روايه جنون العشق الفصل التاسع 9بقلم دينا عبدالله(حصرية وجديدة في مدونة قصر الروايات)

روايه جنون العشق الفصل التاسع 9بقلم دينا عبدالله(حصرية وجديدة في مدونة قصر الروايات)

فتح باسل الباب لينصدم صدمة عمره لما شاف رقيه مراته علي السرير في حضن جمال صاحبه.... بعد جمال عن رقيه وهوا بيبص لـ باسل بصدمه انه كشفهم.... رفعت رقيه ملاية السرير تغطي جسمها 

قام جمال لبس هدومه بسرعه تحت نظرات الصدمه الشديدة من باسل 

جمال بارتباك شديد: باسل انا.... انا.... 

باسل بانفعال: انت اييييه..... بتستغفلوني انتو الاتنين و بتخنوني 

كمل بوجع وحزن شديد: بتخوني مع مراتي يا صحابي... يا صاحب عمري..... ليه.... عملتلك اي عشان تعمل فيا كده 

جمال بغضب: عملتلي اي..... دايما شايفك نفسك عليا كمنك اغني مني ومعاك فلوس وانا لا 

باسل بحزن: كنت بعاملك زي اخويا ياسين بالظبط.... وقفت جنبك في اكتر فتره كنت محتاج فيها حد جنبك... فضلت معاك لحد ما قدرت تقف علي رجليك وتبدأ حياتك من جديد... كنت بسندك وبدعمك كنت في ضهرك..... وانت عملت ايه طعنتي غدر في ضهري اللي سندك 

جمال........ 

قامت رقيه وهيا بتلف الملاية علي جسمها بصلها باسل بحسره و وجع وقال: وانتي عملتلك اي عشان تخونيني قصرت معاكي في اي 

بصتله رقيه ببجاحه كأنها معملتش اي حاجه وقالت: دنتا تحمد ربك اني فضلت مستحملاك وعايشه معاك لحد اللحظه دي... استحملت عيشتك و قرفك.... لو واحده مكاني مكنتش فضلت معاك دقيقه...... كفايا اني استحملت اعيش معاك وانت معيوب بمتخلفش 

كان باسل مصدوم فيها مش دي رقيه حبيبته دي واحده تانيه... حس بغصه ووجع في قلبه و كسره عمره ما حسها قبل كده 

باسل بغضب و دموع: بس انا مكنتش جابرك انك تعيشي معايا ياما قولتلك اطلقك وتمشي وتعيشي حياتك تتجوزي و تخلفي.... كنت هبقي مبسوط لما اشوف عايشه مبسوطه وشايله الطفل اللي نفسك فيه والله كنت هبقي مبسوط عشانك 

رقيه بغضب: كنت مجبوره اعيش معاك عشان ماما غير كده انا كنت سبتك من زمان 

ابتسم بحزن شديد وقال: طول الوقت كنتي بتضحكي عليا.. كلامك حبك حنيتك كل حاجه كنتي بتخدعيني فيها وانا زي المغفل كنت بصدقك.... ويا ترا انتو من امتي وانتو بتخونوني

رقيه من غير ما تستحي ولا تحس بخجل من اللي عملتو: من بدري.... انت عارف ليه عشان بحبه وهوا كمان بيحبني... و اقولك علي الكبيره هنتجوز 

بصلهم شويه بعدين ضحك ضحكه مليانه وجع كسره حزن بعدها بص لـ جمال بغضب و لكمه في وشه بكل قوته... اختل توازن جمال من قوة الضربه ووقع حط ايده على بؤه اللي نزف بصتله رقيه وشهقت عليه بخوف 

مسكه باسل ونزل فيه ضرب وهوا بيطلع فيه كل غضبه و الوجع اللي حاسس بيه... كان جمال مش قادر يدافع عن نفسه من شدة قوة باسل وحس بجسمه كله اتكسر ووشه مليان دم

حاولت رقيه تبعد باسل عنه وهيا بتصرخ وبتضربه عشان يبعد عن جمال بس من غير فايده... بصت لـ جمال اللي بقي شبه ميت في ايد باسل.. بصت حوليها وهيا بتدور على اي حاجه راحت ومسكت فاظة الورد وجريت ضربة بيها باسل علي راسه 

حط باسل ايده على راسه اللي بدأت تنزف جامد وهوا بيتأوهه بألم.. بعد عن جمال وسند علي حافة السرير وقام بصعوبه وهوا شايف الدنيا بتلف بيه 

جريت رقيه علي جمال اللي غاب عن الوعي وهيا بتصرخ وبتحاول تصحيه 

طلع ياسين وكان في ايده ازازة خمـ ر ومعاه بنت بتضحك معاه بمياعه وقلة ادب.... انصدم لما سمع صوت صراخ رقيه علي جمال ساب البنت اللي معاه وجري بسرعه علي اوضة اخوه 

بصتله البنت باستغراب وقالت: ماله ده 

بعدين سابته و رجعت وهيا مدايقه منه.... دخل ياسين الاوضه وقعت ازازة الخمـ ر منه من صدمته وهوا شايف جمال علي الارض سايح في دمه و رقيه بملاية السرير وبتبكي وبتحاول تفوقه... بص علي باسل اللي كان هيقع جري ياسين وسنده بصله بصدمه من راسه اللي بتنزف وهوا غايب عن الوعي 

مكنش مستوعب ايه اللي حصل بس من منظر رقيه و جمال اللي كان عاري الصدر عرف وفهم اللي حصل وهوا كان مصدوم من خيانتهم.... خد اخوه علي اوضته بصعوبه وطلب له الدكتور بسرعه 

جي الدكتور وفحص جرح باسل لقاه مش خطير ومش محتاج لغرز عقم الجرح ولف راسه مكان الجرح بالشاش عشان الجرح ميتلوثش و يلتهم شكره ياسين ومشي... بص ياسين لـ اخوه بحزن ضم ايده بغضب شديد وطلع راح عند رقيه اللي كانت بعتت جمال علي المستشفى وبدلت هدومها وكانت لسه هتطلع وقفت لما شافته وكان بيبصلها يقرف وغضب 

ياسين بغضب شديد: عملتي ليه كده باسل كان بيحبك 

رقيه: بسخريه وانتو تعرفو يعني ايه حب وبالاخص انت.... بتبصلي يقرف ليه وانت بتعمل مع بنات الناس كدا... يعني احنا زي بعض فبلاش نظراتك دي 

نزل ياسين عليها بقلم قوي بصتله بغضب شديد وقالت بصوت عالي: انت بتضربني عشان قولتلك علي حقيقتك القذره ادايقت كدا ليه منتا فعلا كدا تقدر تقولي عملت كام علاقه مع كام بنت.... تقدر تقولي اغتصـ بت كام بنت ودمرت حياتها عشان رغباتك و شهـ وتك وبس.... لو كنت شايفني مقرفه و غلطانه و زانيه فـ انت زيي واكتر مني 

بعدين زقته بقوة بعدين عنها ومشيت.... بصلها ياسين بغضب شديد وفي نفس الوقت حس بقرف من نفسه.... معندوش حق يلومها وهوا زيها زاني و شهـ واني ماشي ورا رغباته وبس عمره ما حس ولا فكر في اي بنت قرب منها اذا حياتها هتدمر بسبب اللي عمله فيها ولا لا كان عايز بس يبسط نفسه تحت عزاب وقهر ووجع غيره 

رجع عند اخوه باسل لقاه فاق وكان بيحاول يقوم وهوا حاسس بصداع جامد في راسه.... قعد علي طرف السرير وهوا موجوع مكسور مجروح و دموعه بتنزل من اللي عملته مراته و صاحبه فيه 

بصله ياسين بحزن قرب منه وقال: صدقني ميستلهوش انك تزعل ولا دموعك تنزل عشانهم... دول واطيين ميستاهلوش حبك ليهم..... تعال.. تعال نرجع القاهره و انساهم 

مسح دموعه وقال بغضب: هيا فين

ياسين: قصدك رقيه معرفش هيا لسه نازله دلوقتي 

قام باسل بسرعه ونزل... مشي ياسين وراه بسرعه... كانت واقفه رقيه ولسه هتركب تاكسي بس مسكها باسل من شعرها بقوة وقال بغضب: انتي رايحه علي فين 

شاور ياسين لصاحب التاكسي انه يمشي فسابهم ومشي.... خد باسل رقيه وهوا ساحبه وراه تحت صراخها الجامد والناس واقفه بتبصلهم رماها جوا العربيه وراح ركب مكان السواقه وركب ياسين جنبه ومشي 

رقيه بصراخ وغضب: نزلني انت واخدني علي فين 

بصلها من مراية العربيه بغضب شديد بعدين بص قدامه وهوا سايق 

بعد فتره 

وقف باسل قدام عمراة اللي فيها شقة ام رقيه... نزل من العربيه وفتح الباب وسحبها من شعرها بقوة وسحبها وراه تحت صراخها الجامد 

رقيه: سبني انت بتوجعني.... بقولك سيب 

نزل ياسين ووقف عند العربيه وهوا شايف باسل ساحب رقيه وداخل بيها العماره 

طلع بيها علي فوق سكان العماره طلعو علي صوت رقيه.... طلعت صافي وانصدمت لما شافت باسل طالع وساحب بنتها من شعرها... بعدت عن الباب دخل باسل ورمى رقيه علي الارض 

صافي بصدمه: هوا في ايه.... جايبها بالطريقه دي ليه يا بني 

بصلها باسل و شاور علي رقيه وقال بصوت عالي وغاضب: بنتك بتخوني مع صاحبي 

سكان العماره سمعو اللي قاله باسل وانصدمو وبدأو يتكلمو عليهم.... بصت صافي لبنتها بصدمه شديدة وقالت: اللي قاله جوزك دا صحيح 

بصتلها رقيه بدموع وهيا ساكته... انصدمت صافي من سكوت بنتها اللي بيدل علي انه كلام باسل صحيح.... افتكرت لما جات عندها وخلتها كدبت علي باسل وهيا قالتلها انها كانت عند صحبتها.... كانت بتكدب عليها وكانت عند صحاب باسل و بتخونه معاه... نزلت دموعها بغزاره وضربت منها علي وشها بقوة... حطت رقيه ايدها على وشها ودموعها بتنزل وبصت علي باسل بغضب انه قال لـ مامتها 

بصلها باسل بجمود عكس اللي كان جواه وقال: انتي طالق طالق طالق 

بعدين سابهم ومشي.... بصتله صافي وهيا مصدومه ومش مستوعبه اي حاجه..... حطت ايدها على قلبها وهيا حاسه بوجع جامد فجأه وقعت علي الارض مغشيّا عليها.... انصدمت رقيه وراحت عندها بسرعه وهيا بتصرخ ان حد يساعدها بصلوها اهل العماره بقرف و رفضو انهم يساعدوها و سابوهم وكل واحد راح شقته..... صرخت رقيه جامد وهيا بتحضن امها 

ركب باسل العربيه... سمع ياسين صوت صراخ رقيه علي مامتها بص لـ باسل اللي مش مهتم ومتجاهل صراخها... ركب جنبه ومشيو من غير ما يساعدوها.... سابوها تتحمل عواقب اللي عملته 

............ 

رجع باسل و ياسين علي البيت انصدمت مرفت راس باسل ملفوفه بالشاش جريت عليه بلهفه وخوف وقالت: مالك يا بني حصل اي 

سابهم باسل وطلع وكان في حالة اللا وعي.... نزلت ساره وهيا بتبصله بصدمه واستغراب.... قعد ياسين علي الكنبه بحزن وتعب... قعدت مرفت جنبه وقالت: في ايه يا ياسين قولي متوقعش قلبي..... فين رقيه هيا مرجعتش معاكم ليه 

بصلها ياسين وحكى ليها كل حاجه حصلت شهقت وحطت ايدها على بؤها بصدمه شديدة وهيا مصدومه 

ساره بصدمه: يالهوى رقيه تعمل كده 

زعلت مرفت وقلبها اتقطع علي ابنها وقالت: ربنا يصبرك يبني و يعوضك يارب 

سمعت جوري اللي قاله ياسين و زعلت اوي علي باسل هوا شخص طيب وميستهلش اللي حصل معاه 

............. 

قدرت رقيه تاخد امها علي المستشفى و نقلوها علي غرفة الطوارئ...... شويه وطلع الدكتور وقال بحزن: القاء لله 

صرخت رقيه وجريت علي الاوضه حضنت مامتها جامد وهيا بتصرخ بكل قوتها بوجع وقهر علي والدتها 

....... 

بص ياسين علي باسل اللي اول مره يقرر يروح معاه علي البار كان ماسك كاسة وبيشرب عشان ينساها وينسي خيانتهم 

بصله ياسين بحزن وسحب الكاس منه وقال: كفايه بقا يا باسل... مش انت كنت بتزعق فيها و احيانا كنت تصربني عشان ابطل شرب... دلوقتي انت بتشرب ليه 

بصله باسل وهوا ساكت بس عينيه فيها كلام كتير بتتكلم وحديها عن وجعه وقهره وكسرة قلبه والصدمه اللي تعرض لها من اقرب ناس ليه 

بعدين قام وكان ماشي قاله ياسين: انت رايح فين 

شاور له باسل بايديه من غير اهتمام وكان سكـ ران ومش في وعيه....ركب عربيته ومشي بسرعه... طلع ياسين و وقف تاكسي ركبه وطلع ورا باسل وهوا قلقان وخايف..... كان باسل بيسوق بسرعه شديده 

............ 

كانت قاعده رقيه في البيت بتبص لكل ركن فيه وهيا بتفتكر امها وهيا بتعيط جامد.... سمعت صوت خبط شديد علي الباب... مسحت دموعها وراحت فتحت الباب وانصدمت لما شافت باسل والحاله اللي هوا فيها... كانت عيونه حمرا من فرط غضبه منها 

رجعت رقيه لورا وقالت: انت عايز ايه تاني مش كفايا ماما اللي ماتت بسببك 

بصلها وهوا بيبتسم ابتسامه مريبه ارعبتها وقال: بسيطه هبعتك ليها 

انصدمت رقيه من اللي بيقصده... اتفاجأت لما سحب السكينه اللي كانت في طبق الفاكه اللي علي الترابيزه.... رجعت لورا وقالت بخوف شديد: باسل انت هتعمل ايه.... باسل ارجع لوعيك 

باسل بغضب شديد: هقتلك يا رقيه هقتلك 

جريت رقيه برعب عشان تدخل الاوضه بس باسل كان اسرع منها ومنعها تقفل الباب و زقها وقعت علي السرير وكانت بتبصله وتبص للسكـ ين اللي في ايده برعب وخوف شديد 

وقف التاكسي قدام العماره بص ياسين علي عربية باسل وجري طلع علي فوق دخل الشقه دور عليه وهوا بينادم عليه... دخل الاوضه وانصدم بشده.... لما لقي باسل ماسك سكيـ نه ومليانه دم ووشه و هدومه غرقانين دم بص علي السرير لقي رقيه جثـ ه غارقه في دمـ ها........... 

#يتبع

تكملة الرواية من هناااااااا

لمتابعة باقي الروايه زورو قناتنا علي التليجرام من هناااااااااا

بدل ماتدور وتبحث علي الروايات عمل 

متابعه لصفحتنا على فيس بوك هنااااااااااا

الرواية كامله من هناااااااااا

مجمع الروايات الكامله 1اضغط هناااااااا

مجمع الروايات الكاملة 2 اضغط هنااااااا