روايه جنون العشق الفصل السابع 7بقلم دينا عبدالله(حصرية وجديدة في مدونة قصر الروايات)

روايه جنون العشق الفصل السابع 7بقلم دينا عبدالله(حصرية وجديدة في مدونة قصر الروايات)

روايه جنون العشق الفصل السابع 7بقلم دينا عبدالله(حصرية وجديدة في مدونة قصر الروايات)

فرح كريم وقال: طيب بصي انا مش هلف و ادور عليكي من اول سنه ليكي هنا في الجامعه وانا اتعلقت بيكي و بصراحه كده.... حبيتك.... فـ لو طلبت ايدك هتوافقي 

بصتله جوري بصدمه مكنتش تتوقع انه هيقول كده... بصلها كريم و متوتر من سكوتها وقال: يعني قولي موافقه ولا لا لو موافقه هاجي انا واهلي واطلبك من اهلك بس لو مش موافقه يعني براحتك دا قرارك.... قولتي ايه

بصتله جوري شويه وقالت: بصراحه انت فاجأتني بسسسس.... 

بصلها كريم بقلق وخايف انها ترفض... كملت جوري وقالت بابتسامة خفيفه: انا موافقه 

بصلها كريم وهوا فرحان اوي مسك ايديها وقال: بجد موافقه 

بصت علي ايده... ساب ايديها وقال بحرج: اسف اتحمست شويه.... طيب امتي اجي انا واهلي نطلبك من اهلك 

سكتت جوري بحزن بابا اتوفى وعمها قطع علاقته بيهم وعندهاش حد غير مامتها.. ابتسم ابتسامه خفيفه تداري حزنها وقالت: سبني الاقي الوقت المناسب وهقولك

كريم بابتسامة جميله: ماشي بس متتأخريش... خدي دا رقمي يعني لما تلاقي الوقت المناسب كلميني علي طول 

خدت الرقم منه وهزت راسها بعدين مشيت بصلها كريم وكان قلبه بيرقص من الفرحه 

........... 

كانت قاعده جوري في المطبخ بتفكر في موضوع كريم وهل ينفع تقابله هيا ومامتها بس.... لمحت باسل وهوا طالع علي السلم بعد ما اخد اخو رهف للدكتور فحصه وبدأو في العلاج الكماوي ليه 

قامت بسرعه و وقفته وهيا بتقول: باسل بيه 

بصلها باسل بصتله جوري وقربت بتردد وقالت: ممكن استأذنك دقيقه واحده 

هز باسل راسه.. راحت دخلت المطبخ ودخل وراها 

جوري بتردد: ممكن اخد رأيك في حاجه 

باسل بسرعه: اكيد طبعا قولي

جوري: في واحد في الجامعه طلب ايدي هوا شخص محترم وابن ناس وهوا عايز يقابل اهلي 

كملت بحزن: وانت عارف بابا الله يرحمه وعمي قطع علاقته بينا و...... 

قاطعها باسل وقال بابتسامة: فاهم قصدك.... حددي الوقت المناسب وانا موافق اقابله معاكي

جوري بدموع: بجد يا باسل بيه 

باسل بابتسامة: اه معنديش مشكله 

جوري: شكرا بجد شكرا 

باسل: مفيش داعي انك تشكريني دا اقل حاجه اعملها ليكي مامتك مقصرتش معانا في حاجه من لما جات عندنا 

نزل ياسين وشاف جوري وهيا بتتكلم مع باسل وهيا مبسوطه.. ميعرفش ليه ادايق ضم قبضة ايده وطلع من البيت

عطت جوري رقم كريم لـ باسل سجله عنده واتصل بيه فتح كريم 

كريم: الو

باسل: ازيك يا كريم معاك باسل من طرف جوري 

اتعدل كريم في قعدته وقال: اهلا بحضرتك 

باسل: جوري كلمتني عنك.. ممكن نتقابل وبعدها نقرر اذا موافقين ولا لا 

كريم بلهفه: اكيد اكيد طبعا اي رايك نتقابل بكره 

سكت باسل شويه كان محدد بكرا يسافر شرم بس قرر يلغي السفر ويسافر اليوم اللي بعده وقال: ماشي مفيش مشكله هبعتلك لوكيشن لكافيه هات عيلتك ونتقابل هناك 

كريم: حاضر.... مع السلامه 

قفل كريم وراح بسرعه يتكلم مع اهله... قفل باسل بصتله جوري وقالت: بجد مش عارفه اقولك ايه 

باسل: متقوليش حاجه اعتبريني زي اخوكي 

بصتله جوري بدموع وابتسامه هوا مختلف تماما عن اخوه في اخلاقه و ذوقه في كل حاجه 

باسل بابتسامة: ربنا يفرحك انتي تستاهلي كل خير 

بعدين سابها ومشي... قعدت جوري وهيا بتفكر هل موافقتها علي كريم صح ولا لا... بس هوا شاب كويس من لما دخلت الجامعه مشفتش منه حاجه وحشه ولا سمعت عنه حاجه غلط وباين عليه ابن ناس ومحترم وعلي الاقل هتنسي ياسين و وجعه و جرحه ليها وهتبدأ حياتها بعيد عنه.... ولقيت واحد احسن و افضل منه هيقدرها و هيحافظ عليها ومفيش واحده في حياته غيرها هيا... واحد يعرف ربنا وبيخاف المعصيه 

.............. 

رقية في التليفون: وانت مقولتش ليه انكم رايحين 

جمال: مجتش فرصه اقولك... انتي هتسافري معانا 

رقيه بدلع: هسافر بس عشانك انت 

جمال: بس اوعي باسل يشك في حاجه 

رقيه برقه: لا اطمن.... جبتلك قميـ ص نوم تحفه هيعجبك اوي... دا غير الروج اللي طعمه هيعجبك مووووت 

جمال: انتي من غير حاجه عجباني 

سمعت رقيه صوت الباب بيتفتح فقالت بسرعه وبصوت واطي: طيب طيب اكلمك بعدين 

وقفلت التليفون بسرعه و حطته جنبها... دخل باسل بصتله بابتسامة مصتنعه وقالت: حمدالله على السلامة حبيبي... اتأخرت ليه 

حط باسل تليفونه ومفاتيح العربيه علي التسريحه وقعد جنبها وقال بتعب: انتي عارفه ضغط الشغل 

رقيه: اكلت ولا لسه 

باسل: اه الحمدلله 

رقيه: هنسافر بكرا زي ما قولت

باسل: لا خليها بعد بكرا عندي مشوار مهم كدا اخلصه ونسافر بعده

رقيه بتفكير: مشوار ايه 

قام باسل وقال وهوا بياخد هدوم من الدولاب: شغل يا ريقه شغل 

بعدين دخل الحمام.... بصتله رقيه و اول ما قفل الباب مسكت تليفونها وبعتت رساله لـ جمال تقوله علي تأجيل السفريه بعدين قفلت التلفون وحطته جنبها 

.............. 

كانت رايحه جوري علي اوضتها اتفجأت بـ ياسين اللي ظهر قدامها فجأه بصتله جوري بغضب وكره 

ياسين: كنتي بتعملي ايه مع باسل 

جوري باستغراب من سؤاله: وانت مالك 

ياسين بضيق: ردي عليا كنتو بتتكلمو في ايه وكنتي مبسوطه بالكلام معاه 

جوري بغضب: ملكش دعوه اتكلم مع اي حد انا عايزاه انت مالك 

كانت لسه هتمشي مسكها من دراعها بقوة تأوهت بألم بصلها بغضب وقال: متمشيش غير لما اخلص كلامي 

بعدته جوري عنها بعنف وقالت بغضب: ابعد عني واياك تلمسني مره تانيه والا ايدك هكسرها لك المره الجايه 

ياسين: انتي زعلانه عشان اللي شوفتيه فوق

جوري بسخريه: وانا هزعل ليه انت متهمنيش اصلا... وعلي فكره انتو الاتنين لايقين علي بعض اوي.. في القرف و القذ*اره 

بعدين سابته ومشيت دخلت اوضتها وقفلت الباب بقوة.... بصلها ياسين وهوا بيضم قبضته بغضب 

كانت واقفه ساره و بتبص لـ ياسين بغضب... اتغير معاها عشان حتة الخدامه دي وهوا مهتم بيها اوي كدا ليه... شويه وطلعت علي اوضتها بغضب 

................. 

اليوم التاني 

كان قاعد باسل مع جوري وكريمه بعد ما اتكلمت معاها في الموضوع.... شويه وجي كريم ومعاه باباه و مامته رحبو ببعض باحترام بعدين قعدو 

غاده ام كريم وهيا بتبص علي جوري: بسم الله ماشاء الله احسنت الاختيار يا بني 

بصت كريمه لبنتها اللي بصتلها بابتسامة... بص باسل لـ كريم شويه يحلل شخصيته بعدين قام وقال: اي رأيك نتمشي مع بعض شويه 

قام كريم وقال: مفيش مشكله 

ومشيو سوا.... كريم كان متوتر شويه بصله باسل وقال: انت بتشتغل ايه ولا معتمد علي باباك و مامتك 

كريم بسرعه: لا انا الحمدلله بشتغل و مرتبي كويس اوي... مع ان يعني بابا غني وكدا بس انا بحب اكون مسؤل عن نفسي 

باسل: امم طيب كويس.... انت تعرف اي عن جوري 

كريم: اعرف انها بنت محترمه وبنت ناس... و اعرف ان باباها متوفي و عايشه مع عمها 

وقف باسل بص لـ كريم اللي وقف جنبه وقال: كريم انت بتحب جوري.... يعني بتحبها من قلبك

كريم بسرعه: طبعا 

باسل: طيب لو قولتلك ان جوري مش عايشه مع عمها... ومامتها بتشتغل خدامه وجوري بتساعدها هتقول ايه 

انصدم كريم بس بعدين قال: انا ميهمنيش الحاله المداية بتاعت جوري بتشتغل ايه او مستوى العيشه بتاعتها.... انا حبيت جوري عشان شوفت فيها احترام و اخلاق و ذوق مش بشوفه في اي بنت تانيه...... فـ انا مش هغير نظرتي فيها او قراري عشان مامتها بتشتغل خدامه.... الشغل مش عيب ويمكن الظروف والحياة الصعبه هيا اللي اجبرتهم علي كدا 

ابتسم باسل و ربت علي كتف كريم لما حس بصدق في كلامه وقال: وهوا دا اللي كنت عايز اسمعه 

ابسم كريم وقال: طيب ممكن انا اسألك سؤال... انت تقرب جوري ايه عشان انا معرفش مين انت بصراحه او تقرب جوري ايه 

باسل: اخوها.... في مقام اخوها و ابوها زي السند ليها 

هز كريم راسه بتفهم..... بعدين رجعو تاني كانو اهل كريم مبسوطين بالكلام مع جوري و كريمه و خدو علي بعضيهم 

قعد باسل و كريم معاهم... بصت كريمه لـ باسل.. بصلها باسل وهز راسه بمعني ان كريم شخص كويس و تطمن له... ابتسمت كريمه بارتياح 

فوزي ابو كريم: طيب نتكلم في المهم 

باسل: طبعا... ومش هنختلف علي اي حاجه... بس قبل اي حاجه مفيش جواز غير لما جوري تخلص دراستها الاول 

فوزي: واحنا موافقين حتي يكون كريم برضو خلص.... احنا نقرا الفاتحه دلوقتي... وبعدين نحدد موعد الخطوبه... والدخله نخليها لما يخلصو دراستهم 

باسل: تمام كدا علي البركه 

بعدين رفعو ايديهم وقرو الفاتحه وكريم كان بيبص علي جوري اللي كانت بتبصله بخجل بعدين بصت بعدين.... خلصو وباركو لبعضيهم بفرحه 

كان ياسين قاعد علي ترابيزه بعيد عنهم ومحدش كان واخد باله منه وهوا بيبصلهم ومش فاهم اي اللي بيحصل 

بعد ما خلصو و رجعو علي البيت خدت كريمه بنتها عشان يغيرو هدومهم ويبدأو شغل.... طلع باسل وقابل ياسين في وشه وكان بيبصله بنظرات هوا مش فاهم معناها 

ياسين: كنت بتعمل معاهم اي 

باسل: وانت بتسأل ليه 

ياسين: باسل رد عليا كنت معاهم بتعمل ايه ومين اللي كانو معاكم في الكفتريا 

بصله باسل بدهشه انه عارف كل حاجه وقال: انت بتراقبني ولا بتراقب جوري 

ياسين: مش هتفرق 

باسل بحده: لا هتفرق ملكش دعوه بـ جوري يا ياسين وخليك بعدين عنها 

ياسين بضيق: هوا انا جيت جنبها 

باسل بتحذير: انا بحذرك بس 

ياسين: برضو مقولتش كنتو بتعملو ايه 

باسل: واحد كان متقدم لـ جوري وطالبها للجواز

انصدم ياسين بعدين قال: جواز وهيا قالت اي 

باسل: وهيا موافقه....... 

#يتبع

يا ترا ردت فعل ياسين هتبقا عامله ازاي 🤔

تكملة الرواية من هنااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا