روايه فى قبضة الفهد الجزء الثاني(عشق الابناء)الفصل 26-27-28 بقلم الكاتبة جنات (حصرية وجديدة في مدونة قصر الروايات)

 روايه فى قبضة الفهد الجزء الثاني(عشق الابناء)الفصل 26-27-28 بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء الثاني(عشق الابناء)الفصل 26-27-28 بقلم الكاتبة جنات (حصرية وجديدة في مدونة قصر الروايات)

روايه فى قبضة الفهد الجزء التانى

﴿عشق الابناء﴾

«« الفصل ٢٦ »»

عدى اسبوع والكل عايشين بسعاده والقلق والخوف اختفو من حياتهم 

واسر اللى بيستنى قرار زينه اللى تقريبا طول الوقت بتتحاشي النظر فى عينيه ومش بيشوفها كتير ولا حتى بيتكلم معاها وفسر ده انها قررت البعد

===================

فى يوم جديد على قصر الفهد ادهم دخل كان الرجاله والشباب قاعدين سواا

ادهم:صباح الجدعنه على اجدع رجاله فيكى يابلد

الكل:صباح الخير

ريان:منورنا ليه من الصبح كدا

ادهم:ايه الكسفه دى وبعدين انت مالك ياض انا جاى لحمايا حبيبي

حسن ضحك:اهلا وسهلا ياسي ادهم

ادهم:انا جاى اخد اسيل ياعمى عشان نشوف الجناح بتاعتنا لو حابه تغير فيه حاجه

ريان:تغيره ليه

ادهم:مش عروسه ولازم تختار ديكور المكان اللى هتعيش فيه يااذكى اخواتك

ريان:اوبااا تصدق راحتك عن بالى خالص 

راكان:يعنى ادهم اللى بيفهم فيكووو

ادهم وهو بيرفع ياقه قميصه:طبعاا اومال ايه

فهد:كل واحد فيكو يشوف عروسته عايزة تغير ايه فى الجناح 

زين:واحنا هنلحق نغير حاجه ده لسه اسبوع على معاد الفرح

كنان بخبث:ممكن نأجل الفرح شويا 

راكان:عادى يعنى

ادهم بصوت عالى:والمصحف مايحصل دانا اعملكو اضراب فى نص القصر هنا

ريان:وانا هنضم ليك يعنى هسيبك لوحدك

كل ده واسر ساكت مش بيدخل معاهم فى الحوار وفهد وحسن ملاحظين ده

كنان:وانت مش ناوى تعمل اضراب معاهم يازين باشا ولا ايه

زين:دول عيال تافهه

ادهم:يعنى انت مش عايز تتجوز من الاخر

ريان بص لفهد:خلاص ياعمى جوزنا احنا وخلى الواد ده يعنس

زين:انت اد الكلام ده

ريان قعد جمب ادهم:اه انا وادهم اده

ادهم زقه:ابعد عنى ياض انا مالى بيك اصلا

ريان:هتبيع اخوك يعنى

ادهم:ولا اعرفك

فهد:يلا كل واحد على شغله ولما ترجعو تشوفو موضوع الجناح ده

الشباب:تمام

ادهم:طب اخد عروستى طيب

حسن:اهى نزلت اهى

اسيل:صباح الخير

الكل:صباح النور

حسن:روحى مع ادهم يااسيل بس خلصو شغلكو الاول وبعد كدا شوفو هتعملو ايه

ادهم:حاضر ياباشا يلا يااسيل

ادهم مسك ايد اسيل وخرجو والشباب قامو عشان يخرجو

فهد:اسر

اسر لف:نعم

فهد:تعالى اقعد عايزك

اسر قعد جمب حسن وقدامه فهد

فهد:مالك يااسر ساكت ليه

اسر:مافيش عادى

حسن:اومال مش بتتكلم معاهم ليه مش معترض على تاجيل الفرح

اسر:ده يرجع لزينه يابابا

فهد:ازاى مش فاهم

اسر:انا كنت وعدت زينه انى لمااقدر اخلصها من خطر فريد انا موافق على اى قرار تاخده

حسن:قرار ايه يااسر

اسر:يانفضل سوا يااطلقها وتعيش حياتها زى ماهيا عايزة

فهد بحده:انت اتجننت يااسر

اسر:كدا احسن ياعمى زينه مش مبسوطه وحضرتك شايف انا مش عارف اتكلم معاها كلمتين على بعض ودايما بتتجاهلنى

فهد بص لحسن ورجع بص لاسر:هى اه حياتكو وانتو احرار بس انا مش هسيبكو تقررو على كيفكوو فاهم يلا ياحسن

فهد وحسن قامو خرجو من القصر واسر فضل قاعد سرحان فاق على صوت زينه هى وجنه وهما نازلين من على السلم

زينه:يابنتى بقي الروايه حلوة جداا

جنه:بقولك ايه احنا اتاخرنا جدااا وانتى مش فارق معاكى غير الروايه

زينه لسه هترد شافت اسر بيبص عليها سكتت

جنه:صباح الخير يااسر

اسر ابتسم:صباح الخير....صباح الخير يازينه

زينه:صباح الخير

اسر:رايحين المستشفى

جنه:اه

اسر:تعالى اوصلكو فى طريقى

اسر خرج وجنه بصت لزينه:والله حرام عليكى اللى بتعمليه فيه

زينه:يلا عشان اتاخرنا

جنه وزينه خرجو وركبو فى العربيه واسر اتحرك بالعربيه

====================

فى الشركه وتحديداا فى مكتب ريان الباب خبط ودخلت جميله:صباح الفل

ريان ابتسم:صباح الحلاوة

جميله دخلت قعدت ومدت ايدها بملف:اتفضل ده الملف بتاع اخر مناقصه

ريان اخده منها وفتحه وركز فيه شويا:انت اللى عملتيه لوحدك 

جميله:اه والله هو كويس ولا عمو فهد ينفخنى

ريان ضحك:ده ١٠/١٠ يابنتى

جميله بفرحه:قول والله

ريان:والله

جميله:دانا اسلمه لعمو فهد وانا مرتاحه بقي

ريان:وحاطه رجل على رجل كمان

جميله ضحكت:لا مش لدرجه دى

ريان:النهارده ابقي اطلعى الجناح عشان تشوفى لو عايزة تغيرى فيه حاجه

جميله:جناحك

ريان:جناحنا ياقمر

جميله:هو انا ماشوفتوش قبل كدا بس اكيد هيكون حلو

ريان:ومتاكده ليه كدا ان ذوقى حلو

جميله:كفايه انك اختارتنى ياقلبي

ريان:فى دى معاكى حق الصراحه بقولك ايه ماتيجى نتغدى سوا ونروح نشوف موضوع الجناح مش انتى خلصتى

جميله:اه خلاص

ريان قام وقف واخد فونه ومفاتيحه:طب يلا

جميله:يلاا

================

فى مكتب ادهم اسيل فتحت ودخلت كان ادهم بيشتغل:ادهم

ادهم بصلها:عيون ادهم

اسيل قعدت على الكرسي:لسه قدامك شغل كتير 

ادهم:هخلص الملف ده وبس ياحبيبتى

اسيل:استناك هنا ولا هعطلك

ادهم بغمزة:انتى تعطلينى براحتك ياقلبي

الباب خبط ودخلت سكرتيرة اللى اسيل بتكرهها لان لبسها ضيق اوفر 

امل السكرتيرة بدلع:مستر ادهم الملف ده محتاج امضا حضرتك

ادهم:هاتى ياامل

ادهم اخد الملف وبيمضيه واسيل بتبصلها بقرف

اسيل:هو حضرتك معرفتيش قرارات مستر فهد الجديده ولا ايه

امل:قرارات ايه

اسيل:اللى لبسهم زى حضرتك كدا هيمشو من الشركه كلها

امل بخوف:انا معرفش 

اسيل:اديكى عرفتى بكرة تيجى باللبس كويس بلاش قرف

ادهم:اتفضلى الملف اهو روحى شوفى شغلك

امل اخدت الملف وخرجت ادهم بص لاسيل اللى لسه عينها على الباب:ارحمى البت شويا كل ماتشوفيها ترعبيها كدا

اسيل:دى بت قليله الادب مفكرة نفسها شغاله فى كباريه مش شركه محترمه ولا حضرتك عجبك لبسها

ادهم بحده:انتى عبيطه يااسيل انا ادهم ولا انتى ناسيه

اسيل:لا مش ناسيه بس البت دى بتعصبنى

ادهم:وبعدين فى حد يبقي مراته قمر كدا ويبص لغيرها ده يبقي حمار

اسيل ضحكت:وحبيبي مش حمار

ادهم ضحك:طب يلا انا خلصت خلينا نمشي 

اسيل:يلا

==================

فى مكتب حسن الباب خبط ودخل اسر

اسر:بابا فاضى نتكلم شويا

حسن:اه يااسر تعالى اقعد

اسر قرب وقعد على الكرسي وسكت شويا

حسن:مالك يااسر

اسر:فى موضوع مهم لازم اتكلم معاك الاول قبل مااقوله للعيله

حسن بقلق:موضوع ايه يااسر

اسر بصله اوى وبدا يقوله

===================

جنه وزينه رجعو من المستشفى دخلو القصر

تماارا:حمدلله على سلامه ياقمرات

جنه وزينه:الله يسلمك ياتوتاا

زينه:انا جعانه جداا ياتوتا

تماراا:اطلعو غيرو يكونو الباقى وصلو وناكل سوااا

شروق ومروة خرجو من المطبخ

شروق:ريان وجميله هيتغدو براا

مروة:واسيل هتتغدى عند ادهم 

تمارا:تمام لما الباقى يوصلو هناكل احنا سوا

البنات طلعو واسر دخل هو وحسن:السلام عليكم

الكل:وعليكو السلام

تمارا:فهد مجاش معاكوو

اسر:بيركن العربيه برا ومعاه زين

مروة:اطلعو يلا غيرو على مانحضر الاكل

اسر:توتا زينه فين

تماارا:فى اوضتها ياسر

اسر:تمام 

اسر طلع وراح على اوضه زينه ولسه هيخبط سمع كلامهم

============

فى اوضه زينه كانت جنه قاعده معاهاا

جنه:وانتى هتروحى القسم بجد

زينه:لا قولت لبابا مش عايزة اروح اشهد لانى بجد مش عايزة اشوفه بعد اللى عمله 

جنه:بجد مش عارفه هو ازاى كان عايز يقرب منك وانتى ازاى مقولتيش لعمو فهد او زين

زينه:انا قولت لماما بصراحه خوفت اقول لبابا او زين

جنه:فريد ده بجد طلع شخص مش طبيعى يعنى عشان كتبتى كتابك على اسر عايزة يقرب منك عشان تبقي ليه هو

زينه:ونبي ياجوجو بلاش نتكلم تانى فى الموضوع ده انا عايزة انسي اليوم ده كله عايزة انسي فريد ذات نفسه

جنه:حاضر ياقلبي يلا غيرى عشان ننزل

اسر سمع كلامهم اتعصب ونزل وخرج من القصر وركب عربيه وساق باقصى سرعه بعد شويا وصل القسم ونزل من عربيه ودخل كان صديق ادهم هناك وقابل اسر 

مراد:ازيك يااسر

اسر بعصبيه:فريد فين

مراد:فريد فى الحبس ليه

اسر:عايز اشوفه

مراد:صعب يااسر انت عارف

اسر بعصبيه:مرااااد بقولك عايز اشوفه 

مراد:طب اهدى هخليك تدخله بس بلاش عصبيه ونبي

اسر:حاضر

اسر مشي مع مراد وصل عند الزنزانه اللى فيها فريد وسماح لوحدهم واسر اول مامراد فتح الباب وشاف فريد انقض عليه زى الاسد اللى بيهجم على فريسته ونزل فيه ضرب بكل قوته ومراد والعساكر كانو بيحاولو يبعدوه عنه وسماح بتصوت خوفا على فريد

مراد خرج بسرعه ورن على ادهم عشان يجى بسرعه ولان فيلا ادهم قريبه من القسم خلال دقايق كان وصل ودخل وبعد اسر عن فريد اللى كان قرب يموت من الضرب واخده وراح على مكتبه

ادهم:انت غبي يااسر ازاى تعمل ايه

اسر بعصبيه:ادهم انا على اخرى 

ادهم:اخرك تقوم تعمل كدا عايزه يموت فى ايدك

اسر قرب من ادهم:انت عارف الحيوان ده عمل ايه حاول يقرب على زينه على مراتى انت فاهم

ادهم:طب اهدى يااسر ياعم ده الواد كان هيموت فى ايدك ده الواحد يخاف منك بعد كدا

اسر ضحك:خاف منى بقي 

ادهم:طب يلا امشي بسببك سبت المزة فى البيت لوحدها

اسر:ماتلم نفسك ياض دى اختى على فكرة

ادهم:ومراتى ياعم يلا هوينا بقي 

اسر:انا ماشي سلام

ادهم:سلام

ادهم خرج من المكتب وبص للعسكرى:هاتو دكتور للواد اللى بيموت جوا ده

العسكرى:امرك ياباشا

===================

فى القصر الكل متجمعين فى الريسبشن بيخططو للفرح دخل اسر

مروة:كنت فين ياحبيبي

اسر:مشوار كدا ياست الكل

مروة:طب تعالى احضرلك الاكل

فهد:روحتله مش كدا

اسر بص لفهد:حضرتك قصدك مين

فهد:فريد 

حسن:روحتله ليه يااسر

كنان:احنا سلمناه لادهم وهو هيتصرف معاه

اسر بعصبيه:انا كنت ماسك نفسي بالعافيه بس مقدرتش امسك نفسي اكتر كدا

زينه عينها على اسر وشايفه عصبيته وهى كانت شاكه ان اسر سمع كلامها هى وجنه بعد ماتمارا قالتلها ان اسر كان عايزها وطلع الاوضه عشان يتكلم معاها بس الوقت اتاكدت انه سمع كلامهم وبصت لجنه 

زين:انا كنت عارف ان هدوءك ده مش طبيعى

راكان:حصل خير روح اتغدى وتعالى عشان احنا نخطط للفرح

اسر:فى موضوع تانى عايز اتكلم معاكو فيه

حسن بص لابنه اوى 

اسر بص لفهد:فرع الشركه اللى دبي فيه شويا مشاكل وكنت عايز اطلب منك ياعمى انى اروح امسك الفرع ده

مروة:طب وفرحك يااسر

اسر بص لزينه اللى نزلت وشها فى الارض:ربنا يسهل ياست الكل

مروة بصت لحسن:ربنا يسهل وكل حاجه بس قصدك ايه

فهد:نتكلم بعدين روح اتغدى وارتاح شويا يااسر وبعد كدا نتكلم

اسر:لو سمحت ياعمى لازم نتكلم الوقت انا هطلق زينه وهسافر امسك الفرع اللى فى دبي

الماميز والبنات ماعدا زينه شهقوو 

مروة:انت بتقول ايه يااسر

اسر:ده الصح وكتب كتابنا كان غلط من الاول الناس بتتجوز عشان يعيشو مبسوطين سواا وزينه مش مبسوطه ولا انا هكون مبسوط وانا شايفها كدا 

مروة:بس ياا..

اسر:خلاص ياست الكل الموضوع انتهى هطلع ارتاح لانى هسافر بكرة باذن الله

فهد:انت قررت من نفسك يااسر

اسر:المشاكل اللى فى فرع كتير ياعمى ولازم تتحل فى اسرع وقت هطلع ارتاح تصبحو على خير

الكل:تلاقى الخير

اسر طلع والكل بصو لزينه اوى وهى ماكنتش عارفه تقول ايه وقامت وقفت:عن اذنكوو انا هطلع انام......

روايه فى قبضة الفهد الجزء التانى

﴿عشق الابناء﴾

«« الفصل ٢٧ »»

فى فيلا ادهم 

اسيل وسهام قاعدين سوا بيستنو ادهم اللى خرج

ادهم دخل من باب الفيلا:اسف على التاخير

سهام:كنت فين ياحبيبي

ادهم بص لاسيل:اخوكى ياستى راح القسم ومسك فريد ضربه والواد كان هيموت فى ايده وواحد صاحبي كلمنى عشان اروح اخلصه من ايده

اسيل:نهار اسود ليه كدا

ادهم:بينقم منه بقي بس الحمدلله ان الواد كويس لو كان جراله حاجه كان اسر راح فى كلبوش

سهام:ربنا يحميه يارب

ادهم:يلا ناكل بقي انا ميت من الجوع

اسيل:هحضر الاكل اهو

سهام:هاجى معاكى يااسيل

حضرو الاكل واكلو سوااا وبعد ماخلصو ادهم اخد اسيل وطلع على جناحه اللى اول مرة تدخله

اول مادخلت كان فى ريسبشن صغير وفيه شاشه وبعد كدا دخلت اوضه النوم اللى كان بالوان الاسود والبنى وكان فى شباك ازاز كبير بيخرج على بلكونه كبيرة وفيها زرع كتير وباب للحمام واوضه اللبس

ادهم:ايه رايك ياحبيبتى

اسيل:حلو جدااا بس ممكن سؤال

ادهم:اتفضلى ياقمرى

اسيل:ليه انتو الشباب دايما اوضتكو بتكون الوان غوامق

ادهم ضحك:مانا اكيد مش هعمل اوضتى بينك يااسيل

اسيل ضحكت

ادهم:وبعدين انا جيبك هنا عشان تختارى عايزة تغيرى فيها ايه

اسيل:لا طبعاا مش هغير حاجه هى اصلا عجبانى

ادهم:انتى بتهزرى يااسيل لا طبعاا لازم تختارى ديكور وكل حاجه فى الجناح زى مانتى بتحبي 

اسيل:والله ياادهم حلو جداا وعجبنى ومش حابه اغير اى حاجه بس حاجه واحده

ادهم:ايه هياا

اسيل:عايزة مرجيحه فى البلكونه دى لانى بحبهم جدااا

ادهم:من عيونى ياقلبي احلى مرجيحه لاحلى اسيل فى الدنيا

اسيل ابتسمت:حبيبي يادومى يلا بقي عشان اروح انا اتاخرت جداا كدا

ادهم:يلا ياحبيبتى

===================

جميله وريان رجعو القصر كان الكل قاعدين مكانهم والحزن باين عليهم ومروة اللى بتعيط فى حضن حسن

ريان:فى ايه ياجماعه مالكو

جميله:فى حاجه حصلت انتو ساكتين كدا ليه

مريم:اسر هيطلق زينه وهيسافر دبي

اسيل دخلت من باب القصر وسمعت الكلام:نعـــــم ليه ايه اللى حصل

شروق:منعرفش اى حاجه هو فجاه كدا قال قراره وطلع ينام

ريان بص لفهد:اتكلم معاه حضرتك ياعمو هو بيسمع منك

حسن:اسر خد قراره وجالى مكتبي وقالى وانا حاولت معاه مقدرتش امنعه

زين:يعنى هنسيبه يسافر

اسيل:لا مستحيل يسافر

جنه:بصو بقي من الاخر محدش هيقدر يمنعه غير زينه وبس

اسيل:وهى فين

تمارا:طلعت اوضتها

جميله:هما الاتنين اللى قررو القرار ده سواا

كنان:منعرفش اى حاجه هو رمى القنبله وطلع 

فهد:ملوش لازمه الكلام ده الوقت هو حسم قراره وخلاص

مروة بعدت عن حضن حسن:خلاص يعنى محدش فيكو هيمنعه

حسن:اهدى يامروة

مروة:اهدى ازاى وانا شايفه ابنى بيدمر بسبب الحب وهيسيب البيت والبلد ويبعد عنى

فهد:اسر مش عيل صغير يامروة عشان نضربه ونقوله مش هتسافر وانا شايف اننا لو اتكلمنا معاه بردو مش هيتراجع الوقت اتاخر كل واحد يروح على اوضته يلا

فهد وكنان وراكان وحسن كل واحد طلع مع مراته والشباب وفضل البنات 

جميله:وزينه موافقه على موضوع الطلاق ده

جنه:زينه تايهه مش عارفه هى عايزة ايه وبعد اللى حصلهاا مابقتش عارفه تاخد قرار

اسيل بغضب:بس لازم تختار وانا عارفه انا هعمل ايه

جنه:هتعملى ايه يااسيل اهدى

اسيل:لا مش ههدى اخويا هيسيب البيت ويمشي بسببها وانا مش هوافق على ده

اسيل طلعت بسرعه والبنات طلعو وراهاا

=============

زينه قاعده فى اوضتها بتعيط لانها ماكنتش متخيله ان اسر هيطلقها هى مش عايزاه يبعد عنها وفى نفس الوقت مش قادرة تقرب ولا تاخد خطوة هى من وقت ماعرفت انه بيبحبها وهى كمان مشدودة ليه بس مش قادرة تتخطى موضوع فريد فاقت لما الباب اتفتح بعنف دخل اسيل ووراها جنه وجميله وقفلو الباب عشان محدش يسمعهم

اسيل:بتعيطى مش كدا بعد مادمرتيه وهتبعديه عننا قاعده هنا بتعيطى

زينه:دمرت مين يااسيل انتى بتتكلمى كدا لبه

اسيل:تعرفى كنت لما بشوفك مع فريد واشوف نظرة اسر ليكو كنت بحس قلبي بيقطع من الوجع عليه بس انتى عارفه انتى متستاهليش حب اسر ابداا انتى اللى زيك يستاهل اللى زى فريد

جنه:اسيل انتى بتقولى ايه

زينه كانت بتعيط جامد ومش قادرة تصدق الكلام اللى بتسمعه من اسيل

اسيل:مش بتردى ليه هاااا انا كلامى صح مش كدا

جميله:اسيل بطلى هبل بقي ايه الكلام ده

اسيل:الكلام ده هو الحقيقه انا اخويا بيدمر بسبب حبهاا وفى الاخر عايز يسيبنا ويسافر ويعيش لوحده بعيد عننا 

زينه بعياط:انا والله معرفش انه هيسافر انا عرفت زى زيكووو

اسيل:انتى كدابه انتى فرحانه عشان شايفه واحد بيحبك وهيموت عليكى وحضرتك شايفه نفسك بقي مش كدا

زينه هزت راسها بلا وهى منهارة

جنه شدت اسيل:اسيل اخرسي بقي انتى واعيه لكلامك ده

اسيل عيطت:اه واعيه لكل كلمه انتو ليه مش حاسين بيا ده اخويا التؤام انتو مش قادرين تفهمو انا حاسه بايه 

اسيل قربت من زينه وشاورت على قلبها وكانت منهارة:ده بيوجعنى اوى اخويا هيبعد عنى ونص التانى هيمشي ويسبنى بسببك يازينه انتى ليه مش قادرة تشوفى حبه ليكى ده بيعشقك يازينه والله العظيم بيعشقك 

زينه كانت بتعيط جامد والبنات عيطو على منظرهم

زينه قعدت على السرير وعيطت اكتر وحطت ايديها على وشهاا:والله العظيم وانا كمان بحبه

البنات بصولها بصدمه

زينه:بس مش قادرة اخد خطوة فى علاقتنا ويمكن كنت بتجاهله كتير بس انا مكسوفه منه ده واحد حبنى حب كبير انا كنت بدى حبي لواحد تانى ميستاهلش واسر قالى انى ليا الاختيار اننا نكمل او نطلق وقررت اتكلم معاه انى مش عايزة اتطلق ونكمل سواا بس اتفاجت النهاردة بكلامه زى زيكووو

اسيل بصت للبنات ومسحت دموعها:الله يخربيتك وخلتينى اعمل التمثيليه دى واعيط عشان تتحركى

زينه باستغراب:تمثيليه ايه

جنه قربت من زينه:يعنى انتى بتحبي اسر يازينووو

زينه هزت راسها باه:انا اتاكدت انى حبي لفريد ده ماكنش حب اصلاا وبجد انا حاسه بمشاعر حلوة جداا ناحيه اسر

اسيل:يعنى كل اللى بتقوليه ده وهتسيبى الواد يسافر بكرة 

زينه:المفروض اعمل ايه

جميله:الطم ياربي اتحركى وقوليله امنعيه يسافر

زينه ابتسمت:يعنى لو قولتله مش هيسافر

البنات:اااااه

زينه لسه هتمشي رجعت تانى:يعنى كل اللى عملتيه ده كان تمثيل 

البنات ضحكوو

جنه:اسيل قالت ان دى هى الطريقه الوحيده عشان تتحركى

زينه حضنتهم كلهم:بحبكووو اوى

اسيل:ياختى وفرى الكلمه دى لحد تانى يلااااا

زينه خرجت من الاوضه جرى

جميله افتكرت لبس زينه اللى هو بجامه بلون الوردى وفاردة شعرها:يالهوى البت نست تلبس اسدال

اسيل ضربتها على راسها:ماهو جوزها يامتخلفه

جميله:اه صح

جنه:نجحت مهمتنا يارب تنجح هى كمان

البنات:ياااااااااااارب

الماميز دخلو الاوضه 

(اسيل وهى طالعه على السلم قالت للبنات على الخطه وكانت تمارا خارجه من اوضتها قالتلها واسيل والبنات راحو على اوضه زينه وتمارا راحت نادت على الماميز وقالتهم على الخطه ووقفو يسمعو البنات بيقولو ايه ولما زينه جت تخرج من الاوضه استخبوو بسرعه)

تماارا:لا عجبتنى الخطه الصراحه

اسيل:تربيتك ياتوتااااا

مروة:يعنى كدا ابنى مش هيسافر

شروق:لو زينه اعترفت بحبها اكيد هيلزق جمبها مستحيل يسيبهاا

مريم:يارب ياختى يارب

تمارا:يلا بينا

====================

اسر فى اوضته قاعد على الكنبه بعد ماحضر الشنط ومش مصدق ان خلاص هيخسر حب عمره بعد ماكنت اتكتبت على اسمه الباب خبط وكانت خبطه رقيقه هو استغرب قام يفتح واتفاجأ بزينه اللى تاهه فى جمالهاا هى مش اول مرة يشوفها بشعرهاا بس المرة دى شعرها المفرود وواصل لاخر ضهرهااا وكان شكلها يسحر اى حد

اسر :احم فى حاجه يازينه

زينه بصتله وهزت راسها باه

اسر بعد عن الباب:طب اتفضلى ادخلى

زينه دخلت وبتتفرج على الجناح بتاعه اللى عجبها جدااا واسر ملاحظ ده

زينه لفت وبصت لاسر:الجناح بتاعك حلو جدااا

اسر:شكراا يازينه

زينه:احم يعنى انا مش ناويه اغير فيه اي حاجه

اسر باستغراب:مش فاهم تغيرى ايه

زينه قربت منه ودى اول مرة تكون قريبه اوى جدا منه ورفعت وشها وبصتله:بابا كان بيقول كل واحده فينا تشوف جناح جوزها لو حابه تغير فيه حاجه قبل الفرح وانا بقولك هو عجبنى جداا ومش حابه اغير حاجه فيه

اسر بصلها بصدمه:زينه انتى قولتى جوزى  ومش هتغيرى حاجه فى الجناح قبل الفرح انا سامع صح

زينه غصبن عنها ابتسمت وهزت راسها باه

اسر:يعنى انتى اختارتى نكمل سواا مش كدا

زينه:انا عايزة اقضي الباقى من عمرى كله معاك يااسر  مش عايزاك تطلقنى وتسافر لو انت حابب ده طبعاا

اسر شدها لحضنه ورفعها عن الارض ولف بيهااا:دانا حابب ام ده كمان .... انا مش مصدق نفسي يازينه

زينه:انا اسفه انا كنت غبيه اوى

اسر بعدها عن حضنه:متغلطيش فى حبيبتى لو سمحتى

زينه ضحكت اوى:اسر

اسر:عيون وقلب اسر 

زينه:انا بحبك اوى

اسر اتنهد بقوة:اخيييييرااا يازينه اخيرااا دانا كنت فاقد الامل وكنت حاسس انى هموت من غير مااسمعها منك

زينه:بعد الشر عليك 

اسر حضنها:انا بعشقك يازينوووو

زينه رفعت ايدها وحضنته بقوة هى كمان وفجاه الباب اتفتح والكل دخلو الاوضه الرجاله والماميز والبنات اللى بيزغرطوو والشباب فضلو برا عشان زينه كانت بشعرهاا

زينه بعدت عن اسر وهى هتموت من الكسوف بس اسر شدها لحضنه تانى

والكل كانو فرحانين ليهم والبنات بقت تغنى وتزغرط واسر حاضن زينه مش عايزة يسيبنا ابدااا ........

روايه فى قبضة الفهد الجزء التانى

﴿عشق الابناء﴾

«« الفصل ٢٨ »»

صباح يوم جديد كله سعاده وفرح على قصر الفهد الكل متجمعين ومتحمسين للتحضيرات الفرح

فهد:عملتو ايه فى موضوع الجناح 

زين:لسه جنه هتشوف الجناح لو حابه تغير فيه حاجه

جنه:لا هو عجبنى ومش عايزة اغيره

شروق:وانتى ياجميله هتغيرى حاجه فيه

جميله:لا مش هغير

ريان:انتى شوفتيه اصلا

جميله:اكيد هيكون حلو لانه اختيار شوشو صح

شروق ضحكت:صح

تمارا:تفتكرو هنلحق نخلص كل حاجه فى اسبوع

حسن:ظبطتو انتو قوائم كل حاجه وسبوها علينا

الماميز:تمام

مروة:طب الفساتين والبدل هتعملو فيها ايه 

اسيل:نعمل فيها ايه مش فاهمه

مريم:هتجيبوها جاهزة ولا تفصيل يعنى

جنه:مش هنلحق نفصل فى اسبوع

زين:لو حابين تفصلوو اختارو الشكل وسبوها عليا انا والشباب

زينه بفرحه:بجد

اسر:بجد طبعااا

تمارا:خلاص كل واحده تقعد مع جوزها وتقوله عايزة فستانها ازاى 

جميله:واحنا ناقصنا حاجات كتير لازم ننزل نشتريها 

تمارا:خلاص تبقي تنزلو سوا وتجيبو اللى عايزينه تمام كدا

البنات:تمام اوى

كنان:وتاخدو اجازة الاسبوع ده مافيش نزول الشغل

البنات:حاضر

اسر قام وقف وقرب من زينه ومسك ايدها وهى استغربت واسر بص للكل:هاخد مراتى عشان تقولى على شكل الفستان اللى هى عايزاه 

تمارا ضحكت:خدها ياحبيبي

زين:هو ايه اللى خدها ياحبيبي 

ريان:صح كدا ياخدها فين يعنى

اسر:لا بقولكو انتو الاتنين كل واحد فيكو مقضيها خروجات وكلام مع مراته وانا ماصدقت انها اتكلمت فمحدش ليه دعوة بيا فاهمين 

كلهم ضحكوو

اسر شد زينه وطلع على فوق

كنان بص لشباب:وانتو ايه مش عايزين تعرفو شكل الفستان

ريان:ودى فيها كلام عايز اعرف طبعااا يلا ياجميله

جميله قامت معاها:يلا

زين مسك ايد جنه:يلا 

جنه قامت وكلهم طلعوو

شروق بصت للماميز:واحنا هنلبس ايه بقي

مروة بصت لرجاله:اكيد انتو بدل سودا مافيش كلام

تمارا:ده اكيد يعنى خلينا فينا احنا هنلبس ايه

مريم:تعالو نعمل كل واحده فنجان قهوة ونقعد سواا نتفرج على الفساتين

الماميز:يلا

فهد:يلا احنا على الشركه لازم نخلص كل حاجه قبل معاد الفرح

راكان:ناس هايصه وناس لايصه

حسن ضحك:طب يلا يافالح

كلهم خرجوو

وفضلت اسيل لوحدها:يعنى هفضل انا حزينه كدا لوحدى لما اكلم دومى

اسيل مسكت فونها ورنت على ادهم اللى رد عليها وقالتله على موضوع الفساتين وهو قالها هيجيلها عشان يعرف هى عايزاه ازاى

==================

فى جناح اسر دخل وهو ماسك ايد زينه

زينه:ليه جينا هنا يااسر خلينا نطلع على السطح

اسر:مش واثقه فيا ولا ايه

زينه:انت بتقول ايه يااسر واثقه فيك جداا كمان

اسر:طب تعالى اقعدى يلا وقوليلى نفسك فستان فرحك يبقي شكله ايه

زينه:تعالى اقولك

زينه فضلت تتكلم وتشرح لاسر نفسها الفستان يكون عامل ازاى وهو مستمتع جداا بكل حركه بتعملها 

زينه:بس كدا فهمتنى

اسر:فهمتك جدا طبعاااا

زينه:هتتفق مع مصمم مين

اسر:متقلقيش هنظبط الموضوع انا والشباب 

زينه:اوكى 

زينه بصت لاسر اوى 

اسر:عايزة تقولى ايه يازينه

زينه:عايزه اسالك على حاجه وترد عليا بصراحه

اسر:اتفضلى ياحبيبتى

زينه:انت سمعت كلامى انا وجنه امبارح صح

اسر:كلام ايه

زينه:اســـــــر

اسر ضحك:عيون اسر

زينه:سمعتنا عشان كدا روحت السجن وضربت  فريد صح

اسر بحده:زينه مش عايزة اسمع اسمه على لسانك ماشي

زينه:حاضر مش هنطق اسمه ولا اسم غيره بس رد عليا

اسر:اه يازينه سمعتكو .... انا اصلا كنت ماسك نفسي بالعافيه من انى اقتله بس لما سمعتكو مقدرتش اسكت

زينه:طب افرض كان مات

اسر:مايموت ولا يولع يازينه شاغله نفسك بيه ليه

زينه مسكت ايده:انا مش شاغله نفسي بيه على فكرة انا شاغله نفسي بجوزى حبيبي لانه لو كان مات او حصله حاجه كانو هيحبسوك يااسر

اسر ابتسم:لا متخافيش انا كنت بضربه عارف انه مش هيجراله حاجه

زينه:هنزل اشوف البنات عشان نروح نجيب الحاجات اللى نقصانا

اسر:لا مانتو هتنزلو معانا

زينه:معاكو ازاى يعنى

اسر:كل واحده هتنزل مع جوزها ياحبيبتى

زينه:ومين اللى قال بقي

اسر:انا والشباب عندك اعتراض

زينه:وانا اقدر بردو طب هروح اجهز

اسر:حاضر

====================

على السطح زين قاعد على السور وجنه جمبه

جنه:مش عارفه يعنى قصر طويل عريض ومصمم نقعد هنا ليه

زين ضحك:بحب القاعده هنا وبحبها اكتر وانتى معايا ياجنتى

جنه بصتله:ماشي يازين

زين:هااا بقي نفسك الفستان يكون شكله ايه

جنه:تصدق مش عارفه

زين:ازاى يعنى ياجنه فى بنت متبقاش عارفه عايزة فستان فرحها ازاى

جنه:طب اقولك حاجه يازين

زين:قولى ياقلب زين

جنه:انا هقولك نفسي اكون ازاى وانت اللى تختارلى الفستان اى رايك

زين:جنه ده فستان فرحك وبتختاريه مرة واحده فى العمر وعايزانى انا اللى اختاره

جنه:اه عايزاك انت اللى تختاره ليا وبعدين انا واثقه ان اختيارك هيكون روعه

زين:طيب ياستى نفسك تكونى ازاى

جنه:نفسي اكون برنسس يعنى فستان واسع بديل وتاج زى الاميرات

زين ابتسم:هتكونى احلى عروسه ياجنتى

جنه:طبعاا وهيكون جمبي احلى عريس

زين ضحك:طب يلا اجهزى عشان تنزلو معانا 

جنه:ننزل فين

زين:المول مش عايزين تشترو حاجات 

جنه:مانا هنزل مع البنات

زين:لا كل واحد هينزل مع مراته يلا

جنه:اوكى

====================

فى جناح ريان

جميله:والله الجناح حلو جداا ومش عايزة اغير فيه حاجه ياريان

ريان:طيب سيبك من الجناح فستان فرحك عايزاه ازاى

جميله:لا ده عايز قاعده طويله لانه يطول شرحه

ريان:ليه ياجميله هتلبسي ١٠ فساتين ده هو فستان واحد

جميله:فستان واحد بس بيتلبس مرة واحده فى العمر ياريان باشا

ريان:طب قولى ياقلب ريان باشا

جميله فضلت تتكلم كتير وتشرح نفسها فستانها يكون شكله ايه وريان زهق

ريان:بقالك نص ساعه بتشرحى ياجميله انا زهقت

جميله:مش مهم الاهم فهمتى بقي عايزاه ازاى

ريان:فهمت ياختى روحى البسي يلا عشان نروح المول

جميله:ليه

ريان:عشان تجيبى الحاجات اللى نقصاكى ولو اتكلمتى كلمه زياده هحلف مانتى راحه فى حته

جميله:دانا هجهز فى ثانيه الا ثانيه

==================

اسيل قاعده فى الجنينه دخل ادهم القصر ونزل من عربيته وقرب منها:الجميل سرحان فى ايه

اسيل:فى حبيبي طبعااا

ادهم قعد جمبها:يابخته حبيبك ياقمر انت

اسيل ضحكت:اتاخرت ليه

ادهم:خلصت شويا حاجات فى القسم عشان اخدت الاجازة

اسيل:اجازة من الوقت

ادهم:مش عريس ياجدعان

اسيل:احلى عريس ياناس

ادهم:هااا ياستى اى موضوع الفستان ده بقي

اسيل:الشباب قالو ان احنا البنات نقولكو على شكل الفستان وانتو هتتصرفو مع المصمم

ادهم:وايه الفستان اللى العروسه عايزاه

اسيل:نفسي فى فستان يكون وااااو ياادهم اللى يشوفه يتهبل من جماله

ادهم:هما هيتهبلو اه بس مش من جمال الفستان من جمال العروسه 

اسيل:طب تعالى اقولك نفسي يكون عامل ازاى

ادهم:انا كلى اذان صاغيه

اسيل غمضت عينيها:نفسي يكون ساك

ادهم:سااا ايه ياروح خالتك

اسيل فتحت عينيها:نفسي اكون شبه عروسه البحر ياادهم الله

ادهم:وابقي دوريلى على قرون تليق على الساك اللى الهانم عايزه تلبسه اصلك متجوزة مديحه

اسيل ضحكت:فشر دانا جوزى سيد الرجاله كلها

ادهم:بتثبتينى يعنى

اسيل:حاجه زى كدا تعالى بقي اقولك عايزاه الساك

ادهم:بس تنسي موضوع الساك ده

اسيل هزت راسها وفضلت تشرحله الشكل اللى هى عايزاه وخلصت

ادهم:كل ده يااسيل ده الموضوع طلع صعب اوى

اسيل:ده يوم فى العمر ياادهم

ادهم مسك ايدها وباسها:وهيكون احلى يوم ياروح وقلب ادهم

الشباب والبنات خرجو من القصر سواا

ادهم:على فين العزم ان شاء الله

زين:البنات ناقصهم شويا حاجات عشان الفرح فكل واحد زى الشاطر كدا هياخد مراته عشان تشترى الحاجات دى

ادهم:ومحدش قالى يعنى ولا انا مش عريس زيكو ولا ايه

اسيل:انا معرفش انهم هينزلو معانا اصلا

اسر:اديك عرفت واسيل جاهزة يلا نخرج بقي عشان نخلص ونروح نتعشي سواا

البنات:قشطااا اوى

ريان:طب يلا عشان منتاخرش

كل واحد ركب عربيته مع مراته واتحركو 

====================

بعد شويا كلهم وصلو قدام المول ونزلوو

زينه:يلا يابنات

اسر:يلا على فين

جميله:هنروح نشترى الحاجات اللى نقصانا

ريان:رجلنا على رجلكو ياقمر

اسيل:لا طبعااا احنا هنروح سوا وانتو استنونا فى الكافتيريا

ادهم:انسووو

جنه:يوووه بقي احنا هنشترى حاجات كتير وعايزين نكون سوا

زين:بردو انسو يلا 

كل واحد مسك ايد مراته ومشووو 

بعد وقت طويل البنات اتشترو حاجات كتير واتقابلو كلهم سواا البنات وقفو جمب بعض

اسيل بهمس:جبتو الحاجات اللى تمارا قالت عليها

جنه:مستحيل اجيبها مع زين

جميله:ونبي كل واحده فينا امها هتنفخها لو رجعنا من غيرهم

زينه:طب نعمل ايه

زين:ماتتهمسو فى ايه

جنه:ولا حاجه

اسر:طب يلا هاتو الشنط دى نحطها فى العربيه عشان نكمل

زينه:نكمل ايه

ادهم:لسه حاجات كتير هنجيبها

ريان:وبعدين هو انت هتجيبو واحنا لا ولا ايه

الشباب اخدو الشنط ونزلو يحطوهم فى العربيه

اسيل:تيجو ندخل المحل نجيب بسرعه

زينه:لا طبعاا هيجو وهيشوفنا

جنه:انا من رايى نمشي معاهم ونبقي نيجى مرة تانيه

جميله:انا شايفه كدا بردو

الشباب رجعو بعد شويا:يلا

الشباب اتشترو حاجاتهم وخلصو وراحو اتعشو سوااا ورجعو على القصر 

=================

البنات دخلو وكانو تعبانين وقعدو على كنبه جمب بعض 

الماميز خرجو من المطبخ

مروة:الشباب فين

جنه:راحو يشوفو المصمم

تمارا:اشتريتو كل الحاجه

زينه بتوتر:اه ياتوتا

مروة:كل حاجه كل حاجه

اسيل:بصراحه يعنى

مريم:ايوا احنا عايزين الصراحه

جميله:معرفتاش نشترى الحاجه وهنا معانا

شروق:انا عارفه والله

جنه:نعمل ايه يعنى اتحرجنا

تمارا:اتحرجتو

مروة ضحكت:طب اطلعو ارتاحو شكلكو تعبانين

البنات طلعو كل واحده على اوضتها اخدو شاور وناموووو...

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله الجزء الأول 1من هناااااااااا

الرواية كامله الجزء الثاني 2من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا