روايه جنون العشق الفصل الثامن 8 بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الثامن 8 بقلم دينا عبدالله(حصرية وجديدة في مدونة قصر الروايات)

روايه جنون العشق الفصل الثامن 8 بقلم دينا عبدالله(حصرية وجديدة في مدونة قصر الروايات)

ياسين: برضو مقولتش كنتو بتعملو ايه 

باسل: واحد كان متقدم لـ جوري وطالبها للجواز

انصدم ياسين بعدين قال: جواز وهيا قالت اي 

باسل: وهيا موافقه

ذادت صدمه ياسين وقال: موافقه...... بس هيا مش بتحبه

باسل باستغراب: وانت عرفت منين انها مش بتحبه 

ياسين بتوتر: لا انا بس خمنت يعني 

باسل بشك وتحذير: مش هقولك تاني خليك بعيد عنها يا ياسين 

ياسين بضيق: كل شويه خليك بعيد هنا خليك بعيد هنا هوا انا هاكولها 

باسل: عشان انا عارفك كويس وحافظ تصرفاتك... البنت غلبانه فمتبقاش انت والزمن عليها 

بعدين سابه ومشي.... بصله ياسين وهوا بيفكر في جوري هل هيا فعلا موافقه... طيب حبها ليه خلاص مبقاش موجود... فاق من شروده علي صوت باسل وهوا بيقول: اعمل حسابك هتسافر معايا بكرا 

ياسين باستغراب: اسافر... فين

باسل: شرم

ياسين بتفكير: لا انا مش هروح..... 

باسل: انا مش باخد رأيك هتمشي معايا يعني هتمشي 

كان باسل عايز يبعد ياسين عن البيت و جوري طول ما هوا مش موجود لانه عارف اخوه و تفكيره كويسه وهوا خايف علي جوري عشان كده عايزه يفضل تحت عنيه 

ياسين بضيق: هوا بالعافيه 

باسل وهوا بيدخل اوضه: اه بالعافيه بكره الصبح هنمشي 

وقفل الباب ادايق ياسين اوي من اخوه ومشي 

.............. 

غاده: باين عليها انها بنت كويسه و محترمه كمان 

فوزي: عندك حق... ابنك عرف يختار صح 

كريم: تريبتك يا بابا 

ضحك فوزي بعدين قال: صعبت عليا لما قولتلي عن حياتها احنا و راجعين.... بس ربنا مش بيسيب حق حد وعمها دا حسابه عسير 

غاده: صح و الواد اللي كان معاها باين عليه طيب وجدع انه وقف معاها رغم انه مش من عيلتها 

كريم بابتسامة: انا مبسوط انكم مغيرتوش نظرتكم فيها ولا قراركم.... لاني بصراحه كنت قلقان لما تعرفو ظروفهم وماماتها بتشغل ايه فـ تغيرو رأيكم 

فوزي: انت عارف كويس ان مش بنهتم بالحاجات دي... اهم حاجه الاخلاق و الادب و الاصول.... بنت فقيره محترمه تخاف ربنا احسن من بنت غنيه معندهاش اخلاق ولا بتخاف ربنا 

غاده: باباك عنده حق انا شخصيا حبتها ودخلت قلبي علي طول 

قام كريم وقعد وسطيهم وحضنهم جامد وقال بسعاده: انا بحبكم اووووي 

حضنه هما كمان بحب وحنان 

.................. 

مرفت: اي الكلام العبيط اللي انتي بتقوليه ده 

ساره بغضب: زي ما يقولك يا خالتي... ابنك شكله معجب بالبنت الخدامه دي و اكيد هيا اللي لعبت في عقله دي واحده حربايه 

مرفت: مفيش حاجه من اللي بتقوليها دي.... ياسين مستحيل يبص لـ جوري دي مش ذوقه خالص.... يعني هيسيبك انتي ويبصلها هيا 

ساره بغضب: طلعيها من هنا اطرديها 

مرفت: جوري هنا من هيا وصغيره وانا عارفاها كويس مش بتاعت الكلام ده ومامتها ست محترمه مش هقدر اقطع عيشهم و رزقهم بسبب تفكيرك المتخلف دا 

ساره بغضب و دموع: يعني عايزاني اعمل ايه دلوقتي انا حاسه ياسين بيروح مني 

مرفت: طيب هقولك حاجه عشان ترتاحي.... انا عرفت انه مسافر بكره مع اخوه و مراته... وبعد ما يرجعو من السفر هنعمل حفلة الخطوبه و وراها الدخله علي طول... حلو الكلام 

ساره بفرح: بجد يا خالتي

مرفت: طبعا يا روح خالتك 

.............. 

قعدت جوري في اوضتها وبدأت تذاكر.... شويه و وصلت لها رسالها علي تليفونها و مكتوب فيها 

"علي فكره كنتي حلوه اوي النهارده "

استغربت معقول كريم اللي بعتها طيب هوا رقمها منين... شويه ولقيت نفس الرقم بيتصل بيها 

جوري بصوتها الرقيق: الو

كريم بابتسامة: ياااه صوتك حلو اوى في التليفون 

ابتسمت جوري بعدين قالت: ليه صوتي في العادي وحش 

كريم: لا طبعاً مسمعتش اجمل من صوتك قبل كده 

خجلت من كلامه بعدين قالت: انت عرفت رقمي منين 

كريم: انا مش سهل علي فكره اقدر اجيب اي حاجه انا عايزها.... لقيتك متصلتيش بيا وخليتي باسل هوا اللي يتصل فـ مكنش قدامي حل تاني غير اني انا اللي اتصل بيكي 

ابتسمت وقالت: طيب انت اتصلت عايز ايه 

كريم: عايز اسمع صوتك بس.... و اقولك حاجه مهمه جدا جدا جدا 

جوري بتفكير: حاجة اي دي 

كريم بحب: بحبك 

سكتت و خدودها احمرت و قلبها دق بسرعه.... ابتسم كريم لانه كان عارف انها هتسكت ومش هترد وقال: القمر ساكت ليه 

جوري بخجل: انا لازم اقفل عشان عايزه اذاكر 

ضحك وقال: ماشي طيب مش هتقوليلي حاجه 

جوري بخجل: عايزني اقول ايه 

كريم: شوفي انا قولت اي و قولي زيي نفسي اسمعها منك اوي 

جوري بخجل مفرط: انا لازم اقفل تصبح على خير 

وقفلت بسرعه و اترسمت علي وشها ابتسامه عريضه... بص كريم علي التليفون وهوا بيضحك عليها بعتلها رساله وقال 

"تصبحي على خير يا احلي واجمل بنت شافتها عيني "

قرت الرساله وكانت مبسوطه اوي.... قدر ينسيها كل حاجه بكلامه اللي يدخل القلب.... كان فين من زمان.... ليه مكنتش واخده بالها منه.... ليه قلبها وقع في حب الشخص الغلط 

اتنهدت بتعب بصت علي رسالته وابتسمت قفلت التليفون ورجعت تذاكر 

................ 

اليوم التالي 

حط باسل الشنطة في العربيه ورجع دخل البيت بص لقي رقيه نازلها... بصتلهم مرفت وقالت: ترجعولي من شرم بخبر حلو 

بص باسل لـ رقيه بعدين بصلها وقال: ان شاء الله 

شاف ياسين جوري ماشيه وقفها لما قال: انتي فعلا موافقه علي الجواز 

بصتله جوري استغربت هوا ازاي عرف بس تجاهلت دا وقالت: اه موافقه 

كانت تمشي وقفها تاني وهوا بيقول: انتي مش بتحبيه يبقي وافقتي تتجوزيه ليه

بصتله جوري وقالت بابتسامة جانبيه: ومين قلك اني مش بحبه..... انا وافقت عليه عشان بحبه

ياسين بسخريه: بتضحكي علي نفسك 

جوري: لا بس شكلك انت اللي فاهم غلط 

ياسين: انا عارف كويس انك مش بتحبيه و بتحبيني انا 

ابتسمت بسخريه وقالت: انت وانا هحبك ليه.... مستحيل احب واحد زيك 

كان ياسين هيتكلم بس سمع صوت باسل بينادم عليه بصتله جوري بسخريه بعدين مشيت ادايق ياسين اوي بعدين مشي 

ركبو العربيه ومشيو 

بعد فتره 

وصلو شرم وكان جمال مستنيهم هناك.... استقبلو بعض بعدين حجزو في اوتيل 

طول الوقت كانت رقيه و جمال يبصو لبعض بنظرات حب وغمز من غير ما حد يحس 

قعدو في كفتريا نادم باسل علي الجارسون وبدأء يطلب لهم الاكل و ياسين كان مشغول في التليفون..... اما جمال كان ماسك ايد رقيه من تحت الترابيزه اتوترت رقيه ان حد يشوفهم وسحبت ايديها بسرعه 

خلص اليوم بسرعه وكانو مبسوطين بالمكان... في المسا كان الشباب عاملين حفله و مستمتعين بالوقت 

رقيه بتعب مصتنع: انا هطلع ارتاح شويه 

هز باسل راسه... وهيا ماشيه غمزت لـ جمال بمعني انها مستنياه فوق ومشيت....... شويه وقام جمال وقال: انا هعمل مكلمه و راجع 

ومشي ورا رقيه.... بص باسل علي ياسين اللي قاعد علي البار وبيشرب خمـ ر بكميه كبيره وهوا بيفكر في جوري 

"اه موافقه "

"ومين قلك اني مش بحبه..... انا وافقت عليه عشان بحبه"

"انت وانا هحبك ليه.... مستحيل احب واحد زيك "

كانت مدايق جدا من كلامها وبيشرب عشان ينسي بس من غير فايده مش عارف يعمل ايه ولا ينساها ازاي ويبطل تفكير فيها... هوا اصلا مهتم بيها اوي كدا ليه.. متتجوز هيا حره هوا بقا مدايق ليه 

فاق من شروده علي ايد باسل اللي حطها علي كتفه وقعد جنبه وقال: انت مش هتبطل القرف اللي انت بتشربه دا 

ياسين...... 

باسل بضيق: هوا انت يابني مفيش فايده فيك 

ياسين بسكر: عايز ايه يا باسل سبني في اللي انا فيه 

باسل: مالك قولي يمكن اخفف عنك 

ياسين: اذا كنت انا مش عارف انا مالي ومش عارف اخفف عن نفسي لما انت هتعرف 

دخل جمال اوضة باسل وقفل الباب لقي رقيه مستنياه ولبسه قميـ ص نوم احمر قصير ظاهر ملامح جسمها الفاتنه... سحبها ليه وهوا بيبصلها برغـ به وقال: هياكل منك حته 

حوطت رقيه رقبته بايديها بدلع وقالت: طيب و الروج

بص لشفايفها برغـ به وقال: هوا بطعم ايه 

رقيه بدلع: فروله 

جمال: يا جمالك يا فرولايه انتي.............. 

قام باسل وقال: مفيش فايده من الكلام معاك انا طالع 

شاور له ياسين بايديه من غير اهتمام.... طلع باسل استغرب لما لقي رقيه ناسيه مفتاح الاوضه في الباب من برا.. هز راسه بقلة حيله... وفتح الباب ودخل... لينصدم صمدمة عمره لما شاف رقيه وهيا في حضن جمال............... 

#يتبع

باسل صعبان عليا اوي..... يا ترا ردت فعله هتبقي عامله ازاي 🤔

بخصوص الناس اللي عايزه ثنائي باسل و جوري.... هقولهم مش هينفع لان كل واحد معتبر التاني زي اخوه.... ولو باسل حب جوري و اتجوزها مش هيعيش مبسوط لما يعرف انها كانت بتحب اخوه دا غير الخلافات اللي هتبقي بينه وبين اخوه ياسين و هيكرهو بعض و مرفت هتكره جوري بسبب كدا فـ باسل مش هيبقي مبسوط وهيفضل عايش متعزب.... لكن باسل من حقه يحب واحده ويتحب كمان ويعيش معاه حياه حلوه تعوضه عن خيانة مراته ليه 

اما جوري لو اتجوزت باسل مش هتبقي مبسوطه برضو لانها هتفضل تشوف ياسين قدامها علي طول دا غير المشاكل ومش هتبقي مبسوطه وهيا شايفه الاخوات بيكرهو بعض عشانها دا غير كره مرفت ليها..... لكن جوري من حقها تتجوز واحد بيحبها وتعيش وسط عيله تحبها وتحس باماان و حنان ودفئ العيله اللي اتحرمت منه من لما مات ابوها 

دا رأي انا وكل واحد حر في رأيه وانا بحترم كل الاراء

تكملة الرواية من هنااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا