بقي مجرم وقاتل..... بص للسما و دموعه بتنزل بغزاره بدأ يبكي بقوة وهوا حاسس بوجع شديد في قلبه 

صرخ باعلي صوته وهوا بيطلع كل الوجع و الالم اللي حاسس بيه ومش قادر يستحمله 

............. 

وصلت الشرطه والدنيا بقت مقلوبه... دخل الظابط المسؤول عن القضيه وهوا بيبص علي منظر الشقه المكركب... بعدين دخل بص علي جثمان رقيه بتفكير

وقف واحد قدامه بانتباه وقال: اهلا يا باشا

الظابط: عملتو تحريات كامله عن المكان 

رد وقال: طبعا... وواضح انه اللي عمل الجريمه دي حرامي 

الظابط: واي اللي خلاك تقول كده 

: المكان كلو مش منظم و متبهدل دا غير الدولاب اللي كل حاجه فيه متبهدله.... دا غير رقبة الضحيه عليها اثر سحب سلسه كل الادله بتقول انه حرامي... يمكن دخل عشان يسرق و اول ما شاف الضحيه خاف و قتلها 

بص الظابط علي المكان بدقه شديدة بعدين قال بشك: عندي احساس انه مش حرامي... شوفته الكاميرات

: الكاميرات متعطله ومفيش منها فايده 

الظابط بشك اكبر: لا اللي عمل كده مش حرامي..... لو كان حرامي فعلا مكنش قتلها بالطريقة دي..... دي خدت 5 طعنات لو حرامي كان طعنها مره او اتنين وهرب... ومش هيفكر يبوظ الكاميرات...... اللي عمل كده هوا عارف بيعمل ايه كويس...... اسمع عايزك تاخد كل اقول سكان العماره وتعرف لي كل المعلومات عن الضحيه كل المعلومات الصغيره قبل الكبيره 

: تحت امرك يا باشا 

............ 

بعد تعب ولف قدر ياسين يلاقي باسل اللي كان قاعد زي ما هوا... جري ياسين عليه وقاله بانفعال شديد: يا اخي حرام عليك وقعت قلبي من خوفي عليك 

بصله باسل بحزن بعدين بص بعيد... مسكه ياسين وخلاه يقوم وقال: تعال معايا انا جبتلك هدوم غير اللي انت لابسها... هتغير هدومك وتغسل وشك وايدك ونرجع علي البيت وانسي اللي حصل كأنه محصلش حاجه انت فاهمني يا باسل... الشرطه اكيد دلوقتي بتحقق في الجريمه وغلطه منك هتوديك في داهيا عشان لازم تكون حذر و مركذ 

مكنش باسل معبره كأنه مسمعش ياسين قاله ايه ودا خلى ياسين قلقه و خوفه يذيد... خايف باسل يغلط والشرطه تشك فيه و يعرفه انه اللي قتل رقيه ومش عارف هيتصرف ازاي ولا هيعمل اي 

سحبه ياسين وخلاه يقوم بالعافيه خد ازازة ميا من العربيه وبدأء يغسل وش اخوه و ايده لحد ما راح اي اثر للدم دخله العربيه وخلاه بصعوبه يغير الهدوم اللي لابسها بعدين اتخلص من الهدوم اللي كان لابسها و خده و رجعو علي البيت 

.............. 

نزل ياسين من العربيه ونزل باسل ودخل البيت وقف ياسين لما شاف عربية جيب سودا وقفت ونزلت منها جوري 

كريم بابتسامة: تصبحي على خير 

جوري بابتسامة: وانت من اهل الخير 

قفلت جوري باب العربيه ومشي كريم... كانت هتدخل بس وقفت لما شافت ياسين قدامها... تجاهلته وكانت هتدخل وقفها وهوا بيقول: انتي فعلا بتحبيه 

بصتله جوري وقالت: من كل قلبي 

بعدين سابته ومشيت ضم قبضة ايده وهوا حاسس بنار قايده جوه قلبه... شويه ودخل وطلع علي اوضته علي طول بس وقف لما سمع صوت من اوضة ساره والباب كان موارب... تجاهل الموضوع وكان هيمشي بس سمع صوت تأوهه كانها بتتألم او حصلتلها حاجه... رجع خبط علي الباب وقال: ساره... ساره انتي كويسه 

ساره بألم: الحقني يا ياسين مش قادره اقف 

فتح ياسين الباب وانصدم لقاها قاعده علي الارض وماسكه رجلها و بتعيط وكانت لابسه بيجامة نوم ستان 

ساره بدموع: ممكن تساعدني 

هز راسه وقرب منها مسك ايديها وساعدها عشان تقوم.... قامت وسندت عليها 

ياسين: ايه اللي حصل 

ساره: وقعت و رجلي اتلوت 

ياسين: طيب اقعدي هنا هجبلك مرهم تدلكيها بيه وهتبقي كويسه 

كانت هتقعد بس وقعت هيا وهوا علي السرير وهيا اللي كانت فوقيه.... بصتله شويه بعدين قربت وشها منه اكتر و باسـ ته بشغف.... مكنش متفاعل معاها ولا عمل اي ردت فعل.... بعدت شويه بعدين رجعت باسـ ته وقالت بصوت مثير لتضعفه: انا بحبك اوى يا ياسين 

كانت لسه هتبو*سه تاني بس منعها وقال بجمود: انتي رخيصه اوى 

رن جرس البيت راحت كريمه وفتحت الباب انصدمت لما لقيت عسكري واقف بصلها وقال: فين باسل و ياسين منصور 

قربت مرفت وقالت بقلق: خير انت عايزهم ليه 

العسكري: معايا امر بإستدعائهم للقسم......... 

#يتبع

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا