رواية قلوب حائرة الفصل السادس وعشرون والسابع وعشرون والثامن وعشرون والتاسع وعشرون والثلاثون للكاتبة روز أمين (جميع الفصول كامله في مدونة قصر الروايات)

 رواية قلوب حائرة الفصل السادس وعشرون والسابع وعشرون والثامن وعشرون والتاسع وعشرون والثلاثون  للكاتبة روز أمين (جميع الفصول كامله في مدونة قصر الروايات)

رواية قلوب حائرة الفصل السادس وعشرون والسابع وعشرون والثامن وعشرون والتاسع وعشرون والثلاثون  للكاتبة روز أمين (جميع الفصول كامله في مدونة قصر الروايات)

🔹️بسم الله الرحمن الرحيم🔹️ 

لا إله إلا أنت سبحانك إني كنت من الظالمين 

رواية قلوب حائره

بقلمي روز آمين

                  💙🦋 البارت السادس والعشرون 🦋 💙

تمللت في فراشها بدلال وجدته ينظر لها بعيون عاشقه هائمه في ملكوتها،،

إبتسمت له بسعاده قائله بصوتٍ مٌتحشرج٠٠٠صباح الخير يا حبيبي ♡

أجابها وهو يداعب أنفها بأنفه ٠٠٠٠صباح الفل ♡

إبتسمت وسألته٠٠٠هو أنتَ صاحي من بدري ؟؟ 

أجابها وهو يهز رأسهٌ بإيماء  ٠٠٠صحيت ومرديتش أزعجك،،فضلت أبص عليكي وأتملي في جمالك وهدوئك وإنتي نايمه،،

ثم أكملَ بإنبهار٠٠٠٠٠هو فيه حد بيصحي من النوم زي القمر كده !!!

ضحكت ودفنت وجهها داخل أحضانه مٌحتضنةً إياه بسعاده ودلال وغاصت معهٌ من جديد في عالم العشاق،،

بعد مده كانت تضع رأسها علي صدرة،، وضع يده وأزاح عنها خصلة شعرها وأرجعها خلف أذنها ونظر لها بولهْ وتحدث برقه٠٠٠٠٠معقوله جمالك ده،،هو أنتي إزاي حلوة أوي كده طول الوقت ؟؟ 

إبتسمت ودفت وجهها داخل صدرة خجلاً ،، 

رفع وجهها إليه مرةً أخري ونظر داخل عيناها وتحدث بإنبهار٠٠٠٠تعرفي أيه أحلا حاجه بحبها فيكي يا مليكه؟؟ 

نظرت له وهزت رأسها بنفي وتحدثت بإستفام ٠٠٠٠أيه !

أجابها بعيون عاشقه ٠٠٠خجلك ورقتك،،برغم عدد سنين جوازك إلا إنك لسه بيور وخجوله ودي أحلا حاجه بتميز الست ،،وللأسف بقت قليله جداً ف زمنا ده !!

إبتسمت له فمال علي شفتاها ليشرب من شهد عسلها المميز ♡

ثم تحركَ وحملها ودلفَ بها داخل المرحاض تحت سعادتها المطلقه من دلالهْ الذائد لها !! 

بعد مده من الوقت تحدثت مليكه علي إستحياء وهي تٌمشط شعرها أمام مرأتٌها ٠٠٠٠٠ حبيبي ،،مٌمكن تنزل إنتَ الأول وأنا شويه كده وهحصلك ؟؟ 

نظر لها مٌضيقاً عيناه بإستغراب وتحدث مٌستفهماً ٠٠٠٠وليه ماننزلش إحنا الإتنين مع بعض ؟؟ 

تحمحمت بخجل وتحدثت٠٠٠٠معلش يا حبيبي بس أنا مش حابه حد ياخد باله من علاقتنا،،وكمان ياريت نتعامل مع بعض قدامهم زي الأول،،يعني مش عاوزه ماما ثريا تزعل لو حست بحاجه !! 

نظر لها بتساؤل٠٠٠٠وعمتي أيه إللي هيزعلها من حاجه زي كده ،،أنا مش قادر أفهمك بصراحه يا مليكه !! 

شعرت بالحزن يكتسي عيناه فاقتربت منه بدلال وتحدثت٠٠٠مش إنتَ كل إللي يهمك إننا نكون كويسين وبنحب بعض يا ياسين،،هتفرق أيه بقا حد يعرف بحبنا ده ولا لا،،

وتحسست صدره بيدها في حركة أذابت حصونه٠٠٠٠ياسين أنا بحبك أوي ومش عاوزه أي حاجه تحصل تاني وتتسبب في زعلنا،،، خلينا نعيش حبنا في هدوء من غير ماحد يحس ولا يشعر بينا،، أرجوك يا ياسين !! 

إبتلع لٌعابه من تقاربها وهيئتها المٌهلكه لرجولته وتحدث بإنصياع٠٠٠ إللي تشوفيه صح أنا موافق عليه يا قلبي

وأكمل بتمني ٠٠٠٠المهم حبيب جوزه يفضل يحبه ويهتم بيه ويدلعه زي إمبارح كده،،

وغمز بعينه بوقاحه

إبتسمت بخجل وتحدثت ٠٠٠٠إتفقنا  !! 

وبالفعل نزل ياسين وتجهزت هي الأخري وكادت أن تتحرك أوقفتها صورة رائف الموضوعه بعنايه فوق الكومود،،،

إقتربت منها وأمسكتها ونظرت له بحنين وغيمه من الدموع إكتست مِقلتيها 

وتحدثت بصوت مسموع ٠٠٠٠متزعلش مني يا رائف غصب عني والله،،معرفش أمتي وإزاي حبيته وأتشديتله بالشكل ده،،قاومت كتير صدقني،،كنت بشوف العشق والغرام ف نظرة عيونه وهو بيبصلي ومع ذلك قاومت،،بس غصب عني قلبي داب ف حبه وعشقهْ ،،

ونزلت من عيناها دمعه وهي تقول،،،،سبحانه مقلب القلوب،،بس عاوزه أقولك إنك هتفضل ف قلبي لأخر يوم ف عمري،، 

وأكملت بحنين٠٠٠٠٠أصل مش إنتَ الراجل إللي تتنسي يا رائف،،هفضل فاكرالك عشرتك الهاديه وقلبك الطيب وحنانك وحبك ليا،،وحشتني يا طيب ،،والله وحشني قلبك الطيب،،الله يرحمك يا حبيبي ويجعلك من أهل الجنه،،

ثم أكملت بإبتسامه وحماس٠٠٠٠أنا هاجي أزورك قريب إتفقنا،،،أرجوك متزعلش مني وسامحني ،،أرجوك يا رائف !!! 

ثم وضعت الصورة بمكانها ودلفت للحمام إغتسلت من دموعها وتحركت للأسفل !!! 

نزل ياسين للأسفل،، وجهت ثريا عَليه لإحضار الإفطار لهٌ وبعدها لحقت به مليكه وجلسا في الحديقه يتناولان إفطارهم بجانب يسرا وثريا  

في تلك الأثناء دلفت ليالي من البوابه الحديديه تبحث بعيناها عن ياسين وجدته يجلس بإرتياح يتناول طعامه وترتسم علي وجههِ علامات السعاده !! 

تمالكت حالها وكتمت غيظها ورسمت إبتسامه مزيفه علي وجهها وتحدثت٠٠٠صباح الخير !! 

رد الجميع وتحدثت ثريا بوجهٍ بشوش ٠٠٠٠إقعدي يا ليالي إفطري مع ياسين ويسرا ومليكه أكيد لسه ما فطرتيش ؟؟ 

تحدثت ليالي بإبتسامه كاذبه وهي تجلس بجوار ياسين ٠٠٠أنا فعلاً لسه مافطرتش يا طنط  !! 

ثم أمسكت بأناملها وجنة ياسين ووضعت بها قبله ناعمه ونظرت لهٌ بدلال وسحر وتحدثت٠٠٠عامل أيه يا بيبي إنهارده ؟؟ 

نظر لها بشك وريبه من إهتمامها الذائد الغير معهود وتحدث ٠٠٠الحمدلله كويس !!

وشرعت هي بتناول طعامها !!! 

أما مليكة فكانت بحال لاتٌحسد عليه فرغماً عنها شعرت ببركان غضب وغيره من لمسات ليالي لياسين وبرغم أنها الزوجه الثانيه وتعرف موقفها جيداً وأنها لا يحق لها تلك المشاعر إلا أن ذلك الشعور تمكن من قلبها وغزاه فأصبح كقطعةٍ فحمٍ شديدة الإشتعال !! 

شعر هو بها بالرغم من محاولتها المٌستميته لتخبئة ما يدور داخل صدرها

لكنه عاشق ♡ومن غير العاشق يشعر بنارِ معشوقه  ♡ 

تحدث ياسين لإخراج مليكتة من حزنها ٠٠٠٠أومال فين عاليا يا عمتي ،،مش سامع جنانها وهيبرتها في البيت إنهارده !! 

أجابتهٌ ثريا مع إطلاق ضحكات خفيفه ٠٠٠دي خرجت مع جيجي تشتري شوية حاجات،،قولتلها إستني مليكه لما تصحي قالتلي مليكه شكلها هتتأخر وأستعجلت ومشيت !! 

تحدثت مليكه بجديه ووجهٍ عابث٠٠٠٠لو كانت قالتلي إمبارح إنها هتخرج ومحتجاني معاها كنت صحيت بدري مخصوص علشانها !!! 

نظر لها بأسي لحالتها وتحدث ليٌخرجها من تلك الحاله٠٠٠مليكه،،هو أنا ممكن أتجرأ وأطلب فنجان قهوه من إيدك،،بجد وحشتني قهوتك جدااااااا 

إبتسمت رغماً عنها وأجابته بموافقه٠٠٠أكيد طبعاً !! 

وقفت ونظرت للجميع مٌتسائله بوجهٍ سعيد ٠٠٠٠مين تاني يحب يشرب قهوه مع ياسين ؟؟ 

نظرت لها ليالي بضيق وتحدثت بإستهجان ولهجه ساخره٠٠٠٠ هو من أمتي بقا أسمه ياسين يا مليكه،،مش كان سيادة العقيد بعد مابطلنا أبيه ؟؟ 

إرتبكت بوقفتها وأحمرت وجنتيها خجلاً وتعالت أنفاسها 

حين نظر هو إلي ليالي بتحدي وتحدث ساخراً٠٠٠٠من يوم ما بقت مراتي وأنا بقيت بالنسبالها ياسين يا مدام،،ولو مطلوب منها تقولي يا سيادة العقيد يبقي أنتي كمان هتقولي قبلها !! 

إنتفضت بجلستها وأعتدلت له وتحدثت بحده وتعالي٠٠٠٠إنتَ بتشبهني بيها يا ياسين،،بتشبه مراتك أم أولادك بواحده كل إللي بيربطك بيها حتة ورقه وبالغصب كمان ؟؟

صاح بها عالياً بغضب٠٠٠٠ليااالي،،إلزمي حدودك وماتتكلميش في إللي مايخصكيش علشان ماتسمعيش كلام يضايقك ويأذيكي !! 

تدخلت ثريا لفض ذلك الإشتباك ٠٠٠٠خلاص يا بنتي إنتي هتعملي مشكله علي موضوع ما يستاهلش !!

تحدثت يسرا بهدوء٠٠٠٠إهدي يا ليالي ،،ملهاش لازمه عصبيتك دي وخصوصاً إنك زي ما قولتي دي مجرد ورقه وما تستاهلش إنك تعملي عليها مٌشكله !! 

إشتعل بركان الغضب داخله من حديثهم الثائر لكرامته كرجل يعشق إمرأته ويقدسها ولم يستطع حتي البوح بما يكنه لها داخل صدره أمام الجميع !! 

نظر لها بغضب مكتوم ،،إرتبكت بوقفتها وأرتجف جسدها وأمتلئت مقلتيها بدموع الألم والحزن،،

إنسحبت بهدوء للداخل وأسرعت مٌتجهه إلي غرفتها،،،

إرتمت علي تختها وأجهشت بالبكاء المرير علي حالتها التي وصلت إليها ،،، 

هي متزوجه وتعشق زوجها ولكن لايحق لها حتي الإفصاح أو التعبير عن تلك المشاعر التي تنفجر عشقاً بداخلها 

أما ياسين فقد وجه بصره إلي ليالي ونظر لها نظرات تنفجر من داخلها نيران الغضب وتحدث بحده٠٠٠٠أخر مره هسمحلك بإنك تتكلمي بالشكل الهمجي ده مع مليكه ،، ولو ده حصل تاني قسماً بربي هتشوفي مني وش عمره ماعدي عليكي طول سنين جوازنا إللي فاتت ،،إنتي فاهمه 

وأكمل ساخراً٠٠٠٠ودالوقتي يلا روحي شوفي ولادك بيعملوا أيه ده لو كٌنتي لسه فاكره إن عندك ولاد ومسؤليه ،،

وصاح بها٠٠٠٠٠٠يلاااااااا 

إنتفضت برعب من تحولهٌ المفاجئ وغضبهٌ العارم هزت رأسها بإيماء وتحركت سريعاً للخارج متوجهه إلي منزلها 

وقف ياسين وهو يتنفس بغضب ينم عن ما بداخله من ثورة بركان غاضب !!! 

حاول تهدئة حاله ثم تحدث مٌتأسفاً٠٠٠٠أنا أسف يا عمتي إني إتنرفزت وعليت صوتي في وجودك ،،بعد إذنكم !!! 

وأنسحب هو الأخر للخارج ذاهباً بإتجاه البحر بقلبٍ ثائر حائر ما بين غاضب منها لأنها هي من وضعتهم في تلك الخانه، ، وبين قلبٍ مفطورٍ حزين لأجل دموعها التي رأها بعيناها وهي تترجاه ألا يغضب منها !! 

زفر بضيق وبدأ ينظم أنفاسه ويأخذ شهيقاً وزفير علَ هواء البحر النقي يريح قلبهٌ ورأسه المٌشتعلان بنار الغضب !!!

نظرت يسرا لوالدتها التي بدا علي وجهها الحزن والشرود أخرجتها يسرا وهي تربت علي يدها بحنان وتحدثت٠٠٠٠إهدي يا حبيبتي أرجوكي !! 

نظرت لها ثريا وتحدثت بأسي ٠٠٠٠ياتري أخوكي حاسس باللي بيحصل ده يا يسرا،،ياتري شايف مراته وحبيبته ونور عيونه وهي قلبها بدأ يلين و يروح لغيره ؟؟ 

تحدثت يسرا وهي تهز رأسها برفض٠٠٠٠أيه بس إللي بتقوليه ده يا ماما،،حضرتك ست مؤمنه ماينفعش تفكري بالطريقه دي، ،رائف الله يرحمه في مكان أحسن وكل الدنيا دي باللي عليها مابقاش يعنيله أي شيئ،، 

وأكملت بكذب حتي تٌطمئن والدتها ٠٠٠٠٠ وبعدين مليكه عمرها ما حبت ولا هتحب غير رائف،، طمني قلبك يا حبيبتي وأرتاحي من الناحيه دي !! 

أجابتها ثريا بتأكيد٠٠٠٠ليه،،هو إنتي مشفتيش دموعها ونظرت الألم إللي في عيونها وهي بتبص لياسين بعد كلام ليالي ليها ؟؟ 

تحدثت يسرا بتعقل٠٠٠٠عادي يا ماما،،واحده وأتهانت وسمعت كلمتين فارغين ملهمش لازمه عاوزاها تبقي مبسوطه مثلاً ،،

ثم تنهدت بأسي وأكملت٠٠٠يا ماما أنا مابحبش أشوفك كده،،إللي عند حضرتك ده وسواس من الشيطان،،عاوز يدخلك في حالة رفض للأمر الواقع والرضي بقضاء ربنا وقدره !! 

وتحدثت محاوله إخراج والدتها من حالتها تلك٠٠٠٠رائف خلاص يا ماما راح عند ربه يعني الدنيا واللي عليها مبقوش يفرقوله صدقيني،،أنا إللي هقولك الكلام ده وأنتي ست مؤمنه وحافظه وفاهمه كلام ربنا كويس ؟؟

تنهدت ثريا وتحدثت ناظره للسماء مناجيه الله سبحانه وتعالي ٠٠٠٠اللهم إني أستغفرك وأتوب إليك أعوذ بالله من الشيطان الرجيم، ،سامحني يا رب علي غفلتي،، إنت عالم بقلبي واللي جواه وأنت أدري بحالي مني،، سامحني علي جهلي الغير مقصود !! 

ربتت يسرا علي يد والدتها ونظرت لها بإبتسامه حانيه

                   ◇◇◇◇¤◇◇◇◇ 

دفعت ليالي باب غرفة منال بعد أن طرقت عدة طرقات سريعه لتقتحم خصوصيتها 

إنتفضت منال من جلستها علي المقعد وألقت بالمجله التي بيدها فوق المنضده بإهمال وتحدثت بفزع٠٠٠فيه أيه ياسين جراله حاجه ؟؟ 

أجابتها بسخريه وتهكم٠٠٠ماتخافيش أوي كده حضرتك،،، ياسين بيه مابيجرالوش حاجه،، لكن أنا إللي هيجرالي قريب من عمايله !! 

تنهدت بإرتياح وجلست فوق مقعدها مٌجدداً قائله بتهكم ٠٠٠خير يا ليالي،، أيه إللي حصل مخليكي داخله عليا داخلة المخبرين دي ؟؟ 

أجابتها بغضب٠٠٠البيه إبنك ،،

وقصت علي مسامعها ماحدث 

وبعدها أكملت بإستياء وقلق٠٠٠عمتو أنا بدأت أقلق من موضوع مليكه ده،،ياسين مش طبيعي يا عمتو،، ياسين بقا عامل زي المسحور 

ده ما بقاش قادر يسيطر علي حاله في وجودها ،،، 

بمجرد ما بيشوفها بيبقي عامل زي المراهق،،وشه بيبتسم ويفضل يبوصلها بنظرات عمره ما بصهالي حتي في أشد أوقاتنا الخاصه،، 

وأكملت بجنون٠٠٠٠حضرتك لازم تشوفيلي حل ،،ما أنا مش هفضل قاعده لحد ما ألاقي جوازه منها بقا طبيعي وألاقي نفسي مجبوره أتحمل وأقاسم جوزي مع ضٌره ؟؟ 

أجابتها منال بكل هدوء٠٠٠إهدي يا ليالي ومتتهوريش وتعملي تصرفات ترجعي تندمي عليها،، 

ياسين مش هيرحمك لو وقعتي تحت إيده،، ده إبني وأنا أدري بيه،، 

وبالنسبه ل مليكه مش عاوزاكي تقلقي،،، ياسين لسه ما طالش منها حاجه ولا حتي لمسها،، لأنه ببساطه لو كان طالها كان سابها ورمي طوبتها زي إللي قبلها وقبلها ،، 

ثم نظرت لها بشك وتحدثت ٠٠٠وبعدين يا ستي حتي لو خلاها زوجه فعليه ليه،،ماأعتقدش إن ده هيفرق معاكي كتير ،،

وأكملت بنبرة ساخره٠٠٠٠بدليل الستات إللي فضلتي تنخربي ورا ياسين وأجرتي واحد من شركة أمن إيطاليه يراقبه وعرفتي علاقاته النسائيه إللي مابتخلصش،، وبعدها ماكانش ليكي أي ردة فعل وكملتي حياتك معاه ولا كأنك عرفتي حاجه،،، 

وأكملت بتعقل٠٠٠٠ وأهو زهق من جوزات العرفي لوحده وبطلها من سنين،،  وبقي ليكي لوحدك وحتي مابقاش يخرجش برة البيت   !! 

أجابتها بغضب وغل٠٠٠٠لا،،،،تفرق كتير أوي لما جوزي يبقي بيعط بره في السر ومحدش عارف بلاويه وأبقا قدام الناس أنا الزوجه الوحيده وليا كل الصلاحيات والإحترام،،

وبين لما يبقالي ضٌره فعليه وتقاسمني جوزي في كل شيئ ،،

وأكملت بإستنكار٠٠٠٠ده مش بعيد وقتها ياخدها في حفلاته وخروجاته إللي تبع شغله عادي جداً،، 

وأكملت بتسائل٠٠٠٠ساعتها بقا تقدري تقوليلي شكلي أنا هيكون أيه قدام الكل ؟؟ 

تمللت منال وتحدثت٠٠٠٠٠يييييه يا لي لي ،،ماخلاص بقا،، لما يبقا يحصل وقتها نبقي نفكرلها في حاجه تبعدها عننا ،،بطلي كلام بقا وأتفضلي روحي شوفي وراكي أيه صدعتيني !!! 

                   ◇◇◇◇¤◇◇◇◇ 

مازال مٌمتثلاً أمام البحر يتنفس الصعداء علهٌ يهدئ من روعه،، إستمع إلي صوت هاتفه مٌعلناً عن وصول مكالمه أخرجهٌ من جيب بنطاله ونظر به وجدها هي،، نظر للسماء وزفر بضيق لا يدري بما سيجيبها ،، 

ضغط علي زر الأستقبال وأستمع لها بصمتٍ تام 

وإذ بها تتحدث بدموع وأسف٠٠٠٠أنا أسفه والله أسفه أرجوك يا حبيبي ماتزعلش مني !!! 

أجابها برجاء٠٠٠ خليني أعلن للكل عن علاقتنا يا مليكه،،خلي كل واحد يعرف حدوده و يحط لسانه جوه بقه ويبطل يتدخل في حياتنا،، 

وأكملَ بتساؤل غاضب٠٠٠٠٠أنا مش قادر أفهم أيه إللي يجبرنا علي إننا نسمع كلام سخيف من هنا وهناك ومنردش ونعرف الكل حدوده،، 

وأكمل بضيق٠٠٠٠ أيه إللي يجبرنا نتحمل كلامهم ونظراتهم السخيفه لينا،،أيه إللي يجبرنا علي إننا نخبي مشاعرنا ويكون كل شٌغلنا الشاغل إن ماحدش ياخد باله من نظراتنا لبعض أو حبنا يظهر في عيونا غصب عننا ،، 

أنا جوزك وأنتي مراتي قدام ربنا وقدام الناس،،

ليه مٌصره تحسسيني إننا إتنين مراهقين ماشيين مع بعض من ورا أهلنا وبنعمل حاجه غلط ،،،،ليه ؟؟ 

أجهشت في البكاء وهي تترجاه ٠٠٠٠بلاش يا ياسين أرجوك لو فعلاً بتحبني زي ما بتقول بلاش تعمل كده وخلينا علي إتفقنا،،إنت ماتعرفش ماما ثريا مٌمكن يحصلها أيه لو عرفت حاجه زي كده،، 

أنا أكتر واحده حاسه بيها كويس ،،هي تبان جامده وصلبه قدامكم لكن هي من جواها متدمره والموضوع ده فارق معاها جداً،، 

وأكملت بتألم٠٠٠٠أنا بشوف أسألتها في عنيها وهي بتبصلي ،،بحسها وهي بتترجاني وعيونها تقولي أوعي تعملي فيا كده يا مليكه،،، أوعي تخلينا أحس إن إبني مات فعلاً ،،،،

صدقني يا ياسين ماما مٌمكن يجرالها حاجه لو عرفت حاجه عن الموضوع ده !!!

تحدث بغضب وأستنكار ٠٠٠٠إنتي ليه محسساني إنك بتتكلمي عن حد أنا ماأعرفهوش ،،عمتي ست متفتحه وعقلها كبير،، ست مؤمنه وتعرف حدود ربنا كويس،،مش عمتي إللي تحرم حلال ربنا وتزعل منه !!!

إستجدتهٌ بإستعطاف ودموع٠٠٠علشان خاطري يا ياسين لو فعلاً بتحبني أعمل كده علشاني ؟؟ 

تنهد وتحدث بألم ٠٠٠وهو أنا مصبرني علي كل إللي بيحصل ده غير إني بحبك،،

وأكمل ٠٠٠٠يا مليكه أنا بعشقك وعلشان كده نفسي أصرخ وأسمع الدنيا كلها إنك حبيبتي ومراتي وإني خلاص بقيت جوزك إللي بتعشقيه ومتقدريش تستغني عنه ،، 

وأكمل بعشق مٌنصاعاً لأمر الهوي٠٠٠لكن طالما إنتي أمرتي بكده يبقا إللي إنتي عوزاه أنا هنفذهولك دالوقتي يا مليكه،،لكن هنتكلم ف الموضوع ده تاني !!!

إبتسمت وذاب قلبها عشقاً وتحدثت بصوتٍ أنثوي ناعم٠٠٠يا ياسين بحبك ♡ 

أجابها بحبٍ محاولاً مٌداراة ألمه الساكن روحه٠٠٠يا قلب ياسين أنا بعشقك ♡ 

ثم أكمل بنبرة جاده٠٠٠٠مليكه أنا عاوز أشوفك بره إنهارده !! 

أجابته بتساؤل٠٠٠طب إزاي وأنت لسه مابتخرجش بره البيت من وقت الحادثه،،وكمان أنا هقول لماما رايحه فين ؟؟ 

تحدث بضيق ٠٠٠٠إتصرفي يا مليكه،،قوليلها رايحه تزوري سلمي وأنا هاجي أخدك من عندها 

إبتسمت وتسائلت  ٠٠٠طب هنروح فين ؟؟

أجابها بحب وهيام٠٠٠٠لما تيجي هبقا أقولك هنروح فين !! 

أغلقت هاتفها بعد أن إتفقا علي أن يلتقيا بعد ساعه من الأن 

دلفت سعيده إلي المرحاض لتأخذ حماماً ينعشها ويغسل عنها حزنها الذي أصابها من حديث تلك الليالي !!! 

بعد ساعه كانت تجلس بشقة صديقتها سلمي وهي تتحدث بسعاده٠٠٠مش عارفه إذا كان إللي بعمله ده غلط ولا صح،،كل إللي أنا عارفاه وحساه إني بكون مبسوطه أوي وطايرة في السما وأنا معاه،، 

وأكملت بخجل ممزوج بسعاده وهي تنظر داخل أعيٌن صديقتها٠٠٠أنا شكلي حبيته أوي يا سلمي ♡ 

إبتسمت لها سلمي وتحدثت٠٠٠ربنا يسعدك يا مليكه،،ماتتصوريش أنا فرحتلك أد أيه،، ياسين حد محترم ويستاهلك بجد،، بس ياريت تحافظي عليه وما تحاوليش تبعديه عنك تاني علشان ده لو حصل تاني ممكن ساعتها تخسريه للأبد !! 

أجابتها بعيون هائمه عاشقه ٠٠٠٠ أبعد عن مين يا بنتي،،دأنا مبقتش أقدر أبعد عنه ولو يوم واحد،،بقيت بشتاقله أوي يا سلمي،، إمبارح لما دخل أوضتي جريت عليه وحضنته وكأن روحي كانت مفرقاني ورجعتلي تاني برجوعه ♡ 

إبتسمت سلمي وهي تري عشق صديقتها التي كانت تعتقد أن حياتها إنتهت برحيل رائف لكن الحياه تثبت أنها أقوي وتستطيع التغلب علي تغيُر قلوب البشر ،،♡فسبحان اللذي يُغير ولا يتَغيَر  ♡

وبعد مده هاتفها وصعد لها ليٌلقي السلام علي سلمي وأعطاها عٌلبه من الشيكولا السويسريه الفاخرة،، 

وإصطحبَ مليكه ووصل بها إلي فندق فخم كان قد حجز به غرفه خاصه ودلفا بها وأغلق بابها 

نظر لها بهيام وبدون إنذار دثرها داخل أحضانه بإشتياق وتحدث بهيام وهو يشتم رائحتها بسعاده ٠٠٠وحشتيني يا حبيبي،، وحشتيني أوي ♡ 

إبتسمت وتحدثت وهي تخرج من داخل أحضانه٠٠٠هو أنا لحقت أوحشك يا ياسين،،ده أنا لسه كٌنت معاك من ساعات ؟؟

تحدث بعيون عاشقه مٌتلهفه٠٠٠٠هتصدقيني لو قولتلك إنك بتوحشيني حتي وإنتي في حضني ؟؟ 

نظرت لهٌ بعيون سعيده وتحدثت بهيام٠٠٠للدرجادي بتحبني يا ياسين ؟؟ 

أجابها بحب٠٠٠وأكتر من الدرجادي يا قلب ياسين،،يا مليكه أنا عشقي ليكي وصل لمرحلة إن مابقاش فيه كلام يقدر يعبر عن أحساسي وشعوري إللي جوايا ليكي ♡

أخذ صدرها يعلو ويهبط من شدة سعادتها وعشقها له ♡ 

تحركَ وجلبَ كيسً كان قد بعثهٌ إلي الغرفه قبل مجيئهم ،، 

أخرج من داخل الكيس عٌلبه فخمه وفتحها أمام أعيٌنها وأخرج منها عٌقداً أقل ما يٌقال عنه أنهٌ تٌحفه فنيه صٌنعت خصيصاً بعنايه ودقه هائله ♡ 

نظرت للعٌقد بذهول وتحدثت ٠٠٠٠واااااو أيه الجمال ده كله يا ياسين،،،، ده تحفه فنيه ملهوش مثيل !!! 

إبتسم بسعادة وتحرك ليٌلبسها إياه مٌتحدثاً ٠٠٠٠لازم يكون تحفه وملوش مثيل ده هيتحط علي صدر البرنسيس مليكه عثمان ،،مش أي حد والسلام  !!! 

فكت حجابها وأعتطهٌ ظهرها وأعتدلت ألبسها إياه ومال علي عنقها وقبلهٌ بنعومه وأحتضنها وتحدث بهمس أذابها ٠٠٠٠ ياسين بيعشقك يا مليكه ♡ 

ثم لف وجهها إليه وأخذها داخل أحضانه وعاشا معاً أجمل لحظات الهوي ،،ليروي قلبهما العطش لحبهما السعيد ♡ 

                ◇◇◇◇¤◇◇◇◇ 

كانت تتحرك بسعاده مفرطه وهي تجاوره في طريقهما لغرفة الإستوديو الخاص بإذاعة برنامجهٌ الخاص ،،

كان ينظر لها بسعاده لسعادة عيناها وفرحتها المٌفرطه التي يراها أمامه !! 

وتحدث بتساؤل٠٠٠أيه يا بنتي السعاده إللي إنتي فيها دي كلها،،كل ده علشان جايه معايا الإستوديو ؟؟

أجابتهٌ بسعاده وهي تتحرك بطفوله بخلف ظهرها ناظره لهٌ بوجهها البريئ ٠٠٠٠ليك حق طبعاً تستغرب وتهون من الموقف يا أستاذ،،

أصل إنت ما تعرفش أنا أد أيه حلمت وأتمنيت إني أجي أزور الإذاعه وأشوف وأحس الأجواء عامله إزاي،، 

وأكملت بعيون حالمه٠٠٠ دأنا يااااما إتخيلت المكان وأتخيلتك وأنت قاعد كده وماسك الميكرفون وبتكلم فيه المستمعين،،،، 

وأكملت بإنتشاء٠٠٠٠٠٠٠الإذاعه دي إختراع وعالم تاني، ،عالم كله سحر مبني علي التخيلات ،،طب تعرف إني ماكنتش حابه أشوف صورتك علشان تفضل بالصوره إللي رسمتهالك في خيالي ،، 

ثم حمحمت خجلاً وأكملت مٌفسره حديثها٠٠٠أقصد يعني كلكم ،،،،مذيعين الراديو بلا إستثناء !! 

نظر لها بإستغراب ثم أبتسم وتحدث مٌستفسراً٠٠٠٠وإنتي بقا شوفتي صورتي فين ؟؟ 

أجابته بمرح٠٠٠٠أبداً،،كنت قاعده في يوم علي الاكونت بتاعي وبقلب لاقيت إعلان ممول لإذاعتك بتنوه فيه عن مواعيد البرامج علي المحطه الإذاعيه،،

كانوا منزلين صورة كل مذيع وتحتها إسمه وإسم برنامجه وميعاده !!! 

إبتسم وتحدث بمراوغه٠٠٠٠وياتري بقا لاقيتي صورتي  زي ما رسمتيها في خيالك ولا إتصدمتي من الواقع ؟؟ 

نظرت لهٌ بخجل وأستغراب من سؤاله 

أجابها سريعاً بمراوغه٠٠٠٠أقصد يعني صورنا كلنا ،،هو مش إنتي بردوا كنتي مٌتخيلانا كلنا وراسمه لكل واحد فينا صوره في خيالك ولا أيه ؟؟

هزت رأسها بتوتر وتحدثت سريعاً ٠٠٠٠أه طبعاً،،، أومال يعني كنت راسمه صورة جنابك بس ،،طبعا كل المذيعين يا حضرة الباشمذيع !! 

ضحك برجوله مٌهلكه لها وأشار بيده ٠٠٠طب إتفضلي أدخلي إحنا خلاص وصلنا !! 

دلفت داخل غرفة التسجيل تنظر لها بإنبهار وعيون عاشقه حقاً لشكل الإستوديو ومحتوياته،،بدأت تتحرك في جميع أنحاء الغرفه تنظر لأدوات التسجيل بإنبهار تام وتتلمسها بحذر وحب وكأنها تتلمس لوجنة طفل حديث الولاده ♡ 

نظر لها بإستغراب وحدث حاله٠٠٠من أين خرجت لي تلك الساحره ذات التفاصيل المٌبهره ،،هذه الفتاه أشبه بحوريه من حوريات الأساطير ،،

عاشقةٍ هي لكل شيئ أصيل،، حالمه بروحها السارحه في ملكوت عالمها الحالم  ،، 

كم أنتي غريبه وساحره أيتها الجميله، من أين جئتي وظهرتي ولأين ستصلي ،،كم أنتي بريئه،، أصيله،،نادره،، ذات طابع خاص وسط عالم سريع أشبه بوجباتهْ  !! 

فض تخيلاتهم صوت مٌعد البرنامج وهو يتحدث بجديه٠٠٠٠يلا يا أستاذ شريف إحنا جاهزين فاضل 10 دقايق ونطلع هوا 

ثم نظر لها وتحدث٠٠٠إتفضلي يا أنسه بره لو سمحتي علشان الصوت !! 

نظر لها شريف وتحدث بإهتمام ٠٠٠أخرجي يا عاليا أقفي بره وأنتي هتشوفي كل حاجه ،، لكن طبعاً لازم تشغلي الفون علي المحطه لإنك مش هتسمعي حاجه من الإزاز لانه عازل للصوت   !! 

ثم وجه حديثه لشخصِ ما يقف ٠٠٠٠سامح ،،ياريت كرسي بره وعصير فريش للأنسه لو سمحت !! 

أجابه الشاب بطاعه٠٠٠٠تحت أمرك يا أستاذ شريف ،،إتفضلي معايا يا أفندم !!! 

خرجت وهي تتلفت حولها ومازال الإنبهار يٌسيطر علي حالتها ♡

وقفت تنظر عليه وهي سعيده من خلال الغرفه ذات الحوائط الزجاجيه التي يقنط داخلها 

تحدث مخرج البرنامج بجديه ٠٠٠هنبدأ يا شريف يلا كله يستعد ،،،هوااااااا ،،1,,2,,3, 

تحدث شريف بسعاده وهو ينظر لها من خلف الحائط الزجاجي ٠٠٠٠مٌستمعين الأعزاء أهلاً بيكم في حلقه جديده من برنامجكم اليومي ساعه مع شريف،،وحشتوني جداً ،،

حلقتنا إنهارده هنتكلم فيها عن الصٌدف،،الصٌدف إللي بتغير حياتك أو بتحققلك حلم كنت شايفه بعيد عنك  ومستحيل إنك تحققه، 

هنتكلم كمان عن الشعور إللي ممكن الشخص مننا يحس بيه لو فجأه كده وبدون مقدمات شاف حلمه بيتحقق قدام عنيه وكل ده بمحض الصٌدفه،، 

كانت تضع سماعات الأذن وتستمع له من خلال هاتفها وأبتسمت بسعاده حين أدركت أنه يقصدها بكلامه ويتحدث عن صٌدفتها معه ،، 

أكمل هو٠٠٠٠حابب كمان أقولكم إن موضوع حلقتي إنهارده مش صٌدفه ،،لا خالص ،،وهقولكم ليه بقول كده لكن بعد مانسمع أغنيه كلنا بنحبها جدا !! 

وأكمل بمرح٠٠٠٠٠وبالصٌدفه بردوا إسمها صٌدفه،، الغنوه دي للفنانه الجميله أروي،، صٌدفه  ،، 

أدار شريف الغنوه ووجه بصره لها وأبتسم لسعادة عيناها الأمتناهيه ،،

بعد أنتهاء الأغنيه !! 

تحدث شريف وهو ينظر لعيناها٠٠٠٠ مٌستمعينا ورجعنالكم تاني ونكمل كلامنا وهقولكم السبب فاإني ليه إخترت موضوع الحلقه إنهارده  ،، 

الحكايه تخص واحده من أشهر أصدقاء برنامجنا هنا وإللي أكيد معظم متابعين برنامجنا عارفينها كويس،،  وإللي بمحض الصٌدفه شافتني وشفتها في مكان عمري ما كنت اتخيل إني أشوفها فيه،، 

الحقيقه أنا كنت داخل عند حد من قرايبي وفجأه ظهرت قدامي بنت وبدون مقدمات قعدت تبرقلي وهي مش مستوعبه إنها شيفاني قدامها ،،

وضحك وأكمل بدعابه ٠٠٠٠والأغرب من كده كمان إنها زعلت جداً مني علشان معرفتش أميز صوتها 

وأكملَ وهو ينظر داخل عيناها ٠٠٠٠٠البنت إللي بحكيلكم عليها دي هي صديقة البرنامج اللمضه أم أراء حره الباشمحاميه الأسوانيه،،

وبالمناسبه هي موجوده معايا هنا في الإستوديو وبتبعتلكم السلام !! 

ضحكت وهي سعيده وأشارت له بيدها بمرح من وراء الحائط الزجاجي !!! 

كانت تجلس بمكتبها الخاص بالإذاعه،،وكالعاده تستمع برنامجه وتتصيد لهٌ الأخطاء كي تفعل المشاكل وتتحكم بأرائها المٌستبده،،إستمعت لإطرائه لتلك المٌستمعه وجن جنونها حين إستمعته وهو ينوه عن وجودها داخل المبني الإذاعي ،، 

إنتفضت واقفه وتحركت سريعاً لتذهب له كي تٌشاهد من تلك المٌشاغبه التي طالما إفتعلت معه المشاكل بسببها ،، 

وصلت لمكان وقوفها وجدتها تٌحادثه من هاتفها علي خط البرنامج وجدتها تتحدث بمرح٠٠٠٠وأنا بجد مش قادره أقولكم أنا أد أيه مبسوطه إني موجوده في الأستوديو وقدامي مذيعي المثقف الواعي ،،بجد تجربه حلوه جدآ وشكراً ليك يا شريف علي إنك أدتني الفرصه دي وبجد بجد ثانك يو !! 

إبتسم لها نصف إبتسامه حين رأي تلك الغاضبه تجاورها وتنظر لها بإشمئزاز ثم حولت بصرها له بغضب وضيق 

تحدث شريف بإحترام٠٠٠٠٠أنا إللي مٌتشكر جدآ يا عليا وبجد مبسوط إني قدرت أحققلك حلمك وأشوف سعادتك دي كلها في عيونك وإنتي بتعيشي أجمل صدفه قابلتك من خلال زيارتك للإسكندريه،، عروس البحر المتوسط  !!! 

أنهت علياء مكالمتها وهي تنظر لهْ بإبتسامة سعيده أخرجتها من سعادتها صوت تلك الغليظه٠٠٠إنتي بقا الباشمحاميه إللي واجعه دماغنا ليل ونهار في البرنامج ؟؟ 

ضيقت عيناها وأستغربت من طريقة تلك المتعجرفه التي تربع يديها فوق صدرها وتنظر لها بكبرياء

أجابتها عليا بتهكم٠٠٠٠واجعه دماغك؟؟

سوري يعني هو أنا أعرفك ولا عمري شفتك علشان أوجع دماغك ؟؟

كادت أن تتحدث قاطعها شريف وهو يفتح باب الإستوديو مٌنادياً عليهما ٠٠٠ أيه ده إنتوا إتعرفتوا علي  بعض !! 

أجابتهٌ علياء بإستهجان ونبرة ساخره ٠٠٠لا والله ما حصليش الشرف ،،أنا كل إللي أعرفه عن الأستاذه إني يا حرام وجعالها دماغها ومصدعاها طول الوقت ،،وبس كده !!!

ضحك شريف علي طريقتها العفويه حين نظرت له سالي بغضب وتحدثت٠٠٠٠لا والله،،عجبتك أوي طريقة الهانم وهي بتتريق عليا وعلي طريقة كلامي ؟؟ 

توقف عن الضحك ونظر لها بجديه وتحدث٠٠٠فيه أيه يا سالي البنت بتهزر مش اكتر،،كبرتي الموضوع كده ليه ؟؟ 

صمت تام عم المكان وألف سؤال وسؤال بدأ يقتحم رأس علياء وتسائلت بحيره٠٠تري من تكون تلك المٌتعجرفه ذات الوجه البارد،،وما صلتها بشريف،،وبأي حق تتهكم عليه هكذا ؟؟ 

تراجعت سالي من حدتها وتحدثت بلين في محاوله منها لعدم إزعاج شريف وأكتسابه بصفها من جديد٠٠٠أنت زعلت كده ليه يا حبيبي ،،أنا كمان بهزر علي فكره وعلشان تصدق 

مدت يدها بإبتسامه مزيفه وتحدثت٠٠٠نورتي إسكندريه كلها يا حضرة الباشمحاميه،،بس قوليلي بقا،،،إنتي محاميه بجد ولا ده لقب إدتيه لنفسك؟؟

أصلي حساكي صغيره علي إنك تكوني محاميه !!

أجابتها علياء بعدم إرتياح٠٠٠انا لسه في كلية حقوق الفرقه التالته يعني فاضلي سنه واحده وأكون حضرة  المحاميه رسمياً !! 

تحدث شريف مٌحاولاً تخطيه حديث سالي المٌثير للأعصاب٠٠٠ طب تعالوا بقا اعرفكم علي بعض،، 

ونظر إلي سالي مٌشيراً إلي علياء مٌتحدثاً٠٠٠دي علياء ياسالي،  بنت عمو حسن أخو طنط ثريا حماة مليكه  !!

حدثت سالي حالها٠٠٠مليكه،،أيةٌ كارثه خاصه بحياتي تقنط بداخلها مليكه،،تلك المليكه أصبحت تسبب لي صداعاً مزمناً !!! 

ثم أدار بصره إلي علياء وتحدث بإبتسامه ٠٠٠ودي بقا سالي مذيعة برنامج أيام وليالي ،،أكيد متبعاه !!! 

وأقترب من سالي وأحاط بيده علي خصرها ونظرا بأعين بعضهما قائلاً وخطبتي وقريب أوي هتبقي مراتي !!

نزلت عليها كلماته كالصاعقه المٌدمره لكل ما يواجهها ،،تباً ،،بماذا هذي ذلك الشريف منذٌ قليل،،أقال خطيبته،،وهل لديك خطيبه أيها القاسي،،يا لكسرةُ قلبك علياء،، 

وبلحظه تحولت فرحتها إلي إنكسار وألم داخل قلبها البريئ 

تحدثت بإستفهام بوجهِ حزين٠٠٠٠هو أنتَ خاطب ؟؟ 

أجابها بإستغراب لتغير ملامحها للحزن٠٠٠هي مليكه ما قالتلكيش ؟؟ 

حاولت التماسك وابتلعت لٌعابها وتحدثت بتماسك٠٠٠ماجتش مناسبه علشان تقولي،، 

ثم مدت يدها له وتحدثت بإبتسامه كاذبه٠٠٠ألف مبروك،، عروستك زي القمر !! 

شدت يدها سريعاً  من يده وحولتها إلي سالي وبنفس تلك الإبتسامه الزائفه تحدثت٠٠٠٠مبروك !! 

ثم تحدثت بمحاوله للهروب ٠٠٠أنا همشي بقا علشان إتأخرت،،ومٌتشكره مره تانيه علي إنك خلتني أعيش اليوم الحلو ده !! 

تحدث هو ٠٠٠ إستني أجيب حاجتي علشان أوصلك !! 

تحدثت سالي سريعاً بعدما رأت كل تلك الحزن داخل أعيٌن تلك الفتاه التي يبدو عليها العشق  

٠٠٠٠ توصل مين يا شريف،،إنت ناسي إن مامي عزماك علي الغدا وأكيد قاعده مستنيانا ؟؟ 

نظر لها شريف وكاد ان يتحدث 

قاطعته علياء وهي تستعد للمغادره٠٠٠إتفضل إنتَ روح معادك وأنا هركب تاكسي وأروح !!

تحدث شريف٠٠٠يبنتي هوصلك وأرجع أروح معادي أساساً لسه بدري ،،وبعدين إنتي أمانه أنا اللي جايبك 

وأكمل بدعابه٠٠٠بعدين تتوهي ويحسبوكي عليا نفر !! 

إبتسمت بمراره وتحدثت بدعابه ساخره٠٠٠لو توهت هبقا أقول لعمو إللي في الشارع إني تبع عمو شريف بتاع الإذاعه !! 

وأستأذنت تحت أنظاره وألم تملك من قلبه،، لما ؟؟هو لا يعلم ؟؟ 

نزلت إلي الشارع أوقفت إحدي السيارات المستأجره وأنطلقت بها 

سندت برأسها علي زٌجاج السياره شارده ناظره للسماء وبدون أية مقدمات نزلت دموع عيناها بهدوء 

حدثت دموعها٠٠٠لما تنهمرين أيتها العزيزه ،،هل كنتي تعتقدين أنه سيعشقني ؟؟

ومن أكون أنا بالنسبةِ لهْ حتي يعشقني،،ومن أنا من تلك الجميله المٌتألقه ذات الشهرةِ الواسعه ،،ذات الجمال الأخاد ؟؟

لقد خدعني قلبي حينما أشعرني أنهٌ يتلمسٌني ،،خدعني حسي حينما أبلغني بميل إحساسه لإحساسي،،خدعتني عيناي حين إتصلت بشٌعاعِ عيناه الساحره فأصابت جسدي بالقشعريرة  ،، 

☆أهٍ بقلبٍ أتعبهٌ التمني،،لوأستطيعٌ لإنتزعتٌ عشقهٌ مني☆

ليتني لم أتي تلك الرحله،،ليتني لم أتعرف به ولم أعلق عليه أحلامي وأمنياتي ورغباتي،،

ليتني لم أري بسمة عيناه حين يلتقيني،،لمسة كفهْ حين يتلمسٌ كفي،،نبرتهٌ الحنون حين يٌناديني،، 

إستفيقي علياء وكفاكي هراءً أيتها الغبيه،،كفي أوهام لهذا الحد ،،إستفيقي وعودي لرٌشدك،عودي لدراستك ومستقبلكِ عودي علياء،،عودي !!!

إنتهي البارت

تري ما الذي يحملهٌ الغد لعلياء ذات القلب البرئ ؟؟ 

☆قلوب حائره ☆

     بقلمي روز آمين

🔹️بسم الله الرحمن الرحيم🔹️

لا إله إلا أنت سبحانك إني كنت من الظالمين 

رواية☆ قلوب حائره☆

بقلمي روز آمين

                 💙🦋البارت السابع والعشرون 🦋💙

دلفت داخل منزلها بقلبٍ طائر هائم عاشق حتي النٌخاع ،،

وجدت ثريا ويسرا ونرمين تجلسن في بهو الفيلا يتناولن مشروباً دافئاً ،،

جري عليها مروان إحتصنها بحب قائلاً ٠٠٠مااااامي وحشتيني !!! 

جثت علي رٌكبتيها وأحتضنته وقبلته بسعاده وتحدثت٠٠٠إنتَ كمان وحشتني يا قلبي،، قولي أكلت إنتَ وأخوك ؟؟ 

هز رأسهٌ بإيماء وتحدث٠٠٠أه أكلنا مع نانا وعمتو يسرا وعمتو نرمين وعلي !! 

أتي إليها صغيرها مهرولاً هو الأخر مٌتحدثاً بعتاب٠٠٠ إتأخرتي ليه يا مامي  !!! 

إبتسمت له وقبلته بنهم وحملته بأحضانها وأتجهت حيث الجمع وتحدثت بوجهٍ بشوش ٠٠٠السلام عليكم !!! 

ردوا جميعاً ٠٠٠وعليكم السلام ورحمة الله وبركاته !!!

تحدثت وهي ناظره لنرمين بإبتسامه٠٠٠إزيك يا نرمين !!

أجابتها بإبتسامه صفراء٠٠٠أهلاً يا مليكه !! 

ضحكت للصغير وحدثته بود٠٠٠٠إزيك يا علي ،،وحشتني !! 

أجابها الصغير بإحترام٠٠٠وحضرتك كمان وحشتيني يا طنط !!! 

تحدثت ثريا مٌوجهه نظرها إلي مليكه ٠٠٠إتأخرتي كده ليه يا بنتي ؟؟ 

أجابتها بإبتسامه حانيه٠٠٠ معلش يا ماما أصل سلمي كانت مجهزه غدا وأصرت إننا نتغدا مع بعض !! 

تحدثت يسرا٠٠٠بألف هنا يا ليكه ،،قوليلي سلمي أخبارها أيه ؟؟

اجابتها ببشاشة وجه٠٠٠الحمدلله يا يسرا بخير وبتسلم عليكي !! 

نظرت لها نرمين بحنق وتحدثت بإستهجان ٠٠٠وياتري بقا ياسين عارف إن سيادتك كنتي عند صاحبتك وسايبه ولادك هنا وقاعده ده كله عندها وكمان في وجود راجل غريب معاكم في البيت ؟؟ 

نظرت لها وتحدثت بكبرياء وقوه إكتسبتها من ياسينها٠٠٠٠أولاً جوز سلمي ماكانش موجود في البيت،،كان مسافر البحيره بيزور أهله،، 

ثانياً يا نرمين جوز سلمي راجل محترم وحطي تحت محترم دي 100 خط ،،وأنا عن نفسي بعتبره زي أخويا بالظبط يعني حتي وجوده بالنسبالي ما كانش هيبقي فيه مٌشكله !!! 

ثالثاً بقا إطمني،،،،أنا مابتحركش من البيت خطوة واحده من غير علم ياسين !!! 

نظرت ثريا إلي إبنتها وتحدثت بحده ٠٠٠٠ أيه يا بنتي الكلام إللي بتقوليه ده،،أحمد ده راجل محترم وأخوكي الله يرحمه كان بيعتبره زي أخوه بدليل إنه كان دايماً يعزمه هنا ويقعد في وسطنا وكأنه واحد مننا !!! 

تلعثمت نرمين من نظرات يسرا الحاده لها وأرادت تهدئة الوضع خوفاً من يسرا٠٠٠٠ يا جماعه أنا مقصدش إللي فهمتوه خالص،،أنا كل إللي كنت أقصده أنبه مليكه علشان تتفادي غضب ياسين منها مش أكتر !!! 

ثم نظرت إلى مليكه وتحدثت بلؤم٠٠٠٠ولا هو ياسين بطل يغضب عليكي خلاص يا مليكه ؟؟ 

إبتلعت مليكه لٌعابها وكادت أن تتحدث ولكن قاطعها حديث ثريا حيث وجهة لها الحديث٠٠٠٠شوفتي عاليا يا مليكه،،لاقيناها دالوقتي راجعه من بره وبتقول إنها حجزت و راجعه بكره علي أسوان !!!! 

إستغربت مليكه وتحدثت٠٠٠مسافره بكره إزاي يعني،،هي مش لسه إمبارح بالليل بتقول إنها كلمت مامتها وإستئذنتها تقعد كمان خمس أيام،،أيه إللي حصل خلاها تغير رأيها بالسرعه دي ؟؟ 

حركت ثريا كتفيها وتحدثت ٠٠٠مش عارفه ،،ما تطلعي تشوفيها وحاولي تقنعيها يمكن تسمع كلامك وتتراجع عن قرارها المفاجئ ده ،،إحنا إتكلمنا معاها بس هي رافضه النقاش ومقرره خلاص !!! 

تحدثت نرمين بضيق ٠٠٠٠يوووو يا ماما ماخلاص بقا واحده وحابه ترجع بيتها وسط أهلها ،،أيه هتخلوها تقعد بالعافيه ،،وبعدين البنت عندها كليه ودراسه يعني وجودها هنا في الوقت ده هو إللي غريب اصلاً !!! 

إستمعن لصوتهِ السعيد مٌتحدثاً بمرح٠٠٠٠مساء الخير علي أجمل وأشيك هوانم في إسكندريه كٌلها !!!

إلتفتت بوقفتها عليه وأبتسمت لهٌ بسعاده وطار قلبها ورفرفَ حين ألتقت عيناهٌ بعيناها وأصابها بسهم عشقهْ ♡ 

ردوا جميعاً علي مغازلته الرقيقه !!! 

وتحدثت ثريا بإبتسامه٠٠٠أهلاً يا ياسين تعالي يا حبيبي إشرب قهوتك معايا !! 

مرَ طيفهٌ بجانبٌها كاد قلبها الهائم أن يتركها ويحتضنه فرحاً ،، 

وجلس بجانب ثريا وقبل يدها بحنان 

وتحدث بمجامله لأجل ثريا ناظراً لنرمين٠٠٠٠ إزيك يا نرمين،،عامله أيه !! 

إبتسمت له وتحدثت ٠٠٠تمام الحمد لله يا ياسين ،،جرحك أخباره أيه إنهارده ؟؟

أجابها بإبتسامه سعيده٠٠٠٠زي الفل الحمدلله !!! 

حول بصره لتلك الواقفه مكانها وتحدث بمراوغه ٠٠٠٠ إنبسطي عند سلمي يا مليكه ؟؟ 

خجلت من سؤاله لعلمها مغذاه وتحدثت بمراوغه مْماثله قد إكتسبتها منهْ٠٠٠الحمدلله،، وعلي فكره سلمي بتسلم عليك وبتشكرك !!!

أجابها بضحكه رجوليه مٌهلكه لقلبها العاشق٠٠٠٠قوليلها لا شكر على واجب !! 

تحدثت يسرا بعدم فهم٠٠٠٠بتشكره،،،وياتري بقا سلمي بتشكرك علي أيه يا ياسين ؟؟ 

ضحك برجوله وأكمل٠٠٠أولاً علي إني خليت مليكه قعدت معاها براحتها وأكيد إنبسطوا مع بعض،،

وأكمل بكبرياء٠٠٠٠ثانياً بقا بعتلها علبة شيكولا سويسري فااااخره !!! 

ثم نظر إلي يسرا وتحدث٠٠٠طب بذمتك كل السعاده إللي عاشتها بسببي دي ما تستاهلش إنها تٌشكرني عليها ؟؟ 

تلعثمت من كلماته وإيحائاته ومراوغة حديثه فقررت الإنسحاب من أمام ذلك الساحر بطلته المٌهلكه وضحكاته المثيره لقلبها المسكين !!! 

فتحدثت بإنسحاب٠٠٠٠طب بعد إذنكم أنا هطلع علشان أبدل هدومي وأشوف عاليا !!! 

أشار لها بتوسل ٠٠٠٠طب ممكن قبل ماتطلعي تعمليلي فنجانين قهوه بأديكي ليا أنا وعمتي ،،ده طبعاً لو مش هيضايقك ؟؟

وأكملَ بإبتسامه٠٠٠خلاص مبقتش بعرف أشرب قهوه واتمزج بيها غير من إيدك ،،قدرك بقا !!!

إبتسمت له وأجابته٠٠٠٠ولا يهمك كل ما تحب تشربها قولي وأنا أعملك علطول !!!!! 

تحدثت ثريا بإهتمام٠٠٠٠أجبلك تتغدي الأول يا حبيبي !!! 

أجابها بإنتشاء وهو يتذكر تناولهٌ الطعام داخل غرفته الخاصة بالأوتيل وهو يجلسها فوق ساقيه ويٌطعمها بدلال وتطعمه هي بيدها داخل فمهْ٠٠٠٠٠إتغديت يا أمي،،أكلت أحلا جمبري وإستكوزا وكابوريا أكلتهم ف حياتي كلها  !!!

إبتسمت هي بخجل وتحدثت ثريا ٠٠٠٠بألف هنا علي قلبك يا حبيبي !!! 

ذهبت إلي المطبخ صنعت لهم القهوه بمذاقها المحبب لهم جميعاً وقدمتها وأنصرفت !! 

كانت هناك من تراقب عيناهم والغل والحقد يتأكل قلبها لرؤية عشق ياسين الواضح وضوح الشمس لغريمتها الكريهه التي لم تكتفي بهدم حياتها السابقه بل ظلت تكن لها كل الكره والحقد الغير مبرر !!! 

صعدت هي وجلس هو بجوارهم يحتسي قهوته بمرح وسعاده ظاهره علي ملامحه !!!! 

دلفت لغرفتها أولاً أخذت حماماً وأرتدت ثياباً بيتيه مريحه ثم ذهبت إلي غرفة علياء ودقت علي بابها بإستئذان

دلفت بعد السماح لها من علياء التي كانت تضع حقيبتها فوق التخت وتضع بداخلها أشيائها وكل ما يخصها

نظرت لها بإستغراب وتحدثت٠٠٠ده الكلام إللي بيقولوه تحت حقيقي بقا ،،إنتي بجد مسافره بكره يا عاليا ؟؟ 

تنهدت ووضعت أخر قطعة ملابس بيدها وأغلقت الحقيبه وأنزلتها ووضعتها بجانب الحائط !!!

ثم حولت لها بصرها و إبتسمت بمرارة قائله٠٠٠هو أنا هفضل قاعده هنا علي طول يا مليكه،،ما أنا مسيري في يوم هرجع بيتي،، مش فارقه بقا بكره أو بعد أسبوع !! 

سألتها بحٌزن وهي تجلس فوق المقعد ٠٠٠٠طب أيه إللي حصل وخلاكي تغيري رأيك بسرعه كده ؟؟ 

أجابتها بكذب ٠٠٠٠٠ ماما وبابا وأخواتي وحشوني أوي،،فجأه كده حسيت إن ناقصني حاجه كبيره أوي وبصراحه مش هقدر أقعد يوم واحد تاني بعيد عنهم !!! 

تنهدت مليكه بألم وتحدثت ٠٠٠٠أكيد طبعاً مش هقدر ألومك أو أراجعك في قرارك وخصوصاً بعد كلامك ده،، 

وأكملت بحنان ٠٠٠المشكله إني إتعودت عليكي وعلي وجودك معايا هنا،،إتعودت علي قعدتنا في البلكونه بالليل،،علي مشينا قدام البحر وإستمتاعنا بالكلام ،،إتعودت علي وجودنا مع بعض في المطبخ وإفتكاستنا اللي كنا بنطلعها ،،،خروجتنا وزيارتنا لقريبنا !!!! 

وتنهدت بحنين وأردفت٠٠٠٠هتوحشيني يا عاليا ♡ 

ذهبت إليها علياء وإحتضنتها وتحدثت بحب٠٠٠٠إنتي كمان هتوحشيني جداً وأكيد هنفضل نتكلم فيديو كول !!! 

إبتسمت مليكه وتحدثت٠٠٠٠هستناكي في أجازة الصيف زي ما وعدتيني ؟؟ 

إبتسمت نصف إبتسامه وتحدثت ٠٠٠إن شاء الله  !! 

_________________________ 

ليلاً !!! 

صعدت مٌني لغرفة علياء لتخبرها أن عمتها بإنتظارها بغرفتها بالأسفل،،،طرقت علياء باب غرفة عمتها ودلفت بعد سماعها إذن الدخول !! 

وجدت ثريا تٌجلس فوق تختها وتٌمسك بيدها صندوق مجوهراتها الثمين 

تحدثت علياء بإحترام٠٠٠٠حضرتك بعتيلي يا عمتو ؟؟ 

إبتسمت ثريا وتحدثت بحب ٠٠٠٠تعالي يا حبيبتي إقعدي هنا جنبي !! 

جلست علياء بجانب ثريا وتحدثت ثريا٠٠٠٠لسه بردوا مصممه علي إنك تسافري بكره ؟؟ 

إبتسمت علياء بحزن وتحدثت٠٠٠٠إن شاء الله يا عمتو !! 

تنهدت ثريا وتحدثت بأسي ٠٠٠هتسيبي فراغ كبير أوي يا عاليا ،،ما علينا المهم ،،أنا كنت حابه أهديكي حاجه من مجوهراتي علشان تفتكري عمتك بيها وإنتي ف أسوان !! 

إبتسمت علياء بسعاده طفوليه وتحدثت٠٠٠٠ليا أنا،،حبيبتي يا عمتو للدرجادي أنا غاليه عندك لدرجة إنك تهاديني من مجوهراتك الشخصيه ؟؟ 

إبتسمت ثريا وتحدثت ٠٠٠٠طبعاً يا عاليا وغاليه أوي كمان،،،،  دانتي ف غلاوة يسرا ونرمين ومليكه وربنا وحده إللي يعلم ،  يلا بقا شوفي هتختاري أيه ؟؟

أمسكت علياء الصندوق بحب وبحثت بداخله لتتفقده وإذ بها تٌخرج قلادة رقيقه للغايه وتنظر لها بإنبهار وتحدثت ٠٠٠٠الله يا عمتوا حلوة أوي السلسلة دي،، رقيقه وبتنطق من الذوق إللي فيها !! 

نظرت لها ثريا وأبتلعت لٌعابها وأمسكتها من يد علياء ونظرت بها وهي تتذكر حينما أوقفها عز ليهديها إياها ،، 

نعم،،،،،إنها هدية عز إليها حين كانت بالثامنة عشر من عمرها ،،إبتسمت بحنين لماضيها الجميل ♡ 

أخرجها من شرودها صوت علياء وهي تقول٠٠٠٠٠دي السلسله دي شكلها حكايتها حكايه،،سافرتي لحد فين يا عمتو ؟؟ 

إبتسمت لدٌعابة علياء وتحدثت بحنين ٠٠٠معلش يا عاليا ممكن تختاري حاجه غيرها !! 

إبتسمت علياء وأمائت برأسها بتفهم،،،،وبالفعل إختارت إسوارة رقيقه وجميله ثم شكرت عمتها وقبلتها وصعدت للأعلي !!! 

وقفت ثريا أمام مرأتها وأرتدت القلادة وأبتسمت بمرارة وحدثت حالها،،، سامحني عز ،، أنا لستٌ بغبيه لأغفل عن تلك المشاعر العارمه التي تكنها لي منذٌ صباك،، 

لكن متي كانت قلوبنا بأيدينا ،،، قلبي إنصاع لأمر العشق وعشق أحمد ،،وقلبك إنساق خلف مشاعره وعشقني،،لكن ليس الأمر بالهين ،، فقلبي كانَ قد عشقَ وحٌسم الأمر،، 

ثم.أبتسمت بحب وتحدثت ،،، أأخبرك سراً،،،،لقد عشقتُ عشقكَ لي ،،نعم أحببت غرام عيناكَ لعيناي،،،إحترمتٌ عشقك وقدرتٌ غرامك 

وأصدقكَ القول لقد إحترمتكَ كثيراً حين إحتفظتٌ بعشقي داخلك ولم تفصح لي عنه إلي وقتنا هذا،،،،

وهذا ما يميز عشقك أيها الفارس النبيل ،،نعم عز إنك لفارس في زمن قلَ بهِ الفرسان ،، 

فبرغم عشقكَ لي وبرغم رفضي لك إلا أنكَ لم تتخلي عني وعن أطفالي يوماً ما،،

يالك من رجل فريد نبيل ،،،أشكرك عز حقاً من أعماقٌ قلبي !!!

___________________________ 

أتي الصباح ودعت علياء عمتها والجميع بالدموع وذهبت بصحبة طارق الذي أوصلها إلي المطار حيث إستقلت الطائرة وذهبت بصحبة وجعها الجديد !!! 

إستغرب شريف من طريقة سفرها المفاجئ وخصوصاً أنها كانت قد أخبرته مٌسبقاً أنها قررت المكوث عدة أيامٍ أٌخرْ،، وبدأ يسترجع ذاكرته ويتلمس النقاط لسبب هذا التغيٌر المفاجئ وتيقن حينها أنه لاحظ ذلك التغيٌر حين أخبرها عن خطبتهِ من سالي !!!!!

__________________________ 

في صباح اليوم التالي !!!! 

داخل حديقة فيلا رائف كانت تجلس ثريا بصحبة ياسين وعز وطارق يتناولونَ إفطارهم ككلَ يوم ،،لفت إنتباه عز تلكَ القلادة التي تقتنيها ثريا فوق صدرها،،إقشعرَ بدنه وشعر برعشه تسري داخل قلبه وجسدهْ بالكامل،، 

وحدث حاله بتيهه،،،،،، ياالله،،،،هي،،نعم هي قلادتي التي أهديتٌها إياها مٌنذ الكثير والكثير من الأعوام،،، 

أه ثريا،،أما زلتي تحتفظين بذكري مني،،بماذا أفسر هذا ؟؟

قولي لي ثريا ،، بما أفسر هذا التصرف ؟؟ 

إنتبهت ثريا لذلك الحائر بنظراتهِ التائهه الشارده،،وحينها تذكرت أنها تناست وخرجت بتلك القلادة،، 

لامت حالها وحدثتها ،،، غبيه ثريا،،غبيه،،،كيف لكي أن تٌقدمي علي تلك الفعلةٌ الشنعاء،،،مسكينً عز،،سامحني أرجوك،،بالتأكيد لم أكٌن أقصد أدخالك ف تلك الحيرة وتلك المشاعر المٌتضاربه !! 

أخرجه من شروده حديث ياسين وهو يسأله٠٠٠٠٠إنتَ كويس يا باشا  ؟؟ 

حول بصرة لإبنه سريعاً ونظر لهٌ بنظرة تائهه وتحدث٠٠٠٠سلامتك يا حبيبي، ،سرحت شويه ف الشغل !!

إبتلعت هي لٌعابها وأستأذنت بحجة إستعجال القهوة ،، 

تحركَ هو خلفها وأوقفها بصوته الجهوري٠٠٠٠٠ثريا ،،إستني لو سحمتي !!! 

نظرت له بعيون خجله وتحدث هو بحديث ذاتَ مغذي ٠٠٠٠٠طب ليه يا ثريا،،ليه ؟؟ 

نظرت له وتحدثت ببسمة ألم٠٠٠٠علشان مكنش ينفع يا عز ،،صدقني ماكنش ينفع !!

تحدث بنظرة ألم ونبرة مٌلامه٠٠٠٠مين إللي قالك إنه ماكانش ينفع،،وإزاي تقرري لوحدك قرار مصيري زي ده ؟؟

وحدثها بألم٠٠٠٠تعرفي إن بقرارك ده دفنتي قلبي بالحيا،،،أنا عايش من غير قلب يا ثريا والفضل ف ده يرجعلك،،،، 

من يوم رفضك ليا وأنا وجعي مابينتهيش،، ليه عملتي فيا كده،، لما أنتي حاسه بيا من الأول ليه دبحتيني،،ليه يا ثريا ليه ؟؟ 

نظرت له وتحدثت بتألم لحالته٠٠٠٠علشان ياسين وطارق وشرين وعٌمر ما يكرهونيش يا عز،،علشان أفضل ف عنيهم عمتهم اللي بتحبهم وبيحبوها،،وعلشان منال مكانتش تستاهل أعمل فيها كده،،وعلشان أحمد الله يرحمه،،وعلشان مكسرش رائف وأدخل عليه ف بيته راجل غير أبوه !!! 

نظرت له بضعف وأكملت٠٠٠٠٠عرفت ليه ماكنش ينفع يا عز !!!

أجابها بعيون مٌتألمه تبكي دون دموع بل بالمعني الأدق تنذفٌ ألماً٠٠٠٠٠ وأنا يا ثريا،،،ليه مفكرتيش ف ألمي و وجعي،،،ليه كسرتيني ببعدك عني ورفضك ليا  ؟؟ 

وأكملَ بنظرة مٌلامه٠٠٠٠٠٠يااااااه يا ثريا،،،تخيلي أول مرة أعرف إنك أنانيه أوي كده ،،،للدرجادي ألمي وعذابي مكنش ليهم عندك أي حسابات ،،للدرحادي أنا طلعت حد مش مهم بالنسبالك علشان تفكري ف كل إللي حواليكي إلا أنا،، إلا عز يا ثريا !!! 

كانت تنظر له بقلبٍ مفطور وغيمه من الدموع إكتست مقلتيها بألم لأجله ولأجل ضعفه وألمه التي ولأول مرة تراهْ داخل عيناهْ ،،،ولكن ما بيدها لتفعله !!! 

نظر إليهم طارق مٌستغرباً حالتهم وتحدث لياسين ٠٠٠٠هو فيه أيه يا ياسين، ،هي أيه الحكايه بالظبط ؟؟

أجابهٌ ياسين بحزن وهو يعتدل مٌستعداً للنهوض ٠٠٠دي حسابات قديمه وبتتقفل يا طارق،،يلا قوم روح شغلك وأنا هرجع الفيلا أرتاح شويه !!! 

وبالفعل خرجا إثنتيهم ليكفوا عنهم الحرج  !!! 

نظرت له وتحدث بدموع٠٠٠٠سامحني يا عز،،صدقني كان غصب عني، ،أرجوك سامحني !!!! 

نظر لها بألم وتحدث٠٠٠٠مش مسامحك يا ثريا،،مش مسامحك علي أد ألمي وعذابي إللي لسه ساكن روحي من بعادك،،مش مسامحك ولا عمري هسامحك  !!! 

كان عذرك عندي إنك محستيش بيا،،،لكن دلوقتي ملكيش عندي أي أعذار !!! 

أعطاها ظهرة وخرج مٌتأثراً بحالته ذهب للبحر ليشتمَ هوائه قليلاً علهٌ يهدئ من روعه حتي يذهب إلي مقر عملهْ !!! 

ودلفت هي لغرفتها تبكي مٌتأثرتاً بحديثهٌ المٌميت ،،ولكن للأسف،،،تلك الدموع والندم يأتيان بعد فوات الأوان !!!!!

_________________________ 

دلف ياسين إلي مكتبه الخاص بالمنزل وأقترب من خزانته وفتحها وأخرجَ منها داتا خاصه به،، ثم وضعها علي جهاز الحاسوب بعدما أوصلهٌ بهاتفهِ الجديد وبدأ بنسخ المتواجد داخل الداتا ونقلهْ علي هاتفه وبعد إنتهاء النسخ أمسك هاتفه ليٌراجع كل ملفاته المهمه وأرقام الهواتف السريه الخاصه بعملهِ ف جهاز المخابرات،، 

لفت إنتباهه الفيديو المسجل بإسم،،،رائف ،،كاد أن يفتحه ويري ما يحتويه لكنه زفر بضيق حين تذكرَ وعدهْ المشؤم ل يسرا 

ألقي الهاتف بإهمال وأرجعَ رأسه للخلف بضيق !!! 

ثم تذكرَ حديث مليكه عن علم ليالي بعلاقاته النسائيه السابقه وبدأ بفحص ذاكرته وأسترجاع تلك الفترة بالتحديد،، تذكر ف ذلك التوقيت أنه وجهاز المخابرات إكتشفوا مراقبة ياسين من جهة أمنيه خاصه إيطاليه ،،

فعادة المخابرات أن تضع كل شخص تحت المراقبه الدقيقة من داخل الجهاز شخصياً،،، 

أولاً لأمانه،،ثانياً لمراقبة أفعاله،،وكان رأيس الجهاز علي علم بعلاقات ياسين مٌسبقاً والذي أخبرهٌ عنها ياسين شخصياً لتفادي سوء الفهم،،وبما أنها كانت ف إطار الزواج وف سريه تامه،،فلن يعترض وخصوصاً أن ياسين من أكفئ ظباط المخابرات وأمهرهم ولهٌ وضعيه خاصه لديه،، 

تنهد بألم وغضب من غباء تلك الزوجه وتصرفاتها المتهورة والتي تنم عن شخصيتها الغير مسؤله 

ف بغبائٌها كادت أن تودي بمسيرتهِ العمليه إلي الهاوية لولا ستر الله عليه !!! 

زفر بضيق وتعهد علي أن يٌعاقبها علي تلك الفعلةِ الشنعاء ولكن بهدوء وتخطيط !!! 

وأول عقاب لها هو حرمانها من النقود التي تٌنفقها علي أناقتها وجمالها المزيف وهذا سيكون أشد عقابً لها ،،

ثانيا سفرها السنوي إلي لبنان مع والدتها وشقيقتٌها لإقتناء كل ما يخص عالم الموضه والميك أب وعمليات التجميل والترميم والذي يتحمل هو جميع نفقاتها علي حسابهٌ الشخصي لثلاثتهم،،،والذي إقتربَ موعده 

تيقناً منه أن هذا هو العقاب المٌميت لتلك الفارغه من الداخل التي تٌدعي بزوجته !! 

إبتسمَ بتشفي وحدث حاله ٠٠٠٠٠صبراً أيتها الغبيه،،سأجعلكي تندمين وتذرفين الدمٍ بدلاً من الدموع علي ضياع أحلامك التافهه أمام أم أعيٌنك !!!

___________________________

بعد مرور إسبوع 

داخل منزل عز كان الجميع جالساً وسط جو أسري يتناولون التسالي بكل أنواعها ،،ويحتسون المشروبات المحببه لكلٍ منهم !!! 

تحدث عز مٌوجهاً حديثه إلي ولدهِ الأصغر عٌمر٠٠٠ماقولتليش نويت علي أيه بخصوص شغلك يا عٌمر ؟؟ 

اجابهٌ عٌمر وهو يضع بفمهِ إحدي حبات الكاجو ٠٠٠جايلي عرض حلو أوي يا دَاد كنت لسه هكلمك عنه،،شركه مالتي ناشيونال ليها فرع هنا في إسكندريه !! 

تحدثت منال بغرور٠٠٠٠تشتغل في شركه ؟؟

ليه ان شاء الله هو إنتَ قليل في البلد دي ،،أكيد بابا  هيأسسلك شركه !

ثم أحالت ببصرها إلي عز وتحدثت ٠٠٠٠ولا أيه يا عز ؟؟ 

أجابها عز بنبرة ساخره٠٠٠أأسسله شركه ،،وهو أنا كنت لسه شفته شاطر في شغله ولا أيه علشان أأسسله شركه،،ولا عوزاني أرمي فلوسنا علي الأرض يا هانم !!!

تحدثت منال ٠٠٠٠وأيه المشكله لما يجرب،، وهو طارق كان عنده خبره ولا كنا عارفينه هينجح في شغله ولا لاء ؟؟

ومع ذلك الشركه ماشاء الله نجحت وبقت من أكبر شركات التصدير والإستيراد في إسكندريه كلها !!! 

أجابها عز بنبرة جاده ٠٠٠٠طارق ماكانش لوحده يا منال،،رائف الله يرحمه كان معاه ومسانده،،و رائف كان شاطر جداً وكان عنده خبره قبلها من شغله في شركة خاله عبدالسلام،، علشان كده مترددتش لحظه لما فاتحني ف إنه يأسس الشركه ويدخل طارق شريك معاه !!! 

تحدثت بإمتعاض٠٠٠٠أااااه رائف ،،طبعاً طالما كان فيها رائف كان لازم توافق علشان تنول الرضا !!!! 

رمقها بنظرة كادت أن تحرقها لولا تدخل ياسين الذي قرر أن يٌهدأ تلك المشاحنات التي علي وشك ان تتحول إلي معركه وصراع بين ذلك الثنائي العجيب !!!!

تحدث ياسين بتعقل ٠٠٠٠٠والله يا ماما أنا من رأيي إنه يقبل العرض بتاع الشركه ويبدأ فيها لحد مايكتسب خبره وبعدها هو بنفسه إللي هيقرر إذا كان هيقدر يتحمل ويدير شركه بكل أعبائها ومشاكلها،،ولا يقرر يكمل في الشركه دي ،، 

وانا عن نفسي شايف إن الشركه دي ممتازه عٌمر كان قالي عليها ولما سألت لاقيتها شركه عالميه،،، وكمان عٌمر هيكونله فيها إمتيازات بما إنه خريج كامبريدج فده هيشفعله عندهم في الترقيات وهيديله مكانه مرموقه في الشركه إن شاء الله !!! 

تحدث طارق تأكيداً علي حديث ياسين٠٠٠٠أنا كمان رأيي من رأي ياسين !!! 

تحدث عٌمر٠٠٠٠خلاص أنا كمان شايف إني أجرب وأكيد مش هخسر حاجه !!! 

تحدث ياسين موجهاً حديثه إلي أبيه٠٠٠٠علي فكره يا باشا أنا مسافر بكره مأموريه تبع الشغل  !! 

صاحت منال بإرتعاب٠٠٠مسافر إزاي يا حبيبي وإنتَ لسه تعبان كده ؟؟ 

تحدثت ليالي٠٠٠سفر أيه يا ياسين وإنت جرحك لسه مصحيش ،،وبعدين إنتَ رجعت الشغل أمتي أصلاً علشان تلحق تسافر مأموريات ؟؟ 

نظرَ ياسين إلي والدته مٌتجاهلاً ليالي لغضبه العارم منها وتحدث٠٠٠٠رأيس الجهاز إتصل بيا وقالي إن الإنتربول الدولي قبض علي المجرم إللي ضربني بالرصاص وأنا لازم أروح أستلمه بنفسي علشان أتأكد من أمان وصوله لمصر علشان نبدأ ف إستجوابه ومحاكمته

نظرت منال إلي عز الجالس بهدوء وتحدثت ٠٠٠شكلك مش متفاجئ بسفر إبنك يا سيادة اللوا ؟؟ 

أجابها بإستفزاز ونبرة ساخره٠٠٠٠يمكن علشان معاه في نفس الجهاز والأوامر بتعدي عليه قبله ؟؟

نظرت منال إلي ياسين وتحدثت بنبرة صوت متوسله٠٠٠بلاش تسافر علشان خاطري يا حبيبي،، إنت لسه كتفك واجعك،،أنا خايفه عليك يا ياسين وأكيد الناس دي مش هتسيبك بسهوله وهيحاولوا يأذوك تاني !! 

أجابها عز ليٌطمئنها٠٠٠٠ماتقلقيش يا منال،، ياسين مسافر وسط إجرائات أمنيه مٌشدده من أمن الجهاز ومعاه فرقة حراسه من أكفئ رجالتنا ،،ولولا كده أنا عمري ماكٌنت هوافق إني أعرض إبني لأي خطر من أي نوع !!! 

نظر لها طارق وتحدث٠٠٠إطمني يا ماما هو ياسين أول مره يسافر ؟؟

تحركت أيسل وجلست بجوار والدها ونظرت لهُ بحنان٠٠٠ممكن يا بابي تخلي بالك من نفسك علشاني ؟؟ 

إحتضنها ياسين وقبل وجنتها وتحدث٠٠٠حاضر يا عيون بابي ♡

أكملت أيسل بدٌعابه٠٠٠طب قولي بقا،،حضرتك مسافر أي دوله علشان أعرف أختار هديتي كويس !! 

ضحك الجميع وتحدث ياسين من بين ضحكاته٠٠٠ وأنا أقول أيه الحنيه دي كلها،،أتاريها مش لوجه الله ،،للأسف طلعت علشان الهديه،،، 

وأكمل بحب٠٠٠٠علي العموم يا قلبي إنتي بس أشري علي إللي نفسك فيه ويكون عندك في لحظتها،،لان طبعاً وزي ماأنتي عارفه شغل بابي المفروض سري فامينفعش حد يعرف أنا مسافر فين !!!

أشارت بيدها علي حالها بدلال ٠٠٠٠حتي أنا يا بابي ؟؟ 

أجابها وهو ينظر إلي منال بحنان٠٠٠٠حتي نانا إللي قاعده قلقانه هناك دي !!! 

تحدث عٌمر بدعابه٠٠٠٠علي العموم يا سيلا لما بابي يرجع بالسلامه هنعرف من نوع الهدايا هو كان فين،،يعني مثلاً لو جاب شيكولا يبقي كان في سويسرا،،ولو جاب بن يبقي كان في البرازيل ،، 

أما بقا لو جاب معاه ستات حلوة يبقي أكيد كان ف باريس بلد الجمال !!! 

تحدثَ عز بحزم٠٠٠٠عٌمر ،،،ده مش وقت هزار ف الحاجات دي،،بيتهيألي فيه بينا أطفال ومراهقين ولا مش واخد بالك ؟؟ 

أراد ياسين إخراج والدهٌ والجميع من حالة التشنج التي أصابتهم من حديث عز الحاد إلي عٌمر 

فتحدث ٠٠٠٠٠أنا جوعت ،،،إنتوا مش هتأكلونا إنهاردة ولا أيه ؟؟ 

تحدثت منال سريعاً٠٠٠٠حالاً يا حبيبي أخليهم يجهزولك العشا !!!

تحدثَ حمزه طفل ياسين٠٠٠طب أيه رأيك يا بابي نطلب بيتزا دليفري !! 

وضع ياسين يده فوقَ رأس طفلهٌ بحنان وتحدث٠٠٠حمزه باشا يؤمر،،يبقي نطلب بيتزا علشان خاطر عيونك  !!! 

نظر له عز وتحدث بحديث ذات مغذي٠٠٠٠لازم تجوع بردوا ماأنتَ بتبذل مجهود ذهني جبار،،بالراحه علي نفسك شويه يا حبيبي وياريت متنساش إنك لسه تعبان !! 

ضحكَ طارق ساخراً حين رمقهٌ ياسين بنظرة مٌلامه مٌصطنعه !!! 

ثم أجابَ ياسين والدهِ بحديث ذاتَ مغذي٠٠٠٠٠ماتقلقش عليا ياباشا،،،أنا بعرف أوزن أموري كويس !!! 

كان الجميع سعيداً وأكملوا سهرتهم !!! 

            ◇◇◇◇◇¤◇◇◇◇◇ 

بعد يومان !!! 

سافر ياسين مع الفريق الأمني الخاص بالجهاز وكان التأمين علي أعلي مستوي ،،وصلا لمقصدهم وأستلموا من الأنتربول المتهم وتعرف ياسين عليه وبدأو بإستجوابه داخل السفارة المصريه،، إستعداداً لترحيله داخل البلاد ليستجوبهٌ جهاز المخابرات المصري لمعرفة لأي دوله ولصالح من يعمل ذلك الجبان،،،

ومر يومان علي سفره والأمور مٌستقره للجميع 

نزلت مليكه الدرج وجدت ثريا تجلس برفقة يسرا وجيجي ألقت عليهم التحيه ردوها بإبتسامات 

بعد مده تحدثت مليكه٠٠٠ماما بعد إذن حضرتك دكتور سيف أخويا باعتلي دعوة علشان أسافرله أنا والولاد نقعد معاه إسبوع ،،فا كٌنت بستأذن حضرتك أخلي شريف يخلصلي ورقي أنا والولاد إنهارده علشان المفروض نسافر بكره ،،،

علشان عيد ميلاد بنته بعد بكرة وهو حابب نكون موجودين معاه أنا والولاد  !!! 

إنزعجت ثٌريا وظهر علي وجهها القلق٠٠٠٠إسبوع يا مليكه،،يعني هقعد إسبوع بحاله مشفوش أنس ومروان ؟؟

يا قلبك يا بنتي ،،وأهون عليكي تعملي فيا كده ؟؟ 

حزنت مليكه لأجل حزن ثريا وأجابتها بمجامله٠٠٠٠صدقيني يا ماما أنا إعتزرتله وماكنتش عاوزه أروح لكن سيف أصر وقال إن الولاد من زمان ماسافروش وأهي فرصه يغيروا جو ويشوفوا بنت خالهم  !!! 

نظرت يسرا إلي والدتها وتحدثت٠٠٠٠معلش يا ماما ده كله إسبوع يا حبيبتي وهيعدي بسرعه ،،أنا شايفه إن دي فرصه كويسه لمليكه وللأولاد وهيفرق كمان في نفسية الأولاد !!! 

تحدثت جيجي ٠٠٠سبيها تروح يا طنط تفك عن نفسها شويه،،دول يا حبايبي من وقت إللي حصل وهم ماخرجوش برة البلد !!!

تحدثت مليكه بإرتباك ٠٠٠٠ولو علي البٌعد حضرتك مٌمكن تيجي معانا ،، طبعاً لو ده هيريح حضرتك !!!

أجابتها ثريا٠٠٠٠ما أنتي عارفه يا مليكه أنا مبحبش أخرج بره بيتي عاوزاني اسافر لندن مره واحده !!!

ثم نظرت لها بتساؤل٠٠٠٠إنتي قولتي لياسين ؟؟

إبتلعت لٌعابها بتوتر وأجابت٠٠٠٠أه يا ماما إستئذنت منه بالليل وهو وافق !!! 

إستغربت جيجي وأردفت٠٠٠غريبه أوي،،وعرفتي توصليله إزاي ؟؟ 

ده مش مدي أرقام تخصه لأي حد هو بس إللي بيتصل يطمن طنط منال مره في اليوم وحتي ليالي مكلمهاش من وقت ما سافر من يومين !!! 

إرتبكت مليكه وتحدثت ٠٠٠٠٠بالصدفه كلمني إمبارح كان بيسأل علي الأولاد وعلينا وقولتله !!!! 

ثم نظرت إلي ثريا بترقب وتحدثت ٠٠٠٠ما قولتليش يا ماما رأي حضرتك أيه  ؟؟ 

تنهدت ثريا بإستسلام وأردفت ٠٠٠٠هقول أيه يا بنتي لله الأمر من قبل ومن بعد،، سافري يا مليكه،،لكن إعملي حسابك هتكلميني كل يوم مرتين تلاته فيديو علي الأقل علشان أطمن علي الولاد !!! 

إبتسمت لها بسعاده وتحدثت ٠٠٠أكيد طبعآ يا ماما !!! 

              ◇◇◇◇◇¤◇◇◇◇◇ 

داخل غرفة عز ليلاً !! 

كانت منال تجاور زوجها فوق التخت إستعداداً للنوم ،،

تحدثت منال ٠٠٠عز ،،،أنا كٌنت عاوزه أعمل حفله في البيت هنا بمناسبة إن ربنا نجي ياسين وكمان علشان رجوع عٌمر بالسلامه،، قولت أيه ؟؟ 

نظر لها عز وتحدثَ بإستهجان٠٠٠حفلة أيه بس يا منال إللي عاوزه تعمليها ،،كده مٌمكن ثريا تاخد علي خاطرها وتزعل مننا  !!! 

تحدثت بإنفعال وغضب مٌتسائله٠٠٠٠وأنا أمتي هتعمل حساب لكسرة خاطري وزعلي زي ما بتعمل حسابها يا عز ؟؟

وأكملت بإنهيار ودموع٠٠٠٠ليه دايماً أنا إللي يداس عليا وعلي رغباتي وأعمل حساب لزعلها ومشاعرها،،عشت عمري كله متحمله ظروفها ومستحمله قربك منها ودفاعك عنها وحمايتها هي وولادها، ، لدرجة إنك كٌنت ساعات بتيجي عليا أنا و ولادي لحسابها هي وولادها،، 

دايمآ هما الأول والدنيا كلها تيجي بعدهم،،ده أنا ليا سنه و8 شهور عايشه حزنها لحد ما أبني كان هيضيع من بين إيديا،،

وأكملت بنبرة مٌلامه٠٠٠٠٠ماهو الحزن بيجيب حزن يا عز بيه ،، 

وأكملت بصياح ودموع٠٠٠٠حتي فرحتي برجعة إبني من الموت والتاني من السفر عاوز تحرمني منها ،، ليه يا عز ليييييه ،،،هو أنا مش مراتك ؟؟

كان مصدوماً من ردة فعلها ودموعها المٌنهمره منها بغزارة وهيئتها التي تٌدمي القلوب،  إنفطر قلبهٌ لأجلها 

أدخلها داخل أحضانه بحنان وبدأ بتهدأتها قائلاً ٠٠٠٠٠٠ إهدي يا منال من فضلك،، إهدي يا حبيبتي متعمليش في نفسك كده،، 

مفيش حاجه حصلت تستاهل زعلك ده كله،،ولو علي الحفله يا ستي أنا موافق ،،هجبلك أكبر متعهد حفلات يساعدك ويعملك أفخم حفله إتعملت في إسكندريه كلها !!! 

ثم أكمل بهدوء٠٠٠ أنا بس نفسي تعرفي إني عمري ماجيت علي حقك إنتي وولادي علشان ثريا زي ما أنتي فاهمه،، 

وأكملَ بتعقل٠٠٠٠٠إللي إنتي مش قادره تفهميه يا منال إن ثريا وولادها أمانة أخويا ليا وإني عمري ما كنت هقدر أجي عليهم ،،، 

والموضوع إختلف تماماً وذاد من بعد موت رائف،، وده لإن هي وبنات أخويا مبقاش ليهم ضهر غيري،،، لكن إنتي ربنا يباركلك فيا وفي أولادك تلات رجالة يسدوا عين الشمس ويفرحوا بجد،، 

لكن ثريا مسكينه،،، خسرت إبنها الوحيد وسندها وهو في عز شبابه وفوق ده كله سابلها أطفال يتامي،،، لو أنا موقفتش معاها ورعيت زعلها يبقي مستاهلش يتقال عليا راجل ،وأبقي فعلاً أثبت إني مش أد الأمانه   ،، 

رفع وجهها ونظر لها قائلاً ٠٠٠٠ياريت تكوني فهمتيني يا حبيبتي علشان تريحي نفسك وتريحيني من الشك إللي فضلتي عمرك كله معيشانا فيه !! 

تحدثت بدموع ودلال٠٠٠٠يعني أنا بفتري عليك يا عز ،،علي أساس إنك مكنتش عاوز تتجوزها بعد وفاة أخوك الله يرحمه ؟؟

أجابها بجديه مٌصطنعه وكذب ٠٠٠٠لا طبعاً،،،ده كان مجرد إقتراح من عمي ناجي الله يرحمه،،الله يجازيه بقا دبسني وخلع هو  !! 

أجابتهٌ بحزن ونبرة مٌلامه٠٠٠تقدر تنكر إنك كنت موافق ومرحب لولا ثريا وقتها هي إللي رفضت ودخلت اخواتها وقفوا قدام عمهم،،، وقالت إنها هتقعد تربي ولادها ومش هتدخل راجل غريب عليهم  ؟؟

ضحك بألم وتحدث٠٠٠٠يااااه دانتي قلبك إسود أوي يا منال ،،إنتي لسه فاكره التفاصيل دي كلها  !!

ثم أدلفها داخل أحضانه من جديد وتحدث بكذب ومراوغه ليريح عقله من نكد أتي لا مٌحال ٠٠٠عاوز أقولك بعد السنين دي كلها إني عمري ماحبيت غيرك يا ام ياسين،، وعمر ما ست دخلت قلبي غيرك،،بس لو تبطلي العنتظه والغرور إللي إنتي فيهم دول هتبقي هايله !!! 

ضحكا معاً وأكملا حديثهما !!! 

              ◇◇◇◇◇¤◇◇◇◇◇ 

داخل مدينة أسوان !!! 

كانت تقف فوق الباخره السياحيه العملاقه،،مٌمسكه بسورها تنظر إلي مياه النيل الصافيه بلونها الأزرق الشفاف الساحر للنظر،،بملامح يكسوها الحٌزن والشرود التام،، 

تتذكر بإبتسامه حزينه كيف عاشت أجمل أيام حياتها بتلك الرحله التي بدأت بحٌلمٍ جميل وأنتهت بكابوس سحقَ و بكل قسوه أحلامها الورديه التي عاشت طيلة عامان تنسجٌها من خيوط الخيال والغرام !!! 

أتي والدها من خلفها وتحدثَ بدعابه٠٠٠٠ إللي واخد عقلك !!!

نظرت له وتحدثت بإبتسامه مٌزيفه خبأت ورائها حزنها العميق٠٠٠٠ أكيد بفكر فيك إنتَ يا باشمهندس !!!

ضحك عالياً وأجابها٠٠٠٠طب عيني في عينك كده !!! 

برقت له ناظره بعيناهْ بدعابه وأبتسمت ثم نظرت مٌجدداً للنيل وأخذت نفساً عميقاً !!! 

نظر أمامه وتحدث٠٠٠٠مش ناويه تقوليلي أيه إللي حصل في إسكندريه خلاكي راجعه متغيره وعيونك حزينه بالشكل ده ؟؟

تنهدت بأسي وتحدثت بأريحيه٠٠٠٠عارف يا بابا لما تبقي عايش عمرك كله تحلم وتنسج أحلام ورديه في خيالك وتتمناها ،، وفجأه وبدون مقدمات تلاقيها بتتحقق قدامك وبتقرب منك أوي لدرجة إنك بقيت لامسها وحاسسها ،، وقتها بتقرر تطلق لروحك العنان وتسيبها تسرح  وتتمني ،،، 

كانت تتحدث بإبتسامه وعيونٍ هائمه وفجأه توقفت وتحولت ملامحها إلي حٌزنٍ يدمي القلوب 

وأكملت٠٠٠٠ومره واحده وبردو بدون مقدمات تكتشف إن إللي إنتَ عيشته وتعايشت معاه بروحك ووجدانك ماكنش أكتر من وهم وسراب ملوش أي أساس من الصحه غير جوه خيالك إللي خدعك وصورلك الأوهام علي إنها حقيقه !!!! 

ثم نظرت لأباها مٌتسائله٠٠٠٠إنتَ فاهمني يا بابا ؟؟

إبتسم لها بوجع فأخر ما تمناهْ هو رؤية غَاليتهْ وهي تتألم هكذا 

أمسك يدها وقبلها بحنان وتحدثَ ٠٠٠٠يبقي الحلم ماكنش ليكي من الأول ولا كان يستاهل تتعبي نفسك وترهقيها في التفكير علشانه،، 

أكيد ربنا شايلك الأجمل والأروع علشان كده بَعَد السراب ده عنك وبعتلك الإشاره علشان يفوقك قبل متتمادي أكتر وتضيعي وقتك فحاجه مش هتكون ليكي !!! 

ثم نظر لها بحنان أبوي وتحدث٠٠٠٠إنتي جميله أوي يا عاليا وأكيد ربنا شايلك كل جميل !!!

إبتسمت لهْ بمرارة ودلفت حالها داخل أحضانهٌ الحانيه لتختبئ داخلها هاربه من حٌزنها المٌميت !!!! 

              ◇◇◇◇◇¤◇◇◇◇◇ 

داخل إحدي كافيهات إسكندريه !!! 

كانت تجلس تحتسي مشروبها ناظره بضيق علي الجالس معها بجسده فقط وعقله وروحه بمكانٍ أخر،، 

أوصلهٌ عقله بمكانٍ بعيد شعر بأنهٌ يفتقدها،، يفتقدٌ إبتسامتٌها العذبه ،،حديثها العفوي الذي يخرج من قلبها ويصل سريعاً لقلبهْ،،بسمة عيناها حين اللقاء،،لمسة ودفئ يداها حين السلام ،،دٌعاباتها التي تٌسعده وتٌدخل علي قلبهٌ السرور !!! 

تحدثت بكبرياء وصوتٍ حاد ٠٠٠٠فيه أيه يا شريف،،أيه إللي واخدك مني بالشكل ده ؟؟ 

أفاق من بين شروده وأجابها بوجهٍ عابس٠٠٠٠مفيش يا سالي، ،، تعبان شويه وقولتك بلاش نٌخرج إنهاردة لكن إنتي أصريتي !!! 

تحدثت بنبرة عنيفه٠٠٠قصدك أيه يا شريف ، أفهم من كده إنك خارج معايا غصب عنك ؟؟ 

نظر لها بضيق وتحدث٠٠٠٠هو إنتي مش ناويه تبطلي إسلوبك المٌستفز ده ،،دي مابقتش طريقه مناقشه ،،إنتي مش ملاحظه إن مافيش مره بنخرج فيها غير لما نتخانق !! 

تحدثت بضيق وكبرياء ٠٠٠٠والله قول لنفسك الكلام ده يا أستاذ ،،إنتَ إللي بقيت عصبي ونكدي بطريقه مٌستفزه !!! 

نظر لها بضيق وتحدث بإستفزاز ناهياً النقاش٠٠٠٠٠سالي أنا هطلب الشيك علشان نمشي ،، بجد تعبان ومش قادر أقعد ولا أتناقش أكتر من كده !!! 

نظرت لهٌ بغضب وضيق تجاهلهم هو وطلب الشيك من العامل ليٌنهي هذا اللقاء السخيف بالنسبةِ لهْ !!!

             ◇◇◇◇◇¤◇◇◇◇◇ 

في إحدي المطاعم الفاخرة،كانت تجلس جيجي بجوار طارق تتناول عشائها بسعاده نظرت لزوجها وتحدثت بإنتشاء٠٠٠٠الأكل حلو أوي يا طارق !!! 

نظر لها وهو يتناول قطعة اللحمْ وتحدث٠٠٠٠فعلا يا حبيبتي، ،الأكل إنهاردة هايل !! 

نظرت لهٌ جيجي بإستفسار٠٠٠٠طارق،،هي العلاقه إللي بين ياسين ومليكه إتطورت ولا أنا إللي بيتهيألي ؟؟ 

نظر لها بإبتسامه وتحدثَ بمراوغه٠٠٠٠٠إتطورت إزاي يعني ؟؟ 

إبتسمت له وتحدثت٠٠٠ياريت تبطل تتلائم عليا يا طارق،،إنتَ فاهم كويس أوي أنا أقصد أيه !! 

أجابها طارق بضحكه رجوليه ٠٠٠٠طب ممكن تقوليلي  أيه إللي خلاكي تسألي السؤال ده  ؟؟ 

أجابتهْ٠٠٠٠٠أصلي ملاحظه كده إن ياسين إتغير وبقي حنين أوي مع مليكه وكمان نظراته ليها كلها حب وإهتمام،،حتي مليكه ملاحظه إنها مبقتش بتضايق زي الأول من ياسين وتحكماته فيها،،ولا بقت تشتكي منه،،،

مش عارفه ليه عندي إحساس إن الوضع بينهم بقي طبيعي جداً كزوجين !!! 

ثم نظرت لهٌ بتساؤل٠٠٠٠٠طارق،،،هما ممكن يبقي حصل بينهم حاجه؟؟ 

أجابها طارق بمراوغه٠٠٠٠صدقيني معرفش ،،لكن أنا زيي زيك ملاحظ التغيير ده ،،لكن الوضع بينهم وصل لأيه،، الله أعلم !!! 

تحدثت جيجي٠٠٠ده لو فعلا حصل بينهم حاجه ليالي وطنط منال هيخربوا الدنيا !!! 

زفر طارق بضيق وتحدث٠٠٠٠٠ملناش دعوه يا جيجي،،وياريت الكلام اللي قولتيه من شويه ده مايخرجش برة القعده دي،،، 

وأكملَ بضيق ونبرة مٌلامه٠٠٠٠٠٠وبعدين هو أحنا خارجين علشان نتكلم عن علاقة ياسين ومليكه ولا أيه يا هانم ؟؟ 

نظرت له بحب وتحدثت بأسف٠٠٠٠٠أنا أسفه يا بيبي،،حقك عليا يا طروق ،،،

وأكملت بدلال أنثوي لتسترضيه ٠٠٠٠٠بحبك يا طارق ♡

وبلحظه إختفي غضبهْ ونظر لها كالأبله وتحدث بعيون عاشقه٠٠٠٠يا عيون قلب طارق إنتي ♡ 

وأكملا عشائهما وسط أجواء رومانسيه مٌتناسين العالم من حولهما  !!!! 

             ◇◇◇◇◇¤◇◇◇◇◇ 

في اليوم التالي !!! 

أوصل طارق وشريف مليكه وأطفالها إلي المطار وأستقلت مليكه الطائره هي وأطفالها وبعد مٌده وصلوا لمطار لندن الدولي،،

دلفت مليكه من صالة كبار الزوار كانت تحتضن صغيرها وتٌمسك بيدها مروان وبجانبها رجل أمن يسحب لها حامل الحقائب بكل إحترام ،،أمسكت هاتفها وأعادة تشغيله 

ثم ضغطت زر الإتصال أتاها الرد وتحدثت بإبتسامه جذابه ووجهٍ سعيد وصوتٍ أنثوي رقيق ٠٠٠٠أيوه يا حبيبي أحنا وصلنا المطار،، إنتَ فين ؟؟

انتهي البارت 

☆قلوب حائره ☆

روز آمين

🔹️بسم الله الرحمن الرحيم🔹️

لا إله إلا أنت سبحانك إني كنت من الظالمين 

رواية☆ قلوب حائره☆

بقلمي روز آمين 

                        💙🦋البارت الثامن و العشرين 🦋 💙

وصلت مليكه إلي مطار لندن الدولي بصحبة أطفالها وسط إستقبال يليق بها مٌسبق الترتيب منهٌ شخصياً 

تحدثت بالجوال بصوتٍ يملئهٌ الحنين والإشتياق ٠٠٠أنا وصلت يا حبيبي، ،إنت فين عاوزه أشوفك ؟؟

أجابها الجالس بإنتظار أمامَ المطار داخل سيارته الخاصه بجهاز الإنتربول ،، مٌنتظراً وصولها مع طفليها ٠٠٠٠٠أنا بره المطار يا حبيبي وسيف جوه عندك مستنيكي في صالة الوصول،، 

وأكمل بمعاتبه لطيفه يحاول بها كتم غيظه من تصرفاتها التي ستصيبهٌ بذبحه صدريه حتماً ،،

ولكن ماذا بيده ليفعله فقد جعلهٌ العشق طائع تابع لرغباتها وأوامرها التي أصبحت سيفاً علي رقبته مٌطيعاً لها بقلبٍ مٌسالم راضي مٌستسلماً لأمر الهوي وأمرها !!!!

تحدث ياسين بعتاب لطيف٠٠٠٠ مش لو أعلنا للكل إن جوازنا بقا فعلي كان زماني أنا إللي مستنيكي في المطار وبستقبلك أنتي والولاد بدل منا عامل زي المراهق كده ومستني في العربيه بره علشان بس أشوفك وقلبي يهدي 

٠٠٠٠٠٠٠٠٠٠٠٠٠٠٠

فلاش بااااك !!!!! 

مليكه علي الهاتف بصوتٍ مٌتلهف ٠٠٠٠وحشتني يا ياسين وحشتني أوي ♡ 

أجابها ياسين بقلبٍ هائم ٠٠٠٠وإنتي وحشتيني أوي يا قلب ياسين ♡

وأكمل بحب٠٠٠٠ليكي عندي خبر حلو أوي !!! 

تحدثت بسعاده ٠٠٠٠خبر أيه قول بسرعه ؟؟ 

أجابها بحب ٠٠٠٠أنا كلمت دكتور سيف أخوكي وأتفقت معاه علي أنه يستضيفك في لندن إنتي والولاد إسبوع وأنا هكون في إنتظارك يا قلبي،،، 

وأكملَ بصوتٍ هائم عاشق ٠٠٠٠نفسي أقضي معاكي شهر عسل يا مليكه ♡ 

إنتفض قلبها بسعاده من تأثير كلماته عليها ولكنها تحدثت سريعاً  بخجل ٠٠٠٠٠ إخص عليك يا ياسين إنتَ قولت ل سيف علي إللي بينا ؟؟

تحدث بحده أرجفت جسدها٠٠٠٠أه يا مليكه قولتله أظن سيف مش هيفكر بالعقليه المتخلفه ولا هيشوفك بالصوره إللي سيادتك خايفه ومتصوره إن الكل هيبصولك بيها،،، 

وأكملَ حديثهٌ بلوم٠٠٠٠ وبعدين ده بدل ما تبقي فرحانه علشان هنقضي كام يوم مع بعض لوحدنا تفكري في شكل سيادتك قدام سيف،،،

وأكمل بضيق٠٠٠٠٠ إطمني يا هانم،، أنا نبهت عليه إن الموضوع هيكون سر بينا وطبعاً مراته الوحيده إللي هتكون عارفه !!!

تحدثت بهدوء في محاوله منها لإمتصاص غضبته تلك٠٠٠٠خلاص يا حبيبي حقك عليا،، أنا أسفه،،، أرجوك علشان خاطري متزعلش مني !!! 

إنفطر قلبهْ وبلحظه تحولَ من نار إلي رماد من تأثير كلماتها بصوتها الحنون وتحدثَ بهدوء٠٠٠٠٠خلاص يا حبيبي مش زعلان، ،المهم لازم تقولي لعمتي بكره الصبح علشان سيف هيبعتلك الدعوه علي أخر اليوم ان شاء الله  ،، 

وأكمل بجديه ٠٠٠٠ أه وبالمناسبه ماتجبيش الناني بتاعت أنس معاكي،،أنا إتفقت هنا مع شركه محترمه هتبعتلنا بيبي سيتر تقعد مع الولاد في الوقت إللي هنكون فيه مع بعض، ،مش عاوزين نتقل علي مرات دكتور سيف ونشغلها معانا !!!!

إبتسمت بسعاده لإهتمامه بأدق التفاصيل الخاصه بها وبصغارها وتحدثت بصوتٍ يكسوهُ السعاده ٠٠٠٠ربنا يخليك ليا يا ياسين،، بحبك،، بحبك أوي ♡ 

أجابها بصوتٍ هائم في دنيا غرامها ٠٠٠وأنا بعشقك يا قلب ياسين من جوه ♡ 

عوده للحاضر !!!!! 

مليكه٠٠٠٠خلاص يا حبيبي أنا هقفل معاك علشان شفت سيف  خلاص وقربنا نخرج للصاله،، 

وأكملت بمرح مٌتذكره٠٠٠٠أه بالمناسبه ،،متشكرين أوي يا سيادة العقيد علي الإستقبال الملكي ده !!!

أجابها بغرور مٌصطنع ٠٠٠٠يا بنتي ده أقل واجب يتعمل لإستقبال مرات العقيد ياسين المغربي رجل المخابرات الأول،،

يا حبيبي جوزك معروف بالإسم في الإنتربول العالمي !!!

أجابته بحب ٠٠٠٠أنا جوزي أعظم راجل في الدنيا كلها !!! 

أغلقت معه وخرجت إلي سيف الذي إستقبلها بحفاوه هو وطفلتهِ جاسي 

سيف وهو يحتضن أنس ٠٠٠٠أنوس باشا إللي كبر وبقي راجل أد الدنيا 

إبتسم لهٌ أنس وتحدثَ بطفوله٠٠٠٠حضرتك ليه خسيت هو أنتَ مش بتخلص طبقك كله ؟؟ 

ضحكت مليكه وتحدثت ٠٠٠٠ليه هو زي أنوس،، خالو شاطر وبيخلص طبقه كله ،،لكن كاميرا الفيديو بتجيب الناس أتخن شويه يا أنوس يعني خالو هو كمان شايف انوس خاسس !!! 

ضحكوا جميعآ وبعد مده قليله كانوا خارج المطار وقفت تتلفت بلهفه علها تري سيارة حبيبها العاشق بجنون !!! 

وبالفعل وجدته أشار لها من شباك سيارته كان مٌرتدياً نظارته الشمسيه حتي لا يتعرف عليه الصغيران وذلك حسب تعليماتها التي ينساق لها لما ؟؟ لا توجد إجابه مقنعه لديه ولكنه العشق يا ساده،، فا تباً لهْ !!!

نظرت لهٌ وبدأ صدرها يعلو ويهبط بسعاده من شدة الإشتياق لمجرد لمحها له من بعيد ،،إبتسم لها وأبتسمت ،،وضع سيف يدهٌ فوق كتفها وتحدثَ بسعاده ٠٠٠٠يلا يا حبيبتي علشان الولاد مستنيين ف العربيه ،،نروح وتسلمي علي نٌهي وتطمني علي الأولاد مع البيبي سيتر ونهي وأنا بنفسي هوصلك للأوتيل إللي مستنيكي فيه ياسين !!!

نظرت لأخاها بإبتسامه خَجِله إبتسمَ لها سيف وأخذها داخل أحضانه بحنان،، إستقلت بصحبته السياره وعيناها معلقه علي ذلك العاشق الناظر لها من بعيد بهيام 

تحرك سيف بسيارته 

وبعد مده قليله تحدث سيف مٌحاولاً إخراجها من تلك الحاله ٠٠٠نورتي لندن يا ليكه،،وحشتيني أوي يا قلبي،، ماتتصوريش نهي فرحانه أد أيه إنها هتشوفك وإنك هتقعدي معانا الإسبوع ده !!!

نظرت له مليكه بإرتياب وتحدثت بخجل٠٠٠٠سيف مٌمكن تقول لنهي موضوع ياسين يبقي سر بينا !!!

أجابها أخاها بنظرات مٌطمأنه٠٠٠ما تقلقيش يا حبيبتي أنا وضحتلها وفهمتها كل حاجه،، 

وتنهد بإعتراض٠٠٠٠ مع إني أنا نفسي مش مقتنع باللي بيحصل ده ،،وعلي فكره ياسين كمان متضايق من الوضع يا مليكه،،مش قادر أفهم بجد أيه وجهة نظرك إن علاقتك مع جوزك تكون في السر ،،ولو خايفه منهم أحب أقولك إن ياسين راجل قوي وهيقدر يحميكي ويدافع عنك قصاد الكل

وأكملَ مٌعاتباً ٠٠٠٠٠غلط يا مليكه إللي بتعمليه ده،،ياسين لولا بيحبك عمره ما كان هيقبل بوضع مٌهين بالشكل ده !!! 

تنهدت بحيره وتحدثت ٠٠٠٠غصب عني والله يا سيف،،إنتَ أصلك ماتعرفش الموضوع ده ممكن يحزن ماما ثريا ويقهرها أد أيه،،

وأكملت بنبرة صوت خَجِله ٠٠٠٠وأنا هيكون شكلي أيه قدامهم ،،هيبصولي إزاي لما يلاقوني نسيت حب حياتي وهو لسه مكملش سنتين متوفي ،،أنا متضايقه أوي يا سيف،،أنا ساعات بخجل من نفسي وبلومها،،بس غصب عني حبيته وأتشديتله،،فجأه لقيته إمتلك كل جوارحي أمتي وأزاي أنا مش عارفه !!!

أمسك يدها بحنان داعماً إياها وتحدث ٠٠٠٠سيبي نفسك وأديها فرصه تانيه تعيش يا مليكه،،الدنيا ما بتقفش علي حد وقلوبنا ملناش عليها سلطان،،العمر بيجري يا حبيبتي وياسين جوزك وبيحبك وأتحمل رفضك ليه وسوء معاملتك طول الفتره اللي فاتت بصبر ،، لو ما بيحبكيش بجد ماكنش استحمل كل ده، صدقيني إنتوا الإتنين تستاهلوا فرصه تانيه !!!

بعد مده كانت مليكه داخل منزل سيف حيث إستقبلتها نٌهي زوجة اخاها بحفاوه وإهتمام وبعد السلام كانت مليكه تتحدث فيديو كول عبر جهاز الحاسوب لديها ( اللاب توب) 

مليكه بإبتسامه٠٠٠٠وإنتي كمان يا ماما وحشتينا جداً الكام ساعه دول 

تحدثت ثريا وهي تنظر إلي أطفال غاليها بحنان ٠٠٠٠يا حبايبي وحشتوني أوي وحشتوا نانا يا نور عيون نانا !!! 

إبتسم الصغير بسعاده وتحدث ببرائه ٠٠٠٠إنتي كمان وحشتيني يا نانا كتير أوي ياريتك جيتي معانا مكنتيش وحشتيني كده !!!

بعد مده ليست بالقصيره كانت مليكه قد إطمئنت علي طفليها بعد تناولهما الطعام ونومهما بثبات عميق بعد سفر شاق علي صغار مثلهما 

تحدثت مليكه وهي مٌتمسكه بأيدي نٌهي ٠٠٠٠معلش يا نٌهي عارفه إني بتقل عليكي وأسفه بجد بس ياريت تخلي بالك من الولاد وأنا ان شاء الله مش هتأخر !!!

إبتسمت لها نٌهي وربتت علي يدها لتٌطمئنٌها وتحدثت ٠٠٠٠ أيه يا بنتي الكلام اللي بتقوليه ده تتقلي أيه بس ،،إطمني وروحي مشوارك ومتشغليش بالك بالولاد صدقيني هحطهم جوه عيوني ،،،وبعدين أكيد هيتأخروا في نومهم ،،دول أطفال والسفر أكيد أجهدهم ومحتاجين يرتاحوا !!!

إبتسمت لها مليكه ونظرت لها بعرفان وتحدثت ٠٠٠٠بجد مش عارفه أشكرك إزاي يا نٌهي ،ربنا يخليكي ليا !! 

تحدثت نٌهي بدعابه٠٠٠٠طب يلا روحي للعاشق الولهان وأرحميه من نار الإنتظار ،،حرام عليكي دوبتي الراجل !!!

إبتسمت مليكه ونظرت لها بخجل ثم تحركت للخارج حيث ينتظرها سيف ليوصلها لذلك العاشق الولهان الذي أدماهٌ الهوي 

_________________________ 

بعد مده ليست باالقليله دلفت بصحبة سيف لإحدي الأوتيلات الفخمه وجدت عاشق عيناها بإنتظارها 

كان يجلس بإستراحة الأوتيل ناظراً بترقب وإهتمام لمدخل الأوتيل وجدها تدلف للداخل بصحبة سيف وقف سريع بقلب هائم أسرع لإستقبالها،، وقف أمامها بعيون مٌتلهفه مٌشتاقه وقلبٍ ينبض بشده مٌطالباً إياهٌ بإحتضانها داخل صدره علهٌ يهدئ ولو قليلاً !!! 

لم يختلف حالها عنه فقد كانت تشتاق عيناه والنظر داخلهم حد الجنون،،، 

إلتقت الأعين بإشتياق وذابت بنظراتها،،، وتشابكت الأيادي وأحتضنت القلوب بعضها،، وهامت أرواحهم في سماء عشقهما الفريد !!! 

كان كل هذا يحدث أمام ذلك الواقف بجوارهم ولم يشعروا بوجودهٌ من الأساس، ، 

كان ينظر لهما بإستغراب وتيهه وتسائل داخله٠٠٠٠ ياإلهي ،،هل ما اراه بأم أعيٌني هذا حقيقياً أم أنها تهيئات ،،هل هذه حقاً مليكه التي كانت تبكي وتنتحب رافضتاً دلوف ياسين لحياتها،، 

متي خٌلق هذا كٌل العشق العظيم؟؟ 

تلك النظرات العاشقه المٌتملكه التي أراها ليست وليدة اللحظه،، بل من يراها يتيقن أنهما عاشقان مٌنذ نعومة أظافرهم !!! 

تحمحمَ سيف ليٌخرج حالهٌ من ذلك الموقف الحرج بالنسبة له

٠٠٠٠ طب أستأذن أنا يا سيادة العقيد 

وأكملَ بدعابه٠٠٠أظن أنا كده عملت إللي عليا !!!

أستفاق من سحر عيناها وتأثيرها علي كل كيانه 

وحمحمَ بحنجرته مٌجاهداً في محاوله لإخراج صوته برجوله تليق به كرجل قد تخطي الأربعون 

ياسين ٠٠٠٠علطول كده طب تعالي نشرب حاجه في الكافيتربا الأول !!! 

إبتسمت ونظرت لأخاها بخجل ومازالت يد ياسين مٌمسكه بيدها بتملك !! 

تحدث سيف مٌعتذراً ٠٠٠٠معلش مش وقته عندي عمليه ولازم اتحرك حالآ !! 

ثم نظر لشقيقتهِ ٠٠٠مليكه لما تحبي تروحي رني عليا يا حبيبي وأنا هاجي أخدك علطول !! 

سبقها بالحديث ٠٠٠٠متشغلش بالك إنتَ يا دكتور،،خليك في شغلك وأنا هوصلها لحد البيت وبجد متشكر جداً تعبتك معايا !!

إبتسمَ سيف وتحدث ٠٠٠٠تعب أيه بس يا سيادة العقيد،  إنتَ متتصورش أنا مبسوط أد أيه أولاً لاني إطمنت علي مليكه معاك ،،وثانياً إني شاركت بحاجه صغيره وقدرت أشوف السعاده إللي في عيونها دي كلها ، 

ونظر له بإمتنان وشكر ٠٠٠٠أنا إللي بشكرك علي الفرصه إللي أديتها لأختي علشان ترجع تعيش وتحب تاني ،، 

ونظر لهٌ نظرة بها رجاء٠٠٠٠ أرجوك خلي بالك منها !!!

أجابهٌ وهي ينظر داخل مقلتيها مسحٌوراً ٠٠٠بتوصيني علي روحي،،طب هو ينفع كده يا دكتور ♡

هامت روحها في ملكوت سحر كلماته ♡ 

ثم إبتسمت لأخاها وشكرته بعيناها وأنصرف سيف وصعدا معاً داخل المصعد الكهربائي ومنه إلي غرفتهما التي حجزها لها ياسين 

أدخلها وأغلق بابها وبدون سابق إنذار رفعها لأعلي وأختضنها بشده وهو يدور بها ويردد بهيام ٠٠٠٠٠يا حبيبي ياحبيبي ،،وحشتيني يا مليكه وحشتيني ♡ 

ذابت داخل احضانه الحانيه فقد إشتاقتهٌ حقاً وبجنون وعاشا بعالمهم عالم العٌشاق ♡♡

بعد حوالي أكثر من ساعتان كانت تقطن داخل أحضانه تتراقص بهدوء علي أنغام الموسيقي داخل مطعم الأوتيل ناظره لهٌ بعيون عاشقه ويبادلها نظراتهٌ الولهه التائهه في بحر عيناها التي أصبحت مرساهٌ ♡ 

تحدثت بنبرة صوت عاشقه٠٠٠أنا مش مصدقه نفسي إني معاك وبين حضنك وبنرقص كده عادي وكمان في مكان عام ،، 

وأردفت بهمس أذابهْ٠٠٠٠ياسين ♡ 

أجابها بسحر وهيام من نظرة عيناها المٌهلكه لقلبهْ٠٠٠٠ يا عيون ياسين ♡ 

أكملت بعيون هائمه ٠٠٠٠هو أنتَ بجد معايا ولا ده مجرد حلم جميل ؟؟ 

أجابها بعشق٠٠٠٠من هنا ورايح حياتك كلها هتبقي عباره عن أحلام جميله ،،هعيشك أحلا حياه يا مليكه،،هنلف الدنيا كلها مع بعض،،

هنسرق من الزمن لحظاتنا الحلوه ونعيشها،،، هنمد إيدينا ونخطف سعادتنا بنفسنا ، ده حقنا يا مليكه ولازم ناخده من الدنيا،، أنا وإنتٍ نستاهل نعيش أحلا حياه ♡ 

كانت تستمع له ناظره لشفتاه وهي تنطق الكلمات وعيونهٌ التي تنطقٌ عشقاً كانت روحها تٌحلق في سماء عشقهما وتحوم بهيام 

تحدثت بصوتٍ هائم هامس٠٠٠٠بحبك يا ياسين بحبك ♡  

أفاقا من حالتهما علي إنتهاء صوت الموسيقي 

وجاء النادل لهٌ بإحترام وتحدث بلغتهٌ الأم وهي الإنجليزيه٠٠٠سيدي لقد إنتهينا من تجهيز طعامكم فهل إنتهيتم من رقصتكم حتي نخرجه لكم علي طاولة الطعام ؟؟ 

أجابهٌ ياسين بالإنجليزيه وهو يتحرك مٌحتضناً يدها بتملك٠٠٠ نعم لقد إنتهينا فلتخرج لنا الطعام إذاً ،،فنحن جائعون حقاً !! 

إبتسم النادل وهز رأسه بطاعه وأنصرف !!! 

وصلا للطاوله سحب لها المقعد بإحترام وأجلسها ثم تحرك بخفه وشياكه وجلس بالمقعد المقابل لها نظر لها وأبتسم بعشق 

وتحدث بمشاكسه ٠٠٠٠هو إنتي إزاي حلوه كده طول الوقت ؟؟ 

ضحكت بإنوثه وتحدثت برومانسيه ٠٠٠٠ عيونك الحلوين علشان كده بتشوفني طول الوقت حلوه !!!

أجابها بغرور ٠٠٠منا عارف إن عيوني حلوه وعلشان كده أي ست بتبص فيهم بتعشقني من النظره الأولي !!! 

نظرت لهٌ بضيق مٌصتنع وأجابته ٠٠٠٠ مغرور أوي يا سيادة العقيد !!

ضحك برجوله أهلكتها ٠٠٠٠ده مش غرور يا بنتي علي أد ما هيَ ثقه بالنفس !!! 

جاء النادل يحمل الطعام وبدأ بوضعه بحرفيه فوق الطاوله حتي إنتهي من رصه بعناية وأنسحبَ بهدوء 

وجاء نادلً أخر وضع لهما قنينة نبيذ وبدأ بصب كأسين 

تحدثت هي بإعتراض٠٠٠٠أيه ده يا ياسين ،،هو بيصبلي أيه ،،أنا مستحيل أشرب ده طبعاً !!! 

إبتسمً لها وتحدث ٠٠٠٠ده نبيذ أحمر يا حبيبي ويعتبر مش خمور،، ده نوع فاتح للشهيه بالنسبالهم ولازم يتقدم مع الأكل،، دوقي منه حبه هيعجبك أوي !!!

هزت رأسها برفض وتحدثت بإعتراض ٠٠٠٠لا طبعاً أنا لايمكن أشرب القرف ده،، وبعدين علي فكره بقا دي خمور ومن فضلك إنتَ كمان ماتشربش !! 

تأفأفَ قائلاً بملل٠٠٠٠ أوووه يا مليكه متبقيش حنبليه أوي كده،،فكيها شويه يا قلبي إحنا مش كل يوم هنتعشي في لندن لوحدنا !! 

نظرت له بضيق وأشاحت بوجهها للجهه الأخري 

إبتسم علي غضبها الطفولي !!

أشار للنادل من جديد وتحدث٠٠٠٠من فضلك إرفع تلك الزجاجه وتلك الكأووس من جديد لم نعٌد بحاجتها الأن،،وأجلب لنا مشروباً غازياً بديل ولكن بشرط خلوهٌ من الكحول ! 

ونظر لها ولإبتسامتها لهٌ وأكمل ٠٠٠٠فزوحتي الحسناء لاتريد مشروباً به كحولاً،،  إذاً فليكن ماتريد حسنائي وينفذ في الحال !!! 

إبتسمت لهٌ بسعاده وأخذ النادل الزجاجه وأبدلها بمشروبٍ غازيْ

نظرت له بعيون تشعٌ سعاده وتحدثت ٠٠٠٠ يا ياسين بحبك  ♡ 

أجابها بحب ٠٠٠وياسين بيعشقك يا عيون ياسين  ♡ 

أشرعت في تناول الطعام بإستمتاع فحقاً كانت جائعه وكان مذاق الطعام لذيذاً 

كان ينظر لها بسعاده وهو يمد يدهٌ لفمها مٌمسكاً بالشوكه بها قطعه من اللحم المغمسه بالصوص اللذيذ المٌحبذ لديها وتحدث وهو يضعها بفمها ٠٠٠عجبك الأكل ؟؟ 

أمائت لهٌ برأسها بسعاده واضعه يدها فوق فمها حتي إنتهت من مضغها وبلعها وتحدثت بإنتشاء ٠٠٠حلو أوي يا ياسين،،النجرسكو تجنن واللحمه صوصها مظبوط جداً والتسويه بتاعتها تجنن،، كمان السوتيه،،بصراحه كل حاجه مظبوطه أوي وعلي الشعرة !!

إبتسمَ لها بسعاده وتحدث ٠٠٠٠بالهنا والشفا ياروح قلبي !! 

قطع بالسكين قطعه أخري من اللحم وناولها إياها بسعاده 

تحدثت بإعتراض٠٠٠٠ هو أنت هتفضل تأكلني كده ومش هتاكل؟؟

هز رأسه وتحدث ٠٠٠مش مهم أنا،، لو تحسي شعوري بالسعاده وأنا بأكلك بإيدي وشايفك أد أيه مبسوطه ومستمتعه وإنتي بتتذوقي الأكل هتعذريني !!!

أجابتهٌ بحب وناولتهٌ بيدها قطعة لحم بفمه وتحدثت٠٠٠٠خلاص أنا هأكلك بأديا طالما إنت مش عاوز تاكل !! 

أغمض عيناه وألتقط بفمه قطعة اللحم وتذوقها وبدأ بمضغها مٌستمتعاً وتحدث بهمهمه ٠٠٠٠٠أممممم أيه ده،،،

ثم أفتح عيناه وتحدث بعشق ٠٠٠هتصدقيني لو قولتلك إن دي أطعم وأجمل قطعة لحمه دوقتها في حياتي كلها،،وده طبعاً يرجع للمسة إيدك فيها !!! 

إبتسمت له وأكملا طعامهما وسط نظرات وكلمات وهمسات الحب ♡ 

بعد مده كبيرة كانت تستقل سيارته جالسه بجواره واضعه رأسها فوق كتفه بإستمتاع وكفها موضوع فوق قلبه بعنايه وتحدثت ٠٠٠٠ياسين،، مش قادرة أسيبك،، نفسي أبات في حضنك ♡ 

إبتسم وتحدثَ بنبرة ساخره  ٠٠٠٠والله الموضوع ده تقدري تلومي فيه سيادتك كان المفروض إننا نبقا نازلين إحنا والولاد في الأوتيل دالوقتي زينا زي أي أسره طبيعيه 

وأكمل ساخراً وهو يٌقلدها٠٠٠لكن إزاي ،،شكلنا قدام المجتمع و الناس يا ياسين !!!

ضحكت ثم أمسكت يده بنظرات مٌترجيه وتحدثت بدلال أنثوي ٠٠٠خلاص بقا يا بيبي علشان خاطري متفتحش الموضوع ده،، خلينا مبسوطين زي ما إحنا !!

إبتسمَ لها وتحدث بحب ورضي٠٠٠ والله يا مليكه أنا مبسوط وراضي منك بأي حاجه،،أهم حاجه تفضلي معايا وجوه حضني ومتبعديش عني تاني،، 

وأكمل بنظرات مٌترجيه٠٠٠أوعديني إنك مش هتبعدي عن حضني تاني يا مليكه !!! 

إبتسمت وأجابت بحب ٠٠٠٠مش هاقدر ياياسين،،حتي لو حبيت أبعد تاني مش هقدر إنت خلاص بقيت بتجري في دمي ♡

أوقف سيارته أمام منزل أخاها إحتضنته وبادلها هو العناق بشده  

وبعد مدة تحدث هو ٠٠٠يلا يا حبيبي أدخلي علشان تطمني علي الأولاد وأنا هاجي أخدك بكره ان شاء الله وهلففك لندن كلها 

إبتسمت بحب وقبلها هو فوق شفتاها بنهم،،وودعته ودلفت داخل منزل شقيقها بسعاده وأنصرف هو بسيارته 

بعد مده كبيرة كان يقنط داخل غرفته سعيداً ،،أمسكَ هاتفه وهاتفها من جديد ليٌكملا معاً وصلة غرامهما الفريد 

                    ◇◇◇◇◇¤◇◇◇◇◇ 

بعد يومان !!! 

كان يقود سيارته يستمع إلي المذياع ( الراديو ) كانت غنوه ل محمد منير،،، قلبي مايشبهنيش فعلاً مايشبهنيش ،،، 

تذكرها بمرحها بسمار بشرتها الخمريه الساحرة بإبتسامتها المٌشرقه التي ما أن رأها سعد قلبهٌ تلقائياً ،،بحديثها المرح الذي يٌجلب السعاده والتفاؤل،،شعر بفقدانها ،،حقاً لم يتعرف عليها مٌنذٌ بعيد لكنها أثرتهْ وأثرت روحه،، 

نعم فقد إشتاقها منذ أن سافرت فجأه وبدون إنذار لم يعد بإمكانهٌ الوصول إليها ،،حتي المذياع التي كانت تنتظر ميعاد برنامجهٌ اليومي لتحدثه ماعادت لتفعل،، 

فقد قٌطعت إتصالاتها بالبرنامج منذ أن سافرت منذ عدة أيام 

أخرجَ هاتفه وهاتف مليكه 

كانت تتحرك مع أطفالها وزوجة أخيها وإبنتهِ داخل متجر ألعاب لتختار لطفليها ألعاباً تٌناسبهم 

ردت بإبتسامه٠٠٠٠زعلانه منك علي فكره،،بقا يا ندل ليا يومين مسافره ماتتصلش حتي تطمن عليا ؟؟

إبتسم لها وتحدث ٠٠٠٠يا حبيبتي ماأنا إطمنت عليكي من ماما وعرفت إنك وصلتي بالسلامه وكلمتيها إنتي وسيف !! 

المهم إنتي أخبارك أيه طمنيني عليكي وعلي مروان وأنس ؟؟ 

اجابته وهي تتحرك ٠٠٠٠الحمدلله إحنا كويسين جدااااا 

أجابها ٠٠٠٠٠٠٠الحمدلله يا حبيبتي !!! 

تحدثت نٌهي بإبتسامه٠٠٠٠سلميلي عليه !! 

مليكه٠٠٠٠نهي بتسلم عليك يا شريف !!! 

شريف ٠٠٠٠٠سلمي عليها كتير !!!

ثم تحدث بنبرة صوت مٌرتبكه٠٠٠٠مليكه ،،، هو أنا ممكن أطلب منك خدمه ؟؟ 

تحدثت بإبتسامه٠٠٠٠والله كنت حاسه إنك بتتصل علشان مصلحتك ،،طول عمرك ندل يا حبيبي ،،ماعلينا إتفضل حضرتك أتحفني !!! 

تحدث بإستحياء٠٠٠٠مليكه أنا عاوز رقم عاليا !! 

إستغربت مليكه وأجابته بترقب ٠٠٠٠خير يا شريف هو فيه حاجه ؟؟ 

إبتلع لعابه وتحدث بمراوغه٠٠٠٠ لا أبداً مفيش حاجه،،كل الحكايه إني كنت عاوز أطمن عليها أصلها ليها كام يوم مابتتصلش بالبرنامج فقلقت عليها،،

وبعدين قولت إن من الذوق أتصل بيها وأطمن انها وصلت بالسلامه،،، ولا أنتي شايفه أيه !! 

ضحكت بمرح وتحدثت بمراوغه ٠٠٠٠طب ماتجيب رقم فونها من أرشيف البرنامج ؟؟ 

تحدث بتملل ٠٠٠٠ رقمها إللي بتتصل بيه برايفت نمبر يا ستي ومابيظهرش إرتاحتي ،،خلصي بقا وبطلي رخامه !!! 

إبتسمت علي بوادر العشق التي لمستها بصوت شقيقها وقد أيقنت الأن لما غادرت علياء سريعاً وبدون أسباب 

تحدثت ٠٠٠٠أممممممم علي العموم أنا هطلع أجدع منك وأديك الرقم لكن بشرط لما أنزل إسكندريه هتحكيلي كل حاجه وبالتفصيل يا حضرة الباشمذيع !!!!

أغلق الخط مع شقيقته بعد أن أخذ رقم علياء أوقف سيارته وصفها بجانب الرصيف وأودعَ رقمها علي هاتفه وضغط زر الإتصال 

كانت جالسه بغرفتها تذاكر دروسها بجديه إنتبهت لرنين هاتفها 

أمسكتهْ ونظرت به وجدتهٌ رقم غير مٌسجل ألقته بإهمال 

حتي إنتهي ،،تكررَ الإتصال مرةً أخري 

إستسلمت وأجابت مٌتضره تحدثت بجديه٠٠٠٠السلام عليكم ورحمة الله وبركاته !! 

إنتفض قلبهٌ وثار حين إستمع صوتها أجابَ سريعاً٠٠٠٠وعليكم السلام ورحمة الله وبركاته، ، 

وأكملَ بمرح٠٠٠٠الناس إللي سافرت ونسيت إن فيه ناس قلقانه عليها هنا في إسكندريه،،ده ماكانش عيش وأيس كريم ده !!! 

إنتفضت بجلستها وفتحت فاهها حين إستمعت لصوته فهي تعرفهٌ عن قلب ظهر وكيف لا تتعرف علي صوته وقد عشقتهٌ أذناها قبل العين ♡ 

أجابت بإبتسامه سعيده رغم الحزن الساكن داخلها٠٠٠شريف،،معقوله،،  إزيك !! 

أجابها بصوتٍ يملئهٌ الشوق٠٠٠أنا كويس،،طمنيني عليكي !! 

أجابت بسعاده٠٠٠٠الحمدلله أنا كمان كويسه 

ثم تحدثت بإستغراب٠٠٠٠إنت جبت رقمي منين ؟؟ 

ضحك وأجابها ٠٠٠٠أخدته من مليكه،،تخيلي إكتشقت إننا ماأخدناش أرقام بعض !!! 

سألتهٌ بمكر٠٠٠٠وإحنا كنا هناخد أرقام بعض ليه ؟؟ 

توتر ثم تمالكَ من حالهِ سربعاً وأجاب بمراوغه ٠٠٠٠ علشان لما سيادتك تمشي كده من غير حتي ما تقوليلي وتبطلي تتصلي بالبرنامج زي ما عودتيني أعرف أطمن عليكي ،، أيه هو أحنا مش بقينا أصحاب ومن حقنا نطمن علي بعض ؟؟ 

أجابته بحزن ملئ صوتها حين ذكر كلمة أصحاب ٠٠٠٠طبعاً أصحاب !! 

شعر بحٌزنها الذي أصاب صوتها وسعد كثيراً لأجل ذلك وتحدث٠٠٠قوليلي بقا يا حضرة الباشمحاميه العظيمه،،أيه إللي خلاكي غيرتي قرارك بإنك ترجعي أسوان فجأه كده ومن غير حتي ماتبلغيني 

مش كنا متفقين نخرج تاني يوم ونتغدا بره ؟؟ 

تنهدت بألم وصل لقلبه وأخترقه ٠٠٠مافيش ،،،لاقيت نفسي فجأه حاسه بالوحده وأهلي وحشوني أوي حجزت وجيت ،،بس هي دي كل الحكايه !!! 

كان يشعر بها وبألمها فالأن قد تيقن أن الحزن إمتلك قلبها عندما شاهدت سالي وعلمت بخطبتهم 

تحدثَ بدعابه ليخرجها من حزنها هذا٠٠٠٠ طب ياتري حضرة الباشمحاميه فاضيه تستقبلني في بلدها وتردلي الواجب إللي عملته معاها في إسكندريه ولا هتندل معايا ؟؟ 

إنتفض قلبها فرحاً وتحدثت بلهجه سعيده مٌتسرعه٠٠٠٠إنت في أسوان ؟؟

سعد قلبهٌ وطار فرحاً وتحدث٠٠٠٠٠جايلكم زياره بعد يومين،،أخدت أجازه كام يوم أستجم فيهم وأفصل من ضغط الشغل شويه،،  وقلت لنفسي مفيش أجمل من جو أسوان الدافي هو إللي هيديني دفعه ويصفي ذهني من توتر الشغل !!

أجابتهٌ بسعاده ٠٠٠٠٠أسوان هتنور يا باشا، حضرتك بس تشرف وشوف الإستقبال الملكي إللي هتٌحظي بيه حضرتك ،،وهوريلك الكرم علي حق ربنا يا بتاع الأيس كريم إنتَ !!! 

ضحكا إثنتيهم وضلا يتحدثان كثيراً وتناسوا الزمن !!!! 

                     ◇◇◇◇◇¤◇◇◇◇◇ 

كان عز يتحرك علي الشاطئ بجوار شقيقهٌ عبدالرحمن 

تحدثَ عبدالرحمن بإستغراب٠٠٠٠٠إنتَ عاوز تقولي إن ثريا كانت حاسه بحبك ليها حتي من قبل ما تتخطب ل أحمد ؟؟

معقوله الكلام ده يا عز ؟؟ 

أجابهٌ عز بأسي وصوتٍ مٌحبط ٠٠٠٠بالظبط كده يا عبدالرحمن !!!

ده إللي أنا فهمته من كلامي معاها 

نظر لهٌ عبدالرحمن وتحدث٠٠٠٠٠معلش يا عز ،،ربنا مش كاتبلكم تكونوا مع بعض ،،لكن متزعلش مني،،ثريا عملت الصح وحافظت علي بيتك وبيتها من التشتت والضياع ،،إختارت وجعك ووجعها قصاد راحة الكل ولمة العيله وفتح البيوت،،صدقني أنا أحترمتها أكتر ما كٌنت بأحترمها  !!! 

وبعد مدة من الحديث والمٌأزرة من عبدالرحمن إلي شقيقه الغالي تحدثَ بإستفسار٠٠٠٠٠إلا قولي يا عز،،هو ياسين ظروفه أيه مع مليكه،،لسه بردوا البنت علي شرطها معاه ؟؟ 

نظر له عز وضحكَ وأجابه٠٠٠٠عيب عليك يا عبدالرحمن،،دي حتي تبقي عيبه ف حق إبن أخوك !! 

ضحكا إثنتيهم وتحدث عبدالرحمن٠٠٠٠بس إنتَ شكلك مبسوط ومتكيف من الموضوع ،،هو ياسين بيحبها ولا أيه ؟؟ 

نظر له وتحدث ٠٠٠٠وهو أنا لو مش عارف ومتأكد إنه بيحبها كنت ساعدته وخليته يتجوزها ويعيش نفسه ف نكد منال وليالي إللي مبيخلصش !! 

تحدث عبدالرحمن مٌستفسراً ٠٠٠٠٠هو ياسين كان بيحب مليكه قبل ميتجوزها ،،طب والله برافوا عليك إنك أخدت بالك من حاجه زي دي !!! 

تحدث عز بألم ظهر داخل عيناه٠٠٠٠مش عاوزني أخد بالي من ولادي يا عبدالرحمن،، 

ده أنا بٌعد أبويا عني وعدم إحساسه بمشاعري واللي جوايا هو إللي دمرني ،،ساعات بسأل نفسي وأقولها ياتري لو أبويا الله يرحمه كان قريب مني وبيفهمني من نظرة عنيا زي ما بعمل أنا مع ولادي،، مش كان فهم إني بحب ثريا وكان إخترهالي وريح قلبي من الوجع ،، 

وأكملَ بحزن٠٠٠٠٠٠بدل مانا عيشت عمري كله ف حرمان وعذاب من بٌعد الحبيب وقربه ف نفس الوقت،، 

تعرف يا عبدالرحمن،،،  أنا من يوم ما ربنا رزقني بياسين وإخواته،، وأنا قررت أكرس ليهم كل حياتي وكل قوتي وأقرب منهم لدرجة إني أكون أقرب ليهم من روحهم  ،،

قررت أعرف ولادي عاوزين أيه وأقربهولهم وأحاول أشوف ف عنيهم سعادتهم بقرب الحبيب إللي أنا إتحرمت منه ،،بقيت بحس شعورهم بدلهم،،أنا بستمتع وأنا بحقق لأولادي رغباتهم وبحس سعادتهم  يا عبدالرحمن ،،تخيل !!!! 

وقف عبدالرحمن ونظر لأخاه 

وقف عبدالرحمن ونظر لأخاه والحزن يكتسي عيناه وتحدث٠٠٠ربنا يباركلك فيهم يا حبيبي،،، وياعالم يمكن ربنا بعد عنك شر كان لابد منه ف جوازك من ثريا،،ماحدش عارف الخير فين يا عز ،،ربنا وحده سبحانه وتعالى هو إللي عالم باللي فيه الخير لينا !!!

إبتسمَ له بمراره وهز رأسهٌ بإيجاب ورضي وتحدث٠٠٠٠الحمدلله علي كل حال،،،الحمدلله 

وأكملا سيرهما معاً في صمتٍ حزين !!!

                     ◇◇◇◇◇¤◇◇◇◇◇ 

كانت تخرج من باب المرحاض ترتدي رداء الحمام( البرنس) وتحاوط شعرها بالمنشفه،،تسمرت حين وجدته يحادث  ليالي  ،،وهذا بعدما توسلت إليه منال وطلبت منه أن يهاتفها ويجاملها ببعض الكلمات وذلكَ بعدما خدعتهْ أنها بحالة نفسيه سيئه لعدم تقديرة لها وغضبه منها وبدون سبب،،، 

وأيضاً أخبرته أن أطفاله تأثروا كثيراً بحالتها النفسيه وهذا ما أكدته لهٌ أيسل بعد تعليمات منال لها ،،  

فأنصاع ياسين لحديث والدته ليٌريح رأسه من صداع والدتهْ،،وأيضاً فهو يجهز حاله ليٌصدمها بقراراته المؤلمه لها 

إبتلعت لُعابها وشعرت بنار الغيره تقتحم قلبها العاشق من مجرد سماعها نطقهٌ لإسمها وفقط،،، نظر إليها وأبتسمَ حين إكتشف وجودها 

أنهي إتصاله سريعاً مٌتحججاً ٠٠٠٠٠أنا هقفل علشان عندي ميعاد مهم،،هبقا أكلمك تاني أوك، ، سلام  !!! 

أغلق الهاتف وتحرك بإتجاه ذات القلب المٌشتعل وقف خلفها وهي تجفف شعرها بالمنشفه وتحاول الهرب من الألتقاء بعيناه حتي لا يري غيرتها وحزنها داخل عيناها،، لكنها بالفعل وصلتهْ

حاوطها بذراعيه ودفن انفهٌ داخل عنقها ليشتم عبيرها 

وتحدث بجديه ٠٠٠٠هي كمان مراتي وليها عليا حق إني أكلمها ،،،إللي في قلبي ليكي ومكانتك مفيش مخلوق في الدنيا قدر يتحصل علي 1%  منه،،إنتي وأيسل وحمزه مالكين قلبي من جوه يا مليكه ،،ومكانتك محدش يقدر يقربلها ، عاوزك تطمني ومش عاوز أشوف نظرة الحزن إللي في عيونك دي تاني  !!! 

نظرت له من خلال المرأة وتحدثت بحزن لم تستطع مٌداراته٠٠٠٠أنا أسفه يا حبيبي بس والله غصب عني ،،أنا بحبك أوي يا ياسين وغصب عني ساعات مش بقدر أتحمل فكرة إن حد تاني بيشاركني فيك، ،، 

وأكملت بألم وخجل من حالها٠٠٠٠عارفه إن الإحساس ده مش من حقي ،،وإن لو فيه حد من حقه يحس الإحساس ده ويعترض علي الوضع فهي ليالي وبس،،،لكن أعمل أيه في قلبي إللي حبك وعشقك بجنون ،، 

ونظرت لهٌ بعشق٠٠٠٠ياسين أنا حبيتك لدرجة إني نفسي أروح معاك مكان ماحدش يعرفنا فيه ونعيش فيه لوحدنا إحنا وولادنا وبس،، مش حابه عيونك تشوف حد غيري وبجد بدأت أشفق علي ليالي وأديها الحق في معاملتها العدائيه ليا من بعد جوازنا !! 

كان يستمع لها بعيون هائمه وقلبٍ يتناغم من شدة سعادته بإعتراف حبيبته بكل ذلك العشق الوهاج الذي يحمله قلبها العاشق لهٌ

أدارها إليه وحاوط وجهها بكفيه بكل رعايه ونظر لها بعيون سعيده مٌتحدثاً ٠٠٠٠للدرجادي بتحبيني،،، ،مليكه أنا مش مصدق نفسي إني بسمع الكلام ده منك،،أنا كٌنت عارف ومتأكد إني هعرف أخليكي تحبيني،، بس بصراحه إللي شايفه جوه عيونك وحالة العشق والغيره والتملك إللي بتتكلمي بيهم عمري ماكنت أتخيل إني أوصلهم ♡

وضمها لصدره بحنان وشدد من ضمته وتحدث٠٠٠٠بحبك يا مليكه،، بحبك ومبسوط أوي وأنا شايف شعور الغيره اللي ملوش عندي غير تفسير واحد وهو حالة العشق المجنون إللي أخيراً وصلتيلها ،،وأوعدك إني هعمل أقصي جهدي علشان أخليكي سعيده ومتحسيش إن ناقصك أي حاجه فيا !!!! 

قضا معاً وقتاً سعيداً ثم أوصلها إلي منزل شقيقها حتي تري طفليها وتطمئن عليهما !!!

_______________________________ 

كانت تتحرك بالحديقه ليلاً تتحدث بهاتفها بسعادة ٠٠٠٠ياريت يا سيادة القبطان ،،لكن للاسف مش هينفع نسافر أسوان تاني السنادي !! 

حدثها سليم عبر الهاتف٠٠٠٠يٌسرا،،ممكن تندهيلي سليم وبلاش سيادة القبطان دي،،إلا إذا كٌنتي متضايقه إني بندهلك ب يسرا 

تحدثت سريعاً ٠٠٠لا طبعاً مش متضايقه خالص بالعكس،، 

ثم وعت علي حالها وتحدثت بخجل ٠٠٠٠٠قصدي يعني براحتك !!!

ضحك برجوله أهلكت قلبها المسكين وتحدث٠٠٠٠٠هو أنا ليه حاسس إنك مٌتحفظه أوي ف الكلام معايا يا يٌسرا،،بالرغم إننا بنتكلم لينا فترة وبرغم إنك وافقتي علي إني أكلمك فون إلا إني دايما حاسس إنك حاطه حاجز بيني وبينك ف الكلام ،، 

سيبي نفسك وإحساسك ،،أطلقي لروحك العنان وسبيها تتنفس وترجع تعيش تاني،، 

وأكملَ بصوتٍ حنون٠٠٠٠٠٠يٌسرا أنا حاسس ناحيتك بمشاعر حلوة أوي،، لكن خجلك ورفضك وتحفظك بيمنعني أني أصرحلك بيها !!! 

تحدثت يٌسرا بإرتباك ٠٠٠٠أرجوك يا سليم إديني وقتي ف إني أخد عليك،،أنا أصلاً لحد دالوقتي مش مٌتخيله إزاي جتلي الجرأة إني أديلك رقم فوني وأتكلم معاك كده عادي،،، 

وأكملت براحه وحنان٠٠٠٠كل إللي أقدر أقولهولك إني ببقا مرتاحه ومبسوطه جداً وأنا بتكلم معاك،،وإن اليوم إللي مش بنتكلم فيه بحس يومي ناقصه حاجه !!!!

تحدث سليم بطمأنينه وحب٠٠٠٠طب وهو الحب أيه غير كده يا يٌسرا،،، 

وأكملَ بعشق وصوتٍ حنون٠٠٠٠٠يٌسرا أنا بحبك،، وأقدر أقولهالك دالوقتي وأنا مطمن جداً لإني خلاص إتأكدت من حبك ليا !!! 

وأكملَ برجاء٠٠٠٠٠٠قوليها يا يٌسرا،،،قوليها أرجوكي خليني أقدر أخد خطوة جادة ف علاقتنا !!! 

إبتلعت لٌعابها وتحدثت بقلق ظهر بصوتها ٠٠٠٠٠٠إنتَ تقصد أيه بخطوة جاده دي يا سليم ؟؟ 

أجابها سليم برجوله٠٠٠٠خطوة جادة يعني إرتباط يا يٌسرا،،أيه كنتي فكراني داخل أكلم واحده وأنا متأكد إنها بنت ناس ومحترمه علشان أسلي وقتي مثلاً ،، 

يٌسرا إنتي شدتيني من أول ماشوفتك وحسيت إنك عوض ليا من ربنا ،،أرجوكي يا يٌسرا فكري ف كلامي كويس وحددي أنا أيه بالنسبالك وإنتي عاوزه أيه،،، 

وأكملَ برجوله٠٠٠٠٠٠لاني مش هقبل عليكي ولا علي نفسي أفضل أكلمك كده من غير إرتباط رسمي،،وإلا كده هتخليني أبص لنفسي نظرة عدم إحترام لكوني ما أحترمتش عشرتي بالباشمهندش حسن وخونت ثقته فيا !!! 

كانت تستمع له بسعادة تيقنت حينها أنها تٌحادث رجلاً ف زمنٍ قل بهِ الرجال تحدثت ٠٠٠٠٠طبعاً مش هاأقدر أنكر ولا أخبي عليك مدي سعادتي بكلامك وتقديرك ليا،،لكن أرجوك يا سليم إدينا وقت أكتر نتعرف فيه علي بعض !!!! 

أجابها بتفهم وحب٠٠٠٠٠أنا مٌستعد أستناكي عمري كله يا يٌسرا،،بس أبقي مٌتأكد إن فيه بوادر أمل،،طمنيني يا يٌسرا وقوليلي إن فيه أمل !!! 

ضحكت بخفه وتحدثت بطمأنه ٠٠٠٠إن شاء الله دايماً الأمل موجود يا سليم !!! 

سعد بحديثها وأكملاَ حديثهما الممتع لكليهما 

______________________________

ف اليوم التالي علي التوالي !!! 

كانت تجاورة سيارته التي يقودها وهي ف قمة سعادتها وإنتشائها تحدثت بمرحٍ٠٠٠٠٠٠إحنا رايحين فين يا حبيبي، ،ده مش طريق الأوتيل !!! 

رفع يدها إلي فمه ووضع بها قبلهْ رقيقه ونظر لها بغرام وتحدث٠٠٠٠محضرلك مفاجأه هتعجبك !! 

نظرت له بسعادة وتحدثت بتشوق٠٠٠٠مفاجأة،،مفاجأة أيه يا بيبي يلا قولي بسرعه بقا !!! 

ضحك برجوله علي طفولتها وتحدث بإعتراض٠٠٠٠طب ولو قولتلك هتبقي مفاجأة إزاي !! 

ضمت شفتاه بغضبٍ مٌصطنع ،،أهملهٌ هو مٌتعمداً وتابعَ قيادة سيارته ،،بعد قليل وصلَ إلي إحدي مراكز التجميل الكبري وصف سيارته وأنزلها تحت إستغرابها 

وغمزَ بعيناه بوقاحه وتحدث ٠٠٠٠فاكرة اليوم بتاع الحمام المغربي والمساج !!! 

ضحكت بسعادة وتحدثت ٠٠٠٠٠هو أنتَ مبتنساش حاجه خالص ؟؟

أجابها بحب٠٠٠٠٠ أي حاجه تخص مليكه الحلوة ممنوع أنساها ،، 

ثم أمسكها من يدها وتحدث وهما يدلفان للداخل٠٠٠٠علي فكرة يا حبيبي المكان هنا أمن جداً،،، يعني خدي راحتك فيه علي الأخر،،  وأنا متفق معاهم علي 3 ساعات وهاجي أخدك !!!

توقفت عن الحركه ونظرت له بعدم إستيعاب وتحدثت ٠٠٠٠تلات ساعات،، ليه يا ياسين كل الوقت ده !!!

نظر لها بغرام وتحدث ٠٠٠٠ما هي دي المفاجأة ، إدخلي وهتعرفي كل حاجه !!! 

قبل يدها وبالفعل دلفت للداخل وبعد مرور ثلاث ساعات !!!

كان ينتظرها بإستراحة المكان وهو بكامل أناقته بحلتهٍ السوداء وربطة عٌنقه الأنيقه 

وفجأة تسمر مكانه وبرق بعيناها وأنتفض قلبه بسعادة حين وجدها 

تخرج عليه كأميرة من أميرات الأساطير العظيمه،، 

كانت ترتدي ثوبها الأبيض المٌنتقي بعنايه فائقه والذي جعلها كاحوريه من حوريات الجنه، 

نعم كانت ترتدي ثوب زفافٍ أبيض وفوق رأسها حجابها الأبيض الذي ماذادها إلا نوراُ وجمالا ،،موضوع فوقه تاجً جعلها كاملكة متوجه ،، 

نظر لها بعيون هائمه بهما غيمه تكاد تكون دمعاً لكن صخر المخابرات تحكمَ بها إلي أبعد الحدود ،، تحرك بإتجاهها وأحاط وجهها ونظر داخل عيناها الهائمه السعيده وقبل جانب شفاها بحب وتحدث٠٠٠٠جوزك بيعشقك يا مليكه ♡ 

نزلت دمعه من عيناها من فرط سعادتها وتحدثت٠٠٠٠ومليكه بتعشق فارسها وحبيب أيامها !!! 

إعتدلَ بوقفته ثم أخرج من داخل جيبه عٌلبه وفتحها وإذ بها خاتمْ يبدوا أن أحدهم قد صنعهٌ بعنايه فائقه كي يظهر بكل تلك الأناقه والإبهار،،، 

أمسكهٌ بيدهِ وتحدث بإرتباك من شدة سعادته ٠٠٠٠٠الخاتم ده عمرة فوق العشر سنين،،يارب يبقي لسه علي مقاس صٌباعك !!!

إبتسمت وهي تنظر داخل عيناه بوله ودموع السعادة تملئ مقلتيها غير منتبهه لجملته،، وتحدثت بدٌعابه٠٠٠٠٠عشر سنين،،،ده علي كده عمرة أكبر من سن مروان إبني !!

إبتسمَ لها بمرارة وتحدث بحزن ٠٠٠٠من قبله بكتير يا مليكه !! 

ثم ألبسها إياه وأبتسمَ وتحدث٠٠٠٠٠الحمدلله طلع لسه نفس المقاس !!! 

إبتسمت ونظرت ليدها بإنبهار وتحدثت ٠٠٠٠٠ياسين،، ده حلو أوي،،ده أجمل ما شافت عيوني ♡

إحتضنها بسعادة وقلبٍ حائر ما بين وأخيراً تحقيق حٌلمهٌ الضائع،، وبين تأخرهٌ كثيراً !!!

كان يشدد من إحتضانها وقد رفعها لمستواه وبدأ يتحرك بها بحب وعدم تصديق لكل ما يجري،،، 

شعرا علي حالهما حين إستمعا لتصفيقٍ حار إستفاقا علي حالهما ونظرا لمصدر التصفيق وجدا ما يقرب من عشرات النساء المتواجدن بالمركز وهن يٌبكينَ بالدموع ويٌصفقن بحب وتأثر علي تلك الثنائي وعشقهما الفريد وتأثرهما بحالتهم !!! 

إبتسمن لهما وشكرهما ياسين بعيناهْ 

وأختطفَ حوريته وخرج بها إلي الشارع وهما يتحركان ويٌسرعان بمرح وسعاده لا توصفْ 

وصلا بها إلي ساحه خاصه بالعاشقين ،،أمسكَ بيدهِ مٌفتاحاً وقفلاً وسلسال من الحديد خاص بذلك المعتقد المتعارف عليه عند أهل المدينه،،  

نظر لها وتحدثَ ٠٠٠٠٠٠٠ أتمني أمنيه قبل ما أقفل الجنزير !! 

نظرت له بحب وتحدثت ٠٠٠٠تفضل تحبني علي طول ودايماً أشوف ف عيونك نظرة العشق الخاصه بيا لوحدي وأنت بتبص لعيوني ♡ 

ثم أبتسمت له وتحدثت ٠٠٠دورك يا سيادة العقيد !!! 

نظر داخل عيناها وتعمق بعشق وأجاب ٠٠٠٠نفسي أموت وأنا جوه حٌضنك ♡ 

وضعت يدها سريعاً علي فمه ونظرات رعب وهلع وأعتراض ظهرت بعيناها وتحدثت٠٠٠٠بعد الشر عليك يا حبيبي، ،مش مسموحلك تجيب سيرة الموت أبداً إنتَ فاهم !!!

أجابها بعشق ٠٠٠٠٠الموت ف حضن أميرتي بقي مٌبتغايا،،ومع ذلك حاضر مش هجيب سيرته تاني !!! 

أكملت هي بأمر٠٠٠٠٠يلا إختار أمنيه وأتمناها !! 

إبتسم علي إستمتاعه بتسلطتها عليه وأجاب بحب٠٠٠٠٠٠بتمني أقضي عمري كله جوة حضنك ♡

إبتسمت برضي،، وأمسك هو الجنزار ولفهٌ حول حلقه من حلقات السور الحديدي ووضع بهِ القفل وأغلقهٌ ثم أعطاها المفتاح برضي !!

نظرت له بسعاده ثم حولت بصرها إلي بحيرة المياة المملوئه بنوعية تلك المفاتيح قبلت المفتاح بحب ثم ألقتهٌ داخل البٌحيرة !!!

وقام هو برفعها علي ساعديه وبدأ يدور بها بسعادة مع التصفيق الحار من جميع العشاق المتواجدين بالمكان 

كانت تفتح ذراعيها ناظرتاً للسماء بسعادة وفرحه لم تعش مثلها علي مر سنوات حياتها جميعاً ،،، 

وهو يدور بها بسعادة لم توصف ثم توقف وأحتضنها وتحركَ بها سريعاً وهما يجريان بمرح ،،وبعد مدة من التسكٌع  بسعادة داخل شوارع لندن،، أشار لسائقه الذي يتبعهٌما ويتحرك خلفهما وذلكَ حسب تعليمات ياسين له ،،، 

صعدت السيارة بالخلف وجاورها هو وتحركَ السائق وضعت رأسها علي كتفه بسعادة وحب ،،، 

وبعد مده وصلا لباب غرفتهما !!! 

أوقفها ثم وقف خلفها وأحاط خصرها بدلال ثم فتح باب الغرفه وإذ بالغرفه تتناثر أوراق الورود بجميع أنحائها والبالون المنتفخ بمادة الهليوم ومعلق به هدايا وصورهما معاً من إحتفالهما الذي كان من مجرد ما يقرب من الساعه،، 

جرت عليه مٌسرعه وهي تضحك بسعاده وأمسكت صورها معه وهي بثوب زفافها وتحدثت بإنبهار٠٠٠٠٠معقوله،،،،أمتي صورتهم وأمتي وصلتهم لهنا !!! 

ثم أكملت بعيون عاشقه٠٠٠٠٠ياسين،،، أنا حاسه إني ف حلم جميل وخايفه أصحي منه ♡ 

إبتسم لها وتحدث بحب ٠٠٠٠٠معايا كل أحلامك هتلاقيها بين أديكي ،،إنتي بس أحلمي وأشري يا ملكة أحلامي ♡ 

جرت مٌسرعه بمرح تتلفق البالون وتجلب منهٌ هداياها الثمينه المٌعلقه بداخله ،،وتمسك بصورها معه من أول رحلتهما معاً ،،،أكان يصورهما معا ليحتفظ بذكري من الحبيب،، يالك من رجل أيها الياسين !!!

إقتربَ عليها ولف يداه حول خصرها وضمَ جسدها عليه بعنايه وتحدثَ بعيون مملؤه بالحب والعشق والحنين ♡

وتحدث بكلمات مٌتأثرة٠٠٠٠مليكه،،،أنا حابب إن ليلتنا دي تكون بداية حياتنا مع بعض، ، نفسي تنسي كل حاجه حصلت ف حياتك قبلي،،نفسي تكونيلي السكن والسكينه،،هدوئي وجنوني،،عشقي وغرامي،،،مليكه،،،،تقبلي تكوني رفيقة روحي ف رحلتي ؟؟

كانت تنظر لهْ مٌتأثرة من حالتهِ وعشقهِ الواصل لعيناها أجابته بحب وعيون سعيده٠٠٠٠٠موافقه يا ياسين،،،موافقه ومسلمالك روحي وقلبي وحياتي كلها،،أنا ملكك يا ياسين،،ملكك لوحدك ،،خلاص،، مبقتش عاوزه من الدنيا دي كلها غيرك،، 

وأكملت برجاء٠٠٠٠٠٠٠أهم حاجه تفضل تحبني وأشوف ف عيونك نظرة العشق دي !!!!

إبتسم لها  وتحدث بعشق٠٠٠٠أنا كٌلي ملكك يا مليكه،،،نظرة عيوني وقلبي ورحي وجوارحي كلهم ملكك وبين أديكي ♡ 

أحاط وجهها بعنايه ومال علي شفتاها وذاب معها بقبلتهِ الأولي بعد أتفاقهما وذهباً معاً برحله جديده من رحلات عشق الياسين لمليكتهْ  ♡

كان سعيداً لوصولهٌ مٌبتغاه فهل السعاده ستبقي في عقب دارهم أم انها سعاده مؤقته ؟؟؟ 

هذا ما سنتعرف عليه في البارت القادم بإذن الله !!! 

إنتهي البارت

☆ قلوب حائره ☆

روز آمين

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين

رواية☆ قلوب حائره☆ 

بقلمي روز آمين 

                 💙🦋البارت التاسع و العشرين 🦋💙

وقت الظهيرة داخل حديقة رائف !!!!

كانت ثريا تجلس أمام المسبح تنظر لمائهِ الصافيه وتتنهد بإشتياق قلبها إلي قرة أعيٌنها،، أولاد عزيزها الغالي الغائبان عن أحضانها منذ خمسةٌ أيام 

دلفت منال من البوابه الحديديه ناظرتاً لها وأقتربت منها مٌتحدثه بوجهٍ بشوش٠٠٠٠قاعده لوحدك ليه يا ثريا ؟؟

أفاقت من شرودها علي صوتها نظرت لها وأبتسمت وتحدثت بترحاب٠٠٠٠أهلاً يا منال إتفضلي ،،يسرا جوه بتجهز الغدا مع عَليه وأنا قولت أقعد شويه في الشمس  !!

جلست منال وتحدثت بوجهٍ بشوش ٠٠٠٠ شكلك كده كنتي سرحانه ف الولاد  !! 

أجابتها ثريا بإبتسامه وعيون يملئٌها الإشتياق٠٠٠٠وحشوني أوي وواجعني بعادهم عني !! 

تحدثت منال ٠٠٠٠والله ووحشوني أنا كمان،،،وخصوصاً أنس أبو نص لسان ،، ييجوا بالسلامه إن شاء الله ،،

وأكملت بتوتر ظهر علي ملامحها ٠٠٠٠٠ثريا أنا كٌنت عاوزه أطلب منك طلب بس عاوزاكي تفهميني كويس وتعذريني فيه !!!

نظرت لها ثريا بإستفهام وتحدثت٠٠٠٠٠خير يا منال ،،،إتكلمي إنتي كده قلقتيني ؟؟

أجابتها منال٠٠٠٠خير إن شاء الله، ،طبعاً إنتي عارفه إن عٌمر رجع من سفره وأخد شهادته الحمدلله،،وكمان ياسين رجعلي من الموت بأعجوبه بعد ما عشنا أيام صعبه وإنتِي بنفسك عيشتيها معايا ،،

تحدثت ثريا لتشجيعها٠٠٠٠إتكلمي يا منال من غير مقدمات إحنا أهل وعشرة عٌمر ،،،قولي إللي جواكي وأنا أكيد هفهمك وهعذرك !!!

نظرت لها منال وتحدثت بخجل٠٠٠٠  رائف الله يرحمه قرب يكمل سنتين ومن وقتها حرمنا الفرح علي البيت مٌراعتاً لشعورك وشعور البنات،،، لكن أنا نفسي أعمل حفله لأولادي،،، 

وأكملت بعيون مٌترجيه٠٠٠٠٠٠فرحانه برجوع عٌمر ونجاة ياسين ورجوعه ليا ونفسي أفرح بيهم يا ثريا ،،

وبصراحه عز خايف من زعلك وقالي ثريا هتزعل ،، لكن أنا قو٠٠٠٠٠

لم تكمل حديثها إبتسمت لها ثريا وتحدثت بهدوء٠٠٠٠٠وماله يا منال،، من حقك تفرحي بأولادك وأنا كمان يعلم ربنا فرحانه أد أيه بيهم،،دول مش ولادك لوحدك يا منال !!!

أجابتها منال بسعاده٠٠٠٠٠طبعاً يا ثريا مش إنتي إللي مربياهم معايا !

وأكملت علي إستحياء ٠٠٠٠٠يعني مش هتزعلي يا ثريا ؟؟

أجابتها بإبتسامه٠٠٠٠لا يا منال مش هزعل،،وبعدين إنتوا كتر خيركم صبرتوا معايا كتير وخوفتوا علي زعلي !!!!

تنهدت منال بإرتياح لحديثها مع ثريا وتحدثت بتساؤل ٠٠٠٠ثريا هو أنا مٌمكن أسألك سؤال وتجاوبيني عليه بصراحه ؟؟

إبتسمت ثريا وتحدثت بهدوء٠٠٠٠وأنا من أمتي كذبت عليكي ف حاجه يا منال ،،،إسألي وأنا هجاوبك !!! 

تنهدت وقالت ٠٠٠٠٠إنتي ليه وافقتي إن ياسين يتجوز مليكه مع إنك كنتي في نفس ظروفها ورفضتي تتجوزي عز ووقفتي قدام الكل  ؟؟ 

ليه وجعتي ليالي مع إنك بنفسك رفضتي توجعيني وحلتيلي مشكلتي إللي مكانش ليها حل غير بإيدك إنتي ومنعتي خراب بيتي وقتها !!!

ثم تحدثت بخجل٠٠٠٠٠أنا عارفه ومتأكدة إن حل مشكلتي كان بإيدك،،مهما حاولت أبرر لنفسي وأقول قدام الكل إني أنا إللي منعت جواز عز منك،،بس الحقيقه أنا وأنتي عارفينها كويس !!

إبتسمت ثريا بحزن وتحدثت٠٠٠٠٠مين قالك إن ظروفي أنا ومليكه كانت تشبه بعض يا ثريا،،بالعكس أنا ومليكه عٌمر ظروفنا ماكانت واحده،،،،

أنا ولادي كان ليهم سند وعزوة يتسندوا عليها لو الزمن جه عليهم ودار  ،، 

إعمامهم كانوا ف ضهرهم والبيت جنب البيت،،وأنا بنت عمهم لحمهم ودمهم وعمرهم ما كانوا هيفرطوا فيا ولا ف ولاد أخوهم ،، 

وإخواتي إللي هما ولاد عم جوزي كانوا موافقيني ،،كلنا إتفقنا وأتقبلنا عند نقطة حماية الولاد،،،

وأكملت بحزن٠٠٠٠٠لكن مليكه وولادها ملهمش ضهر ،،إبني كان وحيد ملهوش سند يسند ولاده من بعده،،كنتي عاوزاني أسيبهم لكلاب السكك تقطع فيهم وهما لسه لحمه حمرا يا قلبي،، 

وأكملت بتفسير٠٠٠٠٠ده أقرب الناس ليهم طمع فيهم ،،متزعليش مني يا منال،،أنا عارفه إنك شيفاني واحده أنانيه وفضلت مصلحة ولاد أبنها علي مصلحة إبنك،،،،وده طبعاً حقك ومش هلومك فيه !!

بس أنا فعلاً بعترفلك إني كنت بحمي ولاد إبني من غدر الزمن،، وملقتش قدامي غير ياسين علشان أتعلق بيه وأعلق ولاد أبني في رقبته علشان يبقي سندهم وحمايتهم من غدر البشر والزمن !!!

أجابتها منال ٠٠٠٠٠طب ما ياسين وطارق وعز ما كانوش هيسبوهم وكانوا هيقفوا معاكي إنتي ومليكه والولاد ويربوهم،، بالظبط زي ماعملوا معاكي زمان ومن غير جواز ؟؟

أجابتها ثريا بنفي ٠٠٠٠٠هقولهالك تاني يا منال،،،،أنا ومليكه عٌمر ظروفنا ماكانت واحده ،،،أولاً مليكه أبوها ماكانش هيسيبها هنا وعز وياسين ماكنوش هيسمحوا لسالم إنه ياخد الولاد ،،دي أول حرب كٌنت هدخل فيها أولاد إبني !!

نيجي بقا للمهم ،،عز وعبدالرحمن لما وقفوا معايا في تربية ولادي كان واجب عليهم ،،وزي ما قلتلك دول لحمهم 

لكن ياسين وطارق هيربوا ولاد رائف ويقفوا ف ضهرهم ليه؟؟ 

وأكملت بتعقل٠٠٠٠٠الدنيا بتلهي الناس يا منال ،،،وبعد عمرٍ سواء طويل أو قصير لما أحنا نفارق ونرجع لدار الحق ،،ياسين وطارق وولادهم هيبعدوا ومحدش يقدر يلوم عليهم،، دي سٌنة الحياه،،، دول هيبقوا مجرد أعمام ولاد رائف من بعيد

لكن إسمحيلي لما يبقي ياسين جوز مليكه هيبقوا الولاد مسؤلين منه شرعي ويفضل رابطهم بيت واحد !!!

وأكملت بغيمه من الدموع ٠٠٠٠٠٠وأرجوكي متزعليش مني،،  ساعات الدنيا بتجبرنا وتحٌطنا قدام أختيارات كلها أصعب من بعض،، وتودينا لطرق عٌمرنا ما كٌنا نفكر إننا نمشي فيها وغصب عننا لازم نمشي ونكمل المشوار  !!!

وأكملت بحزن٠٠٠٠أنا عارفه إني كٌنت أنانيه، ،بس لو رجع بيا الزمن تاني هعمل وأختار نفس إللي عملته،،سامحيني يا منال أرجوكي وأعذريني،، 

  دول ولاد الغالي ومكنش ينفع أقف وأتفرج عليهم وهما تايهين في الدنيا من غير ما أعمل حاجه،،وصدقيني وجعك إنتي وليالي من جواز مليكه من ياسين ميجيش 1% من وجعي علي إني أسلم مرات الغالي وحبيبتة بإيدي لراجل تاني،، حتي ولو كان مجرد جواز صوري،،،محدش حاسس بالنار اللي بتنهش ف قلبي من الموضوع ده غير رب العباد  !!!

إبتسمت منال بقهر علي صدق مشاعر ثريا الذي وصلها،  وألمها الظاهر بعيونها وهي تتحدث عن مصير أبناء غاليها،،وعن فقدان وحيدها !! 

وتحدثت٠٠٠٠أنا أسفه يا ثريا ،،سامحيني إني مفهمتش موقفك ده ولا حتي فكرت فيه بإنسانيه،،إنتي معاكي كل الحق ويمكن أنا لو كنت مكانك كٌنت فكرت بنفس طريقتك !!!

تحدثت ثريا بلهفه٠٠٠٠بعد الشر يا منال،،ربنا ما يحطك مكاني ولا يدوقك إللي أنا دوقته أبداً ،  بدعي من ربي دايماً يكون رحيم بالبشر وميخليش حد يدوق المرار إللي أنا دوقته ف وجعي علي وحيدي وعزيز عيني ، ،،

وأكملت بحزن وعيون مٌغيمه بدموع الألم ٠٠٠٠أصعب أختبار وأمر أحساس مٌمكن الست تحسه هو فقدان الإبن،، من كل قلبي متمناش لحد يعيش الشعور ده أبداً !!!

وأدمعت عيناها ومعها منال التي شعرت بالخزي من حالها علي عدم تفهم ثريا مٌنذٌ زمنٍ بعيد !!!! 

                  ◇◇◇◇◇¤◇◇◇◇◇

في مدينة لندن مدينة الضباب !!!! 

كانت تجلس داخل مطعم بصحبة عاشق عيناها وشقيقها وزوجته يتناولونَ الطعام بشهيةٍ مفتوحه 

تحدثَ سيف بإحترام ٠٠٠معلش يا سيادة العقيد،،المفروض العشا ده كان يبقي في البيت عندنا 

ثم حول بصرهِ إلي شقيقهْ مٌتحدثاً بدعابه٠٠٠٠لكن هنعمل أيه بقا،،حكم القوي يا سيدي !!! 

نظرت لهٌ بكشعريره مٌصطنعه٠٠٠٠ تقصد مين حضرتك بالقوي ده ؟؟ 

قهقه ياسين عالياً وتحدث ٠٠٠الدكتور أكيد يقصد القوي الناعمه يا حبيبي !! 

إبتسمت لهٌ بحب 

ثم نظر هو إلي سيف وتحدث٠٠٠٠ولا يهمك يا دكتور إن شاء الله تتعوض ،،وبجد مٌتشكر جداً علي العشا والوقت اللطيف ده !! 

تحدثت نهي بوجهٍ بشوش ٠٠٠٠إن شاء الله هنستناكم تيجولنا زيارة وتكون الظروف أحسن من كده وتنزلوا عندنا في البيت !!! 

أجابها ياسين بإحترام٠٠٠إن شاء الله يا أفندم ،،بس الأول عاوزين نشوفكم في إسكندرية قريب ،، 

ثم أحال ببصرة إلي سيف وتحدث٠٠٠٠أنا ملاحظ إنكم مٌقلين أوي في نزولكم مصر يا دكتور ؟؟

أجابه سيف بعمليه٠٠٠٠ده حقيقي للأسف ،،أخر مره نزلنا فيها وقت وفاة رائف الله يرحمه،، 

شعر بالغيرة ونظر لها حتي يستكشف ملامحها وجدها تنظر لهْ وقد شعرت به وبغيرته إبتسمت لهْ وأمائت بعيناها في إشاره منها ليطمئن قلبهْ فلم يعد لأحدٍ مكانٍ بجانبه داخل قلبها ♡ 

إرتخي بجلسته بإرتياح وتنهد براحه ♡ 

وأكملَ سيف٠٠٠٠٠الحقيقه الحياه هنا صعبه أوي وروتين الحياه وتيرته سريعه جداً ، تقدر تقول إن للأسف دوامة الشغل خدتنا حتي من نفسنا !!! 

نظر لهٌ ياسين وتحدث بنبره جاده٠٠٠٠طب ليه ماترجعش مصر وتفتح مٌستشفي إستثماري هناك وتستقر بدل الغربه البارده دي ؟؟

المستشفيات الإستثمارية بتكسب كويس أوي ف مصر !!!

أجابهٌ سيف بعمليه٠٠٠٠٠٠فكرت ف ده فعلاً ،،لكن بصراحه كده إتراجعت تاني،،

خلينا واقعيين،،،الطب هنا ليه وضعه،، وأنا بقي ليا مكانه كبيره ومستقبلي هنا أحسن من مصر بكتير ،، 

للأسف يا سيادة العقيد محدش بياخد كل حاجه، ،وأنا علشان أعمل إسم كبير لنفسي لازم أتحمل مرارة الغربه،،ودي الضريبة إللي لازم أدفعها !!! 

وافقهٌ الجميع الرأي !!!

بعد إنتهائهم من العشاء إنطلقت أصوات الموسيقي الهادئه 

وقف ياسين بكل رجوله أغلق زرار حِلتهْ،،ومد يدهٌ لها بإحترام يدعوها لرقصتها معهْ وتحدث برٌقي٠٠٠٠برنسس مليكه ،،تسمحيلي ؟؟ 

إبتسمت بسعاده من رٌقي تعامله معها وعشقهِ الواضح داخل عيناه،،نظرت لشقيقها وزوجته إبتسموا لها وأشاروا لها بالنهوض،،ونهضوا هما الأخرين،، 

مدت يدها لهْ ناظره بعيناها الساحره وقفت،،، حاوط خصرها بإمتلاك وذهبا معاً للمكان المخصص للرقص !!!

مد يده محاوطاً خصرها وضعت رأسها فوق صدره وبدأت بخطوات رقصتهم بإحترافيه 

تحدث بصوتٍ عاشق مٌترجياً إياها ٠٠٠٠٠مليكه،،أنا حابب أوي تباتي معايا إنهارده في الأوتيل،،،مٌمكن تعملي كده علشان خاطري  ؟؟

هزت رأسها بإيماء وهي مازالت داخل أحضانه مٌغمضمة العينان سارحه في ملكوت عشقه وهمهمت بصوتٍ مٌغري٠٠٠٠أمممممم 

أبعد رأسها وأمسك ذقنها رفع بصرها لمواجهة عيناه العاشقه وتحدث بلهفه٠٠٠٠حبيبي إنتي موافقه فعلاً ؟؟

هزت رأسها وتحدثت بحب٠٠٠٠أيوه يا ياسين،،أنا كمان حابه أنام في حضنك أوي إنهاردة ♡ 

أجابها بفرحه٠٠٠٠يا حبيبي، ،بحبك يا مليكه ♡ 

تحدثت بحب ٠٠٠٠٠أنا كمان بحبك أوي يا ياسين ♡

ووضعت رأسها مٌجدداً فوق صدرة لتستمع لدقات قلبه التي تنبض بعشقها !!

بعد مده تحدث هو ٠٠٠٠٠عرفتي إن ماما عامله حفله الإسبوع ده علشان رجوع عٌمر وعلشاني ؟؟

أبعدت رأسها ونظرت له ومازالت تتراقص بين يداه بهيام ٠٠٠٠يٌسرا قالتلي !! 

تحدث هو بحماس ٠٠٠٠٠هاخدك بكره وننزل علشان أختارلك فستان يليق بالحفله !!

أجابته ٠٠٠٠ماأنتَ جبتلي كذا واحد إمبارح يا حبيبي، ،وكلهم أشيك وأجمل من بعض !! 

أجابها بسحر٠٠٠٠٠تؤ،، دي حفلة جوزك ولازم تبقي أشيك واحده في الحفله كلها، ده بقا هنقهولك علي مزاج مزاجي !!!

تحدثت بتساؤل٠٠٠٠٠ياسين هو أنتَ  مش المفروض هتسافر بكره أخر النهار ؟؟ 

أجابها بعمليه٠٠٠٠٠المفروض يا حبيبي، ،بس أجلتها يومين كمان ،،أطمن عليكم إنكم سافرتم وأنزل تاني يوم علطول !!

مدت شفاها بإستغراب ٠٠٠٠٠وهتقعد هنا تعمل أيه لوحدك إن شاء الله ماتنزل في نفس اليوم !!

إبتسمَ بتسلي وتحدث وهو يمرر لسانهْ فوق شفتاه ٠٠٠٠٠أنا شامم ريحة غيرة في الموضوع،، 

ثم نظر لها بتساؤل وعيون عاشقه٠٠٠٠هو حبيب جوزه غيران ولا أيه ؟؟ 

تحدثت بدلال٠٠٠٠أه طبعً غيرانه ،،وأظن ده حقي ،،يا ياسين أنا بقيت بحبك لدرجة إني بغير عليك حتي من نسمة الهوا ♡

أجابها بعيون عاشقه ٠٠٠٠طب ولو قولتلك إن عيوني ما بتشفش حد غيرك أصلاً ،،هتغيري بردوا ؟؟ 

أجابته بإيماء٠٠٠٠أيوه هغير ولو مغيرتش عليك يبقي مش بحبك يا ياسين ♡ 

تحدث بمداعبه ٠٠٠٠هو أنا قولتلك إني بحبك قبل كده ؟؟ 

ضحكت بإنوثه وأجابت٠٠٠٠٠كتيرررررر !!!!! 

ضحكا سوياً وأكملا رقصتهما !!! 

               ◇◇◇◇◇¤◇◇◇◇◇

داخل حديقة عز !!

كانت منال وليالي يتحركان بكبرياء  بصحبة فريق إحدي شركات تنظيم الحفلات !!

تحدثت منال مٌوجهتاً  حديثها إلي المسؤول ٠٠٠٠٠عاوزاك بقا تستغللي المكان إللي جنب البول ده كله،  عاوزاه يطلع ف أبهي صوره ليه ،،،ومفارش التربيزات عاوزاها باللون الأبيض !!

تحدث الشاب بإحترام وتساؤول٠٠٠٠وبالنسبه للزهور إللي هتكون علي التربيزات يا أفندم ياتري حاباها تكون بأي لون ؟؟

نظرت لهٌ بتيهه ثم وجهة بصرها إلي ليالي وتحدثت٠٠٠٠أيه رأيك في الموف يا لي لي ؟؟

إبتسمت ليالي وتحدثت برأسٍ مرفوع ٠٠٠جميل يا عمتو !!

هزت لها رأسها وتحدثت للشاب ٠٠٠٠أوكِ يبقي الموف !!!

أتي إليها عٌمر قبلها من وجنتها وتحدث ٠٠٠٠٠وحشتني حفلاتك منال هانم،،شكلك راجعه لمجدك القديم تاني وبقوه !! 

تحركت ليالي بصحبة الفريق بعيداً عن منال وعٌمر 

إبتسمت منال ببشاشه وتحدثت ٠٠٠٠أهلاً يا قلب مامي،،أنا هعملك حفله إسكندرية كلها هتقعد تحكي عنها شهور !!!

أجابها بغمزه من عينه٠٠٠٠أيوا بقا يا منول،، أنا سايبلك نفسي و عاوزك تدلعيني علي الآخر !!!

أكملت منال بتحذير٠٠٠٠٠أه يا حبيبي بس خلي بالك من ضيوفك إللي هتعزمهم ،،بباك إمبارح قالي أنبه عليك وأقولك تختار أصحابك إللي هتعزمهم وتبلغهم إنهم يخلوا بالهم من تصرفاتهم كويس أوي،،، 

وأكملت ٠٠٠٠الحفله هتبقي فيها ناس مهمه جداً ،،تقدر تقول إن الحفله هيحضرها كريمة المجتمع الإسكندراني كله ،،قامات جهاز المخابرات عند بباك وياسين هيكونوا موجودين ، 

  فبجد ياريت تاخد بالك من النقطه دي يا عٌمر علشان متضايقش بابا !!

تأفأفَ عمر وتحدثَ بغضب٠٠٠٠يبقي مكنش ليه لزوم إن حضرتك تقولي إنك عامله الحفله علشاني،،

كنتي من الأول قولي إنك عملاها لسيادة اللوا هو وسيادة العقيد وكريمة المجتمع تبعهم،،

وأكملَ بإعتراض٠٠٠٠٠أحب أعرفك إن من الطبيعي إن أصحابي إللي بتتراوح اعمارهم بين 25,,,,24 سنه لما يحضروا حفله أكيد هيرقصوا وهيشربوا ويهيصوا،،غير كده بقا أعزمهم أنا ليه مٌمكن تقوليلي  ؟؟

وضعت يدها علي وجنته وتحدثت بحنان  ٠٠٠٠٠ متزعلش يا موري عدي الحفله علي خير وليك عليا هعملك حفله في فيلا المعموره لوحدك إنتَ وزمايلك إعمل فيها كل إللي إنتَ عاوزه !!

اماء لها بضيق وتحدث٠٠٠٠أوك مامي ،،يلا سلام علشان خارج مع أصحابي !!! 

وأنسحب من المكان وأنضمت منال من جديد إلي ليالي وفريق التجهيز لتباشر التجهيزات  !!!

                     ◇◇◇◇◇¤◇◇◇◇◇ 

دلفت علياء إلي المطبخ وأتجهت إلي والدتها التي تقف أمام الحَوضْ تٌجلي الصٌحون وقفت خلفها وأختضنتها بسعادة وتحدثت ٠٠٠٠صباح الفل يا بسوم !! 

تحدثت إبتسام وهي مازالت تٌجلي الصحون٠٠٠٠إنجزي وقولي عاوزه أيه ؟؟ 

ضحكت علياء عالياً وتحدثت ٠٠٠٠هو إنتي دايما قفشاني كده ؟؟

أجابتها إبتسام٠٠٠٠اللي ربي خير من اللي إشتري يا حبيبتي،،،وطالما قولتي بسوم وبدأتي كلامك بالدلع والأحضان تبقي عاوزه تطلبي حاجه،،،  وحاجه كبيرة كمان، ،فياريت تنجزي وتجيبي من الآخر وتقولي عاوزه أيه بدل اللف والدوران ده كله !!

إبتعدت عنها ووقفت بجوارها ناظره إليها وتحدثت بفخر٠٠٠٠تعرفي أيه أكتر حاجه بحبها فيكي يا ماما،،فطانتك وسرعة بديهتك ،،

وأكملت بدٌعابه ٠٠٠٠٠ماشاء الله عليكي طلعالي !!

إنتهت إبتسام وجففت يداها ثم تحركت للمنضدة الموضوعه بوسط المطبخ وجلست ،،نظرت إلي إبنتها وتحدثت ٠٠٠٠هاتي إللي عندك وإتحفيني خليني أشوف !!

جلست علياء وتحدثت خجلاً٠٠٠٠٠٠ شريف عثمان،، مذيع الراديو إللي قولتلك إنه طلع أخو مليكه ،،موجود هنا ف أسوان بيقضي أجازتة فكنت يعني،،ده طبعاً لو تحبي،،، نعزمه هنا علي العشا إنهاردة !!

نظرت لإبنتها بإبتسامة وتحدثت ٠٠٠٠٠أه ،،قولتيلي،،شريف عثماااان،،وإشمعنا بقا سي شريف ماأفتكرش يقضي أجازته غير اليومين دول وبالتحديد هنا ف أسوان ؟؟

ثم ضيقت عيناها وأكملت بتساؤل ٠٠٠٠هي أيه الحكايه بالظبط يا لولو،،ماترسيني معاكي علي الحوار !!!

تنهدت علياء وتحدثت بحزن ظهر علي ملامحها٠٠٠٠٠لا حكايه ولا روايه يا ماما، ،،وعلشان ترتاحي شريف خاطب مذيعة معاه ف نفس الإذاعه !!

نظرت لها والدتها وتحدثت بتأثر ٠٠٠٠طب وإنتي زعلانه كده ليه يا قلبي ؟؟ 

إبتسمت علياء بألم لم تستطع مٌداراته وتحدثت٠٠٠٠٠وأنا أيه بس إللي هيزعلني ،،،المهم ماقولتليش رأيك ؟؟

أجابتها بترحاب٠٠٠٠٠٠ودي محتاجه رأي بردوا يا بنتي،،طبعاً يشرف وينور،  ده كفايه إنه من ريحة مليكه الغاليه،،وأهي فرصه كمان نٌردله بعض من جمايل وعزومات والدته ليكي !!!!

وقفت علياء بسعاده ٠٠٠٠٠خلاص أنا هروح أبدل هدومي وأقابله وأفرجه شويه علي أسوان،، وأخر النهار أجيبه وأجي تكوني حضرتك جهزتي العشا !!!

جهظت عيناها وتحدثت بإعتراض ٠٠٠٠نعم يا ست هانم،، تكونيش فكراني الفلبينيه إللي جبهالكم الباشمهندس ،،بقي سيادتك تعزميلي البيه وتدبسيني معاه وكمان عاوزه تخرجي وتتفسحي وتسبيني ف الهم ده لوحدي ؟؟ 

نظرت لها بحزنٍ مٌصطنع وتحدثت٠٠٠٠علشان خاطري يا ماما توافقي، ،،أنا وعدت مليكه إني أخد بالي من أخوها كويس،، يرضيكي أطلع قدامها عيله ومش أد كلمتي ؟؟

نظرت لها إبتسام وصاحت بذهول ٠٠٠٠٠هو إنتي يابنتي فكراني هبله، مليكة مين دي إللي وعدتيها وأخوها مين ده كمان إللي هتاخدي بالك منه،،،علي أساس إن شريف ده عيل عنده أربع سنين ويا حرام خايفين عليه ل يتوه لوحده !!!!

حزن وجه علياء ونظرت أرضاً ،، شعرت والدتها بحزنها فتحدثت بإستسلام٠٠٠٠خلاص روحي،،بس خدي رؤوف معاكي ماتروحيش تقابليه لوحدك !!!

نظرت لها علياء وتحدثت بإعتراض وتذمر٠٠٠٠٠روؤف أيه بس إللي أخده معايا،،هو حضرتك شيفاني عيله قدامك،،، وبعدين روؤف مش هيوافق ما حضرتك عارفه إبنك ورخامته،، ده غير إن عنده مذاكرة ومش هينفع يسيبها،،

وأكملت بحزن٠٠٠٠٠وعلي فكرة بقا يا ماما،،، المفروض حضرتك تكون عندك ثقه فيا أكتر من كده !!!

تحدثت والدتها بتأكيد ٠٠٠٠أنا ثقتي فيكي ملهاش حدود،،لكن بابا لو عرف هيزعل منك أوي يا عاليا !!!

أجابتها ٠٠٠٠وهو حضرتك فكراني هخرج من غير إذن بابا،،لو علي الباشمهندس سيبي موافقته عليا !!!

وقبلت والدتها وهاتفت والدها وأستأذنته ثم هاتفت شريف وبعد أقل من ساعه كانت تنتظره ف إحدي الكافيهات الشهيرة بالمدينه 

دلف للمكان يبحث عنها بنظرات مٌتلهفه ،، 

رأته يدلف للمكان بطلتهِ الساحرة المٌهلكه لقلبها الصغير ،، دق قلبها بأعلي وتيره له ،،

تحاملت علي حالها ووقفت وأشارت لهْ 

نظر لها وشعر بإحساس غريب عليه،،ولأول مرة يزورهُ ذلك الشعور،، رعشه صابت جسده بالكامل،   حلاوة اللقاء،، لهفة النظرات،، 

إقترب عليها ومد يدهٌ مٌسحوراً بجمال عيناها وسحرهما الفريد،، 

تحدث بإشتياق ٠٠٠٠عاليا،،،إزيك !!!

لم يكن حالها بأفضل منه مدت يدها وتلامست الأيادي وأحتضنت العيون أشتياقاً وتحدثت ٠٠٠٠الحمد لله أنا تمام !! 

حاولت لملمت شتاتها وتحدثت بترحاب وأبتسامه جذابه بأسنانها اللؤلؤ،، قضت بها علي ما تبقي من حصونه ٠٠٠٠٠نورت أسوان يا شريف ،،إتفضل أقعد واقف ليه  !!!

جلس بمقابلها وتحدث٠٠٠٠٠أنا نورت أسوان وحضرتك ضلمتي إسكندريه بعد ما هربتي !!!!

إرتجفت وتحدثت بهلع أسعدهُ٠٠٠٠٠أيه يا حضرت هربت دي،،إنتَ أد الكلام الكبير ده !!!

نظر داخل مِقلتيها وتحدث بحنان٠٠٠٠مشيتي ليه يا عاليا ؟؟ 

إرتبكت بجلستها وتحدثت ٠٠٠٠مانا قولتلك يا شريف !! 

إبتسم بتسلي وأجابها٠٠٠٠هحاول أعمل نفسي مصدقك !!!

تحدثت كي تٌخرج حالها من حصاره لها ٠٠٠٠علي فكرة يا حضرة الباشمذيع الواعد ماما عزماك إنهاردة علي العشا،،جهز نفسك هتدوق أحلا بط بالتوابل الأسوانيه ،،وعلي فكرة بقا البط الأسواني ملوش زي،، 

وأكملت بدعابه ٠٠٠٠لا تقولي بقا جمبري ولا سبيط ولا الكلام ده كله !!!

إبتسم لها وتحدثَ بنظرة أربكتها٠٠٠٠مش بس البط الأسواني إللي ملوش مثيل ،، كل حاجه ف أسوان ملهاش زي وأولهم إنتي يا عاليا !!

إرتبكت وأرتجف داخلها لكنها حاولت الثبات وتحدثت بدعابه٠٠٠٠خلي بالك من كلامك يا حَضرتْ ،، وياريت متنساش إنك قاعد قدام الباشمحاميه،،،يعني ممكن أعتبر كلامك ده تحرش بيا وأتمرن علي قضيتك وألبسك محضر تمام،،، وبدل ما تتفسح وسط النيل والمعابد تتفسح علي البورش يا خفيف !!!!

أطلق ضحكات من أعماق قلبه بصوتٍ عالي وتحدث من بين ضحكاته٠٠٠٠أيه يابنتي الكلام إللي إنتي بتقوليه ده،،،عاوزه تفسحيني علي البورش مرة واحده،، لا بجد ونعم الكرم الأسواني !!!

ضحكت وتحدثت بخفه٠٠٠٠أنا بس حبيت أنبهك علشان تكون علي درايه من أولها ،،، أه لتفكر حضرتك إن بنات أسوان سهله ولا حاجه !!

نظر لها وتحدث بصوتٍ حنون٠٠٠٠٠بنات أسوان دول أجدع وأحلا بنات شفتهم ف حياتي كلها !!!!

نظرت له وحدثت حالها٠٠٠كفيَ شريف أرجوك،،كٌف عني تلك النظرات والإبتسامات المٌرهقه لقلبيَ المِسكين،،،،أتركني بشأني ولا تٌعلقني بك أكثر،،،،فقلبيَ الجريح لم يعٌد لديهِ القٌدرة علي التحمٌلِ بعد !!

شعر بحيرتها وألمها الساكن عيناها فأراد أن يخرجها من تلك الحاله ٠٠٠٠٠أكيد هتيجي إسكندريه تحضري حفلة عز باشا  !!

إبتسمت له وتحدثت ٠٠٠٠مش عارفه،،،عمو عز كلم بابا من يومين وعزمنا ،،لكن الباشمهندس لسه ماقررش !!!

نظر لها بعيون هائمه أرهقتها وتحدث مٌستعطفاً إياها ٠٠٠٠بس أنا عاوزك تكوني موجوده يا عاليا،،،لسه فيه أماكن كتير ف إسكندريه حابب نروحها سوا،،

ونظر لها بتساؤل وصوتٍ حنون٠٠٠٠هتيجي ؟؟

تاهت داخل نظرت عيناه وسحرها هزت رأسها بإيجاب وكأنها مسحورة وتحدثت بصوتٍ هائم ولأول مرة يستمع إليه ٠٠٠٠٠حاضر يا شريف ،،هاجي !!!

إقشعرَ جسدهِ وأنتفض قلبهْ لسماع إسمهِ منها بكل تلك الرقه والإنوثه إضافتاً إلي سحر عيناها،،، 

                  ☆وأهٍ من سحرْ عيناكيِ عَاليتيْ ☆ 

كان يشعر معها بأحاسيس ولأول مرة تجتاح عالمه،،، أكملا حديثهما بين نظرات وهمسات وإبتسامات

ودلفا معاً وخطي خطوتهما الأولي إلي عالم العشاق الصامت ♡ 

_________________________________

جاء المساء كان شريف يجلس حول طاولة الطعام داخل منزل عائلة حسن،،كان يشعر بسعادة لم يشعر بها من قبل ،،فتلك العائله لها هاله غريبه تحوم حول كل من يدخل دارِهم ،،

تحدث شريف ناظراً إلي إبتسام بإحترام ٠٠٠٠بجد تسلم إيد حضرتك، الأكل حلو جداً ! 

ثم نظر إلي علياء وتحدث ٠٠٠٠أما بالنسبه للبط ده لوحده حكايه !! 

إبتسمت له وتحدثت ٠٠٠٠٠مش قولتلك هتاكل أحلا بط من إيد الأستاذه إبتسام !!!

إبتسمت لهٌ إبتسام وتحدثت ببشاشة وجه٠٠٠٠بألف هنا علي قلبك  !! 

تحدث حسن بوجهِ بشوش٠٠٠٠٠ياريتك جبت بابا معاك يا شريف،،حتي كان فصل من ضغط الشغل شويه !!

أجابه شريف بإحترام ٠٠٠٠٠٠حضرتك أدري مني بضغط شغل البنوك اليومين دول،،،تتعوض إن شاء الله  !!

هز له حسن بإيماء 

نظر لهٌ إسلام بإنبهار وتحدث ٠٠٠٠علي فكرة يا أستاذ شريف،، أنا بحبك أوي وكل يوم لازم أسمع البرنامج بتاعك !! 

إبتسم له شريف وتحدث٠٠٠٠حبيبي يا إسلام،، وعلي كده بقا بتتصل بالبرنامج ولا مٌستمع صامت ؟؟

ضحكت إبتسام وتحدثت إليه٠٠٠٠٠مش كفايه عليك لماضة الباشمحميه ف البرنامج،،،هيبقي إسلام كمان،،،دول مجنني معاهم ،،،يومياً قبل برنامجك ما يبدأ بربع ساعه بيقلبوبلي البيت طوارئ،،،

ونظرت إلي إسلام٠٠٠٠٠٠الأستاذ ياخد الفون بتاعه ويخرج علي الجنينه علشان يسمعك بهدوء،،،

أما بقي الأستاذه فا ليها طقوسها الخاصه،،، أولاً تحضر لنفسها مج النسكافيه التمام،،وبعدها تقفل علي نفسها أوضتها وتشغل جهاز الراديو إللي شرياه مخصوص لبرنامجك ومشوفش وشها برة الأوضه غير بعد ما يخلص البرنامج  !!!

كانت تنظر لهٌ خجله لذكر والدتها تفاصيلها ضحك هو وتحدث٠٠٠٠دانا شكلي أنا وبرنامجي عاملين لكم إزعاج كبير أوي ف البيت ؟؟

نظر لهٌ روؤف بإبتسامه٠٠٠٠٠وأنا هلحقهم إن شاء الله لكن أخلص من كليتي الأول وبعدها أفضالك !!!

تحدث حسن ٠٠٠٠٠علي فكرة يا شريف أنا وإبتسام من قدامي المستمعين للإذاعه،،،الإذاعه دي يا أبني عالم من الخيال والسحر بيشدك لبعيد،،، وليها جمالها ورونقها الخاص ،، 

وبعد التحديث اللي طرئ عليها مؤخراً بقت متنوعه وفيها كل ما يحتاجه الإنسان، من برامج دينيه، ،ثقافيه ،،سياسيه،،توعويه،، ترفيهيه ،،بجد الإذاعه بقت موسوعه كامله !!

تحدث روؤف٠٠٠٠ هي بصراحه نفعت سكان القاهرة أكتر حاجة،،،الناس اللي بتقف ف الإشارات بالساعات بيشغلوا البرامج ويتصلوا،،،  منه يتسلوا ويكسروا الملل وميحسوش بالوقت،،ومنه بينبسطوا بمشاركة أرائهم عبر البرامج !!!!

رد عليه شريف بموافقه٠٠٠٠٠معاك جدا ف كلامك ده يا روؤف،،إحنا معظم مٌتصلينا بيكونوا فعلا من داخل الإشارات !!!

تحدثت علياء ٠٠٠٠٠٠أنا حقيقي بشفق علي سكان القاهرة من كل قلبي،،،ودايماً بسأل نفسي ،،هما إزاي قادرين يتحملوا الزحمه وأصوات كلكسات العربيات طول الوقت !!!

أجابها شريف٠٠٠٠٠مش يمكن إتعودا علي كده وحبوا نمط الحياه بالطريقه دي ؟؟

هزت كتفها وتحدثت بإبتسامه٠٠٠٠ممكن،،ليه لاء !!!

وجهَ حسن حديثهٌ إلي شريف٠٠٠٠٠ما تجيب حاجتك يا شربف وتيجي تقعد معانا هنا ،،البيت زي ما أنت شايف كبير ووجودك أكيد هيسعدنا ويشرفنا !!!

أجابهٌ شريف بإحترام٠٠٠٠٠مٌتشكر جداً لحضرتك يا باشمهندس،،بس الحقيقه أنا هكون مرتاح أكتر ف الأوتيل !!!

أجابهٌ حسن٠٠٠٠٠علي راحتك يا أبني مش هضغط عليك ،،،،لكن طبعاً إنتَ مش محتاج أقولك إن البيت بيتك وف أي وقت تشرفنا ،،،وروؤف وإسلام تحت أمرك ف أي حاجه تحتاجها طول ما أنتَ هنا !!!

أماءَ له بإحترام وأجاب٠٠٠٠أكيد طبعاً حضرتك !!! 

أكملاَ عشائهما وسهرتهم المريحه وسط ضحكات وسرد الحكايات من حسن وحكاياته الجميله التي يعشقها الجميع  !!!!

              ◇◇◇◇◇¤◇◇◇◇◇

تمللت بفراشها وهي تمد يدها بجوارها تبحث عنه إنزعجت حين وجدت جوارها فارغ،، أفتحت عيناها تبحث عنه داخل الغرفه لم تجده،، تحركت لتبحث عنه داخل ال Suite وجدته يقف بشرفته يشعل سيجارتهْ وينفث بها بعنف،، ذهبت إليه مٌستغربه 

وتحدثت وهي تدفن حالها داخل أحضانه ٠٠٠٠ياسين،،أيه إللي صحاك يا حبيبي ؟؟ 

حاوطها بذراعه وشدد من إحتضانها وتحدث ٠٠٠٠مجاليش نوم قومت أشرب سيجارة ،،

ثم مال علي شفاه وضع قبله سريعه وتحدث ٠٠٠٠إنتي أيه إللي صحاكي يا حبيبي ؟؟

أجابتهْ بوجهٍ عابس ٠٠٠٠إنتَ فاكر إنك لما تقوم وتبعد عن حضني وتسيبني مش هحس بغيابك وهكمل نومي كده عادي ؟؟

تنهد وتحدث وهو يطفئ سيجارته ويتخلص منها ٠٠٠أنا أسف يا مليكه،،مكنش قصدي أقلقك صدقيني  !!!

نظرت لهْ مٌضيقتاً عيناها وتسائلت٠٠٠٠٠مالك يا ياسين،،إنتَ فيه حاجه مضيقاك ؟؟

نظر أمامه وزفر بضيق محاولاً تهدئة حاله٠٠٠٠٠بصراحه يا حبيبي أنا متضايق أوي من الوضع إللي إحنا فيه،، 

نظر لها بتمعن وتحدث بتمني٠٠٠٠٠مليكه أنا نفسي الناس كلها تعرف إننا بنحب بعض،،نفسي أمشي وسط الناس وأنا حاضن إيدك من غير ماتتكسفي ولا تسحبيها علشان محدش يحس بحبنا !!!

وزفر بضيق وغيرة ظهرت بمقلتيه وتحدث بصوتٍ يملئهٌ الغضب رغم محاولتهِ ل مٌداراته والسيطره عليهْ٠٠٠٠٠٠نفسي أغير أوضة النوم يا مليكه،،،مش حابب أبداً فكرة إننا نبقي مع بعض ف نفس أوضة رائف الله يرحمه، ، 

وأكمل بضيق٠٠٠٠أنا راجل بحب مراتي وبغير عليها ومن حقي يكونلي حياة جديده معاها بكل تفاصيلها ،، 

وأكمل وهو يسحب بصره بعيداً عن مقلتيها٠٠٠٠٠مش قابلها علي نفسي يا مليكه،،مش حابب الأوضه،،مش طايق فكرة نومك لسه علي نفس سريره !!!

ثم نظر لها وتحدث بتساؤل وعيون مٌتألمه٠٠٠٠إنتي فهماني يا مليكه ؟؟ 

إبتلعت لٌعابها بمرارة لما تشاهدهٌ من كم الألم الذي يظهر بعيناه ويمتزج بصوتهْ 

حاوطت وجههٌ بكفيها بعنايه وتحدثت بنبرة رقيقه وهادئه٠٠٠٠طبعاً فهماك يا ياسين،،،ومين غيري يقدر يفهمك،، 

وأكملت بتمني٠٠٠٠بس أنا مش حابه أبداً أشوفك في الحاله دي،،إنتَ ياسين المغربي القوي إللي مافيش حاجه في الدنيا كلها تقدر تهزه،،، 

وكل إللي ممكن أقولهولك وأطمنك بيه،،هو إن مبقاش فيه حد في حياتي غيرك إنتَ يا ياسين،، 

أنا قلبي وروحي بقوا ملك أديك إنت وبس،،،

وأكملت بتعقل٠٠٠٠٠بس أنا عاوزاك تتصالح مع نفسك أكثر من كده يا حبيبي،، ومتنساش إن رائف هيفضل موجود ف حياتنا بحكم درجة القرابه إللي بينك وبينه،،وبحكم ولادي ،،وبحكم ماما ويسرا ووجودنا معاهم في نفس البيت،،

وأكملت بحب لطمئنته٠٠٠٠أنا يمكن حبيته قبل منك وهو حبني قبل منك،،،،لكن صدقني حبك محي جوايا أي حاجه عشتها قبلك ♡ 

وأكملت بغرام٠٠٠٠إنت جوزي وحبيبي ونور عيوني،،، عاوز أيه تاني أكتر من كده ♡ 

أمسك وجهها بتملك ونظر داخل عيناها وتحدث بعيون ترقرق بها قطرات الدمع قائلاً ٠٠٠٠فيه حاجه لازم تعرفيها يا مليكه،،، 

نظرت له بإهتمام وترقب،، وأكمل هو 

           ☆أنا حبيتك قبله،،بس هو وصلك قبلي ☆ 

ضيقت عيناها وتحدثت بعدم فهم٠٠٠٠٠أنا مش فهماك يا ياسين،،تقصد أيه،،ياريت توضح أكتر  !!! 

أجابها بقلبٍ موجوع ونظرات مٌتألمه٠٠٠٠ أنا شٌفتك وحبيتك قبل رائف يا مليكه ♡ 

شفتك ومن أول نظرة عيونك صابت قلبي بسهم عشقك♡ دوبت فيكي وعشقتك من أول نظره،،عشقتك وقلبي إنصاع لأمر الهوي ومشيت ورا حبك وأنا مسلوب الإرادة ♡

وأكملَ مفسراً٠٠٠٠٠وقتها كنتي في الجهاز عندنا في زيارة تدريب تبع كليتك ،،دخلتي عليا الأسانسير وأنا نازل إنتي وصاحبتك كنتوا ناسيين حاجه وطلعتوا تجبوها وباص الكليه كان هيفتكم ويمشي،، 

وقتها عٌمر الظابط المٌساعد بتاعي إعترض علي إنكم تنزلوا معانا،،وأنا قولتله سيبهم يا عٌمر ،، 

وأكملَ بتأثر وعيون مغيمه عاتباً عليها٠٠٠٠إزاي قدرتي تنسي نظرة عيونك لما دوبتيني وإنتي بتبٌصيلي بحنان وتقوليلي ميرسي بجد أنا مٌتشكرة أوي ليك ،،

يمكن كانوا كلمتين بساط بالنسبالك،،،بس كانوا بالنسبالي الكلمتين والنظرة إللي عِشت أصبر نفسي بيهم العمر بحاله،،،

وأكمل مٌعاتباً عيناها بحنان٠٠٠٠٠نستيني إزاي يا مليكه،،إزاي قدرتي تنسي عيوني إللي عشقتك من أول نظرة ♡ 

لما شفتك في الخطوبه ومديتلك أيدي علشان أسلم عليكي،،إزاي معرفتنيش ؟؟

إزاي يا مليكه ؟؟ 

وأكمل مٌتأثراً بصوتٍ مهزوز٠٠٠٠وأكتر حاجه دبحتني ووجعتني أوي لما سلمتي عليا بكل برود ولا كأنك شٌفتيني قبل كده !! 

للدرجادي مشفتنيش،،للدرجادي مقابلتنا مأثرتش جواكي ولا سابت فيكي أي علامة،،،للدرجادي مشفتيش عيوني ولهفتي عليكي ،،للدرجادي محستيش بقلبي إللي إتخلع من مكانه وخدتيه وإنتي خارجه من الأسانسير،،دنا عشت بعدك من غير قلب يا مليكه،،،قضيت عمري جسد وروح من غير قلب،،

وأكملَ بقلبٍ يتمزقٌ ألماً٠٠٠٠٠وكل ألمي إللي فات كان كوم، واللحظه إللي مديتي إيدك فيها وقولتيلي أهلاً يا أبيه كانت كوم تاني !!! 

كانت تسمع له ودموعها تنهمر علي خديها كشلالاتٍ تنظر له تاره بحزن وتارة بإبتسامة ألم ووجع 

تحدثت بقلبٍ يتمزق ٠٠٠٠٠ياسين ،،،،إنت بتقول أيه ؟؟

أجابها بدمعه أفلتت من عين الصخر ،، الجبل الذي لن يهتز طوال حياته إرتعش ونزلت دموعه أمام جبروت عشقها وأجاب٠٠٠٠أنا حبيبك إللي عاش عمره كله دافن حبك جوه ضلوعه،،

أنا إللي عِشت عمري كله أنكوي بنار حبك الضايع ،، أنا إللي عشت عمري كله أداري نظرة ألمي وأنا شايف حب عمري جوه حضن غيري ،،أنا حبك المفقود،،أنا إللي عشت أنكوي بنارك يا مليكه، 

       ☆ أنا إللي حبيتك قبله بس هو إللي وصلك قبلي ☆

بكت بقلبٍ يحترق علي حبيبها العاشق وتحدثت٠٠٠٠٠ياااااه ياياسين،،،يااااه يا حبيبي،،وطول السنين دي وإنت شايل في قلبك كل الوجع ده وساكت،،إزاي قدرت تتحمل كل الوجع ده،،إزاي يا حبيبي ؟؟

سحبها وضمها لصدره بكل قوه وتملك كاد أن يكسر عظامها من شدة ضمتهِ وتحدث٠٠٠٠بس إنتي خلاص يا مليكه، خلاص بقيتي معايا وبتحبيني،،بقيتي في حضني ومحدش هيقدر ياخدك من حضني تاني ،، 

وأكملَ بتمني٠٠٠٠أوعديني إنك مش هتبعدي عن حضني تاني وتسبيني،،  أوعديني يا مليكه !!! 

شددت هي أيضاً من إحتضانه وهي تتلمس ظهرهِ بحنان وتحدثت ٠٠٠عمري ما أقدر أسيبك يا ياسين،، عمري ما أقدر أسيبك أبداً !!! 

ثم سحبت حالها من بين أحضانه ونظرت له بإبتسامة من بين دموعها الغزيرة وتحدثت بحنين ٠٠٠٠إحكيلي الحكايه من اولها،،عاوزه أسمع قصة غرامي الضايع من بدايتها،،، 

وأكملت بألم ودموع٠٠٠٠٠عاوزه أعرف أد أيه أنا كنت غبيه وضيعت من إيدي حب أسطوري بالشكل ده ،،عاوزه أعرف كل حاجه يا ياسين، أرجوك أحكيلي !!!! 

إبتسم لها بمرارة وعيون مٌغيمه قائلاً٠٠٠٠٠أنا كمان عاوز أحكيلك يا مليكه، ،عاوز أخرج وجع السنين اللي محبوس جوا ضلوعي وتاعبني

وبدأ بالحديث٠٠٠٠٠٠٠٠٠ 

إنتهي البارت 

☆قلوب حائره ☆

روز آمين

🔹️بسم الله الرحمن الرحيم 🔹️

لا إله إلا أنت سبحانك إني كنت من الظالمين 

رواية☆ قلوب حائره☆

بقلمي روز آمين 

               💙💙🦋البارت الثلاثون🦋 💙💙

عوده إلي أكثر من عشرة سنوات !!!! 

كان يتحرك بجديه داخل مقر عمله تحرك أمامه الظابط المساعد له وفتح له باب المصعد ليتحركوا للأسفل للذهاب إلي مهمة خارج المقر !!! 

دلف لداخل الأسانسير ووقف بكل شموخ ووقف بجانبه عٌمر الظابط المٌساعد وكاد باب المصعد أن يٌغلق حتي تفاجأ بفتاة تضع يدها لتمنع إغلاق المصعد وهي تنظر لهما بنظرات مٌستعطفه 

كانت فتاه في مقتبل عمرها حوالي التاسعة عشر ترتدي حجاباً ماذادها إلا جمالاً وعفه ونوراً،،ثيابها محتشمه تحمي جسدها من نظرات البشر،، وجهها منير كقمرٍ ف ليلةٍ مٌظلمه،،عيناها بلون العسل شفتاها تشبه الكرز ف موسم حصادهْ  !! 

كانت بصحبة صديقتها نظرت إليه بعيون مٌترجيه كقطةٍ شيراز صغيره تتمسح بمربيها بدلال !!! 

تحدث عٌمر الظابط المجاور لياسين بلهجه بالغة الحده٠٠٠٠٠ممنوع يا أنسه !!!! 

نظرت هي لعين ياسين وصوبت سهم عشقها الذي توجه لقلبهِ مباشرةً إخترق حصونهٌ المانعه،،، شعر بقشعريرة تسري بجميع أنجاء جسده ،،إنتفض قلبه وأنتفضَ جسدة بالكامل

وتحدثت هي بإستعطاف ونظرة ترجي مع إبتسامة مٌهلكه هزت كيانه ٠٠٠٠٠من فضلك،،، الباص بتاع كليتنا هيتحرك وهيفوتنا لو منزلناش حالاً ،، بليز !!!

تحدث عٌمر بحده ٠٠٠٠٠٠قولت مش هينفع يا أنسه !!

جاهد ياسين بإخراج صوتهِ وذلك بفضل حالة إرتباكه وسحرهٌ من تأثير عيناها الصائبه وتحدث ناظراً لها ٠٠٠٠٠سيبهم يا عمر !!!

دلفت سريعاً هي وصديقتها داخل المصعد ثم نظرت له وتحدثت بإبتسامة شكر وعرفان أذابت بها ما تبقي من قلبهْ ٠٠٠٠٠ميرسي أوي لذوق حضرتك !!!

نظر لها بعيون مسحورة وإبتسم وأماء لها برأسهِ بإحترام !!

تحدثت صديقتها بلوم٠٠٠٠٠ربنا يستر ونلحق الباص قبل ما يتحرك،،يعني كان لازم تنسي الفون بتاعك يا تايهه هانم !!!

تنهدت وتحدثت بيقين٠٠٠٠٠قدر الله وماشاء فعل !!!

كانت تقف بمقابلة وجهه وتنظر للأسفل،،عيونها تشع حياه وروحها مفعمه بطاقه إيجابيه هائله حتي أنها وبمجرد دلوفها المصعد إنتشرت تلك الهالة ونشرت حالة سعادة أسعدت بها قلبه ♡

نظر لوجهها وأنتفض قلبهْ وشعر بهزه عنيفه داخل أوصاله،،وبدأت دقاته تعلو في شعور ولأول مره يغزو رَوحهْ ،،تعلق بصرهِ بعيناها التي تنظر أسفل قدميها علي إستحياء أثارهْ،،،

نظر لملامح وجهها البرئ الذي يخلو من مساحيق التجميل التي أصبحت مٌنتشرة في زمننا هذا 

إنتفض قلبه وأرتعب حين توقف المصعد وخرجت هي وصديقتها بلمح البصر وأخذا بالرقض السريع علهما يلتحقا بباص جامعتهم 

خرج من المصعد ينظر إليها وتسوقهٌ ساقيه خلفها كالمسحور ،،،

نظر علي تلك التي سرقت قلبه وغادرت دون أن تٌبالي بحاله ولا حتي تٌلقي عليه نظرة الوداع ♡

إستقلت الباص وجلست بجوار النافذة  ،،تحرك الباص تحت أنظار ذلك المسحور المٌطل علي حوريته وهي تبتسم وتنظر للمكان وكأنها تودعه 

تحمحمَ عٌمر وتحدث علي إستحياء من حالة ياسين فأراد أن يخرجه من تلك الحاله التي لا تليق برجل بمركز ياسين 

وتحدث ٠٠٠٠٠هو فيه حاجه يا باشا ؟؟

أفاق ياسين علي صوت عٌمر ولكنه لم يجبه وتحرك إلي وقوف رجال أمن الحراسه وتحدث٠٠٠٠تبع أيه الباص إللي لسه متحرك ده يا رجالة ؟؟

أجابهٌ أحد الرجال بإحترام ٠٠٠٠٠دول طلبه كلية إعلام جايين في زيارة تدريب تبع كليتهم للإدارة يا باشا  !!!

حك ياسين ذقنه وتحدث بإهتمام٠٠٠تبع جامعة أيه يا أشرف ؟؟ 

أجابهٌ الرجل٠٠٠٠جامعة إسكندريه حضرتك !!

نظر ياسين إلي عٌمر قائلاً بطريقه أمره٠٠٠٠٠عٌمر عاوز أجي بكرة ألاقي تقرير مٌفصل علي مكتبي بأسماء وصور وأماكن سكن كل الطلبه إللي حضروا التدريب إنهاردة ،،مفهوم يا عٌمر !!! 

أجابه عمر بطاعه٠٠٠٠إعتبرة حصل يا باشا !!!!

___________________________

ليلاً داخل الإستراحه الموجوده بحديقة فيلا رائف 

كان يجلس ياسين بصحبة رائف وطارق يحتسون مشروباً ساخناً ويتسامرون !! 

نظر طارق إلي رائف وهو يغمز بعينه ويٌشار بها !! 

نظرا إثنتيهم إلي ياسين الجالس فوق المقعد مٌبتسم علي غير العاده بعيون سارحه ف الملكوت

تحدث رائف بتساؤل ٠٠٠٠٠٠مالك يا ياسين من ساعة ما قعدنا وإنتَ مبلم ومٌبتسم ومزبهل كده لدرجة إن إللي ميعرفكش يقول عليك بتحب ؟

نظر إلي رائف وأبتسم ووضع يداه خلف رأسه ناظراً أمامه بشرود وتحدث٠٠٠٠هو ممكن الواحد يحب واحدة من مجرد نظرة لعنيها  ؟؟

إعتدل طارق وتحدث بتسلي٠٠٠٠ده شكله الموضوع كبير بقا ،،هو الباشا بتاعنا وقع ولا أيه ؟؟

إبتسمَ لأخاه وتحدث بعيون لامعه نابضة بالعشق٠٠٠٠ والله شكلي وقعت ولا حدش سمي عليا يا طروق !!

وأكمل بعشق ٠٠٠٠عارف لما تبقي ماشي ف ليل ضلمته مابتنتهيش وفجأه وبدون سابق إنذار تلاقي شمش طلعت ونورتلك طريقك وحياتك كلها !!

وبدأ بقص ما حدث وما شعر به قلبهِ المسكين من حوريته الجميله !!

وأكمل بنبرة حماسيه ٠٠٠٠من بكره هقلب إسكندرية كلها عليها لحد ما ألاقيها ووقتها بس محدش هيقدر يخرجها من حضني ،،هاخليها تحبني وتدوب فيا زي ما دوبتني فيها 

ثم أبتسم وأكملَ بثقه ٠٠٠٠ده إذا ماكانتش دابت فيا أساساً،،نظرت عيونها حلوه،،حلوة أوي وبتشع حياه ♡مش معقول هكون إتهزيت وحسيت بالشعور الجبار ده لوحدي،،أكيد هي كمان سهم عيوني صاب قلبها ،،،أكيد إن شاء الله !!

تحدثَ رائف بتعقل٠٠٠٠٠هو أنت فعلاً خلاص هتطلق ليالي يا ياسين ؟؟

تحدث ياسين بطريقه عمليه٠٠٠٠ليالي دي غلطة نتيجة تسرعي وتهوري ف إختيار الشريك الغلط يا رائف،،أنا خيرتها بين إنها تلبس الحجاب وبين الطلاق وللأسف إختارت الطلاق !!!

ثم إلتفت بجسده لرائف وتحدث بأسي٠٠٠٠٠٠تخيل يا رائف إنها وافقت تديني سيلا بعد الإنفصال كده عادي،،بشرط إني أئمن لها مستقبلها بقرشين علشان تقدر تكمل علي نفس المستوي،،،،،

تفتكر واحده بتستغني عن بنتها إللي لسه مكملتش 3 سنين قصاد حريتها ولبسها المتحرر وشعرها،، تستاهل إني أعمل حسابها ف حياتي أساساً،، ولا دي عقليه أقدر أئمن علي نفسي وبنتي معاها،،دي بنت فاضيه من جواها أهم حاجه عندها جمالها وحياة الرفاهيه إللي عايزة تعيشها علي حسابي !!!

ثم تحولت عيناه بلحظه لنظرات هيام وأكملَ حديثه بصوتٍ حنون٠٠٠٠ وبعدين يا رائف أنا بجد حبيت،،أنا أول مرة قلبي يدق وأعرف يعني أيه حب ،،وكل ده من نظرة واحده أومال لو إتكلمت معاها وبصت ف عيوني وقالتلي بحبك ،ولا ،،،، 

وأبتسم وأنار وجهه ولمعت عيناه بحب وأكمل٠٠٠٠ولا ضمتها ف حضني تفتكر وقتها هحس بأيه ؟؟

وأبتسم بسعاده وأكمل٠٠٠٠ده أتاري الحب ده طلع حاجه حلوة أوي بيدخل قلوبنا بيغسلها من أخطائها وينورلنا ضلمة حياتنا إللي عيشنا فيها كتير !!!

تحدث طارق بأسي٠٠٠٠٠مش عاوزك تاخد الأمور ببساطه كده يا ياسين،،منال هانم مش هتسيب موضوع ليالي يعدي من بين أديها بسهوله كده،، 

أنا سمعتها بوداني إمبارح بتقول لأبوك علي جثتي لو الطلاق ده حصل،،،عز باشا قالها البنت مستهترة ومش هتنفع تكمل مع ياسين  ،،،قالتله دي لسه صغيرة بكرة تعقل وتعرف مصلحتها وانا هفضل وراها وهعلمها !!!

أجابهُ رائف بإعتراض٠٠٠٠٠بس يا طارق،،،الحب بيجيلنا مرة واحده ف حياتنا وإن ما مسكناش وتبتنا فيه أوي نبقي أغبيه وبنخسر نفسنا وحياتنا إللي جايه كلها،،

ثم نظر إلي ياسين وأكملَ مٌحفزاً إياه٠٠٠٠٠وأنا إللي حسيته من كلامك واللي شفته ف عيونك وإنت بتحكي عن البنت بتاعت الاسانسير دي بيقول إنك عشقت ودوبت يا باشا،،،فنصيحتي ليك إنك تدور عليها وتتجوزها وعيش إللي جاي من حياتك معاها،،علشان إنتَ بجد تستاهل تحب وتتحب يا ياسين !!

ثم حولَ بصرهِ إلي طارق وتحدث٠٠٠٠خلينا صٌرحه مع بعض يا طارق ،، ليالي وياسين زي الشروق والغروب الإلتقاء بينهم صعب ومستحيل،،، 

ياسين راجل شديد وحكيم ومنظبط ف حياته ،،وبحكم شغله الصعب محتاج لست لينه وهاديه تحبه وتقدرة وتقف ف ظهرة،،ست لما يرجعلها أخر اليوم تمتص تعبه وتنسيه إللي شافه بره،،،مش تكون عاتق علي ضهرة 

وأكملَ ٠٠٠٠٠٠ليالي واحده مخلفه بنت ومتعرفش عنها  أي حاجه أصلا وكلنا شايفين ده بعيونا،،، سيباها لعمتها وللناني وطول الوقت ياإما ف النادي مع صحباتها أو بتعمل شوبنج ،،،،

ده طبعاً غير خناقاتهم إللي مابتخلصش علشان سفرها لوحدها إللي عاوزه تروحه مع صحباتها وياسين بيمانع ،،يبقي العقل بيقول إن الخسارة القريبه مكسب يا طارق ،،أخوك مش هيفضل مكمل حياته ف مناوشات وخناقات ليالي اللي مابتخلصش،،،

ثم نظر مٌبتسماً لياسين الذي ينظر له بإبتسامة ونظرة إعجاب لتفكيرة الناضج الذي يسبق سنه وتحدث رائف٠٠٠٠٠٠أنا عن نفسي مش هتجوز غير عن حب ويوم ما ألاقيه همسك فيه ومش هسيبه غير بموتي !!!!

تحدث طارق بطريقه عقلانيه٠٠٠٠٠طب لو ماما صممت علي رجوع ليالي ؟؟

أجابهٌ ياسين ببرود٠٠٠٠تتفضل ترجع أنا مش ممانع،، بس هترجع زوجه تانيه،،هتجوز إللي حبيتها وهعيش حياتي معاها،،أنا عمري هعيشه مرة واحده ولازم أدور علي راحتي مع واحده بحبها وبتحبني ،،مش هربط حياتي أنا بواحده أنانيه كل إللي يهمها راحتها وسعادتها هي وبس !!!

ثم وقف بإنتشاء وتحدث ٠٠٠٠أنا طالع أنام وبكرة الصبح هعرف كل حاجه عن حبيبتي ،،،تصبحوا على خير !!!! 

______________________________

اليوم التالي علي التوالي كان يجلس فوق مقعد مكتبه،،يٌمسك بيده تقريراً عن فتاته التي إخترقت قلبهِ بسهم عِشقها !!!

نظر لصورتها وتحدث بهيام وأبتسامة حب٠٠٠٠٠مليكه سالم عثمان،،،أهلاً بكِ مليكتي داخل قلبي العاشق ،،،أنرتي حياتي غاليتي،،أه مليكه،،كم بريئًٌ وجهكِ يا فتاه،،ساحرةً عيناكي ومبتغاي،، 

أشعر أنكي ستكونين لي داري ومقداري،،سكني وسكينتي،،هدوئي وجنوني،،سأعيش معكي عمريَ الضائع قبلك،،سأجعلكي تذوبين عشقاً بي،،ستعشقينني مليكه،، وهذا وعدي لكي أميرتي ♡

أفاق من شروده علي خبط فوق باب مكتبه أمر الطارق بالدخول ،،دلف للداخل صديقً له يدعي أمير 

جلس أمير وتحدث٠٠٠٠٠جهز نفسك ياباشا،،لسه جاي من مكتب رأيس الجهاز وقالي أبلغك إننا هنسافر بكره علي السويد،،ف المأمورية إللي كان بلغنا بيها من كام يوم 

إقشعر وجه ياسين وتحدث بضيق٠٠٠٠٠٠يا نهار أبيض،،داأنا نسيت الموضوع ده خالص،،أكيد السفر بكره ؟؟

أجابهُ أمير بإيماء٠٠٠٠طبعاً يا ياسين أكيد،، بقولك لسه خارج حالآ من مكتب الريس،،وأكيد هيبلغك بنفسه دالوقتي،،المشكله دلوقتي مش ف السفر يا ياسين،،المشكله ف المده،،الريس قالي إحتمال المدة توصل ل أربع شهور أو أكتر  !!! 

زفر ياسين بضيق وأقشعرت ملامحه ودق بقلمه علي مكتبه !!!

بعد ساعتين كان يجلس بمقعد سيارته أمام جامعتها،،ينتظر خروجها ليراها ويٌخمد أنين قلبه الذي لم يصمٌت لحظه مٌنذ البارحه حين ألتقاها داخل المصعد ،،

كان مصوبً عيناه علي بوابة الخروج وفجأه ظهرت أمامهٌ بجمالها وبلحظه صنعت هاله من السحر حولها ،،،

إنتفض قلبه وأرتعش جسدهِ بسعاده،،قفز قلبه من مكانه ودَ لو يتركه ويطير إليها يحتضنها ويشدد من ضمتها ليهدئ ولو قليلاً ♡ 

كانت تخرج وسط صديقاتها وتبتسم بسحرٍ لم يري مثله بكامل حياته 

                      ☆مميزةٍ أنتي محبوبتي ☆

كانت ترتدي ثوباً فِضفاضاً ممتزج من اللونين الأبيض والأزرق وترتدي حجاباً أبيضً ف مظهر أظهرها كملاك لهٌ هاله وطله،،،

تنهد براحه وأنتشاء وهو ينظر لعيناها الساحره ،،،ياالله،،كم أنتي بريئه معشوقتي،،ماذا فعلتي بي أيتها الصغيرة ؟؟ 

من أين لكي كل هذه السلطه كي تضعي قيودكِ فوق قلبيَ وتجعليه مسكيناً ومنصاعاً هكذا لأمر عشقك،،،أحبك صغيرتي أحبك♡ بل أعشقك،،كيف ومتي حدث هذا ؟؟

أنا لا أدري ؟؟

تحركت بخفه ورشاقه تحت أعين ذلك العاشق المسكين،،إستقلت سيارة مستأجرة كانت تنتظرٌها ومكثت بالمقعد الخلفي بجانب النافذة،، وأنطلق السائق

     ♡ وأنطلق ياسين خلفها مٌنساقاً لأمر قلبهٌ العاشق ♡ 

إقترب من سيارتها وجدها سانده برأسها علي زجاج النافذه،، وقد بدأت السماء بنزول قطرات المطر الجذابه 

إبتسمت بسعاده فائقه وأنزلت زجاج النافذه ونظرت بفرحه ومدت يدها بحركه طفوليه تستقبل بها قطرات المياه العذبه،، 

كان كل هذا يحدث أمام ذلك المٌبتسم سعيد القلب والوجه 

ودَ لو يوقف سيارتها ويندفع إليها وينزلها ويحتضنها ويرفعها بين يداه ويدور بها تحت قطرات المطر بسعاده ،،،لكنه تمالك من حاله بصعوبه،،

وأجل لحظات جنونه لحين عودته من سفره المفاجئ الذي لم يكن بالحسبان !!!!

ضل يراقبها حتي توقفت سيارتها ونزلت منها وتحركت لداخل عقار سكنها ودلفت وبلحظه أختفت عن عيناه  !!!!

حينها صرخ قلبه مٌطالباً إياه بالهروله خلفها،،تمالك حاله لأبعد الحدود،، وقاد سيارته عائداً إلي منزله كي يحضر حقيبة سفره المفاجئ،، تحت صياح منال التي طالبتهٌ بإرجاع ليالي قبل سفره لكنه كعادته لم يٌعِرْ حديثها إهتمام وأبلغها أنه أنتوي طلاق ليالي حين عودته من سفره !!!

سافر ياسين ومكث بسفره هذا ما يقارب علي الأربعةِ أشهر،،

وطيلة هذه المدة لم تغب فتاته عن خاطرة كانت صورتها محفورة بذاكرته إبتسامتها الجذابه ، عيناها الساحراتان ،،صوتها العذب،،رقتها الغير معهودة لديه ،، 

وطيلة هذة المدة كان يذهب لصانع جواهر فريده إستمع بوجوده هناك،،وطلب منه صنع خاتم فريد النوع حتي يٌقدمه لخطبة فتاة أحلامه،،بعد أن إستعلمَ عن مقاسها بطرقهِ الخاصه !!!!

إنتهي  ياسين من مهمته بنجاح باهر كالعادة ورجع إلي أرض الوطن ،،،وكالعادة لم يٌخبر أحد بموعد رجوعه لسرية وحساسية موقعه 

هبط  هو ورجاله من طائرتهم الخاصه بالجهاز إستقل سيارته التي كانت داخل جراج المطار،، 

لم يستطع صبراً علي رؤيتها،،فكفي علي قلبه البعاد،،فقد تحامل كثيراً عليه وحان الآن أن يلبي ندائاته وصراخه المستديم مطالباً برؤيتها وأحتضان قلبها، ، 

إنتوي أن يتحدث معها اليوم ،،قرر أن يقف أمامها وبكل جرأة يعلن لها عن ما فعلته به تلك الساحرة الصعيرة ويطلبها لكي تصبح شريكته بمشوار حياته !!!

وصل إلي مقر جامعتها إنتظر وأنتظر حتي جاء موعد خروجها 

وهلت شمس الحياة مرةً أخري عند رؤياها ،، 

كانت تشبه ملاك بطلتها البريئه البهيه،،نظر عليها وصرخ قلبهٌ مٌطالباً إياهٌ بالذهاب إلي حضرتها،،، إبتسمَ طلقائياً وأنتفضَ داخله،،،إرتعش جسده  ودقَ قلبهْ بأعلي وتيرة لهْ،، 

همَ بالنزول وكادَ أن يفتح باب سيارته،،لكنه تسمرَ مكانه وتخشبَ جسده عندما رأي رائف يقترب عليها بعيون سعيده ووجهٍ مبتسم،،

قابلتهٌ هي بنظرة عين لفتاةٍ عاشقه حتي النخاع،،مد لها يده وأحتضنت الأيادي وتقابلت العيون وتحدثت بلغة العاشقين،،

كل هذا كان يحدث أمام ذلك المصدوم مما تراهٌ عيناه،، ضل ساكناً الجسد والملامح ينظر عليهما بقلبٍ مٌمزق وعقلٍ مشوش يرفض تصديق ما تراهٌ عيناه !!

بعد مرور بعض الوقت صعدت مليكه سيارة الأجرة التي تستقلها يومياً تحت أنظار رائف العاشقه !!! 

إنسحبَ من المكان بخببة أمل مما رأتهٌ عيناه،،ولكن بقي داخلهٌ جزء يرفض التصديق ويمدهٌ بالأمل الكاذب،، 

رجع لمنزله وصعد لجناحه أخذ حماماً ساخناً وجلس يفكر فيما رأه بقلبٍ حزين  !!! 

_______________________

داخل مسكن ليالي كانت تجلس منال وشقيقها أحمد وقِسمت زوجة أحمد وليالي 

تحدثت ليالي بكبرياء ونبرة متعاليه٠٠٠٠ريحوا نفسكم رجوع تاني لياسين أنا مش هرجع ،،أنا أصلاً خلاص مبقتش طايقه العيشه معاه،،

ده واحد مغرور وعاوز الدنيا كلها تمشي علي مزاجه،،أنا خلاص أتفقت معاه هيأمنلي مستقبلي وياخد بنته يربيها براحته من غير مشاكل  !!! 

تحدثت منال بغضب٠٠٠٠٠إنتي مش مكسوفه من نفسك وإنتي بتقولي بنته ؟؟

أشارت لها بيدها بتأفأف !!

تحدث أحمد بعقلانيه ٠٠٠طب أنا عندي إقتراح،،أنا شايف إنك تلبسي الحجاب لحد مايهدي وبعدها إبقي إقنعيه واخلعيه عادي !!!

نظرت لهٌ قِسمت وتحدثت بإستعلاء٠٠٠٠أيه التخاريف إللي إنتَ بتقولها دي يا أحمد،،أنا بنتي تلبس القرف ده وتدفن جمالها وشبابها تحت حتة قماشه،،،وليه ده كله،، علشان ترضي راجل عينه زايغه وكل يوم والتاني ف حضن واحدة شكل !!!

نظرت منال بغضب إلي ليالي التي إبتلعت لُعابها بخجل وتحدثت بحده٠٠٠٠أوام جيتي بخيتي سمك وحكيتي لمامتك،  والله عيب عليكي !!

تحدث أحمد مٌستفهماً ٠٠٠٠هي أيه الحكاية بالظبط ؟؟

أجابتهْ قِسمت بإستهزاء٠٠٠٠٠الحكايه إن بنتك أجرت واحد من شركة أمن كبيرة علشان تشوف البيه المحترم بيقضي معظم وقته فين وسايبها ،،وأكتشفت إن البيه عنده شقه سريه وشهرياً علي الأقل بيتجوز فيها واحده عرفي  !!!

إنتفضت منال بغضب وتحدثت ٠٠٠٠٠طب ولما بنتك جت وقالتلك علي السر الخطير ده ،،مسألتهاش جوزك بيعمل كده ليه وأيه اللي باعده عنك كده ؟؟

وأكملت بقوة٠٠٠٠٠أنا بقا أقولك يا قسمت ،، الهانم طول الليل حاطه ماسكات ولفه شعرها وجايبه البنات يعملولها باديكير ومانيكير علشان تخرج تاني يوم في أبهي صورة قدام صحباتها وتبهرهم بجمالها إللي مالوش زي،،

الهانم اللي مقضيه وقتها ما بين النوادي والشوبنج وعندك هنا وراميه بنتها للشغالين ،،الهانم متعرفش حاجه عن جوزها ولا بتشوفه غير لما تحتاج فلوس لطلباتها إللي مبتخلصش،، 

وأكملت بغضب عارم٠٠٠٠٠إبني عمره ما كان كده،، إبني معملش كده غير بعد ما عاشرك،،وكأنه بيدور علي الست اللي ملقهاش فيكي ،،ياسين بيدور علي الحب والإهتمام إللي للأسف ملقهوش عندك ،، 

وإنتي بدل ما تفوقي بعد إللي عرفتيه وتحاولي تصلحي من نفسك وتقربي من جوزك جايه تفضحيه وتفشي سره عند مامتك ؟؟

ثم نظرت لها ول قِسمت وتحدثت٠٠٠٠٠٠ونصيحه مني يا قسمت إنتي وبنتك ،،بلاش ترغوا ف الكلام ده علشان ياسين لو عرف أنا نفسي مش هقدر أقف قدام غضبه واللي هيعمله معاكم !!!

وقفت قسمت وتحدثت بكبرياء٠٠٠٠٠إنتي بتهدديني يا منال !!

وقفت منال وحملت حقيبتها وتحدثت بحده ٠٠٠٠إحسبيها زي ما أنتي عاوزه !!

ونظرت إلي ليالي وتحدثت ٠٠٠٠٠يظهر إني غلط من الأساس إني رشحتك لإبني وشكرتله فيكي وغشيته،، بس ملحوقه ،،،مش عاوزه تطلقي ،،،إنهارده ورقتك هتكون عندك وأنا بنفسي إللي هبعتهالك علي هنا ،،ويكون في علمك أنا إللي منعت ياسين إنه يطلقك طول الفترة اللي فاتت !!!

تحركت وكادت أن تخرج جرت خلفها قسمت وتحدثت بتراجع٠٠٠٠إهدي يا منال الأمور متتاخدش بالطريقه دي ،،وبعدين طلاق أيه إللي بتتكلمي عنه، إحنا مش عاوزين طلاق ،،كل اللي عاوزينه إن ياسين يهدي علي البنت شويه ويسيبها بحريتها ويتراجع عن فكرة الحجاب دي كمان !!!

إبتسمت ساخرة وتحدثت٠٠٠٠قصدك إنتي وبنتك عاوزين راجل تحركوه بالريمود كنترول ،،للأسف يا قِسمت،، الراجل اللي بتدوروا عليه مش ياسين المغربي خالص !!!

تحدث أحمد بإنكسار ٠٠٠٠٠ويرضيكي بنت أخوكي تاخد لقب مطلقه وهي لسه في أول حياتها ،، إنتي كده بتقضي علي مستقبلها يا منال !!!

نظرت لهٌ بإستغراب وتحدثت٠٠٠٠٠أنا يا أحمد اللي بقضي علي مستقبلها،، دي بنتك من جبروتها ياسين بيهددها علشان تتراجع وتسمع كلامه وبيقولها لو إطلقنا سيلا هتبقي معايا ،، 

ردت عليه بكل برود وجبروت قدام عز وقالتله وأنا موافقه لكن بشرط تأمنلي مستقبلي،،دي خلت رقبتي أد السمسمه في وسطهم وف الأخر تقولي انا إللي بدمر مستقبلها ،،دأنا ربنا يعلم بعمل أيه علشان أغطي علي فشلها قدام ياسين وإهمالها في بنته !!!

بعد ذهاب منال دلفت قسمت غرفة ليالي وجدتها تستمع إلي موسيقي غربي وتتراقص وتتمايل بجنون أغلقت قسمت مٌشغل الموسيقي وتحدثت لإبنتها٠٠٠٠٠فوقيلي كده وأسمعي الكلام إللي هقولهولك ده،،،كلمة طلاق دي مش عاوزه أسمعها منك نهائي،،مفهوم، ،،بقا عاوزه تسيبي العز ده كله وتيجي تقعديلي هنا !!!

تأفأفت ليالي بملل وتحدثت٠٠٠٠٠يووو يا مامي متزهقنيش بقا ،،صدقيني إللي إسمه ياسين ده ميطقش،،، ده تٌقله ومغرور وكفايه إنه حارمني من المتعه الوحيده اللي بحبها وهي السفر مع صحباتي،، 

  يا مامي أنا طول الوقت حاسه إني أقل من صحباتي،، ممنوع أسافر زيهم ممنوع أسهر لوحدي معاهم،،، يا مامي حسي بيا أنا مخنوقه أوي ،،لا وكمان عاوزني أقعد وأكون خدامه لبنته،،

وأكملت بإشمئزاز٠٠٠٠٠ده أنا لحد إنهاردة مش قادرة أنسي أنه أجبرني أرضع أيسل من صدري وبوظلي شكله وشكل جسمي كله،،وقعدت فترة طويله أتمرن لحد مارجعت جسمي لشكله تاني،،بجد يا مامي العيشه معاه صعبه جداً 

تحدثت قِسمت بجديه٠٠٠٠٠يمكن ياسين صعب وراجعي ومتحكم شويه،،،لكن مش هتلاقي واحد يحققلك كل أحلامك ويصرف عليكي بالبزخ ده زيه،،وبعدين متنسيش إنك لو إطلقتي فرصتك في الجواز من حد كويس هتكون ضئيله جداً 

وكمان بنتك إللي إنتي سيباها دي،،أيه مفكرتيش فيها،،مبتحنيلهاش ،،أنا مش فاهمه أصلاً إزاي قادرة تقعدي من غيرها كده ؟؟

زفرت بضيق وتحدثت٠٠٠٠ما عمتو بتجيبهالي كل فترة أشوفها يا مامي،،دأنا يمكن بشوفها هنا أكتر ما كنت بشوفها هناك !!!

تحدثت قسمت بحزم ٠٠٠٠٠ليالي ،،إعقلي بقا وفكري ف مصلحتك ومصلحة بنتك ،،ده ياسين المغربي يعني المستقبل والفلوس كلها ،،،ده بيترقي بسرعة الصاروخ،،ولا مكافأته وأمتيازاته اللي شغله مديهاله ،،، أخر كلام مفيش طلاق وهترجعي معاه وأنا هخلي بابي يقنعه بإنه يلغي فكرة الحجاب دي !!!

زفرت ليالي بغضب وتحدثت٠٠٠٠٠وبالنسبه لجوزاته اللي عرفتها دي كلها لو أتعرفت للناس،،تقدري تقوليلي شكلي هيكون عامل إزاي،،،هيقولوا لي لي العشري بجمالها وسحرها جوزها سايبها ورايح يبص لغيرها ؟؟

أجابتها قسمت بحذر٠٠٠٠٠٠تعاملي مع الوضع ولا كأنك عرفتي حاجه،،،أولاً لان ياسين لو عرف هيخرب الدنيا زي ما عمتك قالت، ، متنسيش انه ف مركز حساس وأنتي وبكل غباء روحتي سلمتي كل بيناته وتحركاته لشركة أمن خارجيه وبسهوله جداً ممكن توصل كل اللي عرفته عنه للجهات عندهم،،إنتي أصلاً المفروض تحمدي ربنا إنه معرفش  !

ثانياً بقي وده المهم ،،إن ياسين حريص جداً يعني محدش يعرف بعلاقاته دي ولا هيعرف،، وبكده تطمني من جهة شكلك قدام الناس وترجعي تعيشي ملكه وتستفادي علي أد ما تقدري بمركز ياسين وفلوسه وده أخر كلام عندي  يا لي لي فاهمه ؟؟

زفرت بضيق وهزت رأسها بإيماء مٌجبر !!!! 

____________________________________

مساءً 

كان ياسين يجلس داخل حديقتهِ بعقلٍ شارد يفكر بقلبٍ مٌمزق فيما شاهده،،وجد رائف أمامه وقف وأحتضنه بتيهه

وتحدث رائف بإبتسامتهٌ البريئه ٠٠٠٠٠أيه يا أبني فينك ،،من وقت ما وصلت جتلك مرتين وسألت عليك قالولي نايم، أيه مكنوش بينيموك هناك ولا أيه  ؟؟

كان ينظر له بقلبٍ يتوجع من شدة الألم كاد أن يسأله ولكن رعبهٌ من تأكيد ما رأهٌ بأم عينه منعه،،

جلس رائف وتحدث بنصف عين ٠٠٠٠مالك يا ياسين ،،فيك حاجه متغيرة ،،إنت تعبان   ؟؟ 

أجابهٌ ياسين بإقتضاب٠٠٠٠مفيش ،،مرهق شويه من الشغل !!! 

أجابهٌ رائف بإهتمام٠٠٠٠٠سلامتك يا حبيبي !!!

ثم إبتسم رائف بسعاده وبلحظه لمعت عيناه وأمسكَ يدهٌ وتحدث٠٠٠٠لقيتها يا ياسين،،لقيت نصي التاني !!

نزلت الكلمه علي قلبهِ المِسكين قطعتهٌ إرباً ومزقتهْ جاهدَ في إخراج صوته وتحدث٠٠٠٠عرفتها إزاي وأمتي يا رائف؟؟

أجابهٌ رائف بعيون لامعه٠٠٠٠بعد ما أنتَ سافرت بحوالي إسبوعين،،كان عيد ميلاد واحده صاحبتها،،كنت يومها سهران ف الكافيه اللي فيه العيد ميلاد وببص حوليا لاقيتها واقفه،،لما عيني جت ف عنيها حسيت بكهربا لمست ف جسمي كله ♡

ثم أكملَ بهيام٠٠٠٠عيونها حلوة أوي يا ياسين،،عيونها سحرتني وشدتني لدنيا عمري ما عرفتها غير معاها،،عيون مليكة ♡ 

نزلت كلماته كصاعقة كهربائيه علي قلبه تمالك من حاله وتحدث٠٠٠وهي بتحبك ؟؟ 

أجابهٌ بعيون عاشقه٠٠٠٠ما بتنامش غير لما تسمع صوتي،،وجودي بقا بالنسبالها الحياه ♡

ثم أكملَ٠٠٠٠٠كنت مستنيك ترجع علشان أحكيلك،،عاوزك تبقي معايا وأنا بكلم عمي عليها،،

أكملَ رائف٠٠٠٠بعد شهرين أخوها هييجي من السفر و ونروح نخطبها ،،بقيت بحلم باليوم إللي تكون فيه ملكي يا ياسين،،أخوك داب وعشق ولا حدش سمي عليه ♡ 

تمالك حالة ووقفَ وأمسك يده وسحبهٌ داخل أحضانه وربتَ علي ظهرةِ بحنان قائلاَ ٠٠٠٠مبروك يا حبيبي، ،مبروك يا غالي !!! 

_____________________________

في اليوم التالي علي التوالي ضغطت منال علي ياسين وعز حسب الإتفاق مع شقيقها وذهبوا جميعاً إلي منزل أحمد !! 

تحدث ياسين بحده ٠٠٠٠أنا لسه عند طلبي يا خالي ،،شرطي للرجوع إنها تلبس الحجاب ومفيش نوادي وسهر برة البيت تاني،،وتقعد ف البيت زيها زي أي أم طبيعيه وتهتم ببنتها !!!