روايه جنون العشق الفصل الثالث عشر 13بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الثالث عشر 13بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الثالث عشر 13بقلم دينا عبدالله(حصرية وجديدة في مدونة قصر الروايات)

قامت بصعوبه سندت علي الحيطه وهيا بتقرب من الباب عشان تطلع وهيا بتحاول تنادم علي حد يساعدها بس صوتها مكنش طالع.... فجأه وقعت علي الارض مغشياً عليها

دخلت كريمه الاوضه وانصدمت جريت علي بنتها ضرب علي وشها بخفه وهيا بتقول بدموع وخوف شديد: جوري.... جوري حبيبتي قومي 

بس من غير فايده حطتها علي الارض برفق وجريت تشوف حد يساعدها كان كل واحد في اوضته بس رجليها خدتها علي اوضة ياسين وخبطت الباب بسرعه ودموعها بتنزل من فرط خوفها علي بنتها 

فتح ياسين الباب وانصدم من شكل كريمه وقال: مالك انتي كويسه 

كريمه بدموع وخوف: بنتي.... بنتي مغمى عليها حاولت افوقها معرفتش ومعرفش حصلها اي 

انصدم ياسين ونزل جري علي اوضة جوري... نزل بركبته علي الارض وشالها بين ايديها هز راسها بخوف شديد.... ذاد خوفهم وشها اللي بقا ابيض ونفسها شبه معدوم 

كريمه بدموع وخوف: بنتي مالها 

بصلها ياسين وقال: اطلعي بسرعه هاتيلي التليفون علي التسريحه فوق بسرعه 

هزت راسها وجريت عشان تجيب التليفون... بص ياسين علي جوري وقلبه مقبوض من خوفه عليها... لمس وشها الشاحب البارد بايديه ضمها لحضنه وهوا بيحاول يطمن نفسها انها كويسه.... بعدها عنه لما سمع صوت كريمه جايه... خد التليفون منها واتصل بسرعه علي الدكتور...... 

............... 

خرج الدكتور من غرفة العمليات... جريت رهف و والدها عليه قرب باسل وقال بقلق: طمنا يا دكتور 

الدكتور: مش هنقدر نعرف نتيجة العملية دلوقتي لازم نستني شويه 

بعدين سابهم ومشي.. حطت رهف ايدها على قلبها وهيا بتعيط من فرط خوفها علي اخوها 

باسل وهوا بيحاول يطمنها: اهدي متخافيش هيبقي كويس 

رهف بدموع وأمل: يارب 

باسل: خليكم هنا شويه و راجع 

ومشي باسل ونزل الريسبشن ودفع كل الحسابات المطلوبه... 

.......... 

جي الدكتور وبدا يفحص جوري تحت نظرات الخوف من كريمه و ياسين بيبصله بخوف وغيره بس كان ماسك نفسه... كانت واقفه مرفت ومعاها اسيل اللي بتعيط بخوف علي جوري ومرفت بطبطب عليها وبطمنها انها كويسه 

كانت ساره متابعه اللي بيحصل بملل ونفس الوقت غضب من اهتمام ياسين بـ جوري 

خلص الدكتور وقال: حصلها تسمم انا هديها حقنه تبطل مفعول السم وان شاء الله هتبقي كويسه 

ياسين بصدمه: تسمم من ايه 

الدكتور: اخر حاجه كلتها او شربتها هيا اللي عرضتها للتسمم 

كريمه بخوف: انا اكلت معاها من نفس الاكل و محصلش معايا حاجه 

مرفت: يمكن كلت او شربت حاجه بعد ما كلتو سوا

سكتت كريمه شويه بعدين قالت بسرعه: اه صحيح شربت نسكافيه بعديها بس انا اللي عملته ومكنش في حاجه... حتي اني عملت كوباية لـ اسيل منه 

كانت ساره متوتره جدا انه يكشفو امرها وان هيا اللي حطت لها السم 

خلص الدكتور وقال: هكتبلها علي العلاج دا تاخده لحد ما تتحسن نهائي 

خد ياسين الروشته منه وشكره ومشي... بص ياسين علي جوري لقي وشها بدأ يرجع للونه الطبيعي اطمن عليها بس باله مشغول وبيفكر ازاي اتسممت ومين اللي عمل كده... علي كلام كريمه ان النسكافيه مفهوش حاجه و اسيل شربت منه ومحصلش معاها حاجه يبقا في حد قاصد يسممها.... بس مين 

............. 

بعد فتره 

طلع الدكتور وطمنهم ان العملية نجحت بس هيفضل تحت المراقبه علي طول وسابهم ومشي 

شكر وليد ابو رهف ربه بدموع وسعاده انه ابنه كويس... اطمنت رهف وفرحت ودموعها بتنزل 

بصلها باسل وقال: قولتلك هيبقي كويس 

بصتله رهف وقالت بابتسامة و دموع: بجد انا مش عارفه اقولك ايه لولا وقفتك معانا معرفش كان حصل مع اخويا اي 

وليد بإمتنان: شكرا ليك يا بني علي اللي عملته معايا جميلك دا مش هنساه عمري كله 

باسل بابتسامة جميله: مفيش داعي لدا كله وبعدين رهف مقصرتش في شغلها في الشركه وكانت محافظه علي كل حاجه فـ اللي عملته دا حاجه بسيطه 

بصتله رهف بابتسامة رقيقه 

باسل: طيب انا هروح اجيب حاجه ناكلها عشان جعان اوي بصراحه 

هزت راسها بهدوء... سابهم ومشي بصله وليد وقال: ربنا يديك الصحه والعافية ويديك علي قد نيتك يا بني 

............. 

فاقت جوري لقيت كريمه قاعده جنبها بصتلها كريمه بلهفه وقالت: عامله ايه يا بنتي دلوقتي 

جوري بتعب: هوا حصل اي 

ياسين: حصلك تسمم 

بصت جنبها ولاحظت وجوده تجاهلت النظر ليه وبصت لـ كريمه وقالت: ازاي حصل كدا 

ادايق ياسين من تجاهلها الدايم ليه... بصتلها كريمه وقالت: معرفش يا بنتي بس المهم دلوقتي انك بخير 

بصت كريمه علي ياسين وقالت: لولا ياسين بيه معرفش كان حصلك ايه 

بصت جوري علي ياسين بشده هوا اللي انقذها بصلها ياسين وقال بهدوء: دي اقل حاجه 

بعدين قام وقال لها باهتمام وحب: خلي بالك من نفسك كويس 

بعدين مشيت بصت جوري لطيفه بحزن بعدين غمضت عنيها بتعب.. طبطبت كريمه علي ايد بنتها بحنان وقالت: ارتاحي شويه يا بنتي 

كان طالع ياسين بس وقف لما شاف كريم واقف علي الباب وساره اللي فتحت له 

ساره باستغراب: انت مين 

كريم بهدوء: عايز اشوف جوري هيا موجوده 

ساره بسخريه: علي اخر الزمن انا اللي افتح الباب واقول اذا الست هانم جوري موجوده ولا لا.... دا اللي كان ناقص 

بعدين سابته ومشيت من غير ما ترد علي سؤاله بصلها كريم بضيق من كلامها... قرب ياسين منه وبصله من فوق لتحت وقال: عايزها ليه 

كريم: بتصل بيها مش بترد قلقت عليها فقلت اجي اشوفها واطمن عليها 

كان هيرد ياسين بس سمع صوت كريمه وهيا بتقرب منهم وتقول: كريم 

بصلها كريم بابتسامة وقال: ازيك عامله ايه 

كريمه بابتسامة: الحمدلله يبني 

كان بيبصله ياسين وهوا ضامم كف ايده بغضب مكتوم... بصت كريمه علي ياسين وقالت: كريم خطيب بنتي 

حس بنار قايده جوه قلبه لما سمع كلمة خطيب... بصله كريم وكان مستغرب من نظرات ياسين والغضب اللي محلاظه عليه 

كريمه بتوتر: يعني لو تسمح يا ياسين بيه يدخل يطمن بس عليها ويطلع 

ادايق كريم وهوا شايف كريمه بتطلب من ياسين انه يدخل مش عشانه هوا.... ادايق عشانها من لما وافقت جوري عليه وهوا معتبر كريمه زي امه و ميرضهوش ان امه تتزل قدام حد 

ياسين بغضب مكتوم: ماشي.... بس 5 دقايق بس 

كريمه بتوتر: ماشي شكرا يا بني 

بصله كريم بغضب مكتوم كان نفسه يضربه بس كان ماسك نفسه عشان ميعملش مشاكل لـ كريمه في مكان اكل عيشها... سابه ومشي مع كريمه

دخلت كريمه الاوضه وقالت: جوري كريم هنا وعايز يشوفك

قامت جوري قعدت علي السرير وقالت بدهشه: كريم 

خبط كريم علي الباب بعدين دخل... قرب منها ولاحظ تعبها فقال بقلق: انتي كويسه 

جوري بابتسامة خفيفه: انا كويسه متقلقش 

كريم بقلق: انتي شكلك تعبان اوي... تعالي معايا اخدك لدكتور 

كريمه: مفيش داعي يا بني الدكتور لسه كان هنا ومشي من شويه

كريم بقلق: وقال ايه 

كريمه: تسمم

بصتلها جوري انها قالتله مكنتش عايزاه يعرف بصلها كريم بصدمه وقال: تسمم من ايه 

جوري وهيا بتحاول تطمنه: متقلقش انا كويسه 

كريم بعصبيه من خوفه عليها: يعني ايه كويسه... قومي تعالي معايا مش هسيبك في المكان ده انا اصلا مش مستريح للمكان ولا للناس اللي فيه

بصتله جوري بشده وقلق هل شاف ياسين و اتكلمو مع بعض 

كريمه: هتاخدها و تروح فين يا بني 

بصلها كريم وقال: هاخدك انتي وهيا احنا عندنا شقه فاضيه مش بنقعد فيها هخدكم هناك تعيشو فيها وكل حاجه هتحتاجوها هجبهالكم ومن النهارده مش هتشتغلو عند حد 

كريمه بشده: مينفعش يبني 

كان لسه كريم هيتكلم بس سمع صوت ياسين وهوا واقف علي الباب وقال بضيق: الـ 5 دقايق خلصو 

بصله كريم بغضب... بصتله جوري بقلق خايفه يحصل مشاكل بينهم 

كان كريم هيتكلم بس منعته كريمه وهيا بتقول برجاء: عشان خاطري يبني امشي..... 

............ 

رمت ساره كل حاجه من علي التسريحه بغضب شديد وقالت: ما ممتش الغبيه... لا وايه هوا اللي انقذها... بس هسيبك يا جوري.... مش هسيبك تاخديه مني يمكن المرادي الخطه فشلت والسم مأثرش فيكي بس المره الجايه صدبيني محدش هينقذك....... 

سكتت وهيا بتبص علي الباب وحاسه ان في حد برا وسمع كلامها.... كانت اسيل واول ما حست بـ ساره بتقرب من الباب حركت الكرسي عشان تمشي بس عجلة الكرسي علقت ومكنتش بتتحرك.... طلعت ساره وانصدمت بـ اسيل فقالت بتوتر: اسيل حبيبتي انتي سمعتي حاجه 

اسيل بغضب: اه انتي اللي سممتي جوري وكنتي عايزه تموتيها 

بصتلها ساره بصدمه و خوف وقالت بتوتر: لا يا حبيبتي انتي فهمتي كلامي غلط..... 

اسيل بغضب شديد: لا انا فهماكي صح انا مش صغيره وفهمه تصرفاتك دي كويس انتي بتغيري من جوري..... انا هقول لـ ياسين علي كل حاجه.... انتي بنت وحشه اوي 

زقت الكرسي وكانت ماشيه تقول لـ ياسين علي كل حاجه بصتلها ساره بخوف شديد ومش عارفه تتصرف ازاي في المشكله دي 

راحت اسيل عشان تنزل من المكان المخصص ليها وللكرسي المتحرك عشان تنزل من عليه بس اتفاجأت ب ساره بتمسك الكرسي من ورا وبصتلها بابتسامة ماكره وقالت: معلش يا اسيل بس انتي اللي اجبرتيني اعمل كده 

وفجأه وقعت اسيل بالكرسي من علي درجات السلم........... 

#يتبع

تكملة الرواية من هناااااااا