روايه جنون العشق الفصل الثانى عشر 12بقلم دينا عبدالله(حصرية وجديدة في مدونة قصر الروايات)

 روايه جنون العشق الفصل الثانى عشر 12بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الثانى عشر 12بقلم دينا عبدالله(حصرية وجديدة في مدونة قصر الروايات)

فصل هديه عشان حبايب قلبي ❤

ادايق من رفضها و خوفها و كرهها ليه بعد ما كان بيشوف الحب في عنيها... كان غبي.... غبي انه محسش بيها ولا قدر مشاعرها 

بصتله لقته لسه واقف... سابت الاكل وكانت لسه هتطلع بس وقفها وهوا بيقول: انا بحبك

بصتله بشده من اللي قاله.. قرب منها شويه وقال بصدق: بحبك يا جوري.... انا عارف اني اتصرفت معاكي غلط ومكنش ينفع اعمل كده وقتها بس والله انا ندام علي اللي عملته.... اديني فرصه اثبتلك فيها اني فعلا ندمان 

كانت حاسه بصدق في كلامه ليها... افتكرت كريم وحبه ليها و خطوبتهم اللي هتم الاسبوع اللي جاي 

جوري بكدب: مش هينفع.... وانا قولتلك قبل كده انا مش بحبك 

ياسين بانفعال: انتي ليه مصره تعاندي و تكابري انا عارف كويس انك بتحبيني وعمرك ما حبيتي كريم 

جوري بقوة: انت عايز ايه دلوقتي 

ياسين: اديني فرصه... فرصه واحده 

جوري: للاسف معندي ولا فرصه ليك 

وسابته ومشيت بسرعه و دموعها بتنزل... دخلت اوضتها وقفلت الباب بقوة وقعدت علي الارض وهيا بتعيط..... كان نفسها تسمع منه الكلمه دى من زمان اوي و اليوم اللي قالها فيه رفضته.... اتأخر.... اتأخر اوي عشان يقولها... حسه نفسها ضايعه مش عارفه تعمل ايه ولا تختار ايه.... متنكرش انها لسه بتحبه بس مش هينفع لا هوا يبقا ليها ولا هيا تبقي ليه... لان كل واحد فيهم مرتبط بحد تاني 

سند ياسين ايده علي رخامة المطبخ وهوا زعلان و مدايق منه نفسه اوي هوا اللي وصلها للمرحله دي.... لولا كدا كان زمنا دلوقتي معاه مش مع غيره 

كانت واقفه ساره ورا باب المطبخ وكانت سامعه كل حاجه لحد ما مشيت جوري وعنيها حمرا من فرط غضبها: يحبها هيا... بيحب الخدامه المعفنه ويسبني انا.... انا وعشان مين عشان خاطر واحده متسواش..... ماشي يا ياسين انا هوريك وانتي يا خدامه يا معفنه هوريكي قيمتك كويس 

خلصت كلامها ومشيت طلعت علي اوضتها 

............

وصل باسل علي بيت رهف في وقت قياسي بسبب قوة سرعته... نزل من العربيه ودخل البيت لقاها قاعده وهيا حاضنه اخوها وبتبكي جامد وكان في راجل كبير في السن قاعد جنبها وماسك عكاز وحزين علي ابنه وهوا مش عارف ولا قادر يعمل حاجه كان حاسس بعجز كبير 

خده باسل منها وشاله وجري بيه حطه في العربيه... مسكت رهف ابوها تسنده دخلته العربيه جنب باسل وهيا ركبت ورا ومسكت اخوها وبتعيط من شدة خوفها 

(مش عارفه اذا ذكرت دا ولا لا بس اخوها عنده 9 سنين)  

بصلها باسل من مراية العربيه ذود من السرعه... وصل المستشفى وكان فيه دكتور مستنيه اتصل بيه باسل وهوا رايح لرهف 

نقلوه علي غرفة الطوارئ كانت عايزه تدخل معاه بس الممرضين منعوها وقفلو الباب.... قعدت قدام الباب و مبطلتش عياط.... قعد ابوها علي الكرسي و دموعه بتنزل بخوف علي ابنه 

بص باسل لرهف وكانت صعبانه عليه... راح عندها قعد علي ركبته عشان يبقي بمستواها وقال وهوا بيحاول يطمنها: متخافيش ان شاء الله هيبقي كويس 

رهف بعياط: انا خايفه عليه اوي 

باسل: صدقيني هيبقا كويس 

شويه وطلع الدكتور وقفت رهف بسرعه وقالت: اخويا كويس يا دكتور 

الدكتور: لازم نعمله العملة دلوقتي حالا 

باسل: طيب وانتو مستنين ايه اعملوها 

قام ابو رهف وقال بقلق: بس مش انت قولت العمليه دي خطيره و خصوصا ان سنه صغير 

الدكتور: مفيش قدامنا حل تاني 

رهف بدموع وخوف: يعني ايه.... ممكن العملية تفشل 

الدكتور: احتمال.... القرار بايدكم اذا هنبدأ بالعملية... بس ياريت تقررو بسرعه 

بعدين سابهم ومشي.... رجعت رهف قعدت وهيا مش عارفه تقرر اي لو العملية فشلت هتخسر اخوها العمر كله ومش هتشوفه تاني 

قعد ابوها علي الكرسي و دموعه بتنزل وقال بحزن شديد: انت الشافي يارب..... يارب اشفيلي ابني 

بصلهم باسل بحزن وقال: مفيش قدامنا وقت.... لازم يعمل العمليه عارف انها خطيره بس مفيش حل.... لانه مش هيقدر يعيش لفتره طويله لو معملش العمليه 

رهف بدموع: بس ممكن يموت لو العمليه فشلت

باسل وهوا بيديها امل: وممكن يعيش ويتحسن عن الاول 

بصتله بأمل وقالت: هيبقي كويس صح 

باسل: ان شاء الله 

بص باسل علي ابو رهف وقال: اقول للدكتور يبدأ بالاجراءات 

بصله بتفكير بعدين قال: ماشي يا بني 

هز راسه ومشي بسرعه للدكتور.... شويه وجي الدكتور ونقلو اخو رهف علي غرفة العمليات وبدأو في العملية 

........... 

فتحت ساره باب الاوضه بتاعت جوري بعد ما اتأكدت ان جوري خرجت منها... دخلت بسرعه وقفلت الباب... بصت علي الاوضه بقرف من صغرها حجمها ومش من مقامها بصت علي كوباية النسكافيه بتاعت جوري اللي كانت جنب الكتب بتاعتها... قربت منها وبصت حوليها بقلق 

طلعت من جيب البنطلون حبة من البرشام فركتها بايديها و حطتها في كوباية النسكافيه خدت القلم و قلبت النسكافيه بيه بعدين حطته مكانه وطلعت بسرعه من الاوضه 

رجعت جوري وقعدت خدت كوباية النسكافيه وبدأت تشرب منها وهيا بتذاكر في نفس الوقت... خلصتها شرب وحطت الكوبايه مكانها وكملت مذاكره شويه وحست بدوخه شديدة والدنيا بدأت تلف بيها وهيا حاسه بخنقه شديدة ومكنتش قادره تتنفس 

قامت بصعوبه سندت علي الحيطه وهيا بتقرب من الباب عشان تطلع وهيا بتحاول تنادم علي حد يساعدها بس صوتها مكنش طالع.... فجأه وقعت علي الارض مغشياً عليها....... 

#يتبع

تكملة الرواية من هنااااااا