رواية مأساة حورية البارت السادس والثلاثون 36بقلم فريدة احمد (حصريه وجديده في مدونة قصر الروايات)

رواية مأساة حورية البارت السادس والثلاثون  36بقلم فريدة احمد (حصريه وجديده في مدونة قصر الروايات)

رواية مأساة حورية البارت السادس والثلاثون  36بقلم فريدة احمد (حصريه وجديده في مدونة قصر الروايات)

نزلت حورية من شقتها وهي ماشية فجأة عربية جات قدامها وفرملت مرة واحدة 

اتخضت وقالت بعصبية.... انت غبيي.مش شايف 

نزل موسي من العربية قرب عليها وهو بيقول... المرة الجاية هقطعلك لسانك بجد 

بصتله بصدمة ... انت ..

ومرة واحدة قالت بشراسة.... ااسمع بقا لو فاكر انك ممكن

قاطعها وهو بيمسك ايدها ويقول ...تعالي عايزك 

وبيفتح باب العربية 

اترعبت وهي بتحاول تحرر ايدها منه بغضب ،

وهي بتقول ... ابعد عني ياحيوان. سييب ايدي ياغبييي

بس هو كان غير مبالي لعصبيتها وغضبها و في لحظة ركبها العربية رغما عنها وقفل الباب كويس عليها ولف ركب الناحية التانية

كانت في شدة عصبيتها بصتله بجنون وغضب وهي بتقول ....عاااوز مني ايييه . افتح العربية دي خليني انزل ياحيوا،ن

موسي.....ششش ..اهدي .انا مش هخطفك ...انا بس عاوز اتكلم معاكي 

حورية بغضب...عاااوز مني ايييه

كان في ايده سيجارة اخد منها نفس وهو بينفضها من شباك العربية قال بعبث..... عاوزك 

بصلها وقال....قولتي ايه 

حورية.... افتحلي العربية خليني انزل 

موسي ....هفتحهالك بس ردي عليا ...انا عاوز اتجوزك 

حورية بهدوء مصتنع....مش موافقة 

موسي .... ليه 

حورية.... مبفكرش في الجواز ..وحتي لو بفكر اكيد مش هوافق بيك انت 

موسي.... انتي تطولي .

حورية بسخرية.... مستغنية .مش عاوزة اطول

لسه هيتكلم  قاطعته وقالت ...بقولك ايه لو فاكر اني من 

البنات الر، خيصة اللي بتتجوزهم عشان تقضي معاهم ليلة وتدفعلهم تمنها .تبقي غلطان ..انا مش محتاجة ابيع نفسي بالفلوس 

رد بتلقائية وقال بسرعة... بس انا مش عاوزك ليلة .

عاوزك علطول .

بصلها بإعجاب وقال ... فيكي حاجة مختلفة. مشوفتهاش في واحدة قبل كده. بصي.انتي دخلتي مزاجي ومادام  دخلتي مزاجي يبقي لازم تدخلي سريري. اقصد حياتي. 

حورية.... انت حيو،، ان. وزبا،، لة

موسي...يابت هقطعلك لسانك الطويل ده.. 

اتنهد وقال... انا عاوزك في الحلال هو انا بقولك هغتصـ بك.. هاا قولتي ايه ..نقول يومين كويس.

بصلها بوقاحة وقال... اصلي مستعجل

حورية بغضب ... انت

قاطعها لما حط ايده علي بوقها وقال.... ااوعي 

شالت ايده بغضب وقالت... نزلني .نزلني بقولك 

موسي... اسمع ردك الاول 

حورية.... ماقولتلك مش موافقة .مش عايزاك .اغنيهالك

وبعصبية... ازاي اصلا تطلب مني حاجة زي كده. انت شايفني ايه.. انا مش ر،، خيصة زي اللي بتتجوزهم 

رد وهو تايه في ملامحها وقال ...  انتي فعلا غير.. مش بقولك فيكي حاجة مختلفة.. شديتني وسحرتيني من اول نظرة.

رفع ايده ولسه هيلمس خدها 

زقت ايده بغضب وقالت... اوعي تاني مرة تفكر تلسمني.

ابتسم وقال...  متخافيش.. انا مش عايزك غير في الحلال.. هسيبك يومين تفكري 

حورية بسرعة.. مش محتاجة افكر.. اعتبر طلبك مرفوض من دلوقتي 

موسي... انتي تطولي . المفروض تحمدي ربنا انك  عجبتيني .دا البنات بيترومو تحت رجلي يابت 

حورية باستهزاء ...دول اللي اكيد بيتعمو في نظرهم ...انت ليه متخيل مادام عايزني يبقي هوافق..فاكر نفسك مين

موسي...فاكر نفسي موسي الصواف

حورية بسخرية.... حصلنا القرف.

اتنهدت بضيق وقالت...بقولك ايه افتح يلا العربية خليني انزل .بدال اقسم بالله هصرخ واقول انك خاطفني

موسي ببرود...ياريت عشان اخطفك بجد

حورية بعصبية...انت عااااوز مني ايييه 

موسي.... ماقولتلك عاوزك.

كمل بثقة وقال .. وهتجوزك. 

حورية .... انا نفسي اعرف جايب الثقة دي منين .

بصتاه وبتهديد... بس لو  فاكر انك متخيل انك هتتجوزني بالغصب احب اقولك انك غلطان .لأني اقسم بالله اسجنك 

موسي بتهكم .... طب بالراحة بس عشان بخاف

اتنهد وقالها.... بصي انا مش عاوزك غصب..مين قالك اني هاخدك غصب.. انا عاوزك برضاكي . عمري ما خدت واحدة غصب.

حورية.... وانت ليه بردو متخيل اني هرضي بيك

موسي بثقة.... انا مش متخيل .انا متأكد .هتحبيني وانتي اللي هتبقي بتتمني اتجوزك كمان 

حورية .... لا دانت مريض ... اخر مرة هقولك .افتحلي العربية.يلا بقولـ.. 

قاطعها لما فتح العربية بهدوء وقال ...اتفضلي 

مصدقت وراحت نزلت بسرعة ف قال ..هتيجي بردو ..ياصاروخ

كان بيبص عليها وهي ماشية بإعجاب شديد 

كانت لابسة بنطلون چينز تلجي وعليه بلوزة سودة قصيرة 

علي سندل كعب عالي وكان شكلها مغري جدا 

راح قال بصوت عالي...حورية ...حلو الطقم

مردتش عليه ومشيت بسرعة

 وهو في نفسه ...دانتي وتكاية يخربيت حلاوة امك

...........

كان سايق عربيته فجأة تليفونه رن وكان صاحبه اللي اول ما رد عليه قال....في ايه يابني هتنزل مصر امتي

علي.... في حاجة ولا ايه

صاحبه ... اه الدنيا مقلوبة عليك

علي ... مش فاهم

صاحبه.... عاصم زكريا سأل عليك ..شكلك عامل عملة 

اتوتر علي لكن قال.... متعرفش كان بيسأل ليه

صاحبه...مقالش بس اللي حسيته ان بيدور عليك مستحلفلك .هو انت عملت ايه ..اوعي يلا تكون علمت حاجة مع بنت عمه 

كمل بشك...حصل بينك وبينها حاجة

علي .... لا ياجدع

صاحبه...طب انت راجع امتا

بص قدامه بشرود وقال ....لا انا مش راجع . هستقر هنا في كندا مع ابويا. يلا سلام دلوقتي 

لسه بيقفل التليفون فجأة عربية دخلت فيه حاول يتفاداها لكن للأسف معرفش والعربية اتقلبت بيه

...............

حورية رجعت ولسه بتدخل العمارة لاقت ايد بتجذبها وكان عاصم 

حورية بغضب ... انت عاوز ايه 

عاصم.... انا مش هصبر اكتر من كده ..لازم نتجوز 

حورية.... انا عمري ما هتجوزك ياعاصم .افهم بقا

عاصم .... وانا عمري ماهسيبك ياحورية 

اتنهدت وقالت بهدوء مصتنع .... احنا مش هينفع نكون مع بعض ابدا . عاصم .انا عمري ماهتجوزك لأني عمري ما هرجع العيلة دي تاني .استحالة  . وانت كمان مينفعش تتجوزني . احنا مننفعش لبعض بأي شكل . عاصم انا مابخلفش ومتأكدة أن ابوك وامك استحالة هيوافقو بأنك تتجوزني.. يعني حتي لو انا موافقة عمري ما هسمح لنفسي اتجوزك بدون موافقة أهلك... امشي ياعاصم .امشي وانساني 

عاصم .... حورية .انا بحبك ومش عاوز حاجة من الدنيا غيرك .انتي وبس . مالكيش دعوة بأهلي

حورية.... صدقني مش هينفع

وراحت تدخل الاسانسير جذبها بغضب وقال... مش هسيبك ياحورية 

حورية .... عاصم .ارجوك ابعد عني .انا مش عاوزة اكرهك 

وهي بتحاول تبعده لكن هو كان مغيب وهو بيقول ... مش هسيبك

وهجم عليها وبقي يبو،،سها بقوة وتملك

زقته بقوة وقالت بغضب .... انت حيوان ..

وبعصبية...سبني في حالي بقااا

ودخلت الاسانسير وقفلت عليها وبقت تبكي 

وهو فضل واقف لحد ما مسح علي وشه بتعب ومشي بتوهان

.......

مساء

فتحت الباب اتفاجأت ب اخوها عماد بصتله بجمود وقالت... جاي ليه 

عماد .... ادخلي هاتي حاجتك .هترجعي معايا 

حورية.... ارجع معاك فين 

عماد ...  بيتنا .بيت ابوكي .

حورية بتعجب.... بيت ابويا .. 

وبسخرية... وده من امتا 

اتنهد عماد وقال .... من زمان بيت ابوكي وهيفضل طول عمره مفتوحلك. ارجعي ياحورية .انا مش هسمحلك تعيشي لوحدك .يلا ادخلي هاتي حاجتك وتعالي معايا

حورية.... بس انا مش هاجي معاك 

عماد.... مش بمزاجك . 

لسه هترد قال..... مش هسيبك لوحدك تاني .لازم ترجعي وسطينا 

كانت بتبصله باستغراب فقال.... مو،،ت يوسف خلاني اراجع نفسي في حاجات كتير.. اولهم ان مش هسيبك تبعدي عننا.. مش هتخلي عنك تاني ياحورية 

اجتمعت الدموع في عيونها وهي بتفتكر يوسف 

وعماد كمل... انا مش هسيبك لوحدك تاني ابدا..

قرب عليها وباس راسها وقال... اوعي تفتكري اني بكرهك. انتي اختي ياهبلة . عارف اني كنت بقسي عليكي .بس ده لما خرجتي عن طوعنا واتجوزتي علي مزاجك ..لكن في النهاية انتي اختي مالكيش غيري. وانا عمري ماهتخلي عنك تاني ابدا.

فتح ايده وقال.... تعالي ياحورية 

فضلت مكانها مترددة

عماد .... تعالي في حضن اخوكي 

كانت حاسة انها لوحدها ف مترددتش كتير قربت ليه وهو ضمها بحب وحنية وقال....  عمري ما هسيبك تاني 

.....

بعد اسبوع 

دخلت سهام شركة جوزها واتجهت لمكتبها للتفاجأ ب ابن جوزها قاعد مكانها 

بصله باستغراب وقالت .... انت بتعمل ايه هنا 

قال ببرود.... انتي ايه اللي جابك هنا 

سهام بسخرية ... والله لو مش واخد بالك .دي شركة جوزي . وده مكتبي 

رد عليها بسخرية اكبر وقال.... كان .كان مكتبك دلوقتي لا

سهام.... يعني ايه 

: يعني تخرجي بره الشركة ومتعتبيهاش برجلك تاني .لانك مالكيش اي حق فيها

قالت بغضب.... انت بتقول ايه انت اتجننت .انا ليا نصيبي في الشركة دي اكتر ماليك 

قال باستهزاء.... ده اللي انتي فاكراه .لكن في الحقيقه مالكيش اي حق .

كمل باللي صدمها وقال...لأن ببساطة ابويا كان كاتب كل حاجة بإسمنا. اسم ولاده. بيع وشراء .يعني انتي مالكيش اي ورث

سهام بجنون..... انت بتقول ايه .. انت كداب. ابوك استحالة يعمل كده 

رد ببرود... ممكن تشوفي العقود لو مش مصدقة ..

اتنهد وقال...  انتي مالكيش اي حاجة في أملاك ابويا الله يرحمه غير الفيلا والعربية اللي كان كاتبهملك باسمك واظن كفاية عليكي 

كانت سهام حرفيا هتتجن فضلت تزعق وتقول.... دانا اوديك في ستين داهية .. ونصيبي هاخده تالت ومتلت من حباب عنيكو 

رد عليها ببرود..... اعلي مافي خيلك اركبيه .. انتي مالكيش اي حاجه عندنا ولا هتعرفي تعملي اي حاجة .لأن كل حاجة متوثقة 

سهام بجنون..... انا استحالة اصدق النصب اللي بتقوله  ده .ابوك عمره مايعمل كده . 

: المحامي هييجي بليل تقدري تطلعي علي كل العقود وتتاكدي بنفسك 

سهام.... يعني ايه. يعني ايه.. لا بقا يبقي الموضوع في تزوير... صالح استحالة يعمل كده.. ااو الا لو انتو بقا اللي مضتوه من غير ما ياخد بالو.. ماهو كان بيتعب كتير

كملت بقوة. ...بس ايا كان اللي انتو عملتوه .هعرف اخد حقي 

باستهزاء .... ابقي ورينا هتقدري تعملي ايه 

سهام بغضب وزعيق....هوديكو في ستين داهية

وخرجت وهي بتتوعدلهم

كان داخل علي الصوت ابن جوزها التاني اللي قابلها وهي خارجة بغضب فقال.... علي فين يامرات ابويا 

سهام بغضب.... لو فاكرين أن اللعبة الو، سخة اللي عملتوها انت واخوك دي

قاطعها وقال بهدوء.... انا ممكن اديكي حقك كلو في ورث ابويا ... بس بشرط

سهام باستغراب...شرط ايه

قال بخبث.... اتجوز بنتك حورية .لو اقنعتيها اضمني أن حقك كلو بقا معاكي

سهام....هتتجوزها ازاي وانت متجوز

رد وقال .... الشرع محلل أربعة

سهام باستهزاء ... وياتري بقا مراتك هتبقي موافقة

: اسمعي انا زي ماقولتلك .عاوزة ورثك اقنعني بنتك 

سهام... ملكش دعوة ببنتي وورثي انا هعرف اخده كويس

.......

دخل كريم بهدوء 

كان زكريا و عاصم وأمجد قاعدين 

زكريا بلهفة.... في اخبار عن الواد

قعد كريم وهو بيقول بتعب ....شكله مش هيقوم منها. الواد عامل حادثة جامدة. محجوز في العناية المركزة من ساعتها

في اللحظة دي رن تليفونه واللي بمجرد ما رد عليه قال بصدمة... بتقول ايه .. يعني ما..ت

نزل التليفون وقال بزهول ....  الواد ما،،ت 

امجد... ما،، ت. هه 

وهو بيحاول يستوعب... يعني ايه.. البت كده مبقناش هنعرف نثبت انها متجوزة.. واللي في بطنها 

كريم بجنون.... البت دي مكانش ليها غير تتد،،بح .بعد ماحطت راسنا فالطين وجابتلنا العا،، ر.. انا قولتلكو نقـ تلها ونغسل عارنا. حلو كده اللي احنا في دلوقتي ده.

زكريا.... اهدو كده .. 

اتنهد وقال... بالعكس اللي حصل ده في مصلحتنا 

بصولو باستفهام فقال... دلوقتي محدش يعرف باللي حصل . الواد ما، ت غار في داهية .مش محتاجينه

امجد باستفهام... تقصد ايه ياعمي. انت ناسي ان البت حامل 

زكريا....اللي في بطنها ينزل...و البت هتتجوز 

كريم بسخرية.... ازاي لمؤاخده .مين اللي هيتجوزها

زكريا... عاصم

قام عاصم وقف وقال .... نعممم..بتقول ايه ياحاج

زكريا بحزم ...  بقول اللي سمعته..بنت عمك مفيش حد هيستر عليها غيرك 

عاصم بغضب ... دا استحالة اللي بتقولو ده يحصل..انا مش هشيلها

زكريا بحدة .... انا مابخدش رأيك.اللي بقولو هيتنفذ .هتتجوز البت خلص الكلام

عاصم بجنان.... دا علي جثتـ ي 

امجد .... ياعمي اللي بتقو

قاطعه زكريا وقال.... مش عاوز ولا كلمة .انا مش بتناقش معاكم .دا الحل الوحيد عشان سمعة العيلة ولا عاوزين الناس تجيب في سيرتنا. 

.........

في شقة خاصه ب موسي 

كانو قاعدين تلاتة موسي واتنين صحابو بيشيوشو 

موسي قاعد شارد ف صاخبه بصله وقال

: مالك يازعيم

 موسي ... ابدا 

حمزة بضحك .... لا انا واخد بالي أن السوق شاحح اليومين دول معاك

موسي.... ولا شاحح ولا حاجة انا بس اللي ماليش مزاج للنسوان

في اللحظة دي الجرس ضر، ب 

رحيم...  طب قوم شوف شكلها ابتدت تندع

فتح الباب وكانت بنت بمجرد ماشافته قالت بدلع... وحشتني 

وراحت تحضنه بعدها بغضب وقال...  ايه اللي جابك هنا يابت انتي

البنت بدلع .. الله بقولك وحشتني. بقالك كتير مش بتطلبني قولك اجيلك انا ياباشا

موسي... طب غوري من وشي يلا 

وبتحذير.... واياكي تعتبي هنا تاني مرة.

لسه هتتكلم قاطعها بغضب وقال....سمعتي .. يلا يارووح امك

وقفل الباب ورجع ليهم. كانو بيبصولو باستغراب

حمزة....  لا نفهم بقا.

موسي وهو بيمسك الشيشة بصله بطرف عينه وقال.. تفهم ايه 

رحيم...اصل غريبة. البت چيچي اول مرة اشوفك بتكرفلها

اتنهد موسي وقال... واحدة شاغلة دماغي .بس بنت الايه مش عارف اطولها

حمزة بسخرية ... موسي الصواف مش عارف يطول واحدة عجبته..وانت من أمتي واحدة بتستعصي عليك

موسي.... البت راكبة دماغها ياجدع ..بس ايه صاروخ .وتكاية .حاجة كده زي الكتاب مابيقول 

حمزة بلع ريقه وقال .... شوقتني اشوفها ياجدع

موسي بغيرة .... تشوف مين ياااض .دانا اقلعلك عنيك

رحيم بضحك.... مش هتلحق لأن زهرة اللي هتقعلهملو

لسه بيتكلمو تليفون حمزة رن وكانت زهرة اللي اول ما رد عليها قالت...انت فين 

وقبل ما يرد كملت وقالت.... ومتقوليش في شغل لأني مش هصدقك 

حمزة ..... وانا من امتا بكدب عليكي يابت .انا فعلا مش في شغل 

كمل بتردد وقال .. انا مع ناس صحابي .اقفلي دلوقتي

زهرة .... مع مين يعني .

وبضيق ...موسي مش كدا 

حمزة .... احم .دا انا مع رحيم اخوكي 

زهرة ....و موسي معاكم طبعا 

كملت بضيق .... حمزة  .انا مش برتاح ل موسي ده .مش هستني لحد ما تتعدي منه وابص الاقيك داخل عليا بواحدة 

حمزة ... من الاخر عاوزة ايه 

زهرة .... تقطع علاقتك بيه

حمزة .... حاضر .كدة مرضية 

زهرة... متحايلنيش

حمزة..... لا مش بحايلك .كله يهون عشانك.. في داهية موسي واللي جابو موسي كمان انا ليا غيرك يابطل 

وقفل معاها

موسي .... مالها مراتك

حمزة..... عاوزاني اقطع علاقتي بيك 

توضيح...  حمزة وزهرة ورحيم. دول ابطال رواية زهرة وسط اشواك وهيبقو ضيوف شرف في الرواية

............................

بعد يومين

كانت سهام حضرت شنتطها وواقفة بتبص علي صورة جوزها بحزن شديد. 

اتنهدت ونزلت وهي بتبص علي البيت واخدت شنطها وخرجت من الفيلا

.....

بعد وقت 

حورية وعماد وطارق وعاليا قاعدين في بيتهم بصو لقو سهام داخلة عليهم 

اتفاجاو بيها لكن محدش اتكلم كان بيبصولها بس باستغراب

قربت وقالت ... نفسي اقضي اللي فاضلي في وسطيكم .في وسط ولادي ..هتتقبلوني في حياتكم .انا مابقتش عاوزة غيركم

قامو قربو ليها وقالو .... انتي علي راسنا

بصتلهم بدموع وقالت .... وحشتوني اووي 

وحضنتهم وكلهم حضنوها بحب واشتياق 

......

في سينا

في اوضة مجهزة بأحدث الأجهزة الطبية .كان نايم يوسف في سرير غايب عن الدنيا وفي بنت قاعدة قصادة علي كرسي ماسكة ايده 

فجأة حست بحركته بقت مش مصدقه ،فتح عينه بتمهل 

وبقي يبص للمكان باستغراب .قامت بسرعة وهي بتقول بفرحة .. حمدالله على سلامتك

وجريت بره وهي بتنادي علي ابوها وبتقول.... يابوي . يابوي الشاب اللي جوا فاق 

: بتتكلمي بجد يابت يارحيل

رحيل بفرحة... بجد يابوي فاق تعالي شوفه وجريت علي الاوضة وأبوها وراها 

دخل وهو بيقول .... ياااه . حمدالله على السلامه ياولدي 

يوسف باستغراب... انا فين .وانتو مين

يتبع.........

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا