رواية مأساة حورية البارت الخامس والثلاثون 35بقلم فريدة احمد (حصريه وجديده في مدونة قصر الروايات)

 رواية مأساة حورية البارت الخامس والثلاثون  35بقلم فريدة احمد (حصريه وجديده في مدونة قصر الروايات)

رواية مأساة حورية البارت الخامس والثلاثون  35بقلم فريدة احمد (حصريه وجديده في مدونة قصر الروايات)

#ماساة_حورية

اخد السكـ ينة من المطبخ وخرج بيها زي المجنون وهو بيقول.... ورحمة ابويا لكون د،، بحها وغاسل عا،، ري بإيدي بت الكـ لب اللي حطت راسنا في الطين دي 

لكن امجد لحقه بسرعة يمنعه وهو بيقول بزعيق.... هتعمل ايييه اتجنننت.. سيب البتاعة دي 

كريم بغضب اعمي مش شايف قدامه قالو بجنون... اختك الفاجرة حطت راسنا في الطين وعاوز يبقي فيا عقل.. قسما بالله لكون د، ابحها وشارب من د،، مها.بنت الكلب  .. ابعد يا امجد

امجد بحدة.... اقف بقولك وهات السكـ ينه.. سيبها قولت 

واخد منه السكينة وهو بيقوله بزعيق.... فيه ايييه. احنا ناقصين مش كفايا اللي حصلنا لحد دلوقتي . امك في المستشفى بتمـ، وت.. اهدي كدا لما نفهم منها الاول و نشوف مين ابن الكلـ ب اللي عمل فيها كدا  

كريم بغضب اعمي... قسما بربي لابد،، بحهم الاتنين 

: كرييييم

قالها زكريا بحدة وهو بيقرب عليه وبيقول... وبعد ما تدب،، حهم هتروح فين مانت هتلبس حبل المشـ نقة..

كريم...البسه وانا غاسل عاري اكرملي من اني اعيش حاطط راسي فالطين 

اتنهد زكريا وقال....راسك مش هتتحط في الطين.انا مش هسمح بكده...بس اهدي كدا عشان نعرف نتصرف من غير ماتودي نفسك في داهية. 

امجد.... احنا معرفناش نربي اختنا ياعمي وادينا بندفع تمن تقصيرنا

زكريا.... لا انتو مقصرتوش 

كريم.... احنا فعلا مقصرناش.. كنا بنشد 

بص لامجد وقال... بس امك كانت بتيجي ترخي واتدلع.. وادي اخرة دلعها.

زكريا... اللي حصل حصل.. المهم دلوقتي لازم نشوف منين الواد اللي غواها 

ودخلو لـ سمر الاوضة اللي كانت بتترعش في حضن مرات عمها اللي كانت محاوطها بتحميها 

: ابعدي عنها 

قالها زكريا لبهيرة مراته بأمر اللي كانت مترددة وخايفة عليها جدا منهم 

وبقلة حيلة بعدت عن سمر اللي كانت ماسكة فيها 

بصتلهم و قالت بترجي ... وحياة النبي براحة عليها 

قرب زكريا علي سمر وقال بهدوء خطر

: مين اللي حملتي منه يابت 

سمر بشهقات... و والله. يا عمي. انا. مـ متجوزة. والله 

كريم قرب عليها.... متجوزه يارووح امك.. متجوزة من ورانا.. مين يابت الخروف اللي غلطتي معاه. انتطقي

سمر ببكاء وشهقات ... و واحد معايا في الجامعة.. اتجوزنا. عرفي.. انا عارفة اني غلطت. اسفة.. والله اسفة 

وهي بتبكي برعب 

امجد... اسمه ايه يابت 

سمر... ع. علي شاكر درغام  

............. 

في بيت اهل نورا 

: هتعملي ايه يانورا.. ناوية علي ايه يابنتي

نورا .... لسه مش عارفة 

كملت بوعيد... بس الاكيد هندمه.. انا مش هسيبهم يتهنو مع بعض وانا قاعدة اعيط جمبك هنا ياما 

مامتها... هتعملي ايه يعني

نورا .... وحياة قهرتي لادمرلهم حياتهم 

بصتلها وقالت.... شوفتي بنت الكلب عملت فيا ايه. فضلت وراه لحد ماخطفته.. اااه يناري

امها...وانا اللي كنت بعاملها زي بنتي.. ماشي ياسهي 

نورا.... وديني لادمرلها حياتها بنت الكلـ. ب وماهسيبها تتهني معاه خطافة الرحالة. اما هو وديني لاندمه

في اللحظة دي دخل ابوها  وهو بيقول

: اسمعي ياروح امك. جوزك كلمني وهييحي عشان ياخدك. تمشي معاه وانتي ساكته.. سامعة عشان مش عاوز عند عالفاضي. كده كده هترجعي 

بصتله نورا بصدمة... يعني ايه يابا. عاوز ترجعني ليه بعد ما اتجوز عليا 

امها... انت بتقول ايه ياراجل.. دا لازم يجي يطلقها. انا بنتي مش هترجعله بعد عملته السودة دي

ابوها.... اتخبلتي ياولية. طلاق ايه. احنا معندناش بنات تتطلق 

اتفاجأؤ الاتنين من رد نورا اللي قالت .. وانا مش هتطلق يابا.. مين قالك اني عايزة اتطلق.. 

كملت بشر وتوعد ... بس مش هرجعله دلوقتي غير لما اربيه الاول. واخليه يطلق اللي ماتتسمي كمان 

..... 

مش البت طلعت متطلقة.. يعني طلعت كداب ياكامل

قالها موسي وهو بيقرب وبيقعد قدام كامل اللي اتفاجأ بيه 

وقال بارتباك... موسي بيه 

موسي... كدبت ليه ياكامل.. مش عيب ياراجل تكدب في سنك ده 

كامل.... ياموسي بيه البنت انا ساعتها مكنتش اعرف انها متطلقة صدقني 

موسي بصله شوية وقال.... هعمل نفسي مصدقك وهعديهالك علشان قلبي طيب  بس.

وقبل ما كامل يتنهد براحة قال موسي.... تجبهالي

كامل... ايه 

موسي...لا انت سمعت. في ظرف يومين تكون جايبهالي

كامل... ياموسي بيه البنت متنفعكش.. اديك قولت متطلقة 

وجنابك يعني مبتتجوزش غير بنت البنوت

موسي.... البت دخلت مزاجي. ...وبعدين هو انت اللي بتشوف اللي ينفعني وايه اللي ماينفعنيش.مالك يا كامل ماتظبط... اسمع انا عاوز البت دي ف يا تجيبها وهي راضية يا هتصرف انا 

كامل بلع ريقه وقال... حاضر.. حاضر جنابك

...... 

كانت سهام قاعدة هي وجوزها بيفطرو 

قام جوزها وهو بيقول... هتروحي الشركة النهاردة

سهام بهدوء ... هلبس وهحصلك

هز راسه هو كمان  بهدوء وراح يتحرك 

: مالك ياصالح 

كان حاطط ايده علي قلبه قال .. مش عارف 

سهام قامت بخضة لما لاحظت تعبه وقالت... اطلب الدكتور 

صالح... لا مش مستاهلة 

سهام بقلق... انت شكلك تعبان..انا هطلب الدكتور 

صالح... لا دا وجع بسيط.. اكيد شوية وهيروح 

سهام... طب خليك النهاردة متروحش الشركة 

صالح... متكبريش الموضوع. انا كويس 

وباس راسها وخرج

...... 

في المستشفى 

كان واقف امجد مع الدكتور وهو بيبص علي امه بحزن من خلف زجاج العناية المركزة

كانت في السرير نايمة لا حول ليها ولا قوة لا بتحرك ايد ولا رجل بعد صدمتها في بنتها جتلها جلـ طة علي دماغها ادت لـ شلل كلي 

رجع بص للدكتور وقال.... مفيش امل يادكتور 

الدكتور... للاسف هي جالها شلل كلي مهما عملنا جلسات وعلاج مش هيكون في اي تحسن غير بسيط 

امجد... يعني مش هينفع في حالتها العلاج الطبيعي 

الدكتور.... احنا هنحاول. بس صعب ترجع حتي تقعد علي كرسي 

امجد... احنا ممكن نسفرها بره

الدكتور.... صدقني هنا زي بره 

....... 

عند حورية كان كامل راحلها 

وهي قاعدة قصاده بعد ما قالها بحذر علي اللي عايزه موسي 

ردت عليه وقالت بعصبية... وهو فاكر نفسه ايه.. قوله ياعمي اني مش موافقة. هيعمل ايه يعني. هو فاكرها سايبة

كامل.... يابنتي هو هيتجوزك علي سنة الله ورسولة

حورية بسخرية... ويطلقني تاني يوم صح 

كامل... هو مقالش كده 

حورية.... انت ياعمي اللي قولتلي يوم ماكنت معاك. مش ده اللي قولتلي بيتجوز الواحدة وبعد ما بياخد اللي عاوزه بيسيبها تاني يوم فرجة للخلق.. وحتي لو هو مش كده.. انا مش موافقة هو فاكر نفسه ايه هيتجوزني غصب عني دانا اسجنه 

كامل..يابنتي موسي دا قادر. مفيش حد في البلد بيستجري يكسرله كلمه. ومادام حطك في دماغه هيوصلك. انا خايف عليكي يابنتي

حورية... وانا مش خايفة منه. لما يكلمك قولو اني مش موافقة.. ويوريني بقي هيعمل ايه 

...... 

زكريا وكريم قاعدين في معرض الاخشاب بتاعهم ،، فجاة تليفون زكريا رن وكان عاصم اللي اول ما رد عليه قاله بلهفة... لاقيته 

عاصم.... الواد سافر بره مصر . شكله هرب ياحج 

زكريا قام وقف... يعني ايه هرب 

قام كريم وقف هو كمان

عاصم.... ملوش اثر في البلد.. وبعد ماسألت عرفت انه ساب البلد و سافر من من يومين .. كمل بتوعد بس متقلقش هجيبه ولو في بطن امه 

قفل معاه وكريم قال.... هرب 

عمه هز راسه 

كريم بجنون وغضب ... دانا ابعتله عزرائيل ياخد روحه لو راح المريخ 

.... 

خرجت سهام من الفيلا بتفتح عربيتها قاطعها رنة تليفونها 

بمجرد ماردت جالها صوت السكرتيرة الباكي وهي بتقول بحذر... سهام هانم.. صالح بيه تعب واتنقل المستشفى 

سهام.... اييييه. مستشفى ايه 

وركبت عربيتها بسرعة واتحركت بيها علي المستشفى بعد ما السكرتيرة قالتلها علي اسمها 

....... 

.... 

وصلت سهام المستشفى وقربت عليهم كان ولاد جوزها واقفين بمجرد ما شافوها بقو يبصولها بغضب 

اتجاهلتهم وبصت للراجل بتاع جوزها وقالت بقلق... طمني ياعصام. صالح جراله ايه. ايه اللي حصل

لسه هيرد قاطعهم خروج الدكتور 

كلهم بلهفة... طمنا يادكتور

نزل الدكتور راسه بحزن وقال.... البقاء لله 

...... 

حور نايمة في السرير وهي حاضنة صورة يوسف

دخلت مامتها لقتها بالوضع ده،، لابسة سويت تيشرت يوسف وحاضنة صورته 

اتنهدت بحزن عليها وقربت قعدت جمبها وابتدت تصحيها 

وهي بتلمس علي شعرها بحنان.... حور. اصحي ياحبيبتي  

.. ياحور. اصحي ياقلبي

اتحركت في السرير بانزعاج وفتحت عيونها اخيرا بضيق وهي بتقول.... ليييه ياماما. ليه بس كده 

مامتها... مالك ياحبيبتي 

قامت اتعدلت وقالت بزعل ... يوسف كان معايا. ليه بتصحيني خلتيه يمشي وهو كان واحشني اوووي 

اتنهدت بحزن عليها لكن قالت...وبعدين ياحببتي هتفضلي علي الحال ده لامتي بس... ياحبيبتي انتي لازم تحاولي تنسي يوسف. وتعيشي حياتك.. بقالك شهرين مابتخرجيش من اوضتك حتي دروسك مبقتيش تروحيها ولا بتذاكري. وامتحاناتك قربت. هتفضلي كده لحد امتا بس ... لازم تقتنعي ان يوسف مبقاش موجود واللي بتعمليه ده مش هيرجعه

حور بغضب.... متقوليش كده.. يوسف عايش 

مامتها بيأس... بردو 

حور بدموع... ياماما صدقيني انا حاسة ان يوسف عايش 

ابتسمت وقالت... طب اقولك حتي وهو معايا دلوقتي قالي انو راجع وانا مصدقاه.. صدقيني يوسف هيرجع. قلبي بيقولي كده

اتنهدت مامتها بقلة حيلة وقالت... طيب ياحبيبتي.. يلا عشان تاكلي بقا

واتفاجات بيها لما ردت عليها بالموافقة وقالت... حاضر هاكل.. عشان هو كان زعلان مني اني مش باكل. وانا مش هزعله.. هغير هدومي واخرج وراكي 

مامتها باستها علي راسها وقالت... مستنياكي ياحبيبتي متتاخريش 

حور... حاضر 

وقامت اتجهت ناحية الدولاب ومامتها خرجت

فتحت الدولاب واخدت سوي تشيرت من بتوع يوسف اللي كانت بتروح تاخدهم من وراه 

شردت وهي بتفتكر 

فلاش باك 

كانت واقفة قدام دولابه 

دخل وهو بيقول.... بتعملي ايه في اوضتي يابت

حور بتوتر.. مش مش بعمل حاجة.. ااه برتبلك دولابك. انا غلطانة يعني

قرب عليها وهو بيقول... وايه اللي ورا ضهرك ده 

حور.... م مفيش

مد ايده ورا ظهرها كانت ماسكة هودي من بتوعه 

يوسف... يانهارك اسود.. بتسرقيني يابت 

وعلطول اتذكر هدومه اللي كل اجازة بيكتشف انها ناقصة فقال...وانا اللي كنت فاكر ان في حرامي بيدخل اوضتي ويسرقني طول الفترة دي...الله يخربيتك طلعت انتي اللي مقلباني وانا مش دريان 

همت حور بالكلام مسكها من قفاها وقال.... بتعملي ايه بهدومي يابت 

حور بسرعة ... بلبسها. بلبسها والله

سابها وباستغراب ... بتلبسيها ازاي. وليه. هو انا منقصك حاجة.ناقصك هدوم يابت. طلبتي حاجة مني وعمري قولتلك لا

حور بنفي... لا طبعا. انت بتجبلي كل نفسي فيه ومن غير ما اطلب منك. بس 

يوسف... بس ايه ياختي

حور... بصراحة لما اجازتك بتخلص وترجع الجيش بتوحشني. ف بلبس هدومك علشان احس انك معايا 

قربت حضنته وهي بتقول.... انا بحبك اووي يا يوسف. لما بتبعد عني بحس اني مش بقدر اتنفس 

يوسف بلع ريقه بر، غبه وهو بيحاول يتحكم في نفسه وعلطول قال.... طب ايه رايك بسبب كلامك الحلو ده هاخدك ااكلك لحمة راس النهارده 

رفعت وشها وقالتله... يععع 

وكملت بغيظ.... دانتا فصيل. يعني احنا في لحظة رومانسية. تقولي لحمة راس.

يوسف... يابنت ال....  طب اعملك ايه ماهي حركات امك دي هتخليني مطلعكيش من الاوضة غير وانتي حامل.. انا بحاول علي قد ما اقدر مااتهورش

بعدت حور بسرعة لما استوعبت ... يالهوي دا احنا لوحدنا 

يوسف... لسه واخدة بالك ياروح امك.. خمس ثواني واخفي من قدامي احسلك بدل ماتطلعي بـ اتنين 

حور بغيظ... سافل 

وخرجت بسرعة وهي بتاخد التيشيرت

باك 

كانت ماسكة الهودي بتاعه وهي بتبتسم بدموع وبتقول... يلا ارجعلي بقا. اتاخرت اووي 

.... 

في بيت جوز رباب 

: طيب نستأذن احنا بقا 

قالها والد رباب وهو في بيت جوز بنته بعد راح هو ومامتها يسلمو عليه بعد ما رجع من الامارات 

لسه بيقومو 

: علي فين ياعمي.. استنو انتو هتاخدو رباب معاكم 

بصولو بدون فهم وبعدها ضحكو لما افتكروه بيهزر 

مامتها قالت.... ايه ياياسر لحقت ترجع وتزهق منها 

رباب... هو ياسر كده بيحب يهزر 

ياسر.... لا المرادي مش بهزر يارباب.. انتي هتمشي مع ابوكي وامك 

وقبل ماترد ولا حد يرد قاطعهم لما كمل كلامه وقال 

... خدي الولاد يا امل ودخليهم اوضتهم 

قامت اخته وهي بتقول حاضر واخدت الولاد ودخلت بيهم 

والد رباب باستفهام... هو في ايه يابني

بصلهم وقال.... في ده 

وهو بيفتح تسجيل بصوت رباب مع محمد 

بلعت رباب ريقها برعب وابوها وامها كانو بيسمعو بزهول 

وبعد ماسمعهم اكتر من مكالمة مختلفة بين رباب ومحمد ورباب بتحكيلو قد ايه بتبقي مبسوطة باليالي الجميلة اللي بتقضيها معاه 

وكمان بقي يوريهم صور ليها وهي طالعالو الشقة 

وده بعد ما اخته امل اخترقت تليفونها وقدرت تسجل مكالمتها دا غير ان اخر مرة رباب قابلت محمد راقبتها ومشيت وراها وشافتها وهي طالعالو الشقة ووقتها صورتها 

قعد ابوها حط راسه في الارض مقدرش يرفعها ومامتها كانت بتبكي بكسرة وهي ناكسة راسها هي كمان بخزي بسبب عملة بنتها

ياسر... المأذون اللي هيطلق زمانه علي وصول 

طلع ورقة وادها لابوها اللي قال بدون فهم... بتاعت ايه دي يابني 

ياسر... دي صيغة خليت المحامي كتبهالي.. بنتك هتتنازل عن الولاد. وهتبريني من كل حقوقها...اكيد لو ليك ابن مش هتحب انه يكمل مع واحدة زي دي.واكيد بردو مش هتحب لما يطلقها يديها حقوق. بنتك مش هتخرج غير بالهدوم اللي عليها.. خليها تمضي 

رباب ببكاء... انا مش هتنازل عن ولادي 

ام ياسر قالتلها بقسوة ... امضي بهدوء وانتي ساكتة بدال ما انتي عارفة احنا ممكن نعمل فيكي ايه 

كانت رباب بتبكي اوي وهي بتقول لياسر وبتترجاه ... انا عارفة اني غلطت. واستاهل الد، بح.. بس ارجوك متحرمنيش من ولادي يا ياسر ارجوك. مش هقدر اعيش من غيرهم والله 

ياسر بجمود .... انسيهم الاحسن لانك مش هتشوفيهم تاني  

رباب.... ابوس علي رجلك ياياسر بلاش عيالي ارجوك 

وقربت تبوس علي رجله وهي بتترجاه 

ركلها برجله وقال بقسوة .... مش هخليكي تلمحيهم بعد النهاردة يافاجرة. واحمدي ربنا ان مفضحتكيش اكراما لعيالك ولسمعتي.. بس هخليكي عايشة تتمني تشوفي ضفرهم ومش هتلمحيه 

وبزعيق.... اخلصي امضي    

ابوها ... امضي يابت اخلصي 

وهو بيديها الورقة

مسكتها ومضت رغما عنها وهي بتتحسر علي ولادها 

مسحت دموعها وقالت بترجي .... طب اشوفهم مرة اخيرة 

ياسر... مش هتلمحيهم 

في اللحظة دي وصل الماذون وتم الطلاب 

وبعدها ياسر رماها بره 

فضلت تبكي بانهيار وتترجاه تشوف ولادها لكن هو رفض 

...... 

تاني يوم 

عماد قاعد شارد وطارق قصاده 

طارق بسخرية.... ولما بعادهم مبهدلك كده. عملت عملتك دي ليه 

عماد بصله بطرف عينه وقال... ولادي ومراتي هعرف ارجعهم 

اتنهد وقال...مش ده اللي شاغلني

طارق... امال

عماد.... اللي شاغلني البت حورية...مش هينفع نسيبها عايشة لوحدها كده 

طارق....ما احنا حاولنا معاها تفضل معانا في البيت.ركبت دماغها 

عماد بسرعة....نكسره.. لازم ترجع بالذوق او بالعافية. مش هنسيبها لوحدها تاني 

اتنهد بحزن وندم وكمل.... احنا جينا عليها كتير وظلمناها واتخلينا عنها..

وباصرار كمل وقال بحسم... بس مش هسيبها تاني.. لازم ارجعها وسطينا . البت ملهاش غيرنا

طارق بندم.... عندك حق

....... 

نزلت حورية من شقتها وهي ماشية فجأة عربية جات قدامها وفرملت مرة واحدة 

اتخضت وقالت بعصبية.... انت غبي.مش شايف 

موسي وهو بينزل من العربية قرب عليها وهو بيقول... المرة الجاية هقطعلك لسانك بجد 

بصتله بصدمة ... انت 

يتبع.... 

تكملة الرواية من هنا ااااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا