روايه جنون العشق الفصل الرابع 4 بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الرابع 4 بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الرابع 4 بقلم دينا عبدالله(حصرية وجديدة في مدونة قصر الروايات)

رمى باسل الاعلاج في الزباله وبص لـ رقيه وقال ببرود: جبتيه ليه وانتي عارفه انه ملوش فايده 

رقيه: كنتي عايزني اعمل ايه ومامتك كانت معايا....شوفت في عينيها قد ايه نفسها تشيل ابنك مقدرتش اكسر فرحتها 

باسل ببرود: كدا كدا هتعرف طولت قصرت هتعرف... كنتي قولتليها و خلصنا 

رقيه بشده: اقولها ايه... اقولها ان العيب مش مني منك انت اقولها ان ابنك مبيخلفش

تغيرت ملامحه لضيق بصتله بحزن ممزوج بحب وقالت: باسل حبيبي انا مقصدش حاجه من كلامي بس كنت عايزني اعمل ايه يعني 

باسل بانفعال وحزن: وانا اعمل ايه دلوقتي مش بايدي... ولو انت نفسك في عيال سيبني وامشي انا مش جابرك انك تفضلي معايا و قولتلك الكلام ده قبل كده 

رقيه بحزن: وانا قولتلك اكتر من مره مش عايزه اطفال مش عايزه حد غيرك وجودك جنبي بالدنيا وما فيها 

باسل: هتقدري تعيشي معايا عمرك كله من غير ما تبقي ام ولا تسمعي كلمة ماما اللي اي واحده في الدنيا تتمناها.... مش هتقدري يا رقيه

مسكت ايده وقالت بحب: لا هقدر.... هقدر طول منتا جنبي انا مش عايزه حاجه من الدنيا غيرك انت... انت وبس باسل 

بصلها ونزلت دمعه من عينه حاسس بالعجز انه مش قادر يحقق اللي نفسها فيه.. مش هيا بس هوا كمان نفسه.. نفسه يبقاله ابن من صلبه يشيله ويفرح بيه ويسمع كلمة بابا منه.... سابها وطلع وقف في البلكونه وغمض عينه جامد و دموعه نزلت بحزن... سند ايده على سور البلكونه بتعب شديد بص للسماء وقال: يارب 

.................. 

كانت رايحه جوري علي اوضتها وقفت لما لقيت اسيل قدامها و بتبصلها بدموع وحزن.... قربت منها ونزلت علي ركبها عشان تبقي بمستواها مسحت دموعها وقالت بقلق وحزن: مالك يا اسيل بتعيطي ليه 

اسيل بعياط طفولي: عشان هتمشي و تسبيني 

بصتلها جوري بشده وقالت: وانتي عرفتي منين ان انا همشي

اسيل بعياط: سمعتك وانتي بتتكلمي مع مامتك في المطبخ انك عايزه تمشي 

بصتلها جوري بحزن كملت اسيل بعياط وقالت: متمشيش يا جوري وتسبيني لوحدي محدش هنا بيقعد معايا ولا يلعب معايا غيرك انتي ولو مشيتي محدش هيقعد معايا ومحدش هيلعب معايا زيك.... متسبنيش ونبي 

حضنتها جوري بدموع وقالت: يا حبيبتي انتي 

اسيل بعياط: هتفضلي هنا صح مش هتمشي

بعدت جوري ومسحت دموع اسيل بحنان وقالت: مش همشي عشان خاطرك انتي بس.... متعيطيش بقاا 

حضنتها اسيل جامد وقالت بسعاده: انا بحبك اوي 

حضنتها جوري وقالت: وانا كمان بحبك 

كان واقف ياسين وهوا بيبص عليهم وعلي حنية جوري مع اخته و طيبت قلبها.... حس بالذنب من اللي عمله معاها ميعرفش ليه مع انه عمره محسش بالذنب اتجاه اي بنت قرب منها.... يمكن عشان هيا مختلفه عن الباقي.... هل كانت هتمشي فعلا هل بسببه هوا 

مسكت جوري الكرسي المتحرك وخدت اسيل علي الجنينه يلعبو سوا.... اتنهد ياسين و سابهم ومشي

.................... 

كان ياسين هيطلع اوضته بس وقف لما لقي بنت لابسه ملابس عصريه تليق بجمالها كانت بتسلم علي مرفت و رقيه برقه.... بصتله البنت بفرحه وجريت عليه حضنته جامد بعدين بعدت عنه وباسته من خده وقالت: واحشتني اوي يا ياسين 

وقف ياسين يستوعب اللي حصل بعدين قال: وانتي كمان يا ساره 

قربت مرفت وقالت: بنت خالتك لسه راجعه من السفر دلوقتي و هتقعد معانا هنا 

ياسين: تشرفنا 

ساره: متغيرتش كتير يا ياسين حلو زي منتا او يمكن ذدت حلاوه 

ياسين: عيونك اللي حلوين

ساره بدلع: ميرسي.... مصر حلوه اوى وحشتني بجد 

رقيه: مصر اخلي ولا ايطاليا 

ساره: بلدي طبعا احلي مصر 

مرفت: رقيه خدي ساره وخليها تختار الاوضه اللي هيا عايزاها 

هزت راسها بهدوء وخدت ساره وطلعت عشان تختار الاوضه 

ساره: هيا اوضة ياسين فين

رقيه بغمز: ليه 

ساره: كدا عشان عايزه اختار الاوضه اللي جنبها 

ضحكت رقيه وقالت: كنت متأكده 

وخدتها علي الاوضه اللي جنب اوضة ياسين وسابتها ومشيت.. دخلت ساره الاوضه وهيا بتبصلها بابتسامة... شويه وخبط الباب 

ساره برقه: ادخل 

دخلت جوري وهيا ماسكه شنطة ساره اللي فيها هدومها و حاجتها سندتها وكانت هتمشي وقفتها ساره وقالت: استني... حطيلي الهدوم في الدولاب... بس خلي بالك منهم عشان غاليين اوي

بصتلها جوري بضيق.. نزلت الشنطه في الارض وفتحتها واندهشت بـ الملابس وعلب المكياج كانت ملابس عصريه علي الموضه... بص جوري علي ساره اللي كانت قاعده علي الكنبه وبتكلم مامتها وبطمنها انها وصلت 

بدأت جوري ترص الهدوم في الدولاب وهيا مندهشه من شكلهم... خدت علبة المكياج عشان تحطها علي التسريحه بس بالغلط وقعت منها و اتكسر منها جزء بسيط جدا... قفلت ساره التلفون وبصت علي جوري وقامت وقالت بغضب: مش قولتلك خلي بالك you are stupid

قامت جوري وقالت بضيق: محدش غبي هنا غيرك

ساره بصدمه: انتي بتفهمي انجليزي 

جوري بقوة: بفهم اكتر من لغه 

ساره بغضب: انتي ازاي تكلميني بالطريقه دي انتي مش عارفه انا مين 

جوري بغضب: ميهمنيش انتي منين ولا بنت مين ومش معني اني ساعدتك و حطتلك الهدوم في الدولاب دا معناه انك تقللي مني انا مش خدامه عندك

ساره بسخريه: ولما انتي مش خدامه تبقي اي ان شاء الله 

سكتت جوري ومكنتش عارفه تقول ايه فسابتها ومشيت بس سمعتها وهيا بتقول: اي العالم البيئه دي خدامه متسواش حاجه وشايفه نفسها 

حست جوري بإهانه كبير كانت عايز ترجع وترد عليها بس مقدرتش مش عايزه تعمل مشاكل عشان مامتها..... ومشيت 

............... 

كان الكل قاعد علي سفرة العشا... نزلت ساره وقعدت جنب ياسين وهيا بتبصله بابتسامة... بعدين بصت لـ باسل وقالت: ازيك يا باسل عامل ايه 

بصلها باسل بهدوء وقال: تمام الحمدلله 

جابت جوري اسيل و قعدتها جنب باسل... بصتلها ساره بغضب بصتلها جوري من غير اهتمام وسابتها ومشيت 

مرفت بابتسامة: بما اننا كلنا مجتمعين فـ عايزه اقولكم علي قرار اخدته 

بصلها الكل بفضول... بصت مرفت علي ساره و ياسين بابتسامة وقالت: قررت ياسين يتجوز ساره 

بصلها ياسين وباسل بصدمه... وساره بصتلها بابتسامة وسعاده و رقيه كذالك الامر 

باسل: يتجوزها 

مرفت: وميتجوزهاش ليه... بنت خالته وبنت عيله ومحترمه مش هيلاقي زيها 

ياسين: بس..... 

قاطعته مرفت وقالت: عارفه ان القرار صادم بس دا القرار الصح.... انت مش هتفضل عازب طول عمرك ولازم تتجوز وتبني عيله.... انا اتكلمت مع اهل ساره وهما كمان موافقين 

ياسين بغضب: ازاي تقرري دا من غير ما تاخدي موافقتي افرضي انا مش موافق 

بصتله مرفت بغضب من غضبه عليها و اعتراضه علي قرارها وقالت: ومش موافق ليه اي العيب في ساره

ياسين: الموضوع مش كده بس انا.... 

قاطعته مرفت وهيا بتقول بغضب: اومال ايه... ولا انت عايز تعيش عمرك كله وانت كدا تطلع كل يوم مع واحده شكل... حالك دا مش عاجبني ولازم تستقر في حياتك انت فاهم ودا قرار ومش هيتغير 

باسل: مينفعش تجبريه علي الجواز طالمه هوا مش عايز 

بصتله مرفت بغضب وقالت: دا بدل ما تعقله وتقنعه انه يتجوز 

بصت مرفت علي ساره وقالت: انتي رأيك اي يا ساره 

بصت ساره لـ ياسين اللي باين عليه انه مش موافق وقالت: عايزه اعرف رأي ياسين الاول 

قامت مرفت وقالت: ياسين عايزاك 

ومشيت دخلت اوضتها اتنهد ياسين ومشي وراها دخل وقفل الاوضه.... بصت رقيه لـ ساره وقالت: متزعليش ياسين كان مصدوم بس مش اكتر 

بصتلها ساره و ابتسمت ابتسامه خفيفه...... شويه وطلعت مرفت مع ياسمين ورجعو قعدو علي السفره.... بصلهم باسل وهوا عايز يعرف كانت عايزاه ليه 

مرفت: هااا قررت اي 

ياسين: موافق

بصله باسل بصدمه مش مصدق انه فعلا وافق.... كانت جوري واقفه وسمعت كل حاجه و دموعها نزلت علي خدها بغزاره..... شافها ياسين واستغرب الدموع والحزن اللي في عينيها........ 

#يتبع

تكملة الرواية من هناااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا