رواية النصيب الفصل الثالث وعشرون 23بقلم رحاب القاضي جديده وحصريه وكامله مدونة قصر الروايات
رواية النصيب الفصل الثالث وعشرون 23بقلم رحاب القاضي جديده وحصريه وكامله مدونة قصر الروايات
#النصيب
_الحلقه الـ 23
ــــــــــــــــــــــــــــــــــــــــ
منذُ أول حَديثٍ دارَ بيننا أدركتُ أنني لَنْ أنجوَ مِنك أبداً❤️.
_كانت قاعده شهد لسه في الناادي مع كمال وهاله وشيري ورحمه وكمان شريف واسعد اخوه اللي انضم ليهم حديثاً، وكانو كلهم بيتكلمو مع بعض معادا شهد اللي كلامها قليل وردود افعالها بسيطه ورقيقه زيها، وفي الوقت ده مال شريف علي أسعد وقاله..
شريف
هاا ايه رئيك؟..
رد عليه اسعد وهو بيبص لشهد
زي القمر يا شريف..
شريف
هي ايه اللي زي القمر انا بتكلم علي رحمه..
اسعد
وانا بتكلم علي صاحبتكم التانيه دي، هي مش امك بتدورلي علي عروسه انا لقيتها اهوو هي عندها كام سنه..
شريف
دي متجوزه يخربيتك..
اسعد
متجوزه ازاي يا عمم دي شكلها صغنن اصلا..
شريف
متجوزه واحد طول بعرض كده لو نفخ فيك يطيرك فلم نفسك يا دكتور وركز في اللي انا جايبك عشانها..
اسعد
ما شكلها رقيقه اهوو ودمها خفيف..
شريف
لا ما هي كده عادي بعد كده بتتحول علي طول لكائن تاني خالص، وعليها لسااان اطول من برج القاهره..
قالهم فؤاد في الوقت ده
بقولكم ايه يا شباب تعالو نروح الجيم ونسيبهم قاعدين لوحدهم شويه..
اسعد
اوكي ما فيش مشكله..
شريف
طيب استني شويه عشان اسعد عايز بتكلم مع رحمه..
رحمه
يتكلم معايا انا ليه؟..
شيري بقلق
بلاش يعني وقت تاني نتعرف علي بعض اكتر يعني..
شريف بخبث
اصلك ان شاء الله هتساعديه في رسالة الدكتوراااه بتاعته..
ما فهمتش رحمه كلامه واسعد قاله بغيظ
والله ما في حد هيساعدني غيرك، اخرس خالص...
_مشيو هما التلاته وفضلو البنات قاعدين مع بعض ورحمه قالت بغيظ لشهد..
رحمه
اقسم بالله اخوكي ده رخمم وبيحب يطلع اسوأ ما فيا عليه..
شيري
بيهزر معاكي يا رحمه مش قصده حاجه..
شهد
بس في حدود للهزار مش يقول عليها مجنونه..
هاله
تسمعي نصيحتي يا رحمه من غير زعل، بصي هو احنا كلنا بنحبك وعارفين انك طيبه وعفويه بس بلاش تكون الطريقه دي مع اي حد لان النااس بتفسر العفويه بأنها حاجه مش كويسه برغم انتي ما بيكنوش قصدك كده..
شهد
علي فكره المشكله في اهل رحمه، يعني هما زمان وهي طفله كانو مبسوطين جدا بأسلوبها كده وبيضحكولها وكأنها كده صح لحد ما اتعودت علي الطريقه دي..
رحمه بأبتسامه حزينه
خلاص يا جماعه انتو قلبتوها تحليل في شخصيتي ليه ما كل واحد بني ادم شخص فيه بلاوي قد كده خليني ساكته احسن..
هاله
خلاص نغير الموضوع قوليلي يا شيري هو انتي باباكي شغال ايه؟..
شيري
بابي سفير وماما كانت شغاله في السينما..
رحمه
مامتك ممثله تركيه؟..
شيري
لا كانت مساعدة مخرج بس بطلت شغل لما جات مصر مع بابي..
رحمه
خدو التقيله طيب ام شهد اكبر منها ب١٦ سنه بس..
سكتت شيري وهاله وبصولهم بعدم فهم وشهد ضحكت وقالت
بجد علي فكره ماما اصلا صغيره واتجوزت بابا وهي صغيره اووي كان عندها ١٤ سنه بس عملولها بطاقه مزوره بأسم اختها الكبيره..
هاله
ثواني بقي هي كده مامتك اكبر مني انا ولا اصغر مني انا عندي ٣٦ سنه؟...
شهد
لا ماما اصغر منك لان عندها في الحقيقه ٣٥ سنه..
هاله
يعني مامتك اكبر من أسر بسنه واحده، انا بجد. نفسي اشوفها..
رحمه
شايفه شهد هي بقي شبهها بس علي أكبر شويه نفس عيونها الخضرا وبيضه زيها كده..
شيري
هو انتو ازاي ما شفتوش اهل شهد يعني هي مش شهد مرات اخوكي..
بصت شهد وهاله لبعض بتوتر وهاله ردت عليها وقالت
ااا عشان اهلها كانو في البلد والجوازه تمت هناك وانا ما قدرتش اسافر..
رحمه
وابوها عنده ٤٠ سنه بس الشقي والتعب خلااه يبان اكبر من كده بشويه.
هاله قالت بصوت واطي لشهد
انا لازم انا وفؤاد نتعرف علي اهلك في اقرب وقت عيب فعلا نبقي نسايب وما شوفنااش بعض ولا مره..
شهد
في اي وقت نتقابل عادي لو عايزه نروحلهم دلوقتي ما فيش مشكله..
_وفضلو يتكلمو وبعد شويه جه أسر وقعد جنب شهد وقال بهدوء..
أسر
مساء الخير..
هاله
اهلاً.. كنت فين المفروض انك مخلص شغل من بدري..
أسر
السؤال ده من حق مراتي اللي تسأله ليا، فشيلي مناخيرك انتي وجوزك من حياتي بقي..
وبص لرحمه وقال
انتي يا اسمك ايه...
رحمه بغيظ
لما تبقي تفتكر اسمي ابقي ارد عليك..
هاله
انتو متخانقين ولا ايه؟..
شهد
لا ده العادي هما عاملين كده من لما اتقابلو..
شاور علي رقبته وقال بضيق
ما اعرفش ليه مش نزلالي من هنا خالص..
رحمه
القلوب عند بعضها..
أسر
طيب اتنيلي قومي بره الكافي ده في حد عايزك..
رحمه
لا لا انت غلطان انا اللي يعرفوني مش بيجو الاماكن النضيفه دي..
ضحكو كلهم وأسر ابتسم وقال
ربع صارحتك مع نفسك يا شيخه، اخلصي يلا وروحي حد يعرفك بجد وانتي كمان تعرفيه..
_بصتله رحمه بقلق وقامت فعلا راحت تشوف مين اللي مستنيها، وشهد سألت أسر بقلق وقالتله..
شهد
هو مين اللي عايزها بره؟..
أسر
اكرم نسيت اقولك اني جيبته يشتغل عندي في الشركه..
ابتسمت شهد باتساع وقالت
بتتكلم جد.. طيب انا كمان هروح اسلم عليه..
أسر مسك ايدها جامد وقال بغيظ
تسلمي علي مين اقعدي يا شهد انا مرااتي ما تسلمش علي حد، ولو حصل ولقيت في بينك وبينه كلام انا همشيه من عندي اديني حذرتك..
حاولت سحب ايدها من ايده وقالت بألم
هو في ايه لكل ده، وسيب ايدي..
اتنهد بضيق وساب ايدها وقال لهاله اللي كانت بتتكلم مع شيري
اومال جوزك فين مش قولتي انه جاي معاكم هنا..
هاله
ايوه جه معانا بس راح مع شريف واسعد صحاب شهد الجيم..
بص لشهد بحده وهي قالت بسرعه
والله هي قصدها اخوات شيري صحبتي اهي..
أسر بجمود
مااشي يا شهد..
_وبره الكافيه طلعت رحمه واتفاجئت لما شافت اكرم واقف مستنيها، فأبتسمت وقالت..
رحمه
انت بتعمل ايه هنا؟..
أكرم
كنت جاي مع أسر بنخلص شغل وقالي انك هنا فقولت اسلم عليكي وبعدين امشي..
رحمه بتوتر
الله يسلمك هو انت اشتغلت مع اسر؟
اكرم
ايوه طلع شخص جدع اووي ويعتبر هبدأ شغل رسمي من بكره..
رحمه
طيب الف مبروك..
اكرم بتوتر
الله يبارك فيكي، كنت عايزك معايا في مشوار..
بصتله بعدم. فهم وهو تابع كلامه وقال
يعني كنت محتاج اجيب شوية حاجات عشان الشغل الجديد يعني كام بدله وطقم حلوين ومحتاج مساعدتك يعني..
رحمه
كان علي عيني والله بس انا مش معايا فلوس.
اكرم
فلوس ايه يا رحمه لا اله الا الله، انا عايزك تيجي معايا تختاري معاية وتفديني بذوقك مش اكتر..
ابتسمت رحمه وقالت
طيب مش تقول كده من الاول، خلاص مااشي انت معاك رقمي ووقت ما تبقي رايح كلمني واروح معاك...
اكرم
اتفقنا اتفضلي بقي ادخلي وانا همشي..
رحمه
مش عارفه أسر بيقولي في حد يعرفني هنا عايزني وانا مش لاقيه حد، والله شكله الغبي ده بيضحك عليا..
اكرم
هو برضو اللي غبي، انا اللي مستنيكي يا رحمه، انا اللي قولتله اني عايز اسلم عليكي..
رحمه
اااه صح خلاص الله يسلمك يلا بااي..
_وسابته ودخلت جوه وهو ابتسم بهدوء علي تصرفاتها ومشي، واول ما دخلت اخدت شنطتها وقالت..
رحمه
انا همشي بقي عشان عندي كورس دلوقتي..
أسر قام وقال
طيب وانا وشهد كمان مروحين تعالي معانا هوصلك في طريقي..
هاله
ما تخليكم قاعدين معانا شويه اهو نتعشي مع بعض..
أسر
لا.. يلا يا شهد..
_قامت شهد معاه وهي مدايقه من تصرفاته العنيفه معاها، واول ما وصلو الشقه بتاعته دخل وقعد علي الكنبه اللي في الصاله وهي وقفت جنبيه وقالت..
شهد
علي فكره انا ما عملتش حاجه لكل ده، اكرم انا بعتبره زي اخويا..
بصلها أسر بحده وقال
بس هو مش اخوكي ولا فؤاد كمان اخوكي عشان تبقي واخده راحتك اوي في التعامل معاهم..
شهد
واخده راحتي ازاي، انا عارفه حدودي كويس علي فكره..
قام وقف قداامها وقال بجمود
بصي يا شهد عشان نقفل الموضوع ده، اكرم ده ما تتعامليش معاه خالص فؤاد كمان هتتعاملي معاه يبقي قداامي وبالنسبه بقي لزمايل المعهد والوقفه معاهم والكلام في الفون ممنوع نهائياً والا مش هيبقي في معهد تاني..
شهد بدموع
هو انت للدرجه دي مش واثق فيا؟
رد عليها بحده وقال
لا طبعا واثق فيكي والا ما كنتش حبيتك واتجوزتك، انا موضوع جوازك الاولاني وحياتك الاولي ده اتقبلته عادي وقفلته من غير ما اعرف اي تفاصيل ومعتبر نفسي الاول في حياتك والوحيد كمان، موضوع غيرتي عليكي ده امر واقع انتي هتتقبليه غصب عنك..
شهد بحزن
حاضر حاجه تاني...
قرب منها بهدوء وقال
ااه في حاجات تاني اولها ما فيش خروج من البيت غير لما انا ابقي موافق..
شهد
انا بعتلك رساله وو...
أسر
وانا ما رديتش عليكي يبقي ما تخرجيش من البيت اتفقنا..
اتنهدت بضيق وقالت
حااضر..
طلع موبيله من جيبه وشغل الفديو بتاع كمال وقال بهدوء
وتاني حاجه بقي ان الراجل اللي حاول يدايقك اخد درس معتبر عشان بعد كده لو حصل واتقابلتو تبقي عينك مرفوعه قداامه وما تخافيش منه...
بصتله وابتسمت وقالت
وانا هخاف ازاي وانت جنبي..
رد عليها وقال
ايوه بقي هو ده الكلام الحلو، بس مش كفايه انا ليا طلب تاني..
شهد
هو ايه؟..
أسر
عايز اتعشي اكله حلوه كده من ايدك..
شهد
ماشي بس هو ما فيش حاجه هنا اطبخها..
أسر
بسيطه شوفي انتي عايزه ايه ونطلبه من السوبر ماركت يجي في ربع ساعه..
شهد
طيب انت عايز تاكل ايه..
أسر
انتي بتعرفي تعملي ايه؟..
شهد
بعرف اعمل حاجات كتير بس اكيد مش هعملهم كلهم دلوقتي..
أسر
امم بصي انا كائن مكروناتي اووي اعملي اي مكرونه..
شهد
خلاص نعمل مكرونه بالخضار وفراااخ..
أسر
اتفقنا تعالي بقي نكلم السوبر ماركت ونطلب الحاجات اللي عايزااها..
ــــــــــ #بقلم_الكاتبه_رحاب_القاضي ــــــــ
_وفي شقة محمد اخو سعيد كانت قااعده نسمه هي ونعمه اختها اللي قالتلها بقلق..
نعمه
لا لا انا حماتي حفظاها وعرفاها كويس تغيرها ده ورااه حاجه..
نسمه
ليه بس بتقولي كده يا نعمه يمكن ربنا هداها، وبعدين هي فعلا صعبت عليا النهارده برضو اللي قاله سعيد غلط..
نعمه بسخريه
تستاهل واكتر من كده كمان، هي اللي عملتو فيه ولا في مراته الاولي كان شويه..
نسمه بضيق
يا ستي اصلحي وبلاش الكلام ده انتي عندك عيال، وقوليلي هي مرات سعيد الاولي كانو بيتاعملو ازاي مع بعض هي وسعيد كان بيحبها..
نعمه
هو لحق اصلا يتعتمل معاها ما البت زهقت من اول كام يوم واطلقت، بس للحق ام محمد هي اللي غلطااانه في حق البت..
نسمه بأنفعال
يعني في الكام يوم دول كانت بتتعامل مع سعيد ازاي، زي ما بيعاملني كده..
نعمه
ان جينا للحق لا ما كانش بيعاملها زيك، حتي انا ومحمد شكينا انه متجوزها غصب لانه ديما كان يزعق فيها، وكمان امه تعمل فيها البدع وهو كان ساكت، انما انتي اهو حاجه تانيه..
نسمه
يعني تفتكري انه حبني بجد مش متجوزني كده وخلاص اهو حاجه تقضي الغرض..
ضحكت نعمه وقالت
ههههههه يخربيت تشبيهاتك، بس اكيد لو مش عجبااه ما كانش اتجوزك من الاول، ولو مش بيحبك دلوقتي ما كانش اتغير وغير شخصيته عشانك، صدقيني سعيد ما كانش كده خالص زمان....
دخل في الوقت ده محمد شقته وقال
انتي بتعملي ايه يا بت يا نسمه؟..
نسمه
قاعده مع اختي شويه..
محمد
واختك جوزها جه مش فضيالك بقي، وبعدين مش هخلص من امي اللي كانت تنطلي كل شويه الاقيكي انتي..
نسمه
في ايه كل ده عشان قااعده مع اختي شويه..
نعمه
ايوه يا محمد فيها ايه؟..
محمد
عندك. النهار كله انتي وهي قاعدين في وش بعض من اول بقي ما ارجع البيت ما اشوفش حد غير العيال معانا..
نسمه
عارف يا جوز اختي انت لو كنت بنت لامؤخذه يعني كنت هتبقي نسخه من امك..
ضحكت نعمه ومحمد قال
انا مش هرد عليكي..
وطلع بره الشقه وبص لفووق وقال
يا سعيييد تعالي خد مرااتك من عندي بدل ما ابعتهالك متعبيه في اكيااس....
رد عليه سعيد من فوق وقال
عندك اكياس ولا ابعتلك..
محمد بشماته
شايفه حتي جوزك مش طايقك..
نسمه
لا وسع كده عشان ليلة اخوك هتبقي سودا النهارده..
_طلعت نسمه فوق ومحمد ونعمه بيضحكو عليهم، واول ما وصلت الشقه لقيته قااعد بيتفرج علي التلفزيون..
نسمه
والله.. بقي عايز تبعت لاخوك الاكيااس..
سعيد وهو مركز في الماتش
تستاهلي عشان قولتلك من شويه اطلعي وانتي مش راضيه..
نسمه. قعدت جنبيه وقالت
ما انا زهقاانه يا سعيد اعمل ايه يعني..
سعيد
اعملي اي حاااجه يا نسمه..
نسمه
زي ايه يعني انا مش حابه كده اقعد طول اليوم لوحدي ولو نزلت عند نعمه بتوقفني جنبها في المطبخ يا بتخليني اكنس وامسح واطبخ..
سعيد بصلها بهدوء وقال
طيب اعملك ايه يا نسمه؟
نسمه
خليني اشتغل مثلا؟..
سعيد
وهتشتغلي ايه ان شاء الله..
نسمه
انت ناسي اني واخده كلية تجاره وو واحده صاحبتي جابتلي وظيفه كويسه في الضرايب بس محتاجه مبلغ صغير كده في البدابه عشان اتعين رسمي..
سعيد
طيب مش مشكله مدام انتي عايزه تشتغلي انا هقف جنبك لحد ما تجيلك الشغلانه دي ان شاء الله..
فرحت نسمه جداً وحضنته اوي وقالت
يا ابني انا هحبك اكتر من كده ايه تاني بس..
سعيد ابتسم وقال
دلوقتي كده كمان شويه الهرمونات هتعلي عندك وتقوليلي انت اتجوزتني ليه السؤال المكرر بتاع كل يوم..
بعدت عنه شويه وقالت
بدلع عليك يا عم happy انت، وعشان هتعملي اللي انا عايزااه انا دلوقتي هعملك حتت كوباية شاي انما ايه تعدل مزاجك..
وجات تقوم مسك سعيد ايدها بسرعه وقال
لااا انا مزاجي زي الفل مش عايز شاي منك انتي بالذااات..
نسمه
ليه يا سعيد هو الشااي بتاعي وحش ولا ايه؟..
سعيد
روحي يا نسمه اعملي شاي، اهو وجع البطن اهون من النكد...
نسمه
هعملو حلو المره دي عشان مبسوطه ما تقلقش.
سعيد
اممم ربنا يستر.
ــــــــــ #بقلم_الكاتبه_رحاب_القاضي ــــــــ
ـ وفي شقة أسر وشهد، حطت شهد طبقين مكرونه علي السفره قداام أسر وقالتله بسخريه..
شهد
انا خلصت الاكل كله وحضرتك ما خلصتش طبق سلطه..
أسر
انتي تحمدي ربنا ان أسر الفيومي بذات نفسه قااعد بيعملك سلطه..
شهد
وانت تحمد ربنا اني سايبه المذاكره بتاعتي برضو وبطبخلك..
أسر
واجبك ولا مش واجبك هاا؟..
شهد
واحبي بس انت المفروض تساعدني، وخلص يلا عشان ناكل..
ودخلت المطبخ وهو قال بصوت عالي
خلصت اهو اصلا، وبساعدك علي فكره مانا سمعت كلامك وعملت السلطه..
_رجعت شهد وخطت. الطبق االي فيه الفرااخ علي السفره وقعدت جنبيه وقالت..
شهد
المهم يلا دوق وقولي رأيك..
_بدأ فعلا أسر ياكل وفجأه ملامح وشه اتغيرت وقالها وهو مدايق من طعم الاكل..
أسر
ايه ده يا شهد وحش جدا، هو ده اللي بعرف اطبخ وبعمل كل حاجه..
اتملت عيونها دموع وردت عليه
بجد وحش والله انا اا..
ضحك أسر وقال
هههههه انتي هتعيطي بهزر والله طعمها حلو اوووي..
ضربته شهد علي كتفه وقالت
يا رخممم انت وهزارك...
مسك أسر ايدها وباسها بهدوء وقال
تسلم ايدك يا حبيبتي والله الاكل حلو جدا..
_ابتسمت بخجل وبدأو هما الاتنين ياكلو، وفي الوقت ده موبيل شهد رن فقامت جابته وقبل ما ترد سألها هو بهدوء.
أسر
مين؟
شهد
دي شيري هرد عليها وبعدين أكمل أكل..
وردت علي شيري وقالت
الو..
شريف
هو انتي عملتيلي بلوك ولا ايه؟..
بصت لاسر اللي بياكل بقلق وقالت
لا ده. ممكن الشبكه..
شريف
طيب بصي يا ستي احنا بكره عندنا ميد تيرم للدكتوره صفاء، وانا متاكد. انك. ناسيه زي الهبله اختي..
شهد بصدمه
يا نهار اسود ده انا ما ذاكرتش ولا محاضره للدكتوره دي..
شريف
لا اطمني هي قالت الامتحان مش جاي غير من اول اربع محاضرات لو معاكي حاجه ناقصه قوليلي..
شهد
لا معلش هتعبك ابعتهم ليا. كلهم...
بصلها أسر وقال
انتي بتكلمي مين؟..
شهد بقلق
ده شريف..
_قام أسر ومسك. منها الموبيل وفتح الصوت وشاولها تكمل كلام وفي الوقت ده شريف قال..
شريف
انتي معايا يا شهد؟..
شهد بقلق
ايوه تمام انا هبدأ اذاااكر علي طول اول ما تبعتهم وشكراً جدا..
شريف
لا ولا يهمك يا شهد مع السلامه..
_قفل شريف وأسر بصلها بضيق وهي ابتسمت بتوتر وقالت بسرعه..
شهد
والله انا عملتله بلوك من غير ما تقولي وهو كلمني من رقم شيري اهو قدامك...
أسر بجمود
وعايز ايه؟
شهد
بيفركني بأمتحان مهم عندنا بكره..
أسر بغيظ
كتر خير امه...
شهد بضيق
علي فكره هو بيساعدني بس وانا مخليا علاقتي بيه مختصره علي الدراسه وبس..
أسر بحده.
وتبقي ليه في علاقه بينكم اصلا، اللي عايزااه قولس لاخته عليه وبس..
شهد بضيق
طيب انا رايحه اذااكر..
أسر
مش. هتاكلي..
شهد
شبعت بالهنا ليك..
جت تمشي بس هو مسك ايدها بسرعه وقال بهدوء
هو انتي يعني غيرتي عليكي بتدايقك يعني؟..
وقبل ما ترد عليه تابع هو كلامه وقال بحده
ولو بدايقك اتفلقي يا شهد بس انا مراتي مش هتتعامل مع رجاااله..
شهد بغيظ
انت كنت بتقول ان حبيبتك القديمه عرفتها من ناحية احمد صاحبك وكانت بتحب السباقات وبتشارك فيها واكيد كانت بتتعامل مع رجاله صح.؟
أسر
ايوه صح بس دي واحده متربيه في امريكا والموضوع بختلف..
شهد بغيظ.
فعلا يختلف انت كنت واثق فيها هي بس مش واثق فيا انا..
أسر
مش مسألة ثقه علي فكره وقولتلك اني واثق فيكي وجدا، بس غيرتي عليكي مختلفه ومش هتناقش تاني هتاكلي تعالي ناكل سوا مش هتاكلي براحتك..
شهد سحبت ايدها منه وقالت بغيظ
ما هو براحتي فعلا..
_قالت كلامها وسابته ودخلت الاوضه بتاعتهم ورزعت الباب وراااها وهو اتنهد بضيق وقعد ياكل وقال لنفسه بغيظ..
أسر
ما هو زميلها عادي... لا لا مش عادي اي زميلها دي اصلا..
_بعد شويه دخل أسر اوضتهم وكانت هي قاعده بتذاكر، وهو قال بهدوء..
أسر
علي فكره احنا. محتاجين شغاله هنا الوضع ده كده ما ينفعش انا حاولت اساعدك واغسل الاطبااق فشلت وكركبتلك المطبخ اكتر..
شهد
مش مشكله هخلص مذاااكره وابقي اروح اغسلهم..
أسر
هو انتي لسه هتذاكري تاني؟..
شهد
ااه انا مش فاكره حاجه من الحاجات المتراكمه عليا دي خالص..
أسر
مش مهم لمي بس الكتب دي عشان عايز اناام..
شهد
حاضر وهطلع اكمل مذاكره بره...
أسر بضيق
كفاايه مذاكره يا شهد مش وقته انا اهمم..
شهد بحده
هو انت حتي في دي كمان هتغير منها وتقولي انا اهم من المذاكره...
أسر
انتي بتزعقي ليه دلوقتي انا غلطان خدي كتبك دي يلا وبره..
شهد
انت بتطردني..
أسر
ايوه وخلي المذاااكره تنفعك..
ردت عليه شهد وهي بتلم كتبها وقالت
مااشي وايوه هتنفعني وابقي نام. هنا لوحدك. بقي لاخر العمر..
_وسابته وطلعت فعلا ورزعت الباب وراها وهو قال بعصبيه وغيظ..
أسر
لو الباب ده اترزع تاني هاجي اكسر دماغك..
وتابع بغيظ وهو بينام علي السرير
ادي اخرة اللي يتجوز طالبه.
وقفل النور وفي الوقت ده قالت هي من بره بصوت عالي
أســـــــــر انا هكلم شريف عشان في مسأله مش عارفه افهمها هخليه يشرحهالي..
قام تاني بسرعه وقال
ده انتي يوم اللي جابك انتي واللي مسكك موبيلات اسود يا شهد...
طلع بره الاوضه وقالها بحده
هتكلمي مين ياروح امك.....
شهد ببرود
شيري..
أسر
انتي قولتي شريف؟.
شهد بخبث
لا انا قولت شيري انت اللي سمعت غلط..
أسر
اممم طيب يا شهد ماااشي كلميها قدااامي...
شهد
لا ما انا خلاص شكلي كده هفهمها لوحدي..
أسر قرب منها بخبث وقال
انتي بتلعبي بأعصااابي يا شهد؟..
شهد كتمت ضحكتها وقالت
انا لا طبعا...
أسر بخبث
طيب والله ما. في مذاااكره النهارده ولو اعتراضتي مش هيبقي في امتحان بكره كمان..
شهد بغيظ.
علي فكره ده. ظلم..
أسر بضحكه مستفزه
ايوه. انا راااجل مفتري وظااالم...
شهد بحزن
يا أسر انا كده ممكن اسقط في اول سنه..
أسر
مش مهم كفايه انك ناجحه معايا..
ابتسمت غصب عنها وقالت
طيب اذاكر اخر محاضره طيب..
شال الكتب وقعد جنبيها وقال
قولت لااا انا اهمم وبعد كده تخلصي مذاكرتك دي قبل ما انا اجي تمام..
شهد بخبث
تمام بس بشرط..
أسر
لا هو تمام غصب عنك انا ما حدش يتشرط عليا..
شهد
وانا ما حدش يغصب عليا حاجه وانت عارف...
أسر ابتسم بهدوء وقال
ايه الشرط يا شهد؟..
شهد
تبدأ تصلي..
بصلها بتفاجئ وقال
انا اصلي؟!..
شهد
ايوه فيها ايه لما انت تبدأ تصلي انت مش مسلم والنبي صلى الله عليه وسلم قال: «أول ما يحاسب به العبد يوم القيامة يحاسب بصلاته فإن صلحت فقد أفلح وأنجح وإن فسدت فقد خاب وخسر صدق رسول الله صلي الله عليه وسلم، انت شايف بابا برغم قسوته وانه مش حنين كفايه عليا وعلي اخواتي بس كان اكتر حاجه مصمم عليها اننا نحافظ عليها هي الصلاه وسمعته في مره قال لماما وانا صغيره لو شهد ما صلتش ما تديهاش مصروف، انا كده بحميها وبخليها تحافظ علي نفسها من الشيطان، وفعلا اللي بيصلي بيكون الشيطان بعيد عنه بدرجه كبيره وزي ما بنقول بعني بتكون احتمالية وقوعه في المعاصي قليله جداً..
أسر ابتسم بهدوء وقال
تمام هصلي بس بصراحه انا ما بعرفش اصلي ازاي..
شهد بحماس
بسيطه يا اسطا اعلمك..
باسها من خدها وقال بحب
قلب الاسطا والله، ازاي قادره تخليني اعشق كل يوم اكتر من اللي قبله..
شهد ابتسمت بهدوء وقالت
سر المهنه، يلا بقي هنبدأ اول حاجه بالوضوء..
أسر بهدوء
تمام نبدأ..
_وفعلا بدأ أسر يصلي لاول مره بنصائح وتعليمات شهد ❤❤❤🌺
ــــــــــ #بقلم_الكاتبه_رحاب_القاضي ــــــــ
_ وتاني يوم الصبح في شقة سعيد، جهزت نسمه الفطار علي السفره وقالت بصوت عالي..
نسمه
يا سعيييد يلا يا حبيبي انا جهزت الفطار..
طلع سعيد من اوضته وقال
لا انا متأخر يا نسمه وهفطر في الشغل
نسمه
نعم؟! شغل ايه ده انا اول مره اعملك فطار حلو في حياتي وانت تقولي هفطر في الشغل اقعد يالااا..
سعيد
ياللا في عينك وبعدين في بضااعه جايه المحل وفي فلوس هتدفع كتيره ولازم انا اللي ابقي واقف
نسمه
لا ماليش دعوه افطر الاول ده اول مره الفطار يظبط معايا..
سعيد بغيظ
يا نسمه والله متأخر..
نسمه بحزن
رووح يا سعيد ما انا عارفه حظي انت شغلك اهمم مني..
قعد سعيد علي السفره وقال
لا وعلي ايه خليني قااعد جنبك لحد مش هنلاقي الفطار ده بعد كده
نسمه ابتسمت وقالت
بعد الشر يا حبيبي ربنا يكرمك اكتر واكتر، افطر انت بسرعه لحد. ما اكون عملتلك كوباية الشااي..
ودخلت بسرعه المطبخ وعملتله الشاي واول ما طلعت لقيته قايم فقالت..
نسمه
عملت الشااي اهو اشربه وانزل..
سعيد
بالهنا والشفا ليكي انتي، انا لازم انزل بقي يا نسمه معلش..
نسمه بهدوء
خلاص ربنا معاك وابقي اطلع اتغدي ما تاكولش تحت..
سعيد وهو طالع
حااضر يا نسمه..
_ونزل سعيد وهي قعدت تكمل فطارها لحد ما جات رساله علي موبيلها، توقعت حد من صحابها بس اول ما مسكت الفون بتاعها وفتحت الرساله اتصدمت لما لقيتها رساله من رقم غريب باعتلها صورتها وهاني خطيبها القديم حاضنها في الشارع، وافتكرت لما كانت رايحه مع حماتها لدكتور العظاام وهو شافها ورخم عليها في الشارع، وقبل ما تسأل عن صاحب الرقم لقيته بيرن عليها، اترددت انها ترد وكانت خايفه جدا، بس فتحت المكالمه وسكتت وجالها صوت هاني اللي قالها..
هاني
مفجأه مش كده يا حبيبتي..
نسمه بدموع وعصبيه
انت عايز مني ايه اقسم بالله لو ما مسحت الصوره دي وبعدت عني لاكون قايله لجوزي..
هاني ضحك وقال
ههههه وانا هخاف منه ابن امه ده، لا يا حبيبتي فوووقي حتي لو قولتيلو انا هقوله وانا مالي هي اللي بترمي نفسها عليا هو انا هحضنها من نفسي في الشارع الا لو كانت فتحالي سكه..
نزلت دموعها وقالت بخوف
انت عايز مني ايه، انا عملتلك ايه عشان تأذيني كده؟..
هاني
هفكر واشوف عايز ايه واقولك بس طول ما بتسمعي كلامي الصوره دي مش هتروح لحد وجوزك هيفضل شايفك الست المحترمه زي ما انتي، انما والله لو اتكلمتي بنص كلمه هخلي فضيحتك في المنطقه كلها مش عند جوزك وبس، يلا سلام عشان عندي شغل..
قال كلامه وقفل وهي فضلت تعيط وقالت
يا نهاااار اسود اعمل ايه بس دلوقتي في المصيبه دي...
ــــــــــ #بقلم_الكاتبه_رحاب_القاضي ــــــــ
_وبعد شويه في المعهد بتاع شهد كانت طالعه من الامتحان هي وشيري اللي قالتلها....
شيري
ده Thank God ان الامتحان كان ساهل النهارده..
شهد
ايوه الحمد لله فعلا انا ما كنتش مذاااكره اصلا..
شيري
تعالي نقعد في الكافيتريا لحد ما يجي شريف..
شهد
بصي انا هقعد معاكي لحد ما هو يجي وبعدين همشي تمام..
شيري
اشمعنا يعني هو دايقك في حااجه؟..
شهد بتوتر
بصي ما تفهمنيش غلط بس أسر بيدايق من كلامي معاه ومع اي حد تاني..
_ابتسمت شيري وهي بتقعد علي الترابيزه في الكافيتريا وقالتلها...
شيري
وافهمك غلط ليه ده عادي اصلا انه يغير عليكي مش انتي مراته، بس هو انا عندي سؤال تاني خالص انتي ليه اتجوزتي وانتي صغيره كده، وكمان متجوزه واحد فارق السن بينكم مش قليل والفارق الاجتماعي كمان بينكم كبير جدا..
شهد بهدوء
والله مش عارفه النصيب ازاي جمعني انا وهو مع بعض بالطريقه دي، تعرفي انا في السنه دي قابلت كمية اشخااص ونااس دخلت حيااتي كتير اووي، وبرضو فقدت الامل في الدنيا دي كتير اووي واللي رجعه ليا هو أسر اللي خلاني اتأكد ان المستحيل ده مش موجود وان ما فيش حاجه بعيده عن ربنا، وكل ما كان الامتحان صعب هيبقي العوض اكبر بكاير من اللي كنت بتخيله او عايزاااه...
شيري
ما فهمتش برضو حاجه انتو اتعرفتو ازاي علي بعض واتجوزتو ازاي؟..
شهد ابتسمت وقالت
الكلبه بتاعته عضتني ومن هنا كانت البدايه..
جه في الوقت ده شريف وقال
بداية ايه وفين رحمه هي ما جاتش النهارده..
شيري بخبث
لا ما جاتش النهارده عشان رحمه في جامعه تانيه مش معانا..
شهد بقلق
انا بكلمها من الصبح اصلا ومش بترد عليا..
شريف بضيق
قعدتكم رخمه من غيرها اصلا انا رايح اقعد مع صحابي..
_قال كلامه ومشي وشهد بصتله بعدم فهم وشيري قالت وهي بتضحك..
شيري
اقسم بالله اخويا ده م.. م الكلمه اللي هي مكشوف اووي..
شهد
تقصدي مفضوووح يا شيري..
شيري
ايوه هي الكلمه دي، هو اصلا في البيت مش بيتكلم غير علي رحمه وكلامها وهزارها مع انه الاول ما كانش سوري يعني بيطيق اجيب سيرتها..
شهد ابتسمت بهدوء وقالت
برغم انها ما بتعملش حاجه غير انها بتهزأه..
شيري
حصل.. المهم انا اللي فهمته من علاقتك بجوزك انك مرتاحه معاه علي عكس ما كنت فاكره الاول ان اهلك باعوكي ليه والجو ده اللي بنشوفه في الافلام...
شهد اتنهدت وقالت
هو انا فعلا مرتاحه بس في خوف برضو جوايا، او يمكن مش متعوده علي الحيااه دي لسه هتأقلم..
شيري
انتي تستاهلي كل خير يا شهد انتي ورحمه بنات كويسين جدا ومن حظي الحلو اني عرفتكم، بقولك ايه كلميها المجنونه دي شوفيها فين..
شهد بقلق
مش من عادتها تختفي كده واكلمها ما تردش عليا..
ــــــــــ #بقلم_الكاتبه_رحاب_القاضي ــــــــ
_في الوقت ده في مول كبير جدا وراقي كان واقف اكرم قداام محل رجالي ومعاه رحمه..
اكرم
المحل ده شكله حلو يلا ندخل...
رحمه
لا لا بلاش ده خلينا نشوف غيره..
اكرم
ليه يا بنتي ما حلو ده؟
رحمه
بس شكله غالي بدل ما ندخل ونتكسف..
اكرم
لا ما اطمني عامل حسابي..
رحمه
بدل ما ندخل ونتهزأ..
اكرم
تاخدي تشيلي انتي الفلوس يا رحمه عشان تطمني في. ايه يا بنتي..
رحمه
انا بعرفك. بس يلا بينا ندخل..
_ودخلو فعلا وبدأ اكرم يختار لنفسه حاجات تنفع لشغله ومسك جاكيت بدله شكله حلو وقالها..
اكرم
ها ايه رئيك؟..
رحمه
حلو بس بلاش حاجات رسميه من رأيي يعني..
اكرم
بالعكس ده انا رايح شركه كبيره وكمان هتدرب عشان امسك منصب مهم فلازم ابقي رسمي شويه..
رحمه
لا مش لازم اني روحت قبل كده لاسر ولقيت ان معظم الموظفين هناك عادي يعني مش لابسين حاجات رسميه، وبرضو انت بتروح بالموتسيكل بتاعك ازاي هتبقي لابس بدله وراكب موتسيكل الكاجول هيبقي لايق عليك اكتر ومش اوفر يبقي حاجات راقيه كده..
اكرم
اقتنعت بلاش بِدل خلينا في الحاجات التانيه، تعالي بقي نختار سوا..
_وبعد شويه كانو طالعين من المحل وهو ماسك شنط كتير في ايده وقال..
اكرم
شوفتي المحل اللي ما كانش عاجبك اهو طلع فيه كل حاجه عايزها..
رحمه
فاضل بقي الجزم والكوتشيات..
اكرم
لا لا دول معايا تمام، تعالي بقي نقعد ونرتاح شويه من اللف والوقفه دي..
_وراحو قعدو في مطعم بسيط في المول ده وطلبلهم اكرم اكل وقال بحماااس..
اكرم
ده نوع البيتزا اللي انتي بتحبيه مش كده؟..
رحمه ابتسمت وقالت
ايوه هو شكرا..
اكرم
العفو علي ايه ده انا اللي شكراً وجداً كمان انك وافقتي تساعديني، بصراحه انا بعد موت كوثر وبقيت بعمل حاجات كتير لوحدي حشيت فعلا اني يتيم وماليش حد بعدها، والنهارده وجودك خلاني ما احسش كده شويه..
رحمه بتوتر
اا هو انت صعبت عليا عشان كده يعني جيت معاك والا يعني ما كنتش هاجي..
اكرم بغيظ.
بزمتك انتي قصدك تقولي كده ولا انتي بتقولي اللي بيجي علي لسانك وخلاص.
رحمه ابتمست وقالت
ما هو انا ما لقيتش رد ارد بيه عليك فقولت كده وخلاص..
أكرم
تعرفي. انك بالنسبالي بنت ما فيهاااش اي عيب، الا لساانك محتاج يطلع كده وينفض ونرجعهولك تاني يمكن تخفي دبش..
رحمه بغيظ
عجبااني انا علي كده مالكش دعوه..
اكرم
ما هو المشكله انه عاجبني انا كمان..
_اتوترت بخجل ووشها قلب احمر وتصنعت انها مهتميه بالاكل، لحد ما موبيلها رن برقم باباها، فاتحول توترها وكسوفها لخوف وضيق.
اكرم
لو عايزه تقومي تردي بعيد ما فيش مشكله..
قامت واخدت شنطتها وقالت
لا انا همشي..
اكرم
هتمشي ليه انتي لسه ما اكلتيش حاااجه..
رحمه بضيق
ماليش نفس بعد اذنك..
_قالت كلامها ومشيت، وهو دفع الحسااب وراااح وراها بسرعه وقالها..
اكرم
يا رحمه استني في ايه حصل بس دايقك كده..
وقفت وبصتله بحزن وقالت
انا ايه اللي خلاني اجي معاك هنا، بابا لما كلمني دلوقتي انا خوفت عشان بعمل حاجه غلط، ما احنا كنا قطعنا التواصل ده انت ايه اللي رجعك تاني..
اكرم بهدوء
ما انا ما عرفتش ابعد بصراحه، رحمه انتي البنت الوحيده اللي دخلت حياتي وفكرت فيها واعجبت بيها وفي الاخر حبيتها، هو ده اللي خلاني ظهرت تاني وجيتلك عند بيت اهلك لما ابوكي لعب ملاكمه في وشي..
اتوترت رحمه وردت عليه وقالت
اا انت فجأتني علي فكره انا توقعت يعني مش هيكون كده بسرعه..
اكرم ابتسم وقال
وانا ما كنتش هقول كده دلوقتي، بس انا مش عايزك تبعدي تاني..
رحمه بهدوء
بص يا اكرم انت قولت اللي عندك بس انا ما اقدرش ارد عليك زيك بجرأتك كده..
اكرم
مش فاهم؟..
رحمه
يعني لو عايز تسمع رد لكلامك ده انت عارف عنوان بيت اهلي كويس، قول الكلام ده قدامهم وانا هرد عليك وقتها، لكن انا لا هقابلك ولا هتكلم معاك تاني من ورااهم هما ما يستاهلوش مني كده..
اكرم بضيق
انتي عارفه عشان اقول كده قداام اهلك انا لازم يبقي عندي شغل كويس وده موجود تمام، بس انا قاعد في اوضه علي السطوح ومش بتاعتي دي ايجار، واللي اوحش من كده انا ما عنديش اهل يا رحمه، يعني يوم ما هاجي اتقدملك انا هاجي بطولي ماليش حد حرفياً لا عيله ولا نسب ولا اصل ولا اي حااجه فالموضوع مش ساهل.
ردت عليه بحزن وقالت
ومدام كده بقي ما كنش ليه لازمه انك تفتحه من الاول الموضوع ده..
_قالت كلامها وسابته ومشيت وهو فضل واقف وبصلها بحزن وندم انه اعتىف بمشاعره ليها بسرعه كده..
ــــــــــ #بقلم_الكاتبه_رحاب_القاضي ــــــــ
_وبعد شويه في شركة الفيومي كان أسر قاعد علي مكتب باباه القديم ومكتبه حالياً وقدامه فؤاد. اللي قاله بهدوء..
فؤاد.
من. النهارده انت المسؤل عن كل حاجه انا ماليش شغل هنا تاني انت رئيس مجلس الاداره والمسؤل عن. كل حااجه وهاله قالت انها هتعملك توكيل عااام وانتو حرين مع بعض بقي..
أسر
طيب ما تخليك هنا انا لسه برضو مش زيك..
فؤاد
ومش هتبقي مدير ناجح غير لما تتحط في موقف تتحمل فيه المسؤليه لوحدك، القرار الاول هيبقي ليك انت بعد كده يعني تفكر مليون مره في الدقيقه قبل ما تقرر بسرعه، وبلاش تبص علي المكسب قبل ما تشوف الخساره ممكن تبقي ازاي، وبعدين انا واثق فيك انت دماغك مش ساهله برضو..
أسر
خير ان شاء الله بس انا كنت افضل برضو انك. تبقي هنا معايا حتي لو من بعيد وهاله تعملك انت توكيل مش انا..
فؤاد
ما انا كده كده هتابعك بس ده حقك انت وشغلك انت لازم انت اللي تتحمل مسؤليته..
مسك. أسر موبيله اللي بيرن وقال بابتسامه بسيطه
دقيقه هرد علي شهد وهكون معاك..
ورد عليها بسرعه وقال
ايه. يا قلبي خلصتي محاضرات؟..
شهد
ايوه ورايحه عند بيت اهلي اخواتي وماما وحشوني اووي..
أسر
ماشي هبقي اجي اخدك بالليل اتفقنا..
شهد بضيق
لا انا هاجي لوحدي ما تجيش..
أسر
يا ستي انا كمان عايز اجي اسلم علي حمايا وحماتي واخوات مراتي فيها حاجه دي..
شهد بحزن
ما انت عارف بابا هيعمل ايه..
أسر بص لفؤاد وقال
عادي انا بعرف اتعامل واحنا اهل خلاص ولا ايه..
شهد
ماشي وشيري هتوصلني وهخلي السواق يمشي.
أسر بجمود
لا..
شهد
هو ايه اللي لا يعني اركب مع السواق الراجل عادي وما اركبش مع شيري اللي زيي زيها..
أسر
انتي مش قولتيلي ان شيري بتروح وتيجي مع اخوها..
ضحكت شهد بهدوء وقالت
هههههه قول كده بقي، وبعدين لو شريف معاها انا مش هروح معاهم اكيد وعلي فكره انا بحترمك في غياابك قبل وجودك والنهارده والله هو جه كلم شيري قدامي ومشي وما شوفتوش تاني..
أسر بهدوء
خلاص ماااشي وخلي بالك من نفسك..
شهد
حاضر مع السلامه..
قفلت معاه وفؤاد قاله بخبث
ده الحب عامل عمايله بجد بقي..
أسر
يعني هو حلال ليكم وحرااام عليا، هو ده أذان العصر انت هتروح تصلي صح؟..
فؤاد
ايوه في المسجد اللي جنب الشركه هنا ابوك الله يرحمه كان اوقات كتير بيصلي بالموظفين اللي بيروحو يصلو، وفي مره عمل مكفأه اخلاقيه لـ اللي كانو بيصلو بعدها بقي الموظفين كلهم بيصلو معاه في المسجد..
وضحك بشماته وكمل كلامه
ههههه وكمان كانت النااس تقول ازاي الراجل المحترم ده ربنا مبتليه بابن صايع وضال زيك..
بصله أسر بغيظ وقال
طيب يا خفيف هروح اصلي معاك..
فؤاد بصدمه
بتهزر؟!...
أسر
واهزر معاك كده ليه، انا هروح اصلي معاك..
فؤاد
تصلي ايه يا أسر ده انت حافظ الفاتحه بالعافيه..
أسر
ما تأفورش انا كنت في حاجات كتير حافظها في القرآن لما كنت صغير وبحفظ. مع ماما الله يرحمها ولما شهد قرأتها قدامي امبارح افتكرتها وكمان علمتني الوضوء والصلاه..
ابتسم فؤاد وقال
بقي شهد عملت فيك كل ده، نجحت في اللي انا وابوك ما قدرناااش نعمله، انا نفسي بجد ان عمي كان يبقي عايش ويشوف شهد كان هيحبها جداً..
أسر بأبتسامه واسعه
الحمد لله ان الله يرحمه انا ما حدش يحب مرااتي غيري..
فؤاد بخبث
لا علي فكره احنا كلنا بنحبها، وخد الكبيره هي كمان بتحبنا..
أسر بغيظ
هو انت في حد قالك ان دمك خفيف قبل كده عشان كده سايق فيها..
فؤاد
ااه اختك علي طول بتقول كده..
أسر
ما انا طول عمري بقول عليها ما بتفهمش، قوم خلينا نروح نصلي وارجع اشوف شغلي..
فؤاد
سبحااااانه اتغيرت اوووي يا أسر وياريت تفضل كده..
أسر بجديه
مدام شهد معايا يبقي هفضل كده..
ــــــــــ #بقلم_الكاتبه_رحاب_القاضي ــــــــ
_وبالليل في شقة سعيد كانت قااعده نسمه بتعيط وخايفه من اللي ممكن يعمله المدعو خطيبها القديم فيها، وجواها خوف اكبر انها تقول لسعيد وما يصدقهاااش، وفي الوقت ده الباب خبط فمسحت دموعها ورااحت لبست الحجااب بتاعها وفتحت الباب وكانت ام محمد قدامها واقفه مبتسمه بهدوء وقالت..
ام محمد
الواد سعيد اتأخر عليكي مش كده، كريم ابن محمد قالي انه رااح مشوار مهم مع محمد، فقولت اجي اقعد معاكي شويه..
نسمه
اتفضلي يا طنط تنوري..
دخلت ام محمد وقعدت في الصاله ونسمه قالتلها
تشربي ايه يا طنط ولا اجهز عشا وناكل سوا..
ام محمد
لا لا استني جوزك عشان ما بيحبش ياااكل لوحده، اعمليلي شوية شاي بس..
نسمه
حااضر من عينيا..
_دخلت نسمه المطبخ وفي الوقت ده قامت ام محمد بسرعه ودخلت اوضتها وحطت البوم صور صغير في الدولاب وسط هدوم نسمه وطلعت قعدت في الصاله، وبعد شويه طلعت نسمه من المطبخ وقالت..
نسمه
جيبتلك كيكه عملاها ماما يا طنط وجيبالي منها هتعجبك اووي..
ام محمد
تسلم ايدك. يا بنتي بس انا الحلويات بتتعبني، زي ما بيقولو كده ما فيش حلويااات تاكل حلوياات هههههههه..
نسمه ابتسمت بمجامله وقالت
معاكي حق يا طنط طيب اشربي الشاي..
ام محمد
حاضر يا نسمه، اسكتي ده انا رجلي وجعااني اووي مش قادره اتحرك خااالص..
نسمه
الف سلامه عليكي يا طنط، طيب ما تغيري الدكتور ده وروحي لدكتور تاني..
ام محمد بحزن
منين بس انا محمد بيديني قرشين كل كام يوم بتسند بيهم في المصاريف واللي كان بيصرف عليا ومش مخليني ناقصني حاجه سعيد وخلاص بقي مقاطعني..
نسمه
لا لا ما تقوليش كده، والله سعيد ومحمد بيحبوكي جدا..
ام. محمد بخبث
طيب امانه عليكي ما تكلمي سعيد لما يرجع ينزل يطمن عليا بالله عليكي..
نسمه
من عينيا حاضر ده كمان قبل ما يدوق لقمه حتي هخليه ينزلك..
ام محمد
تسلمي يا حبيبتي ويتردلك في عيالك ان شاء الله، قوليلي ما فيش حاجه كده في السكه نفرح بيها..
نسمه بهدوء
ان. شاء الله خير يا. طنط. لو في هقولكم. من. غير ما تسألو طبعاً..
بصتلها ام محمد بخبث وقالت
ان شاء الله يا حبيبتي..
_وبعد شويه مشيت ام. محمد وطلع سعيد شقته وكانت نسمه قااعده مدايقه وهو قالها..
سعيد
نسمه.. نسمه..
نسمه بأنتبااه
ايوه يا سعيد في حاجه ولا ايه؟..
سعيد
ما فيش حااجه انتي قاعده سرحانه اووي كده في ايه ده انتي حتي مش مشغله التلفزيون زي العاده..
نسمه
ماليش نفس اتفرج عليه وكنت قاعده عادي..
سعيد
طيب انا هدخل اخد دوش وانتي جهزيلي العشا عشاان جعان اووي ولا اطلب اكل من بره لو ما كنتيش عامله عشا يعني.
نسمه
نعمه عامله اكل وجيبااه هجهزلك بس الاول انزل لامك يا سعيد..
سعيد
مالها امي؟..
نسمه
تعباانه ورجلها وجعاها وماشيه بالعافيه ومش معاها فلوس تروح لدكتور..
سعيد ضحك بسخريه وقال
مين اللي مش معاها فلوس يا نسمه، امي معاها دهب بس يطلعله بنص مليون دلوقتي لوحده ده غير الفلوس اللي اخدتها من ورث جدتي وما حدش يعرف هي شيلاها فين..
نسمه
وانت مالك انت بكل ده، هي امك برضو وليها حق عليك انت واخوك..
سعيد
عارف وانا ومحمد مش مقصرين معاها في حاجه معاش ابويا بتاخده وما حدش بيسألها عليه وكل اسبوع انا ومحمد بنديها فلوس تكفي بيت بحاله من نفر واحد..
نسمه
يمكن هي قالت كده عشان تروح انت تطمن عليها وتصالحها، عشان خاطر ربنا يا سعيد انزل اطمن عليها..
سعيد
خلاص يا نسمه بكره هبقي اعدي عليها قبل ما اروح الشغل..
نسمه
لا دلوقتي انا وعدتها انك هتنزل عندها دلوقتي..
سعيد
وعدتيها امتي؟..
نسمه
ما هي جات قعدت معايا شويه النهارده وقعدت معايا..
سعيد
والله انا بسمع دلوقتي كلام من العجايب، بس مش هزعلك وهنزل اطمن عليها، وانتي جهزيلي العشا..
نسمه
حاضر يا حبيبي من عينيا الاتنين..
_ونزل فعلا سعيد ورااح لامه ونسمه دخلت المطبخ تجهز العشا، وفي الوقت ده الباب خبط فتوقعته سعيد انه رجع بسرعه ونسي المفتاح فراحت فتحت من غير ما تلبس حجابها واتصدمت اول ما لقيت قداامها هاني اللي قالها..
هاني
ايه رئيك في المفجأه دي..
نسمه بحده
يا نهار ابوك اسود انت بتعمل ايه هنا، اتنيل امشي لو جوزي شاافك هتبقي مصيبه..
هاني
وحشتيني وجيت اشوفك واقولك علي اللي عايزه بالمره اصلي ما بحبش كلام الموبيلات..
نسمه بصت علي السلم بخوف وقالت
اخلص عايز ايه؟..
هاني
50الف جنيه..
نسمه بعصبيه
جاتك خمسين الف عفريت، انا اجيبلك مبلغ زي ده منين انت بتستهبل واقولك علي حاااجه اللي عندك اعمله...
هاني
لا عندي كتير يا نسمه وقدامك يومين لو الفلوس ما جاتش اقسم بالله لاكون قايل لجوزك حااجات ما حصلتش بس انا هخليه يصدقها ومعايا اكتر من دليل..
_قال كلامه وسابها ونزل واول ما عدي من قدااام شقة ام محمد لقاها واقفه علي الباب وقالتله بصوت واطي..
ام محمد
هاا عملت ايه؟..
هاني
زي ما قولتي بالظبط..
ام محمد
طيب انزل انت ولو جه وسألك تقول زي ما قولتلك..
هاني
تمام انا قولتلها علي الفلوس هتجيبهم هاخدهم..
ام. محمد
امشي من وشي مش وقته الكلام ده..
ودخلت وقفلت الباب وقالت
الواد هاني خطيب مراتك القديم. كان بيعمل ايه فوق يا سعيد؟..
سعيد
نعم؟! وايه اللي هيجيب الواد ده بيتنا ده انا حتي ماليش كلام معاه ولا محمد برضو..
ام محمد
انت بتقول ايه يا واد، ده الواد هاني من العشا هما يجيله كده ليه ساعتين وانا افتكرك فوق.
سعيد
يا اما انا لسه نازل من فوووق وما حدش كان فووق، تلاقي الواد ده جاي لمحمد..
ام محمد
الله واعلم بقي، المهم انا خلاص مش زعلانه منك واللي تعوزه بعد كده تعالي وانا عينيا ليك..
سعيد
عايزك طيبه يا اما المهم رجلك عامله ايه؟
ام محمد
مالها رجلي ما هي زي الفل اهو وكنت لسه جايه من عند الدكتور النهارده..
سعيد
اومال البت نسمه بتقولي انك طلعتي عندها ورجلك وجعاكي،شكلها بتقول كده عشان اصالحك..
ام محمد
يمكن انا لا شوفت مراتك ليا كام يوم ولا حتي لسااني خاطب لسااانها..
_سكت سعيد وافتكر كلام نسمه وتصميمها انه ينزل لامه وبعدها بشويه نزل هاني من فوق،فسلم علي امه وطلع فوق وكانت نسمه بتحط الاكل علي السفره وهو دخل وبصلها بحده وقال..
سعيد
الواد هاني بتاع الموبيلات كان بيعمل ايه هنا؟..
_اتنفضت بخوف لدرجة ان طبق الشربه اتدلق عليها، وهو زاد شكه اكتر وقالها بحده..
سعيد
ما تردي الواد ده كان بيعمل ايه هنا؟....
حاولت تداري توترها وردت عليه وقالت
كك. كان جاي يسأل عليك وانا قولتله انك تحت وهو مشي علي طول..
سعيد بجمود
وده يسأل عليا ليه ما فيش اصلا بيني وبينه حاااجه عشان يجيلي لحد البيت..
نسمه
وانا مالي بقي يا سعيد ما تنزل تسأله، انا هروح اغير هدومي وجايه....
_ودخلت الاوضه وكانت بتطلع هدوم ليها من الدولاب وقال هو بضيق.
سعيد
انا مش. جعان شيلي الاكل..
نسمه
ليه ما انت كنت جااي جعان من شويه..
سعيد بحده
ونفسي اتسدت خلاص ايه اكل بالعافيه يعني..
نسمه
لا خلاص يا سعيد براحتك انا هغير هدومي وهروح اشيل الاكل...
_وفي وسط ما كانت بتطلع هدومها وقع البوم صور صغير بتاع خطوبتها هي وهاني، استغربت وجوده في الدولاب فبسرعه مسكته وخبته وللاسف كان سعيد شافه وقرب منها وقال بجمود
سعيد
ايه ده؟..
_ما ردتش عليه وهو مسكه من ايدها واول ما شاف صورها هي وهاني بصلها بغضب وقال..
سعيد
ايه ده بقي انا اللي جيبته كمان..
نسمه
والله ما اعرفش ايه اللي جابه هنا، يمكن كان في الكراكيب وو..
مسكها من دراعها جامد وقال بحده
كان في الكراكيب ايه اللي جابه في الدولاب، ولا حضرتك محتفظه بذكريااتك الحلوه مع حبيبك القديم..
اتملت عيونها دموع وقالت
والله العظيم ما في حاجه من كلامك ده، انا ما اعرفش ايه اللي جاب الزفت ده في الدولاب، وبعدين يا سعيد هو انت هكدب عليك ليه يعني..
سعيد بضيق
مااشي يا نسمه...
_وسابها ودخل الحمام ورزع الباب ورااه وهي نزلت دموعها بحزن وخوف، ومسكت موبيلها وبعتت للرقم بتاع هاني اللي كلمها منه قبل كده..
نسمه
"سعيد شاافك وانت عندي وانا قولتله انك جيت تسأل عليه عشان لو سألك، ومش عايزه اشووف وشك عندي تاني"..
شااف هو رسالتها ورد عليها وقال
" اطمني يا قلبي انا مش هعمل حاجه تضرك "..
_بصت للرسالته بأشمئزاز وقفلت الفون، وسعيط طلع بعد شويه من الحمام ونام علي طول من غير ما يكلمها، بس هي قالتله بهدوء..
نسمه
يا سعيد انت هتنام..
رد. عليها بجمود وقال
عايزه ايه يا نسمه؟
نسمه بحزن
كنت بفكرك بس اني عايزه المبلغ اللي قولتلك عليه عشان اقدم علي الشغل..
سعيد قعد وقالها
عايزه كااام؟..
نسمه
20 الف..
سعيد
كل ده عشان حتت وظيفه، لا خليكي قاعده في البيت احسن..
نسمه بقلق
يا سعيد انت وعدتني..
سعيد
طيب هشووف يا نسمه وبطلي كلام انا طول النهار تعبااان وعايز انااام..
نسمه بدموع
نام يا سعيد تصبح علي خير..
_ما ردش عليها ونام وهي قفلت النور بتاع الاوضه ونامت جنبيه وبصتله وهو مدبها ضهره ودموعها نزلت بحزن علي الوضع اللي فيه والخوف اللي حاسه بيه، وقالت لنفسها بحزن..
نسمه
يااارب ده انا مصدقت ان حياتي بقيت كويسه معاه وامه بقيت بتحبني، وانا كمان حبيته والله ومش عايزه مشاكل تاني بينا ولا تحصل حاجه تبعده عني...
ــــــــــ #بقلم_الكاتبه_رحاب_القاضي ــــــــ
_وتحت بيت شهد كانت قااعده ملك اختها الصغيره في المحل بتاع ابوها، ووقف أسر بعربيته قدامه واول ما نزل من العربيه هي بصتله وقالت بحمااس..
ملك
يا أسر.. يا جوز اختي..
بصلها أسر بهدوء وقال
نعم يا ااا..
ملك
اسمي ملك احفظه بقي...
ابتسم بهدوء وقال
حاضر هحفظه بس انتي واخواتك كتير فبنسي..
ملك
الله واكبر انت هتقر علينا، المهم انا عايزه اركب العربيه دي..
أسر
حاضر هبقي اخليكي تركبيها، المهم ابوكي فين؟..
ملك
رااح المستشفي مع ماما عشان يكشفو لنور اختي..
أسر
مالها نور اختك؟..
ملك
بيقولو عندها برد، بس شهد فوق..
أسر
طيب انا هطلع عندها...
ملك
هتخليني اركب العربيه امتي؟..
أسر
اا انتي عندك مدرسه صح؟..
ملك
ايوه انا في اولي اعدادي..
أسر
تمام اجازتك امتي بقي؟..
ملك
يوم الجمعه..
أسر
خلاص يوم الجمعه هاجي اخدك انا وشهد بالعربيه والففك مصر كلها بيها..
ملك ابتسمت بسعاده وقالت
بجد انت ما بتضحكش عليا....
أسر
لا ما بضحكش عليكي..
مسكت ملك شوكلاته من قدامها وقالت
خد طيب الشوكلاته دي عشان بتسمع كلامي..
أسر ضحك بهدوء وقال
شكرا يا ملك بكام بقي؟..
ملك
لا انا هدفع تمنها من مصروفي..
أسر
تمام يا باشا انا هطلع فوق بقي وانتي لما يجي ابوكي تعالي..
ملك
حاضر..
_طلع أسر فوق لبيت شهد وهو مبتسم من كلام ملك وعفويتها معاه، واول ما وصل قدام شقتهم خبط علي الباب وفتحتله ساره اخت شهد الصغيره وقالت..
ساره
نعم..
أسر
انتي نمره كام بقي؟..
ساره
يعني ايه؟..
_ابتسم أسر بهدوء علي طريقة كلامها اللي شبه شهد جداً وكمان عيونها الخضرا اللي زيها بالظبط وشبه عيون مامتهم برضو، وقال بهدوء..
أسر
انا عمو أسر يا حبيبتي فين شهد؟..
ساره
بتعمل مكرونه جوه..
أسر
ده انا حماتي بتحبني بقي، ممكن ادخل طيب..
ساره
انت جاي تاخد شهد وتمشي زي كل مره صح؟.
أسر
لا انا جاي اقعد معاكم انا كمان عشان احفظكم، انتي مين فيهم بقي..
ساره
انا ساره..
دخل أسر وقالها
انتي اصغر واحده؟..
ساره
لا اصغر واحده نور، بص شهد الكبيره وبعدها ملك وانا ورودينا اللي قاعده هناك دي ونور....
أسر
طيب شهد فين بقي؟..
شاورتله ساره علي المطبخ وقالت
جوه المطبخ، انا هروح اكمل الكرتون قبل ما بابا يجي يقلب..
_وراحت ساره وقعدت قدااام التلفزيون وهو دخل المطبخ ولقي شهد واقفه فعلاً بتعمل في الاكل وهي لابسه عبايه بيتي بسيطه جداً ورافعه شعرها كله لفوق بطريقه جذاابه، ابتسم بخبث وقرب منها وحضنها وقال....
أسر
انتي ما بتبقيش حلوه كده ليه بقي في بيتنا بدل بجايم تيتا اللي راعي رسمي للبسك في البيت وانتي معايا...
اتنفضت بقوه وبصتله بسرعه وقالت بتفاجئ
انت بتعمل ايه هنا، وحيت امتي مش قولتلي قدامك يجي ساعتين تلاته كده؟.
أسر
ده كان تمويه عشان اجي اتعشي معاكم..
شهد
طيب اوعي طيب اخواتي بره..
قرب منها أسر اكتر وقال
ايوه ساره ورودينا شوفتهم وانا داااخل..
شهد وهي بتحاول تبعده عنها
هو انا بعرفك عليهم، افرض دخلت واحده منهم علينا دلوقتي هيبقي شكلنا وحش اوي..
أسر بخبث
ما تقلقيش هما مش هيقومو من قداام الكرتون لحد ما يجي باباكي ويغيرلها القنااه..
_وكان لسه هيقرب منها اكتر بس في الوقت دخل عندهم صابر وهو بيقول..
صابر
يا اهلا وسهلا يا ابو نسب وو....؟؟...
بعد عنها أسر بسرعه وقال بتوتر
اهلا بيك يا عم صابر...
بصلهم صابر بضيق وقال
عم صابر.... طيب انا بقول تعالي اقعد معايا في الصاله..
_بصت شهد للارض بكسوف واحرااج وأسر كتم ضحكته وقال بتوتر..
أسر
انا بقول كده برضو نقعد في الصاله احسن، اتفضل يا عمي..
طلع صابر وهو مال علي شهد وقاا بصوت واطي
ابقي هاتي العبايه دي معاكي واحنا مروحين..
زاااد كسوفها اكتر وقالت وهي بتضربه علي كتفه بقوه
اطلع يا قليل الادب..
_ورااح قعد مع صابر بره اللي بدوره فضل يحكيله علي ديونه ومشاكله ومصاريف بناته، وأسر بيسمعله بهدوء، وفي الوقت ده موبيله رن برقم غريب فقااام وقال..
أسر
انا هرد بس علي الموبيل في البلكونه وجااي لحضرتك تاني..
صابر
البيت بيتك. يا ابني..
_دخل أسر البلكونه وقفل الباب وراه خوف من شهد لتسمعه وهو بيتكلم وقال بصوت واطي..
أسر
ايوه يا ياسر وصلتله؟..
ياسر
ايوه يا باشا عيب عليك، هو كمان نازل مصر كمان عشر دقايق حالياً في الطياره ومعاه بنت كده جاامده.
أسر
متأكد انه هو يا ياسر؟..
ياسر
ايوه طبعاً متأكد ان هو، وبالاماره صورتهولك وهو في المطار مع المزه وهبعتلك الصور دلوقتي حاباً..
أسر
طيب ابعت الصور وانزل انت كمان مصر عشان محتاجلك..
ياسر
عيني يا كبير انا متشعلق في الطياره اهو وجايلك اصلا..
_قفل أسر في وشه واستني يبعتله الصور، وكانت صدمة عمره اول ما شاف صورة فايز في المطار ونتالي جنبيه، اتعدل في وقفته بسرعه وعمل زووم للصوره علي وش نتالي وقال بأبتسامه واسعه ودموع..
أسر
ايوه هي عايشه ما ماتتش...
_تفتكرو بقي أسر هيعمل ايه، وايه اللي هيحصل بينه وبين شهد بعد ما عرف ان نتالي عايشه؟..
ياشيخنا هوا صحيح أول ليلة
في شهر رجب لايرد فيها الدعاء ؟
ج/
تبدأ أول ليلة من رجب من مغرب الثلاثاء ٣١ ديسمبر حتى فجر الأربعاء ١ يناير
وهي ليلة مُستجاب فيها الدعاء بإذن الله لقول ابن عمر رضي الله تعالى عنهما :
(خَمْسُ لَيَالٍ لا تُرَدُّ فِيهِنَّ الدَّعْوَةُ : أَوَلُ لَيْلَةٍ مِنْ رَجَبٍ، وَلَيْلَةُ النِّصْفِ مِنْ شَعْبَانَ، وَلَيْلَةُ الْجُمُعَةِ، وَلَيْلَةُ الْفِطْرِ، وَلَيْلَةُ النَّحْرِ)
(شهر رجب من الأشهر الحُرُم ، يعنى الذنب فيه أشد حُرمة وأعظم إثمًا وكمان أجر العمل الصالح فيه يُضاعف ) ..
وفي أول ليلة من رجب اللهُم أجبُر خواطرنا وأرزق قلوبنا العوض الجميل عن كل ما فقدناه وقر أعُيننا بما ننتظره منك وقدِّر لنا الخير حيث كان يارب العالمين🤎
محمد عبد العظيم الأزهري
ـــــــــــــــــــــــــــــــــ
لمتابعة باقي الروايه زورو قناتنا علي التليجرام من هناااااااااا
بدل ماتدور وتبحث علي الروايات عمل
متابعه لصفحتنا على فيس بوك هنااااااااااا
الرواية كامله من هناااااااااا،
مجمع الروايات الكامله اضغط هنااااااا
تعليقات
إرسال تعليق
فضلا اترك تعليق من هنا