رواية حبيبي المدير الفصل الخمسون 50بقلم شيماء صبحي( جديده وحصريه فى مدونة قصر الروايات)

رواية حبيبي المدير الفصل الخمسون 50بقلم شيماء صبحي( جديده وحصريه فى مدونة قصر الروايات)

رواية حبيبي المدير الفصل الخمسون 50بقلم شيماء صبحي( جديده وحصريه فى مدونة قصر الروايات)

#الفصل_50

#رواية_حبيبي_المدير

#الكاتبة_شيماء_صبحي

_احلام دي مش اختك..دي بنت الحيوانه تسنيم اختي؟

في الوقت دا دخلت احلام ومعاها ماهر واللي وقفوا مصدومين من كلام فاديه وكان وقتها حمزه وصل وراهم واما بص علي احلام  لقاها بتقرب من والدتها وبتقول بكل صدمة:يعني انا مش بنتك؟

فاديه ومريم اتصدموا وكان ماهر قرب من احلام ووقف وراها وهيا قربت من والدتها اكتر وقالت بصوت اوضح:انا مش بنتك ازاي،ومين تسنيم خالتي دي انتي مش المفروض ملكيش اخوات غير اختك اللي ماتت دي وقولتي ان اسمها حياة ؟؟ 

فاديه كانت هتتكلم وحاولت مريم تمنعها ولاكن صرخت فيهم وقالت:لا انا عاوزه شرح،قوليلي كل حاجه ،انا ازاي مش بنتك ومين هيا امي؟

فاديه بصت علي ماهر بتوتر وهوا هددها بعيونه تتكلم ووقتها حمزه قرب منه وقال:خالي عاوزك في موضوع مهم!

ماهر بحديه:خلينا نأجله دلوقت يا حمزه !

حمزه همس:الموضوع بخصوص الحكايه دي..شاورله علي فاديه وماهر حرك راسه بالموافقه وقال: طيب تعالا نتكلم بره!

حمزه حرك راسه وخرح ووراه ماهر وساب وقتها احلام تتكلم معاهم وتعرف ايه الحقيقه؟

فاديه  بصت علي احلام بنظرة مليانه كره خلت احلام تترعب وقالت:ايوا انتي مش بنتي ،انتي بنت واحده خاينه جابتك بطريقه غير شرعيه..الواحده دي اختي..بنت ابويا وامي اللي كنت مأمناها علي كل اسراري واسرار جوزي..

خلتني في يوم مسافره وراحتله اغرته وخلته ينام معا/ها وحملت منه وجابتك..

احلام كانت بتسمعها وهيا مصدومه وكانت حاسه انها هيغمي عليها؟

مريم اتكلمت علشان تمنع والدتها تكمل ولاكن فاديه مسمعتلهاش وكملت بكره اكبر:لما عرفت ضربتها وكانت هتموت تحت ايدي وابوكي يومها ردلي كل الضرب الللي ضربتهولها وانا هددتها وقولتهم اني هفضحهم بس متوقعتش انه بيحبها كل الحب دا..

هددني انا كمان اني مش هاخد اي حاجه من ورث ابويا لان الاوراق كانت معاه  وانا علشان اخد ورثي سكت وهيا قبل ما تولدك جالها شغل برا مصر وطبعا وجودك معاها هيعطلها فطلبت من ابوكي بكل بجاحه  ياخدك هو ويربيكي بعدما تولدك  وطبعا علشان انتي روح قلبه وبنت عشيقته وافق وغصبني اكتبك بإسمي واربيكي لا وكمان خلاني امثل علي الناس اني حامل علشان لما انتي تيجي يبان الموضوع طبيعي..

ها عرفتي بق انا بكرهك ليه؟

احلام رجعت خطوتين لورا بكسرة ..وبصتلها بدموع وقالت بصوت متقطع:مس..تحيل ..لا انا مش مصدقه انا اكيد بحلم؟

فاديه قربت منها ومسكت دراعها:انتي بنت واحده خاينه وجابتك بالز/نا يعني اوعي تفكري ان ليكي قيمه في الحياة دي ولا حتي ليكي لازمه..انتي كان المفروض تموتي من قبل ما تتولدي ..انا بكرهك يا احلام ومستحيل احبك ولا ليكي هنا..شاورت علي قلبها..زره مشاعر ولو شوفتك بتموتي قدامي مش هتأثر علشان بسبب امك الزا..؟

احلام صفعتها علي وشها وفاديه صرخت بصدمه..احلام بصت لايديها بكل دهشه لانها متوقعتش تمد ايديها عليها وكانت بتعتذر ليها وبتقول:ماما انا اسفه؟

فاديه بجنون:انا مش امك غوري بق بقولك مش امك كل السنين دي بعاملك بقسوه وبقذاره وبرضوا بتقوليلي ماما وبتتلزقي فيا؟

احلام بانهيار:طيب..هيا فين امي..فين قوليلي؟

فاديه بكره:مش هقولك وهسيبك مزلوله ليا ومش هعبرك وبالنسبه للدم اللي اتبرعتيه لبنتي دا واجب عليكي تعمليه  بعد اللي عملته معاكي كل السنين دي؟

مريم كانت بتبكي وهيا بتبص علي اختها ومكنتش قادرة تستحمل كل اللي هيا فيه فصرخت في وش امها:بس كفايه انتي عمرك ما كنتي كده حتي لو هيا بنت اختك علي الاقل انتي خالتها؟

فاديه بجنون:مش هحبها ولو هتدافعي عنها كتير انا هسيبك وامشي؟

مريم بصدمه:انا مش هسمحلك تعامليها كده..فاديه :طيب يبق انتي اللي اختارتي يا مريم انا بق هسيبك ومش هعبرك ومن النهارده اعتبري ان ملكيش ام؟

مريم :ماما استني ومتعمليش كده اكيد انتي متضايقه من اللي حصل مع يوسف علشان كده بتطلعي غضبك عليها؟

فاديه:متجننيش يا مريم انا قولتلكوا علي كل الحقيقه اللي مهما داريتها بتوجعني..انتي قدامك خيارين يا مريم يا انا يا بنت الخاينه دي؟

احلام بصت لمريم بزعل  وقالت وهيا بتمشي:اختري امك يا مريم ..اختاريها مهما كان احنا علاقتنا مكنتش كويسه؟

كانت ماشيه ولاكن صوت مريم وقفها لما قالت:هيا مش بنت خاينه دي اختي  ولو هيا مش بنتك فهيا اختي برضوا من بابا وانا هختارها هيا لانك  بعتيني قبل كده يا امي بس هيا عمرها ما بعاتني بالعكس دي يا اما استحملتني واستحملت سخافتي معاها  بس انتي معملتيش اي حاجه ليا  وطول الوقت بتستغليني ومفهماني العكس مفهماني اني انا اللي وحشه وان انا اللي استغلاليه بس لا انا مش وحشه وانا مش عاوزه اكون معاكي ..وبالنسبه للرحم اللي اتشال دا مش مهم لو حسن رفضني هعيش مع نفسي وهعالج نفسي بنفسي من مرضك يا امي..مرض الكره والقسوة..اللي زرعتيه فيا من وانا صغيره في حق اختي احلام؟

فاديه كانت هترد بس دخل ماهر ومنعها وقال:اتفضلي حضرتك امشي من هنا انتي ازعجتي العيانين اللي في المستشفي والدكتور اشتكي منك فلو سمحتي ومن غير اي عنف اخرجي وسيبهم ،ما دام  هما اختارو بعض وسابوكي يبق تمشي باحترام؟

فاديه بصت لمريم بصدمه وقالت:انتي هتسيبيني فعلا يا مريم؟

مريم بزعل علي حالهم:متاسفه يا ماما بس انتي عمرك ما هتتغيري ؟

فاديه بضيق:انتي اللي هتندمي يا مريم،مش انا؟

قالت كلامها وخرجت ووقتها ماهر قرب من احلام اللي كان واضح عليها التعب وسندها عليه وقال:اوعدك اني هدور علي والدتك ومش هيهدالي بال غير وانا لاقيها؟

احلام بصتله بضياع وقالت:متتعبش نفسك يا ماهر انا خلاص مش عاوزه حد،كملت ببكاء:كفايه الصدمة اللي عرفتها دي كفيله تسد نفسي علي اي حاجه في الحياة؟

مريم اتكلمت:احلام متقوليش كده..انا مصدومه زي زيك من اللي سمعته بس انا معاكي ومش هسيبك  علشان انا عايزاكي انتي بجد وكمان انتي تستحقي الحب وانا اسفه اني كنت قاسيه عليكي بس بعد اللي حصلي واللي انتي عملتيه معايا ندمت ندم عمري علي كل دقيقه زعلتك فيها واتعاملت معاكي بسخافه؟

احلام ردت عليها:انا عملت كده علشان انت اختي..سكتت بحزن:قصدي بنت خالتي؟

مريم اتكلمت برفض:لا يا احلام احنا اخوات ..قلبي بيقولي اننا اخوات اب وام  حتي بعدما سمعت كلام ماما دا يا احلام شاورت علي قلبها وكملت: دا  بينادي انك اختي..

بصتلها احلام بزعل :اختارتيني ليه؟

مريم:ممكن ناجل كلامنا بعدين؟

احلام:ردي عليا،انا محتاجه ردك دا،،مش مقتنعه ابدا بانك اختارتيني علشان اللي عملته اكيد في حاجه،،انا مش واثقه في حد..اكيد بتخدعيني؟

ماهر بص لمريم وقال:لا يا احلام مريم مش بتخدعك،،كل اللي قالته ليكي حقيقي ..حمزه كان واقف وسامع كلامهم وهيا كانت بتدافع عنك ودا معناه انها مختراكي من البدايه!

مريم بصتلها بحب وهيا بكت وقالت: بس انا عاوزه ماما،،عاوزه فاديه انا بحبها هيا..انا اول ما فتحت عيني شوفتها معرفش بق بتعاملني بقسوه ولا بحنيه بس انا قلبي بيحبها مش عارفه اكرهها؟

مريم مدت ايديها بتعب ومسكت ايد احلام وطلبت منها تقرب منها وقالت:فاديه مش امك يا احلام ..احلام ببكاء:حتي انتي يا مريم بتقولي كده.

مريم بموافقه:ايوا مش امك ..هيا اكيد مش هتكدب وانتي لازم تتقبلي انها مش امك بس انا ..انا اختك يا احلام، احنا اخوات مهما حصل واوعي تفكري نفسك لوحدك بعد كده وبعدين انا اختك الكبيرة واللي اقولك عليه تعمليه .. 

احلام بكت اكتر ومريم شدتها لحضنها وقالت وهيا بتحاول متصدرش صوت يعبر ان الامها.. 

كل حاجه هتكون كويسه ،متخافيش انا معاكي ومش هسيبك تاني ..احلام لاول مره تحس انها مطمنه لما مريم حضنتها فقالت بصوت محدش سامعه غيرها:كنت محتاجاكي معايا علي طول اوعي تسيبيني يا مريم انا مليش في الدنيا غيرك!

مريم مسحت علي طرحتها بحنيه وبعدتها عنها وقالت:اقعدي ارتاحي خلينا نتكلم!

احلام حركت راسها وقعدت جمبها ووقتها ماهر بص لحمزه وقال:تعالي نخرج برا احنا ونسيبهم لوحدهم.. حمزه حرك راسه وخرجوا الاتنين وسابوا مريم واختها احلام يتكلموا!

____________________

اتجه حسن مع فريقه للجبل واول ما وصلوا كان عم سينا وبقيت الرجاله مستنيين واول ما شافوا حسن وفريقه بلبس الشغل قرب  منه  سينا وقال بقلق :حمدلله علي السلامه يا ولدي طمني كيف حالة زوجتك!

ابتسم حسن:بخير يا عم سينا ..تسلم علي كل حاجه عملتها علشانا؟

سينا بفرحه:يا منت كريم يا رب ..الحمدلله يا ولدي انها بخير..وبعدين انا قولتلك يا واد انت متشكرنيش انا بعمل اللي مطلوب مني هاا؟

حسن حرك راسه وقال:خلاص سامحني ..بس قولي فين الحيوان اللي مسكتوه؟

رد سينا:في الزريبة الخاصه باغنامنا  محبوس هناك !

حسن حرك راسه بالموافقة وشاور لفريقه  واتحركوا مع بعض ومشيوا ووراهم سينا وبقيت رجال الجبل ؟

  وبعد دقايق وصلوا للزريبه واول حد دخل كان حسن واللي اول مشاف ادهم قرب منه بغضب وصفعه علي وشه:اذيتها ليه يا حيوان؟

ادهم بضحك:ماتت؟

حسن بسخريه:من حظك الحلو انها عايشه لان لو كان حصلها حاجه كنت هنتقم منك  بأوسخ الطرق؟

ضحك ادهم:طيب مبروك يا حسن انها بخير طمني عليها  هي حلوه دلوقت؟

حسن صفعه تاني ووش ادهم نزف فقال…

بتمد ايدك عليا يا حيوان انت نسيت اني القائد بتاعك!

حسن بسخريه:قائد اه ..لا يا حبيبي دا كان زمان ايام اما كنت لسا في الداخليه انما دلوقت انت مجرم ومطلوب القبض عليك!

بصله ادهم بصدمه وحسن كمل:وانا اللي كنت فاكرك شريف دانت طلعت قذر؟

ادهم بسخريه:بجد ..،تصدق خوفتني منا عارف اني مش شريف وقذر علشان كده كنت مستغلك تدور عليها لصالحي!

 حسن بضيق:تعالوا يا رجاله كتفوه وحطوه في البوكس علشان ياخد عقابه الكلب دا!

الرجاله قربوا من ادهم مسكوه وهوا كان بيضحك بكل سخريه لحدما قوموه وخرجوه برا الزريبه وركبوه البوكس فبدا يغضب ادهم ويغلط فيهم علشان يفكوه :يا شويه حيوانات ازاي تكتفوني كدا فكني منك ليه بدل ما..

رد احمد بسخريه:خلاص يا ادهم باشا سابقا انت بقيت مجرم ومن حقنا نديلك بالجزمه كمان؟

ادهم بصله وقال بصدمه:مش انت يلا اللي كنت مرعوب مني من كان يوم؟

احمد بسخريه:اديك قولتها من كام يوم انما دلوقت انت واحد حيوان مجرم واقدر اقوم اعجنك دلوقت؟

ادهم كان عايز يضربه ولاكن معرفش بسبب انه كان متكتف وفي الخارج وعند بيت سينا لقاه معاه صندوق وبيدهوله ..حسن بتساؤل:اي دا يا عم سينا!

سينا بابتسامه:دي هدوم زوجتك اللي كانت بتلبسها هنا..بناتي اللي ادولي الصندوق دا وقالولي اوصلهولك وانا قولتلك معلوماتي الكافيه عن اللي فيه؟

ابتسم حسن وحرك راسه بالموافقه واخد الصندوق وشكر سينا وقبل ما يمشي حضنه وقال:اول ما مريم تخف خالص اوعدك اني هجبها واجي علشان نقعد معاكوا  مش علشان نستخبي؟

ضحك سينا وحرك راسه بالموافقه:إن شاء الله يا ولدي!

حسن شكر الرجاله بصوت عالي:تسلموا يا رجالة والله ما عارف اقولكم ايه بس انتو وقفتوا معياا وقفه رجاله والله ؟

الرجاله حيوه وهوا فرح وركب عربيته واتحرك بيها والبوكس وراه.وكانوا في طريقهم للقاهرة

________

وفي المستشفي عند ياسر كان وصل ممدوح ومنعم وكانوا بيبصوا للمكان بصدمه ومش عارفين هيقولوا ايه لماهر بعدما يعرف ان ناني هربت منه واكيد قالت لابنها علي كل حاجه حصلت معاها فكان بيبص لممدوح  وبيقول بتوتر:اكيد قالت كل حاجه لابنها..ماهر باشا هيقتلني انا وانت؟

اترعب ممدوح:بتتكلم بجد يا منعم؟

منعم حرك راسه بالرفض وقال:يعني ممكن يسامحنا شويه بس هو لازم يعرف باللي حصل دا خليني اتصل عليه تاني؟

اتصلوا علي ماهر وماهر قفل المكالمه فبص منعم لممدوح وقال:الباشا بيكنسل ..يا تري هو عرف من حد؟

ممدوح:مش عارف بس احنا هنعمل ايه دلوقت؟

منعم بقلق:هنرجع الشقه اللي كنا قاعدين فيها لحدما ما الباشا يرد ويحل المشكله ..

كانوا ماشيين ولاكن سمعوا صوت ناني ومعاها رجاله وبتشاور عليهم وبتقول:امسكوهم هما دول اللي كانوا خاطفيني (ناني كانت شافتهم من شباك غرفه ياسر فعرفتهم علي طول وبلغت ياسر بانهم تحت وهوا طلب من رجالته وهيا ينزلوا بسرعه ويمسكوهم) يتبع 

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله اضغط هناااااااا