روايه فى قبضة الفهد الجزء الثاني(عشق الابناء)الفصل السابع عشر والثامن عشر بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل السابع عشر والثامن عشر بقلم الكاتبة جنات (حصرية وجديدة في مدونة قصر الروايات)

 روايه فى قبضة الفهد الجزء الثاني(عشق الابناء)الفصل السابع عشر والثامن عشر بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل السابع عشر والثامن عشر بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء التانى

﴿عشق الابناء﴾

««الفصل ١٧ »»

فى المستشفى عند جنه قاعده فى مكتبها بعد ماخلصت العمليه فجاه الباب اتفتح ودخل دكتور احمد 

جنه قامت وقفت:انت اتجننت ازاى تدخل كدا

احمد:الوقت اتخطبتى واتجوزتى صح مش كنتى مش بتفكرى فى الموضوع ده الوقت ولا عينك كانت على حبيب القلب مش كدا

جنه:اظن حاجه متخصكش 

احمد قرب من جنه ومسك ايدها بقوة واتكلم بعصبيه:انتى عارفه انى بحبك وكنت ناوى اتقدملك وانتى اللى قولتى مش بتفكرى فى الموضوع الوقت وانا قررت استناكى وفى الاخر اتفاجأ انتى اتكتب كتابك

جنه بتحاول تبعد ايده بس مش عارفه وكانت مرعوبه منه:ابعد انت اتجننت انت عارف لو بابا او عمو فهد او زين عرفو باللى انتى بتعمله هيعملو معاك ايه

احمد:ولا يهمنى كل اللى يهمنى انتى وبس

جنه بوجع:سيب ايدى بقي والله هنادى على الامن يرموك برا المستشفى كلها

احمد ساب ايدها وبعد:صدقينى هتندمى على اللى عملتيه معايا ياجنه

جنه:اطلع برا يلااااا

احمد خرج وجنه قعدت على الكرسي وحطت ايدها على قلبها من الخوف وعيطت جامد فونها رن وكان زين مسحت دموعها بسرعه وحاولت تتكلم طبيعى عشان ميحسش بحاجه:الو

زين:خلصتى ياجنه

جنه:اه خلصت

زين:طب انزلى انا تحت ولا تحبي اطلعلك

جنه بسرعه خوفا من انه يقابل احمد:لا انا نازله اهو

زين باستغراب:حاضر

جنه دخلت غسلت وشهاا واخدت شنطتها ونزلت كان زين واقف ساند على العربيه ولابس نضارة وماسك فونه

جنه كانت بتبصله بعشق واد ايه حبيبها حلو اوى ووسيم وسمعت صوت ضحك بنات بصت عليهم كانو ممرضات واقفين بيبصو على زين وبيضحكو بصوت عالى عشان يلفتو انتباهه بس هو مركز فى فونه اوى جنه اضايقت جداا منهم وقربت منهم وهما خافو:انتو سايبين شغلكو وواقفين هنا تعملو ايه

واحده منهم:ده وقت الراحه يادكتورة جنه

جنه بحده:وقت الراحه بيكون فى الكافتيريا مش برا المستشفى اتفضلو جوا بلاش قله ادب

الممرضات دخلو بسرعه وجنه لفت كان زين بيبص عليها ومبتسم جنه قربت منه:اتاخرت عليك

زين فتح باب العربيه:لا يلا اركبي 

جنه ركبت وزين لف ركب مكانه وبص على جنه وشايف عينيها الحمرة:مالك ياجنه

جنه بتوتر:مافيش مالى انا كويسه اهو

زين:عينيكى حمرة انتى كنتى بتعيطى

جنه:لالا انا بس مصدعه العمليه كانت صعبه اوى

زين بدون تصديق:تمام

زين اتحرك بالعربيه وبعد شويا وصلو القصر 

والكل اتعشو سوااا وكل واحد طلع على اوضته

==================

فى قصر الفهد بليل

زينه قاعده فى اوضتها الباب خبط ودخلت جنه:ممكن نيجى

زينه:دانتو تنورو تعالو

البنات دخلوو وقعدو وجنه بصت لزينه:هاااا ارغى احنا كلنا اذان صاغيه

زينه ابتسمت بحزن وبدات تحكلها اللى حصل يوم الخطوبه

جنه:ده مجنون ازاى يعمل كدا 

اسيل:الحمدلله ان اسر كان موجود 

زينه:مش عارفه كنت هعمل ايه بجد

جميله:الحمدلله يعنى كدا خلاص قطعتى علاقتك بيه

زينه هزت راسها باه

جنه:تعرفى انى مش زعلانه بالعكس انا فرحانه اوى عشانك

زينه:تعرفو ان انا شخصيااا مش زعلانه شكل توتا معاها حق اللى بينى وبين فريد مكانش حب خالص وانا اتاكدت لانى مش فارق معايا ان انا وهو سبنا بعض

جنه:هو محاولش يكلمك 

زينه:لا

جميله بصت لاسيل:مالك انتى كمان

اسيل:النهارده شديت انا وادهم فى الشركه

جنه:وايه السبب

اسيل حكتلهم

زينه:انتى عارفه انه بغير عليكى يااسيل 

جنه:مكنش لازم تردى عليه كدا يااسيل

اسيل:عارفه انى غلطت وبرن عليه من وقتها مش بيرد وبعدين قفل فونه ولما كلمت مامته قالتلى انه رجع من زمان وقاعد فى اوضته ومتعرفش ماله

جميله:لو فضل كدا مش بيرد عليكى روحيله بيته

اسيل:بجد

زينه:ده جوزك يابنتى ولازم تصالحيه

جنه:انا رايي من رايهم

اسيل:يبقي بكرة هروحله باذن الله ..هروح انام بقي

جميله:خدينى معاكى

اسيل وجميله خرجوو

جنه بصت لزينه واتنهدت :انا كنت جايه اتكلم معاكى 

زينه:مالك فى ايه

جنه حكتلها اللى حصل من دكتور احمد

زينه:نهاره اسود ده اتهبل ده ولا ايه

جنه:مش عارفه اعمل ايه

زينه:لازم تقولى لبابا او زين مش لازم تسكتى خالص

جنه:لالا زين ممكن يقتله لو عرف انتى عرفاه عصبي ازاى 

زينه:طب قولى لعمو كنان

جنه سكت شويا:بصى انا هستنى اشوف يمكن يخاف وميعملش حاجه ولو عمل حاجه هقول لبابا

زينه:انتى شايفه كدا

جنه:اه يمكن يخاف لما قولته انى هقول لعمو فهد او زين اكيد هيخاف على مهنته

زينه:معتقدتش ياجنه 

جنه:ربنا يستر انا هروح اوضتى عشان انام تصبحي على خير

زينه:وانتى من اهل الخير ياجوجو

جنه خرجت ودخلت اوضتها جت تشرب ملاقتش ميا:اوووف نسيت اجيب وانا تحت

جنه نزلت ودخلت المطبخ وفتحت التلاجه جابت ازاة ميا ومسكت كوبايه وكبت فيها مياا وشربت وبتلف عشان تخرج لاقت زين واقف  وراكن على باب المطبخ جنه اتخضت لما شافته وزين ضحك عليها

زين:شوفتى شبح ولا ايه

جنه:انت جيت امته محستش بيك ابدااا

زين:خلاص اهدى انا كنت فى المكتب وشوفتك وانتى داخله المطبخ وجيت وراكى

جنه:حتى فى البيت بتشتغل

زين:كنت ببعت ايميل ضروري بس

جنه:تمام

زين قرب منها ولاحظ لبسها واتكلم بحده:انتى ازاى تنزلى كدا افرضي حد من الشباب شافك

جنه بصت على نفسها كانت لابسه بجامه نص كم لونها اسود وعامله شعرها كحكه:انا كنت عند زينه واوضتى جمبها وبعدين انا عارفه ان الكل هيبقو نايمين فى الوقت ده

زين قرب منها:بس انا صاحى

جنه بعفويه:بس انت جوزى فعادى صح

زين ابتسم على عفويتها:صح

زين مسك ايدها وخرج من المطبخ وطلع السلم وعدى الدور اللى فيه اوضه جنه وطلع الدور التالت

جنه:احنا هنروح فين

زين:اطلعى السطح هجيب حاجه من اوضتى واجيلك

جنه:بس الوقت متاخر اوى

زين:يلا ياجنه اطلعى مش هتاخر عليكى

جنه:حاضر

جنه طلعت وزين دخل اوضته جاب حاجه وطلع وراها كانت قاعده على المرجيحه زين جه وقعد جمبهاا:اتفضلى 

جنه بصلته كان مادد ايده بشنطه هدايا صغيرة:ايه ده

زين:انتى شيفاها ايه

جنه:هديه بس بمناسبه ايه

زين:هو لازم يكون فى مناسبه عشان اجيب هديه لمراتى

جنه ابتسمت وهزت راسها بلا

زين:مش هتفتحيها

جنه اخدت الشنطه وفتحت وطلعت علبه وفتحتها كان فون جديد اخر اصدار وبصت لزين

زين:ايه رايك

جنه:بس ليه انا فونى لسه جديد تقريباا

زين:مش انا وقعته من على السلم لما خبطت فيكى وقولت هصلحه

جنه:بس انا قولتلك انها مش غلطتلك انا اللى ماكنتش مركزة

زين بغمزة:صح لانك لما بتمشي بتركزى فى حاجه تانيه

جنه:حاجه تانيه ازاى يعنى

زين:صورى مثلا

جنه برقت ووشها احمر من الكسوف وزين ضحك:بلاش تتكسفى انا زى جوزك بردو ياجنتى

جنه بصلته:جنتك

زين قرب منها وهمس:جنتى وقلبي واحلى حاجه فى حياتى

جنه ماكنتش مصدقه ان اللى بيتكلم ده زين 

زين ضحك:مستغربه صح

جنه هزت راسها باه

زين مسك ايدها:جنه احنا سكتنا كتير وضيعنا وقت كبير كنا المفروض نكون فيه سوا صح

جنه هزت راسها باه

زين:يبقي جه الوقت اللى المفروض نقول كل اللى فى قلوبنا ياجنه تبداى انتى ولا ابدا انا

جنه نزلت وشهااا

زين:خلاص ابدأ انااا .... انا حبيتك من وانتى طفله صغيرة بضفاير كنتى بتكبرى قدام عينى وكل ماتكبرى اتشد ليكى اكتر لحد ماكبرتى وبقيتى الدكتورة جنه ووقتها اتاكدت انى بعشقك مش بس بحبك كنت كل مااجى اتكلم معاكى تتكسفى وتوترى وتوترك ده بيخلينى مش عارف اتكلم كنت بسكت وكنت بشوف نظراتك ليا من بعيد لبعيد كان نفسي اتاكد انك بتحبينى زى مابحبك لحد ماسمعتك بتتكلمى مع زينه وانتو قاعدين فى نفس المكان على المرجيحه ان انا تلاجه وبارد مش كدا

جنه:والله قلبي كان حاسس انك سمعتنا

زين:ووقتها فرحت جداا بس بردو مكنتش عارف ابدا منين ....انا خلصت ده مش كل اللى فى قلبي على فكرة ده اختصار .... انا سامعك يلا اتكلمى

جنه بكسوف:مش عارفه اقول ايه

زين:بتحبينى زى مابحبك ياجنه

جنه بصلته وهزت راسها باه زين قام وقف وشدها لحضنه حضنها بقوة وجنه كانت فرحانه ان زين اعترفلها بحبه

زين بعد عنها وباس راسهااا:بعشقك ياجنتى

جنه بلعت ريقها واتكلمت بكسوف:انا كمان بحبك اوى يازين

زين ابتسم على كسوفها

جنه:صح نسيت اقولك شكرااا على الفون حلو جدااا

زين:مافيش واحده بتقول لجوزها شكراا صح

جنه ضحكت:صح ... انا لازم انزل عشان انام لازم اصحى بدرى تصبح على خير

زين:وانتى من اهلى ياجنتى...واياكى تنزلى تانى كدا من غير اسدال فاهمه

جنه:حاضر

جنه نزلت ووبعد شويا زين نزل هو كمان عشان ينام......

&&&&&&&&&

روايه فى قبضة الفهد الجزء التانى

﴿عشق الابناء﴾

««الفصل ١٨ »»

صباح يوم جديد في قصر الفهد الكل متجمعين على السفره بيفطرو 

اسيل: بابا لو سمحت ممكن النهارده هروح اشوف طنط سهام مامت ادهم

حسن: روحي يا حبيبتي بس ما تتاخريش

اسيل: حاضر

جميله: مش هتروحي الشركه

اسيل: انا مخلصه ورق المشروع كله النهارده مش ورايا حاجه

فهد: مش مشكله يااسيل خدي النهارده اجازه

اسيل: ياحبيبي ياعمو ربنا يخليك لينا... انا هروح عشان متاخرش

مروه: روحي يا حبيبتي

زينه: يلا يا جوجو احنا عشان نروح المستشفى

زين: استنى هوصلكم في طريقي

زينه: تمام

ريان: يلا يا جميله عشان نروح الشركه

جميله: يلا

الكل خلصو فطار وخرجو وفضل الماميز اللى دخلو المطبخ يجهزو الاكل

===============

اسيل وصلت فيلا ادهم ودخلت وسهام فرحت لما شافتها

اسيل: صباح الفل يا سوسو

سهام:صباح الجمال ياحبيبتى 

اسيل:عامله ايه

سهام:بخير ياحبيبتى والله انتى جايه لادهم صح

اسيل:بصراحه شدينا سوا امبارح ومش بيرد عليا قولت اجى اشوفه واصالحه

سهام:طب اطلعى هو فى اوضه الجيم واقنعيه ينزل يفطر لانه ماكلش حاجه من امبارح ومش راضي ينزل

اسيل:من عيونى بس ادعيلى ابنك دماغه ناشفه

سهام ضحكت:ابنى وانا عرفاه اطلعى ربنا معاكى

=================

اسيل طلعت وخبطت على اوضه الجيم سمعت صوته متعصب:قولت مش عايز اكل مش عايز حد يطلع هنا تانى

اسيل:نهار اسود ده على اخره ربنا يستر اسيل فتحت الباب ودخلت كان ادهم بيلعب رياضه

اسيل:حتى انا كمان

ادهم لف شافها قدامه ولف وشه تانى:ايه اللى جابك هنا 

اسيل:جايه اشوفك مانت مش بترد عليا وكمان قفلت فونك

ادهم:يفرق معاكى يعنى

اسيل قربت منه ووقفت وراه:طبعا ياادهم يفرق معايا انت جوزى وحبيبي

ادهم:الوقت بقيت جوزك وحبيبك امبارح كنت زيي زى اى حد مش كدا

اسيل:مانت اللى اتعصبت من غير ماتسمع منى وقولت كلام وحش وانت عارف انى محترمه وجداا كمان ياادهم وخلتنا نشد سواا

ادهم:امشي يااسيل احسن مانشد تانى سواا

اسيل:انت حتى مش بتبصلى لدرجه دى مش عايز تشوفنى ياادهم على العموم انا كنت بتصل بيك من امبارح عشان اعتذرلك على كلامى بس انت قفلت فونك وحابس نفسك فى الاوضه ورافض حتى تاكل انا اسفه ياادهم وصدقنى بدام مش طايق تلف وتبصلى وانت بتكلمنى لا هكلمك ولا هجيلك غير لما انت تحب ده وانا اسفه مرة تانيه

اسيل لفت ومشت ولسه هتفتح الباب ادهم شدها ودخلها جوا حضنه واسيل عيطت:انا اسفه ياادهم

ادهم:متعيطيش يااسيل انتى عارفه مش بحب اشوف دموعك وانا اسف لانى ماكنتش برد عليك ياحبيبتى

اسيل ضربته فى صدره:متعملش كدا تانى

ادهم:وانتى بلاش تقفى تتكلمى مع الموظفين وتتضحكى انتى عارفه انى بغير عليكى جدا كمان

اسيل:حاضر ممكن بقي ننزل نفطر مع سوسو

ادهم:من عيونى انزلى وانا هاخد شاور وانزل

اسيل:حاضر

اسيل نزلت بسرعه ودخلت المطبخ:سوسو

سهام:رفض ينزل بردو

اسيل:انتى كدا بتقللى مش قدراتى ياسوسو

سهام ضحك:طب يلا نحضر الفطار على ماينزل

اسيل:مع انى فطرت فى البيت بس هفطر تانى معاكو عادى

سهام واسيل حضرو الفطار وادهم نزل وفطرو سوااا فى جو عائلى جميل

ادهم:يلا نروح الشركه

اسيل:لا مافيش شركه انا اخدت اجازة النهارده هقضيه كله مع سوسو

ادهم:سوسو بس

اسيل:مش انت عايز تروح الشركه براحتك بقي انا هفضل هنا مع سوسو

سهام:تنورى ياحبيبه قلبي

اسيل:حبيبتى ياسوسو

ادهم:طب ايه رايك بقي هكنسل الشركه وهقضي اليوم معاكى

اسيل:ايوا بقي

==================

عند فريد قاعد فى اوضته وبيتكلم فى الفون:لا متخلصش عليه عايزك تعلم عليه بس

الشخص:من عيونى يافريد بيه

فريد:هحولك فلوسك وفوقيهم مكافأه كمان

الشخص:تسلم ياباشا

فريد:هستنى الخبر اللى هيفرحنى

فريد قفل ودخلت الست:عايز تعلم على مين يافريد

فريد:ابن حسن ياست الكل مش هعديله اللى عمله فيا

الست:اوعى تقتله يافريد

فريد:لالا انا بس هديه درس صغير مش اكتر

الست:ناوى على ايه بعد كدا

فريد:كل خير ياست الكل ناوى اخليهم يلفو حولين نفسهم بس

الست:تسلم يابنى وتسلميلى دماغك

فريد باس ايدها:تربيتك ياست الكل

=============

فى الشركه فى مكتب فهد ومعاه زين واسر

فهد:بس غريبه انهم مش بيخرجو خالص

زين:من وقت ماحطينا حراسه عليهم مش بيخرجو من الفيلا

اسر:يمكن مش موجودين فيها وخصوصا انه موجود فى شقه الزمالك

فهد:ممكن بس خلى عيونكو على الفيلا اكيد هيظهرو حتى لو مش جوا الفيلا اكيد هيرجعو الفيلا

اسر:تمام

زين:ادهم فرغ كاميرات الطريق اللى كنا فيه انا وجنه وعرف رقم العربيه وبيدور على صاحبها

فهد:كويس لازم نعرف مين عدونا عشان نقدر نتعامل معاه وعايزكو تاخدو بالكو من البنات كويس وتوصلوهم فى اى مكان 

زين:انا بوصل زين وجنه وريان مع جميله واسيل مع السواق او ادهم

فهد:كدا تمام وبلاش حد من اللى فى البيت يعرفو باللى بيحصل تمام 

اسر وزين:تمام

زين:انا خلصت هروح اجيب زينه وجنه ونرجع القصر تيجى معايا يااسر

اسر:معايا عربيتى 

زين:تمام

=====================

فى المستشفى جنه قاعده فى مكتبهاا دخل عليها احمد فجاه

جنه:لا بقي انت كدا زودتها اوى اخرج برا يلا

احمد:مش قبل مااوريك الهديه اللى معايا ياحبيبتى

جنه بخوف:هديه ايه

احمد:هديه كتب كتابك ياروحى اللى ناوى ابعتها لجوزك المصون

احمد فتح الفون وحطه قدام جنه اللى اتصدمت من اللى شافته:ايه ده ... ده كذب مش حقيقه ومحدش هيصدقك

احمد:ليه محدش هيصدق مش دى انتى اللى فى الصور وانا معاكى وكمان دليل ان ده بنفس الهدوم اللى كنتى لبساها فى اليوم اللى اتاخرتى فيه وانا هقول لاهلك انك كنتى معايا وقتها هيصدقو لما يشوفو الصور بعينيهم

جنه:انت مجنون مستحيل تكون طبيعى انا عملت فيك ايه عشان تعمل معايا كدا

احمد:كسرتى قلبي ووجعتينى

جنه:الحب مش بالعافيه انت مجنون اطلع برا

احمد:لا انا مش هسمع كلامك فى اي كلمه انتى اللى هتنفذى كل اللى بطلبه منك ياما الصور الحلوة دى هتنتشر فى البلد كلهاا ونشوف وقتها حبيب القلب هيعمل فيكى ايه

احمد خرج وجنه قعدت على الكرسي بخوف وعيطت جامد وزينه دخلت اتفاجأ بيها جرت عليها:جنه مالك والحيوان ده كان بيعمل ايه فى مكتبك

جنه حكتلها وبقت تعيط جامد وزينه حولت تهدى فيهاا وفاقو على صوت الفون وكان زين اللى بيرن وزينه ردت عليه:تمام نازلين اهو

جنه بخوف:نهار اسود زينه اوعى تقولى حاجه لزين والله مش لازم يعرف عشان خاطرى

زينه:طب اهدى وادخلى اغسلى وشك هو لو شافك كدا اكيد هيشك يلا

جنه:حاضر

بعد شويا نزلو البنات وزين عينه على جنه وشايف عينيها وشكلها معيطه

زين:مالك ياجنه

جنه بتحاول متبصش ليه:مافيش تعبانه

زينه ركبت ورا وزين استغرب اكتر لما جنه ركبت جمبهااا ركب مكانه وساق وطول الطريق عينه على جنه اللى هى وزينه بيتهمسو لبعض بكلام واتاكد ان فى حاجه حصلت معاهم ولازم يعرفهااا 

(ملحوظه ي حلوين دكتور احمد ده شخصيه جديده مش نفسه دكتور احمد اللى كان بيحب تمارا فى الجزء الاول وصورها مع فهد وبعت الصور لحسن اخوهاا عشان محدش يتلخبط بس )

=======================

اسر ماشي فى الطريق وفجاه شاف شخص واقع على الارض بالموتوسيكل بتاعه وشكله عامل حادثه نزل من عربيته بسرعه وقرب منه وبيلف الشخص اللى واقع على الارض اتفاجا بيه انه ماسك مسدس ورفعه فى وش اسر اللى بعد خطوتين واتفاجأ بـ ٥ اشخاص لفو حوليه وماسكين عصيان فى ايديهم وبدأو يضربو اسر اللى كان بيحاول يصد ضرباتهم بس الكترة تغلب الشجاعه للاسف 

اسر وقع على الارض وكلهم بقو يضربو بقوة بس كانو حذرين عشان فريد امرهم انهم يعلمو عليه مش يموتوه 

واحد منهم:كدا خلصنا يلا نمشي

كلهم ركبو العربيه ومشووو واسر كان واقع فى الارض مش قادر يتحرك ومافيش اى حد يساعده الطريق كله فاضى

اسر حاول يقوم اكتر من مرة مش قادر وكمان فونه فى العربيه وبعد محاولات كتير بدا يتحرك ببطئ لحد ما وصل للعربيه وسند علي الباب اللى كان مفتوح وقام بتعب وركب العربيه ومسك فونه ورن على زين اللى كان لسه فى الطريق مع البنات واتصدم لما سمع صوت اسر والحمدلله انه كان قريب منه 

بعد دقايق قليله زين وصل عند عربيه اسر ونزل بسرعه هو والبنات وجرو على العربيه كان اسر فاقد الوعى من كتر التعب 

زين:اسر رد عليا ياصاحبي

زينه بخوف:زين لازم ناخده على المستشفى بسرعه

زين لسه هيحركه

جنه:لا لا بلاش تحركه ليكون فى كسور 

زين:طب اركبو عربيه اسر بسرعه

زين راح على عربيته وقفلهاا كويس وراح ركب وساق عربيه اسر ولف رجع تانى على المستشفى.......

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الأول 1من هناااااااااا

الرواية كامله الجزء الثاني 2من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا